WRITTEN BY KATTUKKUTY

Post No. 9041

Date uploaded in London – – 16 DECEMBER 2020

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

லண்டனிலிருந்து திங்கள்கிழமை தோறும் ஒளிபரப்பாகும் ஞான மயம் நிகழ்ச்சியில்

14-12-2020 அன்று ஒளிபரப்பப்பட்ட உரை!

FOR LIVE SPEECH PLEASE GO TO FACEBOOK.COM/GNANAMAYAM

       சௌபாக்யம் அருளும் சுக்கிரன் !!!

                                       Kattukutty

அன்பர்கள் அனைவருக்கும் ஸ்ரீனிவாசன் அன்பான மாலை வணக்கம்

கேள்வி – மக்களை மகிழ்ச்சிகரமாக வைக்கும் கிரகம் எது???

உலகத்திலேயே மிக மிக சந்தோஷகரமான வாழ்க்கை அமையப் பெற்ற

அதிர்ஷ்டம் யாருக்கு தெரியுமா????

அதிக பணம் வைத்திருப்பவருக்கா??? அல்லது

எல்லா வசதிகளும் பங்களாக்கள், கார்கள் எஸ்டேட்டுகள் வைத்திருப்பவருக்கா???

அல்லது நினைத்ததை எல்லாம் நடத்தி வைக்கும், ஆட்கள் உடைய அதிகாரம்

உடைய அரசியல்வாதிகளுக்கா???

உலெகெங்கும் பத்திரிக்கைகளிலும், T V க்களிலும் தினசரி வரும் சினிமா ஸ்டார்களுக்கா?

இந்த கேள்விக்கெல்லாம் விடை…

மனதறிந்து நடக்கும் மனைவி இருந்தாலே போதும் மகிழ்ச்சிகரமான வாழ்க்கைக்கு!!!

இதை கேட்கும் அல்லது tamilandvedas ஐ படிக்கும் அனைவருக்கும் நெஞ்சை

உறுத்திக் கொண்டிருக்கிற விஷயம் இது – “மனைவி” என்றவுடன், அதையெல்லாம்

மறந்து தான் உங்கள் பேச்சை கேட்க வந்திருக்கும் எங்களுக்கு அவளை மீண்டும்

ஞாபகப்படுத்தி துனபுறுத்தாதீர்கள்……….என்கிறீர்களா?

30-11-2020 தேதி. ஒருதினசரியில் மனைவியிடம் காப்பி கேட்டிருக்கிறான் கணவன்.

தராததால் அவன் தற்கொலை செய்து கொண்டதாக செய்தி…….

ப்பூ இவ்வளவுதானா??? எங்கள் வீட்டுல காப்பி கேட்டுக் காத்திருப்பது

தினசரி நடக்கிற விஷயமாச்சே……..

சரி. விஷயத்திற்கு வருவோம்.

சுக்கிரனின் சிறப்பு

நடனம், இசை, கவிதை,வரைகலை, சிற்பம் போன்ற 64 கலைகளுக்கு நாயகனும்,

களத்திர காரகனும் , காதல் மன்னனும் , கவர்ச்சி நாயகனும், என்றும் இளமைத்தோற்றம்

அளிப்பவனும், ஆடை அலங்காரத்திற்கும், வாசனை திரவியங்களுக்கு அதிபதியும்,

அரண்மனை போன்ற பெரிய வீடுகளுக்கும், விதம் விதமான வாகனங்களுக்கு அதிபதியும்,

பசு , பால் ,எல்லா வெண்ணிற பொருட்களுக்கும்,ஆடை, பட்டுத்துணிகளுக்கும்,

சுருக்கமாக சொல்லப்போனால் எல்லா சுகமளிக்கும் பொருட்களுக்கும்

சுக்கிரனே மகிழ்ச்சியான வாழ்க்கைக்கு காரணம்!!!!

அயன, சயன, சுக, போக பாத்யாதிபதி சுக்கிரனே!!!!

எந்த கிரகமும் 1,4, 7, 10 ல் இருந்தால் “கேந்திராதிபத்ய தோஷம்”

உண்டு என்பார்கள் ஜோதிட வல்லுனர்கள்.

கேந்திராதி பத்ய தோஷமே இல்லாத ஒரே ஒரு கிரகம் சுக்கிரனே!!!(7ம் இடம் தவிர)

வெளி நாட்டினர் இதன் ஒளியை கண்டு மயங்கி அழகு தெய்வத்தின்

பெயரையும் இந்த கிரகத்தின் பெயரையும் “வீனஸ்”என்று

வைத்தனர்!!! மழையை வரவழைப்பதும இவரே…..இவருக்கு

“மழைக்கோள்” என்றும் பெயர்

சுக்கிரனின் பிறப்பு

பிரும்மாவின் மானஸ புத்திரர்களில் ஒருவரான “ப்ருகு” என்னும்

முனிவருக்கும் “புலோமிசை” என்பவளுக்கும் பிறந்தவர் தான்

பார்க்கவன்(சுக்கிர பகவான்)..

