WRITTEN BY S NAGARAJAN

Post No. 10,200

Date uploaded in London – 12 OCTOBER  2021         

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

ஸ்ரீ கச்சியப்ப சிவாச்சாரியார் புராணம்! : ஆதிசைவர்கள் நலவாழ்வு மையம் வெளியீடு!! – 1

ச.நாகராஜன்

கள்ளக்குறிச்சி, ஆதிசைவர்கள் நலவாழ்வு மையம் ஸ்ரீ கச்சியப்ப சிவாச்சாரியார் புராணம் என்ற அருமையான நூலை சமீபத்தில் 4-10-2021 அன்று வெளியிட்டுத் தமிழுக்கு அரும் சேவையைச் செய்துள்ளது.

171 அழகிய  அரும் தமிழ்ச் செய்யுள்கள் கொண்ட இந்தப் புராணத்தை இயற்றியவர் ஸ்ரீமத் வாமதேவ முருக பட்டாரகர் ஆவார். ‘பட்டாரக’ என்றால் நல்லொழுக்கமும் உயரிய ஞானமும் உடைய அந்தணர் என்று பொருள். இவர் திருக்கைலாய பரம்பரை சிதம்பரம் வாமதேவ மறைஞான சம்பந்த சைவாசாரிய மரபினர் ஆவார். முருக பட்டாரகரின் தந்தையார் பெயர் பொன்னு பட்டாரகர். முருகவேளின் அணுக்க பக்தரான முருக பட்டாரகர் ஸ்ரீ கச்சியப்ப சிவாச்சாரியார் இயற்றிய கந்தபுராணத்தை அனுபவித்துப் படித்து அதை அனைவருக்கும் கூறி மகிழ, அன்பர்கள் பலர் அவரை ஸ்ரீ கச்சியப்ப சிவாச்சாரியார் பற்றி ஒரு நூலை இயற்றுமாறு வேண்டினர். அதன் பலனாக இந்த நூல் மலர்ந்தது. இதன் முதல் பதிப்பு 10-9-1917இல் வெளியானது. முதற் பதிப்பிற்கு முன்னுரை அளித்தவர் மாயவரம் தாலுக்கா ஸ்ரீ பொன்னுரங்கம் பிள்ளை ஆவார். அவர் தனது முன்னுரையில் இந்த நூலாசிரியரின் குமாரர் மாணிக்க பட்டாரகர் தனது தந்தையாரின் நூலிலிருந்து பல செய்யுள்களைக் கூறி மகிழ்விப்பது வழக்கம் என்று கூறி இருப்பதால் இவரது காலம் ஆயிர்த்து எண்ணூறுகளில் இருப்பது தெரிய வருகிறது.

முதல் பதிப்பில் செய்யுள்கள் மட்டுமே உள்ளது. 104 ஆண்டுகளுக்குப் பின்னர் அதை மறு பதிப்பு செய்ய கள்ளக்குறிச்சி, ஆதிசைவர்கள் நலவாழ்வு சங்கத்தின் நிறுவனர் தில்லை சிவஸ்ரீ எஸ்.கார்த்திகேய தத்புருஷ சிவம் பெரு முயற்சி எடுத்து இதை வெளியிட்டுள்ளார்.

திரு கார்த்திகேய சிவம் சைவாகமங்களிலும் வல்லவர்; சிவத்தொண்டில் சிறந்தவர். தமிழுக்குச் சேவை செய்யத் துடிப்பவர். ஆகவே பல அரிய நூல்களை வெளியிட்டுக் கொண்டே இருக்கிறார். நூலை அப்படியே செய்யுள் வடிவில் மட்டும் வெளியிடாமல் இதற்கு ஒரு அரிய உரையையும் சேர்த்து வெளியிட நிச்சயித்து அதில் வெற்றியும் பெற்றுள்ளார்.

இந்த அழகிய நூலுக்கு சுருக்கமான ஆனால் அற்புதமான உரையை கல்யாண்புரி என்ற கூனம்பட்டி ஆதீனப் புலவர் ‘தத்புருஷ தேவநாம’ சைவ.இராம.மாணிக்கவாசகன் சிறப்புறச் செய்துள்ளார்.

கடவுள் வாழ்த்து, நூல் பெயர், அவையடக்கம், சிறப்புப் பாயிரம் ஆகிய நூலுக்குரிய அம்சங்களைப் பெற்றுள்ள இந்த நூல் உற்பத்தி காண்டம், அசுர காண்டம், மகேந்திர காண்டம், யுத்த காண்டம், தக்ஷ காண்டம் ஆகிய ஆறு காண்டங்களை ‘குற்றமில்லாத அருட்குரவராகிய கச்சியப்ப சிவாசாரியர் சகாத்தம் எழுநூற்றில்” கச்சி குமரகோட்டத்தில் அரங்கேற்றிய விதத்தை மெய்சிலிர்க்கும் வண்ணம் விவரிக்கிறது.

செய்யுள் நயமும் சொல் நயமும் பொருள் நயமும் கற்பனை நயமும் முருக பட்டாரகர் ஒரு தேர்ந்த புலவர் என்பதை எடுத்துக் காட்டுகிறது.

