Sub marine fire- Vadamukagni; Badavagni; Hindu discovery
इतः स्वपिति केशवः कुलमितस्तदीयद्वीषा-
मितश्च शरणार्थिनां शिखरिणां गणाः शेरते ।
इतोऽपि वडवानलः सह समस्तसंवर्तकै-
रहो विततमूर्जितं भारसहं च सिन्धोर्वपुः ॥ ७७॥
இதஹ ஸ்வபிதி கேஶவஹ குலம் இதஸ்ததீயத்விஷாம்
இதஶ்ச ஶரணார்தினாம் ஶிகரிணாம் கணாஹா ஶேரதே |
இதோஅபி படவானலஹ ஸஹ ஸமஸ்தஸம்வர்தகைரு
அஹோ விததம் ஊர்ஜிதம் பாரஸஹம்ச ஸின்தோர்வபுஹு –77
கடலிடத்தில் ஓர் பால் கரியமால் வாழ்வார்
ஆடலரக்கர் ஓர் பால் அமர்வார் — திடமுடைய
மாமலைகள் ஓர்பால் வடவானலமொரு பால்
தாமிருக்கும் மேன்மை பெரிதாம் –77
77. To one side lies Vishnu. Elsewhere, the clan of his foes (the demons) lives. In another part rest the group of mountains seeking refuge. In yet another side, the marine fire resides along with all the apocalyptic clouds. Oh, how vast, mighty and capable is the expanse of the ocean.
ஒரு புறத்தில் விஷ்ணு; மறுபுறத்தில் கடலில் ஒளிந்திருக்கும் அரக்கர்கள்; இன்னொரு புறத்தில் கடலில் தஞ் சம் புகுந்த மலைகள், இன்னொரு புறமோ உலகினை அழிக்க காள மே கத்துடன் காத்து நிற்கும் வட முகாக்கினி இந்தக் கடல்தான் எவ்வளவு பெரியது! எவ்வளவு சக்தி வாய்ந்தது !
xxxxxxxxxxxxxxxxxxxxxxx
तृष्णां छिन्धि भज क्षमां जहि मदं पापे रतिं मा कृथाः
கீர்திம் பாலய து:கிதே குரு தயாம் ஏதத்ஸதாம் சேஷ்டிதம் || 1.78||
ஆசையகற்றி அரும்பொறை மேற்கொண்டு
மோச மதத்தை முறுக்கியழித்– தேசுகின்ற
து ற்செய்கையின் மனத்தை த் தோயா தடக்கி மெய்யே
பற்பலர்க்கும் பேசிப் பணிவுடனே சற் சனங்கள்
போம் வழியிற் சென்று புலவர் ப் பணிந் தெளியோ ர்
ஆம்பலர்க்கும் நன்மை செயற் காதரித்து தாம் பகைமை
பூண்டோர்க்கும் நீதி புரிந் தறிவால் மாண்டோர்க்
கடக்கம் செலுத்தி அரும்புகழ்க்கு பங்கத்
தொடக்க மிலாத துகள் தீர் நடக்கையுடன்
வாழ்ந்து துயரப் படுவோர்க்கன்பு வழங்குவதே
ஆழ்ந்தறிவின் மேலோர்க் கழகு –78
78. Check (your) desire, practice patience, give up pride, and do not take pleasure in sinful deeds. Speak the truth, follow the path of good people, and serve the learned people. Respect those who deserve respect, appease enemies, and conceal your merits. Protect (your) good reputation and show mercy to those in sorrow. This is the definition of good people.
உங்கள் ஆசையைக் கட்டுப்படுத்துங்கள் கர்வத்தினை விடுங்கள் ;பாவ காரியங்களில் இன்பத்தினை நாடாதீர்கள்;உண்மையே பேசுங்கள் நல்லோரைப் பின்பற்றுங்கள்;கற்றோருக்கு சேவை செய்யுங்கள் மரியாதை கொடுக்க வேண்டியவர்களை மதித்து நடங்கள் உங்கள் பெருமைகளை தம்பட்டம் அடிக்காதீர்கள் துக்கத்தில் உழல்வோருக்கு உதவுங்கள் எதிரிகளுக்கும் தயவு காட்டுங்கள் ;இதுவே நல்லவரின் இலக்கணம் – 78
xxxxxxxxxxxxxxx
मनसि वचसि काये पुण्यपीयूषपूर्णाः
त्रिभुवनमुपकारश्रेणिभिः प्रीणयन्तः ।
परगुणपरमाणून् पर्वतीकृत्य नित्यं
निजहृदि विकसन्तः सन्ति सन्तः कियन्तः 79
மனஸி வசஸி காயே புண்ய பீயூஷபூர்ணாஸ்
த்ரிபுவனம் உபகாரஶ்ரேணிபிஹி ப்ரீணயன்தஹ |
பரகுணபரமாணூன்பர்வதீக்ருத்ய நித்யம்
நிஜஹ்ருதி விகஸந்தஹ ஸந்தி ஸந்தஹ கியந்தஹ—79
மனமாதி மூன்றால் மருவு நற்செய்கை
தினமாற்றல் என்கின்ற தெய்வ க் – கன மருந்தாற்
பூரணரா யார்ர்க்கு மன்பு பூண்டுதவி செய்வதற்குக்
காரணராய் மற்றவர் பாற் காணுகின்ற — ஏர ணுவா ம்
சற்குண மேனுமதைத் தாமலை போலே மதித்து
நிற்கு மனங்கொண்ட நிமல – சற்குணர்கள்
இவ்வுலகில் எங்கும் இருப்போர் சிலராவார்
தெய்வ கதியா மிதனைத் தேர்– 79
79. There are a few good people, filled with the nectar of purity in thought, word and action, pleasing the three worlds with a series of beneficial acts. They make a mountain of the tiniest virtues of others and rejoice in their heart.
சொல்லிலும் செயலிலும், சிந்தனையிலும் தூய்மை உடைய சிலர் இருக்கின்றனர்; நல்ல செயல்களினால் முருவுளக்கங்களையும் அவர்கள் திருப்திப்படுத்துகிறார்கள் மற்றவர்களிடத்தில் கடுகளவு நல்ல குணம் இருந்தாலும் அதை மலை போலக் காட்டி மகிழ்வார்கள்- 79
–subham–
Tags- பர்த்ருஹரி , நீதிசதகம் , பகுதி 24, ஸ்லோகம் 77,78, 79, Bhartruhari, Nitisataka, part 24, slokas 77,78,79 Badavagni
Part 3 from Asiatic Mythology; the book is full of anti- Hindu propaganda of Bishop Caldwell gang. It shows Tamils worshipping ghost in Tirunelveli and women are forced to die in husbands’ funeral pyre etc. Bishop Caldwell wrote in letters to England about Tamil Naadaar community worshipping ghosts in Tinnelvelly (Thiru Nel Veli)..
Like British robbers and plunderers took all the important treasures from around the world. French robbers stored most of them in Paris Louvre and Musee Guimet museums. India must get them back.
See more pictures attached below:-
PILLAYAR/ GANESH
BHADRAKALI
INDRA ON AIRAVATA
NATARAJA/ SIVA DANCING
VENU GOPALA / KRISHNA WITH VENU/ FLUTE
SKANDA / KARTIKEYA
SIVA WITH PATANJALI AND VYAGRAPADA
–subham—
TO BE CONTINUED………………………………………….
part 3, rare pictures, asiatic mythology, MUSEE GUIMET
கேரள மாநிலத்தின் புகழ்பெற்ற 108 கோவில்கள் – Part 8
கோவில் எண் 7 – வைக்கம் மஹாதேவன் கோவில்
வைக்கம் சிவன் கோவில் ஆன்மீக ரீதியிலும் அரசியல் ரீதியிலும் புகழ்பெற்ற சிவன் கோவில். 18-1-1937-ல் மஹாத்மா காந்தி விஜயம் செய்த கோவில். திருவாங்க்கூர் மஹாராஜாவும் மஹாராணியும் இந்து மதத்தின் அங்கமான ஹரிஜனங்களும் கோவிலுக்குள் வரலாம் என்ற புரட்சிகர பிரகடனத்தை வெளியிட்டு இந்துமதத்தைக் காப்பாற்ற உதவியது வைக்கம் சத்தியாகிரகம் .
வைக்கம் சிவன் கோவில் எங்கே இருக்கிறது?
