Date: 29 JANUARY 2018

Time uploaded in London- 5-47 am

COMPILED by S NAGARAJAN

Post No. 4674

Pictures shown here are taken from various sources such as Facebook friends, Books, Google and newspapers; thanks. Pictures may not be related to the story. They are only representational.

SHARE IT WITH AUTHOR’S AND BLOG’S NAME; DON’T DELETE IT; PICTURES ARE NOT OURS. BEWARE OF COPYRIGHT LAWS.

பாரதி போற்றி ஆயிரம் – 39

  பாடல்கள் 222 முதல் 231

கவிதை இயற்றியோர்: பல்வேறு கவிஞர்கள்

தொகுப்பு : ச.நாகராஜன்

கவிஞர் தமிழழகன் பாடல்கள்

கோகிலக் கவிஞன்!

தெய்வத் தமிழினில் செய்வதே பாட்டெனச்

      சிந்தை உயர்த்திடுவான் – அதைக்

கைவரும் மாகலை காட்டி நமையும்

      கனவில் பெயர்த்திடு வான்

ஞாலம் வியந்திடக் காலம் கடந்தும் மெய்ஞ்

        ஞான ரதம் விடுவான்; – அதன்

மூலம்  புதுயுகச் சீலம் நமக்குற

         மோன பதம் நடுவான்!

நாட்டொரு மைக்கெனக் கூட்டழைப் பிட்டு

        நவயுகம் காட்டிடு வான்; – இசைப்

பாட்டும் பனுவலும் பாரதத் தாயின்

        பணிக்குமே சூட்டிடுவான்!

எத்தொழிலையும் இகழ்ச்சி இல் லாமல்

      இயற்றுக முன்னம் என்பான்; – தவ

உத்தமர் தாம் அவர் உண்மைத்தெய் வங்களாகி

      ஓங்குக பின்னும் என்பான்!

பெண்அடி மையினை எண்ணிடும் மூடர் தம்

        பேச்சினைத் தூற்றுமென்பான்; – அவர்

மண்ணடி மை யற மாதா பராசக்தி

        மாறிய தோற்ற மென்பான்!

சாதிகள் ஏதென்றும் சண்டை ஏ தென்றும்

       சகோதர வாதிடுவான்; – யார்க்கும்

நீதிகள் சொல்வதில் நிச்சயம் மாறாத

       நேர்மையும் ஓதிடு வான்!

புல்லிலும் வைரப் புதுப்படை வாங்கி முன்

       போருக் கெனத் திமிர்வான்; – நெடு

வில்லிலும் வாளிலும் வெல்படை  வாணி

       விஜய னொடும் நிமிர்வான்!

பழமை உரத்தின் செழுமையி லே வேர்ப்

       பலாவின் புதுமை செய்வான்; – அவை

முழுமையும் பின்னர்ப் பழமையாய் மாற

       முனையும் விதமும் சொல்வான்!

தனி என வாழும் மனிதனுக் கும்சமு

       தாயத்தின் பங்கை இட்டான்; – அதற்(கு)

இனி ஓர் விதி செய்வம் என்றுமுன் கூறி

       இதயமும் நன்கு தொட்டான்!

பாரதி இவ்வரும் பண்புறு நாட்டின்

      பரவசக் கோகிலமாம்! – அவன்

பேர் எதி லும் நிற்கப் பேணுவோர் வாழ்வெலாம்

      பின்பும் குதூகலமாம்!

தமிழழகன்: சந்தக்கவிமணி என்ற பட்டம் பெற்றுள்ள இவர் ஏராளமான கவிதைகளைப் புனைந்துள்ளார். பாரதிதாசன் விருது பெற்றுள்ளார்.

தொகுப்பாளர் குறிப்பு: 7-12-1975 தினமணி சுடர் இதழில் வெளியாகியுள்ள கவிதை.

நன்றி: கவிஞர் தமிழழகன்; நன்றி: தினமணி சுடர்

***

Date: 28 JANUARY 2018

Time uploaded in London- 6-07 am

COMPILED by S NAGARAJAN

Post No. 4670

Pictures shown here are taken from various sources such as Facebook friends, Books, Google and newspapers; thanks. Pictures may not be related to the story. They are only representational.

SHARE IT WITH AUTHOR’S AND BLOG’S NAME; DON’T DELETE IT; PICTURES ARE NOT OURS. BEWARE OF COPYRIGHT LAWS.

