Written by London Swaminathan

Post No. 15,766

Date uploaded in London –21 May 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx 

Part 30

திருக்கோளூர்

திருக்கோளூர், வைணவ திவ்ய தேசங்களில் ஒன்றாகும். இங்குள்ள ‘வைத்தமாநிதி பெருமாள்’ மீது நம்மாழ்வார் 12 பாடல்களையும், மணவாள மாமுனிகள் பாசுரங்களையும் பாடியுள்ளனர்.

திருக்கோளூர் பெண்பிள்ளை ரகசியம்

எனினும், “திருக்கோளூர் பாசுரங்கள்” என்றதும் நினைவுக்கு வருவது ஸ்ரீ ராமானுஜருக்கு அந்த ஊர் பெண் ஒருவர் உரைத்த 81 ரகசிய வினாக்களே ஆகும்.இத்தலத்தின் பெருமைகள் மற்றும் வரலாற்றுச் சிறப்புகளைக் கீழே காணலாம்.திருக்கோளூர் பெண்பிள்ளை ரகசியம் (81 வாக்கியங்கள்)வைணவ ஆச்சாரியரான ராமானுஜரை நோக்கி, திருக்கோளூர் ஊரைச் சேர்ந்த ஒரு சாதாரணப் பெண்மணி 81 கேள்விகளை முன்வைத்தார். ராமாயணம், மகாபாரதம் மற்றும் ஆழ்வார்களின் வரலாற்றில் நடந்த அடியவர்களின் தியாகங்களை விவரிக்கும் தத்துவார்த்தமான கேள்விகள் இவை.

முக்கியமான சில கேள்விகள்:

அழைத்து வருகிறேன் என்றேனோ அக்ரூரரைப் போலே

அகம் ஒழித்து விட்டேனோ விதுரரைப் போலே

தசமுகனைச் செற்றேனோ பிராட்டியைப் போலே

தாய்க்கோலம் செய்தேனோ அனுசூயைப் போலே

மூன்றெழுத்து சொன்னேனோ சத்ர பந்துவைப் போலே

முதல் அடியைப் பெற்றேனோ அகலிகையைப் போலே

(இறைவனுக்கும் அடியார்களுக்குமான ஆழ்ந்த பக்தியை இந்த வார்த்தைகள் வெளிப்படுத்துகின்றன).

வைத்தமாநிதி பெருமாள் கோயில்

மூலவர்: வைத்தமாநிதி பெருமாள் (நிஷேபவித்தன்)

கிழக்கு நோக்கிய சயனக் கோலத்தில் காட்சி தருகிறார்.

குபேரனின் சாபம்: பார்வதியால் சபிக்கப்பட்டுத் தனது செல்வத்தை இழந்த குபேரன், இத்தலத்து பெருமாளைத் தவமிருந்து வழிபட்டுத் தனது நவநிதிகளை மீட்டதாகப் புராணம் கூறுகிறது.

மரக்கால் தலையணை: பெருமாள் தனது செல்வத்தைக் காவல் காக்கும் விதமாக, மரக்காலை (தானியங்கள் அளக்கும் கருவி) தலைக்கு வைத்துப் பள்ளிகொண்ட கோலத்தில் அருள்கிறார்.

இத்தலத்தில் பெருமாள் செல்வம் அளந்ததால், மரக்காலைத் தலைக்கு வைத்து படுத்திருக்கிறார். மரக்காலைத் தலைக்கு வைத்து, கையில் அஞ்சனம், மை தடவி நிதி எங்குள்ளது என பார்த்துக் கொண்டிருப்பதாகக் கூறப்படுகிறது.

மதுரகவி ஆழ்வார்: பன்னிரு ஆழ்வார்களில் ஒருவரான மதுரகவி ஆழ்வார் அவதரித்த பெருமைக்குரிய தலம் இது.

