All posts by Tamil and Vedas

வாதாபி கணபதிம் பஜே ஹம் ; புதிய பிள்ளையார் புராணம் – பகுதி 4

mumbai-ganesh-8

Written by London swaminathan

 

Date: 6 September 2016

 

Time uploaded in London: 19-16

 

 

Post No.3128

 

Pictures are taken from various sources; thanks.

 

 

வாதாபி கணபதிம் பஜே ஹம்

வாதாபி கணபதிம் பஜே

 

ganesha

முதல் மூன்று பகுதிகளில் பல புகழ்பெற்ற பிள்ளையார்களைக் கண்டோம்; பிள்ளையார் பற்றி ஏராளமான வியப்பான, அதிசயமான செய்திகள் உண்டு. கணேசனைப் பற்றி ஒரு என்சைக்ளோபீடியா – கலைக் களஞ்சியமே தேவை; இதுவரை அது இல்லாதது ஒரு குறையே. எல்லாப் பிள்ளையார்களையும் விட அதிக வரலாற்றுச் சிறப்புமிக்க பிள்ளையார் வாதாபி கணபதி; முத்து சுவாமி தீட்சிதரின் அற்புதமான சம்ஸ்கிருத கீர்த்தனையில் இடம் பெற்றவர் வாதாபி கணபதி; நரசிம்மவர்மனின் வெற்றிக்குக் காரணமானவர் வாதாபி கணபதி.

 

சுருக்கமாக காண்போம்:– இரண்டாவது புலிகேசி என்னும் சாளுக்கிய மன்னன் தமிழ்நாட்டில் காஞ்சீபுரத்திலிருந்து ஆண்ட மகேந்திர பல்லவ வர்மனைத் தோற்கடித்தான். அவனது மகன் பெயர் நரசிம்ம வர்மன். பெயருக்கு ஏற்ற நர சிங்கம்தான் அவன். தந்தையைத் தோற்கடித்த புலிகேசியைப் பழிவாங்க பரஞ்சோதி என்ற  கமாண்டரின் (படைத் தளபதி)

தலைமையில் ஒரு படையை கர்நாடகத்திலுள்ள பாதாமிக்கு (வாதாபி) அனுப்பினான். அவர் சாளுக்கியப் படைகளைச் சிதறடித்தார். அங்கே பல்லவர்களின் கொடி பறக்கத் துவங்கியது. அப்போது அந்த நகரிலிருந்த கணபதியையும் எடுத்து வந்து தனது சொந்த ஊரான திருச்செங்காட்டங்குடியில் நிறுவினார். அதற்கு வாதாபி கணபதி என்று பெயர்.

stamps-on-ganesh

ஆயினும் நரசிம்ம வர்மனின் காலத்துக்கு முன்னரே கணபதி வழிபாடு பிரபலமானது சம்பந்தரின் தேவாரப் பாடலாலும் (பிடி அதன் உரு உமை  கொள மிகு கரி அது), சா. கணேசனின் பிள்ளையார்பட்டி ஆய்வாலும் (பகுதி மூன்றில் காண்க), காஞ்சி பரமாசார்ய சுவாமிகள் திருவாரூர் கணபதி பற்றி ஆற்றிய சொற்பொழிவாலும் தெளிவாகிறது.

 

எப்படியும் வரலாற்று ஆய்வுக்கும் வழிபாட்டுக்கும் பயன்படுகிறார் வாதாபி கணபதி.

வாதாபியை எப்படி அகத்தியர் வெற்றிகண்டாரோ அப்படி நரசிம்ம வர்மன் வாதாபியை வென்றான் என்று பல்லவர் கல்வெட்டுகள் புகழாரம் சூட்டுகின்றன (வாதாபி ஜீர்ணோ பவ: கதையை தனியாக முன்னரே கொடுத்துள்ளேன்) இந்த வாதாபி கணபதி கதையை முத்துசாமி தீட்சிதரும் தனது ஹம்சத்வனி ராக கீர்த்தனையில் சொல்லுவது சிறப்புக்குரியது.

 

எப்படியும் வரலாற்று ஆய்வுக்கும் வழிபாட்டுக்கும் பயன்படுகிறார் வாதாபி கணபதி.

 

திருவாருருக்கு அருகில்தான் திருச்செங்காடங்குடி உளது. நரசிம்மவர்மனின் படைத் தளபதியாக இருந்த பரஞ்சோதிதான் பெரிய புராணத்தில் சிறுத்தொண்ட நாயனாராகத் தோன்றுகிறார். அவருடைய சிவபக்தியை அறிந்த பல்லவ மன்னன் அவரைப் போற்றி வணங்கி படைப் பொறுப்புகளிலிருந்து விடுவித்து இறைப்பணியைத் தொடர வேண்டுகிறான். அவருடைய ஊருக்கு கணபதீச்வரம் என்றும் பெயர்.

 

வெள்ளை விநாயகர்

 

திருவலஞ்சுழி என்னும் தலத்தில் இவர் கோவில் கொண்டுள்ளார்.

 

வெள்ளை என்பதை சம்ஸ்கிருதத்தில் ஸ்வேத என்பார்கள். இதிலிருந்துதான் WHITE ஒய்ட் (SWHITE= white) என்ற ஆங்கிலச் சொல்லும் உதித்தது. இந்த வெள்ளை விநாயகர் வழக்கத்திற்கு மாறான பொருளால் செய்யப்பட்டதால் அபிஷேக ஆராதனை யின்றி சிறப்புச் சாத்துமுறையுடன் வழிபடப்படுகிறார். சிற்ப வேலைப்படுமிக்க பலகணி வழியாக இவரைத் தரிசிக்கலாம்.

 ganesh-chaturthi-01-jpgfp

Final touches given to Ganesh in Mumbai

படிக்காசு விநாயகர்

பஞ்சம் நிலவிய காலத்தில் அப்பரும் சம்பந்தரும், திருவீழிமிழலையில்

 

“வாசி தீர வே காசு நல்குவீர்” — என்று சிவ பெருமானை நோக்கிப் பதிகம் பாடினர். நாள்தோறும் கோவில் படியில் ஒரு தங்கக் காசு வீதம் வந்தது. அங்கிருக்கும் பிள்ளையார் படிக்காசு பிள்ளையார் ஆவார்.

இவர் பேரளத்திலிருந்து நாலு மைல் தொலைவில் கோவில் கொண்டுள்ளார். தமிழ் அறிஞர் மீனாட்சிசுந்தரம் பிள்ளையால் துதிக்கப் பெற்றவர்:-

 

கடிக்காசு மதியொரு அணி

கடவுள் எங்கள்

குடிக்காசு தவிர்த்து அருள்

செய் படிக்காசு மழகளிற்றை

குறித்து வாழ்வாம்

எனப் போற்றப்படுவார்.

vyasaganesasivaraman

ஊருக்கு ஊர், தெருவுக்குத் தெருவில் உள்ள எல்லாப் பிள்ளையார்களின் கதைகளைத் தொகுத்தால் ஒரு கலைக் களஞ்சியம் வெளியிடலாம். இதே போல மஹராஷ்டிரத்திலும் எட்டு புகழ்பெற்ற விநாயகர் கோவில்கள் உள. அவைகளைப் பின்னொரு சதுர்த்தியில் தரிசிப்போம்.

 

–சுபம்–

 

 

 

Leave a comment
by Tamil and Vedas on September 6, 2016  •  Permalink
Posted in சமயம். தமிழ், சரித்திரம்
Tagged ,

Posted by Tamil and Vedas on September 6, 2016

https://tamilandvedas.com/2016/09/06/%e0%ae%b5%e0%ae%be%e0%ae%a4%e0%ae%be%e0%ae%aa%e0%ae%bf-%e0%ae%95%e0%ae%a3%e0%ae%aa%e0%ae%a4%e0%ae%bf%e0%ae%ae%e0%af%8d-%e0%ae%aa%e0%ae%9c%e0%af%87-%e0%ae%b9%e0%ae%ae%e0%af%8d-%e0%ae%aa%e0%af%81/

ராமன்-சுக்ரீவன் நட்புறவு ஒப்பந்தம்! கம்பன் தரும் சுவைமிகு தகவல்

sugreeva

Written by London swaminathan

 

Date: 6 September 2016

 

Time uploaded in London: 9-42 AM

 

 

Post No.3127

 

Pictures are taken from various sources; thanks.