காசி சென்று பல காலம் லிங்கப் பிரதிஷ்டை செயது சிவனைக் குறித்து பலகாலம்

தவம் செய்தார் சுக்ரன்.

அவர் தவத்தை மெச்சி சிவபிரான் இறந்தவர்களை உயிர்ப்பிக்கும் சக்தி வாய்ந்த

“மிருத சஞ்சிவினி” என்ற மந்திரத்தை அவருக்கு உபதேசித்தார்.

பார்க்கவன் என்ற சுக்கிரனிடமிருந்த இந்த சக்தியை அறிந்து கொண்ட அசுரர்கள்

அவரைத் தங்கள் குருவாக ஏற்றுக்கொண்டார்கள்.

தேவர்களுக்கும் அசுரர்களுக்கும் அவ்வப்போது போர் நடக்கும்.

அசுரர்கள் பலர் இறந்தனர். அசுரர்களின் அரசன் விருஷ பர்வா,

குல குரு காலில் விழுந்து காப்பாற்றுமாறு வேண்டிக்கொண்டான்.

அனவரையும் உயிர்ப்பித்தார் சுக்கிரன். அரண்டு, மிரண்டு போன தேவர்கள்

சிவனிடம் போய் முறையிட்டனர். சிவன் நந்தியை ஏவ, பார்க்வன் என்ற சுக்கிரனை

கொண்டு வர, அப்படியே விழுங்கி விட்டார் .

சிவ பெருமான் வயிற்றிலேயே ஆயிரம் ஆண்டுகள தவம் செய்தான் பார்க்கவன்.

அவன் தவ யோகத்தை மெச்சி அவனை வயிற்றிலிருந்து

வெளியே கொணர்ந்தார் சிவன்.

வெண்மை நிறமாக அதாவது சுக்கிலம் என்றால் வெண்மை வெளிப்பட்டதால் சுக்கிரன் எனப்

பெயர் பெற்றார் பார்க்கவன்.

அசுரர்களுக்கு ஆச்சாரியாராக இருந்ததால் “சுக்ராச்சாரியார்” என்ற பெயரையும்

பெற்றார் சுக்கிர பகவான்!!!

புராஜெக்ட் – சஞ்சீவினி !!!

தேவர்களுக்கு கவலையோ கவலை. இப்படி மிருத சஞ்சீவினி உடைய

அசுரர்களுடன் சண்டையிட்டால் நாம் ஜெயிக்க முடியாததுடன்

அழிந்தே போவோம் என்பதே அவர்கள் கவலை.

அனைத்து தேவர்களும், குருவான பிரஹஸ்பதியுடன் மந்திராலோசன நடத்தினர்.

கடைசியில், பிருஹஸ்பதியின் மகன் கசன் எனபவனை அசுரகுருவிடம் சிஷ்யனாக்குவது,

பிறகு அந்த மிருத சஞ்சீவினீ மந்திரத்தை தந்திரமாக கற்றுக் கொண்டு வந்து விடுவது…..

”புராஜக்ட் – சஞ்சீவினி” ரெடி!!!!

வெற்றிலை பாக்கு ஆயிரம் பழத்தட்டுகளுடன் சுக்கிராச்சாரியாரின்

காலில் விழுந்தான் கசன். யார் என்று கேட்டார் சக்கிராச்சாரியார்.

தான் இன்னாரென்ற முழு உண்மையைக் கூறி தன்னை மாணவனாக ஏற்றுக்கொள்ளும்படி

கூறினான் கசன்.

அக்கால வழக்கப்படி காலில் விழுந்து சிஷ்யனாக ஏற்றுக் கொள்ளும்படி

வேண்டிக் கொண்டதால், அவரும் முழு மனதுடன் சம்மதித்தார்.

தேவயானியின் ஒரு தலை ராகம்

இனிமேல் தான் வருகிறது காதல் கதை!!!

சுக்கிரச்சரியாருக்கு மிக மிக அழகான பெண்ஒருத்தி… பெயர் தேவயானி……

அப்பாவிற்கு தொண்டு செய்வாள் அவள்.

கரு கரு முண்டங்களான அசுர ஜன்மங்களையே பார்த்த அவள்

கண்களுக்கு சிவப்பான, அழகான, தேவகுமாரன் கசனைப் பார்த்ததும்

அவன் மேல் அவளுக்குக் காதல் உண்டாகிவிட்டது…….

பார்த்தார்கள் அசுரர்கள். இப்படி “எதிரி” கேம்பிலிருந்து ஒருவன்

வந்து துணிச்சலாக குருவிடம் பாடம் கற்க வந்ததும், குரு அவனை ஏற்றுக் கொண்டதும்

அவர்களால் ஜீரணிக்கவே முடியவில்லை…….

கொலை முயற்சி

அசுரர்கள் ஒரு நாள் அவனை கொன்று கிணற்றில் வீசி விட்டனர்.

கசனைக் காணாத தேவயானி சுக்கிராச்சாரியாரை நச்சரித்ததால் ஞான திருஷ்டியில்

கசன் கிணற்றில் கண்ட துண்டமாக கிடப்பதை அவர் கண்டார்.

