Written by London Swaminathan

Post No. 16,214

Date uploaded in London – 19 September 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx 

கடந்த எட்டு நாட்களில் படித்த கேள்வி பதில்களுக்கு நிறைவாக வரும் (கடைசி) பகுதி இது.

81

இலங்கை கலாவன் போரில் வெற்றிபெற்ற  பல்லவன் யார் ?

82

திருவெள்ளறையில் உள்ள பாடல் கல்வெட்டின் சிறப்பு என்ன ?

83

அபராஜித வர்மனின் பாடல் கல்வெட்டு எங்கே உள்ளது ?

84

எங்தக் கல்வெட்டில் மகேந்திரவர்மன் யாரும் செய்யாத முறையில் கோயில் கட்டியதாக பெருமைப்படுகிறான்?

85

செப்பேடுகளைத் தவிர பல்லவர் வரலாற்றைத் தெரிவிக்கும் கல்வெட்டுகள் எங்கே உள்ளன ?

86

பல்லவ மன்னர்கள் பற்றிய தமிழ்  நாவல்கள் யாவை ?

87

பல்லவ மன்னர்கள் பற்றிய தமிழ் திரைப்படங்கள் உண்டா ?

88

வெளிநாட்டில் பல்லவர் செல்வாக்கினைக் காட்டும் அம்சங்கள் என்ன ?

89

பல்லவ மன்னர்கள் பற்றிய தமிழ்ப்புஸ்தகங்கள் எவை ?

90

பல்லவர் தொடர்பாக இனி செய்ய வேண்டியது என்ன ?

****

விடைகள்

81.பாகூர்ச் செப்பேடுகள் பல்லவ மன்னன் நிருபதுங்கநின் பிரம்மதேயத்தைக் கூறுகிறது; பிரம்மதேயம் என்பது பிராமணர்களுக்கு வழங்கும் தானம். இதில்  நிருபதுங்கனைப் பற்றிக்கூறும்பொழுது , அவன் பாஆண்டியர்களுக்கு உதவியது  அரிசில்கரையில் கொண்ட வெற்றி , கலாவின் போரில் அவன் பெற்ற வெற்றி , இலங்கையில் அவன் புகழ் பரவியது ஆகியன கூறப்பட்டுள்ளன .  கலாவின் என்பது இலங்கையில் உள்ளத்துக்களா ஓய என்னும் ஆற்றினை ஒட்டி அமைக்கப்பட்ட  நீர் நிலையான அது,  கலாவால், க்ளாவாபி  என்று அழைக்கப்படும் இடம் ஆகும் அந்நாட்டில் நடந்த போர்களில் அந்த இடம்பள முறை  தாக்குதலு உள்ளானது ; போர்களில் அந்த ஆறு ஒரு எல்லைக் கோடாக இருந்துள்ளது .

***

82.ஸ்வஸ்திகா வடிவ கிணறு ,திருவெள்ளறை

தமிழ் மொழியில் ஆயிரம் ஆண்டுகளுக்கு முன்னர் நீண்ட துதிகள் பொறித்த கல்வெட்டுகள் இல்லை.ஆனால் தந்தி வர்ம பல்லவனின் (CE 800) திருவெள்ளறைப் பாடல் கல்வெட்டு குறிப்பிடத்தக்கது

திருவெள்ளறை சுவஸ்திகா கிணறு

திருச்சிக்கு அருகில் திருவெள்ளறை என்னும் ஊரில் புண்டரீகாக்ஷப் பெருமாள் கோவில் உள்ளது. பெரியாழ்வார் முதலிய ஆழ்வார்களால் பாடப்பெற்றதால் குறைந்தது 1400 ஆண்டுக்கால வரலாறு பெற்ற கோவில் இது. கோவிலுக்குப் பின் புறம் இந்துக்களின் புனிதத் சின்னமான சுவஸ்திகா வடிவில் ஒரு கிணறு உள்ளது. அதில் அருமையான பாடல் உள்ளது. நேற்று வாழ்ந்த ஒருவன் இன்று இல்லை என்னும் சிறப்புடையது இந்த உலகம் என்று வள்ளுவன் பாடுகிறான். மஹாபாரதம் யக்ஷப் பிரஸ்னத்திலும் இக்கருத்து உள்ளது. ஆகையால் இறைவனை உடனே பாடிப் பரவுவோம் என்கிறார்கள் பெரியோர்கள்

