WRITTEN BY LONDON POET DR A. NARAYANAN

Post No. 9918

Date uploaded in London – 1 AUGUST  2021     

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

  ஆண்டாள் திருவடிகளே சரணம்

 நாச்சியார் வைபவம்

ஆடிப்பூரத்தி  லவதரித்த ஆண்டாள்

அரங்கனின் புகழ் பாடி அகமகிழ்ந்தாள்

சூடிக் கொடுத்த சுடர் கொடியோ இவள்

சொல்லில் பிறந்ததுத் திருப்பாவையன்றோ

மார்கழி நீராடி மதுசூதனன்  பேர் பாடி

மாதர்  குழுவினை வீதியில் கூட்டி

வீடு வீடாய்ச் சென்றுத் தேடுவோ மாயனை

நாடும் நம்மை நழுவுவானோ இந்நந்தன்

மையிடாக்கண்களும் மலர் சூடாக்கூந்தலு

மாய் பொய்யும் புறங்கூறலைப் புறந்தள்ளி

வாயும் வயிறும் வருந்தியோர்க்கன்னமிட்டதே

மாயனுக்கிம் மங்கையரின் மார்கழி நோன்பு

ஒங்கி உலகளந்த உத்தமனுக்குத் தலை

தாங்கிய பால் குடம் சுமந்தத் தாய் குலம்

நீங்காத நடமாடும் செல்வமீன்ற நெடியோனுக்

கீன்றது அவன் விரும்பிய வெண்ணெயே

ஆழி ஏந்தா அரவணைத்துயிலோன் முன்

தாழி வெண்ணெய் ஏந்திய தோழியர்கள்

வேண்டினதோ பட்டர் பிரான் கோதையைப்

பிடித்தக் கார்வண்ணன் பித்து விட்டு விடவே

வேண்டுதல் கேட்டுத் தன்னுள் பூரித்த

வேய் குழலோன் நினைத்ததோ திவரறி

யாரோ இக்கோதையே நித்தம் துதித்தென்

சித்தம் கவர்ந்த சிந்தாமணியெனவே

பக்திமணம் கமழும் பாமாலையயேப் பூமாலையாய்

முக்திபெற முகுந்தனையே முந்தணயில் முடிந்திவள்

மூச்சுக் காற்றால் வாடிச்  சூடிய மாலையையணிய

பட்டர்பிரான் வர துயில் நீத்துக் காத்திருந்தானரங்கன்

மகள் தோள் சார்ந்த மாலை மாயனுக்கொவ்வாவென

மனம் நொந்த ஆழ்வான் மகளிழைத்தப் பிழையை

மன்னிக்க மன்றாட அசரீரி ஒலித்ததோ “கோதை சூடிய

மாலை வாடினினு மெம் வைசயந்தியிலுமுன்னதமே

வாடியவள் சூடிய மாலையின் வாசம் தென்றலாய்

பாடிய பாமாலையில் வீச நாடிய நாராயணனைத்

தேடிய கோதையின் பக்தியே கீதையாக, தருவீரோ?

ஆழ்வானே! எனை ஆண்ட இவளை முத்தாரமாக.”

கன்னி கண்ட கனவு நினைவான நாளோ நாயகன்

நந்த கோபன் குமரன் கோயில் தோரண வாயில்

வந்த கோதையை கதிரொளி தீபம் கலசமுடனேந்திச்

சதிரள மங்கையர் எதிர்கொண்டழைத்த நன் நாளே

மத்தளம் கொட்டி வரி சங்கம் முழங்க முத்தும்

மணியும் மலரும் நிறைந்த பந்தர் கீழ் மதுசூதனன்

மங்கைக் கரம் பற்றித் தீ வலம் வந்து அவள் தாள்

பற்ற சிந்தியதவள் கண்ணிர் வெந்நீராயவன்மீது

கண்ணீர் கசிந்த கோதையின் கண்கள் விழித்ததோ

உரியவளாயினு முயர்ந்தவர் நீர் என் தாள் பற்றியதில்

பாவியானேனப், பாவியிலும் பாவி இக்கண்ணனே! கை

பிடித்தவளைக் கண் கலங்க வைத்ததிலென்றான்.

ஓங்கிய பக்தியில்  ஒன்றிய உள்ளத்தால்

அன்றிவ்வுலகள ந்தானைத் தாங்கிய

இத்தாரகையக்குரிய மார்கழி மாதத்

திலுமொன்றியவனோ மதுசூதனன் .     

—A. நாராயணன்

tags- நாச்சியார் வைபவம், A. நாராயணன்