WRITTEN BY S NAGARAJAN

Date: 30 October 2018

Time uploaded in London – 7-24 AM (British Summer Time)

Post No. 5604

Pictures shown here are taken from various sources including google, Wikipedia, Facebook friends and newspapers. This is a non- commercial blog.

சபரிமலை தரிசனம் : கம்யூனிஸ்டுகளின் அக்ரமம்!

ச.நாகராஜன்

1

சொந்தத்தில் சூன்யம் வைத்துக் கொள்வது என்று ஒரு பழமொழி உண்டு.

கம்யூனிஸ்டுகளுக்கு இந்தப் பழமொழி சபரிமலை தரிசன விஷயத்தில் நூற்றுக்கு நூறு பொருந்துகிறது.

சூன்யத்தைத் தானே வைத்துக் கொண்டு விட்டார்கள்.

தெய்வ சாபம் மற்றும் தேச சாபம் அவர்களை விடாது.

விளைவை சீக்கிரத்தில் அனுபவித்தே ஆக வேண்டும்.

விளைவு தேர்தல் முடிவின் ரூபத்தில் வந்து சேரும்.

கம்யூனிஸ்டுகளின் அக்ரமம் சபரிமலை சாஸ்தாவிந் அருளினால் ஒரு முடிவுக்கு வந்தே தீரும்!

சொந்த நாட்டிலேயே அழிந்து விட்ட கம்யூனிஸம் இந்தியாவில் இழுத்துக் கொண்டு இருக்கிறது.

சுவாசம் சீக்கிரம் நின்று விட அவர்களே வழியைத் தேடிக் கொண்டு விட்டார்கள்.

சுவாமியே சரணம் ஐயப்பா!

2

ஜனநாயகம் என்றால் என்ன அர்த்தம்? எந்தக் கடையனும் சமூகத்திற்கு எதிராக எதை வேண்டுமானாலும் சொல்லலாம் என்று அர்த்தமா?

ஊடக தர்மம் என்றால் என்ன அர்த்தம்?

120 கோடி இந்தியர்,நாட்டுக்குச் சொந்தமானவர்கள் வாழ்கையில், அதில் ஓரிரு தேச துரோகிகள்  சொல்வதை தினமும் ஒரு மணி நேரம் ஒளி பரப்பி அதை ஒட்டு மொத்த நாட்டின் கருத்தாகச் சித்தரிக்க முற்படுவது தான் ஊடக தர்மமா?

நீதி மன்ற நியாயம் என்றால் என்ன அர்த்தம்?

120 கோடி மக்களுக்கும் ஒரே நீதி ஒரே நியாயம் ஒரே சட்டம் என்பதல்லாமல் ஹிந்துக்களுக்கு மட்டும் தனியாக ஒரு சட்டம், இதர மதங்களுக்கு இதே இந்தியாவில் ஒரு தனிச் சட்டம் என்பதா நீதி மன்ற நியாயம்?

ஹிந்துக்களுக்கான நாட்டில் ஹிந்துக்களை மட்டும் பாதிக்கும் விதத்தில் சட்டம் இருப்பது நியாயமாகுமா?

எண்ணிப் பார்த்து இதில் உள்ள குறைகளைக் களைய வேண்டிய தருணம் வந்து விட்டது, இல்லையா?!

3

செகுலரிஸம் என்றால் ஹிந்து விரோதம் என்று அர்த்தமா?

அப்படித்தான் கடந்த 70 ஆண்டு கால பாரத வரலாறு கூறுகிறது.

ஒரு கிறிஸ்தவ தேவாலயத்தில் ஒரு பெண் பாதிரியாராக இருக்க முடியாது.

பெண்ணியவாதிகளில் எந்த ஒரு பெண்ணாவது இதை எதிர்த்துக் குரல் கொடுத்திருக்கிறாரா?

ஊடகத்தில் இது பற்றிய எந்த ஒரு விவாதமாவது இடம் பெற்றிருக்கிறதா?

இஸ்லாமியரின் மசூதிகளில் பெண்களை அனுமதிப்பதுண்டா?

பெண்ணியவாதிகளில் எந்த ஒரு பெண்ணாவது இதை எதிர்த்துக் குரல் கொடுத்திருக்கிறாரா?

ஊடகத்தில் இது பற்றிய எந்த ஒரு விவாதமாவது இடம் பெற்றிருக்கிறதா?

இஸ்லாமியரின் மத சம்பந்தமான பணத்தை இதர வழிகளில் செலவழிக்க அரசால் முடியுமா? அதை வஃப் போர்ட் அல்லவா தீர்மானிக்கிறது!

கிறிஸ்தவரின் மத சம்பந்தமான பணத்தை இதர வழிகளில் செலவழிக்க அரசால் முடியுமா? அதை வடிகன் காட்டும் வழியில் இநதிய கிறிஸ்தவ தலைமைப் பீடம் அல்லவா தீர்மானிக்கிறது!

ஆனால் ஹிந்து கோவில்களின் பணமோ அரசு சொல்லும் வழியில் பணத்தை ஹிந்து கோவில்களுக்கான ஆக்கபூர்வமான வழியில் அல்லாமல் எதற்கு வேண்டுமானாலும் செலவழிக்கப்படுகிறது.

நீதி மன்றங்கள் இஸ்லாமியர் பற்றியோ அல்லது கிறிஸ்தவர் பற்றியோ எந்த ஒரு வழக்கையும் மத ரீதியாக சுயேச்சையாக விசாரித்துத் தீர்ப்பு சொல்ல முடியாது.

அதாவது செகுலரிஸம் என்பது ஹிந்து விரோதம் – ஹிந்து விரோதம் மட்டுமே – என்பது உறுதியாகிறது!

4

பாரம்பரிய பழக்கம் என்பது ஹிந்து  மதத்தில் ஒரு முக்கியமான அங்கம்.

சபரி மலை, திருப்பதி, மதுரை மீனாட்சியம்மன் கோவில் உள்ளிட்ட ஆயிரக்கணக்கான ஆலயங்களில் ஆங்காங்கு வழி வழியாகக் கடைப்பிடிக்கப்பட்டு வரும் சம்பிரதாயங்கள், சடங்குகள், திருவிழாக்கள் அப்படியே கடைப்பிடிக்கப்பட வேண்டும் என்பதில் யாருக்கு என்ன சங்கடம், தெரியவில்லை.

