WRITTEN BY S NAGARAJAN

swami_48@yahoo.com

n

 Date:7AUGUST 2019  

British Summer Time uploaded in London – 9-46 am

Post No. 6740

 Pictures are taken from various sources.  ((posted by swamiindology.blogspot.com AND tamilandvedas.com))

கொங்குமண்டல சதகம்

மும்முடிப் பல்லவராயன் என்ற விருதைப் பெற்ற லிங்கயன்!

ச.நாகராஜன்

சோழர்களில் மூன்றாம் ராஜராஜன் என்பவன் திரிபுவன சக்கரவர்த்தி என்ற விருதுடன் கி.பி.1216ஆம் ஆண்டு பட்டத்துக்கு வந்தான். பல்லவ வமிசத்தைச் சேர்ந்த பலவானாக அந்தக் காலத்தில் “அவனி ஆளப்பிறந்தான் கோப்பெருங்சிங்கன்” என்பான் திகழ்ந்தான். இவன் சோழனான மூன்றாம் ராஜராஜனை எதிர்த்துப் போரிட்டு வெற்றி பெற்றான்.

ஸ்ரீரங்கத்திற்கு வடக்கே பத்து மைல் தூரத்தில் உள்ள கண்ணனூர் என்ற ஊரைத் தன் இருப்பிடமாகக் கொண்டு காவிரியின் வட பகுதியை அப்போது ஆண்டு வந்த மூன்றாம் ராஜராஜனின் மாமனான போஜள வீரசிம்ம தேவன் என்பவன் கொங்கு நாட்டுப் படைகளையும் திரட்டிச் சென்று கோப்பெருங்சிங்கன் தேசத்தை அழித்து வருக என்று தன் சேனா வீரர்களுக்குக் கட்டளையிட்டான்.

tamilandvedas.com, swamiindology.blogspot.com

அவனது சேனாவீரர்கள் சென்று பல்லவ நாட்டை நாசமாக்கி விட்டு வெற்றிகரமாகத் திரும்பினர். இந்தச் செய்தியை திருவயிந்திபுரத்தில் உள்ள தெய்வநாயகப் பெருமாள் கோவில் பிரகாரத்து மேலைச் சுவரில் எழுதப்பட்டிருக்கும் சிலாசாசனம் தெரிவிக்கிறது.

அந்தச் சேனாவீரர்களில் லிங்கயன் என்பவன் சென்று வெற்றி பெற்றதால் அவனுக்கு மும்முடிப் பல்லவராயன் என்ற விருதுப் பட்டம் வழங்கப்பட்டது. அவன் (சிங்கை) காங்கேயத்தை உறைவிடமாகக் கொண்டான். tamilandvedas.com, swamiindology.blogspot.com

தற்காலத்தில் மும்முடிப் பல்லவராயன் பட்டத்தை வகித்து வரக் கூடியவர் கொங்கு வேளாளர்களில் செங்கண்ணக் குலத் தலைவர் ஆவார். அவர்களுடைய விருதுப் பாட்டுகள் மேலே சொன்ன சரிதத்தை விளக்குகிறது.

“போரிட்ட பல்லவன் றேசத்தை வெட்டியே

    பொன்மகுடம் நீ படைத்தாய்

செங்கதிரிப் பரிதிகுல மகராஜ ராஜனாந்

     திரிபுவன சக்கிரவர்த்தி

சித்தமகிழ்தளகர்த்தர் லிங்கயப்பல்லவன்”

என்ற மேற்கோள் பாட்டால் இது தெரிய வருகிறது.

இந்த சரிதத்தைப் பெருமிதத்துடன் கொங்குமண்டல சதகம் தனது 72ஆம் பாடலில் விளக்குகிறது.

பாடல் இதோ:

திரிபுவ னச்சக்கிர வர்த்தி வளவன்றன் சிந்தைகொளுஞ்

செருவிற் படையைச் செலுத்திச் சயங்கொ டிறலறிந்து

விருதுப் பெயர்மும் முடிப்பல் லவவடல் வீரனென்றே

வருபட்டம் பெற்றவன் வாழ்சிங்கை யுங்கொங்கு மண்டலமேtamilandvedas.com, swamiindology.blogspot.com

பாடலின் பொருள் : திரிபுவனச் சக்கரவர்த்தி என்னும் சோழவேந்தன் மேற்கொண்டுள்ள போரில் சேனாதிபதியாகப் படையைச் செலுத்தி வெற்றி கொண்டு திரும்பியமையால் மும்முடிப் பல்லவன் என்ற பட்டத்தைப் பெற்றவன் வாழ்கின்ற சிங்கை (காங்கேய) நகரமும் கொங்கு மண்டலமே என்பதாம்.

