Written by London Swaminathan

Post No. 16,335

Date uploaded in London – 23 October 2026

Contact – swami_48@yahoo.com

Pictures are taken from various sources for spreading knowledge.

This is a non- commercial blog. Thanks for your great pictures.

tamilandvedas.com, swamiindology.blogspot.com

xxxx

கம்ப ராமாயணம் ரொம்ப – போர் அடிக்கும் ! முழுக்க படிக்க வேண்டாம் ; சுவையான பகுதிகளை மட்டும் படியுங்க!!

இப்பொழுது மூன்றாவது முறையாக கம்ப ராமாயணத்தைப் படிக்கிறேன் ; முதல் தடவை 25 ஆண்டுகளுக்கு முன்னர்; இரண்டாம் தடவை பிரிட்டனிலுள்ள என் நண்பர்களுக்கு ஞாயிறு காலைதோறும் ஆன் லைன் கிளாஸ் ON LINE CLASS எடுத்த போது; அப்போதும் கூட என் நோட்ஸிலிருந்து சுவையான பகுதிகளை  மட்டுமே  பகிர்ந்து கொண்டேன்; கம்பன் ஒவ்வொரு விஷயத்துக்கும் 10 அல்லது 15 பாடல்களை சொல்வதால் 10,000 பாடல்கள் கிடைக்கின்றன; அவைகளைப் படிக்க முடியாதோருக்கு சுவையான பகுதிகளை மட்டும் கேள்வி -பதில் வடிவில் தருகிறேன்; எப்போதும் என் பிளாக்குகளில் இலவசமாகக் கிடைக்கும்  ; தொடர்ந்து படியுங்கள் :

இதற்கு முன்னர் வெளியிட்ட 160 கேள்விகளும், விடைகளும்  எனது பிளாக்குகளில் எப்போதும் கிடைக்கும்.

xxxxxxxxxxxxxxxxxxx

161

கரனையும் தூஷணனையும் ராமன் கொன்றதை சுமார் 200 பாடல்களில் கம்பன் பாடுகிறான்; கொஞ்சம் TOO MUCH டூ மச் என்று தோன்றுகிறது ; ராமனின்  வில் ஆற்றலைக் காட்டும் இந்த இரண்டு பாடல்களுக்குப் பொருள் தெரியுமா ?

2990.  தாள் இடை அற்றன;

தலையும் அற்றன;

தோள் இடை அற்றன;

தொடையும் அற்றன;

வாள் இடை அற்றன;

மழுவும் அற்றன;

கோள் இடை அற்றன;

குடையும் அற்றன;

2976.  தலை சிந்தின; விழி சிந்தின,

தழல் சிந்தின; தரைமேல்

மலை சிந்தினபடி சிந்தின, வரி

சிந்துரம்; மழைபோல்

சிலை சிந்தின கணை சிந்தின, திசை

சிந்தின, திசையூடு

உலை சிந்தின, பொறி சிந்தின,

உயிர் சிந்தின, உடலம்.

162

தும்புருவின் வீணையின் பெயர் கலாவதி; நாரதரின் வீணையின் பெயர் மகதி; சரசுவதியின் வீணை பெயர் கச்சபி ; ராவணனுக்கு யார் யார் வீணை வாசித்தனர் என்று கம்பன் மொழிகிறான் ?

163

ராவணனிடம் தனக்கு நேர்ந்த காயங்களைக்காட்டி சூர்ப்பணகை புகார் செய்தவுடன்,  யார் செய்தது என்று இடி முழக்கம் செய்தான்; அவள்  சொன்ன பதிலைக்கேட்ட ராவணன் வெடிச்சிரிப்பு சிரித்தது ஏன்?

164

தனக்கு பத்துத் தலைகளும் இருபது தோள்களும் இருப்பதன் ADVANTAGE அட்வான்டேஜ் – சாதகம் – என்ன என்று எப்படி ராவணன் விளக்கினான் ?

165

ராவணன் FULL REPORT புல் ரிப்போர்ட் கேட்டபோது அவன் பெண்பித்தன் (கிராமத்துக் காரங்க பாஷையிலே பொம்பளைப் பொறுக்கி) WOMANISER என்பதை மனதில் கொண்டு சீதையை வருணித்து அவனுக்கு எப்படி வெறி  ஏற்றினாள் சூர்ப்பணகை ?

166

சீதையை சூர்ப்பணகை வருணித்த கீழ்கண்ட பாட்டின் பொருள் என்ன ?

‘வில் ஒக்கும் நுதல் என்றாலும், வேல்

ஒக்கும் விழி என்றாலும்,

பல் ஒக்கும் முத்து என்றாலும்,

பவளத்தை இதழ் என்றாலும்,

சொல் ஒக்கும்; பொருள் ஒவ்வாதால்;

சொல்லல் ஆம் உவமை உண்டோ?

“நெல் ஒக்கும் புல்” என்றாலும்,

நேர் உரைத்து ஆகவற்றோ!

167

ராவணா ! பிரம்மா, விஷ்ணு, சிவன் ஆகிய மூவரும் பெண்களை நாவிலும், மார்பிலும், உடலின் ஒரு பகுதியிலும் வச்சாங்க ; நீ எங்கப்பா வைக்கப்போறே? என்னும் அற்புதமான பாடல் எது ?

168

தமிழ் திரைப்பட டைரக்டர்களை எல்லாம் தோற்கடிக்கும் கம்பன் , ராவணனுக்கு காம வெறி ஏற்றியதில் சூர்ப்பணகை வெற்றி கண்டாள் என்பதை காட்டும் பாடல் எது?

169

ராவணனுக்கு வேதவதி இட்ட சாபத்தால் இலங்கைக்கு அழிவு நேரப்போவதைக் கம்பன் எந்தப்படலில் சித்தரிக்கிறான்?

170

ராவணனின் காமநோயால் அவனது படுக்கையில் இருந்த  பூக்களும் கருகின என்று சொன்ன கம்பன், பறவைகளும் ராவணனைக் கண்டு பயந்ததை எப்படிக் காட்டுகிறான் ?

XXXXXXXXXXXXXXXXXXXXXXXXXXXXXXXXXXXXX

விடைகள்

161.இராமன் தொடுத்த அம்புகளால்) அரக்கர்களின் கால்கள் நடுவே அறுபட்டு வீழ்ந்தன; அவ்வரக்கர்களின் தலைகளும்

அறுபட்டன; தோள்களும் துண்டிக்கப்பட்டன;தொடைகளும் துண்டுபட்டன;  வாள்களும் பல முறிந்தன; மழுப்படைகளும் முறிந்து விழுந்தன; (அவர்களின்) வலிமையும் போரிலே சிதைந்தது; குடைகளும் அழிந்தன.

அடுத்த பாடலின் பொருள்

(அரக்கர்களின்) தலைகள் சிதறின;  நெருப்புப் பொறிகளையுமிழ்ந்த (அவர்களின்) கண்கள் சிதறின; (இருக்கை வரிந்து) கட்டப்பட்ட யானைகள்; – பூமியின் மேலே மலைகள் சிதறி

விழுந்தாற் போலச் சிதறின; மழை போல  இராமனது வில் உமிழ்ந்த அம்புகள்;  எல்லாத் திசைகளிலும் சிதறி விழுந்தன;

அந்தத் திக்குகளிலெல்லாம் உலைக் களத்திலிருந்து சிதறிய;

தீப் பொறி போன்ற நெருப்புப் பொறிகளைச்

சிதறிய (அரக்கரின்) உடம்புகள்; உயிர்கள் நீங்கின.

****************************

162.திசை உறு கரிகளைச் செற்று, தேவனும்

வசையுறக் கயிலையை மறித்து, வான் எலாம்

அசைவுறப் புரந்தரன்  அடர்த்த தோள்களின்

இசையினைத் தும்புரு இசையின் ஏத்தவே.

எட்டுத் திக்குகளிலும் உள்ள யானைகளை வென்று; சிவபெருமானும்

ஆடும்படி மேரு மலையைப் பெயர்த்து; விண்ணுலகம் நடுங்க; இந்திரனை நெருங்கிப் போரிட்ட;  (இருபது) தோள்களினது; புகழை; தும்புருவென்னும் கந்தருவன், (வீணை) இசையோடு புகழவும்….

(தும்புரு நாரதன் போலும் முனிவன்;.அவன் வீணை கலாவதி).

சேண் உயர் நெறி முறை     திறம்பல் இன்றியே

பாணிகள் பணி செய,     பழுது இல் பண் இடை

வீணையின் நரம்பிடை     விளைத்த தேமறை,

வாணியின், நாரதன்,     செவியின் வார்க்கவே.

தொலைவிலுள்ள விண்ணுலகில் , இசை விதிகளின் தவறு இல்லாமல்,  வீணையின் நரம்புகளில் கைகள் தடவி எழுப்பிய இராகத்தில்  இனிய வேதத்தை  நாரதன்  கலைமகளைப் போல  காதுகளில் பொழிய…

( இராவணன் கேட்டு மகிழ வீணை யில் சாம வேத கீதம்  இசைத்தான்நாரதன். அவன் வீணையின் பெயர் மகதீ. (சரசுவதி வீணை – கச்சபி).

*******************************

163.அற்பப்பயல்கள் , மனுஷங்க செஞ்சாங்களா ! ஹாஹா ஹாஹா ஹாஹா ……………………

‘செய்தனர்கள் மானிடர்’ என, திசை அனைத்தும்

எய்த, நகை வந்தது; எரி சிந்தின, கண் எல்லாம்;

‘நொய்து அவர் வலித் தொழில்;  நுவன்ற மொழி ஒன்றோ?

பொய் தவிர்; பயத்தை ஒழி;  புக்க புகல்’ என்றான்.

(சூர்ப்பணகை) மனிதர்கள் இவ்வாறு செய்தார்கள் என்று கூறவும்; (இராவணனுக்குத்) திசைகளெல்லாம் எதிரொலிக்கும்படி நகைப்புப்

பிறந்தது; கண்களில் நெருப்புப் பொறி பறந்தது; ‘அம் மனிதர்களின் துணிச்சலான செயல் அற்பமானது; நீ கூறிய செய்தி உண்மையானது தானே? ; பொய்யை விட்டுச் சொல்; – பயப்படாதே; நடந்தவற்றை நடந்தபடி சொல்’ என்று மொழிந்தான்.

******************************

164.ஒரு தலை மட்டும் இருந்தால் கொஞ்சம்தான் சிந்திக்க முடியும்; ஒரு தோள் இருந்தால்  கொஞ்சம்தான் தாங்க முடியும்!

‘பொத்துற உடற்பழி  புகுந்தது” என நாணி,

தத்துறுவது என்னை? மனனே! தளரல் அம்மா!

எத் துயர் உனக்கு உளது?  இனி, பழி சுமக்க,

பத்து உள தலைப் பகுதி;   தோள்கள் பல அன்றே?

என் உள்ளமே! உடலில் ஏற்பட்ட காயங்களை எண்ணி வெட்கமுற்று,  ஏன் தடுமாறுகிறாய்? சோர்வடையாதே. நீ இந்த அவமாத்தையும் துன்பத்தையும் தாங்க வேண்டியதில்லை  (ஏனெனில்);  இனிமேல் அப்பழியைத் தாங்க, எனக்கு பத்து தலைகள் உள்ளன ; தோள்களும் பல உள்ளன; அல்லவா ?

*******************************

165.சீதையை சூர்ப்பணகை வருணித்தாள்

165.மஞ்சு ஒக்கும் அளக ஓதி; மழை  ஒக்கும் வடிந்த கூந்தல்;

பஞ்சு ஒக்கும் அடிகள்; செய்ய  பவளத்தின் விரல்கள்; ஐய!

அம் சொற்கள் அமுதின் அள்ளிக் கொண்டவள் வதனம் மை தீர்

கஞ்சத்தின் அளவிற்றேனும், கடலினும் பெரிய கண்கள்!

சீதையின் பேச்சு அழகிய சொற்களை அமுதத்திலிருந்து தோய்த்து எடுத்துக் கொடுத்தது போல இருக்கும்;  அவளுடைய கூந்தல் மேகத்தை நிகர்க்கும்; தாழ்ந்த கூந்தலோ; கீழே வரும்  மழை மேகம் போன்றிருக்கும்;  பாதங்கள் செம்பஞ்சினைப் போன்றிருக்கும்;  விரல்கள் சிவந்த பவளத் துண்டுகள் போல அழகானவை,

முகம்- களங்கமற்ற தாமரைப்பூதான்! கண்களோ கடலைக் காட்டிலும் பெரியவை..

**********************************

166. ராவணா! நான் சீதையின் அழகை வருணிக்க முயற்சி செய்கிறேன் :அவளுடைய நெற்றி வில்லைப் போல்  அமைந்திருக்கிறது என்று சொன்னாலும்;  கண்கள் வேல் போல் விளங்குகின்றன என்று சொன்னாலும்; பற்கள் முத்துக்கள் போன்றிருக்கும் என்று சொன்னாலும்; இதழ்கள் பவளமே  என்று சொன்னாலும் ஒருவேளை  பொருத்தம் ஆகலாம்; ஆயினும் சீதையின் உறுப்பழகை நான் சொன்னதாக அர்த்தம் இல்லை; ஏனெனில் சொல்லத்தக்க உவமை வேறு இல்லை;  புல்லைப் போன்றிருக்கும் நெல்என்று நான் சொன்னால்  பொருத்தமாக இருக்குமா ?

(வருணனைக்கு அப்பாற்பட்ட பொலிவும் அழகும் சீதைபால்

பொருந்தியுள்ளன எனவும், அதனால் நீயே நேரிற் காண்பதே பொருத்தம் எனவும் சூர்ப்பணகை உணர்த்துகின்றாள். )

*********************************

167.     ‘பாகத்தில் ஒருவன் வைத்தான்;

பங்கயத்து இருந்த பொன்னை

ஆகத்தில் ஒருவன் வைத்தான்;

அந்தணன் நாவில் வைத்தான்;

மேகத்தில் பிறந்த மின்னை வென்ற

நுண் இடையினாளை-

மாகத் தோள் வீர!-பெற்றால்,

எங்ஙனம் வைத்து வாழ்தி?

சிவபெருமான் (தன் தேவியை)  தன் இடப்பாகத்தில் வைத்துப் பெருமை கொண்டான் (அர்த்த நாரீஸ்வரர்) ;திருமால்  தாமரையில் வசிக்கும் பொன்மகளாகிய லெட்சுமியை  மார்பில் அமர்த்திப் போற்றினான்; பிரம்ம தேவன்,தன் நாவில் (சரஸ் வ தியை) குடியிருத்திச் சிறப்புற்றான்; விண்ணளவு உயர்ந்த தோள்களைப் பெற்ற வீரனே! மழை முகில்களிடையில் உதிக்கும் மின்னலைப்போன்ற ,இடையைப் பெற்ற சீதையை; அடைந்து நீ எங்கே வைத்து வாழ இருக்கின்றாயோ?

( இப்பாடலிலும் இராவணனுக்கு நேரவிருக்கும் அழிவு குறிப்பால் உணர்த்தப் பெறுகின்றது. ‘எங்ஙனம் வைத்து வாழ்தி’? என்னும் வினா, ‘உன்னால் வாழ முடியாது’ என்ற குறிப்புப் பொருளைத் தந்து நிற்கின்றது. )

********************************

168.மயிலுடைச் சாயலாளை வஞ்சியா

முன்னம், நீண்ட

எயிலுடை இலங்கை நாதன், இதயம்

ஆம் சிறையில் வைத்தான்;

அயிலுடை அரக்கன் உள்ளம்,

அவ் வழி, மெல்ல மெல்ல,

வெயிலுடை நாளில் உற்ற வெண்ணெய்போல்,

வெதும்பிற்று அன்றே.

மயிலின் அழகு உடையவளை; வஞ்சனையால் கவர்வதன் முன்னரே; உயர்ந்தோங்கிய கோட்டைமதில்களை உடைய இலங்கையின் தலைவன்; இதயமாம் சிறையில்

வைத்தான் – (தன்) மனமாகிய சிறைச்சாலையின் உள்ளே வைத்தான்; (அதன் விளைவாக); வேற்படை கொண்ட இராவணனாகிய இராக்கதன் மனம் வெயிற் பொழுதில்

வைக்கப்பட்ட வெண்ணெய் போன்று சிறிது சிறிதாக வெப்பத்தால் உருகலாயிற்று.

அசோக வனத்துச் சிறைக்கு முன்பே மனச்சிறையில் வைத்தான் என நயம்பட உரைத்தார்.  இனி சீதைக்கு இந்தப் பெண் பித்தனால், காம வெறியினால், ஆபத்து வரப்போவதை கம்பன், ஒரு சினிமா டைரக்டர் போலப் பாடலில் காட்டிவிட்டான் ! ராமாயணம் தெரியாமல் படிக்க ஆரம்பிப்போருக்கு இது ஒரு சஸ்பென்ஸ் காட்சி !

****************************************

169.

விதியது வலியினாலும், மேல்

உள விளைவினாலும்,

பதி உறு கேடு வந்து

குறுகிய பயத்தினாலும்,

கதி உறு பொறியின் வெய்ய காம

நோய், கல்வி நோக்கா

மதியிலி மறையச் செய்த தீமைபோல்,

வளர்ந்தது அன்றே.

ஊழ்வினையின் ஆற்றலினாலும்,இனிமேல் அதனால் உண்டாகப்போகும் விளைவு களாலும் இலங்கை

மா நகருக்கு அழிவுக்குரிய நிலை காலம் வந்ததாலும்

பொறிகளின் வழியே (இராவணனைப் பற்றிய) கொடிய காம நோயானது, கல்வி அறிவு அற்ற அறிவிலி ஒருவன்,  யாருமறியாமல் மறைவாகச் செய்த கெடுதி போல வளர்ந்தது .

வேதவதி சாபம், வானரங்களால் இலங்கை அழிய வேண்டுமென நந்தி இட்ட சாபம் முதலியனவெல்லாம் நிறைவேறத் தக்க காலம் நெருங்கியது என்பதை விதி என்பது வலியது என்ற சொற்களால் காட்டிவிட்டான்.

*******************************

170.காமநோயால் நொந்து போன ராவணன் ஒரு சோலைக்குள் நுழைந்தான்; உடனே பறவைகளும் மெளனமாகிவிட்டனவாம்!

கனிகளின், மலரின், வந்த கள்

உண்டு களிகொள் அன்னம்,

வனிதையர் மழலை இன்சொல்

கிள்ளையும், குயிலும், வண்டும்,

இனியன மிழற்றுகின்ற யாவையும்,

‘இலங்கை வேந்தன்

முனியும்‘ என்று அவிந்த வாய;

மூங்கையர் போன்ற அன்றே.

பழங்களிலிருந்தும் பூக்களிலிருந்தும்  பெருகிய மதுவை அருந்தி, கள் வெறி கொண்ட அன்னப் பறவைகளும், மகளிர் போல் இனிய மழலை மொழி பேசும் கிளிகளும்,  குயில்களும், தேன் வண்டுகளும், இனிய குரல் எழுப்பும் ஏனைய பறவைகளும்  இலங்கையர் அரசனாகிய இராவணன் கோபித்துக் கொள்வான்’ என்று மௌனமாகி ஊமைகளாகக் காட்சி தந்தன!

–subham—

TAGS – கரன், கம்ப ராமாயணம், 170 கேள்விகள், இராவணன், சூர்ப்பணகை, சீதையின் அழகு, கம்பன், திரைப்பட டைரக்டர் , இதயச் சிறை

WRITTEN BY R. SESHADRINATHAN

Post No. 16,334

Date uploaded in London –   23 October 2026

Contact – swami_48@yahoo.com

Pictures are taken from various sources for spreading knowledge.

