WRITTEN BY KATTUKKUTY

Post No. 8581

Date uploaded in London – 27 August 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

அடிக்கல்ல குளிரு,  ஆனா துடிக்குது உதடு…..

Kattukutty

என்ன அர்த்தம் மாமா ……சொல்லு நீ ஆமா….

(திரு.சாமி நாதன் அவர்கள் 13-10-2018 post 5535

அன்று எழுதிய “கண் துடிப்பது நல்லதா கெட்டதா??? “

என்ற கட்டுரையின் தொடர்ச்சி)

தாத்தா, தாத்தா, என் அக்கா உங்களண்ட ஒண்ணு கேட்டுண்டு

வரச் சொன்னா…….அவளுக்கு நேத்து ராத்ரீலேர்ந்து உதடு

துடிக்கறதாம்.

 நான்கேட்டேன் – உங்கக்கா எங்கே????

ஆபீஸுக்கு போயிருக்கா ராத்ரி 7 மணிக்கு தான் வருவா…..

சரி உங்கக்கா வந்தா பாக்கச் சொல்லு…….

நீங்க சொன்னாதா ….நான் போவேன்……அந்த அய்யர் வீட்டு பெண் சிறு குழந்தை சொன்னால் கேட்காதென்று எனக்குத் தெரியும்……..

அந்த பெண்ணிடம் சொன்னேன் ,”அடி உனக்கு அத்திம்பேர்

வரப் போரார்டி”……..வழக்கம்போல ஒரு சாக்லேட் வாங்கிக்

கொண்டு கத்திக்கொண்டே போனாள்……..

இரவு 9 மணிக்கு தட. தட என்று கதவைத் தட்டும் சத்தம்……

“அட, அடுத்தாத்து ஐஸ்வர்யா ராய்!!! “ என சொல்லிக் கொண்டே

கதவைத் திறந்தாள் என் மனைவி……

என்ன மாமா நீங்களே இப்படி செய்யலாமா …சொல்லலாமா?

அந்தக் கழுதை இந்த காம்பவுண்டுல இருக்கிற 24 பேர்வீட்டிலேயும் போய் எனக்கு அத்திம்பேர் வரப் போரர்ன்னு சொல்லிட்டு வந்திருக்கு…….

இந்த விஷயத்திற்கு நீ வராமல் குழந்தையை அனுப்பியது எந்த விதத்தில் எனக்கு மரியாதை???? உனக்கு ஜோதிடர் என்றால் அவ்வளவு இளப்பமா????

திடீரென ஒரு சத்தம் அவள் என்காலில் விழுந்து கிடக்கிறாள்….

என்னை மன்னிச்சடுங்க மாமா…..

உனக்கு கல்யாணம் ஆகப் போகிறது.

ரொம்ப தேங்ஸ்…..எனக்கு இப்ப வேண்டாம்….என்று சொல்லி

கொண்டே ஓடி விட்டாள்

உடலிலுள்ள நரம்புகள் இயற்கை விதியை மீறி சில சமயம்

துடிக்குமாம்.அப்போது, கண், உதடு, நெற்றி, விரல்கள்,

கால் விரல்கள், பெண்களுக்கு மார்பகங்கள், கை, புஜங்கள் துடிக்குமாம்.

இதற்கு மருத்துவத்துறையில் “மயோகிமியா“”(“MYOKYMIA”) என்று சொல்லுவார்கள்

காரணங்கள் பல — தூக்கமின்மை,சோர்வு ,நரம்பு தளர்ச்சி, போதை வஸ்துக்களை உபயோகிப்பது, அடிக்கடி காப்பி சாப்பிடுவது…….அடிக்கடி துடித்தால் தகுந்த மருத்துவரை நாடி, ஆலோசனை பெறலாம்,

எப்போதாவது துடித்தால் என்னிடம் வாருங்கள் இதோ பதில்!!!

என்னன்ன அங்கம் துடித்தால் என்னன்ன பலன்…….

இது அபிதான சிந்தாமணி என்ற நூலிலிருந்து தொகுத்தது.

முதலில் தலையிலிருந்து ஆரம்பிப்போம்.

தலை உச்சி துடித்தால் சங்கடங்கள் நீங்கும்.

தலையின வலது பக்கம் துடித தால்-பயம் வரும்.

இனிமேல் துடித்ததால் என்று அடிக்கடி எழுதப்போவதில்லை

அங்கத்தின் பெயரை எழுதினாலே அது துடித்தால் என்று

அர்த்தம் கொள்ளுங்கள்.ஓ கே… மேலே போகலாமா????

வலது நெற்றி- பிணி நீங்கும்

வலது புருவம்- பெருமை சேரும்

இடது புருவம்- கெட்ட வார்த்தைகள் கேட்க நேரும்

இரண்டு புருவங்களும் சேர்ந்து துடித்தால்-பெருமை சேரும்

வலது மேல் இமை-வழக்குகள் விலகும்

இடது மேல் இமை- துன்பங்கள் வந்து பின் போகும்

இரு மேலிமைகளும்-புகழ், செல்வம் சேரும்

வலது கீழ் இமை- நண்பருக்கு கேடு

இடது கீழ் இமை-நோய் விலகும்

இடக்கண் முழுவதும்- செல்வம் சேரும்

வலக்கண் முழுவதும்-நோய் விலகும்

வலது மூக்கு- செல்வம் சேரும்

இடது மூக்கு – செல்வம்சேரும்

மேல் உதடு- நல்ல காரியம் நடக்கும்

கீழ் உதடு- விதம்விதமான தின் பண்டங்கள் கிடைக்கும்

வலது பிடரி- நன்மை

இடது பிடரி- பெருமை கிடைக்கும்

கழுத்து……மரணச் செய்தி கிடைக்கும்

இனி மேல் கழுத்துக்குக் கீழ் வருவோமா????

