WRITTEN BY S NAGARAJAN

Post No. 16,257

Date uploaded in London – 1 October 2026

Contact – swami_48@yahoo.com

Pictures are taken from various sources for spreading knowledge.

This is a non- commercial blog. Thanks for your great pictures.

tamilandvedas.com, swamiindology.blogspot.com

xxxx

ராமாயணத்தில் வரங்கள் 77 –  ப்ரஜைகளுக்கு ராமர் வரம் அளித்தது!

ச. நாகராஜன்

உத்தரகாண்டத்தின் நூற்றேழாவது ஸர்க்கமாக அமைவது ‘குசனுக்கும் லவனுக்கும் முடிசூட்டுவது’ என்னும் ஸர்க்கமாகும்.

ராமாவதாரத்தின் இறுதிக் கட்டம் வந்து விட்டது. பிரம்மாவின் தூதராக காலருத்திரமூர்த்தி முனிவர் வேடம் தரித்து ராமரிடம் வந்தார். ராமர் லட்சுமணனை அழைத்து, “நாங்கள்  இருவரும் பேசும் போது யாரும் உள்ளே வரக் கூடாது. அப்படி வந்தால் அவர்கள் மரண தண்டனையை ஏற்க வேண்டும்” என்றார்.

லட்சுமணன் வாயிலில் காவலுக்குச் சென்றார். அப்போது துர்வாஸ முனிவர் லட்சுமணனிடம் வந்து தான் உடனே ராமரைப் பார்க்க வேண்டுமென்றார். அவரை சற்று பொறுக்குமாறு லட்சுமணர் வேண்ட அவர் கோபம் கொண்டு, “இக்கணமே உங்கள் அனைவரையும் சபித்து விடுவேன்” என்றார்.லட்சுமணன் அனைவரும் அழிவதற்கு பதில் தன் உயிர் போனால் போகட்டும் என்று எண்ணி, ராமர் முனிவரிடம் சம்பாஷணை செய்யும் போது ராமரின் உத்தரவையும் மீறி, இடையே சென்று துர்வாஸரின் வருகையை அறிவித்தார்.

காலருத்ரமூர்த்திக்கு விடை கொடுத்து அனுப்பிய ராமர் துர்வாஸ முனிவரை வந்து சந்தித்தார். அவருக்கு போஜனம் அளித்தார். துர்வாஸர் திருப்தி கொண்டு தனது ஆசிரமத்திற்குச் சென்றார்.

லட்சுமணரை அழைத்த ராமர், தான் விதித்த விதியை நினைவுபடுத்தி, “லட்சுமணா, உன்னை நான் இழந்து விடுகிறேன்” என்றார். கண்ணீர் ததும்ப லட்சுமணர் சரயு நதிக்குச் சென்று தன் உயிரை விட்டார்.

துக்கத்தில் மூழ்கிய ராமர் அரசாளும் உரிமையை பரதனுக்கு அளிப்பதாகச் சொல்ல பரதன் அதை ஏற்க மறுத்து விட்டார். லவ, குசர்களுக்குப் பட்டம் கட்டலாம் என்றார் அவர்.

பிரஜைகள் அனைவரும் ராமரைப் பிரிய முடியாது என்று திடமாகக் கூறவே

ராமரும் அவர்கள் விருப்பத்தின் படி தன்னுடன் வரலாம் என்று அனுமதி அளித்தார்.

