WRITTEN BY LONDON SWAMINATHAN

Post No.7783

Date uploaded in London – 4 April 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

ஒரு ஊரில் பணக்கார வணிகர் ஒருவர் இருந்தார். அவருக்கு ஒரு மகள் . அவளை அந்த ஊர் ஆசிரியர் ஒருவரிடம் அனுப்பி கல்வி கற்க வைத்தார்.வருடங்கள் உருண்டோடின. ஒரு நாள் அந்தப் பெண் பருவம் எய்திய செய்தி வந்தது. உடனே அந்த வணிகர் மகளை அழைத்து, “பெண்ணே நீ இனி தினமும்  அவர்  வீட்டுக்குச்  சென்று கல்வி கற்க இயலாது . ஆகையால் ஒரு நல்ல நாளில் அவருக்கு குருதட்சிணை , வெற்றிலை, பாக்கு, பழங்கள் கொடுத்து நமஸ்காரம் செய்து விட்டு வா” என்றார் .

அந்தப் பெண்ணும் ஸ்நானம் முதலியவற்றை முடித்துக் கொண்டு , ஆசிரியர் வீட்டுக்குச் சென்று நமஸ்காரம் செய்துவிட்டு ஆசிர் வதிக்கும்படி கேட்டாள் . tamilandvedas.com, swamiindology.blogspot.com

காமப்பசியில் தகித்த அந்த ஆசிரியர் சொன்னார் — பெண்ணே, உன் அப்பன் எனக்கு நிறைய பணம் கொடுத்துவிட்டார். எனக்கு பணம் ,காசு வேண்டாம். நான் ஆவலுடன் காத்திருந்த நாள் வந்து விட்டது. இத்தனை நாளாக உன்னைக் கட்டித் தழுவக் காத்திருந்தேன் என்று சொல்லி அவள் மீது படு வேகத்தில் பாய்ந்தார்.

அவளோ உயர் குலத்தில்  உதித்த நங்கை. கடுமையான கோபம் கொந்தளிக்க அவரை ஒரே தள்ளாகத் தள்ளி உதறிவிட்டு , “அட கிராதகா! நீ படித்த படிப்புக்கும் நினைத்த நினைப்புக்கும் கொஞ்சமும் சம்பந்தமே இல்லையே ; நீ நாசமாய்ப் போ” என்று சொல்லிவிட்டு வீட்டுக்கு விரைநதாள் . tamilandvedas.com, swamiindology.blogspot.com

அவருடைய அப்பா அப்போது பிஸினஸ்  விஷயத்தில் பிஸியாக இருந்ததால் இது பற்றிப் பேசவில்லை. அம்மாவிடம் மட்டும் அழுது புலம்பினாள்.

இதற்குள் கள்ள ஆசிரியருக்கு மின்னல் வேகத்தில் புத்தி வேலை செய்தது. தோளில் அங்க வஸ்திரம், அதற்கடியில் ஜிப்பா, கையில் ஒரு ஜோதிட புஸ்தகத்துடன் வணிகர் வீட்டுக்கு விரைந்தார். அவர் வழக்கமாக கொடுக்கும் மரியாதை எல்லாவற்ரையும் கொடுத்து ராஜ உபசாரம் செய்தவுடன் மகள் இன்னும் அப்பாவிடம்  தன்னுடைய வண்டவாளத்தை (வண்டல் வளம்) தண்டவாளத்தில் ஓடவிட வில்லை என்பதை அறிந்து ஆனந்தம் கொண்டார்.

ஒரு அவசர விஷயம் பேச வந்தேன் என்றவுடன், அவரும் கணக்குப் புஸ்தகம் எல்லாவற்றையும் மூடி விட்டுக் காது  கொடுத்தார் .

ஆசிரியர் தொடர்ந்தார்– சொல்லுவதற்கே கஷ்டமாக இருக்கிறது; உங்கள் மகள் பருவம் எய்திய பொது கிரகச் சேர்க்கை சரியில்லை. இதனால் உங்கள் குடும்பத்துக்கும் அவளுக்கும் பேராபத்து ஏற்படும் என்று சொல்லி 12 ராசிகள், ஓன்பது கிரகங்கள், 27 நட்சத்திரங்களை வம்புக்கு இழுத்து அளவளாவினார். ஆசிரியர் மீது  இதுகால பர்யந்தம் நன் மதிப்பு இருந்ததால் அவர் சொன்னதை வேத வாக்காக வணிகர் ஏற்றார். tamilandvedas.com, swamiindology.blogspot.com

“ஆசிரியரே, எல்லாவற்றுக்கும் பரிகாரம் இருக்கிறதே. இதற்கும் பரிகாரம் இருக்குமே?” என்றார் வணிகர்.