வலது புஜம்- வழக்குகளில் வெற்றி

இடது புஜம் – தூரத்து செய்தி வரும்

இடது புஜத்துடன் இடது மார்பும் சேர்ந்து-மரணச்செய்தி வரும்

வலது கை- தோஷம் நீங்கும்

வலது முழங்கை-தெய்வ அருள் கிட்டும்

இடது முழங்கை- பணம் கிடைக்கும்

வலது உள்ளங்கை-பாதிப்பு

இடது உள்ளங்கை -லாபம்

வலது புறங்கை-வம்பு வழக்கு

இடது புறங்கை-துன்பம்

இனிமேல் விரல்களுக்கு வருவோமா……

நடு விரல்- நல்ல செய்தி

மோதிர விரல் – பெருமை

சிறு விரல் – மரணச் செய்தி

வலது கை அடிப்பாகம்- எடுத்த காரியம் முடியும்

இடது கை அடிப்பாகம்-காரிய தாமதம்

இடக்கை பெரு விரல்-நல்ல முடிவு

இடக்கை சுட்டு விரல்-ராஜ அனுகூலம்

இடக்கை நடு விரல்- பெருமை

இடக்கை மோதிர விரல் – நல்லது நடக்கும்

இடக்கை சிறு விரல்-நீண்ட ஆயுள்

இனிமேல் நமது மார்புக்கு வருவோமா????

நெஞ்சு— வியாதி வரப்போகிறது

வலது முலை – சாவு செய்தி

இடது முலை- சுகவாழ்க்கை

முதுகு தொப்புள்- கவலை

இடது விலா- வீடிழப்பு

முதுகு முழுவதும் – நோய்நீங்காது

வலது முதுகு- நோய் வந்து நீங்கும்

இடது முதுகு-குடி இருக்கும் வீட்டைகாலி செய்ய வைக்கும்

நடு முதுகு – செல்வம் வரும்

வலது கழுத்துப பட்டை – புது வஸ்த்திரம்

இடது கழுத்துப் பட்டை- இனிய வார்த்தை

இரு பட்டைகளும் – துன்பம் இடை- புகழ் வேள்வி

இடது விதை- – நோய் நீங்கும் வலது விதை- வாகன யோகம்

வலது தொடை- வழக்கில் வெற்றி இடது தொடை- நல்ல சேதி

இரு தொடைகளும்- செம்பொன் கிடைக்கும்

வலது முழந்தாள் -கோபம்வரும்

இடது முழந்தாள்- பந்துக்கள் வருகை

இரண்டு முழந்தாள்களும்-பண வருமானம்

வலது கணை கால்- செல்வம் வருகை

இடது கணைக்கால்- சாவு வார்த்தை

இடது கண்டைக்கால்- நோயினால் தன்பம்

வலது கண்டைக் கால்- அடிமைப் படுதல்

இரு கண்டைக்கால்களும்- பிரயாணம்

பின் உள்ள இடது புற வழி – நோய்

பின் உள்ள வலது புற வழி-வழக்கில் வெற்றி

வலது உள்ளங்கால் பாதம்- பொருள் கை கூடும்

இடது உள்ளங்கால் பாதம்- நோய் நீங்கும்

இரு கால்விரல்களும்- செல்வமும் நன்மையும் சேரும்

இதெல்லாம் சொல்லி விட்டாய் கத்துக்குட்டி

இதெற்கென்ன பதில்

துடியா துடிக்குது மனசு ????

துடிக்குது மனசு, அடிக்குது காத்து, கதவச் சாத்து…..

***

WRITTEN BY S NAGARAJAN                     

Post No. 8579

Date uploaded in London – – –27 August 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

சுந்தர மூர்த்தி நாயனாருக்கு சிவபிரான் பொன் கொடுத்த வரலாறு!

ச.நாகராஜன்

சுந்தர மூர்த்தி நாயனார் சிவபிரானைத் தோழனாக நினைத்து வழிபட்ட ஒரு அபூர்வமான சிவ பக்தர்.

இவர் வாழ்வில் நடந்த திருவிளையாடல்கள் ஏராளம்! அனைத்தும் ஆச்சரியமூட்டுபவை.

