SANKARA AND QUANTUM PHYSICS ஆதி சங்கரரும் க்வாண்டம் பிஸிக்ஸும்! (Post No.7305)

WRITTEN BY S NAGARAJAN

swami_48@yahoo.com

Date: 6 DECEMBER 2019

 Time in London – 8-29 AM

Post No. 7305

Pictures are taken from various sources; beware of copyright rules; don’t use them without permission; this is a non- commercial, educational blog; posted in swamiindology.blogspot.com and tamilandvedas.com simultaneously. Average hits per day for both the blogs 12,000.

ச.நாகராஜன்

ஆதி சங்கரர் கூறியவற்றிற்கும் க்வாண்டம் பிஸிக்ஸ் கூறுகின்ற கொள்கைக்குமான ஒரு ஒப்பீடு இதோ:

ஆதி சங்கரர் : உலகமே மாயை

க்வாண்டம் பிஸிக்ஸ் : நாம் காணும் உலகமும் புலன்களால் உணரும் உலகமும் உண்மையல்ல; அவைகள் மனதினால் உருவாக்கப்பட்ட வெறும்

3 D உருவகங்களே.

ஆதி சங்கரர் : ப்ரஹ்மம் சத்யா ;ஜகம் மித்யா  – ப்ரஹ்மமே இறுதியான உண்மை

க்வாண்டம் பிஸிக்ஸ் :  அந்த பிரக்ஞையே உண்மை

ஆதி சங்கரர் : பிரம்மாண்டம் என்பதானது உருவாக்கப்பட்டு பரப்ரஹ்மத்தில் கரைந்துபோனது.

க்வாண்டம் பிஸிக்ஸ் :  அணுக்கள் ஒன்றோடொன்று இணைந்து கிரகங்கள், நட்சத்திரங்கள், வால்நட்சத்திரங்களாயின. பின்னர் சில காலம் கழித்து அவைகள் பிரிந்து பிரக்ஞையுடன் ஒன்றிப் போயின.

ஆதி சங்கரர் : ஜீவாத்மாவானது ப்ரஹ்மத்திலிருந்து பிரிந்த ஆத்மனே தவிர வேறல்ல; அது பரப்ரஹ்மத்துடன் சேர்தல் வேண்டும், அதுவே மோட்சம்.

க்வாண்டம் பிஸிக்ஸ் :  ஒவ்வொருவரும் ஒரு காலத்தில் பிரக்ஞையின் ஒரு பகுதியாகவே இருந்தவர்கள், பின்னால் பிரிக்கப்பட்டனர். அவர்கள் பிரக்ஞையுடன் இணையவே வேண்டும்.

ஆதி சங்கரர் : ஜீவன் (தன்னை) உணர்ந்து விட்ட நிலையில் அந்த நிலையே நிர்வாண நிலை. ஜீவன் அப்போது காலம் தேசம்,மனதிற்கு அப்பாற்பட்ட நிலையை அடைகிறது.

க்வாண்டம் பிஸிக்ஸ் : ஒருவன் பிரக்ஞையை ஆழ்ந்து உணர்ந்து விட்டால் அப்போது தேசம், காலம், மனம் எதுவும் இல்லை.

ஆதி சங்கரர் : ஜீவன், தன்னை உண்மை என்றே நம்புகிறான்; அது மனம் இருப்பதின் காரணத்தினால் தான்.

க்வாண்டம் பிஸிக்ஸ் :  மனதினால் ஏற்படுத்தப்பட்ட பிரமையே தனிநபரின் தன்மை என்பது.

ஆதி சங்கரர் : புலன்களால் ப்ரஹ்மம் உணரப்பட முடியாது, ஏனெனில் புலன்கள் ஒரு அளவுக்கு உட்பட்டவையே.

க்வாண்டம் பிஸிக்ஸ் :  எல்லையற்ற தன்மை என்பது எல்லைக்குட்பட்ட ஊடகங்களால் புரிந்து கொள்ள முடியாத ஒன்று.

ஆதி சங்கரரும் க்வாண்டம் பிஸிக்ஸும் சொல்லும் கூற்றுக்கள் : 

நாம் எல்லோரும் ஒரே பிரக்ஞையில் இருந்து வெவ்வேறு அனுபவங்களை வெவ்வேறு கர்மாவினால் அனுபவிக்கிறோம். இறப்பு என்று ஒன்று இல்லை. வாழ்க்கை என்பது ஒரு கனவு தான். நாம் என்றுமுள்ளவர்கள். நீங்கள் அறிகின்ற (வாறு அந்த) உண்மை இருப்பதில்லை.

க்வாண்டம் பிஸிக்ஸ்  இன்று அறிந்திருப்பவை அனைத்துமே ஆதி சங்கரரின்அத்வைத தத்துவத்தின் ஒரு பகுதியே. அது வேதத்திலிருந்து பெறப்பட்டது. ஆதி சங்கரரை விட வேறொரு பெரிய விஞ்ஞானி இல்லவே இல்லை.

என்றுமே மாறாத உண்மையானது, சாதாரண மக்களால் கடவுள் எனக் கூறப்படுகிறது. பிரக்ஞை என விஞ்ஞானிகள் அதைக் கூறுகின்றனர். இறைசக்தி என நம்பிக்கையுடையோரால் அது கூறப்படும் போது, இயற்கை என நம்பிக்கையற்றவர்கள் (நாத்திகர்கள்) அதைக் கூறுகின்றனர்.

நாம் அனைவரும் ஒரே பிரக்ஞை தான்; ஆனால் நம்முடைய சொந்த செயல்களினால் வேறு வேறாகத் தோற்றம் அளிக்கிறோம்.

ஒரே வரியில் சங்கரர் இதை இப்படிச் சொல்கிறார்:-

ப்ரஹ்மம் சத்யம், ஜகத் மித்யா ஜீவோ ப்ரஹ்மைவ நாபர:

ப்ரஹ்மம் ஒன்றே சத்யம்; ஜீவன் ப்ரஹ்மனைத் தவிர வேறல்ல. இதுவே உள்ளார்ந்த அறிவை வெளிப்படுத்துகிறது.

விஞ்ஞானக் களமானாலும் சரி, உலகிற்கு அளித்த கொடைகள் பற்றி எடுத்துக் கொண்டாலும் சரி, ஆதி சங்கரரின் சுயநலமற்ற சேவைக்கு முன் எதுவும் ஈடாகாது.

சதாசிவ சமாரம்பாம் சங்கராசார்ய மத்யமாம் |

அஸ்மதாசார்ய பர்யந்தாம் வந்தே குரு பரம்பராம் ||

நன்றி :- ட்ரூத், கல்கத்தாவிலிருந்து வெளி வரும் வார இதழ் தொகுதி 87; இதழ் 30

22-11-2019 தேதியிட்ட இதழ்

****

ஆங்கிலத்தில் படிக்க விரும்போர் கீழே உள்ள மூலத்தைப் படித்து மகிழலாம் :-

Here is a Comparison between Adi Shankara and Quantum Physics.

Adi Shankaracharya : This world is (maya) an illusion. 

Quantum Physics : The world we see and perceive are not real, they are just 3D projections of mind. 

Adi Shankaracharya : Brahma sathya jagan mithya–Only the Brahman is the absulote reality

Quantum Physics: Only that conciousness is reality

Adi Shankaracharya :  The Brahamhanda created and dissolved again in to the para – brahman. 

Quantum Physics : The atoms bind together to make planets, stars ,comets and at some time later they dis-integrate and merge with consciousness. 

Adi Shankaracharya : Jivatma is nothing but a separated soul from Brahman. and has to strive to merge with Brahman called moksha. 

Quantum Physics : Everyone was once part of one consciousness later separated. And has to merge back to that consciousness. 

Adi Shankaracharya : When the Jiva becomes realised then it is the state of nirvana, the jiva beyond – time, space and mind. 

Quantum Physics : when someone deeply understands that consciousness then there is no time, no space and no mind. 

Adi Shankaracharya : Jiva feels he is real because of the presence of mind. 

Quantum Physics : Individuality is an illusion that is caused by mind. 

Adi Shankaracharya : Brahman cannot be realised through senses, because they are limited. 

Quantum Physics : Infinity cannot be understood with finite mediums. 

Adi Shankaracharya and Quantum Physics– We are all one consciousness experiencing differently subjectively (because of different karma). There is no such thing as death, life is just a dream. we are eternal beings. The reality as you know does not exist. 

