WRITTEN BY BRHANNAYAKI SATHYANARAYANAN

Post No. 10,439

Date uploaded in London – – 13 DECEMBER 2021
Contact – swami_48@yahoo.com
Pictures are taken from various sources for spreading knowledge;
this is a non- commercial blog. Thanks for your great pictures.
tamilandvedas.com, swamiindology.blogspot.com

லண்டனிலிருந்து ஞாயிறுதோறும் இந்திய நேரம் மாலை 6.30க்கு ஒளிபரப்பாகும் தமிழ்முழக்கம் நிகழ்ச்சியில் 12-12-2021 அன்று ஒளிபரப்பான உரை!

திங்களூர்

ஒன்று கொலாம் அவர் சிந்தை உயர் வரை
ஒன்று கொலாம் உயரும் மதி சூடுவர்
ஒன்று கொலாம் இடு வெண்தலை கையது
ஒன்று கொலாம் அவர் ஊர்வது தானே
திருநாவுக்கரசர் திருவடி போற்றி!

ஆலயம் அறிவோம்! வழங்குவது பிரஹன்நாயகி சத்யநாராயணன்.

ஆலயம் அறிவோம் தொடரில் இன்று நமது யாத்திரையில் இடம் பெறுவது நவகிரகங்களில் மனதிற்கு அதிபதியான சந்திர பகவானின் சிறப்புத் தலமான திங்களூர் திருத்தலம் ஆகும். தமிழகத்தில், திருவையாற்றிலிருந்து மூன்று கிலோமீட்டர் தொலைவிலும் கும்பகோணத்திலிருந்து 33 கிலோமீட்டர் தொலைவிலும் இது அமைந்துள்ளது.

இங்குள்ள கைலாச நாதர் கோவில் மிகவும் சிறப்பு வாய்ந்த கோவில் ஆகும்
இறைவனின் திருநாமம் : ஸ்ரீ கைலாச நாதர்
அம்மன் : பெரியநாயகி ஸ்தல வ்ருக்ஷம் : வில்வ மரம்
தீர்த்தம் : சந்திர புஷ்கரணி விசேஷ மூர்த்தி: சந்திர பகவான்

இத்தலத்தைப் பற்றிய புராண வரலாறுகள் பல உண்டு. பாற்கடலை கடைந்த போது ஆலகால விஷம் உருவாகவே அதை சிவபிரான் குடித்து தன் கண்டத்தில் அடக்கினார். அப்போது விஷத்தின் தாக்கத்தினால் தேவர்கள் மயக்கமுற்றனர். அந்த விஷத்துடன் எழுந்து வந்த சந்திர பகவான் தேவர்களின் மயக்கத்தை நீக்கினார். ஆகவே இத்தலம் திங்களூர் என்னும் பெயரைப் பெற்றது. இங்கு ஒவ்வொரு ஆண்டும் பங்குனி உத்திரத்தன்று காலை உதயத்தின் போது 6 மணிக்கு சூரிய ஒளி லிங்கத்தின் மீது பட்டு சூரிய பூஜை நடக்கும். அதற்கு மறுநாள் பௌர்ணமி பிரதமை அன்று மாலை 6 மணிக்கு சந்திரனின் ஒளி லிங்கத்தின் மீது படும்; அன்று சந்திர பூஜை நடக்கும். இங்கு சந்திர பகவானுக்குத் தனி சந்நிதி உள்ளது.

இங்கு தான் 63 நாயன்மார்களில் ஒருவரான அப்பூதி அடிகள் பிறந்தார்.
இங்குள்ள ஆலயம் கிழக்கு நோக்கி அமைந்துள்ளது என்ற போதிலும் தெற்குப் பக்க வாயிலே பிரதான வாயிலாக உள்ளது. கர்ப க்ருஹத்தில் கைலாச நாதர் கிழக்கு நோக்கி இருந்து அருள் பாலிக்கிறார். அம்மன் பெரிய நாயகி தெற்குப் பார்த்துக் காட்சி அளிக்கிறார். வெளி பிரகாரத்தில் வலம் வரும் போது விஷம் தீர்த்த விநாயகர், சுப்ரமண்யரை தரிசிக்கலாம். இன்னும் தக்ஷிணாமூர்த்தி, கஜலெக்ஷ்மி, பைரவர் உள்ளிட்ட சந்திகளும் இங்கு அமைந்துள்ளன.
கோவிலுக்கு முன்பு சந்திர தீர்த்தம் அமைந்துள்ளது.

