WRITTEN BY KATTUKKUTY

Post No. 8747

Date uploaded in London – –28 SEPTEMBER 2020    

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

தாமரையும் உணவும்

தாமரையின் கிழங்கும், தண்டுகளையும் துண்டு துண்டாக வெட்டி

உப்பிட்டு காய வைத்து விடுவார்கள். இதை எண்ணெயில்

பொறித்து சாப்பிட மிக ருசியாக இருக்கும். இதில் வைட்டமின்

“C “யும், மாங்கனீஸும் நிறைய உண்டு.மேலும் இது நார்ச் சத்து

மிகுந்தது. தாமரை விதையின் ருசியே அலாதி!!! தற்சமயம்

இதை உப்பிட்டு “பாப் கார்ன்” வறுத்து அல்லது பொரித்து

சாப்பிட வசதியாக விற்கிறார்கள்

தாமரையும் மருத்துவமும்

தாமரைப்பூ, கிழங்கு, தண்டு,மொட்டு, விதை அனைத்துமே மருத்துவ

குணமுடையவை.சித்த வைத்தியர்கள் இதை “மருத்துவ தெய்வ

மலர்” என்று போற்றுவர்.

மிகவும் உபயோகமாக இருப்பது வெண்தாமரையே!!!

வெண் தாமரை இதழை கஷாயம் வைத்து குடித்தால் மூளை

வளர்ச்சியடையும்.

மனோவியாதிகள் தீரும். இதய வியாதிகளுக்கு நல்லது.

தாமரை இதழ்களை வைத்து சர்பத் செய்து சாப்பிட இரத்த

மூலம்,சீதபேதி, இருமல் போன்ற வியாதிகள் கட்டுப்படுகின்றன.

தலை முடி வளரவும் கருக்கவும் தாமரை இதழ்கள் உதவுகின்றன!!!

மேற்கொண்டு சித்த வைத்தியர்களை கண்டு பேசி மருந்துகளை

கேட்டு தெரிந்து கொண்டு உபயோகப்படுத்தவும்.

தாமரையும் இலக்கியமும்

“வெள்ளத்தனைய மலர் நீட்டம் மாந்தர்தம்

உள்ளத் தனையது உயர்வு.”

தண்ணீரின் அளவுதான் அதில் மலர்ந்துள்ள தாமரைத்தண்டின்

அளவும் இருக்கும். அது போல மனிதரின் வாழ்க்கையின் உயர்வும்

அவர் மனதில் கொண்டுள்ள ஊக்கத்தின் அளவே இருக்கும்.

தாமரையை வைத்து அருமையான பாடம் கற்பிக்கிறார் வள்ளுவர்

ஆழி சூழ் உலகெலாம் பரதனே ஆள,நீ போய்

தாழிருஞ்சடைகள் தாங்கித் தாங்களும் தவம் பூமி

வெங்கானம் நண்ணி மேற்கொண்டு புண்ணியத்துறைகள் ஆடி

ஏழிரண்டாண்டடில் வா….

இதைக் கேட்ட ராமன் முகம்

“அப்போதலர்ந்த செந்தாமரையினை வென்றதம்மா”

என்றி அருமையாக உவமை கூறுகிறார் கம்பர் பெருமான்!!!

அத்தோடு விடவில்லை, மீண்டும் தாமரைக்கு உவமை கூறுகிறார்

கம பர்

மெய்த் திருப்பதம் மேவு என்ற போதினும்

இத்ததுருத் துறந்து ஏகு என்ற போதினும்சித்திரத்தின் அலர்ந்த

செந்தாமரை

ஒத்திருக்கும் முகத்தினை உன்னவாள்!!!

சரி தரு நாவுக்கரசர் என்ன சொல்கிறார் என்று பார்ப்போம்

பூவினுக்கருங்கலம் பொங்கு தாமரை

நாவினுக்கருங்கலம் நமச்சிவாயவே!!!! ( தேவாரம்)

தாமரை கற்றத் தரும் பாடம்

தாமரை வேர் தனக்குத்தேவையான தண்ணீர் தவிர ஒரு சொட்டு

கூட அதிகமாக எடுத்துக்கொள்ளாது. மேலும், பூவின்மேலும்,

இலையின் மேலும் தண்ணீர் பட்டாலும் முத்துப்போல் உதிர்த்து

விடும்.

