Written by S NAGARAJAN

swami_48@yahoo.com

Date: 17 December 2019

Time in London – 8-59 AM

Post No. 7352

Pictures are taken from various sources; beware of copyright rules; don’t use them without permission; this is a non- commercial, educational blog; posted in swamiindology.blogspot.com and tamilandvedas.com simultaneously. Average hits per day for both the blogs 12,000

பாக்யா 1-12-2019 இதழில் அறிவியல் துளிகள் தொடரில் வெளியாகியுள்ள ஒன்பதாம் ஆண்டு இருபத்தி ஒன்றாம் கட்டுரை அத்தியாயம் 437

செஸ் விளையாட்டு உடலின் ஆற்றலை உறிஞ்சுகிறதா? பரபரப்பு ஆய்வு!

ச.நாகராஜன்

அனடாலி கார்பாவ் (Anatoly Karpov – தோற்றம் 23-5-1951 இப்போது வயது 68) உலகின் மாபெரும் செஸ் சாம்பியன். 1999ஆம் ஆண்டு விளையாட்டிலிருந்து ஓய்வு பெறும் வரை அவரே உலகின் செஸ் சாம்பியன்.

ஆனால் 1984ஆம் ஆண்டு நடந்த உலக செஸ் சாம்பியன் போட்டி திடீரென்று பாதியில் நிறுத்தப்பட்டது. கார்பாவ் அவரை எதிர்த்து விளையாடிய காஸ்பரோவை (Garry Kasparov தோற்றம் : 13-4-1963 இப்போது வயது 56) விட முன்னணியில் தான் இருந்தார். இருந்தும் ஏன் செஸ் போட்டி நிறுத்தப்பட்டது?

இந்தப் போட்டி நடைபெற்ற போது ஐந்து மாதங்களில் கார்பாவ் 10 கிலோ எடையை இழந்திருந்தார். இதனால் போட்டியை நடத்தியவர்கள் கவலையுற்று போட்டியை நிறுத்தி விட்டனர். உலக செஸ் சாம்பியனின் உடல் நிலை கவலைக்கிடமாக ஆகி விடக்கூடாது என்பதே அவர்களின் கவலை.

கார்பாவ் வெற்றி பெற்றதாக அறிவிக்கப்பட்டார்.

இப்படி விளையாட்டில் தீவிரமாக சிந்திப்பதில் ஒரு நாளைக்கு 6000 கலோரியை அவர் செலவிட வேண்டி இருந்தது என்பது தெரிய வந்தது.

விஞ்ஞானிகள் அவர் ஏன் தன் சக்தியை இழந்தார்? செஸ் போட்டியில் எந்தக் காயை எப்படி நகர்த்தலாம் என்று இடைவிடாது சிந்தித்ததாலா அல்லது வேறு ஏதேனும் காரணம் உண்டா – மூளை அவ்வளவு சக்தியை உறிஞ்சுகிறதா? – என்று ஆராயத் தொடங்கினர்.

சாதாரணமாக உடல் சும்மா இருக்கும் போது – அதாவது சுவாசம், ஜீரணம், உடலைத் தகுந்த வெப்பநிலையில் வைத்திருப்பது போன்ற இயல்பான காரியங்களைத் தவிர வேறெதுவும் செய்யாதிருக்கும் போது –  உடலின் மொத்த ஆற்றலில் மூளை 20 முதல் 25 சதவிகிதம் உபயோகிக்கிறது. இதற்கான குளுகோஸை அது எடுத்துக் கொள்கிறது.

ஒரு நாளைக்கு ஆணானாலும் சரி, பெண்ணானாலும் சரி 350 முதல் 450 கலோரிகள் வரை இதற்காக தேவைப்படுகிறது. ஆனால் குழந்தைப் பிராயத்திலோ – 5 முதல் 6 வயதாக இருக்கும் போது  மூளை உடலின் ஆற்றலில் 60 சதவிகிதத்தை எடுத்துக் கொள்கிறது. இதை டியூக் பல்கலைக்கழகத்தின் இணைப் பேராசிரியர் டக் பாயர் தெளிவு படுத்துகிறார். இப்படி மூளை உடல் சக்தியை எடுத்துக் கொண்டாலும் அது உடல் எடையில் 2 சதவிகிதமே ஆகும்.

