WRITTEN BY S NAGARAJAN                     

Post No. 8950

Date uploaded in London – – –20 NOVEMBER 2020   

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

தேவார முழக்கம்!

நித்தம் நீலக்குடி அரனை நினை, சிவகதி பெற! அப்பரின் சொந்த அனுபவம்!!

ச.நாகராஜன்

   தேவார மூவர் முதலிகளில் அப்பரின் பாடல்கள் சொற் சுவையும் பொருட்சுவையும் நிறைந்தவை; அத்துடன் அவரது சொந்த அனுபவம் அந்தப் பாடல்களில் சில சமயம் பேசும். சமணர்களுடன் இருந்து நொந்து போனவர் அவர். ஆகவே அவரது அனுபவக் கூற்று இன்னும் சற்று நம்மைக் கவரும்.

   நீ சேர்த்து வைத்த செல்வமும், மனைவியும், மக்களும் நீ செத்த போது கூட வர மாட்டார்கள். பிரிவதே இயல்பாகும். நித்தம் நீலக்குடி அரனை நினை, சித்தம் ஆகின் சிவகதி பெறலாம் என்கிறார் அவர்.

பாடல் இது:

வைத்த மாடும் மனைவியும் மக்கள் நீர்

செத்த போது செறியார் பிரிவதே

நித்தம் நீலக்குடி அரனை நினை

சித்தம் ஆகில் சிவகதி சேர்திரே (ஐந்தாம் திருமுறை – 072 பாடல் எண் 1)

   சோழ நாடு காவிரி தென்கரைத் தலம் திருநீலக்குடி. தென்னலக் குடி என்று இந்த நாளில் வழஙகப் பெறும் இந்தத் தலம் தஞ்சை மாவட்டத்தில் திருவிடைமருதூர் வட்டத்தில் அமைந்துள்ள திருத்தலமாகும். இறைவனின் பெயர் நீலக்குடியீசர் இறைவியின் பெயர் அழகம்மை. ஸ்தல விருட்சம் : பஞ்சவில்வம் குளம்: பிரமதீர்த்தம்.

ஆடுதுறைக்குத் தெற்கே 3 கிலோமீட்டர் தூரத்தில் இது உள்ளது.

இந்த தலத்தில் அப்பர் பிரான் தனது சொந்த அனுபவம் ஒன்றைக் கூறுகிறார்.

கல்லினோடு என்னைப் பூட்டி அமண்கையர்

ஒல்லை நீர் புக நூக்க என் வாக்கினால்

நெல்லு நீள் வயல் நீலக்குடி அரன்

நல்ல நாமம் நவிற்றி உய்ந்தேன் அன்றே (பாடல் எண் 7)

“சமணர்கள் கல்லினோடு என்னைச் சேர்த்துக் கட்டி, விரைந்து கடல் நீரில் புகுமாறு நூக்கி விட என் வாக்கினால் அரனுடைய நல்ல நாமத்தைச் சொன்னேன். உய்ந்தேன்” என்கிறார் அவர். நெல்பயிர் நிறைந்த நீள் வயல் சூழ் நீலக்குடி ஐயன் அல்லவா என்னை உய்வித்தவன் என்று அவர் தன் சொந்த அனுபவத்தைச் சுட்டிக் காட்டும் அருமையான பாடல் இது.

அவனை உள்ளங்கை நெல்லிக் கனி போல காணலாம் என்பதையும் அவர் சுட்டிக் காட்டுகிறார் இந்தப் பதிகத்தில்!

செய்ய மேனியன் தேனொடு பால் தயிர்

நெய் அது ஆடிய நீலக்குடி அரன்

மையலால் மறவா மனத்தார்க்கு எலாம்

கையில் ஆமலகக் கனி ஒக்குமே

சிவந்த திருமேனியை உடையவன் சிவபிரான். தேன், பால், தயிர் ஆகியன கொண்டு திருமுழுக்காடு ஆடும் அரன் ஆவான். அவன் மீது மையல் மிகக் கொண்டு மறவாமல் அவனை நினைக்கும் மனத்தார்க்கு உள்ளங்கை நெல்லிக் கனி போல அவன் புலப்பட்டு அருள் புரிவான்.

