8 லட்சம் ஆண்டு இல்லாத அளவு கார்பன் டை ஆக்ஸைடின் அளவு (Post No. 5687. )

Written by S Nagarajan

Date: 22 November 2018

GMT Time uploaded in London –7-08 am
Post No. 5687

Pictures shown here are taken from various sources including google, Wikipedia, Facebook friends and newspapers. This is a non- commercial blog

 பாக்யா வார இதழில் அறிவியல் துளிகள் தொடரில் வெளியாகியுள்ள (எட்டாம் ஆண்டு முப்பத்தி எட்டாம் கட்டுரை)!                                              அத்தியாயம் 402

ஜாக்கிரதை! எட்டு லட்சம் ஆண்டுகள் இல்லாத அளவு பூமியில் கார்பன் டை ஆக்ஸைடின் அளவு!!

ச.நாகராஜன்

மனித குலத்திற்கே வருத்தமூட்டும் ஒரு செய்தியை விஞ்ஞானிகளின் ஆகஸ்ட் 2018 அறிக்கை தருகிறது. எட்டு லட்சம் ஆண்டுகள் இல்லாத அளவு உயர்ந்தபட்ச கார்பன் டை ஆக்ஸைடு அளவை பூமி கொண்டிருக்கிறது என்பது தான் அது!

அண்டார்டிகாவில் கிரீன்லாந்தில் பனியின் உள்ளீட்டைக் (Icecore) குடைந்து பார்த்து பூமியின் வளிமண்டலம் கடந்த எட்டு லட்சம் ஆண்டுகளில் எப்படி மாறி இருக்கிறது என்பதை அவர்கள் கண்டறிந்தனர். அதில் வந்த ஷாக்கிங் நியூஸ் தான் இது!

அமெரிக்காவில் எடுக்கப்பட்ட ஸ்டேட் கிளைமேட் ரிபோர்ட் 2017இன் படி கார்பன் டை ஆக்ஸைடின் செறிவு  பத்துலட்சத்திற்கு 450 என்ற அளவில் இருக்கிறது என்பது தெரிய வருகிறது. இதை அமெரிக்க காலநிலை கழகம் தெரிவித்திருக்கிறது. 38 ஆண்டுகளில் வருடாவருடம் பனியின் உள்ளீடு பற்றிய ஆய்வு நடந்து வருகிறது. அதில் உச்சபட்சமாக 2017இன் அளவு இருக்கிறது.

எப்படி உலகம் மாறி வருகிறது என்பதைச் சுட்டிக்காட்டும்  இது, ஆய்வின் ஒரு எச்சரிக்கை தான்.

ஸயின்ஸ் என்ற பிரபல அறிவியல் இதழில் எழுதி வரும் எலிஸபத் கமில்லோ 65 நாடுகளில் உள்ள 524 விஞ்ஞானிகள் இணைந்து செய்த ஆய்வின் அறிக்கையை சமீபத்திய (2018) இதழில் தந்துள்ளார். ஆயிரத்தி எண்ணூறுகளில் இருந்து எடுக்கப்பட்டு வரும் அளவுகளில் 2017ஆம் ஆண்டின் ரிகார்டுகளை அறிவியல் ரீதியாகப் பார்க்கும் போது, அது இரண்டாவது உஷ்ணம் மிகுந்த ஆண்டாக விளங்குகிறது.

உண்மையில் சொல்லப்போனால் 2017ஆம் ஆண்டு ஒரு எல் நினோ ஆண்டு. அதாவது பூமியில் சிறிது குளிர்ச்சியை ஏற்படுத்தும் ஆண்டு. அந்த ஆண்டிலேயே இப்படி ஒரு அதிக வெப்பம் என்றால் நினைக்கவே நெஞ்சம் நடுங்குகிறது.

பூமியின் எதிர்கால நிலை என்ன தான் ஆகும்?

இதே போல விஷ வாயுத் தன்மை கொண்ட க்ரீன் ஹவுஸ் கேஸ் எனப்படும் பசுமை இல்லா வாயுக்களான மீதேன், நைட் ரஸ் ஆக்ஸைடு ஆகியவற்றின் அளவுகளும் என்றுமில்லாத அளவு அதிகரித்துள்ளன.

1993 ஆண்டு முதல் எடுத்துக் கொண்டால் கடல் மட்ட நீரின் அளவு மூன்று அங்குலம் உயர்ந்துள்ளது. கடல்நீரில் மேல் மட்டத்தில் உள்ள 2300 அடிகள் அதிக அளவு உஷ்ணநிலையை இப்போது காட்டுகிறது. எல் நினோ ஆண்டு என்று அழைக்கப்படும் 2016ஆம் ஆண்டை விட இந்த ஆண்டு அதிக அளவாக இது உள்ளது.

அண்டார்டிகாவின் பனிப்படலத்தின் பரப்பு கூட 8,11,000 சதுர மைல்களாக மார்ச் 2017இல் ஆகி கடந்த 38 ஆண்டுகளாக இந்தப் பனிப்பரப்பு சுருங்கிக் கொண்டே வருவதை உறுதி செய்கிறது.  இதை வைத்து விஞ்ஞானிகள் கூறுவது 1980இலிருந்து 72 அடி அளவிற்கு மேல் மட்டத்திலிருந்து பனிப்படலம் குறைந்து விட்டது என்பது தான்!

இதன் விளைவாக  1900ஆம் ஆண்டிலிருந்து எடுத்துக் கொண்டு பார்த்தால் ரஷியா இரண்டாவது கடுங் குளிரான ஆண்டாக 2017ஐக் கொண்டிருக்கிறது. வெனிஜுலா, நைஜீரியா, இந்தியா ஆகிய நாடுகளில் பல பகுதிகளில் வழக்கத்திற்கு மாறாகப் பெரிய அளவில் மழை பொழிந்து பெரும் வெள்ளம் ஏற்பட்டுப் பெரும் பாதிப்புகள் ஏற்பட்டுள்ளன.

அது மட்டுமின்றி வழக்கத்திற்கு மாறான அதிக பட்ச உஷ்ணத்தால் காட்டுத் தீ பெரும் அளவில் உலகின் பல பகுதிகளில் மூண்டது. அமெரிக்காவில் 40 லட்சம் ஹெக்டேர் நிலப்பரப்பை காட்டுத் தீ அழித்தது. அமேஸான் பகுதியில் 2,72,000 காட்டுத் தீ விபத்துக்கள் ஏற்பட்டுள்ளன!

பவளப்பாறைகள் ஆங்காங்கு பாதிக்குப் பாதியாக அழிவு பட்டு வருகின்றன!

இதை உலகம் தாங்காது; இனியும் பசுமை வாயுக்கள் அதிகரிக்காது என்று வைத்துக் கொண்டாலும் கூட பூமியின் வளி மண்டல வெப்பம் இன்னும் இருபது ஆண்டுகளுக்கு அதிகரித்துக் கொண்டே போகும்.

இதன் விளைவுகள் பிரம்மாண்டமானதாக இருக்கும்.

பூமியின் வெப்பம் தாங்காது மனித குலம் படாத பாடு படும். கடலோர நகரங்கள் அழிந்து போகும். கடல் வாழ் உயிரினங்கள் மறையும். தாவரங்கள் செழிக்காது.

நாம் வாழ்ந்து கொண்டிருக்கும் இந்த 2018 ஆம் ஆண்டு நான்காவது அதிக வெப்பமுடைய ஆண்டாக உருவாகி வருகிறது என்ற எச்சரிக்கையையும் விஞ்ஞானிகள் தருகின்றனர்.

ஆகவே வீட்டிற்குள் சுனாமி அலை வந்து விட்டது போல இந்த அபாயத்தை நினைத்து உலக நாடுகளின் அரசுகள் நடவடிக்கை எடுக்க வேண்டும் என்பது விஞ்ஞானிகளின் அறிவுரை.

அரசு எடுக்கும் முடிவுகளுக்கு உலக மக்கள் ஆதரவு தந்தே ஆக வேண்டும்; இல்லையேல் அரசுகளும் இருக்காது; அவர்கள் ஆள மக்கள் கூட்டமும் இருக்காது!

முதலில் வாகனப் புகையை கட்டுப்படுத்தும் முயற்சியில் ஒவ்வொரு தனி மனிதனும் இறங்க வேண்டும். இது தான் முதல் படி!

மனித குலம் காக்கப்படும் வழி இங்கே தான் ஆரம்பிக்கிறது!!

அறிவியல் அறிஞர் வாழ்வில் .. ..

அமெரிக்காவில் பொதுவாக மலரும் நினைவுகளாக எழுதப்படும் புத்தகங்கள் ஏராளம். இந்தியாவிலோ குறைவு; அதுவும் விண்வெளி இயல் பற்றி வரும் புத்தகங்களோ மிகக் குறைவு. இந்தக் குறை போக்கும் விதமாக இந்திய விண்வெளி ஆய்வு நிறுவனமான ஐ.எஸ்.ஆர். ஓவில் பணி புரிந்த வேத பிரகாஷ் சண்ட்லாஸ் ‘தி லீப்ஃப்ராக்கர்ஸ்’ (The Leapfroggers) என்ற நூலை எழுதி வெளியிட்டுள்ளார்.

அதில் முன்னாள் பாரத ராஷ்ட்ரபதியும் பிரபல விண்வெளி விஞ்ஞானியுமான அப்துல்கலாம் பற்றிய ஒரு சுவையான சம்பவத்தை அவர் தருகிறார்.

அப்துல்கலாம் அவர்களுக்கு அலுவலகத்திற்குக் குறிப்பிட்ட நேரத்திற்கு வந்து குறிப்பிட்ட நேரத்திற்கு வெளியே செல்ல வேண்டும்  என்பதெல்லாம் கிடையாது. இரவு பகல் பாராது உழைப்பது அவர் இயல்பு. அதே போல அவருடன் இணைந்து பணியாற்றியவர்களும் கூட அப்படியே நேரத்தைப் பாராது பணி புரிந்தனர்.

இதன் விளைவாகத்தான் எஸ் எல் வி – 3 ராக்கெட் 1980 ஜூலையில் முதன் முதலாக விண்ணில் ஏவப்பட்டது.

இந்த ராக்கெட்டைத் தயாரிக்கும் பணியில் நமது விஞ்ஞானிகள் தீவிரமாக ஈடுபட்டிருக்கும் போது ஒரு நாள் நள்ளிரவில் அப்துல்கலாம் எஸ் எல் வி – 3 ராக்கெட்டின் பணிகளின் முன்னேற்றம் பற்றி சண்ட்லாஸிடம் விசாரித்தார்.

உடனடி பதிலாக,”எந்த விதக் குழப்பமும் இன்றி, ஒரு பிரச்சினையும் இன்றி பணிகள் சீராகப் போய்க் கொண்டிருக்கின்றன” என்று கூறப்பட்ட போது, அப்துல்கலாம், “அப்படியா, அப்போது சில பிரச்சினைகளை உருவாக்குவோம்” என்று பதில் அளித்தார். அங்கு பணி புரிந்தோரிடம் ஏராளமான சிக்கலான கேள்விகளைக் கேட்க ஆரம்பித்தார்.

நிர்வாக இயலின் புது உத்தி இது! வேண்டுமென்றே பிரச்சினைகளைப் பற்றிச் சொல்லி அதற்கான சிறந்த தீர்வைக் காண வேண்டும் என்பதே அந்த உத்தி.

கலாம் அவர்கள் கிளப்பிய பிரச்சினைகளால் உந்தப்பட்ட விஞ்ஞானிகள் அவற்றை மனதில் கொண்டு அதற்கான தீர்வைக் காண முற்பட்டனர். எதிர்பார்த்த காலத்தை விடச் சற்றுக் கூடுதலான காலத்தை அவர்கள் எடுத்துக் கொண்டாலும் கூட, ராக்கெட்டின் வடிவமைப்பும் செயல்பாடும் சிறப்பாக அமைந்து இந்தியாவின் வெற்றிக்கு வழி வகுத்தன.

இப்படி, அப்துல்கலாம் அவர்களின் சிந்தனையும் செயல்பாடும் ஒப்பற்றதாய் அமைந்திருந்ததைப் சண்ட்லாஸ் விளக்கியுள்ளார்.

***

ச.நாகராஜன் எழுதிய நூற்றியெட்டு நூல்களின் பட்டியல்! (Post No.5684)

 

Written by S Nagarajan

Date: 21 November 2018

GMT Time uploaded in London –7-48 am
Post No. 5684

Pictures shown here are taken from various sources including google, Wikipedia, Facebook friends and newspapers. This is a non- commercial blog

ச.நாகராஜன் எழுதிய நூற்றியெட்டு நூல்களின் பட்டியல்!