புதிதாக ஒரு விஷயத்தைக் கற்றுக் கொள்ள வேண்டுமெனில் மூளைக்கு அதிக சக்தி தேவைப்படுகிறது. ஆனால் தனது வேலையில் ஒருவர் நல்ல திறமை பெற்று விட்டார் எனில் மூளைக்கு அதிக சக்தி தேவைப்படுவதில்லை.

அறிவியல் ரீதியாக இது கண்டுபிடிக்கப்பட்ட போது செஸ் விளையாட்டில் மிகத் திறமைசாலியான கார்பாவ் ஏன் 10 கிலோ எடையை இழந்தார் என்ற கேள்வி எழுந்தது.

இதற்கான காரணம் அதிகம் சிந்தித்தனால் அவர் உடல் எடையை இழக்கவில்லை, மாறாக தீவிரமான விளையாட்டின் போது அவர் மனஉளைச்சலுக்கு ஆளானதோடு, வேளாவேளைக்கு உணவை எடுத்துக்கொள்ளவில்லை, அதனால் தான் அவருக்கு எடை இழப்பு ஏற்பட்டது என்று அறிவியல் நிபுணர்கள் முடிவுக்கு வந்தனர். சாதாரணமாக, நிபுணர்களாக உள்ள செஸ் விளையாட்டு வீரர்கள் தீவிரமாக விளையாடுகையில் அவர்களுக்கு மன இறுக்கம் ஏற்படுகிறது. இதனால் இதயத் துடிப்பு அதிகமாகிறது. வேகமாக சுவாசிக்க வேண்டிய நிர்பந்தம் உருவாகிறது. உடல் வியர்க்கிறது. இவ்வளவும் சேரும்போது அவர்களது உடல் அதிக கலோரியை இழக்க ஆரம்பிக்கிறது. அத்துடன் இந்த விளையாட்டு நிபுணர்கள் எட்டு மணி நேரம் வரை தொடர்ந்து விளையாட்டில் அமர வேண்டி நேர்கிறது. அப்போது தினசரி நடைமுறையில் இருக்கும் உணவுப் பழக்கத்தை அவர்களால் மேற்கொள்ள முடிவதில்லை. ஆகவே ஆற்றல் இழப்பு அதிகமாக ஏற்படுகிறது. இது சாதாரணமாக அரங்கத்தில் நிகழ்ச்சிகளை நடத்தும் இசைக் கலைஞர்கள் உள்ளிட்ட அனைவருக்கும் ஏற்படும் ஒன்று.

உங்கள் உடலை ஒரு வேலையில் தீவிரமாக ஈடுபட வைத்தால் அப்போது அதற்கு அதிக ஆற்றல் தேவைப்படுகிறது. அதனால் உடலில் எடை இழப்பு ஏற்படும் என்பது அறிவியல் கண்டுபிடிப்பு.

ஆகவே கார்பாவ் ஏன் உடலில் 6000 கலோரியை இழந்தார் என்ற கேள்விக்கு, அவர் செஸ் விளையாட்டின் போது அதிகம் சிந்தித்ததால் எடையை இழக்கவில்லை; மாறாக அவர் மன இறுக்கத்திற்கு ஆளானதும், வேளா வேளைக்குச் சரிவர உணவை எடுத்துக் கொள்ளவில்லை என்பதுமே காரணங்கள் என்பது முடிவாகத் தீர்மானிக்கப்பட்டது.

ஆகவே எவ்வளவு வேண்டுமானாலும் தீர்க்கமாக சிந்திக்கலாம் என அறிவியலே முத்தாய்ப்பாகக் கூறி விட்டதால் இனி கவலைப்படாமல்  நிறைய சிந்திக்கலாமே!

மூளை பற்றிய காலம் காலமாகக் கூறப்பட்டு வரும் இன்னொரு ‘உண்மை’ நாம் அனைவருமே நமது மூளையில் பத்து சதவிகிதம் தான் பயன்படுத்துகிறோம் என்பது. இது உண்மையில்லை, கட்டுக்கதை என்கிறது நவீன அறிவியல். எல்லோருடைய மூளையின் அனைத்துப் பகுதிகளும் பயன்படுத்தப்பட்டே வருகிறது என்பது அறிவியலின் சமீப கால முடிவு. மூளையை ஸ்கேன் செய்து பார்த்த நிபுணர்கள் மூளையின் வெவ்வேறு பகுதிகள் வெவ்வேறு சமயங்களில் உபயோகப்படுத்தப்படுகின்றன என்று கூறுகின்றனர். இப்படி பத்து சதவிகிதம் தான் மூளை பயன்படுத்தப்படுகிறது என்ற கட்டுக்கதையான ஒரு தகவல் எப்படி யாரால் முதலில் சொல்லப்பட்டது என்பது சரியாக விளங்கவில்லை. எல்லோரும் எப்போதும் மூளையின் எல்லா பகுதிகளையும் பயன்படுத்துதல் என்பது முடியாத காரியம். தேவைப்படும் போது தேவையுள்ள தசைப் பகுதிகள் பயன்படுத்தப்படுகின்றன, அவ்வளவு தான்!!