 

 

இரண்டாவது உலக யுத்தத்திற்குப் பின்னர் பல ராணுவ உடன்பாடுகள் ஏற்பட்டன. எல்லோருக்கும் நன்கு தெரிந்தது நேட்டொ (North Atlantic Treaty Organisation)  எனப்படும் மேலை நாடுகளின் கூட்டணியாகும். இதில் முக்கியமான விதி கூட்டணியிலுள்ள ஒரு நாட்டை ஏதாவது ஒரு நாடு தாக்கினால் உடனே இந்தக் கூட்டணியும் தலை யிடும். அங்கே தர்ம, நியாயம் என்பதெல்லாம் கிடையாது. என் நண்பனை நீ தாக்கினாய், ஆகையால் நான் உன்னத் தாக்குவது சரியே என்பது அவர்தம் கொள்கை.

 

இதே போல அரசியல் கட்சிக் கூட்டணிகள் பல அமைகின்றன ; போகின்றன. இ வைகளுக்கெல்லாம் மூலம் ராமாயணத்தில் உள்ளது! கம்பன் ஒரு பாட்டில் சொல்வது நமக்கே வியப்பைத் தரும். இதோ பாருங்கள்:–

 

 

என்ற அக் குரக்கு வேந்தை இராமனும் இரங்கி நோக்கி

உந்தனக்கு உரிய இன்ப துன்பங்கள் உள்ள முன் நாள்

சென்றன போக மேல்வந்து உறுவன தீர்ப்பல் அன்ன

நினறன எனக்கும் நிற்கும் நேர் என மொழியும் நேரா

 

மற்று இனி உரைப்பது என்னே வானிடை மண்ணில் நின்னைச்

செற்றவர் என்னைச் செற்றார் தீயரே எனினும் உன்னோடு

உற்றவர் எனக்கும் உற்றார் உன்கிளை எனது காதல்

சுற்றம் உன் சுற்றம் நீ என் இன்னுயிர்த் துணைவன் என்றான்.

 

பொருள்:-

 

நட்புறவு ஒப்பந்தத்தின் முக்கிய ஷரத்துகள் (அம்சங்கள்):-

1.இனி உனக்கு வரக்கூடிய துன்பங்களைத் தவிர்க்க உதவுவேன்

2.இதற்கு முன் உனக்கும் எவருக்கும் பகைமை, சண்டை சச்சரவுகள் இருந்தால் அதில் எனக்குப் பொறுப்பில்லை

3.இனி உனக்கு இன்பம் வந்தால் அதில் 50 சதவிகிதம் உனக்கு; மீதி 50 சதவிகிதம் எனக்கு; அதே போல துன்பம் வந்தாலும் இருவரும் சமமாக பங்கு போடுவோம்

4.உன்னை யார் தாக்குகின்றனரோ அவர் என்னையே தாக்கியதாகக் கருதப்படுவார்

5.கொடியவரே என்றாலும் உன்னுடன் நட்புடையவர் எமக்கும் நண்பரே

6.உன் உறவினர் யாவரும் என் உறவினர்; அன்புகாட்டும் எம் உறவினரும் உனக்குச் சொந்தம் (யாதும் ஊரே, யாவரும் கேளிர்).

7.நீ இன்றுமுதல் என் ஆருயிர்த் தோழன்

 

எவ்வளவு தெளிவான பேச்சு. இக்காலப் பத்திரிக்கைகள் கூட இப்படி இரண்டே பாடலில் — எட்டே வரிகளில் இப்படிச் சுருக்கி வரைய முடியாது!

ram lak

வாலியை, இராம பிரான் மறைந்திருந்து கொன்றதை, இந்த சமாதான உடன்பாட்டின் பின்ன்ணியில் நோக்கினால் தர்ம- நியாயம் விளங்கும்!

 

இதில் குறிப்பிடத்தக்க அம்சம் ஐந் தா வது எண்ணாகும். கொடியவரே என்றாலும் உன் நண்பன் எனக்கும் சிநேகிதனே. அதாவது நட்புறவு ஒப்பந்தம் வந்துவிட்டதால் அங்கே தர்ம நியாயம் கிடையாது! இது இன்றும் இன்டெர்நேஷனல் பாலிடிக்ஸில் INTERNATIONAL POLITICS கடைப்பிடிக்கும் கோட்பாடு.

 

இராக் அதிபர்  சதாம்ஹுசைனையும், லிபியா அதிபர் கர்னல் கடாபியையும் அநியாயமாகக் கொன்றது அமெரிக்கா. ஏன்? பெட்ரோல்

 

தர மறுத்தனர். உடனே அமெரிக்கவுக்கு வால் பிடிக்கும் பிரிட்டன், ஆஸ்திரேலியா, ஜெர்மனி , பிரான்ஸ் போன்ற நாடுகள் படை அனுப்பி உதவி செய்தன. இன்று அதன் காரணமாக புதிய முஸ்லீம் பயங்கரவாதம் தலை தூக்கி இருக்கிறது.

 

ஹிட்லருக்குத் துணை போனதற்காக அப்பாவி புத்த மதத்தினர் மீது — பொது மக்கள் மீது – அணுகுண்டு போட்டு லட்சக் கணகானோரை அமெரிக்கா கொன்று குவித்தது ; யாரும் கண்டிக்கவில்லை; கா ரணம் நட்புறவு ஒப்பந்தம்!

 

ஆப்கனிஸ்தானத்துக்குள் ரஷ்யப் படைகள் புகுந்து நீண்ட நெடுங்காலம் நிலை கொண்டிருந்தன. அதை அப்போதைய பாரதப் பிரதமர் இந்திரா காந்தி ஆதரித்துக் குரல் கொடுத்தார். எத்தனை வெளிநாட்டு நிருபர்கள் எத்தனை முறை  கேள்வி கேட்டாலும் ரஷ்யா செய்தது நியாயமே என்றார். காரணம்? ரஷ்யா என்பது, இந்தியாவின் நீண்ட நெடுங்கா ல நட்புறவு நாடு. அதை விட்டுக்கொடுக்க முடியாது.

 

ஆனால் ஒரு மிகப்பெரிய வித்தியாசத்தைச் சுட்டிக்காட்டி கட்டு ரையை முடிப்பேன். ராமன் சொன்ன சொல் தவறாதவன்! சத்ய தர்ம பராக்ரமன்! ஆனால் மேலே குறிப்பிட்ட மேலை நாடுகளும் அரசியல் கூட்டணிகளும் தம் நிலையை மாற்றிக் கொண்டே இருப்பர்.

இந்த சத்தியத்தினால்தான் ராமனை இன்றும் வழிபடுகிறோம். அரசியல் கங்கை என்னும் தர்மப் பிரவாகத்தில் அரசியல் கட்சிக் கூட்டணிகள்அடித்துச் செல்லப்படும்.

 

-Subham–

Leave a comment
by Tamil and Vedas on September 6, 2016  •  Permalink
Posted in கம்பனும் பாரதியும், சமயம். தமிழ்
Tagged , ,

Posted by Tamil and Vedas on September 6, 2016

https://tamilandvedas.com/2016/09/06/%e0%ae%b0%e0%ae%be%e0%ae%ae%e0%ae%a9%e0%af%8d-%e0%ae%9a%e0%af%81%e0%ae%95%e0%af%8d%e0%ae%b0%e0%af%80%e0%ae%b5%e0%ae%a9%e0%af%8d-%e0%ae%a8%e0%ae%9f%e0%af%8d%e0%ae%aa%e0%af%81%e0%ae%b1%e0%ae%b5%e0%af%81/

விண்வெளியிலிருந்து விழுந்த வீரர்கள்! (Post No. 3126)

Fallen_Astronaut

Written by S NAGARAJAN

 

Date: 6 September 2016

 

Time uploaded in London: 5-47 AM

 

 

Post No.3126

 

Pictures are taken from various sources; thanks.

  

2-9-2016  பாக்யா இதழில் அறிவியல் துளிகள்  தொடரில் வெளியாகியுள்ள கட்டுரை

விண்வெளியிலிருந்து விழுந்த வீரர்கள்!

ச.நாகராஜன்

 

book

அபாயம் என்பது விண்வெளிப் பயணத்தின் ஒரு பகுதி! விண்வெளிப் பயணத்தில் உள்ள சவால்களைத் துணிச்சலாக எதிர்கொண்ட விண்வெளி வீரர்களை நாம் நினைவில் இருத்திப் போற்றுகிறோம்      – நினைவு நாளின் போது விண்வெளி வீராங்கனை ஐலீன் காலின்ஸ்

 

விண்வெளி சரித்திரம் விந்தையான தியாகங்கள் நிறைந்த ஒன்று.

