WRITTEN BY LONDON SWAMINATHAN

Post No. 8637

Date uploaded in London – –6 SEPTEMBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

புல் பற்றி 4 பழமொழிகள்- கட்டத்தில் கண்டுபிடி

ஒரே சொல் பல பழமொழிகளில் வந்தால், ஒரு இடத்தில் மட்டுமே கட்டத்தில் காணப்படும் .

விடைகள் கீழே உள்ளன.

விடைகள்:–

1.புல்லு விற்கிற கடையிலே பூ விற்கிறது

2.புல்லும் பூமியும் கல்லும் காவேரியும் உள்ள மட்டும் என் நிலத்தை அனுபோகம் பண்ணு

3.புல்லைத் தின்னும் மாடுபோல புலியைத் தின்னும் செந்நாய் உதவுமா

4.புல்லு இருக்கிற இடத்தில் மேய விடாது, சோறு இருக்கிற இடத்தில் தின்ன  விடாது

TAGS- புல்,பழமொழிகள்

WRITTEN BY LONDON SWAMINATHAN

Post No. 8633

Date uploaded in London – –5 SEPTEMBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

கால்   பற்றி 6 பழமொழிகள்- கட்டத்தில் கண்டுபிடி

ஒரே சொல் பல பழமொழிகளில் வந்தால், ஒரு இடத்தில் மட்டுமே கட்டத்தில் காணப்படும் .

விடைகள் கீழே உள்ளன.

விடைகள்:–

1.காலால் இட்ட வேலையை தலையால் செய்வான்

2.காலில் கட்டினால் விருது, குப்பையில் கிடந்தால் துணி

3.காலில் சுற்றிய பாம்பு கடித்தா ல் ஒழிய விடாது

4.காலில் விழுகிறது நல்லது, மேலில் விழுகிறது கெட்டது

5.காலுக்குத் தக்க செருப்பு, கூலிக்குத் தக்க உழைப்பும்

6.காலுக்கு கை உதவி, கைக்கு கால் உதவி

கால், பழமொழிகள்

WRITTEN BY LONDON SWAMINATHAN

Post No. 8632

Date uploaded in London – –5 SEPTEMBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

திருவிளையாடல் புராணத்தில் தருமி என்ற ஏழைப் பிராமணனுக்கு  சிவபெருமான் எழுதிக் கொடுத்த கவியை சங்கப்  புலவன்  நக்கீரன் கேள்வி கேட்க, சிவபெருமானே நேரில் வந்து நெற்றிக் கண்ணைத் திறக்க , “நெற்றிக் கண்ணைத் திறப்பினும் குற்றம் குற்றமே” என்று அவர் வாதாட, பின்னர் எல்லாம் இனிதே முடிந்த கதை எல்லோரும் அறிந்ததே . அந்தப் பார்ப்பனன் தருமி பெற்றது 1000 பொற் காசுகள் . இந்த நிகழ்ச்சியை அப்பர் பெருமான் தேவாரத்தில் பாடியதால் 1400 ஆண்டுகளுக்கு முன்னர் இது நடந்ததை நாம் அறிகிறோம். திருவிளையாடல் திரைப்படம் இந்தக் காட்சியை சுவைபடக் காட்டுவதால் மக்கள் நினைவில் இது பசுமையாக நிற்கிறது .

ஸ்ரீ மாதவ சிவஞான யோகிகள்

ஸ்ரீ மாதவ சிவஞான யோகிகள் என்பவர் வாழ்விலும் இது போல ஒரு சுவையான சம்பவம் நடந்தது . முதலில் மாதவ சிவஞான சுவாமிகள் யார் என்பதைக் காண்போம். அவர் தமிழிலும் சம்ஸ்கிருதத்திலும் புலமை பெற்றவர் . திருநெல்வேலிப் பகுதியில் பாபநாசம் அருகிலுள்ள விக்கிரமசிங்கபுரத்தில் சுமார் 250 ஆண்டுகளுக்கு முன்னர் இவர் பிறந்தார். இவருடைய இயற்பெயர் முக்களா லிங்கர். தந்தையின் பெயர் ஆனந்தக் கூத்தர். தாயார் பெயர் மயிலம்மை.