சந்திர தோஷம் உள்ளவர்கள் இங்கு நீராடி விட்டு இறைவனை தரிசிப்பது மரபு. திங்களூரில் சிறந்த சிவனடியாராகத் திகழ்ந்த அப்பூதி அடிகள் திருநாவுக்கரசர் பால் பெரும் அன்பு கொண்டவர். அவர் பெயரால் தண்ணீர்ப் பந்தல் அமைத்து அனைவருக்கும் சேவை செய்து வந்தார். ஒரு சமயம் அங்கு விஜயம் செய்த திருநாவுக்கரசர் தனது பெயர் கொண்ட தண்ணீர்ப் பந்தல், அன்னதான சாலை, மருத்துவ சாலை ஆகியனவற்றைக் கண்டு வியப்புற்று இதை அமைத்தவர் யார் என்று கேட்க அனைவரும் அப்பூதி அடிகள் பற்றிக் கூறினர். அவரது இல்லம் சென்றார் நாவுக்கரசர். அவரைக் கண்ணுற்ற அப்பூதி அடிகளார் மனம் மிக மகிழ்ந்து அவருக்கு அமுது படைக்கத் தயாரானார். வீட்டிலிருந்த தன் மூத்த மகனை அழைத்து வாழை இலை பறித்து வருமாறு அனுப்ப, அவன் வாழை இலை பறிக்கும் போது, அவனை ஒரு நாகம் தீண்டி அவன் இறந்தான். துக்கம் தாளாத அப்பூதி அடிகள் திருநாவுக்கரசருக்கு அமுது படைப்பதை நிறுத்தாது, மகனின் சவத்தை மூடி விட்டுப் பரிமாறலானார். மகனுக்குத் திருநீறு இட வேண்டும், அவன் எங்கே என்று கேட்டார் நாவுக்கரசர். அப்பூதி அடிகளார் புலம்பி அழுதார். உடனே நடந்ததை அறிந்த அப்பர் பிரான் அவனது சவம் அருகே சென்று ‘ஒன்று கொலாம்’ என்று தொடங்கும் ‘விஷம் தீர்த்த திருப்பதிகத்தைப்’ பாடினார். அவன் உடனே உயிர்த்தெழுந்தான். அனைவரும் மகிழ்ந்தனர். இந்த வரலாற்றைப் பெரிய புராணத்தில் சேக்கிழார் பெருமான் 45 பாடல்களில் மிக அழகுற விளக்குகிறார்.

இந்த ஆலயத்தில் உள் மண்டபத்தில் இடப்புறம் அப்பூதி அடிகள், அவர் மனைவியார், மகன் மூத்த திருநாவுக்கரசு, இளைய திருநாவுக்கரசு ஆகியோரின் மூர்த்தங்கள் பிரதிஷ்டை செய்யப்பட்டிருப்பதைக் கண்டு தரிசிக்கலாம்.

‘சந்த்ரமா மனஸோ ஜாத’ என்று புருஷ ஸூக்தம் போற்றும் சந்திரனே மனதிற்கு அதிபதி. இவனே உடலுக்கு காரகன். சரீர பலம் மனோ பலம் இரண்டுமே உலக வாழ்க்கையின் வெற்றிக்கு மூல பலம் ஆகும். ஜனன லக்னத்தின் படி நல்ல பலன்களை ஒரு ஜாதகத்தில் காண முடியவில்லை எனில் சந்திரனை லக்னமாகக் கொண்டு பலன்களைச் சொல்ல வேண்டும் என்று விதி உள்ளது. இதையே தான் ‘விதி கெட்டா மதியைப் பாரு’ என்ற முது மொழி உணர்த்துகிறது.

தென்கிழக்கு திசை சந்திரனுக்கு உரியது. உகந்த நிறம் வெள்ளை. மூலிகைக்கு அதிபதி சந்திரன். செல்வத்தைத் தருபவன் என்று சந்திரனை யஜுர் வேதம் புகழ்கிறது. முத்து சந்திரனுக்கு உகந்த ரத்தினமாகும். வெள்ளை குதிரை சந்திரனின் வாகனம். மலர் – வெள்ளை அரளி மலர். அதி தேவதை நீர்; ப்ரத்யதி தேவதை கௌரி. நெல்லும் பச்சரிசியும் சந்திரனுக்கு உகந்த தானியம். சமித்து – எருக்கு.