What the entire Quantum physicists have understood is just a part of Advaita Philosophy of Adi Shankaracharya which is purely derieved from the Vedas. There exists none greater a scientist than Adi Shankarcharya. 

The unchanging reality is called God by common people, called consciousness by scientists, called energy by believers, called nature by disbelievers. 

We are all the same consciousness but appear differently because of our own actions. With a single line stated by Shankara

Brahma sathya jagat mitya, jeevo brahmaiva naapara”

 Brahman is the only reality, the living entity is not different from Brahman” that has revealed the inner most knowledge. 

Nothing can match Adi Shankara’ s selfless service in the field of science and contributions to the world. 

Sadasiva samaarambaam shankracharya madyamaam |

Asmadhaachaarya paryanthaam vande guru paramparaam ||

***

Thanks : Truth Weekly

Source : TRUTH VOL.87 NO. 30  Issue dated : 22-11-2019

பாபிலோனியர்கள் என்ன உணவு சாப்பிட்டார்கள் ? (Post No.7293)

Written by London Swaminathan

swami_48@yahoo.com

Date: 3 DECEMBER 2019

 Time in London – 14-32

Post No. 7293

Pictures are taken from various sources; beware of copyright rules; don’t use them without permission; this is a non- commercial, educational blog; posted in swamiindology.blogspot.com and tamilandvedas.com simultaneously. Average hits per day for both the blogs 12,000

சொல் ஆராய்ச்சியில் ஈடுபடுவோருக்கு பெரிய பட்டியல் உள்ளது . விருந்துக் காட்சிகளும் விரிவாக எழுதப்பட்டுள்ளது . அதைத் தனியாகத் தருகிறேன் .

—subham—

–subham–

மகுடம் சூட்டும் மரகதம்! (Post No.7287)

Written by S NAGARAJAN

swami_48@yahoo.com

Date: 2 DECEMBER 2019

 Time in London – 10-49 AM

Post No. 7287

Pictures are taken from various sources; beware of copyright rules; don’t use them without permission; this is a non- commercial, educational blog; posted in swamiindology.blogspot.com and tamilandvedas.com simultaneously. Average hits per day for both the blogs 12,000

30-11-2019 மாலைமலர் நாளிதழில் வெளியாகியுள்ள கட்டுரை!

மகுடம் சூட்டும் மரகதம்!

ச.நாகராஜன்

மரகதச் சிலைகள்

நவரத்தினங்களுள் பச்சை பசேலென ஒளிர் விடும் ரத்தினம் மரகதம்.

அன்னை மீனாட்சியின் சிலை மரகதத்தால் ஆனது என்பது ஒன்றே மரகதத்தின் அருளாட்சியைப் புலப்படுத்த வல்லது.

தமிழ்நாட்டில் இராமநாதபுர மாவட்டத்தில் உள்ள உத்தரகோச மங்கை நடராஜரின் திருவுருவமும் மரகதத்தால் ஆன ஒன்றே! வருடம் முழுவதும் சந்தனம் பூசப்பட்டிருக்கும் நடராஜரின் திருவுருவம் திருவாதிரை உற்சவத்தின் போது மட்டும் சந்தனம் எடுக்கப்பட்டு காட்சியளிக்கும். சிறு அதிர்வுகள் கூட சிலைக்குப் பங்கம் விளைவித்து விடும் என்பதால் ஒரு வித தாள வாத்தியமும் சந்நிதியில் வாசிக்கப்பட மாட்டாது.

மரகத வண்ணன்

வில்லிபுத்தூரார் அர்ஜுனனும் துரியோதனனும் கண்ணனின் உதவி கேட்டு வரும் நிகழ்ச்சியை விவரிக்கும் போது கண்ணனை மரகதவண்ணன் என்று கூறிச் சிறப்பிக்கிறார்.

கம்பரோ இராமபிரானை வர்ணிக்கையில் அவரது மேனியிலிருந்து எழும் ஒளியால் சூரியனின் ஒளி மறைவதைக் குறிப்பிட்டு, ‘மையோ மரகதமோ மறிகடலோ மழைமுகிலோ, ஐயோ, இவன் வடிவென்பதோர் அழியா அழகுடையான்’ என்று ராமரின் அழியா அழகைப் பாராட்டுகிறார்.

ஆம், மரகதம் அழியா அழகுடையது தான்.

காலம் காலமாக உலக மக்களுடன் ஒன்றி விட்ட மணி மரகத மணி.

ஜோதிடத்தில் மரகதம்

ஜோதிட சாஸ்திரத்தில் மிதுன ராசிக்காரர்களும்,கன்னி ராசிக்காரர்களும் அணிய வேண்டிய ரத்தினம் மரகதம். புத கிரகத்திற்கு உரியது மரகதம்.

எண் கணிதத்தின் படி ஐந்து என்ற எண்ணை பிறந்த தேதி எண்ணாகவும் கூட்டு எண்ணாகவும் உடையவர்கள் அணிய வேண்டியது மரகதமே.

மரகதத்தின் மற்ற பெயர்கள்

        மரகதம் எப்படித் தோன்றியது என்பதைப் பற்றி சிலப்பதிகார உரையில் ஊர்காண் காதையில் அடியார்க்கு நல்லார் குறிப்பிடுகையில், “வலாசுரன் வயிற்றின் புறத்தைக் கொத்தி விழுங்கிய கருடன் அதனைக் கனைத்து உமிழ, அது வீழ்ந்து பல மலைகளிலும் ஊறிப் பிறந்த கற்கள் மரகதம் எனப்படும்” என்று குறிப்பிடுகிறார்.

கருடோற்காரம் எனவும் மரகத்தின் பெயராக அவர் குறிப்பிடுகிறார்.

நிகண்டுகள் மரகதத்தின் மற்ற பெயர்களாக, பச்சை, தோல், பரிமளம், புதல், மால் புந்தி ஆகியவற்றைக் குறிப்பிடுகின்றன.

மதுரை கலெக்டர் அளித்த மரகதக் காணிக்கை

மரகதம் பற்றி உலகெங்கும் சுவையான வரலாறுகள் ஏராளம் உண்டு.

மதுரையை ஆளும் மரகத மீனாட்சி பற்றி ஒன்றைப் பார்ப்போம். பிரிட்டிஷார் ஆண்ட காலத்தில் ரோஸ் பீட்டர் என்பவர் (1812 முதல் 1828 முடிய) மதுரை கலெக்டராக இருந்தார்.

ஒருநாள் அவர் தூங்கும் போது பலத்த மின்னல் இடியுடன் ஒரு சூறாவளி எழுந்தது. ஒரு சிறிய பெண் ரோஸின் முன்னே தோன்றி உடனே கட்டிடத்திலிருந்து வெளியேறுமாறு கூறினாள். ரோஸ் பீட்டர் உடனே வெளியேறினார். அவர் வெளியே வந்ததும் ஒரு இடி கட்டிடத்தின் மேல் விழ, கட்டிடம் அடியோடு நொறுங்கிப் போனது. மிகவும் ஆச்சரியப்பட்ட ரோஸ் கனவில் தோன்றிய  பெண் யார் என விசாரிக்கத் தொடங்கினார். அது மதுரை மீனாட்சியே என்பதை உறுதிப் படுத்திக் கொண்ட அவர் தனது நன்றிக் காணிக்கையாக மதுரை மீனாட்சிக்கு நவரத்தினங்கள் பதிக்கப்பட்ட பாத அணிகளை  பக்தியுடன் சமர்ப்பித்தார். ஒவ்வொரு பாத அணியும் 28 தோலா (ஒரு தோலா என்பது சுமாராக 11.5 கிராம்) எடையுடன் இருந்தது. 412 சிவப்புக் கற்கள், 72 மரகதக் கற்கள், 80 வைரக் கற்கள், முத்துக்கள், வைடூரியம், நீலம் உள்ளிட்ட கற்கள் அவற்றில் பதிக்கப்பட்டிருந்தன. மரகதவல்லிக்கு காணிக்கையாக மரகதம் இப்படி வந்து சேர்ந்தது.

தர்மதேவதைக்கும் மரகதவல்லி என்ற பெயர் உண்டு. குபேரனுக்கு மரகதன் என்ற பெயரும் உண்டு.

