தேனீக்கள் ஏன் காலை உதறுகின்றன? புலவர்கள் கண்டுபிடிப்பு (Post No.4781)

Date: 24 FEBRUARY 2018

Time uploaded in London- 18-09

Written by London swaminathan

Post No. 4781

PICTURES ARE TAKEN from various sources. They may not be directly related to the article. They are only representational.

WARNING: PLEASE SHARE MY ARTICLES; BUT DON’T SHARE IT WITHOUT AUTHOR’S NAME AND THE BLOG NAME. BE HONEST; OTHERS WILL BE HONEST WITH YOU.

செல்வத்தைச் சேர்த்து வைத்து, தானும் அனுபவிக்காமல், பிறர்க்கும் கொடுக்காமல் இருப்பவர்களை தேனீக்களுக்கு ஒப்பிடுவது புலவர்கள் கையாளும் உவமை. நாலடியார் நூலைத் தொகுத்த பதுமனார் நவில்வதும், நீதி சாஸ்திரம் பாடிய சாணக்கியன் உரைப்பதும் இஃதே.

ஆனால் சாணக்கியன், எல்லோருக்கும் ஒரு படி மேலே சென்று தேனீ க்களை மிகவும் உன்னிப்பாகக் கவனித்ததால், இன்னும் அழகாகச் சொல்கிறான்:

தேயம்  போஜ்யதனம் ஸதா ஸுக்ருதிர்பினா ஸஞ்சிதவ்யம் ஸதா

ஸ்ரீகர்ணஸ்ய பலேஸ்ச விக்ரமபதேரத்யாபி கீர்த்திஹி ஸ்திதா

அஸ்மாகம் மது தான போக ரஹிதம் நஷ்டம் சிராத் ஸஞ்சிதம்

நிர்வாணாதிதி பாணிபாதயுகலே கர்ஷந்த்யஹோ மக்ஷிகாஹா

-சாணக்கிய நீதி 11-18

பொருள்

தெய்வபக்தி உள்ள மனிதர்கள் உணவையும் பணத்தையும் மற்றவர்களுக்கு அளிக்க வேண்டும்; அவைகளைச் சேர்த்து வைக்கக் கூடாது; கர்ணன், பலி, விக்ரமாதித்தன் ஆகியோரின் புகழ் இன்றும் நீடித்து நிற்கிறது; தேனீக்களைப் பாருங்கள்; எப்போது பார்த்தாலும் கைகளையும் கால்களையும் உரசிக் கொண்டும் உதறிக்கொண்டும் கதறுகின்றன. ஏன் தெரியமா? அவை சேகரித்த தேனை மற்றவர்கள் கொண்டு போவதால்தான்!

தேனீக்களை உற்று நோக்கினால் அவை எப்போதும் கால், கைகளை தேய்த்துக் கொண்டு இருப்பதைக் காணலாம்; இயற்கையில் இதற்கு வேறு காரணம் உண்டு; ஆனால் புலவர்கள் தன் கருத்தைப் புகுத்த இப்படிச் செய்வதைத் தற்குறிப்பேற்ற அணி என்பர்.

நல்ல உவமை!

நாலடியார் பாடிய பதுமனார்

உடாஅது முண்ணாதுந்தம் முடம்பு செற்றும்

கெடாஅத நல்லறமுஞ் செய்யார் – கொடாஅது

வத்தீட்டி நாரிழப்பர் வான்றோய் மலைநாட

உய்த்தீட்டுந் தேனீக்கரி

பொருள்:

தேனீயானது பல பூக்களில் இருந்து கொண்டு வந்து தேனைச் சேகரித்து வைக்க, அதை வேறு யாரோ எடுத்துக் கொண்டு போவது போல, தனக்கும் பிறர்க்கும் பயன்படாமல் சேர்த்து வைப்போரின் செல்வத்தை கள்ளர் முதலானோர் கொண்டு செல்லுவர்.

வான் தோய் மலை நாட= ஆகாயத்தை அளாவும் உயர்ந்த மலைகளை உடைய நாட்டு மன்னவனே!

உடாஅதும்= தான் உடுக்காமலும்

உண்ணாது = தான் சாப்பிடாமலும்

தம் உடம்பு செற்றும்= தமது உடலை வாட வைத்தும்

கெடாத நல்லறமும் செய்யார் = அழியாத நல்ல தருமங்களையும்  செய்யாராகி

கொடாது = வறியவர்களுக்குக் கொடுக்காமல்

ஈட்டினார்= சேர்த்து வைத்தவர்கள்

இழப்பர் =அந்த செல்வத்தை இழந்து விடுவர்

உய்த்து= பல மலர்களில் இருந்து கொண்டு வந்து

ஈட்டும் = சேர்த்து வைக்கிற

தேன் ஈ = தேனீயானது

கரி = இதற்குச் சான்று.

(நல்லவர்களை எப்படி அறியலாம்? பிறர் எழுதியதை, பிறர் எடுத்த படங்களை அவர்களுடைய பெயர்களுடன் வெளியிடுவார்கள். கெட்டவர்களை எப்படிக் கண்டுபிடிக்கலாம்? பிறர் எழுதியதை,அது வெளியான பிளாக், பத்திரிக்கை பெயர்களை நீக்கிவிட்டு , தங்களுடையது போல வெளியிடுவார்கள்;  கெட்டவர்களைக் கண்டுபிடிப்பது மிகவும் எளிது))

–Subham —

Date: 23 FEBRUARY 2018

Time uploaded in London- 7-59 am

Written by London swaminathan

Post No. 4777

PICTURES ARE TAKEN from various sources. They may not be directly related to the article. They are only representational.