 “ஆமாம் உண்டு ; அதைச் சொல்லத்தான் ஓடோடி வந்தேன் என்றார் . உங்கள் மகள் ஒரு க்ஷணம் கூட உங்களுடன் இருக்கக்கூடாது. அவளை ஒரு பெட்டியில் வைத்து, ஆற்றில் மிதக்க விடுங்கள்; அவள் ஜாதகம் கெட்டி; அவள் பிழைத்துக் கொள்வாள். நீங்களும் சுகமாக  வாழ்வீர்கள்” என்று சொன்ன மாத்திரத்தில் அவரும் ஏற்பாடுகளைத் துவங்கினார்.

ஆசிரியர், இதுவரை தான் போட்ட திட்டங்கள் வெற்றி அடைந்த களிப்பில் வீடு ஏகினார்.

இரவில் தூங்கும் நேரத்தில், அந்தப் பெண்ணும் பெட்டியில் வைக்கப்பட்டு ஆற்றில் மிதக்க விடப்பட்டாள் .

அந்தக் காலத்தில் அரசர்கள் காட்டுக்கு வே ட்டை ஆட வருவது வழக்கம். ஒரு மன்னன் ஒரு புலியை வேட்டையாடி, காயமடைந்திருந்த அந்தப் புலியைக்  கயிற்றைக் கட்டி இழுத்துவந்து  ஆற்றில் தண்ணீர் குடிக்க இறங்கினார் ; தண்ணீரில் மிதந்து வரும் பெட்டியைப் பார்த்து , ஆவலுடன் திறந்தார். அழகிய பருவக் குமரியைக் கண்டு ஆனந்தம் கொண்டார் . தங்கப் பல்லக்கில் அவளை வைத்து அரண்மனைக்குக்  கொண்டு சென்றார் .

அப்படிப் போவதற்கு  முன்னர் தான் பிடித்து வந்த காயமடைந்த புலியைக்  கட்டவிழ்த்து பெட்டிக்குள் வைத்து பத்திரமாக ஆற்றில் மிதக்கவிட்டார். இவ்வளவு திட்டத்துக்கும்  மூல காரணமான ஆசிரியர் ஒரு பாலத்தின் அருகில் பெட்டியைப் பிடித்திழுக்க சில வேலைக்காரர்களுடன் காத்திருந்தார். பெட்டியும் வந்தது. வந்திருந்த வேலைக் காரர்களின் தலையில் ஏற்றி வீட்டுக்கு கொண்டு சென்றார். எல்லோரையும் கூலி கொடுத்து அனுப்பிவிட்டு சந்தன ஜவ்வாது பூ ச்சுடன் வந்தார். பெட்டியைப் படுக்கை அறைக்குள் கொண்டு சென்றார். பெட்டிக்கு அருகில் போய் காதல் மொழிகள் கிளர்ந்தார். இப்போது  உன் மனம் மாறியிருக்குமே என்று சொல்லிக் கொண்டே பெட்டியைத் திறந்தார். புலியோ, அடி பட்ட நாகம் போல சீறிப் பாய்ந்து ஆசிரியரைக் குதறிக்கொன்றது. tamilandvedas.com, swamiindology.blogspot.com

பேராசை பெரு நஷ்டம்!

தினை விதைத்தவன் தினை  அறுப்பான்;

வினை விதைத்தவன் வினை அறுப்பான்.

Tags – தினை, விதைத்தவன், வினை, பெண், புலி, ஆசிரியர்

—subham—

WRITTEN BY LONDON SWAMINATHAN

Post No.7779

Date uploaded in London – 3 April 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