ஒரு விளையாடல் இதோ:

பேரூர் உள்ளிட்ட மேல் கொங்கு நாட்டுத் தல வழிபாட்டை மேற்கொண்டார் சுந்தரமூர்த்தி நாயனார். அவருக்குப் பொன் கொடுக்கத் திருவுளம் கொண்டார் சிவபிரான் – விக்ருதேசுரர்! ஒரு முதிய அந்தணர் வேடம் பூண்டார் விக்ருதேசுரர்! மூத்த பிள்ளையார் முதலிய திருக்குமாரர்கள் பின் தொடர்ந்து வர, தினந்தோறும் உள்ளார்ந்த அன்புடன் தன்னைப் பூஜித்து வரும் ஒரு கிழமையுற்ற ஆய்மகளிடம் அவர் சென்றார். இந்தக் குழந்தைகளை ஈடாக வைத்துக் கொண்டு பொன் தர வேண்டுமென்று வேண்டினார் அவர். அதற்கு இசைந்த அந்தக் கிழ மாது அந்த முதிய அந்தணர் குறிப்பிட்ட அளவுக்குப் பொன் கொடுத்து உதவினாள். அதைப் பெற்றுக் கொண்ட அந்தணர் தன் முன்

திருப்பதிகம் பாடிய சுந்தர மூர்த்தி நாயனாருக்கு அந்தப் பொன்னைக் கொடுத்தருளினார்.

இந்த நிகழ்வு வெங்கால நாட்டில் நிகழ்ந்தது.

இதை திருவெஞ்சமாக் கூடற்புராணம் பாடிச் சிறப்பிக்கிறது.

பாடல்:-

கொள்ளை வண் டியிரு நாட்பூங் கோதையோர் பாகர் முன்பு

கள்ளமி லுள்ளத் தன்பு கனிந்துள கிழவி யார்பாற்

பிள்ளைக ளீடு காட்டிப் பெற்றசெம் பொன்னை யெல்லாந்

தெள்ளிய தமிழ்ப்பா சொன்ன திருத்தொண்டர்க் குவந்த ளித்தார்

                           (திருவெஞ்சமாக்கூடற் புராணம்)

இந்த அருமையான நிகழ்ச்சியைப் போற்றிப் பதிவு செய்கிறது கொங்கு மண்டல சதகம் தனது பத்தாம் பாடலில்!

கிழவே தியவடி வாகி விருத்தையைக் கிட்டியெந்தன்

அழகாகு மக்க ளடகு கொண் டம்பொ னருடியென்றேற்

றெழுகாத லாற்றமிழ் பாடிய சுந்தரற் கீந்தவொரு

மழுவேந் தியவிகிர் தேசுரன் வாழ்கொங்கு  மண்டலமே

பொருள் :-

சுந்தர மூர்த்தி நாயனார்க்குப் பொன் கொடுக்க வேண்டும் என்று அருளுள்ளம் கொண்டு, மூத்த பிள்ளையார் உள்ளிட்ட திருக்குமாரர்களை ஈடு வைத்துப் பொன் பெற்று அதை ஈந்த விகிர்தேஸ்வரர் விளங்குவதும் கொங்கு மண்டலமே தான்!

tags — சுந்தர மூர்த்தி நாயனார், பொன்

***

WRITTEN BY LONDON SWAMINATHAN

Post No. 8578

Date uploaded in London – 26 August 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

கம்பளி பற்றிய ஆறு பழமொழிகளைக் கண்டுபிடியுங்கள் (8578)

பல பழமொழிகளில் கம்பளி என்று மீண்டும் மீண்டும் வந்தாலும் , கட்டத்தில் ஓரிரு இடங்களில் மட்டுமே  காணப்படும். விடைகள் கீழே உள்ளன.

1.கரடி கையில் உதை  பட்டவனுக்கு கம்பளிக்காரனை கண்டால்  பயம்

2.கம்பளி மூட்டை என்று  கரடி மூட்டையை அவிழ்த்தானாம்

3.கம்பளிமேல் பிசின்

4.கம்பளியிலே   சோற்றைபோட்டு மயிர் மயிர் என்கிறதா?

5.கம்பளியில் ஒட்டின கூ ழைப் போல

6.கம்பளி விற்ற பணத்துக்கு மயிர் முளைத்திருக்கிறதா?

tag– கம்பளி

WRITTEN BY LONDON SWAMINATHAN

Post No. 8576

Date uploaded in London – 26 August 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

கலியுகம் முடிந்து துவாபர யுகம் நடக்கிறது

இப்போது நடப்பது கலியுகம் அல்ல; இது துவாபர யுகம் – என்ற வியப்பான செய்தியை நடிகர் ரஜினி  காந்த்தின் குரு கூறுகிறார். அவர் பெயர் யோகி யுக்தேஸ்வர் . அவர் பரம ஹம்ச யோகானந்தாவின் குரு;  பரம ஹம்ச யோகானந்தா எழுதிய ‘ஒரு யோகியின் சுயசரிதை ‘(An Auto Biography of a Yogi by Paramahamsa Yogananda)  என்பது தமிழ் உள்பட பல உலக மொழிகளில் மொழி பெயர்க்கப்பட்டுள்ளது. யுக்தேஸ்வரின் குரு லாஹிரி மஹா சயர் . அவருடைய குரு பாபா மஹாவதார் என்று சொல்லுவர் . சுமார் 200 ஆண்டுகளுக்கு முன்னர் வாழ் ந்தவர் .

நாம் இப்போது காணப்போகும் யுக்தேஸ்வர் கிரி என்பவர் வங்காளத்தில் பிறந்து பூரி நகரில் 1936ல் சமாதி அடைந்தார் . இவர்கள் அனைவரும் கிரியா யோகம் என்னும் முறையைப் பிரபலப்படுத்தினர்.

