WRITTEN BY S NAGARAJAN

Post No. 14,993

Date uploaded in London – —17 September 2025

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx 

14-9-25 தினமணி இதழில் கொண்டாட்டம் பகுதியில் வெளியான கட்டுரை!

விண்வெளிப் போர்…..! 

ச. நாகராஜன் 

இனி பூமியில் போர் இல்லை, விண்வெளியில் தான் போர் என்று அறிஞர்களிலிருந்து சாமானியர்கள் வரை சொல்லிக் கொண்டு இருக்கிறார்கள்! 

ஆனால் உண்மை என்னவெனில் விண்வெளியில் இப்போதே போர் துவங்கி விட்டது!

விண்வெளி ஆதிக்கத்தில் யார் முதலிடம் வகிப்பது என்பதில் ஆரம்பித்தது போட்டி.

அமெரிக்காவை இதில் எதிர்க்க ரஷியாவும், சீனாவும் வரிந்து கட்டிக் கொண்டு இறங்கியுள்ளன.

 2007ல் சீனா 850 அடி உயரத்தில் பறந்த செயலற்றுப்போன காலநிலையைக் கண்காணிக்கும் ஒரு சாடலைட்டை அழித்தது. இதையடுத்து அதிக உயரத்தில் பறக்கும் விண்கலங்களை அழிக்கும் தனது ஆற்றலை அது மேம்படுத்தியுள்ளது.

 ரஷியா சும்மா இருக்குமா,என்ன?  லோ எர்த் ஆர்பிட் என்னும் பூமியின் கீழ் சுற்றுப் பாதையில் பறக்கும் விண்கலங்களை குறி வைத்து அடித்து அழிக்கும் தன் திறனை நுடோல் மிசைல் சிஸ்டம் என்று வடிவமைத்து விண்வெளிப் போர்த்திறனைக் காட்டியுள்ளது.

 இந்த இரண்டு தேசங்களின் ஒரே நோக்கம், அமெரிக்காவை விடத் தாங்கள் போர்த்திறனில் முன்னணியில் இருக்கிறோம் என்பதை உலகிற்குக் காட்டுவது தான்!

 ASAT என்று சுருக்கமாக அழைக்கப்படும் இந்த ஆன்டி சாடலைட் வெபன் அமைப்பு விண்வெளியில் யார் அதிக ஆதிக்கம் செலுத்தப் போகிறார்கள் என்பதை நிர்ணயிக்கும் அமைப்பாகும்.

 அமைதியாக நடக்கும் இந்த விண்வெளி யுத்தத்தில் தேவையான ஆயுதங்கள் அமெரிக்காவிடம் இப்போது அதிகமாக இல்லை.

அமெரிக்க அதிகாரிகள் கீழ் சுற்றுப் பாதையில் தங்களது விண்வெளி சாதன அமைப்பானது பாதிக்கப்பட்டிருப்பது உண்மை தான் என்று ஒப்புக் கொண்டு விட்டனர்.

 சாடலைட்டுகளை அழிக்கும் இந்தப் போர் தாக்குதல் விண்வெளி முழுவதும் விண்வெளிக் குப்பையை உருவாக்கும். குப்பைகள் ஒன்றொடு ஒன்று மோதினால் நினைக்கவே பயப்பட வைக்கும் அபாயகரமான விளைவுகள் ஏற்படும்.

எடுத்துக்காட்டாகச் சொல்லப் போனால் 2007 ஜனவரியில் சீனாவின் ஒரு சாடலைட் வெடிக்க 40000 விண்வெளிக் குப்பைத் துகள்கள் உருவாயின. ஒரு செண்டிமீட்டருக்கும் குறைவாகவே இந்தத் துகள்கள் இருந்தன.

இப்படி விண்வெளியில் போர் உருவானால் அங்கு மனிதர்கள் பயணப்படுவது பாதிக்கப்படும். வணிக நோக்கில் சாடலைட்டுகள் செல்வது என்பது முடியாது.

இப்போதிருக்கும் கீழ்சுற்றுப்பாதையை விட மேலே இன்னும் அதிகமாகப் பயணப்படுவது என்பதும் கஷ்டமாகி விடும்.

