WRITTEN BY LONDON SWAMINATHAN

Post No.7913

Date uploaded in London – 2 May 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

ரூபா, அணா , பைசா, காசு, பணம், நாணயம் முதலிய எதுவுமே தமிழ் சொற்கள் இல்லை!!!!

உலகம் வியக்கும் முதல் இலக்கண புஸ்தகத்தை எழுதியவர்  பாணினி . இதன் பெயர் ‘அஷ்டாத்யாயி’ . தமிழில் ‘எட்டு அத்தியாயங்கள்’ என்று மொழி பெயர்க்கலாம். பாணினி  எழுதியதால் ‘பாணினீயம்’ என்றும் செப்புவர் .அவர் பிறந்த லாகூர் இப்போது பாகிஸ்தான் வசம் உள்ளது. 2700 ஆண்டுகளுக்கு முன்னர் அவர் பிறந்த லாகூர் , சாலத்துறை (சால துரா / சாலத்தூர்)   என்று அழைக்கப்பட்டது . சுமார் 1400 ஆண்டுகளுக்கு முன்னர் லாகூருக்குச் சென்ற சீன யாத்ரீகன் யுவாங் சுவாங் , தான் கேட்ட எல்லா விஷயங்களையும் அப்படியே நமக்கு எழுதி வைத்துள்ளார் .

பாணினி எழுதிய 4000 சூத்திரங்களும் சின்னச் சின்ன வரிகள் . அவற்றின் மூலம் அவர் செப்பியதோ இமய மலை அளவுக்கு !! அவர் எழுதிய எல்லாவற்றையும் அச்சிட்டால் சட்டைப் பைக்குள் வைத்துக் கொண்டு போய்விடலாம். திருக்குறள் புஸ்தகத்தை விடச்  சின்னது. ஆனால் ‘மூர்த்தி சிறிதானாலும் கீர்த்தி பெரிது’. எப்படி குட்டையான, சின்ன பிராஹ்மணப் பையன் வாமனன் , திரிவிக்ரமனாக வளர்ந்து ஓங்கி ‘உலகளந்த உத்தமன்’ ஆனானோ அதுபோல  பாணினி புஸ்தகமும் த்ரிவிக்ரம அவதாரம் எடுக்கும். உலகின் முதல் இலக்கண (Grammar) புஸ்தகம் இதுதான். உலகின் முதல் மொழியியல் (Linguistics)  புஸ்தகமும் இதுதான்.

இரண்டு அதிசய விஷயங்கள் என்னவென்றால் ,

1.இவர் மிளகு பற்றி ஒரு சூத்திரத்தில் சொல்கிறார். ஆகையால் இவருக்கு கேரளா பற்றித் தெரியும். 2700 ஆண்டுகளுக்கு முன்னர் சேர நாடு இருந்த செய்தி நமக்கு மகிழ்ச்சி தரும் . கோதாவரி நதிக்கரையில் இருந்த அஸ்மாக தேசம் பற்றியும் விளம்புகிறார். ஆப்கானிஸ்தானம் துவங்கி அஸ்ஸாம் மாநிலத்தைத் தொட்டுவிட்டு கேரள மிளகு வரை கதைக்கிறார்.

2.இரண்டாவது அதிசய விஷயம் –ஸம்ஸ்க்ருதம் என்ற சொல்லையே இவர் பயன்படுத்தவில்லை. ஏனெனில் அக்காலத்தில் எல்லோருக்கும் தெரிந்த பாஷை ஒன்றுதான். ஆகையால் பாஷா என்ற சொல்லை மட்டும் பயன்படுத்துகிறார். அதைவிட வியப்பான விஷயம் இவர் வேத கால சம்ஸ்க்ருத இலக்கணத்தையும் ஒப்பிட்டுக் கொண்டே போகிறார். இதனால் இவர் வேதகால இலக்கியத்தை ஒட்டி வாழ்ந்தவர் என்பது உலக மஹா அறிஞர்களின் துணிபு. பாஷா இலக்கணத்தைச் செப்பிவிட்டு, சந்தஸி (வேத கால கவிதை) இலக்கணத்தைச் செப்புவார். இதனால் முற்கால, நிகழ் கால இலக்கணத்தை ஒப்பிட்டுக் கொண்டே போகலாம்.

