WRITTEN BY LONDON SWAMINATHAN

Post No. 8473

Date uploaded in London – 8 August 2020    

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

1.மூக்குத் தூள் போடாத முண்டத்துக்கு முப்பது பணத்தில் வெள்ளி டப்பி

2.மூக்கு இருக்கிற மட்டும் சளி உண்டு

3.மூக்குக்கு மேல் போனால் மூவாள் என்ன நாவாள் என்ன

4.மூக்கு அறுபட்ட கழுதை தூ வானத்துக்கு அஞ்சாது

5.மூக்கு அறுந்த மூளி காது அறுந்த மூளியைப் பழித்தாளாம்.

tags – மூக்கு , பழமொழிகள்

WRITTEN BY S NAGARAJAN                     

Post No. 8470

Date uploaded in London – – –8 August 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

மஹாபாரதம்

மஹா வீரனான கர்ணனின் மரணத்திற்கான காரணங்கள் என்னென்ன?

ச.நாகராஜன்

மஹாபாரதம் படிக்கப் படிக்கத் தெவிட்டாத அறநூல்! பேராசையும், அதிகார ஆணவமும், சூழ்ச்சியும் கொண்டோர் மிகுந்த உலகில் நல்லோர் படும் பாடு நாம் அறிந்ததே!

அப்படிப்பட்ட உலகில் மஹாபாரத காலத்தில் வியப்பூட்டும் ஒரு பாத்திரம் கர்ணன். அவனுக்கென்றே ஒரு பர்வத்தை வியாஸர் ஒதுக்குகிறார்.

கர்ணனைப் பற்றி யுதிஷ்டிரரின் புகழ் மொழிகள் இவை:

பதினாயிரம் யானை பலம் கொண்டவன்.

யுத்தம் செய்வதில் ஒப்பற்றவன்.

சிம்மம் போன்ற சௌரியமுள்ள நடை உள்ளவன்.

ஜயசீலன்.

மாறாத நியமம் உள்ளவன்.

திருதராஷ்டிரனுடைய மகன்களுக்கு ஆதாரமானவன்.

மானி.

கொடுமையான பராக்கிரமம் உடையவன்.

பகைவரைப் பொறுக்காதவன்.

எப்பொழுதும் சுறுசுறுப்புள்ளவன்.

ஒவ்வொரு யுத்தத்திலும் பாண்டவர்களை எறிந்தவன்.

அதிவேகமான அஸ்திரம் உள்ளவன்.

ஆச்சரியமான யுத்தம் செய்கிறவன்.

ஸமர்த்தன்.

ஆச்சரியமான பராக்ரமம் உள்ளவன்.

குந்திக்கு ரகசியத்தில் உண்டான புத்திரன்.

இப்படிப்பட்டவன் எனக்குத் தமையன் அல்லவா என்று கூறி வருந்துகிறார் தர்மர்.

யாரிடம் வருந்துகிறார்?

மஹாபாரதப் போர் முடிந்தவுடன் வியாஸர், நாரதர், தேவலர், தேவஸ்தானர், கண்வர் ஆகிய  மஹரிஷிகளும், ரிஷிகளுடைய சிறந்த சீடர்களும் தர்மபுத்திரரிடம் வந்தனர்.அப்போது நாரதரிடம் கர்ணனைப் புகழ்ந்து தர்மபுத்திரர் கூறிய வார்த்தைகளே இவை.

கர்ணனின் வரலாறு முழுவதையும் தர்மபுத்திரருக்கு நாரதர் கூறி விளக்குகிறார். கர்ணனின் வாழ்க்கையில் நடந்த முக்கியச் சம்பவங்கள் நமக்குத் தெரிய வருகிறது.

பிரம்மாஸ்திரத்தை எப்படியேனும் பெற வேண்டும் என்று நினைத்த கர்ணன் துரோணரிடம் சென்று அதைக் கேட்கிறான்.

ஆனால் அவர் மறுத்து விடுகிறார்.

அர்ஜுனனின் மீது கொண்ட பிரியத்தினாலும், கர்ணன் இதை எதற்காகக் கேட்கிறான் என்ற அவனது தீய எண்ணத்தை அறிந்ததாலும் துரோணர் அவனை நோக்கி, ”விதிப்படி விரதத்தை அனுஷ்டித்த பிராம்மணன் பிரம்மாஸ்திரத்தை அறிந்து கொள்ளத் தகுதியானவன். அல்லது மிகுந்த தவத்தை உடைய க்ஷத்திரியனும் தெரிந்து கொள்ளத் தக்கவன். வேறு எவனும் எவ்விதமும் இதைத் தெரிந்து கொள்ளத் தக்கவன் அல்லன்” என்று கூறுகிறார்.

