WRITTEN BY LONDON SWAMINATHAN

Post No. 8383

Date uploaded in London – 22 July 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

‘எழுதாத மறையளித்த எழுத்தறியும் பெருமாள்’—பெரிய புராணம் பாடல் 1605, சேக்கிழார்

‘எழுதாத மறையளித்த எழுத்தறியும் பெருமானைத்

தொழுது ஆர்வம் உற நிலத்தில் தோய்ந்து அங்கம் எலாம்

முழுது ஆய பரவசத்தின் முகிழ்த்த மயிர்க்கால் மூழ்க ,

விழுதாரை கண்பொழிய , விதிர்ப்புற்று விம்மினார் – 1605, பெரிய புராணம்

வட திசை நோக்கி பயணம் செய்த திருநாவுக்கரசர் பல இடங்களுக்கு யாத்திரை செய்த பகுதி இது. திருவொற்றியூயூர் , திருப்பாசூர் , திருவாலங்காடு ஆகிய இடங்களை அப்பர் தரிசித்ததை வருணிக்கையில் சிவ பெருமானை ‘எழுதாத வேதம் என்னும் மறையை அளித்தவர்’ என்று சொல்லிவிட்டு சிவன் ‘எழுத்தறியும் பெருமான்’ என்று பாடிப்பரவுகிறார்’.

சிவன்தான் மொழிகளைத் தோற்றுவித்தவர். உலக மொழிகளுக்கு எல்லாம் தாயான சமஸ்கிருதத்தையும் தமிழ் மொழியையும் தோற்றுவித்தவர் .

“ஆதிசிவன் பெற்றுவிட்டான் — என்னை

ஆரிய மைந்தன் அகத்தியன் என்றோர்

வேதியன் கண்டு மகிழ்ந்தே — நிறை

மேவும் இலக்கணஞ் செய்து கொடுத்தான்”

என்று பாரதியாரும் பாடுகிறார்

சிவன் தோற்றுவித்ததாலேயே சம்ஸ்கிருத மன்னனான அகத்தியனை சிவன், இமய மலையில் இருந்து அனுப்பி, தமிழுக்கு இலக்கணமும்  எழுதவைத்தார். சிவனின் உடுக்கை ஒலி யிலிருந்து எழும்பிய 14 மாஹேஸ்வர சூத்திரங்களில் இருந்து பாணினி உலகப் புகழ்பெற்ற அஷ்டாத்யாயியியை எழுதியதை எல்லோரும் அறிவர்.

இந்துக்களுக்கு எழுதத் தெரியுமா ? எப்போதிலிருந்து அவர்களுக்கு எழுதத்தெரியும் ? என்பது வெள்ளைத் தோல் அறிஞர்கள்  வெகு காரசாரமாக விவாதித்த விஷயம். குறிப்பாக சிந்து-சரஸ்வதி நதி தீர நாகரிகம் கண்டுபிடிப்பதற்கு முன்னர் விவாதிக்கப்பட்ட விஷயம். அப்போதும் கூட அவர்கள் வாதத்தில் பசை இல்லை என்பதை கோல்ட்ஸ்டக்கர் (Theodor Goldstucker) போன்ற அறிஞர்கள் எடுத்துக் காட்டினர்.

சிந்து -சரஸ்வதி நதி தீர நாகரிக எழுத்துக்கள் கண்டுபிடிக்கப்பட்டு சுமார் 100 ஆண்டுகள் ஆகும் தருவாயில் அவை எழுத்துக்களே அல்ல, வெறும் படங்கள்தான் என்று சிலர் சொன்னவுடன் பெரும் புயல் எழுந்ததையும் நாம் அறிவோம். அத்துறையில் பெயர்பெற்ற அறிஞர்கள் அவை எழுத்துக்களே என்று நிரூபித்தனர்.

