WRITTEN BY LONDON SWAMINATHAN

Post No. 8400

Date uploaded in London – 25 July 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

உடலுக்கு கால்சியம் ஏன் தேவை?

இதுவரை 25 மூலகங்களின் கதைகளைப் பார்த்தோம் . இன்று கால்சியம் என்னும் மூலகம் (ELEMENT) பற்றிக் காண்போம்.

கால்சியம் (Calcium)  பற்றிய ஒரு சுவையான கதையை முதலில் சொல்கிறேன்.ஆங்கில மொழியில் ஒருவர் பிரபலமாகிவிட்டால், அவர் பற்றி அதிகமான செய்திகள் அடிபடும். உடனே அவரை He is in the limelight ‘ஹீ இஸ் இன் த தி லைம் லைட்’ என்பர். பெண்ணாக இருந்தால் ஷீ இஸ் இன் த தி லைம் லைட்’ She is in the limelight . இந்த மரபு சொற்றொடருக்கு , கால்சியம்தான் காரணம் . இந்த லைம் லைட்(LIME MIGHT) டைக் கண்டுபிடித்தவர் ஒரு பிரிட்டானியர். அவர் பெயர் தாமஸ் ட்ரம்மண்ட்(Thomas Drummond)  . சர்வேயர் பணிபுரிவோர் நீண்ட தூரத்துக்கு ஒளிவீசும் விளக்கு இருந்தால் நல்ல வேலை செய்யலாமே என்று ஆதங்கப்பட்டனர். எரியும் ஹைட்ரஜன் வாயுவை கால்சியம் ஆக்சைட் (லைம் LIME) உள்ள பரப்பின் மீது பாய்ச்சினால் பிரகாசமான ஒளி கிடைக்கும் என்று தாமஸ் கண்டுபிடித்தார். மேலும் அதை லென்ஸ் அல்லது கண்ணாடி மூலம் பிரதி பலித்தால் அது 60 மைல் தொலைவு வரை ஒளிவீசச் செய்யாலாம் என்றும் அறிந்தார். உடனே கப்பலுக்கு திசை காட்டும் கலங்கரை விளக்குகளில் (Light House)  இதைப் பயன் படுத்தினர். நாடக மேடைகளில் நடிக்கும் முக்கிய கதாபாத்திரங்களின் மீது ஒளி வீசுவதற்கு தியேட்டர் மானேஜர்களும்  இதைப் பயன்படுத்தினர். ஒருவர் முகத்தில் கால்சியம் (லைம்) ஒளி பிராகாசிப்பதை அரசியல் வாழ்விலும் , பிற துறைகளிலும் பிரகாசிப்போருக்கும் ‘சொல் அளவில்’ பயன்டுத்தினர். இவ்வாறாக இந்த ரசாயன விஷயம் ஆங்கில அகராதிக்குள்ளும் நுழைந்தது!

***

கால்சியம் உடலுக்கு மிகவும் தேவையான சத்து ஆகும். நமது உடலில் உள்ள எலும்புகள் இந்த மூலகத்தால்  ஆனது உயிரினங்களில் சில வகை பாக்டிரீயா தவிர எல்லாவற்றிலும் கால்சியம் இருக்கிறது; கடலில் வாழும் சங்கு,சோழி முதலிய பூச்சிகள் (MARINE ANIMALS) கால்சியம் கார்பனேட்டால் ஆனவை. நிலத்தில் வாழும் பிராணிகளின் பற்களும் எலும்புகளும் கால்சியம் பாஸ்பேட்டால்  ஆனவை. சில தாவரங்களில் காணப்படும் கால்சியம் ஆக்ஸலேட் (CALCIUM OXALATE) விஷத் தான்மையுடையது இதனால் பிராணிகள் அதைச்  சாப்பிடாது . இவ்வாறு அவை தங்களைப் பாதுகாத்துக் கொள்கின்றன.

கர்ப்பிணிப் பெண்களை கால்சியம் உள்ள பால், தயிர் முதலியவற்றை சாப்பிட ஊக்குவிப்பர். இது வளரும் குழந்தைகளுக்கு நல்ல பற்களும் உறுதியான எலும்புகளும் உருவாக உதவும். உண்மையில் கால்சியம் எல்லோருக்கும் தேவைதான்; பெண்களுக்கு அதிகம் தேவை . எலும்புகள் பலம் இழந்தால் எளிதில் முறிவுபடும்; உடையும் . இதை ஆஸ்டியோ போரோசிஸ் (OSTEOPOROSIS) என்பர். இந்த நோயைத் தடுக்க உணவில் கால்சியம்  இருக்க வேண்டும்

***

கால்சியம் உள்ள பண்டங்கள் எவை ?