அதிக வருமானம் வரும் ஒரு கோவிலின் அதிகப்படியான பணத்தை, வருமானம் அவ்வளவாக இல்லாத கோவிலுக்கு அல்லவா கொடுக்க வேண்டும்?

அதை விடுத்து நலத் திட்டங்கள் என்ற பெயரால் நினைத்தபடி செலவழிக்க அரசுக்கு என்ன உரிமை?

இதற்கான ஆலய வாரியம் ஒன்றல்லவா சுயேச்சையாக செயல்படும் விதத்தில் அமைக்கப்பட வேண்டும்?

கம்யூனிஸ்டுகள், நாத்திகக் கும்பலான திராவிட இயக்க ஆதிக்கத்திலிருந்து கோவில்கள் விடுபட இதுவல்லவா வழி?

சபரிமலையில் கம்யூனிஸ்டு பெண்களையும், இஸ்லாமிய பெண்களையும் மாறு வேடத்தில் – குறிப்பாக 10 முதல் 50 வயதுக்குள்ளவராக இருப்பவரைத் தேர்ந்தெடுத்து – வலிய அனுப்ப முற்படுவது நியாயமா?

ஹிந்துக்களும் யோக்கியமான கிறிஸ்தவர்களும், இஸ்லாமியர்களும் இது பற்றித் தீவிரமாக யோசிக்க வேண்டும்.

உரிய முறையில் ஹிந்துக்களுக்கான அடிப்படை உரிமைகளை – அதிகப்படியான உரிமைகளை அல்ல – அடிப்படை உரிமைகளை வழங்க மத்திய அரசு முன்வர வேண்டும்; அதற்குரிய சட்டங்களை இயற்ற வேண்டும்!

இதற்கு ஹிந்துக்கள் ஒரே குரலாக ஓங்கிக் குரல் கொடுக்க வேண்டும்.

இதை இயக்கபூர்வமான வழியில் செய்ய வேண்டுமெனில், ஆர் எஸ் எஸ் ஒன்றே தான் வழி!

நான்ய பந்தா வித்யதேயனாய!

இதை விட வேறு வழி ஒன்றுமில்லை!

***

WRITTEN BY S NAGARAJAN

Date: 29 October 2018

Time uploaded in London – 6-13 AM (British Summer Time)

Post No. 5601

Pictures shown here are taken from various sources including google, Wikipedia, Facebook friends and newspapers. This is a non- commercial blog.

ஹிந்து மதம் பற்றி டேவிட் ஃப்ராலி (வாமதேவ சாஸ்திரி)

ச.நாகராஜன்

1

வாமதேவ சாஸ்திரி எனப்படும் அமெரிக்கரான டேவிட் ஃப்ராலி (பிறப்பு :21-9-1950) ஹிந்து மதத்தின் சிறப்பியல்புகளைத் தொடர்ந்து தனது நூல்களாலும் சொற்பொழிவுகளாலும் விளக்கி வருபவர்.

சுமார் 30 நூல்களை எழுதியவர். நியூ மெக்ஸிகோவில் அமெரிக்கன் இன்ஸ்டிடியூட் ஆஃ வேதிக் ஸ்டடீஸ் நிறுவனத்தை நிறுவியவர். யோகா, ஆயுர்வேதம், ஜோதிடம் ஆகியவற்றில் நிபுணர். Hinduism Today இதழில் அவரது கட்டுரைகள் அவ்வப்பொழுது இடம் பெற்று வருகின்றன.

அவரது மனைவி யோகினி சாம்பவி சோப்ராவும் அவருக்கு உறுதுணையாக அவரது பணிகளில் இணைந்து செயல்பட்டு வருகிறார்.

இந்திய அரசால் 2015ஆம் ஆண்டு பத்ம பூஷண் பட்டம் கொடுக்கப்பட்டு அவர் கௌரவிக்கப்பட்டார்.

2

அவர் How I became a Hindu – ஹௌ ஐ பிகேம் எ ஹிந்து – என்ற அருமையான நூலை எழுதியுள்ளார்.

எப்படி கிறிஸ்துவோ அல்லது கிறிஸ்தவ மதமோ தனது ஆன்மீகத் தேடலுக்கு உகந்த தீர்வைத் தரவில்லை என்பதையும், எப்படி இஸ்லாமும் தனக்கு திருப்தி அளிக்கவில்லை என்பதையும் அவர் தெள்ளத் தெளிவாக இந்த நூலில் குறிப்பிடுகிறார்.

ஹிந்து மதத்தின் தொன்மையையும், வேதத்தின் சிறப்பையும் ஆய்ந்து உணர்ந்த அவர் தன் வாழ்க்கையை அதைப் பரப்புவதிலேயே அர்ப்பணிக்க முன் வந்தார்.

319பக்கங்கள் கொண்ட இந்த நூல் பல கோணங்களில் ஹிந்து மதத்தை ஆராய்கிறது.

ஹிந்து என்ற வார்த்தையைப் பற்றி நூலின் இறுதி அத்தியாயத்தில் அவர் விளக்குகிறார்.

1) இந்தியா என்பது சிந்து ஸ்தானம்

2) உண்மை ஒன்றே; அதை அறிஞர்கள் பலவாறாகச் சொல்கின்றனர் (ஏகம் சத்; விப்ரா: பஹுதா வதந்தி)

3) வேதம் அற்றது என்று சொல்லிக் கொள்ளும் தர்மம் உட்பட அனைத்து தர்மங்களையும் வேத பாரம்பரியம் ஒருங்கிணைக்கும் அடிப்படையைக் கொண்டது.

4) இந்தியாவிற்கும் அப்பால் உள்ள, பிரபஞ்ச லயத்துடன் இணைந்து வாழ விரும்பும், அனைத்துப் பண்பாடுகளையும் அது ஏற்கிறது. அனைத்து உயிரினங்களையும் அது மதிக்கிறது.