அதுபோல

பொதுவாழ்வில் உள்ளவர்கள் “தாமரை “போல் இருக்க வேண்டும்.

தனது உழைப்புக்குரிய சம்பளத்தைத் தவிர ஒரு ரூபாய் கூட

பொதுப்பணத்தை எடுக்க க்கூடாது.

தாமரையும் ஞானியும்

தாமரை எப்படி சேறும் சகதியும் உள்ள இடத்தில் மலர்ந்து எவ்வளவு

கீழ்மட்டத்திலிருந்தாலும் ஞானிகளும் கீழ் மட்ட ஜாதி, மத, இனத்திலும் தோன்றுவார்கள்

இலையும் பூவும் மேல் மட்டத்திலேயே எப்போதும் மிதப்பதினால்

ஞானிகளும் சமுதாய சகதிகளிலிருந்து விடுபட்டு ஞானம் என்னும்

சூரியனையே , அதாவது உண்மை என்னும் நிலையையே நோக்கி

விரும்பி செல்வார்கள்

எப்பொழுதும் தாமரை சூரியனையே பார்த்திருப்பதினால், “அறிவு”

என்னும் ஞானச் சுடரையே ஞானிகள் விரும்பி பார்த்து சென்று

கொண்டிருப்பார்கள்.

மேலும் பூவினமீதோஇலையின்மீதோதண்ணீர்பட்டாலும்,

முத்துப் போல உதிர்த்து விடுகிறது.ஞானிகளும் தன்னைச்

சுற றி நடப்பதிலிருந்து விடு பட்டு ஞானத்தை அடைகிறாரக

கணித த்தில் தாமரை

எட்டு தாமரை இதழ்களை ஒன்றன் மேல் ஒன்றாக அடுக்கி

ஒரு ஊசியால் சடக்கென்று குத்தினானால் எவ்வளவு நேரம்

ஆகுமோ அதை “ஷணம்” என்று சொல்லப்படுகிறது. இது

போன்ற இரண்டு ஷணம் சேர்ந்தது ஒரு நொடி………இப்படிப்

போகிறது பழைய வாய்ப் பாடு…..தறசமயம் இது புழக்கத்தில்

இல்ஐ என்றாலும் உதாரணத்திக்காக உபயோகப்படித்தப் படுகிறது.

ஒரு “ஷண”நேரத்தில. நடந்து விட்டது…..

தாமரையின் வாழ்க்கை நமக்கொரு பாடம்.தெய்வத்தன்மையை

அடைய ஒரு வழி காட்டி.

முயல்வோம் வெற்றி பெறுவோம்!!!

tags- தாமரை-2

WRITTEN BY S NAGARAJAN                     

Post No. 8746

Date uploaded in London – – –28 SEPTEMBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

மஹாபாரதம் அறிவோம்!

பதினெட்டாம் நாள் போர்: சல்ய பர்வம் தரும் துர்நிமித்தங்கள்!

ச.நாகராஜன்

1

கோரமான மஹாபாரதப் போர் இறுதி கட்டத்தை அடைந்து விட்டது.

பதினெட்டாம் நாள் போர்.

பீஷ்மர் கொல்லப்பட்டு விட்டார். துரோணர் கொல்லப்பட்டு விட்டார். கர்ணனும் கொல்லப்பட்டு விட்டான்.

அலறி அடித்தவாறே வந்த ஸஞ்சயன் திருதராஷ்டிரனிடம் நடந்த விவரங்களைக் கூறுகிறான்.

யாரை சேனாபதியாக ஆக்குவது என்று துரியோதனன் அஸ்வத்தாமாவிடம் யோசனை கேட்க அஸ்வத்தாமா, சல்யனை சேனாதிபதி ஆக்கலாம் என்று கூறுகிறார்.