நவதிருப்பதிகளில் செவ்வாய் தலமாக விளங்கும் இந்த திருக்கோளூர் திருத்தலம்,

திருநெல்வேலியில் இருந்து சுமார் 36 km தொலைவிலும், தூத்துக்குடியில் இருந்து சுமார் 34 km தொலைவிலும், மற்றொரு நவதிருப்பதியான தென்திருப்பேரையில் இருந்து ஆழ்வார்திருநகரி செல்லும் சாலையில் 3 km வந்து பின்னர் கிளைச் சாலையில் சுமார் 2 km சென்றால், இந்த திருக்கோளூர் திருத்தலத்தை அடையலாம்

திருத்தலக் குறிப்பு:

தல மூர்த்தி: வைத்தமாநிதி பெருமாள் (நிஷேபவித்தன்), புஜங்க சயனம் (கிழக்கு பார்த்த திருமுக அமைப்பு)

தல இறைவி: கோளூர்வல்லி நாச்சியார், குமுதவல்லி நாச்சியார்

தல தீர்த்தம்: குபேர தீர்த்தம், தாமிரபரணி

விமானம்: ஸ்ரீகரவிமானம்

கிரகம்: செவ்வாய் ஸ்தலம்

சுவர்த்தனன் என்பவரது பிள்ளையான தர்மகுப்தன், திருமண பந்தத்தின் வாயிலாக எட்டு பிள்ளைகளையும், இரண்டு பெண்களையும் பெற்று அதன் காரணமாக மிகுந்த வறுமைக்கு ஆட்பட்டான். தனது ஏழ்மை நிலையினை போக்கும் நோக்கத்தில் நர்மதா நதிக் கரையில் வாழ்ந்து வந்த பரத்வாஜ முனிவரை வேண்டி நின்றான். அவரும் தனது தவ வலிமையினால் தர்மகுப்தனது முன் ஜென்ம பாவங்களை அறிந்து கொண்டார்.. தாமிரபரணியின் தென் கரையில், உள்ள திருக்கோளூரில் குபேரனது நவநிதிகளும் இருக்கின்றன. அங்கு சென்று வைத்தமாநிதி பெருமாளை வழிபட்டால் இழந்த செல்வத்தினைப் பெறலாம்” என்று கூறினார். தர்மகுப்தனும் அவ்வாறே திருக்கோளூர் வந்து பெருமாளை வணங்கி செல்வம் பெற்றான்

 மாசி மாத சுக்லபட்ச துவாதசியில் பெருமாளிடம் இருந்து பெற்ற காரணத்தால் இன்றும் அந்த நாளில் குபேர தீர்த்தத்தில் நீராடி வைத்தமாநிதியை வழிபாடு செய்கின்றனர். அவ்வாறு செய்வதால் இழந்த செல்வம் திரும்பக் கிடைக்கும் என்பது நம்பிக்கை.

மதுரகவி ஆழ்வார்.

இங்கு வசித்த விஷ்ணுநேசர் என்பவருக்கு மகனாகப் பிறந்தவர்தான் மதுரகவி ஆழ்வார். இவர் பன்னிரு ஆழ்வார்களில் ஒருவர். இந்த மதுரகவி ஆழ்வார் அவதரித்த தலம் இந்த திருக்கோளூர் தலம் என்பது கூடுதல் சிறப்பாகும்.

80 வயதான மதுரகவி, தமது வடதேச பிரயாணத்தின்போது தன் வாழ்வில் தனக்கு ஒரு குரு கிடைத்தால்தான் உய்வடையலாம் என்று உணர்ந்து, பின்னர் தெற்கு நோக்கிப் பயணித்து, 16 வயதே நிரம்பிய நம்மாழ்வாரைக் குருவாக ஏற்றுக்கொண்டார். தனது ஆச்சார்யனின் அருளுக்குப் பாத்திரமாகி, அவரை மட்டுமே பாடியவர், பெருமாளைப் பற்றி ஒரு பாசுரம் கூடப் பாடவில்லை. ஆழ்வார் என்ற பெரும் பேறு அவருக்குக் கிடைத்தது..

உண்ணும் சோறும் பருகும் நீர் தின்னும் வெற்றிலையும் எல்லாம்

கண்ணன் எம்பெருமான் என்றே கண்கள் நீர்மல்கி

மண்ணினுள் அவன் சீர்வளம் மகிக் அவனூர் வினவி

தண்ணம் என் இளமான் புகும் ஊர் திருக்கோளூரே!!

– நம்மாழ்வார்

To be continued……………………………….

Tags- திருக்கோளூர், ‘வைத்தமாநிதி பெருமாள்’, திருக்கோளூர் பெண்பிள்ளை ரகசியம் , Vishnu Temples 108 “Divya Desams” in Pictures-30; திவ்யதேசம்- லண்டன் சுவாமிநாதன் படங்கள்