Written by S NAGARAJAN

Date: 8 May 2017

Time uploaded in London:-  6-14 am

Post No.3888

Pictures are taken from different sources; thanks.

contact: swami_48@yahoo.com

ஹிந்து மதத்தின் பெருமை

ஒரு ஹிந்துவாக இருப்பதில் என்ன சிறப்பு இருக்கிறது? – 1

மூலம் : FRANCOIS GAUTIER

தமிழாக்கம் : ச.நாகராஜன்

• கடவுள் மீது எனக்கு நம்பிக்கை – ஆஸ்தீகன் – சரி தான், ஏற்றுக்கொள்கிறோம்.
• கடவுள் மீது எனக்கு நம்பிக்கை இல்லை – நாஸ்திகன் – சரி தான், உங்களை நாஸ்திகனாக ஏற்றுக்கொள்கிறேம்.
• உருவ வழிபாட்டைச் செய்ய விரும்புகிறேன். – உம், தொடருங்கள். மூர்த்தி பூஜை செய்பவர் நீங்கள்.
• உருவ வழிபாட்டைச் செய்ய விரும்பவில்லை – அதனாலென்ன, பரவாயில்லை, நீங்கள் நிர்குண பிரம்மத்தின் மீது கவனம் கொள்பவர்.
• நமது மதத்தில் உள்ள சிலவற்றை விமர்சிக்க விரும்புபவரா, வாருங்கள், நாம் தர்க்கரீதியானவர்கள் தாம். நியாயம், தர்க்கம் முதலியவை ஹிந்து தர்மத்தின் அடிப்படைக் கோட்பாடுகளே.
• நம்பிக்கைகளை அப்படியே ஏற்க விரும்புகிறேன். நிரம்ப மகிழ்ச்சி. அப்படியே தொடருங்கள்.

• முதலில் பகவத்கீதையைப் படித்து விட்டு என் பயணத்தைத் தொடர விரும்புகிறேன். – நிச்சயமாக, அப்படியே ஆகட்டும்!
• முதலில் உபநிஷத்துகளைப் படித்து விட்டு என் பயணத்தைத் தொடர விரும்புகிறேன். – நிச்சயமாக, அப்படியே ஆகட்டும்!

• முதலில் புராணங்களைப் படித்து விட்டு என் பயணத்தைத் தொடர விரும்புகிறேன். – நிச்சயமாக, அப்படியே ஆகட்டும்
• புராணங்களையோ இதர சாஸ்திரங்களையோ படிக்க விரும்பவில்லை. பிரச்சினையே இல்லை. பக்தி மார்க்கத்தில் செல்லலாம்,அன்பரே!
• பக்தி மார்க்கம் பிடிக்கவில்லை. அதனாலென்ன, கர்மத்தைச் செய்யுங்கள். கர்ம யோகியாக இருங்கள்
• வாழ்க்கையை அனுபவிக்க விரும்புகிறேன். சரி தான், வாருங்கள், அது சார்வாக கொள்கை.
• எல்லா வித இன்பங்களும் எனக்கு வேண்டாம். கடவுளை அடைய விரும்புகிறேன். ஓ, ஜெயம் உண்டாகட்டும், அது சாதுவின் வழி. சந்யாச மார்க்கம் அது.

14) கடவுள் என்ற கருத்தே எனக்குப் பிடிக்கவில்லை. – நீங்கள் இயற்கையை விரும்புகிறீர்கள். உங்களை வரவேற்கிறோம். (மரங்கள் நமது நண்பர்களே. பிரகிருதி அல்லது இயற்கை என் வழிபடுவதற்கான ஒன்றே தான்)

15)  ஒன்றே தெய்வம் என்பது எனக்குப் பிடிக்கிறது. உயரிய ஆற்றல் ஒன்று மட்டுமே உண்டு. சபாஷ்! அது தான் அத்வைதக் கொள்கை.

அடுத்த பகுதியுடன் இந்தக் கட்டுரை நிறைவுறும்.