பாரதி போற்றி ஆயிரம் – 38

  பாடல்கள் 218 முதல் 221

கவிதை இயற்றியோர்: பல்வேறு கவிஞர்கள்

தொகுப்பு : ச.நாகராஜன்

சங்கு சுப்பிரமணியன், மதிவண்ணன், ஆர்.பி.சாரதி பாடல்கள்

இலக்கியத் தலைவன் பாரதியார்

கம்பனைப் பெற்ற நாட்டில்

  கவிமணம் ஓயு நாளில

வம்பரின் மந்தை தன்னில்

  வளர்த்திட தேச பக்தி

உம்பர் மா உலகதாக

  உயர்த்திடத் தமிழகத்தை

அம்புவி வந்த வீ ர!

  அருங்கவி பாரதியார்!

சங்கு சுப்பிரமணியன்: பாரதியைப் பெரிதும் போற்றி பாரதியின் பாடல்களைப் பரப்பியவர். தேசபக்தர். சங்கு கணேசன் நடத்தி வந்த சுதந்திரச் சங்கு பத்திரிகையில் உடன் இருந்தவர்.

தொகுப்பாளர் குறிப்பு: இந்தப் பாடல் இலக்கியத் தலைவன் பாரதியார் என்ற கட்டுரையின் முடிவில் வரும் பாடல். இது சுதந்திரச் சங்கு 9-9-1931 தேதியிட்ட இதழில் வெளியானது.

இதை குமரிமலர் பத்திரிகையில் திரு ஏ.கே.செட்டியார் பாரதியைப் பற்றிய பழைய இதழ்களில் வந்த கட்டுரைகளை வெளியிடும் போது மீண்டும் வெளியிட்டார்.

நன்றி: குமரி மலர்.

பாரதி

மதிவண்ணன்

வான்வியப்பு! தீத்தெறிப்பு! நீர்ச்சிலிர்ப்பு!                  மலர் வனப்பு! இவையனைத்தும் ஒன்றாய்ச் சேர்ந்த           தேன் படைப்பு பாரதியின் பாடல்! நாட்டின்                சிறுமை கண்டு பொங்கி வந்த அவரின் பாட்டால்   கூன்படைத்து பள்ளத்தில் வீழ்ந்தி ருந்த                குருடர்களும் எழுச்சியுற்று விழியைப் பெற்றார்!                நான் படைத்த பாட்டெல்லாம் அன்னை நாட்டின்             நலம் பாட வந்ததென்றார் பாரதியார்                       இலக்கியத்தில் இருள்படிந்த நேரம் வந்த                இளங்கதிர் தான் பாரதியார்! வெற்றுச் செய்யுள்             கலக்கி வந்த காலத்தில் அமுதைப் பாட்டில்         கலந்தளித்தார்! குயில் பாட்டும் கண்ணன் பாட்டும்  பலமுறையும் படித்தாலும் இன்பம் ஊட்டும்!           பாஞ்சாலி சபதத்துள் வீ ரம் பொங்கும்!                  நிலை வாயில் பாரதியார், பணிந்து சென்றால்           நிச்சயமாய் இலக்கியத்தின் இல்லம் காண்போம்!

மதிவண்ணன்: கவிஞரைப் பற்றிய விவரங்கள் தேவை.

தொகுப்பாளர் குறிப்பு: 7-12-1975 தினமணி சுடர் இதழில் வெளியாகியுள்ள கவிதை.

நன்றி: கவிஞர் மதிவாணன் நன்றி: தினமணி சுடர்

ஒரு கவிஞனின் வணக்கம்!

மதிவண்ணன்

சொற்பதங்கள் அனைத்துக்கும் பொற்பதங்களைத் தந்தே அற்புதமாய் நடக்கவைத்த விற்பனனே! பாரதியே!       ஊமைக்கு நீயோ உயிர்நாக்கு போன்றவன் தான்          தீமைக்கு என்றாலோ தீ நாக்காய் எழுந்தவன் நீ!      வானத்தைச் சொற்களினால் வளைத்துப் பிடித்தவன் நீ! மோனத்திலும் கவிதை மோகனத்தைக் கண்டவன் நீ!      நெஞ்சப் பூக்களுக்கு நிறக் கவர்ச்சி தந்தவன் நீ!       வஞ்சத்தை மாய்க்கின்ற வாளை எடுத்தவன் நீ!          தேனில் நனைத்தெடுத்த தீயின் சொல் தொடுத்து        வானில் கால் பதித்த மண்ணில் விதைத்தவன் நீ!        சமுதாயச் செவிகட்குச் சரியான நேரத்தில்             அமுதாய கவிகளை அறிவித்த பாவலனே!            மண்ணுக்குப் பாடியவோர் மாகவிஞ! என்மேல் உன்                                   கண்பார்வை வேண்டும்! கவிஞன் வணங்குகிறேன்!

மதிவண்ணன்: கவிஞரைப் பற்றிய விவரங்கள் தேவை.

தொகுப்பாளர் குறிப்பு: 12-12-1982 தினமணி சுடர் இதழில் வெளியாகியுள்ள கட்டுரை.