நண்பர்களுக்கு நன்றி! எனது புத்தகங்கள் பற்றி அவ்வப்பொழுது ஆர்வத்துடன் மின்னஞ்சல்களை அனுப்புவதற்கு கோடி நன்றிகள்!! இவை பற்றிய விவரங்களைக் கீழே தந்துள்ளேன்.

இவற்றில் 52 நூல்களை டிஜிடல் வடிவிலும் 18 நூல்களை அச்சுப்பதிப்பாகவும் உடனே பெற முடியும். ஏனைய நூல்களில் சில தயாரிப்பில் உள்ளன; மற்றையவை பற்றி, இனி தான் வெளியிடப்படும் முயற்சியையே ஆரம்பிக்க வேண்டும்.

 

தமிழகத்தில், பதிப்புத் தொழிலில் இப்போது ஒரு சுணக்கம் ஏற்பட்டுள்ளது. ஆகவே, தகுந்த பதிப்பாளர்கள் கிடைத்தால் வெளியிடப்பட வேண்டிய நூல்களை விரைவில் வெளியிட முடியும்.

இங்கு 108 நூல்களின் பட்டியல் தரப்பட்டுள்ளது. இவற்றில் சுமார் 3000 கட்டுரைகள் உள்ளன. சுமார் பதினைந்து லட்சம் சொற்களைக் கொண்ட இந்த நூல்களில் ஆன்மீகம், யந்திரங்கள், மந்திரங்களின் மகிமை, ஹிந்து மதச் சிறப்பு, புத்த மதச் சிறப்பு, அறிவியல், அறிவியல் கேள்வி- பதில்கள், அறிவியல் அறிஞர்கள், விண்வெளியில் மனித சாதனைகள், சுய முன்னேற்றம், அதீத உளவியல், திரைப்பட நடிகர், நடிகைகள், ஆங்கில, தமிழ் திரைப்படங்கள், திரைப்படப் பாடல்கள், உலக நாடுகள், உலகின் முக்கிய இடங்கள், கணிதப் புதிர்கள், ஜோதிடம், ஜோதிட அறிஞர்கள், நவக்கிரகங்கள், நட்சத்திரங்கள், பெண்கள் முன்னேற்றம், பறக்கும் தட்டுகள், இந்தியாவின் தேசீயத் தலைவர்கள், உலகத் தலைவர்கள், சின்னத்திரை சீரியல்கள், விலங்கு உலகம், ஆங்கில விந்தைகள், தமிழ் விந்தைகள், சம்ஸ்கிருத விந்தைகள், சம்ஸ்கிருத சுபாஷிதங்கள், சிறந்த நூல்கள், தமிழ், ஆங்கில, ஹிந்தி, சம்ஸ்கிருத இலக்கியம், பெங் சுயி, வாஸ்து சாஸ்திரம், எண் கணிதம், ஆரோக்கியம் பெறுவதற்கான வழிகள்,சுற்றுப்புறச் சூழல் சிந்தனைகள் , வானொலி உரைகள், வானொலி நாடகங்கள், சரித்திர நாவல்கள் உள்ளிட்டவை அடங்கியுள்ளன. சுமார் 18 தின, மாத, வார இதழ்களிலும், http://www.nilacharal.com, http://www.tamilandvedas.com, http://www.ezinearticles.com உள்ளிட்ட இணையதளங்களிலும் கடந்த 48 (1971-2018) ஆண்டுகளில் வெளியானவை இவற்றில் அடங்கும்.

*

கீழ்க்கண்ட 52 நூல்கள் நிலா பப்ளிஷர்ஸ், லண்டன் மூலம் மின்னணு நூல்களாக வெளியிடப்பட்டுள்ளன. இவை அனைத்தும் National Library Board, Singapore- சிங்கப்பூர் தேசீய நூலகத்தில் இடம் பெற்றுள்ளன.

நூல்கள் பற்றிய விவரங்களை http://www.nilacharal.com இணையதளத்திலிருந்து பெறலாம்.

 

ஆங்கில நூல்

1) Breakthrough to Success

தமிழ் நூல்கள்

சுய முன்னேற்றம்

2) வெற்றிக்கலை

ஜோதிடம்

3) ஜோதிடம் உண்மையா?

4) ஜோதிட மேதைகளின் வரலாறு!

5) நவகிரகங்கள்

6) நட்சத்திர அதிசயங்களும் மர்மங்களும்!

திரைப்படம்

7) திரைப்படப் பாடல்களோடு ஒரு பயணம்

8) அதிரடி மன்னன் ஜாக்கிசான்

9) ஹா! ஹா!! ஹாலிவுட்!!!

உலகம்

10) உலகின் அதிசய இடங்கள்

அதீத புலனாற்றல்

11) அறிவுக்கும் அப்பால்

12) பிரமிட் மர்மங்களும், அதீத புலனாற்றல் அதிசயங்களும்

13) அதிசய பூமியில் ஓர் ஆனந்தப் பயணம்

14) பறக்கும் தட்டுகளும் அயல்கிரகவாசிகளும்

15) விந்தை மனிதர்கள்

16) மாயாலோகம்! (பாகம் 1)

17) மாயாலோகம்! (பாகம் 2)

18) மாயாலோகம்! (பாகம் 3)

வாழ்க்கை வரலாறு

19) நேதாஜி சுபாஷ் சந்திரபோஸ்

20) டயானாவின் கதை

சரித்திர நாவல்

21) நாக நங்கை

22) விஜயதீபம்

அறிவியல் கேள்வி-பதில்

23) ஆஹா! அப்படியா!! (விஞ்ஞான கேள்வி பதில்கள்)

விலங்கியல்

24) விலங்கு உலகப் புதுமைகள்!

தொலைக்காட்சி

25) உலகின் பிரபல சின்னத்திரை சீரியல்கள்

ஆன்மீகம்

26) சேது தரிசனம் (ராமரின் சேது உண்மையா?)

27) அற்புத அவதாரம் சத்யசாயிபாபா (அம்ருத சாகரம் இணைப்பு)

28) திறன் கூட்டும் தியானம்

29) ஆன்மீக ரகசியங்கள்!

30) அறிவியல் வியக்கும் ஆன்மீகம்

31) அறிவியல் நோக்கில் ஆன்மீக அதிசயங்கள்

32) சிறுவர் புராணக் கதைகள்

33) புராணத் துளிகள்!

34) விஞ்ஞானத்தை வியக்க வைக்கும் மெய்ஞானம்!

 

அறிவியல்

35) விண்வெளியில் மனித சாதனைகள்! (பாகம் 1)

36) விண்வெளியில் மனித சாதனைகள்! (பாகம் 2)

37) விண்வெளியில் மனித சாதனைகள்! (பாகம் 3)

38) அறிவியல் துளிகள்! (பாகம் 1)

39) அறிவியல் துளிகள்! (பாகம் 2)

40) அறிவியல் அதிசயங்கள் (பாகம் 1)

41) அறிவியல் அதிசயங்கள் (பாகம் 2)

42) அறிவியல் அதிசயங்கள் (பாகம் 3)

43) அறிவியல் அதிசயங்கள் (பாகம் 4)

வானொலி உரைகள்

44) ஏன்? எப்படி? அறிவியல் புதுமைகள்

45) சுற்றுப்புறச் சூழல் சிந்தனைகள்! (பாகம் 1)

46) சுற்றுப்புறச் சூழல் சிந்தனைகள்! (பாகம் 2)

47) சுற்றுப்புறச் சூழல் சிந்தனைகள்! (பாகம் 3)

வானொலி நாடகங்கள்

48) வருவார் காந்திஜி!

புதிர்கள்

49) மாயச்சதுரமும் கணிதப் புதிர்களும்

மொழி

50) ஆங்கிலம் அறிவோமா?

ஆரோக்கியம்

51) அனைவருக்கும் ஆரோக்கியம்! (பாகம் 1)

52) அனைவருக்கும் ஆரோக்கியம்! (பாகம் 2)

*

குறிப்பு:- மேற்கண்ட 52 நூல்களில் 17 நூல்கள் விநாயகா பதிப்பகம் ராயப்பேட்டை, சென்னை, உரிமையாளர், திரு சுவாமிநாதன் அவர்களால் அச்சிடப்பட்டு அச்சுப் பதிப்பாக வெளியிடப்பட்டுள்ளன.

தொடர்பு கொள்ள வேண்டிய முகவரி:

Vinayaka pathippakam

old no 29 new no 71

muthu street

royapetta chennai – 14

Contact : Mr Swaminathan  9941352785

9380712132

அச்சுப் பதிப்பு நூல்கள்

வெற்றிக்கலை

நவகிரகங்கள்

நாக நங்கை

விஜயதீபம்

அதிரடி மன்னன் ஜாக்கிசான்

உலகின் அதிசய இடங்கள

அறிவுக்கும் அப்பால்

பிரமிட் மர்மங்களும், அதீத புலனாற்றல் அதிசயங்களும்

ஆங்கிலம் அறிவோமா?

அற்புத அவதாரம் சத்யசாயிபாபா (அம்ருத சாகரம் இணைப்பு)

பறக்கும் தட்டுகளும் அயல்கிரகவாசிகளும்

விந்தை மனிதர்கள்

திறன் கூட்டும் தியானம்

ஆன்மீக ரகசியங்கள்!

அறிவியல் வியக்கும் ஆன்மீகம்

விஞ்ஞானப் புதுமைகள் 100

சிறுவர் புராணக் கதைகள்

கீழ்க்கண்ட ஒரு நூலை அச்சுப் பதிப்பாக, மணிவாசகர் பதிப்பகம் , சென்னை வெளியிட்டுள்ளது:

திரைப்படப் பாடல்களோடு ஒரு பயணம்

*

கீழ்க்கண்ட 15 நூல்கள் நிலா பப்ளிஷர்ஸ், லண்டன் மூலம் மின்னணு நூல்களாக வெளியிடப்படத் தயாராக உள்ளன.

 

அறிவியல்

  1. அறிவியல் துளிகள்! (பாகம் 3)
  2. அறிவியல் துளிகள்! (பாகம் 4)
  3. அறிவியல் துளிகள்! (பாகம் 5)
  4. அறிவியல் துளிகள்! (பாகம் 6)

பெண்ணியம்

  1. ஆனந்தம் ஆரம்பமாக வழிகள்
  2. மாறி வரும் பெண்கள் உலகம்

ஆன்மீகம்

  1. அறிவியல் நிரூபிக்கும் அழிவற்ற ஆன்மா!
  2. புராணத் துளிகள் பாகம் 2
  3. சம்ஸ்கிருதச் செல்வம் பாகம் 1

(சுபாஷித ஸ்லோகங்களின் தொகுப்பு)

  1. ராமாயண வழிகாட்டி பாகம் 1
  2. ஸ்வர்ண லோகம் பாகம் 1
  3. பார்த்ததில் ரசித்தது! படித்ததில் பிடித்தது!!

ஆரோக்கியம்

  1. அனைவருக்கும் ஆரோக்கியம் பாகம் 3

வானொலி உரைகள்

  1. சுற்றுப்புறச் சூழல் சிந்தனைகள் பாகம் 4

உலகம்

67.இன்றைய பார்வையில் சில உலக நாடுகள்

கீழ்க்கண்ட 41 நூல்கள் முடிக்கப்பட்டுள்ளன. மின்னணு நூல்களாக ஆக்கம் செய்யப்படத் தயாராக உள்ளன.

  1. அறிவியல் துளிகள்! (பாகம் 7)
  2. அறிவியல் துளிகள்! (பாகம் 8)
  1. சம்ஸ்கிருதச் செல்வம் பாகம் 2

(நியாயங்கள் பற்றிய தொகுப்பு)

  1. தமிழ் என்னும் விந்தை பாகம் 1
  1. முட்டாள்தனமான கேள்விகளைக் கேட்காதீர்கள்!

(சுய முன்னேற்ற நூல் – ஆங்கில நூலின் தமிழாக்கம்)

73) வெற்றிக்கலை – இரண்டாம் பாகம்

74) அறிவியல் துளிகள்! (பாகம் 9)

75) 120 வயது வாழ்ந்த அதிசய புத்த துறவி ஸூ யுன்! (Empty Cloud தமிழாக்கம்)

76) அறிவியல் துளிகள்! (பாகம் 10)

77) அறிவியல் துளிகள்! (பாகம் 11)

78) அறிவியல் துளிகள்! (பாகம் 12)

79) அறிவியல் துளிகள்! (பாகம் 13)

80) அறிவியல் துளிகள்! (பாகம் 14)

81) அறிவியல் துளிகள்! (பாகம் 15)

82) அறிவியல் துளிகள்! (பாகம் 16)

83) சுற்றுப்புறச் சூழல் சிந்தனைகள் – பாகம் 5

84) மாக்ஸ்முல்லர் மர்மம்

85) இது தான் இந்தியா!