கந்த புராணத்திற்கு அடியெடுத்து அருளியவர் சாக்ஷாத் முருகப்பிரானே ஆவார்.

‘திகடச் சக்கர செம்முக மைந்துளான்’ என்ற முருகப் பிரானின் அடியை கச்சியப்பர் சபையில் அரங்கேற்றத்தின் போது சொல்லி ஆரம்பிக்க ஒரு புலவர் எழுந்தார்.

“சுவாமிகாள்! தாங்கள் கூறிய முதல் அடியில் திகழ் தசம் என்பதை திகடசம் என்று கூறி இருக்கிறீர்! இப்படி அமைவதற்கு தொல்காப்பியத்தில் விதி இல்லையே!” என்று கூற அதிர்ந்து போன கச்சியப்பர், ‘இப்படி எனக்கு அடி எடுத்துக் கொடுத்தவர் முருகனே தான்’ என பதில் கூறுகிறார்.

‘அப்படி எனில் அதை முருகனே சொல்லட்டும் அல்லது அதற்குரிய இலக்கண விதியைக் காண்பியும்’ என அப்புலவர் கூற ‘நாளை இதற்கு பதில் கூறுகிறேன்’ என்று பதில் சொல்கிறார் கச்சியப்பர். அன்று மனம் வாடி வருந்திய அவர் கனவில் தோன்றிய முருகப் பிரான். “வருந்தற்க! நாளை அவையில் சோழ நாட்டுப் புலவர் இதற்கான இலக்கண விதியை காட்டுவார்” என்று கூறி அருள்கிறார். மறு நாள் அவை கூடியது. சோழநாட்டுப் புலவர் வீர சோழியம் நூலைக் காண்பித்து அதில் சந்திப்படலம் 18ஆம் செய்யுளை எடுத்துக் காட்டுகிறார். அதில் சரியான விதி இருக்கிறது. அனைவரும் அதிசயித்து அதை ஏற்றுக் கொள்கின்றனர். அப்படிக் கூறிய புலவர், “அவ்விடை மறைந்து போனார்!”

வந்தவர் முருகப் பிரானே என்பதை உணர்ந்த அவையினர் சிரம் தாழ்த்தி கச்சியப்பரை வணங்கினர். தினமும் தனது நூலின் செய்யுள்களை விளக்கி ஒரு வருடத்தில் புராணத்தை முடித்தார் கச்சியப்பர்.

“மருவிய நாடொறும் வாசித்துப்

பொருளுரை செய்த புராணமதைக்

கருவறு தேசிகர் கச்சியப்பர்

ஒரு வருடத்தி னுற முடித்தார்”

 10346 பாக்கள் அடங்கிய நூலை முறைப்படி அர்ச்சனை செய்து கச்சியப்பர் அரங்கேற்றம் செய்ய, தொண்டை நாட்டின் இருபத்தி நான்கு கோட்டத்தில் வாழும் வேளாளர்கள் பெரிதும் மகிழ்ந்து அவரைப் போற்றினர்; கச்சியப்பரை சிவிகையில் ஏற்றி காஞ்சி மா நகரை வலம் வந்தனர்.

இவ்வளவு விஷயங்களையும் தெள்ளு தமிழில் செய்யுள் இலக்கணம் வழுவாது அழகுறச் சொல்கிறது இந்த நூல்

இது முருக பக்தர்களுக்கும் தமிழ் ஆர்வலர்களுக்கும் ஏன் தமிழ் மக்கள் அனைவருக்குமே படித்து மகிழ உகந்த ஒரு நூல். நூல் அழகுற வாசித்துப் பொருளைப் புரிந்து கொள்வதற்கு எளிதாக அச்சிடப்பட்டுள்ளது.

நூலின் மொத்தப் பக்கங்கள் 96. அச்சுப் பதிப்பு சிறப்புற அமைந்துள்ளது. வடிவமைப்பு சிறப்புற இருக்க நூல் தரம் வாய்ந்த தாள்களில் அச்சிடப்பட்டுள்ளது. நூலின் விலை ரூபாய் நூறு மட்டுமே.

இந்த நூலின் சில சிறப்புகளை அடுத்துக் காண்போம்              **         

அடுத்த கட்டுரையுடன் முடிவுறும்

tags — கச்சியப்ப சிவாச்சாரியார்,  புராணம்,  ஆதிசைவர்கள்,  நலவாழ்வு மையம், கார்த்திகேய சிவம்

WRITTEN BY BRHANNAYAKI SATHYANARAYANAN

Post No. 10,199

Date uploaded in London – – 11 OCTOBER 2021

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

லண்டனிலிருந்து ஞாயிறுதோறும் இந்திய நேரம் மாலை 6.30க்கு ஒளிபரப்பாகும் தமிழ்முழக்கம் நிகழ்ச்சியில் 10-10-2021 அன்று ஒளிபரப்பான உரை!

ஆஜ்மீர் புஷ்கரில் உள்ள மணிபந்த் சக்திபீடம்!