‘விளையும் பயிர் முளையிலே தெரியும்’ என்னும் பழமொழிக்கேற்ப இவர் மேதாவிலாசம் சிறு வயதிலேயே வெளிப்பட்டது. திருவாவடுதுறை ஆதீன முனிபுங்கவர்கள் ஒரு முறை விக்கிரமசிங்கபுரம் சென்றிருந்தனர். அப்போது பள்ளிக்கூடத்திலிருந்து திரும்பி வந்து கொண்டிருந்த முக்களா லிங்கர் அவர்களைத் தன் வீட்டுக்கு விருந்துக்கு வருமாறு அழைத்தார். இவ்வளவுக்கும் அப்போது அவருடைய தந்தை ஊரில் இல்லை. சிறுவன் அழைப்புக்கிணங்க அவனுடைய வீட்டுக்குச் சென்ற சிவனடியார்களுக்கு அவன் தாயார் அறுசுவை அமுது படைத்து உபசரித்தார்.

தந்தை ஊருக்குத் திரும்பியவுடன் மகனின் தொண்டை நினைத்து மகிழ்ந்தார். தந்தையையும் தாயாரையும் வணங்கிய முக்களாளிங்கர் தன்னைத் திருவாவடுதுறை ஆதீனத்துக்கு அழைத்துச் செல்ல வேண்டினர். அங்கு சென்ற அவர் சிவநெறித் தொண்டு செய்வதே தன்  குறிக்கோள் என்று சொன்னவுடன் அங்கு சின்னப் பட்டத்தில் எழுந்தருளிய வேலப்ப சுவாமிகள் , முக்களா லிங்கருக்கு சிவ தீட்சை அருளி சிவஞானத்  தம்பிரான் என்ற தீட்சா நாமம் கொடுத்தார். குரு முகமாக பல சாஸ்திரங்களைக் கற்று, சிவஞானத்  தம்பிரான் சம்ஸ்கிருத நூல்களைத் தமிழில் மொழிபெயர்த்தார். தமிழில் சுமார் 20 நூல்கள் இயற்றினார் .

சிவ ஞான சுவாமிகள் ஒருமுறை திருப் பாதிரிப்புலியூருக்குச் சென்றார்கள் . அப்பர் சுவாமிகளைக் கரை  ஏற்றிவிட்ட  ஊர் என்பதால் சிலகாலம் தங்கினார் .அப்போது அவ்வூரில் கற்றோர் அவை கூடியது . அதில் ஒரு பணக்காரர் , “கரை ஏற விட்ட முதல்வா  உன்னை யன்றியும் ஓர் கதியுண்டாமோ” என்ற ஈற்றடியைத் தந்து இதனை முடித்துத் தருவோருக்கு நூறு பொன் பரிசளிப்போம் என்று அறிவித்தார். இதனை அறிந்த ஏழை ஒருவன் சுவாமிகளிடம் வந்து விண்ணப்பிக்க, சுவாமிகளும் அருள் கூர்ந்து ,

வரையேற விட்டமுதம் சேந்தனிடம்

உண்டனைவல் லினம் என்றாலும்

வரையேற விட்டமுத  லாகுமோ

எனைச்சித்தென்  றுரைக்கின் என்னாம்

நரையேற விட்டமுத  னாளவனாக்

கொண்டு நறும் புலிசை மேவும்

கரையேற  விட்டமுதல்  வாவுன்னை

யன்றியுமோர்  கதியுண்டாமோ

என்ற பாடலை எழுதிக்கொடுத்து பரிஸில் பெற்றுச்  செல்க எனப் பணித்தனர்.

சுவாமிகள் காஞ்சிபுரத்தில் தங்கிய நாட்களில் , மெய்கண்ட தேவரின் சிவ ஞான போதத்துக்கு பேருரை எழுதினார். அந்த நூலின் பெயர் சிவ ஞான மாபாடியம் .

சுவாமிகள் எழுதிய தொல்காப்பிய விருத்தியில் முந்தையோர் உரையில் கண்ட பல விஷயங்களைத் தவறு என்று சொல்லி ஆதாரமும் தருகிறார்.

