Written by London Swaminathan 

Date: 1 DECEMBER 2017 

Time uploaded in London-  18-59

Post No. 4450

Pictures shown here are taken from various sources such as Facebook friends, Books, Google and newspapers; thanks.

ஷேக்ஸ்பியர் நாடகத்தில்   இந்துக்கள் போற்றும்  துருவ நட்சத்திரம்! (Post No.4450)

துருவ நட்சத்திரம் என்பதை அறியாத இந்துக்கள் இருக்க முடியாது. திட உறுதிக்குப் பெயர் எடுத்தவன் துருவன். இந்துக்களின் நூல்களில் சிறுவர்களும் புகழ்பெறுவார்கள்— நசிகேதன், மார்கண்டேயன், துருவன் போன்ற சிறுவர்கள் அ ழியாத இடம் பெற்றவர்களில் சிலர். இந்த துருவ நட்சத்திரத்தை நாம் எப்படி உறுதியின் சின்னமாக, நிலைத்த தன்மையின் சின்னமாகக் கருதுகிறோமோ அது போல ஷேக்ஸ்பியரும் கருதுகிறார். அவர் பல நாடகங்களில் இந்து மதக் கருத்துக்களை எதிரொலிப்பதால் இந்துக் கதைகளை அறிந்திருக்க வாய்ப்பு உண்டு. ஒரு இடத்தில் நாகரத்னம் பற்றிக் குறிப்பிடுகிறார். ஆனால் தேரையின் த லையில் உள்ள ரத்தினம் என்பார். ஏதோ பராபரியாக நமது நம்பிக்கைகளை அறிந்திருப்பார் போலும். ஓரிடத்தில் காளிதாசனின் சகுந்தலையைப் போலவே மிராண்டா என்னும் அப்பாவிப் பெண்ணை அறிமுகப்படுத்துகிறார். இன்னொரு இடத்தில்  ஜூலியஸ்சீசர் வாய்மொழி மூலமாக துருவ நட்சத்திரத்தைப் புகழ்கிறார்.

துருவனின் கதை எல்லோரும் அறிந்த கதைதான்:- ஸ்வாயம்புவ மனுவுக்கு இரண்டு புத்திரர்கள் என்று விஷ்ணு புராணம் கதை சொல்கிறது. பிரியவிரதன், உத்தான பாதன் என்ற இரண்டு மகன்களில் உத்தான பாதனுக்கு இரண்டு மனைவியர். ஒருத்தியின் பெயர்  சுருசி; அகந்தையின் சின்னம்; மற்றொருத்தியின் பெயர் சுநீதி; அடக்கத்தின் உறைவிடம்!

சுருசியின் மகன் பெயர் உத்தமன்; சுநீதியின் மகன் பெயர் துருவன். எங்கேயாவது அடுத்த பட்டத்துக்கு துருவன் போட்டிக்கு வந்துவிடுவானோ, தன் மகன் உத்தமனை பதவிக்கட்டிலில் அமர விடாமல் தடுத்துவிடுவானோ என்று எண்ணி சின்ன வயதிலிருந்தே துருவனைப் படாதபாடு படுத்தினாள் சு-ருசி. பெயரிலுள்ள ருசி குணத்தில் இல்லை! சு-நீதி மிகவுமடக்கமானவள்  என்பதால் துருவனை ரிஷி முனிவர் கோஷ்டியில் சேர்த்துவிட்டாள். அவர்கள் பேரின்பத்துக்கு வழிகாட்டுவர் என்றும் சொன்னாள்.

துருவனும் தாய் சொல்லைத் தட்டாதே என்று ரிஷி முனிவர்களுடன் அமர்ந்து கடும் தவம் இயற்றினான். இந்திரனுக்கு அச்சம்! அட, நம்ம பதவிக்கு உயரத்தான் தவம் செய்கிறான் போலும் என்று தடுத்துப் பார்த்தான்; முடியவில்லை. துருவனோ நாராயணனே நமக்கே பறை தருவான் என்று தவம் செய்தது வீண்போகவில்லை.

நாராயணனே நேரில் தோன்றி அவனை அரசு பதவிக்கும் மேலான இடத்தில், துருவ நட்சத்திரமாக உயர்த்தினார் என்று விஷ்ணு புராணம் புகழும்.