ஆப்கானிஸ்தான் முதல் இலங்கை வரை அசோகர் ஏராளமான கற்பாறைகளிலும் தூபிகளிலும் புத்தர் பெருமானின் பொன்மொழிகளை பொறித்தார் என்பதையும் உலகம் அறியும்.. எழுதப் படிக்கத் தெரிந்தோர் இமயம் முதல் கண்டி வரை இருந்ததால்தான் அவர் இப்படிச் செய்தார். உலகின் மிகப் பெரிய பரப்பு முழுதும் பிராமி எழுத்து வழங்கியதை அசோகர் நமக்குக் காட்டிவிட்டார்.

அசோகருக்கு ஓரிரு நூற்றாண்டுகளுக்கு முன்னர் வாழ்ந்தவர் பாணினி என்றும் அவருக்கு எழுத்தே தெரியாது என்றும் வாதிட்ட மாக்ஸ்முல்லர் ஒரு முட்டாள் என்பது நமக்கு யாரும் சொல்லாமலேயே விளங்குகிறது . சிந்து-சரஸ்வதி கால எழுத்துக்கள் கிமு 2500 காலத்தியவை. ஆக அன்று முதல் இன்றுவரை எழுத்துள்ளது.

ஆயினும் வேதத்திலும் பாணினியின் புஸ்தகத்திலும் எழுத்து இல்லையே என்று 200 ஆண்டுகளுக்கு முன்னர் பசப்பிய மாக்ஸ்முல்லர்களுக்கும் அப்போதே பதில் கொடுக்கப்பட்டது.

வேதங்களைக் கற்பிப்பது மட்டும் வாயமொழியாகத்தான் கற்பிக்க வேண்டும் என்ற கொள்கை இன்றுவரை பின்பற்றப்பட்டு வருகிறது. இதை பாண்டியன் ஏனாதி நெடுங்கண்ணன் பாடிய குறுந்தொகைப் பாடலிலும் ‘எழுதாக் கற்பு’ என்ற வருணனையால் அறிகிறோம். அதாவது ‘எழுதாமல்தான் கற்க வேண்டும்’ ; எழுத்துக்கள் இருந்தபோதிலும் இப்படிச் செய்ததை அடிக்கோடிட்டுக் காட்டுகிறார். அதையே சேக்கிழார் பெருமானும் சொல்வதைக் காண்கிறோம்.

எழுதாக் கற்பினின் சொலுள்ளும்

பிரிந்தார்ப் புணர்க்கும் பண்பின்

மருந்துமுண்டோ மயலோ விதுவே

-குறுந்தொகை , 156, பாண்டியன் ஏனாதி நெடுங்கண்ணன்

பாணிணிக்கு எழுத்து தெரியாது. அவர் அசோகருக்கு 200 வருடங்களுக்கு முன்னர் வாழ்ந்தபோதிலும் அவருக்கு எழுத்துத் தெரியாது என்பதெல்லாம் நகைப்புக்குரியது என்பது அசோகர்  இமயம் முதல் முதல் பாறைகளில் எழுத்துக்களைப்பை பொறித்ததிலிருந்து தெரிகிறது.

முட்டாள், முரண், மாக்ஸ்முல்லர்

ஆனால், மாக்ஸ்முல்லர் (Max Muller) எழுதிய ‘வடமொழி வரலாறு’ என்னும் புஸ்தகத்திலேயே முன்னுக்குப்பின் முரணாக அவர் உளறுவதை கோல்ட்ஸ்டக்கர் போன்றோர் எடுத்துக் காட்டினர் .

‘லிபிகார’ 3-2-21 என்று பாணினியே ‘எழுத்தர்’ பற்றிப் பேசுகிறார். அவரை அடுத்து வந்த , அசோகருக்கு முந்திய கௌடில்யரும் அர்த்த சாஸ்திரத்தில் ‘மன்னன் என்பவன் எண் , எழுத்து ஆகிய இரண்டையும் கற்க வேண்டும்’ என்கிறார். அர்த்த சாஸ்திரமும், வாத்ஸ்யாயனர் எழுதிய காம சாஸ்திரமும் ‘சங்கேத மொழி’ (Coded language) என்னும் ரஹஸ்ய எடுத்து முறையையும் குறிப்பிடும். அது மட்டுமல்ல . கி.மு 520ஐ ஒட்டிய பெஹிட்ஸன் (Behitsun Inscription) பாரஸிக கல்வெட்டில் திபி DIPI என்று சொல்லப்படுகிறது. லிபிLIPI என்பதை பார்சிக்கள் திபி/DIPI என்பர். (D=L)

