WRITTEN BY S NAGARAJAN

Post No. 9524

Date uploaded in London – –  –24 APRIL  2021     

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

if u want the article in word format, please write to us.

ஸ்ரீ சத்ய சாயி பாபா சமாதி தினம் : 24 ஏப்ரல். அவர் மலரடி பணீவோம்!

சைக்கியாட்ரி விஞ்ஞானி கண்ட சாயிகியாட்ரி!

ச.நாகராஜன்

1

டாக்டர் சாமுவேல் சேண்ட்விஸ் அமெரிக்காவைச் சேர்ந்த ஒரு சைக்கியாட்ரிஸ்ட். உளவியல் நிபுணர். ஸ்ரீ சத்ய சாயி பாபாவைப் பற்றிய ஏராளமான அதிசயமான செய்திகளைக் கேட்ட அவர் நேரடியாகப் பாபாவைப் பார்த்து விடத் தீர்மானித்தார்.

நான் சென்றேன், கண்டேன், வெல்லப்பட்டேன் என்பது தான் அவரது கதையாக ஆனது.

தனது அருமையான அனுபவங்களை Sai Baba The Holy Man… and the

 Psaychiatrist  என்ற புத்தகத்தில் அவர் எழுதியுள்ளார். இந்தப் புத்தகம் 1975ஆம் ஆண்டு வெளி வந்தது.

அதில் பாபா எங்கும் இருக்கிறார் என்ற அபூர்வ உண்மையைத் தன் அனுபவத்தால் அவர் கண்டார்.

அதில் விஞ்ஞானத்தையும் கடந்த அவதார புருஷரின் மஹிமையை இப்படிக் கூறுகிறார்:-

“Amazing! Unbelievable! Unthinkable! The most mind-blowing, extraordinary experience – as if the most far-fetched science were actually seen to be true.” (page 47)

பகவான் பாபாவின் அன்றாடச் செயல்களையும் அற்புதங்களையும் நேரடியாக அனுபவித்த அவர் எழுதுகிறார்:

“I am witnessing here no abstract college argument or cerebral debates about whether or not God exists. I am seeing concrete evidence of such reality.”

240 பக்கங்கள் கொண்ட இந்த புத்தகத்தில் நாம் பெறும் பாபாவின் உபதேசங்கள் நம்மை உய்விக்க வல்லவை.

இறுதியாக இந்த சைக்கியாட்ரி நிபுணர், சைக்கியாட்ரியின் இறுதி லட்சியமே மதம் காண விழையும் கடவுளே என்று கூறி சாயிபாபாவினுடனான தனது அனுபவத்தை ‘சாயிகியாட்ரி’ என்று கூறி வியக்கிறார். (பக்கம் 190)

2  

இதே போல மனிதர்களைச் சுற்றி இருக்கும் ஒளிவட்டம் எனப்படும் அவுராவைத் தன் ஊனக் கண்களாலேயே பார்க்கும் வல்லமையைத் தன் அனுபவத்தால் கொண்ட பாரனோவ்ஸ்கி என்ற அமெரிக்க விஞ்ஞானி பாபாவைப் பார்த்து வியந்தார்.

“பாபாவின் உடலிலிருந்து வெளிவரும் இளஞ்சிவப்பு வண்ணம் கொண்ட அவுரா வானத்தை ஊடுருவுகிறது. அவர் நடக்கும் போது அந்த ஒளிவட்டமும் செல்கிறத். அவரை “நடமாடும் அன்பின் திருவுருவம்” – Love Walking On Two Feet – என்றே கூறுவேன்” என்றார்.

3  

டாக்டர் பகவந்தம் பாபாவின் அணுக்கத் தொண்டர். அரசுக்கு விஞ்ஞான ஆலோசகர் என்ற பெரும் கௌரவத்தைக் கொண்டவர். அவர் பாபாவின் முன்னால் இருக்கும் போது விஞ்ஞானத்தை மீறிய பாபாவின் அற்புதச் செயல்களைக் கண்டு வியந்தார்.

