WRITTEN BY S NAGARAJAN

Post No. 10,075

Date uploaded in London – 10 September   2021         

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

10-9-2021 – விநாயகர் சதுர்த்தி. முன்னவனை வணங்குவோம். அவனைப் பற்றிய ஒரு துதி  மாலைத் தொகுப்பு இது. சென்ற ஆண்டு விநாயக சதுர்த்தி அன்று வெளியான கட்டுரை விநாயகர் தமிழ் மாலை! – 1 (1-10)

 கட்டுரை எண் 8551 வெளியான தேதி :22-8-2020 (விநாயக சதுர்த்தி தினம்)

விநாயகர் தமிழ் மாலை! – 2 (11- 20)

ச.நாகராஜன்

விநாயகர் துதி இல்லாத நூல்களே இல்லை. ஒவ்வொரு துதியிலும் விநாயகர்  தரும் பலன்களைப் பார்த்து பிரமிக்கலாம். விநாயகரைத் துதிப்போர்க்கு ஒரு நாளும் துன்பமில்லை; இன்பமே எந்நாளும்! இந்தக் கட்டுரையில் பத்துப் பாடல்களைக் காணலாம்.

11-13

கந்த புராணத்தில் வரும் மூன்று பாடல்கள் :-

திகட சக்கரச் செம்முகம் ஐந்துளான்

சகட சக்கரத் தாமரை நாயகன்

அகட சக்கர வின்மணி யாவுறை

விகட சக்கரன் மெய்ய்பதம் போற்றுவாம்

உச்சியின் மகுடம் மின்ன ஒளிர்தர நுதலின் ஓடை

வச்சிர மருப்பின் ஒற்றை மணிகொள்கிம் புரிவ யங்க

மெய்ச்செவிக் கவரி தூங்க வேழமா முகங்கொண் டுற்ற

கச்சியின் விகட சக்ரக் கணபதிக் கன்பு செய்வாம்

மண்ணுள கத்தினிற் பிறவி மாசற

எண்ணிய பொருளெலாம் எளிதின் முற்றுற

கண்ணுதல் உடையதோர் களிற்று மாமுகப்

பண்ணவன் மலரடி பணிந்து போற்றுவாம்

14, 15

திருவிளையாடற் புராணச் செய்யுள்கள் இவை:-

சத்தி யாய்ச்சிவ மாகித் தனிப்பர

முத்தியான முதலைத் துதிசெயச்

சுத்தியாகிய சொற்பொருள் நல்குவ

சித்தி யானைதன் செய்ய பொற்பாதமே

உள்ளமெனுங் கூடத்தில் லூக்கமெனுந்

   தறிநிறுவி யுறுதி யாகத்

தள்ளரிய வன்பென்னுந் தொடர்பூட்டி

   யிடைபடுத்தித் தறுகட் பாசக்

கள்ளவினைப் பசுபோதக் கவளமிடக்

   களித்துண்டு கருணை யென்னும்

வெள்ளமதம் பொழிசித்தி வேழத்தை

  நினைதுவரு வினைகள் தீர்ப்பாம்

16,17

விருத்தாசலப் புராணச் செய்யுள்கள் இவை:-

திருவுங் கல்வியுஞ் சீருந் தழைக்கவும்

கருணை பூக்கவும் தீமையைக் காய்க்கவும்

பருவ மாய்நம துள்ளம் பழுக்கவும்

பெருகும் ஆழத்துப் பிள்ளையைப் பேணுவாம்

ஒருமலையாற் புரமலையு மொருமைந்தன் றிருமைந்தன்

இருமலையுந் தும்மலையு மெதிர்மலையும் வினைமலையும்

பொருமலையும் விம்மலையும் பொம்மலையும் புடைத்தருவிக்

கருமலையும் பெருமலையிற் கைம்மலையைக் கைதொழுவாம்

18,19

காஞ்சிப் புராணத்தில் வரும் செய்யுள்கள் இவை:-

பண்ணியமும் வெண்கோடும் பாசாங் குசப்படையும்

நண்ணிய செங் கைத்தலத்து நாதா! ஒரு கோட்டுத்

தண்ணிய வெண்பிறைத் தாழ்சடையாய்! மெய்யடியார்

எண்ணிய எண்ணியாங் கீந்தருளும் வள்ளலே!

