WRITTEN BY LONDON SWAMINATHAN

Post No. 10,023

Date uploaded in London – 26 AUGUST  2021     

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

ரிக் வேதம் போலவே பாரதி பாடல்கள் முழுதும் ஆக்கபூர்வ எண்ணங்களையும், சிந்தனையையும் தூண்டும் வரிகளையும், சொற்களையும் அடைமொழிகளையும் காணலாம் . அவரே வேதம் பற்றி அக்கினி என்ற நூலையும் எழுதியுள்ளார். ‘வெற்றி எட்டு திக்கும் எட்ட கொட்டு முரசே, வேதம் என்றும் வாழ்க என்று கொட்டு முரசே’ என்றும் பாடுகிறார். ரிக் வேத மந்திர எண்களையும் அவை உள்ள பாரதி பாடல் வரிகளையும் தனியே தருகின்றேன். இங்கு பாரதி சொல்லும் நேர்மறைச் சொற்களைக் காண்போம் (Positive words and thoughts) . பாரதி பாடலில் எதிர்மறைச் சொற்கள் (negatives) மிகவும் குறைவு. அப்படி இருந்தாலும் அவை அதர்மத்திற்கு எதிரான சொற்களாகவே இருக்கும் .

இதோ பாரதியின் பாசிட்டிவ் (Positive words)  சொற்கள்-

இவற்றில் பெரும்பாலான வரிகள் ரிக் வேதத்தில் இந்திரன் மற்றும்  அக்னீ பற்றிய துதிகளில் உள்ளன:–

‘வேதங்கள் சொன்னபடிக்கு  மனிதரை

மேன்மையுறச் செய்தல் வேண்டும்’

‘நூறு வயது புகழுடன் வாழ்ந்து உயர்

நோக்கங்கள் பெற்றிட வேண்டும்’ 

‘செங்கதிர்த் தேவன் சிறந்த ஒளியினைத் தேர்கின்றோம் – அவன்

எங்கள் அறிவினைத் தூண்டி நடத்துக’ ( காயத்ரீ மந்திரம்)

ஒளிபடைத்த கண்ணினாய் வா வா

உறுதி கொண்ட நெஞ்சினாய் வா வா

களிபடைத்த மொழியினாய் வா வா

கடுமைகொண்ட தோளினாய் வா வா

தெளிவுபெற்ற மதியினாய்

ஏறு போல நடையினாய்

நோய்களற்ற உடலினாய்

நொய்மையற்ற சிந்தையாய்

இளைய பாரதித்தனாய்

எதிரில்லா வலத்தினாய்

வெற்றி கொண்ட கையினாய்

விநயம் கொண்ட நாவினாய்

முற்றி நின்ற வடிவினாய்

முழுமை சேர் முகத்தினாய்

எல்லாரும் ஓர் குலம்

எல்லாரும் ஓர் இனம்

எல்லாரும் ஓர் நிறை

எல்லாரும் இந்நாட்டு மன்னர்

‘எல்லாரும் அமரநிலை எய்தும் நன்முறை

இந்தியா உலகிற்களிக்கும்’

‘எண்ணிய முடிதல் வேண்டும்

நல்லவே எண்ணல் வேண்டும்’

‘அச்சமில்லை, அச்சமில்லை ‘

‘பொறுத்தாரன்றே பூமி ஆள்வார்’

‘நமக்குத் தொழில் கவிதை, நாட்டிற்குழைத்தல்

இமைப்பொழுதும் சோரா திருத்தல்’

‘ஒன்று பரம்பொருள் நாம் அதன் மக்கள்

உலகு இன்பக் கேணி’

‘ஓம் சக்தியால் உலகில் ஏறு’

‘ஓம் சக்தி சக்திஎன்று சொல்லு – கெட்ட

சஞ்சலங்கள் யாவினையும் கொல்லு’

‘சக்தி சக்தி என்பார் சாகார்’

சக்தியருள் வாழ்கவென்று வாழ்த்து

‘பின்னை ஒரு கவலையுமிங்கில்லை

பிரியாதே விடுதலையைப் பிடித்துக்கொள்வாய்’

‘செல்வங்கள் கேட்டால் நீ கொடுக்க வேண்டும்

சிறுமைகள் என்னிடம் இருந்தால் விடுக்க வேண்டும்

கல்வியிலே மதியினை நீ தொடுக்கவேண்டும் ‘

‘மந்திரம் போல் வேண்டுமடா சொல்லின்பம்’