காலம் காலமாக ஆயிரக்கணக்கான பக்தர்களுக்கு அருள்பாலித்து வரும் பெரிய நாயகியும் ஸ்ரீ கைலாஸ நாதரும், சந்திர பகவானும் அனைவருக்கும் சர்வ மங்களத்தைத் தர ஞானமயம் சார்பில் பிரார்த்திக்கிறோம்.

ததிசங்க துஷாராபம் க்ஷீ ரோதார்ணவ சம்பவம் |
நமாமி சசிநம் ஸோமம் சம்போர் மகுட பூஷணம் ||

தயிர், சங்கு பனி போன்ற வெண்மையானவன். பாற் கடலிலிருந்து தோன்றியவன். முயல் சின்னம் உடையவன். ஸோமன் என்று வேதத்தால் அழைக்கப்படுபவன். சிவனின் ஜடாமகுடத்தின் ஆபரணம். அந்த சந்திரனை நமஸ்கரிக்கிறேன்.

நன்றி, வணக்கம்!

---

TAGS- சந்திரன் ,திங்களூர், கைலாச நாதர் கோவில் ,அப்பூதி அடிகள்

WRITTEN BY LONDON SWAMINATHAN
Post No. 10,424
Date uploaded in London – – 8 DECEMBER 2021

Contact – swami_48@yahoo.com
Pictures are taken from various sources for spreading knowledge.
this is a non- commercial blog. Thanks for your great pictures.
tamilandvedas.com, swamiindology.blogspot.com

அதர்வண வேதத்தின் ஏழாவது காண்டத்தில் அடுத்தடுத்து மூன்று பாடல்கள் சூரியன், சந்திரன் மற்றும் அமாவாசை , பெளர்ணமி பற்றிய பாடல்களாகும்

சூக்தம் 394 அமாவாசை
‘அம்’ என்ற சொல்லுக்கு ஒன்றாகக் கூடியிருத்தல் என்று பொருள் . ‘வச’ என்றால் வசித்தல். இந்த ரிக் வேத கால ஸம்ஸ்க்ருத்ச் சொல்லை நாம் எல்லோரும் இன்றும் எல்லா இந்திய மொழிகளிலும் பயன்படுத்துகிறோம். தமிழில் ‘வசிக்கிறேன்’ என்றால் எல்லோருக்கும் புரியும். அதுமட்டுமல்ல ஸ்ரீனிவாஸ், சீனிவாசன் என்றால் லெட்சுமிக்கு மார்பில் நிரந்தர வசிப்பிடம் கொடுத்த பெருமாளைக் குறிக்கும். பல கட்டிடங்களிலும் ஹோட்டல்களிலும் ‘நிவாஸ்’ என்ற சொல்லையும் காணலாம் .

இன்னொரு முக்கிய விஷயம் இந்த துதி தேவி மீதான துதியாகும். இந்துக்கள் பெளர்ணமி அன்றும் அமாவாசை அன்றும் தேவியரைத் துதித்து யாக யக்ஞங்கள் செய்வர் ; பிற்காலத்தில் இது நின்றுபோய், வெறும் பூஜையாக மாறிவிட்டது இன்றும் முழுநிலவு நாளன்று தேவி பூஜை, அல்லது விளக்கு பூஜை நடக்கும்.
XXX
அனுமதி என்றால் என்ன?

தமிழர்களும் மற்ற மொழியினரும் அனுமதி (ADMISSION, PERMISSION) என்ற சொல்லை சர்வ சாதாரணமாக பயன்படுத்துகின்றனர். சம்மதம், பெர்மிஷன், அட்மிஷன் என்ற பொருளில் பயன்படுத்துகிறோம். இது உண்மையில் நமக்கு எல்லாம் நன்மை செய்யும் தேவதையின் பெயர் ஆகும்; நமக்கு வேண்டியதை எல்லாம் அனுமதிப்பதால் அந்த தேவதையை நாம் அனுமதி என்கிறோம்.

பவுர்ணமி தேவதையை ‘அனுமதி’ என்றும் அமாவசை தேவதையை ‘குஹு’ என்றும் அழைப்பர். இது தவிர சுபகா, ராகா முதலிய தேவதைகளும் நமக்கு வேண்டியனவற்றைத் தரும் தேவதைகள் ஆவர்.