விழிமலர்ப் பூ சனையுஞற்றித் திருநெடுமால்

   பெறுமாழி மீள வாங்கி

வழியொழுகாச் சலந்தரன் மெய்க் குருதிபடி

   முடைநாற் றமாறு மாற்றால்

பொழிமத நீர் விரையேற்றி விகடநடப்

   பூசைகொண்டு புதிதா நல்கிப்

பழிதபுதன் றாதையினும் புகழ்படைத்த

   மதமாவைப் பணிதல் செய்வாம்

20

கோயிற் புராணத்தில் வரும் செய்யுள் இது:-

தன்னோங்கு மலரடியும் தளிரோங்கு சாகைகளும்

மின்னோங்கு முகக்கொம்பும் விரவியகண் மலர்களுமாய்

மன்னோங்க நடமாடு மன்றோங்கு மதிற்குடபாற்

பொன்னோங்கன் முன்னோங்கும் பொற்பமர் கற்பகம் போற்றி!

***

INDEX

விநாயகர் துதிகள் 10 பாடல்கள், கந்த புராணம், திருவிளையாடல் புராணம், விருத்தாசலப் புராணம், காஞ்சிப் புராணம், கோயிற் புராணம் செய்யுள்கள்,

விநாயகரைத் துதித்தால் கிடைக்கும் அரும் பயன்கள்!

 tags- விநாயகர் துதிகள்,திகட சக்கரச்

WRITTEN BY S NAGARAJAN

Post No. 10,072

Date uploaded in London – 9 September   2021         

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

டாக்டர் டி.எஸ்.கௌரிபதி சாஸ்திரி அவர்கள் தேர்வு செய்து வழங்கிய சில சுபாஷிதங்கள் தரப்பட்ட முந்தைய கட்டுரை எண் 9948 (வெளியான தேதி: 8-8-2021)

நல்ல ஒரு நண்பனின் குணங்கள் யாவை?

ச.நாகராஜன்

சம்ஸ்கிருத அறிஞரான டாக்டர் டி.எஸ்.கௌரிபதி சாஸ்திரி (Dr.T.S. Gouripathi Sastri)   அவர்களிடம் ஆந்திரா பல்கலைக்கழகம் நல்ல சில சுபாஷிதங்களைத் தேர்ந்தெடுக்குமாறு (1978இல்) பணிக்க, அவர் 36 சுபாஷிதங்களைத் தொகுத்துத் தந்தார். அதற்கான ஆங்கில மொழிபெயர்ப்பையும் அவரே செய்துள்ளார். அவற்றில் இருபத்திஐந்து சுபாஷிதங்களை சென்ற கட்டுரைகளில் கண்டோம். மேலும் சில சுபாஷிதங்கள் இதோ:-

பாபாந்நிவாரயதி யோஜயதே ஹிதாய

க்ருஹானி க்ருஹதி குணான் ப்ரகடீகரோதி |

ஆபத்கதம் ச ந ஜஹாதி ததாதி காலே

சன்மித்ரலக்ஷணமிதம் ப்ரவதந்தி சந்த: ||

நல்ல ஒரு நண்பனின் குணங்கள் இவையே :

அவன் பாப காரியங்களைச் செய்வதைத் தடுப்பான். நல்லனவற்றைத் தருவதுடன் சேர்ப்பான். ரகசியங்களைக் காப்பான். நற்குணங்களை அனைவருக்கும் தெரியப்படுத்துவான். ஆபத்துக்காலங்களில் ஒரு போதும் கைவிட்டுப் போக மாட்டான். தேவையான காலங்களில் உதவுவான்.

The following are the qualities of a good friend: he prevents from (doing) sin (-ful acts) associate one with the beneficial things, keeps secrets, brings merits into light, never leaves in calamities, and helps in needy times.

*

ரஹஸ்யபேதோ யாச்ஞயா ச நைஷ்டுர்ய சலசித்ததா |

க்ரோதோ நிஸ்ஸத்யதா தூதமேதந்மித்ரஸ்ய தூஷணம் ||

ஒரு நண்பணின் கெட்ட குணங்கள் இவை:- ரகசியத்தைக் காப்பாற்றாமல் வெளியிடுவது, பிச்சையெடுப்பது, நிஷ்டூரமானதன்மை, சல சித்தம் (அலைபாயும் மனம்) க்ரோதம், பொய் கூறுதல் மற்றும் சூதாடுதல்.

The following are the defects of a friend: betrayal of secrets, begging (something or the other), harshness, fickle-mindedness, short temper, lying, and gambling.