துருவ நட்சத்திரம் பற்றி க்ருஹ்ய சூத்திரங்களில் குறிப்பிடப்பட்டுள்ளது. 2000 ஆண்டுப் பழமையுடைய சங்கத் தமிழ் நூல்களில் பல  இடங்களில் அருந்ததி நட்சத்திரம் பற்றி விதந்தோதுகின்றனர். சப்த ரிஷி நட்சத்திரக் கூட்டத்தில் வசிஷ்ட நட்சத்திரத்தை ஒட்டியுள்ள அருந்ததியை திருமணமான தம்பதிகளுக்குக் காட்டுவதற்கு முதலில் துருவ நட்சத்திரத்தைக் காட்டி அதிலிருந்து அருந்ததி இருக்கும் இடத்தை உணர்த்துவர். ஆகவே 3000 ஆண்டுகளுக்கு முன்னரே அருந்ததி, சப்தரிஷி நட்சத்திரக் கூட்டம் ஆகியவற்றை தமிழர்களும் வட இந்தியர்களும் அறிவர்.

ஜூலியஸ் சீஸர் நாடகத்தில் ஸீஸர் கூறுகிறார்.
“But I am constant as the Northern Star, of whose true fixed and resting quality, there is no fellow in the firmament”– (Caesar)

நான் வட மீன் போல நிலையானவன்; அதனுடைய உறுதியும் நிலைத்த குணமும் உடையவன்; வானத்தில் வேறு எங்கும் காணமுடியாத அருங்குணம் அது-— ஸீஸர்

ஷேக்ஸ்பியர் நாடகத்தில்  உள்ள இந்த வாசகம் நமது புராணத்திலும் இதிஹாசத்திலும் துருவன் பற்றி புகழப்படும் வாசகம்.

கிரேக்க புராணங்களில் சப்தரிஷி மண்டலத்திலுள்ள நட்சத்திரங்களைப் பெருங்கரடிக் கூட்டம் (Great Bear, Ursa Major) என்று சொல்வரேயன்றி நம்மைப் போல புனிதமோ திட உறுதி பற்றிய குணங்களோ கற்பிக்கப்படுவதில்லை. ஆகவே ஷேக்ஸ்பியர் இந்து நம்பிக்கைகளை அறிந்திருந்தார் என்று சொல்வது மிகையல்ல.

நிறைய திருக்குறள் கருத்துக்கள் ஷேக்ஸ்பியர் நாடகங்களில் இருப்பதால் அவற்றையும் பின்னணியில் வைத்து எனது கருத்துக்களை நோக்க வேண்டும். ஆங்கிலத்தில் நாலைந்து கட்டுரைகளில் திருக்குறள்- ஷேக்ஸ்பியர் ஒப்பீடுகளை அளித்துவிட்டேன். விரைவில் தமிழிலும் தருவேன்.

—சுபம்–

Written by S.NAGARAJAN

Date: 1 DECEMBER 2017

Time uploaded in London- 6-38 am

Post No. 4448

Pictures shown here are taken from various sources such as Facebook friends, Books, Google and newspapers; thanks. Pictures may not be related to the story. They are only representational.

பாக்யா 1-12-2017 இதழில் அறிவியல் துளிகள் தொடரில் வெளியாகியுள்ள (ஏழாம் ஆண்டு 41வது) கட்டுரை

டார்வினை எதிர்த்த பெண்மணி!

ச.நாகராஜன்

“ஒருவன் உண்மையை அறிய முடியுமென்றால் அது கடவுளின் புத்தகத்திலிருந்து வருகிறதா அல்லது மனிதனிடமிருந்து வருகிறதா என்பது ஒரு பொருட்டே இல்லை” – ஆண்டாய்னெட் ப்ரௌன் ப்ளாக்வெல்

பரிணாமக் கொள்கையை உலகிற்கு அளித்துப் பெரும் புகழ் பெற்ற டார்வினுக்கு 1869ஆம் ஆண்டு ஒரு புத்தகம் வந்தது. புததகத்தை எழுதியவர் ஒரு பெண்மணி. அவர் பெயர் ஆண்டாய்னெட் ப்ரௌன் ப்ளாக்வெல் ((Antoinette Brown Blackwell).