“குலத்தாலும் உருவத்தாலும் தேஜஸினாலும் கீர்த்தியாலும் ஐஸ்வர்யத்தாலும் நிறைந்தவனும், எல்லாக் குணங்களும் நிறைந்தவனுமான இந்தச் சல்யன் நமக்குச் சேனாபதியாக ஆகட்டும். நன்றி அறிவுள்ள இந்தச் சல்யன் தன் மருமக்களை விட்டுவிட்டு நம்மை வந்தடைந்தான். இவன் பெரிய சேனையை உடையவன். நீண்ட கைகளை உடையவன். வேறொரு ஸ்கந்தருக்கு நிகரானவன். ஜயிக்கப்படாத சுப்ரமண்யரை எப்படி சேனாபதியாகக் கொண்டு தேவர்கள் வெற்றி அடைந்தார்களோ அதே போல இந்த அரசனை சேனாபதியாகக் கொண்டு  நம்மால் ஜயம் அடையப்படட்டும்” என்று இவ்வாறு அஸ்வத்தாமன் கூற துரியோதனன் சல்யனை சேனாபதியாக இருக்க கை குவித்து வேண்டுகிறான்.

சல்யன் அதை ஏற்றுக் கொள்கிறான்.

யுத்தம் ஆரம்பிக்கிறது.

தர்மர் மத்ர ராஜனான சல்யனை எதிர்கொள்கிறார்.

அப்போது பற்பல உருவங்கள் உள்ள நிமித்தங்கள் பலவாறு தோன்றின.

மலைகளுடன் கூடிய பூமி சத்தத்தை வெளியிட்டுக் கொண்டு அசைந்தது.

தண்ட சூலங்களுடன் கூடியவைகளும், ஜொலிக்கும் நுனிகளை உடையவைகளும், நாற்பக்கத்திலிருந்தும் பிளவுபடுகின்றவைகளுமான உற்கைகள்  சூரிய மண்டலத்தைத் தாக்கிக் கொண்டு ஆகாயத்திலிருந்து பூமியில் விழுந்தன.

மிருகங்களும், எருமைக்கடாக்களும், பட்சிகளும் அப்போது கௌரவர் சேனையை பல தடவை இடப்பக்கமாகச் சுற்றி வந்தன.

பூமி முழுவதையும் அனுபவிக்கப் போவதைக் காட்டும் விதமாக பாண்டவர்களின் முதல்வரான தர்மரை நோக்கி சுக்ரன், செவ்வாய், புதன் ஆகிய மூன்று கிரகங்களும் அவரது ஜாதகத்தில் லக்னத்திலிருந்து ஏழாவது இடத்தில் இருந்து கொண்டு அவருக்குப் பலத்தை உண்டுபண்ணுவையாக அமைந்திருந்தன.

இந்த மூன்று கிரகங்கள் பாண்டுபுத்திரர்களுக்குப் பின்னாலும் கௌரவர்களுக்கு எதிரிலும் இருந்தன.

சஸ்திரங்களின் நுனிகளில் ஜ்வாலை தோன்றியது. அது கண்களைக் கூசும்படி செய்து கொண்டு பூமியில் விழுந்தது.

காக்கைகளும், கோட்டான்களும், தலைகளிலும் கொடிகளிலும் அதிகமாக உட்கார்ந்தன.

2

ஒன்பதாம் பர்வமாக மஹாபாரதத்தில் அமைந்துள்ள சல்ய பர்வத்தில் பத்தாவது அத்தியாயத்தில் இந்த துர்நிமித்தங்களைப் பார்க்கிறோம்.

ஒரு விஷயத்தில் வெற்றி, தோல்வியைக் காண்பிப்பவை நம்மைச் சுற்றி நடக்கும் நல்ல அல்லது கெட்ட விஷயங்களே என்பதை இந்த அத்தியாயம் சுட்டிக் காட்டுகிறது.

துர் நிமித்தங்கள் என்னென்ன என்பதையும் பார்க்கிறோம். பூமி அசைதல் என்றால் பூமி அதிர்ச்சி அல்லது பூகம்பம் ஆகும்.

பட்சிகள், மிருகங்கள் இடப்பக்கமாகப் போகக் கூடாது.

கிரகங்களின் சேர்க்கை நல்ல பலத்தைத் தர வேண்டும்.