இவருடைய பிற நூல்கள் –

சிவ ஞான சித்தியார் பொழிப்புரை

சிவசமவாதவுரை மறுப்பு

அரதத்தாசாரிய சுலோக பஞ்சக மொழிபெயர்ப்பு

சித்தாந்தப் பிரகாசிகை

சிவதத்துவ விவேகம்

சித்தாந்த மரபுக்கு கண்டன கண்டனம்

பஞ்சாக்கர தேசிக மாலை

திருத்தொண்டர் திருநாமக்கோவை

வட திருமுல்லைவாயில் திருவந்தாதி

திருவேகரம்பரந்தாதி

அகிலாண்டேசுவரி பதிகம்

அமுதாம்பிகை பிள்ளைத் தமிழ்

செங்கழுநீர் விநாயகர் பிள்ளைத் தமிழ்

திருவேகம்பர் ஆனந்தக்  களிப்பு

கச்சியானந்தருத்திரேசர்  பதிகம்

இளசைப் பதிற்றுப் பத்தந்தாதி

குளத்தூர்ப் பதிற்றுப் பத்தந்தாதி

சோமேசர் முதுமொழி வெண்பா

காஞ்சிப்புராண முதற் காண்ட பேரிலக்கியம்

தொல்காப்பியச் சூத்திரவிருத்தி

நன்நூல் விருத்தியுரைத் திருத்தம்

இலக்கண விளக்கச் சூறாவளி

தருக்க சங்கிரகம்

அன்னம்பட்டீயம்

சுவாமிகள் , திருவாவடுதுறை ஆதீனத்தின் ஞானக் கண்ணாக, செந்தமிழ்க் காவலராக , இலக்கண வரம்பினையும், சமய வரம்பினையும் பாதுகாக்கும் சிவஞான வள்ளலாகத் திகழ்ந்தார். விசுவாவசு சித்திரைத் திங்கள் எட்டாம் நாள் 17-4-1785-ம் ஆண்டு சிவானந்தப் பெருவாழ்வு அடைந்தார்கள்

– உதவிய நூல் – தொல்காப்பிய சூத்திரவிருத்தி; ஆதீன மகாவித்துவான் ச. தண்டபாணி தேசிகர் முகவுரை

tags –மாதவ சிவஞான ,யோகிகள்,சுவாமிகள், திருவாவடுதுறை

WRITTEN BY KATTUKKUTY

Post No. 8631

Date uploaded in London – –5 SEPTEMBER 2020    

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

குழந்தை பாக்கியம் இல்லையா? இதோ பரிகாரங்கள் பல..! -1

                                   Kattukutty

நான் பெற்ற செல்வம் நலமான செல்வம்

தேன் மொழி பேசும் சிங்கார செல்வம்

தொட்டால் மணக்கும் ஜவ்வாது

சுவைத்தால் இனிக்கும் தேன்பாகு.

என் முன் அமைதியாய் உட்கார்ந்திருந்தனர் தம்பதியினர்.

ஆணுக்கு சுமார் 40. வயதிருக்கும், அந்தபெண்ணிற்கு

சுமார் 35 வயதிருக்கும்.

என்ன விஷயமாய் வந்தீர்களோ??? ஜாதகம் இருக்கிறதா????

ஒருவரை ஒருவர் பார்த்துக் கொண்டனர்.

ஆண் மகன் பேசலானார் : “சார் எங்களுக்கு கல்யாணம் ஆகி

12 வருடம் ஆகிறது…. ஆனால்…….”

அந்தப். பெண்ணின் கண்களிலிருந்து கண்ணீர் பெருகியது.

முதல் ஐந்து வருடங்கள் ஜாலியாக இருந்து விட்டோம்

பிறகு அப்பா அம்மா இருவரும் தொந்திரவு செய்ய செய்ய

போகாத கோவில் இல்லை, குளிக்காத கடல் இல்லை….

இருக்காத விரதம் இல்லை………இப்போதுஎங்கள்

பொழுது போக்கு என்ன தெரியுமா??? கோவில் இல்லை

குளம் இல்லை ஸ்தோஸ்திரம் இல்லை…..

பின்ன என்ன என்று கேட்கிறீர்களா???? உங்களை மாதிரி

ஜோஸ்யர்களை பார்ப்பதுதான்’ என விரக்தியாக சிரித்தார்.

