WRITTEN BY LONDON SWAMINATHAN

Post No. 14,541

Date uploaded in London – –21 May 2025

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx 

PART 44 

Stamps posted today include 1996, 1995 STAMPS,

FOUR MORE PAINTINGS, TWO BIRDS, JUNGLE COCK,MOUNTAIN GOAT, OLYMPI

CS SPIRIT, NATH PAI, MORARJI DESAI, ABAI KONUNBAEV, MUHAMMAD ISMAIL SAHIB, OLYMPIC TORCH, J D SAMAH, 1997 INDPEX, PANDIT K DUBEY, PHEROZ SHAH,  GRENADIERS, VIJAY DIVAS, VIVEKANANDA ROCK MEMORIAL, RAIL MUSEUM, V S N L, CHEMBAI VAIDYANATHA BHAGAVATHAR, FOUR FAMOUS CRICKET PLAYERS, FIELD MARSHAL CARIAPPA, KIDWAY, RUIKAR, CK NAYUDU, DEODHAR, VIJAY MERCHANT, VINOO MANKAD, AHILYABAI HOLKAR, SCIENCE CONGRESS, ALPHONSA, CHILDRENS DAY, 

–subham—

Tags– Pictures of 2500 Indian Stamps, Part 44, year 1995 , 1996,

FOUR MORE PAINTINGS, TWO BIRDS, JUNGLE COCK,MOUNTAIN GOAT, OLYMPI

CS SPIRIT, NATH PAI, MORARJI DESAI, ABAI KONUNBAEV, MUHAMMAD ISMAIL SAHIB, OLYMPIC TORCH, J D SAMAH, 1997 INDPEX, PANDIT K DUBEY, PHEROZ SHAH,  GRENADIERS, VIJAY DIVAS, VIVEKANANDA ROCK MEMORIAL, RAIL MUSEUM, V S N L, CHEMBAI VAIDYANATHA BHAGAVATHAR, FOUR FAMOUS CRICKET PLAYERS, FIELD MARSHAL CARIAPPA, KIDWAY, RUIKAR, CK NAYUDU, DEODHAR, VIJAY MERCHANT, VINOO MANKAD, AHILYABAI HOLKAR, SCIENCE CONGRESS, ALPHONSA, CHILDRENS DAY, RAJARAJA CHOLA ETC.

Written by London Swaminathan

Post No. 14,540

Date uploaded in London –  21 May 2025

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx  

குமரேச சதகம் ஆராய்ச்சிக் கட்டுரை-10

பரமசிவன் கழுத்தில் பாம்பு உளது; அதற்கு யார் பகைவன்? விஷ்ணுவுக்கு வாகனமாக இருக்கும் கருடன் ; இருவரும் இறைவனிடத்தில் இருந்தாலும் பகைமை அகன்றதா?

இல்லை; ஏன்?

எல்லாம் இயற்கை விதிப்படி நடக்கிறது ; ஆகையால் யாரையும் வெறுக்காமல், வருவதை ஏற்றுக்கொள்ளுங்கள் என்று குமரேச சதகத்தில் குருபாத தாசர் நமக்கு அட்வைஸ் ADVICE தருகிறார்.

          20. விடாத குறை

தேசுபெறு மேருப்ர தட்சணஞ் செய்துமதி

     தேகவடு நீங்கவில்லை

திருமால் உறங்கிடும் சேடனுக்கு வணன்

     செறும்பகை ஒழிந்த தில்லை

ஈசன் கழுத்திலுறு பாம்பினுக்கி ரைவே

     றிலாமலே வாயுவாகும்

இனியகண் ஆகிவரு பரிதியா னவனுக்

     கிராகுவோ கனவிரோதி

ஆசிலாப் பெரியோ ரிடத்தினில் அடுக்கினும்

     அமைத்தபடி அன்றிவருமோ

அவரவர்கள னுபோகம் அனுபவித் திடல்வேண்டும்

     அல்லால் வெறுப்பதெவரை

வாசவனும் உம்பரனை வரும்விசய சயஎன்று

     வந்துதொழு தேத்துசரணா

மயிலேறி விளையாடு குகனேபுல் வயல்நீடு

     மலைமேவு குமரேசனே.

பொருள்

இந்திரனும் பிற வானவரும்  வந்து,

‘வெல்க! வெல்க’ என்று வணங்கித் துதிக்குந் திருவடிகளை உ டையவனே!மயிலேறி………குமரேசனே!

ஒளிவீசும் மேருமலையை வலமாக வந்தும் திங்களின் /சந்திரனின் களங்கம் ஒழியவில்லை; திருமால் துயிலப் படுக்கையாக இருக்கும் ஆதிசேடன் என்னும் பாம்புக்கும் தன் குலப் பகையான கருடனின் பகைமை நீங்கவில்லை;  சிவபிரான் கழுத்திலே இருக்கும் பாம்புக்குக் காற்றையன்றி வேறு உணவு இல்லை;

சிவபிரானுக்கு இனிய வலக்கண்ணாகிய கதிரவனுக்கு அற்பனான இராகுவே பெரும்  பகைவன்   (சூரிய கிரகணம் );  குற்றமற்ற பெரியோரைப் புகலாக அடைந்தாலும் ஊழாக

அமைத்தவாறே அன்றி வேறு வருமோ? அவரவருடைய

பயனை அவரவர்களே நுகர்தல்  வேண்டும் அல்லாமல் யாரையும் வெறுத்தல் கூடாது.

     (விளக்கவுரை) மேருமலையைக் கதிரவனுந் திங்களும் பிற கோள்களும் வலம்வருவதாகப் புராணங்கள் கூறும். ஆதிசேடன் என்னும் பாம்பு திருமாலுக்குத் துயிலும் அணையாக உள்ளது என்றும் புராணங்கள் கூறும்.

இராகு என்னும் பாம்பு கதிரவனைப் பகைத்த கதை:-

பாற்கடலிலிருந்து அமுதம் வந்தது. அதைக் கடைந்த அவுணரும்

அமரரும் பங்குபெற விரும்பிச் சூழ்ந்தனர். அவுணர்களுக்குக் கொடாமல்அமரருக்கு மட்டும் அமுதத்தை அளிக்கத் திருமால் விரும்பினார்; மனத்தை மயங்கி மோகிக்கச் செய்யும்

மோகினி வடிவம் எடுத்தார். அவுணர்கள் அமுதத்தை விட்டு அவளை விரும்பிச் சூழ்ந்தனர். மோகினியானவள் அமரருக்கு மட்டும் அமுதம் பங்கிட்டாள். மயங்கிய அவுணர் உணர்வின்றி நின்றுவிட்டனர். அவர்களில் ஒருவன் மட்டும் உணர்வு பெற்று அமரருடன் கலந்து அமுதம் பெற்றான். அவன் அவுணன் என இரவியும் திங்களும் மோகினியிடம் விளம்பினர். மோகினி அகப்பையாலே அந்த அவுணனைப் பிளந்தாள். அவன் இரு

கூறினான். எனினும் அமுதம் உண்டதனால் இறக்கவில்லை. இருகூறும்  இராகு கேது என்னும் பெயருடன் சூரியனையும் சந்திரனையும் ஆண்டுதோறும் விழுங்குவதென்று (கிரகணங்கள்)  தவத்தின்மூலம் வரம்பெற்ற பாம்பாகின. இவ்வாறு புராணம்

கூறும்.

     (கருத்து) அவரவர் வினைப்பயனை அவரவர்களே நுகர்ந்து கழித்தல் வேண்டும்.                                             ****

வால்மீகி ராமாயணத்திலும், சிலப்பதிகாரத்திலும், திருக்குறளிலும் விதி பற்றி கூறப்பட்டுள்ளது

வால்மீகி  (அயோத்யா காண்டம்) கூறுகிறார் :

ந அத்ர கஸ்சித் யதா பாவம் ப்ராணீ சமபிவர்ததே

தேன தஸ்மின் ந சாமர்த்யம் ப்ரேதஸ்ய அஸ்த்ய அனுசோசத:

न अत्र कश्चिद् यथा भावम् प्राणी समभिवर्तते |

तेन तस्मिन् न सामर्थ्यम् प्रेतस्य अस्त्य् अनुशोचतः || २-१०५-२८

ஒருவனுடைய தலைவிதியிலிருந்து எவரும் தப்பிக்க முடியாது. மற்றவர் இறக்கும்போது அழுவதால் ஒருவன் தனது மரணத்திலிருந்து தப்பிக்க முடியாது.

xxxxx

யதா ஹி சார்தம் கக்சந்தம் ப்ரூயாத் கஸ்சித் ப்தி ஸ்தித:

அஹம் அப்ய ஆகமிஷ்யாமி ப்ருஷ்டதோ பவதாம் இதி

ஏவம் பூர்வைர் கதோ மார்க: பித்ரு பைதாமஹோ த்ருவ:

தம் ஆபன்ன: கதம் சோசேத் யஸ்ய ந அஸ்தி வ்யதிக்ரம:

यथा हि सार्थम् गग्च्छन्तम् ब्रूयात् कश्चित् पथि स्थितः |

अहम् अप्य् आगमिष्यामि पृष्ठतो भवताम् इति || २-१०५-२९

एवम् पूर्वैर् गतो मार्गः पितृ पैतामहो ध्रुवः |

तम् आपन्नः कथम् शोचेद् यस्य न अस्ति व्यतिक्रमः || २-१०५-३०

வண்டியில் போகும் பயணிகளைப் பார்த்து நானும் பின்னால் வருகிறேன் என்று சொல்லுவதைப் போல நாமும் நமது முன்னோர் சென்ற வழியில் செல்கிறோம்; அது திரும்பிவராத  பயணம். அதில் சேர்ந்த பின்னர், புகார் செய்வதற்கு என்ன இருக்கிறது?

xxxx

வயஸ: பதமானஸ்ய ஸ்ரோதசோ வா அநிவர்தின:

ஆத்மா சுகே நியோக்தவ்ய: சுக பாஜ: ப்ரஜா: ஸ்ம்ருதா:

वयसः पतमानस्य स्रोतसो वा अनिवर्तिनः |

आत्मा सुखे नियोक्तव्यः सुख भाजः प्रजाः स्मृताः || २-१०५-३१

ஓடும் நதியின் நீர் திரும்பி வருவதில்லை; அதுபோலத்தான் நம் வாழ்நாளும். ஒவ்வொருவரும் அற வழியில் இன்பம் அடைய முயல வேண்டும்; எல்லோரும் விரும்புவது சந்தோஷத்தைத்தானே.

