Written by London Swaminathan

Post No. 15,123

Date uploaded in London –  27 October 2025

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx  

ஞானமயம் வழங்கும் உலக இந்து செய்திமடல்.

செய்திகளைத் தொகுத்தவர் லண்டன் சுவாமிநாதன்;

லண்டன் மாநகரிலிருந்து, லதா யோகேஷு  வாசித்து வழங்கும் செய்தி மடல்.

அனைவருக்கும் வணக்கம். இன்று ஞாயிற்றுக்கிழமை அக்டோபர் மாதம் 26-ம் தேதி 2025-ம் ஆண்டு

****

முதலில் கேரள மாநிலச் செய்திகள்

guruvayur temple

சபரிமலையில் ஜனாதிபதி முர்மு தரிசனம்: இருமுடி சுமந்து 18 படியேறி வழிபாடு 

பிரசித்தி பெற்ற சபரிமலை அய்யப்பன் கோவிலில், இருமுடி சுமந்து சென்று ஜனாதிபதி திரவுபதி முர்மு சுவாமி தரிசனம் செய்தார்.சபரிமலை அய்யப்பன் கோவில், ஐப்பசி மாத பூஜையையொட்டி, கடந்த 17ல் திறக்கப்பட்டது. கடைசி நாளான நேற்று சுவாமி தரிசனம் செய்வதற்காக ஜனாதிபதி திரவுபதி முர்மு சபரிமலைக்கு சென்றார். 

கார் மூலம் பம்பை நதிக்கரையை அடைந்த ஜனாதிபதி முர்மு, பாரம்பரிய முறைப்படி நதியில் இறங்கி கால்களை மட்டும் நனைத்து வழிபாடு செய்தார்.

அய்யப்ப பக்தர்கள் போல, ஜனாதிபதி முர்முவும், கழுத்தில் மணி மாலை அணிந்து, கருப்பு ஆடை உடுத்தி, பம்பையில் இருமுடி கட்டிக் கொண்டு, கன்னிசாமியாக தன் முதல் சபரிமலை யாத்திரையை துவங்கினார்.

கன்னிமூல கணபதி கோவில் மேல்சாந்தி விஷ்ணு நம்பூதிரி, குருசாமியாக இருந்து, இருமுடியை கட்டி, ஜனாதிபதி முர்முவை மலையேற அனுப்பி வைத்தார்.

 இதைத் தொடர்ந்து, சிறப்பு வாகனம் மூலம் சன்னிதானத்தை அடைந்த ஜனாதிபதி முர்மு, இருமுடியை சுமந்தபடி பதினெட்டு படியேறி, கொடி மரம் அருகே வந்தார். அப்போது கேரள தேவசம் போர்டு அமைச்சர் வாசவன், திருவிதாங்கூர் தேவசம் போர்டு தலைவர் பிரசாந்த், தந்திரி கண்டரரு மகேஷ் மோகனரரு ஆகியோர் பூரண கும்ப மரியாதை அளித்து அவரை வரவேற்றனர்.பின், கொடிமரம் அருகே உள்ள வாசல் வழியாக சென்று சுவாமி அய்யப்பனை பக்தியுடன் வழிபட்டு ஜனாதிபதி திரவுபதி முர்மு தரிசனம் செய்தார்.பாதுகாவலர்களும் இருமுடி சுமந்து வந்து இருந்தனர். பின்னர் அவர்களது இருமுடிகள் பிரிக்கப்பட்டு, அதில் இருந்த நெய் தேங்காய்களை உடைத்து, சுவாமி அய்யப்பனுக்கு நெய்யபிஷேகம் செய்து வைக்கப்பட்டது.

இதைத் தொடர்ந்து, மலையில் உள்ள மாளிகைபுறத்தம்மன், கொச்சு கடுத்த சுவாமி, மணி மண்டபம், நவக்கிரக கோவில்களிலும் ஜனாதிபதி திரவுபதி முர்மு தரிசனம் செய்தார்.

ஜனாதிபதியின் வருகையையொட்டி, சபரிமலை முழுதும் பலத்த பாதுகாப்பு ஏற்பாடுகள் செய்யப்பட்டன. பக்தர்களுக்கு, இரு நாட்களுக்கு அனுமதி மறுக்கப்பட்டது.

சபரிமலை அய்யப்பன் கோவிலுக்கு இருமுடி சுமந்து சென்று வழிபாடு நடத்திய முதல் பெண் ஜனாதிபதி என்ற பெருமையை முர்மு பெற்றார்.

*****

குருவாயூர் கோவில் தங்கம் மாயம் 

குருவாயூர் கோவிலில் தங்கம், வெள்ளி பொருட்கள்… மாயம்!; 40 ஆண்டுகளாக கணக்கு பார்க்கவில்லை என குற்றச்சாட்டு

கேரள மாநிலம், சபரிமலையில் துவாரபாலகர் சிலையில் இருந்து, 4 கிலோ தங்கம் மாயமான விவகாரத்தால் ஏற்பட்ட சர்ச்சை அடங்குவதற்குள், பிரசித்தி பெற்ற குருவாயூர் கோவிலிலும் தங்கம், வெள்ளி, யானை தந்தம், குங்குமப்பூ உள்ளிட்ட விலை உயர்ந்த பொருட்கள் காணாமல் போயிருப்பதாக குற்றச்சாட்டு எழுந்துள்ளது. கேரளாவில் மார்க்சிஸ்ட் கம்யூ., கட்சியைச் சேர்ந்த முதல்வர் பினராயி விஜயன் தலைமையில் இடது ஜனநாயக முன்னணி கூட்டணி ஆட்சி நடக்கிறது.

சபரிமலையை திருவிதாங்கூர் தேவசம் போர்டு நிர்வகித்து வருவது போல, குருவாயூர் கோவிலை குருவாயூர் தேவசம் போர்டு நிர்வகித்து வருகிறது.

 தங்கம், வெள்ளி, தந்தம் மற்றும் குங்குமப்பூ உள்ளிட்ட விலை உயர்ந்த பொருட்கள் கோவிலின் கருவூலத்தில் இருந்து மாயமாகி இருப்பதாக சமீபத்தில் நடத்தப்பட்ட கணக்கு தணிக்கை மூலம் சந்தேகம் எழுந்துள்ளது.

 பக்தர்கள் காணிக்கை மூலம் கோவிலுக்கு வந்த விலை உயர்ந்த பொருட்களை நேரடியாக மதிப்பிடும் பணி கடந்த 40 ஆண்டுகளாக நடக்கவே இல்லை என, சமீபத்திய கணக்கு தணிக்கை அறிக்கையில் குறிப்பிடப்பட்டுள்ளது.

சந்தேகம் இது குறித்து மேலும் அந்த அறிக்கையில் கூறப்பட்டுள்ளதாவது:

 கோவிலுக்கு, 15 லட்சத்துக்கும் மேற்பட்ட காணிக்கைகளுக்கு முறைப்படி எந்த ரசீதும் எழுதி தரப்படவில்லை. குருவாயூர் கோவிலுக்கு சொந்தமாக நிறைய யானைகள் இருக்கும் நிலையில், அவற்றின் தந்தங்கள் குறித்து போதிய அளவுக்கு பதிவு செய்யவில்லை. யானை தந்தங்கள் வனத்துறையிடம் ஒப்படைக்கப்பட்டு விட்டதா என்பதற்கான சான்றுகளும் போதிய அளவுக்கு இல்லை.

  குங்குமப்பூ போன்ற விலை உயர்ந்த பொருட்களுக்கும் இதே நிலைதான் நீடிக்கிறது. வெளிச்சந்தையில் ஒரு கிலோ குங்குமப்பூ ஒரு லட்சத்து 47,000 ரூபாய்க்கு விற்கப்படுகிறது. இதை, கிலோ கணக்கில் காணிக்கையாக பக்தர்கள் தினசரி செலுத்தி வருகின்றனர். இருந்தபோதிலும், குங்கும பூவுக்கான கணக்கு தெளிவாக இல்லை. 

குருவாயூருக்கு வரும் பக்தர்கள் பாரம்பரியமாக குன்றிமணியையும் காணிக்கையாக செலுத்தி வருகின்றனர். அப்படி பக்தர்கள் வாயிலாக வந்த குன்றிமணிகள், 17 மூட்டைகளில் கட்டி கோவிலின் மேற்கு கோபுரத்தில் வைக்கப்பட்டிருந்தது. கடந்த 2019 முதல் அந்த மூட்டைகள் மாயமாகியுள்ளன.

தினசரி பூஜைகளுக்காக பயன்படுத்தப்படும் தங்கம் மற்றும் வெள்ளி பொருட்கள் விபரங்களை ஆராய்ந்ததிலும், அதிர்ச்சி தகவல் வெளியாகி இருக்கிறது. பூஜைக்கு பின் ஒப்படைக்கப்பட்ட பல பொருட்களின் எடை கணிசமான அளவுக்கு குறைந்து இருக்கிறது. ஒரு வெள்ளி பானையின் எடை மட்டும், 10 மாதங்களில் 1.19 கிலோ குறைந்துள்ளது. மற்றொரு வெள்ளி விளக்கின் எடையும் சில நுாறு கிராம் அளவுக்கு குறைந்துள்ளது.

தங்க கீரிடத்திற்கு பதிலாக வெள்ளி ஆபரணம் மாற்றி வைக்கப்பட்டுள்ளது. அதே போல், 2.65 கிலோ வெள்ளி பாத்திரத்திற்கு பதிலாக வெறும் 750 கிராம் எடை கொண்ட வெள்ளி பாத்திரம் மாற்றி வைக்கப்பட்டுள்ளது.