இப்படிப்பட்ட பல நிமித்தங்களை இந்த அத்தியாயம் தெரிவிக்கிறது.

பண்டைய காலத்திலேயே நல் நிமித்தங்கள் மற்றும் துர் நிமித்தங்கள் பற்றி இயற்கையைக் கூர்ந்து கவனித்த நமது அறிஞர்கள் அவற்றைத் தொகுத்து சாஸ்திரமாகத் தந்தனர்.

மஹாபாரதத்தில் இப்படி நல் நிமித்தங்கள் மற்றும் துர் நிமித்தங்கள், பக்ஷி பாஷைகள், சாமுத்ரிகா லக்ஷணங்கள் உள்ளிட்ட பல அபூர்வ கலைகளைக் காண்கிறோம்.

இவற்றைத் தொகுத்துப் படித்தால் இயற்கை நமக்குக் கூறும் கலைகள் பலவற்றையும் உள்ளது உள்ளபடி அறியலாம்.

tags– சல்ய பர்வம் , துர்நிமித்தம் 

***

WRITTEN BY KATTUKKUTY

Post No. 8743

Date uploaded in London – –27 SEPTEMBER 2020    

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

தெய்வீகத் தாமரை!!!

நமது பாரதத்தில் எல்லா கடவுளோடும் சம்பந்தப் படுத்தப் பட்ட

ஒரு பொருள் உண்டென்றால் அது தாமரையாகத்தான் இருக்கும்.தூய்மையின்

அடையாளமாக க கருதப்படும் இந்த

“சேற்றில் விளைந்த செந்தாமரைதான்”, நமது நாட்டின் தேசீய

மலராகும். நமது நாட்டிற்கு மட்டுமல்ல வியடநாம் நாட்டிற்கும்

இதுவே தேசீய மலர்!!!

பகவான் கிருஷ்ணன் பகவத்கீதையில் சொல்ல மறந்தது

மலர்களிலிலே நான் தாமரை” ஏன் தெரியுமா???

அவரே “தாமரைக்கண்ணனாக”உதித்ததினால்தான்!!!

தாமரையின் பிறப்பிடம்

ஆதி காலத்தில் ஆதிசேஷன் மீது ஆனந்த சயனத்திலிருந்த

மஹா விஷ்ணுவின் வயிற்றில் தோன்றியதே இந்த தாமரை மலர்!!!

மஹாவிஷ்ணு மட்டுமல்லாமல் மஹா லட்சுமியும் தனது இருப்பிடமாக

கொண்டு விட்டாள்!!!எல்லா தெய்வங்களுக்கும் இருப்பிடமாகி

விட்டது தாமரைப்பூ!!! ஒன்று ஆசனமாக, நிற்கும் உபகரணமாக

அல்லது கையில் பூவாகவோ, மொட்டாகவோ……..

கவுதம புத்தராகட்டும், வர்த்தமான மகா வீர்ராகட்டும் தாமரைப்பூவே

ஆசனமாயிற்று!!! கல்விக் கடவுளாகிய ஸரஸ்வதியோ தனக்கென

ஒரு வெள்ளை கலரை செலக்ட் செய்து கொண்டு விட்டாள்!!!வெள்ளைத் தாமரைப்பூவிலிருப்பாள், வீணை செய்யும்

ஒலியிருப்பாள்!!

எகிப்து கோவில்களில் தாமரைப்பூ முக்கிய இடம் வகிக்கிறது

சைனா,ஜப்பான், மலேஷியா,போன்ற தென் கிழக்கு ஆசிய

நாடுகளில் உள்ள எல்லா கோவில்களிலும், கடவுளர்களிடமும்

கட்டங்களிலும் தாமரைப் பூவிற்கே முதலிடம்……மற்ற வெளிநாடுகளில் அழகிற்காக காகிதம், மெட்டி,தெர்மாகோலில்

செய்து அலமாரிகளில் வைத்துக் கொள்கிறார்கள்.

இப்பூவுலகில் தாமரை

தாமரையின் பிறப்பிடமே சேரும் சகதியும்தான்…….