ஒரு ரகசிய விஷயம் சொல்கிறேன்.திருமதி இந்திரா காந்தி பிரதமராக  இருந்தபோது ‘வேலியே பயிரை மேய்ந்தது போல’ அவருடைய சீக்கிய காவலர்களே அவரைச் சுட்டுக்கொன்றனர். அன்றிரவு அடுத்த சில நாட்களும் காங்கிரஸ் தலைவர்கள் புடை சூழ ரவுடிகள் சென்று 3000 சீக்கியக் குழந்தைகள், பெண்கள், வயதானோரைக் கொன்று குவித்தனர். அப்போது இந்தச் செய்தி காஞ்சி பரமாசார்ய சுவாமிகள் ஸ்ரீ சந்திர சேகர  இந்திர  ஸரஸ்வதி (1894-1994)  காதிலும் விழுந்தது . காஞ்சிக் கோவில்களில் 3000 மோட்ச தீபங்கள் ஏற்றி வைக்குமாறு பக்தர்களுக்கு ஆணையிட்டார்.  இறந்தவர்கள் இந்துக்கள் அல்ல. ஆயினும் அவர்களின் ஆவி இறைவனடி சேர அருள் மழை பொழிந்தார். இறந்தவர்களின் ஆவியைத் திருப்திப் படுத்துவது தம் கடமை என்று கருதி பிராமணர்கள் ஆண்டு தோறும் செய்யும் 96 தர்ப்பணங்களில் நண்பர்களுக்கும் நாதி/ ஞாதி  (சொந்த பந்தம்) இல்லாதோர்களுக்கும் கடைசியாக எள்ளும் தண்ணீரும் இறைப்பர் . இதனால்தான் பிராமணர்களுக்கு எல்லோரும் அள்ளிக் கொடுத்தார்கள்.

இப்போது  இந்திய பிரதமர் நரேந்திர மோடி விடுத்த வேண்டு கோளுக்கும் இறந்த ஆவிகளுக்கும் சம்பந்தம் உண்டு.

சீனாவில் ஒரு நகரில் மட்டுமே 48,000 மக்கள் குரோனா வைரஸ் தாக்குதலில் இறந்தது இபபோதுதான் கொஞ்சம் கொஞ்சமாக வெளியே வருகிறது. அமெரிக்கா, இத்தாலி, பிரான்ஸ், ஸ்பெயின் போன்ற நாடுகளிலிருந்தும் பல்லாயிரக் கணக்காக மக்கள் இறந்து வரும் செய்திகள் வந்து குவிகின்றன. ஒவ்வொரு நாட்டிலும் ஒரு (Mathematical model/ graph) கணித கிராப் வரைந்து பீக் (Peak Period)  பிரியட் எது, எவ்வளவு பேர் சாவார்கள் என்று யுனிவர்சிட்டிகளில் உள்ள சாக்குருவிகளும் ஆந்தைகளும் ஓலமிடுகின்றன. அந்த எம தூதர்கள் சொன்னது ஓரளவு உண்மையாகி வருகிறது. ஆனால் உலகிலேயே ஏழாவது பெரிய நாடான, உலகிலேயே இரண்டாவது பெரிய ஜனத்தொகையுள்ள நாடான இந்தியாவில், இதுவரை அதிசயம் நிகழ்ந்து வருகிறது. எப்படி? tamilandvedas.com, swamiindology.blogspot.com

நரேந்திர மோடிக்கு யாரோ மந்திர தந்திரம் தெரிந்தவர்கள் சில சடங்குகளைச் செய்யச் சொல்லி  இருக்கிறார்கள். அதனால் தான்  அவர் நம்மைக் கைதட்டும்படி சொன்னார். பேய்களை ஓட்டவும் பாம்பை விரட்டவும் கைதட்டுவது வழக்கம். மணி அடித்தாலும் தீய சக்திகள் ஊரை விட்டு வெளிப்புறத்துக்குப் போய்விடும். இதனால்தான் பிரம் மாண்டமான  ஆலய மணிகளை ஒரு நாளைக்கு மூன்று முதல் ஆறுமுறை வரை அடிக்க ஏற்பா டு செய்தார்கள் இந்துக்கள்.  இதையும் இறந்தவர்கள் வீட்டில் விளக்கு ஏற் றுவதையும் கிறிஸ்தவர்கள் கூ ட நம்மிடமிருந்து கற்று இன்று வரை பின்பற்றி வருகிறார்கள்.

மோடி அவர்கள் இந்தியாவில் துவக்கி வைத்த கைதட்டலை பிரிட்டன் முதலிய நாடுகளும் பின்பற்றத் துவங்கிவிட்டன.

நேற்று வியாழக் கிழமை நாங்கள் இரண்டாவது வாரம் கை தட்டி டாக்டர்கள், நர்ஸுகள், பாரா மெடிக்குகளுக்கு நன்றி தெரிவித்தோம். இனி வாரம்தோறும் இப்படிச் செய்வோம். அப்படிச் செய்கையில் பி பி சி முதலான டெலிவிஷன்கள் ஒளி, ஒலி பரப்பை நிறுத்திவிட்டன.