இதற்கிடையில் கேரளாவின் சபரிமலை அய்யப்பன் கோவிலில் தங்கம் மாயமான வழக்கில், தேவஸ்தான முன்னாள் நிர்வாக அதிகாரி முராரி பாபுவை எஸ்.ஐ.டி., எனப்படும் சிறப்பு புலனாய்வு குழு போலீசார் கைது செய்தனர்.

 sabarimalai temple

*************

கோவில் நிதியில் வணிக வளாகங்கள் கட்டக்கூடாது: சுற்றறிக்கை அனுப்ப அறநிலைய துறைக்கு உத்தரவு

கோவில் நிதியில் வணிக வளாகங்கள் கட்டக்கூடாது என, மாநிலம் முழுதும் உள்ள கோவில்களுக்கு சுற்றறிக்கை அனுப்ப வேண்டும்’ என, அறநிலைய துறைக்கு, சென்னை உயர் நீதிமன்றம் உத்தரவிட்டுள்ளது.

சென்னை வில்லிவாக்கம் பகுதியை சேர்ந்த பழனி என்பவர் தாக்கல் செய்த மனு:சென்னை ராசப்பா தெருவில் கந்தகோட்டம் ஸ்ரீ முத்துகுமாரசுவாமி கோவில் உள்ளது. இக்கோவிலுக்கு சொந்தமான, பெரும்பாலான சொத்துக்கள், பக்தர்களால் தானமாக வழங்கப்பட்டவை. பார்க் டவுன் நைனியப்பா நாயக்கன் தெரு, சவுகார்பேட்டை அன்ன பிள்ளை தெரு, பெரியமேடு கற்பூர முதலி தெரு போன்றவற்றில், இக்கோவிலுக்கு சொந்தமான நிலங்கள் உள்ளன. இங்குள்ள கட்டடங்களை இடித்து விட்டு, வணிக வளாகங்கள் மற்றும் குடியிருப்புகள் கட்டும் பணியை, அறநிலைய துறை துவக்கி உள்ளது.

அதுவும் முத்துகுமார சாமி கோவிலின் நிதியை வைத்து, வணிக வளாகங்கள், குடியிருப்புகள் கட்டப்பட உள்ளன. கோவில் நிதியில், வணிக வளாகங்கள் கட்டக்கூடாது என, உயர் நீதிமன்றம் தடை உத்தரவு பிறப்பித்து உள்ளது. இதை அறிந்தும், கோவில் நிதியில் வணிக வளாகங்கள் கட்டும் பணியை, அறநிலைய துறை அதிகாரிகள் துவக்கி உள்ளனர்.

கடந்த ஆகஸ்ட், 4ல், இது தொடர்பாக அளித்த மனுவுக்கு, அதிகாரிகள் இதுவரை பதில் அளிக்கவில்லை. இருப்பினும், வணிக வளாகங்கள் பணிக்கு கோவில் நிதியை சட்டவிரோதமாக பயன்படுத்தி வருகின்றனர். எனவே, வணிக வளாகங்கள் மற்றும் குடியிருப்புகள் கட்டும் பணிக்கு தடை விதிக்க வேண்டும்.இவ்வாறு மனுவில் கூறியுள்ளார்.

இரு தரப்பு வாதங்களையும் கேட்ட நீதிபதிகள் பிறப்பித்த உத்தரவு: கந்தகோட்டம் ஸ்ரீ முத்துகுமாரசுவாமி கோவில் நிலத்தில் மேற்கொள்ளப்படும் கட்டுமான பணிகளை தொடரலாம். அதேசமயம், அந்த கட்டுமானங்களை, அறநிலைய துறை சட்டப்படி பக்தர்கள் வசதிக்காக மட்டுமே பயன்படுத்த வேண்டும். வணிக ரீதியில் பயன்படுத்தக் கூடாது. இந்த மனுவுக்கு, நவ., 21ம் தேதிக்குள், தமிழக அரசு, அறநிலையத்துறை மற்றும் கோவில் நிர்வாகம் பதில் அளிக்க வேண்டும்.

மேலும், கோவில் நிதியில் வணிக வளாகங்கள் கட்டக்கூடாது என, தமிழகம் முழுதும் உள்ள கோவில்களுக்கு, அறநிலையத்துறை கமிஷனர் சுற்றறிக்கை அனுப்ப வேண்டும். கோவில் நிதியில் வணிக ரீதியில் கட்டுமானங்களை மேற்கொள்ளும் அதிகாரிகள் மீது, துறை ரீதியாக நடவடிக்கை எடுக்கப்படும் என்றும், அந்த சுற்றறிக்கையில் தெரிவிக்கப்பட வேண்டும். இதைச் செய்ய தவறினால், நீதிமன்ற அவமதிப்பு நடவடிக்கை எடுக்கப்படும். இவ்வாறு உத்தரவிட்ட நீதிபதிகள், விசாரணையை தள்ளிவைத்தனர்.

***

அழகர்கோவிலில் மேம்பாட்டு பணிக்கு தடை: உயர்நீதிமன்றம் உத்தரவு

மதுரை அழகர்கோவில் கள்ளழகர் கோயிலில் மேம்பாட்டு பணியை ஒட்டுமொத்தமாக நிறுத்தி வைக்க உயர்நீதிமன்ற மதுரைக் கிளை உத்தரவிட்டது.

மேலுார் வெள்ளரிப்பட்டி பிரபு தாக்கல் செய்த பொதுநல மனு:

அழகர்கோவில் கள்ளழகர் கோயிலில் ரூ.40 கோடியில் கழிப்பறை, பேவர் பிளாக் பதித்தல், முக்கிய பிரமுகர்கள் தங்கும் விடுதி, மேல்நிலை நீர்தேக்கத் தொட்டி, கடைகள், பக்தர்கள் தங்கும் விடுதி, அர்ச்சகர்கள் குடியிருப்பு, கழிவு நீர் சுத்திகரிப்பு நிலையம் அமைத்தல் உள்ளிட்ட மேம்பாட்டு பணியை மேற்கொள்ள தமிழக அறநிலையத்துறை அரசாணை வெளியிட்டது. இதனடிப்படையில் கோயில் அறங்காவலர் குழு தீர்மானம் நிறைவேற்றியது. பணியை கோயில் நிதி மூலம் மேற்கொள்ள அனுமதித்தது அறநிலையத்துறை சட்டத்திற்கு புறம்பானது. கட்டுமான பணிக்கு இடைக்காலத் தடை விதிக்க வேண்டும். அரசாணையை ரத்து செய்ய வேண்டும். இவ்வாறு குறிப்பிட்டார்.

இதுபோல் நாகப்பட்டினம் மாவட்டம் திருக்கண்ணபுரம் வெங்கடேஷ் சவுரிராஜன் பொதுநல மனு தாக்கல் செய்திருந்தார். ஆக.,28 ல் இரு நீதிபதிகள் அமர்வு, ‘கடைகள், உணவருந்தும் கூடம், முக்கிய பிரமுகர்கள் தங்கும் விடுதி அமைக்கும் பணிக்கு இடைக்காலத் தடை விதிக்கப்படுகிறது,’ என உத்தரவிட்டது. நீதிபதிகள் அனிதா சுமந்த், சி.குமரப்பன் அமர்வு நேற்று விசாரித்தது.

நீதிபதிகள் பிறப்பித்த உத்தரவு: ஒட்டுமொத்த கட்டுமான பணியையும் நிறுத்தி வைக்க வேண்டும். கோயில் அறங்காவலர்கள் குழு பதிலளிக்கும் வகையில் அவர்களை எதிர்மனுதாரராக இந்நீதிமன்றம் சேர்த்துக் கொள்கிறது. விசாரணை ஒத்திவைக்கப்படுகிறது. இவ்வாறு உத்தரவிட்டனர்.

***

திருச்செந்துார் கோயிலுக்கு வரும் பக்தர்களின் வரிசையை ஒழுங்குபடுத்த நடவடிக்கை என்ன; உயர்நீதிமன்றம் கேள்வி

குருவாயூர், திருப்பதி கோயில்களில் உள்ளதுபோல் திருச்செந்துார் சுப்பிரமணியசுவாமி கோயிலில் இரும்பு மேம்பாலம் அமைத்து பக்தர்களின் வரிசையை ஒழுங்குபடுத்த முடியுமா என்பது உள்ளிட்ட பல்வேறு கேள்விகளை எழுப்பிய உயர்நீதிமன்ற மதுரைக் கிளை கோயில் நிர்வாகம் பதில் மனு தாக்கல் செய்ய உத்தரவிட்டது

***.

மதுரை மீனாட்சி அம்மன் கோவில் மண்டபம் அருகே பிரசாதம் தயாரிப்பதை ஏற்க முடியாது – மதுரை உயர் நீதிமன்ற கிளை

மதுரை மீனாட்சி அம்மன் கோவில் மண்டபம் அருகே பிரசாதம் தயாரிப்பதை ஏற்க முடியாது என உயர்நீதிமன்ற மதுரை அமர்வு திட்டவட்டமாக தெரிவித்துள்ளது.

மதுரை மீனாட்சி அம்மன் கோயில் சொத்துக்களை முறையாக மீட்டு பராமரிக்கவும், கும்பாபிஷேகம் நடத்தவும் உத்தரவிடக் கோரி சேலம் மாவட்டத்தைச் சேர்ந்த ராதாகிருஷ்ணன் உயர்நீதிமன்ற மதுரை அமர்வில், பொதுநல வழக்கினைத் தாக்கல் செய்திருந்தார்.இதுகுறித்த விசாரணையில், கூடுதல் ஆவணங்களுடன் மனுத் தாக்கல் செய்ய கால அவகாசம் வேண்டும் என அரசு தரப்பில் கோரிக்கை விடுக்கப்பட்டது.அதனைத்தொடர்ந்து, மண்டபம் அருகே அடுப்பு வைத்து பிரசாதம் தயாரிப்பதை ஏற்க முடியாது என தெரிவித்த நீதிபதிகள், மாற்று வழி குறித்து கோயில் இணை ஆணையர் மனுத் தாக்கல் செய்ய உத்தரவிட்டு வழக்கை ஒத்திவைத்து உத்தரவிட்டனர்.