WARNING: PLEASE SHARE MY ARTICLES; BUT DON’T SHARE IT WITHOUT AUTHOR’S NAME AND THE BLOG NAME. BE HONEST; OTHERS WILL BE HONEST WITH YOU.

பிராஹ்மணர்களில் நல்லவர் யார், கெட்டவர் யார் என்று 2300 ஆண்டுகளுக்கு முன்னரே சாணக்கியன் என்னும் மாமேதை செப்பிவிட்டான். அவன் பிராஹ்மணர்களுக்கு வகுக்கும் இலக்கணத்தைப் பார்க்கையில் இன்று வெகு சிலரே அந்த இலக்கண வரையறைக்குள் வருவார்கள். அவன் மௌரியப் பேர் அரசை ஸ்தாபித்த பின்னரும் குடிசையில் வாழ்ந்ததால் அவன் இவ்வளவு துணிச்சலாகப் பேச முடிந்தது; குணம் என்னும் குன்றேறி நின்றவன் அவன். அந்தணர் என்போர் அறவோர் என்ற சொற்களுக்கு முன் உதாரணமாகத் திகழ்ந்தவன். அவனுடைய ஸ்லோகங்களின் வாயிலாக நாம் மிலேச்சன், சண்டாளன் போன்ற சொற்களின் சரியான கணபரிமாணத்தை அறிய முடிகிறது. வெளி நாட்டினர் இந்தச் சொற்களுக்கு எல்லாம் விஷ(ம) அர்த்தம் கற்பித்து இருந்தனர்.

xxxx

ஒரே வேளை  மட்டுமே உணவு!

ஒரு நாளைக்கு ஒரு முறை மட்டும் சாப்பிட்டுத் திருப்தி அடைபவனும், ஆறு தொழில்களை மட்டும் செய்பவனும், மனைவியைக் குழந்தை பெறுவதற்காக மட்டும் அனுபவிப்பனும் ஆகிய பிராஹ்மணன் ‘த்விஜன்’ எனப்படுவான்.

த்விஜன்= இரு பிறப்பாளன்

அறுதொழிலோர்= வேட்டல், வேட்பித்தல், கற்றல் , கற்பித்தல், அறக்கொடை வழங்கல், அறக்கொடை பெறுதல் (திருக்குறள் 560)

காளிதாசன் ரகு வம்சத்தில் சொல்கிறான்: சூரிய குலத்து அரசர்கள், வம்சம் தழைக்க மட்டுமே மனைவியுடன் இருப்பார்களாம். அதாவது அவர்களை ‘செக்ஸ்’ sex பொருட்களாகப் பயன்படுத்த மாட்டார்களாம்; அதையே இங்கே சாணக்கியனும் மொழிவது குறிப்பிடத் தக்கது.

ஏக ஆஹாரேண ஸந்துஷ்டஹ ஷட் கர்ம நிரதஹ ஸதா

ருது காலாபிகாமி ச ஸ விப்ரோ த்விஜ உச்யதே

சாணக்கிய நீதி 11-12

xxxx

ரிஷி, முனிவர் யார்?

எந்த பிராஹ்மணன் காட்டில் வசித்துக்கொண்டு, தினமும், நிலத்தை உழாமல்- சாகுபடி செய்யாமல் —  வளரும் பழங்களையும், கிழங்குகளையும் உபயோகித்து சிரார்தம் செய்கிறானோ அவன் ரிஷி என அழைக்கப்படுவான்.

அக்ருஷ்ட பல மூலேன  வனவாசரதஹ ஸதா

குருதே அஹரஹஹ ஸ்ராத்தம்ருஷிர் விப்ரஹ ஸ உச்யதே

சாணக்கிய நீதி 11-11

இங்கே சிராத்த என்பது ஐந்து வேள்விகளைக் குறிக்கும் என்றே நான் நினைக்கிறேன்.

தென்புலத்தார் தெய்வம் விருந்து ஒக்கல் தான் என்று ஆங்கு

ஐம்புலத்தார் ஓம்பல் தலை (குறள் 43)

என்று வள்ளுவன் சொல்லுவதும் இதையேதான்.

xxx

நாய், பூனை வளர்ப்போன், விற்போன்

உலக விஷயங்களில் ஈடுபடுவோனும், நாய்,பூனை முதலிய மிருகங்களை வளர்ப்போனும், வியாபாரத்திலும், வேளாண்மையிலும் ஈடுபடுவோனும் ஆகிய பிராஹ்மணன், வைஸ்யன் எனப்படுவான். அதாவது பிராஹ்மண ரூபத்தில் உலவும் வைஸ்யன்.

