WRITTEN BY LONDON SWAMINATHAN

Post No.7835

Date uploaded in London – 16 April 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

சித்தர்கள் என்போர் யார்?

முதலில் இதை புரிந்து கொள்ள சம்ஸ்கிருதம் தெரிந்திருக்க  வேண்டும்.

சித்தி அடைந்தவர்கள் சித்தர்கள்.

அது என்ன சித்தி?

அஷ்டமா சித்திகள். அதாவது எட்டுவகை அதிசய சக்திகள்.

அணுவாகவும் மாறலாம். மலைபோல எடை கூடலாம். கூடு விட்டு கூடும் பாயலாம்.

இவை எப்படி கிடைக்கும்?

பிராணாயாமம் எனப்படும் மூச்சுப் பயிற்சி யோக முறைகள் மூலம் கிடைக்கும்.

இது தவிர வேறு சக்திகள் உண்டா ?

அவர்கள் ‘காயகல்பம்’ செய்து நீண்ட காலம் வாழும் முறையைக் கண்டுபிடித்தனர். மூலிகைகளின்

அபூர்வ குணங்களைக் கண்டுபிடித்து அகஸ்தியர், போகர் முதலிய பெயர்களில் மருத்துவ நுல்களைப் படைத்தனர்.

ரசவாதம் செய்து இரும்பு, ஈயம் முதலிய சாதாரண உலோகங்களை தங்கமாக மாற்றினர்.

இவைகளை எதற்காக செய்தனர்?

சமுதாயத்துக்கு உதவ, சீடர்களைக் கவர, அற்புத சக்திகளை பயன்படுத்தினர்

அவர்களின் நோக்கம்தான் என்ன?

இறைவனை, குறிப்பாக சிவபெருமானை அடைந்து முக்தி பெறவேண்டும்.

மண், பெண், பொன் ஆகிய மூன்றும் சிற்றின்பமே தரும். அவைகளை மறந்து பேரின்பம் பெறுவதே குறிக்கோள்.

இதை எப்படிச் சொல்ல முடியும்?

அவர்கள் விட்டுச் சென்ற பாடல்களால் அறிகிறோம். அவர்கள் உட்கார்ந்து நூல்கள் என்று எதுவும் எழுதி அரங்கேற்றவில்லை. அவர்களுடைய சீடர்கள் பிற்காலத்தில் இவைகளை எழுதினார்கள் .

அவர்களின் வாழ்க்கை வரலாறு  கிடைக்குமா?

பெரிய புராணத்தை சேக்கிழார் பெருமான் உட்கார்ந்து எழுதியதால் 63 நாயன்மார்கள் சரிதமும் திருவாதவூர்ப் புராணம் முதலியவற்றால் மாணிக்க வாசகர் சரிதத்தையும் நாம் அறிய முடிகிறது. தேவாரம், திருவாசகம் அதற்கு உறுதுணையாக நிற்கிறது. ஆனால்  சித்தர் வரலாறுகள் அப்படி முறையாக எழுதப்படவில்லை. தற்காலத்தில் சிலர் செவி வழிச் செய்திகளைப் புஸ்தகமாகப் போட்டுள்ளனர். சித்தர் பாடல்களையும் அச்சேற்றியுள்ளனர்

எவ்வளவு சித்தர்கள் இருந்தனர்?

18 சித்தர்களும் அவர்கள் சமாதி அடைந்த இடங்களும் அதன் அருகில் எழுந்த புகழ் பெற்ற கோவில்களையும் நாம் அறிவோம். ஆனால் நுற்றுக்கணக்கான சித்தர்கள் உளர். அதை அந்தந்த ஊர் மக்களே அறிவர். ‘தருமமிகு சென்னை’ என்று ராமலிங்க சுவாமிகளால் போற்றப்பட்ட சென்னையைச் சுற்றிலும் நூற்றுக்கும் மேலான சித்தர் சமாதிகள் இருக்கின்றன.

சித்தர்கள் எப்போது வாழ்ந்தனர்?

பொதுவாக பக்தி இலக்கிய காலம் முடியும் தருவாயில் , அதாவது  எட்டு, ஒன்பது நுற்றாண்டுகளுக்குப் பின்னரே இவர்கள் வாழ்ந்தனர்.

இவர்களுடைய பாடல்களின் சிறப்பு என்னவென்றால் பாமர மனிதனின் பேச்சுத் தமிழில் இவர்கள் பாடினர் . ஆயினும் யோகம், தியானம், குண்டலினி, சமாதி ஆகியன பற்றி அறிந்தவர்களே முழு அர்த்தத்தையும் உணர முடியும்.

இவர்களுக்கு முன்னர் வாழ்ந்த நால்வர் அடங்கிய நாயன்மார்களுக்கும் இவர்களுக்கும், வேறுபாடு உண்டா?

நிறையவே உண்டு. அப்பர், சுந்தரர், சம்பந்தர், மாணிக்கவாசகர், காரைக்கால் அம்மையார் ஆகியோர் கோவில்களையும், சடங்குகளையும், அவற்றைப் பற்றிய ஆகம நுலகளையும் மதித்தனர். சித்தர்களோவெனில் அவைகளை உடைத்தறிந்து பேசினர் ; பாடினர்.

மேலும் அவர்களைப் போல ஸ்னாநம் , பூஜை, புனஸ்காரம் என்ற கட்டு திட்டங்களில் இவர்கள் வாழவில்லை. தெருவிலுள்ள குப்பை கூலங்களில் உருண்டனர்.

பேச்சுத் தமிழில் பாடினார. ஆனால் நாயன்மார்கள் பாடியதோ செந்தமிழ்.