****

திருவாசகம் பாட கட்டணம் வசூல்; திராவிட மாடலின் ஜிஸ்யா வரி

தென்காசி காசி விஸ்வநாதர் கோவிலில், திருவாசகம் பாட, கட்டணம் செலுத்த வேண்டும் என, வலியுறுத்தியதற்கு, ஹிந்து தமிழர் கட்சி கடும் கண்டனம் தெரிவித்துள்ளது.

தென்காசியில் உள்ள காசி விஸ்வநாதர் கோவிலில், கடந்த 25 ஆண்டுகளாக, சிவ பக்தர்கள், கயிலை கிருஷ்ணன் தலைமையில், திருவாசகம் முற்றோதல் பாடி வருகின்றனர். இக்கோவிலின் செயல் அலுவலர் பொன்னி, ‘தன் அனுமதி இல்லாமல், எதுவும் நடக்கக் கூடாது’ என, கோவில் உரிமையாளர் போல் நடந்து கொள்கிறார். ஹிந்து சமய அறநிலையத் துறை சட்ட விதிகளுக்கு முரணாக, அதிகார மமதையில், சிவனடியார்களை அவர் மிரட்டுவது கண்டிக்கத்தக்கது. திருவாசக முற்றோதல் பாட கோவிலில் அனுமதி வாங்க வேண்டும்; நன்கொடை என்ற பெயரில், கட்டணம் செலுத்த வேண்டும் என்பது அடாவடியான செயல்.

கோவில் உபரிநிதியில், ‘தேவாரம் பரப்ப வேண்டும்’ என்பது சட்டம். ஆனால், கோவிலில் திருவாசகம் முற்றோதல் செய்வதற்கே, 200 ரூபாய் கட்டணம் செலுத்த வேண்டும் என்பது, திராவிட மாடலின் ஜிஸ்யா வரி விதிப்பு.

சிவனடியார்களை, அவமரியாதையாக பேசிய கோவில் செயல் அலுவலர் மீது அறநிலையத்துறை கமிஷனர், உரிய நடவடிக்கை எடுக்க வேண்டும். இல்லையெனல், காசிவிஸ்வநார் கோவிலில், இந்து தமிழர் கட்சி சார்பில், மிகப் பெரிய திருவாசக முற்றோதல் நடைபெறும். இவ்வாறு அதில் கூறப்பட்டுள்ளது.

********

குளிர்காலம் தொடங்கியது ;கேதார்நாத் கோயில் மூடப்பட்டது!

குளிர்காலம் தொடங்கியதை அடுத்து கேதார்நாத் கோயில் நடை  மூடப்படும் என மாவட்ட நிர்வாகம் தெரிவித்துள்ளது.

இந்துக்களின் 4 புனித தலங்களான பத்ரிநாத், கேதர்நாத், கங்கோத்ரி மற்றும் யமுனோத்ரி ஆகிய தலங்களுக்குச் செல்லும் யாத்திரையானது ‘சார் தாம்’ யாத்திரை என்று அழைக்கப்படுகிறது.

ஆண்டுதோறும் 6 மாதங்கள் மட்டுமே பக்தர்கள் இந்த கோயில்களுக்குச் சென்று சிவபெருமானை தரிசித்து வருவார்கள்.   கடந்த மே 2ஆம் தேதி கேதர்நாத் கோயில் நடை திறக்கப்பட்டது; .நாடு முழுவதும் இருந்து லட்சக்கணக்கான பக்தர்கள் யாத்திரையாக வந்து ஈசனை தரிசித்தனர். 

கோயில் நடை மூடப்படுவதையொட்டி, கேதார்நாத் கோயில் மலர்களால் அலங்கரிக்கப்பட்டு சிறப்புப் பூஜை நடைபெற்றது..

***

இத்துடன் செய்திகள் நிறைவடைந்தன.

உலக இந்துமதச் செய்திகளைத் தொகுத்தவர் லண்டன் சுவாமிநாதன்;

லண்டன் மாநகரிலிருந்து லதா யோகேஷு  வாசித்த செய்தி மடல் இது.

அடுத்த ஒளிபரப்பு நவம்பர் மாதம் இரண்டாம் தேதி ஞாயிற்றுக்கிழமை லண்டன் நேரம் பகல் 12 மணிக்கும்,

இந்திய நேரம் மாலை ஐந்தரை மணிக்கும் நடைபெறும் .

வணக்கம்.

—SUBHAM—-

Tags – World Hindu News, 26-10-2025, Gnanamayam, Broadcast

WRITTEN BY S NAGARAJAN

Post No. 15,122

Date uploaded in London – –  27 October 2025

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx

ஞானமயம் நிகழ்ச்சியில் 26-10-2025 அன்று ஒளிபரப்பான உரை.

ஞானமயம் நேயர்கள் அனைவருக்கும் நமஸ்காரம். வணக்கம்.

அனைவருக்கும் நமஸ்காரம். வணக்கம்.

ஆலயம் அறிவோம்! வழங்குவது சந்தானம் நாகராஜன்

எதிரி லாத பத்தி …… தனைமேவி

     இனிய தாள்நி னைப்பை …… யிருபோதும்

இதய வாரி திக்கு …… ளுறவாகி

     எனது ளேசி றக்க …… அருள்வாயே

கதிர காம வெற்பி …… லுறைவோனே

     கனக மேரு வொத்த …… புயவீரா

மதுர வாணி யுற்ற …… கழலோனே

     வழுதி கூனி மிர்த்த …… பெருமாளே.

                           அருணகிரிநாதர் திருவடி போற்றி!

ஆலயம் அறிவோம் தொடரில் இன்று நமது யாத்திரையில் இடம்

பெறுவது இலங்கையில் ஊவா மாகாணத்தின் மொனராகலை மாவட்டத்தில் அமைந்துள்ள பிரசித்தி பெற்ற முருகன் தலமான கதிர்காமம்  ஆகும்.

 இத்தலம் கொழும்பு நகரிலிருந்து 232 கிலோமீட்டர் தூரத்தில் அமைந்துள்ளது.

இது மிகவும் புகழ் பெற்ற பாத யாத்திரை தலமாகும்.

ஏமகூடம், பூலோக கந்தபுரி, வரபுரி, பிரமசித்தி, கதிரை எனப் பல்வேறு பெயர்களால் இத்தலம் அழைக்கப்படுகிறது.

அதே போல இங்கு எழுந்தருளியிருக்கும் முருகனுக்கும் கதிர்காமன், சிங்காரவேலன், கதிரை நாயகன், கதிரை வேலன், மாணிக்க ஸ்வாமி உள்ளிட்ட பல பெயர்கள் உண்டு.

இங்கு அழகிய மாணிக்க கங்கை நதி ஓடுகிறது.

இத்தலத்தைப் பற்றிய பரம்பரை வரலாறு ஒன்று உண்டு.

சூரபத்மனை வதம் செய்யும் நோக்கில், முருகப் பெருமான் மாணிக்க கங்கை அருகே பாசறை அமைத்து வீற்றிருந்தார் என்கிறது புராண வரலாறு.

இத்தலத்திற்கு ஏற்பட்ட பெயருக்கான காரணமும் ஒன்று உண்டு.

சிவபெருமானின் நெற்றிக் கண்ணிலிருந்து தீப்பொறியாக- அதாவது கதிராக -சரவணப் பொய்கையில் முருகப் பெருமான அழகான முகத்தில் -அதாவது காமன் – தோன்றியதால் இந்தத் தலத்திற்கு கதிர்காமம் என்ற பெயரும் முருகனுக்கும் கதிர்காமன் என்ற பெயரும் அமைந்தது.

ஏழுமலைகளில் ஒன்றின் மீது கதிர்காமக் கந்தன் காட்சி அளிக்கிறான். அவன் மாணிக்க கங்கையின் இடது கரையோரத்தில் வள்ளியை மணம் புரிந்தான். இதன் ஞாபகார்த்தமாக இங்கு வள்ளி பிராட்டியின் கோவில் கட்டப்பட்டது.

சுமார் முக்கால் ஏக்கர் பரப்பில் உள்ள கோவிலின் சுற்றுமதில் ஆறு அடி உயரத்தில் உள்ளது. கோவில் சதுர வடிவில் உள்ளது. கோவில் வீதியில் சிறிய கோவில்கள் உள்ளன. கணபதிக்கும், தெய்வானைக்கும் தனிக் கோவில்கள் உள்ளன.

பிள்ளையாருக்கு அருகில் உள்ள அரசமரம் விஷ்ணுவுக்கும் புத்த பெருமானுக்கும் புனிதமானது.

கோவிலுக்கு இரு வாயில்கள் உள்ளன. தெற்கே அமைந்துள்ள பிரதான வாயில் வில் போன்று வளைந்த அலங்கார முகப்பைக் கொண்டது. பக்கத்தில் சிறிய கதவு ஒன்று உண்டு.

கோவிலின் எதிரே வள்ளியம்மையின் கோவில் அமைந்துள்ளது.

கோவிலின் கர்பக்ருஹ அறை விசேஷமான ஒன்று. இதற்குள் பக்தர்கள் செல்ல முடியாது. திரையால் இது மூடி மறைக்கப்பட்டுள்ளது. இதில் காற்றோ, வெளிச்சமோ உட்புக முடியாதபடி சாளரமோ துவாரங்களோ இல்லை. இந்த கர்பக்ருஹத்திற்கு மத்திய அறைக்கும் இடையே ஒரு சிறிய கதவு மட்டும் உண்டு. இங்கு அர்ச்சகர் மட்டும் உள்ளே செல்வார்.