யுக்தேஸ்வர் கிரி என்ன சொல்கிறார்?

துவாபர யுகம் 1699-ல் துவங்கிவிட்டது கி.பி. 4099ல் முடிவடையும் . ஊர் பேர் தெரியாத ஒரு ஜோதிடர் இதையே சொல்லி இருந்தால் ஏதோ ‘பப்ளிசிட்டி’க்காக நம்மூர் அரசியல்வாதிகளும் நடிகர்களும் அவ்வப்போது சர்ச்சசைக்குரிய (Tweet) ட்வீட் செய்வது போல இதுவும் ஒரு பப்ளிசிட்டி ஸ்டண்ட்  (Publicity stunt) என்று நினைக்கலாம். ஆனால் சொன்னவரோ அரசியலுக்கெல்லாம் அப்பாற்பட்ட பல்லாயிரக் கணக்கான மக்கள் போற்றும் குரு .

இனி அவர் சொல்லுவதை விளக்கமாகக் காண்போம்.

க்ருத யுகம், த்ரேதா யுகம், த்வாபர யுகம், கலியுகம் என்னும் சதுர் யுகங்களும் — அதாவது 4 யுகங்களும் 12,000 ஆண்டுகளில் முடிவடையும் இதைப்போல் இருமுறை நடப்பது ஒரு முழு வட்டம் அதாவது ‘முழு யுகச் சுழற்சி’ (One Full Cycle of Yugas) என்கிறார்.

இதற்கு ஆதாரம் என்ன ?

மிகவும் பழைய ஸ்ம்ருதியான – அதாவது சட்டப்புத்தகமான– மனு ஸ்ம்ருதியில் முதல் அத்தியாயத்தில் க்ருத யுகம் முதல் கலியுகம் வரை 4000, 3000, 2000, 1000 ஆண்டுகள் என்ற கணக்கில் நடக்கும் . ஒவ்வொரு யுகத்துக்கு இடையே ‘யுக சந்தி’ என்னும் இடைவெளி பத்து +பத்து = 20 சதவிகிதம் இருக்கும் என்கிறார். ஆக மொத்தம் 12000 ஆண்டுகள்தான் மொத்தம் 4 யுகங்களுக்கும்.

அது சரி, யுக சந்தி என்னும் இடைவெளி பற்றிச் சொல்லுகையில் ஏன் பத்து + பத்து என்று சொல்கிறீர்கள்? என்று சிலர் நினைக்கலாம். அதாவது உதயமும் சந்தியாகால வெளிச்சமும் 10, 10 சதவிகிதம். இங்கே விளக்கத்தை நிறுத்திவிட்டு சிறிது சிந்தித்துப் பார்ப்போம். முதலில் 4000, 3000, 2000 , 1000 ஆண்டுகள் என்று 4,3,2,1 என்ற இறங்கு வரிசையில் பார்க்கிறோம். பின்னர் 10+10 இடைவெளிக் காலம் என்று பார்த்தோம். எவ்வளவு கண்ணக்குப்போட்டு இதைச் சொல்லியிருக்கிறார்கள் என்பதை நினைத்தால் வியப்பாக இருக்கிறது.

இப்படிக் கணக்குப் போட்டதற்கு என்ன காரணம் ?

இப்போதுதான் மேலை நாட்டு  விஞ்ஞானம் இதை ஆராயவே துவங்கி இருக்கிறது; அதாவது பூமியின் காந்த மண்டலம் ‘பல்டி’ அடிக்கிறது ; வட துருவம், தென் துருவம் ஆகிறது; அப்போது பூமியில் உயிரினங்கள் பாதிக்கப்படுகின்றன என்று ஒப்புக் கொள்கின்றனர்.

இதுவரை அவர்கள் சொல்லும் ஆண்டுகளுக்கும் நாம் சொல்லும் ஆண்டுகளுக்கும் முழு ஒற்றுமை இல்லாவிடினும் அவர்களிடையேயும் கருத்து வேறுபாடு இருக்கிறது ; ஒருவர் 2030ம் ஆண்டில் துருவங்கள் பல்டி அடிக்கும் என்கிறார். இதை முன்னரே சொல்லி இருக்கிறேன். அதுமட்டுமல்ல 4, 3, 2, 1 என்ற இறங்கு வரிசையில் க்ருத, த்ரேத , த்வாபர , கலி  என்று சொல்வதில் தர்மம் என்னும் வண்டி அல்லது பசு மாடு ஒவ்வொரு காலாக இழந்து கலி யுகத்தில் ஒற்றைக் காலில் தள்ளாடும் என்று மனு சொன்னதை முன்னரே கண்டோம்.

இப்போது மீண்டும் யுக்தேவர் கிரி என்னும் மஹான் சொல்லும் விஷயத்துக்கு வருவோம்.

அவர் சத்ய யுகம் என்னும் கிருத யுகம் என்பது கி.மு. 11,501-ல் துவங்கி 6701-ல் முடிந்துவிட்டது. பின்னர் த்ரேதா யுகம் கி.மு.3101-ல் துவங்கியது என்கிறார். ஆனால் நமது பஞ்சாங்கங்களோ அதை கலியுகத்தின் துவக்கமாகக் காட்டுகின்றன.