This is a non- commercial blog. Thanks for your great pictures.

tamilandvedas.com, swamiindology.blogspot.com

xxxx

(ஆர், சேஷாத்ரிநாதன்)

துளசிதாசர் இதுபற்றி மேலும் சொல்கிறார்.

* देत लेत मन संक न धरई। बल अनुमान सदा हित करई॥

बिपति काल कर सतगुन नेहा। श्रुति कह संत मित्र गुन एहा॥3॥

“நண்பர்களிடையே கொடுக்கல் வாங்கல் செய்யும்பொழுது திரும்பி வருமா வராதா என்ற ஐயம் மனதில் கொள்ளக்கூடாது. தன்னுடையே சக்திக்கு ஏற்ப எப்பொழுதும் நண்பனுக்கு உதவி செய்து கொண்டே இருக்கவேண்டும் குறிப்பாக  நண்பனுக்கு இன்னல்கள் ஏற்படும்பொழுது நூறு மடங்கு அன்பைக் காட்ட வேண்டும். வேதங்களும், நீதி நூல்களும் இவைதான் உண்மையான நண்பனுக்கு இலக்கணங்கள் என்று கூறுகின்றன”

இங்கு துளசிதாசர் देत लेत என்று கொடுப்பதற்குத்தான் முன்னுரிமை அளிக்கிறார். முதலில் கொடு அப்புறம் பெற்றுக் கொள் என்று சொல்கிறார்.  அடுத்து बल अनुमान அதாவது சக்தியின் மதிப்பீடு .அதவாது சக்திக்குத் தகுந்து கொடுத்தல்.அதாவது  இந்த பலம் அல்லது வலிமை என்றால் என்ன?

மகாபாரதத்தில் உத்யோகபர்வத்தில் இவ்வாறு சொல்லப்பட்டுள்ளது

बलं पञ्चविधं नित्यं पुरुषाणां निबोध मे ।

यत्तु बाहुबलं नाम कनिष्ठं बलमुच्यते ।।48।।

अमात्यलाभो भद्रं ते द्वितीयं बलमुच्यते ।

धनलाभस्तृतीयं तु बलमाहुर्जिगीषवः ।।49।।

यत्त्वस्य सहजं राजन्पितृपैतामहं बलम् ।

अभिजातबलं नाम तच्चतुर्थं बलं स्मृतम् ।।50।।

येन त्वेतानि सर्वाणि सङ्गृहीतानि भारत ।

यद्बलानां बलं श्रेष्ठं तत्प्रज्ञाबलमुच्यते ।।51।।

महाभारत उद्योगपर्व – 37/48

அதாவது விதுரர் தருமரிடம் ஐந்துவிதமான பலம் அல்லது வலிமை பற்றிப் பேசுகிறார். அதில் “பாஹு பலம்” (உடல் வலிமை) மிகக் குறைந்த வலிமையாகக் கருதப்படுகிறது.

இரண்டாவது வலிமை — நல்ல அமைச்சர்களைப் பெறுதல்.

மூன்றாவது வலிமை — செல்வம், பொருள், பணம்.

நான்காவது வலிமை — பிறப்பால் கிடைக்கும் வலிமை, அதாவது பித்ரு–பைதாமஹ பலம் (குலம், வம்சம், உயர்ந்த பிறப்பு). இது “அபிஜாத பலம்” எனப்படுகிறது.

ஐந்தாவது இந்த எல்லா வலிமைகளையும் ஒருங்கிணைத்து நடத்த வல்லது,

அனைத்திலும் சிறந்த வலிமை — ப்ரஜ்ஞா பலம் (அறிவு, புத்திசாலித்தனம், யோசனை).

கிஷ்கிந்தா காண்டம் எட்டாவது சர்கத்தில் சுக்ரீவன் இராமனிடம் சொல்கிறான்.

रजतम् वा सुवर्णम् वा शुभानि आभरणानि च |

अविभक्तानि साधूनाम् अवगच्छन्ति साधवः || ४-८-७

आढ्यो वा अपि दरिद्रो वा दुःखितः सुखितोऽपि वा |

निर्दोषः च सदोषः च वयस्यः परमा गतिः

धन त्यागः सुख त्यागो देश त्यागोऽपि वा अनघः |

वयस्यार्थे प्रवर्तन्ते स्नेहम् दृष्ट्वा तथा विधम् || ४-८-९

“வெள்ளியோ}, தங்கமோ, சுபமான ஆபரணங்களோ, அவற்றை நண்பர்கள்   தங்களுக்குள் பிரித்துப் பார்க்க மாட்டார்கள். செல்வமுள்ளவனோ, ஏழையோ, துக்கமடைந்தவனோ, சுகித்திருப்பவனோ, தோஷமற்றவனோ {குற்றமற்றவனோ}, தோஷமுள்ளவனோ ஒரு நண்பனே மற்றொரு நண்பனுக்கு உற்ற துணை.  இராகவா! அந்தவித நட்பைக் கண்டால், அவன்  பொருட்டு, செல்வத்தைக் கைவிடுவதும், சுகத்தைக் கைவிடுவதும், தேசத்தை {இடத்தைக்} கைவிடுவதுங்கூட செய்யத்தக்கதே” இந்தக் கடைசி வாக்கியம் துளசிதாசரின் “बल अनुमान सदा हित कर्ई என்பதற்கான பொருளாகும்.  கஷ்ட காலத்தில் தான் நண்பனின் உண்மையான குணம் தெரியும் “बिपति कालकर सत गुन नेहा என்று சொல்கிறார் துளசிதாசர்.

कुपथ निवारि सुपंथ चलावा। गुन प्रगटै अवगुनन्हि दुरावा

* देत लेत मन संक न धरई। बल अनुमान सदा हित करई॥

बिपति काल कर सतगुन नेहा। श्रुति कह संत मित्र गुन एहा॥3॥

ஆக தீய வழியில் செல்லும் நண்பனைத் திருத்தி அவனை நல்வழிக்கு அழைத்து வருவது, நண்பனின் குறைகளை மிகப்படுத்தாமால் நிறைகளை மட்டும் வெளியே சொல்வது நண்பனுக்கு நூறு சதவீத உதவி செய்வது நல்ல நண்பனின் இலக்கணமாகும். இதையே பர்த்ருஹரி தன்னுடைய நீதி சதகம் என்னும் நூலில் என்ன சொல்கிறார் என்று பார்ப்போமா?

पापान्निवारयति योजयते हिताय

गुह्यं च गूहति गुणान्प्रकटीकरोति।

आपद्गतं च न जहाति ददाति काले

सन्मित्रलक्षणमिदं प्रवदन्ति सन्तः॥७३॥

Saints describe these as the attributes of a true friend:

A true friend prevents his friend from committing sins, and induces him to act in good interest, conceals the secrets of a friend which ought to be hidden, projecting only his good qualities and does not forsake his friend in adversities, but gives timely assistance.

இங்கு சீதை அனுசூயையைப் பற்றிச் சொல்ல வேண்டியது அவசியம். அனுசூயை சீதையிடம் சொல்கிறாள்

धीरज धर्म मित्र अरु नारी। आपद काल परिखिअहिं चारी।।

தைரியம், தர்மம், நண்பன். மனைவி இவர்களின் உண்மையான குணம் ஆபத்து/ மற்றும் கஷ்ட காலத்தில் தான் தெரியும். மிகக் கஷ்ட காலத்தில் நல்ல நிலையில் உள்ள நண்பன் சிரமமான நிலையில் இருக்கும் நண்பனுக்கு கை கொடுக்க வேண்டும். அதுபோல நல்ல மனைவி எப்போதும் கணவனுக்குத் துணை நிற்கவேண்டும்

आगें कह मृदु बचन बनाई। पाछें अनहित मन कुटिलाई॥

जाकर ‍िचत अहि गति सम भाई। अस कुमित्र परिहरेहिं भलाई॥4॥

परोक्षे कार्यहन्तारं प्रत्यक्षे प्रियवादिनम् ।

वर्जयेत् तादृशं मित्रं विषकुम्भं पयोमुखम् ॥

“எவன் நேரில் இனிக்க இனிக்க சிரித்துப் பேசிவிட்டு முதுகுக்குப் பின்னால் தீமை செய்கிறானோ, எவன் மனதில் கபடம் உடையவனாய் இருக்கிறானோ, அப்படிப்பட்டவனுடைய மனமானது பாம்பின் நடையைப் போல கோணல் மானலானது ஆகும் . எனவே சகோதரா! அப்படிப்பட்டவருடைய நட்பை விட்டு விலகுவதே நமக்கு நன்மை பயக்கும்.

* सेवक सठ नृप कृपन कुनारी। कपटी मित्र सूल सम चारी॥

முட்டாளான வேலைக்காரன், கருமியான அரசன், நடத்தை கேட்ட பெண்மணி, கபடம் நிறைந்த நண்பன், ஆகிய இந்நால்வரும் சூலத்தைப் போல வேதனை தரக்கூடியவர்கள்.

இதே கருத்து பிரச்தாவ் ரத்னாகர் என்ற நூலில் சொல்லப்பட்டுள்ளது

“अविधेया भृत्यजना: शठानि

मित्राण्यदयायक: स्वामी। अविनयवती च भार्या मस्तकशूलानि चत्वारि॥’ (

சாணக்ய நீதியிலும் இதே கருத்து வலியுறுத்தப்பட்டுள்ளது

दुष्टा भार्या शठं मित्रं भृत्यश्चोत्तरदायकः ।

ससर्पे च गृहे वासो मृत्युरेव न संशयः ॥5ll

தீய மனைவி, தவறான தோழன், கீழ்ப்படியாத வேலைக்காரன் மற்றும் பாம்புடன் தங்கி இருப்பது மரணத்திற்குச் சமம்..இப்படி எல்லா நூல்களிலும் இந்தக் கருத்து வலியுறுத்தப் படுவதால், இதன் முக்கியத்துவம் புரிந்திருக்கும் என நினைக்கிறேன்.

सखा सोच त्यागहु बल मोरें। सब बिधि घटब काज मैं तोरें॥5॥

“எனவே தோழனே! என் வலிமையின் மீது நம்பிக்கை வைத்து உன் கவலையை விட்டு விடு. நான் எல்லாவிதத்திலும் உனக்கு உதவியாக இருப்பேன்” என்றான் இராமன்.

***

WRITTEN BY S NAGARAJAN

Post No. 16,333

Date uploaded in London – 23 October 2026

Contact – swami_48@yahoo.com

Pictures are taken from various sources for spreading knowledge.

This is a non-commercial blog. Thanks for your great pictures.

tamilandvedas.com, swamiindology.blogspot.com

xxxx

லலிதா சஹஸ்ர நாம பாராயணத்தால் ஏற்படும் பலன்கள் என்ன? – 2

ச. நாகராஜன்

ஸ்லோகம் 16

இதனுடைய ஒரு நாமத்திற்கு இருக்கக்கூடிய பாவத்தைப் போக்கும் சக்திக்குப் போதுமான பாவம் செய்ய பதினான்கு லோகங்களாலும் முடியாது.

ஸ்லோகம் 17

எவன் ஒருவன் இந்த நாம சஹஸ்ரத்தைத் தவிர்த்து (வேறு உபாயத்தினால்) பாவத்தைப் போக்கடிக்க விரும்புகிறானோ, அவன் குளிர் நீக்குவதற்காக பனிக்கட்டி மலையை அடைவது போல் இருக்கிறான்.

ஸ்லோகம் 18

எந்த பக்தனானவன் இந்த நாம சஹஸ்ரத்தை தினந்தோறும் கீர்த்தனம் பண்ணுகிறானோ அவனிடம் ஶ்ரீ லலிதாதேவியானவள் சந்தோஷமடைந்து அவன் விரும்பியவற்றையெல்லாம் கொடூக்கிறாள்.

ஸ்லோகம் 19

இந்த ஸ்தோத்திரத்தைச் சொல்லாமல் ஒருவன் எப்படி பக்தனாக ஆகக் கூடும்!

ஸ்லோகம் 20, 21

தினமும் கீர்த்தனம் செய்ய முடியாதவன் புண்ய தினங்களிலும், சங்க்ராந்தியிலும், விஷுவிலும், ஜன்மத்ரிதமாகிற மூன்று தினங்களிலும், அயனங்களிலும், சுக்ல பக்ஷத்திய நவமி, சதுர்தசி திதிகளிலும், சுக்ரவாரத்திலும், இவைகளிலாவது கீர்த்தனம் செய்ய வேண்டும்.

(விஷூ என்பது மேஷ ராசி, துலா ராசிகளில் சூர்யன் பிரவேசிக்கும் தினங்களாகும்.

ஜன்ம த்ரிதம் என்பது தன்னுடையதும், தனது மனைவியுடையதும், தனது புத்திரனுடையதுமான ஜன்ம நட்சத்திரங்கள் உள்ள தினங்களைக் குறிக்கும்.

அயனம் என்பது சூரியன் கடகராசி, மகரராசி ஆகியவற்றில் பிரவேசிக்கும் தினங்களாகும்.)

ஸ்லோகம் 22

பௌர்ணமாஸ்யையில் சந்திர பிம்பத்தில் ஶ்ரீ லலிதாம்பிகையை தியானம் செய்து, பஞ்சோபசாரங்களால் பூஜித்து, இந்த நாம சஹஸ்ரத்தைக் கீர்த்தனம் செய்ய வேண்டும்.

(பௌர்ணமாஸ்யா என்பது சுக்லபக்ஷத்திய கடைசி ராத்திரியைக் குறிக்கும்.

சந்திர பிம்பம் என்பது சந்திரனுடைய பூர்ணமான மண்டலம். அப்போது அதில் வளர்வு, குறைவு இருக்காது)

பஞ்ச உபசாரம் என்பது கந்த, புஷ்ப, தூப, தீப, நைவேத்தியங்களான ஐந்து உபசாரங்களாகும்.)

ஸ்லோகம் 23

அதனால் சகல ரோகங்களும் நசித்துப் போகின்றன. தீர்க்கமான ஆயுளும் பெறுவான். ”ஆயுஷ்கரம்” என்ற பெயருடைய இந்த ப்ரயோகமானது கல்பசூத்திரங்களில் சொல்லப்பட்டிருக்கிறது.

ஸ்லோகம் 24

ஜுரத்தினால் பீடிக்கப்பட்டவனுடைய தலையில் கையை வைத்துக் கொண்டு இந்த சஹஸ்ரநாமத்தைச் சொன்னால், அந்த க்ஷணத்திலேயே ஜுரமும் (அதனாலுண்டான) தலைவலியும் போய்விடும்.

ஸ்லோகம் 25

சகல வியாதிகளையும் போக்குவதற்காக விபூதியைத் தொட்டுக் கொண்டு இதை (இந்த நாம சஹஸ்ரத்தை) கீர்த்தனம் செய்ய வேண்டும். அந்த பஸ்மத்தைத் தரிப்பதினாலேயே வியாதிகளெல்லாம் ஒரு க்ஷணத்தில் போய்விடும்.

ஸ்லோகம் 26

குடத்திலிருக்கும் ஜலத்தை இந்த நாம சஹஸ்ரத்தினால் மந்த்ரிதமாகச் செய்து, ‘ஹே, முனே! கிரகங்களில் வசப்பட்டவர்களின் மிது (அதை அபிஷேகம் செய்ய வேண்டும். அந்த க்ஷணத்திலேயே கிரகங்கள் நாசமடைந்து விடும்.

(மந்த்ரிதம் என்பது கும்பத்தின் வாயின் மேல் கையை வைத்துக் கொண்டு நாமங்களடங்கிய பாகத்தைச் செய்ய வேண்டும் என்பதாகும்.)

ஸ்லோகம் 27

ஶ்ரீ லலிதாம்பிகையை சுதா சமுத்ரத்தின் நடுவிலிருப்பவளாகத் தியானித்து எவனொருவன் இந்த நாம சஹஸ்ரத்தை கீர்த்தனம் செய்கிறானோ, அவனுடைய (அவனைப் பீடிக்கும்) விஷமானது நாசமடைகிறது.

ஸ்லோகம் 28

மலடாயிருப்பவர்களுக்கு (குழந்தைப் பேறு இல்லாதவர்களுக்கு) குழந்தை பிறப்பதற்காக இந்த நாம சஹஸ்ரத்தால் மந்த்ரிதமான வெண்ணெயைக் கொடுத்தால் கட்டாயம் புத்ர லாபம் ஏற்படும்.

ஸ்லோகம் 29

இரவில் (சாதகன் ஒருவன்) தனக்கு இஷ்டப்பட்ட பெண்ணை தேவியினுடைய பாசத்தினால் நன்கு கட்டப்பட்டவளாகவும், (தேவியினுடைய) அங்குசத்தினால் இழுக்கப்பட்டவளாகவும், தியானித்து இந்த நாம சஹஸ்ரத்தைக் கீர்த்தனம் செய்ய வேண்டும்.

ஸ்லோகம் 30

அப்போது, அந்தப் பெண்ணானவள் அந்தப்புரத்திலிருந்தாலும் தன்னுடைய உபாசகனுடைய அருகில் வருவாள்.

ஸ்லோகம் 31

ராஜாவை ஆகர்ஷணம் (தன்னிடம் இழுத்து வசப்படுத்துவது) செய்ய விரும்பினால் அந்த ராஜா இருக்குமிடத்தின் திக்கை நோக்கி ஶ்ரீ தேவியின் தியானத்தில் ஈடுபட்டு, மூன்று ராத்திரி இதை எவனாவது கீர்த்தனம் செய்வானேயாகில்,

ஸ்லோகம் 32

அந்த ராஜா இவனுக்கு வசப்பட்டு குதிரை மீதோ, யானை மீதோ ஏறிக்கொண்டு அருகில் வந்து தாசன் போல வணங்கி தன்னுடைய ராஜ்யத்தையும், பொக்கிஷத்தையும் கொடுத்தே தீருவான். இதில் சந்தேகமில்லை.

***                     தொடரும்

Written by London Swaminathan

Post No. 16,332

Date uploaded in London – 22 October 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx

இதற்கு முன்னர் வெளியிட்ட 150 கேள்விகளும், விடைகளும்  எனது பிளாக்குகளில் எப்போதும் கிடைக்கும்.

சீதையைப் பார்த்த சூர்ப்பணகை, அவளைக் கற்பின் கனலி என்று மனதில் நினைத்து, வெளிப்படையாக ராமனிடம் சீதை ஒரு அரக்கி உன்னிடம் மாயத்தோற்றத்துடன் வந்திருக்கிறாள் என்றாள். ராமன் அதைக்கேட்டு நகைத்தான்

151

சீதையைப் பார்த்து சூர்ப்பணகை என்ன சொன்னாள்?

152

ராமனும் சீதையும் பர்ணசாலைக்குள் சென்ற பின்னர் சீதை தனியே வெளியே வந்தாள்; சூர்ப்பணகை  அவளைப்பிடிக்க வந்த போது லட்சுமணன்  என்ன செய்தான்?

153

பேடிப்பயல்கள் அசுரர்கள் ; அவர்களை ஒழிக்க யாம் வந்துள்ளோம்; ஓடிப்போடி , சூர்ப்பணகை! என்ற பாட்டின் பொருள் என்ன ?