இப்போது  நாட்டு மக்களுக்கு நரேந்திர மோடி வெளியிட்ட ஒரு வீடியோ செய்தியில் ஞாயிற்றுக்  கிழமை இரவு (5-4-2020) ஒன்பது மணிக்கு வீடுகளில் விளக்குகள் அல்லது மெழுகு திரிகளை ஏற்றச் சொல்லி இருக்கிறார் . இதில் இரண்டு பலன்கள் உண்டு .

முதல் பலன் தீய சக்திகள் , பூமியை வலம் வரும் பல்லாயிரக்கணக்கான கிறிஸ்தவ முஸ்லீம் ஆவிகள் கடைத்தேறும். ஈரான் , ஸ்பெயின் , இத்தாலி, அமெரிக்காவில் ஏராளமானோர் இறந்து வருகின்றனர். இத்தகைய ஆவிகள் வழி  தெரியாமல் திணறும் என்றும் அது திருப்பித் திருப்பி சுற்றிவரும் இடங்களில் விளக்கு ஏற்றி வைத்தால் அது 12 நாட்களுக்குப் பின்னர் சென்றுவிடும் என்றும் இந்து மத நூல்கள் விளம்பும் . மோடி விளக்கேற்றச் சொல்வதன் தாத்பர்யம் இதுதான். விளக்கு இல்லாதவர்கள் மொபைல் போன் வெளிச்சம் டார்ச் வெளிச்சம் ஆகியவற்றைப் பயன்படுத்தலாம். tamilandvedas.com, swamiindology.blogspot.com

மோடி பல சமய மக்கள் வாழும் ஒரு நாட்டின் தலைவர். ஆகையால் சமயம், சடங்கு என்று சொல்லாமல் இப்படி ‘நன்றி தெரிவிக்கும் கடனாக’ இதைச் செய்யச் சொல்கிறார். உண்மையில் அவருக்கு மந்திர தந்திரம் தெரிந்த ஒரு மஹான் ஆலோசனை வழங்குகிறார் என்றே நான் நம்புகிறேன்.

ராமாயண அணில் ஆக மாறுவோம்

இரண்டாவது பலன் என்ன?

நாட்டு மக்கள் எல்லோரையும் ஒரே செயலைச் செய்யவைத்தால் ஒற்றுமை ஓங்கும். முயற்சிகள் பலம் பெறும் . இதனால்தான் மஹாத்மா காந்தி போன்றோர் ‘ரகுபதிராகவ’ராஜாராம்  பஜனை பாடினர். நேதாஜி ஜெய்  ஹிந்த் என்றார் . பங்கிம் சந்திர சாட்டர்ஜீ , வந்தே மாதர கீதத்தையும் கோஷத்தையும் அறிமுகப்  கப்படுத்தினார். லட்சக் கணக்கான ஆர் எஸ் எஸ்.காரர்கள் நாள் தோறும் பாரத் மாதா கி ஜெய் என்று ஷாகாக்களில் கோஷம் இடுகின்றனர்

ராமாயணத்தில் ஒரு அணில்கூட சேது அணை  கட்டும் வேலை யில் உதவ சிறு கற்களை எடுத்துக் போ ட்டு உதவியதாகப் படிக்கிறோம். அது போல பேய், பிசாசு, ஆவி  முதலியவைகளில் நம்பிக்கை இல்லாதோர் கூட நல்ல காரியத்தில் இறங்கியோருக்கு நம் ஆதரவை நன்றியைத் தெரிவிக்க ஞாயிற்றுக் கிழமை இரவில் விளக்கு ஏற்றுவோம். “எல்லோரும் இன்புற்றிருப்பதேயன்றி யாம் ஒன்றும் அறியோம் பராபரமே” என்று பாடுவோம். “யாம் பெற்ற இன்பம்  பெறுக இவ்வையகம்” என்று சொல்லி

ஆடுவோம். “நோயற்ற வாழ்வே குறைவற்ற  செல்வம்” என்பதை உணர்த்துவோம். கொரானா வைரஸையும் அதை ஆதரிப்போரையும் ஓட ஓட விரட்டுவோம்.

லோகா ஸமஸ்தா சுகினோ பவந்து !

tags – மோடி ,மந்திரவாதி, தீர்க்க தரிசி, ராமாயண அணில்

சுபம்

WRITTEN BY LONDON SWAMINATHAN

Post No.7777

Date uploaded in London – 3 April 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

கிரேக்க நாட்டிலிருந்து ஒரு சுவையான கதை !