“எங்களை யார் பார்த்தாலும் எதாவது விசேஷம் உண்டா

என்று கேட்பது போலவே தோன்றுகிறது. இதனால் எந்த

கல்யாணம் காது குத்து சீமந்தம் வளைகாப்பு எதறகுமே

அவள் போவதில்லை, அதனால் நானும் போவதில்லை……”.

ஒரு புதுக்கவிதை

“நான் இறந்தால் என்னை எரிக்காதீர்கள்

புதைத்து விடுங்கள்

அப்பொழுதாவது என் வயிற்றில் புழு நெளியட்டும்”

என்னன்ன பாதிப்பு

1)குழந்தை பேறு இல்லை என்றால் ஆண்களை விட பெண்களே

அதிகம் பாதிக்கப்படுகிறார்கள்.

2)எதிர் வீடு பக்கத்து வீடு குழந்தைகளைப் பார்க்கும் போதெல்லாம

துக்கம்

3)எல்லோரும் என் குழந்தை இப்படி படிக்கிறான்

அப்படி விளையாடுகிறான் என்னும்போது ஏக்கம்…..

4)சொந்தக்கார ர் முன் நடமாட முடிவது இல்லை.

5)எக்கச்சக்கமான சொத்து ….. வாரிசு இல்லை

சம்பாதித்து என்ன பயன்???

6)வேண்டாத சொந்தக்காரர்களினால் நமது சொத்துக்காக

சூழப்படும் நிலை.

7)மறைமுகமாக மலடி, ஆண்மையற்றவன் எனக்கேட்டு

வாழ்க்கையை முடித்துக் கொள்ளும் மன நிலை, மனோவியாதி

அதைத்தொடர்ந்த மற்ற வியாதிகள்

இது எதனால்.??.

குல தெய்வ சாபம்- நமது குடும்பத்தில் உள்ள அனைவரும்

சாமி கும்பிடுவது என ஒரு பழக்கம் உண்டு். அது ஒரு முக்கிய

நாளாக இருக்கும் .தை வெள்ளி, தை பொங்கல் ஆடி வெள்ளி.

சொந்தக்காரர்கள் எந்த ஊரிலிருந்தாலும் வந்து விடுவார்கள்.

இதைச் செய்யத் தவறினால் பரம்பரையே முடிந்துவிடும்.

பித்ரு சாபம்- முன்னோர்களுக்கு செய்ய வேண்டிய திதி,

தர்ம காரியங்களைச்  செய்யாமலிருத்தல்.

முக்கியமாக வீட்டிலுள்ள மிக வயதானவர்களை உதாசீனப்

படுத்துதல், அவமானப்படுத்துதல், வீட்டை விட்டு ஒதுக்கி வைத்தல் –

இதனாலும் குழந்தை பிறந்து இறத்தல்

கோசாபம்- அந்தக் காலத்தில் ஒவ்வொருவர் வீட்டிலும் பசு மாடு

இருந்தது. மரத்து போன பசுவை வெட்டக் கொடுப்பது,பசுவிற்கு தண்ணீர்

காட்டாமல் இருப்பது, கன்றுக்கு பாலில்லாமல் செய்வது –

இதைச் செயவதினால் பரம்பரையே அற்று போகும்

ரிஷிசாபம்- ஆச்சார்ய புருஷர்களையும், உண்மையான சாதுக்களையும்,

பக்தர்களை கேலி செய்வது, அவமதிப்பது –

கரு உண்டாகி உண்டாகி அழிவதற்கு இதுதான் காரணம்.

சர்ப்ப சாபம்-சர்பங்களை கொல்லுதல்,புற்றுக்களை இடித்து வீடு கட்டுதல் –

 கருவே உண்டாகமலிருக்க இதுவே காரணம்

பெண்சாபம்-பெண்களை பொய்சொல்லி ஏமாற்றுவது, கைவிடப்பட்ட

பெணகளைச் சீரழிப்பது, சொந்த மனைவியை கைவிடுவது,

துன்புறுத்துவது

இயற்கை சாபம்- நிழல் தரும் மரங்கள், பால் தரும் மரங்களை

வெட்டுவது, கன்று ஈனாத வாழையை வெட்டுவது

மருத்துவ காரணங்கள்-

குழந்தைகள் பிறக்காமல் இருக்க ஆண்கள் 45 % காரணம்

பெண்கள். 55% காரணம்

இருவரும் சரியாக இருந்தும் குழந்தைகள் பிறக்காமலிருக்க

சுற்றுப்புற சூழல். மற்றும் சில மன, உடல் ரீதியான

காரணங்கள் -15%.