அந்தப் புத்தகத்தைப் படித்துப் பார்த்து பதில் எழுதிய டார்வின் தனது பதிலில், ‘புத்தகத்தைப் படிக்கும் போது அதில் எனது பல குறிப்புகள் காணப்படுகின்றன. இவை பொது மக்கள் அதிகம் அறியாதவை’ என்று குறிப்பிட்டிருந்தார். அந்தக் கடிதத்தில் அவர் செய்த ஒரே தவறு அதன் ஆரம்ப வார்த்தைகள் தான்! டியர் சார் என்று அந்தப் பெண்மணிக்கு எழுதிய கடிதத்தை அவர் ஆரம்பித்திருந்தார்!

அடுத்து ஆறு வருடம் கழித்து அவர் வெளியிட்ட புத்தகத்தில் அவர் டார்வினை ஒரு பிடி பிடித்திருந்தார். டார்வின் எந்தக் கொள்கைகளை முன் வைத்தாரோ அவை தவறு என்று போர்க்கொடி உயர்த்தினார். அத்துடன மட்டுமின்றி புகழ்பெற்ற விஞ்ஞானியான ஹெர்பர்ட் ஸபென்ஸரையும் துணிச்சலாக எதிர்த்துக் கருத்துக்களை வெளியிட்டார்.

தி செக்ஸஸ் த்ரூ அவுட் நேச்சர் (The Sexes throughout Nature) என்ற அவரது புத்தகம் பல கட்டுரைகளின் தொகுப்பு.

டார்வின் தனது புத்தகமான ‘தி டெஸண்ட் ஆஃப் மேன் (The Descent of Man) என்ற நூலில் பரிணாமம் பெண்ணை விட ஆணை சுபீரியராக – மிக மேலாக- ஆக்கியிருக்கிறது என்று கூறியிருந்தார்.

ஹெர்பர்ட் ஸ்பென்ஸரோ தனது நூலில் ‘சர்வைவல் ஆஃப் தி ஃபிட்டஸ்ட் – வலியது வாழும் – என்ற கொள்கையை முன் வைத்திருந்தார்.

இந்த இரண்டையும் எதிர்த்தார் ப்ளாக்வெல்.

“கலை, கவிதை, ஓவியம், சிற்பம், இசை ஆகியவற்றில் திறம்பட்ட பெண்கள் மற்றும் ஆண்கள் பற்றிய ஒரு பட்டியலை எடுத்தால் அது ஒப்பிடவே தக்கதல்ல என்று ஆகி விடும்” என்றார் டார்வின் தனது நூலில்.

ஹெர்பர்ட் ஸ்பென்ஸர் ஒரு படி மேலே போய், ‘மனித இனம் மேம்பட வேண்டுமெனில் பெண்கள் கருத்தரித்து இனவிருத்தி செய்வதை மட்டும் கொண்டிருந்தால் போதும்’ என்று கூறி இருந்தார்.

பெண்களுக்கு சம உரிமை கேட்டுப் போராடி வந்த 44 வயதே ஆன ப்ளாக்வெல்லுக்கு வந்தது கோபம்

டார்வினை நன்கு விமரிசித்து அவர் கொள்கைகள் தவறு என்று வாதித்து டார்வினை எதிர்த்த முதல் பெண்மணி என்ற பெயரைப் பெற்றார். டார்வின் கூறிய அனைத்தும் அறிவியலுக்குப் புறம்பானவை என்று ஒரே போடாகப் போட்டார் அவர்.

அமெரிக்காவில் ஓஹையோவில் அவரது சகோதரர் இறையியல் படிப்பு படித்துத் தேறியிருந்தார். அதே இறையியல் படிப்பைத் தானும் படிக்க வேண்டுமென்று ஆசைப்பட்டார் அவர். தொழில்துறை ரீதியில் மத பிரசாரகராக – வுமன் மினிஸ்டராக ஆக வேண்டும் என்பது அவரது ஆசை.

ஆனால் அமெரிக்காவில் அப்படி ஒரு பெண்மணியை பாதிரியாக – இறையியல் பரப்புநராக அதுவரை நியமித்ததே இல்லை. இறையியல் பிரிவில் பெண்கள் படிக்க அனுமதியே கிடையாது.