ஆகையினால்தான் ஏழையாகப் பிறந்து கஷ்டப்பட்டு முன்னுக்கு

வந்தவரை “சேற்றில் விளைந்த செந்தாமரை” எனகிறோம்.

குளம், குட்டை தேங்கிய கலங்கிய தண்ணீரில் இரட்டை விதை

கொண்ட நீர்வாழ் தாவரமாக வளர்கிறது தாமரை……எக்காலமும்

ஓடும் நீரில் இது விளையாது.

இதன் அமைப்பு

மிக மிக அழகான வண்ணமான இளம் ரோஸ் கலரும் வெண்மையும்

கலந்த கவர்ச்சிகரமாக தோற்றமளிக்கும் இந்த செந்தாமரை சூரியன்

வரும்போது மலரும். சூரியன் மறையும்போது குவியும்.மலர்ந்த

செந்தாமரை சுமார் 6 அங்குல அகலத்திற்கு அழகாக நிறைய இதழ்களுடன் காட்சி அளிக்கும். இந்த பூவிற்குப் பெயர் சதபத்ரி.

“சதபத்ரி” என்றால் 100 இதழ்கள் கொண்டது என்று அர்த்தம்.

சேற்றிலிருந்து கிழங்கு, கிழங்கிலிருந்து தண்டு .இந்த தண்டு

முளைத்து பெரிய இலைகள் இரண்டு உருவாகும்.இலையின்

அடிப்பாகத்திலுள்ள காம்பிலிருந்து உருவாகிறது பூ!!!!தனக்குத்

தேவையான தண்ணீர் தவிர ஒருசொட்டு கூட அதிகமாக

எடுக்காது!!!பூவிலும், இலையிலும் பட்ட தண்ணீரும் முத்துப்போல்

வழிந்தோடிவிடும்!!!

பழமொழி – “தாமரைக்கும் தண்ணீருக்கும் எப்போதுமே சண்டை

வந்ததில்லை”

இதன் அறிவியல் பெயர்

“நெலம்போ நூசி fபேரா” – NELUMBO NUOCI FERRA

இது “மக்னோலியாப்சிடா” பிரிவைச் சேர்ந்தது.

தாமரையின் மற்ற பெயர்கள்

அரவிந்தம்,பங்கேருகம், கோகனகம், முளரி, புண்டரீகம், வனசம்,

அம்போருகம், கமலம், இண்டை, சத பத்ரி, வாரிஜம், ஜலஜம்,

அம்புஜம், சரோஜம்,நளினம்,கமலம், அரும்பு, செங்கமலம்,

ராஜீவி.

கவனிக்க-நமது பெண்களுக்கு இருக்கும் அதிகமானவை

தாமரையின் மறு பெயர்கள்தாம்!!.

நன்றி- திரு. சந்தானம் சுவாமி நாதன் எழுதிய

“தாமரையின்வேறு பெயர்கள் “என்ற tamilandvedas

இதழுலிருந்து நம்பர்- 5 6 4 0, தேதி 8 நவம்பர் 2018

எடுக்கப்பட்டது

ஆகாயத் தாமரை

இப்படி ஒரு கொடியினம் தண்ணீரின் மிக வேகமாகப் படர்ந்து

சேத த்தை விளைவிக்கிறது. சில மருத்துவ குணம் இருந்தாலும்

தீமைகள் அதிகமாக இருப்தினால் இதை வளர விடாமல்

தடுப்பது நமது கடமை.

பொற்றாமரைக் குளம்

மதுரை ஶ்ரீ மீனாட்சி அம்மன் கோவிலுள்ள குளத்தின் பெயர்

பொற்றமரைக் குளமாகும் .முன்னொரு காலத்தில் இந்த இடம்

கடம்ப வனமாகவும்,நடுவே சுயம்பு லிங்கமாக இருந்த சிவ

பெருமானுக்கு இந்திரன் இந்த குளத்திலிருந்த பொன்னாலாகிய

தாமரைகளால் அர்ச்சனை செய்ததாக வழக்கு.

இன்று அந்த ஞாபகார்த்தமாக 3 “அடி “அகலமுள்ள அழகிய “பொன்னாலாகிய தாமரை”

அந்த குளத்தில் மிதப்பதைக் காணலாம்.