86) கம்பன் இன் கவித் திரட்டு மற்றும் கட்டுரைகள்

87) மஹாகவி பாரதியார் பற்றிய நூல்கள் – பாகம் 1

88) மஹாகவி பாரதியார் பற்றிய நூல்கள் – பாகம் 2

89) பாரதி போற்றி ஆயிரம்

90) அனைவருக்கும் ஆரோக்கியம் பாகம் 4

91) ஸ்வர்ண லோகம் (புத்த மதக் கட்டுரைகள்) (பாகம் 2)

92) தேவாரக் கட்டுரைகள் (பாகம் 1)

93) தேவாரக் கட்டுரைகள் (பாகம் 2)

94) கொங்கு மண்டல சதகம் – வரலாற்றுக் கட்டுரைகள்

95) ஹிந்து ராஷ்டிரம் தேவையா?

96) சம்ஸ்கிருதச் செல்வம் (பாகம் 3)

97) மஹாபாரத மர்மங்கள்

98) கண்ணதாசனின் காலம் வென்ற படைப்புகள்

99) மஹரிஷி ரமணர்

100) வாஸ்து சாஸ்திரமும் பெங் சுயி நன்மைகளும்

101) அதிசய கவிஞர் பாரதியார்

102) மதம் மாற்றும் பாதிரிகளும் இங்கர்சாலும்

103) வள்ளுவரிடம் வாழ்க்கை இரகசியங்களை கேட்போம்

104) உலகின் ஒப்பற்ற மேதைகள் – லிங்கன், நெப்போலியன், வால்டேர், மொஜார்ட்

105) அதீத உளவியல் ஆற்றல் மர்மங்கள்!

106) அருமையான ஹிந்தி, ஆங்கில, தமிழ் திரைப்படங்கள்

107) கிருஷ்ண தியானம் ஏன்? மேலை நாட்டு அறிஞர் வியக்கும் ஹிந்து மதம்

108) அதிசய மஹாபுருஷர்கள் வாழ்க்கையில் .. ..

—-  SUBHAM  —

கலைஞரின் கை எப்போதும் சுத்தமானது-மநு சர்ட்டிபிகேட் (Post 5682)

 

 

Written by London Swaminathan

swami_48@yahoo.com

Date: 20 November 2018

GMT Time uploaded in London –11-12 AM
Post No. 5682

Pictures shown here are taken from various sources including google, Wikipedia, Facebook friends and newspapers. This is a non- commercial blog

மநு நீதி நூல் – பகுதி 33

மநு தர்ம சாஸ்திரத்தின் ஐந்தாவது அத்தியாயத்தில் 110 ஸ்லோகம் வரை கண்டோம். இன்று இறுதி வரை பார்த்து ஐந்தாவது அத்தியாயத்தை முடிப்போம்.

1.இந்தப் பகுதி ரத்தின, தங்கம், வெள்ளி முதலிய பண்டங்களையும், பாண்டங்களையும் சுத்தம் செய்வது எப்படி என்று துவங்குகிறது. மநு, மனிதர்களின் சுத்தம் பற்றி மட்டுமன்றி ஏனையவற்றையும் விவாதிப்பது அக்கால நமபிக்கைகளைக் காட்டுகிறது.

கலைஞரின் கையும், பெண்ணின் வாயும் எப்போதும் சுத்தமானது-மநு சர்ட்டிபிகேட்

முதலில் புல்லட் பாயிண்டுகளில் (bullet points)

முக்கிய விஷயங்களை அலசுவேன்.

2.மநுவை எதிர்த்து துஷ்பிரசாரம் செய்யும் அயோக்கியர்கள் அடிக்கடி காட்டும் முக்கிய ஸ்லோகம் இந்தப் பகுதியில் வருகிறது. இந்துப் பெண்களுக்குச் சுதந்திரம் கொடுக்கக் கூடாது என்று

மநு செப்பியதாக வெளிநாட்டு விஷமிகளும், திராவிட, மார்கஸீய அரை வேக்காடுகளும் அடிக்கடி மேற்கோள் காட்டுவது ஸ்லோகம் 148. இதை மற்ற ஸ்லோகங்களுடன் கோர்வையாகப் படிக்கையில் மநு, ஒரு பெண்ணின் பாதுகாப்புக்காகச் சொன்னானே தவிர, சுதந்திரம் இருக்கக்கூடாது என்று செப்பவில்லை என்பது வெள்ளிடை மலையென விளங்கும். அது மட்டுமல்ல. வேறு இடங்களில் பெண்களுக்கு ஆதரவாக மநு சொன்ன விஷயங்களை வேண்டுமென்றே மறைப்பர். எந்தக் குடும்பத்தில் ஒரு பெண் அழக்கூடிய நிலைக்குத் தள்ளப் படுகிறாளோ அநதக் குடும்பம் வேரோடு சாயும்- அடியோடு அழியும் என்று மநு சொன்னதைக் காட்ட மாட்டர்கள் அயோக்கியர்கள். அது மட்டுமல்ல; பெண்களுக்குப் புத்தாடைகளையும், நகை நட்டுகளையும் வாங்கித் தந்து அவர்களை மகிழ்ச்சிக் கடலில் முழுக வைக்கும் இடத்தில்தான் தெய்வங்கள் வசிக்கும் என்று மநு சொன்னதையும் திருடர்கள் மறைப்பர். இதே அத்தியாயத்தில் கூட பெண்ணின் வாய் எப்போதும் சுத்தமானது என்று சொல்லுவதையும் கொடுக்காமல் ஸ்லோகம் 148-ஐ மட்டும் கொடுப்பவர்களை அயோக்கியர்கள் என்று எளிதில் இனம் காணலாம்.

இதைவிட முக்கியமானது இது சங்கத் தமிழ் பாடல்களிலும் உளது. பெண் என்பவள் பிறந்த இடத்துக்குச் சொந்தமானவள் அல்ல; அவள் ஓடிப்போனதைப் பற்றி ஏன் வருந்துகிறாய்? என்று ஒர் புலவர் பாடுகையிலும் இந்த விஷயம் வருகிறது.

 

3.அடுத்தபடியாக ‘தஸ்யூ’ என்னும் சொல்

வரும் ஸ்லோகம் 131. இதற்குத் திருடன், கொள்ளைக்காரன், புறம்போக்கு என்று பொருள். அந்த அர்த்தத்தில் உலகப் புகழ் காளிதாஸன் போன்றோர் பயன்படுத்துவதை அனவரும் அறிவர். ஆனால் ஆரம்பத்தில் வேதங்களை மொழிபெயர்த்த அயோக்கிய வெள்ளைக்காரர்கள், இதை ‘பழங்குடி மக்கள்’- ‘ஆரியர்களை எதிர்த்தவர்கள்’- என்று திருட்டுத்தனமாக மொழி பெயர்த்தனர். சங்க இலக்கியத்தில் சில ஜாதிகளைக் கொள்ளைக்காரர்கள், கொலைகாரர்கள் என்றும், கல்லாதவர்கள் என்றும் புலவர்கள் பாடியுள்ளனர். அதற்காக அந்த இனத்தையே நாம் பழிப்பத்தில்லை. இது போல எந்த சமூகத்திலும், ஜாதியிலும்  கொள்ளைக்காரர்கள் இருப்பர். ராபர்ட் கிளைவ் போன்ற வெள்ளைக்காரன் ஒரு தஸ்யூதான்.

பெண்ணின் வாய், கலைஞரின் கை

4.ஒரு பெண்ணை முத்தம் கொடுத்தால் அது எச்சில் ஆகாதா, ஒரு பறவை கொத்தி கீழே விழும் பழம் எச்சில் இல்லையா, குயவன், நெசவாளி, தச்சன் போன்றோர் செய்து கொடுப்பதை எல்லாம் பூஜையில், யாகத்தில் பயன்படுத்துகிறோமே இவை எல்லாம் கீழ் ஜாதியினர் தொட்டதுதானே என்று 5000 ஆண்டுகளுக்கு முன் வாதம் செய்த முட்டாள்களுக்கு மநு– மாபெரும் ஜீனியஸ் great genius– மாபெரும் உளவியல் நிபுணந் psychologist – அழகாகப் பதில் சொல்லிவிட்டான். இவை எல்லாம் எச்சில், தீட்டு, அசுத்தம் இல்லை – இல்லவே இல்லை. இந்த ஸ்லோகத்தை நான் கீழே தந்துள்ள திருலோக ஸீதாரமன் சரியாக மொழி பெயர்க்கவில்லை. காரணம் அவர் திருவைந்திரபுரம் இராமாநுஜாச்சாரியாரைக் கொண்டு மொழிபெயர்க்கப்பட்ட நூலை

எளிமையாக்கித் தந்தவரே; ஒரிஜினல் மொழி பெயர்ப்பாளர் அல்ல. மநு நூல் மீது உரை எழுதியோர், சரியான வியாக்கியானம் செய்து இது கைவினைஞர்கள், கலைஞர்களைக் குறிக்கும் என்று விளக்கியுள்ளனர்.

5.உடலில் ஏற்படும் 12 வகை அசுத்தங்கள் என்ன? (ஸ்லோகம் 134, 135)

6.ஐந்து வகை சுத்தி கரிப்பு முறைகள் என்ன?( ஸ்லோகம் 124) என்பன கவனிக்கத்தக்கவை

7.பிராமணன் சொன்னால் போதும் அதை சுத்தம் என்று எடுத்துக்கொள்ளலாம் என்று சொல்லும் ( ஸ்லோகம் 127) பகுதியும் குறிப்பிடத்தக்கது. அந்தக் காலத்தில் பிராஹ்மணர்கள் ஸத்திய சீலர்களாக இருந்ததால் அவ்வளவு மதிப்பு. வெளிநாட்டு யாத்ரீகர்களும் பிராஹ்மனர்களை உயர்த்திப் பேசியிருப்பது இதற்கு அத்தாட்சி பத்திரம் கொடுக்கும். அது மட்டுமல்ல. சங்க இலக்கியத்தில் அதிகமான செய்யுட்களை யாத்த கபிலரை மட்டும் பல புலவர்கள் ‘புலன் அழுக்கற்ற அந்தணாளன்’ — என்று புகழ்வதையும் கருத்திற்கொள்கையில் இதன் பொருள் பிரகாஸமாகும்.

என் சொந்த அநுபவம்–என் அம்மா, வீட்டு வாசலில் வரும் காய்கறிக்காரி, கீரைக்காரி, மாவடு விற்பனை செய்யும் பெண்மணியிடம் பொருட்களை வாங்குகையில், ‘இதோ பாரம்மா, இத்தனை  ,,,,,,, (நம்பரைச் சொல்லி) பொருட்களைத்தான் வீட்டுக்குள் கொண்டு செல்கிறேன், நன்றாகப் பார்த்துக்கொள்’ என்பார். அதற்கு அந்த

பெண்மணி, ‘அம்மா, நீங்கள் எல்லாம் சாமி மார் (பிராஹ்மணர்கள்), பொய் சொல்ல மாட்டீர்கள்; என்னிடம் காட்ட வேண்டாம்’ என்பாள். அநத அளவுக்கு உண்மை விளம்பிகளாகப் பிராஹ்மணர்கள் இருந்தவரை அவர்களை இலக்கியங்களும் பூசுரர்கள் (பூவுலகத்தில் வாழும் தேவர்கள்) என்று பாராட்டின.

8.தெய்வம் தொழாள்;

கணவனே கண்கண்ட தெய்வம்

கணவனே முதல் தெய்வம்- கணவனுக்குப் பணிவிடை செய்தால், கடவுளைக் கும்பிட வேண்டிய அவஸியம் பெண்களுக்கு இல்லை என்று எல்லா இந்திய மொழி இலக்கியங்களும் விளம்பும். ஆனால் மநுவும், திருவள்ளுவரும் அடித்துக் கூறுவது போல வேறு எவரும் மொழிந்ததாக நாம் அறியோம். கணவனை மட்டும் வணங்கி தெய்வத்தை வழிபடாமல் இருக்கும் பெண்ணுக்கு அபூர்வ சித்திகள் உண்டாகும்; மழை பெய் என்றால் பெய்யும்;மழையை நில் என்றால் நிற்கும் ;முலையை விட்டு எரிந்து அக்கினி தேவனை அழைத்தால் அவன் மதுரை நகரையே (பார்ப்பனர்,பெண்கள், குழந்தைகள், நோயாளிகள், வயோதிகரை விடுத்து) எரிப்பான் என்பது வள்ளுவனும், இளங்கோவும் காட்டும் இந்துப் பண்புகள்; இதையே மநுவும் உரைப்பான் (sloka ஸ்லோகம் 155).