ஆதாரம் : 28-04-2017 தேதியிட்ட TRUTH வார இதழ் (கல்கத்தாவிலிருந்து வெளி வருகிறது)

இதன் ஆங்கில மூலத்தைக் கீழே காணலாம்:

What is special about being a Hindu

by Francois Gautier

1) Believe in God ! – Aastik – Accepted.

2) Don’t believe in God! – You’re accepted as Nastik.

3) You want to worship idols– please go ahead. You are a murti pujak.

4) You dont want to worship idols– no problem. You can focus on Nirguna Brahman.

5) You want to criticise something in our religion. Come forward. We are logical. Nyaya, Tarka etc. are core Hindu schools.

6) You want to accept beliefs as it is. Most welcome. Please go ahead with it.

7) You want to start your journey by reading Bhagvad Gita– Sure!

8) You want to start your journey by reading Upanishads– Go ahead.

9) You want to start your journey by reading Purana– Be my guest.

10) You just don’t like reading Puranas or other books. No problem my dear. Go by Bhakti tradition. (bhakti– devotion)

11) You don’t like idea of Bhakti! No problem. Do your Karma. Be a karmayogi.

12)You want to enjoy life. Very good. No problem at all. This is Charvaka Philosophy.

13)You want to abstain from all the enjoyment of life and find God– Jai ho ! Be a Sadhu, an ascetic!

14)You don’t like the concept of God. You believe in Nature only– Welcome. (Trees are our friends and Prakriti or nature is worthy of worship).

15)You believe in one God or Supreme Energy. Superb! Follow Advaita philosophy.

நன்றி

28-04-2017 TRUTH

PART -2

ஒரு ஹிந்துவாக இருப்பதில் என்ன சிறப்பு இருக்கிறது? – 2

16) எனக்கு ஒரு குரு வேண்டும். – அப்படியே ஆகட்டும், ஒரு குருவிடம் செல்லுங்கள், ஞானத்தை அடையுங்கள்

17) எனக்கு குரு தேவையில்லை. அதனாலென்ன, நீங்களே தொடங்கலாம். தியானியுங்கள், படியுங்கள்.

18) சக்தி என்ற ஆற்றலை நம்புகிறேன். நீங்கள் ஒரு சக்தி உபாசகர்.

19) எல்லா மனிதரும் சமம் என்று நம்புபவன் நான் – ஓஹோ! அட, நீங்கள் ஹிந்து மதத்தைக் கொண்டாடுகிறீர்களே, “வஸுதைவ குடும்பகம்” – உலகனைத்தும் நமது குடும்பம் என்று அல்லவா அது சொல்கிறது!

20) வருகின்ற பண்டிகையை என்னால் கொண்டாட முடியவில்லையே. கவலை வேண்டாம். அடுத்த பண்டிகை இதோ வருகிறது. அதைக் கொண்டாடி மகிழுங்கள். வருடம் முழுவதும் ஒவ்வொரு நாளுமே பல பண்டிகைகளைக் கொண்டது ஹிந்து  மதம்.

21) தினசரி வேலை செய்யவே நேரம் முழுவதும் போகிறது  மத அனுஷ்டானம் செய்ய நேரமே இல்லை. – அதனால் பரவாயில்லை. நீங்கள் இன்னும்  ஒரு  ஹிந்து தான். எதுவும் கட்டாயமில்லை.

22)  ஆலயங்களுக்குச் சென்று வழி பட ஆசை – பக்தி மிகச் சிறந்ததே

23) ஆலயங்களுக்குச் செல்ல விருப்பமில்லை -அதனால் என்ன, ஆலயம் செல்லாவிட்டாலும் குட, நீங்களும் ஒரு ஹிந்து தான்.

24) ஹிந்து மதம் என்பது ஒரு வாழ்க்கை முறை. அதில் சர்வ சுதந்திரம் உண்டு.

25) ஒவ்வொன்றிலும் கடவுள் இருக்கிறார் என்று நீங்கள் நம்புகிறீர்கள். – சரி தான். அதனால் நீங்கள் தாய், தந்தை, குரு, மரம், நதி, மிருகங்கள், பூமி, பிரபஞ்சம் அனைத்துமே வழிபாட்டுக்கு உரியனவே என வழிபடுகிறீர்கள்.