154

மூக்கறுபட்ட பின்னரும் என் மூக்கை வளர்த்துக் கொள்வேன்; என்னை ஏற்றுக்கொள்; நீ பிரம்மா விஷ்ணு சிவன் இந்திரன் ஆகியோரின் ஒட்டுமொத்த வடிவம் என்று சூர்ப்பணகை இராமனைப் புகழந்த அழகு என்ன ?

155

புலிக்குட்டி பற்றிய பழமொழியை சூர்ப்பணகை  சொன்னது ஏன் ?

156

எவ்வளவு சொல்லியும் ராமன்,  சூர்ப்பணகையின் காதல் வலையில் சிக்காதபோது , யமனை அழைத்துக்கொண்டு வந்து உனக்கு முடிவு கட்டுகிறேன் என்று சூளுரைத்தாள்; யார் அந்த யமன்?

157

கரனிடம் மூக்கறுபட்டகதையைச் சொல்லி, சூர்ப்பணகை அழுது புரண்டவுடன் அவன் 14 வீரர்களை அனுப்பவே ராமன் அவர்களுடைய 28 கைகளை துண்டித்த பாடலைக் காண்போமா ?

158

வள்ளுவன் ஒரு குறளில் 70 கோடிப் பேரைக் குறிப்பிடுகிறன் ; அப்போது இந்தியாவின் ஒட்டுமொத்த ஜனத்தொகையே லட்சக்கணணக்கில்தான் ! ரிக் வேதத்தில் இந்திரன் கொன்ற அசுரர்களின் எண்ணிக்கை ஒவ்வொரு துதியிலும்  லட்சக் கணக்கில் உள்ளது !  நான் என்ன சளைத்தவனா ? வள்ளுவனுக்கு இளைத்தவனா? என்று கம்பன் சொல்லும் வியப்புறும் படைக் கணக்கு என்ன ?

159

ராமாயணம் முழுதும், அரக்கர்கள் நினைத்த உருவினை எடுக்க வல்லவர்கள் என்ற செய்தி வருகிறது. முன் பகுதியில் சூர்ப்பனகை , பேரழகி ரூபத்தில் வந்தவுடன் ராமனே அவளை ஏ சுந்தரி ( ஹலோ பியூட்டி ) என்று அழைத்ததைக் கண்டோம் ; கரனுடைய படைகள் என்ன என்ன மாஸ்க்/  முகமூடி  அணிந்து வந்தனர் ?

160

கர தூஷணர்களின் படை ராமர் இருக்கும்  இடத்துக்கு வந்தபோது, வெகுண்டு எழுந்த லெட்சுமணனிடம் ராமன் சொன்னது என்ன ?

XXXXXXXXXXXXXXXXXXXXXXXXXXXXXXXXXXXXX

விடைகள்

151.     ஆயிடை, அமுதின் வந்த, அருந்ததிக்

கற்பின் அம் சொல்

வேய் இடை தோளினாளும், வீரனைச்

சேரும் வேலை,

‘நீ இடை வந்தது என்னை? நிருதர்தம்

பாவை!’ என்னா,

காய் எரி அனைய கள்ள

உள்ளத்தாள் கதித்த லோடும்.

அந்த நேரத்தில்,  தேவரமுது போல, அருந்ததிபோல வந்த

சீதை இராமனை அணுகும் போது, அரக்கர் பெண்ணே! எங்களுக்கு

இடையில் நீ குறுக்கிட்டது ஏன்? என்று கூறி தீப் போன்ற

வஞ்சக எண்ணத்தாளாம் சூர்ப்பணகை சினந்து வேகமாக வந்ததும் ராமன் கோபமுற்றான்

**********************************

152.நில் அடீஇ’ என, கடுகினன்,

பெண் என நினைத்தான்;

வில் எடாது அவள் வயங்கு எரி

ஆம் என விரிந்த

சில் வல் ஓதியைச் செங் கையில்

திருகுறப் பற்றி,

ஒல்லை ஈர்த்து, உதைத்து, ஒளி

கிளர் சுற்று-வாள் உருவி,

     சூர்ப்பணகை சீதையைப் பின் தொடரும் நோக்கத்தை அறிந்த

இலக்குவனின் சினம் பொங்க ‘நில் அடீ இ’ என அவளைத் தடுத்தான். அவள் கூந்தளைப் பி டித்துக்கொண்டு வாளை உருவினான்…………..

ஊக்கித் தாங்கி, விண் படர்வென்

என்று உருத்து எழுவாளை,

நூக்கி, நொய்தினில், ‘வெய்து

இழையேல்’ என நுவலா,

மூக்கும், காதும், வெம் முரண்

முலைக் கண்களும், முறையால

போக்கி, போக்கிய சினத்தொடும்,

புரி குழல் விட்டான்.

சீதையைத் தூக்கிக் கொண்டு செல்வேன் என்று

கோபித்து மேற்கிளம்பிய சூர்ப்பணகையை –

(இலக்குவன்) எளிதில் கீழே தள்ளி –

கொடுந்தொழிலைச் செய்யாதே என்று கூறி

மூக்கையும் காதுகளையும்

கொடிய வலிய முலைக் காம்புகளையும் ஒன்றன்பின் ஒன்றாய்

அறுத்தெறிந்து – சினத்தை

விட்டு முறுக்கிப் பிடித்த அவள் கூந்தலையும் விட்டான்.

மூக்கும் காதும் அறுத்தது அவளுக்கு அவலட்சணம்

உண்டாக்குதற்காம். முலையை அறுத்தது அவள் பெண்மை நலம்

சிதைத்தற்காம்

***************************

153.’பேடிப் போர் வல் அரக்கர்

பெருங் குலத்தை ஒருங்கு அவிப்பான்

தேடிப் போந்தனம்; இன்று,

தீ மாற்றம் சில விளம்பி,

வீடிப் போகாதே; இம்

மெய் வனத்தை விட்டு அகல

ஓடிப் போ’ என்று உரைத்த

உரைகள் தந்தாற்கு, அவள் உரைப்பாள்:

(சூர்ப்பணகை சொற்களைக் கேட்டு இராமன்)

பேடித் தன்மையுள்ள மாயப் போர்கள் செய்வதில் வல்ல இராக்கதர்களின் பெரிய குலத்தை முற்றிலும் அழிக்க அவர்களைத் தேடி இங்கு வந்தோம்; இப்போது தீய சொற்களில் சிலவற்றைக் கூறி அழிந்து போகாதே;  – இந்தக் காட்டிலிருந்து ஓடிப் போ;  எனக் கூறிய சொற்களைச் சொன்ன இராமனிடம்

சூர்ப்பணகை கூறலானாள்……………………………

******************************

154.     ‘சிவனும், மலர்த் திசைமுகனும்;

திருமாலும், தெறு குலிசத்து-

அவனும், அடுத்து ஒன்றாகி

நின்றன்ன உருவோனே!

புவனம் அனைத்தையும், ஒரு தன்

பூங் கணையால் உயிர் வாங்கும்

அவனும், உனக்கு இளையானோ?

இவனேபோல் அருள் இலனால்.

சிவபெருமானும்,  தாமரை மலர்

மீது இருக்கும் பிரமனும்,  மகாவிட்டுணுவும்; தெறு  பகைவரை அழிக்கும் வச்சிரப் படையுடைய இந்திரனும்; சேர்ந்து ஒன்றாகி நின்றது போன்ற அழகிய உருவம் உடையவனே!உலகங்கள்

எல்லாவற்றையும் ஒப்பற்ற தன் மலர் அம்புகளால் எல்லா உயிர்களையும் வருத்தும் அம் மன்மதனும் உன் தம்பி இலக்குவனைப் போல இரக்கமற்றவனாய்

இருப்பதால் அவனும் உனக்குத் தம்பியோ?

( இராமனைப் பாராட்டிவிட்டு  இலக்குவனின் குறையைக் கூறுகின்றாள்).

****************************

155. தன்னைப் புலிக்குட்டியாகவும் ராவணனைப் புலியாகவும் உருவகித்துக்கொண்டு சூர்ப்பனகை கதறினாள ; புலி பக்கத்தில் குட்டி இருந்தால், அதற்கு எந்த ஆபத்தும் வராது என்று உலகில் ஒரு பமொழி உண்டே ! அது பொய்யாகிப் போய்விட்டதே! கற்ப முடிவிலும் ஆற்றல் தளராத மும் மூர்த்திகளுக்கும் அசுரர்களுக்கும் தேவர்களுக்கும் மேலான  வலிமை கொண்ட இராவணனே! நான் அடைந்த கொடும் துன்பத்தைப் பார்க்க வரமாட்டாயா? என்றாள் .

“புலிதானே புறத்து ஆக, குட்டி

கோட்படாது” என்ன,

ஒலி ஆழி உலகு உரைக்கும் உரை

பொய்யோ? ஊழியினும்

சலி யாத மூவர்க்கும்,

தானவர்க்கும், வானவர்க்கும்,

வலியானே! யான் பட்ட வலி

காண வாராயோ?

****************************

156.ஏற்ற நெடுங் கொடி மூக்கும், இரு காதும்,

முலை இரண்டும், இழந்தும், வாழ

ஆற்றுவனே? வஞ்சனையால், உமை உள்ள

பரிசு அறிவான் அமைந்தது அன்றோ?

காற்றினிலும் கனலினிலும் கடியானை,

கொடியானை, கரனை, உங்கள்

கூற்றுவனை, இப்பொழுதே கொணர்கின்றேன்’

என்று, சலம்கொண்டு போனாள்.

என் அழகுக்குப் பொருத்தமாயிருந்த மூக்கும் இரண்டு செவிகளும் இரு கொங்கைகளும் அறுக்கப் பெற்றும் உயிரோடு வாழ்வதைப் பொறுத்து இருப்பேனோ (மாட்டேன்);கபடமாய் (ஆதலால்) காற்றையும் தீயையும் விட ஆற்றலுடையானை, கொடியவனை,கரன் எனும் பெயருடையவனை, உங்களை அழிக்கும் யமனை இக்கணத்தே கூட்டி வருகிறேன்எனக் கூறித் தணியாத கோபத்துடன்  சென்றாள்.

இப்படலம் முழுதும் ‘கம்ப நாடகம்‘ என்ற பெயர்க்கு ஏற்பப் பொருத்தமான உரையாடல்கள் உடையது .

*********************

157.     மழுவும், வாளும், வயங்கு

ஒளி முச் சிகைக்

கழுவும், கால வெந் தீ

அன்ன காட்சியார்,

எழுவின் நீள் தடக்

கை எழு நான்கையும்,

தழுவும் வாளிகளால், தலம்

சார்த் தினான்.

கொடிய ஊழிக் காலத்துத் தீயைப் போன்ற;

தோற்றத்தையுடையவர்களாகிய அந்த அரக்கர்களின்;

மழுவென்னும் ஆயுதத்தையும்; வாள்களையும்;

முத்தலைகளையுடைய சூலங்களையும்;

(இவ்வாறான படைக்கலங்களை ஏந்திய) – தூண்களைப்

போன்று நீண்ட பெரிய கைகள் இருபத்தெட்டையும்

குறி தவறாமல் தாக்கும் அம்புகளால்; துணித்துத்

தரையில் வீழ்த்தினான்.

****************************

158.ஆறினோடு ஆயிரம்

அமைந்த ஆயிரம்

கூறின ஒரு படை;

குறித்த அப் படை

ஏறின ஏழினது

இரட்டி என்பரால்-

ஊறின சேனையின்

தொகுதி உன்னுவார்.

படையின் தொகையை எண்ணிக் கணக்கிடுபவர் சேனைகளுள் ஒரு சேனை அறுபது இலட்சமாகும்; அவ்வாறு கணக்கிடப்பட்ட அந்தப் படைகளின், ஏழின் இரு மடங்காகப் பெருக்கப்பட்ட பதினான்காகும்; என்று கூறுவர். (அங்குப் போருக்கு வந்த படை ஒன்றுக்கு அறுபது

இலட்சம் கொண்ட பதினான்கு படைகள் இருந்தன) !!.

***********************

159.‘குஞ்சரம், குதிரை, பேய்,

குரங்கு, கோள்அரி,

வெஞ் சினக் கரடி, நாய்,

வேங்கை, யாளி’ என்று,

அஞ்சுற, கனல் புரை

முகத்தர்; ஆர்கலி

நஞ்சு தொக்கெனப்

புரை நயனத்தார்களும்-

யானை, குதிரைகள், பேய்கள்,குரங்குகள்,சிங்கம், கொடிய  கரடி, நாய்கள், புலிகள் ,யாளிகள் என்னும்  முகவடிவங்களாக (காண்பவர்)

அஞ்சும்படி,நெருப்பைப் போன்ற முகத்தையுடையவர்களாகி

பாற்கடலில் தோன்றிய நஞ்சு திரண்டது போல விளங்கும் கண்களையுடையவர்களாக வந்தனர்.

***********************

160.இலக்குவனைத் தடுத்து இராமன் போருக்கு எழுதல்

2934.  மின் நின்ற சிலையன், வீரக்

கவசத்தன், விசித்த வாளன்,

பொன் நின்ற வடிம்பின் வாளிப்

புட்டிலன், புகையும் நெஞ்சன்,

‘நில்; நின்று காண்டி, யான் செய்

நிலை’ என விரும்பி நேரா

முன் நின்ற பின் வந்தோனை

நோக்கினன், மொழியலுற்றான்:

மின்னல் போன்று ஒளி பொருந்திய வில்லைத் தாங்கியவனும், அழியாத வலிமை வாய்ந்த

கவசத்தையுடையவனும்(இடையில்) கட்டிய

உடைவாளையுடையவனும் அழகு பொருந்திய நுனியுள்ள அம்புகளைக் கொண்ட அம்பறாத்

தூணியையுடையவனும் கோபத் தீ மூண்ட

மனமுடையவனுமாய் (இராமனை நோக்கி ‘நில் – (போர் தொடங்காது) நில்;  (அப்படி) நின்று, நான் செய்யக் கூடிய

போரின் திறமையை; காண்பாய் என்று சொல்லி;

(போர் செய்ய) விருப்பங் கொண்டு;  போருக்கு ஆயத்தமாகி; (தனக்கு) முன்னே வந்து நின்ற தம்பியான இலக்குவனை பார்த்து

(இராமன்) சொல்லத் தொடங்கினான்………………………………. தொடரும்

TAGS – சீதை,சூர்ப்பணகை, கற்பின் கனலி,  மூக்கறுபட்ட படலம் , கரன், கம்ப ராமாயணம்,  160 கேள்விகள்

Written by London Swaminathan

Post No. 16,331

Date uploaded in London – 22 October 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx

Points to Ponder

Echo of Panchatantra Stories!

Crows attacking owls form the fifth part of Pancha tantra book. That is the scene that provoked Asvaththama to set fire to Pandava camps at the dead of night, according to Mahabharata.

The heron/Stork simile is in Manu Smriti too.

The charging ram is in Pancha tantra.

Valluvar , when use Pancha tantra stories, use them one after another in the same chapter. He must have kept the book by his side.

All Hindus must read Pancha tantra original or full translation. It is not a children’s book. Thousands of beautiful quotations are in the book.

Valluvar has used several quotations in his Tirukkural

****

Tirukkural Encyclopaedia -Chapter 49- Right Time காலமறிதல்

***

Go to Project Madurai website for all Tamil books; it is free and trouble free. No advertisements; no cookies!

****

Following Translations are used:

1.A Aranganatha Mudaliyar – ANM+2 ( B.L. Aranganatha iyer and R. Srinivasa Desikan), Year 1933

2.S M Diaz, I G of Police- SMD, Year 2000

3.Rev.Dr.GU Pope – GUP, Year 1886

4.Suddhananda Bharathiyar- SB

5.EVS Publishers, Singapore- EVS, Year 1986

6.H A Popley – HAP (not full book; only selected couplets) Year 1931

7.Tamil Original

****

Part 67; Chapter 49 in Tirukkural Book.

Chapter 49-ON THE CHOICE OF THE RIGHT TIME;KNOWING THE OPPORTUNITY; SEIZING THE OPPORTUNE MOMENT;TIME; காலமறிதல் – Knowing proper time

xxxxxxxxxxxxxxx

481.Even a crow overcomes an owl by day; like wise the king must seize the right hour to strike blow at his enemy- A Aranganatha Mudaliyar – ANM+2 ( B.L. Aranganatha iyer and R. Srinivasa Desikan), Year 1933

***

481.A crow may overcome a much stronger bird, the owl during day-time,

Even so, at the right opportunity, the king could succeed easily in his campaigns – S M Diaz, I G of Police – SMD, Year 2000

***

481
A crow will conquer owl in broad daylight;
The king that foes would crush, needs fitting time to fight.
A crow will overcome an owl in the day time; so the king who would conquer his enemy must have (a suitable) time.- Rev.Dr.GU Pope – GUP, Year 1886

***

481.By day the crow defeats the owl
Kings need right time their foes to quell- Suddhananda Bharathiyar – SB

***

481.The crow defeats the owl during day-time; the leader seeks the right time to quell the enemy- EVS Publishers, Singapore – EVS, Year 1986

***

481.In clear day light , the crow will beat the owl; the king who would  beat his foe must choose the fitting time-– HAP (not full book; only selected couplets) Year 1931

***

481. பகல்வெல்லும் கூகையைக் காக்கை இகல்வெல்லும்
வேந்தர்க்கு வேண்டும் பொழுது.

XXXXXXXXXXXXXXXXXXXXXXXXXXXX

482.Strike at the right moment. That is the string which binds fickle fortune to your triumphant chariot wheels – ANM+2

***

482. Tying up operational details to the season’s variations is the rope,

Which binds the king inseparably to prosperity– SMD

***

482
The bond binds fortune fast is ordered effort made,
Strictly observant still of favouring season’s aid.
Acting at the right season, is a cord that will immoveably bind success (to a king). – GUP

***

482.Well-ordered seasoned act is cord
That fortune binds in bon accord– SB.     

***

482.Acting at appropriate season is a cord that will immutably bind wealth to a leader- EVS

***

482. பருவத்தோடு ஒட்ட ஒழுகல் திருவினைத்
தீராமை ஆர்க்கும் கயிறு.
XXXXXXXXXXXXXXXXXXXXXXXXXXXX

483.No enterprise is difficult to a king who is well equipped and avails himself of the opportune moment – ANM+2

***

483.Is there anything impossible if the right means are adopted and the right hour chosen? – SMD

***

483
Can any work be hard in very fact,
If men use fitting means in timely act?
Is there anything difficult for him to do, who acts, with (the right) instruments at the right time ? – GUP

***

483.What is hard for him who acts
With proper means and time and tacts? – SB.          

***

483.What is difficult for him to achieve who adopts proper means and tact and acts in right time?- EVS

***

483.Is anything too hard for men to win, if they with fitting means will chose the fitting time?- HAP

***
483. அருவினை என்ப உளவோ கருவியான்
காலம் அறிந்து செயின்

XXXXXXXXXXXXXXXXXXXXXXX

484.Even your ambition to be the sovereign of the world will be achieved, if the right hour and proper place be chosen– ANM+2

***

484.A man, aspiring to conquer the whole world too, will succeed

If he choses the right time and place of action– SMD

***

484
The pendant world’s dominion may be won,
In fitting time and place by action done.
Though (a man) should meditate (the conquest of) the world, he may accomplish it if he acts in the right time, and at the right place. – GUP

***

484.Choose proper time and act and place
Even the world you win with ease– SB.     

***     

484.One can win even the world if he choses the proper place and acts in the right hour- EVS

***

484. ஞாலம் கருதினுங் கைகூடும் காலம்
கருதி இடத்தாற் செயின்.