பகவந்தத்தின் மகன் டாக்டர் ராமகிருஷ்ணா பிஹெச்.டி பட்டம் பெற்றவர். பெங்களூர் இந்தியன் இன்ஸ்டிடியூட் ஆஃப் சயின்ஸில் ஏரோநாடிகல் எஞ்சினியரிங் துறையில் பேராசிரியராகப் பணியாற்றிக் கொண்டிருந்தார். ஒரு நாள் பகவான் பாபா, ராமகிருஷ்ணாவையும் அவரது நான்கு நண்பர்களையும் அழைத்துக் கொண்டு வெளியில் காரில் சென்றார். மதிய உணவு நேரம். அனைவரும் அதைப் பற்றிச் சிந்திக்க ஆரம்பிததனர். பாபா அனைவரிடமும் அவரவருக்கு என்ன பழம் பிடிக்குமோ அதை நினைத்துக் கொள்ளச் சொன்னார். ஆளுக்கு ஒரு பழத்தை நினைத்துக் கொண்டனர். ஒருவர் மாம்பழம். இன்னொருவர் ஆப்பிள். இன்னொருவர் ஆரஞ்சு இப்படி ஆளுக்கு ஒரு பழம்! பாபா காரை நிறுத்தச் சொன்னார். சாலை ஓரத்தில் இருந்த ஒரு மரத்தைக் காட்டி, “அந்த மரத்தில் உங்களுக்குத் தேவையான பழங்களைப் பறித்துக் கொள்ளுங்கள்” என்றார்.

அனைவரும் அந்த மரத்தின் அருகே விரைந்தனர். என்ன ஆச்சரியம்! அந்த மரத்தின் கிளைகளிலிருந்து காம்புடன் கூடிய பழங்கள் – அவர்கள் நினைத்த அதே பழங்கள் – தொங்கிக் கொண்டிருந்தன. அனைவரும் பறித்தனர். உண்டனர்!

இந்த சம்பவத்தை டாக்டர் சாமுவேல் சேண்ட்விஸ் அப்படியே தனது நூலில் பதிவு செய்துள்ளார். (பக்கம் 224- Sai Baba The Holy Man… and the Psaychiatrist)

இப்படி நூற்றுக் கணக்கான அரிய சம்பவங்களைச் சொல்லிக் கொண்டே போகலாம்.

4 

இப்படி உலகின் ஆகச் சிறந்த விஞ்ஞானிகள் ஒரு புறமும், பெரிய மகான்கள் ஒரு புறமும், அறிஞர் பெருமக்கள் ஒரு புறமும், கலைஞர்கள் ஒரு புறமும், சாமான்ய மக்கள் ஒரு புறமும் பாபாவை அணுகி அவரது அற்புத இறையாற்றலைக் கண்டு வியந்தனர்.

5

பாபாவின் அருள் வாக்கு மிக எளிமையானது.

மானவ சேவையே மாதவ சேவை என்கிறார் அவர்.

“இறைவன் லக்ஷ்மி நாராயணனாகவும் தரித்ர நாராயாணனாகவும் இரு உருவங்களைக் கொண்டுள்ளான். பெரும்பாலானோர் தங்களது வளத்திற்காக லக்ஷ்மி நாராயணனையே வழிபடுகின்றனர்.

ஆனால் தரித்ர நாராயணனாக இருக்கும் ஏழைகளுக்குச் செய்யும் சேவையை சிலரே தேர்ந்தெடுக்கின்றனர். அவர்களுக்கு உணவளித்தால் அவர்கள் பெரிதும் திருப்தி அடைகின்றனர். அவர்களுக்குச் செய்யும் சேவை வீணாகாது. அதுவே சாதனையின் உயரிய வடிவம் ஆகும்” – இதுவே அவரது அருள் வாக்கு!

(Sathya Sai Speaks Vol 18 – Seva Is the highest Sasjana – பகவான் பாபா சென்னையில் 25-1-1985 அன்று ஆற்றிய உரையில் கூறியது).

பகவான் காட்டிய சேவை வழியில் நடப்போம். உயர்வோமாக!

***

 tags- சைக்கியாட்ரி, விஞ்ஞானி , சத்ய சாயி பாபா,  சமாதி தினம்

WRITTEN BY LONDON SWAMINATHAN

Post No. 9522

Date uploaded in London – –23 APRIL  2021     

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

PART THREE OF CARBON ARTICLE IN TAMIL

போர் முனையில் …………………..

கார்பன்  உலோகமா, காரமா ? இரண்டும் இல்லை. இது உலோகம் வகையில் சேராத ஒரு தனிமம். மூலக அட்டவணை என்னும் பிரியாடிக் டேபிளில் 14ஆவது க்ரூப்பில் இடம்பெறுகிறது.

இரண்டாவது உலக மகாயுத்தம் வரை, போர் முனையில் கரி செய்த அழிவுகள் கொஞ்சமோ நஞ்சமோ அல்ல. கரி, கந்தகம், சால்ட் பீட்டர் (பொட்டாசியம் நைட்ரேட் SALT PETER= POTASSIUM NITRATE) ) ஆகியவற்றைக் கலந்து வெடி மருந்து செய்து, அதை பீரங்கி மூலம் குண்டு மழை பெய்துவிட்டனர்.