தொல்காப்பியர் ‘என்மனார்’ புலவர், ‘என்ப’ , ‘மொழிப’ என்று தமக்கு முந்தி இருந்த இலக்கண கர்த்தாக்கள் சொன்னதை நான் தொகுத்து அளிக்கிறேனே தவிர ஒன்றும் புதிதாகச் சொல்லவில்லை என்பதை சொல்லாமல் சொல்லுவார். ஆனால் பாணினியோ இது வடக்கத்திய வழக்கு, இது கிழக்கத்திய வழக்கு என்று சுட்டிக்காட்டிக் கொண்டே செல்கிறார். இதனால் இவருக்கு 2000 மைல் அகலத்துக்கு நாட்டில்  வழங்கிய விஷயங்கள் தெரிந்திருக்கின்றன. அவருக்கு முன் வாழ்ந்த ஆபிசாலி , சாகடாயான , சாகல்ய, கார்க்ய , காலவ, பாரத்வாஜ , காஸ்யப, சேனக, ஸ்போடாயன , சக்ரவர்மன என்று பத்து இலக்கண வித்தகர் பற்றி உரைக்கிறார்.

உலகின் முதல் சொற்பிறப்பியல் (Etymology)  நூல் (நிருக்தம்) எழுதிய யாஸ்கருக்கும், பாணினீயம் மீது பேருரை – ‘மஹா பாஷ்யம்’ எழுதிய பதஞ்சலிக்கும் இடையே 600 முதல் 800 ஆண்டு இடைவெளி இருந்தது. இந்த கால கட்டத்துக்குள் 64 இலக்கண ஆசிரியர்கள் இருந்தனர். இவர்களுடைய பெயர்ப் பட்டியல் மாக்ஸ்முல்லர் எழுதிய ஸம்ஸ்க்ருத இலக்கிய வரலாறு (பக்கம் 142) நூலில் இருக்கிறது.

****

பாணினீயத்தில்/ அஷ்டாத்யாயியில்  உள்ள நாணயம்- காசு – பணம் பற்றிய செய்திகள், இவரை கௌடில்யருக்கு முன்னவர் என்பதைக் காட்டுகிறது  கௌடில்யர் காலம் கி.மு .நாலாம் நூற்றாண்டு.

பாணினி சொல்லும் நிஷ்கா , சுவர்ண, சாண, சதமான என்ற நாணயங்களை கௌடில்யர் அறியார்.  ஆகையால் இருவருக்கும் இடையே பல நூறு ஆண்டு இடைவெளியாவது இருக்க வேண்டும். பொருளாதார நூல் எழுதிய கௌடில்யருக்கே தெரியாத காசு, பண விஷயத்தை ஒரு இலக்கண ஆசிரியர் குறிப்பிடுகிறார் என்றால் எவ்வளவு இடைவெளி இருக்க வேண்டும் என்பதை நாமே ஊகிக்கலாம்.

மேலும் ‘அஷ்டாத்யாயீ’-யில் காணப்படும் ‘விம்சதிகா’ (20) , த்ரிம்ஸ்தக( 30)’  நாணயங்களை கௌடில்யர் குறிப்பிட்டதே இல்லை இந்த நாணயங்கள் நமக்கு கிடைத்துள்ளதால் இவை உண்மையிலேயே புழக்கத்தில் இருந்ததை அறிகிறோம்

பாணினி காலத்தில் வழங்கிய முக்கியக் காசு ‘சதமான’  ஆகும். 100 என்பது இதன் பொருள்.  இதை சதபத பிராமண நூல் குறிப்பிடுகிறது. அந்த நூலின் காலம் கி.மு 2100 முதல் 1000 வரை என்பர் அறிஞர் பெருமக்கள்.

மற்றொரு முக்கிய நாணயம் ‘கார்ஷா பணம்’ . இது 20 மாஷா அல்லது 40 ரத்தி எடை கொண்ட கனமான நாணயம் . இதன் மற்றோரு பெயர் ‘விம்சதிகா (20)’. ஆனால் மௌர்ய கால வெள்ளி நாணயம் 16 மாஷா எடையுடையதே. இதை  அர்த்த சாஸ்திரமும் குறிப்பிடுகிறது. கார்சா பணம் என்னும்  வழக்கமான நாணயமும் அதிக எடையுள்ள விம்சதிக்காவும்  பாணினிக்குத் தெரியும். மனுவும் கார்ஷா பணத்தைக் குறிப்பிடுகிறார். இதன் எடை 32 ரத்தி  ஆக இருக்கக்கூடும் . கி.மு. ஐந்தாம் நூற்றாண்டு முதல் ஆண்ட நந்த வம்ச ராஜாக்கள்தான், முதல்முதலில் எடைக் கட்டுப்பாடுகளைக் கொண்டுவந்தனர்.