ஏமாற்றம் அடைந்த கர்ணன் நேராகப் பரசுராமரிடம் சென்று தன்னை பிராம்மணன் என்று சொல்லி அஸ்திர வித்தைகளைக் கற்க ஆரம்பித்தான். பிரம்மாஸ்திரத்தையும் கற்றான்.

ஆனால் ஒரு நாள் அவன் தொடையில் தலை வைத்து பரசுராமர் உறங்கிய போது தொடையை ஒரு புழு வந்து துளைக்கத் தொடங்கியது.

தூக்கத்தில் ஆழ்ந்திருக்கும் பரசுராமர் எழுந்து விடக் கூடாதே என்று வலியைப் பொறுத்துக் கொண்டான் கர்ணன். ரத்தம் பொங்கியது. அந்த ரத்தம் பரசுராமரை நனைக்கவே அவர் எழுந்து கொண்டார். நடந்ததைப் பார்த்தார். இப்படி ஒரு வலியை யாராலும் பொறுத்துக் கொள்ள முடியாதே, உண்மையைச் சொல் நீ யார் என்றார்.

கர்ணன் உண்மையைச் சொல்ல வேண்டியதாயிற்று. க்ஷத்திரியர்களுக்கு எதிரியான பரசுராமர் வெகுண்டு, “உனக்குச் சமமானவனுடன் யுத்தம் செய்யும் போது உனது வத (அழிவு) காலத்தில் மட்டுமே இந்த பிரம்மாஸ்திரம் உனக்குத் தோன்றக் கடவது” என்று சபித்து அவனை உடனே அங்கிருந்து போக உத்தரவிட்டார்.

இதே கால கட்டத்தில் ஒரு பிராம்மணனுடைய பசுவை அவன் தற்செயலாகக் கொன்று விடுகிறான். கோபம் கொண்ட பிராம்மணன் கர்ணனை நோக்கி, “ அட, பாவி! எப்பொழுதும் எவனுடன் நீ பகை கொண்டிருக்கிறாயோ, எவனை வெல்ல எப்போதும் நீ முயற்சிக்கிறாயோ அப்படிப்பட்டவனுடன் நீ யுத்தம் செய்யும் போது உன்னுடைய தேர் உருளையை பூமி விழுங்கப் போகிறது. சக்கரமானது பூமியால் விழுங்கப்பட்டவுடன் தடுமாறிக் கொண்டிருக்கும் உன் தலையை உன் எதிரியானவன் அறுத்துத் தள்ளப் போகிறான்” என்று சாபம் கொடுத்தார்.

ஆக இப்படிப்பட்ட பல சம்பவங்களை தர்மபுத்திரர் தெரிந்து கொள்கிறார்.

பின்னர் நாரதர் கர்ணனின் மரணத்திற்கான காரணங்களை வரிசையாக அடுக்குகிறார்.

தேவேந்திரனால் யாசிக்கப்பட்டவுடன் தேவர்களின் மாயையினால் குண்டலங்களையும் உடன் பிறந்த கவசத்தையும் கர்ணன் தானமாகக் கொடுத்து விட்டான்.

இப்படி கவசத்தையும் குண்டலங்களையும் இழந்த கர்ணன், பிராமணருடைய சாபத்தாலும், பரசுராமருடைய சாபத்தாலும், குந்திக்கு வரம் கொடுத்ததாலும், இந்திரனுடைய மாயையினாலும், ரதிகர்களைக் கணக்கிட்ட காலத்தில் அர்த்த ரதன் என்று அவனை பீஷ்மர் சொல்லி செய்த அவமானத்தாலும், சல்லியன் செய்த தேஜோபங்கத்தாலும், கிருஷ்ணரின் நீதியாலும் அந்த கிருஷ்ணர் பார்த்துக் கொண்டிருக்கையில் அர்ஜுனனால் யுத்தத்தில் கொல்லப்பட்டான்

இப்படிப் பல காரணங்களும் யுத்த களத்தில் ஒன்று சேர மாவீரனான மானி கர்ணன் கொல்லப்பட்டான்.