லௌகிகே கர்மணி ரதஹ பசூனாம் பரிபாலகஹ

வாணிஜ்ய க்ருஷி கர்தா யஹ ஸ விப்ரோ வைஸ்ய உச்யதே

சாணக்கிய நீதி 11-13

xxxx

கள், மாமிஸம் விற்போர்

அரக்கு, எண்ணை, சாயப் பொருட்கள் (அவுரி), குங்குமப் பூ, தேன், கள், மாமிஸம் விற்போர் சூத்திரர்கள் என்று கருதப்படுவர்

லாக்ஷாதி தைல நீலானாம் குசும்ப மது ஸர்பிஷாம்

விக்ரேதா மத்ய மாம்ஸானாம் ஸ விப்ர சூத்ர உச்யதே

சாணக்கிய நீதி 11-14

xxx

ருத்ராக்ஷப் பூனை

மற்றவர்களின் வேலைகளில் இடையூறு உண்டாக்கும் , சுய நலமும், அகந்தையும் பொறாமையும், கொடூரமும் உள்ள பிராஹ்மணன் — பூனை எனப்படுவான்

(இது பஞ்ச தந்திரக் கதையிலும் மாமல்லபுர சிற்பத்திலும் வரும் ருத்ராக்ஷப் பூனை கதையாகும்; ருத்ராக்ஷப் பூனை பற்றிய எனது பழைய ஆராய்ச்சிக் கட்டுரையில் மேல் விவரம் காண்க)

பரகார்ய விஹந்தா ச தாம்பிகஹ ஸ்வார்தசாதகஹ

ச்சலீ த்வேஷீ ம்ருதுஹு க்ரூரோ விப்ரோ மார்ஜார உச்யதே

சாணக்கிய நீதி 11-15

xxx

மிலேச்சன்

நீர்த்தேக்கத்தையும், குளத்தையும், கண்மாய்களையும், தோட்டங்களையும், கோவில்களையும் அழிக்கும் பிராஹ்மணன் மிலேச்சன் (காட்டுமிராண்டி, பர தேஸி, வெளி நாட்டுக்காரன்) எனக் கருதப்படுவான்.

மிலேச்சர்கள் என்ற சொல் சங்கத் தமிழ் இலக்கியத்திலும் பயிலப்படுகிறது (முல்லைப் பாட்டு, வரி 66); பாரதியாரும், இந்து மத விரோத முஸ்லீம்களை மிலேச்சர் என்று அழைக்கிறார்; சிலப்பதிகாரத்திலும் இத்தாலி நாட்டவர்கள் (ரோம் நகர ஆட்சி) யவனர்கள்– மிலேச்சர் என்று அழைக்கப்படுகின்றனர். ஆனால் இந்தியாவைப் பிரித்தாள வந்த வெளிநாட்டினர், இது திராவிடர்களைக் குறிக்கும் என்று எழுதி வைத்தனர்; அதற்கு எந்த ஆதாரமும் இல்லை. அதாவது இந்து தர்ம விரோதிகளும், கொள்ளையர்களும் மிலேச்சர்கள் என்று அழைக்கப்பட்டனர். சாணக்கியனும் அணைகளை உடைப்பவர்களையும் புறச்சூழலெதிரிகளையும் கோவில்களை உடைப்போரையும் மிலேச்சர்கள் என்று சொல்வது குறிப்பிடத்தக்கது. 2300 ஆண்டுகளுக்கு முன்னர் கோவில் நிலங்களை, கோவில் நந்த வனங்களை அபகரித்தோரையும், சுயநலத்துக்காக அழித்தோரையும் சாணக்கியன் இந்தக் கடுமையான சொல்லைப் பிரயோகித்து சாடுகிறான்.

வாபீ கூப தடாகானாம் ஆராமஸுரவேஷ்மனாம்

உச்சேதனே நிராசங்கஹ ஸ விப்ரோ ம்லேச்ச உச்யதே

சாணக்கிய நீதி 11-16

xxxx

சண்டாளன்

கோவிலுக்கும் குருவுக்கும் கொடுக்கப்பட்ட பணத்தைத் திருடும், மற்றவர்களின் மனைவியரை அனுபவிக்கும், இது போன்ற அடிமட்ட மக்களுடன் கொஞ்சிக் குலாவும் பிராஹ்மணர்கள் சண்டாளர்கள் என்று அழைக்கப்படுவர்.

ராவணன் 50 சதவிகித பிராஹ்மணன்; அவன் மாற்றான் மனைவியைத் தொட்டதால் அழிந்தான். வெளி நாட்டினர் நான்கு ஜாதிகளுக்கு வெளியே இருந்தாரும் திராவிடர்களும் சண்டாளர்கள் என்று சொல்லி மதப் பிரசாரம் செய்தனர். ஆனால் நான்கு ஜாதிகளுக்குப் புறம்பானவர்கள் சண்டாளர்கள் அல்ல; திருடர்களும், பெண் பித்தர்களும், கீழ் மட்டத்தில் பன்றிகள் போல உழலுவோரும் மட்டுமே– பிராஹ்மணர்களாக இருந்தாலும்– அவர்கள் சண்டாளர்கள் என்று 2300 ஆண்டுகளுக்கு முன்னரே பகர்ந்தான் சாணக்கியன்.