நாம் என்ன, இதயம், கண், காது போன்ற இதர உடல் அங்கங்களை பத்து சதவிகிதம் தான் உபயோகப்படுத்துகிறோமா என்று கேட்கின்றனர் விஞ்ஞானிகள்.

இப்படி மூளையைப் பத்து சதவிகிதம் தான் நாம் பயன்படுத்துகிறோம் என்று சொல்கிறார்களே, அவர்கள் தாம் தங்கள் மூளை ஆற்றலில் பத்து சதவிகிதம் பயன்படுத்துபவர்கள் என்று கலாய்க்கிறார்கள் விஞ்ஞானிகள்.

ஆகவே மூளை ஆற்றலை நன்கு பயன்படுத்தி அதிகம் சிந்தித்து அதிகம் பயன் எய்தலாம் என்பதே அறிவியலின் முடிவு!

அறிவியல் அறிஞர் வாழ்வில் .. ..

சீனிவாச ராமானுஜன் உலகப் புகழ் பெற்ற அதிசய கணித மேதை. (தோற்றம் 22-12-1887 மறைவு : 26-4-1920) 32 ஆண்டுகளே வாழ்ந்த இந்த மகா மேதையின் கணிதக் கண்டுபிடிப்புகள் பற்றி இன்றும் உலக அறிஞர்கள் வியந்து பாராட்டுகின்றனர்.

சீனிவாச ராமானுஜன் ஹார்வர்ட் பல்கலைக் கழகத்தில் ஒரு தொடர் சொற்பொழிவை ஆற்றினார். அவரை ஆதரித்துப் பாராட்டிய பெரும் கணித மேதையான ஜி.ஹெச். ஹார்டி அந்தச் சொற்பொழிவுகளைத் தொகுத்து ஒரு நூலாக வெளியிட விரும்பினார். அந்த நூலில் வெளியிட ராமானுஜனின் ஒரு போட்டோ வேண்டுமென அவர் விரும்பினார். இதற்காகப் பலரை அணுகிய போதும் ஒரு போட்டோ கூட கிடைக்கவில்லை. கடைசியாக அவர் சுப்ரமணியம் சந்திரசேகரை அணுகி ஒரு போட்டோவை எப்படியாவது கொண்டு வரும் படி கேட்டுக் கொண்டார்.

சந்திரசேகர் இந்தியாவிற்கு வருகையில் ராமானுஜனது (விதவை) மனைவியை அணுகினார். ராமானுஜத்தின் மனைவியிடம் ஒரே ஒரு போட்டோ இருந்தது. அதை அவர் கொடுத்தார். அதிலிருந்து மூன்று போட்டோக்களை என்லார்ஜ் செய்த சந்திரசேகர் ஒன்றை ராமானுஜனின் மனைவிக்குக் கொடுத்தார். இன்னொன்றை ஹார்டிக்கு அனுப்பினார். மூன்றாவது போட்டோவைத் தான் வைத்துக் கொண்டார்.

நூல் ராமானுஜனின் போட்டோவுடன் வெளியானது.

மிகப் பெரிய கணித மேதையான ராமானுஜனின் ஒரே போட்டோ இது தான். ஒரு வேளை, பிரிட்டனுக்குச் செல்லும் போது பாஸ்போர்ட்டுக்காக அவர் எடுத்த போட்டோவாக இது இருக்கலாம் என எண்ணப்படுகிறது.

இன்னொரு கணித மேதையான பால் எர்டோஸ் (1913-1996) இந்தியாவிற்கு இரு முறை சொற்பொழிவாற்ற அழைக்கப்பட்டு இந்தியா வந்தார். தனக்குச் சொற்பொழிவுக்காக அளிக்கப்பட்ட பணத்தை அவர் ராமானுஜனின் விதவை மனைவிக்கு அனுப்பி உதவினார்.