9.சதி என்னும் உடன்கட்டை ஏறுதலுக்கு எதிர்ப்பு- ஸ்லோகம் Slokas 156-158 ‘சதி’ இல்லை

ஸ்லோகம் 156 முதல் 158 வரையுள்ள ஸ்லோகங்கள், கணவன் இறந்தவுடன், மனைவி வாழும் முறை பற்றிச் செப்பும்; அது மட்டுமல்ல. மநு வேறு எங்குமே ‘சதி’ என்னும் உடன் கட்டை ஏறும் வழக்கம் பற்றி மொழியவில்லை. இது இரண்டு விஷயங்களைக் காட்டும்:-

1.ஒரிஜினல் மநு வாழ்ந்தது ரிக்வேதம் இருந்த 5000, 6000 ஆண்டுகளுக்கு  முந்தைய காலம். ஏனெனில் உலகின் பழைய நூலான ரிக் வேதமும் சதி பற்றி கதைப்பதில்லை. மேலும் ஸரஸ்வதி நதி பற்றியும் ‘ரிக்’கும், மநுவும் கதைப்பர். இவை எல்லாம் ஒரிஜினல் மநு தர்ம சாஸ்திரத்தின் சுவடுகள். ஆக மநுவைப் போல மகளிரைப் பாராட்டிய, போற்றிய பெருமகன் எவருமிலர் என்பதை ஐந்தாம் அத்தியாயம் வலியுறுத்துகிறது.

Tags–கலைஞரின் கை, சதி, சுத்தமானதுபெண்ணின் வாய்,

—-subham–

 

அயோடினும் நெப்போலியனும், அயோடினும் மருத்துவமும் (Post No.5668)

 

Written by London Swaminathan

swami_48@yahoo.com

Date: 16 November 2018

GMT Time uploaded in London –17-34
Post No. 5668

Pictures shown here are taken from various sources including google, Wikipedia, Facebook friends and newspapers. This is a non- commercial blog

அடடா, அடடா, அயோடின் -டா கட்டுரையின் இரண்டாம் பகுதி

நேற்று வெளியான முதல் பகுதியில் சில சுவையான சம்பவங்களைக் கொடுத்தேன். இதோ மேலும் சில சுவையான சம்பவங்கள்.

நெப்போலியன் பிரான்ஸ் நாட்டை ஆண்ட காலத்தில், பிரான்சுக்கும் பிரிட்டனுக்கும் இடையே பல ஆண்டுகளுக்கு யுத்தம் நடந்தது. அப்பொழுது வெடிமருந்து, வெடிகுண்டு செய்யத் தேவையான பொட்டாஸியம் நை ட் ரே ட் பிரான்ஸுக்குக் கிடைக்காமல் இருப்பதற்காக பிரிட்டன் கடற்படையை வைத்து பிரான்ஸை முற்றுகையிட்டது. பிரெஞ்சுக்காரகள் வேறு எவ்வகையில் பொட்டாஸியம் நை ட் ரே ட் செய்யலாம் என்று ஆராயத் துவங்கினர். கடற் பாஸியில் உள்ள ரசாயனப் பொருளை பயன்படுத்தலாம் என்று அதோடு பொட்டாஸியம் உள்ள பல பொருட்களைச் சேர்த்தனர்.

அப்போது ஒரு அதிசயம் நடந்தது. பள பளப்பான கறுப்பு நிற படிகங்கள் குடுவையில் சேர்ந்தன .அதை சூடாக்கிப் பார்த்தபோது ஊதா நிற ஆவி வந்தது. பெர்னார்ட் கூர்த்வா என்பவர் இதைக் கண்டுபிடித்தார். ஆனால் அவர் வேறு இருவரிடம் கொடுக்கவே அது ஜோசப் கே லுசக் என்பவர் கைக்கு வந்தது. அவர் இது ஒரு தனி மூலகம் என்பதை அறிந்து கிரேக்க மொழியில் ஐயோட்ஸ் என்று பெயரிட்டார். இதன் பொருள் ‘வயலெட் நிறம் போன்ற’– இதிருந்து பிறந்த சொல்தான்  அயோடின்.

இதை மேற்கொண்டு சோதனைக்காக பிரிட்டனை சேர்ந்த ஹம்ப்ரி டேவிக்கு அனுப்பினர். பிரான்ஸ்- பிரிட்டன் போரையும் பொருட்படுத்தாது அவரை பாரிஸ் நகருக்குள் நுழைய நெப்போலியன் அனுமத்தித்தான். அவர் ஹோட்டல் அறையில் தங்கியவாறே சோதனைகளைச் செய்து, இது தனி மூலகமே என்றார்.

வழக்கமாக மற்றவர்கள் செய்ததை  பிரிட்டிஷார் திருடி அதை தமது சாதனை போலக் காட்டுவர். ஆகையால் ஹம்ப்ரி டேவிதான்  (Humphrey Davy) அயோடினை கண்டுபிடித்தவர் என்று பறை அறிவித்தனர்.

இந்த சர்ச்சை 100 ஆண்டுகளுக்கு நீடித்தது. பிரெஞ்சுக்காரர்கள் விடவில்லை. அயோடின் கண்டுபிடித்த நூற்றாண்டு விழா என்று 1913ல் பாரீஸில் பெரிய விழா கொண்டாடிவிட்டனர்.

மருத்துவத்தில் அயோடின்

இப்படி அயோடின் பற்றிய சர்ச்சை ஒரு புறம் இருக்க, அனைவரும் அயோடினின் மருத்துவப் பயனைக் கொஞ்சம் கொஞ்சமாக உணரத் துவங்கினர். அந்தக் காலத்தில் முன்கழுத்துக் கழலை

நோய் என்பதற்கு (கழுத்தில் கட்டி) கடற்பாஸியைக் கொடுத்து கட்டுப்படுத்தினர். இதை உணர்ந்த டாக்டர் ஜீன் பிரான்ஸ்வா காயின்டே என்பவர் பொட்டாஸியம் அயோடைட் திரவத்தை  நோயாளிகளுக்குக் கொடுத்தார். ஆனால் அது கடுமையான வயிற்று நோவை உருவக்கியது. பின்னர் அது கைவிடப்பட்டது. ஆனால் இதன் மூலம் டிங்சர் அயோடின் என்ற கிருமி கொல்லும் மருந்து கிடைத்தது. இப்போதும் காயங்களுக்கு டிங்சர் அயோடின் போடுகின்றனர்.

மனிதர்களின் கழுத்தில் தைராய்ட் (Thyroid Glands) சுரப்பி உளது இது இரண்டு வகை ஹார்மோன்களை உற்பத்தி செய்யும். இது அதிகம் ஆனாலும் நோய் வரும். குறைந்தாலும் நோய் வரும் .இது குறைந்தால் முன்கழலை,உடலில் குளிர், மனத்தொய்வு, காய்ந்து போன சருமம், களைப்பு என்று பல பிரச்சினைகள் வரும் . அதிகம் ஆனாலோ அமைதியினமையும் அதிக அலட்டலும் உண்டாகும். ஆகையால் ரத்தத்தில் அயோடின் உள்ள அளவைக் கொண்டு  இதை தீர்மானித்து மருந்து கொடுக்கத் துவங்கினர்.

கர்ப்பிணிகளுக்கு அயோடின்

கர்ப்பமான பெண்களுக்கு முதல் மூன்று மாதங்களில் தேவையான அளவுக்கு அயோடின் இருந்தால்தான் குழந்தையின் நரம்பு மண்டலம் வளர்ச்சி பெறும். இதனால் இப்போது கர்ப்பிணிப் பெண்களையும் இந்த கோணத்தில் அதிகம் கவனிக்கின்றனர்.

இயற்கையாக முட்டைக் கோசு, காளான், சூரிய காந்திச் செடி விதைகள், பல வகை மீன்கள் ஆய்ஸ்டர் (Oysters) எனப்படும் சிப்பியில் இருக்கும் பிராணி ஆகியவற்றில் இது அதிகம் இருக்கிறது. ஆரோக்கிய வாழ்வுக்கு அயோடின் அவஸியம்.

–subham–

அடடா! அடடா! அயோடின் Iodine-டா! (Post No.5665)

Written by London Swaminathan

swami_48@yahoo.com

Date: 15 November 2018

GMT Time uploaded in London –11-35 AM
Post No. 5665

Pictures shown here are taken from various sources including google, Wikipedia, Facebook friends and newspapers. This is a non- commercial blog

அயோடின் என்பது என்ன?

118 மூலகங்களில் ஒன்று.

மூலகம் என்றால் என்ன?

எப்படி வீடு கட்ட செங்கல் தேவையோ,அது போல இந்தப் பிரபஞ்சத்தை உருவாக்க ஹைட் ரஜன், நைட் ரஜன், ஆக்ஸிஜன், முதலிய 118+ அடிப்படைப் பொருட்கள் தேவை. அதில் ஒன்று அயோடின்.

இது மனித உடலுக்குத் தேவையான ஒரு இரசாயனப் பொருள்; அயோடின் கூடினாலும் கஷ்டம்; குறைந்தாலும் கஷ்டம்!

சுவையான செய்திகள்

முதலில் அயோடின் IODINE பற்றிய சுவையான செய்திகளைக் காண்போம்.

செயற்கை மழை பொழிவிக்க உதவுவது சில்வர் அயோடைடு (SILVER IODIDE வெள்ளி அயோடைட்) என்னும் பொருள் ஆகும். ஒரு கிராம் சில்வர் அயோடைட் தூவினால் அது ஒரு ட் ரி ல்லியன் (TRILLION) படிகங்களை உருவாக்கும்.  அதைச் சுற்றி மேகத்திலுள்ள நீர்த் திவலைகள் சேர்ந்து கொட்டோ கொட்டு என்று மழை கொட்டிவிடும். அது சரி! மேகம் இருந்தால்தானே கொட்டும். அதற்கு நாம் எங்கே போக வேண்டும் என்று கேட்காதீர்கள்!

விமானத்தை விண்ணில் மேகத்துக்கு இடையே விமானத்தை பறக்கச் செய்து புகைபோல அயோடின் உப்பு தூவப்படும். இப்படி 1952 ஆகஸ்டில் பிரிட்டிஷார் ஒரு ரகசிய சோதனை நடத்தினர். இது இங்கிலாந்தின் மேற்குப் பகுதியிலுள்ள லின்மவுத் என்னும் ஊரில் அதி பயங்கர மழையைக் கொட்டி திடீர் வெள்ளத்தை உண்டாக்கி 31 பேரைச் சாகடித்தது!

ஏன் ரஹஸிய சோதனை நடத்தினர்? எதிரி நாட்டில் படைகளை அடக்க, மடக்க இது உதவுமா என்று பிரிட்டிஷ் ராணுவ இலாகா செய்த சோதனை இது. டாங்குகள் அணிவகுத்து வருகையில் இப்படி வெள்ளத்தை உண்டாக்கினால் அவை சகதியில் சிக்கி, முன்னேற முடியாதல்லவா? இது என்னாடா பெரிய சோதனை! பெரும் ரோதனையாகப் (அழுகை) போய்விட்டதே என்று மக்கள் அங்கலாய்த்தார்கள்.

கொஞ்சம் வேதியியல் பாடம் நடத்திவிட்டு மேலும் ஒரு சுவையான  செய்தி  சொல்லுவேன்.

 

அயோடின் என்பது உலோகம் அல்ல; இது பளபளப்பான கறுப்பு நிற படிகங்கள். இதை சூடாக்கினால் பர்ப்பிள் என்னும் ஊதா நிற புகையை வெளியிடும். இதன் ரஸாயன குறியீடு ‘ஐ’ I ஐ I ஃபார் இண்டியா; ஐ ஃபார் அயோடின்.

இதன் அணு எண் 53. அதாவது பிரியாடிக் டேபிள் PERIODIC TABLE எனப்படும் மூலக அட்டவணையில் 53 ஆவது இடம். உருகு நிலை 114 டிகிரி சி.

இது மருத்துவத் துறையிலும் புகைப்படத் தொழிலிலும் நிறைய பயன்படுகிறது.

நிற்க.