எர்னாகுளத்திலிருந்து 33 கி.மீ ; கோட்டயத்திலிருந்து 40 கி.மீ. தூரத்தில் வைக்கம் இருக்கிறது. .
வைக்கத்தின் சிறப்புகள்
வியாக்ரபாதர் என்ற புலிக்கால் முனிவர் ஸ்தாபித்த லிங்கம் இங்கே இருக்கிறது; வியாக்ரபாத புரம் என்ற ஊர்ப்பெயர் மருவி வைக்கம் ஆக சுருங்கி விட்டது
வ்யாக்ர என்ற ஸம்ஸ்க்ருத்சச் சொல்= புலி; பாத = கால்; புலிக்கால் முனிவர் = வியாக்ரபாதர்
கரண் என்ற அசுரன் சிவ பெருமானை வேண்டி 3 லிங்கங்களைப் பெற்று 3 இடங்களில் கொடுத்தான். அதில் வியாக்கிரபாதர் வாங்கிய ஒரு லிங்கம் போக, மீதி இரண்டை எட்டுமானூர், கடுத்துருத்தி என்ற இடங்களில் பிரதிஷ்டை செய்ய உதவினான். மூன்று மஹா தேவர்களும் பக்தர்களை ஆகர்ஷித்த வண்ணம் இருக்கின்றனர்.
வைக்கத்து மகா தேவனை மக்கள் வைக்கத்தப்பன் என்றே அழைப்பர். மலையாளிகளுக்கு குருவாயூரப்பன், ஐயப்பன் என்ற அப்பன் பெயர்களும் நெய்யப்பம் என்ற அப்பம் பெயர்களும் மிகவும் பிடிக்கும்
தங்க த்வஜஸ்தம்பம் , தங்க கோபுரம்
கோள வடிவில் அமைந்த இந்தக் கோவிலில் கூம்பு வடிவ தங்க கோபுரம் இருப்பதாலும் தங்கத் தகடு போர்த்திய 317 அடி த்வஜ ஸ்தம்பம் இருப்பதாலும் தொலை தூரத்திலிருந்து தரிசனம் கிடைக்கும்
1000 ஆண்டு வரலாறு
இந்தக் கோவில் பற்றிய வரலாறு குறைந்தது 1000 ஆண்டுகளுக்குக் கிடைக்கிறது . கோவிலின் அமைப்பு ஆறாம் நூற்றா ண்டு வரை பின்னுக்கு இழுத்துச் செல்கிறது.
வைக்கத்து அஷ்டமியும் அன்னதானமும்
இந்தக் கோவிலிலின் தனிச் சிறப்பு அன்னதானம் ஆகும். ஆயிரக்கணக்கானோருக்கு நாள் தோறும் அன்னம் வழங்குவதால் இந்தக் கோவிலுக்கு மக்கள் நெல்லையும் அரிசியையும் வாரி வழங்கினார்கள்; 2 மாடி அன்னதானக் கூட்டத்தில் நூறு பந்திகள் வரை நடக்கும்
ஆட்சிகள் மாற மாற , கோவில்கள் மீது கட்டுப்பாடுகளை விதிப்பதால் நிலைமை மாறிக்கொண்டே வருகிறது.
ஊட்டுப்புரா என்னும் DINING HALL டைனிங் ஹால், ஆயிரம் அடி நீளம் கொண்டது. மனம் போல மாங்கல்யம்; மக்களின் தாராள மனத்தைக் காட்டும் அன்னதானக் கூடம்!!
மஹாராஜா பிறந்த தினம் மற்றும் பண்டிகை நாட்களில் பலாப்பழ, தேங்காய்ப் பால் உள்ள உணவு வகைகளும் கிடைக்கும்
வைக்கத்து அஷ்டமி என்ற பண்டிகை பெயரைக் கேட்டிராத மலையாளி இந்து இருக்கமுடியாது. விருச்சிக (கார்த்திகை) மாத அஷ்டமியில் பெரிய விழா நடக்கும். 13 நாள் உற்சவத்தில் 12 ஆவது நாள் விழா அஷ்டமி திதியில் வரும்.. கேரளம் முழுதும் வைக்கத்து அஷ்டமியைக் கொண்டாடுகிறார்கள் 13 நாட்களும் சுவாமி புறப்பாடு, யானைகள் பவனி, அபிஷேக ஆராதனைகள் நடக்கும்.
அஷ்டமி தினத்தில்தான் வியாக்கிரபாதர் என்னும் புலிக்கால் முனிவருக்கு பார்வதியும் பரம சிவனும் தரிசனம் தந்தனர் ; காலையில் இது முடிந்த பின்னர் பெரிய விருந்து நடக்கும் இரவில் உதயண புர த்திலிருந்து ஊர்வலம் வரும் சிவன் மகன், அசுரர்களுடன் யுத்தம் செய்து வெற்றி கண்டு வந்து வைக்கத்தப்பனை சந்திக்கும் நிகழ்ச்சி இது. அருகாமைக் கோவில்களில் உள்ள தேவ, தேவியரும் யானைகள் மீது பவனி வருவார்கள்; மேளதாளங்களும் தீவட்டி ஊர்வலங்களும் காணக் கண் கோடி வேண்டும்.
நேரில் கண்ட ஒருவர் எழுதிய தகவல் இதோ :-
உதயண புரத்திலிருந்து வரும் இறைவன் வந்து சேர 3 மணி நேரம் ஆகும் இரு புறமும் 300 தீவட்டிகள்/ தீப்பந்தங்கள் சூழ ஊர்வலம் இரவு 1-30 க்கு வைக்கத்தை அடையும். பிரபல வித்துவான்களான காருக்குறிச்சி அருணாசலம், ராஜரத்தினம் பிள்ளை, வீராசாமி பிள்ளை ஆகியோரின் நாதஸ்வர இசையில் மதி மயங்கி பக்தர்கள் நிற்பார்கள். முத்துசாமி தீட்சிதரின் ஸ்ரீ சுப்ரமண்யாய நமஸ்தே கிருதியைக் கேட்க பக்தர்கள் ஆவலோடு காத்திருப்பார்கள்.. சிவனைச் சந்திக்கும்போது திருவடி சரணம் ம் தேவாதி தேவ என்ற பாட்டு வரும் ; பக்தர்கள் ஆனந்தக் கண்ணீர் விடுவதை எவரும் பார்க்கலாம் ; அப்பன் கடவுளும் மகன் கடவுளும் கோவிலை வலம் வருவார்கள் பின்னர் பிரியாவிடை நிகழும்; மகன் திரும்பிச் செல்லுகையில் நீலாம்பரி ராகம் பாடி சோகத்தை வெளிக்காட்டுவர்.
மறு நாள் ஆராட்டு உற்சவத்துக்கும் உதயணபுர இறைவன் வந்தவுடன் கூடி / ஒன்று கூடி/ பூஜை நடக்கும் ஆயிரக் கணக்கான பக்தர்கள் அன்னப் ராசனம், துலாபாரம் காணிக்கைகளை வேண்டுதல்களை நிறைவேற்றுவார்கள்.
வைக்கத்து அஷ்டமியில் இறைவன் உண்ணாவிரதம் இருப்பார் ; பக்தர்கள் வயிறு புடைக்க தின்பார்கள்; அன்று கிடைக்கும் அறுசுவை உணவை எவரும் மறவார் .
சந்த்யா வேளை
அஷ்டமி உற்சவத்துக்கு முன்னால், 40 நாட்களுக்கு சந்த்யா வேளை என்ற சடங்கு நடக்கும். வேத பண்டிதர்கள் வேத பாராயணம் செய்வார்கள்; சீவேலி / ஸ்ரீ பலி பவனி நடக்கும். மதியத்தில் பெரும் விருந்து; இரவில் லட்ச தீபம் ஏற்றப்படும்
மாணிக்க வாசகர்
நால்வரில் ஒருவரான , திருவாசகம் தந்தருளிய மாணிக்கவாசகரைக் குதிரை வாங்குவதற்காக பாண்டிய மன்னன் அனுப்பியதும் பின்னர் நடந்த நிகழ்ச்சிகளும் எல்லாத் தமிழர்களும் அறிந்ததே அவர் மேலைக் கடற்கரைக்கு வந்து குதிரை வாங்கினார் என்ற ஐதீகம் உண்டு; அந்தக் காலத்தில் வைக்கத்தை ஒட்டிக் கடல் இருந்தது. இப்போது பின்னுக்குப் போய்விட்டது. அராபிய வணிகர்கள் குதிரைகளைக் கொண்டு வந்து குவித்த ஊர் இது..
