WRITTEN BY LONDON SWAMINATHAN

Post No. 8885-c

Date uploaded in London – –3 NOVEMBER 2020   

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

நவம்பர் இரண்டாம் தேதி  —   திங்கட் கிழமை

உலக இந்து   சமய செய்தி மடல்

தொகுத்து வழங்குபவர் வைஷ்ணவி ஆனந்த்

 இது ‘ஆகாச த்வனி’ யின் உலக இந்து சமய செய்தி மடல் நேயர்கள் அனைவருக்கும் வணக்கம்,

நமஸ்காரம் செய்திகள் வாசிப்பது VAISHNAVI     ANAND 

(All the news items are collected from popular dailies of India and edited by the News Editor London swaminathan)

 எங்கள் நிகழ்ச்சிகளை திங்கட்கிழமை தோறும் லண்டன் நேரம் பிற்பகல் 1 மணிக்கும், இந்திய நேரம் மாலை 6-30 மணிக்கும் நேரடியாகக் கேட்கலாம். உலக இந்து சமய செய்தித் தொகுப்புடன் நேயர்களின் கேள்விகளுக்கும் விடைகளும் அளிக்கப்படுகிறது.

உங்கள் பேட்டை, நகரத்தில் நடைபெறும் விழாக்கள், உற்சவங்கள் பற்றி எங்களுக்கு செய்தி அனுப்புங்கள்.

எங்களை எந்நேரமும் தொடர்பு கொள்ள Facebook.com / Gnana mayam முகவரியில் அணுகவும்

XXXX

உத்தர பிரதேச செய்தி

காசி விஸ்வநாதர் கோவில் இந்துக்களின்  புனிதத் தலமாகும் . அங்குள்ள காசி விஸ்வநாதரை தரிசனம் செய்ய லட்சக்கணக்கான இந்துக்கள் காசி மா நகருக்கு வருகின்றனர். கங்கையில் குளித்துவிட்டு கோவிலுக்குச் செல்லும் வரையில் கூரை வேய்ந்த கட்டிடங்களைக் கட்டும் பிரம்மாண்டமான பணி  துவங்கிவிட்டது. கங்கையில் குளித்த அடுத்த நிமிடம் இந்த பிரகார கட்டிடங்களுக்குள் நுழைந்துவிட்டால் சிவலிங்கத்தை நேரில் சந்தித்து பூஜிக்கும்வரை டெலிவிஷன் திரைகளில் பார்த்துக்கொண்டே செல்லலாம். போகும் வழியில் ஏனைய வசதிகளும் இருக்கும்.

வாரணாசி என்ற உலகப் புகழ்பெற்ற நகரம் பிரதம மந்திரி நரேந்திர மோடியின் தொகுதி என்பது குறிப்பிடத்  தக்கது. கோவில் வசதி மட்டுமின்றி ஐந்து லட்சம் சதுர அடிகளில் மியூசியம் முதலியனவும் உருவாகும். காசி நகரை அழகுபடுத்தும் திட்டம் இது.

xxxxxxxxxxxxxxxxxxxxxx

வால்மீகி ஜெயந்தி

உத்தர பிரதேச மாநிலத்தில் மகரிஷி வால்மீகியுடன் தொடர்புடைய  எல்லா தல ங்களிலும் வால்மீகி ஜெயந்தி மிக விமரிசையாகக் கொண்டாடப்பட்டது . தீபங்கள் ஏற்றுதல்  12 அல்லது 24 மணிநேரம் ராமாயண பாராயணம் செய்தல் ஆகியன நடைபெற்றன. பல்வேறு மாவட்ட மாஜிஸ்டிரேட்டுகளுக்கு அரசும் தாக்கீது அனுப்பி தக்க ஏற்பாடுகளைச் செய்ய உதவும்படி கேட்டுக்கொண்டது.

உலகிலுள்ள 300 வகையான ராமாயண காவியங்களுக்கு  எல்லாம் மூலம் வால்மீகி , சம்ஸ்க்ருதத்தில் எழுதிய காவியமே. இது ஆதிகாவியம் என்றும் அழைக்கப்படும்.

சங்க இலக்கியத்தில் இரண்டு ராமாயண சம்பவங்கள் இருப்பதும் புற  நானுற்றில் வால்மீகி என்ற பெயரில் ஒரு புலவர் இருப்பதும் கம்பன் எழுதிய காவியமும் தமிழுக்குப் புகழ் சேர்க்கின்றன.

xxxxxxxxxxxxxxxxxxxxxxxxxx

கேரளத்திலுள்ள புகழ் பெற்ற ஐயப்பன் கோவிலில் இந்த ஆண்டு வருடாந்திர உற்சவ காலம் நவம்பர் 16-ஆம் தேதி துவங்குகிறது.  தினமும் 3000 பக்தர்களையாவது கோவிலுக்குள் அனுமதிக்க வேண்டும் என்று சபரிமலை ஐயப்ப சேவா சங்கம் வேண்டுகோள் விடுத்துள்ளது . வார இறுதி நாட்களில் 5000 பேரை அனுமதிக்கலாம் என்றும் கூறியுள்ளது.

Xxxxxxxxxxxxxxxxxxxx

கேரள  மாநிலத்தில் காசர் கோடி லுள்ள எடனீர் மடத்துக்கு புதிய மடாதிபதி நியமிக்கப்பட்டார்.. செப்டம்பர் மாதம்  கேசவானந்த பாரதி சுவாமிகள் சித்தி அடைந்தார். அவரது உறவினரான சச்சிதானந்த பாரதி புதன் கிழமையன்று  பொறுப்பேற்றார். அவருக்கு வயது 52.