ஸ்ரீ நாராயண உவாச : த்வமேவ சந்த்யா காயத்ரீ சாவித்ரீ ச சரஸ்வதீ

ப்ரஹ்மாணீ வைஷ்ணவீ ரௌத்ரீ ரக்த ஸ்வேதா ஸிதேதரா

ஸ்ரீ நாராயணன் சொல்லுகிறார் :- ஹே! காயத்ரி தேவியே, தாங்களே ஸந்த்யையாகவும், காயத்ரியாகவும், ஸாவித்ரியாகவும், ஸரஸ்வதியாகவும், ப்ரஹ்மாவின் சக்தியாகவும், ரக்தஸ்வேதை என்ற தேவதையாகவும், ஸிதேதரையாகவும் ப்ரகாசிக்கிறீர்கள்!

ஆலயம் அறிவோம்! வழங்குவது பிரஹன்நாயகி சத்யநாராயணன்.

ஆலயம் அறிவோம் தொடரில் இன்று நமது யாத்திரையில் இடம் பெறுவது 51 சக்தி பீடங்களில் 27வது பீடமாக அமையும், ராஜஸ்தான் மாநிலத்தில் ஆஜ்மீரில் புஷ்கரில் உள்ள மணிபந்த் சக்தி பீடம் ஆகும். இந்தத் தலம் காயத்ரி மலையில் புஷ்கருக்கு அருகில் ஆஜ்மீரின் வடமேற்கே 11 கிலோமீட்டர் தொலைவில் அமைந்துள்ளது. புஷ்கர் பிரம்மா கோவிலுக்கு அருகே 7 கிலோமீட்டர் தூரத்தில் இது உள்ளது. சதியின் அங்கபாகங்களில் ஒன்றான மணிக்கட்டு விழுந்து அமைந்த சக்தி பீடம் இது.

தக்ஷப்ரஜாபதி தான் நடத்திய யாகத்திற்கு மருமகனான சிவனை அழைக்கவில்லை. தாக்ஷாயணி எனப்படும் சதி தேவி தந்தை நடத்தும் யாகத்திற்குச் சென்று சிவபிரானை ஏன் அழைக்கவில்லை என்று கேட்க தக்ஷன் பெரும் கோபம் கொள்கிறான். சிவபிரான் அருளினால் வீர பத்திரனும் காளியாக மாறிய சதியும் யாகத்தை அழிக்கின்றனர். தக்ஷ வதமும் முடிகிறது. தேவி தனது தியானத்தால் அக்னியை மூட்டி அதில் தன் உடலை அர்ப்பணிக்கிறாள். நடந்ததை அறிந்த சிவபிரான் தாக்ஷாயணியின் உடலை எடுத்து ருத்ர தாண்டவம் ஆடுகிறான். யாராலும் தாண்டவத்தை நிறுத்த முடியாத நிலையில் விஷ்ணு பகவான் தன் சுதர்ஸன சக்கரத்தை ஏவி சதி தேவியின் உடலை 51 துண்டுகளாக ஆக்குகிறார். அவை பாரதமெங்கும் சிதறி வீழ்ந்தன. அவையே சக்தி பீடங்களாக ஆயின.

சதியின் மணிவேதிகா எனப்படும் இரு மணிக்கட்டுகள் ஆஜ்மீர் காயத்ரி மலைப் பகுதியில் விழுந்தன. ஆகவே இங்கு அமைந்துள்ள ஆலயம் மணிவேதிகா ஆலயம் எனப் பெயரைப் பெற்றுள்ளது. இங்கு பின்னால் ஸ்தாபிக்கப்பட்ட விக்ரஹம் காயத்ரி தேவியினுடைய விக்ரஹம் ஆகும். இங்கு இரு விக்ரஹங்கள் உள்ளன. ஒன்று காயத்ரி தேவி என்று அழைக்கப்படும் சதியினுடையது. இன்னொன்று அனைவரையும் ஆனந்தம் அடையச் செய்பவன் என்ற பொருளில் அமைந்துள்ள சர்வானந்தா என்ற சிவபிரானின் விக்ரஹம். இது சாமுண்டா ஆலயம் புஷ்கர் என்றும் அழைக்கப்படுகிறது.

நவராத்திரி விசேஷமாக இங்கு ஒன்பது நாட்கள் மிகப் பெரிய அளவில் கொண்டாடப்படுகிறது. அதே போல சிவராத்திரியும் இங்கு விசேஷமாகக் கொண்டாடப்படுகிது. சிவலிங்கத்தின் மீது பால் அபிஷேகம் செய்து வில்வப் பழம் நிவேதனம் செய்யப்படுகிறது.

காயத்ரி அறிவின் தெய்வமாகும். “செங்கதிர் தேவன் சிறந்த ஒளியினைத் தேர்கின்றோம் அவன் எங்கள் அறிவினைத் தூண்டி நடத்துக” என்பது காயத்ரி மந்திரத்திற்கான மகாகவி பாரதியாரின் தமிழாக்கம் ஆகும். காயத்ரி மந்திரத்தை உபாசித்து சாதனை மேற்கொள்பவர்கள் தமக்கு உகந்த இடமாக இதைக் கருதி இங்கு வருகின்றனர்.