இவர்களில் பெரும்பாலோர் சிவனைப் பாடினாலும் நாதமுனிகள் போன்ற சில வைஷ்ணவப் பெரியார்களை யோகி என்றும் சித்தர் என்றும் குருபரம்பரை நூல்கள் பகர்கின்றன,

சைவர்கள் இவர்களை ஒதுக்கினார்களா?

ஆமாம். பல சைவ நூல்கள் இவர்களை பகிரங்கமாகவே சாடின. ஆயினும் திருமூலர், கருவூர் சித்தர், திருமாளிகைத் தேவர் போன்ற சில சித்தர்களின் பாடல்களை பன்னிரு திருமுறைகளில் ஏற்றிப்  போற்றுகின்றனர்.

இவர்களின் சிறப்புத் தன்மை என்ன?

ரிக்வேத ரிஷிகளைப் போல மறைபொருளில் பாடுவர் . வேதங்களை சங்க காலத் தமிழர்கள் நான்’மறை’ என்று போற்றினர். ‘மறை’பொருளில் இறைபொருள் பற்றிப் பாடியதால் இப்படி அழைத்தனர். அதாவது சொல்ல வரும் பொருளை நேரடியான மொழியில் சொல்லாமல் அடையாள சொற்களால், சங்கேதக் குறியீடுகளால் (Symbolic language, coded language) சொல்லுவார்கள்.

வேதகால ரிஷிகள்  நாங்கள் இப்படித்தான் படுவோம் என்று மந்திரங்களில் பகிரங்கமாகவே கூறியுள்ளனர். குறிப்பாக எண்களை — நம்பர்களை — அதிகம் பயன்படுத்துவர்.

அந்த ஒரு அம்சத்தைக் காட்டுவதே இக்கட்டுரையின் நோக்கம்.

சித்தர்கள் மூலிகைகளின் பெயர்களைக் கூட சங்கேத மொழியில் உரைத்தனர். கண்ட கண்ட தோழான் , துருத்தி எல்லாம் டாக்டர் என்று சொல்லிக்கொண்டு திரியக்கூடாது, ஈ னர்கள் எல்லோரும் காவி உடை போட்டுக்கொண்டு தத்துவம் பேசக்கூடாதென்பதற்காக இப்படிச் செய்தனர் போலும்.

திருமூலர், திருவள்ளுவர்  போன்றார் ‘ஐந்து அடக்கு’ என்றால் அவர்கள்  ஐம்புலன்களை குறிப்பிடுகின்றனர் என்று தெரியும். ஆனால் ஒரேயடியாக எண்களாகப் பாடினால், நமக்கு உரைகார ர்களின் பாஷ்யம் இல்லாவிடில் எதுவும் புரியாது .

ரிக்வேதம் போன்றவற்றுக்கு அர்த்தம் பார்க்கத் தேவையில்லை; அவைகளின் மந்திர சக்தியே பலன்தரும் என்ற பாரம்பர்ய நம்பிக்கை காரணமாக, சாயனர் போன்றோர் சுமார் 700 ஆண்டுகளுக்கு முன்னர் எழுதிய  உரையைக் கூட சங்கராச்சார்யார்கள் பயன்படுத்துவதில்லை.இதை அப்படியே ஆங்கிலத்தில் , பிரெஞ்சில்,ஜெர்மானிய மொழியில் மொழிபெயர்த்தோரும், இடையிடையே தங்களுடைய கருத்துக்களைப்  புகுத்தி  உளறிக்கொட்டி இருக்கின்றனர் .

வேதத்தில் உள்ள 30 குட்டி தெய்வங்களுக்கு (அஜ ஏக பாத, அபாம் ந பாத் , வ்ருஷாகபி) வெள்ளைக்காரர்கள் பத்துப் பதினைந்து வெவ்வேறு விளக்கங்களைக் கூறுவது நமக்கு நகைப்பை உண்டாக்கும்.

ரிக்வேதத்தில் முதல் மண்டலத்தில் உள்ள அந்தகக் கவிஞர் (blind poet)  தீர்க்க தமஸின் பாடல்கள் மிகவும் பேசப்படுகினறன. RV.1-164 பாடலில் இறைவன் ஒருவனே; அவனை அறிஞ ர்கள் பல பெயர்களால் அழைப்பர் என்ற வரிகள் வருவதால் எல்லோரும் மேற்கோள் காட்டுவர் . ஆயினும் அதிலுள்ள 52 மந்திரங்களுக்கும் பொருள் கூற முடிவதில்லை. சாயனர்கூ ட ‘புரியவில்லை’ என்று சில மந்திரங்களுக்கு உரை எழுதினார். அதில் முதல் மூண்று மந்திரங்களில் வரும் எண்களை சிவவாக்கியர் என்னும் சித்தர் பாடலுடன் ஒப்பிடுவோம்.

(18 சித்தர்களின் பட்டியல், அஷ்டமாசித்திகள் பட்டியல் பற்றித் தனியே கட்டுரைகளை முன்னரே இங்கு வெளியிட்டதால் அவைகளை இன்று விளக்கவில்லை)

xxxx

சிவவாக்கியரும்,  ரிக் வேதமும்

எட்டும் எட்டும் எட்டுமாய் ஓர்  ஏழும் ஏழும் ஏழுமாய்

எட்டும் மூன்றும் ஒன்றுமாகி நின்ற ஆதிதேவனே

எட்டும் ஆய பாதமோடு இறைஞ்சி நின்ற வண்ணமே

எட்டு எழுத்தும் ஓதுவார்கள் அல்லல் நீங்கி நிற்பரே — சிவவாக்கியர் பாடல்

இதிலுள்ள எண்களை யார் எப்படி வேண்டுமானாலும் வியாக்கியானம் செய்ய வாய்ப்புண்டு. மேலும் இதே பாடல் ஒரு சிறிது மாற்றத்தோடு திருமழிசை ஆழ்வார் பாசுரங்களில் வருவதால் இருவரும் ஒருவரா? சமயம் மாறினார்களா? என்ற சர்ச்சைகளும்  இருக்கின்றன.