பீடாரோஹண வைபவத்துக்கு 16 மடாதிபதிகளும், கோவில் பிரதிநிதிகளும் வந்தனர். 400 ஆண்டுப் பழமையான இந்த மடம் கேசவநந்த பாரதி தொடுத்த வழக்காலும் அதற்கு சுப்ரிம்கோர்ட் வழங்கிய சாதகமான தீர்ப்பாலும் புகழ் அடைந்தது.

புதிய மடாதிபதி அண்மையில் காஞ்சிபுரம் சென்று சங்கராச்சார்ய சுவாமிகளிடம் சன்யாசம் பெற்றார்.

xxxxxxxxxxxxxxxxxxxxxxxxx

ஐப்பசிமாத பவுர்ணமி தினத்தையொட்டி தஞ்சை பெருவுடையாருக்கு 1,000 கிலோ அரிசி, 500 கிலோ காய்கறியால் அன்னாபிஷேகம் நடந்தது. இதில் திரளான பக்தர்கள் கலந்து கொண்டு தரிசனம் செய்தனர்.

ஒவ்வொரு ஆண்டும் ஐப்பசி மாத பவுர்ணமி தினத்தன்று அனைத்து சிவன் கோவில்களிலும் அன்னாபிஷேகம் நடைபெறும். என்றாலும் முக்கிய கோவில்களில் அன்னாபிஷேக வைபவம் மிகவும் சிறப்பு வாய்ந்தவையாக கருதப்படும். அப்படிப்பட்ட கோவில்களில் ஒன்று தஞ்சை பெரியகோவில்.

மாமன்னன் ராஜராஜ சோழனால் ஆயிரம் ஆண்டுகளுக்கு முன்பு கட்டப்பட்ட தஞ்சை பெரிய கோவில்

xxxxx

வேதாரண்யம் வேதாரண்யேஸ்வரர் கோவிலில் சிவலிங்கத்துக்கு அன்னாபிஷேகம் செய்து தீபாராதனை நடைபெற்றது. இதில் ஏராளமான பக்தர்கள் கலந்து கொண்டு சாமி தரிசனம் செய்தனர். மாலை சாயரட்சை காலத்தில் சிவலிங்கத்தின் மேல் சாத்தப்பட்ட அன்னம் களையப்பட்டு அதில் ஒரு பகுதியை எடுத்து மேளதாளத்துடன் ஊர்வலமாக எடுத்து சென்று கோவிலுக்கு எதிரே உள்ள சன்னதிக்கடல் என்னும் வேதநதியில் கரைத்தனர். பின்பு சாயரட்சை தீபாராதனை முடிந்து பக்தர்களுக்கு சிவலிங்கத்தின் மேல் சாத்தப்பட்ட அன்னம்(சோறு) பிரசாதமாக வழங்கப்பட்டது. இந்த ஐதீகப்படி அன்னம் (சோறு) கரைய மழை பெய்யும் என்பது ஐதீகம்.

பிரசித்தி பெற்ற இந்த கோவிலில் ஐப்பசி மாதம் பவுர்ணமிக்கு அடுத்த பரணி நட்சத்திரத்தில் சிவலிங்கத்துக்கு சிறப்பு அபிஷேகம் செய்து, சாதம் வடித்து சிவலிங்கம் முழுவதும் அந்த சாதத்தால் அலங்காரம் செய்து அன்னாபிஷேகம் நடைபெறும்

XXXX

திருவனந்தபுரம் நவராத்திரி விழாவில் பங்கேற்க சென்ற முன்னுதித்த நங்கை அம்மன் சிலை சுசீந்திரம் வந்து சேர்ந்தது. பக்தர்கள் மலர் தூவி வரவேற்றனர்.

திருவிதாங்கூர் சமஸ்தான மன்னர் ஆட்சி காலத்தில் பத்மநாபபுரம் அரண்மனையில் நவராத்திரி விழா கொண்டாடப்பட்டது. பின்னர் மன்னர் தலைநகரை திருவனந்தபுரத்துக்கு மாற்றினார். அதைத்தொடர்ந்து நவராத்திரி விழாவும் திருவனந்தபுரத்திற்கு மாற்றப்பட்டது. அதைத்தொடர்ந்து ஒவ்வொரு ஆண்டும் குமரி மாவட்டத்தில் இருந்து சாமி சிலைகள் திருவனந்தபுரம் செல்வது வழக்கம்.

அதே போல் இந்த ஆண்டும் விழாவில் பங்கேற்பதற்காக குமரி மாவட்டத்தில் இருந்து சுசீந்திரம் முன்னுதித்த நங்கை அம்மன், வேளிமலை முருகன், பத்மநாபபுரம் அரண்மனை தேவாரகட்டு சரஸ்வதி அம்மன் ஆகிய சாமி சிலைகள் கடந்த மாதம் 14-ந் தேதி பத்மநாபபுரத்தில் இருந்து ஊர்வலமாக புறப்பட்டு சென்று, திருவனந்தபுரம் நவராத்திரி விழாவில் பங்கேற்றன. அந்த சாமி சிலைகள் கடந்த 27-ந் தேதி திருவனந்தபுரத்திலிருந்து மீண்டும் ஊர்வலமாக குமரி மாவட்டத்திற்கு புறப்பட்டது. பத்மநாபபுரம் அரண்மனை வந்தடைந்த சாமி சிலைகளுக்கு கோட்டை வாசலில் பாரம்பரிய முறைப்படி உற்சாக வரவேற்பு அளிக்கப்பட்டது. பின்னர் சரஸ்வதி அம்மன் தேவார கட்டு கோவில் கருவறைக்குள் கொண்டு செல்லப்பட்டது. இதே போல் வேளிமலை முருகன் குமாரகோவில் சென்றடைந்தது.