XXXXXXXXXXXXXXXXXXXXXXXXXXXX

485.Mighty conquerors, who aspire to the sovereignty of the world, must also wait, unruffled, for the fitting moment – ANM+2

***

485.The king, who aspires to conquer the whole world,

Will wait calmly for the right hour to strike– SMD

***
485
Who think the pendant world itself to subjugate,
With mind unruffled for the fitting time must wait.
They who thoughtfully consider and wait for the (right) time (for action), may successfully meditate (the conquest of) the world. – GUP

***

485.Who want to win the world sublime
Wait unruffled biding their time– SB.       

***

485.Heroes who want to conquer the world wait patiently for the proper time, gathering strength – EVS

***
485. காலம் கருதி இருப்பர் கலங்காது
ஞாலம் கருது பவர்.

XXXXXXXXXXXXXXXXXXXXXXXXXXXX

486.The wise inaction of a man of energy is like the drawing back of a fierce battling ram– ANM+2

***

486.The restraint of the energetic leader is like the rearward steps,

The fighting ram always takes before charging– SMD

***

486
The men of mighty power their hidden energies repress,
As fighting ram recoils to rush on foe with heavier stress.
The self-restraint of the energetic (while waiting for a suitable opportunity), is like the drawing back of a fighting-ram in order to butt. – GUP

***

486By self-restraint stalwarts keep fit
Like rams retreating but to butt– SB

***

486.The quiescence of a strong man is like the step back of a fighting ram before charging – EVS

***

486. ஊக்க முடையான் ஒடுக்கம் பொருதகர்
தாக்கற்குப் பேருந் தகைத்து.

XXXXXXXXXXXXXXXXXXXXXXXXXXXX

487.The prudent king does not fly into a fit of passion at the insult of his enemy; but smothers his wrath to allow it to burst into a greater fury at the right moment– ANM+2

***

487.Even where injustice provokes the wise, they do not anger immediately

They smoulder inwardly and but bide their time– SMD

***

487
The glorious once of wrath enkindled make no outward show,
At once; they bide their time, while hidden fires within them glow.
The wise will not immediately and hastily shew out their anger; they will watch their time, and restrain it within. – GUP

***

487.The wise jut not their vital fire
They watch their time with hidden ire– SB.   

***

487.The wise do not straightway fly into a passion, but possess their soul in in patience biding their time- EVS

***

487. பொள்ளென ஆங்கே புறம்வேரார் காலம்பார்த்து
உள்வேர்ப்பர் ஒள்ளி யவர்.

XXXXXXXXXXXXXXXXXXXXXXXXXXXX

488.Be humble towards your adversary, bide your time, strike the blow at right hour and then lay low the enemy– ANM+2

***

488.Be courteous and even obsequious before your enemy,

When the time comes, he will bow before you– SMD

***

488
If foes’ detested form they see, with patience let them bear;
When fateful hour at last they spy,- the head lies there.
If one meets his enemy, let him show him all respect, until the time for his destruction is come; when that is come, his head will be easily b rought low. – GUP

***

488.Bear with hostiles when you meet them
Fell down their head in fateful time– SB.           

***

488.Boe to your foe when you see him; for when the time of his end is seen, his fall would be headlong- EVS

***

488. செறுநரைக் காணின் சுமக்க இறுவரை
காணின் கிழக்காம் தலை.
XXXXXXXXXXXXXXXXXXXXXXXXXXXX

489.When you stumble upon a lucky chance, seize it and achieve the impossible– ANM+2

***

489.Opportunity occurs but rarely; but when it does,

It is the right time to attempt even the impossible– SMD

***

489
When hardest gain of opportunity at last is won,
With promptitude let hardest deed be done.
If a rare opportunity occurs, while it lasts, let a man do that which is rarely to be accomplished (but for such an opportunity). – GUP

***

489.When comes the season ripe and rare
Dare and do hard things then and there. – SB.

***

489.When a rare opportunity offers itself, accomplish forthwith the design that is difficult- EVS

***
489. எய்தற் கரியது இயைந்தக்கால் அந்நிலையே
செய்தற் கரிய செயல்.
XXXXXXXXXXXXXXXXXXXXXXXXXXXX

490.When the tide is against you, feign inaction like the heron that waits with the folded wings; but when the tide is on launch with all the celerity of the crane seizing its prey– ANM+2

***

490.Bide your time in the manner of the stork waiting for its suitable prey,

But when the prey is spotted, act with swift and sure aim– SMD

***
490
As heron stands with folded wing, so wait in waiting hour;
As heron snaps its prey, when fortune smiles, put forth your power.
At the time when one should use self-control, let him restrain himself like a heron; and, let him like it, strike, when there is a favourable opportunity. – GUP

***

490.In waiting time feign peace like stork
In fighting time strike like its peck– SB.            
***    

490.In adverse time feign peace and wait like a heron. Strike like its peck when the time is opportune – EVS

***

490.Be like the heron when it is time for lying low;

But like its strike, when time for action comes–HAP

***
10. கொக்கொக்க கூம்பும் பருவத்து மற்றதன்
குத்தொக்க சீர்த்த இடத்து.

—subham—

Tags- Echo of Panchatantra Stories! Tirukkural Encyclopaedia -Chapter 49- Right Time காலமறிதல்

WRITTEN BY S NAGARAJAN

Post No. 16,330

Date uploaded in London – 22 October 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx

லலிதா சஹஸ்ர நாம பாராயணத்தால் ஏற்படும் பலன்கள் என்ன? – 1

ச. நாகராஜன்

லலிதா சஹஸ்ர நாமத்தில் ஆயிரம் நாமங்கள் உள்ளன. இதை பாராயணம் செய்வதால் ஏற்படும் பலன்களை சஹஸ்ர நாமத்தில் உள்ள உத்தரபாகத்தில் பலச்ருதி பாகம் கூறுகிறது.

பலச்ருதியில் 87 ஸ்லோகங்கள் உள்ளன. அதைச் சுருக்கமாக தமிழில் கீழே பார்க்கலாம். மூலத்தில் சம்ஸ்கிருத ஸ்லோகங்கள் உள்ளன.

ஸ்லோகம் 1

இந்த மாதிரியாக இந்த ஆயிரம் நாமங்களானது, ஹே கடோத்பவ, உனக்குச் சொல்லப்பட்டது.

(ஶ்ரீ ஹயக்ரீவர் கடோத்பவர் என்று அழைக்கப்படும் அகத்திய முனிவருக்குக் கூறியது லலிதா ஸஹஸ்ர நாமம்.)

ஸ்லோகம் 2

ரகசியங்களுக்கெல்லாம் ரகசியமானதும் லலிதாம்பிகைக்குப் பிரியமானதுமான இதற்குச் சமமான ஸ்தோத்திரம் இருந்ததில்லை. இனி இருக்கப்போவதுமில்லை.

ஸ்லோகம் 3

(இந்த ஸஹஸ்ர நாம ஸ்தோத்திரமானது) சகல வியாதிகளையும் அடக்கி விடும். சமஸ்தமான சம்பத்துகளையும் விருத்தி செய்யும். சகல விதமான அகால மிருத்யுவையும் அடக்கி விடும். காலக்ரமத்தில் ஏற்படக்கூடிய மரணத்தையும் நீக்கி விடும்.

ஸ்லோகம் 4

சகலவிதமான ஜுரங்களால் ஏற்படும் கஷ்டங்களை நீக்கி விடும். தீர்க்கமான ஆயுளைக் கொடுக்கும். குழந்தை இல்லாதவர்களுக்கு புத்ர சம்பத்தைக் கொடுக்கும். புருஷார்த்தத்தையும் நல்கும்.

ஸ்லோகம் 5

இப்படி ஶ்ரீ தேவியின் ப்ரீதியை விசேஷமாகக் கொடுக்கும் இந்த ஸ்தோத்திரத்தை லலிதோபாஸனையில் ஈடுபட்ட பக்தனானவன் தினந்தோறும் சர்வ ப்ரயத்னத்துடன் ஜபம் செய்ய வேண்டும்.

ஸ்லோகம் 6

காலையில் ஸ்நானத்தை முடித்து விட்டு விதிப்படி சந்தியாவந்தன கர்மாவை முடித்து விட்டு பிறகு பூஜை அறைக்குச் சென்று ஶ்ரீ சக்ரத்தை நன்கு அர்ச்சனை செய்ய வேண்டும்.

ஸ்லோகம் 7

அம்பாளுடைய வித்யையை ஆயிரம், அல்லது முந்நூறு, அல்லது நூறு தடவையாவது ஜபம் செய்து, பிறகு இந்த ரகசிய நாம சஹஸ்ரத்தைப் படனம் செய்ய வேண்டும்.

(இங்கு வித்யை என்பது பஞ்சதசீ அல்லது ஷோடசீ-யைக் குறிக்கும்)

ஸ்லோகம் 8

நல்ல அறிவுடைய ஒருவன் தனது ஆயுளுக்குள் ஒரு தடவையாவது இந்த மாதிரி கீர்த்தனம் செய்தால் அதனால் அவனுக்கு ஏற்படும் புண்ய பலனைச் சொல்கிறேன். ஹே! கும்பஸம்பவ! கேள்!!

(இங்கு கும்பஸம்பவ என்பது அகத்தியரைக் குறிக்கிறது)

ஸ்லோகம் 9

கங்கை முதலான சகல புண்ய தீர்த்தங்களில் ஒருவன் கோடி ஜன்மங்களில் ஸ்நானம் செய்தாலும், அவிமுக்த க்ஷேத்திரத்தில் ஒருவன் கோடி லிங்கங்களை பிரதிஷ்டை செய்தாலும்,

(காசியில் காசீ, வாராணஸீ, அவிமுக்தம், அந்தர்க்ருஹம் என்று நான்கு ஸ்தானங்கள் உள்ளன.)

ஸ்லோகம் 10

குருக்ஷேத்ரத்தில் சூரிய கிரஹணத்தின் போது கோடி பாரம் எடையுள்ள தங்கத்தை ச்ரோத்ரியர்களான பிராமணர்களுக்கு கோடித் தடவைகள் தானம் செய்தாலும்

(100 பலம் = ஒரு துலாம், 20 துலாம்= ஒரு பாரம்)

ஸ்லோகம் 11

கங்கைக் கரையில் கோடி அச்வமேத யாகங்களை ஒருவன் செய்தாலும், நிர்ஜலமாயிருக்கும் பாலைவன பிரதேசத்தில் கோடிக் கணக்கான கிணறுகளை வெட்டி வைத்தாலும்,

ஸ்லோகம் 12

பிக்ஷை துர்லபமாக இருக்கு துர்பிக்ஷகாலத்தில் பரம சிரத்தையுடன் கோடி பிராமணர்களுக்கு போஜனம் போட்டு அப்படி பன்னீராயிரம் வருடங்கள் செய்தாலும்,

ஸ்லோகம் 13

அந்த புண்ணியத்தின் கோடி மடங்கானதும், அனுத்தமமானதுமான புண்யத்தை இந்த ரகசிய நாம ஸாஹஸ்ரத்தில் இருக்கும் ஒரு நாமத்தைச் சொன்னாலேயே அடையலாம்.

ஸ்லோகம் 14

யாராயினும் ஒருவன் இந்த ரகசிய நாம சஹஸ்ரத்தில் ஒரு நாமத்தைச் சொன்னாலும் கூட அதனால் அவனுடைய மகத்தான பாபங்களும் நசித்துப் போகின்றன. அதில் சந்தேகமே இல்லை.

ஸ்லோகம் 15

நித்ய கர்மாக்களை அனுஷ்டிக்காமல் இருந்தாலும், நிஷித்தமான கர்மாக்களைச் செய்தாலும், அவற்றால் மனிதர்களுக்கு எந்த பாவம் ஏற்பட்டாலும் அதெல்லாம் உடனே நாசமடைகிறது.

**                   (தொடரும்)

Written by London Swaminathan

Post No. 16,329

Date uploaded in London – 21 October 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx

தன்னேரில்லாத தமிழ் அதன் சுயம் பிரகாசத்திலேயே ஒளிவிடும்

“ஓங்கலிடை வந்து உயர்ந்தோர் தொழ விளங்கி

ஏங்கொலிநீர் ஞாலத்து இருள் அகற்றும் – ஆங்கவற்றுள்

மின்னேர் தனியாழி வெங்கதிரொன்று; ஏனையது

தன்னேர் இலாத தமிழ்!”

– தண்டி அலங்காரப் பாடல்

எல்லோரும் காயத்ரீ மந்திரம் சொல்லி வணங்கும் சூரியனும் தமிழும் ஒன்று; சூரியன் ஒளி வீசுவது போல தமிழ் மொழியும் ஒளிவீசும்; சூரியன் உள்ளவரை தமிழும் இருக்கும் என்பது பாடலின் பொருள்.

xxxx

முத்தீ

தமிழ்த் துளி WEBSITE சொல்கிறது:–

புறநானூறு 367

சேரமான் மாரிவெண்கோ

பாண்டியன் கானப்பேர் தந்த உக்கிரப் பெருவழுதி

சோழன் இராசசூயம் வேட்ட பெருநற்கிள்ளி

மூவேந்தரும் சேர்ந்திருந்த காட்சியைக் கண்டு ஔவையார் வாழ்த்துகிறார்.

பார்ப்பார் முத்தீ வளர்ப்பர். (சமையல் தீ, வேள்வித் தீ, விளக்குத் தீ) இந்த மூன்று தீயும் ஓரிடத்தில் இருப்பது போல மூன்று வேந்தர்களும் ஓரிடத்தில் இருக்கிறீர்கள்.

XXX

இதைப்படித்தால் முட்டாள் ஆவது உறுதி ; பிராமணர் இல்லாத அரைவேக்காடுகள் எழுதினால் இப்படித்தான் வரும் !

முத்தீ என்பது

சங்கப் பாடல்களில் அந்தணர்கள் அல்லது இருபிறப்பாளர்கள் (இருமுறை பிறந்தவர்கள் எனக் கருதப்படுபவர்கள்) தங்களின் அன்றாட வேள்விக் கடமைகளுக்காக இந்த மூன்று தீ வளர்ப்பதை முதன்மையாகக் குறிப்பிட்டுள்ளனர்.

மூன்று வகை ‘தீ’ க்கள்

1. காருகபத்தியம் (Gārhapatya): குடும்பத் தலைவனால் எப்போதும் அணையாமல் பாதுகாக்கப்படும் இல்லத்துத் தீ.

2. ஆகவனீயம் (Āhavanīya): தேவர்களுக்கு அவிசு (உணவு) வழங்குவதற்காகக் கிழக்கே வளர்க்கப்படும் வேள்வித் தீ.

3. தட்சிணாக்கினி (Dakṣiṇāgni): தெற்குத் திசையில் பித்ருக்களுக்கு (முன்னோர்களுக்கு) வழிபாடுகள் செய்ய வளர்க்கப்படும் தீ.

சங்க இலக்கியச் சான்றுகள்

• புறநானூறு (பாடல் 367): “இருபிறப்பாளர் முத்தீப் புரைய” என்ற வரி, அந்தணர்கள் வளர்க்கும் முத்தீயைப் போல மன்னனும் சிறப்புற்று விளங்க வேண்டும் என்பதை ஒப்பிட்டுக் கூறுகிறது.

• பரிபாடல் (பாடல் 5): நான்மறை அந்தணர்கள் வேள்விச்சாலைகளில் முத்தீ வளர்த்து இறைவனை வழிபட்டதை விரிவாகக் குறிப்பிடுகிறது.

XXX

அந்தக் காலத்தில் தீப்பெட்டிகள் கிடையாது ; கோவில்கள் போன்ற இடங்களிலும் அரண் மனைகளிலும்  நந்தா விளக்கு இருந்தது ; அணையாமல் ஆண்டுக் கணக்கில் எரியும் விளக்குகள் இவை ; ஆனால் வீடுகளில் – குடிசை வீடுகளில் – பர்ண சாலைகளில் இப்படி வைத்தால் – தீ விபத்து ஏற்படும் என்பதற்காக உமிக்கரியை தீ மூட்டி வைத்திருப்பார்கள் ; அதிலிருந்து தேங்காய் நாரை வைத்து தீ மூட்டி எடுத்துக்கொண்டு அதை வெவ்வேறு காரியங்களுக்கும் பயன்படுத்தினார்கள் ; இதில் ஒரு தீ கல்யாண காலத்தில் ஒரு பானையில் எரிந்து கொண்டிருக்கும்.

பிராமணர் வீடுகளில் 3 வெவ்வேறு வடிவங்களில் (GEOMETRICAL SHAPES)  உள்ள இடங்களில் இந்தத் தீ எப்போதும் எரிந்து கொண்டிருக்கும் ; அடையாளம் தெரிய வேண்டும் என்பதற்காக இப்படி வெவ்வேறு வடிவங்களில் DIFFERENT GEOMETRICAL SHAPES  அக்கினி குண்டத்தை அமைத்தார்கள்; ஆனால் இது எப்போது மறைந்து போனது என்று தெரியவில்லை. எனக்குத் தெரிந்து ஒளபாசனப்  பானையிலிருந்து அக்கினி எடுத்து தினசரி ஹோமம் செய்ததைக் கண்டிருக்கிறேன் .முத்தீ அழிந்த காலம் ஆராய்ச்சிக்குரியது .

இதனுடைய ஸம்ஸ்க்ருதப் பெயர்களைக் கொடுக்கக்கூடாது என்பதாற்காக இப்படி சமையல் தீ அடுப்புத் தீ … என்ற உளறல்கள் !

இதைவிட முக்கியமானது இதை உ வே சா நூல்கள் முதலியவற்றில் காண முடிகிறது; முன் காலத்தில் வந்த சங்க இலக்கியச் சொல்லடைவில் காண முடியவில்லை.

xxxxxxxxxxxxxxxxxxxxxxxxxxxxxxxxxxxxxxxx

பேஸ் புக் திருடர்களும் பிளாக் திருடர்களும்

FACEBOOK THIEVES AND BLOG THIEVES

பேஸ் புக் – கும், பிளாக்-குகளும் அதிகமான அயோக்கியர்களை உண்டாக்கி வருகின்றன ; ஒரு ஆள் வெளியிட்டதை இன்னொரு ஆள் திருடி தன் பெயரில் வெளியிடுவதால் பொய்யாமொழிப் புலவர் யார் பொய்யே உருவான அயோக்கியபுலவர் யார் என்று கண்டு பிடிக்க முடிவத்தில்லை ; பலர் ஆண்டுக்கணக்கில் ஆராய்ந்து வெளியிட்ட தகவல்களைத் தன் பெயரில் போட்டுக்கொள்கிறார்கள் ; இன்னும் சிலர் மேலும் கீழும் சில வரிகளைச் சேர்த்தோ ஸ்பெல்லிங்க்குகளை மாற்றியோ தன் பெயர்களில் போடுகிறார்கள் ; ஒரு ஆள் இப்படி என் கட்டுரைகளைத் திருடி எழுதியபொழுது , கொஞ்சம கடுமையான சொற்களைப் பயன்படுத்தினேன் ; உன் குலமே அழிந்து விடும் உன்னைப்போல ஆட்களால் தமிழ் மொழியே அழிந்துவிடும் என்று ; உடனே ஒருவர் காமெண்ட் பாக்சில் COMMENT BOXL எழுதினார்  : என்ன சார் தப்பு : நல்ல விஷயத்தைத்தானே பரப்பினார் என்று !! காலம் கலியுகம் என்பது புரிகிறது ! இவர்கள் எல்லாம் ஒரு தாய்- ஒரு தகப்பனுக்குப் பிறந்தவர்கள் இல்லை என்பதை நான் சொல்லத் தேவை இல்லை !