5) ஆக இப்படிப்பட்ட ஹிந்து மதம் இந்தியாவின் மதம் மட்டுமல்ல; பிரபஞ்சம் முழுமைக்குமான உண்மையை எல்லாவிடங்களிலும் உள்ள மனிதர்களுக்கு, காலம், இடம், ஆகியவற்றிற்கு பொருத்தமான தேவைகளுக்கென ஏற்ற ஒன்று.

6) ஹிந்து தர்மம் மானவ தர்மம். மனித வாழ்வின் அனைத்து அம்சங்களையும் உள்ளடக்கியது. மனிதருக்கு தேவைப்படும் ஆரோக்யம், சந்தோஷம், படைப்பாற்றல் திறத்ன் மற்றும் முக்தி ஆகியவற்றைக் காட்டும் மதம் அது.

7) அதன் ஆசிர்வாதம் உலகில் உள்ள அனைவருக்கும் கிடைக்குமாக!

3

இறுதி அத்தியாயத்தின் மூலத்தை அப்படியே கீழே வழங்குகிறோம்:

THE MEANING OF THE TERM HINDU

In the Vedic age the land of India was called Sapta Sindhu, the land of the seven rivers. The same name appears in the Zend Avesta, the holy book of

the ancient Persians, as Hapta Hindu, with the Sanskrit ‘s’ replaced with an ‘h’, a sound shift that occurs in various Indian dialects as well. The

Greeks called the land India or Indika, which also derives from the term Sindhu, removing the initial sound altogether. So clearly Sindhu or Hindu was a name for India going back to very ancient times.

India was Sindhu Sthana, the land of the rivers or Sapta Sindhu Sthana, the land of the seven rivers.

Sindhu has three meanings in Sanskrit. It means a particular river now called the Indus, a river in general, or the ocean. Clearly Sindhu in the land of

Sapta Sindhu refers to river in general and not simply to the Indus as a particular stream only.

It meant India as a great land of many rivers. The main river in Vedic India was the Saraswati and in later times became the Ganges. So Sindhu Sthana is also Saraswati Sthana and later Ganga Sthana, not

simply the region of the Indus.

Dharma, Sindhu Dharma or Hinduism is the name of the culture and religions of this great and diverse subcontinent. Hinduism as Sindhu Dharma

has three meanings following the meanings of Sindhu.

1) It is the river religion (Sindhu Dharma). It flows and develops like a river. Not limited by an historical revelation, Hinduism continues to grow

and develop through time without losing track of its origins in the eternal.

2) It is a religion of many rivers, a pluralistic

tradition that accepts the existence of many paths,

many sages and many holy books and is always

open to more.

3) Sindhu means the ocean. Hinduism is a religion like the ocean that can accept all streams without overflowing. This is also the meaning of Hinduism as Sanatana Dharma or the universal tradition.

Sindhu became Hindu not only among the Persians but also in some dialects in India, particularly in the West of the country. By the twelfth century in the Prithviraj Raso by the poet Chand Baradai, probably the oldest work in the

Hindi language, we already find the term Hindu proudly used in India for the religion and people of the region.

Since Hinduism as Sindhu Dharma refers to all the religions and philosophies of India, it naturally includes Buddhist, Jain and other Indic traditions.

In this regard Hinduism is not limited to the Vedic tradition and accepts both Vedic and non-Vedic streams.

On the other hand, the Vedic tradition itself is pluralistic and is not limited to existing Vedic paths. It is based on the great Vedic statement,

“That which is the One Truth, the sages speak in many ways (ekam sad vipra bahudha vadanti).”

The Vedic tradition, therefore, has the basis to integrate all the dharmas of India including those that regard themselves as non-vedic.

Yet beyond India, Hinduism can accept all cultures that seek to live in harmony with the universe and respect all creatures. Such a definition would make

Hinduism a religion not merely of India but a way of organically adapting the universal truth to the needs of time, place and person everywhere.

Hindu Dharma is a human or Manava Dharma, encompassing all aspects of human life. It shows what all human beings require for health,

happiness, creativity and liberation. May its blessings come to all!

***

நன்றி : டேவிட் ஃப்ராலி – How I became a Hindu

WRITTEN BY S NAGARAJAN

Date: 27 October 2018

Time uploaded in London – 5-43 AM (British Summer Time)

Post No. 5595

Pictures shown here are taken from various sources including google, Wikipedia, Facebook friends and newspapers. This is a non- commercial blog.

டைரக்டர் திரு கே.பாக்யராஜ் அவர்களை ஆசிரியராகக் கொண்டு வெளிவரும் வார இதழ் பாக்யா. அதில் 26-10-2018 தேதியிட்ட இதழில் அறிவியல் துளிகள் தொடரில் வெளியாகியுள்ள (எட்டாம் ஆண்டு முப்பத்தி நான்காம்) கட்டுரை  

தங்க புத்தர்!

ச.நாகராஜன்

அறிவியலுக்கும் புத்த மதத்திற்கும் நெருங்கிய தொடர்பு ஏற்பட்டு நாளுக்கு நாள் அது வலுப்பட்டு வருகிறது. இதற்கு முக்கியமான காரணம், ‘எதையும் நீயே ஆராய்ந்து பார்த்து, கண்டுபிடித்து ஒப்புக்கொள்’ என்ற புத்தரின் உபதேசம் தான்! அறிவியலும் இதையே தானே சொல்கிறது!!

அத்துடன் கூட இப்போதுள்ள தலாய்லாமா பிரபல விஞ்ஞானிகளை தனது தர்மஸ்தலாவிற்கு வரவழைத்து அறிவியலும் புத்த மதக் கொள்கைகளும் இணைவதற்கான பாலமாக இலங்குகிறார். அவரது அறிவுரைப்படி நிறைய லாமாக்களும், புத்த பிக்ஷுக்களும் அமெரிக்காவில் உள்ள தலை சிறந்த பரிசோதனை மையங்களுக்குச் சென்று தன்னார்வத்துடன் தியானம் உள்ளிட்ட பல வித சோதனைகளுக்கும் உள்ளாகின்றனர்; வியக்கவைக்கும் உண்மைகளை வெளியுலகிற்கு அளிக்கின்றனர்.