தன்னை நம்பி வந்த சீடன் இப்படிக் கொலையுண்டதை

சகிக்காமல் அவனை உயிர்ப்பித்தார்.தேவயானிக்கு சந்தோஷம் பொங்கியது….

மறுநாள் காலையில் அசுரர்களுக்கு ஒரே ஆச்சரியம்

நேற்று வெட்டிப் போட்ட ஆள் இன்று கிளாசில் உட்கார்ந்திருக்கானே???

விஷயத்தை ஊகித்தறிந்த அசுரர்கள் பிளான் பி க்கு வந்தார்கள.

அதாவது கசனைக் கொன்று அவனை அவருடைய நாய்க்கே தீனியாகப் போட்டு விட்டார்கள்.

கிளாசில் கசனைக் காணாத

தேவயானி அழ, சுக்கிராச்சாரியார் ஞான திருஷ்டியில் பார்த்து

அதிர்ந்து போனார் .

அருமை நாயை இழக்க விரும்பாத அவர்

தேவயானியை கன்வின்ஸ் செய்யப் பார்த்தார்.

தேவயானி நான் கசனைக் காதலிக்கிறேன் என்றும், அவனில்லாமல் வாழமுடியாதென்றும்

கதறி அழ நாயின் வயிற்றிலிருந்து கசனை வரவழைத்து நாயையும்

காப்பாற்றினார். பார்த்தாரகள் அசுரர்கள் பிளான் “ சி “க்கு வந்தார்கள்…..

அதாவது கசனை கொன்று எரித்து சாம்பலை அவருடைய மதுபானத்திலேயே

கலந்து விட்டார்கள்.

மறுநாள் கசனை காணாத தேவயானி கதறி அழ, சுக்ராச்சாரியார்

கசா எங்கிருக்கிறாய்??? என்றார்.

நான் உங்க வயிற்றில் இருக்கிறேன் ஸ்வாமி !!! என்று குரல் வந்தது!

அதிர்நது போனார்கள் சுக்ராச்சாரியாரும், தேவயானியும்.

தேவயானி மனமுடைந்து கிணற்றில் விழுந்து தற்கொலைக்கு

முயற்சி செய்தாள். வேறுவழியே இல்லாமல் வயிற்றுக்குள் இருக்கும்

கசனுக்கு சஞ்சீவினி மந்திரத்தை உபதேசம் செய்தார் சுக்ராச்சாரியார்.

வெளியே வந்த கசன் குரு த்ரோகம் செய்யாமல் அவர் உபதேசித்த சஞ்சீவினி

மந்திரத்தை அவரிடமே உபயோகித்து அவரை உயிர்ப்பித்தான்!!!.,

அவ்வளவுதான், தான் எதற்காக வந்தானோ அந்த வேலை முடிந்தது!!!

கசன் தன் குருவிடம் விடை பெறக் கிளம்பியதும் தேவயானி

கசனின் காலை பிடித்துக் கொண்டு கதறினாள்.

கசன் சொன்ன ஒரே பதில் – “நான் உன் தகப்பன் வயிற்றிலிருந்து வந்திருக்கிறேன்.

சரியாகச் சொல்லப் போனால், நான் உனக்கு சகோதரன் முறை ஆக வேண்டும்!!!”

அவ்வளவுதான் கசன், சுக்கரச்சாரியார் சொல்லச் சொல்ல, கிணற்றினில குதித்தாள் தேவயானி…

…அவ்வழியே வந்த குரு வம்சத்து அரசன் யயாதி என்பவன் அவளைக் காப்பாற்றினான்……

சுக்கிரச்சாரியாரின் சாபம்

எதிரியான தேவர்களுக்கு சஞ்சீவினி மந்திரம் போனதும், மகள்

கிணற்றில் விழுந்ததும், சுக்ராசாரியார் மனதை ரொம்பவுமே பாதித்தது.

வெகு நேர ஆராய்ச்சிக்குபின் மூல காரணம்”மது”அருந்தியதால்தான்

என்பதைக் கண்டு பிடித்தார் சுக்கிரச்சாரியார். மனது வெதும்பி

சாபம் இட்டார் அன்று. “எவன் எவனெல்லாம் மது அருந்துகிறானோ,

அவன் மதி இழந்து போகட்டும். அவன் பெண்களினால்

துன்பமுறட்டும். குடும்பத்தில் வறுமை வந்து கூத்தாடட்டும்”

இது தேவ லோகத்தில இருக்கிறவர்களுக்கு மட்டும் என்று

நினைச்சுகாதீங்கோ…….பூலோகத்தில இருக்கிற அமெரிக்கா,

லண்டன், ஜப்பான், இந்தியா உள்பட எல்லா நாடுகளுக்கும் தான்!!!