****

WRITTEN BY London Swaminathan

swami_48@yahoo.com

 Date: 6 AUGUST 2019  

British Summer Time uploaded in London –17-34

Post No. 6739

 Pictures are taken from various sources.  ((posted by swamiindology.blogspot.com AND tamilandvedas.com))

முன்னர் எழுதிய 3 கட்டுரைகளின் தொடர்ச்சி..

கோப்பெருஞ்சிங்கன்

பதிமூன்றாம் நூற்றாண்டு- பல்லவர் தலைவன் சோழ மன்னனைச் சிறைப்பிடித்தான். இவனே புலவர் என்று சொல்லும்படி இவனது பெயரில் சம்ஸ்க்ருதப் பகுதி அமைந்துள்ளது -வயலூர் (Vailur Inscription) கல்வெட்டு.

கங்காதர என்ற புலவர் தன்னுடைய குடும்பத்தின் புகழைப்பாடும் கல்வெட்டு ஆறு புலவர்களின் பெயரையும் அவர்கள் பணி செய்த மன்னர்களின் பெயர்களையும் கூறுகிறது.

மனோரதனின் புதலவர் கங்காதரன் மனோரதனை வியாசனுடன் ஒப்பிடுகிறார். நவ காளிதாசன் என்று புகழ்கிறார். அவருடாய பேரன் சக்ரபாணியை வால்மீகியுடன் ஒப்பிடுகிறார். அவார் தாமோதரனின் கொள்ளுப்பேரன்.

கங்காதரன்  மனைவி பெயர் தாசலாதேவி. அவள் ஜெயபாணியின் மகள். அவரோ கௌட மன்னனின் அதிகாரி. ஜெயபாணியின் மனைவி பெயர் சுபகா. கங்காதரன் ருத்ராமான என்னும் மன்னனின் ஆலோசகர்- நண்பரும்கூட. கோவிந்தபூர் கல்வெட்டுக் கவிதையை யாத்தவர் (கி.பி.1137). அவர் ஒரு குளம் வெட்டியது பற்றிய 39 செய்யுட்கள் இதில் உள.

சகத்வீபத்திலிருந்து (ஈரான் – மெசபொடோமியா பகுதி) சம்பா கொண்டுவந்த சூரிய தேவனிடம் தோன்றியதாகப் புகழ்ந்து கொள்ளுகிறார். அத்வைத சத என்னும் நூலை இயற்றியவர் இவராக இருக்கலாம். இப்படித் தன்னையும் தன் குடும்பத்தையும் புகழ்ந்து தள்ளுவதால் ஆறு புலவர்களின் பெயர்களும் அவர்களுடன் தொடர்புடைய மகத மன்னார் பெயர்களையும் அறிய முடிகிறது. இதோ அவர் வம்சாவளி

பாரத்வாஜ கோத்ரத்தில் உதித்த தாமோதரன்;

அவர் வழி வந்தவர் சக்ரபாணி (வால்மீகிக்கு நிகரானவராம்);

அவர் மகன் மனோரதன் (வியாசனுக்கு நிகரானவராம்).;

அவரது மகன்கள் கங்காதரன்  ,  மஹிதரன்;

அவ ருத்ரமானன் மன்னுடன் இருந்தவர்.

சக்ரபாணிக்கு மனோரதனுடன் பிறந்த சகோதரர் தசரதன்;

அவர் வரனமான என்னும் மன்னனிடம் பணியாற்றினார்;

தசரதனின் இரண்டு மகன்கள் ஹரிஹரன், புருஷோத்தமன்;

புருஷோத்தமன் வழி வந்தவ்Aர்கள் – ஆசாவரன் , அவர் மகன் அபிநந்தன்  அவர் மகன் ஹரிஹரன் – அவர் மகன் புருஷோத்தமன்

1205ம் ஆண்டில் ஸ்ரீதரதேவ தொகுத்த கவிதைத் தொகுப்பில் கங்காதரன் என்ற புலவர் பெயர் ஆறு இடங்களில் வருகிறது. அவர் இந்த கங்காதரனாக இருக்கலாம்.