பால் , சீஸ் (CHEESE) எனப்படும் பாலாடைக்கட்டி, பாதாம் பருப்பு, முட்டை, ப்ராக்கோலி , வெங்காயம் , கீரை வகைகள் முட்டைக்கோசு  முதலியவற்றில் கால்சியம் சத்து உள்ளது. இதை உடல் பயன்படுத்துவதற்கு வைட்டமின் டி (VITAMIN D) தேவைப்படும். அதை சூரிய ஒளி , வெண்ணெய் , மீன் எண்ணெய் , முட்டை மூலம் பெறலாம்.

ஒரு மனிதனுக்கு ஒவ்வொரு நாளும் சராசரியாக 1000 மில்லிகிராம் கால்சியம் தேவை. வயதானோர், சிறுவர்கள், கர்ப்பிணிப் பெண்களுக்கு 1500 மில்லிகிராம் வரை தேவை 100 கிராம் பால் பொருட்களில் 200 மில்லிகிராம் கால்சியம் இருப்பதால் எளிதில் பெறலாம்.

***

எலும்புகளுக்கும் உயிர் உண்டு !

நம்மில் பலருக்கும் எலும்புகளுக்கு உயிர் உண்டு என்பது தெரியாது. அவை ஏதோ கற்கள் போன்ற சடப் பொருட்கள் என்று நினைப்போம். உண்மையில் அவைகளும் வளர்கின்றன . ஆஸ்டியோ க்ளாஸ்ட்ஸ் , ஆஸ்டியோ பிளாஸ்ட்ஸ் என்ற செல்கள் மூலம் உடைந்து வளருகின்றன. தேவைப்படும் அளவுக்கு உடலில் கால்சியம் இல்லாதபோது எலும்புகள் அதைக் கொடுக்கும். இதனால் எலும்புகள் பலம் இழக்கும் . இதைத் தவிர்க்கவே கால்சிய சத்துள்ள உணவுகளைச் சாப்பிடவேண்டும்

கால்சியம் என்பது சுண்ணாம்பு சத்து ஆகும் [ ஆனால் இது ஒரு உலோகத்திலிருந்து வருகிறது.

எலும்புக்கு மட்டும்தான் கால்சியம் தேவையா ?

உடலிலுள்ள உலோகங்களை எடைவரியாகப் பார்த்தால் கால்சியம் என்னும் உலோகம்தான் முதலிடம் பெறும் . சராசரி மனிதனின் உடலில் 1200 கிராம் கால்சியம் இருக்கிறது. உடலில் தண்ணீர் அதிகம் இருந்தாலும் அது மூலகம் இல்லை .

1200 கிராமில் 1190 கிராம் எலும்பு. மீதி 10 கிராம் மகத்தான பணிகளைச் செய்கிறது–

1.மெம்ப்ரேன் (MEMBRANE) என்னும் ஜவ்வு பகுதியைக் கட்டுப் படுத்துகிறது ;அதுதான் செல்களை இணைக்கும் சிமென்ட்.

2. தசைகள் சுருங்கி விரியவும், நரம்புகள் மூலம் உணர்ச்சிகளை அனுப்பவும் தேவைப்படுகிறது

3.இரத்தத்தில் பி.எச் (PH) அளவை நிலையாக வைத்து இரத்தம் உறைய உதவுகிறது. ஒருவர் காயப்பட்டால் ரத்தம் வெளியேறாமல் தடுக்க இது தேவை.

4. செல்கள் வளர்ச்ச்சியையும் ஒழுங்குபடுத்துகிறது

5. ஹார்மோன்கள் சுரப்பதை ஊக்குவிக்கிறது .

***

கால்சியம் எங்கே கிடைக்கிறது?

பூமியின் மேற்பரப்பில் அதிகம் காணப்படும் உலோகம்  கால்சியம்தான் .

முன்காலத்தில் வாழ்ந்து மடிந்த கடல் வாழ் உயிரினங்கள் உலகம் முழுதும் இருக்கின்றன. இவை கால்சியம் கார்பனேட் உப்பால் ஆனவை. உலகில் 20 லட்சம்  சதுர கிலோ மீட்டர் பரப்புக்கு பவளம் (CORAL REEFS) உள்ளது. இது அத்தனையும் கால்சியம். இது தவிர 50 கோடி டன்  கால்சியம் இயற்கைச் சுழற்சி காரணமாக கடலில் இருந்து போய், மழை மூலம் வெளியேறி, மீண்டும் கடலை அடைகிறது. இதை கால்சியம் சுழற்சி (CALCIUM CYCLE) என்பர்.

இயற்கை அதிசயம் (NATURAL WONDERS) என்று கருதப்படும் பல குகைகளில் இது மழை நீர் வழியாகச் சொட்டிச் சொட்டி ஸ்டாலக்சைட், ஸ்டாலக்மைட் (STALAGCITES, STALAGMITES) உருவங்களை உருவாக்குகின்றன.

***

மருத்துவத்தில் கால்சியம் உப்புகள் 

பழங்காலம் முதற்கொண்டே மனித இனம் கால்சியம் உப்புக்களைப் பயன்படுத்திவருகிறது.