விஷமகற்றும் மரகதம்

எகிப்திய நாகரிகம் உள்ளிட்ட பண்டைய நாகரிகங்கள் அனைத்திலும் மரகதத்தை அணிந்தால் கண் நோய்கள் தீரும் என்ற நம்பிக்கை இருந்தது. அத்தோடு தீய கண்திருஷ்டியைப் போக்கவும் வலிப்பு வியாதி தீரவும் மரகத்தை அணிந்து கொண்டனர். தூய்மையான ஒளி பொருந்திய மரகதத்தைப் பார்த்தவுடன் கட்டுவிரியன், நாகப்பாம்பு ஆகியவற்றின் கண்கள் தெறித்து வெளியில் வந்து விழும் என்று அவர்கள் தங்கள் அனுபவ உரையைக் கூறினர்.

ரஸ ஜல நிதி தரும் தகவல்கள்

இனி பண்டைய பழம் பெரும் நூலான ரஸ ஜல நிதி மரகதம் பற்றி ஏராளமான சுவையான கீழ்க்கண்ட தகவல்களைத் தருகிறது.

நல்ல மரகதத்தின் ஏழு அம்சங்களாவன :-

  1. பச்சை வண்ணம் கொண்டிருக்கும் 2) கனமாக இருக்கும் 3) ஆனால் மிருதுவாக இருக்கும் 4) ஒளிக் கதிர்களைப் பீச்சி அடிக்கும் 5) வழவழப்பாக இருக்கும் 6) பிரகாசமாக  இருக்கும் 6) ஒப்படர்த்தி அதிகமாக இருக்கும்

மோசமான மரகதம் எப்படி இருக்கும்?

1) மஞ்சள் பழுப்பு நிறம் கொண்டது 2) கரடுமுரடானது 3) நீல வண்ணம் உடையது 4) இலேசானது 5) தட்டை வடிவமானது 6) அழகற்றது 7) கறுப்பாக இருப்பது 8) ஒழுங்கான வடிவமற்று இருப்பது

இப்படிப்பட்ட மரகதங்களை விலக்க வேண்டும்.

மரகதத்தின் பயன்கள் :

 (உரிய முறைப்படி பஸ்மமாக ஆக்கப்பட்ட போது) மரகதம் ஜுரத்தைப் போக்கும். வாந்தியை நீக்கும். விஷத்தை முறிக்கும். ஆஸ்த்மாவைப் போக்கும். திரிதோஷத்தை அகற்றும். ஜீரண சக்தியை அதிகரிக்கும். மூலத்தைப் போக்கும். ரத்த சோகையை விலக்கும். உடல் வீக்கத்தைத் தணிக்கும். வலிமையைக் கூட்டும்.

மரகத சுரங்கத்தில் உள்ள அனைத்துமே விஷத்தை நீக்கும் வல்லமை வாய்ந்தது. கொடிய விஷமுள்ள பாம்பு கடிக்கு – மூலிகை உள்ளிட்ட மற்ற அனைத்து மருந்துகளினாலும் குணப்படுத்த முடியாத நிலையிலும் கூட – மரகத பஸ்மமே சிறந்த மருந்து.

நல்ல உயரிய மரகதத்தின் குணங்கள் :

நல்ல பச்சை வண்ணமும் மிருதுவாகவும் ஒளி பளீரென மின்னுவதாகவும் வெளியிலிருந்து கதிர்கள் ஊடுருவும் படியான மரகதம் அருமையானவை. அதன் உட்புறம் தங்கத் துகள்களால் மின்னுவது போல இருக்கும். வண்ணம் சீராக இருப்பதுடன் வடிவ அமைப்பு அற்புதமாக இருக்கும். சூரியக் கதிர்கள் அதன் மீது படும் போது அது இருக்கும் அறையே ஒளிரும்! அதைப் பார்த்தாலே மனம் அமைதியுறும்; மகிழ்ச்சி பொங்கும்.

மரகதத்தைச் சோதிக்கும் விதம்

முதலாவது முறை

 அதை ஒரு கல்லினால் கீறும் போது அது கண்ணாடியாக இருந்தால் பல துண்டுகளாக உடைந்து வீழும். நிஜமான மரகதம் இப்படி உடையவே உடையாது.

இரண்டாவது முறை

ஒரு இரும்புக் கம்பியினால் மரகதத்தைக் கீறி விட்டுப் பின்னர் எலுமிச்சையினால் பூசினால் நிஜ மரகதம் ஒளிரும். போலிகள் ஒளி இழந்து காணப்படும்.

மூன்றாவது முறை

ஒரு மரகதம் இன்னொரு மரகதத்தால் உடைபட்டால் அதை அணியக் கூடாது. அப்படிப்பட்ட கல்லை வாங்கவும் கூடாது.

நான்காவது முறை

பட்டுத் துணியினால் அழுத்தித் துடைக்கப்படும் போது போலி மரகதம் அதன் ஒளியை இழக்கும்; நல்ல மரகதமோ ஒளியை அதிகரித்துக் காட்டும்!

ஐந்தாவது முறை

மரகதத்தின் எடையை அதே அளவுடன் கூடிய நீரின் எடையுடன் ஒப்பிட வேண்டும். பின்னர் நீரின் அதே அளவுடன் கூடிய ஒரு கல்லின் எடையுடன் ஒப்பிட வேண்டும். கிடைத்த எடையில் இரண்டாவதாகக் கிடைத்தது  முதலில் கிடைத்ததை விட மிகவும் குறைவாக இருந்தால் அது வெறும் கண்ணாடி தான் என்பதை அறியலாம் ; அல்லது மரகதமில்லாத வேறொரு கல் எனத் துணியலாம்.

ஆறாவது முறை

மரகதம் போன்று தோற்றமளிக்கும் கற்களை இனம் காண்பது எளிது. வண்ணம் தெளிவாகவும் அதிகமாகவும் இருப்பது தான் உண்மை மரகதம். (அதாவது ஒரு நல்ல மரகதக் கல்லை பக்கத்தில் வைத்துக் கொண்டு போலியா உண்மையா என்பதைக் கண்டுபிடித்து விடலாம்)

இவ்வளவு அரிய விஷயங்களையும் ரஸ ஜல நிதி  நமக்குத் தெரிகிறது. ஒப்படர்த்தி எனப்படும் Specific Gravity பற்றி அந்தக் காலத்திலேயே நன்கு அறிந்திருந்தனர் என்பதை ரஸ ஜல நிதியின் மரகதம் பற்றிய பகுதியால் நன்கு அறிய முடிகிறது!

 

அறிவியல் தகவல்கள்

‘மோ அலகின் படி மரகதத்தின் கடினத் தன்மை 7.5 முதல் 8 ஆகும்.

Specific Gravity சராசரியாக 2.6 இருக்கும்.

வைரத்திற்கு உள்ள நான்கு ‘C’க்கள் – Colour, Clarity, Cut, Carat weight – நிறம், தெளிவு, பட்டை தீட்டல், கேரட் எடை  ஆகியவை – மரகதத்திற்கும் உண்டு. தரம் பிரிக்கையில் வண்ணத்திற்கே முதலிடம் தரப்படும்.

அதிசய மரகத புத்தர்

 பாங்காக்கில் உள்ள தியானம் செய்வது போன்ற யோக நிலையில் காணப்படும் புத்தர் மரகதத்தால் ஆனது. 26 அங்குலம் உயரம் உள்ள இந்தச் சிலை மரகத புத்தர் ஆலயத்தில் எழுந்தருளச் செய்யப்பட்டிருக்கிறது. இதை வாட் ப்ரா க்யூ என அழைக்கின்றனர்.

        இந்தச் சிலை பற்றி ஏராளமான சுவையான வரலாறுகள் உண்டு. அவற்றில் ஒன்று இது:

பாடலிபுத்ரத்தில் (இன்றைய பாட்னா நகரில்) நாகசேனர் என்னும் புத்த துறவி இதை உருவாக்கினார். இதை உருவாக்குவதில் விஷ்ணுவும் இந்திரனும் அவருக்கு அருள் புரிந்தனர். நாகசேனர் இந்த மரகத புத்தர் பிரபலமடையப் போவதை முன்கூட்டியே கணித்துச் சொல்லி விட்டார் இப்படி :” மிகப் பெரும்  புகழை ஐந்து தேசங்களில் – ஸ்ரீ லங்கா, ராமலக்கா, த்வாராவதி, சியங் மாய் மற்றும் லாவோஸ் ஆகிய தேசங்களில் – இது பெறப் போகிறது.”