கையில் ஆமலகக் கனி போல – உள்ளங்கை நெல்லிக் கனி போல என்ற நியாயத்தை இங்கு சுட்டிக் காட்டுகிறார் அப்பர் பிரான்.

அழகாக இருப்பவர்கள், இளையவர்கள் என்னும் ஆசையால் ஒழுகி இருந்து உயிரை உடலை விட்டு விடுமுன் நீலக்குடி அரன் தாளை அடைந்து கை தொழுது உய்மின் என்பது அவரது அன்புக் கட்டளை :-

அழகியோம் இளையோம் எனும் ஆசையால்

ஒழுகி ஆவி உடல் விடும் முன்னமே

நிழல் அது ஆர் பொழில் நீலக்குடி அரன்

கழல் கொள் சேவடி கை தொழுது உய்ம்மினே (பாடல் 8)

பொதுவான பாடல்கள் சுவை பயக்கும் என்றாலும், சொந்த அனுபவத்தைக் கூறும் பாடல்களில் அவரது அனுபவம் இழையோடுவதால் அதில் உள்ள உண்மையை கூடக் கொஞ்சம் அனுபவித்து உணரலாம், இல்லையா!

அந்த வகையில் நீலக் குடி பதிகம் நெஞ்சை விட்டு நீங்காத பதிகமாக அமைகிறது!

பத்துப் பாடல்களும் அழகிய பாடல்கள்; படித்து உய்வோமாக!

***

WRITTEN BY S NAGARAJAN                     

Post No. 8947

Date uploaded in London – – –19 NOVEMBER 2020   

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

வரவேற்கத்தக்க ஒரு புதிய அலை உருவாகிறது! வாழ்க ஹிந்து மதம்!! மீண்டும் வருக தாய் மதத்திற்கு!!!

ச.நாகராஜன் 

வரவேற்கத் தக்க ஒரு புதிய அலை உருவாகிறது. இது பேராழி அலையாக  மாறி, கடந்த காலத்தில் கத்தி முனையில்  மதம் மாற்றப்பட்டோரை, தாய் மதத்திற்குத் திரும்பி வரவழைக்கட்டும்.

செய்தியைப் பார்ப்போம்.

கடந்த கால அரசுகள் செய்யத் தவறிய ஒரு துர்பாக்கியமான தவறு, இந்த தேசத்தில் இன்று வாழும் 99 சதவிகித மைனாரிடிகள் ஹிந்துக்களின் வமிசாவளியினரே என்பதை உணரத் தவறியது தான். அவர்களும் இதை நன்கு அறிவர்.  ஆனால் மத வெறியர்களுக்கும், தீவிர பயத்திற்கும் ஆட்பட்டு அவர்கள் தாய் மதம் திரும்ப அஞ்சுகின்றனர். ஆகவே கடந்த ஆயிரம் ஆண்டுகளில் இஸ்லாமிற்கும் கிறிஸ்தவத்திற்கும் மதம் மாற்றப்பட்டு, இன்று மீண்டும் தாய் மதம் திரும்ப விருப்பம் உள்ளவர்களுக்கு மத்திய அரசு ஒரு தகுந்த திட்டத்தைத் தருவதோடு அவர்களுக்கு பாதுகாப்பும் அளிக்க வேண்டும் என்று ஹிந்துப் பெருமக்கள் விரும்புகின்றனர். தர்ம குருக்கள், சங்கராசாரியர்கள், ராமானுஜாசாரியார்கள் உள்ளிட்டோரின் அங்கீகாரம் பெற்று இது நடைபெறுதல் வேண்டும் என்பது ஹிந்துக்களின் விருப்பமாகும்.

ராஜஸ்தானில் ஜெய்பூரிலிருந்து வரும் செய்தி ஒன்று  ராஜஸ்தான், பார்மர் மாவட்டம், மோடிசரா கிராமத்தில் வசிக்கும் 50 இஸ்லாமிய குடும்பங்கள் ஹிந்து தர்மத்திற்கு திரும்பியுள்ளனர் என்று தெரிவிக்கிறது.

ராமஜென்மபூமியில் நடந்த பூமி பூஜாவை ஒட்டி இந்த நிகழ்வு நிகழ்ந்துள்ளது.