சாப்பிட்ட இலையில், சில பக்தர்கள் சிலர் தங்கள் வேண்டுதல் நிறைவேற்றும் வகையில் உருண்டு நேர்த்திக்கடனும் செலுத்துவர்.
மாதந்தோறும் அஷ்டமி வரும். நாள்தான் / திதிதான் பைரவருக்கு விசேஷம் . ஆனாலும் கார்த்திகை மாத அஷ்டமி சிறப்பு வாய்ந்தது. இதை மகாதேவாஷ்டமி என்பார்கள். பைரவாஷ்டமி, வைக்கத்து அஷ்டமி என்றெல்லாம் போற்றுகிறார்கள்.
பரசுராமர்
கேரளத்தில் பரசுராமர் சம்பந்தப்படாத கோவிலோ ஊரோ இராது. ஏனெனில் கேரளத்தில் கடல் பின்னே செல்லச் செல்ல மக்களைக் குடியமர்த்தி புதிய பூமியை உருவாக்கினார். பிராமணர்களை அழைத்துச் சென்று குடியமர்த்தினார். இதனால் கோவில்களும் வழிப்பாடுகளும் உருவாகின .
3 வித தரிசனம்
வைக்கத்தில் சிவ பெருமான் காலையில் தட்சிணாமூர்த்தியாகவும் உச்சி வேளையில் அர்ஜுனனுக்கு அருளிய கிராட (வேடர்) மூர்த்தியாகவும் இரவில் பார்வதியுடன் அமர்ந்து ஆனந்தமாக தரிசனம் தருவதாக்வு ம் ஒரு நம்பிக்கையும் இருக்கிறது .ஞானத்தை நாடுவோர் காலையிலும், வெற்றியை வேண்டுவோர் உச்சி வேளையிலும் ஆனந்த வாழ்வினை வேண்டுவோர் இரவிலும் தரிசனம் செய்யலாம் .
வில்வமங்கள் சாமியார்
கேரளத்தில் பிரபலமான வில்வ மங்கள சாமிகள் ஒரு முறை வைக்கம் மூலஸ்தானத்தில் சிவனைக் காணாததால் தேடிவந்த போது , அவர் பக்தர்களின் பந்தியில் , உணவுக்கூடத்தில் இருந்ததாகவும் பக்தர்கள் சொல்லுவார்கள்
சாம்பல் பிரசாதம் அன்னதானப் பிரபு
சிவ பெருமானே நேரில் வந்து பக்தர்களுக்குச் சாப்பாடு போடுவதால் அவரை அன்னதானப்பிரபு என்று இங்கே அழைக்கின்றனர் ; அன்ன தானம் செய்யப் பயன்படுத்திய அடுப்பின் சாம்பல்தான் இங்கு விபூதி பிரசாதமாக கொடுக்கப்படுகிறது.
நம்பூதிரி & பாம்பு விஷம்
வைக்கத்தில் ஒரு காலத்தில் 108 நம்பூதிரிகள் கோவிலை நிர்வகித்து வந்ததாகவும் ஒரு முறை உணவில் விஷப்பாப்பாம்பு விழுந்தது தெரியாமல் சாப்பாட்டினை உண்டத்தில் பல குடும்பங்கள் அழிந்தததாகவும் சொல்லுவர்.
எச்சில் இலைகளில் உருளும் பக்தர்கள்
மகாதேவனே பரிமாறிய சாப்பாட்டினை உண்ட பக்தர்களின் எச்சில் இலைகளில் உருண்டு புரள்வதால் செய்த பாபங்களை அனைத்தும் போய்விடும் என்ற நம்பிக்கை இருப்பதால் பல பக்தர்கள் இந்தச் சடங்கினையும் செய்வார்கள் ; இது இப்போது பைரவர் வழிபாடு நடைபெறும் கோவில்களுக்கும் பரவிவிட்டது . தங்கள் வேண்டுதல் நிறைவேற்றும் வகையில், சாப்பிட்ட இலையில் உருண்டு நேர்த்திக்கடனும் செலுத்துவர்.
வன துர்கா
கோவிலின் தென்புறத்தில் பஞ்சிக்கல் வானதுர்கா சிலை உளது. ஒரு காலத்தில் யக்ஷியாக உலவி மக்களை அச்சுறுத்தி வந்தவளை விக்னேஸ்வரர் இப்படி வனதுர்காவாக மாற்றினாராம்.
2 தந்திரிகள்
இங்கு இரண்டு தந்திரிகள் இருக்கின்றனர் ஒவொன்றுக்கும் பின்னால் ஒரு கதை இருக்கிறது
xxxx
காந்திஜி சென்ற (Year 1937) கோவில்கள்
கேரளா மாநிலத்தில் நான் சென்ற கோவில்களை போல வேறு எங்கும் நான் சென்றதில்லை என்று 25,000பேர் கூடியிருந்த கூட்டத்தில் காந்திஜி சொன்னார். அவருடன் சென்ற மஹாதேவ் தேசாய் ஒவ்வொரு கூட்டத்திலும் காந்திஜி பேசியதை திருவாங்க்கூர் இதிகாசம் என்ற ஆங்கில நூலில் எழுதியுள்ளார் .
The Epic of Travancore, Mahadev Desai, Navajivan Karyalaya, Ahmedabad, 1937
கேரளத்தில் காந்திஜி சென்ற கோவில்களின் பட்டியல் (தற்போது கன்யாகுமரி மாவட்டம் தமிழ்நாட்டில் சேர்க்கப்பட்டுவிட்டது. முன்னர் அது கேரத்தில் இருந்தது..
அனந்த பத்மநாப சுவாமி கோவில் , திருவனந்தபுரம் ;நெய்யாற்றின்கரா கிருஷ்ண சுவாமி கோவில்;
திருவட்டாறு கோவில்; பத்மநாபபுரம் கோவில்; நாகர்கோவில் கோவில்; கன்யாகுமரி கோவில்,; சுசீந்திரம் கோவில்; ஜனார்த்தனர் கோவில், வற்கலா ; சிவகிரி நாராயண குரு மடம் ;அனந்த வாலீ ஸ்வரம் கோவில்; ஸ்ரீ ராமாவிலாசம் பஜனை மடம் ; ஹரிபாட் சுப்ரமண்ய சுவாமி கோவில்; அம்பலப்புழா கிருஷ்ணன் கோவில்; தகழி கோவில்; வைக்கம் கோவில்; ஏ த்தமானூர் கோவில்; குமாரநல்லூர் கோவில்; திருவார்ப்பு
இந்த 24 ஊர்களிலும் காந்திஜி சொற்பொழிவு ஆற்றினார் ஒவ்வொரு இடத்திலும் அவரது சொற்பொழிவுக்கு பெரிய கூட்டம் வந்தது ; அருகாமையிலுள்ள கிராமம்ங்களில் இருந்து மக்கள் நடந்தும் , கட்டை வண்டிகளிலும் வந்தனர்.
–subham —
கேரள மாநில கோவில்கள், Part 8, வைக்கம், மஹாதேவர் கோவில், , வைக்கத்து அஷ்டமி, அன்னதானம் , காந்திஜி விஜயம்
Pictures are taken from various sources for spreading knowledge.
this is a non- commercial blog. Thanks for your great pictures.
tamilandvedas.com, swamiindology.blogspot.com
Xxxx
கொங்குமண்டல சதகம் பாடல் 57
சோழனை விரட்டிய வாலிப வீரன் மன்றாடி!
ச.நாகராஜன்
கொங்கு மண்டலம் சில காலம் சோழர்களின் ஆட்சியின் கீழ் இருந்தது.
ஆனால் சிற்றின்ப மோகம் கொண்டும் ஒற்றுமைக் குறைவாலும் சோழர்கள் வலிமை குன்றினர்.
அந்தக் காலத்தில் பாண்டிய நாட்டை ஆண்ட பாண்டிய அரசர்களில் ஜடாவர்ம சுந்தர பாண்டியன் ராஜாதிராஜன் ஆனான். ஜடாவர்மன் சுந்தரபாண்டியன் கி.பி.1251இல் பட்டமேறினான்.
சோழ வம்ச மலைக்குத் தான் ஒரு இடியேறு என்ற பெயரையும் பெற்றான். சோழ நாடு, கங்க நாடு ஆகியவற்றையும் அவன் கைப்பற்றினான்.