*

யதாம்பஸி ப்ரஸன்னே து ரூபம் பஷ்யதி சக்ஷுஷா |

தத்தத் ப்ரஸ்ன்னேந்த்ரியவான் ஞேயம் ஞானேன பஷ்யதி ||

தெளிவாக நீர் இருக்கும் போது ஒருவன் எப்படி நீரின் அடியில் உள்ள பொருள்களைத் தெளிவாகக் காண முடிகிறதோ, அதே போல புலன்கள் அமைதியாக தெளிவாக இருக்கும் போது ஒருவனது ஞானத்தால் அனைத்தையும் புரிந்து கொள்ளலாம்,

As one can see things situated in deep waters when the water is clean one can see objects with his wisdom when his senses are clear (calm).

*

ஜிதேந்த்ரியத்வம் வினயஸ்ய காரணம் குணப்ரகர்ஷோ வினயாத்வாப்யதே |

குணாதிகே பும்ஸி ஜனோநுரஜ்யதே ஜனானுராகப்ரபவா ஹி சம்பத: ||

வினயத்திற்குக் காரணம் ஒருவன் புலன்களின் மீது கொண்டிருக்கும் கட்டுப்பாடே. நற்குணங்கள் அனைத்தும்  வினயத்தாலேயே அடையப்படுகின்றன. நற்குணங்களைக் கொண்டிருக்கும் ஒருவன் மீது ஜனங்கள்  பிரியம் கொண்டிருக்கின்றனர். அந்த நல்ல அன்பே (எண்ணமே) நிச்சயமான செல்வமாகும்.

Control over (one’s) senses is the cause of modesty. The wealth of merits is  achieved by the modesty. People love the person who has the wealth of  merits and surely riches are the out come of people’s love (good will).

*

கல்பதம: கல்பிதமேவசூதே ஸா காமதுக்காமிதமேவ தோக்தி |

சிந்தாமணிச்சிந்திததமேவ தத்தே சதாம் ஹி சங்க: சகலம் ப்ரசூதே!

கல்பதருவானது விரும்பியதை மட்டுமே தரும். காமதேனு இச்சைப்பட்டதை மட்டுமே தருகிறது. சிந்தாமணியோ நினைத்ததை மட்டுமே தருகிறது. ஆனால் நல்லவர்களின் சேர்க்கையோ அனைத்தையுமே தருகிறது.

The Kalpa tree yields only what is wished for. Kmadheny yields only what is desired and the Cintamani yields only what is contemplated on. But the company of the noble yields everything.

tags-  நல்ல , நண்பன் ,குணங்கள், 

***

WRITTEN BY LONDON SWAMINATHAN

Post No. 10,070

Date uploaded in London – 8 September   2021           

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

கணவர் மீது 44 காதல் கவிதைகள் இயற்றிய எலிசபெத் ப்ரவுனிங்

ஆங்கிலக் கவிஞர் ராபர்ட் ப்ரவுனிங் & கணவர் மீது 44 காதல் கவிதைகள் இயற்றிய எலிசபெத் ப்ரவுனிங்

விக்ட்டோரியன் கால கவிஞர்களில் புகழ் பெற்றவர் ராபர்ட் ப்ரவுனிங். ROBERT BROWNING அவரை ரகசியமாக திருமணம் செய்துகொண்டு இதாலிக்கு ஓட்டம் பிடித்த எலிசபெத் ப்ரவுனிங்கும் ELIZABETH BROWNING , அவர் மீது 44 காதல் கவிதை மழை பொழிந்து  புகழ் பெற்றார் எலிசபெத் ப்ரவுனிங். இருவருடைய வாழ்க்கையையும் அவர்களது படைப்புகளையும் காண்போம் .

ராபர்ட் ப்ரவ்னிங் எழுதிய பாடல்களில் பழங்கால மக்கள் தங்கள் எண்ணங்களை பேச்சு வடிவிலோ கவிதை வடிவிலோ வெளியிடுவதைக் காணலாம். அவர் எழுதிய நீண்ட கவிதைகளில் முன் காலத்தில் வாழ்ந்த கதா பாத்திரங்கள் பேசுவதைக் காணலாம்.

ப்ரவ்னிங், லண்டனில் பிறந்தார். அவருடைய தந்தை பாங்க் ஆப் இங்கிலாந்தின் BANK OF ENGLAND  கிளார்க்/குமாஸ்தா/எழுத்தர். தாயோ ஜெர்மன் நாட்டுப் பெற்றோர்களுக்குப் பிறந்த நங்கை . நல்ல வசதி படைத்த குடும்பம். ஆகையால் வயிற்றுப பிழைப்பைப் பற்றிக் கவலைப்படாமல் கவிதை எழுதும் நல்ல பாக்கியம் பெற்றவர் ப்ரவ்னிங். குடும்பத்தில் இருந்த பெரிய நூலகத்தில் உள்ள எல்லா புஸ்தகங்களையும் படித்த ப்ரவ்னிங்கிற்கு ஷெல்லி, கீட்ஸ் ஆகியோரின் கவிதைகள் மிகவும் பிடித்தன. தானும் கவிஞர் ஆக வேண்டும் என்ற வேட்கை பிறந்தது  21 வயதில் பாலின் PAULINE  என்ற கவிதையை இயற்றினார் .