அவர் அன்று இட்ட சாபம் இன்றும் பலிக்கிறது. நன்றாக ஞாபகம் வைத்துக் கொள்ளுங்கள்

சுக்கிரனுக்குபிடிக்காத சமாசாரம்

“டிரிங்ஸ்”.

to be continued………………………………………………………………….

tags-   சுக்கிரன், சஞ்சீவினி மந்திரம்,  சுக்ராசாரியார்,  தேவயானி

COMPILED  BY LONDON SWAMINATHAN

Post No. 9039-B

Date uploaded in London – –15 DECEMBER 2020      

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

டிசம்பர் 14- ம்  தேதி —   திங்கட் கிழமை ,2020

உலக இந்து   சமய செய்தி மடல்

தொகுத்து வழங்குபவர் வைஷ்ணவி ஆனந்த்

 இது ‘ஆகாச த்வனி’ யின் உலக இந்து சமய செய்தி மடல் நேயர்கள் அனைவருக்கும் வணக்கம்,

நமஸ்காரம் செய்திகள் வாசிப்பது VAISHNAVI     ANAND 

 எங்கள் நிகழ்ச்சிகளை திங்கட்கிழமை தோறும் லண்டன் நேரம் பிற்பகல் 1 மணிக்கும், இந்திய நேரம் மாலை 6-30 மணிக்கும் நேரடியாகக் கேட்கலாம். உலக இந்து சமய செய்தித் தொகுப்புடன் நேயர்களின் கேள்விகளுக்கும் விடைகளும் அளிக்கப்படுகிறது.

எங்களை எந்நேரமும் தொடர்பு கொள்ள Facebook.com / Gnana mayam முகவரியில் அணுகவும்

XXXX

இந்த ஆண்டு நல்ல புனிதமான பண்டிகைகளுடன் நிறைவடையப் போகிறது ; டிசம்பர் 25-ம் தேதி வைகுண்ட ஏகாதசியும் டிசம்பர் 30- ஆம் தேதி ஆருத்ரா தரிசனமும் நடைபெறும்

முதலில் அவ்விரு விழாச் செய்திகளைக் காண்போம்.

திருப்பதி ஏழுமலையான் கோவிலில் வைகுண்ட ஏகாதசியை முன்னிட்டு வருகிற 25-ந்தேதி முதல் ஜனவரி 3-ந்தேதி வரை 10 நாட்களுக்கு சொர்க்கவாசல் வழியாக பக்தர்கள் சாமி தரிசனத்திற்கு அனுமதிக்கப்பட உள்ளனர்.

இதற்காக ஆன்லைன் இலவச தரிசன டிக்கெட்டுகள் வழங்கி தரிசனத்திற்கு அனுமதிக்க முடிவு செய்யப்பட்டது.

அதன்படி ஆன்லைனில் ரூ.300 கட்டணத்தில் ஒரு நாளைக்கு 20 ஆயிரம் டிக்கெட் வீதம் மொத்தம் 2 லட்சம் பக்தர்களுக்கு டிக்கெட் வழங்கப்பட்டுள்ளது.

இதைத் தொடர்ந்து வருகிற 24-ந்தேதி முதல் இலவச தரிசன டிக்கெட்டுகள் வழங்க தேவஸ்தானம் முடிவு செய்துள்ளது.

அதன்படி ஒரு நாளைக்கு 10 ஆயிரம் டிக்கெட்டுகள் என மொத்தம் 10 நாட்களுக்கு 1 லட்சம் டிக்கெட்டுகள் வழங்கப்பட உள்ளது.

Xxxxx

திருமலை திருப்பதி ஏழுமலையான் கோவிலில், கொரோனா விதிமுறைகள் காரணமாக, 12 – 65 வயது உள்ளவர்களுக்கு மட்டுமே தரிசனத்துக்கு அனுமதி அளிக்கப்பட்டது. மூத்த குடிமக்கள், கைக்குழந்தைகள், கர்ப்பிணியர் திருமலைக்கு வர அனுமதி மறுக்கப்பட்டது.இந்நிலையில், இவர்களுக்கும் தரிசன அனுமதி அளிக்கக் கோரி, தேவஸ்தான நிர்வாகத்துக்கு, பலரும் வேண்டுகோள் விடுத்தனர்.

இது குறித்து ஆலோசனை நடத்திய அதிகாரிகள், மூத்த குடிமக்கள், கைக்குழந்தைகள், கர்ப்பிணி உள்ளிட்டோருக்கும் தரிசன அனுமதி வழங்கிஉள்ளது.

Xxxx

திருப்பதி: ஏழுமலையான் லட்டு பிரசாதத்தை உலகம் முழுதும், ‘டோர் டெலிவரி’ செய்வதாக, சமூக வலை தளங்களில் விளம்பரம் வெளியிட்ட
போலி இணையதளம் மீது நடவடிக்கை எடுக்க உள்ளதாக, தேவஸ்தான அறங்காவலர் குழு தலைவர் சுப்பாரெட்டி தெரிவித்தார்.