இது வெளிநாட்டுக்கரகளின் சதியை அம்பலப்படுத்துகிறது

தேவ த்ரவ்யம் குரு த்ரவ்யம் பர தாராபிமர்ஷணம்

நிர்வாஹக ஸர்வபூதேஷு விப்ர சாண்டால/ள உச்யதே

சாணக்கிய நீதி 11-17

(நல்லவர்களை எப்படி அறியலாம்? பிறர் எழுதியதை, பிறர் எடுத்த படங்களை அவர்களுடைய பெயர்களுடன் வெளியிடுவார்கள். கெட்டவர்களை எப்படிக் கண்டுபிடிக்கலாம்? பிறர் எழுதியதை,அது வெளியான பிளாக், பத்திரிக்கை பெயர்களை நீக்கிவிட்டு , தங்களுடையது போல வெளியிடுவார்கள்;  கெட்டவர்களைக் கண்டுபிடிப்பது மிகவும் எளிது))

xxx SUBHAMxxxx

Date: 23 FEBRUARY 2018

Time uploaded in London- 5- 44am

Written by S NAGARAJAN

Post No. 4776

PICTURES ARE TAKEN from various sources. PICTURES  MAY NOT BE RELATED TO THE ARTICLE; THEY ARE ONLY REPRESENTATIONAL.

WARNING: PLEASE SHARE MY ARTICLES; BUT DON’T SHARE IT WITHOUT AUTHOR’S NAME AND THE BLOG NAME. BE HONEST; OTHERS WILL BE HONEST WITH YOU.

23-2-2018 பாக்யா இதழில் அறிவியல் துளிகள் தொடரில் வெளியாகியுள்ள (ஏழாம் ஆண்டு கடைசிக்) கட்டுரை

2018 விண்டர் ஒலிம்பிக்கில் ரொபாட்டுகள்!

Robots in 2018 Winter Olympics

ச.நாகராஜன்

“மற்ற எல்லா போட்டிகளும் தனிப்பட்ட நபர்களின் சாதனை. ஆனால் ஒலிம்பிக் விளையாட்டுக்களோவெனில் அனைவருக்கும் உரியவை”. – ஸ்காட் ஹாமில்டன்

2018 விண்டர் ஒலிம்பிக் போட்டிகள் தென் கொரியாவில் பிப்ரவரி 8ஆம் தேதி ஆரம்பித்து 25ஆம் தேதி முடிவடைகிறது. இந்தப் போட்டிகள் தென் கொரியாவின் தலைநகரான சியோலுக்குக் கிழக்கே 80 மைல் தொலைவில் உள்ள பியாங்சாங் என்னும் இடத்தில் நடைபெறுகிறது. 35000 பேர்கள் வசதியாகப் பார்க்கக் கூடிய ஸ்டேடியம் இங்கு உள்ளது. அத்துடன் எந்தப் போட்டி நடக்கும் இடமும் 30 நிமிடத்தில் டிரைவ் செய்து போகும் அளவுள்ள தூரத்திலேயே உள்ளது. 3894 விளையாட்டு வீரர்கள் தங்கும் வீடுகள் இங்கு அமைக்கப்பட்டுள்ளன. இன்னும் 2900  பேர் தங்க வசதியாக அருகிலேயே இன்னொரு தங்குமிடமும் உருவாக்கப்பட்டுள்ளது. 1924ஆம் ஆண்டு பிரான்ஸில் தான் முதல் விண்டர் ஒலிம்பிக் போட்டிகள் நடத்தப்பட்டன. தொடர்ந்து பல்வேறு நாடுகள் ஒலிம்பிக் போட்டிகளை நடத்த ஆர்வம் காட்டி வருகின்றன.இந்த இடைவிடா போட்டியில் இப்போது விண்டர் ஒலிம்பிக் நடத்துவதில் வெற்றி பெற்றுள்ளது!

தென்கொரியாவில் கோடைக்கால ஒலிம்பிக் போட்டிகள் 1988இல் நடந்தது. இப்போது இரண்டாவது முறையாக ஒலிம்பிக் இங்கு நடைபெறுகிறது! 15 வகை விளையாட்டுகளில் 102 நிகழ்ச்சிகள் நடைபெறும். இந்தப் போட்டிகளுக்காக 259 செட் மெடல்கள் விசேஷமாக வடிவமைக்கப்பட்டு தயாரிக்கப்பட்டுள்ளன.

ஒலிம்பிக் வரலாற்றிலேயே இந்த மெடல்கள் தாம் கனமானவை. தங்க மெடல் 1.29 பவுண்ட்; வெள்ளி மெடல் 1.28 பவுண்ட்; வெங்கல மெடல் 1.09 பவுண்ட்.

மெடலின்  முன் பக்கம் ஒலிம்பிக்கின் வளையங்கள் கொண்ட சின்னம் இருக்கும். பின் பக்கம் குறிப்பிட்ட விளையாட்டு, ஒவ்வொரு நிகழ்வின் பெயர் ஆகியவை பொறிக்கப்பட்டிருக்கும்!

சென்ற பத்தாண்டுகளில் நடந்த ஒவ்வொரு ஒலிம்பிக் போட்டிக்கும் ஆகும் செலவு 890 கோடி டாலர்கள் என்று மதிப்பிடப்படுகிறது. அதிகமாக ஆன செலவு லண்டனில் நடந்த ஒலிம்பிக் போட்டிகளுக்குத் தான்! 1500 கோடி டாலர்கள் செலவாயிற்று! தென்கொரியாவில் நடக்கும் இப்போதைய ஒலிம்க் போட்டிகளுக்கு ஆகும் உத்தேச செலவு 1000 கோடி டாலர்கள்!