பிம்பிசாரன் காலத்தில் ராஜக்ருஹத்தில் 20 மாஷா எடையுள்ள கனமான காசு புழக்கத்தில் இருந்தது. பல்வேறு ஜனபதங்களிலும் இது பயன்படுத்தப்பட்டது.

இதனால் கௌடில்யருக்கு முந்தையவர் பாணினி என்பது உறுதியாகிறது. நந்த வம்ச மன்னர் காலத்திலோ அதற்கு முன்னரோ அவர் வாழ்ந்திருப்பார்.

****

மருத்துவ நூல்களில் ‘கலிங்கமான’ , ‘மாகத மான’ என்று வேறு வேறு நாணயங்கள் காட்டப்படுகின்றன.

நந்த வம்ச ஆட்சியில் காணப்படும் புதிய அம்சங்கள் :–

20 மாஷா விம்சதிகாவுக்குப் பதில் , 16 மாஷா எடையுள்ள நாணயம் ;

நாணயத்தின் இரு பக்கங்களிலும் முத்திரை குத்தப்படும்;

4 முத்திரைக்குப் பதிலாக 5 முத்திரைகள் குத்தப்படும்;

முந்திய விம்சதிகா-வில் 4 முத்திரைகளே  இருந்தன.

5 முத்திரைகளில் சூரியன் மற்றும் ஆறு கோடுகள் உள்ள ‘ஷடரா’ பொறிக்கப்படும்.

32 ரத்தி நாணயங்கள் மெல்லிதாக பெரிய தட்டு போல இருக்கின்றன.

இதற்குப்பின்னர் மௌரியர் அச்சிட்ட கனமான நாணயங்களில் மயிலும்  பிறையும் காணப்படுகின்றன.

****

நிஷ்கா

இது உலகிலேயே மிகப் பழைய கவிதை நூலான ரிக் வேதத்தில் அடிக்கடி வரும் சொல். பெரும்பாலும் கழுத்தில் அணியும்   ஆபரணங்களைக் குறிக்கும் . ‘நிஷ்க கண்ட’ , ‘நிஷ்க க்ரீவ’ என்ற தங்கக் காசு மாலை அணிந்து சென்றனர் வேதகாலப்  பெண்கள்   .

வேத கால மக்கள் மாடு மேய்க்கும் நாடோடிகள் என்று பரப்பி வந்த அரை வேக்காடுகளின் முகத்திரையைக் கிழிக்கும் துதிகள் இவை – RV.  2-33-10; 8-47-15 மற்றும் பல இடங்கள் .

நிஷ்கா கண்ட , நிஷ்கா க்ரீவ என்ற சொற்களை காணலாம்.

அதர்வ  வேதத்திம் உளது – 5-14-3; 7-99-1; 20-131-8

இவை தங்கக் காசுகள் என்பதை ரிக் வேதம் RV 1-126-2 உறுதிப்படுத்துகிறது.. ஒரு புலவர் தனக்கு 100 நிஷ்காக்களும், 100 குதிரைகளும் பரிசாகக் கிடைத்ததை பாடுகிறார்.

இதற்குப்பின்னர் இவை காசுகளை மட்டுமே குறித்ததை அதர்வ வேதம் 20-127-3 காட்டுகிறது. பிராஹ்மண  நூல்களில்  எண்ணற்ற குறிப்புகள் உள . எக்ளிங் (Eggeling)  , கெல்ட்னர் (Geldner) , ஸிம்மர் (Zimmer) ஆகியோர் ஆராய்ச்சிக் கட்டுரைகளிலும் குறித்துளர் .

பஞ்ச விம்ச பிராஹ்மண நூலில் வெள்ளி நிஷ்காவும் காணப்படுகிறது.