XXXX

செக்கிழுத்த செம்மல் அய்யா வ.உ.சிதம்பரம் பிள்ளை அவர்களின் கொள்ளு பேரன் 29 10 20 திருவாடுதுறை ஆதீனத்தில் துறவறம் பூண்டார்

xxxxx

தமிழகத்தின் பிரசித்தி பெற்ற சிவாலயங்களில் ஒன்றான நெல்லையப்பர் கோவிலில் ஆண்டுதோறும் ஐப்பசி திருவிழா சிறப்பாக கொண்டாடப்படும். தற்போது கொரோனா ஊரடங்கு காரணமாக, கோவிலில் ஐப்பசி திருவிழா நடைபெறும் தேதி அறிவிக்கப்படாமல் இருந்ததால், இந்து முன்னணி உள்ளிட்ட பல்வேறு அமைப்பினரும், பக்தர்களும் போராட்டத்தில் ஈடுபட்டனர்.

இதையடுத்து நெல்லையப்பர் கோவிலில் ஐப்பசி திருவிழா முன் தினம் தொடங்குவதாக அறிவிக்கப்பட்டது. அதன்படி நேற்று அதிகாலை 4 மணிக்கு கோவிலில் பந்தல்கால் நடும் நிகழ்ச்சி நடந்தது.

XXXX

கடைசியாக ஒரு சுவையான செய்தி

கழுதைக்கும் கழுதைக்கும் கல்யாணம் கட்டிவைத்த ஒரு சுவையான செய்தியும் சென்றவார பத்திரிகைகளில் வெளியானது. மழை பெய்யாவிடில், தவளைகள் கல்யாணம், கழுதைகள் கல்யாணம் செய்வது கிராமப்புற இந்துக்களின் வழக்கம்.

மழைக்கான கடவுளை திருப்தி செய்வதற்காக பல்லடத்திலுள்ள செம்மிப்பாளையம் பஞ்சாயத்தில் வெள்ளிக்கிலையன்று கழுதைகள் கல்யாணம் வெகு விமரிசையாக நடந்தேறியது.சாமிகவுண்ட்டன் பாளையத்திலுள்ள ஆதிவிநாயகர் கோவிலுக்கு முன்னர் கழுதைகளுக்கு மலர் மாலைகள் சூட்டி  அலங்கரித்தனர்.

32 ஆண்டுகளுக்கு முன்னர் அந்தக் கிராமம் வற ட்சியால் வாடியபோது கழுதைக் கல்யாணம் நடத்தப்பட்டதை ஊர் பெரியவர்கள் சொன்னார்கள். உடனே கழுதைகள் கல்யாணம் பற்றி அறிவித்தோம். வெகு சிக்கிரத்தில் 35,000 ரூபாய் வசூலானது. 400 பேருக்கு விருந்து வைத்தோம். 7000 ரூபாய்க்கு கழுதைகளை வாடகைக்கு  எடுத்தோம் என்று பஞ்சாயத்துத் தலைவர் புண்யமூர்த்தி விளக்கினார். கழுதைகளும் சந்தனப் பொட்டு, குங்குமப் பொட்டு , பெரிய மாலைகளுடன் அழகிய , அமைதியான திருமண தம்பதிகளாக இருந்து 100 சதவிகிதம் உதவி செய்தன.

இத்துடன் லண்டனிலிருந்து வரும் செய்திகள் நிறைவடைந்தன………………………….. செய்திகளை உங்களுக்கு வழங்கியவர் வைஷ்ணவி ஆனந்த்………………………… நன்றி, வணக்கம் ……………….

tags — உலக இந்து செய்தி , 21120

COMPILED  BY KATTUKKUTY

Post No. 8884

Date uploaded in London – – 3 NOVEMBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

(ஏ)மாற்றம்

அம்மா ஏன் எனக்கு

திருமணம் செயவித்தாய்

மீசைக்காரனாக இருந்த என்னை

தாடிக்காரனாக

ஆக்கிவிட்டாயே!!!

சிக்கனம்

மின்சாரச் செலவு

அதிகமாகிறதே

சிக்கனப் படுத்தினான்

கணவன்

சில மாதங்களில்

மனைவி வைத்தாள்

பிரசவச் செலவு !!!

வர தட்சிணை

நானும் வர தட்சிணை

தர சம்மதிக்கிறேன்

சிறு நிபந்தனை

எனக்குப் பதில்

நீங்கள்

குழந்தை பெற்றுக் கொண்டால்!!!

பாரம்

தாய்க்குப் பின்

தாரம்

தாய்க்கு பின்பு

பாரம்!!!

நகை

காதலியாய்

அவள் தந்தது

புன்னகை

மனைவியாய்

அவள் கேட்டது

பொன் நகை!!!

எது வரை

அவளுக்கு சிரிப்பு

மூணு முடிச்சு

விழும் வரை

அவனுக்கு

அதைப் போடும் வரை !!!