ஆனால் வருமானமும் உண்டு. நிகழ்ச்சிகளை ஒளிபரப்பும் உரிமைகள் உள்ளிட்டவை வருமானத்திற்கான வழிகள்!

தென்கொரியாவில் நடைபெறும் விண்டர் ஒலிம்பிக்கின் முக்கிய கதாநாயகன் ரொபாட் தான்!

ஏற்கனவே தென்கொரியாவில் விமானநிலையத்தைச் சுத்தம் செய்யும் பணியை ரொபாட்டுகள் தான் மேற்கொண்டுள்ளன! பல இடங்களில் அவைகளே ஆங்கிலத்தைப் பயிற்றுவிக்கின்றன. 2016இல் தென் கொரியாவில் இருந்த ரொபாட்டுகளின் எண்ணிக்கை 41000! இப்போதோ இன்னும் அதிகம்!

ஒலிம்பிக் விளையாட்டில் 85 ரொபாட்டுகள் தம் திறமைகளைக் காண்பிக்கும். ஒலிம்பிக் தொப்பிகளை அணிந்து  47 அங்குல ரொபாட்டான ஹ்யூபோ டிசம்பரில் ஒரு காரை ஓட்டிச் சென்று காண்பித்தது.  ஒலிம்பிக் டார்ச்சைக் கொண்டு சென்று ஒரு சுவரை ஒரு குத்து குத்தித் தனது வலிமையை அது காண்பித்தது! இதை உருவாக்கியவர் பேராசிரியர் ஓ ஜுன் ஹோ. அவரிடம் இந்த டார்ச்சை ரொபாட் கொடுத்தது. இது இரும்பு மனிதன் ஸ்டைலில் வடிவமைக்கப்பட்ட அழிக்க முடியாத ரொபாட் என்பது குறிப்பிடத்தகுந்தது!

ஸ்கீயிங் போட்டியில் ரொபாட்டுகளும் கலந்து கொள்ளும் என்பது சுவையான் ஒரு செய்தி.

ரொபாட்டுகள் கொரிய மொழியில் பேசுவதோடு மொழிபெயர்ப்புப் பணியிலும் ஈடுபடும் திறன் உடையவை. கொரிய மொழி, சீனம், ஆங்கிலம், ஜப்பானிய மொழி ஆகியவற்றில் இவை மொழிபெயர்ப்பு செய்யக் கூடியவை!

சூஹோரங் என்ற வெள்ளைப்புலியையே தென்கொரியா இந்த ஒலிம்பிக்கில் தனது அடையாளச் சின்னமாக அமைத்துள்ளது. சூஹோ என்றால் காப்பாற்றுதல் என்று பொருள்.ரங் என்றால் வெள்ளைப்புலி.

வெள்ளைப்புலி தான் தென்கொரியர்களுக்குப் பிடித்தமான பாதுகாக்கும் மிருகம்!.  ரொபாட்டுகள் வெள்ளைப்புலி முகவணியைக் கொண்டு ஆடும், பேசும்.

சுத்தப்படுத்துதல் என்பது ரொபாட்டுகளுக்குக் கைவந்த கலை. பிரஷை கையில் எடுத்துக் கொண்டால் எந்த இடமும் சுத்தம் தான்! ஒரு  மணி நேரத்தில் 900 சதுரமீட்டர் பரப்பைச் சுத்தம் செய்ய வல்லவை இவை! குப்பைகளை எடுக்கும்; குப்பைத் தொட்டியில் போடும் – யார் மீதும் மோதாமல்!

பெயிண்டிங் ரொபாட்டுகள் கலைவண்ணம் காணும் ரொபாட்டுகள். தேவையான டிசைனைச் சொன்னால் வரைந்து விடும். ஆயிரம் வண்ணங்களின் கலவை இவற்றிற்குத் தெரியும் என்பதோடு இவை 20 மீட்டர் உயரம் அளவு பணி செய்யும் திறமை படைத்தவை.6 of

இத்துடன் ரோபோ பிஷ் என்று ஒரு வகை ரொபாட்டுகள் பார்வையாளர்களைக் கவரும் வண்ணம் நீருக்கு அடியில் நீந்தும். ஐந்து மீட்டர் ஆழம் வரை டைவ் அடிக்கும் இவை ஒரு அக்வேரியத்தில் அமைக்கப்பட்டிருக்கிறது.

இப்போது வீரர்கள் கவலைப்படுவது  மனிதனுக்கு மனிதன் போட்டி போடும் நிலையிலிருந்து மனிதன் – ரொபாட் என்ற ரீதியில் போட்டி போட வேண்டிய நிலை எதிர்காலத்தில் ஏற்பட்டு விடுமோ என்பது தான்!

அப்படிப்பட்ட ஒரு காலத்தில் வின்னர் யார்? நீங்களே எளிதில் ஊகிக்கலாம்.

வந்து விட்டது ரொபாட்டுகளின் காலம்!

அறிவியல் அறிஞர் வாழ்வில் .. ..