பக்தர்கள் தங்கள் காணிக்கைகளை மத்திய அறை வரைக்கும் சென்று செலுத்தலாம்.

கதிர்காம விழாக்கள் மிகவும் சிறப்பானவை; பிரபலமானவை. வருடாந்திரப் பெருவிழாவின் போது தாமிரத்திலோ அல்லது தங்கத்திலோ அமைந்துள்ள மந்திர சக்தி வாய்ந்த யந்திரத்தை வெண்துகிலால் மூடிய பேழையை யானை சுமந்து ஊர்வலமாக வரும்.

இந்த விழா தீர்த்தத் திருவிழாவுடன் முடிவுறும். குறிப்பிட்ட நல்ல நாளனறு கந்தன் நீராடுவான். மாணிக்கை கங்கை ஆற்றில் பூஜையில் வைக்கப்பட்ட வாளினால் வட்டமிட்டுத் தண்ணீரை வெட்டுவான்.

இதே போல இங்கு ஆடி அமாவாசைத் திருவிழாவும் மிக முக்கியமான ஒன்றாக அமைகிறது. ஆடித் திருவிழா ஆடி அமாவாசையில் தொடங்கி பௌர்ணமி முடிய நடைபெறும். கார்த்திகை மாதத்தில் தீபத் திருநாளும் சிறப்பாக இங்கு கொண்டாடப்படும்.

முருகனின் ஆணையின் பேரில் அருணகிரிநாதர் அற்புதமான திருப்புகழ் பாடல்களைப் பாடியுள்ளார். அவற்றுள் நமக்கு இன்று பதிமூன்று பாடல்கள் கிடைத்துள்ளன.

இலங்கை-கதிர்காமத்தில் கோயில் கொண்டிருக்கும் வேலவன் மீது 30 பாடல்களில் பாடப்பெற்றுள்ளதே கதிர்காம மாலை ஆகும். இதில் முருகப்பெருமானது சிறப்புக்கள் பற்றியும் கோயிற் சிறப்புக்கள் பற்றியும் எடுத்துரைக்கப்பெற்றுள்ளன.

இலங்கையில் புத்த பிரான் விஜயம் செய்த 16 இடங்களில் சிறப்பான ஒரு இடமாக இது கருதப்படுவதால் புத்த மதத்தினருக்கும் இது சிறப்பான வழிபாட்டுத் தலமாக அமைகிறது.

இங்கு கி.மு. மூன்றாம் நூற்றாண்டில் அசோக மாமன்னனின் மகளான சங்கமித்ரை புனிதமான இரு வெள்ளரசுக் கன்றுகளில் ஒன்றை அனுராதபுரத்தில் நட்டு விட்டு பிறகு இங்கு மற்றொரு கன்றை நட்டார்

2500 ஆண்டுகளுக்கும் மேலாக மிகப் பழமை வாய்ந்த இந்தக் கோவிலில் ஏராளமான மன்னர்கள் திருப்பணி செய்துள்ளனர்.

மணிதரளம் வீசி யணியருவி சூழ  மருவு கதிர்காமப் பெருமாள் காண்!

மணியையும் முத்தையும் வீசி அழகிய அருவி சூழ்ந்து விளங்கும் கதிர்காமத் தலத்துப் பெருமான் நீதான் என்று இப்படி அருணகிரிநாதர் போற்றிப் புகழ்வதால் பண்டைய காலத்தில் காட்டின் நடுவே அமைந்துள்ள இந்தக் கோவிலின் வனப்பையும் பெருமையையும் நன்கு அறிய முடிகிறது.

பக்தர்கள் தீமிதித்தல், காவடி எடுத்தல் உள்ளிட்ட பல்வகையாலும் தங்கள் பக்தியையும் சிரத்தையையும் காண்பித்து முருகனின் அருளை இத்தலத்தில் பெறுகின்றனர்.

காலம் காலமாக ஆயிரக்கணக்கான பக்தர்களுக்கு அருள்பாலித்து வரும் கதிர்காம முருகன் அனைவருக்கும் சர்வ மங்களத்தைத் தர ஞானமயம் சார்பில் பிரார்த்திக்கிறோம்.

**

 28-20-2025 அன்று இத்தலத்தில் நடைபெறும் திருக்கல்யாண நிகழ்ச்சி வைபவம் நான்கு மணி நேரம் சிறப்பு ஒளிபரப்பு செய்யப்படுகிறது. பக்தர்கள் அனைவரும் கண்டு களிக்கலாம்

.—subham—

 BEST CARTOONS COME FROM DECCAN CHRONICLE NEWSPAPER.

DECCAN CHRONICLE CARTOONS UPTO 26-10-2025

–SUBHAM–

TAGS- CARTOONS, DECCAN CHRONICLE, 26-10-25

WRITTEN BY S NAGARAJAN

Post No. 15,120

Date uploaded in London – –  26 October 2025

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx

 Thanks for the images Shutterstock.com 

4-8-25 கல்கிஆன்லைன் இதழில் வெளியான கட்டுரை! 

உலகின் அதிசய இடங்கள்!

தரையில் வளராத மரங்களைக் கொண்ட  அதிசயமான ஒகேபெனோகி ஸ்வாம்ப் (Okefeenokee Swamp) 

ச. நாகராஜன் 

பார்ப்பதற்கு நல்ல தரையில் வளர்ந்தது போலக் காட்சியளிக்கும், , ஆனால் உண்மையில் சதுப்பு நிலத்தில் வளர்ந்து கம்பீரமாகக் காட்சி அளிக்கும் மரங்களைக் கொண்ட ஒகேபெனோகி ஸ்வாம்ப் (Okefeenokee Swamp) உண்மையிலேயே உலகின் அதிசய இடங்களுள் ஒன்று என்று சொல்லலாம்! 

680 சதுரமைல் பரப்பளவுள்ள அதிசயமான இந்த மிதக்கும் சதுப்பு நிலம் ஜார்ஜியாவின் தென்கிழக்குப் பகுதியிலும் அதன் முனை அ,மெரிக்காவின் ஃப்ளோரிடாவைத் தொட்டுக் கொண்டும் இருக்கிறது! 

முன்னொரு காலத்தில் அட்லாண்டிக் மகா சமுத்திரம் தென்கிழக்கு ஜார்ஜியாவிலிருந்து உள்வாங்கிப் பின்னால் செல்லவே அது உப்பு நீர் நிரம்பிய குறுகிய பகுதி ஒன்றைப் புதிதாக உருவாக்கி விட்டது! களிமண்ணும் சுண்ணாம்பும் அங்கு சேரவே காலப் போக்கில் அது ஒரு பெரிய சதுப்பு நிலமாக மாறி விட்டது. 

மிதக்கும் இந்த நிலத்தின் ஆழம் ஒரு மீட்டர் இருக்கிறது. 

இங்கு ஏராளமான சைப்ரஸ் மரங்கள் வளர்ந்துள்ளன. இவற்றில் ஏராளமானவை 400 வருடங்கள் ஆனவை. இவை 120 அடி உயரமுள்ளவையாகும்! ஆயிரம் வருடங்கள் வரை இந்த மரங்கள் இருக்கும்! பரந்திருக்கும் இந்த மரத்தின் முழு எடையையும் நீரே தாங்கிக் கொள்கிறது.

 பெரிய காடு போல இருக்கும் இந்தப் பகுதியில் பல தீவுகள் மிதந்து கொண்டே இருக்கும்!

இந்த அற்புதமான சூழ்நிலையைப் பார்த்து பல விலங்குகளுக்குக் கொண்டாட்டம் தான்!

 நான்கு அங்குலம் அளவில் விரல் அளவே உள்ளதாக சிறிய முதலைகள் இருக்கும் போது பெரிய முதலைகள் 13 அடி நீளமுள்ளதாக வளர்கின்றன. எடையோ 225 கிலோ ஆகும். இதை அமெரிக்க ராஜ முதலை என்கின்றனர்.

 இந்த பிராந்தியத்திலேயே அதிகமாகச் சத்தம் போடுவது இங்குள்ள மரங்கொத்திப் பறவைகள் தாம்!

பாம்புகளும், பல்லிகளும், விதம் விதமான தவளைகளும் கூட்டம் கூட்டமாக இங்கு வசிக்கின்றன.

 1838ல் அமெரிக்க ராணுவம் ஃப்ளோரிடாவில் இருந்த பழங்குடியினரான செமினோல் இந்தியர்களை விரட்டி அடிக்கவே அவர்கள் இந்தப் பகுதிக்கு வந்து சதுப்பு நிலத்தை விவசாயம் செய்யும் நிலமாக மாற்ற முயன்று அதில் வெற்றியும் பெற்றனர்.

 ஆயிரத்தி எண்ணூற்றுத் தொண்ணூறுகளில் காப்டன் ஹாரி ஜாக்ஸன் என்பவர் இங்கு சதுப்பு நிலத்தில் உள்ள நீரை வெளியேற்றி விட்டு அட்லாண்டிக் பெருங்கடலுடன் இணைக்கும் சுவானி கால்வாய் என்ற ஒரு கால்வாயை அமைக்க முயன்றார். ஆனால் அது வெற்றி பெறாமல் பாதியிலேயே நின்றது. அதற்கு ஜாக்ஸனின் முட்டாள்தனம் (Jackson’s Folly) என்று பெயரிட்டனர்.

 1908 முதல் 1926 முடிய மரக் கம்பெனி ஒன்று இங்குள்ள மரங்களை வெட்டி அழித்தது. அதனால் .வனவிலங்குகள் இந்த இடத்திலிருந்து ஓட ஆரம்பித்தன.