டமோக்ளிஸ் ஸ்வோர்ட் – (Sword of Damocles) டமக்ளிஸின் வாள் – கதை தெரியாத ஆங்கில மாணவன் இருக்க முடியாது. ஏனெனில் கிரேக்க நாட்டில் தோன்றிய இக்கதை சிசரோ (cicero) மூலம் பரவி, ஷேக்ஸ்பியர் , சாசர் , ஜான் எப் கென்னடி, நிகிதா குருஷேவ் மூலம் உலகம் முழுதும் பரவிய விஷயம்.

கிரேக்க நாட்டின் கீழ் இருந்தது சிசிலி (Syracuse, Sicily, now in Italy) தீவு.

சிராக்கியுஸ் என்ற நகரிலிருந்து சுமார் 2400 ஆண்டுகளுக்கு முன்னர், டயோனிஸ் (Dionysius)  என்ற மன்னன் ஆண்டு வந்தான் . நம்மூர் புலவர்கள் சேர, சோழ, பாண்டிய மன்னர்களைப் புகழ்வது போல டாமோக்லிஸ் என்பவர் அவ்ருடைய புகழ் பாடிக்கொண்டே இருந்தார்.

“மன்னா, நீ மிகவும் அதிர்ஷ்ட சாலி ;  உனக்கு என்ன சுகபோகம்தான். நீ ஒரு நித்ய ஆனந்தன் ; மஹா ஆ னந்தன் ; பிராம்மானந்தன்” — என்று சொல்லிக் கொண்டே இருந்தார். tamilandvedas.com, swamiindology.blogspot.com

ஆனால் மன்னன் டயோனிச்சுக்கோ ஏராளமான எதிரிகள். யார் எப்போது தன் மீது கத்தியைப் பாய்வார்களோ என்று பயந்து கொண்டே ஆண்டான். தனக்கு முடி வெட்டிவிடக் கூட மகளை மட்டுமே அனுமதித்தான். அந்த மன்னன் ஒரு சர்வாதிகாரி. எல்லோரையும் தன் ஒரு விரல் அசைவுக்குள் அடக்கி வைத்திருந்தான் .

பிரதமர் பதவி, ஜனாதிபதி பதவி, மன்னர் பதவி எல்லாம் “நித்ய கண்டம்  பூரண ஆயுசு” போன்றது என்பதை டமாக்கிளிசுக்குப் புரிய வைக்க வேண்டும் என்று திட்டம் போட்டான். ஒரு நாள் அவரைக் கூப்பிட்டு “அன்பரே யான் பெற்ற இன்பம் பெறுக இவ்வையகம். நீரும் இந்த ஆசனத்தில் அமர்ந்து ஒரு நாளாவது இந்த தேசத்தை ஆள வேண்டும் என்பது எம் அவா”- என்றான்

இதைக்கேட்டவுடன் அவருக்கு மிக்க சந்தோசம் ; கட்டாயம் நாமு ம ஆள்வோம் என்று அரியணையில் அமர்ந்தார். மன்னன் என்ன செய்தான் தெரியுமா? ஒரு குதிரை மயிரில் ஒரு கொலை வாளினை அவர் தலைக்கு மேல் தொங்க விட்டிருந்தான். அது எந்த நேரத்திலும் தலை மீது விழுந்து கபா லத்தைப் பிளந்து விடும் என்று பயந்தான் டமாக்கலிஸ் . அய்யயோ எனக்கு இந்த மரண பயம் உள்ள பதவி வேண்டாம் அப்பா என்று ஒடி வந்து விட்டான் .

ஒரு மன்னர் பதவி என்பது  ஆபத்து நிறை ந்தது.  யார் எப்போது குழி பறிப்பார் என்று பயந்து கொண்டே இருக்க வேண்டும் . பிரதமர், ஜனாதிபதி பதவி வகிப்போர் , எதிர்க் கட்சியினரின் சதி வேலைகளை சமாளிக்க வேண்டும் . இதனால்தான் பெரிய பதவிகளை சிசரோ போன்றோர் வாளுக்கு ஒப்பிட்டனர். tamilandvedas.com, swamiindology.blogspot.com

இந்தியக் கவிஞர்களும் வாள் என்பதை யமனுக்கு ஒப்பிட்டனர்

xxxxx

நாள் என்றால் என்ன?