*****

விதியை வெல்ல முடியும்      

ஆயினும் கடுமையான , தீவிர பிரார்த்தனையால், பக்தியால் விதியை வெல்லலாம் . இதைத் திருமூலரும் அப்பரும், சமப்ந்தரும்  அருணகிரிநாதரும் சொல்கிறார்கள் .

கந்தர் அலங்காரம் பாடல் 38

நாளென் செயும்வினை தானென் செயுமெனை நாடிவந்த

கோளென் செயுங்கொடுங் கூற்றென் செயுங்கும ரேசரிரு

தாளுஞ் சிலம்புஞ் சதங்கையும் தண்டையுஞ் சண்முகமுந்

தோளுங் கடம்பு மெனக்குமுன் னேவந்து தோன்றிடினே.

பொருள்

நாட்கள் அடியேனை என்ன செய்யும்? வினைதான் என்ன செய்யும்?

அடியேனைத் தேடிவந்த கோள்/ கிரகம்  தான் என்ன செய்யும்? கொடிய இயமனால்தான் (எமன்) என்ன செய்யமுடியும்? குமரக்கடவுளின் இரண்டு திருவடிகளும் சிலம்புகளும் சதங்கையும், தண்டைகளும் ஆறு திருமுகங்களும் பன்னிருதோள்களும் கடப்ப மலர் மாலையும் அடியேனுக்கு முன்வந்து தோன்றிடுமே.

திருமூலர் சொல்கிறார்:

கடவுள் அருளால் முன்னை வினையின் முடிச்சை அவிழ்க்கலாம்-

தன்னை அறிந்திடும் தத்துவ ஞானிகள்

முன்னை வினையின் முடிச்சை அவிழ்ப்பர்கள்

பின்னை வினையைப் பிடித்துப் பிசைவர்கள்

சென்னியில் வைத்த சிவன் அருளாலன்றே

— திருமந்திரத்தில் திருமூலர் 

பொருள்:

தன்னை உணர்ந்து அறிந்தவர்கள் தத்துவ ஞானிகள். இந்த மெய்ஞானிகள், பூர்வ ஜன்ம தீவினைப் பயனை தவிர்ப்பர். இனி வரும் வினைகளையும் தகர்த்து விடுவர்; அதாவது வினைக்கான கர்மங்களைச் செய்ய மாட்டார்கள். இவை அனைத்தும் சிவன் அருளாலே கிட்டுவதாகும். அதாவது இறைவன் அருள் இருந்தால் விதியை வெல்லலாம்.

****

சம்பந்தரும் நவக்கிரகங்களும் ஒரு தீயதையும் செய்ய முடியாது என்று பாடுகிறார்

கோளறு திருப்பதிகம்

வேயுறு தோளிபங்கன் விடமுண்ட கண்டன்   

  மிகநல்ல வீணை தடவி   

மாசறு திங்கள் கங்கை முடிமேலணிந்தென்   

  உளமே புகுந்த அதனால்   

ஞாயிறு திங்கள்செவ்வாய் புதன்வியாழம் வெள்ளி   

  சனிபாம்பி ரண்டு முடனே   

ஆசறு நல்லநல்ல அவைநல்ல நல்ல   

  அடியா ரவர்க்கு மிகவே. 

*****

அப்பரும் எமனும் ஒன்றும் செய்ய முடியாது என்கிறார் ;

நாமார்க்குங் குடியல்லோம் நமனை யஞ்சோம் 

நரகத்தி லிடர்ப்படோ ம் நடலை யில்லோம் 

ஏமாப்போம் பிணியறியோம் பணிவோ மல்லோம் 

இன்பமே எந்நாளுந் துன்ப மில்லை 

தாமார்க்குங் குடியல்லாத் தன்மை யான 

சங்கரனற் சங்கவெண் குழையோர் காதிற் 

கோமாற்கே நாமென்றும் மீளா ஆளாய்க் 

கொய்ம்மலர்ச்சே வடியிணையே குறுகி னோமே.    6.98.1  

****

ஆகவே குருபாதர் சொன்னது பாமர மக்களின் துயரம்; பின்னோர் சொன்னது, இறைவனை நம்புவோரின் அனுபவ முடிவு !

நம்பினார் கெடுவதில்லை. இது நான்கு மறை தீர்ப்பு

அம்பிகையைச் சரண் புகுந்தால் அதிக வரம் பெறலாம் (மகா கவி பாரதி)

—SUBHAM—

TAGS– நம்பினார் கெடுவதில்லை, நாமார்க்குங் குடியல்லோம், வேயுறு தோளிபங்கன்,முன்னை வினையின் முடிச்சை அவிழ்ப்பர்கள், யாரையும் வெறுக்காதே,  குருபாததாசர் அறிவுரை –10 ,குமரேச சதகம்,  ஆராய்ச்சிக் கட்டுரை-10, விதி

Written by London Swaminathan

Post No. 14,539

Date uploaded in London –  21 May 2025

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx  

மலைகளில் சிறந்தது மேரு, மனிதர்களில் சிறந்தோர் பிராமணர்: பரஞ்சோதி முனிவர்-6

பரஞ்சோதி முனிவர் சொல்லும் அதிசயச் செய்தி!

திருவிளையாடல் புராணம் ஆராய்ச்சிக் கட்டுரை-6

திருவிளையாடல் புராணம் எழுதிய பரஞ்சோதி முனிவர் ஒவ்வொரு பகுதியிலும் ஏதேனும் புதிய செய்திகளையோ , மேற்கோள்களையோ நமக்கு அளிக்கிறார்; மூர்த்தி விசேஷப் பகுதியில் உயர்ந்தது எது என்று சொல்லி விட்டு சிவனை எந்த நேரத்தில் தரிசித்தால் நல்லது ? என்ன என்ன கிடைக்கும்? என்று ஒரு பட்டியல் தருகிறார் . பின்னர் எதை எதைக் கொண்டு பூஜித்தால் என்ன என்ன பலன் கிடைக்கும்  என்று இன்னும் ஒரு பட்டியல் தருகிறார்; இறுதியில் மதுரையிலுள்ள சிவ பெருமானுக்கு என்ன என்ன பெயர்கள் என்ற பட்டியலையும் தருகிறார் .

இதோ அந்த செய்திகள்.

பட்டியல்  1

பொருப்பினுட் டலைமை யெய்தும் பொன்னெடுங் குடூமி

                                        மேரு

தருக்களிற் றலைமை சாருந் தண்ணறுந் தெய்வ தாரு

விருப்புறு வேள்வி தம்முண் மேம்படும் புரவி மேதம்

அருட்படு தானந் தம்முள் விழமிதா மன்ன தானம்.

பொருள்

நீண்ட சிகரங்களையுடைய மலைகளுக்குள்  ,

பொன்னாகிய மேரு மலையானது முதன்மை உடையது;

 மரங்களுள் குளிர்ந்த கற்பகத்தரு. முதன்மை பெறும். ;  வேள்விகளுள், அஸ்வமேத யாகம் உயர்வாகும்;

 தானங்களுள், அன்னதானம் சிறந்ததாகும்

****

மனிதரி லுயர்ந்தோ ராதி மறையவர் தேவர் தம்மிற்

பனிதரு திங்கள் வேணிப் பகவனே யுயர்ந்தோன்

                                  வேட்டோர்க்

கினிதருள் விரதந் தம்மு ளதிகமா மிந்து வாரம்

புனிதமந் திரங்க டம்முட் போதவைந் தெழுத்து மேலாம்.

பொருள்

மக்களுள் முதன்மையான மறையவர் மேலோராவர்; தேவர்களுள்,  குளிர்ந்த சந்திரனை யணிந்த சடையை யுடைய, சிவபெருமானே

உயர்ந்தவன்; விரும்பினவர்களுக்கு, நலத்தைச் செய்கின்ற,  விரதங்களுள், சோமவார விரதம் சிறந்தது ஆகும்;  தூய மந்திரங்களுள், ஞானத்திற்கு ஏதுவாகிய திருவைந்தெழுத்தாகிய நமசிவாய  மந்திரம் மேன்மையுடைய தாகும்’

*****

மின்மைசான் மணியிற் சிந்தா மணிவரம் விழுப்ப நல்கும்

தன்மைசா லறங்க டம்மின் மிகுஞ்சிவ தரும மென்ப

இன்மைசா னெறிநின் றோருக் கேற்குநற் கலங்க* டம்மின்

நன்மைசான் றவரே முக்க ணாதனுக் கன்பு பூண்டோர்.

பொருள் 

ரத்தினங்களில் சிந்தாமணி மேன்மையானது; உயர்வைக் கொடுக்குந் தருமங்களுள், சிவதருமம் உயர்ந்தது; இல்லற    நெறியில் நின்ற நல்லவர் – முக்கண் இறைவனிடத்தில்  (சிவன்)  அன்பு பூண்டவரே. (சிந்தாமணி – சிந்தித்தவற்றைத் தரும் மணி)

****

தீயவாங சுவைப்*பா லாவிற் றேவரா வதிகம் பல்வே

றாயமா தீர்த்தந் தம்மு ளதிகமாஞ் சுவண கஞ்சம்

மாயமா சறுக்க வெல்லாத் தலத்திலும் வதிந்து மன்னுந்

தூயவா னவரிற் சோம சுந்தரன் சிறந்தோ னாகும்.

பொருள்

இனிமையான  சுவையையுள்ள  பாலையுடைய பசுக்களுள்,

காமதேனு உயர்ந்தது;  பல வேறு வகையாகிய,  தீர்த்தங்களுள்,  பொற்றாமரை சிறந்தது; பந்தமாகிய பற்றினை நீக்கவல்ல   சிவலிங்க மூர்த்திகளுள், சோம சுந்தரக் கடவுள் சிறந்தவன் .

****

இத்தனிச் சுடரை நேர்கண் டிறைஞ்சினோர் பாவ

                                     மெல்லாங்

கொத்தழற் பொறிவாய்ப் பட்ட பஞ்சுபோற் கோப மூள

மெய்த்தவஞ் சிதையு மாபோன் மருந்தினால் வீயு

                                    நோய்போல்

உத்தம குணங்க ளெல்லா முலோபத்தா லழியு மாபோல்.