அழகிகளின் காதுகளில் தொங்கியது வைரத் தோடு ;

போர்க் களங்களில்  உருண்டது மண்டை ஓடு ;

எல்லாம் கரியின் அவதார லீலைகள் !!

XXXX

பூமியின் மேற்பரப்பில் ஏராளமாக கார்பன் இருக்கிறது. நாம் வெட்டி எடுக்கும் சுண்ணாம்புக் கல், டோலமைட், பளிங்குக்கல் (MARBLE) எல்லாம் கார்பனேட்டுகள் ஆகும். அதாவது ஆக்சிஜனுடன் கார்பன் சேர்ந்து கொடுக்கும் உப்பு  . இதே போல பெட்ரோலிய எண்ணை , எரிவாயு, நிலக்கரி ஆகியனவும் கரியின் மறு வடிவங்களே! இவற்றில் வெவ்வேறு அளவில் கரி என்னும் கார்பன் உள்ளது.

கிராபைட் GRAPHITE என்பது கலப்படமில்லாத கரி. இது இலங்கை, மடகாஸ்கர், ரஷ்யா , தென் கொரியா , இத்தாலி , செக் ரிபப்ளிக் நாடுகளில் கிடைக்கிறது .

கிராபைட் பயன்படும் இடங்கள் – லெட் (LEAD PENCIL) பென்சில், செல்களில் எலெக்ட்ரோட் (ELECTRODES IN BATTERY), மின்சார மோட்டர்களில் பிரஷ் ஆக .

கார்பனின் மற்றோர் தூய வடிவம் வைரம். இன்று அதிக வைரம் உற்பத்தி செய்யும் நாடுகள் – ரஷ்யா, தென் ஆப்ரிக்கா, கனடா, ஆஸ்திரேலியா, நமீபியா, பாட்ஸ் வானா , அங்கோலா ஆகும்.

XXX

செயற்கை வைரங்கள் உற்பத்தி

1953-ல் முதல் முதலாக செயற்கை வைரங்கள் உற்பத்தி செய்யப்பட்டன. 3000 டிகிரி சி CELSIUS வெப்பம், 90000 அட்மாஸ்பியர் ATMOSPHERE அழுத்தத்தில் இதை உண்டாக்கினர். இன்று ரஷ்யா இத்துறையில் முன்னணியில் இருக்கிறது. லேசர் ஒளியைப் பயன்படுத்தி செயற்கை வைரம் தயாரிக்கும் முறையை அமெரிக்கா வாழ் இந்தியர் கண்டு பிடித்துள்ளார்.

அனல் மின்சார நிலையங்களிலும், உருக்கலைகளிலும்

நிலக்கரி பயன்படுகிறது. அச்சுத் தொழில், டயர்  தொழில்களில் கார்பன் பயன்படுகிறது. ஆக்டிவேட்டட் சார்கோல் என்னும் வடிவில் சர்க்கரை சுத்திகரிப்பு, தண்ணீர் சுத்திகரிப்பு,  சமையல் அறை காற்று வெளியேற்றும் வலைகள் ஆகியவற்றில் பயன்படுகிறது.

தேங்காய் ஓடுகளை – சிரட்டை/கொட்டாங் குச்ச்சிகளை  எரித்து (ACTIVATED CHARCOAL) ஆக்டிவேட்டட் சார்கோல் உண்டாக்குவார்கள்

xxxx

கார்பன் பைபர் Carbon fibre

கார்பன் பைபர் (Carbon fibre)  என்பது எஃ கு போல வலுவானது. அக்ரிலிக் இழையை (ACRYLIC FIFBRE) கட்டுப்படுத்தப்பட்ட வெப்பத்தில் எரித்தால் கார்பன் பைபர் இழை கிடைக்கும் . இது விஷ வாயுவை உறிஞ்சி விடும் சக்தி படைத்தது. ஆகையால் இதை பாதுகாப்புக் கவசங்களாக பயன்படுத்துகின்றனர்.. இதை விமானத்திலும் ராக்கெட்டிலும் வலு  சேர்க்க பயன்படுத்துவர். விளையாட்டுக்கு கருவிகளிலும் வலு உண்டாக இது பயன்படுகிறது. காரணம் எடை குறைவு; பலம் அதிகம்.