அஜீரணம் ஏற்பட்டால் அதைக் குணப்படுத்த கால்சியம் கார்பனேட் கொடுப்பார்கள்.

உடலில் கால்சியம் பற்றாக்குறை ஏற்பட்டால் அதை ஈடுசெய்ய கால்சியம் லாக்டேட் கொடுப்பார்கள்.

சிறுநீர் வெளியேற உதவும் திரவங்கள், சலைன் ட்ரிப் (SALINE DRIP) ஆகியவற்றில் சிறிதளவு கால்சியம் குளோரைட் இருக்கும்.

எலும்பு முறிவின்போது கட்டப்படும் பிளாஸ்டரில் கால்சியம் சல்பேட் இருக்கிறது.

35 முதல் 40 வயதுக்குப் பின்னர் எலும்பு வளர்ச்சி நின்று விடும். அதோடு ஆண்டுதோறும் ஒரு சதவிகித தேய்மானமும் ஏற்படுகிறது . இந்த இழப்பை ஈடு கட்ட ஹார்மோன் ரீப்லேஸ்மென்ட்  தெரபி (HRT) , ப்ளுரைட் தெரபி என்று பல சிகிச்சைகள் உள . ஆயினும் கால்சியம் மிக்க உணவும் கால்சியம் மாத்திரையும் நல்ல பலன் தருகின்றன.

மருத்துவர்களைக் கலந்தாலோசித்தே மாத்திரைகளை எடுக்கவேண்டும். கால்சியம் மிக்க உணவுகளுக்கு கட்டுப்பாடில்லை . உடலில் வேறு நோவுகள் இருந்தாலோ, வேறு மாத்திரை வகைகளை சாப்பிட்டாலோ டாக்டர்களின் ஆலோசனை மிகவும் இன்றியமையாதது

***

பொருளாதாரப்ப பயன்பாடுகள்

டோலமைட், ஜிப்சம் (DOLOMITE, GYPSUM) ஆகிய இரண்டு கால்சியம் உப்புக்களும் அதிகம் பயன்படுகின்றன.

சிமெண்ட், காரை செய்ய ஜிப்ஸம் பயன்படும்.

பல வகையான உலோகங்களை பிரித்தெடுக்கவும் பயன்படுகிறது .

அன்ஹைட்ரைட் (ANHYDRITE) என்ற உப்பு கந்தக அமிலம் தயாரிக்க உதவுகிறது.

தண்ணீரை சுத்தப்படுத்தவும் உபயோகிக்கிறார்கள் .

எலும்பு முறிவின்போது கட்டுப்பாட்டை பிளாஸ்டர் ஆப் பாரிஸ் (PLASTER OF PARIS) தயாரிக்கவும் தேவைப்படுகிறது.

ஜிப்சத்தின் படிக வகைக்கு ‘அலபாஸ்டர்(ALABASTER)’ என்று பெயர். இதை வைத்து சிற்பங்கள் செய்வார்கள் .

சிமெண்ட்  இல்லாமல் கட்டிடங்கள் இல்லை; கட்டிடங்கள் இல்லாமல் உலகம் இல்லை. ஆகவே உடலுக்கும் உலகத்துக்கும் பலம் தருவது கால்சியமே!.

ரசாயனத் தகவல்கள்

குறியீடு சி ஏ Ca

அணு எண் 20

உ ருகு நிலை – 839 டிகிரி C

 கொதி நிலை – 1484 டிகிரி C

இது வெள்ளி போன்ற (silvery metal) வர்ணமுடைய உலோகம்.

கார (alkali) வகையில் சேர்த்தி; ஐசடோப்புகள் உண்டு ; ஆயினும் கதிரியக்கம் இல்லை.

tags – கால்சியம் ,  தேவை, எலும்பு

—Subham–

WRITTEN BY S NAGARAJAN                                    

Post No. 8398

Date uploaded in London – – –25 July 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

நினைத்தது நடக்கவில்லை, ஆனால் விபத்தில் சிக்காமல் உயிரைக் காத்தது!

ச.நாகராஜன்

மிக பிரம்மாண்டமான டைட்டானிக் கப்பல் தனது முதல் கடல் பயணத்தை மேற்கொண்டது. இங்கிலாந்தில் உள்ள சவுதாம்டனிலிருந்து நியூயார்க் நோக்கிய நெடும் பயணம்; உல்லாசப் பயணம் அது!

ஆனால் துரதிர்ஷ்டவசமாக 1912ஆம் ஆண்டு ஏப்ரல் 14-15 தேதிகளில் அது கடலில் மூழ்கியது. 1500 பயணிகள் கடலில் மூழ்கி இறந்தனர். இந்த விபத்தை மையமாக வைத்து ஏராளமான திரைப்படங்கள் வந்து விட்டன.

இது எதனால் மூழ்கியது என்ற நீண்ட நெடும் சர்ச்சையும் ஆராய்ச்சியும் இன்றளவும் தொடர்கிறது.