உலகில் இந்துக்கள் மட்டுமே எல்லா பவுர்ணமிகளிலும் விழாக் கொண்டாடுகின்றனர். எல்லா அமாவா களையும் நீத்தார் நினைவுக்காக ஒதுக்கிவிட்டனர்.

அவர்கள் ஆதி காலம் முதல் கிரங்களையும் சூரிய சந்திரனையும் வணங்கினர் ; கிரகணங்களை முன் அறிவித்தனர் ஆடி, தை அமாவாசைகளில் எல்லா ஜாதியினரும் நீத்தார் கடன் செலுத்தினர். கும்ப மேளா போன்ற விழாக்கள் வியாழன் கிரஹத்தின் சஞ்சாரத்தை ஒட்டி செய்யப்பட்டது. தீபாவளி போன்ற பண்டிகைகள் அமாவாசையை ஒட்டி அமைந்துள்ளன.
XXX

சூக்தம் 395 பவுர்ணமி பற்றியது.
இதில் சந்திரனை நீண்ட ஆயுளுடன் தொடர்பு படுத்திப் பேசுகின்றனர். இந்துக்கள் மட்டுமே சந்திரனை தாவர வளர்ச்சியுடனும் தொடர்பு படுத்துகின்றனர். எதிர்காலத்தில் இதை விஞ்ஞானிகளும் உறுதி செய்கையில் இந்தியர்கள் பெருமை கொள்ளலாம்.
சத்ய சாய் பாபா போன்றோர் சஹஸ்ர சந்திர தரிசன நிகழ்ச்சியை உலகம் வியக்கும் வண்ணம் நடத்திக்காட்டியதால் ஆயிரம் பிறை காணுதல் எவ்வளவு முக்கியமானது என்று தெரிகிறது.
இது சந்திர தரிசனத்தின் பெருமையை உலகிற்கு அறிவிக்கத்தான் என்றால் மிகையாகாது.

இந்த துதியில் சந்திரனை ‘போர்த் தெய்வம்’ (GOD OF WAR) என்று சொன்னதற்கும் ‘பலம் வாய்ந்த காளை’ (MIGHTY BULL) என்று வருணித்ததற்கும் சரியான விளக்கம் கிடைக்கவில்லை. சந்திரன் மனதைப் பாதிப்பவன் என்ற ஒரு குறிப்பு ரிக்வேதத்தில் (10-90) உளது

மனு போன்றோரும் ஏனையோரும் அம்மாவாசை, முழுநிலவு நாட்களில் செய்யும் யக்ஞங்கள் ‘நினைத்தை எல்லாம் வாரி வழங்கும்’ என்று கூறுகின்றனர். அதனால்தான் முழு நிலவு தேவதைக்கே ‘அனுமதி’ என்று பெயர் கொடுத்துவிட்டனர்.
சூக்தம் 396 ‘சூரியனும் சந்திரனும்’ என்ற தலைப்பில் உளது . உலகில் நாமும் சூரியன் மறைவது உதிப்பது, நிலவு உதிப்பது மறைவது ஆகியவற்றைக் காண்கிறோம். ஆனால் இந்த வேத. காலப் புலவர் மட்டும் கற்பனைச் சிறகை தட்டிவிட்டார். சூரியனும் சந்திரனும் இரண்டு இளைஞர்கள் போல கடலில் ஒருவரை ஒருவர் விரட்டி விளையாடுகின்றனர் என்கிறார். அற்புதமான கற்பனை! கண்ணாமூச்சி விளையாடாத சிறுவர் இருக்கமுடியாது அந்த விளையாட்டை இருவரும் விளையாடுவது என்பது இயற்கையிலேயே நடைபெறும் உதயமும் அஸ்தமனமும் ஆகும்.

நிலவை தாவர வளர்ச்சசியுடனும் ஆயுளுடனும் தொடர்பு படுத்தும் இந்த துதிகளுக்கு இதுவரை வெளிநாட்டு விஞ்ஞானிகள் ஆதரவு தரவில்லை. எதிர்காலக் கண்டுபிடிப்புகள் இந்துக்கள் சொன்னதை ருசுப்பிக்கும் என்பதில் ஐயமில்லை அதனால்தான் நாம் சஹஸ்ர சந்திர தரிசனத்த்தை ஒரு மைல் கல்லாக வைத்துக் கொண்டாடுகிறோம்.