***

Written by London Swaminathan

swami_48@yahoo.com

Date: 16 December 2019

Time in London – 19-44

Post No. 7351

Pictures are taken from various sources; beware of copyright rules; don’t use them without permission; this is a non- commercial, educational blog; posted in swamiindology.blogspot.com and tamilandvedas.com simultaneously. Average hits per day for both the blogs 12,000

அமெரிக்காவுக்குப் பக்கத்தில் இருந்து கியூபா நாட்டை ஆண்டவர் பிடல் காஸ்ட்ரோ. அவரை அமெரிக்க உளவு ஸ்தாபனத்தாலும் கூட  கொல்ல  முடியவில்லை. சிலருக்கு ஆயுஸ் அவ்வளவு கெட்டி. இறுதி வரை அஜாத சத்ருவாக இருந்து இறந்தார். தனது சகோதரரையே  பதவியில் அமர்த்திவிட்டு உயிர்நீ த்தார் . நான் தினமணியில் 1992ல் எழுதிய கட்டுரை இதோ –

காஸ்ட்ரோ பிறந்த ஆண்டு — 13 ஆகஸ்ட் 1926

இறந்த ஆண்டு – 25 நவம்பர் 2016

ஒன்பது அமெரிக்க ஜனாதிபதி ஆட்சிகளை வேடிக்கை பார்த்தவர்.

600 கொலை முயற்சிகளில் சாகாதவர் .

கியூபாவை 50 ஆண்டுகள் ஆண்டவர்.

WRITTEN By London Swaminathan

swami_48@yahoo.com

Date: 15 DECEMBER 2019

Time in London – 16-42

Post No. 7347

Pictures are taken from various sources; beware of copyright rules; don’t use them without permission; this is a non- commercial, educational blog; posted in swamiindology.blogspot.com and tamilandvedas.com simultaneously. Average hits per day for both the blogs 12,000

துப்பாக்கி கலாசாரம் என்பது நான் 1992ல் எழுதியது. இப்போது மிகவும் மோசமாகிவிட்டது .

இந்த 2019ஆம்  ஆண்டில் லண்டனில் மட்டும் 134  பேர்

வன்முறைச்  சம்பவங்களில் கொல்லப்பட்டுள்ளனர்.

அதாவது நான் 13-09-1992-ல் எழுதியது இப்போதும் நீடிக்கிறது.

Three young men have been murdered in little over 12 hours in London, as the death toll for this year nears the decade high seen in 2018.

With three weeks left until the end of 2019, 134 people have so far been killed including the victims of the London Bridge terror attack.

Last year, police recorded 141 homicides in the capital – the highest since 2008.

The last spate of bloodshed started at 2pm on Thursday, when 22-year-old Exauce Ngimbi was stabbed to death in Lower Clapton.

Scotland Yard has arrested four people, including a 14-year-old boy, over the murder. 

WRITTEN By S Nagarajan

swami_48@yahoo.com

Date: 15 DECEMBER 2019

 Time in London – 7-26 am

Post No. 7344

Pictures are taken from various sources; beware of copyright rules;
don’t use them without permission; this is a non- commercial, educational blog;
posted in swamiindology.blogspot.com and tamilandvedas.com simultaneously.
Average hits per day for both the blogs 12,000

டிசம்பர்
2019 ஹெல்த்கேர் இதழில் பிரசுரமாகியுள்ள கட்டுரை

புத்தகச் சுருக்கம்

உங்கள் வாழ்க்கையை உயர்த்த வல்ல  ஒரு புத்தகம்

ச.நாகராஜன்

LIFE PLAN

The Sunday Times – லண்டனிலிருந்து
வெளி வரும் பிரபல பத்திரிகையான ‘தி சண்டே
டைம்ஸ்’ வெளியிட்ட இந்தப் புத்தகம்
உண்மையிலேயே ஒருவரின் வாழ்க்கையை உயர்த்த வல்ல ஒரு புத்தகம் தான்.

ரிச்சர்ட் கிர்லிங் (Richard Girling) என்பவர்
தொகுத்த இந்தப் புத்தகத்திற்கு உளவியல் ஆலோசகராக அமைபவர் ஜான் நிக்கல்ஸன். (John Nicholson).

 A 4 அளவில்148
பக்கங்கள் கொண்ட இந்த புத்தகத்தில் 46 அத்தியாயங்கள்
உள்ளன.

அதில் உடல்நல மேம்பாடு குறித்து
பல அத்தியாயங்கள் உள்ளன.