கற்பழிக்கலாம்- கொலை செய்யலாம்- திருடலாம் – அதில் ஏதேனும் ஒரு நல்ல விஷயத்தைக் கண்டுபிடித்து நியாயம் கற்பிக்கலாம்!!!

நாள்தோறும் பேஸ்புக்கில் பல்லாயிரக்கணக்கான திருடர்களை பார்க்கிறேன்

நானும் படங்களை பல இடங்களிலிருந்து எடுப்பதால் முதலில் ஒரு டிஸ்க்ளைமர் DISCLAIMER போட்டு இருக்கிறேன் – படங்களை நான் பல இடங்களில் இருந்து எடுத்திருக்கிறேன்; அறிவைப் பரப்புவதற்காக ; ஏனென்றால் என்னுடைய பிளாக் நான்-கமர்ஷியல்- NON-COMMERCIAL வணிக நோக்கு இல்லாதது-என்று  பல்லாயிரம் படங்களை நான் 16,500 கட்டுரைகளில் பயன்படுத்தியதற்கு இரண்டே ஆட்சேபணைகள் வந்தன; உடனே மன்னிப்பு கேட்டுக்கொண்டு படங்களை அகற்றினேன்; அவர்களுக்கும் என்னுடைய டிஸ்க்ளைமரையும் சுட்டிக்காட்டி இதைச் செய்தேன்.

இவ்வளவு பீடிகை போட்டது எதற்காக என்றும் சொல்லி விடுகிறேன். .

திருக்குறளை ஒரு வெப்சைட்டிலிருந்து காப்பி அடிப்பவர்கள் , அந்த வெப்சைட்டில் தவறு இருந்தால் அதைத் திருத்தாமல்– பல ஆண்டுகளுக்கு — அப்படியே வைத்திருக்கிறார்கள் ! முதல் முதலில் இதைப் பார்க்கும் ஒரு மாணவன் இதை அப்படியே காப்பி அடித்து தேர்வு எழுதினால் என்ன ஆகும்?

xxxxxxxxxxxxxxxxxxxxxxxxxxxxxxxxxxxxxx

புறநானூறு சங்க கால நூல் அல்ல !

பரிபாடல் , திருமுருகாற்றுப்படை , சிலப்பதிகாரம் ஆகிய மூன்று நூல்களிலும் கடவுள் பற்றி நிறைய விஷயங்கள் வருவதாலும் புதிய ஸம்ஸ்க்ருதச் சொற்கள்  பயிலப்படுவதாலும் அவை காலத்தால் பிற்பட்டவை என்று சில அறிவிலிகள் எழுதியுள்ளனர் .

பொதுவாக ஒரு விஷயத்தை நாம் ஒப்புக்கொள்ளத்தான் வேண்டும் ; எல்லா புலவர்களும் எல்லாப் பாடல்களும் ஒரே காலத்தில் தோன்றியிருக்க முடியாது ; ஆனால் இவர்கள் சில விஷயங்களை மறந்துவிடுகிறார்கள் அல்லது மறைத்துவிடுகிறார்கள்.

அது என்ன?

ஆங்கில மொழியை எடுத்துக்கொண்டால் , அது சுமார் ஆயிரம் ஆண்டு பழமை உடையதுதான் ; அதில் சமையல் விஷயங்களைக் குறிப்பிடும்போது பிரெஞ்சு மொழிச் சொற்களும் சங்கீதம் பற்றி எழுதும்போது இத்தாலிய மொழிச் சொற்களும் விஞ்ஞான விஷயங்களை விளக்கும்போது லத்தீன் அல்லது கிரேக்க மொழிச் சொற்களும் அதிகம் வரும் ; இதே போல சமய சம்பந்தமான விஷயங்களைத் தமிழில் எழுதும்போது அதிகமான ஸம்ஸ்க்ருதச் சொற்கள் இடம்பெறும் என்பதை அறிதல் வேண்டும் ;

காரணம் என்ன?

தமிழ் மொழியில் நூல்கள் தோன்றுவதற்கு முன்னரே நீண்ட காலத்துக்கு சம்ஸ்க்ருதத்தில் வேதங்கள் உபநிஷத்துக்கள், இதிகாசங்கள்  முதலியன உள்ளன  .

புதிய கருத்துக்களை வெளியிடுவதில் தவறில்லை. ஆனால் பழைய  கருத்துக்களை அவர்கள் மறுப்பது ஏன் என்று விளக்க வேண்டும் ;அவ்வாறு செய்யாமல் ஒரு சார்புக் கருத்துக்களை தமிழ் பீடைகள் — அதாவது பீடியாக்கள் வெளியிடுகின்றன; இதற்குப் பெயர் மூளைச் சலவை ! BRAIN WASH!

பாற்கடலைக் கடைந்து அமிர்தம் வரும் செய்தி பரிபாடலில் வருவதால் அது எல்லாம் ஏழாம் நூற்றாண்டு நூல் என்று ஒரு வெளிநாட்டுத் தமிழ் அறிஞர் சொல்கிறார் என்று மட்டும் பீடியாக்களில் வெளியிடுகின்றனர் ! சங்கத் தமிழ் நூல்களிலும் பிற்கால நூல்களான திருக்குறள் போன்றவற்றிலும் இந்திரர் அமுதம், அமிழ்தம் என்றெல்லாம் பார்க்கிறோம்; ஆகவே அமிழ்தம் கிடைத்த செய்தி சங்க காலத்திலேயே தமிழ் மக்களுக்கு நன்றாகத் தெரியும் என்பதையும் சொல்ல வேண்டும் .

இன்னும் சிலர் தாலி பற்றிச் சொல்லவில்லை , அதைப்பற்றி சொல்லவில்லை இதைப்பற்றி சொல்லவில்லை என்றெல்லாம் ஆராய்ச்சிக் கட்டுரைகளை எழுதுகிறார்கள் ; அதே வாதத்தை எடுத்துக்கொண்டால் கங்கை நதி பற்றி நிறைய இடங்களில்  சொன்ன புலவர்கள் ஏன்  சிந்து நதி பற்றிச் சொல்லவில்லை, ஏன் புத்தர் -மகாவீரர் பற்றிச் சொல்லவில்லை என்ற கேள்விகளையும் ஆராய வேண்டும் ; சுருங்கச் சொன்னால் NEGATIVE EVIDENCE  நெகட்டிவ் எவிடென்ஸ் ஒரு சாட்சியம் ஆகாது.

XXXXX

இலக்குவனார் மெத்தர்ட் METHORD / சூழ்ச்சி

எதை  எல்லாம் விளக்க முடியவில்லையோ அதை எல்லாம் இடைச் செருகல் , ஆரிய பார்ப்பனர் சூழ்ச்சி என்று முத்திரை குத்திவிடு –என்பதாகும் இப்படிக்குத்தினால் பல நூல்களுக்கு காலமே சொல்ல முடியாது!

வையாபுரிப்பிள்ளை மெத்தர்ட் / சூழ்ச்சி

எல்லா மறுப்புகளுக்கும் சமண நூல்களிலிருந்து ஆதாரம் எடுத்துக்கொடு; அந்த நூல்களின் காலத்தைச் சொல்லாதே.

இவர் அவர் இல்லை; அவர் இவர் இல்லை என்று ஒரு அணுகுண்டு போடு !

அந்துவானார் என்ற பரிபாடல் புலவரை , புறநானூற்றுப் புலவரான மருதன் இளநாகன் குறிப்பிடுகிறார் . பரிபாடல் ஏழாம் நூற்றாண்டு என்றால் புறநானூறும் ஏழாம் நூற்றாண்டு ஆகிவிடும் . மருதன் இளநாகன் எழுதிய சுமார் 75 பாடல்கள் சங்க இலக்கியத்தில் உள்ளன ; அதைச் சுட்டிக்காட்டினால், அவர் இவர் இல்லை; அவர் வேறு இவர் வேறு என்று ஒரு புது குண்டு THROW A NEW BOMB SHELL போடு .

இப்படியெல்லாம் பித்தலாட்டம் வரும் என்று சிந்தித்துதான் சங்க நூல்கள் பதினெட்டுக்குப் பின்னர், சங்கம் மருவிய காலத்தில் ஐம்பெரும் காப்பியங்களையும் திருக்குறள் உள்ளிட்ட பதினெட்டு கீழ்க்கணக்கு நூல்களையும் பிரித்துவைத்தார்கள் .

கருத்து வேறுபாட்டுக்கு இடம் உண்டு ஆனால் பழைய விஷயங்களை மறைப்பதற்கு இடம் இல்லை .

100 ஆண்டுகளுக்கு முன்னர் வெளியான அத்தனை திருக்குறள் புஸ்தகங்களிலும் திருவள்ளுவர் பற்றிய கதை உள்ளது ; அதை எழுதி மறுக்கலாம் ; தவறில்லை; அதற்காகத் திருவள்ளுவரின் பூணூலையும் தொல்காப்பியரின் பூணூலையும் அறுத்துப் புதுப்படம் போடத்தேவை இல்லை ( தொல்காப்பியர் பற்றிய ஒரே கதை 700 ஆண்டுக்கு முந்தைய நச்சினார்க்கினியர் உரையில் மட்டுமே உள்ளது ; அவர் தொல்காப்பியர் பிராமணர் என்கிறார் !

ஒரு பொருளைக் குறிப்பிடாததால் அதை இல்லை என்று எண்ணிவிடக்கூடாது என்பதை விளக்க நான் முன்னரே நீண்ட கட்டுரையில் எடுத்துக்காட்டுகளைக் கொடுத்துவிட்டேன் .

தொல்காப்பியத்தின் காலத்தை எப்படியாது பாணிணிக்கு முன்னர் காட்ட வேண்டும் என்று தடித்த புத்தகங்களை எழுதிய பரிதாபத் கேசுகளை மனதிற்கொண்டு இதை எழுதுகிறேன் .

வள்ளலாரும் வடலூர் அயோக்கியர்களும் !

வடலூருக்கு சில முறை சென்று வள்ளலார் கோவிலைத் தரிசித்து இருக்கிறேன்; அதைச் சுற்றி பிரம்மாண்டமான வெற்றிடம் உள்ளது அதைக் கமர்ஷியல் பிளாக்குகளாக மாற்றுவதாக வாக்குறுதி கொடுத்த அயோக்கியர்கள் அவர் தைப்பூச நாளை விடுமுறை நாளாக   அறிவிக்கத்தூண்டினார்கள் திராவிடர்களும் அதைச் செய்தார்கள் ; அவர்களுக்குப் போட்ட லஞ்சம் : கமர்ஷியல் பிளாக் கான்டராக்ட் ETC ; அதைக்கூடப் பொறுத்துக் கொண்டுவிடலாம் போலிருக்கிறது; வள்ளலார் நெற்றியில் இருந்த விபூதியை அழித்து, புதிய வள்ளுவர்  படம் போல விபூதி இல்லாமல் இந்த அயோக்கியர்கள் படம் வெளியிட்டுள்ளார்கள் ! புதிய திருவருட்பா புஸ்தகத்தை வடலூர் ஷாப்பிலிருந்து வாங்கி வீட்டுக்கு வந்தபின்னர்தான் உற்று நோக்கினேன்; வள்ளலார் முகத்தில் விபூதி இல்லாமல் ஏசு கிறிஸ்து ஆக்கிவிட்டார்கள்; நல்ல வேளையாக அயோக்கியர்களின் திட்டத்தை எதிர்த்து சிலர் போர்க்கொடி தூங்கியதால் நிறுத்திவைக்கப்பட்டதாகக் கேள்வி .

வள்ளலார் முகத்தில் விபூதி இல்லாத புதிய படங்களை வாங்காதீர்கள்; அவை அயோக்கியர்கள் வெளியிட் டபடங்கள்; எல்லா பழைய படங்களிலும் விபூதி இருக்கும் ; இதையே வள்ளுவர் படத்துக்கும் இந்துக்கள் கடைப்பிடிக்க வேண்டும் !

xxxxxxx

தன்னேரில்லாத தமிழ் அதன் சுயம் பிரகாசத்திலேயே ஒளிவிடும் ஆராய்ச்சிக் கட்டுரைகள் தேவை இல்லை !

“ஓங்கலிடை வந்து உயர்ந்தோர் தொழ விளங்கி

ஏங்கொலிநீர் ஞாலத்து இருள் அகற்றும் – ஆங்கவற்றுள்

மின்னேர் தனியாழி வெங்கதிரொன்று; ஏனையது

தன்னேர் இலாத தமிழ்!”

– தண்டி அலங்காரப் பாடல்

எல்லோரும் காயத்ரீ மந்திரம் சொல்லி வணங்கும் சூரியனும் தமிழும் ஒன்று; சூரியன் ஒளி வீசுவது போல தமிழ் மொழியும் ஒளிவீசும்; சூரியன் உள்ளவரை தமிழும் இருக்கும் என்பது பாடலின் பொருள்.

—SUBHAM—

TAGS- தமிழ் மொழி பிழைக்குமா?, விஷ ஊசி,   Part 3, விபூதி இல்லாத , வள்ளலார், முத்தீ, ஆரிய பார்ப்பனர் சூழ்ச்சி,

Written by London Swaminathan

Post No. 16,328

Date uploaded in London – 21 October 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx

இதற்கு முன்னர் வெளியிட்ட 140 கேள்விகளும், விடைகளும்  எனது பிளாக்குகளில் எப்போதும் கிடைக்கும்.

ஜடாயுவும் ராமனும் ஒருவரை ஒருவர் அறிமுகப்படுத்தி முடிந்தவுடன் விடைபெற்றுக்கொண்டு, கோதாவரி நதிக்கரைக்கு வந்தனர் ; அதாவது தென்னிந்தியாவுக்குள்  நுழைந்தனர் ; இவ்வளவு தூரம் வருவதற்கு அவர்கள் பத்து ஆண்டுகளுக்கும் மேலாக எடுத்துக் கொண்டனர்.

141

கோதாவரி நதியைக் கம்பன், சான்றோரின் கவிதைக்கு ஒப்பிட்டதில் உள்ள சிலேடை என்ன?

142

பஞ்சவடியில் (பஞ்ச வட= ஐந்து ஆலமரம்) லெட்சுமணன் அமைத்த குடிசையில்  ராமன் தங்கவே சூர்ப்பனகை வந்தாள்; அவளை முதல் பாடலிலேயே “பிறக்கும்போதே தோன்றிய வியாதி” என்கிறான் கம்பன் ; மேலும் ராவணனுக்கு “சாவு மணி அடிக்கப்போகிறாள்” என்று சினிமா டைரக்டர் போல அறிமுகப்படுத்தியது எங்ஙனம்?

143

ராமனைக் கண்ட சூர்ப்பணகை அவனை மன்மதனோ, சிவ பெருமானோ, விஷ்ணுவோ என்று எண்ணி இல்லை, இல்லை, இல்லை என்று முடிவு செய்தது எப்படி?

144

அரக்கி உருவம் கொண்ட சூர்ப்பணகை லட்சுமி மந்திரம் சொல்லி பேரழகி ஆனாள்; அவளுடைய அன்ன நடையைக் கம்பன் பாட்டிலே காணலாமா ?

.     பஞ்சி ஒளிர், விஞ்சு குளிர்

பல்லவம் அனுங்க,

செஞ் செவிய கஞ்சம் நிகர்,

சீறடியள் ஆகி,

அம் சொல் இள மஞ்ஞை என, அன்னம்

என, மின்னும்

வஞ்சி என, நஞ்சம் என, வஞ்ச

மகள் வந்தாள்.

(பாட்டின் பொருளை விடைகள் பகுதியில் காண்க)

145

சூர்ப்பணகையைக் கண்ட ராமன் அழகிற்கு அவதி உண்டோ – இவள் அழகிற்குஎல்லை உள்ளதோ?- என்று வியந்தது ஏன்?

146

நான் யார் தெரியுமா ? தமிழ் நாட்டு முதலமைச்சர் மகள் என்று சூர்ப்பணகை சொன்னாளா ?அல்லது உத்தரப்பிரதேச எம்.பி யின் மகள் என்று சொன்னாளா ? அல்லது லோக்கல் எல் எல் ஏ புதல்வி என்று சொன்னாளா ? எப்படித் தன்னை INTRODUCE இன்ட்ரொட்யூஸ் பண்ணிக்கொண்டாள்?

147

ஏ பெண்ணே ! பெத்த பெத்த பெயரையெல்லாம் செப்புறாயே !  ஹெலிகாப்டரைக் காணோம்; ரோல்ஸ்ராய் காரையும் காணோம் ; இப்படித் தனியா வந்தது எப்படின்னு ராமன்  வினவவே அப்பேரழகி யின் விடை என்ன?

148

ஐ லவ்  யூ I LOVE YOU ன்னு பெண்கள் சொல்ல மாட்டாங்க ; நீயே புரிஞ்சுக்கோப்பா – என்று ராமனிடம் சூர்ப்பணகை கோடி காட்டியது எப்படி?

149

சூர்ப்பணகையிடம் ஓ பியூட்டி ! சுந்தரி ! நீ பாப்பாத்தி ; நானோ க்ஷத்ரியன் என்று ஜாதி வேறுபாட்டைச் சொல்லி ராமன் தப்பிக்க முயன்றானா ?

150

ராமன் ஜாதி வித்தியாசத்தைக் காட்டி மறுத்தவுடன் சால கடங்கடர்  கதை சொன்னாளே சூர்ப்பணகை ; அது என்ன கதை ?

XXXXXXXXXXXXXXXXXXXXXXXXXXXXXXXXXXXXX

விடைகள்

141.புவியினுக்கு அணிஆய், ஆன்ற பொருள்

தந்து, புலத்திற்று ஆகி

அவி அகத் துறைகள் தாங்கி,

ஐந்திணை நெறி அளாவி,

சவி உறத் தெளிந்து, தண்ணென்

ஒழுக்கமும் தழுவி, சான்றோர்

கவி எனக் கிடந்த கோதாவரியினை

வீரர் கண்டார்.

பூமிக்கு ஓர் அணிகலன் போன்று அழகூட்டுவதாய் அமைந்து, சிறந்த பொருள்களைக் கொடுத்து,வயல்களுக்குப் பயன்படுவதாக ஆகி, தன்னுள் அமைந்த பல நீர்த் துறைகளைக் கொண்டு, குறிஞ்சி-முல்லை- பாலை- மருதம்- நெய்தல் எனும் ஐந்து நிலப்பகுதி வழிகளில் பரவிச் சென்று, செவ்வையாய் தெளிவுடையதாகி  குளிர்ந்த நீரோட்டமும் உடையதாய் கல்வியில் நிறைந்த பெரியோரின் செய்யுள் போல் விளங்கிய கோதாவரி எனும் ஆற்றை இராமலக்குவராம் வீரர்கள் பார்த்தனர்.

இதையே கவிதையிலும் காணலாம் :

உலக மக்களுக்குப் பல அலங்காரமாகி, சிறந்த அறம், பொருள், இன்பம், வீடு ஆகிய உறுதிப் பொருள்களை உணர்த்தி,அகப் பொருள் துறைகளை ஏற்று,  குறிஞ்சி முல்லை பாலை மருதம் நெய்தல் எனும் ஐந்து அக ஒழுக்கங்கள் விரவப் பெற்று ,பொருள் தெளிவுற அமைந்து நல்லொழுக்கத்தையும் உணர்த்தி,  புலமையால் நிறைந்தவர் செய்யுள்போல ;

செய்யுளிலும் அணி, துறை, 5 திணைகள் , நல்ல பொருள் , ஒழுங்கு என்பன உண்டு ; ஆக இரு பொருள்படும்படி ஆறு = கவிதை என்று இயம்பினான் கம்பன் !