பாடலிபுத்ரத்தில் இருந்த இந்த மரகத புத்தர் உள்நாட்டுப் போரினால் சேதமடையாமல் இருப்பதற்காக ஸ்ரீ லங்காவிற்கு 457ஆம் ஆண்டு எடுத்துச் செல்லப்பட்டது. அங்கிருந்து அனுருத் என்ற மன்னனின் வேண்டுகோளுக்கு இணங்க பர்மாவிற்கு அனுப்பப்பட்டது, ஆனால் வழியில் ஒரு சூறாவளியில் அதை எடுத்துச் சென்ற கப்பல் திசை மாறி கம்போடியாவை அடைந்தது. பின்னர் பல இடங்களுக்கும் எடுத்துச் செல்லப்பட்டு இப்போதிருக்கும் பாங்காக்கை அடைந்தது.

கொலம்பியா மரகதம்

தென்னமரிக்காவில் உள்ள கொலம்பியாவில் உள்ள மரகதச் சுரங்கங்கள் பிரபலமானவை. மரகத சந்தையில் 70 முதல் 90 சதவிகிதம்  மரகதத்தை உலகிற்கு வழங்குவது கொலம்பியாவே.

தமிழ்நாட்டில் கோவை,காங்கேயம் பகுதியிலும், ஜெய்ப்பூர் பகுதியிலும் நல்ல மரகதம் கிடைக்கிறது.

பிரேஜில் நாட்டில் ஆயிரத்திதொள்ளாயிரத்து அறுபதுகளில் முதன் முதலாக ‘வனடியம் பெரில்’ என்னும் மரகதம் கண்டு பிடிக்கப்பட்டது. ஆனால் இது மரகதம் தானா என்ற சர்ச்சை இன்றளவும் தொடர்கிறது. அமெரிக்கா ‘வனடியம் பெரிலை’ மரகதம் என்று அங்கீகரித்துள்ளது. ஆனால் இதர நாடுகள் இதை மரகதம் என்று அங்கீகரிக்கவில்லை.

செயற்கை முறையிலும் மரகதம் கடந்த அறுபது ஆண்டுகளாகச் செய்யப்பட்டு வருகிறது. ஆனால் இவை ஒரிஜினல் மரகதம் போல அவ்வளவு சிறப்பானவையாக இல்லை.

 நமது அறநூல்கள் கூறும் அனைத்துப் பயன்களும் இயற்கை மரகதத்திற்கே பொருந்தும் என்பதை மனதில் கொள்ள வேண்டும். இன்னும் அக்னி புராணம், கருட புராணம் ஆகியவற்றில் கூறப்படும் செய்திகளையும் முழுவதுமாக அறிந்தால் நாம் மரகத நிபுணராக ஆகி விடுவோம்; நம்மிடம் மரகதம் பற்றிய தகவல் களஞ்சியம் ஒன்று இருக்கும்!

கிளியோபாட்ராவின் மகுடம்

மரகதத்தைப் பற்றிய மகுடமான செய்தியும் உண்டு!

எகிப்திய மன்னர்களும் சக்கரவர்த்திகளும் மரகதத்தை உயரிய அந்தஸ்தைத் தரும் ஒன்றாகக் கருதினர்.

உலகின் பேரழகியும் பெரும் சாம்ராஜ்யத்தின் ராணியுமான கிளியோபாட்ராவிற்கு மரகதம் என்றால் உயிர். அதை மகுடம் உள்ளிட்ட தனது அனைத்து ஆபரணங்களிலும் பதித்து மகிழ்ந்தார்; உலகினரும் அவரைக் கௌரவித்தனர்.

ஸ்பெயினிலும் அனைத்து மன்னர்களும் மரகத கிரீடத்திற்குத் தனி கௌரவத்தை வழங்கினர்.

தி க்ரௌன் ஆஃப் ஆண்டஸ் (The Crown of Andes) என்ற ஆண்டஸ் மகுடத்தில் இருந்த மிகப் பெரும் மரகதம்  உலகப் புகழ் வாய்ந்த ஒன்று!  இப்போது அடாகுலாபா மரகதம் என இது அழைக்கப்படுகிறது. இங்கா வமிச மன்னரான அடாகுலாபா என்பவரை பிரான்ஸிஸ்கோ பிஜாரோ என்பவர் வெற்றி கொண்டபோது எடுத்துச் செல்லப்பட்டது இந்த மகுடம்!

கிளியோபாட்ரா ராணியின் மகுடம் ஒரு புறம் இருக்கட்டும், என் இல்லத்திற்கு நானே ராணி என்று உங்கள் அன்புக்குரியவர் சொன்னால் அதுவும் சரி தான்! அவருக்கு ஒரு மரகத மகுடத்தைச் சூட்ட வேண்டியது தான்!

மரகதம் மரகதமே தான்!

****

.

பூமிக்கு நூறு ஆண்டுகளுக்கு ஆபத்து இல்லை (Post No.7285)

Written by London swaminathan

swami_48@yahoo.com

Date: 1 DECEMBER 2019

Time in London – 19-10

Post No. 7285

Pictures are taken from various sources; beware of copyright rules; don’t use them without permission; this is a non- commercial, educational blog; posted in swamiindology.blogspot.com and tamilandvedas.com simultaneously. Average hits per day for both the blogs 12,000

மூலிகைக் கேள்வி பதில் (Post No.7282)

Written by LONDON SWAMINATHAN

swami_48@yahoo.com

Date: 30  NOVEMBER 2019

Time in London – 17-25

Post No. 7282

Pictures are taken from various sources; beware of copyright rules; don’t use them without permission; this is a non- commercial, educational blog; posted in swamiindology.blogspot.com and tamilandvedas.com simultaneously. Average hits per day for both the blogs 12,000

1.குப்பையில் கிடந்தாலும் பயனுள்ள மூலிகை . அது என்ன?

2.வல்லாரை வல்லவராக்கும் நினைவாற்றலை  வழங்கும் .மூலிகை . அது என்ன?

3. மேனியை பொன்னக்குமாம் .மூலிகை . அது என்ன?

4காமக்கண்ணி என்னும் சங்கப்   புலவர் காமாட்சி என்பதை அறிவோம்.

கறுப்புக் கண்ணி மூலிகை எது ?

5.சின்னப்  பெண்   என்னும் மூலிகை எது ?

6.மஞ்சள் காமாலைக்கு வெளிநாட்டினரும் உபயோகிக்கும் மூலிகை எது ?

7.நப்பசலை என்ற சங்கப் புலவரை அறிவோம் . அவர் பெயரில்

என்ன தாவரம் உளது?

8.கை இல்லாதவன் பெயரில் ஒரு மூலிகையா ?

9.ஸ்யவனப் பிராஸ் எனும் லேகியத்தின் முக்கிய தாவரம் என்ன?

10.காலையில் சுகமாக பேதியை உண்டாக்கும் காய் எது?

11. இரத்த அழுத்தம் மற்றும் இருதய நோய்க்கு வெளிநாட்டினரும் உபயோகிக்கும் மூலிகை எது ?

12.தண்ணீரை சுத்தப்படுத்தும் காய் எது?

Answers

மூலிகைக்  கேள்வி பதில்

1.குப்பைமேனி

2.வல்லாரை

3.பொன்னாங்கானி (பொன் ஆகும் காண்  மேனி)

4.கரிசலாங்கண்ணி

5.சிறியாநங்கை

6. கீழாநெல்லி

7.பசலைக்கீரை

8.முடக்கத்தான்

9.நெல்லிக்காய்

10.கடுக்காய்

11.சர்ப்பகந்தி

12. தேற்றான்கொட்டை

தனிமையில் கடல் தாண்டிய வீராங்கனை (Post No.7280)

Written by LONDON SWAMINATHAN

swami_48@yahoo.com

Date: 30  NOVEMBER 2019

Time  in London – 8-46 am

Post No. 7280

Pictures are taken from various sources; beware of copyright rules; don’t use them without permission; this is a non- commercial, educational blog; posted in swamiindology.blogspot.com and tamilandvedas.com simultaneously. Average hits per day for both the blogs 12,000

அட்லாண்டிக் கடல் கடந்த வீராங்கனையின் சுவையான அனுபவம் பற்றி 1992-ம் ஆண்டில்  எழுதிய  கட்டுரை இது

சுறாமீன் பற்றிய சுவையான செய்திகள் (Post No.7276)

Written by LONDON SWAMINATHAN

swami_48@yahoo.com

Date: 29 NOVEMBER 2019

Time  in London – 7-40 AM

Post No. 7276

Pictures are taken from various sources; beware of copyright rules; don’t use them without permission; this is a non- commercial, educational blog; posted in swamiindology.blogspot.com and tamilandvedas.com simultaneously. Average hits per day for both the blogs 12,000

நான் தினமணியில்  எழுதிய பழைய கட்டுரை இது . ஆயினும் சுறாமீனோ  அதன் குணங்களோ  மாறவில்லை.