அவனை பீஷ்மர் ஒரு நாளும் அதிரதன் என்று ஏற்றுக் கொள்ளவில்லை. ஒரு தேராளியின் சக்தியில் பாதியைக் கொண்ட அர்த்த ரதன் என்றே அவன் பீஷ்மரால் கணிக்கப்பட்டான். துரியோதனனிடம் ரதாதிரதர்களின் கணக்கைச் சொல்கையில் அவர் கர்ணனை அர்த்த ரதன் என்றே மதிப்பிட்டுச் சொல்லி விட்டார். இந்த அவமானம் அவனைப் பெரிதும் வருத்தியது; மனதைப் பாதித்தது.

குந்தியிடம் அர்ஜுனனைத் தவிர இதர பாண்டவரைக் கொல்ல மாட்டேன் என அவன் வரமும் தந்தான்.

ஆக இவை அனைத்தும் ஒன்று சேர்ந்து அவனை அழித்தது.

 போரில் அஞ்சலிகம் என்னும் ஒரு சிறந்த பாணத்தை விடுத்து அவன் தலையை அறுத்தான் அர்ஜுனன்.

அது எப்படிப்பட்டது என்பதை வியாஸர் கூறுகிறார் இப்படி:

“அஞ்சலிகம் என்னும் பாணம் மகேந்திரனுடைய வஜ்ராயுதத்துக்கும் அக்னியுடைய தண்டத்துக்கும் ஒப்பானது. சூரியனுடைய உத்தமான கிரணத்துக்கு நிகரானது. மர்மங்களைப் பிளக்க வல்லது. ரத்தத்தினாலும் மாமிசத்தினாலும் பூசப்பட்டது. அக்னிக்கும் சூரியனுக்கும் ஒப்பானது.  பூஜிக்கத் தக்கது. மனிதர்கள், குதிரைகள், யானைகளின் உயிரை வாங்க வல்லது. மூன்று அரத்னி அளவுள்ளது. ஆறு சிறகுகள் உள்ளது. வெகு விரைவாகச் செல்வது. உக்கிரமான வேகம் கொண்டது. இந்திரனுடைய வஜ்ராயுதம் போன்ற வீரியம் உள்ளது. அதி கோரமாகப் பரவுகின்ற காலாக்னி போன்றது. (சிவனுடைய) பிநாகத்துக்கும் (விஷ்ணுவினுடைய) சக்கரத்துக்கும் நிகரானது. பிராணிகளுக்கு பயத்தை உண்டு பண்ணி அழிப்பது.”

அடேயப்பா, இப்படி ஒரு வர்ணனையை வியாச பாரதத்தில் வியாஸர் நம் முன் வைக்கிறார். (கர்ண பர்வம் அத்தியாயம் 98வது அத்தியாயம்)

அந்த அஞ்சலிகம் பாய்ந்து சென்று கர்ணனுடைய தலையை அறுத்தது.

கீழே விழுந்தான் கர்ணன். அவனுடைய தேகத்தினின்று ஒரு தேஜஸானது ஆகாயத்தை வியாபித்துக் கொண்டு சூரியனைச் சென்று சேர்ந்தது.

உள்ளத்தில் நல்ல உள்ளம் கர்ணனின் உள்ளம் என்றாலும் சகவாச தோஷம் அவனை மரணத்திற்கு அழைத்துச் சென்றது!

tags – கர்ணன்,  மரணம் , காரணங்கள் 

***

WRITTEN BY LONDON SWAMINATHAN

Post No. 8468

Date uploaded in London – 7 August 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

ஒரே சொல் பல பழமொழிகளில் வந்தால், ஒரு இடத்தில் மட்டுமே கட்டத்தில் காணப்படும் .

விடைகள் கீழே உள்ளன.

விடைகள்

1.கடைத் தேங்காயை எடுத்து வழிப்பிள்ளை யாருக்கு உடைத்தாற்  போல

2.கடைக்குப் போக கன்னிக்குப் போக

3.கடைக்கு கடை ஆள் இருப்பார்கள்

4.கடையிலுள்ள வெல்லம்  கோவிலிலுள்ள லிங்கத்துக்கு நைவேத்தியம்

5.கடையில் அரிசிக் கஞ்சிக்கு உதவுமா?

tags –கடைகள் ,பழமொழி

WRITTEN BY LONDON SWAMINATHAN

Post No. 8467

Date uploaded in London – 7 August 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

மாக்ஸ் முல்லர் (Max Muller) உளறலுக்கு தியோடர் கோல்ட்ஸ்டக்கர் (Theodor Goldstucker) என்ற யூத மத  சம்ஸ்க்ருத அறிஞர் கொடுத்த பதிலில் ஒரு அரிய செய்தி உளது .