காரையூர் பயற குலத்தவனான சர்க்கரை மரபைச் சேர்ந்த ஒருவன் பாண்டியனைக் கண்டான். அவனது முன்னோர்களின் வீரதீரச் செயல்களை அறிந்த பாண்டியன் அவனைத் தன்னுடன் உடனிலை வீரனாக வைத்துக் கொண்டான்.
சில நாட்களிலேயே அவனது ஆண்மை, எதிரியை வயப்படுத்தும் தன்மை, வெருட்டல் முதலிய அரசியல் தந்திரங்களை அவன் கையாண்ட விதம், சொற் சாதுரியம் ஆகியவற்றை அவன் அறிந்து கொண்டான். உடனே அவனுக்கு சேனாதிபதி பதவியை வழங்கினான்.
அப்போது சோழ நாட்டை ஆண்ட சோழ மன்னன் படையுடன் வந்து கொங்கு நாட்டைச் சூறையாடினான். இதனை அறிந்த பாண்டியன் சோழப் படையை விரட்டியடிக்கும்படி அவனை ஏவினான்.
வாலிப வீரன் படையுடன் சோழனிடம் சென்றான். படையை நிறுத்தி விட்டு தைரியமுடன் சோழனிடம் தனியாகச் சென்றான். தான் என்பதை அறிவித்தான்.
பின்னர் கூறினான் :”ஐயா! மிக்க அன்பாக முன்னோர்கள் காத்து வந்த இந்த கொங்கு நாட்டைச் சூறையாடினீர்கள். இது தர்மம் ஆகாது. கருணை கூர்ந்து கொள்ளைப் படையைத் திரும்பிப் போகுமாறு ஆணையிடுங்கள்” என்றான்.
இதைக் கேட்ட சோழன் அவன் மீது கோபம் கொண்டான். கொள்ளைப் படையைத் திருப்பி அனுப்ப அவன் இசையவில்லை.
வாலிப வீரன் சோழனை நோக்கி, “சோழ வேந்தர்களின் கீழ் எங்கள் முன்னோர்கள் சேனாதிபதிகளாகவும் நாட்டதிகாரிகளாகவும். படைவீரர்களாகவும் இருந்து வந்துள்ளனர். இப்போதோ சோழநாடு கொடுங்கோலாட்சி செய்யும் நாடாக ஆகி விட்டது. கொள்ளையடிக்கும் நாடாகவும் மாறி விட்டது. இனிப் பொறுக்க முடியாது. தென்னவனின் படை இதோ வருகிறது” என்று கூறினான்.
ஆனால் சோழனோ எதையும் கேட்கவில்லை. உடனே அந்த வீரன் கடும்போரை மேற்கொண்டு சோழனை விரட்டி அடித்தான். சோழனின் படை அலங்கோலப்பட்டு சிதறி ஓடியது.
இதை ஒரு பழம்பாடல் இப்படிக் கூறுகிறது:
ஆறெல்லாஞ் செந்நீ ரவனியெஅலாம் பல்பிணங்கள்
தூறெல்லாஞ் சோழன் கரிகுஞ்சி – வீறுபெறு
கன்னிக்கோ னேவலினாற் காரைக்கோன் பின்றொடரப்
பொன்னிக்கோ னோடும் பொழுது
இந்த வெற்றியைப் பெற்றுத் தந்த வீரனை பாண்டியன் பாராட்டி பல விருதுகளைக் கொடுத்துச் சிறப்பித்தான். “நீ ஒரு நல்ல சேனாதிபதி” என்று வாழ்த்தினான்.
இந்த வார்த்தையான ‘நல்ல சேனாதிபதி’ என்ற பெயரை நாளும் அடுத்தடுத்து தமது வமிசாவளியினருக்கு அவர்கள் இட்டு வர ஆரம்பித்தனர். அது இன்றும் தொடர்கிறது.
இந்த வீரனைப் புகழ்ந்து கொங்குமண்டல சதகம் இப்படிக் கூறுகிறது:
பெருமை யுறுகொங்கிற் சென்னி யிடர்செயப் பெருஞ்செழியன்
அருமை யுளந்தெரிந் தன்னோன் முதுகிட் டகலவிசை
வரும முறுகாரை மன்றாடி யுங்கொங்கு மண்டலமே
– பாடல் 57
பாடலின் பொருள் : வளமை மிகுந்த கொங்கு மண்டலத்தில் சோழன் பல தீங்குகளை இழைக்க, அதைப் பார்த்த பாண்டியனின் கருத்தை அறிந்து சோழ அரசன் புறமுதுகிட்டு ஓடும்படி செய்து ஓட்டிய காரையூர் மன்றாடி என்பானும் கொங்கு மண்டலத்தைச் சேர்ந்தவனேயாம்.
இந்தப் பாடலில் நான்காம் அடியில் வரும் சொல் மன்றாடி என உள்ளது.
இந்தப் பெயரைக் கொண்டு தற்காலத்திலும் பட்டக்காரர்கள் என்ற தலைவர்கள் இருந்து வருகின்றனர். இவர்கள் பெயருக்கும் பின்னால் மன்றாடியார் என்று வருவது வழக்கம்.
இந்தச் சொல்லைக் கொண்ட பல சாஸனங்கள் உள்ளன.
“ஸ்வஸ்தி ஶ்ரீ மதுரை கொண்ட கோபர கேசர்பன்மர்க்கு யாண்டு பதினைஞ்சாவது கச்சப்பெட்டு பெரிய திருக்கற்றளி மஹாதேவர்க்கு சண்டபராக்கிரம மன்றாடியேன் எழுத்து;” என்று ஆரம்பிக்கிறது ஒரு சாஸனம். (S.I.I.Vol I No 82)
இது காஞ்சிபுரம் கைலாசநாதர் கோவில் பிள்ளையார் மண்டபத்தில் உள்ளது.
அடுத்து சாஸனம் No 83 – ராஜ ஸிம்மவர்மேசுவர சிரேணியுள்ள சாசனமும் இது போலவே உள்ளது.
சோழநாட்டில் திருவிடைமருதூர் சாசனம் ஒன்று (S.I.I.Vol III Part I) இதே போல மன்றாடி என்ற சொல்லைக் குறிப்பிடுகிறது.
இன்னும் திருவாலவுடையார் திருவிளையாடல் புராணத்தில் வரும் 11ஆம் பாடலும் மன்றாடி என்ற சொல்லைக் கொண்டிருக்கிறது.
இந்த மன்றாடியார் பற்றி நல்ல ஒரு ஆய்வை மேற்கொண்டால் பழைய வரலாறும் அவர் தம் பெருமையும் நன்கு விளங்கும்.
குளத்தில் உள்ள தாமரை மலர்களை சூரியன் தானாகவே மலரச் செய்கிறான் ;
சந்திரனும் தன் ஒளியால் அல்லி மலர்களை தானாகவே மலரச் செய்கிறான் ;
மேகங்களும் யாரும் கேட்காமலே மழையைக் கொட்டுகிறது. அதே போல நல்லவர்கள், மற்றவர்களின் நலனுக்குத் தாமாகவே உதவுகின்றனர்
74. The sun causes the pool of lotuses to bloom. The moon makes the host of lilies blossom. Even though unasked, the cloud gives water. Good people take efforts towards others’ welfare voluntarily.
ஆரும் வேண்டாமலே ஆதித்தன் தாமரையை
நீருள் மலர்த்து நிலாவுந்தன் –ஆரொளியால்
அல்லி மலரை அலர்த்தும் விண் நீர் வழங்கும்
நல்லோர்க்குவமை இவை நன்கு– 74
xxxx
SLOKA 75
एते सत्पुरुषाः परार्थघटकाः स्वार्थं परित्यज्य ये
सामान्यास्तु परार्थमुद्यमभृतः स्वार्थाविरोधेन ये ।
तेऽमी मानवराक्षसाः परहितं स्वार्थाय विघ्नन्ति ये
ये विघ्नन्ति निरर्थकं परहितं ते के न जानीमहे ॥ 75॥
தேஅ மீ மானவ ஷராக்ஷஸாஹா பரஹிதம் ஸ்வார்தாய விக்னந்தி யே
யே விக்னந்தி நிரர்தகம் பரஹிதம் தே கே ந ஜானீமஹே —.75
தன்னுடைய சொந்த நலன்களையும் தியாகம் செய்து பிறர்க்கு உதவுவோர் உயர்ந்தோர்;
தன்னுடைய சொந்த நலன்கள் பாதிக்காதபடி பிறர்க்கு உதவுவோர்சாதாரண மக்கள் ;
தன்னுடைய சொந்த நலன்களுக்காக பிறர் நலன்களைக் கெடுப்போர் கீழ்த்தர மக்கள் ;
எந்தவிதக் காரணமும் இல்லாமல் மற்றவர்களைக் கெடுப்பவர்களை என்ன பெயர் சொல்லி அழைப்பது என்றே தெரியவில்லை
75. Those who enable the welfare of others, giving up their own good, are noble people. Common people are those who take up enterprises that help others without conflicting with their own good. Human ogres are those who ruin public good for their own benefit. We know not what to call those who ruin others’ welfare for no purpose.