மாடுகளின் சொந்தக் காரர்கள் தங்களுடைய மாடுகளைக் கண்டுபிடிக்க அவற்றின் காதுகளில் அடையாளக் குறியிடுவர் . இது பற்றிக் கதைக்கும் பாணினி, எட்டு/அஷ்ட, ஐந்து/ பஞ்ச என்ற எண் குறியீடுகளையும் சுட்டிக்காட்டுகிறார்  (6-3-115).

‘யவனானி’ என்று பாணினி சொல்லுவது ‘யவன லிபி’யைக் குறிக்கும் என்று வார்த்திகா எழுதிய காத்ஸ்யாயனார் சொல்கிறார். அவரையும் பாணினியையையும் சமகாலத்தவர் என்று எழுதிவிட்டு மற்றொரு பக்கம் பாணிணிக்கு எழுத்தே தெரியாது என்று சொல்லும் மாக்ஸ்முல்லரை கோல்ட்ஸ்டக்கர் கிழித்தெறிகிறார்.

(‘யவன’ என்பதை பாரஸீகர்களைக் குறிக்க காளிதாசர் பயன்படுத்துகிறார். ‘யவன’ என்பதை ரோமானியர்களைக் குறிக்க சங்கப் புலவர்கள் பயன்படுத்துகின்றனர். 1500-க்குப் பின்னர் முஸ்லிம்களைக் குறிக்க ‘யவன’ பயன்படுகிறது இது தெரியாமல் வெளிநாட்டார் செய்த குழப்பம் கொஞ்ச நஞ்சமல்ல. யவனானி என்பது கிரேக்க எழுத்து என்றும் பாரஸீக எழுத்து என்றும் இரு தரப்பு வெள்ளைத் தோல் அறிஞர்கள் மோதினர்)

கோட்ஸ்டக்கர் , வேத காலத்திலேயே எழுத்துக்கள் இருந்தன என்று வாதிடுகிறார்.

வேதத்தில் உள்ள ‘ரிபு’ என்னும் தெய்வத்திடமிருந்துதான் எழுத்து என்ற சொல் –லிபி– உருவானது என்று ஏகபர்ட் ரிக்டர் உஷனஸ் (Egbert Richter Ushanas) என்ற அறிஞர் காட்டுகிறார். கிரேக்க மொழியில் எழுத்து என்ற சொல் கிராஃபின் (Graphein) ஆகும். ரிபு – ராஃப்-  கிராஃப் – க்ளிப் – லிபி (Ribhu= Rabh= Graph= Glyph= Lipi) என்பதெல்லாம் ஒன்றுடன் ஒன்று (Cognate words) தொடர்புடைத்து.

ரிக் வேதத்தில் உள்ள காஹ்/முங்கு Gah , ரி/ஓடவிடுRi, ரூ /நகர் ( R) த்து ஆகியன எல்லாம் எழுத்தின் மூலச் சொல் என்பது அவரது வாதம்

ரைட் WRITE என்ற ஆங்கிலச் சொல்லுக்கும்  ‘எழுத்து’ என்ற தமிழ்ச் சொல்லுக்கும் இடையேயான ஒற்றுமையையும் நாம் காண முடிகிறது

டபிள்யூ = w/எ

ஆர் ஐ =  ri/ழு

டி ஈ = te/த்து

Tags – எழுதாத மறை, எழுதாக் கற்பு, மாக்ஸ்முல்லர், கோல்ட்ஸ்டக்கர் , எழுத்து, ரிபு

—subham–

WRITTEN BY S NAGARAJAN                                    

Post No. 8380

Date uploaded in London – – –22 July 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

பேர் படைத்த விஜயனுக்கும் பார் படைத்த துரியோதனனுக்கும் போர்! போரை நிறுத்த தூது சென்ற கண்ணன்!!