கடல் மட்டத்திலிருந்து 800 அடி உயரமுள்ளது காயத்ரி மலை. பிரம்மாண்டமான தூண்களுடன் சிற்பச் சிறப்பைக் காட்டும் வண்ணம் இந்த ஆலயம் அமைந்துள்ளது.மலைகளில் மேருவும், பறவைகளில் கருடனும், புண்ணிய தீர்த்தங்களுள் புஷ்கரும் சிறந்தவை என்று பத்ம புராணம் கூறுகிறது. அப்படிப்பட்ட சிறப்பு வாய்ந்த புஷ்கரானது புஷ்கர், கயா, கங்கா, குருக்ஷேத்திரம், பிரயாகை ஆகிய பஞ்ச தீர்த்தங்களுள் முதன்மை இடத்தைப் பெறுகிறது. பாண்டவர்கள் தமது அக்ஞாத வாச காலத்தில் ஒரு பகுதியை இங்கே கழித்தனர். பாண்டவர்கள் இங்கு ‘பஞ்ச குண்ட்’ என்ற இடத்தில் யக்ஞமும் செய்ததாக ஐதீகம்.

புஷ்கரம் தோன்றியது பற்றிய புராண வரலாறு ஒன்று உண்டு. ஒரு முறை பிரம்மா யாகம் செய்யத் தகுந்த இடம் தேடி வான் வழியே வந்த போது இந்த இடத்தில் அவர் தாமரை வளைந்து நீர் ஊற்று சுரந்ததாம். அந்த இடமே புஷ்கரம் எனக் கூறப்படுகிறது. பிரம்மாவுக்கு உள்ள ஒரே கோவில் இது தான். ஒரு சமயம் சாவித்திரி தேவி பிரம்மாவை சபித்ததால் அவருக்கு வேறு எங்கும் ஆலயம் இல்லை என வரலாறு கூறுகிறது. இங்குள்ள பிரம்மா ஆலயம் முழுவதும் சலவைக் கல்லால் கட்டப்பட்டுள்ளது. கார்த்திகை மாதம் பௌர்ணமி அன்று கொண்டாடப்படும் புஷ்கர் மேளாவில் ஏராளமான மக்கள் இங்கு கூடுகின்றனர்.பௌர்ணமி தினத்தை மையமாக வைத்து முன்னும் பின்னுமாக மொத்தம் ஏழு நாட்கள் இந்த விழா இங்கு கொண்டாடப்படுகிறது. பிரம்ம புஷ்கரணியில் ஸ்நானம் செய்து பிரம்மாவை வழிபட்டால் தலை எழுத்து மறைந்து விடுவதாகக் கூறப்படுகிறது.
காலம் காலமாக ஆயிரக்கணக்கான பக்தர்களுக்கு அருள்பாலித்து வரும் காயத்ரி தேவியும் சிவபிரானும், பிரம்ம தேவனும் அனைவருக்கும் சர்வ மங்களத்தைத் தர ஞானமயம் சார்பில் பிரார்த்திக்கிறோம்.

ஸ்ரீ காயத்ரி ஸ்தோத்ரம் கூறும் சத்ய வாக்கு இது :

மஹா பாப ப்ரஸமனம் மஹா ஸித்தி விநாயகம் |
இதம் கீர்தயேத் ஸ்தோத்ரம் ஸந்த்யா காலே ஸமாஹித: ||

கீர்த்தியைக் கொடுக்கும் காயத்ரி ஸ்தோத்திரத்தை ஸந்த்யா காலத்தில் படித்தால் மஹா பாபங்கள் விலகி அளவற்ற புண்யம் உண்டாகும். மஹா ஸித்திகள் ஏற்படும். நன்றி வணக்கம்!

tags–  மணிபந்த் ,சக்திபீடம், பிரம்மா கோவில், புஷ்கர் 

WRITTEN BY S NAGARAJAN

Post No. 10,198

Date uploaded in London – 11 OCTOBER  2021         

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

புராணத்துளிகள் மூன்றாம் பாகம்-அத்தியாயம் 13 கட்டுரை எண் 10004 வெளியான தேதி

22-8-2021

புராணத்துளிகள் : மூன்றாம் பாகம் – அத்தியாயம் 14

(46 முதல் – 50 முடிய)

ச.நாகராஜன்

46. ஆலயம் கட்டுவதனால் ஏற்படும் பலன்கள்!

அக்னி தேவதை கூறுகிறது:
நான் இப்போது வாசுதேவர் மற்றும் இதர தேவதைகளுக்கு ஆலயம் அமைப்பதன் பலன்களைக் கூறுகிறேன்.

கடவுளரின் கோவில்களை அமைக்க ஒருவர் ஆசை கொண்டால் அவருக்கு ஆயிரம் பிறவிகளில் அவர் செய்த பாவம் போய்விடும். யாருக்கு ஆலயம் அமைக்க வேண்டும் என்ற எண்ணம் மனதில் உதிக்கிறதோ அவர்களுக்கு நூறு பிறவிகளில் செய்த பாவம் நீங்கி விடும். ஸ்ரீ கிருஷ்ணருக்கு கோவில் அமைப்பதை அங்கீகரிக்கும் ஒருவரும் அவரது பாவங்களிலிருந்து விடுபடுவதோடு அச்சுத (விஷ்ணு) லோகத்திற்குச் செல்வார். ஹரிக்கு கோவில் ஒன்றை அமைக்கும் ஒருவர் அவரது ஒரு லட்சம் மூதாதையருக்கு சென்ற காலத்திலும் எதிர்காலத்திலும் விஷ்ணு லோகத்தை அளிக்கிறார். விஷ்ணுவிற்குக் கோவில் கட்டும் ஒருவர் அவரது மூதாதையரின் ஆவிகள் விஷ்ணு லோகத்தில் தங்கள் பாவங்கள் அனைத்தும் நீங்கப் பெற்று மிகவும் கௌரவிக்கப்பட்டவர்களாய் அங்கேயே இருக்கின்றனர். தேவதைக்கு கோவில் அமைக்கப்படும் போது அப்படி அமைப்பவருக்கு பிராமணரைக் கொன்ற பாவம் உள்ளிட்ட அனைத்தும் போய் விடும்.