மனைவி

கொஞ்சி மகிழ்ந்தால்

பூவுக்கு சமம்

பொங்கி எழுந்தால்

புயலுக்கு

சமம்

மனைவி

புடைவையால்

மூடியிருக்கும்

புரியாத புதிர்

அப்படி போடு !!!

பெண்ணென்றால்

பூத்துக்குலுங்கும் ஆண்கள்

பெண்டாட்டி என்றால்

வியர்த்து ஒழுகுவது ஏன்???

ஆண்மகன்

கஷ்டப்பட்டு “வளர்த்தாள்”

தாய்……

கஷ்டப்படாமல் “வளைத்தாள்”

தாரம்!!!

மனைவி

நெருப்பை ஒளித்து

வைத்திருக்கும்

ஐஸ் பெட்டி

மனைவி

எனக்கு

சம்சாரம்

என்அம்மாவிற்கு

மின்சாரம்!!!

tags-  மனைவி -2, மாணிக்கம்-2,

—subham–

***

WRITTEN BY S NAGARAJAN                     

Post No. 8883

Date uploaded in London – – –3 NOVEMBER 2020   

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

அயோத்யா – சில உண்மைகள்! – 4

ச.நாகராஜன்

அவுரங்கசீப்பின் அரசு ஆணைகள் (Farman) பிகானீரில் உள்ள ராஜஸ்தான் ஆவணகூடத்தில்  (Bikaner, Rajasthan archives) இன்றும் உள்ளன.

இந்த அரசு ஆணைகளின் ஆங்கில மொழியாக்கம் தெளிவாகச் செய்யப்பட்டுள்ளன.

அவற்றைத் தமிழில் இங்கு பார்ப்போம்.

1. 1665ஆம் ஆண்டு ஏப்ரல் 7ஆம் தேதி அவுரங்கசீப் ஒரு அரசு ஆணையை (Farman) வெளியிட்டான். அதில் யாரெல்லாம் ஒரு ஹிந்து ஆண்மகனை இஸ்லாமுக்கும் மாற்றுகிறாரோ அவருக்கு ரூ 4ம், யாரெல்லாம் ஒரு ஹிந்து பெண்ணை இஸ்லாமுக்கு மாற்றுகிறாரோ அவருக்கு ரூ 2ம் பரிசாக வழங்கப்படும் என்று அறிவித்தான்.
2. 1667ஆம் ஆண்டு ஏப்ரல் 11ஆம் தேதி 150 ஹிந்துக்களை இஸ்லாமுக்கு மாற்றியதற்காக பௌஜ்தார் ஷேக் அபுதுல் மொமினுக்கு (Faujdar Sheik Abdul Momin) பணத்தை வழங்க ஆணையிட்டான்.
3. 1669ஆம் ஆண்டு ஆகஸ்ட் மாதம் காசி விஸ்வநாதர் ஆலயத்தை தரைமட்டமாக்கி அங்கு ஒரு மசூதியைக் கட்ட அரசு ஆணையை வெளியிட்டான்.
4. 1670 ஜனவரி மாதம் கிருஷ்ணர் கோவிலை இடித்து விட்டு அங்கிருந்த தெய்வச் சிலைகளை பேகம் ஷாஹிபா மசூதியின் மாடிப்படியில் (on the stairs of Begum Sahiba Masjid) வைக்க அரசு ஆணையை வெளியிட்டான்.
5. 1679அம் ஆண்டு மே மாதம் 25ஆம் தேதி அவன் வெளியிட்ட அரசு ஆணை ஒன்று ஜோத்பூரில் உள்ள ஹிந்து கோவில்களில் உடைக்கப்பட்ட சிலைகளை வண்டிகளில் ஏற்றிக் கொண்டு வருமாறும் அவற்றை ஜம்மா மசூதி (Jama Masjid) மாடிப்படிகளின் அடியில் வைக்குமாறும் கான் பகாதூருக்கு (Khan Bahadur) உத்தரவிட்டதைத் தெரிவிக்கிறது.
6. 1679ஆம் ஆண்டு டிசம்பர் மாதம் அவன் வெளியிட்ட அரசு ஆணை ஒன்று உதய்பூர் ஏரியைச் சுற்றி உள்ள கோவில்கள் அனைத்தையும் தரைமட்டமாக்க ஹாஸன் கானுக்கு (Hasan Khan) அவன் உத்தரவிட்டதைத் தெரிவிக்கிறது.
7. முகரம் நாளன்று 172 கோவில்களை ஹாஸன் கான் தரைமட்டமாக்கியதற்காக (சந்தோஷப்பட்ட) அவுரங்கசீப் அவனுக்கு ‘ஆலம்கீர் ஷாஹி’ (Alamgeer Shahi) என்ற பட்டத்தை 1680ஆம் அண்டு ஜனவரி 29ஆம் தேதியன்று கொடுத்து கௌரவித்தான்.
8. 1681ஆம் ஆண்டு ஜுன் மாதம் முதல் தேதியன்று அவுரங்கசீப் வெளியிட்ட அரசு ஆணை ஒன்று வங்காளத்தின் சுபேதாரான அமீர் உம்ராவை (Subedar of Bengal Amir Umra) ஒரிஸாவில் உள்ள ஜகந்நாதர் ஆலயத்தைத் தரைமட்டமாக உத்தரவிட்டதைத் தெரிவிக்கிறது.
9. 1681ஆம் ஆண்டு ஜுன் மாதம் 17ஆம் தேதி அவுரங்கசீப் வெளியிட்ட அரசு ஆணை ஒன்று கர்தலாப் கானை (Kartalab Khan) சத்ரபதி சாம்பாஜியின் நான்கு சேவகர்களை வலுக்கட்டாயமாக (இஸ்லாமுக்கு) மதமாற்றம் செய்யச் சொன்னதைத் தெரிவிக்கிறது.
10. 1681ஆம் ஆண்டு செப்டம்பர் மாதம் அவுரங்கசீப் வெளியிட்ட அரசு ஆணை ஒன்று பேல்தர் டரோகாவை சந்திற்கு செல்லும் வழியில் உள்ள அனைத்துக் கோவில்களையும் தரைமட்டமாக்க உத்தரவிட்டதைத் தெரிவிக்கிறது. (to the Daroga of Beldar to break all the temples on way to Chand)
11. 1682அம் ஆண்டு செப்டம்பர் மாதம் அவுரங்கசீப் வெளியிட்ட அரசு ஆணை வாரணாசியில் உள்ள மதாப் விந்து ஆலயத்தை இடித்து விட்டு அங்கு ஒரு மசூதியைக் கட்ட உத்தரவிட்டதைத் தெரிவிக்கிறது. ( to construct a mosque after breaking the temple of Vindu madhab in Varanasi)