“எங்களது முன்னோர்கள் ஹிந்துக்கள். எந்த வித வற்புறுத்தலும் இன்றி நாங்களே ஹிந்து தர்மத்தை ஏற்றுக் கொண்டுள்ளோம், ஏனெனில் இப்போது எங்களுக்கு வரலாறு பற்றிய அறிவு இருக்கிறது.” என்று இப்படி இந்தக் குடும்பங்கள் கூறுகின்றன.

தாய் மதத்திற்குத் திரும்பியுள்ள சுப்பன் ராம் என்பவர் கூறுவதாவது :-“ முகலாயர் ஆட்சி காலத்தில் எங்களது முன்னோர்கள் பயமுறுத்தப்பட்டு இஸ்லாமுக்கு மாற கட்டாயப்படுத்தப்பட்டார்கள். ஆனால் இப்போது இந்த வரலாற்று உண்மைகளை நன்கு கண்டறிந்த நாங்கள் எங்களது பழைய மதத்திற்குத் திரும்ப நிச்சயித்து விட்டோம். இஸ்லாமியர்கள் எங்களிடமிருந்து விலகியே இருக்கட்டும். எங்களது வாழ்க்கை முறை ஹிந்து தர்மத்துடன் இணைந்த ஒன்றாகும்.”

இதன் பின்னர் குடும்பத்தினர் அனைவரும் ஹிந்து தர்மத்திற்கு மீண்டும் வர தங்கள் விருப்பத்தைத் தெரிவித்தனர். உடனடியாக 50 குடும்பங்களைச் சேர்ந்த 250 பேர்கள் உரிய சடங்குகளைச் செய்து ஹிந்து தர்மத்தை ஏற்று தாய் மதம் திரும்பினர்.

(சனாதன் பிரபாத், 16-31 ஆகஸ்ட் 2020)

இந்த செய்தியைத் தரும் வாராந்திர சஞ்சிகையான ட்ரூத் தனது விமரிசனத்தில் கற்பனைக்கும் அப்பாற்பட்ட அளவு ஹிந்து கோவில்களின் சொத்தைச் சூறையாடிக் கொள்ளையடித்த ஒரு விஷமத்தனமான சதியைக் சுட்டிக் காட்டுகிறது.

இதோ ஆங்கிலத்தில் செய்தியின் மூலம் அதன் கீழ் ட்ரூத் பத்திரிகையின் ஆக்கபூர்வமான விமரிசனமும்:-

Ulat Puran: An Emerging New Trend

The most unfortunate omission on the part of the previous government is that it had failed to realise, that nearly 99% of minorities in this country are descendants of

Hindus and they also know this; but due to fanaticism and fear, they are afraid of

leaving their present religion and returning to Hinduism. Therefore, Hindus

feel that for Hindus who have been converted to Islam and Christianity in the past 1,000 years, and those who are willing to return to Hindu Dharma, the Central Government should make a plan and provide them protection, of course in due consultation and approval from authorised Dharma Gurus like Srimad Jagadguru Shankaracharyas,Ramanujacharyas etc.

 As per report from Jaipur (Rajasthan)– Fifty Muslim families residing in Motisara village of Barmer District of Rajasthan, have accepted Hindu Dharma, coinciding with the Bhoomipujan of Ram Mandir.

These families said, “Our ancestors were Hindu. We have accepted the Hindu Dharma voluntarily without any pressure because now we have the knowledge of

history.”

Subhanram, who accepted Hindu Dharma said, “In the Mughal period, our

ancestors were threatened and forced to accept Islam, but upon finding out

facts, we decided that we are Hindu and we have to go back to our true Dharma

again. Muslims keep away from us. Our practices are related to the Hindu Dharma.”

After this, the entire family expressed a desire to return to Hindu Dharma.

Subsequently, 250 members of 50 Muslim families accepted Hindu Dharma by

performing religious rituals. (Sanatan Prabhat, 16-31st August, 2020).

1. The typically anti-Hindu ‘Place of Worship (Special Provisions) Act of 1991’, it

seems, was conceived to restrain the suffering Hindus since 1000 years, from regaining back their major places of Divine abode.