 பல்லவ மன்னன் தந்திவர்மனால் உருவாக்கப்பெற்ற இது மாற்பிடுகு பெருங்கிணறு என்று அழைக்கப்பெறும்.. கி.பி 800ல் ஆலம்பக் கிழான் விசைய நல்லூழான் என்பவன் தோண்டி அமைத்தான் இந்த கிணற்றின் சுவற்றில் ஒரு கல்வெட்டு பாடல் ஆலம்பாக்கத்து கம்பன் அறையனால்  பொறிக்கப்பெற்றுள்ளது,

ஸ்ரீ கண்டார் காணா உலகத்திற் காதல் செய்து நில்லாதேய்

பண்டேய் பரமன் படைத்த நாள் பார்த்து நின்று நைய்யாதேய்

தண்டார் மூப்பு வந்து உன்னைத் தளரச் செய்து நில்லாமுன்

உண்டேல் உண்டு மிக்கது உலகமறிய வைம்மினேய்!

பொருள்:  நேற்று இருந்த ஒருவரை இன்று காண முடியாது இந்த உலகத்தில் !  மனித வாழ்க்கை நிரந்தரமில்லாதது. அத்தகைய நிலையற்ற உலகில் எதன் மீதும்  ஆசை வைக்காதீர்கள். இறைவன் நமக்கு அளித்துள்ள காலத்தை எண்ணி க் கலங்காதீர்கள் ; வயதாகி ஏதும் செய்ய முடியாத நிலை வருவதற்கு முன்னர் செய்ய வேண்டிய அறப்பணிகளை செய்யுங்கள் 

– பல்லவ அதிகாரி கம்ப அரையனின் அறிவுரை. மார்ப்பிடுகு பெருங்கிணற்றில் உள்ள நிலையாமைச் சார்ந்த கல்வெட்டு

**

‘நெருநல் உளன், ஒருவன்; இன்று இல்லை!’ என்னும்

பெருமை உடைத்து, இவ் உலகு. 336. குறள்

நேற்று இருந்த ஒருவன் இன்று இல்லை என்று காட்டும் பெருமை உடையது இந்த உலகம்.

**

நாவை அடக்கி விக்கல் மேலெழுவதற்கு முன்னே (இறப்பு நெருங்குவதற்கு முன்) நல்ல அறச்செயலை விரைந்து செய்யத்தக்கதாகும்.

நாச்செற்று விக்குள்மேல் வாராமுன் நல்வினை

மேற்சென்று செய்யப் படும்-335

****

83.அபராஜித வர்மனின் பாடல் கல்வெட்டு என்பது, பல்லவ வம்சத்தின் இறுதி மன்னனான அபராஜித வர்ம பல்லவனின் (ஆட்சி: கி.பி. 882-901) ஆட்சிக் காலத்தில், திருத்தணி வீரட்டானேசுவரர் கோயில் சுவரில் செதுக்கப்பட்ட புகழ்பெற்ற ஒரு வெண்பாப் பாடல் கல்வெட்டு ஆகும். பல்லவர் வரலாற்றில் அரசரே ஒரு கோயிலின் கட்டுமானத்தைப் பாராட்டி, சொந்தமாகத் தமிழ் வெண்பா இயற்றிய பெருமை இக்கல்வெட்டுக்கு உண்டு.