சுவையான செய்தி என்னவென்றால்,

ஒவ்வொரு ஆண்டும் கடல் அலை வீசும் நீர்த் திவலைகள் மூலமும், கடல்பிராணிகள் தாவரங்கள் மூலமும் 4 லட்சம் டன் அயோடின்  காற்று மண்டலத்துக்குள் நுழைகிறது. மீண்டும் இவை நிலத்தில் விழுந்து ஆறுகள் வழியே கடலில் கலக்கிறது. இடையே கடற் பாஸி, காளான், முட்டைக்கோசு முதலிய தாவரங்கள் கொஞ்சம் கிரஹித்துக் கொள்ளும்.

செர்னோபிள் CHERNOBLE பற்றிய சோகச் செய்தி

ரஷ்யாவில் செர்னோபிள் என்னும் இடத்தில்1986 ஆம் ஆண்டில் அணு உலை உருகி உலகத்தையே அதிர்ச்சிக்குள்ளாக்கியது பழைய செய்தி. இது நிறைய பெயரைப் பலி வாங்கியது. இடி அயோடினும் ஒரு குற்றவாளி! அயோடிந்131 IODINE-131 என்ற கதிரியக்க ஐஸ்டோப் அப்போது வெளியேறியது . இது விரைவில் அழியக்கூடியதே. ஆனால் அது கீழே விழுந்து புல்லில் கலந்து அதை மேந்த ஆடு மாடுகள் தந்த பாலின் வழியே குழந்தைகள், மனிதர்கள் ரத்தத்தில் கலந்து தைராய்ட் THYROID CANCER புற்று நோயை உண்டாக்கியது. தண்ணீரில் கலந்ததும் ஒரு காரணம். பொடாஸியம் அயோடைட் என்னும் உப்பைக் கொடுத்தால் இந்தக் கெடுதியை சரி செய்யலாம் என்பது பின்னர் தெரிந்தது. ஆனால் எல்லாம் நடந்தபின் வந்த இந்த செய்தி கண் கெட்டுப்போனவன் சூரிய நமஸ்காரம் செய்த கதை போல் ஆயிற்று.

புகைப்படத் தொழிலில் புரட்சி

தென் அமெரிக்காவில் சிலி நாட்டிலும் அமெரிக்காவில் கொலராடோ நியு மெக்ஸிகோ பகுதியிலும் இயற்கையாகவே

ஏராளமான அயோடின் உப்பு கிடைக்கிறது

இதைக் கொண்டு புகைப்படங்கள் எடுப்பதைக் கண்டுபிடித்தனர். 1839ல் லூயிஸ் டாகர் என்பவர் ஒரு வெள்ளித் தகட்டில்  அயோடின் ஆவியைப் பாய்ச்சினார். அது சில்வர் அயோடைடை உண்டாக்கியது. அதன் மீது வெளிச்சம் பட்டால அது  மாறி விடும். எவ்வளவு வெளிச்சம் படுகிறதோ அந்த அளவுக்கு சில்வர் அயோடைட் சில்வராக (வெள்ளி) மாறிவிடும். இதைப் புகைப்படக் கருவியில் வைத்து புகைப்படம் எடுத்த பின்னர் அயோடினை கழுவிவிடலாம். அப்போது தகட்டில் உருவம், புகைப்படம் மட்டும் மிஞ்சும். பிற்காலத்தில் கண்

ணாடி மீது சில்வர் அயோடைட் உப்பை படியச் செய்து இந்த பணியைச் செய்தனர். இப்போதைய யுகத்தில் மொபைல் MOBILE PHONE ஐ பேட் I-PAD வந்த பின்னர் காமெரா பிலிம் வேலைகளும் புகைப் படம் கழுவுதலும் மறைந்து வருகிறது. இனி இவைகளை கண்காட்சி சாலையில் காணலாம்.

இப்போது அயோடினை  உப்புக் கரைசல்களில் இருந்தும் எடுக்கின்றன.

அயோடின்  உபயோகம்

மருத்துவத் துறை- 25 சதவிகிதம்

பிராணிகளின் தீவனம் 15 %

பிரிண்டிங் இங்க், சாயம்- 15 %

தொழிற்சாலை பயன்பாடு 15 %

புகைப்பட ரசாயனம் 10%

ஏனைய பயன்கள் – 20 %

இவை டைட்டானியம், சில்வர், சிர்கோனியம் அயோடைடுகளாக மாற்றப்பட்டு பயன்படுத்தப் படுகின்றன.

கட்டுரையின் இரண்டாவது பகுதியில் அயோடினின் மருத்துவ உபயோகம், அயோடினால் வரும் நோய்கள், பிரிட்டிஷார் செய்த திருட்டுத்தனம், நெப்போலியனும் அயோடினும் முதலிய விஷயங்களைச் செப்புவேன்.

–தொடரும்

–சுபம்—

மனிதரின் ஐந்தாயிரம் முகங்கள் அறியும் திறன்! (Post No.5661)

Written by S Nagarajan

Date: 14 November 2018

GMT Time uploaded in London –10-17 am
Post No. 5661

Pictures shown here are taken from various sources including google, Wikipedia, Facebook friends and newspapers. This is a non- commercial blog

பாக்யா வார இதழில் அறிவியல் துளிகள் தொடரில் வெளியாகியுள்ள (எட்டாம் ஆண்டு முப்பத்தி ஏழாம் கட்டுரை)

அத்தியாயம் 401

 மனிதரின் ஐந்தாயிரம் முகங்கள் அறியும் திறன்!

ச.நாகராஜன்

மனத்தையும் மூளையையும் பற்றிய அறிவியல் ஆராய்ச்சி முன்னேற முன்னேற நாளுக்கு ஒரு பிரமிக்க வைக்கும் கண்டுபிடிப்பை அறிந்து வருகிறோம்.

இந்த வகையில் இப்போது அறிவியல் ஆய்வு ஒன்று தரும் முடிவு ஒரு மனிதன் தனது வாழ்நாளில் சுமார் 5000 முகங்களைத் தெளிவாக அடையாளம் காண முடியும் என்று அறிவிக்கிறது. சில மனிதர்கள் சுமார் பத்தாயிரம் முகங்களைக் கூடத் தெளிவாக அடையாளம் காண்கிறார்கள் என்றும் ஆய்வு கூறுகிறது.

உலகில் அன்றாடம் நாம் ஏராளமான முகங்களைப் பார்த்துக் கொண்டே இருக்கிறோம். இவர்களில் தெரிந்தவர்கள் சிலர்; தெரியாதவர்கள் பலர்.

அறிவியல் இதழான ஸயின்ஸ் இதழில் ஃப்ராங்கி ஷெம்ப்ரி, இது பற்றி எழுதுகையில் இப்படிப்பட்ட ஆய்வு உலகில் இது தான் முதல் தடவை எனக் குறிப்பிடுகிறார். முகங்களை இனம் கண்டு அடையாளம் காணும் ஆய்வுகள் பல ஏற்கனவே நடைபெற்றிருந்தாலும் எத்தனை பேரை ஒரு மனிதன் அடையாளம் காண முடியும் என்பதைப் பற்றித் துல்லியமாக அறிவதற்கான ஆய்வு இதுவரை நடந்ததில்லை.

பிரிட்டனைச் சேர்ந்த யார்க் பல்கலைக் கழகத்தில் பணியாற்றும் ராப் ஜென்கின்ஸ் தலைமையிலான குழு இதற்கான ஆராய்ச்சியை மேற்கொண்டது.

இந்த ஆய்வின் முடிவுகள் ‘ப்ரொசீடிங்ஸ் ஆஃப் தி ராயல் சொஸைடி பி இதழில் வெளியிடப்பட்டுள்ளது.

இதற்காக தன்னார்வத் தொண்டர்களை க்ளாஸ்கோ பல்கலைக் கழக மற்றும் அபெர்டீன் பல்கலைக் கழக மாணவ சமுதாயத்திலிருந்து ஆய்வுக்குழுவினர் தேர்ந்தெடுத்தனர்.

அவர்களுக்கு இரு சோதனைக்ள் தரப்பட்டன. முதல் சோதனையில் ஒரு மணி நேரத்தில் தனக்குத் தெரிந்த குடும்ப உறுப்பினர்கள், நண்பர்கள், ஆசிரியர்கள், பள்ளித் தோழர்கள், பல்துறை வித்தகர்கள் உள்ளிட்டோரில் எத்தனை பேரை சரியாக அடையாளம் காட்ட முடியும் என்று கேட்கப்பட்டது. சோதனையில் பங்கு கொண்டோர் ஒவ்வொருவரின் பெயரையும் சொல்ல வேண்டும் என்பது கூட இல்லை. இவர் எனது பள்ளித் தோழர், இவர் எனது தெருவில் வசிப்பவர் என்று சொன்னால் கூடப் போதும். அவரைப் பார்த்தால் தெளிவாக இன்னொரு முறை அடையாளம் காட்ட முடியும் என்ற தகுதி இருந்தால் போதும், அது கணக்கில் எடுத்துக் கொள்ளப்பட்டது.

ஒரு மணி நேர சோதனையில் நேரம் ஆக ஆக, அடையாளம் காணும் எண்ணிக்கை குறைந்து கொண்டே வந்தது. களைத்துப் போன சோதனையாளர்களுக்கு ஆறுதல் தரும் விதமாக சோதனை முடிவுக்குக் கொண்டு வரப்பட்டது.

சோதனையின் அடுத்த கட்டமாக 3441 பிரபலங்களின் போட்டோக்கள் அவர்களிடம் காட்டப்பட்டன. அதில் அவர்களுக்கு யாரையெல்லாம் தெரியும் என்று கேட்கப்பட்டது. யாரையும் அவர்கள் விட்டு விடக் கூடாது என்பதற்காக, பிரபலங்கள் ஒவ்வொருவரின் இரு வெவ்வேறு போட்டோக்கள் காட்டப்பட்டன.

 இந்த இரு சோதனைகளின் முடிவுகளும் இணைந்து பார்க்கப்பட்ட பின்னர் சோதனையில் பங்கு கொண்டோர் ஆயிரம் முதல் பத்தாயிரம் பேர்களின் முகங்களைத் தெளிவாக அடையாளம் காண்கிறார்கள் என்று கண்டறியப்பட்டது.

சராசரியாகச் சொல்வதென்றால் ஒரு மனிதனால் 5000 பேர்களை அடையாளம் காட்ட முடியும்!

ஆயிரம் முதல் பத்தாயிரம் என்ற அளவிற்கு, இவ்வளவு பெரிய வேறுபாடு மனிதருக்கு மனிதர் ஏன் ஏற்படுகிறது என்ற கேள்விக்கு, சிலருக்கு முகங்களை மிகச் சுலபமாக இனம் காணுவது இயல்பாகவே இருக்கிறது என்று ஆய்வாளர்கள் பதில் அளித்தனர். இதற்கு இன்னொரு காரணமும் இருக்கக் கூடும் என்கிறார் ஆய்வாளர் ஜென்கின்ஸ்.

சமூகச் சூழ்நிலையும் இதற்கு ஒரு காரணமாக இருக்கலாம் என்கிறார் அவர். சிலர் மிகவும் அதிகமாக ஜனத்தொகை உள்ள இடத்தில் வாழ்வதால் அதிகம் பேரை அறியக் கூடிய வாய்ப்பு இருந்திருக்கலாம் என்பது அவரின் கணிப்பு.

ஆய்வாளரில் ஒருவரான யார்க் பல்கலைக்கழக் உளவியல் நிபுணர் மைக் ப்ருடன், “ ஆய்வு முடிவு தரும் மிக அதிகமான எண்ணிக்கை எங்களுக்கே ஆச்சரியத்தைத் தருகிறது. ஏனெனில் மிகப் பண்டைய காலத்தில் மனிதர்கள் வாழ்ந்த போது அவர்கள் நூறு பேருக்கும் கீழாக இருந்த கூட்டத்திலேயே வாழ்ந்து வந்தனர். ஆனால் இப்போதோ இப்படி மிக அதிகமான அளவில் மனிதர்களை இனம் காண முடிவது ஆச்சரியப்பட வேண்டிய விஷயம் தான் “ என்கிறார் அவர்.

இந்த ஆய்வு ஒரு முக்கியமான விஷயத்திற்குப் பயன்படும். கணினிப் பயன்பாட்டில் முகத்தை அடையாளம் காண உதவும் மென்பொருளை இன்னும் மேம்படுத்த இது உதவும் என்கிறார் அவர்.