A major conspiracy occured against the sacrifice of millions of warriors and millions of innocent Hindu men, women and children, who could not stop the loot of Hindu Devasthanams and temple property in unimaginable proportions. Hindus miserably lost their lives, dignity and honour along with all their land, home and property, in millions and millions during the prolonged period of Islamic invasions that unleashed tyranny, torture, conversion and destruction of invaluable

literature along with centres of cultural heritage, including temples, monasteries andlibraries.

 ஆதாரம், நன்றி : Truth Vol 88 No 15 dated 16-10-2020

tags —  புதிய அலை,  மீண்டும்,  தாய் மதம்

—-subham—-

WRITTEN BY KATTUKKUTY

Post No. 8944

Date uploaded in London – – 18 NOVEMBER 2020

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

FOR VOICE REGARDING GO TO FACEBOOK.COM/GNANAMAYAM

16-11-2020 திங்கள்கிழமை அன்று லண்டனிலிருந்து இந்திய நேரம் மாலை 6.30 மணிக்கு ஒளிபரப்பப்பட்ட உரை!

       சனீஸ்வர பகவானுக்குக் கறுப்புத் துணி ஏன்? !!!

                      ச.சீனிவாசன்

அன்பர்கள் அனைவருக்கும், சீனிவாசன் அன்பான மாலை வணக்கம்.

ஒரு அன்பரால் கேட்கப்பட்டிருக்கும் கேள்வி-

சனீஸ்வர பகவானுக்கு கறுப்புத் துணி ஏன்???அவரை கண்டு பயப்படுவது ஏன்???

யாராவது நமக்கு பிடிக்காத ஆசாமி வந்தால் நாம் என்ன முணு முணுக்கிறோம்???

வந்துட்டான்யா சனீஸ்வரன், பிடிச்சா விட மாட்டான்யா……என்றே

சொல்கிறோம்.தயவு செய்து என்னை அப்படி நினைக்க வேண்டாம,

லண்டன் திரு சாமி நாதன் எனக்கு கொடுக்கப்பட்ட நேரம்

10 நிமிடத்திற்குள் முடித்து விடுவேன்.

இந்த சனி- கறுப்புத்துணி , விவகாரத்தை ஒரு கதை மூலமாக விளக்குகிறேன்………

பிரும்மாவின் புத்திரன் தட்சன். அவருடைய அருமை புத்திரி அதிதி.

அந்த அதிதியை காஸ்யபர் என்ற முனிவருக்கு மணமுடிக்கிறான் தட்சன்.

அந்த அதிதிக்கும் காஸ்யபருக்கும் பிறந்தவரே சூர்ய பகவான்!!!

அந்த சூர்ய பகவானுக்கு நான்கு மனைவிகள்….

முதல் மனைவி சஞ்சிகை

அவள் மூலமாக, பிறந்த குழந்தைகள்-யமன், யமி என்ற யமுனை, பத்திரை,

சாவர்ணிக மனு, அஸ்வினி தேவர்கள்,சுக்ரீவன்.

இரண்டாவது மனைவி சாயா தேவி என்ற நிழல்

அவள் மூலமாக பிறந்த குழந்தைகள் -கிருத வர்ஷா, நமது கதா நாயகன கிருத சர்மா

என்ற சனீஸ்வரன், தப்தி வைவஸ்வத மனு, காலன்

மூன்றாவது மனைவி – நீளா தேவி இவள் மூலமாக பிறந்த

குழந்தைதான் நமது தலை எழுத்தை படிக்கின்ற சித்திர குப்தன்!!!

நான்காவது மனைவி – குந்தி, இவளுக்கு பிறந்த குழந்தையே கர்ணன்

சூரியனுக்கும்,, சஞ்சிகைக்கும் முதல் மன்று குழந்தைகள் பிறந்வுடன்,

சூடு தாங்காத சஞ்சிகை, தன்னைப்போலவே, ஒரு நிழல் உருவத்தை

சிருஷ்டித்து, தயவு செய்து நீ சில நாட்கள் “ஆக்டிங்”மனைவியாய்

இரு. நான் தவம் செய்து திரும்பி வந்து “சார்ஜ் எடுத்துக்கொள்கிறேன்…….. என்றாள்.