புத்த மதத்தை இப்போது “மனம் பற்றிய அறிவியல்” (Science of Mind) என்று கூறத் தொடங்கியுள்ளனர். நீல்ஸ் போர், ஓப்பன்ஹீமர், ஐன்ஸ்டீன் உள்ளிட்ட பிரபல விஞ்ஞானிகள் புத்த மதக் கொள்கைகளை தங்கள் ஆய்வு உரைகளில் ஒப்பிட்டுக் கூறியுள்ளனர்.

புத்த மதத்திற்கும் தங்கத்திற்கும் கூட நிறைய தொடர்பு உண்டு; புத்தமதத்தைப் பொறுத்த வரை தங்கம் சூரியனுடன் இணைக்கப்படும் அரிய ஒரு உலோகம். தீ ஜுவாலை அல்லது அறிவு அல்லது விழிப்பு ஆகியவற்றுடன் தங்கம் தொடர்பு படுத்தப்படுகிறது. அறிவு, ஞானம், தூய்மை, சந்தோஷம், சுதந்திரம் ஆகிய அனைத்துமே தங்கத்தினால் குறிப்பிடப்படுகிறது.

அறிவியலும் கூட சூரியனையும் தங்கத்தையும் அவற்றின் பல அரிய சிறப்புக்களுக்காக ஆராய்கிறது; வியப்பூட்டும் உண்மைகளை விளக்குகிறது.

புத்த மதம் அறிவுறுத்தும் அஷ்ட மங்கலம் எனப்படும் எட்டுப் பொருள்களான ஜோடி மீன்கள் இரண்டு, தங்கத் தாமரை, எட்டு ஆரங்கள் கொண்ட தர்ம சக்கரம் உள்ளிட்ட அனைத்தும் தங்கத்தால் செய்யப்படுபவையே. சந்தோஷத்தையும் ஆரோக்கியத்தையும் நல்கும், சிரிக்கும் புத்தர் – லாஃபிங் புத்தா – சிலைகளில் பொதுவாக தங்கப் பூச்சு பூசப்படுகிறது.

உலகெங்கும் ஏராளமான இடங்களில் புத்தரின் சிலைகள் கல்லில் செதுக்கப்பட்டுள்ளன; ஆனால் அதை விட கூடுதலான் அளவில் புத்தரின் திருவுருவம் தங்கத்தில் வார்த்து எடுக்கப்பட்டுள்ளது. திபத்தில் உள்ள சிலைகள் அனைத்தும் பத்தரைமாத்து தங்கத்தால் பூசப்பட்டுள்ளன. தாய்லாந்தில் பாங்காக்கில் உள்ள வாட் ட்ரைமிட் ஆலயத்தில் உள்ள தங்க புத்தர் முழுவதும் தங்கத்தால் ஆனது. இதன் எடை மலைக்க வைக்கும் 5.5 டன்கள்! இதன் உயரம் 3.91 மீட்டர்.அகலம் 3.01 மீட்டர். உலகின் மிகப் பெரிய தங்க புத்தர் சிலை இது தான்!

பண்டைக் காலத்தில் அயுத்தயா என்னும் இடம்  சிதிலமடைய அங்கு இந்த சிலை யாரும் கவனிப்பாரின்றி கிடந்தது. பாங்காக் புதிய தலைநகரமாக ஆக்கப்படவே அப்போதிருந்த அரசன் பழைய சிலைகளை புதிய இடத்தில் நிறுவுமாறு கட்டளையிட்டான். சிலைகள் நகர்ந்தன. தங்க புத்தரும் பாங்காக்கில் வாட் சோடாநரம் என்ற இடத்தில் ஒரு ஆலயத்தின் ஓரத்தில் வைக்கப்பட்டது. அந்த ஆலயமும் இடியும் நிலைக்கு வரவே சிலை வாட் ட்ரைமட் ஆலயத்திற்கு வந்தது. அங்கு இடமே இல்லாததால் தகரத்தைக் கூரையாகக் கொண்ட ஒரு கொட்டகையில் வைக்கப்பட்டது. புது கட்டிடம் ஒன்று கட்டப்படவே 1954ஆம் ஆண்டு சிலையை அங்கு கொண்டு போவதற்காக சிலையை எடுத்தனர். அப்போது சிலை சிறிது சேதமடைந்தது. சாதாரணமாக இது ஒரு துரதிர்ஷ்டமாகக் கருதப்படும். ஆனால் அதுவே ஒரு நல்ல அதிர்ஷ்டத்தின் அறிகுறியாக அமைந்தது. தங்க புத்தர் தானே வெளிப்பட்டார்.

சிலையில் சிறிது தங்கம் தென்படவே ஜாக்கிரதையாக மேல் பூச்சைப் பிரித்தனர். உள்ளே அற்புதமான தங்க மய புத்தர் தரிசனம் தந்தார்.

அதை முறைப்படி ஆராயவே அதன் மதிப்பு உலகிற்குத் தெரிய வந்தது. இப்போது உலகின் மிகப் பெரிய தங்கச் சிலையாக பாங்காக்கில் இருந்து பக்தர்களுக்கு அருள் பாலித்து வருகிறார் தங்க புத்தர்!

அறிவியல் அறிஞர்களின் பார்வை புத்த மதத்தின் பக்கம் இப்போது திரும்பவே, தங்க புத்தரின் சிலையை தரிசிக்க சாமான்யர்களுடன் விஞ்ஞானிகளும் வருகின்றனர்.

பாங்காக்கில் தங்க பிரேமில் மஞ்சள் வண்ணத்தில் பல புத்தரின் படங்களை ஆங்காங்கே வீடுகளிலும், ஹோட்டல்களிலும், பார்க்கலாம். அத்துடன் அங்குள்ள பெரிய கட்டிடங்கள் கூட தங்கம் மற்றும் மஞ்சள் வண்ணக்கலவையிலான உட்புற அலங்காரங்களைக் கொண்டிருப்பதைக் காணலாம். அறிவியலும் ஆன்மீகமும் தங்கம் மூலம் இணையும் ஒரு தலமாக பாங்காக் வாட் ட்ரைமின் ஆலயத் தலம் திகழ்கிறது!

அறிவியல் அறிஞர் வாழ்வில் .. ..