26) எல்லாவற்றிலும் கடவுள் இருக்கிறார் என்பதில் எனக்கு உடன்பாடில்லை – ஒரு பிரச்சினையும் இல்லை. உங்கள் கருத்தை மதிக்கிறோம்.

27) “சர்வே ஜனா சுகினோ பவந்து” (அனைவரும் சந்தோஷத்துடன் இருக்கட்டும்) நீங்கள் இதையே கருத்தில் கொண்டுள்ளீர்கள்.

நீங்கள் உங்களுக்கு ஏற்புடையதைத் தேர்ந்தெடுத்துக் கொள்ளலாம்.

எனது ஹிந்து நண்பரே!

இது தான் ஹிந்து மதத்தின் சாரம்! அனைத்தையும் உள்ளடக்கியது அது.

ஆகவே தான் காலத்தையெல்லாம் தாண்டி அது நிற்கிறது.

எத்தனை எத்தனை சோதனைகளை உள்ளும் புறமுமாக அது சந்தித்து வெற்றி கண்டிருக்கிறது. எல்லாவற்றையும் உட்கிரகித்து அனைத்து நல்லனவற்றையும் தன்னுள்ளே அது ஏற்றிக் கொண்டுள்ளது!

ஆகவே தான் அது சனாதனமாக உள்ளது.

மனித குலத்தில் தோன்றிய உலகின் ஆதி நூலாகிய ரிக்வேதத்தில் உள்ள ஒரு துதிப்பாடல் அனைத்தையும் சுருக்கமாகச் சொல்லி விடுகிறது இப்படி:

“உலகெங்கிலுமிருந்தும் எல்லா திசையிலிருந்தும் நல்லன அனைத்தும் எங்களிடம் வரட்டும்”

ஆதாரம் : 28-04-2017 தேதியிட்ட TRUTH வார இதழ் (கல்கத்தாவிலிருந்து வெளி வருகிறது)

இதன் ஆங்கில மூலத்தின் தொடர்ச்சியைக் கீழே காணலாம்:

16)You want a Guru. Go ahead. Receive gyaan.

17)You don’t want a Guru .. Help yourself! Meditate, Study!

18)You believe in Female energy! Shakti is worshipped.

19)You believe that every human being is equal. Yeah! You’re awesome, come on let’s celebrate Hinduism! “Vasudhaiva kutumbakam” (the world is a family).

20) You don’t have time to celebrate the festival. Don’t worry. One more festival is coming! There are multiple festivals every single day of the year.

21)You are a working person. Don’t have time for religion. Its okay. You will still be a Hindu.

22)You like to go to temples. Devotion is loved.

23)You don’t like to go to temples–no problem. You are still a Hindu!

24)You know that Hinduism is a way of life, with considerable freedom.

25)You believe that everything has God in it. So you worship your mother, father, guru, tree, river, prani-matra, earth, universe!

26)And if you don’t believe that everything has GOD in it– No problems. Respect your viewpoint.

27) “Sarve jana sukhino bhavantu” (May you all live happily), You represent this! You’re free to choose, my dear Hindu!

This is exactly the essence of Hinduism, all inclusive. That is why it has withstood the test of time in spite of repeated onslaught both from within and outside, and assimilated every good aspects from everything .

That is why it is eternal !!!

There is a saying in Rigveda , the first book ever known to mankind which depicts the Hinduism philosophy in a Nutshell “Ano bhadrah Krathavo Yanthu Vishwathah”– Let the knowledge come to us from every direction.

நன்றி

28-04-2017 TRUTH VOL.85 NO. 2

இத்துடன் இந்தக் கட்டுரை நிறைவுறுகிறது

–Subham–

Written by London Swaminathan

Date: 7 May 2017

Time uploaded in London: 14-17

Post No. 3886

Pictures are taken from various sources; thanks.

contact; swami_48@yahoo.com

வேங்கை என்ற தமிழ்ச் சொல்லுக்கு இரு பொருள் உண்டு; புலி என்றும் வேங்கை மரம் என்றும் அர்த்தம்.