இப்படிப்பட்ட கொடூரமான அரசு ஆணைகள் (Farman) ஒரு புறம் இருக்க அவன் செய்த கொலைபாதகச் செயல்கள் நல்லோரின் உள்ளங்களை நடுங்கச் செய்யும்.

அவற்றில் சில :-

இஸ்லாமுக்கு மாற மறுத்த பாய் மதிதாஸை பெரிய ரம்பத்தால் இரண்டாக அறுக்க உத்தரவிட்டான் அவுரங்கசீப். (Bhai Matidam cut into two pieces with a large Hacksaw)

பாய் சதிதாஸை உடல் முழுவதும் பஞ்சால் சுற்றி அவரை உயிரோடு எரிக்க உத்தரவிட்டான் அவுரங்கசீப். ( Bhai Satidas was burnt alive after being wrapped with cotton)

பாய் தயாளரை உயிரோடு கொதிக்கும் நீரில் போட உத்தரவிட்டான் அவுரங்கசீப். (Bhai Dayala by boiling him alive to death)

ஹிந்து தர்மத்தை விட்டு ஒரு நாளும் இஸ்லாமுக்கு மாற மாட்டோம் என்று உறுதியுடன் கூறிய மகான்கள் தாம் இந்த மூன்று பேரும்.

இன்று ஹிந்துக்களாக நாம் இருக்கின்றோம் என்றால் இப்படிப்பட அரும் மகான்களின் உயிர் தியாகத்தால் தான் என்பதை நன்றியுடன் நாம் நினைவு கூர்வோமாக.

இப்படிப்பட்ட மகான்களின் வரலாறுகள் நம் பாடதிட்டங்களில் இல்லை; அது ஒரு புறம் இருக்கட்டும்.

இதை இப்படி எழுதினாலேயே அல்லது சொன்னாலேயே எழுதியவர் அல்லது சொன்னவர் ஆண்டி செகுலரிஸ்ட் என முத்திரை குத்தப்படுவார்.

‘ஹிந்துயிஸம் பேசுபவன்’ என்று முத்திரை குத்தப்படுவார். (ஆனால் ஒரு ஹிந்து தான் அனைத்து மதங்களையும் மதிப்பவன்; அனைவரும் சுகமாக வாழட்டும் – சர்வே ஜனா சுகினோ பவந்து – என்று அன்றாடம் பிரார்த்திப்பவன்!)

அதாவது ஹிந்துக்களுக்கு எந்த கொடுமைகள் நேர்ந்தாலும் பேசக் கூடாது;

ஹிந்துக்களின் பெருமையையும் உரிமையையும் நிச்சயமாகக் கூறக் கூடாது.

இந்த நிலைமையை மாற்ற ஒவ்வொரு ஹிந்துவும் முயற்சி எடுக்க வேண்டும்!

இதுவே இன்றைய உடனடி அவசரத் தேவை.

ஆதாரம், நன்றி : Truth Weekly Vol 88 No 7  21-8-2020 issue

***

இந்தக் குறுந் தொடர் முற்றும்

 tags – அயோத்யா -4

COMPILED  BY KATTUKKUTY

Post No. 8882

Date uploaded in London – – 2 NOVEMBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

மனைவி ஒரு மாணிக்கம் !!!- part 1

(படித்தில் ரசித்த ஹை க்யூ கவிதைகள்-   தொகுத்தது கத்துக்குட்டி)

ஆசீர்வாதம்

மனைவியை

தீர்க்க சுமங்கலி- என

வாழ்த்தினான்

தான் நீண்ட நாள் வாழ…….

தடை

ஒன்றுக்கு

மேல் வேண்டாம்

குழந்தை மட்டுமல்ல

மனைவியும்!!!

மனைவி

உரசியவுடன்

பற்றிக்கொள்ளும்

தீக்குச்சி

மனைவி…….

தூண் தூண்

மஹால் தூண்களை

எண்ணி முடித்தேன்

கணக்கில்

ஒன்று கூடியது

ஒருவேளை மனைவியையும்

சேர்த்து எண்ணிவிட்டேனோ????