சண்டை போட ஆரம்பித்தார் ப்ளாக்வெல். அவரது தீவிரத்தைக் கண்ட நிர்வாகம் அவர் படிக்க அனுமதி அளிப்பதாக ஒப்புக் கொண்டது – ஒரு நிபந்தனையுடன். அதாவது அவரது படிப்பு முடித்த பின்னர் அவருக்கு டிகிரி – பட்டம் – வழங்கப்பட மாட்டாது என்பதே நிபந்தனை!

பெண்கள் மத போதனை செய்யும் வேலையில் ஈடுபடக் கூடாது என்பதை எதிர்த்த அவர் ரகசிய சங்கம் ஆரம்பித்து பெண்களை நன்கு பேசப் பயிற்றுவித்தார். பட்டப்படிப்பு முடிந்தவுடன் மறையியல் பரப்புநர் வேலை எங்கு கிடைக்கும் என்று அமெரிக்கா முழுவதும் சுற்ற ஆரம்பித்தார்.

இதில் அவர் பட்ட இன்னல்கள் ஏராளம். ஒரு சமயம் பனிப்புயலில் சிக்கி சுமார் ஏழரை மைல் தூரத்தை நடந்தே கடந்தார்.

1850ஆம் ஆண்டு முதல் பெண்ணுரிமை மாநாடு மசாசூசெட்ஸில் நடந்தது. அதில் பேசிய அவர் பைபிளில் பெண்கள் செய்யக்கூடாது என்று சொல்லிய அனைத்தையும தாக்கிப் பேசினார்.

1853இல் நியூயார்க்கில் முதல் அமெரிக்க பெண் பாதிரியாக -வுமன் மினிஸ்டராக அவர் ஆனார். அதே சமயம் டைனோசர் பற்றிய படிமப் பாறைகள் கிடைத்தன. அவை மனிதன் தோன்றியதாக பைபிள் கூறும் கருத்துக்களுக்கு எதிரான அறிவியல் நோக்கை முன் வைத்தது.

டார்வினும் ஹெர்பர்ட் ஸ்பென்ஸரும் ப்ளாக்வெல் அறிவியல் சம்பந்தமான கொள்கைகளை எதிர்ப்பதில் பயனில்லை என்று வலியுறுத்தினர்.

தான் ஒரு முறையான விஞ்ஞானி இல்லை என்றாலும் பெண்களுக்கு இழைக்கும் அநீதியைத் தட்டிக் கேட்க ஒரு பெரிய தகுதி தன்னிடம் இருக்கிறது என்று முழங்கிய ப்ளாக்வெல், அந்த தகுதி, ‘நான் ஒரு பெண் என்பது தான்’, என்றார்.

ஆண்கள் ஆண்களாக இருப்பதால்யே அவர்கள் ஒரு தலைப்பட்சமாக இருக்கிறார்கள் என்று கூறிய அவர், “அதனால் தான் அவர்களின் விஞ்ஞானக் கண்டுபிடிப்புகளும் கூட ஒரு தலைப்பட்சமாக (ஆண்களுக்கு வக்காலத்து வாங்குவதாக) இருக்கிறது” என்று கூறினார்.

டார்வின் தந்த புள்ளிவிவரங்களில் ஆண் எவ்வளவு பெண் எவ்வளவு என்பது இல்லை என்று கூறிய ப்ளாக்வெல் தானே களத்தில் இறங்கினார். உயிரின வகைகளில் உள்ள இனங்களில் ஆண் தாவரம், பெண் தாவரம். ஆண் பூச்சிகள், பெண் பூச்சிகள், மீன் வகைகளில் ஆண், பெண், கடல் வாழ் உயிரினங்களில் ஆண், பெண் இனம், பறவை, மனிதர் என்று இப்படி அனைத்திலும் புள்ளிவிவரங்களைச் சேகரித்தார்.

உதாரணமாக சிங்கங்களில் ஆண் சிங்கம் உருவத்தில் பெரிதாகவும் வலிமையானதாகவும் இருந்தாலும் கூட பெண் சிங்கங்கள் தனித்துவம் மிக்க உடல் அமைப்பைக் கொண்டு இன விருத்தி செய்து தன் குட்டிகளுக்கு உணவு தருவது உட்பட்ட சிக்கலான இயக்கங்களையும் வேலைகளையும் செய்கிறது என்று அவர் சுட்டிக் காட்டினார்.