நடிகை சாயா தேவியும் சூரியன் மூலமாக மூன்று குழந்தைகளைப்

பெற்றுக் கொளகிறாள்.என்ன காரணமாகவோ மூத்தாள் சஞ்சிகையின்

குழந்தைகளை கொடுமைப்படுத்தவே,

சூரியனுக்கு இந்த உண்மை தெரிந்து, சாயா தேவியை கண்டித்து சஞ்சிகையைத் தேடி

மீண்டும் சேர்த்துக் கொள்கிறான்.

சாயாவின் மகனுக்கு அதாவது கிருத வர்மாவிற்கு தீட்சண்யமான பார்வை,

அதாவது எதை பார்த்தாலும் அந்தப் பொருள் நாசம்!!!

இதனை உணர்ந்த சாயா தன்மகனை எங்கும் விடுவதில்லை…..

இதையும் மீறி விநாயகரின் பிறந்த நாளைக்கு கைலாயம் வந்து

வினாயகரைப் பார்த்த மாத்திரத்தில் அவர் தலை சிதற, சிவன் பைரவரைக் கொண்டு

வடக்கே தலை வைத்துப் படுத்திருக்கும் ஒரு யானையின் தலையை பொருத்தி விடுகிறார்.

அன்றிலிருந்து விநாயகர், கஜமுகனாகி விட்டார்!!!

கோபம் கொண்ட பார்வதி கைலையில் காலை வைத்த உன் கால் முடமாகட்டும் என

சபித்தாள்.இதற்கு மேலும் யமன் “மாற்றான் தாயின் மகனே” என்று தண்டத்தால் அடித்து

காலை மேலும் உடைக்கிறான் !!!

முடமாகிறான் கிருத வர்மா………

சூரியனின் மற்ற மகன்களும், மகள்களும், பிரசித்தமாக,

தான்மட்டும் இப்படி பயனில்லாமல் இருக்கிறோமே என்ற எண்ணம் கிருத வர்மாவை,

வாட்டி வதைத்தது……..

தாயின் ஆசீர்வாதத்துடன்

காசியில் ஒரு லிங்கத்தை ஸ்தாபித்து சிவனை நோக்கி கடும் தவம் புரிகிறான் கிருத வர்மா!!!

கடும் தவத்தினால் மகிழ்ந்த சிவன் நேரில் தோன்றி அவன்கடும் தவத்தை மெச்சி, “கிருத வர்மா,

இன்றையிலிருத்து நீ தேவ பதவி பெற்று நவ கிரகங்களில் ஒருவராகி “ஈஸ்வரப்பட்டமும்”

பெற்று ஒவ்வொருவருடைய ஆயுளுக்கும் அதிபதியாக, “சனீஸ்வரன்”

என்ற பெயருடன் விளங்குவாய்”!!!! உன்னுடய பிறந்த நாளான சனிக்கிழமை ஸ்திர வாரமாகட்டும்”

என்று ஆசீர்வதித்தார்.

அன்று முதல் கிருத வர்மாவாக இருந்தவர், சனீஸ்வரனாகி உலகத்தை ஆட்டுவிக்கிறார்.

XXXX

இதோ அவரைப்பற்றிய விவரங்கள்:-

சனீஸ்வரன்

பெயர்கள் – மந்தன்,சாயாபுத்திரன்,சூர்யபுத்திரன்,காரி,அனிலன்,முதுமகன்,

முடவன், ஊனன், பாவணன்,சஞ்சலன்,செனரி,நீலன்,கரியவன்,

மனைவிகள் –

நீளா தேவி

இவளுக்கு பிறந்த குழந்தையே “குளிகன் “

எந்த நல்ல காரியங்களும், குளிகன்”நேரத்தில் செய்ய

வேண்டும் .அந்த காரியங்களைத் திரும்பத் திரும்ப செய்ய நேரிடும்

ஜேஷ்டா தேவி-

இவள் மகன் “தரித்திரன்” இவர் யாரென்று உங்களுக்கு புரிந்திருக்கும்

மந்தா தேவி-

பூமியிலிருந்து சனி இருக்கும் அதிக பட்ச தூரம்- 88,லட்சத்து 66 ஆயிரம்மைல்கள்

குறைந்த பட்ச தூரம் – 74 லட்சத்து 66ஆயிரம்மைல்கள்

சூரியனை ஒருமுறை சுற்றி வர – 30 வருடங்கள்!!!!

