Post No. 9626
Date uploaded in London – – –20 May 2021
Contact – swami_48@yahoo.com
Pictures are taken from various sources for spreading knowledge;
this is a non- commercial blog. Thanks for your great pictures.
tamilandvedas.com, swamiindology.blogspot.com
if u want the article in word format, please write to us.
தவறான தகவல்களைத் தந்து தலையைச் சுற்ற வைக்கும் மீடியாக்கள்! ஊடகங்கள்!
ச.நாகராஜன்
1
தலை சுற்றுகிறது – வியாதியினால் அல்ல. தவறான தகவல்களைத் தவறாமல் ஒவ்வொரு நிமிடமும் தரும் ஊடகங்களினால் தான்.
மறைந்த ஒரு காமெடி நடிகரின் (விவேக்) சொத்து மதிப்பு 126 கோடியே 76 லட்சம் என்று ‘உள்ளது உள்ளபடி’ ஒரு தகவல் வந்தது. சில நாட்கள் கழித்து, ஷூட்டிங் காரணமாக உடனே வர முடியவில்லை என்று காரணம் சொன்ன பிரபல நடிகர் ஒருவர் அவரது வீட்டிற்குச் சென்று, கடன்களை அடைக்க உதவி செய்யத் தயார்; அவரது மகள்களின் படிப்புச் செலவுக்கு உதவி செய்யத் தயார் என்று சொன்னதாக ஒரு தகவல் இன்னொரு ஊடகத்திலிருந்து வருகிறது!
தலை சுற்றுகிறது எதை நம்புவது என்று தெரியாமல்!
பொய்களில் பல பொய்கள் இப்போது! ஊடகப் பொய்கள், ஃபேஸ் புக் பொய்கள், வாட்ஸ் ஆஃப் பொய்கள், மொபைல் போன் பொய்கள் என்று பலவிதம்!!
காலம் கலி காலம் என்று விட்டு விட முடியவில்லை. ஏனெனில் இப்போது வீட்டை விட்டு இறங்கி வெளியே காலை வைக்கக் கூட தகவல் தேவையாயிருக்கிறது – பாதுகாப்பாக வெளியில் போக முடியுமா என்பது பற்றிய உண்மையான தகவல்! அதற்காகச் செய்திகளைப் பார்க்கப் போனால் கேவலமாக இருக்கிறது.
கேட்டால் தகவல் புரட்சி என்கிறார்கள். அதாவது இது Information Explosion உலகம் என்கின்றனர். அது என்ன இன்ஃபர்மேஷன் எக்ஸ்ப்ளோஷன்?
ஆராயப் போனால் அங்கு கிடைக்கும் தகவல்களினாலும் தலை சுற்றுகிறது!
2
இன்றைய இன்ஃபர்மேஷன் ஏஜ் (Information Age) மனித வரலாற்றில் ஒரு கறுப்புப் புள்ளியாக ஆகும் – “Could become a blank spot in human history’ – என்று இப்படி டைம்ஸ் ஆஃப் இந்தியா 23-3-1999 இதழில் ஜோயல் அச்சென்பாக் (Joel Achenbach) ஒரு கட்டுரையில் தெரிவித்துள்ளார்.
இன்று எந்த ஒருவராலும் கூட எல்லாவற்றையும் படித்து விட முடியாது. தகவல் கடலில் ஒரு சிறிது நீந்தலாம். அவ்வளவே! அமெரிக்காவில் மட்டும் வருடத்திற்கு 50000 புதிய புத்தகங்கள் வெளி வருகின்றன. உலகம் முழுவதையும் எடுத்துக் கொண்டால் நான்கு லட்சம் பத்திரிகைகள் வெளியாகின்றன World Wide Web மட்டும் பத்து லட்சம் தளங்களைக் கொண்டுள்ளது.
இது 1999இல் உள்ள தகவல். இன்று 2021இல் என்ன நிலையோ?
இந்த ‘தரவு ஓவர் லோடில்’ (Data Overload) நாம் தவறான பாதையில் சென்று கொண்டிருந்தாலும் ஆச்சரியமில்லை ( We may be going in the wrong direction). நமது சமுதாயம் ஞாபகசக்தியின்றி நகர்கிறது (Our society is basically motion without memory)
இப்படி அறிஞரின் கூக்குரல் கேட்கிறது.
இன்று லைப்ரரி ஆஃப் காங்கிரஸில் 1130 லட்சம் உருப்படிகள் (Items) உள்ளன, ஒவ்வொரு நாள் காலையும் இன்னும் ஒரு 20000 உருப்படிகள் புதிதாக வந்து குவிகின்றன. இணைய தளம் வந்தது முதல் இன்னும் இது மிக அதிகமாக ஆகிக் கொண்டே போகிறது. அட, நிறைய தகவல்கள் வருகின்றனவே என்று சந்தோஷம் அடைய முடியாது. ஏனெனில் நீங்கள் சாத்தானுடன் பேரம் பேசும் நிலை தான் இது. மெஷினுடைய ஒரு நீட்சியாக நீங்கள் ஆகி விடுவீர்கள் என்று எச்சரிக்கை தரப்படுகிறது.
3
இந்தப் பழைய நிலை ஒரு புறம் இருக்கட்டும் இன்றைய நிலை என்ன என்று ஆராயப் போனால் தகவலை விட அதிர்ச்சிக்குள்ளாவது தான் அதிகமாக இருக்கிறது.
https://groups.ischool.berkeley.edu/archive/how-much-info-2003/execsum.htm#summary : இந்த தளம் தரும் தகவல்களும் நம்மை கிறுகிறுக்க வைக்கிறது!
- Print, film, magnetic, and optical storage media produced about 5 exabytes of new information in 2002. Ninety-two percent of the new information was stored on magnetic media, mostly in hard disks.