அக்னி புராணம் அத்தியாயம் 38- ஸ்லோகம் 1 முதல் 5 முடிய

47. நவநிதிகள் யாவை?

பத்ம, மஹாபத்ம, மகர, கச்சப, குமுத, நந்த, பத்ம, சங்க, பத்மினி ஆகிய இவையே நவ நிதிகளாகும்

 அக்னி புராணம் அத்தியாயம் 41 – ஸ்லோகம் 14

48 விபூதி தாரண மஹிமை

நாராயணர் கூறுகிறார்:

ஒரு நாளாவது ஒருவன் பஸ்மம் (திருநீறு/விபூதி) தரிப்பானாயின் அவனுக்குண்டாகும் புண்ணிய பலத்தைச் சொல்கிறேன், கேட்பாயாக:- என்னவெனில்  அவன் மஹாபாதகங்களைச் செய்திருப்பின் அவைகளும் வேறு பாதகங்களும் நசித்துப் போகும். இது சத்தியம்! சத்தியம்! சந்தேகமில்லை.

முக்தி என்னும் ஸ்திரீயை வசீகரம் செய்து கொள்ள வேண்டியவனுக்கு சிவலிங்கம், ருத்திராக்ஷம், பஞ்சாக்ஷரம், பஸ்மம் என்னும் இவைகள் ஔஷதங்களாம். பஸ்மோத்தூளனமுள்ளவன் மூர்க்கன் ஆனாலும் பண்டிதன் ஆனாலும் அவன் எவ்விடத்தில் புசிக்கின்றானோ அவ்விடத்தில் ரிஷபக் கொடியை உடைய பரமேஸ்வரன் தேவி ஆகியோரோடு புசிக்கிறான்

தேவி பாகவதம்,பதினொன்றாம் ஸ்கந்தம் அத்தியாம் 13

49. கிருஷ்ணர் தருமருக்கு சிவபூஜை பற்றிக் கூறியது!

பசியுடன் வந்த துர்வாஸ முனிவரை கிருஷ்ணரின் அருளால் திருப்திப் படுத்தி அனுப்புகிறார் தர்மர்.

துர்வாஸ முனிவர் திருப்தியுடன் தர்மரை விட்டு அகன்றவுடன் தருமர் கிருஷ்ணனின் பாதங்களில் சாஷ்டாங்கமாக விழுந்து நமஸ்கரித்தார்.

“கிருஷ்ணா, உன் அனுக்ரஹம் மட்டும் இல்லாதிருந்தால் என் நிலைமை மோசமாகப் போயிருக்கும். துர்வாஸரிடம் சாபம் பெறுவதைக் காட்டிலும் அவர் வருவதற்குள் உயிரை விட்டிருப்பேன்” என்றார்.

உடனே கிருஷ்ணன், “ தருமா! சிவபெருமானுடைய அனுக்ரஹம் தான் காரணம். துவாரகையில் இருக்கும் போது உபமன்யு முனிவர் எனக்குச் சிவ பூஜையை உபதேசித்தார்.வடுக கிரியில் ஏழு  மாதம் தீக்ஷை பெற்று சிவபூஜை செய்து தியானித்தேன். சிவனும் எனக்கு தரிசனம் தந்து சத்ருக்களை வெல்லும் சக்தியை அளித்தார். நீங்களும் சிவபூஜை செய்யுங்கள். அவர் அனுக்ரஹத்தால் உங்களுக்கு வரும் துன்பங்கள் பனி போல நீங்கும். எனக்கு அருள் புரிந்ததன் காரணமாக சிவபிரான் அங்கே வில்வேஸ்வரர் என்ற பெயரில் எழுந்தருளியிருக்கிறார்” என்றார்

• சிவ புராணம் அர்ஜுனன் பாசுபதாஸ்திரம் பெறும் அத்தியாயம்

50. ஆதிசைவர் தோற்றம்!

சைவர்கள் ஏழு வகையானவர்கள் ஆவர்.

1. அநாதி சைவர் 2) ஆதி சைவர் 3) மஹான சைவர் 4) அநு சைவர் 5) அவாந்தர சைவர் 6) பிரவர சைவர் 7)  அந்ய சைவர்.

இவர்களில் அநாதி சைவர் சிவபிரானே.

ஆதி சைவர் எனப்படுவோர் சிவபிரானின் ஊர்த்வ முகத்திலிருந்து தோன்றியவர்கள் ஆவர்.