சுவாமி யுக்தேஸ்வர் கீரியும் யுக சந்தி கணக்கு முதலியவற்றை ஒப்புக்கொள்கிறார். ஆனால் கலியுகம் முடிந்து இப்போது துவாபர யுகம் நடப்பதாகவும் இதே போல ‘கார் ரிவர்ஸ் கியரி’ல் (Reverse Gear) போவது போல கலி, துவாபர, த்ரேதா, சதுர் என்று முடிக்கையில் ஒரு சுழற்சி முடியும் என்றும் சொல்கிறார். மொத்தம் 24,000 ஆண்டுகள்..

அதர்வ வேதத்தில் 4 யுகம் பற்றிய ஒரு குறிப்பில் ஒரு யுகம் என்பது 10,000 ஆண்டுகள் என்றும் சொல்லப்படுகிறது.

ஆக கலியுகம் என்பது 4,3,2000 ஆண்டு என்று நாம் சொல்லுவதை யுக்தேஸ்வர் மறுக்கிறார். அவரே மனு என்பவர் கி.மு 6701ல் வாழ்ந்தவர் என்றும் சொல்லுவதால் வேதகால நாகரீகம் அப்போது சரஸ்வதி நதிக்கரையில் இருந்தததை நாம் அறிய முடிகிறது

இதை முடிப்பதற்கு முன்னர் ஒரு விஷயத்தை விளங்கிக் கொள்ளுவோம்.இந்து மதம் என்பது நீண்ட வரலாறு உடையது ; ஹெர்மன் ஜாகோபி, பால கங்காதர திலகர் (Herman Jacobi and B G Tilak)  முதலியோர் வான சாஸ்திரக் குறிப்புகளின் அடிப்படையில் ரிக் வேதத்துக்கு கி.மு. 6000 அதாவது இற்றைக்கு எட்டாயிரம் ஆண்டுகளுக்கு முந்தையது என்று தேதி குறித்ததுள்ளனர் ; காலப்போக்கில் சொற்களும் வேறு வேறு பொருள் கொள்ளும்; ஆங்கில அகராதியைப் புரட்டினால் பில்லியன் (Billion)  என்பதற்கு 1000 கோடி என்ற பொருளையும் காணலாம். ஆனால் இப்போது நாம் 100 கோடி என்ற

எண்னைக் குறிக்கத்தான் பில்லியன் என்ற ஆங்கிலச் சொல்லை பயன்படுத்துகிறோம். இதே போல யுகக் கணக்கும் மாறி இருக்கலாம். அல்லது பெரிய யுகம், சின்ன யுகம் என்று இரண்டு கணக்கு இருக்கலாம்.

எங்கள் மதுரை நகரில் பேச்சு வழக்கில் ‘சின்ன எட்டு’,’ பெரிய எட்டு’ என்று சொல்லுவார்கள். வீடு , மனை, நிலம், முதலியவற்றை விலை பேசுகையில் முதலில் ‘சின்ன எட்டு’ 80,000 ஆகவும் பெரிய எட்டு , 8 லட்சமாகவும் இருந்திருக்கும் . இப்போது விலைவாசி பத்து மடங்கு உயர்ந்து விட்டதால் பெரிய எட்டு என்பது  எட்டு மில்லியன் அல்லது எட்டு கோடியாகக் கூட இருக்கும்.

 அதாவது RELATIVE  TERMS டெர்ம்ஸ் .

நான் லண்டன் பல்கலைக் கழகத்தில் தமிழ் சொல்லிக் கொடுத்த காலத்தில் BIG HOUSE பிக் ஹவுஸ், SMALL HOUSE ஸ்மால் ஹவுஸ் என்பதை மொழி பெயர்க்கச் சொல்லுவேன். அவர்கள் பெரிய வீடு , சின்ன வீடு என்று மொழி பெயர்ப்பார்கள்  உடனே அவர்களைத் தமிழ் நாட்டுக்குப் போய் எனக்கு ஒரு சின்ன வீடு வேண்டும் என்று சொல்லிவிடாதீர்கள். அதற்கு வேறு ஒரு பொருளும் உண்டு. கள்ளக்காதலி வீட்டை ‘சின்னவீடு’ என்பர் என்று சொன்னவுடன் எல்லோரும் சிரிப்பார்கள். ஆகையால் ஒரு எண் அல்லது கணக்கு என்பது எந்த இடத்தில் எந்தக் கட்டத்தில், எந்தக் காலத்தில் சொல்லப்படுகிறது என்பதை நோக்க வேண்டும். ‘வெள்ளம்’ என்றால் மலையாளத்தில் ‘குடிப்பதற்கு நீர்’ என்று பொருள்; இன்றைய தமிழ்நாட்டில் வெள்ளப் பெருக்கு FLOODS ‘பிளட்ஸ்’ என்று பொருள். சங்க இலக்கியத்தில் அது ஒரு பெரிய எண் . ஆக இடம், காலம் என்பது முக்கியம்.