நிலவை ஒரு தினத்தின் கொடி (Flag of the Day) என்றும் இந்த துதி வருணிக்கிறது. உலகில் கொடிகளைக் கண்டுபிடித்தவர்களும் நாம்தான்!
ராமாயண, மஹாபாரதத்தில் ஒவ்வொருவருக்கும் கொடிகள் உள்ளன. சிந்து சமவெளியிலும் ஊர்வலத்தில் கொடி போன்ற ஒன்றை ஏந்திச் செல்லுகின்றனர். இன்றும்கூட தமிழ் நாட்டு கோவில் வீதி உலாக்களில் சுவாமிக்கு முன்னர் கொடிகள் , பாவட்டாக்கள் , சின்னங்களைத் தூக்கிச் செல்வதைக் காண்கிறோம்

அதர்வண வேதத்தில் உள்ள இந்த மூன்று துதிகளும் நமக்கு ஏராளமான விஷயங்களைத் தருகின்றன. ‘சாத்யர்கள்’ என்னும் வானுறை தெய்வங்களையும் ரிஷி குறிப்பிடுகிறார்.

கடலில் அலைகளை அதிகரிக்கும் பவுர்ணமி அமாவாசை தினங்களில் வேதம் கற்பிக்கும் பள்ளிகள் இன்றும் அடைக்கப்படுகின்றன. அதே போல அஷ்டமி நவமி அன்றும் வேதம் கற்பிக்கப்படுவதில்லை. இவை எல்லாம் சந்திரனின் நடமாட்டத்தை நன்கு அறிந்த ரிஷி முனிவர்கள் செய்த ஏற்பாடு.

(இது தொடர்பான ஆங்கிலக் கட்டுரைகளில் விரிவான விளக்கம் கொடுத்துள்ளேன்
–subham–
TAGS –அனுமதி குஹு , ராகா , பெளர்ணமி, அமாவாசை , கண்ணாமூச்சி , சூரியன், சந்திரன்

WRITTEN  BY KATTUKKUTY

Post No. 9271

Date uploaded in London – –     16 FEBRUARY  2021     

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

அம்புலி மாமா வா வா !!!- 1

S SRINIVASAN

அனைவருக்கும் அன்பான மாலை வணக்கம்

கவர்ச்சி நாயகன், காதல் மன்னன், இரவிற்கு அதிபதி, மனோகாரகன்,

சந்திரனை வணங்கி என் உரையை ஆரம்பிக்கிறேன். வணக்கம்.

PLEASE GO TO FACEBOOK.COM/GNANAMAYAM TO LISTEN TO THIS TALK; ALSO AVAILABLE IN YOUTUBE.COM/GNANAMAYAM

வேறு எந்த நவ கிரகத்திற்கும் இல்லாத ஒரு பெருமை சந்திரனுக்கே

உண்டு. அதை முதலில் சொல்லியே ஆகவேண்டும்.எந்நாட்டவர்க்கும்

இறைவனான தென்னாடுடைய சிவனின் தலையில் பிறை வடிவமாக அமரந்த பெருமை சந்திரனுக்கே உண்டு!!!சூரியன் பகலுக்கு ராஜாவென்றால், சந்திரன் இரவுக்கு ராணி!!!எல்லா நாட்டினருக்கும்

இதுவே காதல் தெய்வம்!!!

சந்திரனின் பிறப்பு

அத்திரி மகரிஷியும், அனசூயையையும் ஆனந்தமாக இல்லறம் நடத்தி

வருகையில் மூன்று தவ சிரேஷ்டர்கள் அவர்கள் வசிக்கும் வாயிலுக்கு

வந்தனர். அத்திரியும் அனசூயையும் காலில் விழுந்து குடிசைக்குள் வர

வழைத்து விருந்துபசாரம் செய்ய ஆரம்பித்தனர்.

என்ன பாக்கியம் செய்தோமோ இந்த ஏழையின் குடிலுக்கு நீங்கள்

எழுந்தருளியதற்கு….. நீங்களனைவரும் விருந்துண்டே செல்ல வேண்டும் என்றார்கள்அத்திரியும் அனசூயையும்.

அம்மூவரும் ஒரே குரலில் சொன்னார்கள் விருந்துண்கிறோம்

ஆனால்

ஒரு கண்டிஷன்…….என்ன அது???