இக்கோயிலைக் கரும்பாறையைக் கொண்டு (கற்றளியாக) மிக அழகாகக் கட்டி முடித்த நம்பி அப்பி என்ற குறுநில மன்னனை/அதிகாரியைப் பாராட்டி, அரசன் இந்த வெண்பாவைப் பொறித்துள்ளார்.

“திருந்திய கொள்கைசெருத் தணியில் தேவர்

பொருந்தும் திருவீரட்டானம் – வருந்தாமல்

கற்றளியாச் செய்தான் கலிப்பகை நல்நம்பி

அப்பியாற் செய்தமைத் தான் ஆங்கு

நல்வழிக் கொள்கைகளைக் கொண்ட திருத்தணியில், தேவர்கள் வந்து வணங்கி மகிழும் திருவீரட்டானேசுவரர் கோயிலை, எவ்விதக் குறையுமின்றி (வருந்தாமல்) முற்றிலும் கருங்கற்களைக் கொண்டு அழகிய கற்றளியாக மாற்றியமைத்தான் வறுமையைப் போக்கும் நற்பண்புடைய நம்பி அப்பி என்பவன் ஆவான்.

***

Mahabalipuram Sculpture

84.பல்லவ மன்னன் முதலாம் மகேந்திரவர்மன் யாரும் செய்யாத புதுமையான முறையில் கோயில் கட்டியதாகப் பெருமைப்பட்டுக் கொள்ளும் கல்வெட்டு மண்டகப்பட்டு குகைக் கல்வெட்டு ஆகும்.விழுப்புரம் மாவட்டம் செஞ்சிக்கு அருகிலுள்ள மண்டகப்பட்டு குடைவரைக் கோயிலில் இந்தக் கல்வெட்டு அமைந்துள்ளது. இதுவே தமிழகத்தின் முதல் குடைவரைக் கோயிலாகக் கருதப்படுகிறது

புதுமையான முறை: அக்காலத்தில் வழக்கமாகப் பயன்படுத்தப்படும் அழியக்கூடியப் பொருட்களான செங்கல், மரம், உலோகம், சுதை (சுண்ணாம்பு/சாந்து) ஆகிய எவையும் இல்லாமல், முற்றிலும் ஒரு மலையைக் குடைந்து பிரம்மா, சிவன், விஷ்ணு ஆகிய மும்மூர்த்திகளுக்காக இக்கோயிலை உருவாக்கியதாக மன்னன் இக்கல்வெட்டில் குறிப்பிட்டுள்ளான்.

சமஸ்கிருத ஸ்லோகம்: பல்லவ கிரந்த எழுத்து வடிவில் உள்ள இந்த சமஸ்கிருத ஸ்லோகம் பின்வருமாறு அமைகிறது:

“ஏததநிஷ்டகமத்ருமமலோஹமஸுதம விசித்ரசித்தேன நிம்மாபிதந் நிருபேண பிரஹ்மேஸ்வர விஷ்ணு லக்ஷிதாயநம”

இந்த விசித்திரமான மற்றும் புதுமையான முயற்சியைச் செய்ததால், மகேந்திரவர்மனுக்கு “விசித்திரசித்தன்” (புதுமைய விரும்புபவன்/சிந்தனையுடையவன்) என்ற பட்டப்பெயரும் இக்கல்வெட்டின் மூலம் கிடைத்தது.

***

85.செப்பேடுகளைத் தவிர, பல்லவர் கால வரலாற்றை அறிந்துகொள்ள உதவும் கல்வெட்டுகள் (பாறைக் கல்வெட்டுகள், குடைவரைச் சுவர்கள் மற்றும் நடுகற்கள்) தமிழ்நாடு மற்றும் ஆந்திரப் பிரதேசத்தின் பல்வேறு வரலாற்றுச் சிறப்புமிக்க இடங்களில் பரவலாகக் காணப்படுகின்றன.முக்கியமாகப் பல்லவர் கல்வெட்டுகள் அமைந்துள்ள இடங்கள் கீழே வரிசைப்படுத்தப்பட்டுள்ளன:

முக்கியக் கோயில்கள் மற்றும் குடைவரைகள் (சுவர்கள் மற்றும் தூண்கள்)பல்லவ மன்னர்கள் தங்களின் குடைவரைக் கோயில்களிலும், கற்றளிகளிலும் ஏராளமான கல்வெட்டுகளைப் பொறித்துள்ளனர்:காஞ்சிபுரம்: வைகுண்டப் பெருமாள் கோயில் (இரண்டாம் நந்திவர்மனின் வரலாற்று நிகழ்வுகளை விவரிக்கும் சிற்பங்களும் கல்வெட்டுகளும் இங்குள்ளன), கைலாசநாதர் கோயில்.மாமல்லபுரம் (மகாபலிபுரம்): அங்குள்ள ஒற்றைக்கல் ரதங்கள் (உதாரணமாக கணேச ரதம்), கடற்கரைக் கோயில் மற்றும் பாறைச் சிற்பங்களில் (அர்ச்சுனன் தபசு) பல்லவர் காலக் கல்வெட்டுகள் நிறைந்துள்ளன. பல்லவ சிற்பிகளின் பெயர்கள் செதுக்கப்பட்டுள்ள பூஞ்சேரி பாறைகளும் இதன் அருகில்தான் உள்ளன.மண்டகப்பட்டு: முதலாம் மகேந்திரவர்மன், செங்கல் மற்றும் மரம் இல்லாமல் கட்டிய தனது முதல் குடைவரைக் கோயிலைப் பற்றிய புகழ்பெற்ற கல்வெட்டு இங்குள்ளது.

திருச்சிராப்பள்ளி (திருச்சி): திருச்சி மலைக்கோட்டைக் குடைவரைக் கோயிலில் மகேந்திரவர்மனின் கல்வெட்டுகள் மற்றும் பட்டப்பெயர்கள் காணப்படுகின்றன.பிற குடைவரை இடங்கள்: பல்லாவரம், வல்லம் (செங்கல்பட்டு அருகில்), சீயமங்கலம், தளவானூர், மாமண்டூர், மகேந்திரவாடி, சிங்கவரம் மற்றும் திருக்கழுக்குன்றம் ஆகிய இடங்களில் பல்லவர் கல்வெட்டுகள் தூண்களிலும் சுவர்களிலும் காணப்படுகின்றன.

2. கிராமக் கல்வெட்டுகள் மற்றும் நடுகற்கள் (சுமார் 260-க்கும் மேல்)பல்லவர்களின் ஆட்சி அதிகாரம், நிலக்கொடைகள் மற்றும் போர்களைப் பற்றிக் கூறும் நடுகல் கல்வெட்டுகள் வட தமிழ்நாட்டு மாவட்டங்களில் பரவலாகக் கிடைத்துள்ளன:உத்திரமேரூர்: பல்லவர் கால நிர்வாகம் மற்றும் கிராம சபை முறைகளைப் பற்றி இங்குள்ள கல்வெட்டுகள் கூறுகின்றன.தருமபுரி மற்றும் கிருஷ்ணகிரி மாவட்டங்கள்: சிம்மவிஷ்ணு மற்றும் இதர பல்லவ மன்னர்களின் ஆட்சிக்காலத்தைச் சேர்ந்த பழமையான நடுகல் கல்வெட்டுகள் அரூர் (கோரையாறு, ஆலம்பாடி) போன்ற இடங்களில் கண்டறியப்பட்டுள்ளன.திருவண்ணாமலை மற்றும் திருப்பத்தூர்: செய்யாறு (கீழ்பழந்தை கிராமம் ஜலகண்டேஸ்வரர் கோயில்) மற்றும் ஜவ்வாது மலைப் பகுதிகளில் (புங்கம்பட்டு நாடு) பல்லவர் காலக் கல்வெட்டுகளும் நடுகற்களும் கண்டெடுக்கப்பட்டுள்ளன.திருவெள்ளறை (திருச்சி): தந்திவர்ம பல்லவன் காலத்தில் தோண்டப்பட்ட சுவஸ்திக் வடிவக் கிணற்றில் பல்லவர் கல்வெட்டு உள்ளது.3. ஆந்திரப் பிரதேசப் பகுதிகள் (முற்காலப் பல்லவர் கல்வெட்டுகள்)பல்லவர்களின் தொடக்ககால கல்வெட்டுகள் முற்காலத்தில் அவர்கள் ஆட்சி செய்த ஆந்திரப் பகுதிகளில் அதிகம் காணப்படுகின்றன:பெல்லாரி, குண்டூர், நெல்லூர் மற்றும் சித்தூர் ஆகிய மாவட்டப் பகுதிகளில் பல்லவர்களின் மிகப்பண்டைய பிராகிருதம் மற்றும் சமஸ்கிருத மொழிக் கல்வெட்டுகள் பாறைகளிலும் தூண்களிலும் கண்டறியப்பட்டுள்ளன.