வாரம் தோறும் ஆஸ்திரேலியாவிலிருந்து சுறா மீன் தாக்குதல் பற்றி செய்திகள் வருகின்றன .சங்க இலக்கியத்தில் சுறாமீன் தாக்குதல் பற்றி  நிறைய செய்திகள் உள .

தினமணி கட்டுரை தேதி – 16-8-1992

தலைப்பு – சுறா மீன் பற்றிய சுவையான செய்திகள்

விண்வெளியில் நடை பயிலும் வீராங்கனைகள்! (Post No.7275)

Written by S NAGARAJAN

swami_48@yahoo.com

Date: 29 NOVEMBER 2019

Time  in London – 6-17 AM

Post No. 7275

Pictures are taken from various sources; beware of copyright rules; don’t use them without permission; this is a non- commercial, educational blog; posted in swamiindology.blogspot.com and tamilandvedas.com simultaneously. Average hits per day for both the blogs 12,000

16-11-2019 பாக்யா இதழில் அறிவியல் துளிகள் தொடரில் வெளியாகியுள்ள (ஒன்பதாம் ஆண்டு இருபதாம்) கட்டுரைஅத்தியாயம் 436

விண்வெளியில் நடை பயிலும் வீராங்கனைகள்!

ச.நாகராஜன்

 

 

முதல் முதலாக பெண்கள் மட்டும் விண்கலத்திலிருந்து வெளியில் வந்து நடந்த சாதனை 2019 அக்டோபர் 18ஆம் தேதி வெள்ளிக்கிழமை வெற்றிகரமாக நடந்து முடிந்திருக்கிறது. விண்கலத்திலிருந்து வெளியில் வந்து நடந்த அமெரிக்க வீராங்கனைகள் இருவர் – கிறிஸ்டினா கோச் மற்றும் ஜெஸிகா மெயர்(Christina Koch, Jessica Meyer).

 

 

விண்வெளி வீரர்களின் அகராதியில் இந்த விண்வெளி நடைக்கு எக்ஸ்ட்ரா வெஹிகுலர் ஆக்டிவிடி (Extra Vehicular Activity – EVA)என்று பெயர்.

விண்கலத்திலிருந்து வெளியில் வந்து சுமார் ஐந்தரை மணி நேரம் இருந்த இந்த இரு வீராங்கனைகளும்  செயலிழந்திருந்த ஒரு பவர் கட்டுப்பாடு சாதனத்தை எடுத்து விட்டு புதிய ஒன்றைப் பொருத்தும் வேலையைச் செய்தனர்.

 

 

ஏழு மாதங்களுக்கு முன்பேயே இந்த  சாதனை நடந்து முடிந்திருக்க வேண்டும். ஆனால் விண்கலத்திலிருந்து வெளியில் செல்வதற்கான ஸ்பேஸ் சூட் – ஆடை – ஒன்று தான் விண்கலத்தில் இருந்தது. இன்னொன்று தேவைப்படவே அதைத் தயாரித்து நாஸா அனுப்பியது. பின்னர் இந்த சாதனை மேற்கொள்ளப்பட்டது.

 

 

முதலில் கோச் வெளியில் வரவே அவரைப் பின் தொடர்ந்து மெதுவாக  கருவிகள் அடங்கிய பை ஒன்றை எடுத்துக் கொண்டு ஜெஸிகா வந்தார். கைப்பிடி ஒன்றுடன் இவர்கள் இணைக்கப்பட்டனர். தேவையான போது இதிலிருந்து விடுபட்டு அவர்கள் தங்கள் வேலையை விண்வெளியில் மிதந்தவாறே செய்தனர்.

 

 

பூமிக்கு மேலே 260 மைல் உயரத்தில் உள்ளது விண்வெளி நிலையம். அதில் இப்படி ஒரு சாதனையைச் செய்வது உலகெங்குமுள்ள தாய்க்குலத்தையே பரவசப்படுத்தி இருக்கிறது.

 

 

வேலையை முடித்து விட்டு பழுதான பேட்டரியை பத்திரமாக விண்கலத்திற்குள் கொண்டு வந்து வைத்து விட்டனர் இந்த இருவரும். அது பூமிக்குக் கொண்டுவரப்பட்டு ஆய்வுக்கு உட்படுத்தப்படும்.

விண்வெளியில் நடை பயிலும் இந்த வீராங்கனைகளின் அடுத்த ஆசை என்ன தெரியுமா? சந்திரனில் கால் பதிக்கும் முதல் பெண்மணியாக ஆக வேண்டும் என்பது தான். ஜெஸிகா மெயர், “ சந்திரனில் கால் பதிக்கும் முதல் பெண்மணியாக ஆவதை நான் பெரிதும் விரும்புகிறேன். அதுவே எனது இலட்சியப் பயணமாக அமையும். இதோ நேரம் நெருங்கி விட்டது – நாம் திரும்பவும் சந்திரனுக்குப் போக! வெகு விரைவில் இந்தப் பயணம் மேற்கொள்ளப்படும் என நான் நம்புவதோடு அந்தக் குழுவில் நானும் இருக்க வேண்டும் என்று விரும்புகிறேன்” என்றார்.

 

 

இருவரும் நெருங்கிய தோழிகள் என்பதால் மெயரை கிறிஸ்டினா கோச் மிகவும் ஆதரித்து  ஆமோதித்தார்.

கோச் (வயது 40) விண்வெளி நிலையத்தில் 2020 பிப்ரவரி முடிய இருக்க திட்டமுள்ளது. அப்போது அவர் விண்வெளி நிலையத்தில் இருக்கும் மொத்த நாட்கள் 328 நாட்களாகும். இது தொடர்ந்து ஒரு பெண்மணி விண்வெளியில் இருந்த அதிக நாட்களாக அமையும். ஸ்காட் கெல்லி என்பவர் 340 நாள் விண்வெளியில் இருந்திருக்கிறார், ஆனால் தொடர்ந்து அல்ல!

கோச் விண்வெளியில் நீண்ட காலம் இருந்த போது அவர் உடலில் என்னென்ன மாற்றம் ஏற்பட்டுள்ளது என்பதை விஞ்ஞானிகள் ஆராய்வர்.

பொதுவாக ஆண்களை விட பெண்களுக்கு விண்வெளியில் களைப்பு சீக்கிரம் ஏற்படுகிறது.

 

 

இதுவரை 14 வீராங்கனைகளும் 213 விண்வெளி வீரர்களும் விண்வெளியில் நடந்துள்ளனர். விண்வெளியில் நடந்த முதல் பெண்மணி ரஷியாவைச் சேர்ந்த ஸ்வெட்லானா ஸவிட்ஸ்கயா என்பவர். சல்யுட் 7 என்ற கலத்தில் 1984இல்  விண்வெளி சென்றார்.

 முதன் முதலாக  விண்வெளியில் நடந்த அமெரிக்க பெண்மணி காத்ரீன் சல்லிவன்.

இதற்கிடையில் நாஸா சந்திரனுக்குச் செல்வோர் அணியும் புதிய ஆடையின் வடிவமைத்து அதன் முன் மாதிரியைக் காட்டியுள்ளது.

ஸ்பேஸ் சூட் என்பது மிக முக்கியமான ஒன்று – ஏனெனில் விண்வெளியில் நடந்து செல்வோர் பல்வேறு உஷ்ணநிலையைச் சமாளிக்க வேண்டி இருக்கிறது. விண்ணில், உறைய வைக்கும் மைனஸ் 250 டிகிரி பாரன்ஹீட்டிலிருந்து மிக அதிக வெப்பமான 250 டிகிரி பாரன்ஹீட் வரை இருப்பதால் விண்வெளி வீரர்களைப் பாதுகாப்பது அவர்கள் அணியும் ஸ்பேஸ் சூட் தான்!