‘திண்ணிய நெஞ்சம்  வேண்டும்

தெளிந்த நல்லறிவு வேண்டும்’

‘வல்லமை தாராயோ – இந்த மாநிலம்

பயனுற வாழ்வதற்கே’

‘விசையுறு பந்தினைப்போல் – உள்ளம்

வேண்டியபடி செலும் உடல்’

நசையறு  மனம்

சுடர்தரும் உயிர்

அசைவறு  மதி

சக்தியைப் பாடும் நல் அகம் 

‘பாட்டுத் திறத்தாலே – இவ்வையத்தைப் பாலித்திடல் வேண்டும்’

‘தெண்டமிழ் பாடல் ஒரு கோடி மேவிட ச் செய்குவையே’

‘யாவிரும் வாழிய! யாவிரும் வாழிய!’

‘பூமியில் எவர்க்கும் இனி அடிமை செய்யோம்

பரிபூரணனுக்கே அடிமை செய்து வாழ்வோம்’

‘பாரத நாடு பார்க்கெல்லாம் திலகம்’

‘வானவர் விழையும் மாட்சியார் தேயம்’

‘கட்டுண்டோம் பொறுத்திருப்போம் காலம் மாறும்’

‘அருவிபோலக் கவிபொழிய

எங்கள் அன்னை பாதம் பணிவேனே ‘

‘வாழிய செந்தமிழ்  வாழ்க நற்றமிழர்

வாழிய பாரத மணித்திரு நாடு

இன்றெமை வருத்தும் இன்னல்கள் மாய்க

நன்மை வந் தெய்துக  தீதெலாம் நலிக’

‘அறம் வளர்ந்திடுக , மறம் மடிவுறுக’

‘சீரிய முயற்சிகள் சிறந்து மிக்கோங்குக’

‘கிருத யுகம் எழுக மாதோ’

‘தெள்ளு கலைத்தமிழ் வாணி ! நினக்கொரு

விண்ணப்பஞ் செய்திடுவேன்

எள்ளத்தனைப் பொழுதும்   பயனின்றி

இராதென்றன்  நாவினிலே

வெள்ளமெனப் பொழிவாய் சக்தி வேல் சக்தி

வேல், சக்தி வேல், சக்தி வேல் ‘

Xxxx

எல்லினைக் காணப் பாயும் இடபம் போல் முற்படாயோ

இறப்பின்றித் துலங்குவாயே

இறவாய் , தமிழோடிருப்பாய்  நீ

இன்று புதிதாய்ப் பிறந்தோம்

தீமையெலாம் அழிந்துபோம், திரும்பி வாரா

கடமை புரிவார் இன்புறுவார்

உங்களுக்குத் தொழில் இங்கே அன்பு செய்தல் கண்டீர்

வாழ்க வையம், வாழ்க வேதம்

அன்பென்று கொட்டு முரசே – மக்கள் அத்தனை பேரும் நிகராம்

ஒன்றென்று கொட்டு முரசே

சொல்லில் உயர்வு தமிழ்ச் சொல்லே

உயிர்களிடத்தில் அன்பு வேணும் – தெய்வம்

உண்மையென்றுதானறிதல் வேண்டும்

காக்கை குருவி எங்கள் ஜாதி

நிமிர்ந்த நன்னடை

நேர்கொண்ட பார்வை

நிமிர்ந்த ஞானச் செருக்கு

மங்கும் தீமை, பொங்கும் நலமே

நல்ல காலம் வருகுது! நல்ல காலம்  வருகுது !

மனதில் உறுதி வேண்டும், வாக்கினிலே இனிமை வேண்டும்

வாழ்க நிரந்தரம், வாழ்க தமிழ் மொழி

xxxx

இது ஒரு சாம்பிள் sample தான். இன்னும் நூறு  வரிகள் உள .

ரிக் வேதமும் பாரதியும் என்ற கட்டுரையில் மேலும் தருகிறேன்

–சுபம்-

tags – பாரதி பாடல்,  மந்திரச் சொற்கள், 

WRITTEN BY S NAGARAJAN

Post No. 10,022

Date uploaded in London –  26 AUGUST  2021     

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

அனைத்து வழிபாடும் சிவனையே சேர்கிறது!