- We estimate that the amount of new information stored on paper, film, magnetic, and optical media has about doubled in the last three years.
- Information flows through electronic channels — telephone, radio, TV, and the Internet — contained almost 18 exabytes of new information in 2002, three and a half times more than is recorded in storage media. Ninety eight percent of this total is the information sent and received in telephone calls – including both voice and data on both fixed lines and wireless.
அச்சு, பிலிம், மாக்னெடிக், ஆப்டிகல் ஸ்டோரேஜ் ஆகியவை 5 எக்ஸா பைட் என்ற அளவில் புதிய தகவல்களை 2002இல் உருவாக்கியுள்ளன. ஒரு எக்ஸா பைட் என்றால் எவ்வளவு?
| Table 1.1: How Big is an Exabyte? | |
| Kilobyte (KB) | 1,000 bytes OR 103bytes 2 Kilobytes: A Typewritten page. 100 Kilobytes: A low-resolution photograph. |
| Megabyte (MB) | 1,000,000 bytes OR 106 bytes 1 Megabyte: A small novel OR a 3.5 inch floppy disk. 2 Megabytes: A high-resolution photograph. 5 Megabytes: The complete works of Shakespeare. 10 Megabytes: A minute of high-fidelity sound. 100 Megabytes: 1 meter of shelved books. 500 Megabytes: A CD-ROM. |
| Gigabyte (GB) | 1,000,000,000 bytes OR 109 bytes 1 Gigabyte: a pickup truck filled with books. 20 Gigabytes: A good collection of the works of Beethoven. 100 Gigabytes: A library floor of academic journals. |
| Terabyte (TB) | 1,000,000,000,000 bytes OR 1012 bytes 1 Terabyte: 50000 trees made into paper and printed. 2 Terabytes: An academic research library. 10 Terabytes: The print collections of the U.S. Library of Congress. 400 Terabytes: National Climactic Data Center (NOAA) database. |
| Petabyte (PB) | 1,000,000,000,000,000 bytes OR 1015 bytes 1 Petabyte: 3 years of EOS data (2001). 2 Petabytes: All U.S. academic research libraries. 20 Petabytes: Production of hard-disk drives in 1995. 200 Petabytes: All printed material. |
| Exabyte (EB) | 1,000,000,000,000,000,000 bytes OR 1018 bytes 2 Exabytes: Total volume of information generated in 1999. 5 Exabytes: All words ever spoken by human beings. |
Source: Many of these examples were taken from Roy Williams �Data Powers of Ten� web page at Caltech.
பயப்பட வேண்டாம். தலை கொஞ்சம் சுற்றும், அவ்வளவு தான். ஒன்றுக்குப் பின்னால் 18 சைபர்களைப் போட்டுக் கொள்ளுங்கள், அது தான் ஒரு எக்ஸாபைட்
(1,000,000,000,000,000,000 bytes OR 1018 bytes)
மூன்று வருடங்களில் இது இரட்டிக்கிறதாம். இப்போது 2021இல் என்ன நிலைமையோ!
2002இல் 18 எக்ஸாபைட் – இது மூன்றரை மடங்கு பதிவு செய்யப்பட்ட ஸ்டோரேஜ் டேட்டாவை விட அதிகமாம்.
இதை விட இன்னும் “அதிக” தகவல்களையும் இன்னும் அதிக விவரங்களையும் மேலே கொடுக்கப்பட்ட தளத்தில் காண்லாம்!
4
இதை தகவல் யுகம் என்று சொல்ல வேண்டாம். JUNK யுகம் என்று சொல்லலாம் என்பது சிலரின் கருத்து.
இந்த தகவல்களில் Qunatity – அளவு தான் அதிகம் – Quality – தரம் இல்லை என்பதும் அவர்களின் கருத்து. உண்மை தான். ஒன்றை இன்னொன்று மறுக்கும், ஏளனம் செய்யும் – இப்படிப்பட்ட தகவல்களினால் நமக்கு என்ன பயன்?!
இன்ஃபர்மேஷன் வேண்டுமானால் அதிகமாக இருக்கலாம்! ஆனால் Knowledge – அறிவு? அது மிகக் குறைவு தான்.
டி.எஸ். எலியட் சொன்னதைச் சுட்டிக் காட்டுகிறார் ஒரு அறிஞர்:
Where is the Life we have lost in Living?
Where is the Wisdom we have lost in Knowledge?
Where is the Knowledge we have lost in Information? –
T.S.Eliot
வாழும் போது இழந்து விட்டோமே அந்த வாழ்க்கை எங்கே?
அறிவில் இழந்து விட்டோமே அந்த ஞானம் எங்கே?
தகவலில் இழந்து விட்டோமே அந்த அறிவு எங்கே? டி.எஸ்.எலியட்
இனி வரும் தலைமுறையினர் என்ன செய்யப் போகிறார்கள்?
படி, படி என்று காலமெல்லாம் சொன்னது போய், படிக்காதே, படிக்காதே என்று சொல்லப்படுவார்களா?
படிப்பதில் உண்மையைக் கண்டு பிடிப்பது எப்படி என்று ஒரு தனி கோர்ஸ் இனி ஆரம்பிக்கப்படுமா?
வைக்கோல்போரில் ஊசியை எடுப்பது எதிர்காலத்தில் மிக சுலபமான விஷயம் ஆகி விடும் – தகவல்களிலிருந்து உண்மையை எடுப்பதை விட!
உண்மை தானே! உங்களுக்குக் கிடைத்த “தகவல்களை’ வைத்துச் சொல்லுங்களேன்!
***
tags- தவறான தகவல், மீடியாக்கள், ஊடகங்கள்,
Tamil and Vedas 