இந்துக்கள் 26,000 ஆண்டுகளுக்கு ஒரு முறை பூமியின் தலை ஒரு சுற்றுச் சுற்றுவதைக் கூட அறிந்து இருந்தனர். இதனால் துருவ நட்சத்திரம் மாறுவதையும் அவர்கள் அறிந்து இருந்தனர். ஒரு பம்பரம் சுற்றி முடியும் தருவாயில் ஒரு சுற்று சுற்றிவிட்டு தரையில் படுக்கும். அப்படித் தரையில் படுப்பதற்கு முன்னர் அது ஆடும் ஆட்டத்தை பூமியின் அச்சு ஆடும் ஆட்டத்துக்கு (Precessional Cycle) ஒப்பிடுவர். பம்பரம் ஒரு நிமிடத்தில் தலை ஆட்டத்தை முடிக்கும். ஆனால் பூமியின் தலையோ 26,000 ஆண்டுகளுக்கு மெதுவாக தலையைச்  சுற்றும். இதையும் அவர்கள் யுகக் கணக்கில் கொண்டனர் . அவர்கள் கொண்ட அறிவியல் அணுகுமுறையை நாம் பாராட்டாமல் இருக்க முடியாது!!

tags – கலியுகம், துவாபர யுகம்,யுக்தேஸ்வர் .

–subham–

WRITTEN BY KATTUKKUTY

Post No. 8575

Date uploaded in London – 26 August 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

ஜோதிடக் கட்டுரை– சொன்னாலும் வெட்கமடா, சொல்லா விட்டால் துக்கமடா!

சார்! சார் !! உங்க அப்பாயிண்ட்மெண்ட் வேண்டுமே?? ஒரு

பெண்ணின் குரல்…….

நான்- வாங்க மேடம் (Madam) …..வாங்க, உங்களுக்கென்ன அப்பாயிண்ட்

மெண்ட் appointment ??? என்று பக்கத்துத்  தெரு மேடத்திற்கு ஒரு சேரைப் போட்டு

உட்காரச் சொன்னேன். ரொம்ப தெரிந்தவர் .

பேமலி family friend நண்பரும் கூட….வெகு நேரம் அமைதியாக

உட்கார்ந்திருந்தார் அவர்…….. சோகமே வடிவாக……

உங்களுக்கென்ன கஷ்டம், சின்ன வயசு(40) உங்கள்

வீட்டுக்காரர்  மற்றவருக்கெல்லாம் வீடு கட்டி கொடுக்கிறார்

உங்களுக்கும் 2 வீடுகள் உள்ளன. 2 “ஆடி” (Audi) கார்கள் உள்ளன…..

உங்களுக்கென்ன கொடுத்து வைத்தவர்……என்றேன் நான்.

(எனக்கும் கொஞ்சம்  பொறாமைதான்………)

அவள் மவுனமாக இருந்தாள். நான தயவு செய்து உங்கள்

மனக்குறை என்னவென்று சொல்லுங்கள். என்னால் முடிந்தவரை

தீர்க்க முயற்சிக்கிறேன்

சொல்ல வெட்கமாக இருக்கிறது. எனக்கும் என் மகளுக்கும்

(வயது 12) மயிர் வளர்வதே இல்லை. இருக்கிற முடியும்

கொஞ்சம் கொஞ்சமாக உதிர்ந்து கொண்டே வருகிறது.

கல்யாணம் காட்சி என்றால் சவரிக்கொண்டை வைத்து

கிளம்ப நேரமாவதுடன் போதும் போதும் என்றாகி விடுகிறது.

எல்லோரும் என்னையே பார்ப்பது போல் ஓர் உணர்ச்சி……

நன ஷாக் (shock) ஆகி விட்டேன். எவ்வளவோ பேர்கள் என்னிடம்

வந்து , என் மகளுக்கு எப்போ கல்யாணம் நடக்கும்,மகனுக்கு

I I T யில் இடம் கிடைக்குமா? ,மகள் FOREIGN போவாளா?

வீடு இந்த ஜன்மத்தில் வாங்குவேனா?  என்ற கேள்விகளினால்

துளைக்கப்பட்ட நான் “எனக்கு மயிர் முளைக்க வில்லை,வளரவும்

இல்லை” என்ற கேள்விகள் என்னை துளைத்தன.

பழைய பழமொழி ஞாபகத்தற்கு வந்தது.

‘வயிற்றுக்கு கூழு இல்லை என்பவனுக்கும்

காலுக்கு செருப்பு இல்லை எனபவனுக்கும் ஒரே கவலை தான்’–

என்னடா இது மேடத்திற்கு (எனக்கு ) வந்த சோதனை??.??

மேடத்தின் முகம் சோகத்தால் நிரம்பியது. கண்களில் கண்ணீர்,

வராத குறைதான் …………

கேவலம் ஒரு மயிருக்குக்குப்போய் இவ்வளவு மரியாதையா???

சரி, இனிமேல் “அவரை “மரியாதையாக “அந்த “வார்ததையை

வாபஸ் வாங்கிக் கொண்டு முடி “என்றே அழைப்போம்.

இதில் அவருடைய புருஷனுக்கும் முடி நரைத்து வருகிறதாம்

ஏன் என்ன செய்யலாம்? என்று கேட்டுக் கொண்டு வா…….

ஆனால் எனக்கு என்று சொல்லாதே……”எங்க பேமலி (family) யில்

ஒருத்தருக்கு என்று சொல்”

தடுக்கி விழுந்தால் beauty parlours வாசப்படிமேல் தான் விழுகிறோம்.