ச.நாகராஜன்

இந்து மதத்தின் உன்னதமான இறை கொள்கையால் உலகிலுள்ள அனைத்து அறிஞர்களும் அதை வியந்து பாராட்டிப் போற்றுகின்றனர்.

ஏகம் ஸத்! விப்ரா: பஹுதா வதந்தி!!

உண்மை ஒன்றே; அதை அறிஞர்கள் பலவாறாகக் கூறுகின்றனர்.

ஆக இந்த ஒரே பிரம்மம் என்ற கொள்கையே வேதக் கொள்கை.

இதிலிருந்து விரிந்து பரந்த பல கொள்கைகளை இன்று க்வாண்டம் மெகானிக்ஸ், க்வாண்டம் பிஸிக்ஸ் போன்ற நவீன அறிவியல் துறைகளும் கூட அங்கீகரிக்க ஆரம்பித்துள்ளன; விஞ்ஞானிகள் வியக்கின்றனர்.

ஸ்வாமி விவேகானந்தர் சிகாகோவில் சர்வமத மாநாட்டில் 1893ஆம் ஆண்டு செப்டம்பர் மாதம் 11ஆம் தேதி உரையாற்றினார்.

அவர் தனது உரையில் புஷ்பதந்தர் இயற்றி அருளிய சிவ மஹிம்ன ஸ்தோத்ரத்தில் வரும் ஏழாம் ஸ்லோகத்தின் அர்த்தத்தை எடுத்துரைத்தார் இப்படி:-

 I will quote to you, brethren, a few lines from a hymn which I remember to have repeated from my earliest boyhood, which is every day repeated by millions of human beings:

“As the different streams having their sources in different places all mingle their water in the sea, so, O Lord, the different paths which men take through different tendencies, various though they appear, crooked or straight, all lead to Thee.”

சிவமஹிம்ன ஸ்தோத்ரத்தில் வரும் ஸ்லோகமும் அதன் அர்த்தத்தையும் கீழே காணலாம். (ஆதாரம், நன்றி :- https://www.sanskrit-trikashaivism.com/en/shiva-mahimna-stotram-normal-translation/597)

 त्रयी साङ्ख्यं योगः पशुपतिमतं वैष्णवमिति प्रभिन्ने प्रस्थाने परमिदमदः पथ्यमिति च।
रुचीनां वैचित्र्यादृजुकुटिलनानापथजुषां नृणामेको गम्यस्त्वमसि पयसामर्णव इव॥७॥
Trayī sāṅkhyaṁ yogaḥ paśupatimataṁ vaiṣṇavamiti prabhinne prasthāne paramidamadaḥ pathyamiti ca|
Rucīnāṁ vaicitryādṛjukuṭilanānāpathajuṣāṁ nṛṇāmeko gamyastvamasi payasāmarṇava iva||7||

“The three Veda-s (trayī), Sāṅkhya (sāṅkhyam), Yoga (yogaḥ), the doctrine (matam) of Paśupati (paśupati) –i.e. the Śaiva doctrine– (and) the Vaiṣṇava (doctrine) –pertaining to Lord Viṣṇu– (vaiṣṇavam iti)”; in (these) different (prabhinne) source(s) (prasthāne) (there are) thus (iti ca) this (idam) and that (adas) way (pathyam) toward the Highest (State) (param) –i.e. there are various ways of realizing the Supreme Self or Śiva–. For the men (nṛṇām) who are devoted (juṣām) to multiple (nānā) paths (patha), straight and crooked ones (ṛju-kuṭila), in accordance with the variety (vaicitryāt) of their appetites (rucīnām), You (tvam) are (asi) the only (ekaḥ) goal to be attained (gamyaḥ), just as (iva) the ocean (is) (arṇavaḥ) with regard to the waters (payasām) –i.e. the water of rivers, rain, etc. ultimately flows into ocean–||7||

த்ரயீ ஸாங்க்யம் யோக: பசுபதி மதம் வைஷ்ணவ மீதி

ப்ரபின்னே ப்ரஸ்தானே பரமித மத: பத்ய மிசி ச |

ருசீனாம் வைசித்ர்யாத் ருஜுகுடில நானாபத ஜுஷாம்

ந்ருணாமேகோ கம்யஸ் த்வமஸி பயஸாமர்ணவ இவ || (ஸ்லோகம் 7)