     ****

எந்த நேரத்தில் சிவ பெருமானை வழிபடவேண்டும்?

புலரியிற் சீவன் முத்தி புரேசனைக் காணப் பெற்றால்

அலைகட னான்குட் பட்ட வவனிமா தானஞ் செய்த

பலனுறுங் கதிகா லுச்சி வைகலிற் பணியப் பெற்றால்

கலைஞர்பா பத்துக் கபிலைமா தானப் பேறாம்.

 பொருள்

விடியற்காலையில்,  சோமசுந்தரக் கடவுளை, தரிசனம் செய்தால்,  பெரிய பூமியைத் தானம் கொடுத்த  பலன் கிடைக்கும் ; உச்சிப் போதில்,  வணங்கினால் வேதம் முதலிய கலைகளை யுணர்ந்த அறிஞர்களுக்கு  ஆயிரம் பசுக்களைத் தானஞ் செய்தபலன் கிடைக்கும்.

****

விண்ணிடைப் பரிதிப் புத்தேள் மேலைநீர் குளிக்கு

                                     மெல்லை

அண்ணலை வணங்கிற் கோடி யானினத் தானப் பேறாம்

பண்ணவர் பரவும் பாதி யிருள்வயிற் பணியப் பெற்றால்

வண்ணவெம் புரவி மேத மகம்புரி பெரும்பே றெய்தும்.

  பொருள்

சூரிய தேவன், மேலைக் கடலில் மூழ்கும் அந்திப்பொழுதில்,  சோமசுந்தரக் கடவுளைப் பணிந்தால்,  கோடி பசுக்கூட்டங்களைத் தானஞ்செய்த பயன் எய்தும்; தேவர்கள் வணங்கும் அரையிருளில்,  (அர்த்தஜாம பூஜை) வணங்கினால் அஸ்வமேத  வேள்வியைச் செய்த பலன் கிடைக்கும்     

*****

சிவன் பெயரைக் கேட்டால், சொன்னால்……..

அறவுருவ னாலவா யானாமஞ்

     செவிமடுத்தா லடைந்த பத்துப்

பிறவிவினை யறுநினைந்தா னூறுபெரும்

     பவப்பாவப் பிணிபோங் கூடல்

இறைவனையின் றிறைஞ்சுதுமென் றெழுந்து

     மனைப்புறம்போந் தாலீரைஞ் ஞூறு

மறமுறுவெம் பவத்திழைத்த பாதகவல்

     வினையனைத்து மாயு மன்னோ.

பொருள்

தரும  வடிவினனாகிய திருவாலவாய்க் கடவுளின்

பெயரைச் செவியிற் கேட்டால்,10 பிறப்புக் களிலெய்திய வினைகள் கெடும்; சிந்தித்தால், 100 பிறவிகளிற் செய்த,

பெரிய பாவமாகிய நோய் ஒழியும்;

மதுரையில் எழுந்தருளிய கோவிலுக்கு  வந்தால்,

1000 கொடிய பிறவிகளிற் செய்த வினைகளெல்லாம் அழியும் .

****

புழைக்கைவரை தொலைத்தானைத் தரிசித்தோ

     ராயிரவாம் புரவி வேள்வி

தழைத்தபெரும் பயன்பெறுவ ருருத்திரசூத்*

     தம்மதனாற் றவவா னோர்கள்

தொழற்கரியான் றனைத்துதித்தோர் கணத்துக்கா

     யிரராச சூய யாகம்

இழைத்தபெரும் பயன்பெறுவர் சமட்டிவடி

     வாகியவவ் விலிங்கந் தன்னை.

பொருள்

 யானையைத் தொலைத்த (கஜ சம்ஹாரம்) சோம சுந்தரக் கடவுளை, தரிசித்தோர்  ஆயிரம் அஸ்வமேத யாகம் செய்த பலனை அடைவார்கள் ; தவத்தினையுடைய தேவர்களும், வணங்குதற்கு அரியவனை, ருத்திர சூத்த மந்திரத்தால் துதித்து வணங்கியவர்கள்,

ஆயிரம் இராச சூய வேள்வி செய்தலால் வரும்,

பெரிய பயனை அடைவர்; சமட்டி உருவமாகிய அந்தச் சிவலிங்கத்தை வணங்குவோருக்கு கிடைக்கும் பலன்கள் இவை;

ருத்ரம் -சமகம் என்ற மந்திரங்கள் யஜுர் வேதத்தில் உள்ளன. சிவனுக்கு அபிஷேகம் செய்கையில் இந்த மந்த்ரத்தை ஓதுவது வழக்கம்.

****

அங்கையள வாகியநன் னீராட்டிப்

     பூசித்தோ ரளவி லேனைத்

துங்கதலத் துறையிலிங்க மூர்த்திகளைச்

     சிவாகமநூல் சொன்ன வாற்றான்

மங்கலமா கியமுகம னீரெட்டும்

     வழுவாது வாசந் தோய்ந்த

செங்கனக மணிக்கலசப் புனலாட்டி

     மாபூசை செய்தோ ராவார்.

பொருள்

உள்ளங்கையிலடங்கும் அளவு நீரால் திருமஞ்சனம் செய்து, பூசித்தவர்கள், மற்றைய உயர்ந்த தலங்களில் எழுந்தருளிய, சிவலிங்க மூர்த்திகளை, சிவாகமம் கூறியபடி மங்கலமான சோடச (16)  உபசாரங்களும் தவறாமல், சிவந்த பொன்னாற் செய்த இரத்தின கலசத்தில் நிறைந்த, மணம் உடைய  நீரால் அபிடேகம் செய்து   பெரிய பூசை செய்தவர்கள் ஆவார்கள் .    

சோடச வுபசாரங்களாவன  16— : ஆவாகனம், தாபனம்,

சந்நிதானம், சந்நிரோதனம், அவகுண்டனம், தேனுமுத்திரை,

பாத்தியம், ஆசமனீயம், அர்க்கியம், புட்பதானம், தூபம், தீபம்,

நைவேத்தியம், பானீயம், ஆராத்திரிகை, ஜப சமர்ப்பணை

என்பன.

*****

அவ்வண்ணஞ் சுந்தரனை யைந்தமுத

     மானுதவு மைந்து தீந்தேன்

செவ்வண்ணக் கனிசாந்தச் சேறுமுதன்

     மட்டித்துத் தேவர் தேறா

மெய்வண்ணங் குளிரவிரைப் புனலாட்டி

     மாபூசை விதியாற் செய்தோர்

மைவண்ண வினைநீந்தி யறமுதனாற்

     பொருளடைந்து மன்னி வாழ்வார்.

பொருள்

ஆகமத்திற் கூறியவண்ணம் சோமசுந்தரக் கடவுளை,  பசுக்களால் அளிக்கப்பெற்ற பஞ்ச கவ்வியமும்,  மதுரமாகிய தேனும்  சிவந்த நிறத்தை யுடைய பழங்களும், சந்தனக் குழம்பும் அப்பி, தேவர்களும் அறியாத அழகிய  திருமேனி குளிருமாறு, மணமுடைய நீரால் அபிடேகித்து,  பெரிய பூசையை விதிப்படி செய்தவர்கள், கரிய தீவினைக்  கடலைக் கடந்து, அற முதலிய நான்கு பயனையும்பெற்று, நிலைபெற்று வாழ்வார்கள் .

நான்கு பயன்கள் – தர்ம அர்த்த காம மோக்ஷம் = அறம், பொருள் ,இன்பம், வீடு;

பஞ்ச கவ்வியம் – பால் தயிர், கோமயம் , நெய் , பசு மூத்திரம்

அமுதம் ஐந்து/ பஞ்சாமிர்தம்  : பால், நெய், தேன், சருக்கரை, பழம்;

*****

அழகிகளுடன் விளையாடும் பாக்கியம் !

நல்லவகை முகமனீ ரெட்டுள்ளும்

     வடித்தவிரை நன்னீ ராட்ட

வல்லவர்நூ றாயிரயமா மேதமகப்

     பயன்பெறுவர் வாச நானம்

எல்லவிர்குங் குமஞ்சாந்த மிவைபலவு

     மட்டித்தோ ரெழிலார் தெய்வ

முல்லைநகை யாரோடும் விரைக்கலவை

     குளித்தின்ப மூழ்கி வாழ்வார்.

  பொருள்

பதினாறு ( சோடச) உபசாரங்களுள்ளும்,  மணமுள்ள நல்லநீரால் திருமஞ்சனம் செய்வோர் நூறாயிரம் / லட்சம்  அஸ்வமேத  யாகத்தைச் செய்த பயனை அடைவர்;  மணம் பொருந்திய கத்தூரி,   குங்குமப்பூ, சந்தனம்  ஆகிய வற்றை   சாத்தினோர்கள், அழகு நிறைந்த, முல்லை யரும்பு போலும்  பற்களை  உ டைய   தெய்வப் பெண்களோடு   இன்பக்கடலுள் திளைத்து வாழ்வார்கள் .   

( விரை நன்னீர் – பனிநீருமாம் )

*****

நன்மலரொன் றாலவா யான்முடிமேற்

     சாத்தினா னயந்து நூறு

பொன்மலர்கொண் டயற்பதியிற் பூசித்த

     பயனெய்தும் புனித போகத்

தன்மைதரு சுந்தரற்குத் தூபமொரு

     காற்கொடுப்போர் தமக்குத் தாங்கள்

சொன்மனமெய் யுறச்செய்த குற்றமா

     யிரம்பொ றுப்பன் சுருதி நாதன்.

 பொருள் 

மதுரையிலுள்ள சிவ பெருமான் திருமுடிமேல், நல்ல மலர் ஒன்றைச் சாத்தினால்,  பிற தலங்களிற் நூறு பொன்னாலாகிய மலர்களைக் கொண்டு,  பூசித்த பயன் பெறலாம் ;

 சிவபோகத் தன்மையைத் தந்தருளும் சோமசுந்தரக் கடவுளுக்கு, ஒருமுறை தூபம் கொடுப்பவர்களின், ஆயிரங் குற்றங்களை வேதத் தலைவனாகிய சோமசுந்தரக் கடவுள் பொறுத்தருள்வான் .