அந்தக் கப்பல் விபத்தில் சிக்காமல் பிழைத்தவரின் ஒரு உண்மை சம்பவம் இது:

ஸ்காட்லாந்தில் க்ளார்க் குடும்பத்திற்கு ஒரே ஒரு கனவு தான்! க்ளார்க்கும் க்ளார்க்கின் மனைவியும் தங்கள் ஒன்பது குழந்தைகளுடன் அமெரிக்கா சென்று செட்டில் ஆகி விட வேண்டும் என்று நினைத்தனர், அவர்களின் ஒரே கனவு அது தான்! கப்பல் பயணத்திற்காக ஆகும் செலவிற்காக வெகு சிரமப்பட்டு பணத்தை அவர்கள் சேமிக்கலாயினர். வருடங்கள் பல ஓடின. தேவையான பணமும் ஒரு வழியாகச் சேர்ந்தது. பாஸ்போர்ட் ரெடி. அமெரிக்கா செல்லும் கப்பலில் அனைவருக்கும் டிக்கட் ரிஸர்வும் செய்தாகி விட்டது.

குடும்பத்தினருக்கு ஒரே உற்சாகம்; பரபரப்பு. எப்போது கப்பலில் ஏறப் போகிறோம் என்ற தவிதவிப்புடன் அவர்கள் இருந்தனர். புதிய நாடு, புதிய இடம், புதிய வாழ்க்கை … நிறைய கனவுகள்!

கப்பல் கிளம்ப இன்னும் ஏழே தினங்கள் மட்டுமே இருந்தன. துரதிர்ஷ்டவசமாக க்ளார்க்கின் ஒரு மகனை நாய் ஒன்று கடித்து விட்டது. டாக்டர் நாய்க்கடிக்குத் தையல் போட்டார்; அத்துடன் வீட்டு வாசலில் ஒரு மஞ்சள் அட்டையையும் தொங்க விட்டார். ‘இது நாய் கடித்த பையன் உள்ள வீடு, ஜாக்கிரதை” என்று அர்த்தம் அதற்கு!

யாருக்கும் ரேபிஸ் நோய் வந்து விடக்கூடாது என்று குடும்பத்தினருக்கு 14 நாள் தனிமை அடைப்பை – க்வாரண்டைனை அவர் அறிவித்தார்.

குடும்பத்தின் கனவு பொடிப்பொடியாக நொறுங்கிப் போனது. எவ்வளவு வருடங்கள் காத்திருந்தனர், ஒரு கணத்தில் அனைத்தும் கலைந்து போனது. க்ளார்க் மனமுடைந்து போனார். தன் இளைய குழந்தையின் மீது அடங்காத கோபம் கொண்டார்.

கப்பல் கிளம்பும் நாளன்று அது கிளம்புவதைப் பார்க்க க்ளார்க் துறைமுகம் சென்றார். என்ன ஒரு ஆர்ப்பாட்டம், கப்பல் கிளம்பியது. அங்கேயே அவர் கண்ணீர் சிந்தினார். தன் மகனைச் சபித்தார்; இறைவனிடம் முறையிட்டு நொந்து போனார்.

ஐந்து நாட்கள் கழிந்தன. திடீரென்று ஒரு நியூஸ். அமெரிக்காவிற்குப் பயணப்பட்ட பிரம்மாண்டமான அந்தக் கப்பல் கடலில் மூழ்கியது என்று வந்தது பரபரப்புச் செய்தி!

ஆயிரத்திற்கும் மேலானோர் கடலில் மூழ்கி மாண்டனர் என்ற செய்தி பரவி நாடே பரபரத்தது!

அந்தக் கப்பலின் பெயர் டைட்டானிக்! அதில் தான் அமெரிக்கா செல்ல க்ளார்க் தன் குடும்பத்தினர் அனைவருக்கும் ரிஸர்வ் செய்திருந்தார்.

சின்னப்பையனுக்கு நாய் கடித்ததால் அவர் ஸ்காட்லாந்திலேயே இருக்க வேண்டி வந்தது.

நியூஸைக் கேள்விப்பட்ட க்ளார்க் ஓடோடி வந்து தன் குழந்தையை அள்ளி அணைத்து ஆனந்தக் கண்ணீர் விட்டார். அவர்கள் வாழ்க்கையின் புதிய அத்தியாயம் ஆரம்பித்தது போல குடும்பத்தினர் அனைவருமே மகிழ்ந்தனர்.

விதியா, மதியா எது எப்போதும் வெல்லும்?

‘மற்றொன்று சூழினும் தான் முந்துறும்’ விதி சில சமயம் விபத்தையும் கூட வேண்டத்தக்கதாக்கி விடுகிறது!

tags — நினைத்தது ,நடக்கவில்லை, டைட்டானிக்

WRITTEN BY LONDON SWAMINATHAN

Post No. 8395

Date uploaded in London – 24 July 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

ஒரே சொல் மீண்டும் மீண்டும் வந்தால் ஓரிரு இடங்களில் மட்டுமே கட்டத்தில்

இருக்கும். கொண்டு கூட்டி பொருள் கொள்க .