(பால் பொங்குதலைக் கண்ட பர்த்ருஹரி நல்ல நண்பர்களுக்கு அந்த நிகழ்ச்சியை ஒப்பிட்டுக் காட்டுகிறார்
முதலில் பால் , தன் நல்ல குணங்கள் அனைத்தையும் தண்ணீருக்குக் கொடுத்துவிட்டது
பால் பொங்குவதை பார்த்தவுடன் தன்னுடைய தண்ணீரை எல்லாம் கொடுத்து ஆவியாகிப் போகிறது; இதற்கு இந்த தீ தான் காரணம் என்ற கோபத்தால் பொங்கி நெருப்பை அணைக்கிறது உடனே பொங்கும் பாலில் நீரை விட்டால் கோபம் அடங்கி விடுகிறது; இப்படித்தான் நல்ல நண்பர்கள் ஒருவருக்கொருவர் உதவுவார்கள்
76. At first, all its qualities were given by milk to the water in itself. Seeing the boiling (suffering) of milk, water sacrificed itself to fire (evaporated). Seeing its friend’s difficulty, the milk rose to immolate itself in fire, but when united with water it cooled down. Such (always helping each other in distress) is the friendship of good people.
தன்னிடத்திலே கலந்த தண்ணீர்க்குத் தீம் பால் தன்
இன் குணங்களெல்லாம் ஈந்ததனால் — அந்நீரும்
வெப்பத்தால் பால்படும் மா வேதனையைக் கண்டழ லில்
ஒப்பி விழுந்தே ஒடுங்குமால் – இப்புதுமை கண்ட
பால் தானுந்தன் காதலுறு நண்பனுடன்
மண்டழ லில் வீழுங்கால் மற்று நீர் அண்டிவந்து
சேருவதால் வெங்கோபம் தீரும் இதுபோலாம்
சீரியர் செய் நட்பின் திறம்– 76
—subham —
Tags- Nitisataka, Bhartruhari, part 23, slokas 74, 75, 76
GUIMET MUSEUM (MUSEE GUIMET) IS IN PARIS; WE MUST GET BACK ALL OUR TREASURES; FRANCE PLUNDERED ART TREASURES IN SOUTH EAST ASIA AND INDIA.
The Guimet Museum is an art museum located at 6, place d’Iéna in the 16th arrondissement of Paris, France. Literally translated into English, its full name is the National Museum of Asian Arts-Guimet, or Guimet National Museum of Asian Arts. The museum has one of the largest collections of Asian art outside of Asia.
கேரள மாநிலத்தின் புகழ்பெற்ற 108 கோவில்கள் – Part 7
கோவில் எண் 6 – மன்னார்சாலா பாம்புக் கோவில்
கேரள மாநிலத்தின் புகழ்பெற்ற 108 கோவில்கள் – Part 7
வலிய அம்மா
மன்னார்சாலா பாம்புக் கோவில் , நாகராஜனை வழிபடும் ஒரு ஒப்பற்ற கோவில்.
மன்னார்சாலா பாம்புக் கோவில் எங்கே இருக்கிறது?
மன்னார் சாலா என்னும் இடம் ஹரிபாட் HARIPAD என்னும் ஊரிலிருந்து 3 கி.மீ தூரத்திலும் அம்பலப்புழா ,காயன்குளம், மாவெலிக்கரா ரயில் நிலையங்களிலிருந்து 15 கி.மீ தொலைவு.
By Rail:
The nearest railway station to Mannarasala Nagaraja Temple is Haripad Railway Station which is situated at a distance of 3.4 Km.
உலகில் பாம்பு வழிபாட்டில் முதன்மையாக இருப்பது பாரதம்; அது மட்டுமல்ல மற்ற இடங்களில் பாம்பு வழிபாடு மியூசியங்களில் உள்ளது. பாரத நாட்டில் மட்டும் வீடுகளிலும் பாம்பு வழிபாடு இருக்கிறது.
அதுமட்டுமல்ல; சனாதனாமாம் இந்துமதம் என்று பாரதியார் பாடும் வரியில் உள்ள சனாதன தர்மத்தின் ஆணி வேறான வேதத்தில் பாம்பு ராணி வருகிறாள். அதையடுத்து வந்த ஸரஸ்வதி – சிந்துவெளி நாகரீகத்திலும் பா ம்பு முத்திரை கிடைத்துள்ளது.
அதுமட்டுமல்ல; மேலைக் கடற்கரை முழுதும் உள்ள மாநிலங்களில் நாக பஞ்சமி NAG PANCHAMI விழாக்கொண்டாடி உலகியே வியக்க வைக்கின்றனர் இந்துக்கள். புறச்சூழல் சமநிலையைப் பாதுகாக்க இந்துக்கள் கண்டுபிடித்த இந்த விழாவினை வெளிநாட்டினர் புகழ்ந்து புஸ்தகம் எழுதுகின்றனர்; வீடியோக்கள் வெளியிடுகின்றனர். எலிகளை பாம்புகள் சாப்பிடுவதால் வயல் வளம் பெருகுகிறது .
அது மட்டுமல்ல பழைய TELUGU FILMS தெலுங்கு திரைப்படங்களில் பாம்பு வராத திரைப்படமே இராது.
அது மட்டும்மல்ல சங்கதத்தமிழ் நூல்களில் உள்ள மருதன் இளநக நாகன் போன்ற 20 புலவர் முதல் வடக்கேயுள்ள நாகாலாந்து மாநிலம் வரை நாகர் இனத்தைக் காணலாம்.
குப்தர் கல்வெட்டுகளில் GUPTA INSCRIPTIONS நாகர்கள் உள்ளனர். இலங்கையில் ஸ்ரீ நாகன் என்ற பெயரில் 2400 ஆண்டுகளுக்கு முன்னர் பிராமண மன்னன் ஆட்சி புரிந்துளான்.
அது மட்டுமல்ல தமிழ்நாட்டின் நாகர் கோவில், கேரளா மன்னர் சாலை, யாழ்ப்பாண நாகத் தீவு முதல் காஷ்மீரில் உள்ள அனந்த நாகம் ANANTNAG வரை ஊர்ப்பெயர்கள் முழுதும் பாம்பின் பெயர்கள்தான் .
கேரளத்தில் ஒவ்வொரு வீட்டிலும் தென் மேற்கு மூலையில் நாகர் காவு என்ற இடம் இருக்கும்.
அதுமட்டுமல்ல பாம்பின் பெயரில் பாம்பாட்டி சித்தர்கள் முதலிய பல சித்தர்கள் உடைய நாடு பாரத நாடு.
பாம்பு சக்தியை குண்டலினி என்று பெயர் வைத்த நாடு பாரத நாடு
ஸ்னேக்ஸ் அண்ட் லாடர் SNAKES AND LADDER BOARD GAME என்னும் போர்ட் விளையட்டைக் கன்டுபிடித்தது இந்துக்கள் என்று உலக மியூசியங்களில் பலகை வைத்திருப்பதையும் காணலாம். நம் நாட்டில்
இதைப் பரமபத சோபான படம் என்று எல்லார் வீட்டில் விளையாடுவதையும் காண்கிறோம்.
இவை எல்லாவற்றுக்கும் மேலாக, நம் வீடுகளிலேயே நாகராஜன், நாகேஸ்வரன், நாகேஸ்வரி, வாசுகி, என்ற பெயர்களில் உறவினர் இருப்பதையும் காணலாம். இந்தப் பாம்பு வழிபாட்டை நாம் எகிப்துக்கும் கிரேக்க நாட்டுக்கும் பரப்பினோம். எகிப்திய மன்னர்கள் சிவபெருமான் தலையில் நாகர் முடி இருப்பது போல முடி/ கிரீடம் வைத்துக் கொண்டனர். கிரேக்க நாட்டில் ஒரு தேவியானவள் இரண்டு கைகளில் இரண்டு பாம்புகளுடன் காட்சி தரும் சிலைகளை பல மியூசியங்களில் காணலாம். எல்லாவற்றுக்கும் மூலம் ரிக் வேதம் .