மனம், வாக்குக் காயங்கள் ஆகியவற்றால் செய்த பாவங்கள் போகும்

—-subham—-

TAGS—மலை, சிறந்தது மேரு,  மனிதர், சிறந்தோர் பிராமணர்,   பரஞ்சோதி முனிவர் பட்டியல் ,திருவிளையாடல் புராணம்,  ஆராய்ச்சிக் கட்டுரை-6

 WRITTEN BY S NAGARAJAN

Post No. 14,538

Date uploaded in London – –21 May 2025

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx 

2-4-24 கல்கிஆன்லைன் இதழில் வெளிவந்துள்ள கட்டுரை!

அமெரிக்க டாக்டர்களை வியக்க வைத்த தலாய்லாமாவின் பிரத்யேக வைத்தியர்!

ச. நாகராஜன் 

பூஜ்ய ஶ்ரீ பதினான்காம் தலாய் லாமா பல ஆண்டுகளுக்கு முன்னர் ஒரு முறை அமெரிக்காவுக்கு விஜயம் செய்தார்.

அமெரிக்க ஹெல்த் டிபார்ட்மெண்டைச் சேர்ந்தவர்கள் அவரது பிரத்யேக வைத்தியரான யேஷி டொண்டென் (Yeshi Dhonden) என்பவரை கொஞ்ச நேரம் தங்களுக்காக ஒதுக்கினால் அவரிடமிருந்து புதிதாக சிலவற்றைத் தங்கள் டாக்டர்கள் கற்றுக் கொள்ள முடியும் என்று கூறினர். 

தலாய்லாமாவும் டொண்டெனும் அதற்கு இசைந்தனர். 

பின்னர் என்ன நடந்தது என்பதை ரிச்சர்ட் செல்ஜெர் என்பவர் தனது புத்தகமான மார்டல் லெஸன்ஸ்: நோட்ஸ் ஆன் தி ஆர்ட் ஆஃப் சர்ஜரி”

(Richard Slezer’s book “Mortal Lessons: Notes on the Art of Surgery” – New York, Simon & Shuster, 1976) என்ற புத்தகத்தில் விவரித்துள்ளார்.

இதில் ஒரு சுவையான பகுதியை பிரபல பத்திரிகையான வாஷிங்டன் போஸ்ட் பிரசுரித்தது.

அப்போது செல்ஜெர் யேல் பல்கலைக்கழகத்தில் சர்ஜரி பிரிவின் தலைமைப் பொறுப்பை வகித்து வந்தார்.

மருத்துவமனையில் இருந்த அறிவிப்புப் பலகையில், “ஜூன் 10ம் தேதி காலை ஆறு மணிக்கு யேஷி டொண்டென் மருத்துவ மனைக்கு வருகை புரிந்து சுற்றிப் பார்ப்பார்” என்ற அறிவிப்போடு யேஷி டொண்டென் பூஜ்ய ஶ்ரீ தலாய்லாமாவின் பிரத்யேக வைத்தியர் ஆவார் என்றும் குறிப்பிடப்பட்டிருந்தது.

யேஷி டொண்டென் சுற்றிப் பார்க்கும் வார்டு அருகில் வெள்ளைக் கோட்டு அணிந்த ஏராளமான டாக்டர்கள் காத்திருக்க அவர்களுடன் செல்ஜரும் சேர்ந்து கொண்டார்.

அங்குள்ளவர்கள் தேர்ந்தெடுக்கும் ஒரு நோயாளியை டொண்டென் சோதனை செய்வார் என்று அறிவிக்கப்பட்டது. ஏற்கனவே எந்த நோய்க்கு அந்த நோயாளி சிகிச்சை பெற்று வருகிறார் என்பது பற்றி டொண்டெனுக்குத் தெரிவிக்கவில்லை. அவர் நோயாளியை சோதிக்கும் போது அனைத்து டாக்டர்களும் அவர் அருகில் இருக்க வேண்டும் என்பதும் தீர்மானிக்கப்பட்டது.

 நோயாளியைச் சோதித்த பின்னர் அனைவரும் இந்த கேஸைப் பற்றி விவாதிக்கலாம் என்று முடிவு செய்யப்பட்டது.

 குறிப்பிட்ட நோயாளியை சீக்கிரமே எழ வைத்து அந்தப் பெண்மணியிடம் வெளிநாட்டு மருத்துவர் ஒருவர் அவரைச் சோதிக்கப் போவதாகவும் புதிதாக சோதனைக்குச் சிறுநீர் வேண்டும் என்றும் சொல்லப்பட்டது.

 டொண்டென் சரியாக குறிப்பிட்ட நேரத்திற்கு அந்த நோயாளிப் பெண்மணியிடம் வந்தார். படுக்கைக்கு அருகில் வந்து நின்ற அவர் அந்தப் பெண்மணியையே நெடுநேரம் உற்றுப் பார்த்துக் கொண்டிருந்தார்.

 அவரது பார்வை மல்லாந்து படுத்திருந்த அந்தப் பெண்மணிக்கு மேலே பதிந்திருந்தது. அவளின் உடல் பாகங்களை அவர் பார்க்கவே இல்லை.

பின்னர் அந்தப் பெண்மணியின் கைகளை தன் இரு கரங்களாலும் தூக்கினார். பின்னர் சற்று குனிந்து தன் தலையை தனது கழுத்திலிருக்கும் துணி வரை தாழ்த்தினார்.

அந்தப் பெண்மணியின் நாடித்துடிப்பைக் கண்ணை மூடிக் கொண்டு சோதித்தார்.

 பிறகு நோயாளியின் கையை மெதுவாகக் கீழே வைத்தார். மொழிபெயர்ப்பாளரிடம் அவர் ஏதோ சொல்ல ஒரு சின்ன கிண்ணத்தையும் இரண்டு குச்சிகளையும் அவர் கொண்டு வந்தார்.

 சோதனைக்காக இருந்த சிறுநீரில் கொஞ்சம் கிண்ணத்தில் விடப்பட்டது.

 இரு குச்சிகளை வைத்து அதைக் கிளறினார் டொண்டென். பின்னர் அந்த சிறுநீர் அருகே முகத்தைக் கொண்டு சென்ற அவர் அந்த கிண்ணத்திலிருந்து வந்த நாற்றத்தைச் சற்றே முகர்ந்தார்.

 அவ்வளவு தான், வார்டைச் சுற்றிப் பார்த்ததுடன் தனது விஜயத்தை முடித்துக் கொண்ட அவர் ஹாலுக்கு வந்தார்.

 அனைவரும் அங்கு ஆவலுடன் அவர் என்ன சொல்லப் போகிறார் என்பதைக் கேட்கத் தயாராக இருந்தனர்.

“என்ன வியாதி என்று சொல்ல முடியுமா?” என்று ஒரு பேராசிரியர் கேட்க உடனே டொண்டென், “Congenial Heart Disease”

“Intervertivular Septal Defect ( a hole in the wall between the left and right chmbers of the heart) with resultant heart failure என்றார்.

 இடது மற்றும் வலது பக்க இதயப் பகுதிகளுக்கு இடையில் உள்ள சுவர் பகுதியில் ஒரு ஓட்டையால் ஏற்பட்ட இதய இயக்க நிறுத்தத்தால் நோயாளி பாதிக்கப்பட்டுள்ளார் என்றார் அவர்.

 மற்றவர்கள் கேட்காத இதயத்தின் ஒலியை டொண்டென் மட்டும் எப்படிக் கேட்டார்?

எப்படி இவ்வளவு துல்லியமாக என்ன வியாதி என்பதை அவர் சொன்னார்?

அனைத்து அமெரிக்க டாக்டர்களும் பிரமித்து நின்றனர்.

 எவ்வளவோ நவீனக் கருவிகளை வைத்து நிறைய சோதனைகள் செய்து நிர்ணயிக்கும் ஒரு வியாதியை எப்படி டொண்டெனால் இப்படிக் ஒரு கருவியும் இல்லாமல் கணிக்க முடிந்தது?

இதை அறிவியல்பூர்வமற்றது என்று சொல்ல முடியுமா, என்ன? 

இது தவிர தலாய்லாமா அமெரிக்க விஞ்ஞானிகளுக்கு தனது நல்ல ஆதரவைத் தந்து பல சோதனைகளைச் செய்யச் சொல்லி இருக்கிறார்.

 தியானம் பற்றிய சோதனைகளின் முடிவைக் கண்டு அறிவியல் நிபுணர்கள் ஆச்சரியப்பட்டு அதை அப்படியே ஆவணப்படுத்தியுள்ளனர்.

***

WRITTEN BY LONDON SWAMINATHAN

Post No. 14,537

Date uploaded in London – –20 May 2025

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx

 Pictures of 2500 Indian Stamps!- Part 43 (Post No.14,537)

PART 43

Stamps posted today include 1994, 1995 STAMPS,

SATYAJIT RAY, BARODA MUSEUM, RIGHT HAND ORNAMENT, GUINDY COLEGE, KING RAJARAJA CHOLA, THANJAVUR TAMIL SEMINAR, 100 YEARS OF CINEMA, YOUTH YEAR, PRITHIVIRAJ KAPOOR, TEXTILE PATTERN, CHOTURAM,K L SAIGAL, R S RUIKAR, RADIO COMMUNICATION,DELHI DEVELOPMENT AUTHORITY, FIFTY YEARS ON UNITED NATIONS, HANDSHAKE, COLLONADE BOOK COVER, BHARTI BHAVAN LIBRARY, ASIAN PACIFIC POSTAL TRAINING, LOUIS PASTEUR, LA MARTIENERE COLLEGE, FAO, FOOD GRAINS, GANDHI IN SOUTH AFRICA, MUTHURAMALINGA THEVAR, CHILDREN S DAY, SITAR, JAT WAR MEMORIAL RAJAPUTANA RIFLES, SANT TUKDOJI MAHARAJ, GIANI ZAIL SINGH, DURGAH ALA AZARAT, TATA INSTITUE, KASTURBAI GANDHI, SECTIONED HEART, CARDIAC SURGERY, ASIT KUMAR  HALDAR, PRITHIVI THEATRE

–subham—

Tags– Pictures of 2500 Indian Stamps, Part 43, year 1995 , 1994, SATYAJITRAY, BARODA MUSEUM, RIGHT HAND ORNAMENT, GUINDY COLEGE, KING RAJARAJA CHOLA, THANJAVUR TAMIL SEMINAR, 100 YEARS OF CINEMA, YOUTH YEAR, PRITHIVIRAJ KAPOOR, TEXTILE PATTERN, CHOTURAM,K L SAIGAL, R S RUIKAR, RADIO COMMUNICATION,DELHI DEVELOPMENT AUTHORITY, FIFTY YEARS ON UNITED NATIONS, HANDSHAKE, COLLONADE BOOK COVER, BHARTI BHAVAN LIBRARY, ASIAN PACIFIC POSTAL TRAINING, LOUIS PASTEUR, LA MARTIENERE COLLEGE, FAO, FOOD GRAINS, GANDHI IN SOUTH AFRICA, MUTHURAMALINGA THEVAR, CHILDREN S DAY, SITAR, JAT WAR MEMORIAL RAJAPUTANA RIFLES, SANT TUKDOJI MAHARAJ, GIANI ZAIL SINGH, DURGAH ALA AZARAT, TATA INSTITUE, KASTURBAI GANDHI, SECTIONED HEART, CARDIAC SURGERY, SITAR, ROENTGEN, 

Written by London Swaminathan

Post No. 14,536

Date uploaded in London –  20 May 2025

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx  

Shripad Damodar Satwalekar  (19 September 1867 – 31 July 1968) was a great Vedic scholar. He is known for his paintings, social health, Ayurveda, Yoga, and Vedic literature. He was also the founder of the Swadhyaya Mandal – A Vedic Research Institute.