சுமார் 45 ஆண்டுகளூக்கு முன்பு 1971ஆம் ஆண்டு ஆகஸ்ட் மாதம் இரண்டாம் தேதி அபல்லோ விண்கலத்தில் சந்திரனுக்குச் சென்ற டேவ் ஸ்காட் மற்றும் ஜிம் இர்வின் ஆகியோர் தரை நிலையத்திலிருந்து  தங்களுக்குக் கட்டளை இடப்படாத ஒரு சிறிய சடங்கை சந்திரனிலிருந்து கிளம்பும் முன்னர்  தாங்களாகவே செய்து முடித்தனர். எந்த ஒரு காமராவின் கண்ணிலும் படாமல் அவர்கள் இதைச் செய்து முடித்தனர்.

 

சந்திரனின் மேற்பரப்பில் ‘விழுந்த வீரர்கள்’ என்ற பொருள் படும்  ‘FALLEN ASTRONAUTS’ என்ற வாசகங்களை எழுதி ஒரு நினைவுச் சின்னத்தை வைத்தனர். இந்தச் சின்னத்த்தில் அமெரிக்க மற்றும் ரஷிய விண்வெளி வீரர்களின் 14 பெயர்கள் பொறிக்கப்பட்டிருந்தன.மனித வரலாற்றில் விண்வெளிப் பயணம் தொடங்கியதிலிருந்து விண்வெளி வெற்றிக்காகத் தங்கள் இன்னுயிரைத் தியாகம் செய்த விண்வெளி வீரர்களின் பெயர்கள் தாம்  இவை எட்டரை செண்டிமீட்டரில் ஒரு அலுமினிய சிற்பமானது பால் வான் ஹோய்டொன்க் என்பவரால் செய்யப்பட்ட்து. அபல்லோ 15 பயணத்திற்கு முன்னர் இந்த சிற்பியை விண்வெளி வீரர் ஸ்காட் ஒரு இரவு விருந்தில் சந்தித்தார். அங்கு தான் அந்தச் சிற்பி ஒரு சிறிய நினைவுச் சின்னத்தைச் செய்ய ஒப்புக் கொண்டார். அதில் ஒரு விண்வெளி வீரர் விண்வெளி உடையில் இருப்பது போல சித்தரிக்கப்பட்டது. சிறபம் இலேசாக எடை அதிகமின்றி செய்யப்பட்டது. ஆனால் சந்திரனில் ஏற்படும் மிக அதிக உஷ்ணநிலையையும் தாங்கும் படி வடிவமைக்கப்பட்டது. இதை பயணம் வெற்றிகரமாக முடியும் வரை ரகசிய்மாக வைத்திருப்பதாக இருவரும் முடிவு செய்தனர். பயணம் வெற்றிகரமாக முடிந்த பின்னர் பூமிக்குத் திரும்பிய பின்னர் தான் ஸ்காட் ஒரு பத்திரிகையாளர் கூட்டத்தில் இதை வெளிப்படுத்தினார்.

 

நினைவுச் சின்னத்தையும் அதில் பொறிக்கப்பட்ட பெயர்களையும் கொண்ட ஒரே ஒரு போட்டோ மட்டும் எடுக்கப்பட்டிருந்தது.

 

இந்தச் சிறிய சடங்கு, அந்தச் சின்னத்தில் பொறிக்கப்பட்ட பெயர்கள் ஆகியவற்றால் உத்வேகம் பெற்று FALLEN ASTRONAUTS என்ற புத்தகத்தை விண்வெளி சரித்திரத்தை எழுதி வரும் எழுத்தாளர்களான காலின் பர்கெஸ், கேட் டூலன் மற்றும் பெர்ட் விஸ் ஆகியோர் எழுதி இப்போது வெளியிட்டுள்ளனர்.

 

Fallen Astronauts Memorial

Fallen Astronauts Memorial

இந்த 14 வீரர்களின் வரலாறையும் இந்தப் புத்தகம் விரிவாகச் சொல்கிறது. இவர்கள் எப்படி இன்னுயிரைத் தியாகம் செய்ய நேர்ந்தது என்பதை நூல் உருக்கமாக விளக்குகிறது இவர்களில்  பலர் விண்ணில் பறக்கும் போது இறக்கவில்லை.

 

விளாடிமிர் கொமாரோவ் தனது சோயுஸ் 1 கலம் பிரதான பாராசூட் சரியாக வேலை செய்யாததால் விபத்துக்குள்ளாகி பூமியில் மோதி மரணமடைந்தார்.

சோயுஸ் 11 கலமானது சல்யுட் என்ற விண்வெளி ஸ்டெஷனிலிருந்து விடுபட்டு வெளி வரும் போது ஒரு கசிவினால் காபினில் அழுத்தம் குறைந்து போகவே மூச்சுத் திணறி மரணமடைந்தனர்.

 

அபல்லோ 1 விண்கலப் பயணத்தை மேற்கொள்ளவிருந்த கஸ் க்ரிஸாம், எட் ஒய்ட், ரோஜர் காஃபீ ஆகியோர் பறப்பதரற்கு முன்னாலேயே தரை சோதனை ஒன்றின் போது விபத்துக்குள்ளாகி இறந்தனர்.

 

மற்ற அனைவரும் விமான விபத்து, நோய்வாய்ப்படல், கார் விபத்து ஆகியவற்றால் மரணமடைந்தனர். இதில் முதன் முதலாக விண்ணீல் பறந்த யூரி ககாரின் விமான விபத்து ஒன்றில் இறந்ததாக அறிவிக்கப்பட்டது.

 

இது தவிர இன்னும் பல வீரர்களும் உயிர்த் தியாகம் செய்துள்ளனர். ஆனால் அவர்கள் பெயர்கள் சந்திரனில் உள்ள நினைவுப் பலகையில் இல்லை.

 

உதாரணமாக ரஷிய வீரர் க்ரிகோர் நெல்யுபோவ் என்ற ரஷிய வீரரைக் கூறலாம். 1963இல் இராணுவ பாதுகாப்பு ரோந்துப் படையுடன் ஏற்பட்ட மோதலால் இவர் விண்வெளித் திட்டத்திலிருந்து நீக்கப்பட்டார். 1966இல் ரயில் முன் குதித்ததாலோ அல்லது தற்செயலாக ரயிலின் முன்னால்  வீழ்ந்ததாலோ மரணமடைந்தார். 1986ஆம் ஆண்டு வரை இவரை ரஷியா விண்வெளி வீரராக அங்கீகரிக்கவில்லை.

 

 newton apple

இப்படி பல சுவையான விஷயங்களை ஃபாலன் அஸ்ட்ரானட்ஸ் நூல் தருகிறது. நூலின் விலை 2300 ரூபாய்!

ஆண்டு தோறும் நினைவு நாள் என்று ஒரு நாளை அமெரிக்கா அனுசரித்து வருகிறது. அன்று விண்வெளிப் பயணத்திற்காக தங்களின் இன்னுயிரைத் தியாகம் செய்தோரை நினைவு கூர்ந்து அஞ்சலி செய்கிறது.  இதில் நாஸாவில் பணிபுரியும் அனைவரும் கலந்து  கொள்வது வழக்கம்.

 

இந்த விண்வெளி வீரர்களின் நினைவைப் போற்றி நாமும் கூட அஞ்சலி செய்வோமே!

 

 

அறீவியல் அறிஞர் வாழ்வில் .. . 

பிரபல விஞ்ஞானியான ஐஸக் நியூட்டன் வாழ்வில் ஏராளமான சுவையான சம்ப்வங்கள் உண்டு. அவற்றில் சில:

ஐஸக் நியூட்டனின் இளம் வயதில் நடந்தது இது. மற்ற சிறுவர்கள் எல்லோரும் விளையாடிக் கொண்டிருக்கும் போது அவர்களுடன் விளையாடாமல் ஐஸக் நியூட்டன் மரத்தால் பல்வேறு  மாடல்களில் கட்டிடங்களைக் கட்டிக் கொண்டிருந்தார். இந்த மாடலில் ஒரு காற்றாலை  (windmill) மாடலும் அடக்கம். இதை வீட்டின் கூரையில் பொருத்திப் பார்த்த போது அற்புதமாக அது வேலை செய்தது!