கர்ப்பிணிப்  பெண்களின்  வளைகாப்பு- ஸீமந்த சடங்கில் பிராணர்கள் முள்ளம்பன்றி முள்ளை (Quill of Porcupine) உபயோகிப்பது ஏன் என்று சிவபெருமான் ஞான ரஹஸ்ய காண்டம் என்னும் நூலில் கூறுகிறார்.

இந்துக்களுக்கு 2400 ஆண்டுகளுக்கு முன்னர் எழுத்தும் தெரியாது; புஸ்த்தகமும் தெரியாது என்று சம்ஸ்க்ருத வரலாற்றுப் புஸ்தகத்தில் மாக்ஸ் முல்லர் உளறி இருந்தார். ஏனெனில் பாணினி இதைப்பற்றி ஒன்றுமே கதைக்கவில்லை என்று முல்லர் கதை அளந்தார். கோல்ட்ஸ்டக்கர் இதையெல்லாம் மறுத்து பாணினி நூலில் இருந்தே ஆதாரங்களைத் தந்தார் ; இந்துக்களுக்கு எழுதவும் தெரியும்; வேதங்களையும் பாணினி இலக்கண நூலான ‘அஷ்டாத்யாயி’யையும் எழுதியே வைத்தனர். ஆனால் வேதத்தை மட்டும் வாய்மொழியாகத்தான் கற்கவேண்டும் என்று விதித்து, புஸ்தகம் உள்ள இந்த நாளிலும் அதைக் கடைப்பிடிக்கின்றனர் என்று கோல்டஸ்ட்க்கர் கூறினார். இவ்வளவுக்கும் இதை கோல்ட்ஸ்டக்கர் சொன்ன நாளில் அசோகர் கல்வெட்டுகளோ சிந்து-சரஸ்வதி நதி தீர நாகரீக எழுத்துக்களோ கண்டுபிடிக்கப்படவில்லை !

மாக்ஸ்முல்லர் தனது பசையற்ற வாதங்களுக்கு குமாரில பட்டரின் மீமாம்ச வார்த்திக்க நூலை வம்புக்கு இழுத்திருந்தார் . அதாவது பாணினி நூலுக்கு 1500 ஆண்டு காலத்துக்குப் பின்வந்த புஸ்தகம். . அப்படியா சேதி? அப்படின்னா , நானும் ஒரு புஸ்தகத்தைக் காட்டறேன். அதில் சிவ பெருமானே எழுத்தின் மஹிமை பற்றி விதந்து ஓதியிருக்கிறார் , பாரும் ஐயா ! என்று கோல்ட்ஸ்டாக்கர் ஞான காண்ட சேஷ ரஹஸ்யம் என்னும்  சிவ-பார்வதி உரையாடல் ஸ்லோகங்களை எடுத்துக் காட்டினார் . அதில் பார்வதிக்கு சிவ பெருமான் சொல்கிறார் :-

!அன்பே, ஆருயிரே, தேனே , கற்கண்டே, மயிலே, குயிலே, மானே, மரகதமே, மாணிக்கமே — இவை எல்லாம் சம்ஸ்கிருதத்தில் அம்பாளின் பெயர்கள்  — என்று சொல்லாமல் சொல்லிவிட்டு)

“நான் இதுவரை எழுத்துக்கள் பற்றி உனக்குச்  சொன்ன இலக்கண விளக்கங்களை யார் ஒருவன் பூர்ஜ பத்திரத்தில், கோரோசனை, குங்குமப்பூ கலந்த மஞ்சள் வர்ணத்தில் கழுத்தில் அல்லது கையில் அல்லது தலையில் முள்ளம்பன்றி முள்ளை வைத்து எழுதுகிறானோ அவனுக்கு நோய்களே இருக்காது . வேறு ஒருவரைக் கொண்டும் எழுத வைக்கலாம். மூன்று நாட்களில் நோய்கள் பறந்தோடிப் போகும். ஒரு புத்திசாலி மனிதன் இதை எழுதி தன்னிடம் வைத்திருந்து அதை போற்றிப், புகழ்ந்து பாதுகாத்து, படித்து  வந்தால், மலடியிடம் கூட, என்னைப் போன்ற ஒரு ஆண் மகனைப் பெறுவான்  .