பாம்பு இனம், கருட இனம் என்ற இரண்டு இனங்களை நமது நூல்கள் குறிப்பிடுகின்றன. இதை மாயன் MAYAN நாகரீகம் வரையும் பல நாடுகளின் கொடிகளிலும் சின்னங்களிலும் இன்றும் காண்கிறோம்.
SERPENT சர்ப்பன்ட் , SNAKE ஸ்நேக் என்ற ஆங்கிலச் சொற்கள் எல்லாமே சர்ப்பம், ஸ்/நாகம் என்ற ஸம்ஸ்க்ருதச் சொற்களில் இருந்து வந்தனவே; நாம்தான் உலகினுக்கு பாம்பு பற்றி சொல்லிக்கொடுத்தோம் என்பதற்கு இதைவிட சான்று தேவை இல்லை. பாம்பு இல்லாத இந்துக் கடவுள் படங்களைக் காணவும் முடியாது!!!
இவ்வளவு சிறப்புமிக்க பாம்பு வழிபாட்டினை கேரளா மாநில மன்னார் சாலைக்கு கோவிலில் காண்பது போல வேறு எங்கும் காண முடியாது
குழந்தைகளை இல்லாத தம்பதிகள் நிறுவிய ஏராளமான நாகர் சிலைகளைத் தமிழ் நாட்டின் பல கோவில்களில் காணலாம்; கர்நாடக குக்கே KUKKE சுப்பிரமானிய சுவாமி கோவில் ஆனாலும் சரி, மன்னார்சாலை நாகராஜர் கோவில் ஆனாலும் சரி குழந்தை வேண்டுமானால் நாகர் வழிபாடு அவசியம் என்ற எண்ணம் மலிந்து கிடப்பதைப் காணலாம். இந்த எண்ணம் காரணமாக நாம் பாம்புகளைக் கொல் வதில்லை. அவை வயல்களில் எலிகள் பெருகாமல் காத்து, நம் அறுவைடையைப் பெருக்குகின்றன. இந்துக்கள் புறச் சூழல் பாதுகாவலர்கள் . நிற்க
xxxx
மன்னார்சாலை கோவில் தரிசனத்துக்கு வருவோம்
கேரளத்தில் பெரும்பாலான வீடுகளில் தென் மேற்கு மூலையில் சர்ப்ப காவு என்று நாகர் வழிப்பாட்டுக்கு இடம் ஒதுக்கப்படும்
இங்கே நாகராஜாவும் நாக ராணியும் வழிபடப்படுகின்றனர்
16 ஏக்கர் பரப்பில் அமைந்துள்ள தோப்பு இது. ஆயிரக் கணக்கான நாகர் சிலைகளைக் காணலாம். பெரிய சந்நிதியில் நாகராஜா, நாக யக்ஷி உருவங்களை வைத்து வழிபடுகின்றனர்.வடக்கில் இல்லம்/ வீடு இருக்கிறது . அதன் கீழ் நிலவறையில் நாகராஜா சமாதி உள்ளது. குல முதல்வரான அவரை மூத்தாசான் என்பர் அங்குதான் பரம்பரை பரம்பரையாக பூஜை செய்ய உரிமை பெற்ற பெண்மணி வசிக்கிறாள் . அவளை நம்பியதி என்பார்கள் வலிய அம்மா, மன்னார்சாலா அம்மா என்றும் அழைப்பார்கள். இவர்தான் சிலைகளுக்கு பூஜை செய்வார்.
ஒரு நூற்றாண்டுக்கு முன்னர் கொச்சி திருவாங்கூர் சமஸ்தானங்களில் உள்ள பாம்புக் கோவில்களைக் கணக்கெடுத்ததில் 15,000–க்கும் மேலான சர்ப்பக் காவுகள்SERPENT GROVES இருப்பது தெரியவந்தது.
இந்து ஜோதிட சாஸ்திரத்தில் ஆயில்யம் நட்சத்திரத்தை பாம்பு என்று சொல்லுவார்கள்; ஆகையால் இங்கு ஆயில்யம் நட்சத்திர நாட்களில் குறிப்பாக துலாம், கன்னி மாதங்களில் சிறப்பு பூஜைகள் நடக்கும்.
சர்ப்ப யக்ஷி, நாக யக்ஷி என்ற நாக தேவதைகளுடன் நாக சாமுண்டி என்பவரின் சந்நிதியும் உளது ; அவர். நாகராஜாவின் சகோதரி.
இங்கு மஞ்சள் பிரசாதமாக வழங்கப்படுகிறது. நாக பலி, நீரும் பாலும் அஷ்ட நாக பூஜைகள் என்று பல பூஜைகள் இருக்கின்றன. நாக தோஷம், கால சர்ப்ப தோஷம், ராகு,கேது தோஷங்கள் இருப்பவர்களும் குழந்தைப் பேறு வேண்டுவோரும் இங்கு சிலைகள் செய்து வைத்து கோவில் விதிகளின்படி வழிபடுகின்றனர். இதே போல கர்நாடக KUKKE SUBRAHMANYA SWAMI குக்கே சுப்பிரமணியர் கோவிலிலும் நடைபெறுகிறது .
30, 000 சிலைகள்
மன்னார்சாலை கோவில் அல்லது காவு (காடு) காடு போலப் பரந்து விரிந்து கிடக்கிறது அங்கு பக்தர்கள் வைத்த 30, 000 நாகர் சிலைகள் இருக்கின்றன
இங்கு குருவாயூயூர் போல துலாபாரம் கொடுப்பதும் நடைமுறையில் இருக்கிறது எடைக்கு எடை அரிசி, பருப்பு முதல் தங்கக்கட்டிகள் வரை துலாபாரம் கொடுக்கலாம். துலா என்ற ஸம்ஸ்க்ருதச் சொல்லுக்கு தராசு என்று பொருள்.
இந்தக் கோவிலில் துலா மதம் ஆயில்யம் வருட உற்சவம் ஆகும்.
வலிய அம்மா என்பவர் அந்தக் குடும்பத்தில் பிறந்த மூத்த பெண் ஆவார். இவர் வலிய அம்மாவாக பொறுப்பேற்ற நாள் முதல்,
பிரம்மச்சசாரிணியாக வாழ வேண்டும். இவர் பிராமணர் குலத்தில் பிறந்தவர்.. வெளியே செல்ல மாட்டார் அப்படி உறவினர் வைபவங்களுக்குச் சென்றாலும் மாலை சூரிய அ ஸ்தமனத்துக்கு முன்னால் கோவிலுக்கு வரவேண்டும் என்பது நடைமுறை..
நீரும் பாலும், உருளி அளித்தல்
ஆண்டுதோறும் நடக்கும் உற்சவத்தில் நாகராஜா, நாக யக்ஷி ஊர்வலம் நடக்கும்; பக்தர்கள் நிறைய காணிக்கைகளை கொண்டு வருவார்கள். இந்தக் கோவிலுக்கு உருளி என்னும் சட்டியை அளிப்பதும் ஒரு காணிக்கைச் சடங்கு .
2 கதைகள்
இந்தக் கோவில் உருவான வரலாறு பற்றிய கதை என்னவென்றால் குழந்தைகள் இல்லாத தம்பதிகள் பாம்பினை வழிபட்டனர் என்றும் அவர்களுக்கு குழந்தை பிறந்தவுடன் கோவில் கட்டியதாகவும் அப்போது அருள்புரிந்த அந்த இறைவனே அவர்கள் மட்டும் இல்லாது அவர்கள் பரம்பரையே வழிபடவேண்டும் என்று சொன்னதாகவும், அதனால் அந்தக் குடும்பம் இந்தக் கோவிலைக் கட்டியதாவதும் சொல்லப்படுகிறது. பிற்காலத்தில் மன்னர்களும் இந்தக் கோவிலுக்கு ஆதரவு வழங்கினார்கள்.