பல்லவர் காலத்தைச் சேர்ந்த தமிழ்க் கல்வெட்டுகள் இதுவரையில் சுமார் 260 கிடைத்துள்ளன. இவற்றில் கி.பி. 850க்கு முந்தியவை சுமார் 140 கல்வெட்டுகள் ஆகும். கி.பி. 6-ஆம் நூற்றாண்டுக்கு முன் அரசு செலுத்திய பல்லவர்கள் தங்களது செப்பேடுகளைப் பிராகிருத மொழியிலும் சமஸ்கிருத மொழியிலும் வெளியிட்டார்கள். சிம்மவர்மன் காலம் தொடங்கி சமஸ்கிருதத்தோடு தமிழிலும் செப்புப் பட்டயங்களை வெளியிடத் தொடங்கினர்.

***

86.கல்கி கிருஷ்ணமூர்த்திசிவகாமியின் சபதம்: தமிழ் வரலாற்று நாவல்களின் தலைசிறந்த படைப்புகளில் ஒன்று. முதலாம் மகேந்திரவர்ம பல்லவன் மற்றும் அவரது மகன் முதலாம் நரசிம்மவர்ம பல்லவன் (மாமல்லன்) ஆகியோரின் ஆட்சிக் காலத்தை விவரிக்கிறது. காஞ்சிபுரத்தின் மீது சாளுக்கிய மன்னன் இரண்டாம் புலிகேசி தொடுத்த போரையும், அதற்கு மாமல்லர் வாதாபி வரை சென்று பழிவாங்கியதையும் மையமாகக் கொண்டது.

பார்த்திபன் கனவு: சோழ மன்னன் பார்த்திபனின் சுதந்திரக் கனவை மையமாகக் கொண்ட புதினம் என்றாலும், அக்காலத்தில் தமிழகத்தை ஆண்ட முதலாம் நரசிம்மவர்ம பல்லவரின் மாபெரும் ஆளுமையையும், பல்லவப் பேரரசின் பின்னணியையும் இதில் கல்கி விரிவாகக் காட்டியுள்ளார்.

2. சாண்டில்யன் –பல்லவ திலகம்: பல்லவ வம்சத்தின் புகழ்பெற்ற மன்னரான மூன்றாம் நந்திவர்மன் (தெள்ளாறெறிந்த நந்திவர்மன்) காலத்தைப் பின்னணியாகக் கொண்டு எழுதப்பட்ட விறுவிறுப்பான வரலாற்று நாவல்.விஜய மகாதேவி: பல்லவ-சாளுக்கிய போர்கள் மற்றும் பல்லவ அரச குடும்பத்து அரசியலை விவரிக்கும் நாவல்.