 

சிறுவனாக இருந்த போதே அவர் ஒரு ஒரிஜினல் டார்ச் லைட்டைத் தானாகவே செய்தார். பேப்பரினால் ஆன இது மடக்கி வைத்துக் கொள்ளக் கூடியது. அதைத் தன் பாக்கெட்டில் மடித்து வைத்துக் கொள்வார் அவர். பள்ளிக்குச் செல்லும் போது காலையில் இருள் சூழந்த குளிர்காலத்தில் அவர் இதை உபயோகிப்பது வழக்கம்!

 newton 3

சின்ன வயதிலேயே ‘சன் டயல்’ என்ப்படும் சூரிய கடிகாரத்தில் அபார மோகம் நியூட்டனுக்கு! அவர் அறை முழுவதும் சூரிய ஒளியால் நேரத்தைக் காட்டும் அடையாளங்கள் ஆங்காங்கே குறிக்கப்பட்டிருக்கும். இதனால் மணி, அரை மணி, கால் மணி உட்பட குறித்த நேரத்தை அவரால் சரியாக அறிய முடிந்தது. இதனால் சூரிய கணநிலை நேரம், சம இரவு நாள் உள்ளிட்ட அனனத்தையும் அவர் அறிந்தார்.

 

விஞ்ஞானியாக இருந்த போதே அரசாங்கத்தின் நாணயசாலைக்கு அவர் பெரிதும் உதவினார். போலி நாணயங்கள் பிரிட்டனில் உலவி வந்ததை நீக்க வழிமுறைகளைக் கண்டு கண்காணிப்பாளராக இருந்ததோடு தீவிரமான சீர்திருத்த  முறைகளை அமுல் படுத்தி கள்ள நாணயங்களை அவர் அறவே ஒழித்தார்.

 newton 1

அவர் வாழ்வில் சுவையான் சம்பவங்கள் இது போல இன்னும் ஏராளம் உண்டு!

**********************

 

Leave a comment
by Tamil and Vedas on September 6, 2016  •  Permalink
Posted in அறிவியல்
Tagged , , ,

Posted by Tamil and Vedas on September 6, 2016

https://tamilandvedas.com/2016/09/06/%e0%ae%b5%e0%ae%bf%e0%ae%a3%e0%af%8d%e0%ae%b5%e0%af%86%e0%ae%b3%e0%ae%bf%e0%ae%af%e0%ae%bf%e0%ae%b2%e0%ae%bf%e0%ae%b0%e0%af%81%e0%ae%a8%e0%af%8d%e0%ae%a4%e0%af%81-%e0%ae%b5%e0%ae%bf%e0%ae%b4%e0%af%81/

Part- 3 Strange Stories from Ganesh Temples in Tamil Nadu (Post No. 3125)

ganesh in drama

Written by London swaminathan

 

Date: 5 September 2016

 

Time uploaded in London: 18-25

 

 

Post No.3125

 

Pictures are taken from various sources; thanks.

ganesh dinamalar

One of the oldest or the oldest of Ganesh temples in Tamil Nadu is Pillayarpatti. Pillayar is the Tamil name for Lord Ganesh. Pillayar patti is in between Karaikkudi and Tiruppattur, very near Kundrakkudi. The small town itself is named after Ganesh. It is a cave temple, probably older than the Pallava cave temples of Tamil Nadu. Scholars who studied the inscriptions around the temple came to the conclusion that Pandyas made it before the Pallava Temples.

 

Other clues come from the statue carved out of the rock. It is six-foot-tall and the trunk turns towards right hand side. Most of the Ganesh statues will have the trunk turning towards left.

 

Apart from this, the big statue has got only two arms unlike other statues which have four arms. This Ganesh sits in Ardha Padma asana and the tusks are long and short. No ankusam and Pasam (weapons); modakam in right hand. This Ganesh is known as Karpaka Vinayakar and Desi Vinayakar Pillayar in the inscriptions. Ganesh shrine here is the main shrine and bigger than other shrines.

pillayarpatti

image of Pillayarpatti Vinayaka

Ganesh Temples in North Arcot Area

In the Northern Tamil Nadu we have three important Ganapathy temples. One of them is at Senpakkam near Vellore. Two hundred years ago a minister by name Tukoji Rao was travelling in a cart which hit a stone protruding from the ground. The stone was bleeding and the cart couldn’t move any further. Tukoji  Rao had to spend his night there. He had a dream of Ganesh asking him to build a temple.  Actually the bleeding stone was a Ganesh statue. He got grant from the king and built a temple over Ganesh that was dug out of the ground.

 

Another miracle happened some decades ago. When Kanchi Paramacharya (Senior Shankaracharya of Kamakoti Mutt) visited Vellore he asked the Mutt staff to break 108 coconuts for the Ganesh. It is a tradition followed in Ganesh temples. Somehow the staff forgot it. When he was coming towards Vellore his junior came behind him, on the elephant in a procession. The elephant refused to move in to Senpakkam road when it came to the junction and was goiing circles in the same junction. Suddenly the staff remembered Senior Shankaracharya’s instruction. Immediately they broke 108 coconuts for Senpakkam  Ganesh. The elephant moved and made their journey smooth.

 

GINGER GANAPATHY ganesh pepper

Ganesh shaped in ginger and capsicum

Tiruvalam is another place where Vinayaka has a small shrine. It is believed that Vinayaka went around his father and mother to get the mango fruit (please see the story in the first part). Ganesh statue is on the banks of the River Ponnai. Famous Saivaite saint Nambi Andar Nambi praised this Ganesh in his hymn.

 

Another Ganapathy is called Mayapillayar (Magical Ganesh). It is said that he appeared there magically. He came out of nothing. He is in Tiruppattur (North Arcot).

 

To be continued…………………………..

 

 

Leave a comment
by Tamil and Vedas on September 5, 2016  •  Permalink
Posted in Miracles, Religion
Tagged , , ,

Posted by Tamil and Vedas on September 5, 2016

https://tamilandvedas.com/2016/09/05/part-3-strange-stories-from-ganesh-temples-in-tamil-nadu-post-no-3125/

புதிய புராணம் பகுதி-3 வலஞ்சுழி,இடஞ்சுழிப் பிள்ளையார்கள் (Post No.3124)

ganesh dinamalar

Written by London swaminathan

 

Date: 5 September 2016

 

Time uploaded in London: 9-33 AM

 AM

 

Post No.3124

 

Pictures are taken from various sources; thanks.

 

pillayarpatti

Picture: Pillayarpatti Ganesh

முதல் இரண்டு பகுதிகளில் புகழ் மிகு பிள்ளையார்களையும் அவர்கள் பற்றிய ஸ்தல புராணக் கதைகளையும் அறிந்தோம். பிள்ளையார் சிலைகளை உற்று நோக்குவாருக்கு துதிக்கை வலமாகச் சுழிக்கப்பட்டுளதா அல்லது இடமாகச் சுழிக்கப்பட்டுளதா என்பதை யும் காண்பர். அதிலும் ஒரு தனி மகிமை உண்டு.

 

முதல் இரண்டு பகுதிகளில் புகழ் மிகு பிள்ளையார்களையும் அவர்கள் பற்றிய ஸ்தல புராணக் கதைகளையும் அறிந்தோம். பிள்ளையார் சிலைகளை உற்று நோக்குவாருக்கு துதிக்கை வலமாகச் சுழிக்கப்படுளதா அல்லது இடமாகச் சுழிக்கப்பட்டுளதா என்பஹையும் காண்பர். அதிலும் ஒரு தனி மகிமை உண்டு. பெரும்பாலும் இடமாகச் சுழிக்கப்பட்டிருக்கும்.

 

புகழ்பெற்ற, மிகப் பழமையான பிள்ளையார்பட்டிக் கோவிலில் விநாயகர் துதிக்கை வலமாகச் சுழித்திருப்பதைக் காணலாம். இது ஒன்பது நகரத்தார் கோவில்ல்களில் ஒன்று. சுமார் 1600 ஆண்டுப் பழமையுடையது. திருச் செங்காட்டங்குடி வாதாபிக் கணபதிக்கும் முந்தையவர் இவர் என்பதற்கு அங்கே இருக்கும் கல்வெட்டுகள் சான்று பகரும். இது பாண்டியர் காலக் குடைவரைக் கோவில்.

 

காரைக்குடி- திருப்புத்தூர் வழித்தடத்தில் குன்றக்குடிக்கு அருகில் அமைந்துள்ளது. ஏனைய சிவன் கோவிலகளில் பிள்ளையார் ஒரு துணைச் சந்நிதியில் அமர்ந்திருப்பார். ஆனால் இங்கோ பிள்ளையார்தான் முதலிடம். ஊரின் பெயரும் பிள்ளையாரின் பெயரில் அமைந்திருப்பது தனிச் சிறப்பு. இந்த ஊரின் பழைய பெயர் எருக்காட்டூர். பிள்ளையாரின் உயரம் ஆறு அடி.