சங்க இலக்கியத்தில் வேங்கை மரம் பற்றிய பாடல்கள் நிறைய உள்ளன. வேங்கை மரம் பூத்தால் திருமணம் நடக்கும் என்ற நம்பிக்கையும் இதற்கு ஒரு காரணம்.

இது பற்றிய இரண்டு அதிசய விஷயங்கள்!

உலகப் புகழ் பெற்ற கவிஞன்  காளிதாசனும் புலி என்றும் மரம் என்றும் பாடுகிறான். சங்க காலத்துக்கு முன் வாழ்ந்தவன் காளிதாசன் என்ற கருத்தை வலியுறுத்தி ஏழு ஆண்டுகளாக நிறைய கட்டுரைகள் தந்தேன். இன்று வேங்கை மரம் மேலும் ஒரு சான்றாக வருகிறது!

2000 ஆண்டுகளுக்கு முன்னர் யானையும் புலியும் சண்டை போடுவது, தமிழகக் காடுகளில் தினமும் நடந்த ஒரு நிகழ்ச்சி. வேங்கை மரத்தின் பூக்கள் , பாறைகளில் விழுந்து காட்சி தருகையில் அது புலி போலவேஎ தோன்றும். இதைப் பார்க்கும் யானை, அது உண்மையான புலி என்று எண்ணி அதனுடன் மோதுகிறதாம். இது கபிலர் கண்ட காட்சி(கலித்தொகை 38, 49)

வேங்கை என்ற தமிழ்ச் சொல் வேங்கா ( Benga பேங்கா) என்று நேபாளத்திலும் வழங்கி வருகிறது. தமிழும், சம்ஸ்கிருதமும்தான் உலக மொழிகளுக்கு எல்லாம் மூல மொழிகள் என்றும் உலகின் எல்லா பழைய சொற்களையும் இம்மொழிகளில் தோன்றியதாகக் காட்ட முடியும்  என்றும் நான் எழுதி வருவதற்கு இது மேலும் ஒரு சான்று!

வேங்கை மரம் பற்றிய பாடல்கள் சிலவற்றைக் காண்போம்:-

2000 ஆண்டுகளுக்கு முன்னர் தமிழ் நாட்டின் காடுகளில் யானையும் புலியும் சண்டை போடுவது தினமும் நடந்த நிகழ்ச்சிகளாகும்.

வேங்கை மரத்தின் மஞ்சள் நிறப் பூக்கள் பாறைகளில் மீது விழுந்து கிடப்பது, புலி உட்கார்ந்து இருப்பது போலத் தோன்றுமாம். இதைக் காணும் யானைகள் அதை உண்மையான புலி என்று எண்ணி மோதுமாம். இது கபிலர் கண்ட காட்சி (கலித்தொகை 38,49)

காட்டு ஓரப் பகுதிகளில் இசைக் கலைஞர்கள் பறை கொட்டி இசை பாடியதைக் கேட்ட யானைகள், அதை புலி உறுமல் என்று எண்ணி கோபம் கொண்டனவாம். உடனே அங்கே பூத்துக் கிடந்த வேங்கை மரங்களை புலி என்று கருதி தாக்கி, அதன் ஒரு கிளையை தன் தலைமீது போட்டுக்கொண்டு பிளிறியதாம் அந்த சப்தம் மலைமீது மோதி எதிரொலி செய்தனவாம். இது பரணர் கண்ட காட்சி (பதிற்றுப் பத்து 41)