பொருள் :- வைதிக மதம், கபிலரின் ஸாங்க்ய மதம், பதஞ்சலியின் யோக மதம், சைவ மதம், பாஞ்சராத்திர மதம் என்று சாஸ்திர மார்க்கம் பலவிதமாக இருக்கும் போது இது தான் சிறந்தது அது தான் இதமானது என்றபடி (முன் வாசனையின் படி) விருப்பங்கள் வேறுபடுவதால் நேராயும் கோணலாயும் உள்ள பற்பல மார்க்கங்களில் (அல்லது மதங்களில்) செல்லுகின்ற மனிதர்களுக்கு நேராகவும் வளைவாகவும் செல்லுகின்ற நதிகளுக்கு (அடையும் ஒரே இடமாக அமையும்) கடல் போல பரமேஸ்வரனாகிய நீர் ஒருவரே புகலிடமாக இருக்கிறீர்!

இந்த மந்திரக் கருத்தையே தனது சிகாகோ உரையில் ஸ்வாமி விவேகானந்தர் எடுத்துரைத்தார்; உலகையே தன் வசம் ஈர்த்தார்.

தினமும் காயத்ரி மந்திரம் ஜெபித்து சந்தியாவந்தனம் செய்யும் போது கூறும் மந்திரம் இது:

ஆகாஸாத் பதிதம் தோயம் யதா கச்சதி ஸாகரம்

ஸர்வ தேவ நமஸ்கார: ஸ்ரீ கேசவம் ப்ரதி கச்சதி

ஆகாஸாத் – ஆகாயத்திலிருந்து

பதிதம் தோயம் – கீழே விழும் நீர்த்துளியானது

யதா கச்சதி ஸாகரம் – எப்படிக் கடலைச் சென்று அடைகின்றதோ (அதே போல)

ஸர்வ தேவ நமஸ்கார: – அனைத்து தேவர்களுக்கும் செய்யும் நமஸ்காரம் (வழிபாடு)

ஸ்ரீ கேசவம் ப்ரதி கச்சதி – ஸ்ரீ கேசவனையே சென்று அடைகிறது.

இதையும் இங்கு நினைத்துப் பார்த்து மகிழலாம்.

கச்சியப்ப சிவாசாரியார் தமிழில் இயற்றிய கந்த புராணம் ஆறு காண்டங்களைக் கொண்டது.

• உற்பத்தி காண்டம் 2) அசுர காண்டம் 3) மகேந்திர காண்டம் 4) யுத்த காண்டம் 5) தேவ காண்டம் 6) தக்ஷ காண்டம்.

10345 செய்யுள்களைக் கொண்ட அற்புத நூல் இது.

தக்ஷ காண்டத்தில் 24 படலங்கள் உள்ளன. இதில் மட்டும் 2067 செய்யுள்கள் உள்ளன.

அவற்றுள் முதல் படலமாக அமைவது உபதேசப் படலம். அதில் வரும் 17வது செய்யுள் இது:-

“யாதொரு பொருளை யாவர் இறைஞ்சினும் அதுபோய்  முக்கண்

ஆதியை அடையும் அம்மா அங்கது போலத் தொல்லை

வேதம துரைக்க நின்ற வியன்புகழ் அனைத்தும் மேலாம்

நாதனை அணுகும் எல்லா நதிகளுங் கடல்சென்றென்ன”

இதன் பொருள் எளிதில் விளங்கக் கூடிய ஒன்றே.

கடலை எல்லா நதிகளும் சென்று அடைவது போல பழம்பெரும் வேதம் உரைக்கும் மேலான புகழ் அனைத்தும் சிவனையே சேரும். எந்த ஒரு பொருளை யார் இறைஞ்சிடினும் அது முக்கண் ஆதி பிரானையே அடையும்.

ஆதிப் பரம்பொருள் ஒன்றே. அதை யார் எப்படி வழிபட்டாலும் அது அந்தப் பரம்பொருளையே சென்று சேரும்.

இதுவே வேதம் கூறும் கொள்கை!

எத்துணை அற்புதமானது!

வாழிய வேதம்! வாழிய பாரதம்!! வாழ்க வாழ்க இணையிலா இந்து மதம்!!!