 

பிள்ளையார்பட்டி குடைவரையில் உள்ள பெருபரணன் கல்வெட்டைக் கொண்டு ஆராய்ந்தால் இது பல்லவர் காலத்துக்கும் முன்னர் அமைந்த கோவில் என்பது விளங்கும் என்பார் கம்பன் அடிப்பொடி சா. கணேசன்.

 

இந்தப்பிள்ளையரை தேசி விநாயகப் பிள்ளையார் என்றும் கல்வெட்டுகள் குறிப்பிடும்.

 

இவர்தான் பழைய பிள்ளையார் என்பதற்கு ஆராய்ச்சியாளர்கள் காட்டும் சான்றுகள்:–

துதிக்கை வலம் சுழித்ததாக அமைந்தது

நான்கு கைகள் இல்லாமல் இரண்டு கரத்துடன் விளங்குவது

அங்குச பாசங்கள் காணப்படாமை

வயிறு ஆசனத்தில் படாமல் அர்த்தபத்ம ஆசனம் போலக் கால்கள் மடிந்திருப்பது.

வலக்கரத்தில் மோதகம் வைத்திருப்பது

இடக்கரத்தை கடிக ஹஸ்தமாக இடையில் நாட்டிப் பெருமிதக் கோலம் கொண்டிருப்பது.

வலது தந்தம் நீண்டும் இடது தந்தம் குறுகியும் காணப்படுவது.

 

வலஞ்சுழிப் பிள்ளையார்தான் ஓம்கார ஸ்வரூபமென்பதையும், சிலைகளாகப் பிள்ளையார் உருப்பெருமுன், ஓம்கார சொரூபமாக அவர் வணங்கப்பட்டார் என்பதற்கும் இது சான்று ஆகும்.

ganesh in drama

சேண்பாக்கம் ஏகாதச (11) ஸ்வயம்பு கணபதி மூர்த்தங்கள்

 

இங்குள்ள 11 கணேச மூர்த்திகளும் ஓம்கார வடிவில் அமைந்திருக்கின்றன. 1865 ஆம் ஆண்டு மந்திரி துக்கோஜி ராவ் வண்டியில் வந்துகொண்டிருந்தபோது, பூமியில் சிறு அளவில் வளர்ந்திருந்த பிள்ளையார் சிலை மீது இடித்தவுடன் ரத்தம் வந்ததாகவும் உடனே வண்டி நகரவில்லை என்றும் சொல்லுவர். துக்கோஜிராவ் அன்றிரவு முழுவதையும் அங்கேயே செலவிட நேரிட்டது. அவரது கனவில் தோன்றிய கணபதி தமக்குக் கோவில் எழுப்புமாறு சொன்னவுடன் அவர் ராஜ மான்யங்களோடு ஒரு கோவிலை எழுப்பினார்.

 

இதே போல காஞ்சிப் பெரியவர் அங்கு சென்றபோதும் ஒரு அற்புதம் நடந்தது. அவர் வேலூர் விஜயம் மேற்கொள்ள இருந்தபோது சேண்பாக்கம் கணபதிக்கு 108 சிதறு தேங்காய்கள் உடைக்கும்படி கூறி இருந்த போதும் சிஷ்யர்கள் அதை மற ந்துவிட்டனர். அவ்வழியே பெரியவர்களுக்குப் பின்னால் யானை மீது புதுப் பெரியவர் வந்து கொண்டிருந்தார். நெடுஞ்சாலையிலிருந்து சேண்பாக்கத்துக்கு பிரிந்து செல்லும் இடத்துக்கு யானை வந்தபோது, இருந்த இடத்திலேயே சுற்றத் துவங்கியது. இது ஏன் என்று மடத்து நிர்வாகிகள் யோசித்துக் கொண்டிருந்தபோது பெரியவர் 108 தேங்காய் உடைக்கச் சொன்னதும் அதைத் தாங்கள் மறந்ததும் மடத்து நிர்வாகிகளுக்குந் நினைவுக்கு வந்தது. உடனே 108 தேங்கய்களைக் கொண்டுவந்து சிதறுகாய் போட்டதும் யானை நகரத் துவ ங்கியது. பெரியவர்கள், அதையடுத்து சேண்பக்கத்துக்கு விஜயம் செய்து அங்கு ஒரு நாள் முழுதும் தங்கி அபிஷேக ஆராதனைகளை நடத்தினார்.

 

வடஆற்காடில் இது தவிர திருப்பத்தூர் மாயப்பிள்ளையார்,திருவலம் வந்த விநாயகர் ஆகியோரும் பிரபலமானவர்கள்.

திருப்பத்தூர் மாயப் பிள்ளையார் திடீரென்று பூமியிலிருந்து தோன்றியதாக பக்தர்கள் கூறுவர்.

திருவலம் என்னும் தலம் நம்பியாண்டார் நம்பியால் பாடப்பெற்ற இடம் ஆகும். பொன்னை நதிக்கரை யில் அமைந்த ஆலயத்தில் அம்மை அப்பனை வலம் வந்து மாங்கனி பெற்ற பிள்ளையாருக்கு தனி சந்நிதி ஒன்று உள்ளது.

GINGER GANAPATHY  ganesh pepper

Picture of Ganesh shaped vegetables

ஏனைய பிள்ளையார் கதைகளை 4-ஆவது பகுதில் பார்ப்போம்.

 

Source Books:

பிள்ளையார் பட்டி தல வரலாறு -சா.கணேசன், 1983

காணாபத்யம்- செந்தில் துறவி, 1968

 

 

 

 

 

 

Leave a comment
by Tamil and Vedas on September 5, 2016  •  Permalink
Posted in சமயம், சமயம். தமிழ், Uncategorized
Tagged , , ,

Posted by Tamil and Vedas on September 5, 2016

https://tamilandvedas.com/2016/09/05/%e0%ae%aa%e0%af%81%e0%ae%a4%e0%ae%bf%e0%ae%af-%e0%ae%aa%e0%af%81%e0%ae%b0%e0%ae%be%e0%ae%a3%e0%ae%ae%e0%af%8d-%e0%ae%aa%e0%ae%95%e0%af%81%e0%ae%a4%e0%ae%bf-3-%e0%ae%b5%e0%ae%b2%e0%ae%9e%e0%af%8d/

பிள்ளையாரைத் தமிழர்கள் கும்பிடவில்லையா??!! (Post No.3123)

ganesh laddu

Written by S NAGARAJAN

 

Date: 5 September 2016

 

Time uploaded in London: 5-05 AM

 

Post No.3123

 

Pictures are taken from various sources; thanks.

 

ச.நாகராஜன்

 

ganapathy, mysore

இணைய தளம் வந்து விட்ட காலத்திலிருந்து எல்லோரும் அறிஞர்களே!

மனதில் தோன்றுவதையெல்லாம் எழுதி இணையத்தில் “போடுவதைக்” கருத்துச் சுதந்திரம் என்று எடுத்துக் கொண்டு விட்டு விடலாம்.

ஆனால் நச்சுக் கருத்துக்களைப் பரப்புவர்களை மன்னிக்க முடியாது!

 

 

தீய சக்திகளின் கொள்கை பரப்பாளர்களுக்கு இணைய தளம் ஒரு வேடிக்கையான விளையாட்டுக் களம்

ஆரியர், ஐயர் என்று திட்டுவது, பிள்ளையாரில் ஆரம்பித்து கிராமத்து ஐயனார் வரை எல்லாக் கடவுளரையும் (இயேசு அல்லா நீங்கலாக – இவர்களைத் திட்டினால் தீட்டி விடுவார்களே) திட்டுவது – இதுவே இவர்களுக்குப் பொழுது போக்கு.

 

 

இவர்களின் எழுத்துக்களில் கருத்துக்களை விட ஆபாசமான வார்த்தைகளுக்கே முதலிடம் தருவது வழக்கம்.

இப்போது விநாயக சதுர்த்தி வருவதை  முன்னிட்டு பிள்ளையார் தமிழர் தெய்வமே இல்லை, பிள்ளையார் வழிபாடு பிற்காலத்தில் புகுத்தப்பட்ட வழிபாடு என்று ஒரு புரளியை தீய சகதியின் ‘அறிஞர்’ ஒருவர் இணையதளத்தில் பதிய விட்டிருக்கிறார்.