விடை கீழே உள்ளது . சில நேரங்களில் படங்களைப் பார்த்தாலும் விடை

காண உதவலாம்.

விடை

1.தூண்டா விளக்கு போல

2.விளக்கைப் பிடித்துக்கொண்டு கிணற்றில் விழுகிறதா

3.விளக்கை வைத்துக்கொண்டு நெருப்புக்கு அலைகிறது போல

4.குன்றுமேலிட்ட விளக்கு போல;

5.குடத்திலிட்ட விளக்கு போல

WRITTEN BY LONDON SWAMINATHAN

Post No. 8394

Date uploaded in London – 24 July 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

பரிபாடலில் நான் :–

பரி  6-87, 20-82

சங்க இலக்கியத்தின் சுமார் 30,000 வரிகளில் , சுமார் ஒரு லட்சம் சொற்களில் இரண்டே இடங்களில் அபூர்வமாக நான் வருகிறது ;பரி . 6-87, 20-82

உலகம் முழுதும் மாறிக்கொண்டே இருக்கும் என்பது இயற்கை விதி.

அணு என்னும் நுண்ணிய துகளுக்குள்ளும்  புரோட்டான்களும் எலெட்ரான்களும் சுற்றிக் கொண்டே இருக்கின்றன. ஆகையால் மாற்றம் என்பது இயற்கை நியதி. திருவள்ளுவர் இன்று வந்தால் தமிழ் எழுத்துக்களைப் பார்த்து வியப்பார்  நான் ‘பிராமி’ எழுத்தில் அல்லவா எழுதினேன். இது என்ன எழுத்து? என்று கேட்பார்.

இதே போல மொழியும்  மாறிக்கொண்டே வரும். பழைய ஆங்கில நூலை ஒரு ஆங்கிலச் சிறுவனிடம் கொடுத்தால் ; அவன் படிக்கவும் இயலாது. அர்த்தமும் சொல்லத்  தெரியாது. தமிழுக்கும் இது பொருந்தும்.

சொற்களின் ஒலியும் மாறும்; பொருளும் மாறும்; எழுத்தும் மாறும். இது உலகிலுள்ள எல்லா மொழிகளுக்கும் பொருந்தும்  . ஆயினும் வெளிநாட்டு அரைவேக்காடுகள் வேண்டும் என்றே ஆரிய- திராவிட இன  பேத  விஷத்தை மொழி மாற்றத்திலும் புகுத்தினார்கள் . இன்று ஆங்கிலம் 39 விதமாகப் பேசப்படுகிறது என்று ஆங்கில மொழி ஆராய்ச்ச்சியாளர்களே சொல்லுகிறார்கள் . இங்கிலாந்திலிருந்து ஆஸ்திரேலியா, அமெரிக்கா , தென் ஆப்பிரிக்கா, கனடா போன்ற நாடுகளுக்கு குடியேறினவர்களே வெவ்வேறு  விதமாக ஆங்கிலம் பேசுவார்கள். பிரிட்டனுக்குள் வேல்ஸ் , ஸ்காட்லாந்து , அயர்லாந்து, இங்கிலாந்தில் வெவ்வேறு விதமாக ஆங்கிலம் பேசுவார்கள்.

இது தெரிந்தும் இந்தியாவில் யார் இருவர் சண்டை போட்டாலும் எந்த இரண்டு சொல் மாறினாலும் ஒன்றை ஆரியர் என்பர் மறறொன்றை திராவிடர் என்பார்கள்  வெளிநாட்டு விஷமிகள். தமிழ் நாட்டில் மட்டும் இதை புகுத்தவில்லை. ஏனெனில் உலகிலேயே இளிச்சவாயர்கள் தமிழர்கள் அவர்களை மதம் மாற்றினால் இந்தியா எப்போதும் ஆங்கிலேயர் வசமாகும் என்று கனவு கண்டனர். உண்மையில் சோழர்கள் வடமேற்கு இந்தியாவிலிருந்து வந்த சம்ஸ்கிருதம் மொழி பேசும் மக்கள். அவர்களே புறநானுற்றிலும் சிபி என்னும் ரிக் வேத இனத்தில் உதித்தவர் என்று சொல்லுவர். மாந்தாதா , நாபாகன். முதலிய சூரிய குல மன்னர்களை முன்னோர்களாகக் கூறுவர்; பாண்டியர்களோ பாண்டவர் பரம்பரை என்பர் . மதுரை மீனாட்சி, சூரசேனன் மகளான காஞ்சன மாலையின்  புதல்வி. அவளை கி.மு. மூன்றாம் நூற்றாண்டைச் சேர்ந்த மெகஸ்தனிஸும்  “பண்டேயா” ராணி என்று குறிப்பிடுவான் . சோழர்களையும் பாண்டியர்களையும் அக்கினி குல சேரர்களையும் ஆரிய- திராவிட வலைக்குள் எளிதில் வீழ்த்தலாம். ஆனால் அவர்களைத் திராவிடர்கள் என்று பிரித்து சிண்டு முடிய ஆசைப்பட்டதால் வெள்ளைக்கார கயவர்கள் தமிழர்கள் மீது கை வைக்கவில்லை.

