Date uploaded in London – – 30 JANURARY 2024
Contact – swami_48@yahoo.com
Pictures are taken from various sources for spreading knowledge.
this is a non- commercial blog. Thanks for your great pictures.
tamilandvedas.com, swamiindology.blogspot.com
https://www.pustaka.co.in/home/author/london-swaminathan
xxxx
யு எஸ் ஏ டுடே U S A TODAY என்ற நாளேட்டில் 30 -1-2024 வந்த கட்டுரையின் முக்கிய அம்சங்களைத் தருகிறேன் ; நல்ல தூக்கம் / உறக்கம் இருந்தால்தான் மூளை நன்றாக வேலை செய்யும்; எரிச்சலோ கோபமோ வராது .
நம்மில் பலரும் உறங்க முடியாமல் இரவில் படுக்கையில் புரளுகிறோம் ; டெலிவிஷனைப் போடுகிறோம் அணைக்கிறோம் ; மொபைல் போனில் மெஸேஜ் கொடுக்கிறோம் ; படிக்கிறோம்; பின்னர் அணைக்கிறோம் ; பாட்டுக்கேட்கிறோம் ; இப்படியெல்லாம் செய்தாலும் தூக்கம் வரவில்லை ; ஒரு முறை பாத்ரூம் போய்விட்டு வருகிறோம் ; அடக்கடவுளே ! இரவு ஒரு மணி ஆகிவிட்டதே ; நாளைக்கு வேலைக்குப் போகமுடியுமா ? அல்லது நாளைக்கு பரீட்சை எழுத முடியுமா? என்றெல்லாம் கவலைப்படுகிறோம் ; இதற்கெல்லாம் முற்றுப்புள்ளி வைப்பதற்கு ஒரு தூக்க நிபுணர் சொல்லும் யோஜனைகளைக் கேட்போம் .
XXXX
தூக்கம் வரவில்லையே என்று கவலைப்படுவதை நிறுத்துங்கள் ; கஷ்டப்பட்டு தூங்க முயற்சிக்காதீர்கள்.
XXXX
தினமும் குறிப்பிட்ட நேரத்தில் தூங்கப்போக வேண்டும் ; குறிப்பிட்ட நேரத்தில் எழுதிருக்கவேண்டும்; இதை மாற்றிக்கொண்டே இருந்தால் உடலிலுள்ள கடிகாரம் குழம்பிப்போகும் . அது உங்கள் தூக்கத்தைக் கெடுக்கும்.
XXXX
சிலருக்கு இரவில் ஏதேனும் நொறுக்குத் தீனி சாப்பிட் டால்தான் தூக்கம் வரும் ; ஆனால் பொதுவான விதி காலையில் ராஜா போல சாப்பிடு ; மதியத்தில் இளவரசன் போல சாப்பிடு; இரவில் பிச்சைக்காரன் போல சாப்பிடு ; அதாவது — காலையில் மிக அதிகம் ; மதியத்தில் அதைவிடக்குறைவு ; இரவிலோ மிக சொற்பம் என்று சாப்பிட்டுப் பழகுவது நல்லது “Breakfast of kings, lunch of princes, dinner of paupers,” works best.
XXXX
மதுபானம் குடித்துவிட்டு தூங்குவது நல்லதல்ல; ஆரம்பத்தில் இது உதவாலாம்; ஆயினும் இதையே பழக்கமாகக் கொண்டால், பின்னர் தூக்கத்துக்கு தடங்கல் ஏற்படும் .
XXXX
காபி, டீ, கொக்ககோலா போன்றவற்றில் caffeine கஃபைன் என்னும் பொருள் இருக்கிறது ; அதைச் சாப்பிவிட்டால் தூக்கம் கெட்டுப்போகும் ; மதியத்தில் கஃபைன் சாப்பிடுவதைக்கூட குறைத்துப் பார்க்கலாம்.
XXXX
மன உளைச்சல் இருந்தால் அதிலிருந்து விடுபட, தியானம், மூச்சுப் பயிற்சி ஆகியவற்றை மேற்கொள்ளலாம்.
XXXX
மதியம் தூங்கும் பழக்கத்தைக் குறைத்துக்கொள்ள வேண்டும்.
XXXX
காலையில் வெய்யிலில் நில்லுங்கள்; இது உடலில் உள்ள இயற்கையான சுழற்சியை circadian rhythms ஒழுங்குபடுத்தும்.
xxxx
நீல நிற விளாக்குகள் அல்லது கம்பியூட்டரிலிருந்து வரும் நீல தவிருங்கள்; நீல நிறத்தை, மூளை காலைநேரம் என்று எண்ணி மயங்கிவிடுகிறது .
xxxx
தூங்கப்போகும் முன், விளக்குகளை அணையுங்கள்; போன்கள் , கம்பியூட்டர் முதலிய கருவிகளையும் அணையுங்கள்.
xxxx
ஏதேனும் சபதம் இருந்தால்தான் தூக்கம் வரும் என்றால் மின்சார விசிறி ஒலி நல்லது.
xxxx
மொபைல் போன் முதலியவற்றை சார்ஜ் செய்தாலும் அதை நிமிர்த்தி வைக்காமல் குப்புற வையுங்கள். மார்பின் மேல் வைத்துக்கொண்டு தூங்காதீர்கள் .
xxxx
தூக்க மருந்து சாப்பிட்டு தூங்குவது கெட்டதல்ல; ஆனால் அலர்ஜி, இருமல் தலைவலி முதலிய சில வியாதிகளுக்கான மருந்தை தூக்கம் வருவதற்காக பயன்படுத்துவது நல்லதல்ல.
–subham—
tags- நல்ல தூக்கம் , நல்ல உறக்கம், வர வழிகள்
Tamil and Vedas 