இதற்கான ஆதாரம் நன்னூல்  என்னும் பிற்கால இலக்கண நூலின் சூத்திரத்தில் உள்ளது

‘ஆறில்லா ஊருக்கு அழகு பாழ்’ என்பதற்கேற்பப் புவியினுக்கு அணியாக அமைகிறது. நிலமகள் மார்பிற்கு ஆரம் போல் பொலிகிறது; எனலுமாம். ஆன்ற பொருள் – மலைபடு பொருளாம் தேக்கு, சந்தனம் ,அகில் பலவகை மணிகள்

இனிச் சான்றோர் கவி பற்றிக் காணும்போது அணி என்பதை நன்னூலாரும் வல்லோர் அணி பெறச் செய்வன செய்யுள் (நன். 268) என்ற நூற்பாவால் உணர்த்துவர்.  தண்ணென் ஒழுக்கம் என்பதற்கு மெல்லோசையுடன் தட்டுப்பாடு இன்றிச் செல்லும் இனிய நடைப் போக்கு என்பர்.

*********************

142.நம் எல்லோருக்கும் ராமாயணக் கதை தெரிந்ததால் சஸ் பென்ஸ் இல்லை ! கம்பன் ராமாயணம் தெரியாதோருக்கு எழுதுவது போல சஸ்பென்ஸ் வைக்கிறான் !

நீல மா மணி நிற நிருதர் வேந்தனை

மூல நாசம் பெற முடிக்கும் மொய்ம்பினாள்,

மேலைநாள் உயிரொடும் பிறந்து, தான் விளை

காலம் ஓர்ந்து, உடன் உறை கடிய நோய் அனாள்,

பாடலின் பொருள் இதோ :

நீல மா மணி நிற நிருதர் வேந்தனை – சிறந்த நீல ரத்தினம் போன்ற கருநிறமுடைய இராக்கதர் அரசனாம் இராவணனை; மூல நாசம் பெற முடிக்கும் மொய்ம்பினாள் – வேரோடு அழிவு அடையுமாறு சூழ்ச்சி செய்து அழிக்கும் வலிமை உடையவளும்; மேலைநாள் உயிரொடும் பிறந்து – உயிரோடு கூடவே தோன்றி; தான் விளை காலம் ஓர்ந்து – தான் செயல்பட வேண்டிய காலத்தை எதிர்பார்த்து, உடன் உறை கடிய நோய் அனாள் – அவ்வுயிரோடு தங்கும் கொடிய வியாதியைப் போன்றவளும்; (ஆகிய சூர்ப்பணகை)

(நிருதர் என்பவர் நிருதி எனும் தென்மேற்குத்

திசைக்குக் காவல் பூண்ட தெய்வத்தின் வழி வந்தவர் என்பர்.  உடன் பிறந்தே கொல்லும் வியாதி என்ற வழக்கிற்கேற்பச் சூர்ப்பணகையை ‘உடன் உறை கடிய நோய் அனாள்’ என்றார்.  இராவணனின் சகோதரி இவள்.

*********************

143.’சிந்தையின் உறைபவற்கு

உருவம் தீர்ந்ததால்;

இந்திரற்கு ஆயிரம்

நயனம்; ஈசற்கு

முந்திய மலர்க் கண் ஓர் மூன்று;

நான்கு தோள்,

உந்தியில் உலகு அளித்தாற்கு’

என்று உன்னுவாள்.

இராமனின் அழகைக் கண்டு வியந்த சூர்ப்பணகை ‘இவன் மன்மதனோ?’ என முதலில் ஐயுற்றாள். ‘மன்மதனுக்கு வடிவமில்லை. இவனோ வடிவுடையவன். எனவே இவன் மன்மதனன்று’ எனத் தெளிந்தாள்.

பின்னர் ‘இவன் இந்திரனோ, சிவனோ, திருமாலோ’ என ஐயுற்றபின் முறையே ஆயிரங் கண்ணும், மூன்று கண்ணும், நான்கு கையும் இல்லாததால் அவர்கள் இல்லை  எனத் தெளிந்தாள்.

*********************

144.பாட்டின் பொருள் இதோ :

பஞ்சி – செம்பஞ்சும், ஒளிர் விஞ்சு குளிர் பல்லவம் அனுங்க –

மிகச் செழித்த தளிர்களும் (செம்மையிலும் மென்மையிலும் தமக்கு ஒப்பாகாமல்) வருந்தும்படி; செஞ்செவிய கஞ்சம் நிகர் சீறடியள்

ஆகி – சிறந்த அழகுள்ள தாமரைக்கு ஒப்பான சிறிய பாதங்கள்

உடையவள் ஆகி; அம் சொல் இள மஞ்ஞை என – அழகிய

மயில் போலவும்; அன்னம் என – அன்னம் போலவும்; மின்னும் வஞ்சி என – விளங்குகின்ற வஞ்சிக் கொடி போலவும்; நஞ்சம் என- கொடிய விடம் போலவும்; வஞ்சமகள் வந்தாள்- வஞ்சனை புரியும் சூர்ப்பணகை அங்கு இராமன் முன் வந்தாள்.

( இதில் பல உவமைகள் மாலை போல் வந்ததால் மாலையுவமை அணியாம். இப் பாடலில் காணும் சந்த இன்பம் மெல்லொலி நயம்).

*********************

145.அழகிற்கு எல்லை இல்லை: கம்பன் கண்டுபிடிப்பு!

பேர் உழைய நாகர்-உலகில்,

பிறிது வானில்,

பாருழையின், இல்லது ஒரு

மெல் உருவு பாரா,

‘ஆருழை அடங்கும்? அழகிற்கு

அவதி உண்டோ?

நேரிழையர் யாவர், இவர் நேர்?’

என நினைத்தான்.

பேர் உழைய நாகர் உலகில் – பெரிய இடமுடைய நாகங்கள்

வாழும் பாதலத்திலும்; பிறிது வானில் – அதனில் வேறான சுவர்க்க

லோகத்திலும்; பார் உழையின் – நில உலகத்திலும்; இல்லது ஒரு மெல்உருவு பாரா – இல்லாததான ஒப்பற்ற மென்மை பொருந்திய பெண் வடிவைப் (இராமன்) பார்த்து; ஆர் உழை அடங்கும் – இவள் அழகு யாரிடத்து அமையும்?; அழகிற்கு அவதி உண்டோ – இவள் அழகிற்கு எல்லை உள்ளதோ?; நேரிழையர் யாவர் இவர் நேர் என நினைத்தான்– இவளுக்கு ஒப்பான மகளிர் யார் உள்ளார்? என்று எண்ணினான்.

(‘அழகிற்கு அவதி உண்டோ?’ என இங்குக் கேட்ட கேள்விக்கு விடை போலப் பின்னர் ‘அழகிற்கு எல்லை இல்லை ஆம்’ (2791) என்ற தொடர் பின்னர் வரும் ஒரு பாடலில் (2791)அமைந்துள்ளது.)

*********************

146.நான் யார் தெரியுமா ?

‘பூவிலோன் புதல்வன் மைந்தன்

புதல்வி; முப்புரங்கள் செற்ற

சே-வலோன் துணைவன் ஆன செங்கையோன்

தங்கை; திக்கின்

மா எலாம் தொலைத்து, வெள்ளிமலை

எடுத்து, உலகம் மூன்றும்

காவலோன் பின்னை; காமவல்லி ஆம்

கன்னி’ என்றாள்.

பூவிலோன் புதல்வன் மைந்தன் புதல்வி – தாமரைப் பூவைத்தன் இருப்பிடமாய்க் கொண்ட பிரமன் மகனாம் புலத்தியரின் மகன் விச்சிரவசுவின் மகள் ஆவேன்; முப்புரங்கள் செற்ற சேவலோன் துணைவன் ஆன செங்கையோன் தங்கை – திரிபுரங்களை எரித்து அழித்த காளை மீது ஏறிச் செலுத்தவல்லவனாம் சிவபெருமானின் நண்பனான சிவந்த கைகளை உடைய குபேரனின் தங்கை ஆவேன்; திக்கின் மாஎலாம் தொலைத்து வெள்ளிமலை எடுத்து உலகம் மூன்றும்

காவலோன் பின்னை – எட்டுத்திசைகளிலுள்ள யானைகளின் வலி எலாம் இழந்து ஓடச் செய்து வெள்ளி மயமான கயிலை மலையைப் பெயர்த்தெடுத்து மூன்று உலகங்களையும் காக்கும் திறம்படைத்த இராவணனின் பின் பிறந்த தங்கை ஆவேன்; காமவல்லி ஆம் கன்னி என்றாள் – காம வல்லி என்ற பெயரையுடைய கன்னி என்று கூறினாள்.

     (உத்தர காண்டத்தில் புலத்தியன் மகனாம் விச்சிரவசு என்பவன் சுமாலியின் மகள் கைகசியை மணந்து இராவணன், கும்பகர்ணன், சூர்ப்பணகை, வீடணன் ஆகியோரைப் பெற்றனன் என்பதை அறியலாம்.

வியாச பாரதமும் பெருந்தேவனார் பாரதமும் இதுபற்றி வேறுபட்ட

செய்தியைக் கூறும். அவற்றின் படி விச்சிரவசுவிற்கு மூன்று மனைவியர். அவருள் புட்போத்கடை என்பவளுக்கு இராவணனும் கும்பகர்ணனும் பிறந்தனர். மாலினிக்கு வீடணனும் இராகைக்குக் கரனும், சூர்ப்பணகையும் பிறந்தனர்.  )                                               

****************************

147.இப்படித் தனியா வந்தது எப்படின்னு ராமன்  வினவவே அப்பேரழகி யின் விடை :—

147.வீரன் அஃது உரைத்தலோடும்,

மெய்இலாள், ‘விமல! யான் அச்

சீரியரல்லார் மாட்டுச்

சேர்கிலென்; தேவர்பாலும்

ஆரிய முனிவர்பாலும் அடைந்தனென்;

இறைவ! ஈண்டு ஓர்

காரியம் உண்மை, நின்னைக் காணிய

வந்தேன்’ என்றாள்.

வீரன் அஃது உரைத்தலோடும் – வீரனாம் இராமன்

அவ்வார்த்தையைச் சொன்னவுடன்; மெய் இலாள் –

உண்மையில்லாதவளாம் சூர்ப்பணகை; (இராமனைப் பார்த்து) விமல யான்

அச்சீரியரல்லார் மாட்டுச் சேர்கிலென் – குற்றமற்றவனே! நான் அந்த நற்பண்பும் நற்செய்கையுமில்லாத அரக்கர்களோடு   சேர மாட்டேன் (என் வழி…. தனி வழி…..  என்று ரஜினி காந்த் ஸ்டைலில் பதில் சொன்னாள்) தேவர் பாலும் ஆரிய முனிவர் பாலும் அடைந்தனென் – தேவர்கள் இடத்தும் ,முனிவர்களிடத்தும் சேர்ந்துள்ளேன்; இறைவ ஈண்டு ஓர் காரியம் உண்மை நின்னைக் காணிய வந்தேன் என்றாள் – தலைவனே! இங்கு ஒரு செயல் எனக்கு ஆக வேண்டி இருப்பதால் உன்னைக் காண வந்தேன் என்று சூர்ப்பணகை சொன்னாள்.

********************

148.     ‘தாம் உறு காமத் தன்மை தாங்களே

உரைப்பது என்பது

ஆம் எனல் ஆவது அன்றால், அருங் குல

மகளிர்க்கு அம்மா!

ஏமுறும் உயிர்க்கு நோவேன்; என் செய்கேன்?

யாரும் இல்லேன்;

காமன் என்று ஒருவன் செய்யும் வன்மையைக்

காத்தி‘ என்றாள்.

காதல் வேட்கை வந்தால் பெண்கள் தாங்களே வெளிப்படையாகக் கூறுவது,   குலத்திற் பிறந்த பெண்களுக்குப்

பொருந்துவது அழகாகாது ;எல்லா இன்பத்தையும் அடையக் கூடிய உயிரோடு கூடி வாழ்வதற்காக வருந்துவேன், எனக்குத் துணையென யாரும் இல்லை   என்றாள்.  (சூர்ப்பணகை)

*****************

149 ஆமாம் அப்படித்தான் கம்பன் ஜாதி வித்தியாசத்தை இங்கே நுழை க்கிறான் :

நிந்தனை அரக்கி நீதி நிலை இலாள்;

வினை மற்று எண்ணி

வந்தனள் ஆகும்‘ என்றே வள்ளலும்

மனத்துள் கொண்டான்;

‘சுந்தரி! மரபிற்கு ஒத்த தொன்மையின்

துணிவிற்று அன்றால்,

அந்தணர் பாவை நீ; யான் அரசரில்

வந்தேன்‘ என்றான்.

அது கேட்ட இராமனும்; நிந்தனை அரக்கி நீதி

நிலை இலாள் – இவள் எல்லோரும் பழிக்கத்தக்க அரக்கி என்பதுடன் நியாய நெறியில் நில்லாதவள்; மற்று வினை எண்ணி வந்தனள் ஆகும் என்றே மனத்துள் கொண்டான் – வேறு ஒரு தீவினையைச் செய்ய நினைத்து இங்கு வந்தாள் ஆக வேண்டும் எனவே மனத்தினுள் முடிவாகக் கருதியவனாய்;

சுந்தரி – அழகிய பெண்ணே!

நான் மன்னர் குலத்தில் பிறந்தவன்; நீயோ அந்தணர் குலத்தில் பிறந்த பெண்; மரபினை மீறி மணம் முடிப்பது வழக்கம் இல்லையே என்றான்

(பண்டைய மரபுப் படி மேற் குலப் பெண்ணை மணத்தல் கூடாது. அந்தணர் பாவை என்றது சூர்ப்பணகையின் புலத்தியர் வழி மரபைக் குறித்ததாகும்).

********************

150.ராமன் ஜாதி வித்தியாசத்தைக் காட்டி மறுத்தவுடன்      சால கடங்கடர்  கதை சொன்னாள்; அந்தக் கதையாவது :-

‘ஆரண மறையோன் எந்தை; அருந்ததிக்

கற்பின் எம் மோய்,

தாரணி புரந்த சாலகடங்கட

மன்னன் தையல்;

போர் அணி பொலம் கொள் வேலாய்!

பொருந்தலை இகழ்தற்கு ஒத்த

காரணம் இதுவே ஆயின், என் உயிர்

காண்பென்’ என்றாள்.

போர் செய்தலே தனக்கு அணிகலமாகக் கொண்ட அழகிய வேலையுடையவனே! என் தந்தை வேதங்களை ஓதியுணர்ந்த விசிரவசு எனும் முனிவர்; அருந்ததி போன்ற கற்பிற் சிறந்த என் தாய், உலகை ஆண்ட சால கடங்கடர் என்னும் அரச குல மரபில் வந்த பெண்;

நீ இசையாமல் என்னை இகழ்ந்து ஏற்றுக் கொள்ளாததற்குத் தக்க காரணம்

இதுவே ஆனால் , என் உயிர்

அழியாமல் அதைப் பெற்றவள் ஆவேன் எனச் சூர்ப்பணகை சொன்னாள்.

இராமன்  ‘அந்தணர் பாவை’ என்று சொல்லி மறுத்தவுடன் சூர்ப்பனகை பிளேட்டை மாற்றிப்போட்டு நான் அரசன் வழி வந்தவள் என்கிறாள் ; ‘மணம் செய்து கொள்வானாயின் என் காம வேதனை தணிந்து பிழைத்திடுவேன்’ என்றாள். ‘என் உயிர் காண்பென்’ என்பதற்குச் ‘சாவேன்’ என்று பொருளுரைப்பாரும் உளர்.

சால கடங்கடர் மரபு – அரக்கர் குலத்தில் பிறந்த ஏதி என்பவன் மகன் வித்யுத் கேசன் என்பவன் சந்தியையின் மகளாம் சாலகடங்கடை என்பவளை மணந்து சுகேசனைப் பெற்றாள். அவன் மக்களாம் மாலியவான்,

சுமாலி, மாலி என்பவருள் சுமாலியின் மகள் கேகசி என்பவள் இராவணன், சூர்ப்பணகை முதலியோரைப் பெற்றனள். மேலும் சாலகடங்கடை பிள்ளையைப் பெற்றவுடன் தனியே விட்டு விட்டுக் கணவனுடன் சென்றாள். யாருமின்றிக் கிடந்த குழந்தையைச் சிவனும் உமையும் எடுத்து அதற்கு அப்போதே தாய்க்குச் சமமான பருவம் உண்டாக அருள் புரிந்து நீண்ட

ஆயுளையும் வானில் பறந்து செலும் நகரத்தையும் அளித்தனர். அது முதல் அரக்கர் மகளிர் விரைவிற் கருவுறலும், உடன் மகப்பெறலும், பிறந்த குழந்தை உடனே தாயின் ஒத்த பருவம் அடைதலும் ஆகிய பேற்றைப் பெற்றனர். காலங்காலமாகச் சாலகடங்கடர் ஆண்டு வந்ததால் அரச மரபினர் எனப்பட்டார்.

–subham—

Tags- கம்ப ராமாயணத்தில் 150 கேள்விகள், சூர்ப்பணகை

WRITTEN BY S NAGARAJAN

Post No. 16,327

Date uploaded in London – 21 October 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx

17-10-26 மாலைமலர் இதழில் வெளியாகியுள்ள கட்டுரை!

ராகு கேது தோஷம் போக்கும் தலம்: திருப்பாம்புரம்!

ச. நாகராஜன்

தேவாரத் திருத்தலங்கள் 276ல் சோழநாட்டில் உள்ள தென்கரைத் தலங்களில் 59வது தலமாக அமைந்துள்ளது பழம் பெரும் திருத்தலமான திருப்பாம்புரம். இத்தலத்தில் திருஞானசம்பந்தர் ஒரு பதிகத்தை அருளியுள்ளார்.

மாலினுக்கு அன்று சக்கரம் ஈந்து

மலரவற்கு ஒருமுகம் ஒழித்து

ஆலின் கீழ் அறம் ஓர் நால்வருக்கு அருளி

அனல் அது ஆடும் எம் அடிகள்

காலனைக் காய்ந்து தம் கழல் அடியால்

காமனைப் பொடிபட நோக்கிப்

பாலனுக்கு அருள்கள் செய்த எம் அடிகள்

பாம்புர நன் நகராரே

–    திருஞானசம்பந்தர்

தமிழ்நாட்டில் திருவாரூர் மாவட்டத்தில் திருவாரூரிலிருந்து 32 கிலோமீட்டர் தூரத்தில் அமைந்துள்ளது இந்தத் திருத்தலம்.

இறைவன் : பாம்புரேசுவரர், பாம்புரநாதர், சேஷபுரீஸ்வரர்

இறைவி : வண்டார்பூங்குழலி, வண்டுசேர் குழலி

தல விருட்சம் : வன்னி

தீர்த்தம்: ஆதிசேஷ தீர்த்தம்’

பாம்பு தொழுத தலமாதலால் இது பாம்புரம் என்ற பெயரைப் பெற்றது. ஆதி சேஷன் இத்தலத்தில் வழிபட்டதால் ராகு, தோஷம் நீங்கும் என்பதும் நாக தோஷம் நீங்கும் என்பதும் ஐதீகம்.