சுருங்கச் சொன்னால் உலகம் முழுதும் மொழி மாற்றம் இருக்கிறது இரு அணிகள் இடையே சண்டை நடக்கிறது. பிரித்தாளும் வெள்ளைத்தோல் கயவர்கள் இன பேத வாதத்தை அங்கெல்லாம் புகுத்தவில்லை; இந்து மதத்தின் ஆணி வேரை அசைத்து இந்து மதத்தை விழுததாட்டுவேன் என்று எழுதிவிட்டு, வேதத்தை மொழி பெயர்க்கத் துவங்கிய மாக்ஸ்முல்லர் முழி பிதுங்கிப் போனார். இந்தியாவுக்கு வர பயந்து, சாகும் வரை இந்தியா வுக்குள் வரவே இல்லை. அவர் மூலம் ஹிட்லர் உருவானார். “நான் ஜெர்மன் ; நான் ஒரு ஆரியன்” என்று மாக்ஸ்முல்லர் எழுதியதை ஹிட்லர் பிடித்துக் கொண்டு அப்படியே தன சுய சரிதையில் எழுதி, இந்து சுவஸ்திகாவைக் கொடியில் பொறித்து , மிலிட்டரி யுனிபார்மில் பொறித்து ஆட்டம் போட்டார். ஆக அவர் கனவும் பலிக்கவில்லை.

“யான்” என்று சங்க கால மனிதர்கள் எழுதி வந்தனர். தேவார திவ்வியப் பிரபந்த காலத்தில் அது “நான்” ஆகியது. இன்று நாம் யாரிடமாவது போய் “யான், யாம்” என்றால் ஏற  இறங்கப் பார்ப்பார்கள் . ஒருவேளை மலையாளியோ என்று சந்தேகிப்பர். மலையாளமோ நேற்று வந்த மொழி. கன்னடம், தெலுங்கு போல பழைய மொழியும் அல்ல.

இது போல சங்க கால மக்கள் “பாண்டில், பண்டி” என்று சொன்னதை இன்று நாம் “வண்டி” என்கிறோம். இன்றோ இந்த “வ, ப,”  மாற்றம் வங்கா ளத்திலும் ஒரிஸ்ஸாவிலும் மட்டுமே உண்டு.

நான், வண்டி முதலியன சங்க காலத்தில் ஏன் இல்லை?

ஏன் சங்கத் தமிழில் , திருக்குறளில் “ஒள” என்னும் எழுத்தில் துவங்கும் சொல்லே இல்லை?

ஒளவை என்பதைக் கூட அவ்வையார் என்று எழுதியது ஏன் ?

“ச , ஞ , ய” எழுத்துக்களுக்கு ஏன் தொல்காப்பியர் தடை விதித்தார் ?

உலகில் “ச” – வில் துவங்கும் சொல் இல்லாத பழைய மொழி இல்லையே !

“ ர , ல” எழுத்துக்களில் தமிழ் சொல் ஏன் துவங்கக் கூடாது?

இவை எதற்கும், எங்கும் விஞ்ஞான விளக்கம் கிடையாத!!!!. ஒவ்வொரு மொழிக்கும், ஒவ்வொரு பேட்டை மக்களுக்கும் , ஒவ்வொரு கால மக்களுக்கும் சில பழக்க வழக்கங்கள் உண்டு. சிலவற்றுக்கு வேற்று மொழி  காரணம் இருக்கலாம். இன்னும் சில இயற்கையான மாற்றங்களாக இருக்கலாம்.

திருநெல்வேலி “ஏலே” ஆரியமா, திராவிடமா என்று ஆராய்ந்து பிரித்தாள வேண்டிய அவசியமில்லை

சங்க காலத்தில் விழா, புறா என்று சொல்லாமல் விழவு , புறவு என்ற குறில் ஓலியுடன் பேசினர் .

இப்போது ஒருவரிடம் போய் எங்கள் ஊரில் ‘விழவு’ என்றால், அட எழவே ! எவன் செத்தான், முதலில் அதைச் சொல்லித் தொலை என்பர்!!

பாணினியும் காத்யாயனரும் சமகாலத்தவர் என்று மாக்ஸ்முல்லர் உளறிவைத்தார். ஆனால் 10,000 இடங்களில் மாற்றங்களைக் காட்டுகின்றார் காத்யாயனார் என்பதைச் சுட்டிக்காட்டி இது கால இடைவெளியினால் ஏற்பட்டதேயன்றி பாணினியின் பிழையன்று என்று கோல்ட்ஸ்டக்கர் மாக்ஸ்முல்லரின் முகத்திரையைக் கிழிக்கிறார் . 10, 000 மாற்றங்களுக்கு பாணினி இடம் கொடுத்தால்  அவரை இன்று உலகம் புகழாது. மொழி மாறியதால் இவ்வளவு வேறுபாடு . அந்த அளவுக்கு இருவரிடையே கால இடைவெளி என்றும் கோல்ட்ஸ்டக்கர் எடுத்துக் காட்டுகிறார். உலகில் மொழிகள், எவர் தலையீடு இன்றியும் மாறுபடும் என்பதற்கு இதுவும் ஒரு எடுத்துக்காட்டு.