உருளி கதை
ஒரு குழந்தையற்ற பெண்மணி ஒரு உருளியில் / சட்டியில் உணவு கொண்டு வந்ததாகவும் அது அழகாக இருக்கவே வலிய அம்மா அதைப் போற்றிப் பாதுகாத்ததாவுடன் எல்லோரும் உருளையும் கொண்டுவந்து அவரைத் திருப்திப்படுத்தியதாகவும் கூறப்படுகிறது. அதிலிருந்து நூற்றுக் கணக்கானோர் இப்படிச் செய்யத் துவங்கினர்.
உருளிச் சட்டி கொண்டு வருவோர் அதை நாகராஜா வின் முன்னர் கவிழ்த்து வைப்பது உருளி கமழ்த்தல் வழிபாடு ஆகும்
நூறும் பாலும் சடங்கில் பால், இளநீர், மஞ்சள் நீர் கலந்த நீரினை பாம்புக் கோலம் அல்லது சிலை மீது விடுவார்கள். சர்ப்ப பலி என்பது இதே போல சிலைகளுக்குச் செய்யும் அபிஷேகம்
XXXX
என் கண் முன் கண்ட காட்சி
யாரோ ஒருவர் அன்பினால் செய்த விஷயத்தை எல்லோரும் சட்டங்காகப் பின்பற்றத் துவங்கி விடுகிறார்கள்.பல சம்பிரதாயங்கள் இப்படித்தான் உருவாகின்றன. மதுரை மீனாட்சி கோவிலில் நான் பள்ளிக்கூட, கல்லூரி நாட்களில் சென்ற போதெல்லாம் துர்க்கை அம்மனுக்கு முன்னர் எலுமிச்சம்பழ விளக்கினை யாரும் ஏற்றி வைத்ததில்லை. பின்னர் செவ்வாய்க் கிழமைதோறும் நூற்றுக் கணக்கானோர் இப்படிச் செய்யத் துவங்கினர். உடனே கோவில் நிர்வாகம் கட்டுப்பாடுகளையும் கட்டணங்களையும் கொண்டுவருகின்றன.
திருவண்ணாமலை கோவில் சந்நிதியில் வரிசையில் நின்று சாமியை நோக்கிப் போய்க்கொண்டிருந்தோம்; கைக்கு எட்டாத உயரத்தில் அலங்கார வளைவில் இறைவன் உருவம் பொறிக்கப்பட்டிருந்தது. கொஞ்சம் உயரமானவர் ஒருவர் அதை கஷ்டப்பட்டு எட்டிக் கைகளினால் தொட்டுக் கும்பிட்டாரா ர்; உடனே அவர் பின்னால் இருந்த ஒவ்வொருவரும் குரங்கு போல எம்பிக் குதிக்கத் தொடங்கினர். அது பஸ்ஸில் வந்த கிராமத்துக்கு கும்பல் இப்படி ஆயிரம்பேர் , அனுதினமும் தொ ட்டால் அந்த உலோக உருவம் தேய்ந்துபோகும் அல்லது கீழே விழுந்துவிடும். ஆகவே பக்தர்கள் எந்த ஒரு விஷயத்தையும், பாமரன் செய்வதை குரங்கு தொப்பிக்காரன் கதை போல இமிடேட்/ IMITATE செய்யக்கூடாது (குரங்கு- தொப்பி வியாபாரி கதை முன்னரே எழுதியுள்ளேன் )..
XXXX
MANNARSAALA IN KERALA
நம்பூதிரி வீடு முழுதும் பாம்பு
PAMBUMEKKAT NAMBUDIRI RESIDENCE NEAR IRINJALAKUDA
கே ஆர் வைத்திய நாதன் எழுதி பாரதீய வித்யா பவன் வெளியிட்ட 1982-ம் ஆண்டு ஆங்கில நூலில் ஒரு தகவல் தந்துள்ளார். இரிஞ்சலக்குடா அருகில் பாம்பு மேக்காடு நம்பூதிரி வீடு இருக்கிறது .அவர் வீடு முழுதும் நல்ல பாம்புகள் நெளித்து ஓடும் . உள்ளெ வருவோர் அவைகளைத் தப்பித் தவறி மிதித்தாலும் அவைகள் கடிக்காது. நம்ப்பூதிரி குடும்பத்தினர் சொற்களுக்கு அவை கட்டுப்படும். அந்தக் குடும்பத்தினரை அவை காப்பாற்றுகின்றன.
(நான் கூகுள் செய்து பார்த்ததில் தற்போது அந்த இடத்தில் பாம்புகள் ஆடி ஓடும் தகவல் ஏதும் இல்லை; இப்போது அங்கு பெரிய பாம்புக்காவு, நாகர் சிலைகள் , வழிபாடுகள் உண்டு ஆயினும் குறிப்பிட்ட நாட்கள் மட்டு மே பக்தர்கள் செல்ல முடியும் ஆனால் மகாராஷ்டிர சேத்பல் கிராமம், ஆந்திரத்தில் தேளி னை தைரியமாக வழிபடும் கிராமம் ஆகியவற்றைப் படிக்கையில் இதிலும் உண்மை இருக்க வேண்டும். அந்த அர்ச்சகர் பாம்பு கடித்தோரையும் குணப்படுத்துகிறார் /.
9 Aug 2016 — The Pambu Mekkattu is spread over six acres of land with five “Serpant Kavus” (Kavu is sacred garden). The Pambummekkattu land is kept in its …
Pambummekkattu Mana situates at Vadama near Mala Town, Mukundapuram Taluk in Thrissur District, Kerala. It is believed that the divine presence of “Vasuki” and “Nagayakshi” are there in the “Kizhakkini” of Pambummekkattu Mana. Daily poojas are offered to Nagaraja and Naga Yakshi residing in the eastern portion of Mekkattu Mana. The Pambu Mekkattu is spread over six acres of land with five sarpakavu. The Mekkattu Namboodiri’s also treated the outsiders but now due to the advance in medical science people rarely comes for it.
XXXXX
மஹாராஷ்டிரா பாம்பு அதிசயம் SHETPAL SNAKE WONDER
புனே நகரியிலிருந்து 200 கி.மீ தூரத்தில் சேட்பால் என்ற கிராமம் இருக்கிறது. சுமார் 2600 குடிகள் . எல்லார் வீடுகளிலும் நல்ல பாம்புகள் ஆடி, ஓடித் திரிகின்றன. . குழந்தைகள் வீட்டில் அங்கும் இங்கும் ஓடி விளையாடுவது போல செல்லும். யார்க்கும் எந்தத் தீங்கும் செய்வதில்லை; பாம்பு கடித்து இறந்த சம்பவமும் இல்லை
A place called Shetpal is located around 200 kilometres from Pune, Maharashtra, in the Solapur district. Cobra snakes have a permanent residence in every house in this community; they are venerated every day in every heart and home!
Shetpal, also known as Shetphal, is a hamlet in the Mohol taluka of the Solapur district of Maharashtra. The nearest town to Shetpal is Kurduvadi, which is around 22 kilometres away. It is the town for all its main commercial activity..
— SUBHAM—–
TAGS– மன்னார் சாலை, பாம்பு வழிபாடு, சர்ப்ப காவு, நாகராஜா, நாக யக்ஷி, உருளி, குழந்தைப் பேறு , நாகா தோஷம், நாகர் கோவில் , மகாராஷ்டிரம் , பாம்பு வீடு, வலிய அம்மா
Pictures are taken from various sources for spreading knowledge.
this is a non- commercial blog. Thanks for your great pictures.
tamilandvedas.com, swamiindology.blogspot.com
Xxxx
கொங்குமண்டல சதகம் பாடல் 46
பவணந்தி முனிவரை நன்னூல் இயற்ற வேண்டிய சீயகங்கன்!
ச.நாகராஜன்
தமிழ் இலக்கியங்கள் ஏராளம். தமிழ்க் காப்பியங்களின் ஒப்பு தப்புகளைத் தெரிந்து கொள்வதற்கு – அதாவது குண தோஷங்களைத் தெரிந்து கொள்வதற்கு – ஒரு வழி இல்லையே என நினைத்த போது தொல்காப்பியம் தமிழ் இலக்கணத்தை மிகத் தெளிவாக விளக்கியது.
ஆனால் இப்பெரும் நூலை சுருக்கி ஒரு நூல் வேண்டும் என்று நினைத்த சீயகங்கன் என்னும் மன்னன் கொங்கு மண்டலத்தைச் சேர்ந்தவனே என்று பெருமைப்பட்டு தனது 46வது பாடலில் கொங்குமண்டல சதகம் அவனைப் புகழ்ந்து சொல்கிறது.