****

ரூபா (Rupa)

ரூபாய் என்று இன்று நாம் வழங்கும் சொல் ‘ரூப= உருவ’ என்ற சொல்லிலிருந்து வந்தது . முத்திரை குத்தப்பட்ட தகட்டு நாணயங்களில் ‘ரூபம்’ (symbols) இருந்ததால் அவை ரூபாய் எனப்பட்டது. கிரேக்க வரலாற்று எழுத்தாளர் 2000 ஆண்டுகளுக்கு முன்னர் இதை ‘சிக்னடி அர்ஜெண்டி’ Signeti argenti — வெள்ளி முத்திரை – என்று சொல்லியிருக்கிறார். அவருடைய பெயர் — க்விண்டஸ் கர்டியஸ் Quintus Curtius

ஒரு பெரிய தகட்டை , தேவையான எடைக்கேற்ப வெட்டி எடுத்து முத்திரை அடையாளங்களை குத்தினார்கள் .

பாணினி 5-2-120

ரூபா என்பதை ஒருமையில் பாணினி பயன்படுத்துவதால் அவர் காலத்தில் ஒவ்வொரு  முத்திரையாக  குத்தப்பட்டதை அறியலாம். மஹா சுபின ஜாதகத்தில் ‘ரூபா’ நாணயம் வருகிறது.கௌடில்யர் காலத்தில் நாணய தரக் கட்டுப்பாடும் இருந்தது. ‘ரூப தர்சக’  என்ற அதிகாரியை அர்த்த சாஸ்திரமும், ‘ரூபா தர்க்க’ என்ற அதிகாரியை பதஞ்சலியும் எழுதியுள்ளனர்

ரிக் வேதத்தில் தங்க நகைகள், தங்கக் …

tamilandvedas.com › 2017/09/26 › ர…

26 Sep 2017 – சேர மன்னர்கள் பிராமணப் புலவர்களுக்கு தங்க நாணயங்களை மழை … ஆக உலகிலேயே நிஷ்கா என்னும் தங்க நாணயத்தை வெளியிட்ட …

வேதத்தில் தங்கமும் … – Swami’s Indology Blog

swamiindology.blogspot.com › blog-…

23 Apr 2015 – வேதத்தில் தங்கமும் ரத்தினக் கற்களும்! Compiled by London swaminathan. Date: 23 April 2015; Post No: 1822. Uploaded in London 9-28 காலை. ரிக் வேதம் கி.மு 1700 …

ரத்தினக் கற்கள் | Tamil and Vedas

tamilandvedas.com › tag › ரத்தி…

16 Nov 2019 – வேதத்தில் ரத்தினக் கற்கள் மற்றும் தங்கம், வெள்ளி பற்றிய குறிப்புகள் சில முக்கியமான விஷயங்களை உணர்த்துகின்றன. 1.வேத …

tags – பாணினி, நாணயங்கள், நிஷ்கா, ரூபா , கார்ஷாபண, பணம், காசு

XXXXXXXXXXXXXXXXXXXXXXXXXXXXXXXXXXX

WRITTEN BY S NAGARAJAN                     

Post No.7911

Date uploaded in London – – – 2 May  2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

கொரானா போன்ற கொலைவெறி! – கிம் ஜாங் உன்!!

ச.நாகராஜன்

வட கொரியா ஒரு மர்மமான நாடாக கடந்த 70 ஆண்டுகளாக விளங்குகிறது.

கொரானா வைரஸ் போலவே தான் இந்த நாட்டின் அதிபர்களும் மர்ம நபர்கள். ஆட்கொல்லிகள்! மர்மமாக இருக்கும் இவர்கள் பயம், காழ்ப்புணர்ச்சி, கொலைவெறி உள்ளிட்ட ஏராளமான நெகடிவ் குணங்களின் தாயகம்!

கிம் என்பது இவர்களின் குடும்பப் பெயர்

முதலில் 1994 முடிய கிம் இல் சுங் படு கோர தாண்டவம் ஆடி வட கொரியாவை ஒரு வழி செய்தார்! வட கொரிய தொழிலாளர் கட்சியின் தலைவர் இவர்.

இங்கு யாரும் எதையும் சுதந்திரமாகப் பேச முடியாது. எந்தச் செய்தியையாவது வெளி உலகிற்கு யாரேனும் சொன்னால் அவருக்கு மரணதண்டனை தான்!

கிம் இல் சுங்கிற்குப் பிறகு அவர் மகன் கிம் ஜாங் இல் தனது கோர தாண்டவத்தை ஆரம்பித்தார். (பிறப்பு 16-2-1941 மரணம் 17-12-2011)

அவர் இறப்பதற்கு முன் தனது மூன்றாவது மகனான கிம் ஜாங் உன்னைத் தனது வழியிலேயே தயார் செய்தார்.