பிரபல விஞ்ஞானி தாமஸ் ஆல்வா எடிஸன் வாழ்வில் நடந்த நிகழ்ச்சி வாழ்க்கையை அணுக வேண்டிய முறையைக் கற்றுக் கொடுக்கும் நிகழ்ச்சியாக அமைகிறது. அவருக்கு 67 வயது ஆகி விட்ட நிலையில் ஒரு நாள் மாலையில் அவர் தனது லாபரட்டரியிலிருந்து வீடு திரும்பினார். இரவு சாப்பாடு முடிந்த போது ஒரு ஆள் ஓடி வந்து ஒரு அவசரத் தகவலைச் சொன்னான். சில மைல்கள் தள்ளி இருந்த எடிஸனின் ஆய்வு மற்றும் உற்பத்தி கம்பெனி தீப்பிடித்து எரிந்து கொண்டிருக்கிறது என்பது தான் அந்த மோசமான அவசரத் தகவல்.

அவர் மிக அமைதியாக தனது மகனை நோக்கிக் கூறினார் : “போ,போ! சீக்கிரம் உன் அம்மாவையும் அவளது தோழிகளையும் அழைத்து வா. இப்படிப்பட்ட தீப்பிடிக்கும் காட்சியை அவர்கள் பார்த்திருக்க மாட்டார்கள்.” ஒரு குழந்தையின் குதூகலத்துடன் இதைக் கூறிய எடிஸன், “நீ கவலைப்படாதே! தேவையில்லாத எல்லாக் குப்பையும் ஒரு வழியாக ஒழிந்து போயிருக்கும்” என்றார்.

ஒரு கெட்டதில் நல்லதைப் பார்க்கும் உடன்மறை எண்ணம் கொண்ட எடிஸன் வாழ்வில் மோசமான நிகழ்ச்சி எப்போது  நடந்த போதும், “சரி போ! அப்படி நடந்தால் நடந்து விட்டுப் போகட்டும்” என்ற தைரியத்துடனேயே இருந்தார்

மனம் உடைந்து போகாத நிலையில் அவர் மறுநாள் பத்திரிகையாளரிடம், தான் திரும்பித் தொழிலை ஆரம்பிக்க முடியாத அளவுக்கு மிகவும் வயதான ஒருவன் அல்ல என்று கூறினார். “இது போல எத்தனையோ நிகழ்வுகளைப் பார்த்து விட்டேன். சலிப்பும் சோர்வும் மனிதனை அணுகாதபடிக்கு வைக்கும் நிகழ்வுகள் இவை” என்றார்.

முற்றிலும் அழிந்து போன தொழிலகம் மூன்றே வாரங்களில்  பழையபடி இயங்கத் துவங்கியது. நான்காம் வாரத்திலிருந்து பழையபடி இரண்டு ஷிப்ட் வேலை துவங்கியது. புதிய தயாரிப்புகளை உலகிற்கு வழங்க ஆரம்பித்தது. அன்றைய மதிப்பில் தீப்பிடித்ததால் நஷ்டம் பத்து லட்சம் டாலர்கள்! (இன்றைய மதிப்பில் 230 லட்சம் டாலர்கள்!) எடிஸன் தன் உழைப்பினாலும் தைரியத்தினாலும் அந்த வருடமே அன்றைய மதிப்பில் நூறு லட்சம் டாலர் வருமானத்தை ஈட்டிக் காட்டினார். மனித வரலாற்றில் வெகு சில பேர்களே இப்படிப்பட்ட மோசமான நிகழ்வுகளை துணிவுடன் எதிர்கொண்டு அதையும் மீறி நல்ல முன்னேற்றத்தை அடைந்து காண்பித்திருக்கிறார்கள். தைரியமும் உழைப்புமே உயர்வுக்கான வழி!

WRITTEN BY S NAGARAJAN

Date: 26 October 2018

Time uploaded in London – 6-41 AM (British Summer Time)

Post No. 5592

Pictures shown here are taken from various sources including google, Wikipedia, Facebook friends and newspapers. This is a non- commercial blog.

திருநீலகண்டம் அருளப்பெற்ற திருக்கொடி மாடச் செங்குன்றூர்!

ச.நாகராஜன்

சீர்காழியில் அவதரித்து, தேவாரம் அருளிய திருஞானசம்பந்தர் பல்வேறு ஊர்களுக்கும் சென்று தேவாரப் பதிகங்களைப் பாடி அருளி வந்தார்.

ஒரு சமயம் காவேரிக்குத் தென்கரையிலுள்ள ஆலயங்களைத் தரிசித்து வருகையில் கொங்கு நாட்டில் அமைந்துள்ள திருச்செங்கோடு திருத்தலத்திற்கு வந்து சேர்ந்தார். திருச்செங்கோடு என்று நாம் அழைக்கும் ஊர் திருக்கொடி மாடச் செங்குன்றூர் என அக்காலத்தில் அழைக்கப்பட்ட ஊராகும். அர்த்தநாரீஸ்வரரைத் தரிசித்துப் பின்னர் பொன்னி நதிக்கு மேற்புறம் உள்ள திருநண்ணா முதலிய தலங்களைத் தரிசித்துப் பின்னர் மீண்டும் திருச்செங்கோட்டிற்கு எழுந்தருளினார்.

அப்போது குளிர்காலம்.கடும் பனியால் அனைவரும் வருந்திக் கொண்டிருந்தனர். பலநாள் அங்கு அவர் பக்தர் குழாமுடன் வசித்து வருகையில் குளிர் ஜுரம் கண்டு அடியார்கள் பலரும் வாடினர்.

அதைக் கண்ட அருளாளர் திருஞானசம்பந்தர் ‘அவ்வினைக் கிவ்வினை’ எனத் தொடங்கும் பதிகத்தைப் பாடி அருளினார். குளிர் ஜூரம் அடியர்களைத் தீண்டக் கூடாது என்று ஆணையிட்டுப் பாடினார்.

அவ்வளவு தான், குளிர் ஜுரம் உடனே அடியார்களை விட்டு அகன்றது. அதுமட்டுமல்ல, அந்த நாட்டில் பலரையும் வருத்தி வந்த அந்த நளிர் ஜுரம் நாட்டை விட்டே அகன்றது.

இந்தப் பதிகம் திருநீலகண்டம் என்ற சிறப்புப் பெயரால் அழைக்கப்படுகிறது.