ஆண்சார்ந்த கோளாறுகள்

ஆணுக்கு தரமான உயிரணுக்கள் உற்பத்தியாவதில் பிரச்சினை

உடலுறவில் ஏற்படும் பிரச்சினைகள்

உடலுறவு கொள்ளும் கால அவகாசத்தில் உள்ள பிரச்சினைகள்

தவறன முறை, தவறான நேரம்

ஜனன உறுப்பில் கோளாறு

பெண் சார்ந்த கோளாறுகள்

பெண் கரு முட்டை வெளியாகாமை

கரு உண்டானாலும் கரு பெலோப்பியன் டயூப்பிலிருந்து

கருப்பைக்கு வராமை

வந்தாலும் கரு. வளர முடியாத சூழ்நிலை

பெண்ணின் கரு விலக்கான 14 வது நாள் கரு உயிரணு

வீர்யமாக இருக்கும்24 மணி மட்டுமே. அதற்குள் உடலுறவு

கொண்டால் கரு உண்டாகும்.

கரு வராமலிருக்க உடலில் உற்பத்தியாகும் ஹாரமோன்களும் காரணம்

மன அழுத்தமும் ஒரு காரணமாகலாம்.

கரப்ப பை பலஹீனத்தினால ஹார்மோன்கள் உண்டாகாது,கருவும்

உண்டாகாது/கர்ப்பப் பை வாயே சில பேர்களுக்கு திறந்திருக்காது.

கர்ப்ப பையில்உண்டகும் அமிலத்தினால் கரு உண்டாகாது

மற்றும் பல காரணங்களும் உண்டு.மருத்துவரிடம் கேட்டுத்

தெரிந்து கொள்ளலாம்

சரி ஜோதிட ரீதியாக குழந்தை பிறக்காமலிருக்க என்னன்ன

காரணங்கள் என ஆய்வோம்

                          *** (அடுத்த கட்டுரையுடன் முடியும்)

tags- பரிகாரங்கள், குழந்தை பாக்கியம் , இல்லை

xxxxxxxxxxxxxxxxxxxxxxxxxxxxxxxxxxxxxxx

WRITTEN BY S NAGARAJAN                     

Post No. 8629

Date uploaded in London – – –5 SEPTEMBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

அவதூதர் கொண்டிருக்கும் 24 குருக்கள் – 1

ச.நாகராஜன்

பாகவதத்தில் பதினொன்றாம் ஸ்கந்தத்தில் கிருஷ்ணருக்கும் உத்தவருக்கும் நடக்கும் சம்வாதம் ஒன்று இருக்கிறது.

அதில் யதுவுக்கும் அவதூதருக்கும் நடந்த ஒரு சம்பாஷணை வருகிறது.

அவதூதர் தான் இருபத்துநான்கு குருக்களைக் கொண்டதாகக் கூறுகிறார்.

அந்த 24 குருமார்கள் யாவர்?