தாத்தா- மகன் – பேரன் மூன்று பேருமே கொடூர வில்லன்கள்!

இப்போது தினசரி ஒரு வதந்தியைக் கிளப்பி விட்டுக் கொண்டிருக்கும் கொடூர வில்லன் கிம் ஜாங் உன் ‘கிறுக்குத் தடியன்’, ‘கிறுக்கு வில்லன்’ என்று தமிழக ஊடகங்களில் செல்லமாக அழைக்கப்படுபவர். வமிச பாரம்பரிய ராட்சஸ குணத்தைத் தப்பாமல் தக்க வைத்திருக்கும் ஒரு தடியர் என்று இவரைப் பற்றிய விமரிசனங்கள் வருகின்றன!

37 வயதே ஆன இவருக்கு இதய அறுவைச் சிகிச்சை நடந்ததாகவும், அவர் இறந்து விட்டதாகவும் அல்லது கவலைக்கிடமாக இருப்பதாகவும் 21, ஏப்ரல் 2020 முதல் செய்தி பரவலாக வருகிறது.

ஆனால் இப்படிப்பட்ட வதந்திகளை இவர்களே பரப்பி விடுவது வழக்கமாதலால் இது உண்மையா பொய்யா என்று யாருக்கும் தெரியவில்லை.

Kim is alive according to May 1, 2020 news in Noth Korean Mass media.

இப்போதிருக்கும் ‘வில்லன்’ உலகையே நான் அழித்து விடுவேன்; என்னிடம் ஹைட்ரஜன் குண்டு இருக்கிறது என்று மிரட்டுவது வழக்கம்!

நாம் பயப்பட்டுத் தானே ஆக வேண்டும்; ‘கிறுக்கன்’ எங்காவது திடீரென்று போட்டு விட்டால்….?

கொரானா போல அல்லவா ஆகி விடும்?!

மலை மீது சொகுசு வாசஸ்தலத்தில் அறுவை சிகிச்சை என்று சொன்னார்கள்.

ஆடம்பரப் பிரியர் இவர்.

2009ல் கிம் ஜாங் உன்னின் தந்தை மெர்சிடிஸ் பென்ஸ் புல்மே கார்டு லிமோசின் கார்கள் இரண்டை வாங்கினார். குண்டு துளைக்காத 21 அடி நீளமுள்ள சொகுசு கார்கள் இவை!

அதைத் தான் ‘கிறுக்கு’ வில்லன் இப்போது தன் கைவசம் உபயோகத்திற்கு வைத்திருக்கிறார்.

கண்டம் விட்டு கண்டம் தாவும் நாசகார ஆயுதங்களையும் ராக்கெட்டுகளையும் தயாரிக்கும் விஞ்ஞானிகளுக்கு இந்த வில்லன் தரும் பரிசு பென்ஸ் கார்கள் தாம்!

ஒரு முறை 160 பென்ஸ் கார்களை தனது அதிகாரிகளுக்கும் வேண்டியவர்களுக்கும் இவர் பரிசாக அளித்தாராம்!

கிம் ஜாங் உன் இறந்து விட்டால்…

உலகத்திற்கு க்ஷேமம் என்று சொல்கிறீர்களா, அதிருக்கட்டும், அடுத்த ஆள் யார் என்பதைப் பற்றிப் பேச வருகிறேன்.

அவரது தங்கை கிம்யோ ஜாங் பொறுப்பேற்கலாம். ஏனெனில் இந்த மங்கை தான் அண்ணனுடன் அடிக்கடி பொது இடங்களில் தோன்றுகிறார். இவர் ஆளும் கட்சியின் ஆட்சி மன்றக் குழு உறுப்பினராகவும் இருக்கிறார்.

அண்ணன்மார் பற்றி விவரங்கள் எதுவும் வெளி உலகிற்குத் தெரியாது.

அது சரி, கிறுக்கு வில்லன் என்கிறீர்களே, ஏதாவது ஒரு விஷயத்தையாவது சொல்லக் கூடாதா என்கிறீர்களா?

சொல்லலாம், மனதைத் திடப்படுத்திக் கொண்டு படிக்க வேண்டும்.

கிம் ஜாங் உன்னின் சொந்த மாமன் மீது அவருக்கு கோபம் வந்தது. என்ன நடந்தது தெரியுமா?

உயிரோடு வெறிநாய்களிடம் தள்ளி அவைகளை விட்டுக் கடிக்க விட்டார்!