He translated all the four Vedas into Hindi and a few other north Indian languages. He was the editor of a few magazines and author of several books .

He was addressing Hindi audiences about Vedas . Once he started writing articles on Bhumi Sukta in the Atharva Veda. That was the first patriotic hymn in the world. The long Sukta sings about patriotism, glory of motherland and love for nature. Someone complained that it was against the ruling British government in India. They wanted to arrest S D Satwalekar for this write up. But he was hiding in different towns at the advice of his friends. But the British arrested him one day with the help of their spy network. Despite his clarifications, he was sent to prison. At the end, Annie Beasant and others used their influence and got him released.

There are some interesting information about S D Satwalekar. He lived for 101 years according to the Vedic dictum. Brahmins recite the Vedic mantra every day that we should live for one hundred years healthily.

Another information is that his Samskruta Swayam Sikshak book received very well and Sanskrit learners use this book until today.

His Bhagavad Gita commentary is one of the best commentaries according to learned scholars.

He wrote with his own hand in a foolscap size paper that went to 60,000 pages.

He authored over 400 books in Hindi, Marathi, Gujarati and English.

He was awarded Padma Bhusan in 1968. Many universities awarded him honorary doctortaes.

He was born in Kolgaon in Maharashtra; his father Damodar Bhatta, was a Rig Vedic scholar and a priest. Hi mother’s name was Laskhmibai. He learnt Vedas from the age of eight.

He was the Aundh Nagar Sangachalak of RSS for 16 years. His centenary celebration was attended by RSS Chief Sri M S Golwalkar.

He started one Vedic Mandir/ temple where all books from different religions were kept.

People from different political parties visited him and paid their respect.

Those who wanted to know the meaning of all the four Vedas read Sayana Bhashyam . S D S Vedic commentary in Hindi got the same merit.

He was inspired by Sri Dayananda Sarasvati, the founder of the Arya Samaj.

During his lifetime, he lived in different cities in North India and settled at Killa Pardi  in Gujarat.

His important works are as follows:

• Commentaries on Vedas
  • ṛgveda kā subodha bhāṣya (in four volumes; published from Swadhyay Mandal, Pardi)
  • yajurveda kā subodha bhāṣya (in two volumes)
  • sāmaveda kā subodha anuvāda
  • atharvaveda kā subodha bhāṣya (in four volumes)
• vaidikasaṃhitāḥ
  • ṛgveda mūla saṃhitā
  • yajurveda mūla saṃhitā
  • sāmaveda mūla saṃhitā
  • atharvaveda mūla saṃhitā
  • yajurvedīya kāṭhaka saṃhitā
  • yajurvedīya maitrāyaṇī saṃhitā
  • yajurvedīya kāṇva saṃhitā
  • kṛṣṇa yajurvedīya taittirīya saṃhitā
  • vedaviṣayakāḥ anyāḥ granthāḥ
  • vaidika vyākhyānamālā
  • go-jñāna kośa (A compilation of the proofs in the Vedas for the inviolability of cows and bulls and the proper contextual meaning of the mantras related to them and the explanation of the mantras related to cows)
  • vaidika yajña saṃsthā
  • mānavī āyuṣya
  • dīrgha jīvana aura ārogya
  • veda meṃ kṛṣividyā
  • vaidika sarpa-vidyā ((with the assistance of Ramachandra Kashinath Kirloskar)
  • veda-paricaya (for readers to practice Vedic mantras in simplicity)
• Puranic books
  • mahābhārata-gītā
  • mahābhārata (saṭīka) – 18 bhagon mein (Hindi translation of the text of the critical edition published by Bhandarkar Oriental Research Institute, Pune)
  • śrīmadbhagavadgītā (puruṣārthabodhinī hindīṭīkā)^[2]
  • mahābhārata kī samālocanā (Explanation and Discussion of Certain Aspects of the Mahabharata)
• Other books
  • saṃskṛta pāṭhamālā
  • saṃskṛta svayaṃśikṣaka (in two volumes) – Published by Rajpal and Sons, Delhi

Literary works

Satwalekar was interested in both individual and social health, Ayurveda, Yoga, and Vedas^[7] (particularly in the analysis of the Vedas at the level of adhibhuta) and wrote several books on these subjects, including ‘

• Vaidika Yajña Saṃsthā,
• Sparśāsparśa,
• Agni-devatā Mantra-saṅgraha,
• Indra-devatā Mantra-saṅgraha, Āgama-nibandha-mālā,
• Yoga-sādhanā-grantha-mālā, the
• Vaidika vyākhyāna-mālā series,
• Subodha Bhāṣya, etc.^[5]
• Marathi translation of Dayanand Saraswati‘s Satyarth Prakash
• Rigveda Bhaashya Bhoomika by Dayanand Saraswati – Marathi translation
• Rigveda Samhita^[8]
• Atharveda in Hindi.^[9]
• Sanskrit Svayam Shikshak (संस्कृत स्वयं-शिक्षक) – Self-learning book for learners of Sanskrit through the medium of Marathi. These were also available in Hindi and English(“Sanskrit Self Teacher”).
• Puruṣārtha-Bodhinī-Bhāṣā-Ṭīkā – A four volume Commentary on Bhagavad Gita – S.Rama calls this the best commentary on the Gita by a 20th century author^[10][2]
• Translation of the Mahabharata – The Government of India assigned the task of translating the constituted text of the Mahabharata published by the Bhandarkar Oriental Research Institute to Satwalekar. After his death, the task was taken up by Shrutisheel Sharma.^[11]
  •  

Hindi knowing people are very lucky to get S D S commentaries in the language. If someone translates his important woks in English and other South Indian languages it would be very useful.

–subham—

Tags—S D Satwalekar, Jail, Bhumi Suktam, Atharvana Veda, Sanskrit teaching,

Written by London Swaminathan

Post No. 14,535

Date uploaded in London –  20 May 2025

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx  

Vāgbhaṭa (वाग्भट) Ashtāṅgasaṅgraha (अष्टाङ्गसंग्रह)

அஷ்டாங்க ஹ்ருதயம் என்ற பெரிய மருத்துவ நூலை எழுதி புகழ் பெற்றவர் வாக்பட்டர் . அவர் பற்றிய இரண்டு சுவையான கதைகளை (சம்பவம்) படிப்பதற்கு முன்னால் அவர் செய்த நூலினை அறிவோம். மருத்துவ உலகில் சரகர், சுஸ்ருதர் ஆகிய இருவருக்கு அடுத்தாடியாக நிற்பவர் வாக்பட்டர்;

இலக்கண உலகத்தில் பாணினி- வரருசி -பதஞ்சலி ஆகிய மூவரையும் மும்முனிகள் என்பார்கள் அதே போல இந்துக்கள் , சரகர், சுஸ்ருதர், வாக்பட்டர் ஆகிய மூவரையும் மருத்துவத்தின் மும்முனிகள் என்பார்கள் .

சரகர் சுஸ்ருதர் போலவே ஐவரும் சம்ஸ்க்ருத மொழியில் ஏழாயிரம் சூத்திரங்களடங்கிய அஷ்டாங்கஹ்ருதயம் என்ற பெரிய மருத்துவ நூலை எழுதியுள்ளார்.

வாக்கபட்டரின் வாழ்க்கை பற்றி ஆராய்வதில் ஜெர்மானியர்கள் இறங்கினர் ; அவர் எழுதிய நூல்களுக்கான உரைகளின் அடிப்படையில் அவர் ஒரு காஷ்மீரி என்ற முடிவுக்கு வந்தனர். .நீண்ட நாள் வாழ்வது எப்படி என்ற காய கல்ப விஷயங்களை எழுதியதால் இவர் புகழ் ஜாவா /இந்தோனேஷியா, கம்போடியா, எகிப்து ஆகிய நாடுகளிலும் பரவியது . ஜெர்மன் ஆராய்ச்சியாளர்கள் வாக்பட்டர், எகிப்துக்குச் சென்று அந்த நாட்டிலேயே இறந்ததாகச் சொல்கின்றனர் . அவர்கள் இரண்டு உண்மைக் கதைகளையும் எழுதியுள்ளனர்.

****

முதல் கதை 

எகிப்தை ஆண்ட மன்னர்களில் ஒருவருக்கு தீராத வயிற்று நோய் ஏற்பட்டது ; அவருக்கு வாக்பட்டரின் புகழ் தெரிந்தது.  எகிப்து  நாட்டுக்கு வந்து தனக்கு சிகிச்சை தரும்படி வேண்டினார். அக்காலத்தில் கடல்கடந்து செல்வது கடினமானது; சாஸ்திர விரோதமானது ; ஆயினும் வாக்பட்டரோ ஆயுர் வேதம் மட்டுமின்றி  ஜோதிடத்திலும் வல்லவர் . தனது ஜாதகப்படி வெளிநாட்டில்தான் மரணம் என்பதை அறிந்து துணிச்சலாக கடற்பயணம் மேற்கொண்டார் . அங்கே மன்னரின் தீராத வயிற்று நோயைத் தீர்த்துவைத்தார் .