இந்த லட்டு பிரசாதத்தை உலகத்தின் உள்ள மூலை முடுக்குகளுக்கும் டோர் டெலிவரி செய்வதாக, ஒரு போலி இணையதளம் விளம்பரங்கள் சமூக வலைதளங்களில் பரவி வருகிறது. அதனால், அந்த இணையதளத்தின் மீது தகுந்த நடவடிக்கை எடுக்கும்படி, தேவஸ்தான அறங்காவலர் குழு தலைவர் சுப்பாரெட்டி, கண்காணிப்பு துறைக்கு உத்தரவிட்டு உள்ளார்.

Xxxx

திருப்பதி ஏழுமலையான் கோவிலில் மார்கழி மாதம் முழுவதும் ஆண்டாள் திருப்பாவை பாசுரத்துடன் ஏழுமலையானை துதி எழுப்பும் நிகழ்ச்சி நடைபெறும்.

வைணவ திருத்தலங்களில் மார்கழி 1-ந்தேதி முதல் அம்மாதம் முழுவதும் சுப்ரபாத சேவை ரத்து செய்து ஆண்டாள் திருப்பாவை பாசுரம் பாடியபடி சாமியை துயில் எழுப்பக்கூடிய பூஜைகள் நடைபெறும்.

இந்நிலையில் வருகின்ற 16-ந்தேதி காலை 6.4 மணியளவில் மார்கழி மாதம் தொடங்குவதால் திருப்பதி கோவிலில் வருகிற 17-ந்தேதி முதல் சுப்ரபாத சேவை ரத்து செய்து 12 ஆழ்வார்களில் ஒருவரான ஆண்டாள் தாயார் எழுதிய திருப்பாவை ஜீயர்கள் முன்னிலையில் பாடப்பட்டு சாமியை துயில் எழுப்பப்பட உள்ளது.

Xxxx

ஸ்ரீரங்கத்தில் சொர்க்கவாசல் திறப்பின் போது பக்தர்களுக்கு அனுமதி இல்லை

பூலோக வைகுண்டம்என போற்றப்படும், திருச்சி ஸ்ரீரங்கம் ரங்கநாதர் கோவிலில், வைகுண்ட ஏகாதசி உற்சவம், நாளை துவங்கி ஜனவரி, 4ம் தேதி வரை நடக்க உள்ளது.வரும், 25ம் தேதி அதிகாலை, 4:45 மணிக்கு, வைகுண்ட ஏகாதசி உற்சவத்தின் முக்கிய நிகழ்வான சொர்க்கவாசல் என்ற, பரமபத வாசல் திறப்பு நடைபெறும். கொரோனா ஊரடங்கு காரணமாக, 24ம் தேதி மாலை, 6:00 முதல், 25ம் தேதி காலை, 8:00 மணி வரை பக்தர்கள் கோவிலுக்குள் அனுமதிக்கப்பட மாட்டார்கள்.

Xxxx

திருநள்ளாறில் சனிப்பெயர்ச்சி விழா:

புதுச்சேரி மாநிலம் காரைக்கால் அருகே உள்ள திருநள்ளாறில் பிரசித்தி பெற்ற சனீஸ்வரர் கோவில் உள்ளது. இந்த கோவிலில் 2½ ஆண்டுகளுக்கு ஒரு முறை சனிப்பெயர்ச்சி விழா சிறப்பாக நடைபெறுவது வழக்கம். இந்த விழாவில் தமிழகம் மட்டுமின்றி இந்தியாவின் பல்வேறு மாநிலங்களில் இருந்தும் ஆயிரக்கணக்கான பக்தர்கள் கலந்து கொண்டு சனீஸ்வரரை தரிசனம் செய்வது வழக்கம்.

இந்த ஆண்டுக்கான சனிப்பெயர்ச்சி விழா வருகிற 27-ந் தேதி(ஞாயிற்றுக்கிழமை) காலை 5.22 மணிக்கு நடக்கிறது. அன்று சனீஸ்வரர், தனுசு ராசியிலிருந்து மகர ராசிக்கு பெயர்ச்சி அடைகிறார். சனிப்பெயர்ச்சியன்று கோவில் சார்பில் 3 இடங்களில் அன்னதானம் வழங்க ஏற்பாடுகள் செய்யப்பட்டுள்ளது.

Xxxx

உத்திரமேரூரில் கோயிலில் எடுக்கப்பட்ட தங்க புதையலை மாவட்ட நிர்வாகத்திடம் ஒப்படைக்க ஊர்மக்கள் முடிவு

தமிழ் நாட்டில் உத்திரமேரூரில் உள்ள கோவில் ஒன்றில் தங்கப் புதையல் கிடைத்துள்ளது. தங்கம் இருப்பதை அறிந்த சிலர்  அனுமதியின்றி கோவிலுக்குள் பூமியைத் தோண்டினர் . புதையல் செய்தி காட்டுத் தீ போல பரவவே மக்கள் கூ

ட்டம் வந்து கைகளில் கிடைத்ததை எல்லாம் எடுத்துச் சென்றது. இந்த செய்தியை அறிந்த வருவாய்த் துறை அதிகாரிகள் விரைந்து வந்து மக்களை எச்சரித்தனர்