அமெரிக்க அரசு இதைப் பார்த்தது. உடனே இதை வனவிலங்கு சரணாலயமாக அறிவித்தது. சைப்ரஸ் மரங்கள் உள்ளிட்ட தாவர வகைகள் அழிவிலிருந்து தப்பித்தன!

 இப்போது இங்கு ஏராளமான உல்லாசப் பயணிகள் இந்த இயற்கை அற்புதத்தைப் பார்த்து வியக்கின்றனர்.

மிதக்கும் நீரில் மரம் வளர்வது ஒரு அதிசயம் தானே!

***

துருவ நாராயணன் கோவிலும் பிரம்ம சரோவரும் 

Written by London Swaminathan

Post No. 15,119

Date uploaded in London –  25 October 2025

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx  

1

தர்ம க்ஷேத்ரே குருக்ஷேத்ரே என்ற இரண்டு சொற்களுடன் உலகப் புகழ்பெற்ற பகவத்த் கீதை ஏன் துவங்குகிறது?

விடை; அங்கே கிருஷ்ணபகவான் வழிகாட்டுதலின் பேரில் அரக்கர்களை போன்ற குணம் படைத்த துர்யோதானாதிகளை அழித்து தர்மம்  நிலை நாட்டப்பட்டது .

धृतराष्ट्र उवाच |

धर्मक्षेत्रे कुरुक्षेत्रे समवेता युयुत्सवः |

मामकाः पाण्डवाश्चैव किमकुर्वत सञ्जय ||1-1||

(Dhritrashtr uvaach) 

Dharmkshetre, Kurukshetre, samvetaH, yuyutsavH,

MamkaH, PandavaH, ch, ev, kim’, akurvat, Sanjay ||1-1||

***

2

இப்போது குருக்ஷேத்திரம் எங்கே உள்ளது?

ஹரியானா மாநிலத்தில் பிரம்ம ரிஷி தேசம் என்று அழைக்கப்பட்ட பூமியில் உள்ளது  பழங்கால சரஸ்வதி மற்றும் த்ருஷத்வதி நதிக்களுக்கு இடையே அமைந்த இந்த இடம் மிகவும் புனிதமான பிரதேசம்

***

கீதா மந்திர்கள் 

3

குருக்ஷேத்திரத்தில் கோவில்கள் உள்ளனவா?

பல கிருஷ்ணன் கோவில்கள் இருக்கின்றன ஒரே கோவிலில் முன்னூறுக்கும் அதிகமான பகவத் கீதை உரைகளைக் கண்டு மகிழலாம் . துருவ நாராயணன் கோவிலும் , சங்கர் மஹாதேவர் என்ற சிவன் கோவிலும் உள்ளன.

***

4

வேறு எங்கும் இல்லாத சிறப்பு ஏதேனும் உண்டா?

உண்டு. 360 ஏரி, குளங்கள் உள்ளன அத்தனையும் புனிதம் பெற்றவை ஒவ்வொன்றுக்கும் ஒரு சிறப்பு உண்டு.

5

மிகவும் புகழ் பெற்ற புனித நீர்நிலை எது?

பிரம்ம சரோவர் என்னும் மிகப்பெரிய ஏரி ஆகும்.

பிரம்ம சரோவர் என்னும் ஏரி மூன்றரை சதுர கிலோமீட்டர் பரப்பு உடையது . 20 லட்சம் பேர் குளிக்கலாம். பெண்களுக்காக தனியாக 20,000 படித்துறைகள் இருப்பதால் , அங்கு ஒரே நேரத்தில் இருபதாயிரம் பேர் புனித ஸ்னானம் செய்யலாம்

6

வேறு புகப்பெற்ற குளம், கிணறுகள் ?

சன்னிஹித குளம், சந்திர கூபம் கிணறு, பீஷ்ம குண்டம், பிர்லா கோவில், தயால்பூர் வன கங்கா  முதலியவற்றை யாத்ரீகர்கள் தரிசனம் செய்கிறார்கள்.

7

அங்குள்ள ஆல மரம் ஏன் புகப்பெற்று விளங்குகிறது ?

அந்த ஆல மரத்தின் கீழ் நின்றுதான் பகவான் கிருஷ்ணன் , பகவத் கீதையை அர்ஜுனனுக்கு உபதேசம் செய்தார் அது 5000  ஆண்டு பழமையான மரம். எப்படி புத்தர் ஞானோதயம் பெற்ற அரச மரத்தின் கன்றுகள் இலங்கையின் தென்கோடிவரை சென்றதோ அது போல பழைய ஆல மரத்தின் கன்றுகள் காலம் காலமாகப் பராமரிக்கப்பட்டு வருகிறது; உலகத்திற்குப் பகவத் கீதையை வழங்க உதவிய ஆல மரத்தை நாம் வணங்குவது சாலப்பொருத்தமே.

8

குருக்ஷேத்திரத்தை யார்  உருவாக்கினார் ?

பிரம்மா இந்த ஊரினை உண்டாக்கியதாகப் புராணங்கள் பகர்கின்றன

9

சூரிய கிரகணத்தின்போது லட்சக் கணக்கான யாத்ரீகர்கள்  குருக்ஷேத்திரத்துக்குச் செல்வதன் ரகசியம் என்ன?

சூரிய கிரகணத்தின்போது அங்குள்ள பிரம சரோவர் ஏரியில் புனிதக் குளியல் செய்தால் ஆயிரம் அஸ்வமேத யாகம் செய்த பலன் கிட்டுமாம். ஆகவே ஒவ்வொரு கிரகணத்தின்போதும் கூட்டம் அதிகரிக்கிறது.

***

10

பாஸ்கராச்சார்யார் என்ற கணித மேதை செப்பிய ரகசியம் என்ன ?

குருக்ஷேத்திரம் வழியாக முக்கியக்கோடு செல்வதாகவும் இது ரோதக், உஜ்ஜைனி, மதுரா நகரங்களை இணைப்பதாவும் ஒரு புறம் மேரு சிகரத்தினையும் மறுபுறம் இலங்கையையும் தொடுவதாகவும் சித்தாந்த சிரோன்மணி நூல் உரைக்கிறது. அதிசயம் என்னவென்றால் திருமூலரும் இதைப்பாடியுள்ளார்

பல இடங்களுக்கு புனிதத்துவம் ஏற்படுவதற்குக் காரணம் அவை அனைத்தும் சில அதிசயக் கோடுகள் (Lay lines)செல்லும் பாதையில் இருப்பதாக மேலை நாடுகளிலும் ஒரு கருத்து உள்ளது.

LONGITUDE OF FAMOUS SIVA TEMPLES (Nearly on the same line)

75.5041° E AMARNATH அமர்நாத் பனிலிங்கம்

79.6912° E CHIDAMBARAM சிதம்பரம் நடராஜர் கோவில்

79.8394° E PUTTALAM முன்னேஸ்வரம் சிவன் கோவில்

79.0669° E KEDARNATH  கேதார்நாத் சிவன் கோவில்

81.3119° E MOUNT KAILASH கயிலாயம்

***

மேரு நடுநாடி மிக்கிடை பிங்கலை

கூருமிவ் வானின் இலங்கைக் குறியுறுஞ்

சாருந் திலைவனத் தண்மா மலயத்தூ

டேறுஞ் சுழுனை இவைசிவ பூமியே.- 2701

xxx

“இடைபிங் கலையிம வானோ டிலங்கை,

நடுநின்ற மேரு நடுவாஞ் சுழுனை

கடவுந் திலைவனங் கைகண்ட மூலம்,

படர்வொன்றி யென்றும்  பரமாம்பரமே“- 2708

நாம் வாழும் பூமியை , புவியியல் அறிஞர்கள்,  கற்பனைக் கோடுகளால் பிரிப்பார்கள். பூமியை 360 பாகைகளாகப் பிரிக்கும் நெடுங்கோடுகளை தீர்க்க ரேகை LONGITUDE என்றும் படுக்கைவாட்டில் பிரிக்கும் 180 கோடுகளை அட்ச ரேகை LATITUDE என்றும் பிரிப்பார்கள்.

தீர்க்க ரேகையை 180 கிழக்குக் கோடுகளாகவும் 180 மேற்குக் கோடுகளாகவும் பிரித்து  லண்டன் அருகிலுள்ள கிரீனிச்சில் பூஜ்ய டிகிரியில் துவங்குவதாகச் சொல்லுவார்கள் இதே போல படுக்கைக்கோடுகளை 90 வட கோடுகளாகவும்  ,90 தென்  கோடுகளாகவும்  பிரிக்கிறார்கள். பூமியின் நடுவில் செல்லும் கோட்டை பூமத்திய ரேகை அல்லது நில நடுக்கோடு (Equator) என்று அழைக்கிறோம்.

இவைகளில் அட்ச ரேகைகளை முதல் முதலில் எகிப்திய வான நூல் அறிஞர் டாலமியின் வரைபடத்தில் காண்கிறோம். கி.பி 150-ல் வாழ்ந்தவர் அவர். ஆனால் தீர்க்க ரேகைகளை 18-ஆவது  நூற்றாண்டில்தான்  காண்கிறோம். இதில் வியப்பு என்னவென்றால் இதற்குப் பல நூற்றாண்டுகளுக்கு முன்னரே திருமூலர் இவற்றை அறிந்திருக்கிறார்.

அவர் இரண்டு திருமந்திர பாடல்களில் மேரு, தில்லை (சிதம்பரம்), இலங்கை மூன்றும் ஒரே நேர் கோட்டில்  இருப்பதாகப் பாடுகிறார்.