ஒரு நோயாளி கூப்பிடும்போது நோயினைத் தீர்க்கப் போகாமல் இருந்தால் அது பாவம் , குற்றம் என்று வைத்திய நூல்கள் கூறுவதால் அவர் இந்த முடிவினை  எடுத்தார்.  நான்கு மாத காலம் கப்பல் பயணம் செய்து, எகிப்துக்குச் சென்ற அவருக்கு மன்னர் ராஜ உபசாரம் செய்தார் . மன்னரின் நோயினை மூன்றே மாதங்களில் தீர்த்து வைத்தார் . நாடே அதை விழாவாகக் கொண்டாடியது . மன்னர் மனம் மகிழ்ந்து, அந்தக் கால வழக்கப்படி பாதி நாட்டினை பரிசாகக் கொடுத்தார் ஆனால் வாக்பட்டரோ அதை ஏற்க மறுத்து, என்னை நாட்டுக்குத் திருப்பி அனுப்புங்கள்; அதுவே போதும் என்றார் . உடனே மன்னர் பல பரிசுப் பொருட்களைக் கொடுத்து, பயணத்துக்கு ஏற்பாடு செய்தார். அதற்குள் திரைப்படக் கதைகளைப் போல வேறு ஒரு திருப்பம் ஏற்பட்டது! .

****

இரண்டாம் கதை அல்லது சம்பவம்

எகிப்து நாட்டின் அரசகுமாரி, திருமணம் ஆவதற்கு முன்னரே கருவுற்றாள்; காரணம், அந்தப்புர வேலையாள் ஒருவன் அவளை ஆசைகாட்டி ஏமாற்றிக் கற்பழித்து விட்டான். இந்தச் செய்தி பரவினால் அந்த வேலையாளுக்கு மரண தண்டனை கிடைக்கும்; அரச குமாரி தனது மானத்தைக் காப்பாற்ற தற்கொலை செய்துகொள்வாள் ; இதனால் அரசியும் அரச குமாரியும் வாக்கபட்டரை ரகசியமாகச் சந்த்தித்துக் கருவினைக் கலைத்துவிடுங்கள் என்ற மன்றாடினார்கள் .

இந்து மத நூல்களில் ப்ருணுஹத்தி (கருக் கொலை )  என்பது பிரம்மஹத்தி (பிராமணாள் கொலை) –க்கு  சமம் என்று சொல்லியுள்ளது ஆகையால் கருவினைக் கொல்ல  முடியாது என்றார் . அப்போது அவர்கள் ஒரு வாதத்தை முன்வைத்தனர் நீங்கள் மறுத்தால் வேலைக்காரன் மரண தண்டனையால் சாவான்; என் மகள் தற்கொலையால் சாவாள்; அவளுடைய வயிற்றிலுள்ள கருவும் சாகும்; மூவரின் உயிரைக் காப்பாற்ற முயற்சி செய்வது பாவம் இல்லையே என்று  அரசி வாதாடினாள் ; வாக் பட்டர் மனம் இரங்கி, மூவரின் உயிரையும் காப்பாற்றுவதாக வாக்களித்தார் ; ஜோதிடப்படி தனக்கு வெளிநாட்டில்தான் மரணம் என்பதை அறிந்து இருந்ததால் தன்னுயிரைக்கொடுத்து மூன்று இன்னுயிர்களைக் காப்பாற்றுவோம் என்று முடிவு செய்தார்  ..

அரசனின் முக்கிய மந்திரியிடம் சென்று மன்னர் மகள் கர்ப்பவாதியாகிவிட்டாள்; அதற்கு காரணம் தான்தான் என்றார் . மன்னருக்கும் செய்தி கிடைத்தது ; யாரும் வாக்பட்டரை நம் பத்தயாராக  இல்லை ;ஆனால் பொறாமை கொண்ட அரசவை வைத்தியர்கள் வாக் பட்டர் கற்பழித்தது உண்மையே என்று வாதாடினார்கள் ; மன்னரும்  வேறு வழியின்றி மரண தண்டனைக்கு நாள்  குறித்தார் . விஷயம் அறிந்த அரசியும், அரச குமாரியும் பதறிப்போனார்கள் ; அரச குமாரிக்கு ஒரு யோஜனை பிறந்தது . வாக்பட்டரின் முழு மருந்துகளையும் அறிந்தவள் அவள் .

வாக்பட்டர் பலவித ரசாயனங்கள், ரசக்குப்பிகள் ஆகியவற்றைச் செய்து வைத்திருந்தார் ; அதில் மாரக தூபம் என்னும் குப்பியைத் திறந்தால், விஷப்புகை பரவி அனைவரும் இறக்க நேரிடும்; இன்னும் ஒரு குப்பி அமர தூபம் ; அதைத் திறந்து வரும் புகையைச் சுவாசித்தால் அனைவரும் சாகா வரம்பெற்று நீண்ட காலம் வாழ்வார்கள் . அரச குமாரி என்ன செய்தாள்  தெரியுமா  ? எல்லோரையும் சாகடிக்கும் குப்பியைக் கொண்டு வந்து அதில் அமர தூபம் என்று எழுதினாள் . அரண்மனையிலுள்ள வைத்தியர்கள் மற்றும் அமைச்சர்கள் வந்து அதன் பலனைப் பெறலாம் என்று அறிவித்து அழைப்பும் அனுப்பினாள்; இளவரசியின் அழைப்பினை எவரும் அவமதிக்க முடியாதே; முக்கியப் புள்ளிகள் அனைவரும் அங்கே வந்தார்கள் வாக்பட்டரும் அங்கே வந்தார் ; தன்னைக் காதலித்துக் கற்பழித்த பணியாளையும் அரச குமாரி அழைத்தாள்; எல்லோரும் உள்ளே வந்த பின்னர் அறைக் கதவினைத் தாளிட்டாள் ;  புகை வெளியே போகாமல் இருப்பதற்கு அந்த ஏற்பாடு என்று எல்லோரும் மகிழ்ந்தார்கள் திடீரென அரசி குமாரி  தனது   உடைவாளினை உருவி கற்பழித்தவனை சதக் சதக் என்று குத்திக் கொன்றாள்; அவன்தான் தன்னைக் கற்பழித்தவன் என்றும் அறிவித்தாள்; எல்லோரும் திகைத்து நின்றார்கள்; நாம் எல்லோரும் இப்போது அவனுடன் செல்வோம் என்று குப்பியைத் திறந்தாள் ; எவரும் பேசுவாதற்கு நா எழுவதற்கு முன்னாள் மயக்கம் போட்டு உயிர் நீத்தார்கள் ஆக , அவளும் வாக்கபட்டரும் உள்ளே இருந்த கருவும் உயிர்த்தியாகம் செய்தன ; வாக்பட்டரின் பூத உடல், ஜோதிடத்தில் சொன்னபடி, மறைந்தது; புகழ் உடம்போ உலகம் முழுவதும் பரவியது .

அனைவரும் படித்துப் பயன்பெற வேண்டியது அவர் எழுதிய ….. அஷ்டாங்கஹ்ருதயம் நூல்; அது பற்றித் தனியாகக் காண்போம் .

—subahm—-

Tags- அஷ்டாங்கஹ்ருதயம் , மருத்துவ நூல் , வாக்பட்டர், எகிப்து , மன்னர் , நோய், ரசக்குப்பி, மாரக தூபம் , அமர தூபம்

WRITTEN BY S NAGARAJAN

Post No. 14,534

Date uploaded in London – –20 May 2025

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx 

17-5-25 மாலைமலர் இதழில் வெளியாகியுள்ள கட்டுரை! 

அமைதியின் உறைவிடம் பீஹார்! 

ச. நாகராஜன் 

இந்தியாவின் கிழக்குப் பகுதியில் அமைந்துள்ள மாநிலம் பீஹார். பழைய காலத்தில் மகதம் என்று இது அழைக்கப்பட்டது. 

இந்துக்களுக்கு மிக முக்கியமாக அமைவது கயா  திருத்தலமாகும். இதுவே புத்தமதத்தினருக்கும், ஜைன மதத்தினருக்கும் கூட மிக முக்கியமான திருத்தலமாகவும் திகழ்கிறது.

 இத்திருத்தலம் பீகார் மாநிலத்தில் அதன் தலைநகரான பாட்னாவிலிருந்து 100 கிலோ  மீட்டர் தெற்கில் உள்ளது. கல்கத்தா- வாரணாசி செல்லும் ரயில் பாதையில் கயா ரயில் நிலையத்தில் இருந்து 3 கிலோமீட்டர் தூரத்தில் உள்ளது.

 மூலவர் : கதாதரர்

தீர்த்தம் : ராமாயணத்தில் நிரஞ்சனா என்று குறிப்பிடப்படும் பல்குனி நதி

தல விருட்சம் : அட்சய வடம் எனப்படும் ஆலமரம்

இந்தத் தலத்தைப் பற்றிய முக்கியமான புராண வரலாறு ஒன்று உண்டு.

 முன்பொரு காலத்தில் கயாசுரன் என்று ஒரு அசுரன் இருந்தான். சிறந்த விஷ்ணு பக்தனான அவன் விஷ்ணுவைக் குறித்துத் தவம் செய்தான். பிரம்மா, சிவன் ஆகியோருடைய சரீரங்களை விடத் தனது சரீரம் பரிசுத்தமாக இருக்க வேண்டும் என்று அவன் வேண்டினான். அதன் படியே அவன் பரிசுத்தமாக ஆனான். இதனால் அவன் யாரைத் தொட்டாலும் அவர்கள் சொர்க்கத்தை அடைய ஆரம்பித்தனர். அவனால் பாவிகளும் கூட ஏராளமானோர் சொர்க்கத்திற்குச் செல்லவே தேவர்கள் விஷ்ணுவை நோக்கிப் பிரார்த்தித்து இதற்கு ஒரு தீர்வைத் தருமாறு வேண்டினர். விஷ்ணுவின் கட்டளைப்படி பிரம்மா ஒரு யாகத்தை கயாசுரனின் சரீரத்தின் மீது செய்தார். யாகத்திற்கு பிரம்மாவும் சிவனும் வந்திருந்தனர்.

அக்னியின் சூடு அந்த அசுரனை ஒன்றும் செய்யவில்லை. யமனை அழைத்து அவனை எழுந்திருக்காதபடி செய்ய முயன்ற போதும் அவன் தலை ஆடியது. யமனின் மகன் அந்தத் தலை மீது காலால் அமுக்கியபோதும் உடல் அசைவு நிற்கவில்லை.