தனது ஆராய்ச்சியின் இறுதி முத்தாய்ப்பாக அவர் பரிணாமம் சுட்டிக் காட்டுவது ஆணும் பெண்ணும் சமம் என்பதையே என்று ஓங்கிய குரலில் கூறி முடித்தார்.

ப்ளாக்வெல்லை இன்றும் கூட ஒரு விஞ்ஞானியாக அறிவியல் சமூகம் அங்கீகரிக்கவில்லை. என்றாலும் கூட பெண்களின் உரிமையை ஓங்கிய குரலில் சுட்டிக் காட்டி அதற்கெனப் பாடுபட்டவராகவும், இறையியலில் பெண்களும் போதகராக வரலாம் என்பதற்கு வழி வகுத்தவராகவும், டார்வினைத் தட்டிக் கேட்ட முதல் பெண்மணியாகவும், பெண் விஞ்ஞானிகள் வளர வழி வகுத்த முதல் பெண்மணியாகவும் உலகம் இன்று போற்றுகிறது.

அறிவியல் அறிஞர் வாழ்வில் . ..

கிரேக்க புராணங்களில் மாஜிக் எனப்படும் மாயாஜாலத்தின் அதி தேவதையாக சித்தரிக்கப்படும் தேவதை கிர்க் (CIRCE).இந்த தேவதையைப் பற்றி ஏராளமான கதைகள் உண்டு.

மூலிகைகளின் இரகசியங்களைப் பற்றி அனைத்தும் அறிந்த தேவதை இது. யுலிஸிஸின் தோழர்களை மயங்க வைத்ததும் இது தான். தன் எதிரிகளை மிருகங்களாக மாற்றி விடுமாம் கிர்க். கையில் எப்போதும் ஒரு மந்திரக்கோலை இது வைத்திருக்கும். ஹோமரின் ஒடிஸி உள்ளிட்ட காவியங்களில் இடம் பெறும் பிரபலமான தேவதை இது.

இதைப் பற்றி விஞ்ஞானிகளில் பலர் ஆர்வம் காட்டியுள்ளனர்.அவர்களுள் குறிப்பிடத்தகுந்தவர் வில்லியம் ஜெங்ஸ் (William Jencks தோற்றம் 15-8-1927 மறைவு 3-1-2007) என்னும் அமெரிக்க உயிரியல் மற்றும் என்ஜைம் பற்றிய நிபுணராவார்.

தனது ஆய்வுகளின் மூலமாக கிர்க் பற்றிய பல கதைகளுக்கு விளக்கம் அளிக்க முடியும் என்று நம்பி அதில் அவர் தீவிரமாக முனைந்தார்.

என்ஜைம்களிள் எதிர்வினைகளைப் பற்றி ஆராய்ந்த அவர் தனது ஆய்வு ஒன்றுக்கு ‘கிர்க் எபெக்ட்’ என்றே பெயர் தந்து விட்டார்.

ஆக பிரபலமாக இன்றளவும் உலகினரால் சொல்லப்பட்டு வரும் இந்த தேவதை அறிவியலிலும் புகுந்து நிரந்தரமாகத் தன் பெயரைத் தக்க வைத்துக் கொண்டிருக்கிறது.

****

Written by S.NAGARAJAN

Date: 29 NOVEMBER 2017

Time uploaded in London- 5-34 am

Post No. 4442

Pictures shown here are taken from various sources such as Facebook friends, Books, Google and newspapers; thanks. Pictures may not be related to the story. They are only representational.

இஸ்லாமிய சர்ச்சை

மலேசியாவின் கவலை!

ச.நாகராஜன்

இன வாதம் மற்றும் மதச் சண்டைகளால் நாட்டின் ஒற்றுமையும் அமைதியும் பாதிக்கப்படுவதாக மலேசியாவின் ஆட்சியாளர்கள் கவலை தெரிவித்துள்ளனர்.

சமீப வாரங்களில் சில தனி நபர்களின் செயல்கள் பொறுத்துக் கொள்ளக் கூடிய நாகரிகத்தையும் தாண்டிச் சென்று விட்டதாக ஆட்சியாளர்கள் தெரிவித்துள்ளனர்.

இந்த செயல்கள் இஸ்லாமின் பெயரால் செய்யப்படும் போது அது விளைவிக்கும் சேதம் மிகவும் கடுமையாக இருக்கும் என்று ஆட்சியாளர்கள் கருதுகின்றனர்.