–SUBHAM—

Tags- திருமூலர், தீர்க்கரேகை, அதிசயக்கோடு, ஆலமரம், பகவத் கீதை குருக்ஷேத்ரம் , பத்து சுவையான செய்திகள், தர்ம க்ஷேத்ரே குருக்ஷேத்ரே

Written by London Swaminathan

Post No. 15,118

Date uploaded in London –  25 October 2025

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

https://www.pustaka.co.in/home/author/london-swaminathan

xxxx  

ஆங்கில அரிச்சுவடி வரிசை என்பதால்  அ, ஆ  எழுத்துக்களுக்கு அடுத்ததாக பி சொற்கள் துவங்கும்

அவதாரம்

பூவுலகில் தர்மத்தை நிலைநாட்டவும் அதர்மத்தை அழிக்கவும் விஷ்ணு எடுத்த இருபதுக்கும் மேலான வடிவங்கள் ; பூவுலகத்துக்கு இறங்கிவருவதால் அவதாரம் என்ற சொல் தோன்றியது. கீத கோவிந்தம் என்ற நூலை இயற்றிய ஒரிஸ்ஸா மாநிலப் புலவர் ஜெயதேவர் சுமார் ஆயிரம் ஆண்டுகளுக்கு முன்னர் இயற்றிய 24  அஷ்டபதிகளில்  புத்தரையும் அவதாரமாகச் சேர்த்தார்; அதற்கு முன்னர் அந்த இடத்தில் பலராமனின் பெயர் இருந்தது இப்போது உள்ள பத்து அவதார வரிசை பின்வருமாறு :

மத்ஸ்ய (மீன் வடிவம்),

கூர்ம (ஆமை),

வராஹ (காட்டுப்பன்றி),

நரசிம்ம (சிங்க முகம்),

வாமன (குள்ள வடிவம் பின்னர் த்ரிவிக்ரமன்),

பரசுராம,

ராமர் , கிருஷ்ணர் , புத்தர்

கல்கி (இனி வரப்போகும் பத்தாவது அவதாரம்)

Avatar

Avatar means Descent ; Divine Incarnations. Though over twenty Avatars are reported in Bhagavatha Purana, Ten Avatars are more popular. Jayadeva, Odisah poet, included Buddha instead of Balaram in the Ten Avatars in his Gita Govinda (ashtapathi) book.

Ten Avatars- Matsya, Kurma (kuurma), Varaha (varaaha), Narasimha, Vamana (vaamana) (Tri Vikrama), Parasurama, Rama (raama), Krishna, Buddha (instead of Balarama) Kalki (Future Incarnation).

 Purpose of the Avatar : to establish Divine Rule and destroy evil forces.

***

அஷ்டபதி

அஷ்டபதி என்பது சம்ஸ்க்ருதத்தில் உள்ள தெய்வீக கீதங்கள். ஒரிஸ்ஸாவில் (ஒடிஷா) புரி நகரில் வாழ்ந்த ஜெயதேவர் என்னும் கிருஷ்ண பக்தர், சுமார் ஆயிரம் ஆண்டுகளுக்கு முன்னர் இயற்றிய 24 ஸம்ஸ்க்ருதப் பாடல்கள் இவை. ஒவ்வொன்றிலும் எட்டு இரண்டு வரிகளிருப்பதால்  அஷ்டபதி என்று பெயர். சம்பிரதாய பஜனைகளில் பாடப்படும் இந்த  24  பாடல்களில் கிருஷ்ணருக்கும் கோபியருக்கும், குறிப்பாக ராதாவுக்கும், இடையே நிலவிய தெய்வீகக் காதல் போற்றப்படுகிறது

Ashtapathi

The literal meaning of ashtapathi, ‘eight-steps’, refers to the fact that each hymn is made of eight couplets (eight sets of two lines). They are in the book Gita Govindam composed by Sri Jayadeva of Orissa about 1000 years ago. There are 24 Ashtapathis in Sanskrit language usually sung in Sampradaya Bhajans. They describe the beauty of Lord Krishna and the love between Krishna and the Gopis; they are considered a masterpiece in esoteric spirituality and the theme of ‘Divine romance’.

***

அபங்கம்

இவை மராத்தி மொழியில் உள்ள பக்தி கீதங்கள்; இவை ஏகநாதர், நாமதேவ்,  துக்காராம் போன்ற பெரியார்கள் விஷ்ணுவின் வடிவமான பண்டரீபுர பாண்டுரங்கனைத் துதித்த பாடல்கள் இவை பக்திச்  சுவை மிகுந்தவை . தமிழ்நாட்டில் ஆழ்வார்களும், ,நாயன் மார் களும் பாடிப்பரவி பக்தியைப் பரப்பியது போல இவர்கள் மகாராஷ்டிர மாநிலத்தில் பக்தியைப் பரப்பினர்

Abhanga

Abhanga is a form of devotional poetry associated with Saint Ekanatha, Tukaram, Namadeva, and other Marathi saints, characterized by its simple diction and rich spirituality, expressing profound devotion and teachings about God through various saints’ perspectives. The religious verses are sung in Marathi language towards Panduranga of Pandharpur. Panduranga is a divine form of Vishnu.

***

அகஸ்தியர்

அகஸ்தியர்,ரிக்வேத காலம் முதல் புகழ்பெற்றவர் ; லோபா முத்ரையை மணந்தவர் ; வடஇந்தியாவில் ஜனத்தொகைப் பெருக்கப்  பிரச்சினை ஏற்பட்டதால் சிவ பெருமான் இவரைத் தமிழ் நாட்டுக்கு அனுப்பினார்; சுமார் 3000  ஆண்டுகளுக்கு முன்னர் 18  குடி மக்களை இவர் தென்னாட்டுக்கு அழைத்து வந்தார் என்பதை நச்சினார்க்கினியர் உரை மூலம் அறிகிறோம். தமிழ் மொழிக்கு இலக்கணம் எழுதவும் சிவ பெருமான் கட்டளை இட்டார்; அவர் எழுதிய அகத்தியம் என்னும் நூல் இப்போது கிடைக்கவில்லை. இவர் செய்த சாதனைகளின் பட்டியலைப் பார்க்கையில் பகீரதன் போல பெரிய இந்து சமய என்ஜினீயர் என்பது தெரிகிறது; பகீரதன் கங்கை நதியைத் திரும்பிவிட்டது போல இவர் காவிரி நதியைத் தமிழ் நாட்டின் பக்கம் திருப்பிவிட்டார். கடல் ஒர பாதை மூலம் தென்னாட்டுக்கு வருவதற்குப் பதிலாக விந்திய மலையை மட்டம் தட்டி மலைச் சாலைகளை அமைத்தார். தமிழ் இந்துக்களைத் தென்கிழக்கு ஆசிய நாடுகளுக்கு அழைத்துச் சென்று இந்து நாகரீகத்தை 1500  ஆண்டுகளுக்கு ஏழு நாடுகளில் கொடிகட்டிப் பறக்கச் செய்தார் இவருடைய சிலைகள் இல்லாத பெரிய மியூசியங்கள் உலகில் இல்லை; இவருடைய சிலைகள் தென் கிழக்கு ஆசிய நாடுகளின் கோவில்களில் உள்ளது. இவர் கடைசியாக வசித்த இடம் பொதிய மலை; பிற்காலத்தில் எழுதப்பட்ட மருத்துவ நூல்களை அகத்தியர் எழுதியதாகச் சொல்கிறார்கள். அவர்கள்  இவரது குலத்தில் உதித்தவர்களாக இருக்கலாம்.

Agastya

Agastya is a great Rishi (seer) associated with Rig Veda and Tamil language. He married Lopamudra and his hymns re in the Rig Veda. Lord Shiva sent him to SouthIndia to solve he population explosion in North India. He was also asked by Lord Shiva to codify a grammar for Tamil Language . But his work Agastyam is not available now. He is credited with lot of medical books as well. But their language shows that they are later works. He is also credited with lot of engineering works such as diverting Kaveri River towards Tamil Nadu, levelling the Vindhya hills to lay rods, taking Hindus to seven South East Asian countries to establish Hindu Empire. His statues are seen in major museums in the world and South East Asian Temples. He can be easily recognised by his short stature. Scholars have written that he came to Tamil Nadu with 18 tribes of North India between 1000 and 700 BCE. Pothiya Hills was his last residence.

***

ஆம்பல்

ஆம்பல் இரவில் பூக்கும் மலர்; சந்திரனுடன் இணைத்துப் பேசப்படும் மலர். அல்லி ; குமுதம் என்றும் பெயர்

Ambal – aambal- water lily. Nymphaea lotus

***

அந்தகன் – குருடன்; காலன், யமன் ; கண்களை மூடியவாறு பாரபட்சமின்றி அவரவர் செய்த கருமங்களுக்கு, வினைகளுக்கு ஏற்ப மறு வாழ்வினைத் தருபவன்

Andhaka – a blind person, also the deity of death, Yama . Closing his eyes he executes divine justice without any partiality.  Those who do good will get all the good things in their after life

***

ஆயுர்வேதம் – ஆயுளை நீடிக்கச் செய்ய உள்ள வைத்திய முறை.  முக்கிய நூல்கள் சரகர் ,சுஸ்ருதர் எழுதிய சம்ஹிதைகள்; சம்ஸ்க்ருத மொழியில் உள்ளன. பெரும்பாலும் மூலிகைகளைக் கொண்டு நோய்களைத் தீர்ப்பதை விளக்கும் நூல்கள் அவை; ஆயுள் என்றால் ஒருவரின் வாழ்நாள்.

Ayurveda

The science of extending one’s life in good health. It is a medical system mainly dealing with herbs. Ayur means life span. Two thousand years ago books were written in Sanskrit by ancient scholars Charaka and Susrutha.

****

அம்மன்

அம்மன், அம்பிகை, அம்பாள், அன்னை என்பன பொதுவாக  பார்வதி, உமையைக் குறிக்கும் சொற்கள் ; கிராமப்புற தேவதைகளுக்கும் இப்பெயர் உண்டு மாரியம்மன், காளி அம்மன் என்பன சில .