“விருந்து பரிமாறும் பெண்மணி நிர்வாணத்துடன் தான் விருந்து பரிமாற வேண்டும்”

அதிர்ந்து போனார்கள் தம்பதியினர்………சோதனையை சந்தித்தாள்

அனசூயை. அம்மூவரையும் சிறு குழந்தைகளாக மாற்றினாள், தன் தவ வலிமையினால்!!! விருந்தும் படைத்தாள்!!!அங்கு அதே சமயம் வந்த நாரதர், கலைமகள், அலைமகள், மலை மகளிரிடம் சென்று அவர்களின் புருஷன்மார்கள் குழந்தைகளாக மாறியிருப்பதை கூறினார். அலறிப்புடைத்துக்கொண்டு ஓடி வந்து அவர்கள் அனசூயையின் காலில் விழுந்தனர். முப்பெரும் தேவியரும் அவர்கள் கணவன்மார்களும் தன்னகத்தே வந்ததைக் கண்டு அத்திரியும் அனசூயையும் அவர்கள் காலில் விழுந்தனர். தேவர்களைவரும் கூடினர் இந்தக் காட்சியைக்

காண !!!

அனசூயா உனது கற்பின் பெருமையை உலகத்திற்குணர்த்தவே இப்படி ஒரு நாடகமாடினோம்.வேண்டிய வரங்களைக்கேளுங்கள்……..குழந்தை வரம் வேண்டினர் தம்பதியினர்.

மூன்று குழந்தைகளை பெற்றெடுத்தனர் அவர்கள் : சோமன், துர்வாசர், தத்தாத்தி

ரேயன்.

அவர்களின் சோமன்தான் நமது சந்திரன். துர்வாசர் தவசியானார், தத்தாதிரேயன் தேவரானார். சோமன் சந்திரனாகி இரவுக்கு அதிபனாகி,ரஜினிபதி எனப்பெயர் பெற்றார்.ரஜினிபதி என்றால் இரவுக்கு அதிபதி என்று பெயராம்!!!

மிகமிக அழகான சந்தினுக்கு தனக்கு தெரிந்தவற்றை கற்பித்து

வயது வந்தவுடன் தேவ குருவிடம் பாடம் கற்க அனுப்பினார் அத்திரி.

தேவ குருவின் மனைவி தாரை இவனழகில் மயங்கி மையல் கொண்டாள்.

சந்திரனின் திருமணம்

சந்திரனின் அழகில் மயங்கிய தட்சனின் மகள்கள் 27 பேரும் சந்திரனையே மணந்தனர்.அந்த 27 பேர்களில் ரோகிணியிடம் மிக அன்பாக நடந்தான் சந்திரன்…. மற்ற 26 பேர்களும் தகப்பனார் தட்சனிடம் complaint செய்ய, கோபம் கொண்ட தட்சன் ஒரு நாளைக்கு ஒரு கலை வீதம் கொஞ்சம் கொஞ்சமாக மறைய சந்திரனுக்குச் சாபம் கொடுத்தான். சந்திரன் ஓடிப் போய் சிவனின் காலடியில் விழ,சாபத்தை நான் எக்காரணம் கொண்டும் மாற்ற முடியாது, ஆனால்,

மீண்டும் நீ வளர வரம் கொடுக்கிறேன் என்று வரம் கொடுத்தார். அன்றிலிருந்து சந்திரன் 14 நாட்கள் தேய்ந்து அமாவாசையாகவும், மற்ற 14 நாட்கள் வளர்ந்து பௌர்ணமியாகவும் விளங்குகிறார்.

அரிஸ்டாட்டில் கூறுவது- “சந்திரன் மனித உடலில் மிகுதியாக ஆதிக்கம் செலுத்துகிறது”.

மருத்துவத் தந்தை ஹிப்பாக்ரடீஸ் கூறுவது- கோள்களின் கதியை அறியாமல் எந்த மருத்துவராலும் சரியாக மருத்துவம் செய்ய முடியாது.

பௌர்ணமியின் பெருமை

ஜாதகத்தில் சூரியனுக்கு நேர் எதிர் கட்டத்தில் சந்திரன் இருந்தால்

அவர் பௌர்ணமியன்று பிறந்தவராவார்.