1. பூமி : எல்லா ஜீவராசிகளும் தங்கள் கர்மத்திற்குத் தக பூமியில் ஜெனிக்கிறார்கள். பூமியை வெட்டி உழுது பயிரிட்டு வளர்க்கின்றனர். அதில் தீயை மூட்டுகின்றனர். ஆனால் பூமியோ தனது பாதையிலிருந்து இம்மியளவும் நகர்வதில்லை. உண்ண உணவும், இருக்க இடமும் அது தருகிறது. ஆகவே பூமியிடமிருந்து ‘ஞானவானான ஒருவன் தன் பொறுமை என்னும் விரதத்தை ஒரு போதும் விடக்கூடாது’ என்பதை கற்றுக் கொண்டேன். மற்றவர்க்கு சேவை செய்வதையே விரதமாகக் கொள்ள வேண்டும் என்பதை பூமி காட்டுகிறது. ஆகவே மலை, நதி அனைத்தும் உள்ள பூமியை என் குருவாகக் கொள்கிறேன்.
2. காற்று : காற்று சுத்தமானது. நாற்றமில்லாதது. ஆனால் அது இனிமையான மற்றும் நாற்றமான வஸ்துக்களின் மீது பாரபட்சமின்றிப் பாய்ந்து செல்கிறது. அந்தக் கணத்தில் அது அந்த வஸ்துக்களின் மீது பட்டு அவற்றின் பண்பை ஏற்றாலும் கூட சிறிது நேரத்திலேயே தன் இயல்பை மீண்டும் அடைகிறது. இதிலிருந்து நான், ஆன்மீக வழியில் ஈடுபாடைய ஒருவன் இந்த உலகில் வாழும் போது இன்ப துன்பம் தரும் புலன்களுக்குரிய பொருள்களினால் பாதிக்கப்படாமல் இருக்க வேண்டும் என்பதைக் கற்றுக்  கொண்டேன்.
3. ஆகாயம் : ஆன்மா ஆகாயம் போல எங்கும் நிறைந்தது. சில சமயம் ஆகாயம் மூடி இருப்பது போலத் தோன்றும். தூசியினாலும் புகையினாலும் நிரம்பி இருப்பது போல இருக்கும். சூர்யோதய காலத்திலும் அஸ்தமன காலத்திலும் வெவ்வேறு வண்ணங்களில் அது விகசிக்கும். ஆனால் உண்மையில் அது எந்த வண்ணமும் இல்லாதது. இதிலிருந்து உண்மையான ஞானி ஒருவன் எப்போதுமே ஆகாயம் மற்றும் வெளி போல எதனாலும் பாதிக்கப்படாமல் தூய்மையானவனாக இருக்க வேண்டும் என்பதைக் கற்றுக் கொண்டேன்.
4. அக்னி : சில சமயம் கொழுந்து விட்டு அது எரியும். சில சமயம் சாம்பல் பூத்து உள்ளடங்கி இருக்கும். ஆனால் எப்போதும் அது இருக்கும். நல்லவனோ கெட்டவனோ எவன் கொடுத்தாலும் அதை ஏற்றுக் கொண்டு அவனது பாவங்களை அது போக்குகிறது; அதே சமயம் தன் தூய்மையை இழக்காமல் இருக்கிறது. அது போலவே ஞானி ஒருவன் யார் கொடுத்த உணவை ஏற்றாலும் கூட அவனது பாவத்தைப் போக்கி அவனை ஆசிர்வதிக்க வேண்டும். ஆன்மா, வடிவம் இல்லாமல் இருந்த போதும் கூட தேவதைகளாக  மனிதர்களாக மிருகங்களாக தாவரங்களாக வடிவம் எடுக்கிறது. இவை பிறப்பதும் இறப்பதும் பிரபஞ்சத்தில் மர்மமாகவே இருக்கிறது. ஆரம்ப ஆதாரமும் முடிவும் ஆன்மாவே. அக்னியும் இது போன்றதே.
5. சூரியன் : நாம் பார்க்கும் சூரியன் ஒருவனே. ஆனால் பல்வேறு நீர் நிலைகளில் அது பிரதிபலிக்கும் போது அது பலவாக ஆகிறது. ஒரே ஆன்மாவே இது போல பல்வேறு ஜீவராசிகளில் பிரதிபலிக்கிறது. நாம் பார்க்கும் சூரியன் வெவ்வேறு வடிவம் நம் பார்வைக்குத் தக எடுப்பது போல ஒரு  ஞானியும் தனது பக்தர்களுக்காக அனைத்து வடிவையும் எடுக்கிறான்.
6. புறா : ஒரு சமயம் இரு புறாக்கள் ஒரு மரத்தில் வசித்து வந்தன. ஒரு நாள் ஒரு வேடன் அவற்றின் குஞ்சை எடுத்து விட்டான். அதைத் தீயில் வாட்டினான். பெண் புறா திரும்பி கூட்டிற்கு வந்து பார்க்கையில் குஞ்சைக் காணோம். குஞ்சு கிடந்த அக்னியில் அதுவும் விழுந்து தன் பிராணனை விட்டது. ஆண்புறா திரும்பி தன் கூட்டிற்கு வந்து நடந்ததைப் பார்த்தது. அதுவும் அதே அக்னியில் விழுந்து தன் உயிரை விட்டது. இதை சற்று எண்ணிப் பார்த்தால் புத்திசாலித்தனம் நிரம்பிய மனிதனனாலும் கூட தனது பற்றினால் அழிவை அடைகிறான். பற்றற்ற ஆன்மா உடல் புலன்களுடன் சேர்ந்தவுடன் முடிவில்லா ஜனன மரண சுழற்சியில் சிக்குகிறது. இதைக் கற்றுக் கொடுத்த புறாவே என் ஆறாவது குரு.