சிவவாக்கியரும் ஆழ்வாரும் ஆறு, ஐந்து, பத்து முதலிய எண்களைக் கொண்டும் அடுத்தடுத்துப் பாடினார்.

இவர்களுக்கு எல்லாம் சில ஆயிரம் ஆண்டுகளுக்கு முன்னர் வாழ்ந்த  தீர்க்கதமஸும்,  ரிக் வேதத்தில் இப்படி பாடி இருக்கிறார்.

ரிக்.1-164-1 முதல் 1-164-3 வரை

“இந்த நன்மைதரும் புரோகிதன் சாம்பல் நிறத்தவனின் நடு  சகோதரன் எங்கும் பரவியுள்ளான் . மின்னல் போல ஒளி வீசுகிறான் . மூன்றாவது  சகோதரன்  நெய் முதுகு உடையவன். நான் இந்தச் சகோதரர்களிடையே ஏழு புதல்வர்களோடுள்ள தலைவனைக் காண்கிறேன்.

ஏழு பேரும் ஒரே சக்கரமுள்ள தேரை ஏந்துகிறார்கள். ஏழு பெயர்களைக் கொண்ட குதிரை அதை இழுக்கிறது. சக்கரத்துக்கு மூன்று நாபிகள் – இருசுகள் – உண்டு. சக்கரம் தேயாது, தளராது மக்கள் அனைவரும் அங்கே ஜீவிக்கிறார்கள்.

ஏழு சக்கரங்கள் கொண்டதும் , ஏழு குதிரைகளால் இழுக்கப்படுவதுமான இந்த தேரிலே ஏழு பேர் அமர்ந்திருக்கிறார்கள். இதன் முகப்பில் ஏழு சகோதரிகள் வருகிறார்கள். இதில் பசுக்களின் ஏழு நாமங்கள்/பெயர்கள் வைக்கப்பட்டிருக்கின்றன.”

இதன் பின்னர் வரும் 49 மந்திரங்களில் மேலும் 20 எண்களைப் பயன்படுத்துகிறார் . அதில் 1000,  720, 360 முதலிய எண்கள் அடக்கம் . எளிய தமிழில், நமது காலத்துக்கு நெருக்கமான காலத்தில், பாடிய சிவவாக்கியர்/ திருமழிசை ஆழ்வாரின் பாடலுக்குப் பொருள் காணவே நாம் திணறும் போது   சுமார் 6000  ஆண்டுகளுக்கு முன்னர் பாடிய பாடலுக்கு வெள்ளைத் தோலினர் சொல்லும் பொருளை நம்பலாமா ?

அஷ்டமா சித்திகள் | Tamil and Vedas

tamilandvedas.com › tag › அஷ்டமா-சித…

29 May 2018 – ஆருஷத் திருமணம் மூலம் பிறக்கும் குழந்தைகளின் முன், … திருமண வகைகள் | Tamil and Vedas · https://tamilandvedas.com › tag › திருமண-வக… 1. 9 Apr 2015 …

Missing: அஷ்டமாசித்திகள் ‎| Must include: அஷ்டமாசித்திகள்

சித்தர்கள் செய்த எட்டு வகை …

tamilandvedas.com › 2018/02/13 › சித்தர்க…

13 Feb 2018 – Date: 13 FEBRUARY 2018. Time uploaded in London- 8-43 am. Compiled by London swaminathan. Post No. 4738. PICTURES ARE TAKEN from various sources. WARNING: PLEASE SHARE MY ARTICLES; BUT DON’T …

Missing: அஷ்டமாசித்திகள் ‎| Must include: அஷ்டமாசித்திகள்

பதினெட்டு சித்தர் | Tamil and Vedas

tamilandvedas.com › tag › பதினெட்டு-ச…

Translate this page

6 Nov 2018 – தமிழ் சித்தர்கள் 18 பேர் என்று சொல்லுவர். ஆனால் அந்த பதினெட்டு பேர் யார் என்பதில் கொஞ்சம் கருத்து வேறுபாடு இருக்கும்.

‘பாரதி கண்ட சித்தர்கள்’ | Tamil and Vedas

tamilandvedas.com › tag › பாரதி-கண்ட-ச…

Translate this page

21 Aug 2018 – 1837ஆம் ஆண்டு மே மாதம் 27ஆம் தேதி வெள்ளிக்கிழமை சுவாமிகள் ஜீவ சமாதி எய்தினார். இன்றும் அவரது குருபூசை ஆண்டு …

Missing: பதினெட்டு ‎| Must include: பதினெட்டு

நெரூர் மஹான் சதாசிவ … – Tamil and Vedas

tamilandvedas.com › 2019/05/01 › நெரூர்-…

Translate this page

1 May 2019 – … swamiindology.blogspot.com AND tamilandvedas.com)) … சித்தர், சாங்கு சிவலிங்க சித்தர், சானு முனிவர், நெரூர் சதாசிவ பிரம்மேந்திரர் ஜீவ சமாதிகள்.

அற்புதங்கள் | Tamil and Vedas

tamilandvedas.com › tag › அற்புதங்கள்

Translate this page

((posted by swamiindology.blogspot.com AND tamilandvedas.com)) … சித்தர், சாங்கு சிவலிங்க சித்தர், சானு முனிவர், நெரூர் சதாசிவ பிரம்மேந்திரர் ஜீவ சமாதிகள். 8.