நன்றி: கவிஞர் மதிவாணன் நன்றி: தினமணி சுடர்

பாரதிச் சுடர்

ஆர்.பி.சாரதி

தமிழெனும் சோலையில்                           தனிமலர் பூத்தது                                     தங்க மலரடியோ!

தங்கம் உருகித்                                      தேனாய்ப் பாய்ந்தது                                   தெய்வக் கற்பனையோ!

கமழுங் கற்பனை                                    கவினிதழ் விரித்தது                                கவிதை அமிழ்தடியோ

அமிழ்தில் குழைந்து                                    அனலிற் கனன்றது                                அற்புதம் பாரடியோ!

பார்மிசை யெங்கணும்                             பேரொளி பாய்ந்தது                                 பாரதிச் சுடரடியோ!

ஆர்.பி.சாரதி: கவிஞரைப் பற்றிய விவரங்கள் தேவை.

தொகுப்பாளர் குறிப்பு: 7-12-1975 தினமணி சுடர் இதழில் வெளியாகியுள்ள கட்டுரை.

நன்றி: ஆர்.பி.சாரதி நன்றி: தினமணி சுடர்

***

Date: 25 JANUARY 2018

Time uploaded in London- 5-48 am

Written  by S NAGARAJAN

Post No. 4658

Pictures shown here are taken from various sources such as Facebook friends, Books, Google and newspapers; thanks. Pictures may not be related to the story. They are only representational.

SHARE IT WITH AUTHOR’S AND BLOG’S NAME; DON’T DELETE IT; PICTURES ARE NOT OURS. BEWARE OF COPYRIGHT LAWS.

  பாடல்கள் 206 முதல் 213

கவிதை இயற்றியோர்: பல்வேறு கவிஞர்கள்

தொகுப்பு : ச.நாகராஜன்

பண்டித ஜனாப் K.அப்துல் சுகூர் (1933) பாடல்கள்

பாரதியார் பா மணம் (தொடர்ச்சி)

தேனிருக்குது தினையிருக்குது தென்பழனியிலே என்ற மெட்டு

9) சேவை முறைகள் சேர்ந்திருக்குது

        தேசப் பாடலிலே

   பாவையர் சுதந் தரமிலங்குது

        பாரதி பாட்டுளே

10) விடுதலையெனும் வீ ணையொலிக்குது

வித்தகப் பாடலிலே

படுபவத் தொழில் பறந்திரியுது

பாரதி பாட்டுளே

11. அச்சமென்ற சொலகன்றிருக்குது

அன்புப் பாடலிலே

பச்சமென்ற சொல்பரவி நிற்குது

பாரதி பாட்டுளே

12) கொஞ்சுங்காதல் திறந்தொனிக்குது

குயிலின் பாடலிலே

பஞ்சமோடிட வழியிருக்குது

பாரதி பாட்டுளே

13) அடிமையென்ற சொலகன்றிருக்குது

அமுதப் பாடலிலே

படிதலென்ற சொற்பழுதுபட்டது

பாரதி பாட்டுளே

14) முத்தமிழெனும் வெற்றிமுழங்குது

முரசுப் பாடலிலே
பத்தழகுகள் பரவிநிற்குது

பாரதி பாட்டுளே

15) அண்டத்தை வெல்லும்

ஆண்மைதங்குது அழகுப்பாடலிலே

பண்டைத்தமிழர் வீ றிலங்குது

பாரதி பாட்டுளே

16) பாரதியென்றிட சக்திஜெனிக்குது

பாப்பாப் பாடலிலே

“பாரதி”மாளிகை  தன்னிலுலாவுது

பாரதி பாடல்களிலே

                               (கவிதை முற்றும்)

– “பாரதி”     – மாதப் பத்திரிகை

உத்தம பாளையம்  1933 ஆகஸ்டு

கவிஞர் குறிப்பு : தெரியவில்லை

தொகுப்பாளர் குறிப்பு : மகாகவி பாரதியார் பற்றிய பல அரிய விஷயங்களை மிகவும் சிரமப்பட்டு சேகரித்து தனது இதழான குமரி மலர் பத்திரிகையில் வெளியிட்டு வந்தார் திரு ஏ.கே.செட்டியார் அவர்கள். 1974ஆம் ஆண்டு இதழ்களைப் பார்த்தால் பல சிறப்பான செய்திகளை அறியலாம். அவற்றுள் ஒன்று இந்தப் பாடல்.

நன்றி: என்றென்றும் எம் நினைவில் இருக்கும் – திரு ஏ.கே.செட்டியார்; குமரி மலர்

***

Date: 20 JANUARY 2018

Time uploaded in London- 6-31 am

Compiled  by S NAGARAJAN

Post No. 4637

Pictures shown here are taken from various sources such as Facebook friends, Books, Google and newspapers; thanks. Pictures may not be related to the story. They are only representational.