மைசூர் ராஜ்யத்தை சேர்ந்த ஊர் கோலார் பட்டணம். அதை தலைநகராகக் கொண்டு நீண்ட காலம் கங்க வம்சத்தைச் சேர்ந்த அரசர்கள் அரசாண்டு வந்தனர். தங்கள் மெய்கீர்த்திகளில் குவளாலபுர பரமேசுரர்கள் என்றும், நந்திகிரிநாதர் என்றும் அவர்கள் தம்மைக் கூறிக் கொள்கிறார்கள்.
குவளாலபுரம் என்பதே கோலார் என்று மருவி இப்போது அப்படி அழைக்கப்படுகிறது.
இதை ஆண்ட மன்னர்களில் ஒருவன் சீயகங்கன். அவன் தமிழ்ப் புலவர்களின் ஆராய்ச்சிக்கு இன்றியமையாததாக அமையும் தொல்காப்பியத்தை முழுவதுமாகக் கற்றுத் தேர்ந்து அறிந்து கொள்ள சிலரால் மட்டுமே முடிகிறது; ஆதலால் அந்த நூல் கூறும் எழுத்து முதலிய ஐந்திலக்கணங்களை அனைவரும் எளிதாகக் கற்க ஒரு நூலை இயற்ற வேண்டும் என்று எண்ணினான்.
அதற்குத் தக்கவர் பவணந்தி முனிவரே என்பதை நிச்சயித்த அவன் அவரை அணுகி தன் எண்ணத்தைச் சொல்லி அவரை வேண்டினான்.
அவரும் நன்னூல் என்னும் சிறந்த இலக்கண நூலை இயற்றினார்.
“தமிழ்க் கடலுள்
அரும்பொருளைந்தையும் யாவரு முணர
தொகைவகை விரியிற் றருகெனத் துன்னார்
இகலற நூறி யிருநில முழுவதுந்
தனதெனக் கோலித் தன்மத வாரணந்
திசைதோறும் நிறுவிய திறலுறு தொல்சீர்க்
கருங்கழல் வெண்குடைக் கார்நிகர் வண்கைத்
திருந்திய செங்கோற் சீய கங்கன்
அருங்கலை விநோதன் அமராபரணன்
மொழிந்தனன்”
என நன்னூல் சிறப்புப் பாயிரம் இப்படிக் கூறுவதால் இந்த வரலாற்று உண்மையை நன்கு அறிய முடிகிறது.
சீயகங்கனுக்கு அமராபரணன், திருவேகம்பன் என்ற பெயர்களும் உண்டு.
கி.பி. 1178 முதல் 1216ஆம் ஆண்டு முடிய அரசு புரிந்த மூன்றாம் குலோத்துங்க சோழன் காலத்தைச் சேர்ந்தவன் இவன்.
சீயகங்கனின் மனைவியான அரியபிள்ளை திருவல்லத்தில் திருவல்லமுடைய நாயனார் கோவிலில் நந்தாவிளக்கு வைத்ததை ஒரு சாஸனம் குறிப்பிடுகிறது.
“ஸ்வஸ்தி ஶ்ரீ குலோத்துங்க சோழற்கு ஆண்டு 34வது அமராபரண சீயகங்க நம்பிராட்டியான அரியபிள்ளை திருவல்லமுடைய நாயனார்க்கு வைத்தௌ சந்தி விளக்கு ஒன்று நாச்சியார்க்கு வைத்த விளக்கிரண்டுக்கும் …..” என்று இப்படி சாஸனம் விளக்குகிறது.
ஆதாரம்: S.I.I.Vol III Part I Page 122-123.
இந்த வரலாற்றை விளக்கும் கொங்குமண்டல சதகப் பாடல் இது தான்:
சொல்காப்பியத்தின் குணதோடந் தேர்ந்து சொலுவதற்குத்
தொல்காப் பியங்கற்க நீண்ட ததனைச் சுருக்கியிசை
யொல்காப் பெரும்பவ ணந்தீயென் றோதி யுபகரித்த
வல்கா வலன்சீய கங்கனுந் தான் கொங்கு மண்டலமே
பாடலின் பொருள் : தமிழ்க் காப்பியங்களின் குண தோஷங்களைத் தெரிந்து கொள்வதற்கு தொல்காப்பியம் விரிந்து கிடக்கின்றது. அதை தொகைவகையால் சுருக்கி ஒரு நூல் செய்தருள்க என்று பவணந்தி முனிவரைக் கேட்டுக் கொண்ட சீயகங்கனும் கொங்கு மண்டலத்தைச் சேர்ந்தவனேயாம்.
This book contains pictures of Vedic Gods, Ashta Dik palakas, a strange figure of Lord Subrahmanya and some paintings. Asiatic Mythology was published in 1932 to do propaganda against Hinduism. Hindu women are shown in bad light. Book contains lot of Anti Hindu statements. Here are part 1 pictures:
MUSE GUIMET is in Paris
Brahma with Five Heads rare!
IT IS MANMATHA ON PARROT WITH RATHI???
STRANGE SUBRAHMANYA !!!
—subham–
Tags- Asiatic Mythology, 1932, Rare pictures, part 1
பழங்கள் பழுத்தால் மரங்கள் வளைந்து நின்று பலம் கொடுக்கும்;
மேகங்ககளில் நீர் நிறைந்தால் தாழ்ந்து வந்து கொட்டும்;
நல்லோரும் அப்படித்தான்; வளம் நிறைந்தால் வலிய வந்து உதவுவர்– 71
71. Trees are bent low when fruits appear. Clouds hang very low when (filled) with new waters. Good people are modest in prosperity. This is the nature of altruistic people.
72. The ear is adorned by learning, not by an earring; the hand is adorned by giving, not by a bracelet. The form of kind people is radiant due to altruism and not sandal-paste.
அருளுடையார் நல்லோர் அருஞ் செவிக்குத் தோடு
பொ ரளுடைய நூற்கேள்வி பொன்னின் உருளல்ல
கைக்கு நகை காப்பல்ல காருண்ய தானமவர்
மெய்க்குப் பரோபகாரமே — 72
காதுக்கு அழகு நல்லவற்றைக் கேட்டல் ;;கர்ண குண்டலம் அல்ல;
கைக்கு அழகு வரையாது கொடுத்தல்; கங்கணம் அன்று ;
அவர்கள் மெய்க்கு / உடலுக்கு அழகு பரோபகாரம்; சந்தனப் பூச்சல்ல – 72
XXXX
SLOKA 73
पापान्निवारयति योजयते हिताय
गुह्यं निगूहति गुणान् प्रकटीकरोति ।
आपद्गतं च न जहाति ददाति काले
सन्मित्रलक्षणमिदं निगदन्ति सन्तः ॥ 73॥
பாபான்னிவாரயதி யோஜயதே ஹிதாய
குஹ்யம் நிகூஹதி குணான்ப்ரகடீகரோதி |
ஆபத்கதம் ச ந ஜஹாதி ததாதி காலே
ஸன்மித்ரலக்ஷணம் இதம் ப்ரவதந்தி ஸந்தஹ || 1.73 ||
நல்ல நண்பன் யார் என்று சான்றோர் வருணிப்பர்:- நண்பனை தவறான செயல் செய்யாது தடுப்பான்;அவன் நலம்பெற வழி செய்வான்;அவனுடைய ரகசியங்களைக் காப்பான்; அவன் நற்குணங்களை முரசுபோலப் பறைகொட்டுவான்; துன்பம் வந்தால் விலகாமல் துணை நிற்பான் ; தேவையான தருணத்தில் வேண்டியதைக் கொடுத்து உதவுவான் – 73
73. Noble people say that such is the definition of a good friend: he saves one from sin, leads to welfare, protects secrets, publicises one’s virtues, does not leave one in distress, and gives (the needed things) at the right time.
நல்லது செய்வித்தல் நவையது நைவித்தல்
ஒல்லும் மறையுதவி ஓட்டுதல் – நல்ல
குணத்தைப் பலரறியக் கூறுதல் கேடுரின்
தணத்த லின்மை காலத் தருகை – இணக்கங்கூர்
இக்குணங்களெல்லாம் இசைந்த நன்னட்பினர்காஞ்
சற் குணங்களென்று நீ சாற்று — 73
—subham—
Tags- பர்த்ருஹரி, நீதி சதகம், ஸ்லோகம் 71,72,73, நல்ல நண்பன் , Nitisataka, Good Friend
Tamil and Vedas 