தெருவுக்குத் தெரு அழகு நிலையங்கள் (பெண்களுக்கு மட்டும்

போர்டுகள . T V.யில்ஒவ்வொரு 15 நிமிடத்திற்கும் விதம் விதமான

கம்பேனியிலிருந்து விதம் விதமான விளம்பரங்கள்!!!

ஐஸ்வர்ய ராய் முதல் எல்லா உலக அழகிகளும், இனிமேல்

உலக அழகிகளாகப் போகிறவர்களும் முடியை இப்படி திருப்பி

அப்படித் திருப்பி ,கழுத்தை வெட்டி, விளம்பரங்களைப் பார்த்து

அலுத்து விட்டது……..இது பெண்களுக்கு…..

(பெண்களின் அழகே முடியில் தான் இருக்கறது்

சீவி சிங்காரிச்சு…….. எத்தனை சினிமாவில் பாட்டு கேட்டிருறோம்)

ஆண்களுக்கு பத்ரிக்கையில் விதமான டோபா விளம்பரங்கள்

அதிலும முடியை கருப்பாக மாற்ற T V மிலிடரி வளம்பரங்கள்

எக்கச்சக்கம் போங்கள்!!!!

இதையெல்லாம் பார்த்துதான் காலஞ்சென்ற திரு சோ அவர்கள்

தலையை மொட்டை அடித்துக் கொண்டார். தலைக்கு வார

சீப்பு வேண்டாம், எண்ணெய் வேண்டாம்,தலையை அதிகமாக

துவட்ட வேண்டாம்,பார்பர் ஷாப்பில் மணிக்கணக்காக உட்கார

வேண்டாம்,அதற்கான பணமும் மிச்சம்……நேரமும் மிச்சம்

நான் எந்த விதமான மூலிகைத் தைலமோ,மருந்தோ

அல்லது டோபாவோ வைத்துக் கொள்ளச் சொல்லப் போவதில்லை.

ஆனால் எந்த கிரகத்தினால் இப்படி வருகிறது….அதற்கென்ன,

பரிகாரம்???

என்ன….எவ்வளவு பெரிய சமாசரத்தை இவ்வளவு சிம்பிளாக

முடிக்கிறீங்களே??? என்று நீங்கள் கூறுவது என் காதில்

விழுகிறது……..

மேட்டரை இத்தோடு விடுங்கள்…. ஏனென்றால் உலகெங்கும்

முடியைப் பற்றி 1232 ஆராய்சி நிலயங்கள் முடியை பிய்த்துக்

கொண்டு ஆராய்ச்சி நடத்திக் கொண்டிருக்கின்றன!!!!

நல்லொதொரு ரிசல்ட் வர அந்த ‘திருப்பதி பெருமாளை’த்தான்

வேண்டுகிறேன். திருப்பதி, முடி, என்றவுடன் ஞாபகத்துக்கு வந்தது

ஒரு விஷயம்.

2019 வருடம் மொட்டை அடித்துக்கொண்டவர்கள்

12 லட்சத்து 88ஆயிரம் பேர்.

முடியின் எடை-17,ஆயிரத்து 200 கிலோ!

ஏலம் போன தொகை -7 கோடியே 69 லட்சம்!!!- (தகவல்கூகுள்)

சுமார் ஒரு.  கிலோ முடி விலை சுமார் ரூ4, 700/-

உலகத்திலேயே அதிக முடி ஏற்றுமதி இந்தியாவிலிருந்துதானாம்

சரி விஷயத்திற்கு வருவோம்.

அழகான முடிக்கு அதிபதி சுக்கரன். கேதுவுக்கும் பங்கு உண்டு.

 ஆனால மெயின் பங்கு சுக்கிரனுக்கே!!!

சுக்கிரன் லக்னத்தில் இருந்தாலோ, ஆட்சி உச்சம் பெற்றாலோ

அந்த பெண் ‘லக்கி கேர்ல்!!!’ அவ்வளவு அழகான முடி அமையும்  

மகரத்தில் உச்சமானால்  கேட்வே  வேண்டாம்  நீளத்திற்கு!,,,

சரி உதிர்வதற்குக் காரணம் உடல்சூட்டினால்..

சூரியன் உச்சமானலோ செவ்வாயுடன் சேர்ந்திருந்தாலோ,செவ்வாய்

சனியுடன் ராகு சேர்தந்திருந்தாலோ முடி கொட்டோ

கொட்டுன்னு கொட்டும்.(.கொல்லை பக்கம் நின்று தலையை வாரவும்)

சனி , ராகு,கேது, சூரியன் ,செவ்வாய் இவர்களை எல்லாம் நீங்களே

வைத்துக் கொள்ளுங்கள்…… பரிகாரம் என்ன ???

தினமும்சூரிய நமஸ்காரம் செய்வது,( இது உடம்புக்கும் நல்லது)

சூரியன் சம்பந்தமான ஸ்தோஸ்திரங்கள்  சொல்வது;

உடல்சூடு தணிக்கும் உணவுப் பண்டங்களை உண்பது,

சூடு தணிக்கும் தைலங்கள் உபயோகிப்பது,

மகாலட்சுமியை வணங்கி ஸ்தோஸ்திரம் சொல்வது

பணம் வருவதற்கும் இவளே காரணம்; ஆகையினால் ஒரே கல்லில்

இரண்டு மாங்காய்!!! நிறைய முடி வளர என் ஆசீர்வாதம்!!!