Amman

Mother Goddess; generally Uma, Parvathi Ambaal – consort of Lord Shiva. Village goddesses are also called Maari Amman, Kaali Amman.

***

அபசாரம்

விதி முறைகளை அலட்சியப்படுத்தல் அல்லது இகழக்கூடிய செய்கை ; பக்தர்களையோ இறைவனையோ அவமதித்தல்; விலக்கப்பட்ட பொருட்களை வழிபாட்டில் பயன்படுத்துவதும் அபசாரம்.

Apachaaram – Blasphemous act ; violating the sanctity or discarding the holy writs. Using unholy thigs or banned products in the worship, insulting divine persons or divine things.

***

அறிதுயில்

அறிதுயில் – இறைவன் இருக்கும் யோக நித்திரை; அதாவது அறிவு குன்றாது உறங்கும் நிலை. பாற்கடலில் பாம்பணை மீது விஷ்ணு பள்ளி கொண்டு இருந்தாலும் மனிதர்களைப்  போல உறங்குவதில்லை.

Arithuyil

Restful alertness or operative rest; it  means sleep in the waking state. Lord Vishnu is on the bed of snake in the middle of the milky ocean in this state.

***

அஷ்ட வீரட்டான தலங்கள்

சிவன் கோபம் கொண்டு எட்டு எதிரிகளை வீழ்த்திய எட்டு புனிதத் தலங்கள்; இறைவனின் வீரத்தக் காட்டும் கோவில்கள் உள்ளன

திருக்கண்டியூர் ,திருக்கடவூர் ,திருவதிகை ,திருக்கோவலூர் ,திருவிற்குடி ,திருக் குறுக்கை ,வழுவூர் ,பறியலூர்

பிரம்ம சிரக்கண்டீஸ்வரர் கோயில் – திருக்கண்டியூர்: பிரம்மன் தலையை கொய்ந்த இடம்

வீரட்டேஸ்வரர் கோயில் – திருக்கோவலூர்: அந்தகாகரனைக் கொன்ற இடம்

வீரட்டானேஸ்வரர் கோயில் – திருவதிகை: திரிபுரத்தை எரித்த இடம்

திருப்பறியலூர் வீரட்டானேசுவரர் கோயில் கீழப்பரசலூர் -தட்சனை அழித்த இடம்.

திருவிற்குடி வீரட்டானேஸ்வரர் கோயில்: சலந்தராசுரனை கொன்ற தலம்

திருவழுவூர்: கயமுகாசுரனைக்கொன்று தோலை உரித்துப்போர்த்துக் கொண்ட தலம்

திருக்குறுக்கை: மன்மதனை எரித்த தலம்

திருக்கடவூர்: மார்க்கண்டேயனைக் காத்துக் கூற்றுவனை உதைத்த தலம்.

Ashta Veerattana Sthalas/ Shrines

Eight shrines of Lord Shiva’s Heroic Exploits

Lord shive destroyed eight of his enemies to save his devotees. These shrines are in Tamil Nadu ;there is at least one heroic act or anecdote performed in each of these places. Following are the places and his heroic deeds:

Athikai – Shiva burnt down the Tripuras- Three hanging Metal castles in the air with his third eye.

Kandiyur- Shiva cut off one of the head of Brahma .

Kadavur- Lord Shiva kicked the God of death away to save young boy Markandeya.

Kurukkai – Manmatha was burnt to ashes by Shiva.

Kovalur- Andhakasura was killed here.

Pariyalur- Daksha was killed by Shiva.

Vazuvur- Lord Shiva killed elephant headed Gajamukha Asura and adorned himself with the elephant hide

Virkudi- Chalanthasura was killed here.

***

அலங்காரம்

இறைவனின் சிலை அல்லது விக்கிரகத்தை விலை உயர்ந்த பட்டு முதலிய ஆடைகளை உடுத்தி ஆபரணங்களையும் குங்கும அல்லது சந்தனம் அல்லது விபூ தி பூசியும் பக்தர்களின் தரிசனத்துக்கு வைத்தல்; பொதுவாக இறைவனை அலங்கரிக்கும்போது அர்ச்சகர்கள் திரை போட்டு மூடிவிடுவார்கள்; அலங்காரம் இல்லாத சுவாமியை பக்தர்கள் பார்க்கக்கூடாது .

Alankaram – alankaaram –

Adornment; decoration

Decorating ; gods’ idols or statues are decorated with flowers , sandal paste, kunkumam, Vibhuti etc. in temples . It is done after abishekam/ ritual bathing of God. In Tamil temples they draw the curtain before doing it. Devotees are not allowed to see the idol naked or without ornaments or dress.

***

Image of Rishi Agastya

அழகர் / ன்

Azakan

Handsom God, Handsome man; usually denotes Vishnu; but also applied to any God

***

அரங்கேற்றம்

ஒரு புதிய நூலை அல்லது சங்கீதம் நாட்டியம் போன்ற கலைகளை முதல் தடவையாக அறிஞர் சபையில் படைத்து — அதாவது அரங்கத்தில் ஏற்றி- அவர்களுடைய ஒப்புதலைப் பெறுதல் ; காஞ்சி, மதுரை, தில்லை முதலிய நகரங்களில் பல புனித நூல்கள் அரங்கேற்றப்பட்டன

நூல்கள் அரங்கேறிய இடங்கள் 

கம்ப ராமாயணம்  ஸ்ரீரங்கம் ;

கச்சியப்ப சிவாச்சாரியாரின்  கந்த புராணம்-  காஞ்சியில் உள்ள கந்தகோட்டம்.

சேக்கிழார் எழுதிய  பெரியபுராணம்- சிதம்பரம்

தேவராய சுவாமிகள் இயற்றிய  கந்தசஷ்டி கவசம்- சென்னிமலை முருகன் கோவில்.

Arangetram

Premiere ; debut; first show; first presentation;

Arangam means an assembly of experts or learned people in a particular field . usually it has a raised platform or stage which is also called arangu.  An author or an artiste presents his or her work  before the learned people for their acceptance.  it also means the first performance of an artiste.

Presenting new books before the learned people were a tricky job in the olden days. Scholars used to ask a lot of questions about the new book. Many such events happened in famous temples; Some examples are given below:

Kamba Ramayanam – Srirangam Temple;

Kandapuranam (Skaantham in Tamil)- Kanchipuram Kandakottam Temple;

Periya Puranam-  Chidambaram (Thillai);

Kandasashti Kavacham – Sennimlai Murugan Temple

To be continued…………………..

Part- 7, Hindu Glossary, Tamil and English, Ashta Veerattana Shrine, Arithuyil, Alankar God’s sleep

 WRITTEN BY S NAGARAJAN

Post No. 15,117

Date uploaded in London – –  25 October 2025

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx

 4-8-25 கல்கிஆன்லைன் இதழில் வெளியான கட்டுரை! 

MOTIVATION AND CURRENT TREND

செத்த குதிரை மீது சவாரி செய்யாதே!

DON’T RIDE ON A DEAD HORSE!

ச. நாகராஜன் 

மாறிக் கொண்டே இருக்கும் உலகத்தில் மாறாதது மாற்றம் ஒன்றே ஒன்று தான்!

ஓடிக் கொண்டே இருக்கும் உலகத்தில் அதன் வேகத்துடன் ஓடிக் கொண்டே இருப்பவன் தான் வெற்றி பெற முடியும்.

இதைத் தான் இந்து மத சாஸ்திரங்கள் மிக அழகாக ஒரு சூத்திரத்தின் மூலமாக விளக்கின. 

“செத்த குதிரை மீது சவாரி செய்யாதே” என்பது தான் அந்த அற்புதமான சூத்திரம். இதை ஆங்கிலத்தில் மேலாண்மை நிர்வாகத்தில்  “DEAD HORSE THEORY என்பார்கள்.

 குதிரை ஓடவில்லை!

என்ன ஆயிற்று என்று பார்த்தால் அது இறந்து விட்டது. உடனே கீழே இறங்கி விட வேண்டும். இன்னும் அதன் மீது உட்கார்ந்து சவாரி செய்யப் பார்க்காதே! – இது தான் அனுபவம் வாய்ந்த சாஸ்திரத்தின் அறிவுரை.

 உதாரணத்திற்கு கோடக் கம்பெனியை எடுத்துக் கொள்ளலாம். அற்புதமான போட்டோ உலகில் அது முன்னணியில் கம்பீரமாக வலம் வந்தது. ஆனால் இந்தத் துறையில் ஏராளமான நவீன உத்திகள் தோன்றும் போது அது அசட்டையாக இருந்து விட்டது. விளைவு, 2012ல் அது திவாலாக நேர்ந்தது.

 ப்ளாக்பஸ்டர் என்ற வீடியோ கம்பெனி நிலையும் இது போலவே ஆனது. சந்தையில் ஏராளமான நிறுவனங்கள் போட்டிக்கு வரவே இது சந்தையின் நிலைமை புரியாமல் தலைகீழாக விழுந்தது.

 இப்போது பெங்களூர் உள்ளிட்ட நகரங்களில் நீங்கள் எந்த மளிகை மற்றும் ஸ்டேஷனரி சாமான்களைக் கேட்டாலும் 15 நிமிடத்தில் வீட்டிற்கே வந்து டெலிவரி ஆகிறது – பிக் பேஸ்கட் போன்ற இந்த அதி வேக டெலிவரி சூரன்களால் ஏராளமான சிறிய ஸ்டோர்களும் ஏன் சின்னச் சின்ன மால்களுமே மூடப்பட்டு விட்டன.

 மூடிய கம்பெனிகளும் கடைகளும் செத்த குதிரை மீது சவாரி செய்ததால் ஒரு அடி கூட முன்னேறவில்லை!