6 நாட்களில் 30 கோவில்கள்! | Tamil and Vedas

tamilandvedas.com › tag › 6-நாட்களில்-…

Translate this page

4 Apr 2019 – கருவூர் சித்தர், சாங்கு சிவலிங்க சித்தர், சானு முனிவர், நெரூர் சதாசிவ பிரம்மேந்திரர் ஜீவ சமாதிகள். 8.தேர்தல் (Election Inscription) …

tags –  சித்தர் பாடல்கள் , எண்கள்; ரிக் வேதம் 

–சுபம்-

WRITTEN BY S NAGARAJAN                     

Post No.7833

Date uploaded in London – – 16 April 2020

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

ஆல் இந்தியா ரேடியோ சென்னை வானொலி நிலையம் அலைவரிசை ‘A’யில் காலைமலர் நிகழ்ச்சியில் தினமும் காலை 6.55க்கு 1-3-2020 முதல் 10-3-2020 முடிய ஒலிபரப்பப்பட்ட பத்து சுற்றுப்புறச்சூழல் விழிப்புணர்வு உரைகளில்

ஒன்பதாவது உரை

(9-3-2020 அன்று ஒலிபரப்பானது)

உலகின் தட்பவெப்பநிலை மாற்றத்தால் ஏற்படும் விளைவுகள்!

உலகின் இன்றைய மாபெரும் அபாயமாக கருதபப்டுவது Climate change எனப்படும் தட்பவெப்பநிலை மாற்றமே. உலகின் வெப்பம் கூடிக் கொண்டே போவதால் ஒவ்வொரு தனி மனிதனும் பாதிப்புக்குள்ளாவது நிச்சயமாகிறது.

கடந்த நூற்றாண்டுகளில் 2016ஆம் ஆண்டு தான் மிக அதிகம் வெப்பம் உடைய ஆண்டாக இருப்பது தெரிய வருகிறது. மிக அதிகமான வெப்ப அலைகள் உலகெங்கும் வீச ஆரம்பித்து விட்டது. இது இன்னும் அதிகமாகிக் கொண்டே போகும் என்பது விஞ்ஞானிகளின் கணிப்பு.

கார்பன் டை ஆக்ஸைடு வளி மண்டலத்தில் அதிக அளவில் கலக்கும் போது அது போர்வை போல செயல்பட்டு  வெப்பம் வெளியே தப்பிச் செல்ல வழியில்லாது செய்து விடுகிறது. இதனால் உலகில் உஷ்ணநிலை கூடுதலாகி  பல்வேறு பயிர்களின் நாசத்தை ஏற்படுத்துகிறது; விலங்கினங்களையும் பறவையினங்களையும் அழிக்கிறது. இதே நிலை நீடித்தால் இந்த நூற்றாண்டின் இறுதியில் உஷ்ணநிலை மொத்தத்தில் 10 டிகிரி பாரன்ஹீட் அதிகமாகி விடும்.

அடுத்து Glacier எனப்படும் பனிப்பாறைகள் உருக ஆரம்பிக்கும். இதன் விளைவாக கடல் மட்டம் உயர ஆரம்பிக்கும். கடலோரப் பகுதிகள் அழிந்துவிடும். வெப்பமயமாதல் கட்டுப்படுத்தப்படவில்லை எனில் இந்த நூற்றாண்டின் இறுதியில் கடல் மட்டம் சுமார் 8 அடி வரை உயரக்கூடும் என்பது விஞ்ஞானிகளின் கணிப்பாகும்.

வெப்பமயமாதலால் பருவம் பொய்க்கும்; அத்துடன் சீரற்ற நிலையில் ஆங்காங்கே அதிக மழை பெய்யச் செய்து ஏராளமான வெள்ள பாதிப்பை உருவாக்கும். பாதிப்பை ஏற்படுத்தும்.

சூறாவளிகள் அடிக்கடி உருவாகி பெருமளவில் மக்கள் வாழும் குடியிருப்புகளை அழிக்கும் அபாயமும் ஏற்படும். மிகப் பெரும் சூறாவளிகள் நூறு ஆண்டுகளுக்கு ஒரு முறை வரும் என்ற நிலை மாறி 16 ஆண்டுகளுக்கு ஒரு முறை வந்து பெருமளவில் அழிவை ஏற்படுத்தும்.

மிகப் பெரிய அளவில் பஞ்சத்தை ஏற்படுத்தி வறுமைக் கோட்டின் கீழ் வாழும் சுமார் 80 கோடிப் பேரைப் பெருமளவில் பாதிக்கும். அத்துடன் வாழ்விடங்களும் குடியிருப்புகளும் அழிக்கப்படுவதால் சுமார் 10 கோடிப் பேர் பாதிக்கப்பட்டு வீடுகளை இழப்பர்.உலகில் உள்ள பவழப்ப்பாறைகளில் 70 விழுக்காடு அழியும் அபாயமும் ஏற்படும்.

இந்த அபாயத்தைத் தவிர்ப்பதற்கான ஒரே வழி வளிமண்டலத்தில் கார்பன் டை ஆக்ஸைடைச் சேர விடாமல் செய்வ்தே. இதற்கு வாகனங்களே காரணம் என்பதால் படிம எரிபொருளான பெட்ரோல் மற்றும் டீஸல் பயன்பாடு கட்டுப் படுத்தப்பட வேண்டும். பெட்ரோல் வாகனங்களைத் தவிர்ப்பதும் எலக்ட்ரிக் வாகனங்களுக்கு அனைவரும் மாறுவதும் ஒரு சிறந்த வழியாக அமையும்.

Script by S.Nagarajan (ச.நாகராஜன்)

tags- உலக, தட்ப வெப்ப நிலை, விளைவுகள்.