திருப்தியுடன் சென்றாள் அந்தப்  பெண்மணி…….

முடி புராணம் முற்றியது…….

TAGS – சொன்னாலும் வெட்கமடா, மொட்டை, முடி, மயிர்

WRITTEN BY S NAGARAJAN                     

Post No. 8573

Date uploaded in London – – –26 August 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

மாளிகைக் கவியை விலைமகளிர்க்கும் பொருந்த அமைத்த சிலேடை சிரேஷ்டன் கம்பன்!

ச.நாகராஜன்

கவிச் சக்கரவரித்தி கம்பனுக்கு நிகர் கம்பனே தான்! அணிகளை அமைப்பதிலும் நாம் நம்ப முடியாத இடத்தில் சிலேடையாக கவியை அமைப்பதும் அவனுக்குக் கை வந்த கலை.

ஒரு மாளிகையையும் விலைமகளிரையும் சிலேடைப் பொருள் ஆக்க முடியுமா? கம்பனால் முடியும்,

அயோத்தி நகர வர்ணனை. ஒரு மாளிகையை வர்ணிக்கிறான் கம்பன்.

பாடகக் காலடி பதுமத் தொப்பன

சேடரைத் தழீஇயன செய்ய வாயன

நாடகத் தொழிலன நடுவு துய்யன

ஆடகத் தோற்றத்த மகளிர் போன்றன

                              – பால காண்டம் நகரப் படலம் பாடல் 31

சின்னச் சின்ன சொற்களால் சீராக மாளிகையை நிர்மாணிக்கிறான் கம்பன்.

பாடு அகம் – வேலைப்பாடு அமைந்த

காலடி – தூண்களின் அடிப்பகுதிகள்

பதுமத்து ஒப்பன – தாமரை  மலர் வடிவமாக அமைந்துள்ளன

சேடரை தழீ இயன – அஸ்திவாரத்தின் ஆழத்தால் நாக லோகத்தை சேர்ந்துள்ளதாகவும்

செய்யவாயின – (அற்புதமான வேலைத் திறத்தால்) செப்பம் உடையதாகவும் ஆயின

நாடு அகம் தொழிலன – யாவரும் விரும்பிக் காணும் உள்வேலையை உடையதாக உள்ளன

நடுவு துய்யன – நடுவில் உள்ள இடமெல்லாம் சுத்த வெளியாக அமைந்துள்ளன

ஆடகம் தோற்றத்த – பொன்னினால் ஆகிய வெளி அமைப்பை உடையவனாக உள்ள மாளிகைகள்

மகளிர் போன்றன – விலை மகளிரை ஒத்து இருக்கின்றன.

விலை மகளிர்கள் பாடகம் என்ற ஆபரணத்தை அணிந்த கால் என்னும் அடித்தாமரையைக் கொண்டவர்கள்.

சேடரை அதாவது வாலிபர்களைத் தழுவுவது அவர்கள் தொழில்.

செந்நிற வாயுடன் இருப்பது அவர்களின் இயல்பு.

நாடகம் ஆடும் தொழிலைப் பயின்று அதில் வல்லவர்கள் அவர்கள்.

அவர்களது இடையோ சிறுத்த இடை. அது பஞ்சின் தொடர் நுனியை ஒத்திருக்கிறது.

ஆடகம் ஒப்ப அதாவது பொன் போல ஒளிர்கின்ற மேனியை உடையவர்கள் அவர்கள்.

மாளிகையை வர்ணிக்கையில் அதே சொற்களால் விலை மகளிரையும் வர்ணித்திருப்பதால் இது சுருங்கச் சொல்லணி என்று சொல்லப்படும்.

சேடர் என்றால் விடர் அல்லது இளைஞர்கள் என்ற பொருளைத் தருகிறது.

பாடகம் கால் என்ற சொற்கள் பக்கங்களிலும் அகத்திலும் நாட்டப்பட்ட தூண்கள் என்ற பொருளைத் தருகிறது.

சேடரைத் தழீ இயன என்பதால் பெரியோரைத் தம்மிடத்துப் பொருந்தியன என்ற பொருளைப் பெறலாம்.

செய்யவாயின என்பதால் நேர்மையான வாயிலை மாளிகைகள் கொண்டிருப்பதை அறியலாம்.

நாடகத் தொழிலன என்பதை நாடு, அகம், தொழிலன எனப் பிரித்து மனதினால் கருதி செய்யப்படும் சித்திரத் தொழில் என்றும் கொள்ளலாம்.

இப்படி தேர்ந்தெடுத்த சொற்களால் சிலேடையைத் தரும் கம்பனை சிலேடை சிரேஷ்டன் என்று சொல்வதில் தவறில்லை அல்லவா?

கம்ப ராமாயணம் முழுவதும் படித்தால் அதில் வரும் பல்வேறு அணிகளைக் கண்டு வியக்கலாம்; சிலேடைகளைக் கண்டு ரஸிக்கலாம்!

tags – விலைமகளிர், மாளிகை சிலேடை , கம்பன்