பின்னர் நாடகங்களையும் நீண்ட கதைகள் சொல்லும் PIED PIPER OF HAMLYN ‘பைட் பைபர் ஆப் ஹாம்லின்’ போன்ற கவிதைகளையும்  படைத்தார் . பேச்சு வடிவிலுள்ள கவிதைகளை ட்ராமாடிஸ் பெர்ஸோனே , ட்ரமாட்டிக் லிரிக்ஸ் மென் அன்ட் விமன் , த ரிங் அண்ட் தி புக் முதலியவற்றில் ப டித்து ரசிக்கலாம். இத்தாலிய மறுமலர்ச்சிக் காலத்தைச் (RENAISSANCE PERIOD)  சேர்ந்த ஒரு இளவரசன் அல்லது ஓவியன் அல்லது மத போதகர் வாழ்வில் ஏற்படும் சிக்கலான தருணத்தைப் படம்பிடித்துக் காட்டுவார் கவிதைகளில் .

நல்லவரோ கெட்டவரோ , வாழ்க்கையில் கிடைக்கும் அரிய நேரத்தைப் பயன்படுத்தி சாதனைகள் புரியத் தவறுபவர்களை பிரௌனிங் வெறுத்தார். தோல்விகள் அடைந்தாலும் முயற்சி செய்வோருக்கு சொர்க்கத்தில் இன்பம் கிடைக்கும் என்பார் பிரௌனிங் .

எவருக்கும் தெரியாத இடங்களையோ ஆட்களையோ பற்றி அவர் கவிதைகளை வரைந்தார். அதுவும் சுருக்கமான சொற்களைப் பயன்படுத்தி விரிவான விஷயங்களை சொல்ல முனைவார் . இதனால் அவருடைய கவிதைகளைப் புரிந்து கொள்வது கடினமாக இருந்தது. இதன் காரணமாக 50 வயதுக்கு மேல்தான் அவருக்குப் புகழ் கிடைத்தது.அதற்கு முன்னமே அவருடைய மனைவி எலிசபெத்துக்குப் புகழ் வந்து சேர்ந்தது!

1846-ல் அவர் காதலி எலிசபெத்தைக் கல்யாணம் கட்டி இத்தாலிக்கு ஒடிப்போனார் . இது இருவரின் பெற்றோருக்குத் தெரியாமல் நடந்த, அந்தக் கால புகழ்பெற்ற காதல் கதை. மனைவி இறந்த பின்னரே இங்கிலாந்துக்குத் திரும்பினார்.

ராபர்ட் ப்ரவ்னிங்

பிறந்த தேதி – மே 7, 1812

இ றந்த தேதி- டிசம்பர் 12, 1889

வாழ்ந்த ஆண்டுகள் – 77

அவர் எழுதிய கவிதைகள் /நூல்கள்

1835- PARACELSUS

1840 – SORDELLO

1842- DRAMATIC LYRICS

(INCLUDING PIED PIPER OF HAMLYN)

1845- DRAMATIC ROMANCES AND LYRICS

1855 – MEN AND WOMEN

1864- DRAMATIS PERSONAE

1869-69 – THE RING AND THE BOOK

1879-80- DRAMATIC IDYLS

1889- ASOLANDO

XXX

கணவர் மீதான காதல் கவிதைகளால் புகழ் பெற்றவர்

இங்கிலாந்தின் தலை சிறந்த பெண் கவிஞர் எலிசபெத் பாரட்  ப்ரவ்னிங் ELIZABETH BARRET BROWNING என்று கருதப்பட்ட காலம் உண்டு. தற்காலத்தில் அவர் காதல் கவிதைகளினால் பிரபலமானவர் என்ற கருத்தே நிலவுகிறது . ஜமைக்கா தீவில் பெரிய தோட்டம் துரவுகளை வைத்திருந்த பணக்காரருக்குப் பிறந்த 12 குழந்தைகளில் மூத்தவர் எலிசபெத்.