 

 

பூமியில் இந்த ஆடையின் எடை 280 பவுண்டுகள். ஆனால் விண்வெளியில் எடையற்ற சூழ்நிலையில் இதற்கு எடையே இருக்காது.

பூமியிலிருந்து சந்திரனுக்குச் செல்ல சாதாரணமாக 3 நாட்கள் ஆகும். ஒரு விண்கலம் இரண்டு லட்சத்து நாற்பதினாயிரம் மைல்கள் பயணப்பட்டு சந்திரனை அடைகிறது. இதுவே பூமிக்கும் சந்திரனுக்கும் இடைப்பட்ட தூரமாகும். ஆனால் சரியான தூரத்தைக் கணக்கிட வேண்டுமானால் விண்கலம் எந்த ஓடுபாதை வழியே செல்ல இருக்கிறது என்பதை நிர்ணையித்து அதற்குத் தக தூரத்தைக் கணக்கிட்டு பின்னர் எவ்வளவு நேரம் ஆகும் என்பதைத் துல்லியமாகக் கணக்கிட முடியும்.

ஆனால் விண்வெளி விஞ்ஞானம் வெகு விரைவில் வளர்ந்து 12  மணி நேரத்தில் சந்திரனை அடைந்து விட முடியும் என சில விஞ்ஞானிகள் கருத்துத் தெரிவித்துள்ளனர்.

 

 

சந்திரனுக்கு அடுத்த பயணம் வெகு விரைவில் மேற்கொள்ளப்படும் என்ற செய்தி வலுப்பட்டு வரும் நிலையில் அங்கு  செல்லும் குழுவில் ஒரு பெண்மணியும் இடம் பெறுவார் என்பது அனைவருடைய எதிர்பார்ப்பாகவும் இருக்கிறது.

 

அறிவியல் அறிஞர் வாழ்வில் .. ..

 

 

விக்ரம் அம்பாலால் சாராபாய் (தோற்றம் 12, ஆகஸ்ட்,1919 மறைவு : 30 டிசம்பர் 1971) மிகப் பெரிய இந்திய விஞ்ஞானி. இஸ்ரோ நிறுவப்பட பெரிதும் காரணமாய் இருந்தவர் அவரே. இந்திய விண்வெளித் திட்டத்தின் தந்தை என்று அவர் போற்றப்படுகிறார்.

அவரது மகள் மல்லிகா சாராபாய் பரத நாட்டிய நிகழ்ச்சிகளை நடத்திப் பெயர் பெற்றவர். அவர் ஒரு நடிகையும் கூட! தன் தந்தையைப் பற்றி விழா ஒன்றில்  அவர் கூறிய சம்பவம் இது.

 

 

மல்லிகா பள்ளியில் படித்துக் கொண்டிருந்த போது இரண்டு மாணவர்கள் தங்களுக்குள் அவர் யாருடைய கேர்ள்-ப்ரண்ட் என்பது பற்றி விவாதிக்க ஆரம்பித்தனர். விவாதம் பெரிய சண்டையாக ஆகி ஒரு மாணவர் இன்னொருவரைக் கத்தியால் குத்தி விட்டார்.

விஷயம் பெரிதாகி விடவே விக்ரம் சாராபாய் பள்ளிக்கு அழைக்கப்பட்டார். பள்ளியின் பிரின்ஸிபால் விக்ரமின் சகோதரியான லீலாபென் தான்!

பிரின்ஸிபாலின் அறைக்குள் நுழைந்த வெகத்தில் திரும்பி வந்தார் விக்ரம், சிரித்துக் கொண்டே.

அவர் தனது மகளிடம் கூறினார்; “மல்லிகா, இந்த மீட்டிங் இவ்வளவு சீக்கிரம் முடிந்து விடும் என்று நான் எதிர்பார்க்கவே இல்லை. நீ ஒரு குற்றமும் செய்யாத போது நீ தான் காரணம் என்று உன் மீது குற்றம் சுமத்துவது அர்த்தமற்றது. ஒன்று தெரிந்து கொள்! இந்த உலகத்தில் இரண்டு வகையான மனிதர்கள் உள்ளனர். முதல் வகையினர் தான் எப்படி இருக்கிறோமோ அப்படியே வாழ்ந்து கொண்டிருப்பர். அவர்கள் எதைப் பற்றியும் கேள்வி கேட்க மாட்டார்கள். வசதியாக தங்களுக்குக் கொடுக்கப்பட்ட வேலையை செய்து கொண்டே இருப்பார்கள்.

இரண்டாவது வகையினர் தங்கள் வாழ்க்கையைத் தங்கள் வழியில் அமைத்துக் கொள்பவர்கள். அவர்கள் தங்களுக்கு எது உண்மை என்று படுகிறதோ அந்த வழியில் செல்வார்கள்.

நான் இரண்டாவது ரகத்தைச் சேர்ந்தவன். இந்த வழி தான் என் வாழக்கை எப்படிப்பட்டது என்பதைக் காண்பிக்கிறது.

இந்த வழிகாட்டுதலை மனமுவந்து ஏற்றுக் கொண்டார் மல்லிகா.

விக்ரம் சாராபாய் பத்மபூஷன் (1966ஆம் ஆண்டு) மற்றும் பத்ம விபூஷண் (இறந்த பிறகு 1972இல் வழங்கப்பட்டது) விருதுகளைப் பெற்றவர்.

தந்தையிடமிருந்து அரிய வழிகாட்டுதலைப் பெற்ற மல்லிகா பின்னால் பிரபலமானதில் ஆச்சரியமே இல்லை!

***

 

ஜப்பானில் சாம வேதம்; வேத கால இசைக் கருவிகள் (Post No.7272)

SHOMYO IN JAPAN
SAMA VEDA CONFERENCE

Written by LONDON SWAMINATHAN

swami_48@yahoo.com

Date: 28 NOVEMBER 2019

Time  in London – 10-03 AM

Post No. 7272

Pictures are taken from various sources; beware of copyright rules; don’t use them without permission; this is a non- commercial, educational blog; posted in swamiindology.blogspot.com and tamilandvedas.com simultaneously. Average hits per day for both the blogs 12,000

நேர்மையாக `அர்த்தம் விளங்கவில்லை` (MEANING IS OBSCURE, UNCERTAIN) என்று ஒப்புக்கொள்கிறார்கள்.

–SUBHAM–

TAGS -சாமவேதம், ஜப்பான், வேத கால, இசைக் கருவிகள்

SAMA VEDA PARAYANA

அச்சம் அகற்றும் பவளம்! (Post No.7271)

Written by S NAGARAJAN

swami_48@yahoo.com

Date: 28 NOVEMBER 2019

Time  in London – 9-15 AM

Post No. 7271

Pictures are taken from various sources; beware of copyright rules; don’t use them without permission; this is a non- commercial, educational blog; posted in swamiindology.blogspot.com and tamilandvedas.com simultaneously. Average hits per day for both the blogs 12,000

மாலைமலர் நாளிதழில் 23-11-2019 அன்று வெளியாகியுள்ள கட்டுரை!

அச்சம் அகற்றும் பவளம்!

ச.நாகராஜன்

தெய்வீக மணி பவளம்

தெய்வீக மணி பவளம் நவ ரத்தினங்களுள் ஒன்று. முக்கியமானதும் கூட!

சிவபிரானும் தமிழ்த் தெய்வமான முருகனும் பவள நிற மேனியர் ஆவர்.

‘பவளம் போல் மேனியில் பால் வெண்ணீறும்’ என்று சிவபிரானின் தோற்றத்தை வர்ணித்த அப்பர் பிரான் இப்படிப்பட்ட உருவத்தைத் தரிசிக்க ‘மனித்தப் பிறவியும் வேண்டுவதே இந்த மாநிலத்தே’ என்று நெகிழ்ந்து உருகுகிறார்.

குறுந்தொகை என்ற சங்க நூலில் அதன் கடவுள் வாழ்த்தைப் பாடிய பாரதம் பாடிய பெருந்தேவனார் ‘பவளத்தன்ன மேனித் திகழொளி’ என்று முருகனின் பவள மேனியைப் போற்றிப் பாடுகிறார்.