விஷ்ணு நேரில் பிரத்யட்சமாகி அசுரன் தலை மேல் தன் பாதத்தை வைத்தார். அத்துடன் அவன் தலை ஆடாமல் நின்றது. யாகமும் பூர்த்தியாயிற்று.

 இங்குள்ள கோவில் விஷ்ணுவின் பாதம் பொறிக்கப்பட்டுள்ளது. அசுரனை, விஷ்ணு தன் காலால் பாதாளத்தில் அமிழ்த்தியதால், உண்டான வடுவே இந்த விஷ்ணு பாதம் ஆகும்.

இது கருங்கல்லில் 40 செமீ நீளத்திற்கு உள்ளது. எண்கோண வடிவில் அமைந்த இந்த கோவில் 30 மீட்டர் உயரமும் எட்டு அடுக்குகளும் கொண்டதாகும்.

 அசுரனின் பிரார்த்தனையின் படி மும்மூர்த்திகளும் அனைத்து தேவதைகளும் இங்கு வசிக்கின்றனர். இங்குள்ள அட்சய வடத்தில் திதியை முடிப்பவர்களுக்கு முக்தி நிலையைக் கொடுக்க வேண்டும் என்ற கயாசுரனின் வேண்டுதலும் அருளப்பட்டது.

ஆகவே இங்கு சிரார்த்தம் செய்தால் ஏழு தலைமுறை பித்ருக்கள் மோக்ஷம் அடைவார்கள் என்பது ஐதீகம். ராமாயணத்திலும் மஹாபாரதத்திலும் இத்தலம் குறிப்பிடப்பட்டுள்ளது. ராமரும் சீதையும் லக்ஷ்மணரும் இங்கு வந்ததையும் ராமர் தசரதருக்கு பிண்ட தானம் கொடுத்ததையும் ராமாயணன் குறிப்பிடுகிறது

 இங்கு வருபவர்கள் காமம், கோபம், மோகம் ஆகிய மூன்றையும் விட வேண்டும் என்பது ஐதீகம். அட்சய வடத்தில் சிரார்த்தம் செய்பவர்கள் தங்கள் வாழ்நாள் முழுவதும் தங்களுக்குப் பிடித்த ஒரு காய் அல்லது பழம் போன்ற எதையாவது விட்டு விடுதல் வேண்டும். இந்த உறுதி மொழியை வாழ்நாள் முழுவதும் கடைப்பிடிக்க வேண்டும்.

இங்குள்ள அட்சய வடத்தின் வேர்ப்பகுதி பிரயாகையிலும் நடுப்பகுதி காசியிலும் உச்சி மரக்கிளை கயாவிலும் இருப்பதாக ஐதீகம். இதை மூலம் – மத்யம் – அக்ரம் என்று குறிப்பிடுவது வழக்கம்.

 இது உயரமான ஒரு இடத்தில் இருப்பதால் படிகளின் மீது ஏறிச் செல்ல வேண்டும். அங்குள்ள கிணறு ஒன்றில் குளிக்கலாம்; கை கால்களைச் சுத்தம் செய்து கொள்ளலாம்.

 புத்த கயா 

கயாவிலிருந்து புத்தகயா பத்து கிலோமீட்டர் தூரத்தில் அமைந்துள்ளது

 புத்த மதம் தொடங்கிய இடம் புத்த கயா ஆகும். இங்குள்ள போதிமரத்தடியின் கீழ் அமர்ந்து புத்தர் தியானம் செய்து ஞானம் பெற்றார். புத்தர் ஞானம் பெற்ற நாள் புத்த பூர்ணிமா தினமாகக் கொண்டாடப்படுகிறது.

 புத்த கயாவில் போதி விருட்சம் எனப்படும் அரச மரம் உள்ளது.

இங்கிருக்கும் புத்தர் கோவில் 185 அடி  உயரம் கொண்டது. இங்குள்ள போதி விருட்சத்தின் அடியில் புத்த பிட்சுக்கள் அமர்ந்து தியானத்தில் ஆழ்ந்திருப்பது பாரம்பரியப் பழக்கமாகும். இந்த மரத்திலிருந்து உதிரும் இலைகளே இங்கு வழங்கப்படும் பிரசாதமாகும். இங்கு மிகப் பெரிய புத்தர் சிலை உள்ளது. இதன் அருகே வைக்கப்பட்டிருக்கும் மரப்பலகை மீது நமஸ்கரித்து அனைவரும் வணங்குகிறார்கள்.

இங்குள்ள பிரகாரத்தைச் சுற்றி மணி மகுட அமைப்புகள் உள்ளன. புத்தரின் வாழ்க்கை வரலாறு இங்கு சித்திரமாக வரையப்பட்டுள்ளது. இங்குள்ள உருளைகளைச் சுற்றினால் செய்த பாவம் போகும் என்பது பௌத்தர்களின் நம்பிக்கை.

இது யுனெஸ்கோவின் பாரம்பரிய தளங்களில் ஒன்றாக அங்கீகரிக்கப்பட்டிருக்கிறது. இங்கு தாய் மடாலயம், முச்சலிண்டா ஏரி, பல்கு நதி, பிரம்மயோனி கோவில், சங்கமனா, சீனக் கோவில். வியட்நாம் கோவில் உள்ளிட்டவையும் அமைந்துள்ளன. இவற்றிற்கும் அனைவரும் செல்வது வழக்கம்.

நாலந்தா பல்கலைக்கழகம்

 கயாவிலிருந்து 73 கிலோமீட்டர் தூரத்தில் உள்ளது நாலந்தா.

 800 வருடங்களுக்கும் மேலாக கல்வி அளித்து வந்த நாலந்தா பல்கலைக் கழகம் உலகெங்கிலுமிருந்து மாணவர்களை ஈர்த்த பிரம்மாண்டமான பழம்பெரும் கல்வி நிலையமாகும்.

 இது யுனெஸ்கோவின் பாரம்பரிய தளமாகும்.

 இங்குள்ள நாலந்தா அகழ்வாராய்ச்சி அருங்காட்சியகம் புத்தமதம் சம்பந்தமான அனைத்து நூல்கள் உள்ளிட்டவற்றைக் காட்சிப் படுத்துகிறது.

 ஹுவான்சுவாங் நினைவகம்

பிரபல சீன யாத்ரீகரான யுவான் சுவாம் ஏழாம் நூற்றாண்டில் இங்கு வந்ததை நினைவுபடுத்தும் விதமாக அமைந்துள்ளது இந்த நினைவகம்.

 சூரியன் கோவில்

நாலந்தா பல்கலைக்கழகம் இருந்த இடத்திற்கு அருகில் சூரியனுக்கான கோவில் ஒன்று உள்ளது. கட்டிடக் கலையின் உன்னதத்தைக் காட்டும் சிதிலமடைந்த கோவில் இது.

 குண்டல்பூர்

 நாலந்தாவிலிருந்து நான்கு கிலோமீட்டர் தொலைவில் குண்டல்பூர் அமைந்துள்ளது. இங்கு தான் ஜைன மத நிறுவனரான மஹாவீர் அவதரித்தார். 11 அடி உயரமுள்ள மஹாவீரரின் சிலை இங்கு அமைந்துள்ளது. கோவிலின் உயரம் 101 அடியாகும்.

இந்தக் கோவிலுக்கு இரு புறமும் ரிஷப்தேவ் கோவிலும் த்ரிகால் சௌபிசி கோவில்களும் உள்ளன.

 பாவாபுரி 

பாவங்களே இல்லாத நகர் என்ற பெயரைக் கொண்ட பாவாபுரி பாட்னாவிலிருந்து 95 கிலோமீட்டர் தூரத்தில் உள்ளது. இங்கு தான் ஜைன மதத்தை நிறுவிய பகவான் மஹாவீர் சமாதி அடைந்தார். அழகிய குளமும், குளத்தின் நடுவில் கோவிலும் உண்டு. இங்கு மஹாவீரரின் பாதச்சுவடுகள் உள்ளன. 

சாரிபுத்திரர் ஸ்தூபி

நாலந்தா ரயில் நிலையத்தின் அருகில் 3 கிலோமீட்டர் தொலைவில் உள்ளது சரிபுத்ரா ஸ்தூபி. இதை நாலந்தா ஸ்தூபி என்றும் அழைப்பதுண்டு. இது யுனெஸ்கோவின் பாரம்பரிய தளமாகும்.

பிரமிட் போல இதன் மேற்புறம் அமைந்துள்ளது. கிமு. மூன்றாம் நூற்றாண்டில் அசோக மன்னனால் நிறுவப்பட்டது இது.

 கௌதம புத்தரின் முக்கியமான பத்து சீடர்களுள் ஒருவர் சாரிபுத்திரர்.

 புத்தபிரான் மஹாநிரிவாணம் அடைவதற்கு சில மாதங்களுக்கு முன்னர் சாரிபுத்திரர் தான் பிறந்த நாலந்தாவிலேயே கார்த்திகை மாத பௌர்ணமி அன்று பரிநிர்வாணம் அடைந்தார். அவரது எலும்புகள் இங்கு பாதுகாக்கப்பட்டு வருகின்றன. ஏழு அடுக்கு கொண்டது இந்த ஸ்தூபி, இங்கு புத்த மதத்தின் புனித நூல்களின் உபதேசங்கள் பொறிக்கப்பட்டுள்ளன.

 ககோலாட் நீர்வீழ்ச்சி

புத்த கயாவிலிருந்து 83 கிலோமீட்டர் தொலைவில் அமைந்துள்ளது ககோலாட் நீர்வீழ்ச்சி. உலகெங்கிலுமிருந்து பயணிகள் விரும்பி வரும் இடம் இது. சுமார் 160 அடி உயரத்திலிருந்து விழும் நீர் கீழே ஒரு நீர்த்தேக்கத்தை ஏற்படுத்துகிறது.

இதைப் பற்றிய பழைய புராண வரலாறு ஒன்று உண்டு.

திரேதா யுகத்தில் வாழ்ந்த ஒரு மன்னன் மலைப்பாம்பாக போகும்படி சபிக்கப்பட்டான். அவன் இந்த நீர்வீழ்ச்சியில் வாழ்கிறான் என்பது ஐதீகம்.