சோழ என்பதை வடக்கத்திய கல்வெட்டுகளிலும் சம்ஸ்கிருத நூல்களிலும் (அசோகர் கல்வெட்டு, காத்யாயனரின் வார்த்திகா , சோட- கங்க மன்னர்கள்) ஏன் 1500 ஆண்டுகளுக்கு “சோட”  என்று எழுதினார்கள்?

எந்த இலக்கண விதியைப் பின்பற்றி கருடனை, ஆழ்வார்களும் கம்பனும் “கெலுழன்” , “கலுழன்” என்று சொன்னார்கள்?

இவைகளை எல்லாம் ஆராய்ந்தால் வெள்ளைத் தோல் மொழிக் கொள்கையினர் “ஜோக்” JOKES அடித்து இருக்கிறார்கள். இந்துக்களின் காதில் பூவைச் சுற்றி இருக்கிறார்கள் என்பது புரியும்

ரிக் வேத பிராதிசாக்யத்திலிருந்து சிவஞான முனிவர் வரையான, பட்டோஜி தீட்சிதர் வரையான சம்ஸ்க்ருத, தமிழ் இலக்கண நூல்களைக்கற்றால் வெள்ளைத்தோல் அடித்த “தமாஷாக்கள்”  JOKES புரியும்.

உலகில் எல்லாம் மாறும்; எப்போதும் மாறும் ; CHANGE IS INEVITABLE; IT IS NATURE’S LAW.இது இயற்கையின் மாறாத நியதி.

WRITTEN BY S NAGARAJAN                     

Post No. 8392

Date uploaded in London – – –24 July 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

உலகப் புகழ் பெற்ற ஒரு போட்டோ!

ச.நாகராஜன்

கொரானா காலத்தில் ஒவ்வொரு மாநிலத்திலிருந்தும் இன்னொரு மாநிலத்திற்கு வேலை தேடி வந்தோர் தவிக்கும் பாட்டைப் பார்த்தால் மனம் கசிகிறது.

அன்றாடம் வேலை செய்து பெரும் சம்பளத்தால் வாழும் இவர்களுக்கு வேலை இல்லை எனில் ஏது சம்பளம்? எப்படிச் சாப்பிடுவர்? யாரையும் பார்க்கக் கூடாது, வெளியில் வரக் கூடாது, சொந்த ஊருக்கும் போக முடியாது.

இப்படி ஒரு நிலையைத் தந்த கொரானாவை எப்படித் தான் விவரிப்பது?

இதே போல ஒரு நிலை அமெரிக்காவில் 1932இல் ஏற்பட்டது.

இன்றைய கொரானாவைப் போல அவ்வளவு  மோசமில்லை என்றாலும் அதிலும் ஏராளமானோர் படாத பாடு பட்டனர்.

அதில் ஒரு பெண்மணி தான் Migrant Mother!

1929ஆம் ஆண்டு அக்டோபர் மாதம் 29ஆம் தேதி அமெரிக்க ஸ்டாக் மார்க்கெட் சரிந்து வீழ்ந்து அதல பாதாளத்திற்குப் போனது. இது பொருளாதார வீழ்ச்சியை உருவாக்க மக்கள் தவித்தனர். இந்த நிலையை வரலாறு Great Depression என்று பெயரிட்டு அழைக்கிறது.

டொராதா லாங்கே (Doratha Lange) என்ற ஒரு பெண்மணி சிறந்த போட்டோகிராபர். (தோற்றம் 1895- மறைவு 1965) ஸ்டுடியோவிலிருந்து வெளியேறி, அவர் தனது வண்டியில் ஏறிக் கொண்டு ஊர் ஊராகச் சுற்றலானார். ஒரு நாள் கலிபோர்னியோவில் நிபோமோ என்ற இடத்தில் ஒரு வேதனை முகத்தில் ததும்ப இருக்கும் ஒரு தாயைக் குழந்தைகளுடன் கண்டார்.

பட்டாணிகளைப் பொறுக்கி எடுக்கும் வேலை அவருடையது. கடுமையான மழையால் பட்டாணிகள் அழிந்து போக அவருக்கு அதை எடுப்பதற்கான வேலையே இல்லாமல் போனது.

லாங்கே வேலையின்றி ஒரு கூடாரத்தில் உட்கார்ந்திருந்த பலரைப் பார்த்தார். அவர்களுள் ஒருவர் ஏழு குழந்தைகளுடன் வருத்தம் தோய்ந்த முகத்துடன் உட்கார்ந்திருந்தார். இரு குழந்தைகள் அவரை அரவணைத்திருக்க அவர் சோகமாக அவர் அமர்ந்திருந்தார்.