கோயிலில் கிடைத்த நகைகள் அனைத்தும் அரசுக்கே சொந்தம் என்று அதிகாரிகள் பொதுமக்களிடம் பேச்சுவார்த்தை நடத்தினர். கோயிலில் கிடைத்த நகைகளை கொடுக்க பொதுமக்கள் மறுத்ததால் அதிகாரிகள் எச்சரிக்கை விடுத்தனர். அதைத் தொடர்ந்து

கோயிலில் எடுக்கப்பட்ட தங்க புதையலை மாவட்ட நிர்வாகத்திடம் ஒப்படைக்க ஊர்மக்கள் முடிவெடுத்தனர்.

xxxx

மண்டைக்காடு பகவதி அம்மன் கோவிலில் வழிபாடு

குமரி மாவட்டத்தில் பிரசித்தி பெற்ற கோவில்களில் மண்டைக்காடு பகவதி அம்மன் கோவிலும் ஒன்று. இந்த கோவிலில் நடைபெறும் முக்கிய விழாக்களில் வலிய படுக்கை என்ற மகா பூஜை சிறப்பு வாய்ந்ததாக கருதப்படும்.

மாசி திருவிழாவின் 6-ம் நாள், பங்குனி மாத பரணி நட்சத்திரம் மற்றும் கார்த்திகை மாத கடைசி வெள்ளிக்கிழமை என வருடத்தில் 3 முறை மட்டுமே நடைபெறும்.

அதன்படி கார்த்திகை மாத கடைசி வெள்ளிக்கிழமை அதிகாலை 4.30 மணிக்கு நடை திறக்கப்பட்டது. பஞ்சாபிஷேகம், ,உஷத் கால  பூஜை, உச்சிக்  கால  பூஜை, வில்லிசை, அத்தாழ பூஜை, ஆகியன நடந்தன .

இதனை தொடர்ந்து வலிய படுக்கை என்னும் மகா பூஜை நடைபெற்றது.

Xxxxx

அச்சன்கோவில் ஆபரண பெட்டி தென்காசி வருகை ரத்து

அய்யப்பனின் ஐந்துபடை வீடுகளில் ஒன்றான அச்சன்கோவில் தர்ம சாஸ்தா அய்யப்பன் கோவில் மிகவும் பிரசித்தி பெற்றது. இங்கு ஆண்டுதோறும் மார்கழி முதல் தேதி முதல் 10-ந் தேதி வரை 10 நாட்கள் மண்டல மகோற்சவ திருவிழா நடைபெறும்.

இதனை முன்னிட்டு அய்யப்பனுக்கு விலை உயர்ந்த ஆபரணங்கள் அணிவிக்கப்படும். இந்த ஆபரணங்கள் அடங்கிய திரு ஆபரண பெட்டி கார்த்திகை மாதம் கடைசி நாள் அன்று புனலூர் கிருஷ்ணன் கோவிலில் உள்ள அரசு பாதுகாப்பு பெட்டக அரங்கில் இருந்து அதற்கென பிரத்யேகமாக அலங்கரிக்கபட்ட வாகனத்தில் தேவசம்போர்டு அதிகாரிகள் தலைமையில் கேரள போலீஸ் பாதுகாப்புடன் புறப்படும்.

இந்த ஆண்டு கொரோனா பரவல் காரணமாக ஆபரண பெட்டி ஊர்வலத்திற்கு தடைவிதிக்கப்பட்டுள்ளது. இந்த ஆண்டு ஆபரண பெட்டி புனலூரில் இருந்து புறப்பட்டு நேரடியாக அச்சன் கோவிலுக்கு சென்றடைய ஏற்பாடு செய்யப்பட்டுள்ளது.

XXXXX

குடியரசு தின விழாவில் ராமர் கோவில் மாடல்

குடியரசு தின விழா, ஒவ்வொரு ஆண்டும், ஜன., 26ல், டில்லியில் விமரிசையாக கொண்டாடப்படும். ஒவ்வொரு மாநில அலங்கார ஊர்திகள், அந்த மாநிலத்தின் புகழை பறைசாற்றி, டில்லியில் ராஜபாதையில் வலம் வரும்.’இந்தாண்டு விழாவில், உத்தர பிரதேச மாநில ஊர்தியில், அயோத்தி ராமர் கோவிலின் மாடல் இடம் பெற வேண்டும்’ என, முதல்வர் யோகி ஆதித்யநாத் விரும்புகிறார்.

தீபாவளியன்று, அயோத்தி ராமர் கோவிலில் ஆறு லட்சம் விளக்குகள் ஏற்றப்பட்டன; இது, தங்கள் மாநில அலங்கார ஊர்தியில் பிரதிபலிக்க வேண்டும் என்பது யோகியின் ஆசை.

Xxx

அழகர்கோவில் உற்சவம்

வைணவத் திருத்தலங்களில் மிகவும் பழமையும் தொன்மையும் சிறப்பும் வாய்ந்த அழகர்கோவில் கள்ளழகர் கோவிலில் ஒவ்வொரு வருடமும் மார்கழி மாதம் வைகுண்ட ஏகாதசி திருவிழா பகல் பத்து, ராப்பத்து என்று விமரிசையாக நடத்தப்படும்.