கரப்பான் பூச்சி

கடவுளே

அடுத்த ஜன்மத்தில்

நான் கரப்பான் பூச்சியாக

பிறக்க வேண்டும்…..

அதற்குத்தான் என மனைவி

பயப்படுகிறாள்

இரை

கணவன் அடித்த காயங்கள் வலிக்கவில்லை,

மாமியார் ஊற்றிய மண்ணெண்ணய் கூட நாற்றமில்லை,

பரதேசி மகளென்று புகுந்த வீடு கூறியது கூட துக்கமில்லை,

ஆனால் துணிப்பையோடு ஓவ்வொரு முறையும் பிறந்த வீட்டில்

படியேறும்போது நெஞ்சம் கனக்கிறது

பணம் தின்னி கழுகுகளுக்கு என் தந்தையின் முதுகெலும்புதான்

இரையாக வேண்டுமா???

யார் சரியில்லை???

அம்மாதான் பெண் பார்த்தாள்,

அம்மாதான் ஜாதகம் பார்த்தாள்,

அம்மாதான் நகை, நட்டு கேட்டாள்,

அம்மாதான் ஆசீர்வதித்தாள் ,

இன்று அம்மாதான்

அவள் சரியில்லை என்கிறாள்

நடைமுறை

அவளை கோவிலில் சந்தித்தேன்,

அர்ச்சனை அவள பெயருக்கு,

வீட்டில் என் பெயருக்கு !!!

விஷக்கடி

முதலிரவில்

பஞ்சு மெத்தைக் கட்டிலில்

படுத்திருந்த

புது மாப்பிள்ளையை

கடித்தது

மூட்டைப்பூச்சி

அல்ல- பேன்!!!

CONVICT

ECAPE முயற்சிகள் தோற்கும் நேரத்தில்,

கண்ணாலே RAID செய்து,

சொல்லாலே சரிக்கட்டி,

அன்பாலே இழுத்துச் சென்று

நெஞ்சமென்னும் LOCKUP பில் பூட்டி விட்டாள் ஒருத்தி

பின் வேறொருத்தி

பாடலென்னும் FINE கட்டி- அந்த

துன்பத்திலிருந்து என்னை ஜாமீன் எடுத்தாள்

விடுதலை பெறாமல் அந்தப் (பெண்)ஜட்ஜ்

முன் நின்றாலும், ஆயுள் தண்டனை பெற்றாலும்

APPEAL செய்யப்போவதில்லை

To be continued ……………………………………..

 tags- மனைவி, மாணிக்கம்,

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

WRITTEN BY BRHANNAYAKI SATHYANARAYANAN

Post No. 8881

Date uploaded in London – –2 NOVEMBER 2020   

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

2-11-2020 அன்று ஞானமயம் சேனலில் ஒளிபரப்பப்பட்ட ஆலயம் அறிவோம் உரை! FACEBOOK.COM/GNANAMAYAM

ஞானமயம் வழங்கும் புதிய பகுதி ஆலயம் அறிவோம்!

வழங்குவது பிரஹன்நாயகி சத்ய நாராயணன்.

பாரத நாடெங்கும் பரவி இருக்கும் பல்லாயிரக் கணக்கான ஆலயங்கள் ஒவ்வொன்றிற்கும் ஒரு தனிச் சிறப்பு உண்டு. ரிஷிகள், மகான்கள், சித்தர்கள், அருளாளர்கள், யோகிகள் என ஏராளமானோர் வழிபட்ட தலங்கள் இவை.

அவதார புருஷர்கள் காலடி பதித்த தலங்கள் இவை. ராமாயண, மஹாபாரத இதிஹாஸங்களுடன் தொடர்பு கொண்ட தலங்கள் இவை. புராண சம்பவங்கள் நிகழ்ந்த இடங்கள் இவை.

ஒவ்வொரு தலமும் நமக்கு தர்மார்த்த காம மோக்ஷம் எனப்படும் நான்கு புருஷார்த்தங்களையும் – அதாவது அறம், பொருள், இன்பம், வீடு ஆகிய நான்கு பேறுகளையும் – தரும் என்பதில் ஐயமில்லை.

இனி இதோ,  ஸ்ரீவைகுண்டத்தில் பாயும் விரஜா நதிக்கு சமானமான பெருமை உடைய காவிரி நதி தீரத்தில் அமைந்துள்ள தலமான  ஸ்ரீரங்கபட்டிணம் பற்றிய  ஒரு சிறிய அறிமுகம்.

பங்களூரிலிருந்து சுமார் 140 கிலோமீட்டர் தொலைவிலும் மைசூரிலிருந்து சுமார் 15 கிலோமீட்டர் தொலைவிலும் அமைந்துள்ள புனித தலம்

ஸ்ரீரங்கபட்டிணம்.

கோயிலின் மூலவர் ரங்கநாதர்; தாயார் ரங்கநாயகி.

காவிரி, ரங்கநாதரை நோக்கித் தவமிருந்து அவரது தரிசனம் பெற்ற தலம் இது.

ஸ்ரீரங்கநாதரை நோக்கி ஸ்ரீரங்கபட்டிணத்தில் காவிரி பாய்கின்ற முக்கூடலில் காவிரி தேவியானவள் தவம் செய்ய, காவிரியின் தவத்தை மெச்சிய பெருமாள் அவளுக்கு தரிசனம் தந்து மூன்று வரங்களைத் தந்தார்.