 

 

ஆனால் அது பதிய விட்ட போதே வாடி வதங்கி விட்டது.அந்தக் கருத்து பதிய விட்ட போதே அதைத் தமிழர்கள் அபார்ஷன் செய்து விட்டார்கள்!

 

ஏனெனில் பிள்ளையார் தமிழரின் தெய்வம் இல்லை என்றால் வேறு யார் தான் தமிழர் தெய்வம்!

 

தென்னாடுடைய சிவனே போற்றி எந்நாட்டவர்க்கும் இறைவா போற்றி என்பது தமிழர்களின் முழக்கம்.

 

சிவன் அமைத்த தமிழ்ச்சங்கத்தை இன்றும் மீனாட்சி அம்மன் கோவிலில் கண்டு மகிழலாம்.

 

புலவர்கள் புடை சூழ இறையனார் அமர்ந்திருக்கும் கம்பீரமே கம்பீரம். அங்கு முழக்கமிட்ட தமிழ் மொழியே உண்மையில் தெய்வ மொழி.

 

 ganapathy swastik

சிவனின் அருமை மகனான பிள்ளையார் அல்லவா சங்கத் தமிழ் மூன்றையும் தருபவர். அவரது தம்பியான முருகன் அல்லவா தமிழ் முருகன்! அப்பனுக்கு மந்திரத்தின் பொருள் விளக்கம் சொன்ன தகப்ப்ன் சாமி தமிழுக்கும் அல்லவா பொருளுக்கும் பொருளானவர்!

 

ஆக இந்தப் பிள்ளையாரை தமிழர்களாகிய நாம் கும்பிடவே இல்லை என்பது தீய சக்திகளின் இமாலயப் பொய்!

 

திருமுருகாற்றுப்படை என்பது சங்க இலக்கியத்தில் பழமையான நூல். இதன் காலம் குறைந்த பட்சம் 2000 ஆண்டுகளுக்கு  முந்தையது.இதில் கடைசியில் உள்ள பத்து வெண்பாக்களில் ஏழாம் வெண்பாவில் “ஒரு கை முகன் தம்பியே” என்று விநாயகர் குறிப்பிடப்படுகிறார்.

 

 

தமிழ் மூதாட்டியும் உலக அறிஞர்களில் ஒருவருமான ஔவையார் யாரிடம் சங்கத் தமிழைத் தனக்குத் தந்து அருளுமாறு வேண்டினார்?

 

பாலும் தெளி தேனும் பாகும் பருப்பும் இவை                            

நாலும் கலந்துனக்கு நான் தருவேன்  – கோலஞ்செய்                                 

துங்கக் கரிமுகத்துத் தூமணியே நீ எனக்கு                            

சங்கத் தமிழ் மூன்றும் தா!”

 

 

அடடா, என்ன ஒரு வணிக நேர்த்தி!

 

நான்கு தருகிறாராம், ஆனால் மூன்று கொடுத்தால் போதுமாம்!

பாகும் தேனும் பாகும் பருப்பும் ஆகிய நான்கையும் பெற்ற பிள்ளையார் முத்தமிழையும் அள்ளித் தராமலா இருப்பார்!

அருளினார்! ஔவையைப் பாட வைத்தார்! இறவாப் புகழை அளித்தார்.

 

 

வாக்குண்டாம் நல்ல மனமுண்டாம் மாமலராள்               

நோக்குண்டாம் மேனி நுடங்காது பூக்கொண்டு                       

துப்பார் திருமேனி தும்பிக்கையான் பாதம்                

தப்பாமல் சார்வார் தமக்கு!

 

 ganesa shrine,thailand

ஔவையின் வாக்கைக் கடைப்பிடித்து பூக்கொண்டு விநாயக சதுர்த்தி அன்று தப்பாமல் பிள்ளையாரை வணங்குவோம்!

தீய சக்திகள் அழிந்து தமிழ் நாடு நல்ல சக்திகளின் இருப்பிடமாக ஆக வேண்டுவோம்!

*********

Leave a comment
by Tamil and Vedas on September 5, 2016  •  Permalink
Posted in சமயம், சமயம். தமிழ்
Tagged , ,

Posted by Tamil and Vedas on September 5, 2016

https://tamilandvedas.com/2016/09/05/%e0%ae%aa%e0%ae%bf%e0%ae%b3%e0%af%8d%e0%ae%b3%e0%af%88%e0%ae%af%e0%ae%be%e0%ae%b0%e0%af%88%e0%ae%a4%e0%af%8d-%e0%ae%a4%e0%ae%ae%e0%ae%bf%e0%ae%b4%e0%ae%b0%e0%af%8d%e0%ae%95%e0%ae%b3%e0%af%8d-%e0%ae%95/

விநாயகப் பெருமானின் 16 நாமங்கள் (Post No.3122)

ganesh muslim

COMPILED by London swaminathan

 

Date: 4 September 2016

 

Time uploaded in London: 18-20

 

Post No.3122

 

Pictures are taken from various sources; thanks.

 

(நாமம் = பெயர்)

 

மங்களம் வாய்ந்த ஸுமுகன்

ஒற்றைக் கொம்பை உடைய ஏக தந்தன்

கபில நிறம் வாய்ந்த கபிலன்

யானைக் காதுகள் உள்ள கஜகர்ணன்

பெரும் வயிற்றோடு கூடிய லம்போதரன்

குள்ளத் தோற்றமுள்ள விகடர்

சகல விக்கினங்களுக்கும் ராஜாவான விக்னராஜன்

தனக்கு மேல் ஒருவன் இல்லாத நாயகன் விநாயகன்

நெருப்பைப்போல ஒளிவீசும் தூமகேது

பூத கண ங்களுக்குத் தலைவரான கணாத்யக்ஷன்

நெற்றியில் பிறைச்சந்திரனைச் சூடிய பாலசந்திரன்

யானை முகத்தையுடைய கஜானனன்

வளைந்த துதிக்கை உள்ள வக்ரதுண்டன்

முறம் போன்ற காதுகள் உடைய சூர்ப்பகர்ணன்

தம்மை வணங்கி நிற்கும் பக்தகோடிகளுக்கு அருள்புரியும் ஹேரம்பன்

கந்தப் பெருமானின் அண்ணனான ஸ்கந்தபூர்வஜன்

–இவ்வாறு சொல்லப்படும் பிள்ளையாரின் 16 நாமங்களையும்

கல்வி கற்கும் போதும், வீட்டைவிட்டுப் புறப்படும்போதும்,

போர்க் காலத்திலும், இன்னலுற்றபோதும்

யாராவது வாசித்தாலும், கேட்டாலும் அவர்களுக்கு

எந்த இடையூறும் வராது.

–கந்த புராணம்

 

எளிதில் நினைவிற்கொள்ள ஸ்லோக வடிவில்

 

ஸுமுகைஸ்சேகதந்தஸ்ச கபிலோகஜகர்ணக:

லம்போதரஸ்ச விகடோ விக்னராஜோ விநாயக:

தூமகேதுர்கணாத்யக்ஷ பாலச்சந்த்ரோ கஜானன:

வக்ரதுண்ட ஸூர்பகர்ண ஹேரம்பஸ்கந்தபூர்வஜ:

 

32 வகைப் பிள்ளையார்

 

 

–SUBAHM–

Leave a comment
by Tamil and Vedas on September 4, 2016  •  Permalink
Posted in சமயம். தமிழ்
Tagged ,

Posted by Tamil and Vedas on September 4, 2016

https://tamilandvedas.com/2016/09/04/%e0%ae%b5%e0%ae%bf%e0%ae%a8%e0%ae%be%e0%ae%af%e0%ae%95%e0%ae%aa%e0%af%8d-%e0%ae%aa%e0%af%86%e0%ae%b0%e0%af%81%e0%ae%ae%e0%ae%be%e0%ae%a9%e0%ae%bf%e0%ae%a9%e0%af%8d-16-%e0%ae%a8%e0%ae%be%e0%ae%ae/

ராமன் வியப்பு! யார் இந்தச் சொல்லின் செல்வன்? (Post No.3121)

96910-kkish1

Written by London swaminathan

 

Date: 4 September 2016

 

Time uploaded in London: 13-11

 

Post No.3121

 

Pictures are taken from various sources; thanks.

 

 

கம்ப ராமாயணம் கிஷ்கிந்தா காண்டத்தில்தான் அனுமன் என்னும் கதாபாத்திரம் அறிமுகமாகிறான். அதைத்தொடர்ந்து அனுமன்– ராமன் சந்திப்பும், சுக்ரீவன் — ராமன் சந்திப்பும் நடைபெறுகிறது. இதை சுவையாக வருணிக்கிறான் கம்பன்.