அதன்படி இந்த ஆண்டுக்கான திருவிழா வருகிற 15-ந்தேதி (செவ்வாய்க் கிழமை) தொடங்கி 24-ந் தேதி வரை பகல் பத்து உற்சவம் நடைபெறும்.

மேற்கண்ட நாட்களில் காலை வேளையில் சுவாமி கோவிலில் உள்ள கருடாழ்வார் சன்னதி எதிர்புறம் உள்ள மண்டபத்தில் எழுந்தருளி பக்தர்களுக்கு அருள்பாலிப்பார்.

இதனைத் தொடர்ந்து 25-ந் தேதி முதல் ஜனவரி 3-ந் தேதி வரை ராப்பத்து உற்சவம் நடைபெறும்.

Xxxxx

இத்துடன் லண்டனிலிருந்து வரும் செய்திகள் நிறைவடைந்தன………………………….. செய்திகளை உங்களுக்கு வழங்கியவர் வைஷ்ணவி ஆனந்த்………………………… நன்றி, வணக்கம்

tags–141220, உலக, இந்து சமய செய்தி ,மடல், வைஷ்ணவி ஆனந்த்

WRITTEN  BY KATTUKKUTY

Post No. 9038

Date uploaded in London – – 15 DECEMBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

அடங்காத ஆத்திச்சூடியும் CONSULT ME TO INSULT-ம் -2

Kattukutty

அடங்காத ஆத்திசூடி!

அடங்கி நடக்காதே

ஆதரிப்பது லாபம்

இராகு காலம் ஒண்ணரை மணி நேரம்.

ஈஎன இளிக்கப் பழகு

உதை கிடைத்தால் வாங்கிக் கொள்

ஊரோடு ஒத்து வாழாதே

எமகண்டம் என்றைக்கும் உண்டு

ஏங்குவது இயற்கை

ஐயோ பாவம்

ஒன்று பட்டால் உண்டு ஆபத்து

ஓடு ஓடு ஓடிக் கொண்டே இரு

ஔடதம் இல்லை அடிபட்டால்.

CONSULT ME TO INSULT  -2

(லுயிஸ் சேபியஸ் எழுதிய “2000 more insults” என்பதிலிருந்து சில துளிகள்)

அவனிடம் மூன்று மூக்குக் கண்ணாடிகள் உள்ளன. ஒன்று கிட்டப் பார்வைக்கு, இரண்டாவது தூரப் பார்வைக்கு, மூன்றாவது மற்ற

இரண்டையும் தேடுவதற்கு!!!

அவனுக்கு சிகரட் லைட்டரை விட தீக்குச்சியை உபயோகிப்பது

தான் பிடிக்கிறது. ஏனென்றால் சிகரட் லைட்டரால் பல்லைக் குத்த

முடிவதில்லையாம்!!!

‘வீட்டில் எஜமானனாக இருப்பது எப்படி?’ என்ற புத்தகத்தை வாங்கி

பல நாளாகியும் இன்னும் படித்து முடிக்கவில்லை……காரணம் அவன் மனைவி புத்தகத்தைப் படிக்க அனுமதி கொடுக்க மறுத்து விட்டாள்.

அவன் உயரம் 6 அடி.அது திடீரென்று ஐந்தரை அடியாக குறைந்து

விட்டது – காரணம் அவன்,சலூனுக்கு போய் வந்ததால்…….

அவனது மேலதிகாரி செய்வது எல்லாமே சரியான காரியமாகத் தான் இருக்கும்.முக்கியமாக அவர் தவறான காரியம் செய்யும் போது!!!.,

அந்தப் பணக்காரரின் நாய் குட்டி தொலைந்து போய்விட்டது.

ஆனால் பேப்பரில் விளம்பரம் போட மாட்டேன் என்கிறார். ஏனென்றால் அவர் நாய் குட்டிக்கு படிக்கத் தெரியாதாம்!!!

அவன் கஷ்டத்தில் இருக்கும் போது நீங்கள் அவனுக்கு உதவி செய்தால், அவன் உங்களை மறக்கவே மாட்டான்- முக்கியமாக

மறுபடியும் கஷ்டம் வரும் வரை……..

கண்டதும் காதல் ஏற்படவில்லை அவள் மேல் அவனுக்கு……..

இரண்டாம் முறை கண்டபோது தான் ஏற்பட்டது……காரணம்

முதன் முறை பார்க்கும்போது அவள் பணக்காரி என்று அவனுக்குத்

தெரியாது……

அவனிடம் நீங்கள் கைமாறாக பணம் கொடுத்தால் “சார், என்றும்

உங்களுக்கு கடன் பட்டிருப்பேன்” என்பான்.கடைசி வரை அது

உண்மையாகவே இருக்கும்!!!