3. கோவி. மணிசேகரன்-சித்ரவல்லி: பல்லவ மன்னர்களின் காஞ்சிபுரத்துக் கலைக் கூடங்கள் மற்றும் சிற்பக் கலைப் பின்னணியில் எழுதப்பட்ட நாவல்.பல்லவ சிம்மம்: பல்லவ வம்சத்தின் எழுச்சி மற்றும் போர்க்கள வீரத்தைப் பேசும் புதினம்

.4. ஜெகசிற்பியன்-நந்திவர்மன் காதலி: நந்திவர்ம பல்லவனின் காதல் மற்றும் அவரது ஆட்சிக் காலத்துச் சூழ்ச்சிகளை விவரிக்கும் நாவல்.5. பிற முக்கிய நாவல்கள்பல்லவ மோகினி – நா. பார்த்தசாரதிபல்லவ பேரழகி – பாரதவன்.

இவற்றுள் சிவகாமியின் சபதம் மற்றும் பார்த்திபன் கனவு ஆகிய இரு நாவல்களும் பல்லவ வரலாற்றைத் தெரிந்துகொள்ள விரும்பும் வாசகர்கள் கண்டிப்பாகப் படிக்க வேண்டிய நூல்களாகும்.

****

87.பல்லவர் தொடர்பான திரைப்படங்கள் :_

87.தமிழ் சினிமாவில் சோழர்கள் மற்றும் பாண்டியர்களைப் பற்றிய வரலாற்றுப் படங்கள் அதிகளவில் வெளிவந்திருந்தாலும், பல்லவர் கால வரலாற்றுப் பின்னணியைக் கொண்ட திரைப்படங்கள் மிகக் குறைவே. பல்லவ மன்னர்கள், அவர்களின் ஆட்சி மற்றும் கலைகளை மையப்படுத்தி வெளிவந்த முக்கியத் திரைப்படங்கள் கீழே பட்டியலிடப்பட்டுள்ளன

:1. பார்த்திபன் கனவு (1960)பிரபல எழுத்தாளர் கல்கி கிருஷ்ணமூர்த்தி எழுதிய புகழ்பெற்ற வரலாற்றுப் புதினத்தை அடிப்படையாகக் கொண்டு பார்த்திபன் கனவு திரைப்படம் உருவாக்கப்பட்டது.பின்னணி: கி.பி. 7-ஆம் நூற்றாண்டில் பல்லவர்களின் ஆதிக்கத்தின் கீழ் இருந்த சோழ நாடு, அதிலிருந்து எவ்வாறு விடுதலை பெற்றுத் தனித்து நின்றது என்பதே இதன் கதைக்களம்.பல்லவப் பாத்திரங்கள்: இதில் பல்லவப் பேரரசர் முதலாம் நரசிம்மவர்மன் (மாமல்லர்) பாத்திரத்தில் நடிகர் எஸ். வி. ரங்கராவ் நடித்திருந்தார். பல்லவ இளவரசி குந்தவியாக வைஜயந்திமாலாவும், சோழ இளவரசன் விக்கிரமனாக ஜெமினி கணேசனும் நடித்திருந்தனர்.

2. நந்திவர்மன் (2023 )இயக்குநர் பெருமாள் வரதன் இயக்கத்தில் சுரேஷ் ரவி, ஆஷா கௌடா நடிப்பில் வெளியான ஒரு இயற்கைக்கு அப்பாற்பட்ட மிஸ்டரி த்ரில்லர் திரைப்படம்.பின்னணி: பல்லவ வம்சத்தின் மிகச்சிறந்த அரசர்களில் ஒருவரான நந்திவர்மனின் பெயரை மையமாகக் கொண்டு இப்படம் உருவாக்கப்பட்டுள்ளது.கதைக்களம்: பல்லவர்கள் ஆண்ட அனுமந்தபுரம் என்ற பகுதியில், ஆயிரம் ஆண்டுகள் பழமையான நந்திவர்மனின் புதையலைத் தேடி வரும் தொல்பொருள் ஆராய்ச்சியாளர்களுக்கு நடக்கும் மர்மமான சம்பவங்களைச் சுற்றியே இதன் கதை நகர்கிறது. படத்தின் தொடக்கத்தில் பல்லவ வம்சத்தின் வரலாற்றை விளக்கும் ஒரு 2D அனிமேஷன் காட்சியும் இடம் பெற்றுள்ளது.