முத்துகுமாரசுவாமி பிள்ளைத் தமிழை அருளிய குமரகுருபரர் முருகன் ஆடி வரும் அழகை வர்ணிக்கையில்,

“கம்பி விதம்பொதி குண்டலமுங்குழை காதும் அசைந்தாட

       கட்டிய சூழியு முச்சியுமு முச்சிக் கதிர் முத்தொடும் ஆட

அம்பவழத் திருமேனியும் ஆடிட ஆடுக செங்கீரை

       ஆதி வயித்திய நாத புரிக்குகன் ஆடுக செங்கீரை”

என்று போற்றித் துதிக்கிறார்.

தொண்டரடிப்பொடி ஆழ்வாரோ “பச்சை மாமலை போல் மேனி பவள வாய் கமலச் செங்கண்” என்று திருமாலின் உருவைக் கண்டு பரவசம் அடைகிறார்.

பவளத்தின் இதர பெயர்கள்

பிங்கல முனிவர் பவளத்தின் வேறு பெயர்களாக துப்பு, பிரவாளம், துவர், துகிர், வித்துருமம், அர்த்தம் எனப் பல பெயர்களைத் தருகிறார்.

ஜோதிடத்தில் பவளம்

இப்படிப்பட்ட பவளம் ஜோதிடத்தில் செவ்வாய் தோஷம் தரும் அச்சமூட்டும் தீய பலன்களைப் போக்கும் ஒரு அரும் சக்தியாக விளங்குகிறது.

மேஷம், விருச்சிக ராசிக்காரர்கள் செவ்வாயின் நற்பலன்களைக் கூட்டவும், சில சமயங்களில் ஜாதகத்தில் செவ்வாய் நற்பலன் தராத இடங்களில் இருந்தால் அச்சமூட்டும் தீய பலன்களைப் போக்கவும் பவளம் அணிய வேண்டும் என்று நமது சாஸ்திரங்கள் அறிவுறுத்துகின்றன.

ஒன்பது எண் செவ்வாயுடன் தொடர்பு கொண்டது என்பதால் ஒன்பது எண் பிறந்த தேதியாகவோ அல்லது கூட்டு எண்ணாகவோ அமைபவர்களுக்கு உரியதும் பவளம் தான். ஆயுளையும் ஆரோக்கியத்தையும் தந்து சரீர சம்பந்தமான வியாதிகளை இவர்களுக்கு பவளம் போக்கி விடும்.

மருத்துவத்தில் பவளம்

வம்புச் சண்டைகளையும், வந்த சண்டைகளையும் தீர்ப்பது பவளமே.

உஷ்ண சம்பந்தமான அனைத்து வியாதிகளையும் போக்குவதும் பவளமே.

பவளத்தைக் கலந்து தயாரிக்கப்படும் பல  மருந்துகளை நமது பண்டைய சித்த மருத்துவ நூல்கள் விளக்குகின்றன.

பவழம் தாவரமா அல்லது விலங்கினமா!

கிரேக்க தத்துவஞானியான அரிஸ்டாடிலும் அவரது சீடரான தியோப்ரெஸ்டஸும் தங்களது ‘கற்கள்’ என்ற புத்தகத்தில் பவளத்தைக் குறிப்பிடுகின்றனர். பவளம் ஒரு தாவரமா அல்லது கடல் வாழ் உயிரினத்தால் உருவானதா என்பதைப் பற்றிய சுவையான சர்ச்சை அந்தக் காலத்திலேயே எழுந்துள்ளது. பெர்ஸிய அறிஞரான அல்பெருனீ  பவழத்தை விலங்கினத்தோடு சேர்த்து அதைத் தொடும் போது அது உணர்கிறது என்று அதற்கான காரணத்தையும் கூறினார். வில்லியம் ஹெர்ஷல் என்ற விஞ்ஞானி ஒரு மைக்ராஸ்கோப்பின் உதவி கொண்டு விலங்குகளுக்கே உரித்தான  மெல்லிய  சவ்வுத் திசு பவழத்தில் காணப்படுவதால் அது விலங்கினத்தைச் சேர்ந்ததே என்று இந்த சர்ச்சைக்கு ஒரு முத்தாய்ப்பு வைத்தார்.

பவளத்தின் வகைகள்

ரஸ ஜல நிதி தரும் சுவையான தகவல்கள் பவளத்தைப் பற்றிப் பல உண்டு.  

பவளத்தில் சிறந்த வகை சிவப்புடன் வெண்மை கலந்த வண்ணத்துடன் இருக்கும். குழிமுயலின் இரத்த வண்ணத்தில் இது இருக்கும். பவளம் மிருதுவானது.அழகானது. மேலே எண்ணெயப் பூச்சைக் கொண்டது போல இருக்கும். மிக சுலபமாகத் துளை போடக் கூடியபடி இருக்கும்.

பவளத்தின் அடுத்த வகை சிவப்பாக – குங்குமச் சிவப்பாக – இருக்கும். பந்தூக மலர் அல்லது மாதுளம் பூ நிறத்திலிருக்கும். இந்த வகைப் பவளம் சற்றுக் கடினமானதாக இருக்கும். பள பளப்பான எண்ணெய்ப் பூச்சைக் கொண்டிருக்காது. இதில் துளையிடுவது சற்றுக் கடினமாக இருக்கும்.

மூன்றாவது ரகம் மஞ்சள் கலந்த சிவப்பு நிறம் கொண்டதாக இருக்கும். பலாச புஷ்பம் போல நிறத்தில் இருக்கும். அழகிய இந்த வண்ணம் இருந்தாலும் பளபளப்பு மிகவும் குறைவாகவே இருக்கும்.

நான்காவது வகை பவளம் கறுப்பு கலந்த சிவப்பு வண்ணத்துடன் இருக்கும். ரோஜா மலர் இதழ்கள் போல இருக்கும். அது கடினமாக இருக்கும். அதன் ஒளி பல நாட்கள் நீடிக்காது. அதில் துளை போடுவது மிகவும் கடினமாக இருக்கும்.

நல்ல பவளத்தை எப்படி அறிவது?

ஒரு நல்ல பவளமானது 1) சிவப்பு வண்ணம் 2) பளபளப்பான எண்ணெய் பூசப்பட்டது போன்ற தொற்றம் 3) சுலபமாகத் துளையிடக் கூடியது 4) உருண்டை வடிவம் 5) நீடித்த காலம் இருக்கும் ஒளி 6) கனமானது 7) மேல் பரப்பு மிருதுவானது ஆகிய இந்தக் குணங்களைக் கொண்டிருக்கும். இதுவே நல்ல பவளம்.

வெளுத்துப் போன வெண்மை, சாம்பல் வண்ணம், சிறியது, கரடு முரடான மேற்பரப்பை உடையது, ஏராளமான பள்ளங்கள் அல்லது குழிகளைக் கொண்டது, மிகவும் இலேசானது, தாமிர நிறமுடையது – இவை யாவும் விலக்கத் தக்க பவளங்கள் ஆகும்.

நவரத்தினங்கள் அனைத்தையும் எடுத்துக் கொண்டால் ஒரு இரும்பினால் கீறல் போடப்படும் தன்மை உடையவை முத்தும் பவளமும் மட்டுமே.

பவளத்தின் பயன்கள்

பவளம் உடலை உருக்குகின்ற க்ஷய ரோகத்தைத் தீர்க்கும்.

இரத்தப் போக்கைப் போக்கும்.

இருமலைத் தீர்க்கும்.

கண் வியாதிகளைப் போக்கும்.

விஷத்தை முறிக்கும்.

தீய திருஷ்டியாலும் பிசாசு போன்ற தீய சக்திகளினால் ஏற்படும் தீமைகளைப் போக்கும்.

இது இலேசானது. ஜீரணத்தை அதிகரிக்கும்.

இவையே ரஸ ஜல நிதி தரும் அற்புதத் தகவல்கள்.

பல்வேறு வடிவங்களிலும் நிறங்களிலும், அளவுகளிலும், வடிவமைப்புகளிலும் பவளம் கிடைக்கப் பெறுகிறது.