இந்தக் கல்வெட்டில் காணப்படும் அத்தனை பேரிலும் கவிதைகளோ கல்வெட்டுகளோ இருப்பதாலும் அவர்கள் சம காலத்தவர் என்பதாலும் கங்காதரன் புகழ் பாடியது நியாயமே. நமக்கும் வரலாறும் கிடைத்தது. வம்சாவளியும் கிடைத்தது; மன்னர்களையும் நாம் அறிய முடிகிறது.

குணபத்ர

அவர் ஒரு சமண மஹாமுனி; ம்துரா சங்கத்தை சேர்ந்தவர்; சாகமான அரசன் சோமேஸ்வரனின் பிஜ்னோலி (ராஜஸ்தான்) கல்வெட்டுக் கவிதையை யாத்தவர். (கி.பி.1169).

சமண முனி பார்ஸ்வநாதருக்குக் கோவில் எழுப்பிய செய்தியைக் காணலாம். சிலேடைச் சொற்களுடன் கவிதை புனைந்திருப்பதால் இவர் சிறந்த புலவர் என்பது தெரிகிறது. சாகம்பரியின் சாகமான வம்சத்தின் 28 இளவரசர்களின் பெயர்களை அவர் பட்டியலிடுகிறார். அவருடைய பட்டம் கவி கந்த விபூஷண. இது மிகவும் வரலாற்றுச் சிறப்பு வாய்ந்த கல்வெட்டு.28 வரலாற்று நாயகர்களின் பெயர்கள் வெளிச்சத்துக்கு வருகிறது!

TAGS- கல்வெட்டு, கவிஞர்கள், புலவர்கள், சம்ஸ்கிருத, பிராக்ருத

–மேலும் வரும்…………………………

written by S Nagarajan

swami_48@yahoo.com

 Date: 6 AUGUST 2019

British Summer Time uploaded in London –9-04  AM

Post No. 6736

 Pictures are taken from various sources.  ((posted by swamiindology.blogspot.com AND tamilandvedas.com))

ஆல் இந்தியா ரேடியோ, சென்னை வானொலி நிலையத்தின் வாயிலாக தினமும் இந்திய நேரம் காலை 6.55 மணிக்குச் சுற்றுப்புறச் சூழல் நிகழ்ச்சியில் 1-8-19 முதல் 10-8-19 முடிய சுற்றுப்புறச் சூழலைக் காப்பது பற்றிய ச.நாகராஜனின் 10 உரைகள் ஒலிபரப்பப்படுகின்றன. இந்த உரைகளை     www.allindiaradio.gov.in  தளத்தில் தமிழ் ஒலிபரப்பைத் தேர்ந்தெடுத்து  நிகழ்நிலையில் கேட்கலாம்.   5-8-19 அன்று காலை ஒலிபரப்பட்ட ஐந்தாம் உரை இங்கு தரப்படுகிறது.

பிளாஸ்டிக் பொருள்களின் நச்சுத் தன்மை!

ச.நாகராஜன்

அங்கிங்கெனாதபடி எங்கும் இன்றைய வாழ்க்கையில் நம்முடன் கலந்து விட்ட பிளாஸ்டிக் பொருள்களின் நச்சுத்தன்மை பற்றி அறிந்து கொள்ள வேண்டியது மிகவும் அவசியமான ஒன்றாக ஆகி விட்டது.

தண்ணீரை ஏந்தி வரும் கேன்கள்,  உணவை பாக்கிங் செய்து வரும் சிறு பெட்டி, தானியங்களை பாக்கிங் செய்யப் பயன்படுத்தப்படும் பைகள், பழங்களை உள்ளடக்கி வரும் கூடை அல்லது பைகள், பிஸ்கட், சாக்லெட் ஆகியவற்றின் மேல் உறையாகப் பயன்படுத்தப்படும் அழகிய உறைகள் இவை அனைத்துமே பிளாஸ்டிக்கினால் ஆனவையே. இவை அனைத்தும் நச்சைக் கொண்டிருக்கின்றன. இவற்றை அதிகம் பயன்படுத்துவதால் நமது உடலில் 3 விழுக்காடு பிளாஸ்டிக் கலந்திருக்கிறது என்கிறது ஒரு ஆய்வு.