3. ஏழாம் அறிவு (2011)இயக்குநர் ஏ. ஆர். முருகதாஸ் இயக்கத்தில் சூர்யா மற்றும் ஸ்ருதி ஹாசன் நடிப்பில் வெளியான ஒரு நவீன கால அறிவியல் மற்றும் வரலாற்றுத் திரைப்படம்.பின்னணி: பல்லவ மன்னர் கந்த வர்மனின் மகனான போதிதர்மனின் வரலாற்றை இப்படம் பேசுகிறது.கதைக்களம்: கி.பி. 5 அல்லது 6-ஆம் நூற்றாண்டில் காஞ்சிபுரத்தை ஆண்ட பல்லவ இளவரசரான போதிதர்மன் சீனாவுக்குச் சென்று, அங்கு பௌத்த மதம், தற்காப்புக் கலை (குங்ஃபு) மற்றும் மருத்துவக் கலைகளைப் பரப்பிய வரலாற்றை இப்படம் தொடக்கக் காட்சிகளில் விரிவாகக் காட்சிப்படுத்தியுள்ளது.

குறிப்பு: கல்கியின் மற்றொரு பிரம்மாண்ட வரலாற்றுப் புதினமான ‘சிவகாமியின் சபதம்’ (மகேந்திரவர்ம பல்லவர் மற்றும் நரசிம்மவர்ம பல்லவர் காலத்துக் கதை) பலமுறை நாடகங்களாக மேடையேற்றப்பட்டிருந்தாலும், அது இன்னும் முழுநீளத் திரைப்படமாகத் தயாரிக்கப்படவில்லை.

***

 88.வெளிநாடுகளில் பல்லவர்களின் செல்வாக்கினை வெளிப்படுத்தும் முக்கிய அம்சங்கள் :-

இன்றைய தென்கிழக்கு ஆசிய நாடுகளின் எழுத்து, கலை, சமயம் மற்றும் அரசியல், கலாச்சார , எழுத்து முறை ஆகியவற்றில் பல்லவர்களின் செல்வாக்கு நன்றாகத் தெரிகிறது .

சயாம் நாட்டில் உள்ள தக்கோலம் (தகூஉபா) என்ற இடத்திலும் பல்லவர்கள் காலத் தமிழ்க் கல்வெட்டு கிடைத்துள்ளது.

பிரம்பானன் மற்றும் போரோபுதூர்: இந்தோனேசியாவின் ஜாவா தீவில் உள்ள இந்த உலகப் புகழ்பெற்ற ஆன்மீகத் தலங்களின் கட்டிடக்கலை மற்றும் சிற்ப வேலைப்பாடுகளில் பல்லவக் கலையின் தாக்கம் வலுவாகக் காணப்படுகிறது.