பகற்பொழுது.

அதாவது ஒவ்வொரு முறை சூரியன் உதிக்கும்போது ஒரு நாள்.

இதைக் கவிஞர்கள் பெரிதும் வருணித்து விதந்து ஓதுவர் .

ஆனால் திரு வள்ளுவனும், குறுந்தொகைப் பாடல் பாடிய அள்ளூர் நன்முல்லை ( மிஸ் சுகுமாரி)யும் , ஆங்கில அந்தகப் புலவன் ஜான் (Milton) மில்டனும், நாலடியார் பாடிய ஒரு புலவனும் நாள் என்பது ஒரு கத்தி, ஒரு வாள் போன்றது என்று வருணித்துள்ளனர் . ஏன் ?

கடவுள் நமக்குக் கொடுத்த வாழ் நாளில் தினமும் கொஞ்சம் கொஞ்சமாக அறுபட்டிக் கொண்டு இருக்கிறது. தலைக்கு மேல் இப்படி ஒரு வாள் , நமக்கு எதிராகச் சதி செய்து கொண்டு இருக்கிறது என்பதை நாம் உணர்வதில்லை. அதாவது கூடவே இருந்து நமக்குக் குழி பறித்துக் கொண்டு இருக்கிறது. tamilandvedas.com, swamiindology.blogspot.com

இதை வள்ளுவன் தன் ஞானக் கண்களால் பார்த்துவிட்டான். உடனே

“நாளென ஒன்று போல் காட்டி உயிர் ஈரும்

வாளது உணர்வார்ப்  பெறின்” – குறள் 334

என்றான்.

நிலையாமை என்னும் அதிகாரத்தில் பாடிய பத்து குறள்களும் பத்து ரத்தினங்கள்.

இந்தக் குறளின் பொருள் என்ன?

‘நாள் என்பது காலத்தைக் காட்டும் அளவுகோல் போல பாசாங்கு செய்துவிட்டு, உண்மையில் உயிரை உடம்பினின்று வெட்டும், அறுக்கும் ஒரு வாளாகச் செயல்படுகிறது . இது யாருக்குத் தெரியும்?  ஆராயும் அறிவுடையோர்க்கு  மட்டும் தெரியும்’ .

TIME SEEMS ALL SMILES AND LAUGHTER, BUT VERILY IT IS A SAW THAT CEASELESSLY SAWS AWAY THE LIFE OF MAN.

XXX

குக்கூ என்றது கோழி! என்ற சங்கத் பாடலில் நன்முல்லையும் இதைப் பாடுகிறார். ஒவ்வொரு நாள் வைகறைப் பொழுதையும் வாள்  என்று வருணிக்கிறார். இதோ அந்தப் பாடல் – tamilandvedas.com, swamiindology.blogspot.com

“குக்கூ என்றது கோழி; அதன் எதிர்

துட்கென்றன்று என் தூஉ நெஞ்சம் —

தோள் தோய் காதலர்ப் பிரிக்கும்

வாள் போல் வைகறை வந்தன்றால் எனவே.”

–அள்ளூர் நன்முல்லை (MISS SUKUMARI)

–குறுந்தொகைப் பாடல் 157

பாடலின் பொருள்-

“கோழி குக்கூ என்று கூவியது. அதற்கு நேராக எம் தோளைத் தழுவும் காதலரைப் பிரியச் செய்யும் வாளைப் போன்ற விடியற் காலைப் பொழுது வந்தது. எனது தூய நெஞ்சம் அதனால் அச்சத்தை அடைந்தது”.

இதை ஆங்கிலக் கவிஞன் ஜான் மில்டன் இப்படிப் பாடுகிறான்–

The scythe of time mows down – Milton

அவர்க்கு ஆயிரம் ஆண்டுக்கு முன்னரே நாலடியார் பாடிய புலவர்களில் ஒருவர் சொல்கிறார்

((‘சுகுமாரி’ என்பது மல்லிகை, முல்லை, பிச்சிப் பூ   வகையில் ஒன்று. அதைத் தமிழில் ‘நன்முல்லை’ என்று மொழிபெயர்த்துக் கொண்டார் அந்த பெண்பாற் புலவர். பிற்காலத்தில் வி.கோ.சூர்ய நாராயண சாஸ்திரி என்பதைத் தமிழில் ‘பரிதிமாற் கலைஞர்’ என்று மொழிபெயர்த்துக் கொண்டு தமிழ் கூறு  நல்லுகத்துக்கு ஒரு மதுரைப் பிராம்மணன் சேவை செய்ததை நாம் அறிவோம்.))