ஒரு நாட்டில் யுத்தம் நடந்தாலோ, அரசனின் கொடுங்கோலாட்சி நடந்தாலோ , புலிகள் தாக்கும் பயம் இருந்தாலோ அல்லது அது போன்ற பயம் பீதி தரும் நிகழ்வுகள் நடந்தாலோ நான் மேலே சொன்ன எழுத்து இலக்கணத்தை நினைத்த மாத்திரத்தில் பயமும் பீதியும் பறந்தோடிப் போகும் . இதற்கு மேல் நன் உனக்கு என்ன சொல்ல முடியும் ?

( பிர்ச் Birch Tree Leaf என்று ஆங்கிலத்தில் சொல்லப்படும் பூர்ஜ மரத்தின் இலையை வடக்கிலுள்ளோர் எழுதப் பயன்படுத்தினர். தெற்கிலுள்ளோர் பனை மர இலையை/ ஓலையைப் பயன்படுத்தினர்).

கோல்ட்ஸ்டாக்கர் மேற்கோள் காட்டிய ஸ்லோகங்களில் இரண்டு ரஹஸ்யங்கள் இருக்கின்றன . கர்ப்பிணிப் பெண்களுக்கு சீமந்தம் – வளைகாப்பு நடக்கும் வீடுகளில் அய்யர் ஒரு முள்ளம் பன்றி முள்ளைக் கொண்டுவந்து கணவன் கையில் கொடுத்து, மந்திரம் சொல்லி, பெண்ணின் தலையில் வகிடு இழுக்கச் சொல்லுவார். அதாவது தலை முடி நடு வகிடு வழியாக முள்ளை அழுத்திக் கோடு கிழிக்கவேண்டும். கர்ப்பிணிப் பெண்கள் வைத்தியத்தில் கோரோசனை , குங்குமப்பூவும் உண்டு. எல்லா பிராமணர் வீடுகளிலும் இவை இருக்கும். அவற்றையும் மஞ்சளையும்  பயன்படுத்தி இருப்பார்கள் .

பீஷ்மர் காலத்தில் அம்புப் படுக்கையில் உதயமான, அக்யு பஞ்சர் அக்யூ பிரஸர் , (Acupuncture, Acupressure) வைத்தியத்தை முள்ளம் பன்றி முள் மூலமாகப் பின்பற்றுகிறோம். அதே நேரத்தில் எழுத்துக்களின் அபார மந்திர சக்தியையும் போற்றிப் பாதுகாக்க இந்த ‘டெக்னீக்’கை சிவபெருமான் சொல்லிக் கொடுக்கிறார். எழுத்துக்களின் மந்திர சக்தி பற்றியும் 51 எழுத்துக்களும்  அம்பாளின் உருவத்தில் உள்ளது பற்றியும் இந்த 51 சப்தங்களும் தமிழிலும் இருப்பது பற்றியும் காஞ்சி பரமாசார்ய சுவாமிகள் (1894-1994) நீண்ட உரை ஆற்றியுள்ளார். ‘தெய்வத்தின் குரல்’ புஸ்தகங்களில் (Seven Parts) படித்து அறிக .

கோட்ஸ்ட்க்கர் எழுதிய பதிலில் மகாபாரத அனுசாசன பருவத்திலும் குமாரிலரின் வா ர்த்திகத்திலும்  வேதங்களை எழுதிப் படிக்ககூடாதென்பதை மாக்ஸ்முல்லரே காட்டியிருப்பதை சொல்லிவிட்டு வேதங்களைப் பிழைபட மாற்றிச் சொல்லுவோரையும் இது கண்டிக்கிறது என்கிறார் .

‘எழுதா மறையளித்த எழுத்தறியும் பெருமாள்’ (பெரிய புராணப் பாடல்)  என்ற தலைப்பில் நான் முன்னர் எழுதிய கட்டுரையில் 2000 ஆண்டுக்கு முந்தைய சங்க இலக்கிய புலவர்களுக்கும் இது தெரியும் என்று காட்டியுள்ளேன் .

வாழ்க எழுத்து அதிகாரம்! வளர்க முள்ளம்பன்றி முள் வைத்தியம்!!

tags — முள்ளம் பன்றி , முள் வைத்தியம், அக்யுபஞ்சர் , அக்யூ பிரஸர்