நல்ல ஆரோக்கியத்தை அனுபவியுங்கள் (Enjoy
Better Health)

    இந்த அத்தியாயத்தில் உங்களால் குனிந்து உங்கள்
கால் விரல் நுனியைத் தொட முடிகிறதா, பஸ்ஸைப் பிடிக்க ஓடும் போது உங்களுக்கு மூச்சு
வாங்குகிறதா என்ற கேள்விகள் எழுப்பப்பட்டு உடல்பயிற்சியின் அவசியம் விளக்கப்படுகிறது.

ஏன் உடல் பயிற்சி தேவை?

உடலின் எடையைக் குறைக்க; தசைகளை
மேம்பத்த;  வலிமையுடன் இளமையோடு இருக்க; மாரடைப்பு
வரும் அபாயம் ஏற்படாமல் தடுக்க; சமூகத்தில் இணைந்து பழகி புதிய நண்பர்களை உருவாக்கிக்
கொள்ள; மன அழுத்தம் தரும் காரணிகளைக் கண்டு பயப்படாமல் அவற்றை எதிர்கொண்டு சமாளிப்பதோடு,
மன இறுக்கம் இல்லாமல் இருக்க; நல்ல ஆரோக்கியத்துடன் ஆனந்தமாக வாழ்க்கையை அனுபவிக்க
; – ஆம் இவ்வளவும் உடல்பயிற்சியால் அடையும் நல்ல பயன்கள்

உடல் பயிற்சி செய்வதை அன்றாடப்
பழக்கம் ஆக்கிக் கொள்ளுங்கள்!

அதிக எடையுள்ளவராக இருந்தாலோ
அல்லது 35 வயதிற்கு மேற்பட்டவராக இருந்தாலோ டாக்டரைக் கலந்தாலோசித்த பின்னர் உடல்பயிற்சியை
ஆரம்பியுங்கள்.

சாப்பிட்ட பிறகு உடல்பயிற்சி
செய்யாதீர்கள்.

சரியான உடை அணிந்து உடல்பயிற்சி
செய்யுங்கள்.

ஜுரமாக இருக்கும் போது உடல்பயிற்சி
செய்யாதீர்கள்.

மிகுந்த வெப்பம் உள்ள நாட்களில்
உடல்பயிற்சி செய்ய வேண்டாம். (Dehydrate–இனால்
பாதிக்கப்படலாம்)

உடல்பயிற்சி செய்வதற்கு முன்னர்
Warm-up செய்வது அவசியம்.

மெதுவாக முன்னேறுங்கள். ஒருநாள்
விட்டு ஒரு நாளோ அல்லது வாரத்திற்கு மூன்று நாட்களோ உடல்பயிற்சி செய்ய ஆரம்பியுங்கள்.

வலி இருந்தால் உடல்பயிற்சியை
உடனடியாக நிறுத்தி விடுங்கள்.

உடல்பயிற்சி முடிந்த பின்னர்
சற்று இளைப்பாறுங்கள்.

பின்னர் குளியலில் ரிலாக்ஸாக
இருங்கள்.

உங்களுக்குப் பிடித்தமான ஒரு
விளையாட்டையோ, அல்லது ஓட்டத்தையோ, நீச்சலையோ, சைக்கிளில் செல்வதையோ பழக்கமாக ஆக்கிக்
கொள்ளுங்கள்.

ஆரோக்கியமான உணவுப் பழக்கம் (Healthy Eating)

ஒவ்வொரு நாளும் ஒவ்வொரு திக்கிலிருந்தும்
இதைச் சாப்பிட்டு இப்படிச் சாப்பிடு என்று ஆலோசனைகள் வந்த வண்ணம் இருக்கின்றன.

ஒருவருக்கொருவர் சொல்லிக் கொள்ளும்
ஒரு பெரிய ஜோக்  என்னவெனில் ஹெல்தி ஃபுட் என்பது
சுவையானதாகவும் இருக்காது;பலனையும் தராது என்பது தான்!

ஆகவே, எதையெதைச் சாப்பிடுவது
என்பதை எப்படி நிர்ணயிப்பது?

ஒரு சுலபமான வழி – வாரம் ஒரு
முறை உங்கள் உடல் எடையை எடுத்துக் குறித்து வைத்துக் கொள்ளுங்கள்.

புரோட்டீன், விடமின்கள், உடலுக்குத்
தேவையான சத்தான மினரல்கள் ஆகியவற்றை சரியானபடி நீங்கள் எடுத்துக் கொண்டால் அது போதும்.