இன்றும் இதை விபூதி இட்டு ஓதுவாரை ஜுரம் பீடிக்காது என்பது அனுபவப் பழக்கமாகும்.

திருஞானசம்பந்தர் அருளிய திருநீலகண்டம் வருமாறு:-

1.116 திரு நீலகண்டப் பதிகம்  

பண் – வியாழக்குறிஞ்சி

திருச்சிற்றம்பலம்

(இது திருக்கொடிமாடச் செங்குன்றூரில் அடியார்களுக்குக்
கண்ட சுரப்பிணிநீங்க வோதியருளியது.) முதலாம் திருமுறை

இப்படிப்பட்ட புகழ் வாய்ந்த திருக்கொடி மாடச் செங்குன்றூர் உள்ள மண்டலம் கொங்கு மண்டலமே என்று கொங்குமண்டலச் சதகத்தின் 48ஆம் பாடல் கொங்கு மண்டலத்தைப் போற்றிப் புகழ்கிறது.

பாடல் வருமாறு:-

திருக்கூட்டத் தாரையுஞ் சேர்ந்த நளிர்சுரந் தீரவன்பின்         பெருக்காக “வவ்வினைக் கிவ்வினை யாமெனப்” பீடுபெறத்   திருக்காழிப் பிள்ளையார் நற்றமிழ் பாடவத் தேயமுற்றும்     வருத்தாதந் நோயின்னும் நீங்கிய துங்கொங்கு மண்டலமே

இப்பாடலின் திரண்ட பொருள் : – சீர்காழிப் பிள்ளையாராகிய திருஞானசம்பந்த  மூர்த்தி நாயனார்  திருச்செங்கோடு என வழங்கும் திருக்கொடி மாடச் செங்குன்றூருக்குத் திருக்கூட்டத்தாருடன் எழுந்தருளியிருந்த சமயம் அவ்வடியார்களை நளிர் ஜுரம் தீண்டவே. “அவ்வினைக் கிவ்வினையாம்” என்ற பாடலைத் தொடக்கமாகக் கொண்டு பதிகம் அருளவே அவ்வூர் மட்டுமன்றி அந்நாடு முழுவதும் அந்நோய் தீர்ந்தது. அப்படி ஓதப்பெற்ற தலத்தைக் கொண்டது கொங்கு மண்டலமே.

தென்னாடுடைய சிவனே போற்றி!

எந்நாட்டவருக்கும் இறைவா போற்றி!

***

Research Article Written by London Swaminathan
swami_48@yahoo.com
Date: 25 October 2018

Time uploaded in London – 7-54 am

(British Summer Time)

Post No. 5587

Pictures shown here are taken from various sources including google, Wikipedia, Facebook friends and newspapers. This is a non- commercial blog

மநு நீதி நூல் – பகுதி 31

முதல் நான்கு அத்தியாயங்களை முடித்துவிட்டோம்; ஐந்தாவது அத்தியாயத்தின் முதல் 55 ஸ்லோகங்களை ஆராய்வோம்.

பிராஹ்மணர்கள் வெளிநாட்டுக்குப் போகக்கூடாது என்று மநு சொன்னதை முன்னர் எழுதினேன். பெண்கள் வெளிநாட்டுக்குப் போகக்கூடாது என்று தொல்காப்பியர் கட்டளை இட்டதையும் சொன்னேன். இப்பொழுது பிராஹ்மணர்கள் வெங்காயம், உள்ளிப் பூண்டு  (வெள்ளைப் பூண்டு), மஷ்ரூம் mushroom எனப்படும் காளான் ஆகியவற்றை சாப்பிடக்கூடாது (5-5, 5-19). சிலவகை மீன், மாமிசம் ஆகியவற்றை கடவுளுக்குப் படைத்தோ நீத்தாருக்குப் படைத்தோ உண்ணலாம் என்கிறார்.

வெங்காயம், பூண்டு சாப்பிடுபவன் ஜாதிப்ப்ரஷ்டம் ஆனவன் (தள்ளி வைக்கப்பட்டவன்) என்கிறார் 5-19

தப்பித் தவறி சாப்பிட்டுவிட்டால் கடுமையான விரதங்கள் நோன்புகளை அனுஷ்டிக்கக் கட்டளை இடுகிறார் (5-21, 5-20)

நோன்பு விவரங்களை 11 ஆவது அத்தியாயத்தில் தருவேன்.

இந்தப் பீடிகையுடன் நான் ‘மானவ தர்ம சாஸ்திர’த்தின் ஐந்தாவது அத்தியாயத்தைத் தொடங்குவதற்குக் காரணம் என்ன?

இப்போதுள்ள மநு தர்ம சாஸ்திரத்தில் பல முரண்பாடுகள் உள்ளன. அந்த முரண்பாடுகளுக்குக் காரணம் அவ்வப்போது நிகழ்ந்த இடைச் சொருகல்கள் ஆகும்.

இன்னொரு விஷயத்தையும்  நினைவிற் கொள்ள வேண்டும் ; சட்டம் என்பது காலத்துக்கு காலம் மாறு படும்; இடத்துக்கு இடம் வேறு படும். அமெரிக்காவில் இன்றும் சில மாநிலங்களில் மரண தண்டனை உண்டு இன்னும் சில மாநிலங்களில் கிடையாது. இந்தியாவில் சில மாநிலங்களில் மதுவிலக்கு உண்டு. அங்கு பாட்டிலுடன் நின்றால் குற்றம்!

இனி ஐந்தாம் அத்தியாயத்தின் முக்கிய அம்சங்களைக் காண்போம்:

மநு நீதியை முழுதும் படிப்போர் அவருடைய அறிவாற்றலைப் புகழ்வர்; இடைச் செருகல்களைக் கண்டு கொள்வர். 40, 50 ஸ்  லோகங்களில் “சூத்ராள்” பற்றிச் சொன்னதைக் கூப்பாடு போட்டு அவரைத் திட்டத் தேவை இல்லை. ஏனெனில் “பிராஹ்மணாள்”களே அவரைப் பின்பற்றியதாகத் தெரியவில்லை.