WRITTEN BY LONDON SWAMINATHAN

Post No.7827

Date uploaded in London – 14 April 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

இதுவரை  அமெரிஷியம், ஆர்செனிக்,பேரியம் ,பிஸ்மத், காட்மியம், குரோமியம், கோபால்ட், க்யூரியம் , ப்ளோரின், அயொடின், லித்தியம், மக்னீஷியம், பொட்டாசியம், ரேடியம், செலீனியம் , தாலியம் , தோரியம், யுரேனியம் , துத்தநாகம், பாதரசம், மாலிப்டினம், நிக்கல் ஆகிய மூலகங்கள் பற்றிய சுவைமிகு செய்திகளை எடுத்துரைத்தேன். 

இன்று பெரில்லியம் (BERYLLIUM)  என்னும் மூலகம்  பற்றிய சுவையான விஷயங்களைக் காண்போம்

பிரபஞ்சம்  தோன்றியது எப்படி?

1500 கோடி ஆண்டுகளுக்கு முன்னர் மாபெரும் வெடிப்பு (Big Bang) ஏற்பட்டது அதிலிருந்து உருவானதுதான் பல நூறு கோடி நட்சத்திர மண்டலங்கள். அதில் ஒன்றான சூரிய மண்டலம், அதற்குள் அடங்கிய பூமி முதலான நவக்  கிரஹங்கள்— என்பது விஞ்ஞான புஸ்தகத்தில் உள்ள தகவல்.

‘பிக் பேங்’ (BIG BANG) எனப்படும் மாபெரும் வெடிப்பு ஏற்றப்பட்டபோது  தோன்றிய மூலகங்கள் ஹைட்ரஜன், ஹீலியம், லித்தியம் மூன்றுதான். அதற்கு அடுத்தபடியாகத் தோன்றிய  மூலகங்களில் அதிகம் காணப்படுவது  பெரில்லியம் . அதாவது நமது இன்றைய கதையின் கதாநாயகன்!

இதனால் பெரில்லியம்  ஒரு விண்வெளி மூலகமாகக் (COSMIC ELEMENT) கருதப்படுகிறது. சூப்பர்நோவா நட்சத்திரங்கள் வெடிக்கும்போது பெரில்லியம்  தோன்றியதாக முதலில் கருதினர். ஆனால் ஒரு குறிப்பிட்ட நட்சத்திரத்தில் அதிகம் பெரில்லியமிருந்தவுடன் வேறு வழிகளிலும் இது வருமோ என்று விஞ்ஞானிகள் வியப்புற்றனர்.

இதில் சுவையான விஷயம் என்ன தெரியுமா?

பெரில்லியத்தைப் பிரபலப் பாடுத்தியது ஐசக் அஸிமோவ் ( ISSAC ASIMOV IN ‘SUCKER BAIT’, PART OF  ‘THE MARTIAN WAY’ , 1950 ) எழுதிய நாவல் ஆகும். ஆகும். அவர் விஞ்ஞான  புனைக்கதை மன்னன். அவர் எழுதிய ஒரு கதையில் மனிதர்கள் விண்வெளிப் பயணம் செய்து ஒரு வளமான கிரஹத்தைக் கண்டுபிடிக்கின்றனர் ; சுகமாக வாழ்கின்றனர். ஆனால் மனிதர்கள் மர்ம நோய் கண்டு, திடீர் திடீரென இறந்து போகிறார்கள். கடைசியில் ஆராய்ந்து பார்த்ததில் அங்குள்ள காற்று மண்டலத்தில்  பெரில்லியம்  அதிகம் என்பதும் அதை சுவாசித்தால் நோய் வரும் என்றும் கண்டுபிடிக்கின்றனர். இதை அவர் 1950-ம் ஆண்டு எழுதினார். 1992-ல் உண்மையையிலேயே பெரில்லியம்  அதிகமுள்ள ஆறு நட்சத்திரங்கள் கண்டு பிடிக்கப்பட்டன.

அப்படியானால் பெரில்லியம் விஷ உலோகமா?

ஆமாம். இதன் புகையையோ தூசியையோ  சுவாசித்தால் நுரையீரல் நோய்களும், மூச்சுத்திணறலும்  வரும்.  இந்த நோய்க்கு ‘பெரில்லியோஸ்’ என்று பெயர். மரணமோ, நிரந்தர சுவாசப் பிரச்ச னையையோ உண்டாக்கலாம்.

நாம் வாழும் உலகத்தில், சிலர் வேறு பிரபல மனிதர் போலவும், தலைவர் போலவும் நடித்து (Impersonation)  — ஆள் மாறாட்டம்  செய்து – மக்களை ஏமாற்றுவதை பத்திரிகைகளில் படிக்கிறோம். மூலக அட்டவணையில் மக்னீஷியம் என்னும் உலோகமும் பெரில்லியமும் பங்காளிகள். இது மக்னீஷியம் போலவே நடிப்பதால் நமது உடல் இதை அதுதான் என்று நம்பி எடுத்துக் கொண்டு திணறுகிறதாம். இரசாயன உலகில்தான் எவ்வளவு விந்தைகளள்  பாருங்கள்!  அது மட்டுமல்ல. பெரில்லியம்  மூலம் ஏற்படும் விஷம் , ரத்தம் மூலம் எலும்புகளுக்குச் சென்று அங்கு குடித்தனமும் செய்யத் துவங்குவதால் நமக்கு நிரந்தரப்  பிரச்ச னை ஏற்படுகிறது.

அதற்காக பெரில்லியம் மீது கோபம் கொள்ளாதீர்கள். ஒரு நல்ல விஷயமும் இருக்கிறது

மரகதமும் பச்சசைக் கல்லும் பெரில்லியமே!

ஒரே அளவு வைரம், மரகதம் ஆகிய இரண்டையும் கையில் எடுத்தால் மரகதத்துக்குதான் விலை அதிகம். நவரத்தினங்களில் பச்சை வண்ணத்தில் ஜொலிக்கும் மரகதத்திலும் அதைவிட விலை குறைந்த பெரில் என்னும் பச்சசைக் கல்லிலும் பெரில்லியம் இருப்பதே அந்த வண்ணத்தை அளிக்கிறது. இது பற்றி இரண்டு சுவையான விஷயங்களைச் சொல்கிறேன்.