****

INDEX

ஸ்வாமி விவேகானந்தா சிகாகோ உரை

சிவ மஹிம்ன ஸ்தோத்ரம்

சந்தியாவந்தன மந்திரம்

கந்த புராணம் உபதேசப் படலச் செய்யுள்

tags – வழிபாடு, சிவ, மஹிம்ன ஸ்தோத்ரம்

WRITTEN BY LONDON SWAMINATHAN

Post No. 10,021

Date uploaded in London – 25 AUGUST  2021     

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

ரிக் வேதம் முழுதும், பாரதியார் பாட்டு போல, எல்லாம் ஆக்க பூர்வமான சொற்களே இருக்கும். அது மட்டுமல்ல; நல்ல கற்பனை வளம் மிக்க சொற்களையும் உவமைகளையும்  காணலாம். அக்கினி தேவனை அழைப்பதற்காக ஒவ்வொரு வீட்டிலும் காலை, நண்பகல், மாலை என்று மூன்று வேளைகளிலும் ஹோமத் தீ மூட்டுவர். அப்போது சொல்லும் மந்திரங்களை ரிக் வேதத்தின் எட்டாவது மண்டலத்திலுள்ள இரண்டு துதிகளில் உள்ள ஆக்கபூர்வ அடை மொழிகளை, சொற்களை,  மட்டும் தருகிறேன் . இன்னொரு துதியில் அக்கினியை ‘ஒளி ஆடை அணிந்தவனே’ என்று புலவர் விளிக்கிறார் இங்கே நெய் முடியுடைவனே என்று பகர்கிறார்.

இதோ ரிக் வேதம் RV.8-60

அக்கினி தேவனை ரிஷி பர்க்க பிரகாதன் பாடுகிறார்.

ஆற்றலின் மகனே

நெய் கேசம் உடையவனே

பழையவனே

புலவனே (கவி)

சுத்தம் செய்பவனே

இன்பம் தருவோனே

வாரி வழங்குவோனே

பிரகாசிப்போனே

அதி இளைஞனே

நித்தியனே

சத்தியனே

மனைகளை அளிப்பவனே

பாலகனே

எங்கும் பரவியவனே

மஹானே

நண்பர்களை மேம்படுத்துவோனே

ஆற்றலின் தலைவனே

நலத்தை அளிப்பவனே

பலத்தின் தலைவனே

பலத்தின் மகனே

கொம்புகளைத் தீட்டும் காளையே

இரண்டு தாய் உடையவனே

(வேத காலத்தில் இரண்டு மரக்கட்டைகளை  வைத்து தீ உண்டாக்கினர்)

சூடான சுவாலையால் மேகத்தைக் கிழிப்பவனே

(மேகத்தின் இடையே ஒளிரும் கீற்று மின்னல்)

தடைப்படாத அக்கினியே

தேவனான அக்கினியே

ஜனங்களைக் காப்போனே

ஒளிச் செல்வனே

XXX

துதி RV.8-61 (ரிக்  வேதம்)

இது இந்திரனை நோக்கி ரிஷி பர்க பிரகாதன் பாடுவது-

இந்திரனே

புருவசுவே

மகவானே

விப்ரனே

அழகிய மோவாய் உள்ளவனே

பலத்தின் தலைவனே

சூரனே

வள்ளலே

பொன்னார் மேனியனே

தாங்க ஊற்றே

சதக்ரதுவே (சதாவதானி)

தடை படாதவனே

நண்பனே

செல்வபதியே

பகைவர்களைப் புடைப்பவனே

புரந்தரனே

இவ்வாறு பாசிட்டிவ் சொல்லாக்கத்தையே பாடினால் நமது மனதும் எதையும் செய்யும் சக்தி பெறு ம். எதையும் தாங்கும் சக்தியையும் பெறும்.

வேத மந்திரங்களை இசைக்க முடியாதோர் அதை கேட்கவாவது செய்யலாம்.

—SUBHAM—

TAGS– ரிக் வேதம், ஆக்கபூர்வ, சொல்லாக்கம் , ஆற்றல், அடைமொழி

WRITTEN BY LONDON SWAMINATHAN

Post No. 10,019

Date uploaded in London – 25 AUGUST  2021     

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great

ஜெர்மனியைச் சேர்ந்த க்ரிம் சகோதரர்களை GRIMM BROTHERS  உலகம் என்றும் மறவாது. ஏனெனில் அவர்கள் ஐரோப்பா கண்டத்தில் வாய் மொழியாகப்  புழங்கிய புகழ்பெற்ற நாட்டுப்புற கதைகளை எழுத்து வடிவில் தொகுத்து அளித்தனர். அவர்கள் இவ்வாறு செய்திராவிடில் பல கதைகள் அழிந்தே போயிருக்கும். அல்லது காலப்போக்கில் உருமாறிப் போகும் .