ஜனங்கள் ராமரிடம் இப்படிக் கூறினர்:

கச்சந்தமநுகச்சாமோ யத்ர ராம கமிஷ்யஸி |

   உத்தரகாண்டம் நூற்றேழாவது ஸர்க்கம், ஸ்லோக எண் 12

ராம – ராமரே                                                             கமிஷ்யஸி – தேவரீர் எழுந்தருளுகின்றது                                         யத்ர – எந்த இடமோ அந்த இடத்திற்கு                                                    கச்சந்தம் – போகும் தேவரீரை                                            அநுகச்சாம: – விடாது பின் தொடர்ந்து வருகின்றோம்

பௌரேஷு யதி தே ப்ரீதிர்யதி ஸ்னேஹோ ஹ்யனுத்தம: |                  சுபுத்ரதாரா: காகுஸ்த்ய சமாகச்சாம சத்பதம் ||

       உத்தரகாண்டம் நூற்றேழாவது ஸர்க்கம், ஸ்லோக எண் 13

காகுஸ்த்ய – காகுத்தரே                                                   பௌரேஷு – பட்டணத்து ஜனங்களிடத்தில்                                     தே – தேவரீருக்கு                                                       அனுத்தம – ஒப்பில்லாத                                                   ஸ்நேஹ: – கருணை                                                             யதி – உண்டென்கிறபக்ஷத்திலும்                                                   ப்ரீதி – அனுக்கிரகம்                                                             யதி – இருக்கும் பக்ஷத்திலும்                                                   சுபுத்ரதாரா – புத்திரர்களையும் மனைவிமார்களையும் அழைத்துக்கொண்டு சத்பதம் – ஸ்வர்க்கமார்க்கத்தில்                                                   சமாகச்சாம – நாங்களும் கூடவெ இருந்து வருவோம்

தபோவனம் வா துர்கே வா நதீமம்போநிதிம் ததா |                                வயம் தே யதி ந த்யாஜ்யா: சர்வான்னோ நய ஈஸ்வர ||

  உத்தரகாண்டம், நூற்றேழாவது ஸர்க்கம், ஸ்லோக எண் 14

ஈஸ்வர – ஆண்டவனே                                                 தபோவனம் வா – தபோவனத்திற்குத் தானாகட்டும்                                                துர்கே வா – பிறரால் போகமுடியாத இடமாகத்தான் இருக்கட்டும்         ததா- அவ்வண்ணமே                                                                     நதீம் – நதியாக இருந்தாலும் சரி                                                   அம்போநிதி – கடலாக இருந்தாலும் சரி                                                 தே – தேவரீருக்கு                                                           வயம் – நாங்கள்                                                           ந த்யாஜ்யா – கைவிடத்தகாதவர்கள்                                             யதி – என்னும்பட்சத்தில்                                                      சர்வான் – எல்லோரையும்                                                                  நய – கூடவே அழைத்துக் கொண்டு செல்ல வேண்டும்

குடிமக்களின் வேண்டுகோளைக் கேட்டு கருணை கூர்ந்த ராமர், “பாடம் இதி ஏவ” – அங்ஙனமே செய்கிறேன்” என்று திருவாய்மலர்ந்தருளினார்.

பின்னர் குச லவர்களுக்கு முடி சூட்டப்பட்டது.

சரயுநதியை நோக்கி குடிமக்களுடன் சென்றார் ராமர். வைகுந்தம்  எழுந்தருள அவர் திருவுள்ளம் கொண்டார்.

நூறு கோடி விமானங்களில் தேவர்கள், ரிஷிகள் உள்ளிட்டவர்கள், அங்கு வந்து, “பல்லாண்டு, பல்லாண்டு, தேவரீர் இங்கு திரும்பி வந்து சேர திருவுள்ளம் கொள்வீராக” என்று வேண்டினர்.

குடிமக்கள் தேவலோகம் சேர்ந்தனர்.

ஶ்ரீ ராமர் முன்பு போல வைகுண்டத்தில் எழுந்தருளினார்.

இத்துடன் ராமாயணத்தில் வரங்கள் என்ற தொடர் முடிவடைகிறது.

இந்தத் தொடரை ஆதரித்த அனைவருக்கும் நன்றி!

ஶ்ரீ ராம ஜெயராம ஜெய ஜெய ராம ஓம்!                                        ஶ்ரீ ராம ஜெயராம ஜெய ஜெய ராம ஓம்!

***    முற்றும்