வண்ண பாட்டில்களில் இருக்கும் வண்ணங்கள் அடிடிவ்ஸ் (Additives) எனப்படும் கூட்டுப்பொருளைச் சேர்ப்பதால் உருவாக்கப்படுகிறது. இந்த கூட்டுப்பொருள்கள் அனைத்துமே நச்சுக் கலந்தவையே.

பிளாஸ்டிக் பொருள்களில் உள்ள நச்சுப்பொருள்கள் ஹார்மோன்களைத் தடை செய்கின்றன. தைராய்ட் ஹார்மோன் உடலின் மிக முக்கியமான ஹார்மோன் ஆகும். பிளாஸ்டிக்கின் நச்சு இதை வெகுவாக பாதிக்கிறது ; இதனால் தைராய்டின் சமச்சீர்தன்மை இழக்கப்படுகிறது.

BPA போன்ற கூட்டுப்பொருள்கள் சேர்க்கப்படாத பிளாஸ்டிக் என்று விளம்பரப்படுத்தப்பட்டாலும் அப்படிப்பட்ட பிளாஸ்டிக்கும் அபாயகரமானவையே என்பதில் சந்தேகமே இல்லை.

கர்ப்பிணிப் பெண்கள் நிச்சயமாக பிளாஸ்டிக் பொருள்களின் பயன்பாட்டை அறவே நீக்க வேண்டும்.

பிளாஸ்டிக் பாட்டில்களுக்குப் பதிலாக எவர்சில்வர் அல்லது கண்ணாடி பாட்டில்களைப் பயன்படுத்தலாம்.

குழந்தைகளுக்கு பிளாஸ்டிக்கினால் ஆன விளையாட்டு பொம்மைகளை வாங்குவதை நிச்சயம் தவிர்க்க வேண்டும்.

ஒரு முறை பயன்படுத்தி தூக்கி எறியப் போகிறோமே என்று எண்ணி விலை மலிவான பிளாஸ்டிக் தட்டுகள், பாட்டில்காள், பைகள் ஆகியவற்றை வாங்குவதன் மூலம் ஆரோக்கிய சீர்கேட்டுக்கு நமக்கு நாமே வழி வகுக்கிறோம்.

பிளாஸ்டிக் பயன்பாட்டினால் குழந்தைகளுக்கு நுண்ணறிவு குறையும்; சமூக உறவில் தனது எண்ணங்களை வெளிப்படுத்தும் திறன் குழந்தைகளுக்குக் குறையும். எதிலும் கவனம் செலுத்த முடியாத நிலையும் ஏற்படும்.

இப்படிப்பட்ட அபாயங்களை மனதில் எண்ணி அனைவரும் நச்சை வெளிப்படுத்தும் பிளாஸ்டிக் பொருள்களைப் பயன்படுத்துவதை நிறுத்துவோம்.

நம் உடலையும் காப்போம்; நமது பூமியையும் காப்போம்!

***

WRITTEN BY London Swaminathan

swami_48@yahoo.com

 Date: 5 AUGUST 2019

British Summer Time uploaded in London –10-35 AM

Post No. 6732

 Pictures are taken from various sources.  ((posted by swamiindology.blogspot.com AND tamilandvedas.com))

WRITTEN BY S NAGARAJAN

swami_48@yahoo.com

 Date: 5 AUGUST 2019

British Summer Time uploaded in London –8-48 AM

Post No. 6731

 Pictures are taken from various sources.  ((posted by swamiindology.blogspot.com AND tamilandvedas.com))

ஆல் இந்தியா ரேடியோ, சென்னை வானொலி நிலையத்தின் வாயிலாக தினமும் இந்திய நேரம் காலை 6.55 மணிக்குச் சுற்றுப்புறச் சூழல் நிகழ்ச்சியில் 1-8-19 முதல் 10-8-19 முடிய சுற்றுப்புறச் சூழலைக் காப்பது பற்றிய ச.நாகராஜனின் 10 உரைகள் ஒலிபரப்பப்படுகின்றன. இந்த உரைகளை     www.allindiaradio.gov.in  தளத்தில் தமிழ் ஒலிபரப்பைத் தேர்ந்தெடுத்து  நிகழ்நிலையில் கேட்கலாம்.   4-8-19 அன்று காலை ஒலிபரப்பட்ட நான்காம் உரை இங்கு தரப்படுகிறது.