ஸ்டீபன் மக்னிக்கும் (Stephen Macknik) சூஸனா மார்டினெஸ் காண்ட் (Susana Martinez – Conde) ஆகிய இருவரும் நியூரோ ஸயின்ஸில் பெரிய விஞ்ஞானிகள். 1997ஆம் ஆண்டு ஹார்வர்ட் மெடிகல் ஸ்கூலில் இருவரும் சந்தித்தனர். விஷுவல் கார்டெக்ஸ் (Visual Cortex) எனப்படும் கட்புலப் புறணியின் (perception) அகப்பார்வை பற்றி இருவரும் ஆராய்ந்து வந்தனர்.இருவரின் ஆராய்ச்சியும் வெற்றி பெற்றதைத் தொடர்ந்து இருவரையும் லண்டனில் உள்ள யுனிவர்ஸிடி காலேஜ் அழைத்தது.

இருவரும் நெருக்கமாகப் பழகினர். ஒருவேளை நாம் டேடிங் செய்கிறோமா என்றார் ஸ்டீபன். ‘டேடிங்கா! சந்தேகமாக இருக்கிறது; அப்படி ஒன்றும் இருக்காது’ என்றார் சூஸனா. ஆனால் தொடர்ந்த பழக்கத்தால் இருவரும் மணம் புரிய நிச்சயித்தனர்.

கண் இயக்கம் பற்றியும் மூளை எப்படி ஒளியின் பிரகாசத்தை உணர்கிறது என்பதைப் பற்றியும் அவர்கள் தொடர்ந்து ஆய்வு நடத்தினர். அந்த ஆய்வுகள் கண் பார்வை பற்றிய பல உண்மைகளை விளக்கியதால் அவர்கள் உலகப் புகழ் பெற்றுள்ளனர்.

நாங்கள் இருவரும் ஒருவருக்கொருவரின் அறிவியல் பார்வையிலும் அறிவிலும் அதிக ஆர்வமும் விருப்பமும் கொண்டுள்ளோம்.அநத உறவு எங்கள் இதய ஆழத்திலிருந்து எழுகின்ற ஒன்று.”என்கிறார் சூஸனா.

காதலுக்குக் கண்ணில்லை என்ற முதுமொழி ஒரு புறம் இருக்க கண் பார்வை ஆராய்ச்சியே காதலை உறுதி செய்து இருவரை இணைய வைத்த அதிசய சம்பவம் அறிவியலிலும் இப்படி உண்டு!

xxxx

4-3-2011 இதழில் தொடங்கிய அறிவியல் துளிகள் தொடர் இந்த இதழுடன் ஏழு ஆண்டுகளை முடித்து எட்டாம் ஆண்டில் அடி எடுத்து வைக்கும் தருணம் இது.

பாக்யா ஆசிரியரும் தமிழர்களின் இதயம் கவர்ந்த டைரக்டருமான திரு கே.பாக்யராஜ் அவர்களின் ஆக்க பூர்வமான சிந்தனையும் ஊக்கமுமே இதைச் சாத்தியமாக்கியுள்ளது. தொடர்ந்து தங்கள் ஆதரவை நல்கி வரும் வாசகர்களே அறிவியல் துளிகளின் பலம். அழகுற நாளுக்கு நாள்  நிறைந்த உள்ளடக்கத்துடனும் கூடுதல் வடிவமைப்புப் பொலிவுடன் மிளிரும் பாக்யா நிச்சயமாக தமிழ் பத்திரிகைகளில் கமர்ஷியல் சிந்தனையின்றி அறிவு பூர்வமாகத் திகழும் வித்தியாசமான பத்திரிகை என்பதை அனைவரும் உறுதியாகச் சொல்ல முடியும். இந்தத் தருணத்தில் பாக்யா ஆசிரியருக்கும், பாக்யா இதழ் தயாரிப்பில் மிகுந்த ஈடுபாட்டுடன் பணியாற்றும் பாக்யா குழுவினருக்கும், தொடர்ந்து உற்சாக ஆதரவை நல்கி வரும் வாசகப் பெருமக்களுக்கும் எனது அன்பு கலந்த நன்றியைத் தெரிவித்துக் கொள்கிறேன். எட்டாம் ஆண்டில் இன்னும் பல சுவையான அறிவியல் செய்திகளைப் பார்ப்போம். நன்றி.வணக்கம்.

*****

Date: 22 FEBRUARY 2018

Time uploaded in London- 11-19 am

Written by London swaminathan

Post No. 4774

PICTURES ARE TAKEN from various sources. They may not be directly related to the article. They are only representational.

WARNING: PLEASE SHARE MY ARTICLES; BUT DON’T SHARE IT WITHOUT AUTHOR’S NAME AND THE BLOG NAME. BE HONEST; OTHERS WILL BE HONEST WITH YOU.

சொர்கத்துக்குப் போவோரின் அடையாளங்கள் – சாணக்கியன் செப்பியது (Post No.4774)

சாணக்கியன் என்னும் பிராஹ்மணன் 2300 ஆண்டுகளுக்கு முன் வாழ்ந்தான். அவன் பல வியப்பான செய்திகளைச் சொல்லுகிறான். அவன் பெரிய சாம்ராஜ்யத்தை ஸ்தாபித்த போதும் ஒரு குடிசையில் வாழ்ந்தான் அவன் பிராமணர்கள் பற்றி விளம்பும் பாடல்கள் சிந்தனையைத் தூண்டும் பாடல்கள்–

இதோ சில பாடல்கள்:

மயில்களும் பிராஹ்மணர்களும்

துஷ்யந்தி போஜனே விப்ரா மயூரா கணகர்ஜிதே

சாதவஹ பரசம்பத்தௌ கலஹ பரவிபத்திஷு

சாணக்கிய நீதி 7-9

பிராமணர்கள், சாப்பாட்டில் மகிழ்ச்சி அடைகிறார்கள்;

மயில்கள், இடி முழக்கத்தில் மகிழ்ச்சியுடன் ஆடுகின்றன;

நல்லவர்கள், மற்றவர்களின் முன்னேற்றம் கண்டு மகிழ்ச்சி அடைவர்;

கெட்டவர்களோ, ஏனையோரின் கஷ்டத்தில் கூத்தாடுவர்.

xxxx

பிராஹ்மணன் ஒரு மரம்!