xxxx

புறச் சூழலில் கார்பன்/ கரி

நாம் எரிக்கும் பொருள்களில் இருந்து கார்பன் டை ஆக்சைட் என்னும் கரியமில வாயு உண்டாகும். இது மழை நீரில் கரைந்து கார்பானிக் அமிலமாக பூமியில் விழுகிறது. இது பூமியிலுள்ள மண் வளத்தின் மீது தாக்கத்தை ஏற்படுத்தும். நாம் ஆண்டுதோறும் 7 பில்லியன் டன் எரிபொருளை பயன்படுத்துகிறோம். இவை கார்பன் டை ஆக்ஸைடை  தோற்றுவித்தாலும் அதை தாவரங்கள் உண்டு நமக்கு ஆக்சிஜனைத் தந்து உதவுகின்றன . இது தவிர பசு மாடுகளும் சதுப்பு நிலமும் மீத்தேன் (methane) என்னும் வாயுவை உண்டாக்கு கின்றன.

அழுகிப் போகும் தாவரங்கள் நிலத்துக்கடியில் புதைந்தால் மக்கிய உரம், பழுப்பு நிலக்கரி/ லிக்னைட், தார் , அசல் நிலக்கரி என்று படிப்படியாக மாறுகிறது. இதுவே கடலுக்கடியில் போனால் அது பெட்ரோலிய எண்ணையாக மாறுகிறது.கடல் வற்றிப்போன பாலைவனங்களிலும் இது கிடைக்கிறது . இதற்கு 25 கோடி ஆண்டுகள் ஆகிறது .

XXXX

கார்பன் சுழற்சி CARBON CYCLE

கார்பன் சுழற்சி என்பது என்ன?

வான மண்டலத்தில் 724 பில்லியன் டன் ,

நிலத்தில் வசிக்கும் பிராணிகளிடத்தில் 2000 பில்லியன் டன் ,

கடலில் 39000 பில்லியன் டன் ,

கடல் வாழ் உயிரினங்களில் 40 பில்லியன் டன் ,

பூமியின் மேற்பரப்பில் 100 மில்லியன் பில்லியன் டன்,

(பெட்ரோலிய, எரிவாயு , நிலக்கரி, கார்பனேட் உப்புக்கள்)

கார்பன் இருக்கிறது.

இது நிலத்திலிருந்து நீருக்கும் அங்கிருந்து வான மண்டலத்துக்கும் போய் மீண்டும் பூமிக்கே திரும்புகிறது இவைகளில் ஒரு பகுதி பூமியில் படியும். அதை நுண்ணுயிர்கள் சாப்பிடும். இவைபற்றி ஆராய்வது நம் புறச்ச சூழல் எப்படி இருக்கிறது என்பதை அறிய உதவுகிறது.

XXX SUBHAM XXXXX

tags- கரி 3 , அற்புத மூலகம்,  புறச் சூழலில்,  கார்பன்

WRITTEN BY S NAGARAJAN

Post No. 9521

Date uploaded in London – –  –23 APRIL  2021     

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

if u want the article in word format, please write to us.

யோக வாசிஷ்டம் கூறும் வேதாளத்தின் கதை!

யோக வாசிஷ்டத்தில் வரும் கதை இது. இந்த வேதாளத்தின் கதை மூலம் மஹரிஷி வசிஷ்டர் ராமருக்கு பூரண ஞானம் அடைந்த ஒருவருக்கு, யாரும் எந்த விதத் தீங்கையும் இழைக்க முடியாது என்பதை உறுதிப் படுத்துகிறார்.

கதை இது தான்:தென் திசையில், அதி பயங்கரமான உருவத்துடன் ஒரு

tags — யோக வாசிஷ்டம், வேதாளம்

WRITTEN BY LONDON SWAMINATHAN

Post No. 9517

Date uploaded in London – –21 APRIL  2021     

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

if u want the article in word format, please write to us.

இதுவரை அலுமினியம் முதல் நியான் வரை 31 மூலகங்களின் (elements) — தனிமங்களின் – சுவையான கதையைக் கண்டோம். இன்று கரி என்று இளப்பமாகவும் — வைரம் என்று உயர்வாகவும் அறியப்படும் கரியின் – கார்பனின்(Carbon) – கதையைக் கேளுங்கள்.