வீட்டிலேயே கல்வி கற்றார். ஆங்கிலத்துடன் கிரேக்க , லத்தீன் மொழிகளையும் கற்றுத் தேர்ந்து நிறைய எழுதினார், படித்தார்.

பத்து வயதிலேயே நீண்ட கவிதை எழுதினார். நட்டங்களை எழுதி  அவற்றை குடும்ப நர்சரிகளில் நடிக்கவும் செய்தார். 14 வயதில் அவரது தந்தையே மாரத்தன் சண்டை THE BATTLE OF MARATHON என்ற கவிதையை வெளியிட்டார்.

15 வயதில் காச நோய் (TB) கண்டு முதுகெலும்பு அரிக்கப்பட்டது . இதனால் வாழ்நாள் முழுதும் உடலூனம் நீடித்தது. அவருடைய சகோதரர் இறந்தது,அவரிடைய மன நிலையைப் பாதித்ததால் லண்டனிலுள்ள வீட்டிற்கு கொண்டுவரப்பட்டு ஒரு அறையிலேயே அடைத்து வைக்கப்பட்டார். அப்போது அவருக்கு வயது 29.

இதற்குச் சில ஆண்டுகளுக்குப் பிறகு அவருடைய கவிதைகளை எட்கர் ஆலன் போ மற்றும் அவரை விட வயதில் இளையவரான ராபர்ட் ப்ரவ்னிங் ஆகியோர் பாராட்டினார்கள். இதன் மூலம் அவர் புகழ் அதிகரித்தது

ராபர்ட்டும் எலிசபெத்தும் சந்தித்தனர்; காதல் மலர்ந்தது; எலிசபெத்தின் தந்தையின் எதிர்ப்பையும் பொருட்படுத்தாமல் இருவரையும் ரஹஸ்ய திருமணம் செய்துகொண்டு இத்தாலி நாட்டுக்கு குடியேறினார்கள்.அங்கு அவர்களுக்கு ஒரு மகன் பிறந்தான். 15 ஆண்டுகளுக்கு சுகபோக வாழ்க்கை நடத்தினர். SONNETS FROM THE PORTUGESE ‘சான்னட்ஸ் பிரம் த போர்ச்சுகீஸ்’ என்ற கவிதைத் தொகுப்பு 1850ல் அச்சிடப்பட்டது. இதில் தான் அவர் தனது காதல் கணவன் மீது எழுதிய 44 கவிதைகள் இருக்கின்றன. கருங் கூந்தல் படைத்த எலிசபெத்தை ராபர்ட் “அட என் போர்ச்சுகீஸ் அன்பே! ஆருயிரே!” என்று அழைப்பார் . அதனால்தான் கவிதைத்தொகுப்பின் பெயரில் ‘போர்ச்சுகீஸ்’ உளது.

எலிசபெத்  ப்ரவ்னிங்

பிறந்த தேதி – மார்ச் 6, 1806

இறந்த தேதி- ஜூன் 29, 1861

வாழ்ந்த ஆண்டுகள் – 55

அவர் எழுதிய கவிதைகள்

1838 – THE SERAPHIM AND OTHER POEMS

1844 – POEMS

1850- SONNETS FROM THE PORTUGESE

1851 – CASA GUIDI WINDOWS

1856- AURORA LEIGH

1860- POEMS BEFORE CONGRESS

PUBLISHED AFTER SHE DIED

162- LAST POEMS

–

-SUBHAM–

TAGS- ஆங்கிலக் கவிஞர், ராபர்ட் ப்ரவுனிங், கணவர் ,காதல் கவிதைகள்,  எலிசபெத் ப்ரவுனிங்,

ELIZABETH, ROBERT, BROWNING

WRITTEN BY S NAGARAJAN

Post No. 10,069

Date uploaded in London – 8 September   2021         

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

திருவிசைநல்லூர் ஸ்ரீதர வெங்கடேச ஐயாவாள்! – 2

சதகம் என்றால் நூறு என்று பொருள் நமக்கு தயா சதகத்தில் இன்று அதனுடைய  பலஸ்ருதியையும் சேர்த்து 102 ஸ்லோகங்கள் கிடைத்துள்ளன. அவற்றின் அருமை சொல்லுக்கு அப்பாற்பட்டது. எடுத்துக் காட்டாக ஒரே ஒரு ஸ்லோகத்தைப் பார்ப்போம்.

தயா சதகத்தில் 91வது ஸ்லோகம் இது:-

ஸ்மரணம் ப்ரணாமகரணம் ததாமிதா, கதனம் ச ஜாதுசிதனங்கவைரிண: !