ச.நாகராஜன்

வில்லி பாரதத்தில் உத்யோக பர்வத்தில் நான்காவது சருக்கமாக அமைவது கிருட்டினன் தூதுச் சருக்கம்.

இதில் 264 கருத்துச் செறிவுள்ள, அழகிய பாடல்கள் உள்ளன.

இந்தச் சருக்கத்தின் கடவுள் வாழ்த்தாக அமையும் பாடலில் சொற்சிலம்பம் ஆடி கருத்துச் செறிவைக் காண்பிக்கிறார் வில்லிப்புத்தூரார்.

கடவுள் வாழ்த்து!

பேர்படைத்த விசயனுடன் மும்மை நெடும் பிறவியினும் பிரியானாகிச்

சீர்படைத்த கேண்மையினாற் றேரூர்தற் கிசைந்தருளுஞ் செங்கண்மாலைப்

பார்படைத்த சுயோதனற்குப் படையெடேனமரிலெனப் பணித்த கோவைக்

கார்படைத்த நிறத்தோனைக் கை தொழுவார் பிறவாழிக் கரை கண்டாரே

அருமையான இந்தப் பாடலில் பல செய்திகளைப் பார்க்கிறோம்.

விஜயன் பேர் படைத்தவன். துரியோதனன் பார் படைத்தவன்.

ஆள்வதற்குப் பூமி இல்லை என்றாலும் பூமியெங்கும் நல்ல பேரை வாங்கியவன் விஜயன் – அர்ஜுனன். ஆனால் பார் படைத்திருந்தாலும் கூட தீய மனத்தவனான துரியோதனனுக்குப் பேர் இல்லை.

“பேர் படைத்த விஜயனுடன் “ மற்றும் “பார் படைத்த சுயோதனற்கு” என்பதால் இருவருக்கும் உள்ள குணநலன்களை சூசகமாகக் குறிப்பிடுகிறார் கவிஞர்.

அடுத்து “மும்மை நெடும் பிறவியினும் பிரியானகி” என்ற சொற்றொடரால் கண்ணனும் அர்ஜுனனும் மூன்று பிறவிகளிலும் பிரியவில்லை என்கிறார்.

மூன்று பிறவிகள் யாவை? அதில் கண்ணன் யார், அர்ஜுனன் யார்?

கேள்வி எழுகிறது, இல்லையா?

நர- நாராயணர்  முதல் பிறவி

இராம – லக்ஷ்மணன் இரண்டாம் பிறவி

கிருஷ்ணன் – அர்ஜுனன் மூன்றாம் பிறவி

இணைபிரியாமல் இருக்கும் இரட்டையரை குறிப்பால் உணர்த்துகிறார் கவிஞர்.

சில விரிவுரையாளர்கள் நர நாராயணர்களுக்குப் பதிலாக, இந்திரன் – அர்ஜுனன், உபேந்திரன் – கண்ணன் என்று பொருள் கொள்வதுமுண்டு.

அடுத்து சீர் படைத்த கேண்மை என்ற சொற்றொடரால் அர்ஜுனனுக்கும் கண்ணனுக்கும் உள்ள நட்பைச் சிறப்பிக்கிறார் வில்லிப்புத்தூரார்.

இருவரின் நட்பு சாதாரண நட்பு அன்று. ‘தேர் ஊர்தற்கு இசைந்து அருளும்’ நட்பு அது. கௌரவர்- பாண்டவர் போரில் – துரியோதனன் – அர்ஜுனன் போரில் – ஆயுதம் எடேன் என்று சூளுரைக்கும் பண்புள்ள நட்பு அது.

தேரை ஓட்டும் சாரதியாக இருப்பவன் கண்ணன். அவன் குதிரை முன் அமர்ந்து தேரை ஓட்டுவான்.

அவனுக்கு மேல் ஒரு படியில் அர்ஜுனன் இருப்பான்.

கடுமையான போர்க்களத்தில் தன் இஷ்டத்திற்குத் தக தேரை ஊர்ந்து செல்வதற்கு, தேர்ச் சாரதிக்கு அவன் எப்படி கட்டளை கொடுப்பான்?