பிளாஸ்டிக் பொருள்களின் பயன்பாட்டைத் தவிர்ப்போம்!

ச.நாகராஜன்   

எதிர்கால சந்ததியினருக்கு இன்று வாழும் ஒவ்வொரு மனிதனும் செய்யும்  மகத்தான உதவி இந்த பூமியை அதன் இயற்கை வளத்தை மாசுபடுத்தாமல் வாழும்படியாக விட்டுச் செல்வது தான்.

பூமிக்குப் பெரும் அச்சுறுத்தலாக இன்று விளங்குவது பிளாஸ்டிக் பொருள்களின் பயன்பாடு தான்.

இதன் தீமையை ஒவ்வொருவரும் நன்கு அறிந்து விட்ட இன்றைய நாட்களில் இதன் பயன்பாட்டைத் தவிர்க்கும் வழிமுறைகளையும் அறிந்து கொள்வது இன்றியமையாதது ஆகும்.

நாம் அன்றாடம் வாங்கும் பல்வேறு பொருள்களையும் பாக்கிங் செய்ய பிளாஸ்டிக் பைகள் பெருமளவு பயன்படுத்தப் படுகின்றன. ஒவ்வொருவரும் பல்வேறு பொருள்களை சிறிய அளவில் வாங்க முயல்கையில் ஏராளமான பிளாஸ்டிக் பைகளின் பயன்பாடு தவிர்க்க முடியாததாக ஆகி  விடுகிறது.

ஆகவே கூடுமானவரையில் நண்பர்கள் குழுவாக இணைந்து மொத்தமாக பொருள்களை வாங்கித் தங்களுக்குள் பங்கிட்டுக் கொள்ளலாம்.

இன்றைய நவநாகரிக உலகில் ரெடி மீல்ஸ் எனப்படும் தயாரிக்கப்பட்ட உணவை வாங்கி உண்ணும் பழக்கம் பெருகி வருகிறது. இந்த உணவு வகைகளைத் தனித்தனியே பாக்கிங் செய்ய பிளாஸ்டிக் அடிப்படையிலான பொருள்களே பயன்படுத்தப்பட்டு வருகிறது. ஆகவே இதைத் தவிர்த்து இல்லங்களிலேயே உணவைத் தயாரிப்பது அல்லது தங்களது பாத்திரங்களை எடுத்துக் கொண்டு அவற்றில் உணவு வகைகளை வாங்குவது என்ற உறுதியை மனதில் ஏற்க வேண்டும். இதன் மூலம் ஆரோக்கிய மேம்பாடும், இயற்கைச் சூழல் மாசுபடுத்தப்படாமல் இருக்கும் நல்ல நிலையும் ஏற்படும்.

தேநீரைத் தயாரிக்கும் நிறுவனங்கள் பிளாஸ்டிக் அடிப்படையிலான பாலிபுரொபொலினை (Polypropylene) தேநீர் துகள்களைப் போடப் பயன்படுத்துகின்றன. இதைத் தவிர்க்க இப்படி பிளாஸ்டிக்கைப் பயன்படுத்தாத நிறுவனங்களிடமிருந்து மட்டுமே தேநீர் வாங்குவது என்ற பழக்கத்தை மக்கள் ஏற்படுத்திக் கொண்டால் நாளடைவில் இப்படிப்பட்ட பிளாஸ்டிக் பயன்பாடு அறவே ஒழிந்து விடும்.

ஆங்காங்கு பல்வேறு நிறுவனங்களில் பணி புரியும் அனைவரும் தங்கள் தங்கள் நிறுவனத்தின் தலைவரிடம் பிளாஸ்டிக் பயன்பாட்டை அறவே ஒழிக்கும் முயற்சியை எடுக்க வற்புறுத்தல் இன்றியமையாதது. தொழிலகத்தின் கொள்கையாக இப்படி பிளாஸ்டிக் பொருளின் பயன்பாட்டைத் தடுத்து நிறுத்தும் முயற்சியை மேற்கொள்வதன் மூலம் இயற்கைச் சூழல் பாதுகாக்கப்படும்.

***