பண்ணமை முழவும் பதலையும் பிறவும்

கண்ணறுத்து இயற்றிய தூம்பொடு கருக்கிக்

காவின் தகைத்த துறைகூடு கலப்பையர்

கைவல் இளையர் கடவுட் பழிச்ச

மறப்புலிக் குழூ உக்குரல் செத்து வயக்களிறு

வரைசேர்பு எழுந்த சுடர்வீ வேங்கைப்

பூவுடைப் பெருஞ்சினை வாங்கிப் பிளந்துதன்

மாயிருஞ் சென்னி அணிபெற மிலைச்சி

வழையமல் வியன்காடு சிலம்பப் பிளிறும்

–பதிற்றுப் பத்து-41, பரணர்

நெடுவெண் நிலவினார் (குறுந்தொகை 47) வேறு ஒரு காட்சியை நம்முன் வைக்கிறார்:-

வானில் பிரகாசிக்கும் நிலவைப் பார்த்த தோழி , காதலன் வருவதற்குரிய நேரம் அதுவல்ல என்கிறாள்; ஏனெனில் கீழே வேங்கை மரத்தின் மஞ்சள் நிறப்பூக்கள் பாறைகளின் மீது விழ்ந்து கிடக்கின்றன. இதைப் பார்த்து புலி என்று காதலன் அஞ்சக் கூடும்:-

கருங்கால் வேங்கை வீ உகு துறுகல்

இரும்புலிக் குருளையின்  தோன்றும் காட்டிடை

எல்லி வருநர் களவிற்கு

நல்லை அல்லை  வெண்ணிலவே

–நெடுவெண்ணிலவினார், குறுந்தொகை 47

புறநானூற்றிலும் (பாடல் 202) புலி வருகிறது!

அரும்பற மலர்ந்த கருங்கால் வேங்கை

மாத்தகட்டு ஒள்வீ தாய துறுகல்

இரும்புலி வரிப்புறம் கடுக்கும்

இப்படிப்பட்ட மரத்தைக் கண்ட யானைகள் அது உண்மையான வேங்கைப் புலி என்று அஞ்சி ஓடுகின்றனவாம்!

உறுபுலி உருவேய்ப்பப் பூத்த வேங்கையைக்

கறுவுகொண்டு அதன் முதல் குத்திய யானை –கலி.38

வேங்கை தா அய தேம்பாய் தோற்றம்

புவிசெத்து வெரீஇய புகர்முக வேழம் – அகம்.12

இவ்வாறு எண்ணற்ற குறிப்புகளுள. சில குறிப்புகளை மட்டும் எடுத்துக்காட்டுகளாக கொடுத்தேன்

காளிதாசனில் வேங்கை மரம்

व्याघ्रानभीरभिमुखोत्पतितान्गुहाभ्यः
फुल्लासनाग्रविटपानिव वायुरुग्णान्।
शिक्षाविशेषलघुहस्ततया निमेषा
त्तुणीचकार शरपुरितवक्त्ररन्ध्रान्॥ ९-६३

vyāghrānabhīrabhimukhotpatitānguhābhyaḥ
phullāsanāgraviṭapāniva vāyurugṇān |
śikṣāviśeṣalaghuhastatayā nimeṣā
ttuṇīcakāra śarapuritavaktrarandhrān || Raghuvamsa 9-63

தசரதர் அச்சமற்றவர், வேட்டையாடச் சென்றபொழுது குஹைகளில் இருந்து வெளிவந்த புலிகள், அவரை நோக்கிப் பாய்ந்தன. பாய்கின்ற அப்புலிகள் காற்றினால் ஒடிக்கப்பட்டு கீழே விழுகின்ற வேங்கை மரக் கிளைகள் போல் காணப்பட்டன. தசரதர் நொடிப்பொழுதில் அம்புகளை அந்தப் புலியின் வாயில் புதைத்தார். அப்பொழுது அவை அம்பு நிறைந்த அம்பறாத் துணிகள் போல் இருந்தன.இது அப்படியே தமிழில் உள்ளது Raghuvamsa 9-63

–சுபம்–

.

Written by London Swaminathan

Date: 6 May 2017

Time uploaded in London: 14-48

Post No. 3883

Pictures are taken from various sources; thanks.

contact; swami_48@yahoo.com

ஒரு தமிழ்ப் புலவர் குயிலையும் காக்கையையும் வைத்து நமக்கு ஒரு நல்ல அறிவுரை வழங்குகிறார்.

ஒருவருடைய தோற்றத்தைக் கண்டு அவரை எடை போடாதீர்கள். அவருடைய பேச்சை வைத்து, அதாவது கருத்து ஆழத்தைக் கொண்டு, அவரை எடை போடுங்கள் என்று தமிழ்ப் புலவர் மொழிகிறார்.