பிராஹ்மணன் ஒரு மரம்; அந்த மரத்தின் வேர்கள்- காலை, மதியம், மாலையில் செய்யும் த்ரி கால சந்தியா வந்தனம் (காயத்ரீ மந்திரம்);

வேதங்கள், அந்த மரத்தின் கிளைகள்;

ஆன்மீகச் செயல்பாடுகள் (யாக யக்ஞக்கள்) அதன் இலைகள்;

ஆகையால் மரத்தின் வேர்களைப் பாதுகாருங்கள்;

வேர்கள் (சந்தியா வந்தனம்) அழிந்தால் கிளையும் இல்லை; இலையும் இல்லை!

விப்ரோ வ்ருக்ஷஹ தஸ்ய மூலம் ச சந்த்யா

வேதாஹா சாகா தர்ம கர்மாணி பத்ரம்

தஸ்மாத் மூலம் யத்னதோ ரக்ஷணீயம்

ச்சின்னே மூலே நைவ சாகா ந பத்ரம்

சாணக்கிய நீதி 10-13

xxxxx

பிராமணர்களின் பலம் அறிவு

Picture of Brain from Wellcome Centre, London

பாஹுவீர்யம் பலம் ராக்ஞோ ப்ராஹ்மணௌ ப்ரஹ்மவித் பலீ

ரூப  யௌவன மாதுர்யம் ஸ்த்ரீணாம் பலம் அனுத்தமம்

சாணக்கிய நீதி  7-11

புஜ பலம் (தோள் வலி) அரசனுக்கு பலம்;

வேதத்தில் வல்ல பிராஹ்மணனுக்கு அறிவு பலம்;

அழகு, இனிமை, இளமை ஆகியன பெண்களுக்கு ஈடு இணையற்ற பலம்

xxxx

Picture from Ratnagiri, by S Sivam

சொர்கத்துக்கு வழி

சொர்கத்துக்குப் போவோரின் நான்கு அடையாளங்கள் பூமியிலேயே

அவர்களின் செயல்பாட்டில் தெரிந்துவிடும் அவை யாவன:

அறப் பண்பு (தர்ம சிந்தனை), இனிய பேச்சு, கடவுள் வழிபாடு, பிராமணர்களுக்கு அன்னமிடுதல்

ஸ்வர்க  ஸ்திதானாம் இஹ ஜீவலோகே

சத்காரி சின்னானி வசந்தி தேஹே

தானப்ரஸங்கோ மதுரா ச வாணீ

தேவார்ச்சனம் ப்ராஹ்மணதர்பணம் ச

சாணக்கிய நீதி   7-16

xxx

திருப்தி வேண்டும்

திருப்தி அடையாத பிராஹ்மணர்கள்,

மன நிறைவு அடையாத மன்னர்கள்,

வெட்கப்படும் விபசாரிகள்,

வெட்கமே இல்லாத குடும்பப் பெண்கள்

ஆகிய நால்வரும் விளங்கமாட்டார்கள்.

அசந்துஷ்டா த்விஜா நஷ்டா சந்துஷ்டாஸ்ச மஹீபுஜஹ

ஸலஜ்ஜா கணிகா நஷ்டா நிர்லஜ்ஜாஸ்ச குலாங்கணாஹா

சாணக்கிய நீதி 8-18

xxx

 Picture by Lalgudi Veda

பிராஹ்மணன் அறிஞனா? இல்லையா?

பிராஹ்மணர்களின் அறிவுக்கு சான்றும் வேண்டுமோ!

வானத்தில் தூதர் யாரும் இல்லை;

எவரும் இதைப் பற்றிப் பேசவும் இல்லை;

முன்னரும் யாரும் சொல்லவில்லை;

எவரையும் தொடர்பு கொள்ளவுமில்லை;

வானத்தில் நிகழப்போகும் சூர்ய, சந்திர கிரஹணங்களை

முன்கூட்டியே சொல்கிற பெரிய பிராஹ்மணனை

அறிஞர் என்று சொல்லவும் வேண்டுமா?

தூதோ ந சஞ்சரதி கே ந சலேச்ச வார்தா

பூர்வ ந ஜல்பிதம் இதம் ந ச ஸங்கமோஸ்தி

வ்யோம்னி ஸ்திதம் ரவி சசி க்ரஹணம் ப்ரசஸ்தம்

ஜானாதி யோ த்விஜவரஹ ஸ கதம் ந வித்வான்

சாணக்கிய நீதி 9-5

xxx

பிராஹ்மணரைத் திட்டுவோர் குடும்பத்தோடு……

தன்னைத்தானே வெறுப்பவன் சாவான் (தற்கொலை);

மற்றவனை வெறுப்பவன் செல்வத்தை இழப்பான்;

மன்னனை (ஆட்சியாளரைப்) பகைப்பவன் அழிவான்;

பிராஹ்மணனை வெறுப்பவன் குடும்பத்தோடு அழிவான்.