வாயால் அல்ல; போர்க்களத்தில் யாருக்குமே பேசுவது கேட்காது.

க்ஷண நேரத்தில் தனக்கு தேர் எந்தப் பக்கம் போக வேண்டுமென்று கண்ணனுக்கு உணர்த்த கண்ணனின் இடது தோளிலும் வலது தோளிலும் காலை வைத்து அமுக்கி இடப் பக்கம் திருப்பு; வலப் பக்கம் திருப்பு என்று சொல்வான் அர்ஜுனன்.

இறைவனான கண்ணன் இங்கு எளியனாகி தன் நண்பன் தன் தோளின் மீது காலை வைக்க அருளும் அருள் பண்புக்கு ஈடு இணை எங்கேனும் உண்டா, என்ன?!

கண்ணன் செங்கண் மால்; கார்படைத்த நிறத்தோன்! அதாவது சிவந்த கண்களை உடைய திருமாலின் திரு அவதாரம். மேகம் போன்ற நிறம் படைத்தவன்.

இப்படிப்பட்ட பெருமை உடைய கண்ணனை கை கூப்பித் தொழுவாருக்கு என்ன பலன் கிடைக்கும்?

பிறப்பு என்பது பெருங்கடல். இந்த பிறவாழியை – பிறவிக் கடலைக் கடந்து அக்கரை அடைவர்!

ஒரு கடவுள் வாழ்த்தில் எத்தனை செய்திகள் அற்புதமாக விளக்கப்படுகின்றன! அது தான் வில்லிப்புத்தூரார்.

அது மட்டுமல்ல, இந்த கிருட்டிணன் தூதுச் சருக்கத்தில் உள்ள 264 பாடல்களில் ஏராளமான அற்புதச் செய்திகள் உள்ளன.

அதை பிறிதொரு சமயம் காண்போம்!

tags – தூது , கண்ணன், வில்லி பாரதம்

***

WRITTEN BY LONDON SWAMINATHAN

Post No. 8377

Date uploaded in London – 21 July 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

ஒரே சொல் மீண்டும் மீண்டும் வந்தால் ஓரிரு இடங்களில் மட்டுமே கட்டத்தில் இருக்கும். கொண்டு கூட்டி பொருள் கொள்க . விடை கீழே உள்ளது . சில நேரங்களில் படங்களைப் பார்த்தாலும் விடை காண உதவலாம்.

ANSWER

ஒரு மிளகுக்கு ஆற்றைக் கட்டி இறைத்த செட்டி

ஒரு மிளகும் நாலு உப்பும் போதும்

மிளகத்தனை பிள்ளையாருக்கு கடுகளவு நைவேத்தியம்

மிளகு சிறுத்தால் வீரியம் போகுமா ?

மிளகுப் பொடியோடே திருவாதிரை

Source book :–

பயன்படுத்திய நூல்- கழகப் பழமொழி அகர  வரிசை, கழக வெளியீடு

Tags- ,  பழமொழிகள், மிளகு

WRITTEN BY S NAGARAJAN                                    

Post No. 8374

Date uploaded in London – – –21 July 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

சம்ஸ்கிருதச் செல்வம்!

பண்டிதராஜ ஜகந்நாதரின் ரஸ கங்கா!

ச.நாகராஜன்

பெரும் கவிஞரான பண்டிதராஜ ஜகந்நாதர் 17ஆம் நூற்றாண்டில் வாழ்ந்தவர்.

அக்பர் காலத்தவர்.

இவர் வாழ்க்கையே அதிசயமான ஒன்று. தெலுங்கு பிராமணரான இவர் காந்த்ரிகா (உபத்ரஸ்தா) குடும்பத்தைச் சேர்ந்தவர். பெரும் கவிஞர். சம்ஸ்கிருத அறிஞர். இசை வல்லுநரும் கூட. ஆந்திர பிரதேசத்தில் கிழக்கு கோதாவரி மாவட்டத்தில் உள்ள முன்கண்டாவைச் (பழைய கால பெயர் முனிகண்ட அக்ரஹாரம்) சேர்ந்தவர். பின்னால் வாரணாசியில் வாழ்ந்து வந்தார்.