முன்பொரு சமயம் விநாயகர் கைலாயத்தில் சிவபிரானை வழிபட்டார். அப்போது சிவபிரானில் கழுத்தில் இருந்த  பாம்பு தன்னையும் வணங்குவதாக நினைத்து கர்வம் கொண்டது. இதனால் கோபமுற்ற சிவபிரான் அனைத்து பாம்புகளும் தங்கள் சக்தியை இழக்குமாறு சாபம் தந்தார். பாம்புகள் இறைவனிடம் சாபநிவர்த்தி வேண்ட அவர் பூலோகத்தில் சேஷபுரம் எனப்படும் திருப்பாம்புரத்தில் சிவராத்திரி நன்னாளன்று தன்னை வழிபட்டால் விமோசனம் கிடைக்கும் என்று அருள் பாலித்தார். அப்படியே அனைத்து பாம்புகளும் சிவராத்திரி தினத்தன்று இங்கு சிவனை வழிபட்டு விமோசனம் பெற்றன.

நாகராஜனான வாசுகியும் இன்னும் பல பாம்புகளும் சிவராத்திரி நன்னாளில் இரவில்  முதல் காலத்தில் கும்பகோணம் நாகேஸ்வரர் கோவிலிலும், இரண்டாம் காலத்தில் திருநாகேஸ்வரத்திலும் மூன்றாம் காலத்தில் திருப்பாம்புரத்திலும் நான்காம் காலத்தில் நாகூரிலும் வழிபட்டு பலனை அடைந்ததாகப் புராண வரலாறுகள் கூறுகின்றன.

அனந்தன், வாசுகி, தக்ஷன், கார்க்கோடகன், சங்கபாலன், குளிகன், பத்மன், மகாபத்மன் ஆகிய எட்டு நாகங்கள் இங்கு வழிபட்டு இறைவனின் அருளைப் பெற்றன.

ராகுவும், கேதுவும் இங்கு தனித்தனியாக இல்லாமல் ஏகசரீரியாக இருந்து இறைவனை தங்கள் நெஞ்சில் வைத்து வழிபட்டனர்.

கோவிலில், நுழைவாயிலை அடுத்து உள்ளே விநாயகர், நந்தி, பலிபீடம் உள்ளன. அடுத்து ராஜகோபுரம் அமைந்துள்ளது.  லிங்கத்திருமேனியாக மூலவர் சேஷபுரீஸ்வரர் காட்சி அளிக்கிறார். இந்த சந்நிதியை அடுத்து வண்டார்குழலி சந்நிதி உள்ளது. மூலவருக்கு வலது புறம் விநாயகரும் இடதுபுறம் சுப்ரமண்யரும் உள்ளனர்.

ராஜகோபுரம் மூன்று நிலைகளுடன் கிழக்கு நோக்கி காட்சி தர,  அதன் எதிரே ஆதிசேஷ தீர்த்தம் அமைந்துள்ளது.

இங்கு பாம்புகள் யாரையும் தீண்டுவதில்லை என்றும் இது விஷம் தீண்டாப் பதி என்றும் சொல்லப்படுகிறது.

2002ம் ஆண்டு மார்ச் மாதம் 21ம் தேதி இங்கு சந்நிதியைக் காலையில் திறந்த போது சுமார் ஏழரை அடி நீளமுள்ள பாம்புச் சட்டை இறைவன் திருமேனியில் காணப்பட்டது. அது இப்போது இறைவனின் பிரகாரத்தில் காட்சிக்காக வைக்கப்பட்டுள்ளது.

சர்ப்பதோஷம் உள்ளவர்களும், பிள்ளைப் பேறு இல்லாதவர்களும் இங்கு வந்து வழிபட்டால் தோஷம் நீங்கி அனைத்து நலன்களும் பெறுவார்கள் என்றும், பிள்ளைப் பேறு கிடைக்கும் என்பதும் பக்தர்களின் அனுபவபூர்வமான நம்பிக்கை.

இத்தலத்தைப் பற்றி திருநாவுக்கரசர் திருநாகைக்காரோணப் பதிகத்தில் ‘பாம்புரமே காதலானை’ என்று பாடிச் சிறப்பிக்கிறார்.

சுந்தரர் திருநாட்டுத் தொகையில்  சோழ நாட்டுத் தலங்களை வரிசைப் படுத்திப் பாடுகையில் ‘பாம்பணி பாம்புரம்’ என்று கூறிச் சிறப்பிக்கிறார்.

அருணகிரிநாதர் இங்குள்ள முருகனை வழிபட்டு ‘அமரிடமாகப் பாடிய’ என்று தொடங்கும் திருப்புகழில் இத்தலச் சிறப்பை போற்றிப் பாடுகிறார்.

இந்தியாவெங்குமுள்ள ராகு, கேது தோஷம் போக்கும் பரிகாரத் தலங்களில் சிறப்பிடத்தைப் பெறுகிறது திருப்பாம்புரம் தலம்!

***

Written by London Swaminathan

Post No. 16,326

Date uploaded in London – 20 October 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx

இதற்கு முன்னர் வெளியிட்ட 130 கேள்விகளும், விடைகளும்  எனது பிளாக்குகளில் எப்போதும் கிடைக்கும்.

131

ராமன் கங்கையைக் கடந்தான், பின்னர் காளிந்தி என்னும் யமுனை நதியைக்  கடந்தான் ; சித்திர கூடம் சென்றான்; அதன் பின், தண்டக வனத்தில் நுழைந்தான்; அங்கு அவனைக் கண்ட வினோதமான முனிவர்கள் யார் ?

132

அரக்கர்கள் கொடுமையால் அந்தணர் செய்யும் அறுதொழிகளைச் செய்ய முடியவில்லை என்று தண்டகாரண்ய முனிவர்கள் புகார் மனு கொடுத்தவுடன் ராமன் என்ன ப்ராமிஸ் PROMISE தந்தான்  /  சத்தியம் செய்தான் ?

133

ராமனுக்கு 14 ஆண்டுகள் வனவாசம் ; அதில் எத்தனை ஆண்டுகள் தண்டகாரண்யத்தில் ராமன் இருந்ததாக கம்பன் கணக்குச் சொல்கிறான் ?

134

முன்னொரு பாட்டில் தமிழ் எனும் கடல் தந்தவன் என்று அகத்தியனைப் புகழ்ந்த கம்பன் இப்போது ராமரை வரவேற்கையில் நீண்ட தமிழால் உலகை நேமியின் அளந்தான் – என்று போற்றக் காரணம் என்ன ?

135

“ஆதி சிவன் பெற்றுவிட்டான் – என்னை

ஆரிய மைந்தன் அகத்தியன் என்றோர் வேதியன்

கண்டு மகிழ்ந்தே – நிறை

மேவும் இலக்கணஞ் செய்து கொடுத்தான்.” என்று பாரதியார் சொன்னது சரியா? சிவபெருமான்தான் தமிழ் மொழியை உண்டாக்கினார் என்று கம்பனும் சொன்னானா ?

136

அகத்தியர் வருவதற்கு முன்னரே தமிழ் மொழியைத் தமிழ்நாட்டு மக்கள் பேசினார்கள்  என்பதைக் கம்பன் எப்படிக் குறிப்பிடுகிறான் ?

137

ராம பிரானுக்கு அகத்தியன் கொடுத்த அற்புத ஆயுதங்களின் சக்தி என்ன? அவை சிவனிடமிருந்து வந்தனவா? விஷ்ணுவிடமிருந்து வந்தனவா? சுவையான வாதப்பிரதி வாதங்கள் என்ன ?

138

GOOD BYE, RAMA! CHALO, CHALO ! PANCHAVATI CHALO! குட் பை! ராமா; பஞ்ச வடி சலோ! ஜல்தி சலோ! என்று அகத்தியன் சொன்னபோது கம்பன் எப்படி, தான் பிறந்த காவிரி நதி தீரத்துக்கு தேங்க்ஸ் THANKS சொன்னான் ?

139

ராமனும் லட்சுமணனும் ஜடாயுவைச் சந்த்திக்கின்றனர் ; அந்தப் பறவை யமனுக்கு தினமும் விருந்து படைக்கும் என்கிறானே கம்பன் !

140

ராம லட்சுமணர், சீதையுடன் வருவதைக் கண்டவுடன் ஜடாயு மனதில் தோன்றிய எண்ணம் என்ன ?

XXXXXXXXXXXXXXXXXXXXXXXXXXXXXXXXXXXXX

விடைகள்

131.பண்டைய அயன்

தரு பாலகில்லரும்,

முண்டரும், மோனரும்,

முதலினோர்கள் அத்

தண்டக வனத்து உறை

தவத்துளோர் எலாம்

கண்டனர் இராமனை,

களிக்கும் சிந்தையார்.

முதன் முதலில் தோன்றிய பழமையான பிரமதேவன் பெற்றவர்களாகிய பாலகில்லரும்; முண்டரும் -மழித்த தலையை உடையவர்களும்; மோனரும் – மௌன விரதம் பூண்டவர்களும்;  முதலியவர்களாகிய அந்தத் தண்டகாரணியம் எனும் காட்டில் வாழ்கின்ற முனிவர்கள் இராமனைக் கண்டனர்; ஆனந்தம் அடைந்தார்கள்

பாலகில்லர் – வாலகில்யர் பிரமனது மயிரிலிருந்து தோன்றியவர்கள்; அவனுடைய மானச புத்திரர்கள்; இவர்கள் அறுபதினாயிரவர் என்பர்; பெருந்தவம் புரிந்தவர்கள்; இவர்கள் கட்டைவிரல் அளவுள்ள குறுவடிவினர்; நாளும் கதிரவனின் இரதத்தை வலம் வந்து கொண்டிருப்பவர்.

xxx

இவர்களைப்பற்றி 2012-ல் இதே பிளாக்கில் எழுதிய அதிசய விஷயங்கள் இதோ:

“நிலமிசை வாழ்நர் அலமரல் தீரத்

தெறுகதிர் கனலி வெம்மை தாங்கிக்

கால் உணவாகச் சுடரொடு கொட்கும்

அவிர்சடை முனிவரும் மருள கொடுஞ்சிறைக்

கூருகிர்ப் பருந்தின் ஏறுகுறித் தொரீ இத்

தன்னகம் புக்க குறுநடைப் புறவின்”

—புறம் 43 தாமப் பல் கண்ணனார் (இது நரசிம்மன் என்பதன் தமிழ் மொழிபெயர்ப்பு; நரசிம்ம காயத்ரியில் அவருடைய பெயர் தம் ஸ்ட்ர தந்த= தாமப் பல் )

“செம்பொறி வாங்கிய மொய்ம்பின் சுடர் விடுபு

வண்புகழ் இறைந்து வசிந்து வாங்கு நிமிர் தோள்

விண் செலல் மரபின் ஐயர்க்கு ஏந்தியத்

ஒரு கை உக்கம் சேர்த்தியது ஒரு கை”

——திருமுருகாற்றுப்படை 106-109

“சுடரொடு திரிதரு முனிவரும் அமரரும்

இடர்கெட அருளும் நின் இணை அடி தொழுதேம்

அடல் வலி எயினர் நின் அடிதொடு கடனிது”

—-சிலப்பதிகாரம் (வேட்டுவ வரி 15.அவிப் பலி)

“வசை தவிர் ககன சரசிவ கரண

மகாவ்ருத சீல சால வரமுனி சித்தரை

அஞ்சல் என்று வாழ்வித்து நின்றன”

—அருணகிரிநாதர் (புயவகுப்பு)

வாலகியர்கள் எனப்படும் 60,000 குள்ள முனிவர்கள் பற்றி ரிக் வேதமும் தமிழ் நூல்களும் சுவையான பல செய்திகளைத் தருகின்றன. ரிக் வேதத்தின் எட்டாவது மண்டலத்தில் பிற்சேர்க்கையாக 11 பாடல்கள் சேர்க்கப்பட்டுள்ளன. இவைகளைப் பிற்சேர்க்கை என்பதால் வேதத்துக்கு உரை எழுதிய சாயணர் இந்தப் பகுதிக்கு உரை எழுதவில்லை. ஆனால் ராமாயணம், மஹாபாரதம் மற்றும் புராணங்களில் இவர்களுடைய வரலாறு உள்ளது.இவர்களுடைய வரலாற்றில் பல வியப்பூட்டும் விஷயங்கள் இருக்கின்றன.

ஆங்கிலத்தில் ஜோனதன் ஸ்விப்ட்(Gulliver’s Travels by Jonathan Swift) என்பவர் கல்லிவரின் பயணம் என்ற ஒரு நாவலைப் படைத்தார். கல்லிவர் தனது பயணத்தில் லில்லிபுட் என்ற நாட்டுக்குப் போனபோது எல்லோரும் விரல் அளவுக்கே இருந்ததால் அந்த இடத்தில் கல்லிவர் என்ன என்ன சாஹசங்கள் செய்தார் என்று கதை மிக சுவையாகப் போகும். அந்தக் கதைக்கான கருத்தை ஜோனதன் ஸ்விப்ட் நமது வேதத்திலிருந்தும் இதிஹாசங்களிலிருந்தும் எடுத்தார் என்றே தோன்றுகிறது. அந்தக் காலத்தில் இந்தியாவைப் பற்றி ஆங்கில நாளேடுகள் நிறைய செய்திகளை வெளியிட்டது குறிப்பிடத்தக்கது.

மற்றொரு சுவையான விஷயம் பூமியிலுள்ள மக்களைக் கதிரவனின் கடுமையான கதிர்களிலிருந்து காப்பது இந்த முனிவர்கள்தான் என்று படிக்கும்போது சில அறிவியல் உண்மைகள் தெரியவருகின்றது. சூரியனிடமிருந்து வரும் புற ஊதாக் கதிர்கள் மனிதன் மீது அதிகமாகப் பட்டால் தோலில் புற்று நோய் உள்பட பல நோய்கள் ஏற்படும். ஆக சூரிய வெம்மை மனிதன் மீது அதிகம் படக்கூடாது என்பதை அவர்கள் சில ஆயிரம் ஆண்டுகளுக்கு முன் எழுதியதே வியப்பான விஷயம்தான். அத்தோடு நிற்காமல் இந்த முனிவர்கள் 60,000 பேர் வெம்மையை தாங்களே வாங்கிக் கொண்டு நம்மைக் காப்பதற்காக தினமும் சூரியனுடன் சுற்றிவருவதாக எழுதியிருப்பது இன்னும் அதிசயமாக இருக்கிறது. இவர்களை நம்மை புற ஊதாக் (ultra violet rays) கதிர்களிலிருந்து பாதுகாக்கும் ஓசோன் வளையத்துக்கு (ozone layer) ஒப்பிட்டால் அது மிகையாகாது

வடமொழி நூல்களில் சுவையான புராணக் கதைகள் மட்டுமே இருக்கின்றன. ஆனால் தமிழில் சில பாட்டுகளுக்கு உரை எழுதியோர் அறிவியல் உண்மைகளை மிகத் தெளிவாக எழுதியுள்ளனர்.

யார் இந்தக் குள்ளர்கள்?

இவர்கள் க்ரது என்பவருக்குப் பிறந்தவர்கள். தாயின் பெயர் கிரியை.பிரம்மாவின் மானச புத்திரர்கள் என்றும் அழைக்கப் படுவர். இவர்கள் கட்டை விரல் உயரம் தான் இருப்பார்கள். ஆனால் தேஜோ (ஒளி) மயமானவர்கள். முற்றும் துறந்த இவர்கள் மரத்தில் தலைகீழாகத் தொங்கிக் கொண்டே தவம் செய்வார்கள். 60,000 எண்ணிக்கையுடைய இவர்கள் சூரியனுக்கு முன் அவனுடன் பயணம் செய்வார்கள்.

ஒரு முறை காச்யப முனிவர் தனது 2 மனைவிகளுக்கு குழந்தைப் பேறு கிடைக்க ஒரு யாகம் ஏற்பாடு செய்தார். அதில் இந்திரன் உள்பட அனைத்து தேவர்களும் முனிவர்களும் உதவிக்கு அழைக்கப் பட்டனர். இந்திரன் முதலானோர் வேகம் வேகமாக பெரிய விறகுகளை யாகத்தீக்கு கொண்டுவந்தனர். ஆனால் குட்டை வாலகில்யர்களோ ஒவ்வொரு இலை இலையாகக் கொண்டுவந்தனர். அத்தோடு சிறு சிறு குழிகளில் தேங்கியிருக்கும் தண்ணீரில் விழுந்தும் புரண்டும் வந்தனர். இதைப் பார்த்த இந்திரனுக்கு சிரிப்பு தாங்கவில்லை. சத்தம் போட்டு சிரித்து விட்டான்.

(இதுபோன்ற நகைச்சுவைக் கருப்பொருளை ‘காப்பி’ அடித்துதான் ஒரு கற்பனை நாவலை எழுதிவிட்டார் ஜோனதன் ஸ்விப்ட்).

வாலகீல்யர்களுக்கு பயங்கரக் கோபம் வந்தது. நாம் ஒரு புதிய இந்திரனைப் படைப்போம் என்று முடிவு எடுத்தனர். இந்திரன் நடு நடுங்கிப் போய் விட்டான். ஓடிப்போய் காஸ்யபரிடம் நடந்த அனைத்தையும் கூறினான். “வாலகீல்யர்கள் சக்தி வாய்ந்த தவசீலர்கள் அவர்கள். மூர்த்தி சிறிதானாலும் கீர்த்தி பெரியது. ஆனால் ஏதேனும் சமாதானம் செய்து மாற்று வழி கண்டுபிடிக்கிறேன்“ என்று காஸ்யபர் பதில் சொன்னார். பின்னர் வாலகீல்யர்களிடம் போய் இந்திரன் பயந்து நடுங்குகிறான் என்று கூறி புது இந்திரனைப் படைக்காதீர்கள் என்றும் நீங்கள் பறவைகளுக்கு இந்திரனான கருடனைப் படையுங்கள் என்றும் மன்றாடினார். வேறு ஒரு நேரத்தில் இந்திரனைத் தோற்கடிக்க வகை செய்வதாகவும் சொல்லி சமாதானப் படுத்தினார்.வாலகில்யர்கள் தனியாக யாகம் செய்தனர்.

இந்த சமாதான உடன்படிக்கையின்படி காஸ்யபரின் ஒரு மனைவீக்கு வாலகீல்யர்களின் யாகப் பிரசாதம் கொடுக்கப்பட்டது. அதைச் சாப்பிட்ட வினதை என்னும் மனைவி அருணனையும் கருடனையும் பெற்றெடுத்தாள். மற்றொரு மனைவியான கத்ரு வேறு ஒரு யாகப் பிரசாதத்தை சாப்பிட்டு நாகர்களைப் பெற்றெடுத்தாள். மற்றொரு தருணத்தில் கருடன் இந்திரனைத் தோற்கடித்து அமிர்தத்தைக் கொண்டுவந்து பழி தீர்த்துக் கொண்டான்.

திருமுருகாற்றுப் படைக்கு உரை எழுதிய கி.வா.ஜகந்நாதன் அவர்கள் வேறு ஒரு விஷயத்தையும் கூறுகிறார். மந்தோகருணர் என்று அழைக்கப்படும் அசுரர்கள் சூரியனுக்கு தினமும் தீங்கு செய்வதாகவும் அந்தணர்கள் நாள்தோரும் மூன்று வேளைச் சந்தியாவந்தனத்தில் கொடுக்கும் அர்க்யம் (நீர்) இந்த அசுரர்களை வீழ்த்த சூரியனுக்குத் துணைசெய்கிறது என்றும் கூறுகிறார். இந்த மந்தோகருண அசுரர்கள் சூரியன் வீசும் புற ஊதாக் கதிர்களா (ultra violet rays) அல்லது காந்த அலைகளா (magnetic storms and solar flares) என்பதை மேலும் ஆராயவேண்டும்.