ஒரு மதமாக தனது மதத்தினருக்கு மரியாதையையும் நிதானத்தையும் கற்பிக்கும் இஸ்லாம் சில  குழுக்களாலும் தனி நபர்களாலும் நற்பெயரைக் கெடுத்துக் கொள்ளக்கூடாது என்று அவர்களின் அறிக்கை கூறுகிறது.

இந்த அறிக்கை ஜோஹாரின் சுல்தான், சுல்தான் இப்ராஹிம், சுல்தான் இஸ்கண்டர், ராஜா முடா ஆஃப் பெர்லிஸ், துங்கு சையத் ஃபைஸுதின் புத்ர ஜமாலுல்லைல் ஆகியோர் எடுத்த நிலையைப் பிரதிபலிக்கிறது.

***

முஸ்லீம்களுக்கு மட்டும் என்ற நிலையை மலேசியா வாழும் லாண்டரிக்காரர்கள் சிலர் எடுத்த நிலைப்பாட்டால் மலேசிய ஒற்றுமையும் அமைதியும் குலையும் தருணத்தில் மேற்கண்ட அறிக்கை வெளியாகியுள்ளது என்பதை நிருபர் குறிப்பிடுகிறார்.

எங்கு நோக்கினாலும் பிடிவாதமும் தீவிரவாதமுமே வழி என்று இருக்கும் இஸ்லாமியருக்கு மலேசிய ஆட்சியாளர்கள் தங்கள் அதிருப்தியைத் தெரிவித்தது மட்டுமில்லாமல் எச்சரிக்கையும் விடுத்துள்ளார்கள்.

அஸ்வின் குமாரின் முழு செய்தி அறிக்கையின் ஆங்கில மூலத்தைக் கீழே பார்க்கலாம்.

***

The Muslim Malaysian Medicine :

Report dated 10-10-2017

The Malay Rulers have expressed concern that unity and harmony in the country is eroding following a series of racial and religious controversies.

Keeper of the Rulers’ Seal Tan Sri Datuk Seri Syed Danial Syed Ahmad in a statement yesterday said the Rulers found that in recent weeks, the actions of certain individuals had gone beyond all acceptable standards of decency, risking the harmony that currently exists within the country’s multi-religious and multiethnic society.

“The Rulers are of the opinion that the damaging implications of such actions are more severe when they are erroneously associated with or committed in the name of Islam.”

“As a religion that encourages its followers to be respectful, moderate and inclusive, the reputation of Islam must not be tainted by the divisive actions of certain groups or individuals which may lead to rifts among the rakyat,” the statement read.

The statement echoed the stance taken by the Sultan of Johor, Sultan Ibrahim Sultan Iskandar, and the Raja Muda of Perlis, Tuanku Syed Faizuddin Putra Jamalullail, in prohibiting Muslim-only launderettes in both states.

“After 60 years of independence, we must continue to act in accordance with the principles embodied within the Constitution and manifested in the spirit of the Rukun Negara,” the Rulers stressed. They added that the Rukun Negara, which outlined five guiding principles for the country, must continue to serve as a compass to all citizens including leaders and government officials.

Meanwhile, the Malaysian Consultative Council of Buddhism, Christianity, Hinduism, Sikhism and Taoism (MCCBCHST) president Datuk R. S. Mohan Shan said the statement from the rulers was timely, reports Ashwin Kumar.

“This country is famous for its unity and harmony. Any incident which degrades the harmony among the people should not be tolerated and that is what the rulers want checked,” he said. Mohan also pointed out that Sultan Ibrahim made the right decision when he expressed dismay over the laundrette’s move. The laundrette owner then apologised and agreed to abide by Sultan Ibrahim’s decree.

(Rulers concerned over growing intolerance– newsdesk@ thesundaily.com, 10 October 2017,Ashwin Kumar).

***

தனித்தனியே ஆங்காங்கு வெவ்வேறு நாடுகளில் நிகழும் சம்பவங்கள் பலவற்றை உலகமே உற்று நோக்கி வருகிறது.

இந்தச் சம்பவங்களின் பின்னணியை ஆய்ந்து வருகிறது.

இவை தெரிவிக்க வரும் செய்தியை யார் வேண்டுமானாலும் சுலபமாக உணரலாம்.

***