 

“அஞ்சனைக்கு ஒரு சிறுவன் அஞ்சனக் கிரி அனைய

மஞ்சனைக் குறுகி ஒரு மாணவப் படிவமொடு” –

(அஞ்சனையின் மகனான அனுமன் ஒரு பிரம்மச்சாரி வடிவம் கொண்டு இராம, இலக்குவர் இருக்கும் இடம் செல்கிறான்).

 

இராம இலக்குவரை மறைவில் நின்று பார்த்து “கருணையின் கடல் அனையர்” என்று மதிப்பிடுகிறான். பின்னர் அவன் மனதில் தோன்றியதை கம்பன் வருணிக்கும் அழகே தனி:-

 

“சதமன் அஞ்சுறு நிலையர்

தருமன்  அஞ்சுறு சரிதர்

மதனன்  அஞ்சுறு வடிவர்

மறலி அஞ்சுறு விறலர்”

 

jaya hanuman

பொருள்:–

 

இந்திரனும் (சதமன்) அஞ்சும் தோற்றத்தை உடையவர்,

தருமதேவனும் கண்டு அஞ்சும் ஒழுக்கம் உடையவர்,

மன்மதனும் (மதனன்) இவர்கள் முன் நிற்க அஞ்சும் அழகர்கள்,

யமனும் (மறலி) அஞ்சும் வீரர்கள்.

 

என்ன அழகான வருணனை!

 

அடுத்த ஒரு பாடலில் வள்ளுவன், கடவுளுக்குத் தரும் ‘தனக்குவமை இலாதான்’ என்ற  அடைமொழியை கம்பன், அனுமனுக்குச் சூட்டி மகிழ்கிறான். அனுமனை ” தன் பெருங் குணத்தால் தன்னைத் தான் அலது ஒப்பு இலாதான் – என்கிறான் கம்பன் .

 

ராமனையும் லட்சுமணனையும்  நேரில் பார்த்த அநுமன்

 

“வெல்கம் டு கிஷ்கிந்தா” – என்கிறான். அதாவது “கவ்வை இன்றாக நுங்கள் வரவு” (உங்கள் வரவு துன்பமில்லாத நல் வரவு ஆகுக) என்கிறான்

 

இப்படி ஒரு பிரம்மச்சாரிப் பையன் (அனுமன்) வரவேற்றவுடன் ராமலெட்சுமணருக்கு பெரு மகிழ்ச்சி. நீ யார் என்று ராமன் வினவுகிறான்..

 

உடனே அனுமன்,

“யான் காற்றின் வேந்தற்கு

அஞ்சனை வயிற்றில் வந்தேன், நாமமும் அனுமன் என்பேன் ” என்று பதில் தருகிறான்.

உடனே ராமனும் அனுமனை எடை போட்டு விடுகிறான். அப்பொழுது ராமன் சொன்ன சொற்கள் அனுமனுக்குக் கிடைத்த மிகப் பெரிய பட்டம் ஆகும்!

 

 

இல்லாத உலகத்து எங்கும் இங்கு இவன் இசைகள் கூரக்

கல்லாத கலையும் வேதக் கடலுமே என்னும் காட்சி

சொல்லாலே தோன்றிற்று அன்றே யார்கொல் இச் சொல்லின் செல்வன்

வில்லாஆர் தோள் இளைய வீர விரிஞ்சனோ விடைவலானோ

 

இந்த உலகத்தில் எங்கும் புகழ் பரவும்படி (இசை=புகழ்),

இந்த அனுமன் கற்காத கலைகளும் கடல் போலப் பரந்த வேதங்களும், உலகில் எங்கும் இல்லை என்று கூறும் அளவுக்கு இவனுக்கு அறிவு இருக்கிறது. இது அவன் பேசிய சொற்களால் தெரிந்துவிட்டது அல்லவா?

வில்லையுடைய தோளுடைய வீரனே! இனிய சொற்களைச் செல்வமாக உடைய இவன் யாரோ? நான்முகனோ (விரிஞ்சன்)? அல்லது காளையை வாஹனமாக உடைய சிவனோ (விடைவலான்)?

 

இதன் காரணமாக அனுமனுக்குச் சொல்லின் செல்வன் என்ற பட்டம் கிடைத்தது. அதுவும் ராமன் வாயினால் கிடைத்த பட்டம்!

 

–subham–

 

 

Leave a comment
by Tamil and Vedas on September 4, 2016  •  Permalink
Posted in கம்பனும் பாரதியும், சமயம்
Tagged , ,

Posted by Tamil and Vedas on September 4, 2016

https://tamilandvedas.com/2016/09/04/%e0%ae%b0%e0%ae%be%e0%ae%ae%e0%ae%a9%e0%af%8d-%e0%ae%b5%e0%ae%bf%e0%ae%af%e0%ae%aa%e0%af%8d%e0%ae%aa%e0%af%81-%e0%ae%af%e0%ae%be%e0%ae%b0%e0%af%8d-%e0%ae%87%e0%ae%a8%e0%af%8d%e0%ae%a4%e0%ae%9a/

Ganesh who ate the Prasad: Strange Stories from Tamil Temples-Part 2 (Post No. 3120)

ganesh lanka

Written by London swaminathan

 

Date: 4 September 2016

 

Time uploaded in London: 11-30 AM

 

Post No.3120

 

Pictures are taken from various sources; thanks.

 

 

Maharashtra and Tamil Nadu celebrate Ganesh Chathurthy on grander scales than other states in India. And in the same way more temples are here for Vinayaka (Ganesh/Ganapathy) with lot of local stories. One speciality about Tamil Nadu is that some of the stories are over thousand years old. We have Ganesh stories associated with Tamil Saint Sundarar of eighth century CE.

 

Nambiandar Nambi was a famous Saivaite who compiled the Saivaite books. He was credited with rediscovering the Tamil Thevara Hymns hidden in the Chidambaram Nataraja Temple. He got the clue only from a Ganesh statue on the banks of a river in Tirunaraiyur. When he was a boy he used to accompany his father to the temple. One day his father could not go to the temple for his regular daily Puja (worship) and so the work was entrusted to Nambi. He went to the temple and did the Puja like his father and offered the Prasad (cooked food) to the God. But the Stony Ganesh never opened his mouth. Innocent Nambi thought that it was his erroneous Puja that made the Ganesh to shut his mouth. So he started banging his head on the granite stones of the temple in frustration. Suddenly Ganesh came out of the rock and ate the food offering he brought from home. From that day he was called Polla Pillayar (the naughty Ganesh). It is believed he was the one who guided Nambi to Chidambaram to find the Thevaram Hymns.

vinayaka girls

Sundarar and Gold coins

Following story is from my previous post:-

Teleportation Miracles in Hindu scriptures

Posted on 6 March 2013

“Sundarar was one of the great Four Saivaite saints of Tamil Nadu. He lived in 8th century AD. Like other three saints he also did several miracles. One of the miracles involves teleportation. Sundarar was empty handed when he went to Vriddhachalam temple near Chennai. He was always generous in asking, in fact demanding.  He never acted like a beggar while he was begging. He sought “only gold” whenever he prayed for money. Knowing his status Shiva was also generous in giving. When Sundarar prayed for gold coins Shiva gave him 12,000 gold coins. Money always comes with problems. How to carry such a big load safely? was Sundarar’s worry. His home town Tiruvarur is not nearby. Again he went to Shiva for a solution. He told him to throw them in to the river Manimutharu and collect them at the Kamalalayam Tank in Tiruvarur temple! If it was hard earned money Sundarar would have hesitated, but it was money that came easily. So he left them in the river and went to Tiruvarur.

 

Sundarar told his wife Paravai that he was going to collect the coins from the local temple tank at Tiruvarur and asked her to accompany him. She would have thought that Sundarar had gone mad. But yet like a faithful wife, she followed him with lot of doubts in her mind. Sundarar stood on the banks of the vast tank (biggest temple tank in Tamil Nadu) and started singing hymns praising Lord Shiva. Surprise! Surprise! All the 12,000 coins came out intact as if they were minted under the tank!

Vridhachalam also known as Tirumudukundram is situated between Chennai and Trichy very near Viluppuram.”

 

And here comes our Ganesh!