7. மலைப்பாம்பு : தன் இரைக்காக மலைப்பாம்பு ஒரு போதும் இருந்த இடத்தை விட்டு நகர்வதில்லை. அதன் எதிரில் எந்த ஜீவராசி வருகிறதோ அதை இரையாகப் பிடித்துத் தின்னுகிறது. இதிலிருந்து ஞானத்தைத் தேடும் ஒரு மனிதன் இன்ப சுகத்தை நாடித் தானாகச் செல்லக் கூடாது என்பதை நான் கற்றுக் கொண்டேன். எது அவன் வழியில் தானாக வருகிறதோ அதை ஏற்றுக் கொள்ள வேண்டும் என்பதையும் கற்றுக் கொண்டேன். மலைப்பாம்பைப் போல உறக்கத்தையும் விழிப்பையும் நீக்கி விட்டு ஆன்ம தியானம் ஒன்றையே மேற்கொள்ள வேண்டும் என்பதை அறிந்து கொண்டேன்.
8. கடல் : பிரம்மாண்டமான சமுத்திரத்திலிருந்து நான் கற்றுக் கொண்டது அநேகம். எவ்வளவு நதிகள் அதில் வந்து சேர்ந்தாலும் கூட அது தன் (நீர்)மட்ட அளவை மீறாமல் இருக்கிறது. கோடைகாலத்தில் நதிகள் வறண்ட போதும் அது தன் அளவைக் குறைப்பதில்லை. அதே அளவு தான் இருக்கிறது. அது தன் எல்லையை மீறி எங்கும் புகுவதில்லை. அதே போல ஞானியானவன் தனது உயரிய நிலையிலிருந்து ஒரு போதும் தாழ்வதில்லை. கடல் போல அவன் ஜெயிக்க முடியாமல் இருக்க வேண்டும். ஆழம் காண முடியாத கடல் போல அவனது இயல்பான இயற்கை குணம் யாராலும் சுலபத்தில் உணரமுடியாதபடி இருக்க வேண்டும். கடலே எனது எட்டாவது குரு.
9. பூச்சி: வெட்டுக்கிளி தீயைப் பார்த்தவுடன் அதில் தாவிக் குதிக்கிறது. அதில் எரிந்து சாம்பலாகி அழிகிறது. அது போலவே ஞானமற்ற மனிதனும் கூட மாயத்தோற்றம் அளிக்கும் புலன் இன்பங்களில் ஈடுபட்டு  முடிவற்ற பிறப்பு- இறப்புச் சுழலில் சிக்குகிறான். இதற்கு மாறாக ஞானியான ஒருவனோ மற்ற அனைத்தையும் விட்டுவிட்டு மாயையையே எரிக்கிறான். வெட்டுக்கிளியே என் ஒன்பதாவது குரு.
10. யானை : ஆண் யானையைப் பிடிக்க மனிதர்கள் போலியான பொதி வைத்து அடைக்கப்பட்ட பெண் யானை போன்ற ஒன்றைக் காண்பிக்க மோகத்தினால் ஆண் யானை அவர்களிடம் சிக்குகிறது. அதே போல மனிதனும் கூட பெண்களைக் கண்டு மயங்கி மோகத்தினால் தளைப்படுகிறான். முக்தியை விரும்பும் ஒருவன் மோகத்தை விட வேண்டும் என்பதைத் தெரிவிக்கும் யானையே எனது பத்தாவது குரு.
11. எறும்பு :  எறும்பானது தனக்கு வேண்டிய உணவைச் சேமித்து வைத்துக் கொள்கிறது. அது சேமித்த வைத்த அனைத்தையும் தானும் உண்ணுவதில்லை; தான தர்மமும் செய்வதில்லை. ஆனால் இதர ஜீவராசிகள் அவற்றை எடுத்துக் கொள்கின்றன. அது போலவே செல்வத்தைச் சேர்த்து வைக்கும் ஒருவன் கொள்ளை மற்றும் கொலைக்கு ஆளானவன் ஆகிறான். எறும்பு நமக்கு சில நல்ல விஷயத்தையும் போதிக்கிறது. எப்போது ஓயாத சுறுசுறுப்பைக் கொண்டு அது உழைக்கிறது. எந்தத் தடை வந்தாலும் அதை மீறி அது முன்னேறிக் கொண்டே இருக்கிறது; தனக்கு வேண்டியதைச் சேமித்துக் கொள்கிறது. அது போலவே ஞான மார்க்கத்தில் ஈடுபடும் ஒருவன் தளர்வின்றிச் சுறுசுறுப்புடன் ஆன்மாவை அறிதலில் ஈடுபட வேண்டும். இந்த அரிய உண்மையை விளக்கும் எறும்பே என் பதினொன்றாவது குரு.
12. மீன் : மீன் பேராசைப் பட்டுத் தூண்டிலில் இருக்கும் இரையை உண்ணுகிறது. தூண்டிலில் அகப்பட்டு உயிரை இழக்கிறது. இதிலிருந்து அதிகச் சுவை தரும் உணவு வகைகளில் ஆசைப்படக் கூடாது என்பதை நான் கற்றுக் கொண்டேன். நாக்கை வெல்லும் ஒருவன் அனைத்தையும் வென்றவனாகிறான். ஒரு நல்ல விஷயத்தையும் மீன் கற்றுத் தருகிறது. அது தனது இருப்பிடத்திலிருந்து அதாவது ஜலத்திலிருந்து ஒரு போதும் வெளியேறுவதில்லை. அதே போலவே மனிதனும் கூட தனது இருப்பிடமான உண்மையான ஆன்மாவை ஒரு போதும் விட்டு அகலக்கூடாது. இதை போதிக்கும் மீனே எனது பன்னிரெண்டாவது குரு.