கடலின் சில பகுதிகளில் மட்டுமே பவளப் பாறைகள் இருக்கின்றன. (பாலிப் என்ற) ஒரு அரிய வகைக் கடல் வாழ் உயிரினத்தின் கழிவே பவளம். ஒரு வருடத்திற்கு சுமார் இரண்டு செண்டிமீட்டர் என்ற குறைவான அளவில் பவளம் வளர்கிறது.

150 அடி என்ற குறைந்த பட்ச ஆழம் இருந்தால் தான் பவளம் வளரும்; 900 அடி ஆழத்திலும் அது காணப்படுகிறது!

அதே போல உஷ்ணநிலையும் அதன் வளர்ச்சிக்கு இன்றியமையாத ஒன்று. 70 முதல் 85 டிகிரி பாரன்ஹீட் உஷ்ணம் அதற்குத் தேவை. தெளிவான கடல் நீரில் மட்டுமே பவளம் வளரும். பசிபிக் மற்றும் இந்து மா கடலில் பவளங்கள் காணப்படுகின்றன.

ஆழமில்லாத கடல் நீர்ப்பரப்பு மிகவும் சுலபத்தில் சூரியனின் வெப்பம் பட்டு வெப்பமாவதால் பவளம் வளர வாய்ப்பில்லை. அதிக ஆழத்தில் தான் அது வளர முடிகிறது.

ஒரு முக்கியமான விந்தையான விஷயம் நிலப் பரப்பின் கிழக்குப் பக்கம் உள்ள கடல்நீரில் தான் பவளம் தோன்றுகிறது.  உஷ்ணம் இந்தப் பக்கம் குறைவாக இருப்பதால் இப்படி ஏற்படுகிறது என்று அறிவியல் நிபுணர்கள் கூறுகின்றனர்.

கடற்கரை மணல் திட்டில் பவளம் கிடைத்து விட்டது என்று கொண்டாட நினைப்போர் அது பாலிப் என்ற ஒருவகை கடல்வாழ் உயிரினத்தின் ஓடு தான் என்பதை நினைவில் கொள்ள வேண்டும்.

கடல் அலைகள் வலிமையுடன் வேகமாக இருக்கும் இடங்களிலும் அலைகள் ஆவேசம் அடையும் இடங்களிலும் பொதுவாக பவளத்தின் வளர்ச்சி நன்கு காணப்படுகிறது.  ஏனெனில் அங்கு கடல்வாழ் உயிரினங்களுத் தேவையான உணவுப் பொருள்கள் கிடைப்பதால் தான் என விஞ்ஞானிகள் கூறுகின்றனர்.

 உலகின் மிகப்பெரும் பவழப்பாறை எனக் கூறப்படுவது ஆஸ்திரேலியாவில் உள்ளது. இதை விண்ணிலிருந்தும் பார்க்க முடியும். 1,33,000 சதுர மைல் பரப்பில் அமைந்துள்ள இது 2900 தனிப்பட்ட பவழப்பாறைகளையும் 1400 மைல் நீளத்தில் பரந்துள்ள 1050 தீவுகளையும் கொண்டிருக்கிறது!

பவளப் பாறைகளை நம்மால் நேரில் பார்த்து மகிழ முடியும்.

அந்தமான் – நிகோபர் பகுதியில் உள்ள ஏராளமான தீவுகளின் கடல் பகுதியில் பவளப் பாறைகள் உள்ளன.

அந்தமானிலிருந்து மிக அருகிலுள்ள ஜாலி பாய், பவளத் தீவு, ரோஸ் தீவு ஆகிய இடங்களுக்குச் சுற்றுலாப் பயணிகளுக்காக விசேஷ படகுகள் இயக்கப்படுகின்றன. இந்தப் படகின் கீழ்ப்புறத்தில் கண்ணாடி பதிக்கப்பட்டிருப்பதால் படகில் இருப்போர் இந்தக் கண்ணாடி வழியே கடலின் அடியில் இருக்கும் பவளப் பாறைகளைப் பார்த்து பிரமிக்க முடிகிறது.

இப்படிப்பட்ட பவளங்கள், வளர்ந்த நிலையில் வெட்டி எடுக்கப்பட்டு சிறிய் அளவுகளில் பட்டை தீட்டப்பட்டு சந்தைக்கு விற்பனைக்காக வருகின்றன.

‘மோ அலகின்’ படி பவளத்தின் கடினத் தன்மை 3.5 முதல் 4 வரை உள்ளது.

பவளத்தின் வளர்ச்சிக்கு அதிக அளவில் ஆக்ஸிஜன் தேவை.

அறிவியல் ரீதியாக பவளம் எய்ட்ஸ், கான்ஸர், தீராத வலி ஆகியவற்றிற்கான நிவாரணம் என கண்டுபிடிக்கப்பட்டுள்ளது.

சீன நாகரிகத்தில் சீனர்கள் பவள மாலையை அணிவது சாதாரணப் பழக்கமாக இருந்து வந்திருக்கிறது.தெய்வீகத்துடன் தொடர்பு படுத்தப்பட்டுள்ள பவளம் ஆயுளை நீட்டிக்கும் என்பது சீனர்களின் நம்பிக்கை.

ஆயுர்வேதத்தில் பவள பஸ்மம் எலும்பு சம்பந்தமான நோய்களைத் தீர்க்கவும், கால்சியம் குறைபாடுள்ளவர்களுத் தரப்படும் மருந்தாகவும் உபயோகப்படுத்தப்பட்டு வருகிறது.

சிட்னி பல்கலைக்கழகத்தைச் சேர்ந்த பேராசிரியர் பில்ஜெர் (Professor Bilger)

ஆஸ்திரேலியாவில் உள்ள ட்ரீ ஐலேண்டில் (Tree Island) ஒரு பரிசோதனையை மேற்கொண்டார். இங்குள்ள பவளங்களை ஆராய்ந்ததில் அவர் பவளம் பற்றிய ஒரு அரிய உண்மையைக் கண்டுபிடித்துள்ளார். “மற்ற உலோகங்களில் ஐயான் தாதுக்கள் (Mineral Ions) கடத்தப் படுவதை விட பவளத்தில் பத்து  மடங்கு வேகத்துடன் இந்தச் செயல் நடைபெறுகிறது.ஆனால் இது ஏன் என்பது புரியாத  மர்மமாக இருக்கிறது என்கிறார் அவர். பவளம் தனித்துவம் வாய்ந்த ஒன்று என்பது இதிலிருந்து புலனாகிறது.

பிரபலங்கள் போற்றும் பவளம்!

உலகின் ஏராளமான பிரபலங்கள் பவழத்தைத் தாங்கள் அணிவதை உறுதிப்படுத்துகின்றனர். உலகமே பார்த்து வியந்து மயங்கிய ஸ்டைல் ராணியான எலிஸபத் டெய்லரின் நவரத்தின ஆபரணக் குவியலில் பவளம் பதிக்கப்பட்ட அணிகள் உண்டு. இவை அனைவரையும் கவர்ந்ததில் வியப்பில்லை.

ஹிந்தி திரைப்பட நடிகையான கரீனா கபூர், டி.வி. பிரபலமான ஏகதா கபூர்  உள்ளிட்ட ஏராளமான பிரபலங்கள் பவளம் பதிக்கப்பட்ட மோதிரம் மற்றும் ஆபரணங்களை அணியத் தவறுவதே இல்லை என்பதற்கான காரணம் பவளத்தின் மகிமை தான்!

பவளத்தில் உயரிய ரகம் 1000 டாலரிலிருந்து 6000 டாலர் வரை விற்கப்பட்டு (ஒரு டாலரின் இந்திய மதிப்பு சுமார் 70 ரூபாய்) உலக மக்களை ஆச்சரியப்பட வைத்துள்ளது.

மணியாய் ஒளியாய் வருவாய்!

அருணகிரிநாதர் திருப்புகழில் ஏராளமான இடங்களில் பவளத்தைப் பற்றிக் குறிப்பிடுகிறார்.

முருகனின் பவள மேனி கண்டு உருகிய அவர் கந்தர் அனுபூதியில், இறுதிப் பாடலில், ‘உருவாய் அருவாய்’ என ஆரம்பித்து ‘மணியாய் ஒளியாய்’ எனத் துதித்து ‘குருவாய் வருவாய் அருள்வாய் குகனே!’ என்று முடிக்கும் போது பவள மணியின் ஒளி நம் இதயத்தில் புகுந்து தெய்வீக உணர்வை எழுப்புகிறது இல்லையா!

***