கர்ப்பிணிகள் மட்டுமே துணை உணவுகளை
சில சமயம் நாட வேண்டி வரும்.

கொழுப்பை எப்படிக் குறைப்பது
எனில் அதைப்  பற்றிய உணர்வுடன் எப்போதும் இருத்தல்
அவசியம்.

ஒரு சாதாரண விதி என்னவெனில்
அன்றாட மொத்த உணவில் மூன்றில் ஒரு பங்கு பால் மற்றும் நெய், தயிர் போன்றவையும், மூன்றில்
இன்னொரு பங்கு அசைவமும் இன்னொரு பங்கு சமைத்து உண்ணும் ஏராளமான வகைகளும் எடுத்துக்
கொள்ளலாம் என்பது தான்.

தூக்கம் எவ்வளவு தேவை? (Sleep : How Much You
Need)

பொதுவான நம்பிக்கை என்னவெனில்
ஒரு நாளைக்கு எட்டு மணி நேரத் தூக்கம் அவசியம் என்பது தான்.

இரவு நேரத்தில் தூக்கத்தின்
முதல் பகுதி தான் மிகுந்த பயனுடையது. ஆழ்ந்த உறக்கம் என்பது இந்த நேரத்தில் தான் ஏற்படுகிறது.

ஒரு நாளைக்கு ஐந்து மணி நேரம்
நல்ல முறையில் தூங்கினால் அதுவே ஆரோக்கியமான வாழ்விற்குப் போதும்.

மதிய உணவிற்குப் பின்னர் 30
நிமிட குட்டித் தூக்கம் நல்ல பலனை அளிக்கிறது என்பதைப் பல ஆய்வுகள் உறுதி செய்கின்றன.

அருமையான ஒரு நல்ல வாழ்க்கையை
அமைத்துக் கொள்ள ஏராளமான கேள்விகளுக்கு பதிலை நீங்கள் சொல்லி ஒரு நல்ல திட்டத்தை அந்த
பதில்களின் அடிப்படையில் அமைத்துக் கொள்ள வேண்டும்.

வேலை – உங்களுக்குப் பிடிக்கிறதா?
போர் அடிக்கிறதா?

வீடு – ஆரோக்கியமாக வாழ உதவுகிறதா?

தொழில்நுட்பங்கள் – புதிய தொழில்நுட்பங்கள்
உங்களைப் பயமுறுத்துகிறதா அல்லது அவற்றை வரவேற்று அவற்றுடன் வாழப் பழகுகிறீர்களா?

ஒய்வுநாட்களில் என்ன திட்டம்?
புத்தகம் படிப்பதா, இசை கேட்டு அனுபவிப்பதா? புதிய இடங்களுக்குப் பயணங்களா? அல்லது
டி.வி.தானா?

குடும்பத்தினருடன் எப்படி, எவ்வளவு
நேரம் செலவிடுகிறீர்கள்?

இவற்றிற்கான ஒரு நல்ல அடிப்படையை
வகுத்துக் கொண்டால் நல்ல வாழ்க்கை அமையும் என்பதில் ஐயமே இல்லை.

வாழ்க்கை திட்டத்தைப் பற்றி
அறிய முன் வந்த தன்னார்வத் தொண்டர்கள், இது மிகவும் பயனுள்ள ஒன்றாக இருக்கிறது என்பதை
உறுதியாகச் சொல்கின்றனர்.

எடுத்துக்காட்டாக ஒரு கேஸை சொல்லலாம்.

ஆடம் என்ற இள வயது வாலிபன் ஒருவன்
வீடியோவில் சூதாட்ட விளையாட்டு ஒன்றுக்கு அடிமையாக இருந்தான். அவனது தந்தை மிகவும்
கவலைப்பட்டு வாழ்க்கைத் திட்டம் பற்றி அறிந்து ஆலோசகரை நாட, அவன் இந்த திட்டத்தின்
யோசனைகளின் படி மாறி நலமுற்றான்.

ஆக இப்படி பிரச்சினைகள் வாழ்க்கையில்
பல விதம்.

அவற்றிற்குத் தீர்வு சொல்லும்
புத்தகம் தான் – Life Plan.

சுவாரசியமான இந்தப் புத்தகம்
1988இல் முதல் பதிப்பைக் கண்டது.

ஆனால் எத்தனை வருடமானாலும் இதில்
சொல்லப்படும் உண்மைகளும் உத்திகளும் நிரந்தரமானவை; பயனளிக்க வல்லவை!

***