ஒருவர் பட்டு வேஷ்டி, ஜரிகை அங்க வஸ்திரம், குங்கும சந்தனப் பொட்டு, வைர மோதிரம் அணிந்து மேடை ஏறிப் பாட வரலாம். ஆயினும் அவர் பாடும் பாட்டு ரசிக்கும்படியாக இல்லையானால் கூட்டம் கலைந்துவிடும். அது போலவே ஒருவர் நன்றாக உடை அணிந்து பெரிய மனிதர் தோரணையில் உலா வரலாம். ஆயினும் அறிஞர் இடையே அவர் பேசத் துவங்கினால் அவருடைய உண்மை மதிப்பு தெரிந்துவிடும்.

வாக்கு நயத்தாலன்றிக் கற்றவரை மற்றவரை

ஆக்கை நயத்தால் அறியலாகாதே – காக்கையொடு

நீலச் சிறுகுயிலை நீடிசையால் அன்றியே

கோலத் தறிவருமோ கூறு

–நீதி வெண்பா

பொருள்:-

காக்கையொடு நீலச் சிறுகுயிலை-காக்கையையும்   அதைப் போலவே கருநிறக் குயிலையும்

நீடு இசையால் அன்றி – இனிமை மிக்க இசைக்குரலால் அல்லாமல்

கோலத்து அறிவருமோ கூறு-  உருவத்தினால் அவற்றின் பெருமையை அறியக்கூடுமோ, நீ சொல்

(அவற்றின் பெருமையை எப்படி உருவத்தால் அறிய முடியாதோ, அதைப் போலவே)

கற்றவரை மற்றவரை – படித்த பெரியவர்களையும், படிக்காத மற்றவர்களையும்

வாக்கு நயத்தால் அன்றி – அவரவர்களின் பேச்சின் இனிமையினால் அல்லாமல்

ஆக்கை நயத்தால் அறியலாகாதே – உடம்பு அழகினால் அறிய முடியாது.

இதைப் போலவே சம்ஸ்கிருதத்திலும் ஒரு பா உண்டு:-

காகஹ கிருஷ்ணஹ பிகஹ கிருஷ்ணஹ கோ பேதஹ பிககாகயோஹோ

வசந்த காலே சம்ப்ராப்தே காகஹ காகஹ பிகஹ பிகஹ

பொருள்:-

காகமும் கறுப்பு, குயிலும் கறுப்பு; பின்னர் குயிலுக்கும் காகத்துக்கும் வேறு என்னதான் வேறுபாடு?

(ஓ அதுவா?)

வசந்த காலம் வந்துவிட்டால், காக்கை காக்கைதான், குயில் குயில்தான்! ( அதாவது அதன் வண்டவாளம் தெரிந்து விடும்.குயில் இனிமையாகப் பாடத் துவங்கும்; காகம் கர்ண கடூர சப்தம் உண்டாக்கும்)

ஏன் இப்படிக் காகத்தையும் குயிலயும் ஒப்பிடுகிறார்கள் என்றால், காகத்தின் கூட்டில் குயில்கள் முட்டை இடும். அவைகளுக்கு அடைகாக்கத் தெரியாது. காக்கையும் குயிலின் தந்திரத்தை அறியாமல் எல்லாவற்றையும் அடை காத்து குஞ்சு பொறிக்கும். வசந்த காலம் வருகையில் குயில் இனிமையாகப் பாடிக்கொண்டு பறந்தோடிப் போகும்.

காளிதாசன், குயிலின் இந்தக் குணத்தைக் குறிப்பிட்டு பெண்களின் தந்திர புத்தியைச் சாடுகிறான். ஒன்றுமறியாத பறவை இனமே இப்படி ஏமாற்றினால், எல்லாம் அறிந்த மனித இனப் பெண்கள் எப்படியெல்லாம் ஏமாற்றுவார்கள்? என்று அவனது உலகப் புகழ் பெற்ற சாகுந்தல நாடகத்தில் ஒரு வசனம் வருகிறது (5-22)

அதே போல ரகு வம்ச காவியத்திலும் (12-39) சூர்ப்பநகை குயில் போல இனிமையாகப் பேசி ராம லெட்சுமணர்களைக் கவரப் பார்த்தாள் என்று காளிதாசன் சொல்லுவான். அதன் உட்பொருள் குயில் போலத் தந்திரம் செய்து ஏமாற்றப் பார்த்தாள் என்பதே.