கௌசிகர், காசியபர், பரத்வாஜர், அத்திரி, கௌதமர் ஆகிய ஐந்து முனிவரும் சதாசிவனின் பஞ்ச முகங்களால் தீக்ஷை செய்யப்பட்டவர்களாம். அவர்கள் குலத்தில் பிறந்தவர்களே ஆதி சைவர்கள் ஆவர்.

***

புராணத் துளிகள் மூன்றாம் பாகம் முற்றிற்று.

INDEX

ஆலயம் கட்டுவதனால் ஏற்படும் பலன்கள், நவநிதிகள், விபூதி தாரண மஹிமை, கிருஷ்ணர் கூறிய சிவ பூஜை மஹிமை, ஆதிசைவர் மஹிமை.

tags- ஆலயம் கட்டுதல்,  பலன்கள், நவநிதிகள், விபூதி , ஆதிசைவர் , மஹிமை.

WRITTEN BY LONDON SWAMINATHAN

Post No. 10,197

Date uploaded in London – 10 OCTOBER  2021         

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

ஒரே கல்லில் 150+ மாங்காய் அடிக்கும் பார்ப்பனன் !

‘ஒரே கல்லில் இரண்டு மாங்காய் அடிக்கலாம்’ என்று சொல்லுவோம். ஆங்கிலத்தில் ‘ஒரே கல்லால் இரண்டு பறவைகளைக் கொல்லலாம்’ Kill Two Birds with One Sone  என்பர். ஆனால் பிராமணன் தினமும் 150 கடவுளுக்கு மேல் , புனிதர்களுக்கு மேல், ஒரே கிரியையில்  கும்பிட்டு விடுகிறான். இந்த அற்புதத்தை அவர்கள் தினமும் மூன்று முறை செய்கிறார்கள். அந்த வழிபாட்டுக்கு சந்தியாவந்தனம் என்று பெயர்.

வேத காலத்தில் ஸரஸ்வதி -சிந்து – கங்கை நதிக்கரையில் முழங்கிய மந்திரங்கள் இன்றுவரை உலகெங்கிலும் முழங்குவது உலக அதிசயமே.

இதுநாள் வரை எழுதாத மேலும் ஒரு விஷயத்தை சேர்த்துவிடுவதே இன்றைய கட்டுரையின் நோக்கம்.

காயத்ரீ மந்திரத்தைச் சொல்லுவதற்கு முன்னர்

அக்னி  , வாயு, அர்க்க , வாகீச, வருண , இந்திர , விச்வே தேவா , தேவதா :

(இரண்டு : புள்ளிகளை ‘ஹா’ என்று உச்சரிக்கவும்)

இந்த விச்வே தேவா , தேவதா: என்பது யார் என்று பார்த்தால் ஒரு நீண்ட பட்டியலே கிடைக்கிறது.

ரிக் வேதத்தில் விச்வே தேவா :என்ற தலைப்பில் பல துதிகள் உள்ளன.

அதில் ஒரு துதியில் ஒரே மந்திரத்தில் 16 கடவுளரின் பெயர்கள் வந்து விடுகின்றன. ஆனால் மேலும் பல தெய்வங்களும் அதே தலைப்பில் வந்து விடுகின்றனர் : வேதத்தில் வரும் அத்தனை கடவுளரின் பெயர்களையும் கொண்டு வந்து விடுகின்றனர் !

இதோ அந்தப் பட்டியல்:-

10-65-1

அக்கினியும் இந்திரனும் வருணனும் மித்திரனும், அரியமானும், வாயுவும் பூஷாவும் , சரஸ்வதியும், ஆதித்யர்களும், விஷ்ணுவும் மருத்துக்களும்,  மகத்தான ஜோதியும் (சுவர்க்கம்),சோமனும் , உருத்திரனும், அதிதியும் பிரம்மணஸ்பதியும் இசைந்து பரந்த வானை தங்கள் பலத்தால் நிரப்பினார்கள்

இதில் வேறு இடங்களில் வராத தெய்வங்களை மட்டும் அடிக்கோடு இட்டுக்  காட்டியுள்ளேன்

xxx

10-66-

துதியில்  த்வஷ்டா, வசு ,அஸ்வினி தேவர்கள், ரிபு, பர்ஜன்ய, பாகன், ராதி, வாஜினர், அஜ ஏகபாத, அஹிர்புத்ன்ய , க்ஷேத்ரபதி , அம்ருதர்கள்

XXX

10-64

துதியில் சூரியன், சந்திரன், திரிந்தான், உஷா, பிருஹஸ்பதி, புரந்தி, வரதன், தட்சன்,

XXX

10-61

வாஸ்தோஸ்பதி

XXX

10-93

பரிஜ்மான் /வாயு , சூரியன், சந்திரன் ,ரிபு க்ஷணன்

XXX

10-92

பருந்து, ரோதசி , அஹிர்புத்ன்யன்,அராமதி…………………

என்று பட்டியல் நீண்டுகொண்டே போகிறது.

இவர்களில் ஒரே தெய்வம் பல பல பெயர்களுடன் வந்திருக்கிறதா என்பதில் முரண்பட்ட கருத்துக்கள் இருக்கின்றன.