இதே அத்தியாயத்தில் பிராஹ்மணர்கள் மாமிசம் சாப்பிடலாம்; அகஸ்தியரும் இதைச் செய்தார் என்று ஒரு வரி வருகிறது. இது ஒரு நல்ல ஜோக்/ joke தமாஷ்.5-22

அகஸ்தியர் கதையில் அவர் வாதாபி,என்ற அரக்கனை, அவன் சஹோதரன் இலவலன் கறியாகச்   சமைத்துப் போட்டு, ஏ வாதாபியே வெளியே வா- என்று கட்டளை இட்டான். அவரோ தவ வலிமையால் ‘வாதாபி ஜீர்ணோ பவ’ என்று சொன்னவுடன் அவன் அகஸ்தியர் வயிற்றுக்குள் ஜீரணமாகி விடுகிறான் இதை மாமிசம் சாப்பிடும் பிராமணர்கள் செய்ய முடியாது. ஆகையால் அங்கு அகஸ்தியரின் பெயரை மநு வம்புக்கு இழுத்திருக்க மாட்டார். அது மட்டுமல்ல,2000 ஆண்டுகளுக்கு முன்னர் கடல் கடந்து பாண்டிய மன்னன் ஸ்ரீமாறனை அழைத்துச் சென்று வியட்நாமில் (சம்பா தேசம்) ஒரு அரசு அமைத்தார். அந்த அரசு தென் கிழக்காசிய நாடுகள் அனைத்திலும், துலுக்கர்கள் நுழைவதற்கு முன், 1500 ஆண்டுகளுக்க் கொடி கட்டிப் பறந்தது. இதன் பொருள் என்ன? அகஸ்தியர், மநு சொன்ன கட்டளையை மீறி வெளிநாட்டுக்குப் போனார். இதைப் புராணங்கள் அகஸ்தியர் ‘கடலைக் குடித்தார்’ என்று சொல்லும்.

ஆகவே மாமிசம் சாப்பிட்ட கதை மநு எழுதியதல்ல. பிற்காலப் பிற்சேக்கை!

மச்சம், மாமிசம் சாப்பிடுவது பற்றி மநு ஸ்ம்ருதியில் பல குழப்பங்கள் இருக்கின்றன . ஏன்?

சுமார் 2000ஆண்டுகளுக்கு முன் உருவான 2500 சங்கத் தமிழ்ப் பாடல்களில் பிராஹ்மணர்களை மரக்கறி உணவு உண்ணும் ‘வெஜிட்டேரியன்’ vegetarians களாகவே காட்டியுள்ளனர். பிராஹ்மணர் வீட்டுக்குப் போனால்  அந்தப் பெண்மணி உனக்கு என்ன உணவு தருவாள் என்று ஆற்றுப்படை நூலில் இருக்கிறது. அந்த மெனு menu வில், எல்லாம் வெஜிட்டேரியன்!!! பிராஹ்மணர் தெருவுக்குள் நாயோ கோழியோ- போக முடியாது- அவ்வளவு சுத்தமான இடம் அக்ரஹாரம் என்றும் தமிழ் இலக்கியம் விதந்து ஓதுகிறது.

இங்கே காட்டப்படும் மநுவின் 55 ஸ்லோகங்களை திருவள்ளுவர் தமிழ் வேதத்தில்– திருக்குறளில்- ‘புலால் மறுத்தல்’, ‘கொல்லாமை’ ஆகிய இரண்டு அதிகாரங்களில் மொழி பெயர்த்துள்ளார். ஆக ஒரிஜினல் மநு , திருவள்ளுவர் காட்டும் மநுவே. ஏனையன பிற்காலத்தில் புகுத்தப்பட்டவையே.

ஆனால் திவஸத்திலும், யாகங்களிலும் மாமிசம் சேர்க்கலாம் என்ற மநுவின் கட்டளைக்கு ஆதாரங்கள் இல்லாமலும் இல்லை. வங்காளி, அஸ்ஸாமி பிராஹ்மணர்கள் மீன்களை ‘ஜல வாழைக்காய்’ போல எண்ணி சாப்பிடுவதை உலகம் அறியும். தர்மம் என்பது கால, தேச,வர்த்தமானங்களை (சூழ்நிலை) அனுசரித்ததே என்று மநு ஆரம்பத்திலேயே சொல்லிவிட்டார். இன்றும் கூட நமது பார்லிமெண்டுகளும் சட்ட சபைகளும் பழைய சட்டங்களுக்குத் திருத்தம் கொண்டு வருவதும் புதுச் சட்டங்களியற்றுவதும் மநு சொன்ன ‘பார்முலா’ formula தான்.

Goldsmith 

த்விஜன் யார்?

‘கழுதை தேய்ந்து கட்ட எறும்பு ஆனதைப் போல’, இப்போது த்ரிகால சந்தியா வந்தனம், அக்னி ஹோத்ரம், தினமும் பஞ்ச மஹா யக்ஞம் செய்யும் பிராஹ்மணர்களைப் பார்ப்பது அரிதிலும் அரிது. ஆக த்விஜன் என்பது ஆதிகாலத்தில் முதல் மூன்று ஜாதிகளைக் குறித்திருக்க வேண்டும். க்ஷத்ரியர்கள் மாமிஸம் சாப்பிடுவதில் வியப்பில்லை. ராமன் திவஸத்துக்கு மிருகங்களைக் கொண்டு வந்ததாக வால்மீகி ராமாயணம் செப்பும். அசோக மாமன்னன் கூட முழுக்க ‘வெஜிட்டேரியன்’ ஆகாமல் அரண்மனையில் வெட்டப்படும் மிருகங்களின் எண்ணிக்கையைக் குறைக்கத்தான் சொன்னான். அறவே நிறுத்த உத்தரவிடவில்லை என்பதை அவனது சாஸனங்கள் காட்டும். ஆக “த்விஜன்” என்று மநு சொல்லுவது பிராஹ்மணர்களை மட்டும் அல்ல. பிராஹ்மண, க்ஷத்ரிய, வைஸ்யர்களையும் தான் என்று பொருள் கொண்டால் தவறில்லை.  இப்போதும்கூட செட்டியார், ஆசாரி ஆகிய ஜாதிகள் பூணூல் போடுவதைப் பார்க்கிறோம். பூணூல் போட்ட பின் இரண்டாவது பிறப்பு; அதாவது இருபிறப்பாளன்/ த்விஜன்.