 பாண்டவர்கள் வனவாச காலத்தில் இந்தப் பகுதிக்கு வந்ததாகவும் வரலாறு கூறுகிறது. இதனால் பாம்பாக இருந்த மன்னன் சாப விமோசனம் பெற்றான். ஆகவே இந்த நீர்வீழ்ச்சியில் குளிப்பவர்கள் ஒருபோதும் பாம்பாக பிறவி எடுக்க மாட்டார்கள் என்று அந்த மன்னன் உறுதி கூறியதாகவும் வழிவழி கதை கூறுகிறது.

 இப்படி பீஹார் மாநிலத்தை எடுத்துக் கொண்டால் குறைந்த பட்சம் சுமார் 150 சுற்றுலா இடங்கள் உள்ளன. பாட்னா உள்ளிட்ட இடங்களிலிருந்து சுற்றி உள்ள பல மாநிலங்கள் அருகிலும் இவை அமைந்துள்ளன என்பதால் முதலிலேயே நல்லதொரு சுற்றுலா திட்டத்தை வகுத்துக் கொள்வது இன்றியமையாதது.

 ஆன்மீக யாத்திரை மேற்கொள்பவர்களுக்கு கயாவே மையத் தலமாக அமையும்.

**

GNANAMAYAM 18^TH MAY  2025 SUNDAY BROADCAST SUMMARY

Gnanamayam Broadcast comes to you EVERY SUNDAY via Zoom, Facebook and You Tube at the same time .

London Time 1 PM (British Summer Time)

Indian Time 5-30 pm (evening)

Sydney, Australia time 11 pm (Night)

*****

PLEASE JOIN US TO LISTEN TO SPECIAL PROGRAMMES via Zoom, Facebook and You Tube at the same time .

***

Prayer by Mrs Jayanthi Sundar.

***

World Hindu News in Tamil  presented by Vaishnavi Anand from London and Gomathi Karthikeyan from Chennai.

***

Mrs. Brahannayaki Sathyanarayan spoke on NAGAPPATTINAM SHRINE.

****

Professor S Suryanarayanan, Former Principal of Madurai Saraswathy Narayanan College spoke on Great Mathematician Ramanujan (in Tamil)

**** 

SPECIAL EVENT-

VARANASI KUMBABHISHEKAM BOOK REVIEW BY AUTHOR SRI SUBBU SUNDARAM FROM CHENNAI.

****

If you need Zoom link, please contact us; if you want to talk or interview or sing, please contact us.

It is on Every Sunday for one hour.

****

18-5-2025 ஞானமயம் ஒளி / ஒலி பரப்பு நிகழ்ச்சிநிரல்

நேரில் காணலாம்; கேட்கலாம் via Zoom, Facebook and You Tube at the same time .

***

இறைவணக்கம் –திருமதி ஜெயந்தி சுந்தர் .

****

உலக இந்துமத செய்தி மடல்-

லண்டனிலிருந்து திருமதி வைஷ்ணவி ஆனந்த் மற்றும் சென்னையிலிருந்து கோமதி கார்த்திகேயன்

***

ஆலயம் அறிவோம் திருமதி பிரஹந்நாயகி சத்ய நாராயணன் —

தலைப்பு –  திருநாகைக்காரோணம் (நாகபட்டினம்)

****

சொற்பொழிவு:-

பேராசிரியர் எஸ். சூரியநாராயணன் , மதுரை சரஸ்வதி நாராயணன் கல்லூரியின் முன்னாள் பிரின்சிபால் .

தலைப்பு — கணிதமேதை ராமானுஜன் வாழ்வில் சுவையான சம்பவங்கள்

****

இன்றைய சிறப்பு நிகழ்ச்சி:

சொற்பொழிவு – திரு சுப்பு சுந்தரம், ஆசிரியர்  — காசி கும்பாபிஷேகம்

இந்த ஆண்டின் துவக்கத்தில் வெளியான சுப்பு சுந்தரம் நூல் 

விமர்சனம்.

சுப்பு சுந்தரம் எழுதிய காசி கும்பாபிஷேகம் எனும் நூல் பற்றி திரு சுப்பு சுந்தரம்,

*****

Anchored by London Swaminathan from London and Kalyanji from India.

****

JOIN US ON EVERY SUNDAY.

—subham—

Tags- GNANAMAYAM ,18-5-2025, BROADCAST, PROGRAMME

சுப்பு சுந்தரம் எழுதிய காசி கும்பாபிஷேகம் (NEWS ABOUT THE BOOK LAUNCH IN JANUARY 2025)

.

சுப்பு சுந்தரம் எழுதிய காசி கும்பாபிஷேகம் எனும் நூலுக்கான வெளியீட்டு விழா. விழா 29/1/2025

சென்னை மயிலாப்பூர் பாரதிய வித்யா பவனில் கடந்த 29-ம் தேதி நடைபெற்றது. இவ்விழாவில் தமிழ்நாடு ஆளுநர் ஆர்.என். ரவி சுலந்துகொண்டு நூலை வெளியிட்டார். இந்திகழ்ச்சியில் ஐ.ஐ.டி இயக்குநர் காமகோடி, துக்ளக் பத்திரிகையின் ஆசிரியர் குருமூர்த்தி உள்ளிட்ட வி.ஐ.பிக்கள் கலந்துகொண்டனர்.

விழாவில் குருமூர்த்தி பேசும் போது. ஆன்மிகத்திற்காகவே பிறந்து அதற்காகவே வியாபாரம் செய்தவர்கள் நகரத்தார். தலைமுறை தலைமுறையாக வேதத்தையும் கோயில்களையும் பாதுகாத்தவர்களும் அவர்களே காசி பிரயாக்ராஜ் உள்ளிட்ட பல்வேறு நகரங்களில் ஆன்மிக பணி யாற்றிய நகரத்தாரின் தாழ்வுக்கு திராவிடம்தான் காரணம் திராவிட இயக்கத்தால் ஆன்மிகம் குறைந்ததால்தான். நகரத்தார் சமுதாயம் தாழ்ந்தது. காசி தமிழ் சங்கத்திற்கு வித்திட்ட ஆளுநர் ஆர்.என்.ரவி அவர்கள் இந்நூலை வெளியிட்டுள்ளதால், இந்நூலுக்கு இன்னும் பெருமை சேர்கிறது என்றார்.

விழாவில் ஆளுநர் ஆர்.எஸ். ரவி தனது உரையில் “ஆன்மிகத் தலமாக விளங்கும் காசியில் 40,000 தமிழக மக்கள் வாழ்ந்து வருகின்றனர். ஆயிரம் ஆண்டு களுக்கும் மேலாக தமிழர்கள் காசியுடன் நெருங்கிய தொடர்பில் உள்ளனர் காசி, பாரதத்தின் ஆன்மிக ஈர்ப்பு மையம் ரிஷிகளால் பாரதம் உருவாக்கப்பட்டபோது, அவர்கள் சனாதன தர்மத்தை மட்டும் வழங்கவில்லை. நமது நாட்டின் பாரம்பரியமும் நமது ரிஷிகளால் உருவாக்கப்பட்டது. மேலும் ரிஷிகள் நாடு முழுவதும்

ஒரு கட்டமைடையும் உருவாக்கின செல்வத்தை உருவாக்குவது ஒவ்வொருவரின் கடமை துரதிரஷ்ட வசமாக சுதந்திரத்திற்குப் பிறகு நாம் திசையை இழந்தோம் பாரதத்தின் முக்கிய பலம் சனாதன தர்மமே பாரதத்தைப் புரிந்துகொள்ளும் ஒரு தேசியத் தலைவர் நமக்கு இருக்கிறார். சமூகத்தில் நடந்த தவறுகளை திருக்கி அவர் மீண்டும் பாரதத்தை மீட்டுக் கொண்டுவர் முயற்சிக்கிறார். அந்த வகையில் இந்தியா வரும் காலங்களில் தன்னிறைவு பெற்ற நாடாக மலரும் என்றபோது, எழுந்த பலந்த சுர கோஷம் மகிழ்ச்சியின் வெளிப்பாடு

காசிக்குப் போய்வந்த அனுபவத்தையும்; காசியிலே பல நூற்றாண்டுகள் வாழ்ந்த அனுபவத்தையும் இந்த நூல் தருகிறது. காசி எனும் பெயர் காரணம். , வரலாறு அதை ஆண்ட மன்னர்களின் பங்களிப்பு மக்களின் வாழ்க்கை காசி விஸ்வநாதர் ஆலயத்தின் சிறப்பு என விரிவாக எழுதப்பட்டுள்ளது. சில அற்புதங்கள் சிலரது கையால்தான் நிகழ வேண்டும் என்பது கடவுளின் விருப்பம். அப்படி சுப்பு சுந்தரத்தின் திருக்கரங்களால் நிகழ்த்தி வைக்கப்பட்டுள்ளது. 

—subaham—

Tags-Gnanamayam Broadcast, May 18, 2025,Summary

WRITTEN BY LONDON SWAMINATHAN

Post No. 14,533

Date uploaded in London – –19 May 2025

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx

PART 42

Stamps posted today include 1993, 1994 STAMPS,

People with stress, mental health, children on elephant, children s day, india tea, papal seminary, speed post letters, custom house wharf, Calcutta,  dr sampurnanad, kirkee miltary college,  ilo, ipta, drum beating,  statue of sepoy,  institute of mental health, madras regiment, sepoy statue,  human resources centre,  khuda bakhs library,  j r d tata, beghum Akhtar, international year of family, small family, baby, polio immunization, upasi centenary, ,  world of work, international cancer congress,  eigth triennale, heart care festival, sanchi stupi, satellite dish, otter, pune military engineering college,  new definitive series , Calcutta Blind School, Bombay GPO

–subham—

Tags– Pictures of 2500 Indian Stamps, Part 42, year 1993 , 1994, People with stress, mental health, children on elephant, children s day, india tea, papal seminary, speed post letters, custom house wharf, Calcutta,  dr sampurnanad, kirkee miltary college,  ilo, ipta, drum beating,  statue of sepoy,  institute of mental health, madras regiment, sepoy statue,  human resources centre,  khuda bakhs library,  j r d tata, beghum Akhtar,international year of family, small family, baby, polio immunization, upasi centenary, ,  world of work, international cancer congress,  eigth triennale, heart care festival, sanchi stupi, satellite dish, otter, pune military engineering college,  new definitive series , remount vetenary corps, Bombay GPO, Calcutta Blind School