When Sundarar threw the money into the river, he tested the god coins whether they were real gold coins. He made the Ganesh as a witness for all his activities there. So the Ganesh is called Maatru Uraiththa Pillayar, meaning Ganesh who tested the fineness of the gold coins.

ganesh making2

Uchchi Pillayar of Trichy

It is unusual for a Ganesh temple to be located on a hill top. And in Trichy we have a very famous temple on the top of a hill. Since he is at the top he is called Uchchi Pillayar (Ganesh at Top)

 

Manakkulam (Pondicherry) Vinayakar

Vinayaka means one who has none above him. He is the leader. Manakkulam Vinayaka very near the beach in Pondicheri is famous for two reasons. The greatest of the Tamil poets of modern era is Bharatiyar. When he fought for independence of India, he used to hide in the French ruled Pondicheri of Tamil Nadu (now it is a separate state). He used to worship at the temple and he sang hymns on this Ganesh naming his in poem as Manakkula Vinayaka. Thus Manakkulam Ganesh became immortal in his poems.

 

The second reason was that the French rulers of Pondicheri never liked big crowd assembling in front of the temple and making ‘noise’. So they threw the Ganesh statue into the sea. Surprise! surprise! The stony Ganesh (Manakkulam Vinayakar) was there in his original place the very next morning. When it came to the knowledge of the surprised authorities they helped Hindus to build a temple. Till today he is attracting a large crowd.

ganapathy rangoli

To be continued……………………….

Leave a comment
by Tamil and Vedas on September 4, 2016  •  Permalink
Posted in Religion
Tagged , , , , ,

Posted by Tamil and Vedas on September 4, 2016

https://tamilandvedas.com/2016/09/04/ganesh-who-ate-the-prasad-strange-stories-from-tamil-temples-part-2-post-no-3120/

புதிய பிள்ளையார் புராணம்- பகுதி-2; நம்பியின் உணவுண்ட பொல்லாப் பிள்ளையார்! (Post No 3119)

ganesh lanka

புதிய பிள்ளையார் புராணம்- பகுதி-2; நம்பியின் உணவுண்ட பொல்லாப் பிள்ளையார்! (Post No 3119)

 

Written by London swaminathan

 

Date: 4 September 2016

 

Time uploaded in London: 5-55 AM

 

Post No.3119

 

Pictures are taken from various sources; thanks.

 

 

பகுதி ஒன்றில் மதுரை முக்குறுணி விநாயகர், கும்பகோணம் கரும்பாயிரம் பிள்ளையார் கதைகளை  அறிந்தோம். நம்பியண்டார் நம்பியின் உணவை உண்டு அனைவரையும் அதிசயத்தில் ஆழ்த்திய பொல்லாப் பிள்ளையார் திருநாரையூரில் வெள்ளாற்றங்கரையிலே வீற்றிருக்கிறரர்.

ganapathy rangoli

அவர் கதையையும் கேளுங்கள்!

சிதம்பரத்திலிருந்து 10 மைல் தொலைவில் திருநாரையூர் இருக்கிறது. ஆனந்தேச சிவாச்சாரியார் இங்கு பூஜை செய்து வந்தார். ஒருநாள் அவரால் பூஜைக்குச் செல்ல முடியாததால், தனது மகன் நம்பியாண்டார் நம்பியை அழைத்து, கணபதிக்குப் பூஜை செய்துவிட்டு இறைவனுக்கு அமுதும் படைத்து வா என்று அனுப்பிவைத்தார். கள்ளமில்லா உள்ளம் படைத்த நம்பி, பூஜையை முறைப்படி செய்துவிட்டு, பிள்ளையாருக்கான நைவேத்தியத்தைப் படைத்துவிட்டு பிள்ளையார் உண்ட பின் வீடு திரும்புவோம் என்று காத்திருந்தான். நெடு நேரம் ஆகியும் கல்லுப் பிள்ளையார் கல்லாகவே காட்சிதந்தார். ஒரு அங்குலம் கூட நகரவில்லை; வாயையும் திறக்கவில்லை.

 

தான் செய்த பூஜையில் தவறு இருந்ததால்தான், கணேசன் வாய் திறக்கவில்லை என்று அருகிலுள்ள கருங்கல்லில் தலையை மோதிக்கொள்ளத் துவங்கினார். தனது “தவற்றுக்கு” தானே தண்டனை கொடுத்தபோது, பிள்ளையார் அவர் முன் தோன்றி உணவு வகைகளை வாங்கி வயிறு புடைக்கத் தின்றார். பொல்லாப் பிள்ளையார் அல்லவா!! அந்தப் பிள்ளையாரின் அருளால்தான் சிதம்பரத்தில் இருக்கும் தேவாரப் பதிக ரகசியமும் அவருக்குத் தெரிய வந்தது.

தேவாரத் திருமுறைகளைத் தமிழ்கூறு நல்லுலத்துக்குக் காப்பாற்றிக் கொடுத்த பிள்ளையாரை நல்ல பிள்ளையார் என்றே சொல்ல வேண்டும்.

உச்சிப் பிள்ளையார்

தமிழ்நாடு முழுவதும் குன்றுதோராடுவது குமாரக் கடவுள்தான். ஆனால் திருச்சியில் மட்டும் மலை உச்சிக்குப் போய்விட்டார் குமரனின் அண்ணனான பிள்ளையார். ஆகையால் அவர் உச்சிப் பிள்ளையார் ஆகிவிட்டார்.

 ganesh making2

பாரதியார் பாடிய மணக்குள விநாயகர்!

 

சொற்தேரின் சாரதியாம் பாரதியின் வாயினால் வாழ்த்தப் படாத தெய்வம் இல்லை. ஆனால் அவை எல்லாம் பொதுவான பிரார்த்தனைகள். புதுச்சேரியிலுள்ள மணக்குள விநாயகர் மட்டும் ஊர்ப்பெயருடன் பாடப் பெற்றார். அதற்குக் காரணம் இல்லாமல் இல்லை.

 

புதுவை கடற்கரையில் கோயில் கொண்டுள்ள இந்தப் பிள்ளையாரைத் தரிசிக்க வரும் கூட்டம் நாளுக்கு நாள் அதிகரிக்கவே, கோபம் கொண்ட அந்நிய ஆட்சியாளர்கள், விநாயகர் சிலையை அகற்றி கடலில் போட்டுவிட்டனராம். ஆனால் மறு நாளே பிள்ளையார், இருந்த இடத்துக்கே வந்துவிட்டார். இதைக் கண்டு வியந்த அந்நிய ஆட்சியாளர் அவருக்குக் கோயிலும் எழுப்பிச் சிறப்பித்தனரம்.

 

இதோ பாரதியின் பாடல்:-

 

வாழ்க புதுவை மணக்குளத்து

வள்ளல் பாத மணி மலரே;

ஆழ்க உள்ளஞ் சலனமிலா

தகண்ட வெளிக்கண் அன்பினையே

சூழ்க; துயர்கள் தொலைந்திடுக;

தொலையா (இன்பம் விளைந்திடுக)

வீழ்க! கலியின் வலியெல்லாம்!

கிருத யுகந்தான் மேவுகவே.

vinayaka girls

மாற்றுரைத்த பிள்ளையார்

விருத்தாசலம் (திரு முதுகுன்றம்) மாற்றுரைத்த பிள்ளையார், சுந்தரர்- பரவை நாச்சியார் வாழ்வுடன் தொடர்புடையவர். பரவை நாச்சியாருக்கென வேண்டி சுந்தரர், சிவ பெருமானிடமிருந்து பொற்காசுகளைப் பெற்றார். அவற்றை மணிமுத்தாற்றில் இடுவ்தற்கு முன் அப்பொன்னை மாற்றுரைத்து, அதற்கு இப்பிள்ளையாரைச் சாட்சியாக வைத்ததால், அவர் மாற்றுரைத்த பிள்ளையார் எனப் பெயர் பெற்றார்.

 

To be continued…………………………………………………….

 

Leave a comment
by Tamil and Vedas on September 4, 2016  •  Permalink
Posted in சமயம், சமயம். தமிழ்
Tagged , , ,

Posted by Tamil and Vedas on September 4, 2016

https://tamilandvedas.com/2016/09/04/%e0%ae%aa%e0%af%81%e0%ae%a4%e0%ae%bf%e0%ae%af-%e0%ae%aa%e0%ae%bf%e0%ae%b3%e0%af%8d%e0%ae%b3%e0%af%88%e0%ae%af%e0%ae%be%e0%ae%b0%e0%af%8d-%e0%ae%aa%e0%af%81%e0%ae%b0%e0%ae%be%e0%ae%a3%e0%ae%ae-2/

« Older Posts
Newer Posts »