ஹாங்காங்கின் வென் வெய்போ பேப்பர் தரும் தகவல் இது.

4-1-2014 அன்று வந்த செய்தி இது!

ஜாங் சாங் தக் – மாமாவின் பெயர் இது.

அவரை அடிக்கடி கடுமையாக விமரிப்பது வட கொரியாவின் வழக்கம். அவரையும் அவரது ஐந்து பாதுகாவலர்களையும் பிடித்தார் கிம் ஜாங் உன்!முதலில் மாமாவின் உடைகளையும் ஐந்து பாதுகாவலர்களின் உடைகளையும் அவிழ்த்து அவர்களை நிர்வாணமாக்கினார்.

மூன்று நாட்கள் 120 வெறி நாய்களைப் பட்டினி போட்ட கிம் ஜாங் உன், அவைகளை கட்டவிழ்த்து விட்டு அந்த ஆறு பேர்களின் மீது ஏவினார்.

வெறி நாய்கள் கடித்துக் குதறி விட்டன சொந்த மாமனை!

ஒரு மணி நேரம் இந்த கோர சம்பவம் நடந்தது; எல்லாம் முடிந்து விட்டது. இதை நூற்றுக்கணக்கான அதிகாரிகள் வேடிக்கை வேறு பார்த்தனர்.இது இவர் வாழ்வின் ஒரு சம்பவம். ஏனையவை  பற்றி நினைத்தாலே குலை பதறும்!

செய்தியின் ஆங்கில மூலம் இதோ:

04-1-2014

Kim Fed his Uncle alive to 120 Dogs!

Kim Jong Un’s uncle was killed after being sripped naked and fed to a pack of hungry dogs, according to reports in a Chinese state backed newspaper.

North Korea has already described Jang Song-thaek as “despicable human scum, worse than a dog”, but these reports appearing in Hong Kong’s Wen Wi Po newspaper, suggest he may have met his end in the jaws of dogs.

The account describe how Jang Song-thaek and five of his aides were stripped naked and fed to 120 hungry hounds, who had been starved for three days. The whole process lasted an hour, and as they were being eaten, hundreds of officials watched.

*

அது சரி, இந்த ‘கிறுக்கு வில்லனைப்’ பற்றி இப்போது எதற்காக எழுத வேண்டும் என்று கேட்கிறீர்களா?

நியாயமான கேள்வி தான்!

இந்த வட கொரியாவிற்கு இருக்கும் ஒரே நண்பன் சீனா தான்!

சீனா உலக வில்லனாக அமெரிக்க டிரம்ப் முதலாக பல்லோராலும் சித்தரிக்கப்படும் இந்த கொரானா காலத்தில் சீனாவின் நண்பர் எப்படிப்பட்டவர் என்பதை அறிந்து கொள்வது நல்லதில்லையா?!

***

tags – கிம் ஜாங் உன், வட கொரியா

WRITTEN BY S NAGARAJAN                     

Post No.7906

Date uploaded in London – – – 1 May 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

வாழும் வழி காட்டும் சுபாஷிதம்!

ச.நாகராஜன்

நல்ல வாழ்க்கையை வாழ்வதற்காக, நமக்கு வழி காட்டும் சுபாஷிதங்கள் ஏராளம் உள்ளன. அவற்றில் சில இதோ:

அஜராமரவத் ப்ராஞோ வித்யாமர்த ச சிந்தயேத் |

க்ரூஹித் இவ கேஷேஷு ம்ருத்யுனா தர்மமாசரேத் ||

அறிவாளியான ஒருவன் அறிவு பெறுவதிலும் பணம் சம்பாதிப்பதிலும், தான் அழிவற்று இறக்காமல் இருப்பது போல நினைத்து, அவற்றைச் சேகரிக்க வேண்டும். ஆனால் தர்மம் செய்வதிலோ தனது தலை முடியை எமன் பிடித்திருப்பதாக நினைத்து (உடனடியாக) தர்மம் செய்ய வேண்டும்.