சூரியனின் மாற்றத்தைப் பொறுத்தே மாதங்கள் பிறக்கின்றன.ஆனால்

மாதங்களின் பெயர்களோ பௌர்ணமி எந்த நட்சத்திரத்தின் அருகில்

சந்திரன் வருகிறதோ அந்த நட்சத்திரத்தின் பெயரால் அந்த மாதம்

விளங்குகிறது. உதாரணமாக, சித்திரை நட்சத்திரத்தில் பௌர்ணமி

வருவதினால் அந்த மாத த்தின் பெயர் சித்திரை. விசாக நடசத்திரத்தில் பௌர்ணமி வருவதினால் அந்த மாதத்தின் பெயர் வைகாசி……

ஒவ்வொரு பௌர்ணமியும் மிக மிக விசேஷமானவை என்பது

மட்டுமல்லாது விழாக்களாக கொண்டாடப் படுகின்றன.பௌர்ணமி

மந்திர உபதேசமானவர்களுக்கு மிக முக்கிய நாளாகும் . மந்திர உரு

ஏற்றுவது, அம்மனை உபாசிப்பது, பால் குடம்எடுப்பது போன்ற விழாக்கள் நடத்துகின்றனர் இந்த நாளில்.சந்திரனின் கவர்ச்சி காரணமாக

கடல் அலைகள் உயர்ந்து வீசும் காட்சி கண்ணுக்கு விருந்து.

வெளிநாட்டு மக்களும் உள்நாட்டு மக்களும் கன்யா குமரி கடற்கரையில் பௌர்ணமி அன்று கும்பலாக காத்திருந்து ஒரே சமயத்தில் மேற்கே சூரியன் மறைவதையும், சந்திரன் உதயமாவதையும்

இரண்டு தங்கத்தகடுகளை கண்டு களிப்பது உலகில் வேறெங்கும்

காணக்கிடைக்காத காட்சி !!!

அமாவாசையின் பெருமை

ஜாதகத்தில் சூரியனும் சந்திரனும் ஒரே கட்டதிலிருந்தால்அவர் அமாவாசையன்று பிறந்திருக்கிறார் என்று அர்த்தம்.பௌர்ணமி

ஒரு விசேஷமான நாள் என்றால் அமாவாசை அதைவிட விசேஷமான

நாளாகும். முன்னோர்கள் வெகு ஆவலுடன. நம் எள்ளுக்கும் , தண்ணீருக்கும் காத்திருக்கும் நாள். நல்ல காரியங்கள் தொடங்கும்

நாள்…. அமாவாசையன்று “திருஷ்டி”கழிப்பதென்பது தொன்று தொட்ட வழக்கமாகும். மந்திரிப்பதற்கும், மந்திரம் கற்க ஆரம்பிக்கவும் சிறந்தநாள்.புரட்டாசி மாதம் வரும் மஹாளய பட்சம்

என்ற 15 நாட்களுக்கும் பித்ருக்களை திருப்தி செய்யும் நாட்கள்.

இறந்த திதி தெரியாதவர்கள், துர்மரணமடைந்தவர்கள் முதலியோருக்கு திதி செய்ய சிறந்த நாள்.ஆடி அமாவாசையும் இது போலவே தான்……..ஆடி 18 ல் காதலர் வெவ்வேறு சித்திரான்னங்களுடன் உண்டு மகிழும் சிறந்த நாள்!!!

இந்திரன் கெட்டதும் பெண்ணாலே,

சந்திரன் கெட்டதும் பெண்ணாலே !!!

சந்திரன் ஒரு பெரும் யாகம் நடத்தினான்.எல்லா முனிவர்களும், தேவர்களும் கலந்து கொண்டனர்.தேவ குருவின் மனைவி தாரையும்

கலந்து கொண்டாள். யாகம் முடிந்து குருவுடன் திரும்பாமல் சந்திரனிடையே தங்கிவிட்டாள் தாரை. தேவர்களனைவரும்

சந்திரனைக் கண்டித்து தாரையை திருப்பி அனுப்புமாறு கேட்டனர்.

வலிய வந்த சீதேவியை தான் திருப்பி அனுப்ப முடியாது என சட்டம்

பேசினான் சந்திரன். வில்லெடுத்தார் சிவன். பயந்த பிரும்மா

ஒரு வழியாக “ பஞ்சாயத்து” பண்ண தாரையை அனுப்பினான்

சந்திரன்.

குரு ஏற்றக்கொள்ள மறுத்தார்.சாபம் கொடுத்தார். கர்ப்பமானாள் தாரை……..

அழகான குழந்தையான“ புதனை“பெற்றெடுத்தாள்.

சந்திரனின் மனைவி ரோகிணியே புதனை வளர்த்தாள்.

To be continued…………………………………………

tags- அம்புலி மாமா, சந்திரன்,