SLEEPING BEAUTY உறங்கும் பேரழகி/ஸ்லீப்பிங் பியூட்டி , SNOW WHITE ஸ்னோ ஒயிட், RUMPLESTILTSKIN ரம்புல்ஸ்டில்ட்ஸ்கின்  ஆகியன மேலை நாட்டுச் சிறுவர்கள் விரும்பிப் படிக்கும் கதைகளாகும் .

ஜேகப் க்ரிம் , வில்லம் (வில்லியம்) க்ரிம் JACOB GRIMM AND WILHELM GRIMM ஆகிய இரண்டு சகோதர்கள்தான் இந்த அரிய, பெரிய வேலை யைச்  செய்தனர். இருவரும் ஹனோ HANAU என்ற ஜெர்மன் நகரில் பிறந்தனர். இளம் வயதிலேயே தந்தையை இழந்ததால் , மார்பர்க் பல்கலைக்கழகத்திலே MARBURG UNIVERSITY படிப்பைத் தொடர குடும்பத்தினர் மிகவும் கஷ்டப்பட்டனர். படிப்பை முடித்துக் கொண்டு இரண்டு பெரும் நூலகங்கள், அரசாங்க அலுவலகங்கள், பல்கலைக் கழகங்கள் என்று பல இடங்களில் வேலை செய்தார்கள் .

1812 முதல் 1822க்குள் மூன்று நாட்டுப்புற கதைத் தொகுப்புகளை வெளியிட்டனர். இன்றும் அவை க்ரிம் சகோதரர்களின் தேவதைக்  GRIMMS’ FAIRY TALES கதைகள் என்ற பெயரில் படிக்கப்பட்டு வருகின்றன. இதற்காக அவர்கள்  நிதி திரட்டினர் . இப்போது நாம் காணும் பெரிய ஜெர்மனி நாடு அந்தக் காலத்தில் பல குட்டி நாடுகளாகவும். சிற்றரரசர் ஆளும் பகுதிகளாகவும் இருந்தன. ஜெர்மனி ஒன்றுபட வேண்டும் என்று இந்த சகோதரர்களும் ஏனைய தலைவர்களைப்  போல விரும்பினார்கள் . அவர்கள் ஜெர்மன் மொழியும், கலாச்சாரமும் ஒன்றே என்று காட்டவும் தேவதைக்  கதைத் தொகுப்புகளைப் பயன்படுத்தினர். அவர்களுடைய ஆராய்ச்சி இதற்கு உதவியது.

அவர்கள் கதைகளைத் தொகுத்ததோடு நில்லாமல் அவைகளைச் சுவைபடச் சொன்னார்கள்; எழுதினார்கள். பழங்கால உலகில் நிலவிய மாயாஜாலம், அவர்களுடைய மேதாவிலாசம் ஆகியவற்றையும் நம் மனக் கண்ணுக்கு முன்னே நிறுத்தினர். ஆகையால் 200 ஆண்டுகளுக்கு முன்னர் அவர்கள் எழுதிய வடிவிலேயே இன்றும் புகழ்பெற்று விளங்குகின்றன.

ஜேகப் க்ரிம் JACOB GRIMM

பிறந்த தேதி – ஜனவரி 4, 1785

இறந்த தேதி – செப்டம்பர் 20, 1863

வாழ்ந்த ஆண்டுகள் -78

****

வில்லம்  க்ரிம் WILHELM GRIMM

பிறந்த தேதி — பிப்ரவரி 24, 1786

இறந்த தேதி –  டிசம்பர் 16, 1859

வாழ்ந்த ஆண்டுகள் – 73

மொழியியல் துறையில் இவர்கள் செய்த ஆராய்ச்சியால் கிரிம் விதி என்ற ஒரு விதியும் உருவாக்கப்பட்டது

***

வெளியிட்ட நூல்கள்

1812-1822 – Grimms’ Fairy Tales (3 volumes)

–Subham–

tags -க்ரிம் சகோதரர்கள்