காளிதாசன் படைப்பிலும்கூட ஒரு பிராஹ்மண விதூஷகனைக் கிண்டல் செய்யும்போது அசைவம் பற்றி வருகிறது. சங்கப் பாடலில் புலன் அழுக்கற்ற அந்தணாளன் என்று புலவர் பலரும் போற்றிய மஹா பிராஹ்மணன் கபிலன், மாமிஸ உணவு  பற்றிப் பாடியதை வைத்து சிலர் கதைத்தனர். ஆயினும் அவை எல்லாம் பசையற்ற வாதமாகக் கரைந்து ஓடிவிட்டது.

2000 ஆண்டு இலக்கியம் காட்டும் பிராஹ்மனணர்கள்- மரக்கறி உண்ட ‘வெஜிட்டேரியன்’களே.

மிருகங்களை அடித்துக் கொன்று சாப்பிடுவோருக்கு என்ன என்ன நேரிடும் என்று மநு சொல்லுவதையும் ஒப்பிட்டுப்  பார்த்தால் இது தெள்ளிதின் விளங்கும்.5-51,5-45, 5-38 ETC.

டார்வின் கொள்கை!

வலுவற்ற மிருகங்கள் வீழ்ந்து அழியும்; வலியோரே வாழ்வர் SURVIVAL OF THE FITTEST என்று டார்வின் சொன்னார். மநுவும் துணிச்சல் மிக்கோருக்கு கோழைகளுணவு COWARDS ARE THE FOOD OF THE BRAVE ஆகி விடுவர் என்று மநுவும் சொல்லும் அரிய கருத்து ஒப்புநோக்கத தக்கது.5-29

பிராஹ்மணர்களுக்கும் சாவு உண்டா?

அத்தியாய ஆரம்பத்தில் மநு கூட்டிய மஹாநாட்டுக்கு வந்தவர்கள் ஒரு வினா எழுப்ப அதற்கு மநு கொடுத்த பதில் சிந்தி   க்கத் தூண்டுவது. மஹா புனிதமான வேதங்களை ஓதும் பிராஹ்மணர்களுக்கு மரணம் வருகிறதே! அது எப்படி சாத்தியம்? என்று சிலர் வியக்க மநு 4 காரணங்களை முன் வைக்கிறார். அதில் ஒன்று தவறான உணவு! இங்கே சாவு என்பதைவிட அவர்களும் கூட ‘இளம் வயதில் இறப்பது எப்படி’ என்று பொருள் கொள்க.5-4

மநுவின் சொல்லாடல் திறன்!

‘மாம்ஸ’ம் என்ற சொல்லை மநு விவரிக்கும் பாங்கு அழகாக இருக்கிறது. என்னை உண்பவன் ஆக நான் மாறிவிடுகிறேன் ( மாம்+ சஹ ). இப்போது நீங்கள் மாட்டை உண்டால் அடுத்த ஜன்மத்தில் மாடு மனிதன் ஆகும்; நீங்கள் மாடு ஆவீர்கள். அந்த மனிதன் உங்களை உண்பான் (மாம்+ சஹ= என்னை + அவன்); என்னை அவன் உண்டான் ; நான் அவனை உண்ணுவேன்.5-55

சின்னக் குழந்தைகளுக்குக் கூட இது தெரியும்; எறும்பு முதலிய ஜந்துக்களைக் குழந்தைகள் துன்புறுத்தினால் தாய்மார்கள் எச்சரிப்பர். அடுத்த பிறவியில் ‘நீ எறும்பாக, அது நீ ஆகி’ உன்னை துன்புறுத்தும் என்பர். மறு பிறப்புக்கொள்கை சங்க தமிழ் பாடல்களிலும் திருக்குறளிலும் மலிந்து கிடக்கிறது

இறுதியாக மற்ற ஒன்றையும் காட்ட விழைகிறேன். மநு சொல்லும் மிருகம், மீன் வகை பற்றியே அதிக சம்சயங்கள் உண்டு. அவரோ வெள்ளப் பெருக்கெடுத்து ஓடும் ஸரஸ்வதி நதி பற்றிக் கட கதைக்கிறார். இப்படி அவர் சொன்ன மீன் வகைகள் பற்றியே ஐயப்பாடுகள் எழுவதற்குக் காரணம் அவர் மிக, மிக, மிக முற்காலத்தவர். மநு சொன்ன ஸுமுகன் என்ற மன்னன் பற்றி சுமேரியாவில் மட்டுமே காண முடிகிறது. இந்திய வரலாற்றில் அப்படி ஒரு மன்னன் பெயர் இல்லை என்று பாஷ்யக்காரர்கள் அனைவரும் பகர்வர். முன்னரே எழுதிவிட்டேன்;

மாமிசத்துக்குப் பதிலாக மாவில் அதே போல உருவம் செய்வது 5-37ல் சொல்லப்பட்டுள்ளது. யாககங்களில் இப்படி உருவ பொம்மைகளே போடப்பட்டன.மிருகங்கள் பலி இடப்படவில்லை என்போர் இதை ஆதாரமாகக் காட்டுவர். ஆதிகால மிருக பலி காலப்போகில் மாவு உருவ பலியாக மாறியது போலும்!

ஸ்லோகம் 5-46, 5-47 இந்த இரண்டு பாடல்களில் கொல்லான் புலாலை மறுத்தானை எல்லா உயிரும் தொழும் என்றும் அவன் நினைத்ததெல்லாம் நடக்கும் என்றும் சொல்கிறார்.

ஆகையால் ஆய்ந்து அவிந்து அடங்கிய கொள்கைச் சான்றோர், ‘ஒரிஜினல்’ மநுவை, போலி மநுவில் இருந்து பிரித்து எடுத்து, காய்தல் உவத்தலின்றி, சமன் செய்து சீர்தூக்கும் கோல் போல, அவரை எடை போடுவதே முறை.

ஐந்தாம் அத்தியாயம் முதல் 55 ஸ்லோகங்கள்

வாழ்க மநு- வளர்க ‘ஒரிஜினல்’ மநு நீதி!