A wise man should fix his thoughts upon knowledge and wealth as (if he were) undecaying  and undying. He should practice duty as if (he were) seized by the hairs of his head by Death (as if he had not an instant to lose) (Translation by :  F.Johnson)

*

அணும்யச்ச மஹத்ம்யச்ச சாஸ்த்ரேப்ய; குஷலோ நர: |

சர்வத: சாரமாத்யாத் புஷ்பேப்ய இவ ஷட்பத: ||

சிறிதானாலும் சரி பெரிதானாலும் சரி சாஸ்த்ர நூல்களிலிருந்து கற்றறிந்தோர், புஷ்பங்களிலிருந்து வண்டு எடுப்பது போல, சிறந்தவற்றை எடுத்துக் கொள்கின்றனர்.

The learned man takes everywhere the best from small and large books, like a bee from flowers.

*

அஞோ ந விதரத்யயதி புனர்தாரித்ர்ய ஷங்க்யா |

ப்ராக்ஞோபி விதரத்யனி புனர்தாரித்ர்ய ஷங்க்யா ||

(இந்த ஜென்மத்தில்) ஏழையாகி விடுவோமோ என்று பயந்து மூடனானவன் தர்ம வழியில் தன் செல்வத்தைத் வழங்குவதில்லை; ஆனால் ஒரு புத்திசாலியோ அடுத்த ஜென்மத்தில் தான் ஏழையாகி விடுவோமோ என்று நினைத்து தாராளமாக வழங்குகிறான்.

An ignorant man does not give his wealth as gift fearing that he may get impoverished in the process (in this birth). But a wise man gives liberally lest *he becomes poor (in the next birth). (Translation by :  A.A.R)

*

அஜவச்சர்வணம் குர்யாத் கஜவத் ஸ்நாநமாசரேத் |

ராஜவத் ப்ரவிஷேத்க்ராமம் சோரவத்கமனம் சரேத் ||

ஒருவன் ஆடு போல (எது கிடைத்தாலும் அதை) உண்ண வேண்டும்.

யானை போல (மெதுவாக) குளிக்க வேண்டும்.

எங்கும் ராஜா போல பிரவேசிக்க வேண்டும்.

கிராமத்தில் திருடன் போல (மெதுவாக ஓசையின்றிச்) செல்ல வேண்டும்.

One should eat (anything) like a goat; bathe (slowly) like an elephant; enter a  place (boldly) like a king and move village (noiselessly) like a thief. (Translation by :  A.A.R)

*

அதிவ்யயோநவேக்ஷா ச ததார்ஜனமதர்மத: |

மோக்ஷணம் தூர சம்ஸ்தானம் கோஷ்வ்யஸனமுச்யதே ||

(வரவுக்கு மீறி) அதிகமாகச் செலவழித்தல், பண விஷயங்களில் அலக்ஷியம், தவறான வழிகளில் பொருள் சம்பாதித்தல், செல்வத்தைத் துறந்து தூர விலகி நிற்றல் ஆகியவை செல்வ சம்பந்தமான தவறான அணுகுமுறைகளாகும்.

Excessive spending (living beyond one’s means), carelessness about money matters, acquiring wealth by wrongful means, as well as forsaking and distancing oneself from wealth (or problems relating thereto) are wrong attitudes towards wealth. (Translation by Mankar Jai)

*

அர்த்தா: பவந்தி கச்சந்தி லப்யதே ச புன: புன: |

புன: கதாபி நாயாதி கதம் து நவயௌவனம் ||

சம்பாதிக்கப்பட்ட செல்வம் கையில் இருந்து பின் இழக்கப்பட்டாலும் கூட மீண்டும் மீண்டும் திரும்பப் பெற முடியும்; ஆனால் கழிந்து போன நவ யௌவனம் – வாலிபத் தன்மையோ ஒரு போதும் திரும்ப பெற முடியாது.

Wealth, (earned and) presently in your possession and then lost, can be regained again and again; but virility of youth and manhood once lost (or wasted) never comes back. (Translation by Mankar Jai)

*

கதே ஷோகோ ந கர்தவ்யோ பவிஷ்யம் நைவ சிந்தயேத் |

வர்தமானேன காலேன, வர்தயந்தி  விசக்ஷண: ||

கடந்த கால சோக நிகழ்வுகளைப் பற்றியோ எதிர்காலம் பற்றியோ சிந்திக்காதீர்கள். கையில் இருக்கும் நிகழ்காலம் பற்றி கவனம் செலுத்துபவரே சிறந்த அறிவாளிகள். Do not grieve over past losses (or misfortunes), nor (sit with folded hands) worry about the future. Wise men (are those who) pay attention to (the tasks in hand in) the present

tags  —  வாழும் வழி , சுபாஷிதம்,