நிறம் – கறுப்பு.ஆகையினால்தான் கறுப்பாக இருக்கும் எந்தப்

பொருளையும் அவருக்குப் பிடிக்கிறது.

வாகனம் – காகம் – கறுப்பு

தானியம் – எள் – கறுப்பு

உலோகம் – கறுப்பாயுள்ள இரும்பு

வஸ்திரம் – கரு நீலப் பட்டு அல்லது கறுப்புத் துணி

புஷ்பம் – கருங் குவளை

இஷ்ட காலம் – சாயும்காலம், பிரதோஷ வேளை

குணம் – தாமசம்

உத்யோகம் – அடிமை

அதிதேவதை – யமன்

பிரத்யதி தேவதை- பிரஜாபதி

ஜாதி – சண்டாளர்/ கலப்பு இனம்

திசை – மேற்கு

பூதம் – காற்று

தன்மை – ஆண் அலி

மொழி – நீச பாஷை

உடல் அதிபதி -நரம்புக்கு

அவஸ்தை – விருத்தர் அல்லது வயதானவர்

சுவை – துவர்ப்பு

சமித்து – வன்னி

ரத்தினம் – நீலம்

சுபாபவம் – குரூரம்

குணம் – பாவி

நாடி – வாத நாடி

ஆசனம் – வில்

தேசம் – சௌராஷ்டிரம்

கண்டம்- ஆப்ரிக்கா

கோத்திரம் – காஸ்யபம்

ருது- வஸந்த ருது

காரகன்- ஆயுள் காரகன்

உச்சம் – துலா ராசியில்

நீசம் – மேஷ ராசியில்

சொந்த வீடுகள் – மகரம், கும்பம்

பார்வை – 3, 7, 10.

நண்பர்கள் – புதன், சுக்கிரன்

எதிரிகள் – சூரியன், சந்திரன், செவ்வாய்

சமமானவர் – குரு

ஆதிக்கம் உள்ள நட்சத்திரங்கள்- பூசம், அனுஷம், உத்ரட்டாதி

தைலம் – நல்லெண்ணெய்

ப்ரீதி செய்ய தானம் – காராம் பசு, நல்லெண்ணெய், இரும்பு

ப்ரியமான பலகாரம்- வெல்லம் கலந்த எள் உருண்டை, எள்ளும்,உளுந்தும் கலந்த சாதம்

To be continued…………………………

tags – சனீஸ்வரன், பகவான், கறுப்புத் துணி

WRITTEN BY S NAGARAJAN                     

Post No. 8943

Date uploaded in London – – –18 NOVEMBER 2020   

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

மஹரிஷி சண்டகௌசிகர் : ஜராசந்தனின் பிறப்பு வரலாறு!̀

ச.நாகராஜன்

மகத தேசத்தை பிருகத்ருதன் என்ற அரசன் ஆண்டு வந்தான்.

கீர்த்தியும் செல்வமும் பெற்றவனாக இருந்த அவன் காசி ராஜனுடைய இரு குமாரிகளை மணம் செய்தான். ராஜ்ய பரிபாலனத்தை நன்றாகச் செய்து வந்த அவன் தனக்கு வாரிசாக வர ஒரு புத்திரனுக்காக ஏங்கி இருந்தான். ஆனால் அவனுக்கு புத்திர பாக்கியம் கிடைக்கவில்லை. ஆகவே மிகுந்த சோகத்தில் ஆழ்ந்தான்.

உரியவர்களைக் கலந்தாலோசித்து புத்திரகாமேஷ்டி யாகம் உள்ளிட்ட யாகங்களைச் செய்தான். ஆனால் பலன் ஏற்படவில்லை. துயரம் அதிகமாயிற்று.

ஒரு சமயம் கௌதம ரிஷியின் வம்சத்தில் உதித்த கக்ஷிவத் என்ற ரிஷியின் புத்திரராகிய  மஹரிஷி சண்டகௌசிக ரிஷி தான் செய்து வந்த உக்கிரமான தவத்தைச் சற்று நிறுத்தி விட்டு உலகில் சஞ்சாரம் செய்து வந்தார். ஒரு மரத்தின் நிழலில் வந்து அவர் உட்கார்ந்தார்.