தாமரையும் தெய்வீகமும்

அறிவிற்சிறந்த சான்றோர்கள் பவுர்ணமி, மற்றும் நவராத்திரி போன்ற முக்கிய தினங்களில் செந்தாமரை இதழ்கள் கொண்டு தேவிக்கு அர்சசனை செய்கிறார்கள்.

செந்தாமரை மலர்களையே வரிசையாக கோர்த்து மாலையிட்டு

வேண்டிக் கொள்வதும் உண்டு.

தாமரை மணி மாலைகள் ஜபம் செய்வதற்கும் கழுத்தில் அணிவதற்கும் உடலுக்கும், உள்ளத்திற்கும், சிறந்ததாகும்.

To be continued…………………………………………..

tags– தாமரை, தெய்வீகம்

WRITTEN BY S NAGARAJAN                                    

Post No. 8742

Date uploaded in London – – –27 SEPTEMBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

பழம் நீ அப்பா!

ச.நாகராஜன்

பழநி என்ற பெயர் ஏன் வந்தது? அனைவருக்கும் தெரிந்த புராணக் கதை தான்!

முன்னொரு காலத்தில் பிரமதேவன் முன்னால் நாரத முனிவர் வீணையை வாசித்தார். அதைக் கேட்டு மகிழ்ந்த நான்முகன் ஒரு மாங்கனியை நாரதருக்குத் தந்தார். மாங்கனியைப் பெற்றுக் கொண்ட நாரதர் நேராக திருக்கைலாயத்திற்குச் சென்று அந்த மாங்கனியை சிவபிரான் முன்னர் வைத்து வணங்கினார்.

சிவபிரான் அருகிலே விநாயகரும், முருகனும் இருந்தனர். யாருக்கு கனியைக் கொடுப்பது?

சிவபிரான் இருவரையும் நோக்கிக் கூறினார்: “உங்களில் யார் ஒருவர் இந்த உலகைச் சுற்றி முதலில் வந்து என்னிடம் கனியைக் கேட்பீர்களோ அவருக்கு இதைத் தருவேன்.”

முருகன் தன் மயில் வாகனத்தில் அமர்ந்து உலகைச் சுற்ற வேகமாகப் புறப்பட்டார்.

விநாயகரோ அம்மையையும் அப்பனையும் ஒரு வலம் வந்து கனியைக் கேட்டார்.

சிவபிரான் அவரைப் பார்க்க, “அனைத்து அண்டமும் சுற்றி வந்து விட்டேன் -உங்களைச் சுற்றியதால்!” என்றார்.

அந்த பதிலில் பொதிந்து கிடந்த உண்மையை உணர்ந்த சிவபிரான் மாங்கனியை விநாயகருக்கு வழங்கினார்.

பின்னால் வந்த முருகக் கடவுள் நடந்ததை அறிந்தார். மனச் சோர்வுற்றார்.

கோபத்துடன் நேராக திரு ஆவினன் குடி வந்தடைந்தார்.

உமாதேவியுடன் சிவபிரான் முருகனிடம் வந்தார். அவரை எடுத்து அணைத்துக் கொண்டார். “பழம் நீ”யே” என்றார் சிவபிரான.

உடனே முருகனின்  கோபம் நீங்கியது.

இதனால் திரு ஆவினன் குடி தலமானது பழநி என்ற பெயரைப் பெற்றது.

வையாபுரி நாட்டில் உள்ள இந்தத் தலம் ‘பொதினி’ என்ற பெயராலும் வழங்கப்பட்டு வந்தது.

இப்படிப்பட்ட பெருமையைக் கொண்ட பழநி இருப்பது கொங்கு மண்டலத்தில் தான் என கொங்கு மண்டல சதகம் 22ஆம் பாடலில் கூறுகிறது.