 1957ம் ஆண்டு விண்வெளி ஒப்பந்தம் ஒன்று உருவானது. இதில் விண்வெளி நாடுகள் அனைத்தும் கையெழுத்திட்டுள்ளன.

 இப்போது இந்த ஒப்பந்தம் மீறப்படுமானால் அதற்கான நஷ்ட ஈட்டை போரில் ஈடுபடும் நாடுகள் தர வேண்டியிருக்கும்.

 இப்போது பூமியில் நமக்கு தகவலுக்கு உதவும் சாதனமாக இருப்பவை சாடலைட்டுகளே.

 மொபைல் போன், ஜிபிஎஸ் அமைப்பு,, தொலைக்காட்சி சேனல்கள் அனைத்தும் பாதிக்கப்படும். இவை இல்லாத உலகத்தை ஒரு நிமிடம் நினைத்துப் பார்த்தால்…. அவ்வளவு தான்!

 2017ம் ஆண்டிலிருந்து தன்னை விண்வெளித் தாக்குதலிலிருந்து காத்துக் கொள்ள அமெரிக்காவின் விமானப் படை வருடத்திற்கு ஒரு முறை விண்வெளித் தற்காப்பு ஒத்திகை ஒன்றை நடத்தி வருகிறது. ரெட் டீம் என்னும் சிவப்புப் படை ஒன்றைத் தயார் படுத்தி அது தாக்க வரும் போது எப்படி தற்காத்துக் கொள்ளலாம் என்ற ஒத்திகைப் பயிற்சி இதில் நடத்தப்படுகிறது.

 ரஷியா தான் முதன் முதலாக 1992ம் ஆண்டு விண்வெளிப் படை ஒன்றைத் தனக்காக உருவாக்கியது. ஆனால் இது பின்னர் அதன் விமானப்படையுடன் இணைக்கப்பட்டது.

2025ம் ஆண்டைப் பொறுத்த வரையில் சீனாவும் அமெரிக்காவும் மட்டுமே தனி விண்வெளிப்படையை அமைத்துக் கொண்டுள்ளன.

ஸ்பெயின், பிரான்ஸ், நெதர்லாந்து உள்ளிட்ட பல நாடுகள் விழித்துக் கொண்டு தங்கள் விமானப்படைக்கு விண்வெளிப் படை என்ற மாற்றுப் பெயரைத் தர ஆரம்பித்துள்ளன.

 ஒன்று மட்டும் நிச்சயம். இப்படிப்பட்ட ஏராளமான தகவல்களினால் நமக்குத் தெரிய வருவது விண்வெளிப் போர் ஏற்கனவே துவங்கி விட்டது என்பது தான்!

 தரையிலும் இனி ஜாக்கிரதையாக இருக்க வேண்டியது தான்; விண்ணிலும் இனி ஜாக்கிரதையாக இருக்க வேண்டியது தான்!

***

ENJOY THE CARTOONS FROM DECCAN CHRONICLE. THE BEST CARTOONS OF INDIA ARE AVAILABE IN DECCAN CHRONICLLE EVERY DAY.

POSTED BY LONDON SWAMINATHAN ON 16 9 2025.

–SUBHAM—

TAGS- CARTOONS, DECCAN CHRONICLE, 16-9-2025

WRITTEN BY S NAGARAJAN

Post No. 14,990

Date uploaded in London – —16 September 2025

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx

14-9-25 அன்று லண்டனிலிருந்து ஒளிபரப்பான ஞானமயம் நிகழ்ச்சியில் ஒளிபரப்பான உரை

ஶ்ரீ சுரைக்காய் சித்தர்! 

ச. நாகராஜன்

அன்பார்ந்த தமிழ் நெஞ்சங்களே, , திரு கல்யாண்ஜி அவர்களே, திரு லண்டன் சுவாமிநாதன் அவர்களே வணக்கம். நமஸ்காரம்.

பாரத தேசத்தில் ஆயிரக் கணக்கான சித்தர்கள் அருள் மழை பொழிந்ததை அனைவரும் அறிவர். இன்றும் ஆங்காங்கே ஏராளமான சித்தர்கள் இருந்து வருகின்றனர்; அருள் பாலிக்கின்றனர்.

இன்று நாம் சமீப காலத்தில் வாழ்ந்து மறைந்த அதிசய சித்தரான ஶ்ரீ சுரைக்காய் சித்தரின் ஜீவிய சரித்திரத்தைப் பார்ப்போம்.

ஶ்ரீ சுரைக்காய் சித்தர் எங்கு எப்போது பிறந்தார் என்பதைப் பற்றிய விவரங்கள் நம்மிடையே இல்லை.

அவரது தோற்றம் முதியவரின் தோற்றம். சடையுள்ள தலை; அதில் தலைப்பாகை ஒன்று சுற்றி இருக்கும்.ஒளிரும் கண்கள். நீண்ட தாடி. சுரைக்குடுக்கைகள் கட்டிய காவடி தாங்கிய புயம். முதுகில் சில சுரைக்காய்கள். பழைய துணி மூட்டை. கூடவே இரு வினைச் சின்னங்களாக வரும் இரண்டு நாய்கள் எப்போதும் தொடர்ந்து வரும்.

 சித்தூர் ஜில்லாவில் புத்தூர் என்று ஒரு கிராமம். அங்கு பழமையான சத்திரம் ஒன்று உண்டு. அது 1770ம் ஆண்டு கட்டப்பட்டது. அதில் கணக்கு வழக்கு பதிவு செய்யப்பட்ட கணக்கு ஏட்டில் சுரைக்காய் ஸ்வாமிகளின் ஆசியைப் பெற மங்கள திரவியங்கள் வாங்கிய வகையில் செலவழித்தது என்று கணக்கு பதிவு செய்யப்பட்டுள்ளது. அப்போது அவருக்கு வயது 70 என்றும் அறியப்படுகிறது.

1902ம் ஆண்டு அவர் மகா சமாதி அடைந்தார். ஆகவே அவருக்கு வயது 202 என்று அறியப்படுகிறது.

அவர் சித்தூர் ஜில்லாவில் புத்தூர் தாலுகாவில் இருந்த நாராயணவனத்தில் வசித்து வந்தார். இது சென்னை-பம்பாய் இருப்புப் பாதையில் அரக்கோணம் ரேணிகுண்டாவிற்கு இடையில் உள்ளது புத்தூர்.  அங்கிருந்து கிழக்கே மூன்று மைல் தூரத்தில் உள்ளது நாராயண வனம். இதைச் சுற்றி திருப்பதி. காளஹஸ்தி நாகலாபுரம் உள்ளிட்ட பல க்ஷேத்திரங்கள் உள்ளன. நாராயணனுக்கு ப்ரீதியான வனம் என்பதால் இது நாராயணவனம் என்ற பெயரைப் பெற்றது. இப்போது நாராயணவரம் என்று அழைக்கப்படுகிறது. நாராயணவனத்தை மையமாகக் கொண்டு வாழ்ந்த அவர்

ஆங்காங்கே சுற்றித் திரிந்தார்.

அவர் பலரது நோய்களை குணப்படுத்தி இருக்கிறார். குறிப்பாக, குஷ்ட வியாதியினால் அவதிப்பட்ட பலரது குஷ்டத்தை அவர் போக்கி இருக்கிறார்.

இவருக்கு ஏராளமான சீடர்கள் உண்டு. ஒரு நாள் அவரது சீடரான செங்கல்வராய முதலியாருடன் ஆற்றில் குளித்துக் கொண்டிருந்த போது, சுரைக்காய் ஸ்வாமிகள் “ஐயோ, என் அருமைப் பையன் போய் விட்டானே!” என்று அலறிக் கண்ணீர் வடித்தார். பிறகு தான் தெரிந்தது அவரது அருமை சிஷ்யரான சட்டிப் பரதேசியார் என்பவர் அதே கணத்தில் 70 மைல்களுக்கு அப்பால் இருந்த இடத்தில் சமாதி அடைந்தார் என்பது.

முக்காலத்தையும் உணர்ந்த ஞானியாக அவர் விளங்கினார்.

ஒருநாள் நடுப்பகலில் சித்தர் தான் உட்கார்ந்த இடத்தில் இருப்புக் கொள்ளாமல் எழுந்து நின்றார். அருகிலிருந்தோரை அழைத்து, “வாருங்கள், ஒரு ஏழைக்கு அன்னம் அளித்து விட்டு வரலாம்” என்றார். அனைவரும் நல்ல வெயிலில் சித்தருடன் கூடவே சென்றனர். சேரிப்பக்கம் சென்ற அவர் ஒரு நோய்வாய்ப்பட்டிருந்த நாய்க்குத் தன் அன்னத்தை அளித்தார்.

பிறகு அந்த நாயானது பூர்வ ஜென்மத்தில் அன்பு மனம்கொண்ட ஒரு பெண் என்றும், தமக்கு காய் கனி வர்க்கங்களை வழங்கி உதவியவள் அவள் என்றும் தெரிவித்தார். தீவினைப் பயனாக இப்படி நாய் பிறவியை அடைந்தாள் என்றும் அவர் கூறினார். ஆக காலத்தை ஊடுருவி அனைத்தையும் பார்க்க வல்லவர் அவர் என்பதை அனைவரும் அறிந்து கொண்டனர்.

1902ம் ஆண்டு மகா சமாதி அடைவதற்கு ஒரு வாரத்திற்கு முன்னர் அவர் சென்னையிலிருந்து நாராயணவனம் கிளம்பத் தயாரானார். சென்னை சென்ட்ரல் ரயில் நிலையத்தில் பம்பாய் மெயில் கிளம்பத் தயாராக இருந்தது. சித்தர் தனது கைத்தடியை பக்கத்தில் வைக்காமல் மேல் நோக்கிப் பிடித்துக் கொண்டிருந்தார். மணி ஆறு ஆயிற்று.  வண்டி புறப்பட மணி அடிக்கப்பட்டது. கார்டு பச்சைக் கொடியைக் காட்டினார். ஆனால் ரயில் கிளம்பவில்லை. எஞ்ஜின் டிரைவர் எவ்வளவோ முயற்சி செய்து பார்த்தும் ரயில் கிளம்பவில்லை.  மெயில் என்பதால் தாமதம் கூடாது என்று இன்னொரு எஞ்ஜின் இணைக்கப்பட்டது. என்றாலும் வண்டி நகரவில்லை. பின்னர் சித்தர் தனது கட்க முத்திரை ரீதியில் பிடித்திருந்த தடியை கீழே இறக்கித் தன் பக்கத்தில் வழக்கம் போல வைத்தார். உடனே ரயில் கிளம்பியது.

இதைப் பார்த்த அவரது சீடர் வேணுகோபால் நாயுடு என்பவர் உள்ளிட்டவர்கள் ரயில் நிலைய அதிகாரிகளிடம் நடந்ததைச் சொல்ல அவர்கள் தங்களால் அவரை தரிசிக்க முடியவில்லையே என்று வருந்தினர். முத்திரைகளில் பல்வேறு முத்திரைகள் உண்டு. சின் முத்திரை, சங்கு முத்திரை, சூரிய முத்திரை, யோனி முத்திரை, கோ முத்திரை, கட்க முத்திரை என பல வகைகள் உண்டு. ஒவ்வொன்றுக்கும் ஒரு சக்தி உண்டு. கட்க முத்திரையானது கையை வாள் போல் ஏந்தி நிற்கும் பாணி. அதன் சக்தியை அன்று ரயில் நிலையத்தில் அனைவரும் உணர்ந்தனர்.

தியாஸபிகல் சொஸைடியை நிறுவிய மேடம் H.P. ப்ளாவட்ஸ்கியும் கர்னல்  H.S. ஆல்காட்டும் நகரி பகுதிக்கு வந்த போது சுரைக்காய் சித்தரை தரிசிக்க வந்தனர். பழம் முதலிய காணிக்கை பொருள்களை எடுத்து வந்து அவரிடம் தந்து ஆசி பெற்றனர். தங்களது சில சந்தேகங்களுக்கு அவரிடம் விளக்கம் பெற்றனர்.

“நான் என்ன சொல்லட்டும். சமயத் துறையில் சில கருப்புக் காக்காய்கள் வேலை செய்து கொண்டிருந்தன. இப்போது வெள்ளைக் காக்காய்கள் அவற்றுடன் ஒத்துழைக்க ஆரம்பித்து விட்டன என்றார் சுரைக்காய் சித்தர்.

அவருடன் கூடவே வரும் இரு நாய்களும் அவரை விட்டுப் பிரியும் காலமும் வந்தது. அவை நாய் ரூபம் தரித்த சஞ்சித கர்மத் தொடர்புகள்.

ஒரு ஊரில் சித்தர் தங்கி இருந்த போது அங்குள்ள அன்பர் இவரை வரவேற்று உபசிரித்தார். அவருக்கு இலை போட்டுப் பரிமாற ஆரம்பித்தனர்.  கூடவே வந்த நாய்கள் என்றுமில்லாத பழக்கமாய் இலையிலிருந்த அன்னத்தின் மீது வாயை வைத்தன. உடனே சித்தர் அவற்றை, “சீ, போ” என்றார். அவை உடனே ஓடி மறைந்தன. தொடர்ந்து வந்து கொண்டிருந்த நாய்களை அன்றிலிருந்து காணோம்.

இவரது சிஷ்யர்களாக அமைந்த மூத்த பரதேசி, சட்டிப் பரதேசியார், குமாரகுப்பம் ஸ்வாமிகள், பரதேசி சித்தர், உள்ளிட்ட பலரும் அபூர்வ சித்திகளைப் பெற்றனர். அதன் மூலம் மக்களுக்குப் பல நல்ல காரியங்களைச் செய்தனர்.

வருடா வருடம் நாராயணவனத்தில் சுரைக்காய் சித்தரின் குருபூஜை நடைபெறுகிறது. ஏராளமானோர் திரளாக வந்து இதில் கலந்து கொண்டு அவர் அருளைப் பெறுகின்றனர்.

சுரைக்காய் சித்தரைப் போற்றி  வணங்குவோம் நலமுற வாழ்வோம் என்று கூறி விடை பெறுகிறேன்.

நன்றி வணக்கம்.

—Subham–

Gnanamayam Broadcast comes to you EVERY SUNDAY via Zoom, Facebook and You Tube at the same time .

London Time 1 PM (British Summer Time)

Indian Time 5-30 pm (evening)

Sydney, Australia time 11 pm (Night)

*****

PLEASE JOIN US TO LISTEN TO SPECIAL PROGRAMMES via Zoom, Facebook and You Tube at the same time.

****

Prayer -Mrs. Jayanthi Sundar Team – Mr and Mrs Balasubrahmanyam

***

NEWS BULLETIN

Vaishnavi Anand and Latha Yogesh from London present World Hindu News in Tamil

****

Brhannayaki Sathyanarayanan from Bengaluru speaks on

ALWAR TIRUNAGARI  Temple

****

Talk by S Nagarajan from Bengaluru

Topic: SURAIKKAY SIDDHAR

****

SPECIAL EVENT-

Talk on IMPORTANCE MAALAYA PAKSHAM  by

Sri A V SWAMINATHA SIVACHRAIYAR , Chief of Mayuram Sivapuram Global Veda  Sivagama Patasala.

Sivapuram Veda Sivagama Patasala was established in the year 1997 in Mayiladuthurai in Tamil Nadu. Sivasri. A.V.Swaminatha Sivachariar is the founder and principal of this Patasalai.

This Patasala is dedicated and persevering for the upkeeping, developing, and spreading the values of Hindu Religion, Culture, Sastras, Vedas and Agamas. It is also conducting various seminars and conferences frequently inviting various spiritual leaders, scholars and gurus.

This Patasala has a small Shiva temple inside and daily morning and evening ritual poojas and havan are performed. During this pooja, Veda parayam is chanted in a big way.

This Patasala is registered under section 12-A of the Income tax Act, 1961.

This Patasala has obtained the 80G exemption certificate from the Income tax Department.

This Patasala is registered as NGO and obtained the Darpan id from the Government of India.

This Veda Patasala is running for the past more than 25 years in the same complex.  The area of this complex is admeasuring about 25,000 sq.ft. This land is given to Sri Swaminatha Sivachariar for the Patasala by the Thiruvaduthurai Aadheenam, on a no-time limit lease agreement, under the prevailing Mutts culture. The Mutt is charging yearly a nominal token amount as lease rent. The land once given to this type of educational/charitable trust, it will not be taken back by the Mutt. In this complex, total built-up area is approx. 7500 sq ft. consisting of 8 rooms, 2 big halls, kitchen, dining room, library, cow Shala, etc.

This Vada Patasala is also started partly functioning from one more premises, which is owned by its founder, for the past 3 years. The area of this place is about 6,000 sq.ft. and the built-up are is about 4,000 sq.ft. consisting of 2 big halls, 5 rooms, kitchen, dining room, garden, etc.  In this place (a) Classes for the first 2 years students are taking place; (b) few teachers are staying there; and (c) daily poojas and vedas recitals are taking place.

Over 300 students have graduated from this Veda Patasala over the past 25 years and are working around the world in various professional fields and temples.

This Patasala is running without getting any financial assistance from any State / Central Government bodies.

This Patasala is running purely from (a) the aids / contributions / donations received from the well-wishers of the activities being undertaken here; (b) Old students well settled in India and abroad; and (c) personal income of the founders.

Sri Swaminatha Sivachariar (Founder and Principal)

He studied Vedas, Sastras and Agamas in Dharumapuram Veda Sivagama Patasalai (a Unit of Dharumapuram Aadheenam).  After successful completion, he was awarded “Vedagama praveena” certificate. Later he started working in the same Patasala as a teacher and became its principal. After quitting his job, he started his own Patasala in the year 1996.

Sri Swaminatha Sivachariar is having more than 32 years of experience and is one of the very few experts in Vedas and Saivagama Shastras in Tamil Nadu. He has performed more than 1500 consecrations (“kumbhabhishekam”) of temples till now in various parts of India and abroad.  He is also participating in seminars and conferences being conducted by various Hindu religious organizations. He has been Advisor to the HR&CE Ministry, Government of Tamil Nadu for a couple of terms.

 ******

ஞானமயம் ஒலி/ ஒளி பரப்பு நிகழ்ச்சி நிரல் ஞாயிற்றுக்கிழமை 14 September 2025

நேரில் காணலாம்; கேட்கலாம் via Zoom, Facebook and You Tube at the same time .

***

இறைவணக்கம் – திருமதி ஜெயந்தி சுந்தர் குழுவினர்- Mr and Mrs Balasubrahmanyam

****

உலக இந்துமத செய்தி மடல்-

லண்டன் மாநகரிலிருந்து வைஷ்ணவி ஆனந்தும் லதா யோகேஷும் வழங்கும் செய்தி செய்தி மடல்.

***

ஆலயம் அறிவோம் —திருமதி பிரஹந்நாயகி சத்ய நாராயணன் —

சொற்பொழிவு– தலைப்பு-  திருக்குருகூர் என்னும் ஆழ்வார் திருநகரி  ஆலயம்

****

பெங்களூருரிலிருந்து எஸ். நாகராஜன்

சொற்பொழிவு

தலைப்பு- ஶ்ரீ சுரைக்காய் சித்தர்

****

இன்றைய சிறப்பு நிகழ்ச்சி:

சொற்பொழிவு — ஸ்ரீ ஏ வி சுவாமிநாத சிவாச்சாரியார், மாயூரம், சிவபுரம் வேத சிவாகம பாடசாலை நிறுவுனர்.

தருமபுரம் சிலவாகம பாடசாலை ஆசிரியர்

மாயவரம் சிவபுரம் குளோபல் சிவாகம அகாடமியின் குரு முதல்வர் .

மாயவரம் கருவாழக்கரை ஶ்ரீ மஹாஸதாசிவபீட அதிபர் சைவசித்தாந்த சரபம்.500க்கும் மேற்பட்ட மாணவர்கள் உலகளாவிய அளவில்.

 40 வருடங்களாக சிவாகமப்பணி. அகாடமியின் குரு முதல்வர் .

மாயவரம் கருவாழக்கரை ஶ்ரீ மஹாஸதாசிவபீட அதிபர் சைவசித்தாந்த சரபம்.500க்கும் மேற்பட்ட மாணவர்கள் உலகளாவிய அளவில்..

 40 வருடங்களாக சிவாகமப்பணி.

தலைப்பு- மாளய பக்ஷத்தின்சிறப்புகள்

 ****

Anchored by London Swaminathan from London and Kalyanji from India.

****

JOIN US ON EVERY SUNDAY.

—subham—

Tags-Gnanamayam Broadcast, 14-9- 2025, programme

News

Nagarajan

Alayam arivom 

Anna talk