இதோ நாலடியார்  பாடிய பு லவர்களில்  ஒருவரின் பாடல்

“தோற்றஞ் சால் ஞாயிறு நாழியா வைகலும்

கூற்றமளந்து நுந்நாளுண்ணும் – ஆற்ற

அறஞ் செய் தருளுடையீ ராகுமின் யாரும்

பிறந்தும் பிறவாதாரில்” .–நாலடியார் , பாடல் 7

பொருள் tamilandvedas.com, swamiindology.blogspot.com

“ஒளிமிக்க சூரியனை அளக்கும் ‘படி’ – யாகக் கொண்டு யமன் உங்களுடைய ஆயுளை தினமும் அளந்து கொட்டிக்கொண்டு இருக்கிறான் . ஆகையால் அதிக தருமங்களைச்  செய்து பிறர் இடத்தில் அருள் மழை பொழியுங்கள் . அப்படிச்  செய்யாவிடில் இருந்தும் இறந்தவர்களே” .

Yama, the God of Death devours away your life daily using the resplendent sun as his measure.  Perform therefore virtuous deeds and become compassionate, for otherwise all those that are born will be considered as unborn.

(They alone live who live for others, the rest are more dead than alive – Swami Vivekananda)

ஒருவர்  வாள் என்றார் . இன்னும் ஒருவர் நெல் அளக்கும் ‘படி’ என்கிறார்.

வாழ்க தமிழ்!

Tags –

டமாக்களிஸ் , வாள் , வாழ்நாள் , அறுக்கும் , சிராக்கியூஸ், வாளும் நாளும்

–subham–

WRITTEN BY S NAGARAJAN                     

Post No.7776

Date uploaded in London – – 3 April 2020

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

வள்ளல் சீதக்காதியை இழந்து வருந்திய புலவரின் பாடல்கள்!

ச.நாகராஜன்

தமிழ்ப் புலவர்களை ஆதரித்த மன்னர்களும், வள்ளல்களும், ஜமீந்தார்களும் தமிழ் நாட்டில் ஏராளமானோர் உண்டு.

இவர்களுள் குறிப்பிடத் தகுந்த ஒருவர் தமிழ் நாட்டில் வாழ்ந்த சீதக்காதி.. இஸ்லாம் சமயத்தைச் சேர்ந்த இவரது இயற் பெயர் ஷைகு அப்துல் காதிறு மரக்காயர் என்பதாகும். ஷெய்க் அப்துல் காதர் என்றும் இவர் அழைக்கப்படுகிறார்.

சமய வேறுபாடின்றி அனைவரையும் ஒரு சேர ஆதரித்த சீதக்காதி தமிழ் புலவர்கள் பால் பேரன்பும் பெரு மதிப்பும் கொண்டவர்.

இவரது காலம் பற்றிச் சரியாகச் சொல்ல முடியவில்லை என்றாலும் ஆய்வாளர்கள் இவரை பதினேழாம் நூற்றாண்டின் இறுதிப் பகுதியில் இருந்திருக்கலாம் என்கின்றனர். (1650-1720)

இவர் மறைந்ததைக் கேட்டு துக்கம் தாளாமல் அரற்றி அழுது புலம்பிய பாவலர் பலர்.

பொற்களந்தை படிக்காசுத் தம்பிரான் சீதக்காதி மறைவு கேட்டு இரங்கிப் பாடிய பாடல் இது:

விண்ணுக்கு மண்ணுக்கும் பேராய் விளங்குதே வேந்த்ரனெனும்

கண்ணுக் கினிய துரை சீதக் காதி கமலநிகர்

தண்ணுக் கிசைந்த வதனசந்த் ரோதய சாமியிந்த

மண்ணுக்குள் ளேயொளித் தான்புல வோர் முகம் வாடியவே

பாடலின் பொருள் ;- விண்ணுக்கும் மண்ணுக்கும் பேராய் விளங்கும் – விண்ணுலகிலும் மண்ணுலகிலும்  பிரபலமாய் விளங்கும்