முதலாவது வரம் – கங்கா நதியை விட காவிரி நதியானவள் புனிதத் தன்மை உடையவளாகட்டும்.

இரண்டாவது வரம் – ஸ்ரீரங்கபட்டிணம் பல புண்ணியவான்கள் யாத்திரை செய்யும் புனிதத் தலமாகட்டும்.

மூன்றாவது  தன்னுடைய பக்தர்களுக்கு இஷ்ட வரங்களைத் தந்தருள தானே இங்கே எழுந்தருளுவது.

இந்த மூன்று அரிய வரங்களையும் பெற்ற காவிரி ஸ்ரீரங்கநாதரை பூஜித்து அவரை அங்கேயே சிலையாக ஆதிசேஷனில் சயனம் கொண்டுள்ள ரூபத்தில் எழுந்தருளச் செய்தாள்.

அங்கே அரங்கநாதரை சேவிக்க வந்த லட்சுமி தேவி காவிரியில் ஸ்நானம் செய்து, அவரை தரிசித்து தானும் அங்கேயே தென்கிழக்கு மூலையில் ஒரு கற்சிலையாக எழுந்தருளினாள்.

இந்த தலத்தின் மஹிமையை உணர்ந்த பிரம்மா, ருத்திரன் உள்ளிட்ட தேவர்கள் அனைவரும் இங்கு வந்து எம்பெருமானைப் பூஜித்தனர்.

ஆலயத்தைச் சுற்றி காவிரி பாய்வதால் இது ஒரு தீவு ஆனது. பிரம்மா நாரதருக்கு உபதேசித்த  பாஞ்சராத்திர வழிபாட்டு முறை இங்கு கடைப்பிடிக்கப்பட்டு வருகிறது.

மிகுந்த தவ வலிமை உடைய கௌதம மஹரிஷி இங்கு வசித்து வந்தார்.

கௌதம ரிஷியைப் பற்றிய பல வரலாறுகள் இந்த க்ஷேத்திரத்துடன் தொடர்பு கொண்டவையாகும்.

ஒருமுறை மஹரிஷிகள் அத்திரி, யாக்ஞவல்க்யர், கண்வர், போதாயனர், சுகர், பராசரர் ஆகியோர் கௌதம முனிவரின் ஆசிரமத்திற்கு வந்தனர். அவர்களை வரவேற்ற கௌதமர் ரங்கநாதரை வழிபட்டு ஒரு யாகத்தைச் செய்தார். யாகத்தின் முடிவில் பெருமாள் அவர்கள் முன் தோன்றி, அருகில் உள்ள ஒரு துளசிச் செடிகளின் மத்தியில் எறும்புப் புற்றினுள் தான் சிலா ரூபமாக இருப்பதாகக் கூறியருளினார். உடனே கௌதமர் அந்த புதர் மத்தியில் சென்று பிரம்மா, ருத்திரன் உள்ளிட்ட அனைத்து தேவர்களையும் காமதேனுவையும் அழைத்தார். காமதேனு அந்த எறும்புப் புற்றின் மீது தன் பாலை வர்ஷித்தது. புற்று மண் கரைந்தது; உள்ளே இருந்த பெருமாளை அனைவரும் கண் குளிரக் கண்டு சேவித்தனர்.

இது நிகழ்ந்த புண்யகாலம் மேஷ மாதம் சுக்கில பக்ஷம் சப்தமி திதி சனிக்கிழமையாகும்.

அன்றிலிருந்து இந்த க்ஷேத்திரம் கௌதம் க்ஷேத்திரம் என்ற பெயரைப் பெற்றது. கோவில் பிரம்மானந்த விமானம் என்று அழைக்கப்படலாயிற்று.

பஞ்ச ரங்கத் தலங்கள்

கௌதமர் ரங்கநாதரை முதன்முதலாக தரிசித்து வழிபட்ட தினமானது ஸ்ரீரங்கஜெயந்தி என்று இன்றளவும் கொண்டாடப்பட்டு வருகிறது.

இந்தத் தலம் பஞ்ச ரங்கத் தலங்களில் ஒன்று. ஸ்ரீரங்கபட்டிணம் ரங்கநாதர், ஸ்ரீரங்கம் ரங்கநாதர், கும்பகோணம் சாரங்கநாதர், திருப்பேர்நகர் எனப்படும் கோவிலடி அப்பால ரங்கநாதர், மாயவரம் பரிமளரங்கநாதர் ஆகிய ஐந்து ரங்கநாதர் ஸ்தலங்களும் பஞ்ச ரங்கத் தலங்களாகும்.

இந்தக் கோவிலுக்கு கங்க அரசர்கள், ஹொய்சாள அரசர்கள் உள்ளிட்ட ஏராளமான மன்னர்கள் காணிக்கைகள் பலவற்றை அளித்துள்ளனர். நூற்றுக்கணக்கான சுவையான வரலாறுகளைக் கொண்டது இந்த அபூர்வ ஆலயம்.

காலம் காலமாக மக்கள் பக்தியுடன் வணங்கி வரும் ஸ்ரீரங்கபட்டிணம் ரங்கநாதர், அனைவருக்கும் சர்வ மங்களத்தை தர ஞானமயம் சார்பில் பிரார்த்திக்கிறோம்.   