இது தவிர சோம மூலிகையைக் காக்க்கும் வில் வீரர்கள் பெயர்கள் வருகின்றன.

சுருங்கச் சொல்லின் 20,30 தேவதைகளின் பெயர்களை தனியே சொல்லுவதற்குப் பதிலாக, புத்திசாலித்தனத்தோடு , இந்த விச்வே தேவர்கள்  பட்டியலில் கொண்டு வந்து விடுகின்றனர் !

அந்தக் காலத்தில் எல்லா பிராமணர்களும் நான்கு வேதத்தில் ஏதேனும் ஒரு வேதத்தை முழுக்க படித்து இருந்ததால் அவர்களுக்கு அத்தனை கட வுளரும் நினைவுக்கு வந்திருப்பார்கள் என்பதில் ஐயமில்லை

Xxx

FROM MY OLD ARTICLE

இதே பிளாக்கில் 6-10-2017-ல் எழுதியது கீழே உள்ளது.

தினமும் மூன்று முறை சந்தியா வந்தனம் செய்யும் பிராமணனைக் கண்டால் ஒரு பெரிய கும்பிடும் போடுங்கள்.

நிற்க; இதோ பிராமணர் சொல்லும் தெய்வங்கள், புனிதர்களின் பட்டியல்:-

நான்  (நான் தினமும் செய்யும்) யஜுர் வேத சந்தியாவந்தனத்திலிருந்து தருகிறேன்

ரிக் வேத, சாமவேத சந்தியாவந்தனங்களில் கூடுதல் மந்திரம் உண்டு

xxx

ஓம், அச்யுதா, அனந்தா, கோவிந்தா, விஷ்ணுவின் 12 பெயர்கள்- கேசவா, மாதவா, கோவிந்தா, விஷ்ணு. மது சூதனா, த்ரிவிக்ரமா, வாமனா, ச்ரீதரா, ருஷீகேசா, பத்மநாபா, தாமோதரா,

கணேச தியானம், (ஆதி சைவர்களாக இருந்தால் சில மாறுபாடுகள் உண்டு)

ஏழு லோகங்கள்- பூர், புவ, சுவர், மஹ, ஜன, தபோ, சத்ய லோகங்கள்

காயத்ரீ மந்திரம் பல இடங்களில் வருகிறது

பரமேஸ்வர (ப்ரீத்யர்த்தம்); வைணவர்கள் வேறு பெயர் சொல்லுவர்.

ஆப: (நீர்), சூர்யன், அக்னி,

பிரம்மன் (பிரும்மா அல்ல), நவக்கிரஹங்கள்- சூரியன், சந்திரன், அங்காரகன், புதன், ப்ருஹஸ்பதி, சுக்ர, சனைச்சர, ராஹு ,கேது

பிரம்மா, பரமாத்மா,

சப்த ரிஷிகள்: அத்ரி, ப்ருகு, குத்ஸ, வசிஷ்ட,கௌதம, காஸ்யப, ஆங்கிரஸ்

 யாப்பிலக்கண அணி: காயத்ரீ, உஷ்னிக், அனுஷ்டுப், ப்ருஹதி, பங்க்தி, த்ருஷ்டுப், ஜகதி

ஏழு வேத காலக் கடவுளர்: அக்னி, வாயு, அர்க, வாகீச, வருண, இந்திர, விச்வே தேவா, தேவதா:

 வாமதேவ ரிஷி, காயத்ரீ, சாவித்ரீ, ஸரஸ்வதீ, விச்வாமித்ர ரிஷி

அபிவாதயே என்னும் மந்திரத்தில் ஒருவருடைய கோத்ரம், ரிஷிகளின் பெயர்கள் வரும். எடுத்துக் காட்டாக எனது குலத்தில், வைஸ்வாமித்ர, அகமர்ஷண, கௌசிக, ஆபஸ்தம்ப, ஸ்வாமிநாத: (My name)

 சந்தியா, சாவித்ரி, காயத்ரீ, சரஸ்வதி, சர்வ தேவதா:

(சில பெயர்கள் திரும்பத் திரும்ப வரும்; கூட்டல் கழித்தலுக்குப் பின்னரும் 100 பெயர்களுக்கு மேல்!)

 4 திசைகள் – கிழக்கு, தெற்கு, மேற்கு வடக்கு திசைகளுக்கு வந்தனம்

மேல், கீழ், இடைவெளி,பூமி, ம்ருத்யவே,

யமன்

 (யமன், வருணன், சூரியன், காயத்ரீ முதலிய தெய்வங்களுக்கு பத்து, பதினைந்து சிறப்புப் பெயர்கள் வரும். அவைகளையும் சேர்த்தால் 150 பெயர்கள் வரை செல்லும்)

 எடுத்துக்காட்டாக யமன் பற்றிய பெயர்களை மட்டும் தருகிறேன்:

யமன், தர்மராஜன்,ம்ருத்யவே, அந்தகாய, வைவஸ்தாய, காலாய, சர்வபூதக்ஷயாய, ஔதும்பராய, தத்னாய (death is derived from this word), நீலாய, பரமேஷ்டினே, வ்ருகோதராய, சித்ராய, சித்ரகுப்தாய.