இதைச் சுவைத்துப் பார்த்தால் இனிப்பாக இருக்குமாம். ஆகையால் முதலில் இதற்கு ‘கிளவ்ஸீனியம் ’  glaucinium  என்று பெயர் வைத்தனர். கிரேக்க மொழியில் கிளைகிஸ் glykys என்றால் இனிப்பு. விஞ் ஞான விஷயங்களுக்கு கிரேக்க மொழியில் பெயர் சூட்டுவது வழக்கம். ஏனெனில், உலகமே கிரேக்க நாடு மூலம்தான்  நாகரீகம்  அடைந்ததாக அரை வேக்காடுகள் நிறைந்த ஐரோப்பா, நம்பியது  பின்னர் பச்சை வண்ணத்தைப் பார்த்து பெரில் beryl  என்று நாமகரணம் செய்தனர்.

இரண்டவது விஷயம் என்னவென்றால் ஆதிகால எகிப்தியர்கள், யூதர்கள் ரோமானியர்கள் ஆகியோர் இந்த ரத்தினத்தைப் பயன்படுத்தினர். பிளினி (Pliny) என்ற ரோமானிய எழுத்தர் பெரில் , மரகதம் ஆகியன ஒரே வகைதான் என்று அறிந்து செங்கடல் அருகில் பெரில் கிடைப்பதாகவும், மரகதம் இந்தியாவிலிருந்து கிடைப்பதாகவும்  எழுதி வைத்து இருக்கிறார்.

ஐரோப்பாவில் CELTS கெல்ட் /செல்ட் இன  மக்களும் இதைப் பயன்படுத்தினர் ரத்தினக்  கல்லில் உள்ள ஆக்சிஜன் ஐசடோப்பை ஆராய்ந்தால் அது எங்கிருந்து வந்தது என்பது தெரிந்துவிடும். இப்படி ஆராய்ந்ததில் ஐரோப்பாவுக்கு வந்த பச்சைக் கற்கள் ஆஸ்திரியா மற்றும் பாகிஸ்தானிலிருந்து வந்தது தெரிகிறது. பிளினி (Pliny)  இந்திய மரகதம் பற்றிச் சொன்னது உண்மையே. ஏனெனில் 1947க்கு முன்னர்  பாகிஸ்தான் என்ற நாடே கிடையாது. அது எல்லாம் இந்தியாவின் ஒரு பகுதியே.

கொலம்பியா

ஹைதராபாத் நிஜாம் பொக்கிஷத்த்தில் இருந்த மரகத நகைகளை ஆராய்ந்ததில் அவை கொலம்பியா (COLOMBIA IN SOUTH AMERICA)  நாட்டில் இருந்து வந்தது தெரிகிறது. தென் அமெரிக்க நாடான கொலம்பியாவில்  மரகதக் கற்கள் கிடைப்பதால், மொகலாயர் ஆடசிக் காலத்தில் இவை ஸ்பானியக் கப்பல்களில் பிலிப்பைன்ஸ் தீவுகளுக்கு வந்து, அவர்கள் நமக்கு விற்று இருக்கலாம் என்று ஊகிக்கப் படுகிறது .

 அணுகுண்டுப் போர் , பொருளாதார பயன்பாடுகள்

நியூட்ரான் என்ற அணுத்துகளை நமக்கு முதலில் காட்டிக்கொடுத்தது பெரில் லியம்தான் . 1932ல் ஜேம்ஸ் சாட் விக் என்பவர் பெரில் லியம் சாம்பிள் மீது ரேடியத்திருந்து ஆல்பா alpha rays கதிர்களை   பாய்சசினார். அதிலிருந்து வந்ததே நியூட்ரான்.  இதுவரை அறிந்திராத அந்த sub atomic particles சப் அட்டாமிக் பார்ட்டிக்கிளுக்கு  நியூட்ரான் neutron என்று பெயர் வைத்தனர்.

பெரில்லியத்துக்கு ஒரு அபூர்வ குணம் உண்டு நியூட்ரான்களை NEUTRON இது ஏற்காது . இதனால் இதை அணு ஆயுதங்களிலும் அணுசக்தித்  தொழில்களிலும் பயன்படுத்துகின்றனர் அணுகுண்டுகளில் யுரேனியத்திலிருந்து  நியூட்ரான் அலைகளை வீசி சக்தியை உண்டாக்குவர் அதைச் சுற்றி பெரில்லியம் கவசம் இருக்கும். அது அணு ஆயுதத்தின் சக்தியை ஓரிடத்தில் குவியச் செய்ய உதவும்.

பெரில்லியம் கிடைக்கும் இடங்கள்

பிரேசில், அமெரிக்கா , அர்ஜெண்டினா , மடகாஸ்கர், ரஷ்யா, இந்தியா

அமெரிக்காவில்  மைனே Maine என்னுமிடத்தில் ஐந்து மீட்டர் நீளம் – 20 டன் எடை கொண்ட பெரிலியம் படிகம் கிடைத்தது.

பெரில் , பெட்ராண்டைட் (BERTRANDITE )  என்ற இரண்டு தாதுக்களாக பெரில்லியம் கிடைக்கிறது

தாமிரத்தையும் நிக்கலையும் பெரிலியம் கலந்து உபயோகிக்கையில் மின் சாரம் கடத்தும் சக்தி அதிகரிக்கிறது. இதன் காரணமாக மின்சார கருவிகளில் இதன் உபயோகம் அதிகம்.

எக்ஸ் ரே கதிர்களை பெரில்லியம்  உறிஞ்ச்சுவதால் எக்ஸ்ரே குழாய்களைச் சுற்றி இதை வைக்கின்றனர்.