இதனால் ஆர்கானிக் கெமிஸ்ட்ரி (Organic Chemistry) என்ற புத்தகம் 

tags- கரி , கார்பன், வைரம், ஜெர்மனி, வைர நகரம் , நார்ட்லிங்கன்

WRITTEN BY S NAGARAJAN

Post No. 9515

Date uploaded in London – –  –21 APRIL  2021     

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

PICTURES ARE FROM WIKIPEDIA; THANKS

இது தான் இந்தியா – யுவான் சுவாங்!

ச.நாகராஜன்

இந்தியாவைப் பற்றிப் புகழாத பண்டைய யாத்ரீகர்களே இல்லை. வியப்பின் உச்சிக்கே அவர்கள் சென்றனர்.

சீன யாத்ரீகரான  யுவாங் (ன்) சுவாங்  கூறியவை இவை:-

கனௌஜ் நகருக்கு வந்த அவர் கூறியது இது:-

“It (Kanuj) has lofty walls and solid trenches; on all sides are seen towers and pavilions. In several places there are also flowery groves and limpid ponds, crystal, clear, in this country there are found in plenty the rarest wares of other lands.”

மஹராஷ்டிராவிற்கு வந்த அவர் கூறியது இது:-

The soil (of Maharashtra) is rich and fertile, it is regularly cultivated and very productive. The climate is hot, and the disposition of the people is honest and simple; they are tall of stature and of stern and vindicative character. To their benefactors they are grateful; to their enemies relentless. If they are insulted, they will risk their lives to avenge themselves. If they are asked to help one in distress they will forget themselves in their haste to render assistance.”

இந்தியர்களைப் பற்றி அவர் கூறியது:-

The Indians are distinguished by the straight forwardness and honesty of their character. With regard

to riches, they never take anything unjustly! With regard to justice, they make even excessive conscessions. Straight forwardness is the leading feature of their administration.

*

கனௌஜ் நகரத்தின் சுவர்கள், வடிகால் குழாய்கள், அரண்மனைகள், கோபுரங்கள் பற்றியும் அங்குள்ள அழகிய பூ மலர்ந்த குளங்களையும் அவர் புகழ்கிறார்.

மஹராஷ்டிர மக்கள் தங்கள் செழிப்பான நிலத்தைப் பண்படுத்தி உழுது அதை எப்போதும் செழுமையாக வைத்திருப்பதையும் சீதோஷ்ண நிலை மிக உஷ்ணமாக இருப்பதையும், மஹராஷ்டிர மக்கள் நேர்மையையும் எளிமையையும் கொண்டவர்கள் என்பதையும் அவர்கள் தங்களது ஆதரவாளர்களுக்கு நன்றி உடையவர்களாகவும் எதிரிகளுக்கு சிம்ம சொப்பனமாகவும் இருப்பார்கள் என்பதையும் குறிப்பிடுகிறார்.

இந்தியர்களின் பொதுவான குணங்களின் அடிநாதமாக ஒளிவு மறைவற்ற நேர்மை இருப்பதை அவர் குறிப்பிடுகிறார். நேர்மை, வெளிப்படையான நடத்தை இவையே இந்தியர்களின் குணாதிசயங்கள். பணக்காரர்களோ எனில் எதையும் அதர்ம வழியில் பெறுவதில்லை. நீதியை எடுத்துக் கொண்டால் அதில் அவர்கள் நல்ல தாராளத்தைக் காண்பிக்கின்றனர். (அதன் பின்னரே உரிய நடவடிக்கைகளை எடுக்கிறார்கள் என்று அர்த்தம்) அவர்களது நிர்வாகத்தில் ஒளிவு மறைவற்ற நேர்மையே அடிநாதமாக விளங்குகிறது என்கிறார் ஹுவான் சு வாங்.

அன்றைய நிலையையும் இன்றைய நிலையையும் ஒப்பிட்டுப் பார்த்தால் ஒரு கணம் மனம் வருத்தமுறுகிறது.

எங்கும் லஞ்சம்; எதிலும் லஞ்சம்; நேர்மையற்ற அரசியல்வாதிகளின் குறுக்கீடுகள் அன்றாட வாழ்வில் அதிகமாக இருப்பதால் நல்லவர்கள் அஞ்சி ஒதுங்க, ரௌடிகள் எங்கும் தடிகளுடன் அலைகிறார்கள்.

இதை மாற்ற மக்கள் மனது வைத்தால் மட்டுமே முடியும். நேர்மையானவர்கள் நிர்வாகத்தில் இருந்து பழைய பண்புகளைக் கொண்டு வாழ்ந்து வழிகாட்டியாக இருந்தால், பழைய புகழோங்கிய நாட்கள் மீண்டும் வரும்!

***

tags – யுவான் சுவாங்