அரசன் இதைக் கேள்விப்பட்டுத் தன் இரு மனைவி சகிதம் அவரை வந்தடைந்து அவர் கால்களில் வீழ்ந்தான்.

அவருக்கு அநேக ஆடை அணிகளைக் கொடுத்து அவரை பூஜித்தான்.

இதனால் சந்தோஷமடைந்த மஹரிஷி, “ஓ! அரசனே! உன் பால் எனக்கு மிகுந்த சந்தோஷம் உண்டாகிறது. உனக்கு வேண்டும் வரங்களைக் கேள்” என்றார்.

அரசன் கண்களில் நீர் ததும்பிற்று. “மஹரிஷியே! என் ராஜ்யத்தைத் துறந்து காட்டுக்குச் செல்லக் கூட சித்தமாக இருக்கிறேன். எனக்கு புத்திரன் இல்லாததால் பாக்கியம் அற்றவனாக இருக்கிறேன். ஆகவே வரத்தினாலும் எனக்கு பிரயோஜனமில்லை; என் ராஜ்யத்தினாலும் எனக்கு பிரயோஜனம் இல்லை” என்றான்.

இதைக் கேட்ட ரிஷி தன் இந்திரியங்களை அடக்கி அந்த மாமரத்தின் அடியில் யோக தியானத்தில் புகுந்தார். அப்போது அவர் மடியில் இனிய மாங்கனி ஒன்று விழுந்தது. முனிவர் அதை எடுத்து மந்திரங்கள் சொல்லி அதை அரசன் கையில் கொடுத்தார்.

“அரசே! நீ ராஜ்யத்திற்குத் திரும்பிப் போகலாம். உனது மனோபீஷ்டம் நிறைவேறும். நீ காட்டுக்குச் செல்ல வேண்டியதில்லை” என்றார்.

இதனால் சந்தோஷம் அடைந்த மன்னன் நேராக தனது ராஜ்யத்திற்குச் சென்றான்.

அந்த மாம்பழத்தைத் தனது இரு ராணிமார்களுக்கும் கொடுத்தான்.

காலப்போக்கில் அவர்கள் கர்ப்பம் தரித்தனர். இரு ராணிகளும் ஒரு தேகத்தின் இரண்டு கண்டங்களைப் பெற்றனர். ஒரு கண், ஒரு கை, ஒரு கால், அரை வயிறு, அரை முகம், அரை பிருஷ்டம் என ஒரே மாதிரியான இரண்டு கண்டங்களைக் கண்டு அவர்கள் நடுநடுங்கினர். இருவரும் ஆலோசித்து அந்த கண்டங்களை இரு தாதிமார்களிடம் கொடுத்து அவற்றை நன்கு மூடச் செய்து நகர்புறத்தில் கொண்டு  நாற்சந்தியில் எறியச் செய்தனர்.

அந்த இரு துண்டங்களையும் ஜரை என்ற ராக்ஷஸி எடுத்து இரண்டையும் ஒன்று சேர்த்தாள்.

அது உயிர் பெற்ற குழந்தையாயிற்று.

அதை அவள் அரசனிடம் சென்று கொடுத்தாள். அரசன் ஜரையால் ஒன்று சேர்க்கப்பட்டு உயிர் பெற்ற குழந்தை ஆதலால் அந்தக் குழந்தைக்கு ஜராசந்தன் என்று பெயர் சூட்டினான்.

இந்த ஜராசந்தன் தான் காலப் போக்கில் மிக்க வலிமை பெற்ற மன்னனாக ஆனான். பல அரசர்களை ஜெயித்தான்.

கிருஷ்ண பகவானுடன் பல முறை யுத்தங்கள் செய்து இறுதியில் பாண்டவர்களுள் ஒருவனான பீமனால் யுத்தத்தில் கொல்லப்பட்டான்.

இந்த வரலாறை மஹாபாரதம் சபா பர்வத்தில் பதினேழாவது அத்தியாயத்தில் விரிவாகப் படிக்கலாம்.

tags– மஹரிஷி, சண்டகௌசிகர்,  ஜராசந்தன் 

***