பண்டிதராஜர் என்ற பட்டத்தை ஷாஜஹான் இவருக்குச் சூட்டினார்.

ஜிஹாங்கீர் மற்றும் ஷாஜஹானின் அரசவையில் இவர் அங்கம் வகித்தார்.

இவரைப் பற்றிய அதிசய வரலாறு ஒன்று உண்டு.

இவர் இயற்றிய கங்கா லஹரி 52  ஸம்ஸ்கிருத ஸ்லோகங்களைக் கொண்டது.

ஷாஜஹானின் மகளான லவங்கிகாவும் இளவரசன் தாரா சுகோஹும் இவருடன் நெருங்கிய தொடர்பைக் கொண்டிருந்தனர்; இவரிடமிருந்து நிறைய சம்ஸ்கிருத நூல்களைக் கற்றனர்; ஹிந்து பண்பாடு பற்றி அறிந்து கொண்டனர்.

இந்த நெருங்கிய தொடர்பு டெல்லி மக்களிடையே இவர் லவங்கிகாவுடன் முறையற்ற தொடர்பு கொண்டிருப்பதாக தவறான வதந்தியைப் பரப்பியது.

ஷாஜஹான் ஜகந்நாத பண்டிதரை இஸ்லாமுக்கு மாறி தன் மகளை மணம் செய்து கொள்ளுமாறு கூறினான். ஆனால் அவர் அதற்கு இசையவில்லை; மறுத்து விட்டார்.

கங்கை நதிக் கரையில் உண்ணாவிரதத்தை ஆரம்பித்த ஜகந்நாதர் கங்காநதியைத் தாயெனக் கருதி தினமும் ஒரு ஸ்லோகத்தைப் புனைந்து பாட ஆரம்பித்தார். ஒவ்வொரு ஸ்லோகம் முடிந்தவுடனும் கங்கா நதியின் ஜலம் சிறிது உயரும். படிப்படியாக இப்படி 52 நாட்கள் ஜலம் உயர்வது நிகழ்ந்தது. கங்கா தசரா என்பது ஜேஷ்ட சுத்தா எனப்படும் ஒன்று முதல் பத்து நாட்களைக் கொண்டது. இதன் முடிவில் ஜகந்நாதர் தன்னை கங்கா தேவிக்கு அர்ப்பணித்துக் கொண்டார். நதியில் இறங்கிய அவர் தன் உயிரை கங்கா மாதாவுக்கு அர்ப்பணித்தார். கங்கா நதியுடன் ஐக்கியமானார்!

அருமையான செய்யுள்களைக் கொண்ட கங்கா லஹரி இப்போதும் படிக்கக் கிடைக்கிறது.

இவர் இயற்றிய நூல்களில் பாமினி (பாமினி என்றால் பேரழகி என்று பொருள்) விலாஸம் குறிப்பிடத் தகுந்த ஒன்று.

பர்த்ருஹரி நீதி சதகம்,ச்ருங்கார சதகம், வைராக்ய சதகம், என்று நூறு நூறு பாடல்களைக் கொண்ட மூன்று (த்ரயி) சதகங்களை இயற்றியது போல் இவர்  பாமினி விலாஸத்தை நான்கு விலாஸங்களாக – நான்கு பகுதிகளாகப் – பிரித்துள்ளார்.

முதல் விலாஸமான அன்யோக்தி விலாஸா நீதிகளைக் கூறும் ஒன்று. இதில் 100 முதல் 130 ஸ்லோகங்கள் உள்ளன.

இரண்டாவது விலாஸமான ச்ருங்கார விலாஸாவில் 101 முதல் 184 ஸ்லோகங்கள் உள்ளன.

மூன்றாவது விலாஸம் கருணா விலாஸம். இதில் மறைந்து போன பேரழகிக்கான இரங்கல் கீதங்களை 18 மற்றும் 19ஆம் பாடல்களில் காணலாம்.