பரமம் பவாதிர்ஹரமன்ப தேஹினாம், த்வதயே கதிஸ்தவ தயே கரியஸி ||

ஜாதுசித் – எப்போதோ ஒரு கணம், அனங்கவைரிண: ஸ்மரணம் – சிவனுடைய நினைவு, ப்ரணாம் கரணம் – சிவனுடைய வணக்கம், ததா அபிதாகஹனம் -சிவனுடைய பேரைச் சொல்வது – ஆகிய இவை அயே அம்ப – ஏ தாயே!, த்வத் – உன் காரணத்தால், தேஹினாம் – மனிதருக்கு, பரமம் – மேலான, பவ ஆர்த்தி ஹரம் – பிறவிக் கஷ்டத்தைத் தவிர்ப்பதாக ஆகின்றன. ஹே தயே – ஹே, சிவ தயா தேவியே! த்வ – உன்னுடைய, கதி: – போக்கே, கரியஸி – மேலானது

ஒரு முறை கிருஷ்ண ஜெயந்தி அன்று கிருஷ்ணரை அலங்கரித்து அவர் வாழ்ந்த வீதி வழியே சென்ற ஊர்வலத்தில் இருந்தவர்கள் அவரை அவமதிக்கும் விதத்தில் அவர் வீட்டில் நிற்காமல் அவர் வீட்டை வேகமாகக் கடந்து சென்றனர். ஆனால் அடுத்த வீட்டிற்குச் சென்ற ஊர்வலத்தினர் கிருஷ்ணரின் படத்தைக் காணாமல் திகைத்தனர். அது ஐயாவாளின் வீட்டில் இருந்தது. அவர் தாயார் பாவத்தில் இருந்து, டோலா நவரத்னமாலிகா என்ற துதியை இயற்றிப் பாடினார்.

ஒரு முறை வேஷதாரியாக வந்து கோவிந்தசாமி என்பவர் அவரை அவமதித்தார். அவரைக் காவேரிக் கரையில் இறைவன் சொப்பனத்தில் விரட்டவே, அவர் மனம் திருந்தி அவரை வணங்கிப் போற்றி அவரது பக்தராகவே ஆனார்.

ஒரு சமயம் திருட்டுக் கொள்ளைக்காரர்களுக்காக அவர் பஜனை செய்ய அவர்கள் திருடிய நவரத்னக் குவியலை அவர்கள் ஐயாவாளிடம் கொடுத்துச் சராணகதி அடைந்தனர்.  அவற்றை மஹாலிங்க மூர்த்திக்கு நாகாபரணமாகச் செய்து அணிவித்தார்.

இப்படிப்பட்ட அற்புதங்கள் எல்லாம் எங்கும் பேசப்படவே அவர் புகழ் பரவியது.

தனது வாழ்நாளில் அவர் சம்ஸ்கிருதத்தில் ஏராளமான நூல்களை இயற்றியுள்ளார். காவேரியின் எல்லையற்ற மஹிமையை அவர் அருமையாக விவரித்துள்ளார்.

“காவேரி கங்கையை விடப் புனிதமானது. காவேரி திருமாலின் தலை, இடை, கடை என்ற மூன்று இடங்களிலும் பெருமை பெற்று விளங்குகிறாள். மைசூர் ஸ்ரீரங்கபட்டணம், ஸ்ரீரங்கம்,  கொள்ளிடக்கரை அரங்கம் எனற மூன்று அரங்கங்களும் காவேரி நதியைப் புனிதமாக்குகின்றன. காவேரி நீரானது அன்பையும், அறிவையும், அருளையும் பெருக்குகின்றது. உலகில் உள்ளோர் தொடர்ந்து செய்யும் எல்லா பாவங்களையும் காவேரியில் ஸ்நானம் செய்த ஒரு நொடிப்பொழுதில் இறைவன் அருளே காவேரியாக இருந்து நீக்கி விடுகிறது.” என்று இப்படி அவர் காவேரியின் மஹிமையைப் பாடிப் போற்றுகிறார்.

ஒரு சமயம் திருவிசைநல்லூரும் அதைச் சுற்றி இருந்த பகுதிகளும் மழையின்றி பெரிதும் வறண்டிருந்த போது மக்கள் நீரின்றி வருந்தினர். உடனே ஐயாவாள் திருவிசைநல்லூரில் எழுந்தருளியிருக்கும் கர்கடேஸ்வர மீது குளீராஷ்டகம் என்ற ஸ்துதியை இயற்றிப் பாட மழை கொட்டோ கொட்டென்று பெய்து அனைவரையும் மகிழச் செய்தது.