   ஆய்வின் அடுத்த கட்டம் சற்று சிக்கலானது. வயதாக ஆக, இந்த நினைவாற்றல் திறன் எப்படி ஆகும் என்பது தான் அது. இப்போது சோதனையில் பங்கேற்றவர்களின் வயது 18 முதல் 61 முடிய இருந்தது. இவர்களின் சராசரி வயது 24.

மிக அதிகமாக முகங்களைக் கண்டறியும் உச்ச பட்ச வயது என்று  ஒன்று இருக்கிறதா என்பதை ஆய்வின் அடுத்த கட்டம் எடுத்துச் சொல்லும் என்கிறார் அவர்.  ஒரு குறிப்பிட்ட வயதிற்குப் பின்னர் எந்த முகமும் நினைவில் பதியாதோ என்பதையும் ஆய்வு கண்டறியும்.

சுவையான இந்தச் செய்திக்காக நினைவாற்றல் திறனில் அக்கறை கொண்டுள்ளோரும், சாஃப்ட்வேர் வடிவமைப்பாளர்களும்  காத்துக் கொண்டிருக்கின்றனர்.

ஆய்வு தொடர்கிறது.

எண்ணங்கள் பற்றிய பழைய ஆய்வுகளில் ஒரு நாளைக்கு ஒரு மனிதன் சுமார் நாற்பதினாயிரம் எண்ணங்களை எண்ணுகிறான் என்பது கண்டறியப்பட்டது. அதாவது எண்பது வயது கொண்ட ஒருவர் தனது வாழ்நாளில் நூற்றிப்பதினாறு கோடியே எண்பது லட்சம் எண்ணங்களை எண்ணுகிறார்.

ஆயுளுக்கு 117 கோடி எண்ணங்கள் என்ற பிரமிப்பிற்கு அடுத்த கட்டமாக ஆயுளுக்கு ஐயாயிரம் முதல் பத்தாயிரம் முகங்களை அடையாளம் காட்டும் மனிதனின் திறன் பற்றிய ஆய்வு இப்போது 2018 அக்டோபரில் வெளியாகி நமக்கு இன்னும் அதிக வியப்பை ஊட்டுகிறது!

 

அறிவியல் அறிஞர் வாழ்வில் .. ..

எண்பத்துமூன்று வயது ஆகும் அமெரிக்க டாக்டர் ஹெர்பர்ட் பென்ஸன் (Herbert Benson  – பிறப்பு 1935) யோகா பற்றி அறிவியல் பூர்வமாக ஆராய்ந்த பிரபலமான டாக்டர். மனிதனுக்கு யோகா மூலமாக என்னென்ன சக்திகள் ஏற்படக் கூடும் என்பதை அறிவதற்காக ஹார்வர்ட் மெடிகல் ஸ்கூலின் மருத்துவப் பேராசிரியரும் பென்ஸன் – ஹென்றி இன்ஸ்டிடியூட்டின் டைரக்டருமான அவர் ஆயிர்த்தி தொள்ளாயிர்த்து எண்பதுகளில் இமயமலைக்கு வந்து ஆய்வுகளை நடத்தினார்.

சிறப்பான டும்மோ (Tummo) என்ற ஒரு யோகா பயிற்சியை மேற்கொண்ட ஒரு துறவியின் கை விரலின் நுனி 17 டிகிரி அளவு வெப்பத்தை அதிகரித்துக் காட்டியதைக் கண்டு அவர் வியந்தார். எப்படி அதைச் செய்கிறார் என்பதை யாராலும் இன்று வரை கண்டுபிடிக்க முடியவில்லைல் 

சிக்கிமுக்கு சென்ற போது அவர்கள் யோகிகள் தங்கள் ஆற்றலினால் 64 சதவிகிதம் உடல் இயக்கங்களை மாற்றிக் காட்டியதைக் கண்டு அயர்ந்து போயினர்.

15000 அடி உயரத்தில் இமயமலையில் இருக்கும் யோகிகள் கம்பளிப் போர்வை கூட இல்லாமல் அப்படிப்பட்ட கடும் குளிரில் இயல்பான உடல் வெப்பத்தினால் மட்டுமே   வாழ்வது வீடியோ பிலிம் எடுக்கப்பட்டது.

பிரக்ஞையின் மூலம் உடல் இயக்கங்களை மாற்றிக் காட்டலாம் என்பதை நேரில் கண்ட பென்ஸன் 12 புத்தகங்களை எழுதியுள்ளார். இவை பல மொழிகளிலும் மொழி பெயர்க்கப்பட்டு பல லட்சம் பிரதிகள் விற்பனை ஆகியுள்ளன. தி ரிலாக்சேஷன் ரெஸ்பான்ஸ், தி மைண்ட் பாடி எஃபெக்ட், யுவர் மாக்ஸிமம் மைண்ட் உள்ளிட்ட அவரது புத்தகங்களில் மனம் பற்றிய விஞ்ஞானிகளின் அபூர்வ சோதனைகள் விளக்கப்பட்டுள்ளன.

****

45 நிமிடங்களில் எவரையும் பைத்தியமாக்கும் மௌன சேம்பர் (Post no. 5650

WRITTEN BY S NAGARAJAN

Date: 11 November 2018

Time uploaded in London – 7-29 AM (GMT)

Post No. 5650

Pictures shown here are taken from various sources including google, Wikipedia, Facebook friends and newspapers. This is a non- commercial blog.

45 நிமிடங்களில் எவரையும் பைத்தியமாக்கும் மௌன சேம்பர்!

ச.நாகராஜன்

மௌனத்தின் மஹிமை அபாரமானது. அனைத்தையும் செய்ய வல்லது என்று நமது அற நூல்கள் கூறுகின்றன.

மௌனம் சர்வார்த்த சாதனம் என்பது உலகியல் வழக்கிலான ஒரு பழமொழி.

கற்றவர் அவையில் ஒன்றும் தெரியாதவனாக இருந்தால், ‘நீ பேசாதே; அது உனக்கு மிகவும் நல்லது’ என்று பெரியோர் கூறுவர். பேசாமல் இருந்தாலே அந்த அவையில் நாமும் ‘பெரிய’ ஆளாக இருக்கக்கூடும்.

பேசி – உளறினாலோ – நுணலும் தன் வாயால் கெடும் என்ற பழமொழி தான் நமக்கு உரித்தாகும்.

சரி, பிரபஞ்சத்தில் மௌனம் உண்மையில் மௌனம் தானா?

 

விண்கலம் பிரபஞ்ச ஓசையைப் ‘பிடித்த போது’ அது கூட்டுப் பிரார்த்தனையின் இசையை ஒத்திருந்தது என்பதை முழு விவரங்களுடன் ஆதாரங்களுடன் என் கட்டுரையில் முன்பு விளக்கியுள்ளதால் அதை இங்கு மீண்டும் தரவில்லை.

மௌன சேம்பர் ஒன்றை விஞ்ஞானிகள் அமைத்தனர். Anechoic – அதாவது எந்தவித எதிரொலியும் வராத ஒரு அறை என்று பொருள். 99 சதவிகிதம் எந்த ஒலியும் உள்ளே வர முடியாத இந்த அறை மின்னசோட்டாவில் அமைக்கப்பட்டது.

இங்கு யாராலும் 45 நிமிடங்களுக்கு மேல் இருக்க முடியாது. இருந்தால் பைத்தியம் தான் பிடிக்கும். ஏன்?

ஆர்பீல்ட் லாபரட்டரியின் இந்த ஒலியில்லா அறையில்(Orfield Labs’ anechoic chamber) உள்ளே செல்லும் ஒருவர் மௌனம் அதிகமாக இருக்க இருக்க அதிக ஓசையைக் கேட்பர். எந்த ஓசையை?

அவர்கள் உடலில் எழும் ஓசையைத் தான்! அவர்கள் இதயத் துடிப்பு அவர்களுக்குப் பெரிதாகக் கேட்கும். நாளங்களில் ஓடும் ரத்தம் பாயும் ஓசை நயாகரா நீர்வீழ்ச்சி எழுப்பும் ஓசையை விட அதிகமாகக் கேட்கும். உணவு வயிற்றில் ஜீரணமாகும் போது எழும் ஓசை பொறுக்கவே முடியாத அளவு இருக்கும்.

இதை விளக்குகையில் விஞ்ஞானி ஆர்பீல்ட், “

அங்கு குறிப்புகள் எதுவும் இருக்காது.நீங்களே நிலைமையை அறிந்து உங்களை பாலன்ஸ் செய்து கொள்ள வேண்டியது தான். அங்கு நிற்க முடியாது. உட்கார்ந்தால் தான் இருக்க முடியும். அதுவும் 30 நிமிடங்களுக்கு மேல் என்றால் பைத்தியம் தான் பிடிக்கும்” என்கிறார்.

உங்களின் உடல் ஓசை பெரிதாகிக் கொண்டே போகும் – தாள முடியாத அளவு. ஆக மௌனம் என்பது சாதாரண விஷயம் இல்லை.

தக்ஷிணாமூர்த்தி மௌனத்தையே உபதேசமாக தன்னைச் சுற்றி உள்ள நான்கு மஹரிஷிகளுக்கும் அருள்கிறார்.

மௌனத்தில் சர்வ ஓசையும் அடக்கம்.

இதை அறிந்த தாயுமானவர் மௌனகுரு வணக்கம் செய்கிறார். அதில் ஒரு பாடல் இது:

சருகுசல பட்சணிக ளருகோடி யல்லால்

சகோரபட் சிகள்போலவே

தவளநில வொழுகமிர்த தாரையுண் டழியாத

தன்மைய ரனந்தகோடி

இருவினைக ளற்றிரவு பகலென்ப தறியாத

ஏகாந்த மோனஞான

இன்பநிட் டையர்கோடி மணிமந்த்ர சித்திநிலை

எய்தினர்கள் கோடிசூழக்

குருமணி யிழைத்திட்ட சிங்கா தனத்தின்மிசை

கொலுவீற் றிருக்கும்நின்னை

கும்பிட் டனந்தமுறை தெண்டனிட் டென்மனக்

குறையெலாந் தீரும்வண்ணம்

மதுமல ரெடுத்துனிரு தாளையர்ச் கிக்கவெனை

வாவென் றழைப்பதெந்நாள்

மந்த்ரகுரு வேயோக தந்த்ரகுரு வேமூலன்

மரபில்வரு மௌன குருவே

இரவு     பகல் அறியாத ஏகாந்த மோன ஞான இன்ப நிட்டையர் கோடி சூழ இருக்கும் மௌன குருவின் மஹிமையைச் சொல்லப் போமோ!

சர்வ மௌனத்தையும் தன்னுள் அடக்கிவைத்திருந்தாலும்  பைத்தியம் பிடிக்காமல் இருக்கும் யோகிகள் கோடானு கோடி பேர்! அவர்களை மோன நிலையை அடையச் செய்து அருள் பாலிக்கும் மௌன குரு – தக்ஷிணாமூர்த்தியின் சக்தியும், அருளும் வார்த்தைகளுக்கு அப்பாற்பட்டது.

விஞ்ஞானிகளின் ஒரு சின்னச் சேம்பர் நமக்கு ஓசையின்மை பற்றி – ஒலியின்மை பற்றி – மௌனம் பற்றி – இவ்வளவு விஷயங்களைத் தெரிவிக்கும் போது நாளைய உலகம் தரப்போகும் பெரிய சோதனைகளின் முடிவு இன்னும் எத்தனை எத்தனையைத் தரப்போகிறதோ!

***

பி.பி.சி.யின் ரிச்சர்ட் க்ரே எழுதிய ஆங்கிலக் கட்டுரையின் மூலம் இதோ:

There’s a small room in Minnesota that blocks out 99% of all external sound. That’s an impressive number! Also impressive: nobody can take more than 45 minutes alone in the room before they go nuts.

The Daily Mail describes Orfield Labs’ anechoic chamber—perfect for making extremely sensitive audio measurements. But also perfect for sending you into a hallucinatory hell so hellacious you’ll need a chair:

‘When it’s quiet, ears will adapt. The quieter the room, the more things you hear. You’ll hear your heart beating, sometimes you can hear your lungs, hear your stomach gurgling loudly. ‘In the anechoic chamber, you become the sound.’ And this is a very disorientating experience. Mr Orfield explained that it’s so disconcerting that sitting down is a must. He said: ‘How you orient yourself is through sounds you hear when you walk. In the anechnoic chamber, you don’t have any cues. You take away the perceptual cues that allow you to balance and manoeuvre. If you’re in there for half an hour, you have to be in a chair.’