அந்த வழுக்கைத் தலை மனிதருக்கு சலூன்காரர் மூப்பது ரூபாய்

சார்ஜ் செய்கிறார். கேட்டால் “முப்பது ரூபாய் முடி வெட்டுவதற்கல்ல, அதை தேடுவதற்குத் தான்” என்கிறார்!!!

tags- அடங்காத ஆத்திசூடி

***

WRITTEN  BY KATTUKKUTY

Post No. 9035

Date uploaded in London – – 14 DECEMBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

பல்லு போச்சு – வாழ்க்கையே போச்சு!!!!

Kattukutty

மனிதனுக்கு அழகு முகம்!!! அந்த முகத்திற்கு அழகு பற்கள்!!!

பறகள் அழகுக்கு மட்டுமல்ல, சாப்பிடவும் தான்!!! சில பழங்களை,

காய்களை நறுக்கி சாப்பிடுவதைத் தவிர பற்களால் கடித்து

சாப்பிடுவதே தனி ருசி!!!

உதாரணம் கரும்பு, மாங்காய், கொய்யா!!!!

குழந்தைகளுக்கு இது ஒருஆயுதமும் கூட!!!

பற்கள் பற்றிய ஒரு ஜோக்……..

ஏ நாக்கே, நீ ஏதாவது பேசித் தொலைந்துவிடுகிறாய், கடைசியில்,

கடைசியில் உடைபடுவது நான் தான்!!!

பற்களால் மற்றொரு உபயோகம் பற்களைப் பார்த்து ஜோதிடமும்

சொல்லலாம்!!! பறகளின் அமைப்பு , பற்களின் அளவு, பற்களுக்கு

இடையே உள்ள இடை வெளி,பற்களின் நிறம் ஆகியவற்றின் மூலம்

ஒருவருடைய வாழ்கையையே கணிக்க முடியும்!!!!

இந்த பல் ஜோதிடத்திற்கு “டான்ட் சாஸ்திரம்” என்று பெயர்.

பற்கள் வெள்ளை வெளேறென்று வெண்மையாக இருந்தால் வாழ்க்கை வளமானதாகவும்,சந்தோஷகரமானதாகவும் இருக்கும். பலருடைய

நட்பும் கிடைக்கும். சந்திர ஆதிக்கம் பெற்ற இவர்கள் புகழ் பெற்று வாழ்வார்கள்.

மஞ்சள் நிற பற்களா உங்களுக்கு…..சனி ஆதிக்கம் பெற்றவர் நீங்கள்

ரொம்ப பந்தா காட்டுவீர்கள்!!! சனி ஆதிக்கம் மிகுந்த நீங்கள் நிறைய

பிரச்சினைகளையும், ஏமாற்றங்களையும் சமாளிக்க நேரிடும்.

பற்கள் சிவப்பு நிறமா??? ராஜ யோகம்தான் உங்கள வாழ்க்கை!!!

செவ்வாயின் ஆதிக்கம் பெற்ற நீங்கள், போலீஸ், ராணுவம் போன்ற

இடங்களில் உயர்ந்த பதவிகளைப பெறுவீர்கள்!!!

வெளிர் சிவப்பு நிறத்தில் பற்கள் அமைந்தால், கேட்கவே வேண்டாம்

உங்களை மாதிரி புத்திசாலி கிடையாது!!! அறிஞர் நீங்கள்!!!

காதல் திருமணத்தினால் வெற்றிகரமான வாழ்க்கை, வெளிநாடுகளுக்கு பயணம்!!! இறந்த பின்னும் உங்கள் புகழ் உலகம்

முழுவதும் பரவும்!!!

முன்வரிசைப் பற்களில் இடை வெளியா???நல்ல எதிர்காலமும், ராஜ யோகமும் உண்டு உங்களுக்கு!!! அதில் இடைவெளி இருந்தால்,வாழ்க்கை சவால் நிறைந்ததாகவும், கடைசியில் வெற்றி நிறைந்ததாக முடியும்!!!!

பற்கள் வரிசை தவறி தாறுமாறாக இருந்தால் அவர்களது வாழ்க்கை போராட்டமாகவே இருக்கும். மனக்குழப்பம் மிகுந்து காணப்படும்.

35 வயதுக்கு மேல் உங்களுக்கு ராஜயோகம் தான்!!!

சிறிய பற்கள் கொண்டவர்கள் வாழ்க்கையில் துன்பம் , திருமண

வாழ்க்கையில் பிரச்சினை, வரிசையாக நடக்கும்.

பெரிய , சிறிய பற்கள் மாறிமாறி இருந்தால் வாழ்க்கையில் ஏற்ற இறக்கத்தைக் காண்பார்கள்

பெரிய பற்கள் இருந்தால் திறந்த மனதுடையவர்கள். நிறைய நண்பர்களும் உண்டு.

கூர்மையான பற்கள் உடையவர்கள்அதிர்ஷ்டம் உடையவர்களாகவும்

அதி புத்திசாலியாகவும் இருப்பார்கள்.

உடனே உங்கள் முகத்தை கண்ணாடியில் பாருங்கள் , எந்த விதமான பற்கள் உங்களுக்கு???

வழ்க்கை வளமுற வாழ வாழ்த்துகிறோம்!!!!

***