ஐயாவாளின் மனைவி அவருக்கு முன்னமேயே இறைவன் திருவடி சேர்ந்தார்.

தனது 85ஆம் வயதில் ஒரு நாள் தனது இறுதிக் காலம் நெருங்குவதை தனது சீடர்களுக்குக் குறிப்பால் உணர்த்தினார் ஐயாவாள்.

ஒருநாள் வழக்கம் போல மஹாலிங்க ஸ்வாமியை வழிபடச் சென்ற ஐயாவாள் சந்நிதியில் சாஷ்டாங்கமாக நமஸ்காரம் செய்யும் போது மறைந்து பகவானுடன் ஐக்கியமானார். இறைவனுடன் இப்படி அவர் ஐக்கியமானதைக் கண்ட உலகம் வியந்து பிரமித்தது.

ஸ்ரீ ஸ்ரீதர ஐயாவாள் மடம் கங்காவதரண மஹோத்ஸவத்தை பத்து நாள் உற்சவமாக ஆண்டு தோறும் தொடர்ந்து நடத்தி வருகிறது. கார்த்திகை மாதம் அவரது இல்லத்தில் அமாவாசை தினத்தை ஒட்டி பெருந்திரளான பக்தர்கள் குழுமுவது வழக்கம்.

வடமொழியில் வல்லவரான ஐயாவாளின் முக்கியமான நூல்களுள் ஆக்யாசஷ்டி, சிவன் மீது பாடப்படும் தயா சதகம், மாத்ருபூத சதகம், ஸ்துதி பத்ததி, சிவ பக்தி கல்பலதிகா, சிவ பக்த லக்ஷணம், தாராவலீ ஸ்தோத்ரம், ஆர்த்திஹர ஸ்தோத்ரம், குளீ ராஷ்டகம், ஜம்புநாதாஷ்டகம், தோஷ பரிஹாராஷ்டகம், க்ருஷ்ண த்வாதச மஞ்சரி, அச்சுதாஷ்டகம், டோலா நவரத்ன மாலிகா, நாமாம்ருத ரஸாயனம் உள்ளிட்டவை குறிப்பிடத் தகுந்தவையாகும். இவை அனைத்தையும் அன்பர்கள் https://www.sriayyaval.org/works.html என்ற தளத்திலிருந்து தரவிறக்கம் – டவுன்லோட் – செய்து கொள்ளலாம். அவர் இயற்றிய பகவன் நாம பூஷணம் இன்று நமக்குக் கிடைக்கவில்லை.

காவேரி தீர மஹான்களில் பெரிதும் போற்றப்பட்ட மஹான்களில் ஸ்ரீதர வெங்கடேச ஐயாவாள் மிக உயர்ந்த உன்னத ஸ்தானத்தைப் பெற்றிருக்கும் மஹான் என்பதில் எள்ளளவும் ஐயமில்லை! நன்றி, வணக்கம்.

                        ***                 

முற்றும்

Tags- தயா சதகம், ஸ்ரீதர வெங்கடேச, ஐயாவாள், சிவ பக்தி,

நவரத்ன மாலிகா, கோவிந்தசாமி

Compiled BY LONDON SWAMINATHAN

Post No. 10,066

Date uploaded in London – 7 September   2021           

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

லண்டன் ஞானமயம் ஒலி பரப்பு கொண்டாடிய பாரதி நினைவு நூற்றாண்டு விழாவில் லண்டன் ராணி சீனிவாசன் வாசித்த லண்டன் நாராயணன் எழுதிய பாரதி கவிதைகள் ; (தேதி 6-9-2021)

பாரதிரும் பாரதி

தேன் மதுரத் தமிழில்

தெளிவானக் கவிதையில்

தேரோட்டிய கவிஞன் பாரதி பாரத

தேசத்தின் விடுதலை இயக்கத்தில்

தேயாத புகழ் பெற்ற சாரதி !

 வேதிய  குலத்தோ னாயினும்

சாதியெனும் பிரிவில் சரியாது

சந்தனம் பூசி அறவணைத்தானோ

அந்தண ரல்லாரையும்  சாதி

இரண்டொழிய  வேறில்லையென்று

வறுமை இவன் வாழ்வில் அதிக

உரிமை கொண்டாடினும் விலகாதோ

நேர்மை யெனும் இவன் போர்வை

போறாமையிலும் பொறுமை நகையாக

எளிமையிலும் என்றும் இன்புற்றான்

கவிதையெனும் கடலில் கப்பலோட்டிக் கரை

கண்டானோ பக்தி புரட்சிக்விதை நாட்டுப்பற்று

ஆன்மீகமெனும் துறைகளாகக் காவியங்ள் படைத்துக்

கலங்கரை விளக்காக ஏற்றி வைத்த ஈடில்லாக் கவி

கலங்காமல் கலக்கினானோ நாடாண்ட அன்னியனை!