தேவேந்த்ரன் எனும் – தேவேந்திரன் என்று கூறப்பட்ட

கண்ணுக்கு இனிய துரை சீதக்காதி – கண்ணுக்கு இனிய துரையாகிய சீதக்காதி

கமல நிகர் – தாமரை மலரை நிகர்த்த

தண்ணுக்கிசைந்த வதன சந்த்ரோதய சாமியானவன் – குளிர்ச்சி பொருந்திய சந்திரோதயம் போன்ற முகத்தை உடைய சாமி ஆனவன்

இந்த மண்ணுக்குள்ளே ஒளித்தான் – இந்த மண்ணுக்குள்ளே மறைந்தான்

புலவோர் – புலவர்களது

முகம் வாடியவே – முகங்கள் வாடிப் போயினவே

மறந்தாகி லுமரைக் காசுங் கொடாமட மாந்தர் மண்மேல்

இறந்தாவ தென்ன விருந்தாவ தென்ன விறந்து விண்போய்ச்

சிறந்தாலுங் காயற் றுறைசீதக் காதி திரும்பிவந்து

பிறந்தா லொழியப் புலவோர் தமக்குப் பிழைப்பில்லையே

பாடலின் பொருள் :-

மறந்தாகிலும் அரைக் காசு கொடா மட மாந்தர் – மறந்தும் கூட அரைக்காசு கூட ஒருவர்க்குக் கொடாத அறியாமையுள்ள மக்கள்

மண் மேல் இறந்து ஆவது என்ன – உலகில் இறந்தால் உண்டாகும் நஷ்டம் தான் என்ன

இருந்து ஆவது என்ன – அவர்கள் உயிர் வாழ்வதால் உண்டாகும் லாபம் தான் என்ன

இறந்து விண்போய் சிறந்து ஆளும் – இறந்து விண்ணகம் சென்று மேன்மையை அடைந்து அவ்வுலகையும் ஆளுகின்ற

காயல் துரை சீதக்காதி – காயல்பட்டணத்தைச் சேர்ந்த துரையாகிய சீதக்காதி

திரும்பி வந்து பிறந்தாலொழிய – திரும்பி வந்து பிறந்தால் அன்றி

புலவோர் தமக்கு பிழைப்பு இல்லையே – புலவர்களுக்கு பிழைப்பு இல்லை

சீதக்காதி மறைந்ததைக் கேட்டு பெரிதும் வருந்திய இன்னொரு புலவர் நமச்சிவாயப் புலவர்.

அவர் வருந்திப் பாடிய பாடல் இது:

பூமா திருந்தென் புவிமா திருந்தென் பூதலத்தில்

நாமா திருந்தென்ன நாமிருந் தென்னநன் நாவலற்குக்

கோமா னழகமர் மால்சீதக் காதி கொடை மிகுந்த

சீமா னிறந்திட்ட போதே புலமையும் செத்ததுவே

பாடலின் பொருள் :

பூமாது இருந்து என் – திருமகள் இருந்து என்ன பயன்

புவி மாது இருந்து என் – நிலமகள் இருந்தால் என்ன பயன்

பூதலத்தில் நாமாது இருந்தென்ன – உலகில் சரஸ்வதி இருந்தால் என்ன பயன்

நாம் இருந்து என்ன – நாமிருந்தால் தான் என்ன பயன்

நல் நாவலர்க்கு – நல்ல வித்வான்களுக்கு

கோமான் – தலைவன்

அழகு அமர் – அழகு அமைந்த

மால் – பெருமையை உடையவன்

சீதக்காதி – சீதக்காதி

கொடை மிகுந்த சீமான் – ஈகை மிகுந்த பெரும் செல்வன்

இறந்திட்ட போதே – அவன் இறந்த பொழுதே

புலமையும் செத்ததுவே – புலமையும் இறந்தது.

இன்னும் சீதக்காதியின் பெருமை பேசும் சோகம் மிகுந்த பாடல்கள் ஏராளம் உண்டு. வள்ளலின் பெருமையையும் புலவர்களின் பெருமையையும் உணர்த்தும் அந்தப் பாடல்கள் தமிழுக்குப் பெருமை சேர்ப்பவை.

Tags  —  சீதக்காதி,  இஸ்லாம், நமச்சிவாயப் புலவர், படிக்காசுத் தம்பிரான், வள்ளல்

Seethakathi | Tamil and Vedastamilandvedas.com › tag › seethakathi

Translate this page2 Dec 2013 – சீதக்காதி, தனசெகரன் போட்டோ. Picture of Seethakkathi arch at Keelakkarai. Hits so far 210,636. Post No. 729 dated 2nd December 2013 by london swaminathan. There is a well known proverb in Tamil …

***