பெரில்லியத்தை விமானம் கட்டும் தொழிலில் பயன்படுத்தும் யோசனையும், ராக்கெட்டின் வெடி மருந்தாக  உபயோகிக்கும் திட்டமும் கைவிடப்பட்டன.

பெரில்  (BERYL)  , க்ரைஸோ பெரில் (CHRYSO BERYL)  ஆகிய இரண்டுமே அலுமினியம்  சிலிகேட் (ALUMINIUM SILICATE) என்னும் இரசாயன உப்பு ஆகும். இவை ரத்தினைக் கல்லின் தரம் உடைத்தாயின் மரகதம் EMERALD  என்றும் அலெக்ஸாண்ட்ராய்ட் ALEXANDRITE / CAT’S EYE என்றும் அழைக்கப்படும் . இதில் இரண்டு சதவிகித குரோமியம் இருந்தால் இப்படி பச்சை வண்ணம் கிடைக்கும். குறைவான குரோமியம் இருந்தால்  ஆக்வா மரின் (AQUA MARINE)  எனும் நீலக்  கல்லாகும் .

இரசாயன குணங்கள்

அடையாளக் குறியீடு SYMBOL  – Be  

அணு எண் ATOMIC NUMBER 4

உ ருகு நிலை MELTING POINT  1278  டிகிரி ஸி DEGREE C

கொதி நிலை BOILING OINT – 2970 டிகிரி ஸி

பெரில்லியம் ஒரு வெள்ளி போன்ற நிறம் உடைய உலோகம் SILVERY, LUSTROUS, SOFT METAL OF ALKALINE GROUP .  கார குணம் உடைய உலோகங்களின் அணியில் இது இடம்பெறும். நாம் தோண்டி எடுக்கும் பெரில்லியத்துக்கு ஒரு ஐசடோப் ISOTOPE உண்டு. ஆனால் கதிரியக்கம் இராது

பூமியின் காற்று மண்டலத்தின் மேல் அடுக்கில் பெரில்லியம் பெ – 10 என்ற ஐசடோப் காணப்படுகிறது. இதில் கதிரியக்கம் இருக்கிறது. அதன் அரை வாழ்வு (HALF LIFE)  15 லட்சம் ஆண்டுகள். இதை காஸ்மிக் கிரணங்கள்  (COSMIC RAYS)  உண்டாக்குகின்றன

நியூட்ரான் பற்றி நமக்குச் சொல்லிக் கொடுத்த பெரில்லியத்துக்கு ஒரு ஸலாம் ; மரகத்தைத்த நமக்களித்த பெரில்லியத்துக்கு ஒரு ஸல்யூட் .

tags – பெரில்லியம், மரகதம்,  பச்சைக் கல், பெரில், அணுகுண்டு, நியூட்ரான்

–SUBHAM–

WRITTEN BY R. NANJAPPA                        

Post No.7826

Date uploaded in London – – 14 April 2020

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

ஹிந்தி படப் பாடல்கள் – 6 – உணவும் வீடும்!

R.Nanjappa

உணவும் வீடும்!

ஒரு சராசரி மனிதனுக்கு என்ன தேவை? 

உணவு, உடை, இருப்பிடம். இவற்றை அத்தியாவசியத் தேவைகள் என்போம். Basic or essential needs. ஆனால் நம் பொருளாதார “அறிஞர்கள்” இத்துடன் திருப்தி அடைவதில்லை. அவர்கள் தேவை–  Need பற்றிப் பேசுவதில்லை. “விருப்பம்”  Want பற்றியே பேசுகிறார்கள்.  விருப்பம் திருப்திப் படுத்த முடியாதது, அவை திரும்பத் திரும்ப வரும், அவை ஒன்றுக்கொன்று தொடர்புடையவை என்று பாடம் எடுப்பார்கள்.  ஒரு மனிதனோ, சமுதாயமோ எளிதில் திருப்தியடைந்தால் அதை Primitive என்பார்கள். பொருளாதார வளர்ச்சி என்பது இன்றைய நிலையில் விருப்பங்களின் கட்டற்ற தன்மையே!

“மனிதனுக்கு எத்தனை நிலம் தேவை” (How Much Land Does a Man Need)  என்று லியோ டால்ஸ்டாய் 1886ல் ஒரு கதை எழுதினார். இதில் கடைசியில் ஒரு மனிதனுக்கு இறுதியில் தேவைப்படுவது 6 அடி மண் தான்– அவன் சமாதிக்கு என்று காட்டினார். ஆனால் இதுகூட சிலருக்குக் கிடைப்பதில்லை!

பஹதூர் ஷா ஃஜஃபர் இந்திய முகலாயர்களின் கடைசி அரசர். 1857 முதல் இந்திய சுதந்திரப்போருக்கு ஆதரவாக இருந்தார் என்று சொல்லி இவரை நாடுகடத்தி பர்மாவில் ரங்கூனில் சிறைவைத்தனர்

ஆங்கிலேயர்.  இந்தியாவுடன் எந்தத் தொடர்பும் கொள்ள விடவில்லை. இந்த பஹதூர் ஷா “ஃஜஃபர்” ஒரு கவிஞர். சிறையின் சுவரில் கரித்துண்டு கொண்டு ஒரு கவிதை எழுதினார்.

कितना है बद–नसीब ‘ज़फ़र‘ दफ़्न के लिए 
दो गज़ ज़मीन भी न मिली कू–ए–यार [3] में   

கித்னாஹை பத்னஸீப் ‘ஜஃபர்‘ தஃப்ன் கே லியே

தோ கஜ் ஃஜமீன் பீ ந மிலீ கு–யே–யார் மே

 இந்த ஃஜஃபர் தான் எவ்வளவு  துரதிருஷ்டம் பிடித்தவன்

அவனை அடக்கம் செய்ய அவனுக்கு இஷ்டமான நாட்டில்

இரண்டு கஜ இடம் கூடக் கிடைக்கவில்லையே! 