இவ்வாறு ஓரிரு இடங்களில் குயில் பயன்படுத்தப்பட்டிருந்தாலும், நூற்றுக் கணக்கான இடங்களில் பெண்களை வருணிக்கையில் குயில் போன்ற இனிமையான குரலையும் மயில் போன்ற அழகையும் உடையவர்கள் என்றே இந்தியப் புலவர்கள் போற்றிப் புகழ்வர்.

–subham–

.

Written by London Swaminathan

Date: 5 May 2017

Time uploaded in London: 6-16 am

Post No. 3880

Pictures are taken from various sources; thanks.

contact; swami_48@yahoo.com

காகத்திடம் உலக மக்கள் கற்றுக்கொள்ள வேண்டிய விஷயங்களை தமிழ்ப் புலவர்கள் அழகாகச் சொல்லுகின்றனர்:

1.காலை எழுந்திரு

2.பிறர் காணாமல் புணர் (மறைவாக செக்ஸ்)

3.மாலையிலும் குளி

4.பிற பெண்களிடம் போகாமல் உன் மனையில் புகு.

5.கிடைத்த உணவைப் பகிர்ந்து உண் (முதலில் எல்லோரையும் அழை)

6.எல்லோருடனும் பாடிப் பேசி மகிழ் (மாலை வேளைகளில் மரங்களில் காககங்கள் கா, கா என்று பேசி மகிழ்வதைக் காணலாம்).

காலை எழுந்திருத்தல் காணமலே புணர்தல்

மாலை குளித்து மனை புகுதல் – சால

உற்றாரோடுண்ணல் உறவாடலிவ் வாறும்

கற்றாயோ காக்கைக் குணம்

வள்ளுவனும் தமிழ் வேதமாகிய திருக்குறளில்  செப்பினான்:

“பகல்வெல்லும் கூகையைக் காக்கை இகல்வெல்லும்

வேந்தர்க்கு வேண்டும் பொழுது” (குறள் 481)

பொருள்:-

பகல் நேரத்தில் பெரிய கோட்டானைச் சிறிய காகம் கூட வென்றுவிடும். அதனால் பகைவரை வெல்லக் கருதும் மன்னன், ஏற்ற காலத்தை தேர்ந்தெடுக்க வேண்டும்.

பஞ்ச தந்திரக் கதையில், ஆந்தைகளைக் காகம் எப்படி வென்றது என்பதையும், அஸ்வத்தாமா படுகொலைகளுக்கு ஆந்தைகள் எப்படித் தூண்டின என்பது பற்றியும் ஒரு கட்டுரையில் முன்னரே தந்து விட்டேன்

“காக்கை கரவா கரைந்துண்ணும் ஆக்கமும்

அன்னநீ ரார்க்கே உள”  (குறள் 527)

காகம், உணவு கிடைத்தால், அதனை மறைத்துத் தான் மட்டும் உண்ணாது, மற்ற காகங்களையும் அழைத்து உண்ணும். அதுபோன்றவர்களுக்கே செல்வச் சிறப்பு கிட்டும்

My articles on Crows

INDIAN CROW by Mark Twine ; 9 February 2013

What can a Crow Teach You?

Date : 5  August  2015

Strange Belief about Crows in India and Britain!!

Research Article No. 1678; Dated 26 February 2015.

Strange Bird Stories in Mahabharata!

Research Article no. 1711; dated 12 March 2015

பிரிட்டனில் கா கா ஜோதிடம்! மேலும் ஒரு அதிசயம்!!

Research Article No. 1679; Dated 27 February 2015.

கா…கா…கா…!!! கா..கா..கா..!!!

28 March 2013

–Subahm–