******************

132.முருகனே வந்தாலும் சிவனும் திருமாலுமே வந்தாலும் அவர்களை எதிர்த்துப் போரிட்டு உங்களைக் காப்பேன் பசுவுவையும் பார்ப்பானையும் காப்பாற்றத வாழ்க்கை என்ன வாழ்க்கை? நான் செத்தாலும் பரவாயில்லை என்கிறான் ராமன்.

ஆபயன் குன்றும் அறுதொழிலோர் நூல்மறப்பர் காவலன் காவான் எனின். (குறள் எண்: 560)- என்னும் குறளை மனதில் வைத்துக்கொண்டு கம்பன் இதைப் பாடுகிறான்:

அறம் தவா நெறி

அந்தணர் தன்மையை

மறந்த புல்லர் வலி

தொலையேன் எனின்,

இறந்துபோகினும் நன்று;

இது அல்லது,

பிறந்து யான் பெறும்

பேறு என்பது யாவதோ?

XXXX

உங்களைக் காக்கும்பொருட்டு மரணத்தையும் சந்திக்கத் தயார்.

ஆவுக்கு ஆயினும்

அந்தணர்க்கு ஆயினும்,

யாவர்க்கு ஆயினும்,

எளியவர்க்கு ஆயினும்,

சாவப்பெற்றவரே, தகை

வான் உறை

தேவர்க்கும் தொழும்

தேவர்கள் ஆகுவார்.

வள்ளுவர் குறளின் (560) எதிரொலி இந்தப்பாடல்

xxx

‘சூர் அறுத்தவனும்,

சுடர் நேமியும்,

ஊர் அறுத்த

ஒருவனும், ஓம்பினும்,

ஆர் அறத்தினொடு அன்றி

நின்றார் அவர்

வேர் அறுப்பென்; வெருவன்மின்

நீர்’ என்றான்.

சூர் அறுத்தவனும் – சூரபன்மனை வேல் கொண்டழித்த முருகக் கடவுளும்; சுடர் நேமியும் – பகைவரை சுதர்சன சக்கரத்தால் அழிக்கும் திருமாலும்; ஊர் அறுத்த ஒருவனும் – திரிபுரர் ஊர்களை எரித்தழித்த சிவபெருமானும் துணையாக நின்று காத்தாலும், யார் தருமத்தொடு பொருந்தாமல் பாவ வழிகளில் நின்றார்களோ; அக்கொடியவர்களை வேரோடு அழிப்பேன். நீங்கள் அஞ்சாதீர்கள் என்று இராமன் PROMISE உறுதிமொழிந்தான்.

******************

133. இராம, லக்குவர்கள், அவ்விடத்தில் பத்துஆண்டுகள் ஒரு துன்பமுமில்லாமல் தங்கியிருந்தனர்.

ஐந்தும் ஐந்தும் அமைதியின்

ஆண்டு, அவண்,

மைந்தர் தீது இலர்

வைகினர்; மா தவர்

சிந்தை எண்ணி, ‘அகத்தியற்

சேர்க’ என,

இந்து-நன்னுதல்

தன்னொடும் ஏகினார்.

இராம, லக்குவர்கள், அவ்விடத்தில் பத்துஆண்டுகள் ஒரு துன்பமுமில்லாமல் தங்கியிருந்தனர்;  முனிவர்கள்

மனத்தில் ஆலோசித்து, அகத்திய முனிவரைச்

சேர் வீராக என்று சொல்ல, சீதையுடன் புறப்பட்டனர்.

ஒவ்வொரு முனிவர்கள் ஆச்சிரமத்திலும் சிலசில திங்கள்கள்

தங்கியிருக்கப் பத்தாண்டுகள் கழிந்தன. வான்மீகத்தில் ஆச்சிரமங்களில் முறையே 13, 12, 4, 5, 7, 1, 1/4,3/4, 3, 8 ஆகிய மாதங்கள் என்று பத்து ஆச்சிரமங்களில் ஐந்து ஆண்டுகளை ஒரு வட்டத்தில்கழித்துப் பின் அதேபடி இரண்டாம் வட்டத்தையும் கழித்தனன் எனக் காணப்பெறும்.

பத்து ஆண்டுக் காலச் செய்தியை ஒரே பாடலில் காட்டிக் காப்பியத்தில் கால விரைவுணர்த்தும் பாங்கைக் காணமுடிகிறது.

******************

134. நீண்ட தமிழால் உலகை நேமியின் அளந்தான்.

ஆண்தகையர் அவ் வயின்

அடைந்தமை அறிந்தான்;

ஈண்டு, உவகை வேலை துணை

ஏழ் உலகம் எய்த,

மாண்ட வரதன் சரண் வணங்க,

எதிர் வந்தான்-

நீண்ட தமிழால் உலகை

நேமியின் அளந்தான்.

நீண்ட தமிழால் உலகை நேமியின் அளந்தான் – நீண்ட காலம்

உள்ள தமிழ்மொழியால் திருமால் மூவுலகை அளந்தது போல உலகை அளந்தவனாகியஅகத்திய முனிவர்;

இராமலக்குவர்கள் அந்த இடத்துக்கு வந்ததை அறிந்து

ஆனந்தம் அடைந்து, (பதினான்கு) உலகங்களையும்அடையும்

வரங்களை அருளும் இராமன் திருவடிகளில் வீழ்ந்து வணங்க எதிரே வந்தார்.

சிவபெருமான் அகத்தியற்கு அருளியதாலும் தொன்று தொட்டு அடியார் பலர் இறைவனைத் துதித்ததுஇம்மொழியினால் ஆதலாலும் ‘நீண்ட தமிழ்’என்றார். சிவபெருமான் இலக்கணம் உபதேசித்துத்தெற்கே அதை வளர்க்கச் செய்ததால் அகத்தியன் தமிழால் உலகை அளந்தான் என்றார். அகத்தியனைத் திருமாலுடன்ஒப்பிட்டார்.

******************

135.ஆமாம்! சிவன்தான் தமிழ் மொழியைத் தந்தார்! என்று கம்பனும் தலையில் அடித்துச் சத்தியம் செய்கிறான் :

.உழக்கும் மறை நாலினும், உயர்ந்து

உலகம் ஓதும்

வழக்கினும், மதிக் கவியினும்,

மரபின் நாடி,-

நிழல் பொலி கணிச்சி மணி நெற்றி

உமிழ் செங் கண்

தழல் புரை சுடர்க் கடவுள்

தந்த தமிழ்-தந்தான்.

ஒளி விளங்கும் மழுவாயுதத்தையும் அழகிய நெற்றியில் நெருப்பைக் கக்கும் சிவந்த கண்ணையும்உடைய, நெருப்பை ஒத்த

ஒளிவடிவான சிவபெருமான், அருளிய தமிழ் மொழியை

வருந்தி ஓதி அறியக்கூடிய வழக்கினாலும், உயர்ந்தோராகியஉலகம் கூறுகின்ற உலக வழக்காலும் , அறிவாலும் செய்யுள்

வழக்காலும் மரபு நெறியாலும் முறைப்பட ஆராய்ந்து,

உலகினர்க்கு அருளினான்.

உழக்கும் மறை என்பது கனம் முதலிய முறையே பயின்று ஓசை தவறாமல் ஓதி உணரத்தக்க வேதம் என்பதாம். இதனால் வேதம் ஓதுதலிலுள்ள கடின நிலை புலப்படும். ஆதியில் தமிழ் நூல்

அகத்தியற்குணர்த்திய மாதொரு பாகனை வழுத்துதும் எனச் சேனாவரையர் கூற்றையும் இதனோடுஒப்பிடலாம்.

அகத்தியர் அருளிய இலக்கணம்- சிற்றகத்தியம், பேரகத்தியம் எனப்படும். வடமொழி,  தென்மொழிகளுக்கு இறைவன் சிவபெருமானே முதல் என்ற கருத்தை இது புலப்படுத்தும்.

அகத்தியர் செய்த அருஞ் செயல்கள் அனைத்தையும் ஒவ்வொரு பாடலில் செப்பிவிட்டு அதற்கு முத்தாய்ப்பாக தமிழ்  பற்றிக் கூறுகிறான் கம்பன் ;இப்பாடல்களால் கடலை

உண்டது, வாதாபி வலம் அழித்தது, விந்தத்தை அடக்கியது. தென்திசை வட திசையைச் சமனாக்கியது. முதலிய அகத்தியரின் அருஞ்செயல்களை அறிய முடிகிறது.

நீண்ட தமிழால்அளந்ததில் (2666) தொடங்கி இங்குத் தமிழ்

தந்தான் எனக் கூறுவதால் அகத்தியரின் பெருமையில் தமிழே முதலும் முடிவுமாய் விளங்குவது புலனாம்.                               *************

என்றும் உள தென் தமிழ்!

136. என்றும் உள தென் தமிழ்!

நின்றவனை, வந்த நெடியோன்

அடி பணிந்தான்;

அன்று, அவனும் அன்பொடு தழீஇ,

அழுத கண்ணால்,

‘நன்று வரவு’ என்று, பல நல்

உரை பகர்ந்தான்-

என்றும் உள தென் தமிழ் இயம்பி

இசை கொண்டான்.

அகத்தியரை அங்கே வந்த இராமன் அவர் திருவடிகளில் விழுந்து

வணங்கினான் ;அப்பொழுது; என்றும் உள தென் தமிழ் இயம்பி

இசை கொண்டான் – எக்காலத்தும் உள்ளதாகிய இனிய தமிழின்

இலக்கணங்களைக் கூறிப்புகழ் பெற்ற அகத்தியராகிய–

அம்முனிவரும் இன்பக் கண்ணீர் விட்டவராய் அன்பினால் தழுவிக் கொண்டு; வரவு நன்று WELCOME !WELCOME; GOOD DAY! என்ற நல்ல சொற்களைச் சொன்னார்.

குட்டையான குறுமுனியாம் அகத்தியர்,  நெட்டையான

நெடியோனாம் இராமன் முன்னால் வந்து

வணங்கினான். மாவலியிடத்து உலகனைத்தும் அளக்க எடுத்த

திரிவிக்கிரமனை இது நினைவூட்டும்.

. தமிழ் மொழி என்றுமுள்ளது என்பதைச் சுட்டியதால்

முன்னரே இருந்த மொழிக்கு அகத்தியர் இலக்கணம் அமைத்தார் என்ற வரலாறு இத்தொடரால் புலப்படும்.

***********************

137.அகத்தியன் இராமனுக்குப் வில்லும் வாளும் வழங்கிப் பஞ்சவடிக்கு அனுப்புதல் (2776-2779)

விழுமியது சொற்றனை; இவ் வில் இது

இவண், மேல்நாள்

முழுமுதல்வன் வைத்துளது;

மூஉலகும், யானும்,

வழிபட இருப்பது; இதுதன்னை

வடி வாளிக்

குழு, வழு இல் புட்டிலொடு கோடி’

என, நல்கி,

(அது கேட்ட அகத்தியன்) நன்றாகச் சொன்னாய் ராமா!  இந்த வில், முற்காலத்தில் திருமால் வைத்திருந்தது;  மூன்று உலகங்களும் நானும் வணங்கிப் பூசை செய்யும் வில் இது; இவ் வில்லை அம்புப் புட்டிலொடு கொள்வாயாக என்று கொடுத்து,

(இதில் முழுமுதல்வன் என்று கம்பன் செப்பியது யார்?

முழுமுதல்வன் என்பதற்குச் சிவபெருமான் என்பாரும் உளர். ஆயினும் இவ்வில்லின் வரலாறு பற்றிக் கூறும் போது இதனை விசுவகருமா செய்து திருமாலிடம் அளித்தான். அது பரசுராமனிடம் வந்து பின்னர் இராமனிடம்கொடுக்கப்பட்டது. அதனை இராமன் வருணனிடம் கொடுக்க (1307) அவன் அரக்கர் வதம் குறித்து இராமனிடமே அளிக்குமாறு அகத்தியரிடம்

அளித்தான் என்பர். கரன் வதைப்படலத்தில் ‘வில்லை வருணன் கொடுத்தனன்’ என வருவதால் (3052) இப்போது அகத்தியர் அளித்த வில் வேறு என்பர்சிலர்! )

XXX

இப் புவனம் முற்றும் ஒரு

தட்டினிடை இட்டால்

ஒப்பு வரவிற்று என உரைப்ப

அரிய வாளும்,

வெப்பு உருவு பெற்ற அரன்

மேரு வரை வில்லாய்

முப்புரம் எரித்த தனி மொய்க்

கணையும், நல்கா,

அடுத்ததாக அகத்தியன் ஒரு வாளினைக் கொடுத்தான் .

இவ்வுலக முழுவதையும் ஒரு தராசுத் தட்டில் வைத்து

நிறுத்தாலும்ஒப்பாகாத வாள் இதோ!  தீ வடிவு கொண்ட சிவபெருமான் மேரு மலையை வில்லாகக் கொண்டு திரிபுரங்களை எரித்த ஒப்பில்லாத வலிய அம்பையும் எடுத்துக்கொள் என்றான் குறு முனி.

இதிலுள்ள இன்னொரு சர்ச்சை ! வால் மீகி சொல்லுவது வேறுவிதமாக உள்ளது

இந்த வில் விசுவகருமாவினால் செய்யப் பெற்றுத் திருமாலிடம் அளித்தது என்றும், அந்த அம்பு பிரமனால் அளிக்கப் பெற்றதென்றும், அவ்வம்புப் புட்டிலும் வாளும் இந்திரனால்

கொடுக்கப் பெற்றவை என்றும் அகத்தியர் கூறி இராமனிடம் அளித்ததாக வான்மீகம் கூறும். ‘மொய்க்கவச நல்கா’ என்ற பாடம் கொண்டு அகத்தியர் இராமனுக்குக் கவசமும் அளித்தார் என்பர். இதற்குப் பிற நூல்களில் சான்றில்லை.

****************************

தெய்வப் பொன்னி

138.‘கன்னி இள வாழை கனி

ஈவ; கதிர் வாலின்

செந்நெல் உள; தேன் ஒழுகு

போதும் உள; தெய்வப்

பொன்னி எனல் ஆய புனல்

ஆறும் உள; போதா,

அன்னம் உள, பொன் இவளொடு

அன்பின் விளையாட.

(பஞ்சவடியில்) பழங்களைத் தரும் மிக இளமையான வாழை மரங்களும் செந்நெற்பயிர்களும் உள்ளன;  தேன் வழிகின்ற மலர்களும் உள்ளன; தெய்வப் பொன்னி எனல் ஆய புனல் ஆறும் உள – தெய்வத் தன்மை பொருந்திய ‘காவிரி என்று கூறத்தக்க நீர் வெள்ளம் பாயும் நதிகளும்’ உள்ளன; சீதையுடன் விளையாடுவதற்கு; பெருநாரைகளும் அன்னங்களும் உள்ளன.

(நீர்வளம் உள்ளது என்று சொல்லி நிறுத்திக்கொள்ளாமல் , தெய்வீக காவிரி நதி போன்ற என்றும் சொல்லி தான் பிறந்த நாட்டுக்கு நன்றி தெரிவிக்கிறான் கம்பன்.)

***************************

வீட்டி வாள் அவுணரை,

விருந்து கூற்றினை

ஊட்டி, வீழ் மிச்சில்

தான் உண்டு, நாள்தொறும்

தீட்டி, மேல் இந்திரன்

சிறு கண் யானையின்

தோட்டிபோல் தேய்ந்து ஒளிர்

துண்டத்தான் தனை.

அவுணர்களைக்கொன்று எமனுக்கு விருந்து கொடுத்து மிச்சமுள்ளதை புசிப்பானாம் ஜடாய; இது தினமும் நடக்கிறதாம் !

******************

சிறந்த உத்தமப் புருட லட்சணங்கள்!

140.     ‘உலகு ஒருமூன்றும் தம்

உடைமை ஆக்குறும்

அலகு அறும் இலக்கணம்

அமைந்த மெய்யினர்;

மலர்மகட்கு உவமையாேளாடும்

வந்த இச்

சிலை வலி வீரரைத்

தரெிகிலேன் ‘எனா,

மூன்று உலகங்களையும் (விண்ணுலகம், மண்ணுலகம், பாதாள உலகம்) தங்களுக்கே உரிய உடைமையாக மாற்றிக்கொள்ளும் பேராற்றல் வாய்ந்தவர்கள்.அளவில்லாத சிறந்த உத்தமப் புருட லட்சணங்கள் (இலக்கணங்கள்) பொருந்திய திருமேனியை உடையவர்கள்.தாமரை மலரில் வீற்றிருக்கும் லட்சுமி தேவிக்கு ஒப்பான பெண்ணுடல் வந்திருக்கிறார்கள்.: இந்த வில் வீரர்களை யாரென்று என்னால் அறிந்து கொள்ள முடியவில்லையே என்று சடாயு வியக்கிறான்.

xxx

‘கருமலை செம்மலை அனைய காட்சியர்;

திரு மகிழ் மார்பினர்; செங்கண் வீரர்தாம்

அருமை செய் குணத்தின் என் துணைவன் ஆழியான்

ஒருவனை இருவரும் ஒத்துளார் அரோ.

• கருமலை  கரிய நிறமுடைய ( இராமன்) நீல நிற மலையைப் (கருமலை) போலவும், சிவந்த பொன்னிறமுடைய (இலக்குவன்) மேரு மலையைப் (செம்மலை/பொன்மலை) போலவும் காட்சி தருகின்றனர்.

• திருமகிழ் மார்பினர்; செங்கண் வீரர்தாம்: திருமகள் (இலக்குமி) வீற்றிருக்கும் அழகிய மார்பையும், சிவந்த கணகளையும் உடைய வீரர்களாக விளங்குகிறார்கள்.

• அருமைசெய் தவம்உடை அத்தன்…: அரிய தவம் செய்த அவர்களின் தந்தையான (தசரத சக்கரவர்த்தி) யின் நல்வினையும், தேவர்கள் அனைவரும் ஒன்று கூடிச் செய்த பெரும் புண்ணியமும் சேர்ந்து, இந்த இரு வீரர்களின் வடிவமாக (உருவம் கொண்டு) நம் கண் முன்னே நிற்கிறார்களோ! என்று சடாயு வியக்கிறான்.

அவர்கள் யார் என்று தெரியாத நிலையில் ஜடாயுவின் மனதில் எழுந்த சந்தேகங்களை கம்பன் ராமனை விஷ்ணு என்று புகழ பயன்படுத்திக் கொள்கிறான்; வால்மீகி எழுதிய ராமாயணத்தில் ஒப்பற்ற, ஈடு இணையில்லாத, குணங்கள் உள்ள மனிதனாகவே ராமன் சித்தரிக்கப்படுகிறான் ; அவருக்குப் பல ஆயிரம் ஆண்டுகளுக்குப் பின்னர் பாடிய கம்பன், ஆரம்பம் முதலே ராமனைக் கடவுளாகச் சித்தரிக்கிறான்  அவனுக்கு முன்னர் வாழ்ந்த ஆழ்வார்களின் பாடல்களே அவனை இப்படி மாற்றியது தெரிகிறது .

–சுபம்—

கம்ப ராமாயணத்தில் 140 கேள்விகள், தமிழ் மொழி பற்றி, அகத்தியன் , ஆயுதங்கள்