இவரை ரங்கூனிலேயே 1862ல் புதைத்துவிட்டனர். இவருடைய சமாதி இருந்த இடம் கூடத் தெரியாமலிருந்தது. 1891ல் தான் இது கண்டுபிடிக்கப்பட்டது. ஆக, அரசனாக இருந்தாலும் என்ன நடக்கும் எது கிடைக்கும் எனச் சொல்லமுடியாது!

அன்ன விசாரம்– அதுவே விசாரம்!

ஓரு சாண் வயிறே இல்லாட்டா

உலகத்தில் ஏது கலாட்டா

என்று ஒரு பழைய தமிழ்படப் பாட்டு உண்டு.

வேண்டிய உணவு, உடை, இருப்பிடம் தேடுவதிலேயே சராசரி மனிதனின் காலத்தின் பெரும்பகுதி செலவாகிறது.  என்ன உணவு வேண்டும்? இதுவே பலருக்கும் தெரிவதில்லை!

Under The Greenwood Tree

Who doth ambition shun

And loves to live i’ the sun,

Seeking the food he eats,

And pleased with what he gets,

Come hither, come hither, come hither:

            Here shall he see

            No enemy

But winter and rough weather.

[Shakespeare; As You Like It.]

இது ஷேக்ஸ்பியர்  கவிதை. 

பேராசையை விட்டு, இயற்கையோடியைந்த வாழ்வு வாழ்ந்து, தனக்கு இயல்பான உணவைத் தேடி, கிடைப்பதில் திருப்திப்பட்டு இருப்பவனுக்கு எங்கும் இயற்கை உத்பாதங்களைத் தவிற பிற எதிரிகளே இருக்கமாட்டார்கள்  (இன்னல்களே இருக்காது) என்கிறார். ஆனாலும் இது எல்லோருக்கும் சாத்தியமாக அமைவதில்லையே!

படியளக்கும் பரமன்

दाने दाने पे लिखा है खाने वाले का नाम
लेने वाले करोड़ देने वाला एक राम  

தானே தானே பே லிக்காஹை கானே வாலே கா நாம்

லேனே வாலே கரோட் தேனே வாலா ஏக் ராம்

தானியத்தின் ஒவ்வொரு மணியிலும் அதைச் சாப்பிடுபவனின் பெயர் எழுதப் பட்டிருக்கிறது.

சாப்பிடுபவர்கள் கோடிக்கணக்கில் என்றாலும் படி அளப்பவன் ஆண்டவன் ஒருவன் தானே!

कोई कितना अमीर हो या कितना गरीब
खाये उतना ही जीतना है उस का नसीब
आगे मालिक के चलता नहीं कोई दाम  

கோயீ கித்னா அமீர் ஹோ யா கித்னா கரீப்

காயே உத்னா ஹீ ஜித்னா ஹை உஸ் கா நஸீப்

ஆகே மாலிக் கே சல்தா நஹீ கோயீ தாம்

ஒருவன் எவ்வளவுதான் பணக்காரனாக இருக்கட்டுமே, ஏழையாகத்தான் இருக்கட்டுமே– 

அவன் தலையில் எந்த அளவு எழுதியிருக்கிறதோ அத்தனைதான் சாப்பிடமுடியம்!

அந்த ஆண்டவனை எந்த லஞ்சம் கொடுத்தும் வசப்படுத்த முடியாது!

तेरी किसमत की लिखी हुई है किताब
तेरे एक एक दिन का है उस में हिसाब  

तेरे बस में ना सुबह है ना तेरी शाम  

தேரீ கிஸ்மத் கீ லிக்கீ ஹுயீ ஹை கிதாப்

தேரே ஏக் ஏக் தின் கா ஹை ச் மே ஹிஸாப்

தேரே பஸ் மே நா சுபஹ் ஹை நா தேரீ ஷாம்

உன்னுடைய தலைவிதியானது எழுதப்பட்ட புத்தகம் இருக்கிறதே—

அதிலே உன்னுடைய ஒவ்வொரு நாளின் கணக்கும் இருக்கிறது!

உன்னுடைய காலையோ மாலையோ உன் வசத்தில் இல்லை!

कभी गर्मी की मौज कभी बारिश का रंग
ऐसे चक्कर को देख सारी दुनिया है दांग
चाँद सूरज ज़मीन सब उसके गुलाम  

கபீ கர்மீ கீ மௌஜ் கபீ பாரிஷ்  கா ரங்க்

ஐஸே சக்கர் கோ தேக் சாரி துனியா ஹை தாங்க்

சாந்த் ஸூரஜ்  ஃஜமீன்  ஸப் உஸ்கே குலாம்

மகிழ்ச்சி  நிறைந்த வெப்பமான நாட்கள் , மழைக்காலத்தின் வண்ணங்கள்–

இப்படி வரும் காலச் சக்கரத்தைக் கண்டு  பூரா உலகமும் கலங்கி இருக்கிறது!

சந்திரன், சூர்யன், இந்த பூமி– அனைத்தும் அந்த ஆண்டவனுக்கு அடிமைப் பட்டது தானே!

தானே தானே பே லிக்கா ஹை கானே வாலே கா நாம்

கானே வாலே கரோட் தேனே வாலா ஏக் ராம்

Song: Daane daane pe likha hai Film: Baarish 1957 Lyricist: Rajinder Krishan

Music: C. Ramchandra Singer: C.Ramchandra. 

எத்தனை சீரிய கருத்துக்கள்! உடனே நமக்கு ஒரு திருக்குறள் நினைவுக்கு வரும்: