Written by London Swaminathan

Post No. 15,382

Date uploaded in Sydney, Australia –  1 February 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx  

செட்டியார் ஜாதி ருத்ரஜன்மன் கதை

சடிலத்தவன் இட்ட சிட்ட குலத்து ஒரு செட்டியிடத்தின்

உதித்து அருள் வித்தக ருத்ர ஜன்மப் பெயர் செப்பி இட

பரிவாலே சநகர்க்கும் அகஸ்த்ய புலஸ்த்ய சனக் குமரர்க்கும்

அநுக்ரக … சடை மகுடத்தவனாகிய சிவபெருமானின் ஆணையின்படி மேன்மையான குலத்தில் ஒரு செட்டி இடத்தே தோன்றி, அருளும் ஞானமும் கொண்ட ருத்ர ஜன்மன்* என்னும் பெயருடன் திகழ்ந்து, அன்புடனே சநகர், அகஸ்தியர், புலஸ்தியர், சநற்குமரர் ஆகியோர்களுக்கு அருள் பாலித்தவனே,

மெய்ப் பலகைச் சது பத்து நவப் புலவர்க்கும் விபத்து இல்

ஞான படலத்து உறு லக்கண லக்ய தமிழ்த் த்ரயம் அத்தில்

அகப் பொருள் வ்ருத்தியினைப் பழுது அற்று உணர்வித்து

அருள்வித்த வித்தக சற்குருநாதா … சங்கப்பலகையில்

வீற்றிருந்த நாற்பத்தொன்பது புலவர்களுக்கும் வேறுபாடு இல்லாத

முறையில் ஞானப் பகுதியில் உள்ள இலக்கண இலக்கிய (இயல், இசை, நாடகம் ஆகிய) முத்தமிழில் (சிவபெருமான் இயற்றிய)

அகப்பொருள் விளக்கத்தை குற்றமின்றி உணர்வித்து அருளிய

வித்தகனே, சற்குரு நாதனே,

பவளக் கொடி சுற்றிய பொன் கமுகின் தலையில் குலையில்

பல முத்து உதிர் செய்ப் பழநிப்பதி வெற்பினில் நில் குமரப்

பெருமாளே. … பவளக் கொடி சுற்றிய அழகிய கமுகு மரத்தின்

உச்சிக் குலையினின்றும் பல முத்துக்கள் உதிர்கின்ற பழநிப் பதி மலையில் நின்றருளும் பெருமாளே.

*(மதுரையில் 49 சங்கப்புலவர்கள் இடையே போட்டியும் பொறாமையும் வெடித்தது . ஒவ்வொரு புரும் தன்னுடைய கவிதையே  சிறந்தது என்று சொன்னபோது  விவாதம் ஏற்பட்டது , அப்போது சிவபெருமான் சொன்னபடி, மதுரை செட்டி குலத்தில் ஊமைப்பிள்ளை ருத்திரஜன்மன் என்ற பெயரில் அவதரித்த முருகன் அனைவரது பாடலையும் கேட்டு, நக்கீரன், கபிலன், பரணன் ஆகிய புலவர்களின் பாடல்களைக் கேட்கும்போது மட்டும் வியப்பையும், கண்ணீரையும் காட்ட, இம் மூவரின் கவிதையே சிறந்தவை  என்று புலவர்கள் உணர்ந்து கலகம் தீர்த்தனர்.- திருவிளையாடல் புராணம்.)

***

ரஷ்ய விண்வெளி  வீரர் யுரி ககாரினை விட வேகமாக முதன் முதலில் பூமியைச் சுற்றியது முருகன்தான் !

கடலை பொரியவரை பலகனி கழை … கடலை, பொரி, அவரை,

பலவிதமான பழங்கள், கரும்பு

நுகர் கடின குட உதர … இவற்றைப் புசிக்கின்ற கடினமான குடம்

போன்ற வயிற்றையும்,

விபரீத கரட தட மு(ம்)மத … அதிசயமான மதம் பாய்ந்த

அடையாளத்தையும், மும்மதத்தையும்*

நளின சிறுநயன … தாமரை இதழ் போன்ற சிறிய கண்களையும்

கொண்ட கரிணி முகவரது துணைவோனே … யானைமுகத்தோருக்கு

இளையவனே,

வடவரையின் முகடு அதிர … வடமலையாகிய மகாமேருவின்

சிகரங்களும் அதிரும்படி,

ஒருநொடியில் வலம்வரு மரகத மயில்வீரா … ஒரே நொடியில்

உலகம் யாவையும் வலம்வந்த மரகதப் பச்சை மயிலையுடைய வீரனே,

***

சுக்ரீவன் 11  ருத்திரர்கள் பற்றி

இரவி குலத்தி ராசத மருவி … சூரிய அம்சமாக வந்த

சுக்ரீவன் ரஜோகுணத்தை மேற்கொண்டு

எதிர்த்து வீழ்கடு ரணமுக … (வாலியை) எதிர்த்து, தோற்று

நின்ற கொடிய போர்க்களத்தில்,

சுத்த வீரிய குணமான இளையவ னுக்கு … சுத்த வீரியம்

வாய்ந்த குணத்தினனாகிய தம்பி சுக்ரீவனுக்கு உதவி,

நீண்முடி அரசது பெற்று வாழ்வுற … அவன் பெரிய

அரசாட்சியைப் பெற்று வாழுமாறு

இதமொடளித்த ராகவன் மருகோனே … அன்புடன் அருளிய

ராகவனின் மருமகனே,

பதினொரு ருத்திராதிகள் தபனம் விளக்கு மாளிகை …

பதினோரு ருத்திரர்களின்* பிரகாசம் விளங்கும் கோவிலில்

பரிவொடு நிற்கும் ஈசுர … அன்போடு எழுந்தருளியிருக்கும்

ஈஸ்வரனே,

(11 ருத்திரர்கள் பின்வருமாறு: மஹாதேவன், ஹரன், ருத்திரன், சங்கரன், நீலலோஹிதன், ஈசான்யன், விஜயன், வீமதேவன், பவோத்பவன், கபாலி, ஸெளம்யன்.)

***

திருமாலின் பெருமை

பரிவு சேர் கமல ஆலய சீ தனம் மருவுவார் திரு மால் அரி

நாரணர் பழைய மாயவர் மாதவனார் திரு மருகோனே …

அன்பு கொண்டு தாமரைக் கோயிலில் வாழ்கின்ற லக்ஷ்மியின்

மார்பைத் தழுவுகின்றவராகிய திருமால், பாவங்களைப் போக்கும்

நாராயணர், பழமை வாய்ந்த, மாயையில் வல்லவரும், பெரிய

தவத்துக்கு உரியவரும் ஆகிய திருமாலின் அழகிய மருகனே.

***

சமணர்கள் பற்றி

பறி தலை குண்டர் கழு நிரை கண்டு பழநி அமர்ந்த

பெருமாளே. … தலை மயிரைப் பறிக்கின்ற இழிந்தோராகிய

சமணர்களை (திருஞானசம்பந்தராக வந்து) கழு ஏறச் செய்து,

பழனி மலையில் வீற்றிருக்கும் பெருமாளே.

(சம்பந்தர், அப்பர் , அருணகிரிநாதர் பாடல்களில் குண்டர்களென்று வசைபாடப்படும் ஜைனர்கள் , அரசியலில் ஈடு பட்ட சமணர்கள் ஆவர். சமண மத்திலுள்ள பாமரர்கள் உலக மஹா சாதுக்கள் )

***

திருப்புகழின்  பெருமை

திருப்புகழை உரைப்பவர்கள் படிப்பவர்கள் மிடிப் பகைமை

செயித்தருளும் இசைப் பிரிய திருத்த மாதவர் புகழ்

குருநாதா … திருப்புகழை உரைப்பவர்களுடையவும்

படிப்பவர்களுடையவும் வறுமையும் பகைமையும் தொலைந்து

வெற்றி தந்தருளும் இசைப் பிரியனே, ஒழுக்கமுடைய சிறந்த

தவத்தினர் புகழ்கின்ற குருநாதனே,

***

சம்பந்தர், சுந்தரர் கதை

விருதுகவி ராஜ சிங்க … வெற்றிக் கவிராஜ சிங்கமாக (சம்பந்த

மூர்த்தியாக)

உறைபுகலி யூரில் … சொந்த ஊரான புகலியூர் (சீகாழி) பதியில்

அன்று வருவோனே … அன்று வந்து தோன்றியவனே

பரவை மனை மீதி லன்று … பரவை நாச்சியார் வீட்டுக்கு

(சுந்தரருக்காக) அன்று

ஒருபொழுது தூது சென்ற … ஒரு காலத்தில் தூது நடந்த

பரமனருளால் … பரம சிவனுடைய அருளால்

வளர்ந்த குமரேசா … வளர்ந்த குமரேசப் பெருமானே

***

சொல் அழகு

மதுர ஞான வினோதா நாதா பழநி மேவு குமாரா தீரா …

இனிய ஞான வழிகளில் பொழுது போக்கும் நாதனே, பழனி

மலையில் வீற்றிருக்கும் குமாரனே, தீரனே,

மயுர வாகன தேவா வானோர் பெருமாளே. … மயில் வாகன

தேவனே, தேவர்களின் பெருமாளே.

***

முஸ்லீம்கள் பற்றி

கலைகொடுப வுத்தர் காம கருமிகள்து ருக்கர் மாய

     கபிலர்பக ரக்க ணாதர் …… உலகாயர்

கலகமிடு தர்க்கர் வாம பயிரவர்வி ருத்த ரோடு

     கலகலென மிக்க நூல்க …… ளதனாலே

சிலுகியெதிர் குத்தி வாது செயவுமொரு வர்க்கு நீதி

     தெரிவரிய சித்தி யான …… வுபதேசந்

தெரிதரவி ளக்கி ஞான தரிசநம ளித்து வீறு

     திருவடியெ னக்கு நேர்வ …… தொருநாளே

கொலையுறஎ திர்த்த கோர இபமுகஅ ரக்க னோடு

     குரகதமு கத்தர் சீய …… முகவீரர்

குறையுடலெ டுத்து வீசி யலகையொடு பத்ர காளி

     குலவியிட வெற்றி வேலை …… விடுவோனே

பலமிகுபு னத்து லாவு குறவநிதை சித்ர பார

     பரிமளத னத்தில் மேவு …… மணிமார்பா

படைபொருது மிக்க யூக மழைமுகிலை யொட்டி யேறு

     பழநிமலை யுற்ற தேவர் …… பெருமாளே.

……… சொல் விளக்கம் ………

கலை கொடு பவுத்தர் காம கருமிகள் துருக்கர் மாய … தாம்

கற்ற கலைகளைக் கொண்டு, பெளத்தர்களும், விருப்பமான

கிரியைகளைச் செய்வதே நியதி என்று கருதும் கருமவாதிகளும், முகமதியர்களும், மாயாவாதிகளும்,

கபிலர் பகர் அக்கணாதர் உலகாயர் … கபில முனிவர் நிறுவிய

சாங்கியர்களும், கணாதரின் வைசேஷிகத்தைப் பின்பற்றுவோரும் , (நாத்திகம் பேசும்) உலகாயதர் போன்ற

கலகம் இடு தர்க்கர் வாம பயிரவர் விருத்தரோடு … கலகம்

புரியும் தர்க்கவாதிகளும் ,  வாம மதத்தினரும், பைரவர்களும்,

தம்முடன் மாறுபட்ட கொள்கையுடன்

கலகல என மிக்க நூல்கள் அதனாலே சிலுகி எதிர் குத்தி

வாது செயவும் … சத்தத்துடன் அதிக விதமான நூல்களின் மேற்

கோள்களுடன் சண்டை இட்டு, எதிர் தாக்கி வாது செய்தாலும்,

ஒருவர்க்கு(ம்) நீதி தெரிவரிய சித்தியான உபதேசம் …

ஒருவருக்குமே உண்மை இதுதான் என்று தெரிதற்கு அரிதான,

வீடு தரும் பொருளான உபதேசத்தை,

தெரிதர விளக்கி ஞான தரிசநம் அளித்து வீறு திருவடி

எனக்கு நேர்வது ஒரு நாளே … யான் அறியும்படி விளக்கி ஞான

தரிசனத்தையும் அருளி, மேம்பட்ட உனது திருவடியை எனக்குத்தந்தருளும் நாள் உண்டோ?

(கணாதர் பற்றியும், கலகம் செய்யும் நாஸ்தீக வாதிகள் /லோகாயதர் பற்றியும்  நான் சேர்த்துள்ளேன் )

***

பழனி = சிவமலை

சிறக்கும் அழகிய திரு மகள் வஞ்சிக் குறத்தி மகள் உமை

மருமகள் கொங்கைச் சிலைக்குள் அணை குக சிவ மலை

கந்தப் பெருமாளே. … சிறந்த அழகு பொருந்திய லக்ஷ்மியின்

புதல்வியும், வஞ்சிக் கொடி போன்ற குறமகளும், உமா தேவியின்

மருமகளுமாகிய வள்ளி நாயகியின் மார்பாகிய மலையைத் தழுவும்

குகனே, சிவ மலையில் (* பழநியில்) வீற்றிருக்கும் கந்தப் பெருமாளே.

(இடும்பன் காவடியாகக் கொண்டு வந்த சிவ மலை, சக்தி மலைகளுள்,முருகன் வீற்றிருக்கும் பழனி மலை, சிவமலை எனப்படும் – பழனி புராணம்).

***

மூன்று பழனிமலைக்கும் வெவ்வேறு பொருள் (யமகம்)

பழநி மலை வரு பழ நிமலை தரு பழநிமலை முருக விசாகா …

பழம் போன்றவளும், இமய மலையில் அவதரித்தவளும், பழமையுடைய நிமலையும் ஆகிய பார்வதி பெற்ற, பழநிமலைவாழ் முருகனே, விசாக மூர்த்தியே,

நான்கு பரவு (யமகம்)

பரவு பரவை கொல் பரவை வண அரி பரவும் இமையவர்

பெருமாளே. … பரந்துள்ள கடலில் மீது பாணத்தைச் செலுத்தி

அடக்கிய கடல் நிறம் உடைய (ராமனாகிய) திருமால் போற்றும்,

தேவர்களின் பெருமாளே.

To be continued……………………………….

Tags– அருணகிரிநாதர் , அரிய செய்திகள் -7, முஸ்லீம்கள், சமணர்கள், யமகம், சுந்தரர், செட்டியார் ஜாதி

WRITTEN BY S NAGARAJAN

Post No. 15,381

Date uploaded in London – 31 January 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx 

1-2-2026 தைப்பூச நன்னாள் – சிறப்புக் கட்டுரை! 

புண்ணியம், பாவம் என்பவை எவை? வள்ளலார் பிரான் அருளுரை! 

ச. நாகராஜன் 

வள்ளலார் இராமலிங்க அடிகளார் தோற்றம் 5-10-1823 ஜோதியுடன் கலந்த நாள் 30-1-1874 

சமீப காலத்தில் வாழ்ந்து சன்மார்க்கத்தை நிறுவி ஏராளமான ரகசியங்களை உலகிற்கு அளித்தவர் வடலூர் ராமலிங்க அடிகளார் ஆவார்.

வள்ளலார் என்று அனைவராலும் போற்றப்படும் இவர் ஶ்ரீ முக வருடம் தை மாதம் 19ம் நாள் (31-1-1874) வெள்ளிக்கிழமை அன்று தன் அறையில் சென்று இறைவனுடன் ஜோதி  மயமாகக் கலந்தார். 

அவரது பாடல்களையும் நூல்களையும் ஒவ்வொரு தமிழரும் படித்தல் வேண்டும்.

இங்கு அவரது உரைகளில் புண்ணியம் பாவம் பற்றிய விளக்கத்தைக் காணலாம்.

 அருளை நாம் எப்படிப் பெறுவது? 

புத்தி தத்துவத்தால் நன்மை, தீமையை விசாரிக்க வேண்டும்.

பெரியாரைத் துணை கொண்டு அவர் சொல்லும் திருப்பணியை இடையறாது செய்ய வேண்டும்.

 நன்மை, தீமை என்பவை யாவை?

நன்மை தீமை என்பவை புண்ணிய பாவம் ஆகும். 

புண்ணியம் என்பது என்ன?

ஆரம்பத்தில் செய்வதற்கும் அனுபவிப்பதற்கும் முயற்சிப்பதற்கும் துக்கமாயும், பின் சுகமாயும் விளங்கும். இது புண்ணியம்.

பாவம் என்பது என்ன?

ஆரம்பத்தில் சுகமாயும் பின்னர் துக்கமாயும் இருக்கும். இது பாவம்.

புண்ணிய பாவங்கள் எப்படி நம்மை வந்து அடைகின்றன?

மனம், வாக்கு, காயம் என்னும் மூன்றினாலும் இவை அடைகின்றன.

மேலும் மனத்தினிடத்தில் நால் வகையும், வாக்கினிடத்தில் நால்வகையும், சரீரத்தினிடத்தில் நால்வகையும் ஆக பன்னிரண்டு வகையாக இவை நம்மை வந்து அடையும்.

 அவை யாவை?

அவையாவன:

மனத்தினால் – 1. பரதார கமனம் பண்ண நினைத்தல் 2. அன்னியருடைய சொத்தை கிரகிக்க நினைத்தல் 3. அன்னியருக்குத் தீங்கு செய்ய நினைத்தல் 4. முடியாத காரியங்களை நினைத்து அக்காரியம் அன்னியர்களுக்கு முடிந்ததை நினைத்துப் பொறாமைப் படுதல்.

இவை நான்கும் மனத்தினால் செய்யும் பாவங்கள் ஆகும்.

வாக்கினால்:- 1.பொய் சொல்லல் 2. கோள் சொல்லுதல் 3. புறம் கூறல் 4. வீணுக்கு அழுதல் இவை நான்கும் வாக்கினால் செய்யும் பாவங்கள் ஆகும்.

தேகத்தினால் :- 1. பிறர் மனைவியைத் தழுவுதல் 2. புசிக்கத் தகாத வேத விரோத ஆகாரங்களைப் புசித்தல் 3. அன்னியர்களை இம்சை செய்தல் 4.தீங்கு செய்வோரைத் தடுக்காமல் அவர்களுக்கு உதவி செய்தல்.

இவை நான்கும் தேகத்தினால் உண்டாகும் பாவங்கள் ஆகும்.

இவற்றைத் தவிர்க்க வேண்டும். 

திருவாசகம், திருமந்திரம் பற்றி வள்ளலார் 

திருவாசகம் என்பது மெய்ப்பொருள் நிரம்பிய வார்த்தை. மெய்ப்பொருளைத் தரும் வார்த்தை.

 சாத்திரங்களில் சிறந்தது திருமூலர் திருமந்திரம். இது மொத்தம் எண்ணாயிரம்.

தோத்திரங்களில் சிறந்தது திருவாசகம்.

இவற்றை ஊன்றிப் பார்க்கவும். 

இது போன்ற அபூர்வமான ஆயிரக்கணக்கான தெய்வீக விஷயங்களை

வள்ளலார் பாடல்களிலும் நூல்களிலும் பார்க்கலாம்.

இவற்றை இணையதளத்தில் பெறலாம்.

சமரச சன்மார்க்க ஆராய்ச்சி நிலையம்

வடலூர்

607303 என்ற விலாசத்திலிருந்து நூல்கள் பற்றிய முழு விவரங்களைத் தெரிந்து கொள்ளலாம்.

** 

Lord of Dance Nataraja (Siva) crushing the demon of Ignorance.

Written by London Swaminathan

Post No. 15,380

Date uploaded in Sydney, Australia –  31 January 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx   

Festivals -Feb.1- Thai Pooasm festival in temples; 15- Maha Sivaratri.

Largest Sahasra Linga in Bihar

Full Moon/Purnima-1, ;New Moon/Amavasya-17;

Hindu Fasting Days/Ekadasi- 13, 27;

Hindu Auspicious Days/Muhurtha- 6, 8, 15, 16, 20 of February 2026.

Yaksha Prasna is a dialogue between Pandava king Yudhishthira and Lord of Dharma who appeared as a yaksha. It is found in the Vana Parva of Mahabharata . There are 124 questions answered by Yudhishthira . Here is the first batch.

***

February 1 Sunday

Question: What is more important than the earth itself?

Yudhishthira: One’s mother.

***

February 2 Monday

Question: What is higher than heaven?

Yudhishthira: One’s father.

***

February 3 Tuesday

Question: What is swifter than the wind?

Yudhishthira: The mind.

***

February 4 Wednesday

Question: More numerous than the blades of grass?

Yudhishthira: The thoughts in the mind.

***

February 5 Thursday

Question: What is the highest sanctuary of dharma?

Yudhishthira: Liberality.

***

February 6 Friday

Question: What is the highest sanctuary of fame?

Yudhishthira: A gift.

***

February 7 Saturday

Question: Of heaven?

Yudhishthira: The truth.

***

February 8 Sunday

Question: What is the most praiseworthy thing of all?

Yudhishthira: Skill.

***

February 9 Monday

Question: The most valuable possession?

Yudhishthira: Knowledge.

***

February 10 Tuesday

Question: The greatest treasure?

Yudhishthira: Health.

***

February 11 Wednesday

Question: The greatest happiness?

Yudhishthira: Contentment.

***

February 12 Thursday

What is the greatest wonder in the world? Every day, creatures die, yet those who remain live as if they are immortal.

***

February 13 Friday

Who is truly happy? He who lives within his means, is not in debt, and stays at home.

***

February 14 Saturday

What is the best way to cross the world? Knowledge.

***

Mrutyunjaya Mantra from the Yajur Veda

February 15 Sunday

By what does one become learned? By Srutis/ Vedas (that scriptures which are heard)

***

February 16 Monday

How one acquires something very great? By ascetics’ austerities (tapas)

***

February 17 Tuesday

How can one acquire intelligence?        By serving the old

Brahmins (learned/saints)          

***

February 18 Wednesday

What constituents the divinity of Brahmanas?

Study of Vedas (scriptures)

***

February 19 Thursday

What sleeps but does not close its eyes? Fish

***

February 20 Friday

What does not move after birth?          Egg

***

February 21 Saturday

What which is without a heart? Stone

***

February 22 Sunday

Who is friend of the exile?           Companion.

***

February 23 Monday

Who is friend of the householder?       Wife

***

February 24 Tuesday

Who is friend of the sick?            Physician

***

February 25 Wednesday

Who is friend of one who is about to die?      Charity

Duty, guest, amrita, universe     

***

February 26 Thursday

What is Amrita?      Milk of cow is Amrita

***

February 27 Friday

What is highest shelter of happiness?  Good behavior is the highest guard of happiness

February 28 Saturday

Why friends are forsaken? Greed and lust

—Subham—

Tags- February 2026 Calendar, Yaksha Prasna Q & A

Sahasralingam in Bihar

Written by London Swaminathan

Post No. 15,379

Date uploaded in Sydney, Australia –  31 January 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx  

அருணகிரிநாதர் பாடிய திருப்புகழில் முருகப்பெருமானுக்கு அவர் விடுத்த வேண்டுதல்கள் என்ன, என்ன என்று காண்போம்:

பண்டிகைகள்

1-தைப்பூசம்; வடலூரில் வள்ளலார் ஜோதி தரிசனம்;15- மஹா சிவராத்திரி

01-02-2026 – ஞாயிறு, பவுர்ணமி

17-02-2026 – செவ்வாய், அமாவாசை

ஏகாதசி உண்ணாவிரத நாட்கள்- 13, 27

முகூர்த்த நாட்கள்

06-02-2026 – வெள்ளி; 08-02-2026 – ஞாயிறு; 15-02-2026 – ஞாயிறு,;

16-02-2026 – திங்கள்; 20-02-2026 – வெள்ளி

(திருப்பரங்குன்றம், திருச்செந்தூர்ப் பாடல்கள்)

பிப்ரவரி 1 ஞாயிற்றுக் கிழமை

(யமதூதர் எருமையின் மீது வரும்போது )

கலக்கு றுஞ்செயல் ஒழிவற அழிவுறு கருத்து

நைந்து அல முறுபொழுது அளவைகொள் கணத்தில்

என்பய மற மயில் முதுகினில் வருவாயே.

***

பிப்ரவரி 2 திங்கட் கிழமை

(பிறவித்  துன்பம் அகல வேண்டுகோள்)

பலதுன்பம்உழன்றுக லங்கிய

     சிறியன்புலை யன்கொலை யன்புரி

          பவமின்றுக ழிந்திட வந்தருள் …… புரிவாயே

***

பிப்ரவரி 3 செவ்வாய்க் கிழமை

(அடியார்கள் தொழும் உன் பாதம் என் மீது பட வேண்டும்)

வாசம் மிகுந்த கடம்பம் மென் கிண்கிணி மாலை கரம்

கொளும் அன்பர் வந்து அன்பொடு வாழ நிதம் புனையும்

பதம் தந்து உனது அருள் தாராய்

***

பிப்ரவரி 4 புதன் கிழமை

சந்ததம் பந்தத் …… தொடராலே

     சஞ்சலந் துஞ்சித் …… திரியாதே

கந்தனென் றென்றுற் …… றுனைநாளும்

     கண்டுகொண் டன்புற் …… றிடுவேனோ

***

பிப்ரவரி 5 வியாழக் கிழமை

(இனிமேலாவது உன் பாத கமலங்களைப்  பணியவேண்டும்)

இவணெஞ்சுப தன்பதன் என்றிட

     மயல்கொண்டுவ ருந்திய வஞ்சகன்

          இனியுன்றன்ம லர்ந்தில கும்பதம் …… அடைவேனோ

***

பிப்ரவரி 6 வெள்ளிக் கிழமை

கணத்திற் சென்றிடந் திருத்தித் தண்டையங்

     கழற்குத் தொண்டுகொண் …… டருள்வாயே

***

பிப்ரவரி 7  சனிக் கிழமை

(ஆசை மயக்கம் நீங்க அருள்புரிவாயாகுக)

துவக்குணும் பங்கப் பித்தன வத்தன்

     புவிக்குளென் சிந்தைப் புத்திம யக்கந்

          துறக்கநின் தண்டைப் பத்மமெ னக்கென் …… றருள்வாயே

***

பிப்ரவரி 8 ஞாயிற்றுக் கிழமை

(விலைமாதர் வசம் வீழாதிருக்க அருள்புரி )

இங்கு நின்றதென் வீடே வாரீ

     ரென்றி ணங்கிகள் மாயா லீலா

          இன்ப சிங்கியில் வீணே வீழா …… தருள்வாயே

***

பிப்ரவரி 9 திங்கட் கிழமை

(இரவு ம் பகலும் ஆசையில் அமிழாமல் உன்னைப்பட்ட அருள்புரி) 

இரவுபகல் மோக னாகியெ படியில்மடி யாமல் யானுமுன்

     இணையடிகள் பாடி வாழஎ

          னெஞ்சிற் செஞ்சொற் …… றருவாயே

***

பிப்ரவரி 10 செவ்வாய்க் கிழமை

(கடைக் கண்காட்டி அருள்புரி )

பதறிய அங்காப் பும்பத்

     தியுமறி வும்போய்ச் சங்கைப்

          படுதுயர் கண்பார்த் தன்புற் …… றருளாயோ

***

பிப்ரவரி 11 புதன் கிழமை

(சிவ யோக ஞானத்தில் உருகும் நிலை வேண்டும் )

தெளிந்து உளம் அன்பொடு சிவயோகத்து உருகு ஞான

பரம்பர தந்திர அறிவினோர் கருது அம் கொள் சிலம்பணி

உபய சீதள பங்கய மென் கழல் தருவாயே

***

பிப்ரவரி 12 வியாழக் கிழமை

(தினமும் அதிகமாக அருள வேண்டும் )

வடிப்பம் தான் எனவே எனை நாள் தொறும் அதிக்கம் சேர்

தரவே அருளால் உடன் இனிது ஆள்வாய்

***

பிப்ரவரி 13 வெள்ளிக் கிழமை

(உன் திருப்புகழ் பெருமை தெரியும்படி அருள வேண்டும்)

கோடு ஆர் செம்பொற் றோளா

நின்சொற் கோடாது என்கைக்கு அருள்தாராய்

***

பிப்ரவரி 14  சனிக் கிழமை

(பிறவிப் பிணியை அகற்று)

அம் திண் செகத்து அஞ்சும் கொடு மாயும் தியக்கம் கண்டு

உயக் கொண்டு

என் பிறப்(பு) பங்கம் சிறைப் பங்கம் சிதைத்து உன்றன்

பதத்து இன்பம் தருவாயே

***

Mrtyunjaya Mantra from Yajur Veda 

பிப்ரவரி 15 ஞாயிற்றுக் கிழமை

 சூலம்வாள் தண்டுசெஞ் சேவல்கோ தண்டமுஞ்

     சூடுதோ ளுந்தடந் …… திருமார்பும்

தூயதாள் தண்டையுங் காணஆர் வஞ்செயுந்

     தோகைமேல் கொண்டுமுன் …… வரவேணும்

***

பிப்ரவரி 16 திங்கட் கிழமை

(உண்டு களித்திருக்கும் என்னைக் காப்பாற்று   )

உழைக்குஞ்சங் கடத்துன்பன்

     சுகப்பண்டஞ் சுகித்துண்டுண்

          டுடற்பிண்டம் பருத்தின்றிங் …… குழலாதே

உதிக்குஞ்செங் கதிர்ச்சிந்தும்

     ப்ரபைக்கொன்றுஞ் சிவக்குந்தண்

          டுயர்க்குங்கிண் கிணிச்செம்பஞ் …… சடிசேராய்

***

பிப்ரவரி 17 செவ்வாய்க் கிழமை

தந்து இலன் விரவும் இரு சிறு கமல பங்கயம் தந்து உகந்து

அன்புறாதோ ..

***

பிப்ரவரி 18 புதன் கிழமை

உம்பர்கள் ஸ்வாமி நமோநம எம்பெருமானே நமோநம

ஒண்டொடி மோகா நமோநம எனநாளும் உன்புகழேபாடி

நானினி அன்புடன் ஆசார பூசைசெய்துய்ந்திட

வீணாள்படாதருள் புரிவாயே

***

பிப்ரவரி 19 வியாழக் கிழமை

செந்திலில் வாழ்வாகியே யடியென்றனை

ஈடேற வாழ்வருள் பெருமாளே

***

பிப்ரவரி 20 வெள்ளிக் கிழமை

(கண்டவர்களைப்  புகழாமல் உன்னையே   துதிபாட அருள்புரி)

உலகோரை துங்க வேள் செம் கை பொன் கொண்டல் நீ

என்று சொல் கொண்டு தாய் நின்று உரைத்து உழலாதே …

துன்ப நோய் சிந்த நல் கந்த வேள் என்று உனை

தொண்டினால் ஒன்று உரைக்க அருள்வாயே

***

பிப்ரவரி 21  சனிக் கிழமை

மங்கைமார் கொங்கை சேர் அங்க மோகங்களால் வம்பிலே

துன்புறாமே

வண் குகா நின் சொரூபம் ப்ரகாசம் கொடே வந்து நீ அன்பில்

ஆள்வாய்

***

பிப்ரவரி 22 ஞாயிற்றுக் கிழமை

வைத்த கொடிதான மயல் விட்டு ஆன பத்தி செய ஏழை

அடிமைக்காக வஜ்ர மயில் மீதினில் எப்போது வருவாயே

***

பிப்ரவரி 23 திங்கட் கிழமை

வன்கானம்போய் அண்டா முன்பே … கொடும் சுடுகாட்டுக்கு

அருகில் நெருங்குவதற்கு முன்பாக

வந்தே நின்பொற்கழல்தாராய் … என்முன் தோன்றி உன் அழகிய

திருவடிகளைத் தந்தருள்வாயாக.

***

பிப்ரவரி 24 செவ்வாய்க் கிழமை

(எருமை மீதேறி எமன் வருகையில் அஞ்சாதே என்றும் என்னை உனக்கு வேண்டியவன் FRIEND என்றும்  சொல்லவேண்டும் )

ஒருமகிட மிசையேறி அந்தகனும் எனைய டர்ந்து வருகையினில்

அஞ்ச லெனவலிய மயில்மேல் நீ அந்த மறலியொடு உகந்த மனிதன் நமதன்பன் எனமொழிய வருவாயே

XXX

பிப்ரவரி 25 புதன் கிழமை

(தேவர்கள் தொழும் உன் பாதங்களை  தொழ அருள் புரி)

உம்பர் தொழும்பத கஞ்சம் தம் தஞ்ச மெனும்படி

என்றென்றுந் தொண்டு செயும்படிஅருள்வாயே .

***

பிப்ரவரி 26 வியாழக் கிழமை

இனிமையில் ஒன்றாய்ச் சென்று உட்படும் மனம் உன் தாட்கு

அன்பு உற்று இயல் இசை கொண்டு ஏத்து என்று உள்

தருவாயே … இனிமையில் ஒன்றுபட்டுச் சென்று உட்படுகின்ற என் மனம் உன்னுடைய தாள் மீது அன்பு கொண்டு, இயற்றமிழிலும், இசைத் தமிழிலும் பாக்களை இயற்றி ஏத்த வேண்டும் என்னும் மனப் பக்குவத்தைத் தருவாயாக.

***

பிப்ரவரி 27 வெள்ளிக் கிழமை

யமபடர்கள்நின்று சருவ மலமே யொழுக உயிர் மங்கு பொழுது

கடிதே மயிலின்மிசை வரவேணும்

***

பிப்ரவரி 28  சனிக் கிழமை

நிந்தைப் புலையேனை … நிந்திக்கப்படும் கீழ்மகனாகிய என்னை,

காரண காரிய லோகப்ரபஞ்சச் சோகமெலாம் அற … காரண,

காரியத் தொடர்போடு வரும் இவ்வுலகத் துன்பங்கள் எல்லாம் நீங்கவும்,

வாழ்வுற நம்பிற் காசறு வாரி … நல்வாழ்வு சேரவும், விருப்பமுடன் குற்றமற்ற செல்வமாகிய

மெய்ஞ் ஞான தவஞ்சற்றருளாதோ … உண்மை ஞானமான

தவநிலை வந்தடைய சிறிதாவது அருளக்கூடாதோ?

–SUBHAM—

TAGS- அருணகிரிநாதர் வேண்டுதல்கள், பிப்ரவரி 2026 காலண்டர்

Written by London Swaminathan

Post No. 15,378

Date uploaded in Sydney, Australia –  31 January 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx  

திருப்புகழில் அருணகிரி நாதர் சொல் அழகும், பொருள் வளமும்- Part 6

இவை அனைத்தும் பழனி மலை முருகன் பற்றிய பாடல்களில் உள்ளவை!

பூளைப்பூ,வாலி ,வீணைநாதன் (நாரதர்)

வால மா மதி மத்தம் எருக்கு அறுகு ஆறு பூளை தரித்த …

முற்றாத இளம் பிறை, ஊமத்த மலர், எருக்கு, அறுகு, கங்கை ஆறு, பூளைப்பூ ஆகியவற்றை அணிந்துள்ள

சடைத் திரு ஆல வாயன் அளித்தருள் அற்புத முருகோனே …

சடையைக் கொண்ட மதுரை சொக்கேசர் ஈன்றருளிய அற்புதமான முருகோனே,

மாய மான் ஒடு அரக்கரை வெற்றி கொள் வாலி மார்பு

தொளைத்திட வில் கொடு வாளி ஏவிய மல் புயன் அச்சுதன்

மருகோனே … மாய மானாக வந்த மாரீசனையும், அரக்கர்களையும்

வெற்றி கொண்டவரும், வாலியின் மார்பைத் தொளைக்கும் வண்ணம்

வில்லை ஏந்தி அம்பை எய்தவரும், மற்போருக்குப் பொருந்திய புயத்தை உடையவருமான (ராமனாகிய) திருமாலின் மருகனே,

நாலு வேத(ம்) நவிற்று முறைப் பயில் வீணை நாதன்

உரைத்த வனத்திடை … நான்கு வேதங்களையும் சொல்லப்பட்ட

முறைப்படி பயின்று நவில்கின்ற, வீணை ஏந்திய நாரதர் குறிப்பிட்டு உரைத்த (வள்ளி மலைக்) காட்டினிடையே

நாடி ஓடி குறத்தி தனைக் கொடு வருவோனே … தேடி ஓடிச்

சென்று குறத்தியாகிய வள்ளியைக் கொண்டு வந்தவனே,

நாளிகேரம் வருக்கை பழுத்து உதிர் சோலை சூழ் பழநி

பதியில் … தென்னையும் பலாவும் பழுத்து உதிர்க்கும் சோலைகள் சூழ்ந்த பழனி என்னும் ஊரில்

திரு ஞான பூரண சத்தி தரித்து அருள் பெருமாளே. … சிறந்த

ஞான பூரண சக்தியாகிய வேலாயுதத்தைத் தரித்தருளும் பெருமாளே.

***

சலம் அறுகு பூளை தும்பை … கங்கை நீர், அறுகம்புல்,

பூளைச்செடியின் பூ, தும்பைப் பூ

அணிசேயே … இவைகளை அணியும் சிவபெருமானின் குமாரனே,

பூளைச் செடியின் பூ (Aerva lanata)  சிறியது, வெள்ளையாக, தேங்காய் பூ போன்ற அமைப்பைக் கொண்டது, எனவே இது தேங்காய்ப்பூக் கீரை என்றும் அழைக்கப்படுகிறது. இது பொங்கல் திருவிழாவின் போது காப்புக் கட்டவும், தோரணம் கட்டவும் பயன்படுத்தப்படும் ஒரு மூலிகைச் செடியாகும். இதன் பூக்கள், இலைகள் மருத்துவ குணம் கொண்டவை, இலைகள் ரசம் தயாரிப்பிலும் பயன்படுத்தப்படுகின்றன.

பூளைப்பூவின் வேறு பெயர்கள்: பொங்கப்பூ, சிறுபீளை, பீளைசாறி, கற்பேதி, பாஷாணபேதி, கண்பீளை.

***

ராவணன் ஒரு முட்டாள் !

ஏதத்து இலங்கையினில் ஆதிக்கம் உண்டது ஒரு முட்டாள்

அரக்கர் தலை இற்றே விழக் கணைகளே தொட்ட கொண்டல்

உருவு ஆகி … குற்றம் பொருந்திய இலங்கையில் தலைமை கொண்ட முட்டாளாகிய ராவணனுடைய தலை அறுந்து கீழே விழ அம்புகளை ஏவியவரும், மேக நிறத்தை உடையவரும்,

சுமந்து அதிகம் மட்டு ஆர் மலர்க் கமலம் உற்றா சனத்

திருவை மார்பில் புணர்ந்த ரகுராமற்கும் அன்புடைய

மருமகன் ஆகி … மிகுந்த வாசனையை உடைய தாமரை மலர்

மணம் கொண்ட, ஜனகன் மகளாகிய சீதையை மார்பில் அணைத்த ரகுராமனுக்கு அன்புடைய மருகனாகி,

இராவணன் ஒரு கிரிமினல் !

(சங்கப்புலவர்களும் சம்பந்தரும் வசை பாடியதை ஒப்பிடுவோம்)

“கடுந்தெறல் இராமனுடன் புணர் சீதையை

வலித்தகை அரக்கன் வௌவிய ஞான்றை,

நிலம் சேர்மதர் அணி கண்ட குரங்கின்

செம்முகப் பெருங்கிளை இழைப் பொலிந்தா அங்கு

அறாஅ அரு நகை இனிது பெற்றிகுமே….”

—புறநாநூறு 378  ஊன்பொதி பசுங்குடையார்

Purananuru , Sangam Literature, verse 378

***

அரனுறை தருகயிலையை நிலைகுலைவது  செய்த தசமுகனது

கரமிருபது நெரி  தரவினி றுவிய கழலடியுடையவன்

–திருவீழிமிழலை , சம்பந்தர் தேவாரம், முதல் திருமுறை

***

மலையான் மகளஞ்சவ்  வரை எடுத்தவ் வலியரக்கன்

றலை தோளவை நெரியச் சரணுகிர் வைத்தவன்

–திருவேணுபுரம்

***

இசைகயிலை யையெழுதரு வகையிருபது  கரமவை நிறுவிய

நிசிசரன் முடியுடை தரவொரு விரல் பணி கொலுமவ னுறை பதி

இவ்வாறு ஒவ்வொரு பதிகத்திலும் இராவணன் கதறியதும், சிவ பிரான் அருளியதும் சம்பந்தர் தேவாரத்தில் காணக்கிடக்கிறது . ராவணன் ஒரு கிரிமினல் CRIMINAL என்பதால் அவனை நிசி சரன் NIGHT WALKER  (ராத்திரியில் ஆட்டம்போடும் கள்ளன் ) என்றும் திட்டுகிறார் திரு ஞான சம்பந்தர்.

–திருச் சிவபுரம்

***

திரி நயனி, திரி புவனி !

நிருமலிய திரி நயனி வாள் வீச வரு குமரி … மாசு

இல்லாதவளும், மூன்று கண்களை உடையவளும், ஒளி வீச

எழுந்தருளும் குமரி,

கவுரி பயிரவி அரவ பூணாரி திரி புவனி … கெளரி, காளி,

பாம்பை அணி கலனாகப் பூண்டுள்ளவள், மூன்று உலகங்களுக்கும் தலைவி,

நிபுட மலை அரசன் அருள் வாழ்வான புரண உமை

அருள்பாலா … நெருக்கமாக உள்ள இமய மலை அரசன் வளர்த்தருளிய மகளான, எங்கும் நிறைந்தவளும் ஆகிய உமா தேவி பெற்ற மகனே,

***

காசுக்காக கற்பகமே என்று பாடும் கவிகள் !

பெருகி ஒரு காசே கொடாதவரை ஐந்து தருவை நிகரே

ஆகவே எதிர் புகழ்ந்து பெரிய தமிழே பாடி … தாராள மனத்துடன்

ஒரு காசு கூட கொடுக்காத லோபிகளை ஐந்து கற்பகத் தருக்களையும்*  நிகர்ப்பீர்கள் என்று எதிரிலே புகழ்ந்து, (அவர் மீது) பெரிய தமிழ்ப் பாக்களையே பாடி,

நாள் தொறும் இரந்து நிலை காணாப் பிணியின் அகமே

ஆன பாழ் உடலை நம்பி … தினமும் (இங்ஙனம் பிச்சை எடுக்கும் காண முடியாத நோய்க்கு உள்ளாகும் பாழான இந்த உடலை நம்பி,

உயிரை அவமாய் நாடியே பவ(ம்) நிரம்பு பிறவி தனிலே

போக மீளவும் உழன்று திரிவேனோ … உயிரைப் பயனிலதாக

நினைத்து, பாவ வினைகள் நிரம்பியுள்ள பிறவியில் சேரவே மீண்டும் அலைந்து திரிவேனோ?

ஐந்து தேவ தருக்கள்:

சந்தானம், அரிச்சந்தனம், மந்தாரம், பாரிஜாதம், கற்பகம்.

***

மன்மதனுக்கு மைத்துனன் முருகன் !

அரி புத்திர சித்தஜனுக்கு அருமைக்கு உரியத் திரு மைத்துன

வேளே … திருமாலின் மகனான மன்மதனுக்கு அருமையான அழகிய மைத்துனனாகிய* தலைவனே,

மன்மதன் திருமாலின் மகன். வள்ளி திருமாலின் மகள்.

எனவே வள்ளிக் கணவன் முருகன் மன்மதனுக்கு மைத்துனன் ஆகிறான்.

***

தயிர்த் திருடனும் தனுஷ்கோடியும்

தயிரச் சோரன் எனும் அவ் உரை வசைக் கோவ

வனிதையர்கள் தரத்து ஆடல் புரியும் அரி மருகோனே …

தயிரைத் திருடுபவன் என்ற அந்த மொழி நிந்தையைப் புகல்கின்ற கோபிகளுடன் திருவிளையாடல் புரிந்த கண்ணபிரானின் மருகனே,

தமிழ்க் காழி மருத வன மறைக்காடு திரு மருகல்

தனுக்கோடி வரு குழகர் தரு வாழ்வே … (சம்பந்தரின் திருநெறித்தமிழ் எனப்படும் செந்தமிழ்த் தேவாரத்துக்குப் பிறப்பிடமாகிய) சீகாழி,திருவிடை மருதூர், வேதாரண்யம், திருமருகல், தநுஷ்கோடி ஆகிய தலங்களில் வீற்றிருக்கும் சிவபெருமான தந்த குமரனே,

****

மனிதர்கள் பற்றி பாரதியாரும், அருணகிரியாரும் போட்ட கணக்கு!

ஒருவரை யொருவர் தேறி யறிகிலர் மதவி சாரர்

     ஒருகுண வழியு றாத …… பொறியாளர்

உடலது சதமெ னாடி களவுபொய் கொலைக ளாடி

     உறநம னரகில் வீழ்வ …… ரதுபோய்பின்

வருமொரு வடிவ மேவி யிருவினை கடலு ளாடி

     மறைவரி னனைய கோல …… மதுவாக

மருவிய பரம ஞான சிவகதி பெறுக நீறு

     வடிவுற அருளி பாத …… மருள்வாயே

ஒருவரை யொருவர் தேறி யறிகிலர் … ஒருவர் சொல்வதை மற்றவர் இன்னதென்று தெரிந்து அறியமாட்டாதவர்களாகிய

மத விசாரர் ஒருகுண வழியு றாத பொறியாளர் … மத

ஆராய்ச்சியாளர்களும், ஒரு கொள்கை வழியில் நிலைக்காத மனத்தை உடையவர்களுமான மக்கள்

உடலது சதமெ னாடி களவுபொய் கொலைக ளாடி … இந்த

உடல் நீடித்து இருக்கும் என்று எண்ணி, களவும், பொய்யும், கொலையும் செய்து கொண்டே வந்து,

உற நமன் நரகில் வீழ்வர் … இறுதியாக அனைவரும் யமனுடைய

நரகத்தில் சென்று வீழ்வர்.

அதுபோய்பின் வருமொரு வடிவ மேவி … அந்த நிலை

முடிந்தபின்பு கிடைக்கும் வேறு ஓர் உருவத்தை மறு பிறவியில் அடைந்து,

இருவினை கடலுள் ஆடி மறைவர் … நல்வினை, தீவினை என்ற

இருவினைக் கடலில் உளைந்து மறைவர்.

இனனைய கோலம் அதுவாக … இத்தகைய மனிதர்களின் கோலம்

அவ்வாறாக, மருவிய பரம ஞான சிவகதி பெறுக நீறு … (யான் அவ்வாறு அலையாமல்) பொருந்திய பரமஞானமாகிய சிவகதியைப் பெறுவதற்காக திருநீற்றைத் தந்து,

வடிவுற அருளி பாதம் அருள்வாயே … நல்ல நிலையை நான்

அடைய எனக்கு அருளி, உன் திருவடிகளைத் தந்தருள்வாயாக.

***

பாரதியாரும் காளி தேவியிடம் சொல்கிறார் !

வேடிக்கை மனிதன் போல்  வீழ்வே னென்று நினைத் தாயோ?-

தேடிச் சோறுநிதந் தின்று –

பல சின்னஞ் சிறுகதைகள் பேசி –

மனம் வாடித் துன்பமிக உழன்று –

பிறர் வாடப் பலசெயல்கள் செய்து –

நரை கூடிக் கிழப்பருவ மெய்தி –

கொடுங் கூற்றுக் கிரையெனப்பின் மாயும் –

பல வேடிக்கை மனிதரைப் போலே –

நான் வீழ்வே னென்று நினைத் தாயோ?– பாரதியார் பாடல் 

—subham—

Tags-   பழனி ,திருப்புகழில், அரிய செய்திகள், பாரதியார் , அருணகிரிநாதர் , வேடிக்கை மனிதர் , பூளைப்பூ , முட்டாள் இராவணன்,  சொல் அழகும், பொருள் வளமும்- Part 6

 WRITTEN BY S NAGARAJAN

Post No. 15,377

Date uploaded in London – 30 January 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx 

குரு பூர்ணிமா அன்று ஷீர்டி சாயி பாபா கொடுத்த கட்டளை! 

ச. நாகராஜன் 

1909ம் ஆண்டு பாபாவின் நித்ய பூஜையும் ஆரத்தியும் ஆரம்பமானது.

ஆனால் குரு பூர்ணிமா அன்று விசேஷ பூஜைகள் எதுவும் நடைபெறவில்லை.

அந்த வருடம் குரு பூர்ணிமா வந்தது. பாபா அணுக்கத் தொண்டரான தாதா கேல்கரை தன்னிடம் வரச் சொன்னார். அவரும் வந்தார். 

அவரிடம் பாபா, “இன்று குரு பூர்ணிமா தினம் என்பது உனக்குத் தெரியாதா, என்ன? உனது பூஜை சாமான்களை எல்லாம் கொண்டு வந்து குருவுக்கு பூஜை செய்” என்றார் 

அவ்வளவு தான், ஓடோடிச் சென்ற கேல்கர் பூஜா திரவியங்களைக் கொண்டு வந்து வெகு விமரிசையாக குரு பூஜையைச் செய்தார். 

அன்று ஆரம்பித்த குரு பூர்ணிமா தினத்தன்று செய்யும் குரு பூஜை இன்று வரை தொடர்கிறது.

 ஆனால் ஹெச். வி. சாதே என்ற பக்தர் சிவராத்திரி தினத்தன்று நள்ளிரவில் வழிபட வந்த போது பாபா வேண்டாம் என்று கூறி அதை மறுத்து விட்டார்.

 ஒரு முறை பாபா கூறினார் இப்படி:

“இந்த உலகம் வேடிக்கையானது. எல்லோரும் எனக்கு வேண்டியவர்களே. எல்லோரையும் சமமாக நோக்கி நான் சமமாக பாவிக்கிறேன். ஆனால் சிலரோ திருடர்களாக மாறி விடுகிறார்கள். அவர்களுக்காக நான் என்ன செய்ய முடியும்? மரண வாயிலில் இருக்கும் அவர்கள் மற்றவர்களைத் தீர்த்துக் கட்டத் திட்டம் தீட்டுகிறார்கள்! அவர்கள் எனக்கு மிகுந்த வேதனை தருகிறார்கள். நான் பேசாமல் அமைதியாக இருந்து விடுகிறேன். கடவுள் மிகப் பெரியவர். அவர் மிகவும் சக்தி வாய்ந்த தனது அதிகாரிகளை எங்கும் கொண்டிருக்கிறார். அவர்களிடம் அனைவரும் திருப்தியுடன் இருக்க வேண்டும்.

நான் மிகவும் சக்தி வாய்ந்தவன். நான் இங்கு எட்டாயிரம் அல்லது பத்தாயிரம் வருடங்களுக்கு முன் இருந்திருக்கிறேன்.

 பாபா இப்படி தன்னைப் பற்றி அபூர்வமாகக் கூறிய தருணம் இது.

 அவர் ஹிந்துக்களையும், இஸ்லாமியரையும், கிறிஸ்தவர்களையும் சமமாகவே பாவித்தார். அருள் புரிந்தார்.

இதை விளக்கும் ஏராளமான சம்பவங்கள் உண்டு.

29-8-1835 அன்று அவதாரமெடுத்த ஷீர்டி சாயிபாபா 15-10-1918 அன்று சமாதி எய்தினார். 

அதுவரை அவரது வாழ்வில் ஏராளமான அற்புதமான சம்பவங்கள் நடைபெற்றுக் கொண்டே இருந்தன. 

படிக்கப் படிக்கத் திகட்டாத பல ஆன்மீக ரகசியங்களை விளக்குபவை அவை என்பது மட்டும் திண்ணம்!

**

Written by London Swaminathan

Post No. 15,376

Date uploaded in Sydney, Australia –  30 January 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx  

 In the Tiruppugaz composed by 15^th century Tamil poet cum saint Arunagirinathar, we come across interesting detail about the structure of an atom.

All of us know the first reference to an atom comes in 2300 Ganada’s Vaishesika sastram. Later we come across the famous quote from the Katopanishad and other scriptures

“Anor aneeyaam mahatho maheeyaam” (अणोरणीयान् महतो महीयान्) is a profound Sanskrit phrase from the Vedic tradition, most famously found in the Katha Upanishad (1.2.20).  It translates to: “Smaller than the smallest, greater than the greatest.”  It occurs in other Upanishads as well.

अणोरणीयान् महतो महीयान्
आत्मा गुहायां निहितोऽस्य जन्तोः ।
तमक्रतुं पश्यति वीतशोको
धातुः प्रसादान्महिमानमात्मनः ॥ – श्वेताश्वतरोपनिषत् ३-२०

This is translated and used in Tamil hymns as well.

But Arunagirinathar’s statement is different from this अणोरणीयान् महतो महीयान्. He says

“aNuvil aNu ena niRainthittu ninRathu oru samprathAyam uthayam ezha iruLvi dinthu: and an atom within an atom”
Only two hundred years ago the western scientists discovered the structure of an atom. Arunagiri said it five hundred years ago. His statement an atom within atom means Hindus know what is inside an atom. I am not making a sweeping statement without any proof.

Before Arunagirinathar’s time, three poets have sung about splitting an atom and the energy it produces. Avvaiyar and Idaikadar, two earlier poets said when atom is split seven oceans can be punt into it. They stated it when they praised the book Tirukkural.

Splitting an Atom

Another poet Tirumular of ninth century CE gives more details in the following poem:

“Take one piece of cow’s hair and cut it into 100

Parts, then take one part of it and again cut it into

1000 parts, then take one part from that and again

cut it into another 10000 parts. The remaining 1 part

from those 10000 parts will resemble the size of the

Atom (Anu in Tamil)”.

He tried to explain the size of an atom to a layman.

***

Following Tiruppugaz has other details about 14 worlds and 96 Tatvas

Song 106 – adhala vidhala (pazhani)

athala vithalamutha lanthaththa langaLena

     avani yenaamarar aNdaththa kaNdamena

          akila salathiyena eNdikkuL viNduvena …… angibAnu

amutha kathirkaLena anthiththa manthramena

     aRaiyu maRaiyenaa runthaththu vangaLena

          aNuvi laNuvenani Rainthittu ninRathoru …… samprathAyam

uthaya mezhairuLvi dinthakka Nanthanili

     ruthaya kamalamuki zhangatta vizhnthuNarvi

          luNaru manupavama nampetRi dumpadiyai …… vanthuneemun

uthava iyaliniyal senchoRpra panthamena

     mathura kavikaLilma nampatRi runthupukazh

          uriya adimaiyunai yanRippra panchamathai …… nampuvEnO

thathatha thathathathatha thanthaththa thanthathatha

     thithithi thithithithithi thinthiththi thinthithithi

          thakuku thakuthakuku thanthaththa thanthakuku …… thinthithOthi

sakaka sakakeNaka thanthaththa kungeNaka

     dididi dididididi diNditti diNdididi

          thakaka thakathakaka thanthaththa thanthakaka …… enRuthALam

pathalai thimilaithudi thampatta mumperuka

     akila nisisararna dungakko dunkazhuku

          pariya kudarpazhuve lumpaippi dungaraNa …… thungakALi

pavuri yidanaripu lampappa runthiRaku

     kavari yidaikalai venRucchi kaNdithanil

          pazhani malaiyinmisai vanthutRa inthirarkaL …… thambirAnE.

……… Meaning ………

athalam vithalam muthal anthath thalangaL ena: All the seven lower worlds* including athalam, vithalam and others,

avani ena amarar aNdaththu akaNdam ena: this earth, all the seven upper worlds* of the celestials,

akila salathi ena eN thikku uL viNdu ena: all the oceans, all the mountains in the eight cardinal directions,

angi pAnu amutha kathirkaL ena anthiththa manthram ena: the Fire God, the Sun and the Moon with cool radiation (the Three Effulgences), the ManthrAs that mutually intermingle,

aRaiyum maRai ena arum thaththuvangaL ena: the VEdAs that are chanted impressively, the rare tenets** (96 ThathvAs)

aNuvil aNu ena niRainthittu ninRathu oru samprathAyam uthayam ezha iruLvi dinthu: and an atom within an atom; – likewise, It is something omnipresent; in order that such a Principle of Truth emerges in my heart, destroying the darkness of ignorance,

akkaNam thanil iruthaya kamalam mukizham kattu avizhnthu uNarvil uNarum anupavam manam petRidumpadiyai: and at that very moment, for the lotus bud of my heart to blossom, and to enable me to attain enlightenment that can be experienced only inwardly,

vanthu nee mun uthava: You have to manifest before me graciously to help so that

iyalin iyal sem sol prapantham ena: a work of art is composed with sweet words of love,

mathura kavikaLil manam patRirunthu pukazh uriya: rendered in the form of musical poems, with utmost devotion, in lilting meters, to be known as Thiruppugazh (Glory of the Lord); having obtained Your blessings for such a great honour,

adimai unai anRip prapancham athai nampuvEnO: will this servant of Yours ever trust in any other aspect of this world excepting You?

thathatha thathathathatha thanthaththa thanthathatha

 thithithi thithithithithi thinthiththi thinthithithi

  thakuku thakuthakuku thanthaththa thanthakuku thinthithOthi

   sakaka sakakeNaka thanthaththa kungeNaka

    dididi dididididi diNditti diNdididi

     thakaka thakathakaka thanthaththa thanthakaka enRuthALam: To (this) meter,

pathalai thimilai thudi thampattamum peruka: various drums such as pathalai, thimilai, hand-drum and thampattam were beaten making a lot of noise;

akila nisisarar nadungak kodum kazhuku pariya kudar pazhu elumpaip pidunga: the demons who were scattered everywhere began to shake with fear; wild eagles plucked with their beaks fat tissues of intestines and rib bones (of the corpses);

raNa thunga kALi pavuri ida nari pulampa parunthu iRaku kavari ida: KALi, the triumphant deity of the battlefield, danced ecstatically; the jackals yelled; and the vultures blew their feathers as if they were gently swaying the royal hand-fans;

ikalai venRu sikaNdi thanil pazhani malaiyin misai vanthu utRa inthirarkaL thambirAnE.: when You won the war and mounted the peacock heading towards Pazhani, where You are seated as the Lord of the celestials, Oh Great One!

***

* The lower seven worlds are:

athalam, vithalam, suthalam, tharAthalam, mahAthalam, rasAthalam and pAthAlam.

** The upper seven worlds are:

bUlOgam, bhuvalOgam, suvalOgam, janalOgam, thabOlOgam, mahAlOgam and sathyalOgam.

*** The 96 thathvAs (tenets) are as follows:

36 ParathathvAs (internal, Superior Tenets): ‘AathmA’ (soul) thathvAs 24, ‘vidhyA’ (knowledge) thathvAs 7, ‘siva’ thathvAs 5.

5 Elements (external, with five aspects each making 25): Earth, Fire, Water, Air, Cosmos.

35 Other thathvAs (external): ‘vAyus’ (gases) 10, nAdis (kundalinis) 10, karmAs 5, ahangkAram (ego) 3, gunAs (character) 3, vAkku (speech).

—Subham—

Tags- Nuclear Science , Arunagirinathar’s, Tiruppugaz, structure of atom

Written by London Swaminathan

Post No. 15,375

Date uploaded in Sydney, Australia –  30 January 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx  

திருப்புகழில் அருணகிரி நாதர் சொல் அழகும், பொருள் வளமும்- Part 5

அருணகிரிநாதர் சொல்லும் அரிய தகவல்கள்.

சீனாவுக்கும், அரபு நாடுகளுக்கும், பங்களாதேஷுக்கும் போகாதே

மென்றோள் ஒன்றப் பொருள்தேடி … மென்மையான தோள்களைத்

தழுவுவதற்காகப் பொருள் தேட வேண்டி,

வங்காளஞ் சோனஞ் சீனம்போய் … வங்காள நாடு, சோனக நாடு*,

சீனா முதலிய தூரமான இடங்களுக்குப் போய்

வன்பே துன்பப் படலாமோ … வம்பிலே கொடிய துன்பத்தைப்

படலாமோ?

மைந்து ஆருந்தோள் மைந்தா அந்தா … வலிமை மிகுந்த

தோள்களைக் கொண்ட குமரனே, அழகனே,

வந்தே யிந்தப் பொழுதாள்வாய் … வந்து இந்த நொடியிலேயே

என்னை ஆண்டருள்வாயாக.

***

பழனி திருப்புகழில் சம்பந்தர், நக்கீரர், திருவள்ளுவர்

அகல்வினை உள்சார் சட் சமயிகளொடு வெட்கா தட்கிடும்

அறிவு இலி … பரந்த வினை வசத்துக்கு* உட்பட்ட ஆறு

சமயத்தவரோடும்** அஞ்சாது தடுத்து வாதம் செய்யும் அறிவு

இல்லாதவனும்,

வித்தாரத் தனம் அவிகார அகில் கமழ் கத்தூரித் தனி அணை

மிசை கைக் காசுக்கு அளவு … பரந்த மார்பை உடைய, அழகிய

அகில் மணமுள்ள, கஸ்தூரி இவை உள்ள ஒப்பற்ற படுக்கையில் தாம் கையில் பெற்ற பொருளின் அளவுக்குத் தக்கபடி

அருள்பவர் நட்பே கொட்பு உறும் ஒரு போதன் … அன்பு

காட்டும் வேசியருடைய நட்பிலே தடுமாறும் ஓர் அறிவை உடைய

(புழுப்போன்ற) நான்.

பகல் இரவில் போதில் பணி ப(ண்)ணி அற விட்டார் எட்டிய …

பகல், இரவு எப்போதும் பணி செய்து, (பற்றுக்களை) முழுதும் விட்டவர் அடையும்

பரம மயச் சோதிச் சிவ மயமா(ய்) நின் பழநி தனில் போய் …

பரம சொரூபமாயும், ஜோதி வடிவமாயும், சிவ மயமாயுமுள்ள உனது

பழனித் தலத்துக்குப் போய்,

உற்பவ வினை வி(ள்)ள கள் சேர் வெட்சி குரவு பயில்

நல்தாள் பற்றுவது ஒரு நாளே … பிறவி என்கின்ற வினை நீங்க,

தேன் துளிர்க்கின்ற வெட்சி, குரா என்னும் மலர்கள் நிரம்பி உள்ள

நல்ல திருவடிகளைப் பற்றும் நாள் எனக்குக் கிடைக்குமா?

புகலி வனப்பு ஏறப் புகல் மதுரை மன் வெப்பு ஆறத் திகழ்

பொடி கொ(ண்)டு புல் பாய் சுற்றிகள் கழு ஏற … சீகாழி என்னும்

தலத்துக்கு அழகும் பெருமையும் பெருகவும், சரணம் அடைந்த மதுரைக்கூன் பாண்டிய அரசனுடைய வெப்புநோய் தணியவும், விளங்கும் திருநீற்றால் கோரைப் புல்லாகிய பாய்களை உடுத்திய சமணர்களை வென்று, அவர்கள் கழுவில் ஏறவும்,

பொருத சமர்த்தா குத்திர துரக முகக் கோதைக்கு இடை

புலவரில் நக்கீரர்க்கு உதவிய வேளே … வாதம் செய்து வெற்றி

பெற்ற ஆற்றல் உடையவனே (திருஞான சம்பந்தனே), வஞ்சனை

உடைய, குதிரை முகம் கொண்ட பெண் பூதத்தின் வசத்தே நடுவில்

அகப்பட்ட புலவர்களில் ஒருவராகிய நக்கீரருக்கு*** உதவி புரிந்த

வேந்தனே,

இகல் படு நெட்டு ஊர் பொட்டு எழ இள நகை இட்டே

சுட்டு அருள் எழு புவி துய்த்தார் மைத்துனர் மதலாய் …

மாறுபட்ட பெரிய திரிபுரங்கள் தூளாகி விழ புன்னகை பூத்தே

சுட்டு எரித்து அருள் புரிந்தவரும், ஏழு உலகங்களையும் உண்ட

திருமாலின் மைத்துனருமாகிய சிவபெருமானின் குழந்தையே,

வென்று இடர் அற முப்பால் செப்பிய கவிதையின் மிக்க

ஆரத்தினை … வெற்றி கொண்டு துன்பம் நீங்கும்படி (அறம், பொருள்,

இன்பம் என்ற) முப்பால் கூறும் திருக்குறளினும் மேலாகிய தேவாரத்தை

எழுதி வனத்தே எற்றிய பெருமாளே. … (ஞான சம்பந்தராகத்

தோன்றி) ஏட்டிலே எழுதி வைகை ஆற்றில் எதிர் ஏற விட்ட பெருமாளே.

இதில் ஆறு சமயம் என்பன

சாங்கியம்

யோகம்

வைசேஷிகம்

நியாயம்

பூர்வமீமாம்சம்

வேதாந்தம்

அல்லது

காணாபத்தியம்

சைவம்

வைணவம்

சாக்தம்

கௌமாரம்

சௌரம் என்பன ஆகும்

மூன்று வினைகள் என்பன -ஆகாமியம், சஞ்சிதம், பிராரப்தம்

நக்கீரர் திருமுருகாற்றுப்படை:

குதிரை முகமுடைய ஒரு பெண் பூதம், சிவ பூஜையில் தவறியவர்களை ஒரு குகையில் அடைத்து, ஆயிரம் பேர் சேர்ந்ததும் கொன்று தின்னும். குகையில் சிக்கிய நக்கீரர் திருமுருகாற்றுப்படை பாட, முருகன் மகிழ்ந்து வேலால் குகையையும் பூதத்தையும் பிளந்து, நக்கீரரையும் மற்ற புலவர்களையும் விடுவித்தான்– முதலிய செய்திகளையும் அருணகிரி விளம்புகிறார்.

***

பழனி திருப்புகழில் பதினான்கு உலகங்களும் 96  தத்துவங்களும்

அதலம் விதலம் முதல் அந்தத் தலங்கள் என … அதலம் விதலம்

முதலான அந்தக் கீழ்* ஏழு உலகங்கள் எனவும்,

அவனி என அமரர் அண்டத்து அகண்டம் என … இப்பூமி

எனவும், தேவர்களின் அண்டங்களான மேல்* ஏழு உலகங்கள் எனவும்

கீழ் உலகங்கள் ஏழு:–அதலம், விதலம், சுதலம், தராதலம், மகாதலம், ரசாதலம், பாதாளம்.

 மேல் உலகங்கள் ஏழு:- பூலோகம், புவலோகம், சுவலோகம், ஜனலோகம், தபோலோகம், மகாலோகம், சத்திய லோகம்.

***

அறையும் மறை என அரும் தத்துவங்கள் என … சிறப்பாக

ஓதுகின்ற வேதம் எனவும், அருமையாகச் சொல்லப்படும் (96) தத்துவப் பொருள்கள் எனவும்,

96 தத்துவங்கள் பின்வருமாறு:

36 பரதத்துவங்கள் (அகநிலை):

ஆத்ம தத்துவம் 24, வித்யா தத்துவம் 7, சிவ தத்துவம் 5.

ஐம்பூதங்கள், அவற்றின் தன்மைகளோடு, ஐயைந்து – 25 (புறநிலை):

மண், தீ, நீர், காற்று, வெளி.

ஏனைய தத்துவங்கள் 35 (புறநிலை):

வாயுக்கள் 10, நாடிகள் 10, கன்மங்கள் 5, அகங்காரம் 3, குணம் 3, வாக்குகள் 4.

***

அணு விஞ்ஞானம் Nuclear Science

அணுவில் அணு என நிறைந்திட்டு நின்றது ஒரு சம்ப்ரதாயம் … அணுவுக்குள் அணு எனவும், இங்ஙனம் எங்கும் நிறை பொருளாய் நின்றுள்ள ஒரு பேருண்மை,

முதல் விளக்கம்

“Anor aneeyaam mahatho maheeyaam” (अणोरणीयान् महतो महीयान्) is a profound Sanskrit phrase from the Vedic tradition, most famously found in the Katha Upanishad (1.2.20).  It translates to: “Smaller than the smallest, greater than the greatest.”

கடோபநிஷத் , ச்வேதாச்வரோபநிஷத்தில் உள்ள வாக்கியம் “அணோர்  அணீயாம்  மஹதோ  மஹீயாம் “

“அணுவுக்கும் சிறியதாய் பெரியதற்கும் பெரியதாய்”

இதை அவ்வையார், திருமூலர், இடைக்காடர் முதலியோர் செப்பியுள்ளனர்

திருவள்ளுவரின் திருக்குறளின் பெருமையை விளக்குகையில் திருவள்ளுவ மாலையில் இடைக்காடர் பாடலில் ,அவர் “கடுகை துளைத்து ஏழ் கடலைப் புகுத்தி குறுகத் தறித்த குறள்” என்கிறார். அவ்வையார் புகழ்ந்த பாடலில் அணுவைத் துளைத்து ஏழ் கடலைப் புகுத்தி குறுகத் தறித்த குறள் என்கிறார். ஆனால் திருமூலர் ஒரு பாடலில் வேறுவகையான விளக்குகிறார்

மேவிய சீவன் வடிவது சொல்லிடில்

கோவின் மயிரொன்று நூறுடன் கூறிட்டு

மேவியது கூறது ஆயிரமானால்

ஆவியின் கூறு நூறயிரத்தொன்றாமே”—திருமந்திரம் 1974

“Take one piece of cow’s hair and cut it into 100

Parts, then take one part of it and again cut it into

1000 parts, then take one part from that and again

cut it into another 10000 parts. The remaining 1 part

from those 10000 parts will resemble the size of the

Atom (Anu in Tamil)”.

சங்க இலக்கிய நூல்களான பரிபாடல் (3-53), புறநானூறு (பாடல் 2) ஆகியவற்றுக்கு உரை எழுதியோர் அணுச் செறிந்த உலகம் என்று பூமியை வருணித்துள்ளனர்.