பாரதி போற்றி ஆயிரம் – 31

  பாடல்கள் 174 முதல் 179

கவிதை இயற்றியோர்: பல்வேறு கவிஞர்கள்

தொகுப்பு : ச.நாகராஜன்

கண்ணதாசன் பாடல்கள்

 பாரதியும் பாரதிதாசனும்

களைமண்டிக் கிடந்த கனித்தமிழ் மொழியைக்

களைநீக்கி வடித்த கவிஞன் பாரதி!

களைநீக்கித் தந்த கழனியிற் பலவாய்

கனிக்காடு கண்டவர் பாரதிதாசன்!

இருள்சூழ்ந் திருந்த இவ்வைய முழுதும்

எழக்கதி ரான இளைஞன் பாரதி!

எழுந்த கதிர்முன் மானிடச் சாதிக்கு

இரத்தம் ஊட்டினர் பாரதி தாசன்!

ஆதி பத்திய வேரறுக் குந்திறன்

ஆக்கித் தந்த வல்லவன் பாரதி!

அந்த வேரை அறுத்தபின் மறுவேர்

அண்டாது காத்தவர் பாரதி தாசன்!

நிலைகுலைந் திருந்த நெஞ்சினைத் தூக்கி

‘நில்’லெனச் சொன்ன வல்லோன் பாரதி!

நிற்க வைத்த நெஞ்சினைத் தட்டி

நிலைக்க வைத்தவர் பாரதி தாசன்!

“எங்கள் நாடுஎங்கள் மொழி”யென

இயம்புந் திறனைத் தந்தவன் பாரதி!

இயம்ப மறுத்து ஏளனம் செய்தோர்

எலும்பை முறித்தவர் பாரதி தாசன்!

முன்னவர் சொன்ன பண்பா டனைத்தும்

முறையாய்த் தந்த மூத்தவன் பாரதி!

முறையாய்த் தந்ததை வகைவகை யாக்கி

முளைக்க விட்டவர் பாரதி தாசன்!

செந்தமிழ் மலரின் தேனுண்ண வாசலைத்

திறந்து விட்ட தலைவன் பாரதி!

திறந்த வாசலின் வழிப்புறம் மாடுகள்

செல்லாது காத்தவர் பாரதி தாசன்!

வகுத்தவன் முன்னோன்; காத்தவன் பின்னோன்!

வாழும் தமிழன் காவலர் இவர்கள்!

(வேறு)

பாருக்குள் ளேசம தர்மமும் – ஒன்றிப்

      பற்றுஞ்ச கோதரத் தன்மையும் – சொல்லி

யாருக்கும் தீமைசெய் யாமலே – என்றும்

      அன்பு கொளுந்திறந் தந்தவன் முன்னோன்!

“உண்மையின் பேர்தெய்ம் என்போம் – அன்றி 

       ஓதிடும் தெய்வங்கள் பொய்யெனக் கண்டோம்

உண்மைகள் வேதங்கள் என்போம் – பிறி(து)

      உள்ளமறைகள் கதையெனக் கண்டோம்!

“கடலினைத் தாவும் குரங்கும் – வெங்

       கனலிற் பிறந்ததோர் செவ்விதழ்ப் பெண்ணும்

வடமலை தாழ்ந்தத னாலே – தெற்கில்

      வந்து சமன்செயும் குட்டை முனியும்

“நதியினுள் ளேமுழு கிப்போய் – அங்கு

       நாகர் உலகிலோர் பாம்பின் மகளை

விதியுறவே மணம் செய்த – திறல்

       வீமனும் கற்பனை” என்றவன் முன்னோன்!

அன்னவன் கைகளிற் பட்டால் – பிள்ளை

       அழுதகண் ணீரிலும் உதிரங் கொதிக்கும்

கன்னியர் நன்னெறி வீழ – மறம்

       காட்டு பவர்க்கவன் காட்டு விலங்காம்!

                         (நீண்ட கவிதை தொடரும்)

கவிஞர் கண்ணதாசன்: கவிஞரைப் பற்றிய குறிப்பு ஏற்கனவே தரப்பட்டுள்ளது.

குறிப்பு : இந்தப் பகுதிக்கு பாரதி பற்றி எழுதப்பட்ட பாடல்களை ஸ்கேன் செய்தோ, போட்டோ எடுத்தோ அனுப்பி உதவலாம். கவிஞரின் பெயர், அவரைப் பற்றிய 50 வார்த்தைகளுக்கு மிகாமல் உள்ள குறிப்பு, பாடல் வெளியிடப்பட்ட இதழ் அல்லது நூல் பற்றிய குறிப்பு ஆகியவற்றையும் அனுப்ப வேண்டுகிறோம். 

***