லாங்கே அவரை அணுகி அவரை போட்டோ எடுக்கலாமா எனக் கேட்டார்.

“ஏதோ இருக்கிறொம். உயிர் பிழைத்து விட்டோம். அப்படித்தான் சொல்ல வேண்டும்” என்று வருத்தத்துடன் அவர் சொன்னார்.  (We just existed. We survived. Let’s put it that way)

அவருக்கு வயது 32. சுற்றியுள்ள வயல்வெளிகளில் உறைந்து கிடக்கும் கறிகாய்களைப் பொறுக்கி எடுத்து அதில் உயிர் வாழ்வதாக அவர் கூறினார். குழந்தைகள் அடித்துக் கொன்று கொண்டு வரும் பறவைகளும் அவர்களுக்கு உணவாகிறது.

ஒரு வண்டியில் அமர்ந்தவாறே ஆங்காங்கு சென்று வேலை தேடும் அவர் கடைசி கடைசியாக தன் வண்டியின் டயர்களை விற்று உணவு வாங்கி வந்ததாகக் குறிப்பிட்டார்.

லாங்கே ஆறு போட்டோக்களை எடுத்தார். அதில் இரு படங்களை சான்பிரான்ஸிஸ்கோ நியூஸ் இதழ் வெளியிட்டது. அதில் ஒன்று உலகப் புகழ் பெற்று விட்டது.

Depression எப்படி அனைவரையும் பாதித்திருக்கிறது என்பதை அமெரிக்க மக்களின் மனதை உருக்கும் விதமாக அந்த 1936ஆம் வருடத்திய போட்டோ விளக்கியது. மைக்ரண்ட் மதர் (Migrant Mother) என்று அந்த போட்டோ தலைப்பிடப்பட்டிருந்தது.முகத்தைக் காட்டாமல் மறைத்து அம்மாவை அணைத்துக் கொண்டிருக்கும் குழந்தைகளை அணைத்தவாறு அந்தத் தாய் வெறிச்சோடி எதையோ பார்த்த வண்ணம் இருக்கிறார்.

அவர் பெயரைச் சொல்ல மாட்டேன் என்று லாங்கே உறுதி கூறியிருந்தார்.

பிற்காலத்தில் அவரது பெயர் ஃப்ளோரென்ஸ் ஓவன்ஸ் தாம்ஸன் (Florence Owens Thompson) என்பது தெரிய வந்தது.

குழந்தைகளின் தந்தை யார்? அவர் எங்கே? அவர் இல்லை. அந்தக் குழந்தைகளுக்கு அம்மா தான் எல்லாம். வயல்வெளிகளுக்குச் செல்லும் போது குழந்தைகளை மூட்டையாகக் கட்டிக் கொண்டு அவர் செல்வது வழக்கம்.

அமெரிக்க மக்களின் அடிமன உணர்வைத் தூண்டி விட்ட படம் இது என வரலாறு சொல்கிறது. போட்டோவின் விளைவாக 20000 பவுண்ட் மதிப்பிற்கான உணவு வகைகளை அரசு அந்த புலம் பெயர் தொழிலாளிகள் இருந்த இடத்திற்கு அனுப்பியது.

போட்டோ வெளியான போது அந்தத் தாய் வேறொரு இடத்திற்குச் சென்று விட்டார். அவரைப் பற்றிய ஆராய்ச்சியில் பத்திரிகை நிருபர்கள் உள்ளிட்ட பலரும் இறங்கினர்; ஒரு வழியாக அவரைக் கண்டுபிடித்தனர். அவரது வரலாற்றைக் கேட்டனர். அவரது பெயரும் அப்போது தான் தெரிந்தது.

இந்தப் படத்தால் தனக்கு ஒரு பைசா கூட வரவில்லை என்று அவர் பல வருடங்களுக்குப் பின்னர் அவரைக் கண்டுபிடித்த போது கூறினார்.

அவரது குடும்பத்தின் எண்ணிக்கை பத்தாக அப்போது உயர்ந்திருந்தது.

1983இல் தாம்ப்ஸன் பக்கவாத நோயால் பாதிக்கப்பட்டார்.

அவரது புதல்விகள் மருத்துவச் செலவிற்காக மக்களை அணுகினர். உடனடியாக 15000 டாலர் நிதி சேர்ந்தது.

படத்தை எடுத்த லாங்கே அமெரிக்காவின் சிறந்த போட்டோகிராபர்களுள் ஒருவராக மதிக்கப்பட்டார். அவருக்கு விருதும் கிடைத்தது.

மக்கள் மறக்க முடியாத உலகப் புகழ் பெற்ற போட்டோ மைக்ரண்ட் மதர்!

tags -உலகப் புகழ் பெற்ற , போட்டோ

***