 ஆகவே என்ன செய்வது? தொடர்ந்து முன்னேற்றத்திற்கான சோதனைகளைச் செய்தால் தான் முன்னேற முடியும்; முன்னணியில் நிற்க முடியும்.

சற்று குதிரை மெதுவாக ஓடினால் என்ன செய்வது?

நல்ல சவுக்கை வாங்கி அடிக்க வேண்டும்.

சவாரி செய்பவரை மாற்ற வேண்டும்.

குதிரையையே விலக்கி ஓரங்கட்ட வேண்டியது தான்.

 ஒரு கமிட்டியை நியமித்து குதிரை மற்றும் சவாரிக்காரரைப் பற்றி ஆராய வேண்டியது தான்.

மற்ற குதிரை சொந்தக்காரர்கள் என்ன செய்கிறார்கள் என்று உன்னிப்பாகப் பார்த்துப் பாடம் கற்கலாம்.

குதிரை சவாரியையே காண்ட்ராக்டுக்கு விட்டு விடலாம்.

குதிரைக்குச் சத்துள்ள உணவு போட்டு ஊக்குவிக்கலாம்.

குதிரைக்கு மேனேஜர் பிரமோஷன் கொடுத்து அதை உட்கார வைத்து விட்டு சின்ன இளமையான குதிரைகளை ஓட்டலாம்.

இது தான் இன்றைய மேலாண்மை நிர்வாகத்தின் பொதுவான சிந்தனைப் போக்கு!

 நிறுவனங்கள் அனைத்துமே பொதுவாக செத்த குதிரை மீது சவாரி செய்வதை விரும்புவதில்லை – இந்த நவீன போட்டி மயமான உலகில்.

 சரி, இது நிறுவனங்களுக்கு மட்டுமான உவமானமா? இல்லை. ஒவ்வொரு வீட்டிற்கும் அதில் வாழும் ஒவ்வொரு மனிதருக்கும் இது பொருந்தும்.

அன்றாடம் வீட்டை விட்டு வெளியில் வந்து குதிரையின் மீது ஏறும் போது – அது தான் சார்,  வெளியில் வந்து காலை வைக்கும் போது – கண்களை அகல விரித்துப் பார்க்க வேண்டும். செவிகளை உன்னிப்பாக வைத்துக் கேட்க வேண்டும். பார்க்கும் காட்சிகளை மனதால் அலசி ஆராய வேண்டும். தனது குதிரை உயிரோட்டமுள்ள குதிரையா அல்லது செத்த குதிரையா என்று பார்த்து விட்டு,  அதன் மீது சவாரி செய்வதைப் பற்றி உடனுக்குடன் முடிவு எடுக்க வேண்டும்.

இது தான் இன்றைய உலகில் வெற்றிகரமாக வாழ ஒரே வழி!

 அடடா!, உங்களுடன் பேசிக் கொண்டே இருந்ததில் நீங்கள் சற்று முன்னால் போவதைக் கவனிக்கிறேனே!. இருங்கள் என் குதிரையை கழட்டி விட்டு வேறு குதிரை மீது சவாரி செய்து உங்களை முந்துகிறேன்!

***

Written by London Swaminathan

Post No. 15,116

Date uploaded in London –  24 October 2025

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx  

 I read a book about Kurukshetra which is full of interesting details. All of us know that the great Mahabharata war took place in Kurukshetra, a town in Haryana state.

Kurukshetra is in the North Eastern part of Haryana State. It is surrounded by four districts of Haryana (Ambala, Yamuna Nagar, Karnal & Kaithal) in the East, South, North and Patiala district of Punjab in the North West.

Bhagavad Gita begins with

धृतराष्ट्र उवाच |

धर्मक्षेत्रे कुरुक्षेत्रे समवेता युयुत्सवः |

मामकाः पाण्डवाश्चैव किमकुर्वत सञ्जय ||1||

(Dhritrashtr uvaach)

Dharmkshetre, Kurukshetre, samvetaH, yuyutsavH,

MamkaH, PandavaH, ch, ev, kim’, akurvat, Sanjay ||1||

Dhritarashtra said: O Sanjay, after gathering on the holy field of Kurukshetra, and desiring to fight, what did my sons and the sons of Pandu do? (BG 1-1)

Even now people are visiting this holy place.

Kurukshetra is the cradle of Indian civilization. Lying in the easterly region, called Brahma rishi desa in Vedic literature between the rivers Sarasvati and Drsadvati. The fate of India has been settled here from the days of Mahabharata to those of the battles of Panipat. All literature on Kurukshetra-give only fitful glimpses of its religious and cultural significance. 

Muztar’s study is the first full length of the region from ancient times to the present. Kuru- Paanchaalas figure in Vedic literature as the best representative of Vedic culture. But the hostility as mentioned in the Mahabharata is not mentioned in the Vedic scriptures.

The vicissitudes through which the area passed under the Guptas Mughals and the British, including the successive revolts of the people of the region against the British rule have been traced; and for the first time all the 360 tirthas associated with the region have been identified.

PICTURES OF DHRUV NARAIN TEMPLE AND BRAHMASAROVAR

This is the sacred place where Krishna addressed Arjuna before the war began; and we got the Bhagavad Gita . there is a temple in Kurukshetra which contains over 300 commentaries on Gita of varying periods.

According to Puranas, Brahma created this place and Hindus have settled here at the dawn of civilization .

Among the hundreds of holy places, Brahma Sarovar, Sannehit Tank,Sarveshvara Mahadeva Temple, Chandra Kupa, Bhishma Kund (Ban Ganga), Dalyapur Ban Ganga, Kamal Nabh, Birla Temple and Apag Tirtha are the places most visited by the people.

Brahma Sarovar is among the chief attractions for pilgrims. It has a surface area of 3.5 Kilometre and about 15 lakh people can take a holy dip in the sarovar. There are 20,000 Ghats where about 20,000 women can bathe at a time.

The Sannehit tank is about 500 metres in length and about 100 metres in width. On one side of it there is a temple dedicated to Dhuv Narayan. There are idols of Lord Vishnu, Dhruva, Hanuman and goddess Durga.

Banyan Tree

A banyan tree said to be 5000 years old and from where Lord Krishna delivered the holy message of the Gita is still there.

Kurukshetra attracts huge crowd during solar eclipse. It is believed that anyone who bathes in the Brahma Sarovar during the solar eclipse gets the benefit of 1000 Asvamedha Yagnas. Lakhs of pilgrims come here during every eclipse. This is because Bhakaracharya believed that Kurukshetra was on the central meridian, it occupied a pivotal position for astronomical calculations. His book Siddhanta Sironmani talks of a straight line dividing the earth through Kurukshetra. On it were situated Rohtak, Ujjain and Mathura. It joined Lanka with Meru Parvat This view is corroborated by Albiruni. (Tamil  saint Tirumular also sung about Maeru’s link with Lanka)

Al Biruni pointed out, “hallowed in history Kurukshetra is among the greatest pilgrim centres in the country. It was also the birthplace of the systematised agriculture through King Kuru’s ploughing.

We have more evidence from Balarama, Krishna’s brother. He carried a plough on his shoulder and spread agriculture throughout India. During the war he went on a pilgrimage to do this.

Pictures of Gita Mandirs

Source

Kurukshetra- Political and Cultural History by B K Muztar, D K Publishers, Delhi, Year 1978

Bhagavad Gita Word  Index by R J Venkateswaran

–subham—

Tags- Kurukshetra, 360 Tirthas, holy tanks, Brahma sarovar, Mahabharata, Banyan Tree. Bhagavad Gita, Bhakaracharya

Gnanamayam Broadcast comes to you EVERY SUNDAY via Zoom, Facebook and You Tube at the same time .

London Time 12 GMT

Indian Time 5-30 pm (evening)

*****

PLEASE JOIN US TO LISTEN TO SPECIAL PROGRAMMES via Zoom, Facebook and You Tube at the same time.

****

Prayer –

***

NEWS BULLETIN

VAISHNAVI ANAND and LATHA YOGESH from London present World Hindu News in Tamil

****

ALAYAM ARIVOM TALK ON

KATHIRKAMAM TEMPLE IN SRI LANKA

****

***

SPECIAL EVENT-

Significance of Famous Singer P Susila’s Devotional Songs -Presentation

By

Ms.Nithya Sowmy, London

(Active Social Worker, Producing Programs for Tamil and South Indian Organizations in Britain)

 ******

ஞானமயம் ஒலி/ ஒளி பரப்பு நிகழ்ச்சி நிரல் ஞாயிற்றுக்கிழமை 26 October 2025

நேரில் காணலாம்; கேட்கலாம் 

via Zoom, Facebook and You Tube at the same time.

***

இறைவணக்கம் —

***

உலக இந்துமத செய்தி மடல்-

லண்டன் மாநகரிலிருந்து வைஷ்ணவி ஆனந்த்,

லதா யோகேஷ் வழங்கும் செய்தி செய்தி மடல்.

***

ஆலயம் அறிவோம் —

சொற்பொழிவு– தலைப்பு–  இலங்கை கதிர்காமம் முருகன் கோவில்,

****

இன்றைய சிறப்பு நிகழ்ச்சி:

பிரபல பாடகி பி.சுசீலாவின் பக்தி கீதங்கள் பற்றிய சிறப்பு நிகழ்ச்சி

பக்தி கீதங்களின் சிறப்பினை விளக்கிப் பேசுபவர்

லண்டன் நித்யா ஸெளமி ,

(சமூக ஆர்வலர், தமிழ், தென் இந்திய சங்கங்களில் தீவிர ஈடுபாடும் பங்களிப்பும் வழங்குபவர் )

—subham—

Tags-Gnanamayam Broadcast, 26-10- 2025, programme,