That sounds swell. Just the serene quiet of you, your thoughts, and the unceasing pounding of the human heart. Your brain can’t take it, apparently, and begins to fabricate sounds that aren’t really there—completely delusional noises meant to block out the churning of your own horrid biomass. One ticket to Minneapolis, please! [Orfield Labs via Daily Mail via Verge]

http://www.bbc.com/future/story/20170526-inside-the-quietest-place-on-earth

  • By Richard Gray

29 May 2017

சூரியனையும் சந்திரனையும் பாம்பு விழுங்குவது ஏன்? (Post No.5647)

Written  by London Swaminathan

swami_48@yahoo.com

Date: 10 November 2018

GMT Time uploaded in London –11-57 AM
Post No. 5647

Pictures shown here are taken from various sources including google, Wikipedia, Facebook friends and newspapers. This is a non- commercial blog

பர்த்ருஹரியின் நீதி சதகம் ஸ்லோகங்கள் 28,29,30

நீதி சதகத்தில் நூறு பாடல்கள் இருப்பதை அறிவோம். இதுவரை 27 பாடல்களை குறள் கீதை முதலிய நூல்களுடன் ஒப்பிட்டுப் பார்த்தோம். நமது அறிவு வேட்டையைத் தொடர்வோம்.

பாடல் 28

பரிவர்தினி ஸம்ஸாரம் ம்ருதஹ கோ வா ந ஜாயதே

ஸ ஜாதோ யேன ஜாதேன யாதி வம்சஹ ஸமுன்னதிம் -28

நிலையற்ற இந்த உலகத்தில் யார் பிறப்பு- இறப்புச் சுழலில் விழவில்லை? ஒருவனுடைய குடும்பத்தின் செல்வ வளத்தையும் பெருமையையும் அதிகரிக்கும் பிறப்பே சிறந்தது.

பிராணிகளும், தாவரங்களும் இறக்கின்றன, பிறக்கின்றன. ஆனால் மனிதனுக்கும் அவைகளுக்கும் வேறுபாடு இல்லாவிடில் மனிதர்களும் அவைகளுடன் எண்ணப்படும். ஆகையால் வளத்தையும் நல்ல பெயரையும் சம்பாதிக்கும் வாழ்வே வாழ்வு ஏனையவை மிருக வாழ்வு.

ஒருவனுடைய மகன் செய்யும் செயற்கரிய செயல்களைக் கண்டு, இவன் தந்தை என்ன தவம் செய்து இந்தப் பிள்ளையைப் பெற்றானோ என்று வியக்க வேண்டும் என்று வள்ளுவனும் சொல்வான்.

புகழோடு வாழும் வாழ்க்கையே வாழ்க்கை; அல்லது பிறக்காமல் இருப்பதே மேல் என்றும் வள்ளுவன் மொழிவான்.

அவன் செப்பிய  குறள்கள் இதோ

மகன் தந்தைக்கு ஆற்றும் உதவி இவன் தந்தை

என்னோற்றான்கொல் எனுஞ்சொல் –குறள் 70

தோன்றின் புகழொடு தோன்றுக அஃதிலார்

தோன்றலின் தோன்றாமை நன்று- 236

உத்திஷ்ட! யஸோ லப!! எழுந்திரு! புகழ் அடை!!

–என்று அர்ஜுனனுக்கு கிருஷ்ணனும் பகவத் கீதையில் கட்டளை இடுகிறான் (11-33)

இவை மேற்கூறிய பர்த்ருஹரியின் கருத்தை எதிரொலிக்கும்.

xxx

 

குஸுமஸ்தபகஸ்யேவ த்வயீ வ்ருத்திர் மனஸ்வினஹ

மூர்த்னிவா ஸர்வலோகஸ்ய சீர்யதே வன ஏவ வா –29

பூங்கொத்து இருக்கிறது; அது காட்டிலும் இருக்கலாம்; அல்லது பெண்களின் தலையிலும் இருக்கலாம் இதே போலத்தான் ஒவ்வொருவருக்கும் இரண்டு நிலைகள் இருக்கின்றன.

பூங்கொத்து, பெண்களின் தலையை அலங்கரிக்கையில் சிறப்பு பெறும்; அதே பூங்கொத்து காட்டில் மலர்ந்து, யாரும் பார்க்காமல் உதிர்ந்தும் போவதுண்டு. ஆக புகழ் பெறுவதும் புகழ் இல்லாமல் வாழ்வதும் நம் கையில் இருக்கிறது.

வள்ளுவன் இந்த உவமையை வேறு ஒரு இடத்தில் பயன்படுத்துகிறான்.

வாசனை இல்லாத கல்யாண முருங்கைப் பூ

வள்ளுவன் சொன்னான்:-

இணரூழ்த்தும் நாறா மலரனையர் கற்றது

உணர விரித்துரையாதார் – குறள் 650

தான் படித்த விஷயத்தை அழகாக விளக்கத் தெரியாதவர்கள், மலர்ந்தும் மணம் வீசாத மலர்களுக்கு ஒப்பாவர்

தமிழில்  இதை விளக்கும் அழகான பழமொழிகளும் உள

குடத்திலிட்ட விளக்கு போல (காட்டுப் பூ)

குன்றிலிட்ட விளக்கு போல (பெண்களின் சிகை அலங்காரப் பூ)

இஃதே போல சம்ஸ்கிருத்தத்திலும் ஒரு பாடல் உண்டு

 

நல்ல குலத்தில் பிறந்து அழகாக, இளமையுடன் தோன்றினாலும், படிக்கா விட்டால், வாசனை இல்லாத கிம்சுக (கல்யாண முருங்கைப் பூ போலத்தான்) மலர் போலவே இருப்பர்.

ரூப யௌவன சம்பன்னா விசால குல சம்பவா:

வித்யாஹீனா ந சோபந்தே நிர்கந்தா இவ கிம்சுகா:

xxxx

சூரியனையும் சந்திரனையும் பாம்பு விழுங்குவது ஏன்?

செயற்கரிய  செயல் செய்தால்தான் பெருமை; இதை பர்த்ருஹரி அழகாக விளக்குகிறார்

ஸந்த்யன்யேஅபி ப்ருஹஸ்பதி ப்ரப்ருதயஹ ஸம்பாவிதாஹா பஞ்சஷா

ஸ்தான்ப்ரத்யேஷ விஷேஷ விக்ரமருசீ ராஹுர்ந வைராயதே

த்வாவேவ க்ரஸதே திவாகர நிசா ப்ராணேஸ்வரௌ பாஷ்யவரௌ

ப்ராதஹ பர்வணி பஸ்ய தானவபதிஹி சீர்ஷாவசேஷா க்ருதிஹி-30

வானத்தில் குரு போன்ற கிரஹங்கள் பிரகாசிக்கின்றன. ஆனால் ராஹு அவைக   ளை விழுங்குவதில்லை. கிரஹண காலத்தில் சூரியனையும் சந்திரனையும் அல்லவா ராஹு விழுங்குகிறான். இவ்வளவுக்கும் அவன் தலை மட்டும்தான் இருந்தது!

இந்துக்களுக்கு ராஹு கேது ஆகிய இரண்டும் சாயா (shadows) கிரஹங்கள் (நிழல்கள்) என்பது தெரிந்தும், பாமர மக்களுக்குப் புரியவைப்பதற்காகவும், கிரஹண காலத்தில் சில செயல்களைச் செய்யக்கூடாது என்று எச்சரிக்கவும் சூரியனையோ, சந்திரனையோ ராஹு அல்லது கேது விழுங்குவதாகச் சொல்லுவர். உண்மையில் கிரஹண காலத்தில் , சூரியனோ சந்திரனோ பாம்பின் வாயில் போய்விட்டு கொஞ்சம் கொஞ்சமாக வெளியே வருவது போலவே தோன்றும். மேலும் அமிர்தத்தைத் திருட முயன்ற ராஹு என்னும் பாம்பை விஷ்ணு வெட்டியதால் தலை மட்டுமே எஞ்சியதாகப் புராணக் கதைகள் புகலும். இதில் பர்த்ருஹரி உவமையாகக் காட்டி சொல்ல விழைவது என்ன வென்றால்,

பெரிய செயல்களைச் செய்தால்தான் புகழ். நோஞ்சானை அடித்துப் போட்டுவிட்டு பயில்வான் என்று பெயர் வாங்குவதில் பொருள் இல்லை.

செத்த பாம்பை அடித்துவிட்டு வீரன் என்று சொல்வதிலும் பொருள் இல்லை. ஆக செயற்கரிய செயலைச் செய்க.

இதை வள்ளுவனும் ஒரு குறளில் விளம்புவான்:-

நிலவரைநீள்புகழ் ஆற்றின் புலவரைப்

போற்றாது புத்தேள் உலகு –குறள் 234

ஒருவன் பூவுலகத்தில் புகழ் மணக்கும் செயல்களைச் செய்வானாகில், தேவலோகத்தில்  அவனுக்குத் தான் வரவேற்பு கிடைக்கும்; தேவர்களைப் போற்றமாட்டார்கள்.

परिवर्तिनि संसारे
मृतः को वा न जायते ।
स जातो येन जातेन
याति वंशः समुन्नतिम् ॥ 1.32 ॥

कुसुमस्तवकस्येव
द्वयी वृत्तिर्मनस्विनः ।
मूर्ध्नि वा सर्वलोकस्य
शीर्यते वन एव वा ॥ 1.33 ॥

सन्त्यन्ये‌உपि बृहस्पतिप्रभृतयः सम्भाविताः पञ्चषास्
तान्प्रत्येष विशेषविक्रमरुची राहुर्न वैरायते ।
द्वावेव ग्रसते दिवाकरनिशाप्राणेश्वरौ भास्करौ
भ्रातः पर्वणि पश्य दानवपतिः शीर्षावशेषाकृतिः ॥ 1.34 ॥

–subham–

இன்றைய உலகின் மெமரி மன்னன் யார்? (Post No.5637)

 

WRITTEN BY S NAGARAJAN

Date: 8 November 2018

Time uploaded in London – 7-26 AM (GMT)

Post No. 5637

Pictures shown here are taken from various sources including google, Wikipedia, Facebook friends and newspapers. This is a non- commercial blog.

டைரக்டர் திரு கே.பாக்யராஜ் அவர்களை ஆசிரியராகக் கொண்டு வெளிவரும் வார இதழ் பாக்யா. அதில் 9-11-2018 தேதியிட்ட இதழில் அறிவியல் துளிகள் தொடரில் வெளியாகியுள்ள (எட்டாம் ஆண்டு முப்பத்தி ஆறாம்) கட்டுரை  

அறிவியல் துளிகள் ! அத்தியாயம் 400

ன்றைய உலகின் மெமரி மன்னன் யார்?

ச.நாகராஜன்

டாக்டர் அகிரா ஹராகுச்சி (Dr Akira Harguhi) என்ற ஜப்பானியர் தான் இன்றைய உலகின் நினைவாற்றல் மன்னன். அதிகாரபூர்வமாக இல்லாவிட்டாலும் கூட தனது சாதனையை பொது இடத்தில் நிகழ்த்தி இவர் மனித குலத்தில் இன்று நினைவாற்றலில் முதலிடம் பெற்றுத் திகழ்கிறார்.

‘பை என்ற கணிதக் குறியீடு கணிதக் கலையின் அபூர்வமான விசித்திரம். (இந்தத் தொடரில் முன்பே இது பற்றி விளக்கப்பட்டுள்ளது)

 3.142 என்ற எண்ணால் ‘பை-யை சாதாரணமாகக் குறிப்பிட்டாலும் இது முடிவே இல்லாத தொடர் எண். 22ஐ ஏழால் வகுத்துப் பார்த்தால் வருகிறது இந்தத் தொடர் எண்.

இந்தத் தொடர் எண்ணில் ஒரு லட்சம் இலக்கங்களை எதையும் பார்க்காமல் தன் நினைவிலிருந்தே சொல்கிறார் டாக்டர் அகுரா.

2006ஆம் ஆண்டு அக்டோபர் மாதம் மூன்றாம் தேதி காலை 9 மணிக்குத் தனது நினைவாற்றல் திறனை உலகிற்குக் காட்டுவதற்காக பை தொடர் எண்ணைச் சொல்ல ஆரம்பித்த இவர் அன்று நள்ளிரவில் 83,431 இலக்கங்களைச் சொல்லி முடித்தார். ஒரு லட்சமாவது இலக்கத்தை இரவு 1.28க்கு அடைந்த அவர் (அதாவது அக்டோபர் நான்காம் தேதி அதிகாலை) குழுமியிருந்தோரை வியக்க வைத்தார்.