வைராக்யத்தை விவரிக்கும் நான்காவது விலாஸமான சாந்த விலாஸத்தில் கிருஷ்ணரைத் துதி செய்யும் (31 முதல் 46 வரை) ஸ்லோகங்கள் உள்ளன.

ஒவ்வொரு கைப்பிரதியிலும் ஒவ்வொரு எண்ணிக்கையில் ஸ்லோகங்கள் உள்ளன. இவற்றில் நான்கில் ஒரு பகுதி இடைச்செருகல் எனலாம். எவற்றை ஜகந்நாதர் இயற்றினார் எவற்றை மற்ற கவிஞர்கள் ‘சொருகினார்கள்’ என்பதைச் சொல்ல இயலவில்லை. பாமினி விலாஸத்தில் முதல் மற்றும் நான்காம் விலாஸங்கள் மட்டுமே பிரசுரிக்கப்பட்டுள்ளன.

இவர் அவசிஸ்டான்யோக்தி, ரஸ கங்காதரம் உள்ளிட்ட நூல்களையும் இயற்றியவர்.

யமுனையைப் போற்றும் 10 ஸ்லோகங்களைக் கொண்டுள்ள அம்ருத லஹரி,

சூர்யனைத் துதிக்கும் 30 ஸ்லோகங்களைக் கொண்டுள்ள சுதா லஹரி, கங்கையைத் துதிக்கும் 53 ஸ்லோகங்களைக் கொண்டுள்ள கங்கா லஹரி,

கிருஷ்ணரைத் துதிக்கும் 60 ஸ்லோகங்களைக் கொண்டுள்ள கருணா லஹரி,

லக்ஷ்மியைத் துதிக்கும் 40 ஸ்லோகங்களைக் கொண்டுள்ள லக்ஷ்மி லஹரி,

ஆகிய ஐந்து ஸ்தோத்திரங்களையும் இவர் இயற்றியுள்ளார்.

ஏராளமான சுவையான இவரது பாடல்களில்,

‘ரஸகங்கா’வில் வரும் ஒரு ஸ்லோகத்தை இங்கே காணலாம்:

கிம் தீர்த்தம் ஹரிபாதபத்யமஜனம் கிம் ரத்னமச்சா மதி:

    கிம் சாஸ்த்ரம் ஸ்ரவணேன யஸ்ய கலதி த்வைதாந்தகாரோதய: |

கிம் மித்ரம் சததோபகாரரஸிகம் தத்வாவதோக: சகே

    க: சதுர்வித கேததானகுஷலோ துர்வாஸனானாம் ச ய: ||

எது தீர்த்தம்? (எது யாத்திரை?) – ஹரியின் பாதத்தில் பக்தியைச் செலுத்துவதே!

எது ரத்னம்? கூரிய புத்தியாகும்.

எது சாஸ்த்ரம்? எதைக் கேட்பதால் த்வைதம் என்ற இருள் போகிறதோ அதுவே சாஸ்த்ரம்.

யார் நண்பன், எப்போதும் உதவத் தயாராக இருப்பவன்?

 மெய்ப்பொருளைத் தரும் அறிவு.

யார் எதிரி, துன்பம் தருவதில் நிபுணன்? துர்வாஸனைகளின் (தீய நோக்கங்களின்) மொத்த தொகுதியே!

ஆங்கில ஆக்கம் :

What is the (real) place of pilgrimage? Devotion to the lotus-feet of Hari.

What is the jewel? Keen intellect.

What is the philosophy? That through the listening of which the darkness of dualism  is dispelled.

Who is the friend, ever intent to help?  Knowledge of Reality.

Friend, who is the enemy, expert in giving pain? The  multitude of evil inclinations.

                                               (Translation by K.V. Sarma)

மாதிரிக்கு ஒரு கவிதையைப் பார்த்தோம்.

நூற்றுக் கணக்கில் உள்ள பண்டிதராஜ ஜகந்நாதரின் கவிதைகளை ரஸிக்க முடிவது பெரும் பாக்கியமே!

tags – பண்டிதராஜ ஜகந்நாத,  ரஸ கங்கா

***