பாடல் இதோ:-

தீத்திகழ் மேனி  சிவன்கையி லோர்கனி தேவர்மெச்சி

ஏத்திய நாரதர் நல்கக் கண் டேயிப மாமுகத்து

மூத்தவன் கொள்ள விளையோனை யீசன் முகந்திருத்தி

வாய்த்த பழநியென் றோதின துங்கொங்கு மண்டலமே

பொருள் : நாரத முனிவர், சிவ பெருமான் திருவடியில் ஒரு மாம்பழத்தை வைத்து வணங்கினார். அதனை விநாயகக் கடவுள் பெற்றுக் கொண்டனர். கோபம் கொண்ட குமரக் கடவுளை சிவபிரான் சமாதானப்படுத்தி ‘பழம் நீ’ என்று சொல்லி அருளியதும் கொங்கு மண்டலத்திலேயாம்.

இந்த வரலாற்றை பழனித்தல புராணம் இப்படி விவரிக்கிறது:

ஈசனுருகி மடியினில் வைத்தென்று மிளையோயறிவுடைமை

தேசு தருநம் வாணுதற்கண் மணி நீ சிறுவனோபெரியை

வாச நறுமென் கனியுமொரு கனியோ மதுரமொழிவாயாற்

பேசவரிய மறை ஞானப் பிள்ளை பழநியெனப் புகன்றார்         

• பழனித்தல புராணம்
•  

சிவ பிரானின் ஆனந்தத் திருவிளையாடல்களில் இதுவும் ஒன்று!

tags– பழம் நீ அப்பா, பழனி

***

WRITTEN BY LONDON SWAMINATHAN

Post No. 8740

Date uploaded in London – –26 SEPTEMBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

சிவன் பற்றிய 6 பழமொழிகள் என்ன ? கட்டத்தில் கண்டுபிடி

ஒரே சொல் பல பழமொழிகளில் வந்தால், ஒரு இடத்தில் மட்டுமே கட்டத்தில் காணப்படும் .

விடைகள் கீழே உள்ளன.

விடைகள்:–

1.அரியும் சிவனும் ஒண்ணு அறியாதவன் வாயிலே மண்ணு

2.சிவன் சொத்து குல நாசம்

3.சிவ பூசை வேளையிலே கரடி புகுந்தது போல

4.சிவலிங்கத்தின் மேல் எலி போல

5.சிவனே என்றிருந்தாலும் தீவினை விடவில்லை

6.படிக்கிறது திருவாசகம் (ராமாயணம்)  இடிக்கிறது சிவன் கோவில்.

TAGS—சிவன், படிக்கிறது, குல நாசம்

—SUBHAM—

WRITTEN BY KATTUKKUTY

Post No. 8739

Date uploaded in London – –26 SEPTEMBER 2020    

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

1.குபேரன் எந்த திக்குக்கு அதிபதி ?

2.குபேரனின் வாகனம் எது

3.குபேரனின செல்வத்திற்குப் பெயர் என்னன்ன ?

4.குபேரனுக்கு அமர  கோசம் நிகண்டுவில் எத்தனை  பெயர்கள் உள்ளன ?

5.அவன் தலைநகர் எது?

6.அவன் தோட்டத்தின் பெயர்?

7.குபேரனின் மகன்கள் யார்?

8.மனைவி பெயர்?

9.குபேரனின் மொத்த நிதிகள் எத்தனை ?

10.குபேரன் முழு செல்வத்தையும் இழந்து சிவனை பூஜை
செய்து மீண்டும்பெற்ற இடம் எது?

******

ANSWERS

 1.வடக்கு, 2. மனிதன், 3.சங்க நிதி, பதும நிதி, 4) 17 பெயர்கள் ,5.கைலாஷ் மலையில் உள்ள அளகாபுரி, 6.சைத்ர ரத,7.நளகூபரன் , மணிக்ரீவன், 8.காவேரி ,9) . ஒன்பது / நவ நிதிகள் அவை– சங்க, பதும, மஹாபத்ம, கச்சப்ப, மகர , முகுந்த, கு ண்ட/நந்த , நீல , கரப; 10. கும்பகோணத்திலிருந்து 18 கிமீ தொலைவிள் உள்ளதிருநள்ளாறு பாதையில் எஸ். புதூர் என்ற திருத் தண்டிகை புரம்.

tags- குபேரன், கேள்வி-பதில், Quiz
—subham—