TO BE CONTINUED

tags —  தத்தாத்ரேயர் , இயற்கை குரு , பாகவதம்

OLD ARTICLES

தத்தாத்ரேயர் | Tamil and Vedas

tamilandvedas.com › tag › தத்த…

1.  

Translate this page

9 Nov 2013 – இயற்கையில் 13 ‘குரு’க்கள். இந்து சந்யாசிகள் வாழ்நாள் முழுதும் பாடம் கற்கும் மாணவர்கள். அவர்கள் எதிலிருந்தும் பாடம் …

கலீலியோ | Tamil and Vedas

tamilandvedas.com › tag › கலீல…

1.  

Translate this page

23 May 2019 – தத்தாத்ரேயர் | Tamil and Vedas · https://tamilandvedas.com/tag/தத்தாத்ரேயர்/. 1. … பாகவத புராணத்தில் தத்தாத்ரேயர் என்பவர் இயற்கையிடம் தாம் …

தவளை | Tamil and Vedas

tamilandvedas.com › tag › தவளை

1.  

Translate this page

25 Nov 2018 – தத்தாத்ரேயர் | Tamil and Vedas · https://tamilandvedas.com/tag/தத்தாத்ரேயர்/. 1. … பாகவத புராணத்தில் தத்தாத்ரேயர் என்பவர் இயற்கையிடம் தாம் …

The Connection between William Wordsworth and Dattatreya …

tamilandvedas.com › 2011/11/10 › the-connection-bet…

1.  
2.  

10 Nov 2011 – Let Nature be Your Teacher ”–William Wordsworth and Dattatreya William Wordsworth was an English poet who lived from 1770 to 1850 in …

Nature is our Teacher | Tamil and Vedas

tamilandvedas.com › tag › nature-is-…

1.  

Translate this page

7 Nov 2013 – The motto is LET NATURE BE YOUR TEACHER. Now I give below an interesting poem by an anonymous author. Sri Adi Shankara is the …

அடுத்த கட்டுரையுடன் நிறைவுறும்.