நிகழ்வு முழுவதும் படம் பிடிக்கப்பட்டது. டோக்கியோவில் கிஸாரஜு (Kisarazu) என்ற பொது அரங்கில் மக்கள் முன் நடைபெற்றது.

ஒவ்வொரு இரண்டு மணி நேரத்திற்கு அவர் ஐந்து நிமிடம் இடைவெளி ஓய்வு எடுத்துக் கொண்டார்.

அந்த இடைவெளியில் ஓனிகிரி என்று ஜப்பானிய மொழியில் அழைக்கப்படும் புழுங்கலரிசியால் செய்யப்பட்ட அரிசி உருண்டைகளை தனது உடல் சக்திக்காகச் சாப்பிட்டார்.

இயற்கை உபாதை கழிக்க அவர் டாய்லெட்டுக்குச் சென்றாலும் கூட அதுவும் கூடப் படம் பிடிக்கப்பட்டது. ஏனெனில் இந்த நிகழ்வில் எந்த வித ஏமாற்று வேலையையும் அவர் செய்யவில்லை என்பதை நிரூபிக்கத் தான் இப்படிப்பட்ட கடுமையான விதிகள் அனுசரிக்கப்பட்டன.

டாக்டர் அகிரா தனது உலக ரிகார்டைத் தானே இந்த நிகழ்வில் முறியடித்துப் புதிய சாதனையைப் படைத்தார். 2005ஆம் ஆண்டு ஜூலை முதல் தேதி அவர் நடத்திய நிகழ்வில் அவர் 83431 இலக்கங்களை நினைவிலிருந்து சொன்னார்.

ஒவ்வொரு வருடமும் மார்ச் 14ஆம் தேதி ‘பை தினமாக உலகில் கொண்டாடப்படுகிறது. 2015 ஆம் ஆண்டு பை தினத்தில் 1,11,701 இலக்கங்களைத் தன்னால் நினைவாற்றல் திறன் மூலமாகச் சொல்ல முடியும் என்றார்.

கின்னஸ் ரிகார்டின் விதி முறைகள் சற்றுக் கடுமையானவை. கின்னஸ் ரிகார்டில் இவர் இவ்வளவு எண்ணிக்கையில் இலக்கங்கள் சொன்னது பதிவு செய்யப்படவில்லை. என்றாலும் இன்று இவரே உலகின் மெமரி மன்னர்!

இப்படி நினைவாற்றல் திறனைக் கூட்ட வல்ல நிமோனிக் சிஸ்டத்தை அவரே அமைத்துக் கொண்டிருக்கிறார். ஒவ்வொரு எண்ணுக்கும் ஒரு குறியீடு அவர் மனதில் பளிச்சிடும்.

அவ்வளவு தான், எண்களைக் கூறிக் கொண்டே போவார்.

ஒரு நாளைக்கு 15000 எண்களை நினைவிலிருந்து கூறிப் பயிற்சி செய்யும் டாக்டர் அகிரா, புத்த மத மந்திரத்தை உச்சரிப்பது போல பயபக்தியுடன் இதைச் சொல்லி வருவதாகக் குறிப்பிடுகிறார். இதற்கு தினமும் ஒரு மணி நேரம் ஆகிறது.

ஒரு நாளைக்கு 25000 எண்களைச் சொல்லத் தான் முயல்வதாக அவர் தனது குறிக்கோள் பற்றிச் சொல்கிறார். இதற்கு மூன்று மணி நேரம் ஆகும்.

புத்த மதத்தின் ஜென் பிரிவின் படி உலகில் படைக்கப்பட்டு இருக்கும் மலைகள், ஆறுகள், உயிர் வாழ் இனங்கள் ஆகிய அனைத்துமே புத்தரை உள்ளடக்கியுள்ளன என்பதாகும்.

ஒரு வட்டத்தின் சுற்றளவைக் கணிக்கவோ அல்லது அதன் பரப்பைக் கணிக்கவோ ‘பை இன்றியமையாதது.

உலகத்தைச் சுற்றி வரும் அனைத்திலும் கூட புத்தர் இருக்கிறார் என்பதும் அதில் ‘பை ஒரு முக்கியப் பங்கு வகிக்கிறது என்பதும் அகிராவின் கொள்கை.

நினைவாற்றல் திறனை எப்படிக் கூட்டுவது என்பது பற்றி உலகெங்கும் சொற்பொழிவுகள் நிகழ்த்தி வரும் அகிராவுக்கு கின்னஸ் இன்னும் அங்கீகாரம் தரவில்லை. அது பற்றி அவர் கவலைப்படவும் இல்லை. கின்னஸுக்கென ஒரு கொள்கையும் நடைமுறையும் இருக்கிறது. அதற்கு நான் என்ன செய்வ்து என்கிறார் அவர்.

ஒவ்வொரு இலக்கத்திற்கும் அகிரா ஒரு ஒலியை நினைவு வைத்துக் கொள்கிறார். இந்த ஒலி மொழியினால் அவர் பல கதைகளை உருவாக்கி இருக்கிறார். கதையை நினைவு படுத்திக் கொண்டால் இலக்கங்கள் தானாக மடமடவென்று வந்து விழும். 

இப்படி 800 கதைகளை அவர் உருவாக்கி இருக்கிறார். கதைகளின் கதாநாயகர்கள் மிருகங்களும் தாவரங்களும் தான்!

‘பையின் முதல் நூறு இலக்கங்களுக்கு மட்டும் உள்ள கதையில் மனிதருக்கு இடமுண்டு!

பைக்கான அவரின் முதல் ஐம்பது இலக்கங்களுக்கான கதை இது தான்:

 “Well, I, that fragile being who left my hometown to find a peace of mind, is going to die in the dark corners; it’s easy to die, but I stay positive.”

அவரது மனைவியும் குடும்ப உறுப்பினர்களும் அவரது இந்த ஹாபியை வெகுவாக ரசிக்கின்றனர்.

 கின்னஸ் ரிகார்டின் படி அதிகாரபூர்வமாக அறிவிக்கப்பட்ட ‘பைக்கான மெமரி மன்னன் சீனாவைச் சேர்ந்த லு சாவோ என்பவர். 2005ஆம் ஆண்டு

 நவம்பர் 19ஆம் தேதி 24 மணி நான்கு நிமிடத்தில் 67890 இலக்கங்களை கின்னஸ் விதிமுறைகளுக்கிணங்க சரியாகச் சொல்லி கின்னஸ் ரிகார்டில் இடம் பெற்றார்.

நினைவாற்றல் திறனை பயிற்சி மூலம் ஒருவர் கூட்டிக் கொள்ளலாம் என்பது அறிவியல் தரும் செய்தி.

நேரமும் மனமும் திறனும் இருந்தால் இந்த ரிகார்டையும் ஒருவர் வெல்வார்!

அறிவியல் அறிஞர் வாழ்வில் ..

சர் ஆர்தர் இவான்ஸ் (Sir Arthur Evans – பிறப்பு 8-7-1851 மறைவு 11-7-1941) பிரிட்டனைச் சேர்ந்த ஒரு பெரிய புதைபொருள் ஆராய்ச்சியாளர். க்ரீட் தீவில் இருந்த க்னாஸாஸ் (Palace of Knossos in the island of Crete) என்ற அரண்மனையை அகழ்வாராய்ச்சி மூலம் கண்டுபிடித்து அவர் பெரும்புகழ் பெற்றார். தனது தொண்ணூறாவது பிறந்த நாளன்று அதை நண்பர்களுடன் வெகு விமரிசையாகக் கொண்டாடிக் கொண்டிருந்தார். அப்போது வந்திருந்த விருந்தினர்களுள் ஒருவர் ஜெர்மானியர்கள் க்னாஸாஸ் அரண்மனையை அழித்து விட்டதாகக் கூறினார். இந்த செய்தியைக் கேட்டு மிகவும் மனம் வருந்திய இவான்ஸ் மனச்சோர்வுக்கு ஆளாகி மூன்றே மூன்று நாட்கள் தான் உயிர் வாழ்ந்தார். ஆனால் உண்மை என்னவெனில் அந்த விருந்தாளிக்குக் கிடைத்த செய்தி தவறான செய்தி. க்னாஸாஸ் அரண்மனை உண்மையில் அழிக்கப்படவே இல்லை. ஜெர்மானியர்கள் அந்த புராதனமான அரண்மனை அழிக்கப்படக்கூடாது என்பதற்காக ஏராளமான முன்னெச்சரிக்கை நடவடிக்கைகளை எடுத்திருந்தனர். அரண்மனை பத்திரமாக பாதுகாக்கப்பட்டது. தவறான செய்தியால் மனம் வருந்தி ஒரு அறிஞரின் உயிர் போனது தான் மிச்சம்!

 

TAGS- சர் ஆர்தர் இவான்ஸ்,நினைவாற்றல், மெமரி மன்னன்

***

அண்டார்டிகாவில் ஏற்பட்டுள்ள இழப்பு! (Post No.5622)

 

WRITTEN BY S NAGARAJAN

Date: 4 November 2018

Time uploaded in London – 5-49 AM (GMT)

Post No. 5622

Pictures shown here are taken from various sources including google, Wikipedia, Facebook friends and newspapers. This is a non- commercial blog.

(PART OF A.I.R.RADIO TALK BY S NAGARAJAN)

1992லிருந்து அண்டார்டிகா 3.3 டிரில்லியன் டன் ஐஸை இழந்துள்ளது. இதன் விளைவாக உலகெங்கும் உள்ள கடலின் மட்டம் கால் அங்குலம் உயர்ந்துள்ளது.

விஞ்ஞானிகள் எதிர்பார்த்ததை விட அண்டார்டிகா மிக வேகமாக உருக ஆரம்பித்துள்ளது.
அண்டார்டிகாவில் உள்ள பனிப்படலங்கள் 2007லிருந்து மும்மடங்காக இழப்பை அடைந்து வருகிறது என்று பிரப்ல விஞ்ஞான இதழான நேச்சரில் வெளியாகியுள்ள ஒரு ஆய்வு தெரிவிக்கிறது.60 முதல் 90 விழுக்காடு சுத்த நீரை அண்டார்டிகா தான் உலகிற்கு வழங்குகிறது என்பது மிக முக்கியமான விஷயம்.

இதுவரை எடுக்கப்பட்ட ஆய்வுகளில் இது மிகவும் பெரியது. 24 ஆய்வுகளை 84 விஞ்ஞானிகள் 44 நிறுவனங்களிலிருந்து எடுத்துள்ளனர். பத்து ஆண்டுகளுக்கு முன்னர் 7300 கோடி மெட் ரிக் டன் ஐஸை இழந்து கொண்டிருந்தது. ஆனால் இப்போது 21900 கோடி மெட் ரிக் டன் ஐஸை இழக்கிறது என்று இந்த ஆய்வாளர்கள் கூறுகின்றனர். இப்படியே போனால் 2100ஆம் ஆண்டில் கடல் மட்டம் ஆறு அங்குலம் உயர்ந்து விடும்; இது மிக அபாயகரமான ஒன்று என்கின்றனர் விஞ்ஞானிகள்.

ஆண்ட் ரூ ஷெப்பர் என்ற லீட்ஸ் பல்கலைக் கழக பேராசிரியர் ப்ரூக்ளினில் வருடத்திற்கு ஒரு முறை தான் வெள்ளச் சேதம் இப்போது ஏற்படுகிறது. கடல் மட்டம் ஆறு அங்குலம் உயர்ந்தால் 20 முறை வெள்ளச் சேதம் ஏற்படும் என்கிறார்.

அண்டார்டிகாவில் ஏற்படும் பனிப்படலத்தின் இழப்பு உலகளாவிய விதத்தில் பாதிப்பை ஏற்படுத்தும் என்பதால் விஞ்ஞானிகள், “ உடனடியாக நாம் எடுக்கும் நடவடிக்கையால் மட்டுமே வப்போகும் பயங்கரத்தைத் தடுக்க முடியும். அண்டார்டிகாவின் எதிர்கால மனித குலத்தின் எதிர்காலத்துடன் தொடர்புடையது. இன்று உடனடியாக எடுக்கப்படும் போர்க்கால நடவடிக்கைகள் சுற்றுப்புறச் சூழல் கேட்டை மெதுவாகத் தடுக்கும். மீளவே முடியாத சோகத்திலிருந்து விடுபட அனைவரும் இதற்காக ஒன்றுபட்டு நல்ல செயல் திட்டத்தை ஏற்படுத்தி அமுல் படுத்துவோமாக” என்று தங்கள் அறிக்கையில் கூறியுள்ளனர்.

ஒன்றுபட்ட நடவடிக்கையால் உலகைக் காப்போம்; உயர்வோம்!

***