எழுத்தென்னும்  ஏவுகணையை கவிதை

எனும் வில்லில் பொருத்தி  வைத்த இலக்கோ

என்று தணியுமிந்த சுதந்திர தாகம்

என்றுமடியுமெங்கள் அடிமையில் மோகம்

ஐய்யோ! தாகம் தீரா மரணமோ இக்கவிக்கு

வந்துதித்து வளர்ந்த  நாடோ பரதேசியாதிக்கமாக

வறுமையே வாழ்க்கை வாக்கே அவன் செல்வமாக

வருந்தியதோ அன்னியனாதிக்கமும் சமூகக்கேடுமாக

வாழிய பாரதம் வாழிய சுதந்திரமென வாழ்ந்த தமிழன்

வீடடைந்தானோ விடுதலை வேட்கையிலே

நாராயணன்,

(Dr A.Narayanan, London)

பாரதிரும் = பார் + அதிரும்

XXXX

பாரதிக்கோரஞ்சலி

தீக்குள் விரலை விட்டுக் கரி எடுத்துப்

பாரதிரும் கவிதை தீட்டியோனே பாரதி

போருணர்ச்சிப் பொழிவ தவன் மொழி

சமூகக் கூச்சலே அவன் கவிதையின்

பேரிரைச்சலாய் சாதி இரண்டொழிய

வேறில்லையெனப் பறைச் சாற்றிக்

கோத்திரம் கேட்டாலாத் திரமடைந்து

முப்புரி நூலோ மூவர்ணத் துரிமை

யென சரித்திரம் படைத்தோனுக்கு

தரித்திரமே உதாரமென வறுமைக்கு

வருமானம் புலவன் வறுமையே என

வருத்தமடையா இவனே புலவர்களில்

புரவலன், ஐய்யோ! என்னே!கொடுமை

காலனின் கணிசம் இவன்

கொண்ட ஆயுளிலும் வறுமை!

நாராயணன்

(DR A. NARAYANAN, LONDON)

Xxx

Other Poems written by Dr A Narayanan

உதிரும் இலைகள்

வீசிய தென்றலில் விழுமோ இலைகள்

பசுமையோ பழுத்ததோ வெனத்  தருவோ

உணரா இலையி னிழப்பை காற்றோ

அறியா இலையின் நிலையை

உடைமையில் உரிமை இலைக் கில்லை

கடமையில் பார பட்சம் காற்றுக் கில்லைப்

போன்றோ ஆத்மா உடலுக்கும் உயிருக்கும்

ஒப்பந்தம் முடிய ஒண்டுமோ வெங்கோ கண்டு

கொள்ளாது துய்த்தது மரணவாய் முதியோனோ

இளையோனாக இருப்பதுமில் லாததும்

இயற்கையை இறைவ னியக்கும் வழி

நாராயணன்

xxxx

                           அறுபடும் அறம்

அவரவர் அறம் அவரவர் நிலைக்கேற்ப

அதனினு மினிதோ இருப்பதைப் பகிர்வது

வழிந்தோடும் ஏரி வாய்க்காலாய்ப் பாய்வது போலோ

வரம்புக்கு விஞ்சிய செல்வன் வாரிக் கொடுப்பது

வறுமையிலு மிருந்ததைப் பகிர்ந்தின்புறுவோனையோ 

வானவரும் வையகத்தோரு மென்றும் வாழ்த்துவர்

நிறைவான செல்வன் பறை சாற்றிச் செய்யுமறம்

தரை மட்ட நிலையில் வளரும் புல்லாகும்

குறை செல்வமுள்ளோன் மறைவாய் செய்யுமறம்

உறைவிடமோ இறைவனின் பாதமே

நாராயணன் 

XXX

  மாலனோ மாயனோ

ஒன்றோ பலவோ

ஒன்றினின்று பலவோ

பலகூடி ஒன்றோ

படைப்பில் பலவும்

ஒன்றுமாய் நின்று

மாயையில் மக்களை

மேய்ப்பவன் மாலனே

நாராயணன்

-subham–

tags –  பாரதி , நாராயணன் கவிதைகள்,