இவர்களுக்கு எல்லாம் சில ஆயிரம் ஆண்டுகளுக்கு முன்னால் கணாதர் வைசேஷிக சாஸ்திரத்தில் அணு விஞ்ஞானம் பற்றி விளக்கியுள்ளார்

2600 ஆண்டுகளுக்கு முன்னர் கணாதர் என்பவர் எழுதிய வைசேஷிக சூத்திரத்தில் कणाद वैशेषिकसूत्र அணு என்பதுதான் மிகச்சிறிய , பிரிக்க முடியாத பொருள் என்று கூறப்பட்டுள்ளது. விஞ்ஞானிகளும் இதே கருத்தைத்தான் 2000 ஆண்டுகளாகக் கூறி வந்தனர். அப்படிப் பிரித்தால் பிரம்மாண்டமான சக்தி கிடைக்கும் என்பதை இரண்டாவது உலக யுத்த (1939-1945) காலத்தில் கண்டறிந்தனர் . அமரிக்கா  1945-ம் ஆண்டு அப்பாவி புத்த மத , ஷிண்டோயிச மத மக்களின் மீது இரண்டு அணுகுண்டுகளை வீசி லட்சக்கணக்கான மக்களை ஒரு சில வினாடியில் கொன்று குவித்தது. இது ஜப்பானில் உள்ள ஹிரோஷிமா, நாகசாகி என்ற இரண்டு நகரங்களில் நடந்ததை நாம் அறிவோம்.

எனது இரண்டாவது விளக்கம்

வேறு யாரும் சொல்லாத ஒரு விஷயத்தை அருணகிரிநாதர் சொல்கிறார் ; அது என்ன?

அணுவில் அணு (அணுவுக்குள் அணு)!

அணு பற்றிய அறிவியல் வளர்ந்தவுடன் அணுவுக்குள் என்ன இருக்கிறது என்று கண்டுபிடித்தனர் ; இது சுமார் 200  ஆண்டுகளுக்கு முன்னர்தான் நடந்தது . ஆனால் அருணகிரிநாதரோ 500  ஆண்டுகளுக்கு முன்னரே அணுவுக்குள் அணு இருப்பதாகப் பகர்ந்தார் . அது என்ன ?

அணுவின் அமைப்பு

புரோட்டான்கள், எலக்ட்ரான்கள் மற்றும் நியூட்ரான்களால் ஆனவை அணுக்கள்.

அணுவின் நடுவில் நேர்மின்னூட்டம் கொண்ட அணுக்கரு (புரோட்டான் + நியூட்ரான்) மற்றும் அதைச் சுற்றி வரும் எதிர்மின்னூட்டம் கொண்ட எலக்ட்ரான்கள் உள்ளன. அணுக்கருவில் உள்ள புரோட்டான்களின் எண்ணிக்கை அவ்வணு எந்த வேதித் தனிமத்தைச் சார்ந்த்து என்பதை முடிவு செய்கிறது. அதை வைத்துதான் நாம் தங்கம்,வெள்ளி இரும்பு, செப்பு என்ற மூலகங்களைப் பெறுகிறோம்.

ஞான திருஷ்டி மூலம் கண்டு அணுவில் அணு (அணுவுக்குள் அணு) என்று அருணகிரி சொல்லியிருக்கலாம் அல்லது அழிந்து போன இந்துமத அறிவியல் நூல்களில் இந்த உண்மையை கணாதரின் சீடர்கள் சொல்லியிருக்கலாம் . ஆகவே எலெக்ட்ரான்கள், புரோட்டான்கள் நியுட்ரான்கள் பற்றி முதலில் சொன்னவர் அருணகிரிநாதர் தான் !

—subham—

Tags- அருணகிரிநாதர், அணு விஞ்ஞானம், திருப்புகழில் சொல் அழகும், பொருள் வளமும்- Part 5, ‘அரிய தகவல்கள், அணோர் அணீயாம்  மஹதோ மஹீயாம்

WRITTEN BY S NAGARAJAN

Post No. 15,374

Date uploaded in London – 29 January 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx 

13-11-2025 கல்கிஆன்லைன் இதழில் வெளியான கட்டுரை! 

இன்றைய வாழ்க்கைக்குத் தேவையான முக்கிய செய்தியைத் தெரிந்து கொள்வோமா? 

ச. நாகராஜன் 

இன்றைய ஏஐ உலகத்தில் – செயற்கை நுண்ணறிவு உலகத்தில் –  அனைவரும் தெரிந்து கொள்ள வேண்டிய செய்தி ஒன்று உண்டு.

 அதைத் தெரிந்து கொண்டால் நம்மை நாம் பாதுகாப்பதோடு நமது குழந்தைகளையும் இளைஞர்களயும் பாதுகாக்க முடியும்?

 என்ன அது என்று தானே கேட்கத் தோன்றுகிறது? 

சாட் ஜிபிடி (Chat GPT) மற்றும் ஓபன் ஏஐ (Open AI) உள்ளிட்ட பல நவீன சாதனங்களைப் பயன்படுத்துவோர் ஜாக்கிரதையாக இருங்கள் என்பது தான் செய்தி.

 இதைப் பயன்படுத்தும் பத்து லட்சம் பேர்கள் ஒவ்வொரு வாரமும் தாங்கள் தற்கொலை செய்து கொள்ள வேண்டும் போல இருக்கிறது என்ற எண்ணத்தைச் சொல்கிறார்கள். இதை ஓபன் ஏஐ நிறுவனம்

24-10-25 அன்று ஒரு ப்ளாக் செய்தியில் தெரிவிக்கிறது!

செயற்கை நுண்ணறிவைப் பயன்படுத்தும் உலகின் தலையாய நிறுவனம் தரும் இந்தச் செய்தி உலகத்தினரையே அதிர்ச்சியில் ஆழ்த்தியுள்ளது.\

 இது மட்டுமின்றி ஒரு வாரத்தில் ஐந்து லட்சத்து அறுபதினாயிரம் பேர்கள் அதாவது 0.07% பயனாளர்கள் தங்கள் மனநிலை மிகவும் மோசமாக இருக்கிறது என்றும் சைக்கோ பிரச்சினை உள்ளது என்றும் தெரிவித்துள்ளனர். 

சாட் ஜிபிடி-ஐ அதிகமாகப் பயன்படுத்தி வந்த ஒரு இளைஞன் தற்கொலை செய்து கொள்ளவே அவனது குடும்பத்தினர் சட்டரீதியாக வழக்குத் தொடர்ந்திருப்பது பரபரப்பாக இப்போது பேசப்படுகிறது.

அமெரிக்காவின் ஃபெடரல் ட்ரேட் கமிஷன் சென்ற மாதம் ஒரு பெரிய ஆய்வை செயற்கை நுண்ணறிவு சாட்பாட்களைத் தயாரிக்கும் நிறுவனங்கள் மீது தொடங்கி இருப்பது குறிப்பிடத் தகுந்தது. 

சாட்பாட் – 5 (GPT 5)- ஐ இப்போது அறிமுகப்படுத்தியுள்ள ஓபன்ஏஐ இப்போது தங்கள் நிறுவனம் மனோநிலை மேம்படுவதற்கான முற்போக்கான விஷயங்களை இதில் சேர்த்துள்ளதாகக் கூறுவதோடு தற்கொலை செய்து கொள்ள வேண்டும் என்ற எண்ணம் கொண்ட ஆயிரம் மாடல்களை (மாதிரிகளை) அலசி ஆராய்ந்து இதை உருவாக்கி உள்ளதாகத் தெரிவித்துள்ளது. 

இதன் ஒரு பகுதியாக பெரும் உளவியல் நிபுணர்களும், உளவியல் வியாதிகளுக்கு சிகிச்சை  தரும் நிபுணர்களும் 1800 மாதிரிகளை எடுத்து பயனாளர்களின் எதிர்வினைகளை ஆராய ஆரம்பித்துள்ளனர். 

ஓபன் ஏஐ-இன் தலைமை நிர்வாக அதிகாரியான சாம் ஆல்ட்மேன், “மனநிலை பாதிப்பைப் பற்றிய விஷயத்தில் நாங்கள் மிகவும் தீவிரமான நடவடிக்கைகளை எடுத்துள்ளோம்” என்று அறிவித்திருக்கிறார். 

சாட் ஜிபிடி-ஐப் பயன்படுத்திய ஒரு இளைஞரின் புலம்பல் இது:

நான் அதை என் வாழ்க்கையைக் கொஞ்சம் சீர்திருத்த முடியுமா என்று கேட்ட போது அது தந்த பதில் இது தான்:

ஒரு டாக்டரைப் பாருங்கள்.

உடனே கவுன்சிலிங் செய்ய முயற்சி செய்யுங்கள்.

உங்கள் மேலதிகாரியுடன் உடனே பேசுங்கள்.

புது வேலைக்குப் போய் விடுங்கள்.

உங்கள் குடும்ப உறுப்பினர்கள், உங்கள் மனைவி, குழந்தைகள், நண்பர்கள், உறவினர்கள் ஆகியோருடன் நல்லுறவைக் கொள்ளுங்கள்.

ஒரு விடுமுறையை எடுத்து விடுங்கள்.

கொஞ்சம் அதிகம் சம்பாதிக்கும் வழியைப் பாருங்கள்.

உடல் பயிற்சி செய்யுங்கள்.

ஒரு நல்ல ஹாபியைத் தேர்ந்தெடுங்கள்.

தியானம் செய்யுங்கள்….

பட்டியல் தொடர்கிறது.

“போதும்டா சாமி” என்று சாட் ஜிபிடி-யை அவர் விட்டு விட்டார்.

 இந்த விவரங்களை எல்லாம் யாரோ சொல்லவில்லை. பிரபல மேலை நாட்டு இதழான கார்டியன் (27-10-25 இதழில்) முக்கியச் செய்தியாக இதைத் தருகிறது.

 ஆகவே அதிகமதிகம் சாட் ஜிபிடி-ஐப் பயன்படுத்துவதை நிறுத்தினால் நல்லது என்பதே நியாயமான முடிவு. 

**