தென்கிழக்கு ஆசிய மொழிகளின் வரிவடிவம்: பல்லவர்கள் பயன்படுத்திய ‘கிரந்தம்’ என்னும் எழுத்துமுறைதான் தென்கிழக்கு ஆசிய நாடுகளின் எழுத்து வடிவங்களுக்கு அடிப்படையாக அமைந்தது.கல்வெட்டுகள்: தாய்லாந்து, கம்போடியா (காம்போஜம்), வியட்நாம் (சம்பா), மற்றும் இந்தோனேசியா (சுமத்ரா, ஜாவா) ஆகிய நாடுகளில் கண்டெடுக்கப்பட்ட பழங்கால சமஸ்கிருதக் கல்வெட்டுகள் பல்லவ கிரந்த எழுத்துமுறையிலேயே பொறிக்கப்பட்டுள்ளன.கம்போடியா மற்றும் வியட்நாம் நாட்டுப் பழங்கால அரசர்கள் பல்லவ மன்னர்களைப் போலவே தங்களது பெயர்களுக்குப் பின்னால் ‘வர்மன்’ (எடுத்துக்காட்டாக: முதலாம் ஜெயவர்மன், யசோவர்மன்) என்ற பட்டத்தைச் சூட்டிக் கொண்டனர்.பல்லவப் பேரரசின் ஆதரவு பெற்ற ‘மணிக்கிராமம்’, ‘நானாதேசிகன்’ போன்ற தமிழ்ப் பெருவணிகக் குழுக்கள் தென்கிழக்கு ஆசிய நாடுகளில் வணிக மையங்களை நிறுவித் தங்கியிருந்தனர். இதற்கான சான்றுகள் தாய்லாந்து போன்ற நாடுகளில் கிடைத்துள்ளன.

***

89.பல்லவர் செப்பேடுகள் முப்பது

பல்லவர் வரலாறு – டாக்டர் ராஜமாணிக்கனார்

காஞ்சிபுரம் தொடர்பான கோவில் , கலைகள் பற்றிய நூல்கள்

தெய்வத்தின் குரல்

டாக்டர் இரா. நாகசாமி எழுதிய கட்டுரைகள்

(டாக்டர் மீனாட்சி எழுதிய பல்லவர் கால நிர்வாகம்- ஆங்கில நூல்;

வெளிநாட்டினர் எழுதிய ஆங்கில நூல்கள்;

பல்லவர் நாணயங்கள் பற்றி ஆர் கிருஷ்ணமூர்த்தில் எழுதிய ஆங்கில நூல் )

***

90.சோழர்கள் மற்றும் பாண்டியர்களின் பெருமையைப் பரப்பிய அளவுக்கு யாரும் பல்லவர் பெருமையைப் பரப்பவில்லை ; சரித்திர புஸ்தக வெளியீட்டிலோ, திரைப்படங்கள் எடுப்பத்திலோ, வரலாற்றுப் புதினங்களை எழுதும் விஷயத்திலோ இந்தக் குறை உள்ளது; இதை அகற்ற வேண்டும். பல்லவர் செப்பேடுகள் சுமார் இருபது மன்னர் பெயர்களை ஸம்ஸ்க்ருதப் பகுதியில் கூறிப்  புகழ்கின்றன அஸ்வத்தாமன் முதல் உள்ள ஐயாயிரம் ஆண்டு தொடர்பினைவிட இந்த இருபது மன்னர்களின் வரலாற்றுக்கு காலத்தைக் கண்டுபிடிக் கவேண்டும் இவைகளில் ஒருவர் பெயரினை– விஷ்ணுகோபன் பெயரினை –  சமுத்திர குப்தன் கல்வெட்டு குறிப்பிடுவதால் இது உண்மைதான் என்பது தெரிகிறது . எல்லாவற்றுக்கும் மேலாக கங்க, சாளுக்கிய நுளம்ப, ராஷ்டிரகூட வம்ச மன்னர்களின் கல்வெட்டுகளில் உள்ள விஷயங்களைத் திரட்டி ஒப்பிட வேண்டும். சமண மத நூல்களிலும் சம்ஸ்க்ருத நூல்களிலும் நிறைய குறிப்புகள் உள்ளன . பல்லவர் ஆராய்ச்சி மகாநாட்டினைக் கூட்டி ஆராய்ச்சியாளர்களை ஊக்குவிக்கவேண்டும்; திரைப்படங்களை எடுக்காவிட்டால் டாக்குமெண்டரிகளையாவது தயாரிக்கலாம். 

–சுபம்–

tags-பல்லவர் செப்பேடுகள் பற்றி, ஒன்பதாவது 10 கேள்விகள்