பின்னர் க்ருஷ்ண பிங்களம் ( சங்கர நராயணன்= ஹரிஹரன்)

 நர்மதை நதிக்கு வணக்கம்- ஜனமேஜய, ஆஸ்தீக மகரிஷி- ஜரத்காரு- பன்னகேப்ய:-

சூரியன் பற்றிய நீண்ட மந்திரம்

நாராயணனுக்கு எல்லாம் சமர்ப்பணம்

 சவித்ரு தேவன்

ஓம் தத் சத்

90 பெயர்களுக்கு மேல் வரும் தெய்வங்களோடு யமன் பற்றி வரும் 13 பெயர்கள் மற்றும் இது போல ஒவ்வொரு மந்திரத்திலும் வரும் பெயர்களைச் சேர்த்தால் 150 பேருக்கும் மேலாக வரும்!

–SUBHAM–

tags – விச்வே , விஸ்வே , தேவாஹா , தேவதா, சந்தியாவந்தனம்  , ஒரே கல்லில் 

WRITTEN BY S NAGARAJAN

Post No. 10,194

Date uploaded in London – 10 OCTOBER  2021         

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

ஒருவனுக்குப் பிடித்திருந்தால் அதுவே அவனுக்கு அழகு!

ச.நாகராஜன்

சரோஜா பட் தொகுத்த சுபாஷித சதகம் என்ற நூலிலிருந்து சில சுபாஷிதங்களைப் பார்த்தோம். இதோ இன்னும் ஐந்து சுபாஷிதங்கள் :

மித்ரஸ்வஜனபந்தூனாம் வ்ருத்தேதைரயஸ்ய சாத்மன |

ஆபந்நிகஷபாஷாணே நரோ ஜானாதி சாரதாம் ||

கஷ்ட காலம் வரும் போது தான் ஒருவன் தனது நண்பர்கள், சொந்தங்கள், சுற்றம் ஆகியவர்களின் உண்மையான மதிப்பையும் அத்தோடு தனது சொந்த புத்திகூர்மை மற்றும் தைரியம் ஆகியவற்றையும்  கஷ்டம் என்னும் கல்லில் உரைக்கும்போது உணர்கிறான்.

Man realises the real worth of friends, acquaintances and relatives as well as of his own intellect and courage (when they are rubbed) on the stone of difficulty.

*

ததேவாஸ்ய பரம் மித்ரம் யத்ர சங்க்ராமதி த்வயம் |

த்ருஷ்டே சுகம் ச துக்கம் ச ப்ரதிச்சாயேவ தர்பணே ||

 ஒரு கண்ணாடியில் பார்த்தவுடன் எப்படி  ஒருவன் தனது பிரதிபிம்பத்தை உடனே காண்கிறானோ அதே போல எப்போது ஒரு நண்பனிடம் சந்தோஷமும் துன்பமும் உடனே பிரதிபலிக்கிறதோ அப்படிப்பட்டவனே உண்மை நண்பனாவான்.

He is the real friend in whom both happiness and misery (of one) are reflected as soon as he is seen just like a reflection in a mirror.

*

கிமப்யஸ்தி ஸ்வபாவேன சுந்தரம் வாப்யசுந்தரம் |

யதேவ ரோசதே யஸ்மை பவேத்தத்தஸ்ய சுந்தரம் ||

தனது சொந்த இயற்கையாலேயே எதுவாவது அழகு என்றோ அழகில்லை என்றோ சொல்லக் கூடியதாக உள்ளதா என்ன? எவனுக்குப் பிடிக்கிறதோ அதுவே அவனுக்கு அழகு!

Is there anything beautiful or ugly by its own nature? That is beautiful for him who likes it.

*

ந கிஞ்சிதபி குர்வாண: சௌக்யைர்துக்கான்யபோஹதி |

தத்தஸ்ய கிமபி த்ரவ்யம் யோ ஹி யஸ்ய ப்ரியோ ஜன: ||

எதுவும் செய்யாமலேயே ஒருவன் சந்தோஷத்தை தந்து துக்கத்தை நீக்க முடியும். ஒருவனை ஒருவனுக்குப் பிடித்திருந்தால் அவனே அவனுக்கு விசேஷமானவனாகிறான்.

A person may be causing happiness and removing misery even without doing anything. A person is some special object for him who is fond of him.

*

கோ ந யாதி வஷம் லோகே முகே பிண்டேன பூரிதே |

ம்ருதங்கோ முகலேபேன கரோதி மதுரத்வனிம் ||

 வாய் நிறைய உணவு இருக்கும் படி செய்யப்படும் போது எந்த ஒருவன் தான் கீழ்ப்படியாமல் இருப்பான்? மிருதங்கம் கூட அதன் மேல் இரு பக்கங்களிலும் மாவும் நீரும் கலந்த கலவை பூசப்பட்டவுடன் இனிமையான ஓசையை எழுப்புகிறது (அல்லவா?)

Who does not become obedient when (his) mouth is filled with morsels of food? Even the drum makes sweet sound if its surface is anointed (smeared)

*

English Translation by Saroja Bhate

Source : Subhasita Shatakam Thanks : Saroja Bhate

tags — சுபாஷித சதகம்