நன்றி. வணக்கம்.

 tags – ஸ்ரீரங்கபட்டிணம்,  ஆலயம் அறிவோம், 

WRITTEN BY S NAGARAJAN                     

Post No. 8879

Date uploaded in London – – –2 NOVEMBER 2020   

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

அயோத்யா – சில உண்மைகள்! – 3

ச.நாகராஜன்

ஹிந்துக்கள் அயோத்தியை மீட்க மீண்டும் நவாப் நசிருத்தீன் ஹைதர் (Nawab Nasiruddin Haider) ஆளுகையில் முயற்சி செய்தனர். பல ஹிந்து மன்னர்கள் ஒன்று சேர்ந்தனர். சண்டை எட்டு நாட்கள் நீடித்தது. நவாபின் சேனை ஹனுமான்காடியை அடைந்தது. அங்கு ஹிந்து சேனைகளுக்கு சாதுக்களின் உதவி கிடைத்தது. அனைவரும் இணைந்து ஒருவாறாக நவாபின் சேனையைத் துரத்தி அடித்தனர். ராமஜென்ம பூமியைத் தங்கள் கட்டுப்பாட்டிற்குள் கொண்டு வந்தனர்.

ஆனால் இந்த வெற்றி நீடித்து நிலைக்கவில்லை. நவாபின் சேனை மீண்டும் ராம ஜென்ம பூமியைக் கைப்பற்றியது.

ஹிந்துக்கள் மனம் தளரவில்லை; தங்கள் முயற்சியைத் தொடர்ந்தனர். நவாப் வாஜித் அலி ஷா (Nawab Wajid Ali Shah) ஆளுகையில் அவருக்கு எதிராக இரண்டே இரண்டு அரசர்களைத் தவிர இதர அனைத்து ஹிந்து மன்னர்களும் ஒருங்கிணைந்தனர். போராட்டம் தொடர்ந்தது.

இதைப் பற்றி கன்னிங்ஹாமின் (Cunningham) ஒரு சிறு குறிப்பு ஃபைஜாபாத் இலக்கியத் தொகுப்பிலிருந்து (Faizabad Literary Collection) வெளியிடப்பட்டிருக்கிறது.

அவர் கூறுவது : அயோத்தியைக் கைப்பற்ற முஸ்லீம்களும் ஹிந்துக்களும் சண்டையிடுவதை நவாபின் ஆங்கில சேனை பார்த்துக் கொண்டிருந்தது. சண்டை இரு நாட்கள் நடந்தது. வீடுகள், மசூதிகள் தரைமட்டமாக்கப்பட்டன. ஆடு, மாடுகளும் கூட கொல்லப்பட்டன.ஆனால் இவ்வளவு தீவிரமான போரிலும் கூட ஹிந்துக்கள் தங்களின் தர்மத்தைக் கைவிடவில்லை. அவர்கள் முஸ்லீம் பெண்களையும் குழந்தைகளையும் தாக்கவில்லை; கொல்லவில்லை. முஸ்லீம்கள் அயோத்தியை விட்டு ஓடினர்.

நிலைமை தங்களது கையை விட்டு மீறி விடும் என்பதை உணர்ந்த நவாபின் சேனை அயோத்தியில் போக்குவரத்திற்குப் பல கட்டுப்பாடுகளை விதித்தது.

மஹாராஜா மான்சிங் நவாபுடன் கலந்து ஆலோசனை செய்தார். அயோத்தியில் ராமர் சிலை இருந்த மேடையை மீண்டும் அமைக்கச் செய்து அங்கு மீண்டும் ராமர் சிலையை நிறுவச் செய்தார். உடனடியாக ஒரு தற்காலிக கோவிலும் அமைக்கப்பட்டது.

பிரிட்டிஷார் அரசாட்சி செய்த காலத்திலும் கூட  ஹிந்துக்கள் ராம ஜென்ம பூமியில் ஒரு ராமர் கோவிலைக் கட்ட வேண்டும் என்ற தங்கள் இலட்சியத்தை விடவில்லை.

1912இல் அவர்கள் கோவில் கட்ட எடுத்த முயற்சியை பிரிட்டிஷார் தடுத்து நிறுத்தி விட்டனர்.

1934ஆம் ஆண்டு ஹிந்துக்கள் அயோத்தியில் பிரிட்டிஷ் சேனையை மீறி மசூதிக்கு நிறைய சேதத்தைச் செய்தனர்.

என்றபோதிலும் ஜே.பி. நிக்கல்ஸன் (J.P. Nicholson) என்ற பிரிட்டிஷ் அதிகாரி சேதத்தைச் சரி செய்தார்; மீண்டும் மசூதி கட்டப்பட்டது.

ஒரு சிறிய அறிவிப்பு பலகை அங்கு தொங்கவிடப்பட்டிருக்கிறது.

தஹவார் கான் ஹிந்துக்களால் 27-3-1934 (1352 ஹிஜ்ரி) அன்று அழிக்கப்பட்ட மசூதியை மீண்டும்  கட்டினார். (Tahawwar Khan rebuilt the mosque destroyed by the Hindus on 27-3-1934 – 1352 Hijri)

இப்படிப்பட்ட ஒரு தொடர் போராட்டத்தை ஹிந்துக்கள் கடந்த பல நூறாண்டுகளாக அயோத்தி ராமர் கோவிலுக்காகச் சந்தித்து வந்திருக்கின்றனர்.

இதற்கான உயிரிழப்புப் பட்டியல் தனி!

அவுரங்கசீப்பின் சில கொடுமைகளை இனி பார்ப்போம்.

                   ***                 தொடரும்

tags- அயோத்யா -3,  உண்மைகள் – 3