சாணக்கிய நீதி 10-11

ஆத்மத்வேஷாத் பவேன் ம்ருத்யுஹு பரத்வேஷாத் தன க்ஷயஹ

ராஜத்வேஷாத் பவேன் நாசோ ப்ரஹ்மத்வேஷாத் குல க்ஷயஹ

(இது சாணக்கியனின் சுய அனுபவத்தில் கண்ட உண்மை; சாணக்கியன் ஒரு அவலட்சணமான முகம் உடைய ப்ராஹ்மணன்; அப்போது பிராஹ்மணர்களைக் கிண்டல் செய்யும் நந்தர்கள் ஆண்டு வந்தனர். ஒரு முறை அரண்மனை விசேஷத்தில் முதல் பந்தியில் கறுத்த நிறமுள்ள, அசிங்கமாமன முகம் உடைய பிராஹ்மணனைப் பார்த்த, நந்த வம்சத்தரசன், அவரை பாதி சாப்பிடும் போது தர தர வென்று வெளியே இழுத்துக் கொண்டு போய் தள்ளிவிட்டான். அப்போது குடுமியை அவி ழ்த்துப் போட்டு, உனது ஆட்சியை வேர் அறுக்கும் வரை இந்த குடுமியை முடிக்க மாட்டேன் என்று சாணக்கியன் வீர சபதம் செய்தான்; மயில் வளர்க்கும் மூரா என்ற பெண்மணியின் மகனான சந்திர குப் தனை அழைத்து, பயிற்சி கொடுத்து, மாபெரும் படையை உருவாக்கி நந்த வம்சத்தின் 9 மன்னர்களையும் அடியோடு அழித்தான். அலெக்ஸாண்டர் படைகள் நடுங்கக்கூடிய அளவுக்கு மகத சாம்ராஜ்யத்தின் படைபலம் இருந்ததை பிற்கால கிரேக்க எழுத்தாளர்கள் எழுதிச் சென்றனர். ஒழுக்கத்திலும் அறிவிலும் சிறந்து இருந்ததால் இதைச் சாதிக்க முடிந்தது; பின்னர் பிராமணர்கள் செல்வம் சேர்க்கக்கூடாது என்ற விதியின்படி குடிசையில் வாழ்ந்தான். சுயநலம் அற்றவரைக் கண்டு உலகமே நடுங்கும் அல்லவா? சாணக்கியன் என்றால் எல்லோருக்கும் சிம்ம சொப்பனம்; எவருக்கும் கட்டளை இடும் தகுதி அவனுக்கு இருந்தது.

Brahmins at Pillayarpatti Temple

(நல்லவர்களை எப்படி அறியலாம்? பிறர் எழுதியதை, பிறர் எடுத்த படங்களை அவர்களுடைய பெயர்களுடன் வெளியிடுவார்கள். கெட்டவர்களை எப்படிக் கண்டுபிடிக்கலாம்? பிறர் எழுதியதை,அது வெளியான பிளாக், பத்திரிக்கை பெயர்களை நீக்கிவிட்டு , தங்களுடையது போல வெளியிடுவார்கள்;  கெட்டவர்களைக் கண்டுபிடிப்பது மிகவும் எளிது))

xxx SUBHAM xxx

Date: 22 FEBRUARY 2018

Time uploaded in London- 7-53 am

Written by S NAGARAJAN

Post No. 4773

PICTURES ARE TAKEN from various sources. PICTURES  MAY NOT BE RELATED TO THE ARTICLE; THEY ARE ONLY REPRESENTATIONAL.

WARNING: PLEASE SHARE MY ARTICLES; BUT DON’T SHARE IT WITHOUT AUTHOR’S NAME AND THE BLOG NAME. BE HONEST; OTHERS WILL BE HONEST WITH YOU.

ஆல் இந்தியா ரேடியோ சென்னை வானொலி நிலையம் 11-12-2017லிருந்து 20-12-2017 முடிய காலையில் சுற்றுப்புறச் சூழ்நிலை சிந்தனைகள் பகுதியில் ஒலிபரப்பிய உரைகளில் ஒன்பதாவது உரை

9. 9. உத்வேகமூட்டும் புதுப்பிக்கப்படக் கூடிய எரிசக்தியின் பயன்பாடு ச.நாகராஜன்

2016ஆம் மே மாதம் ஐரோப்பிய நாடுகளில் ஒன்றான போர்த்துக்கல் நாடு ஒரு பெரிய சாதனையைச் செய்தது. மே மாதம் 7ஆம் தேதி முதல் 11ஆம் தேதி முடிய நாடு முழுவதும் புதுப்பிக்கப்படக் கூடிய எரிசக்தியால் மட்டுமே இயங்கியது.

இதன் மூலம் ஒரு புதிய வரலாற்றைப் படைத்து இப்படிப்பட்ட எரிசக்தியினால் ஒரு நாடு முற்றிலுமாக இயங்கமுடியும் என்பதையும் நிரூபித்தது.

சூரிய ஒளி, காற்று ஆகியவற்றின் மூலம் உருவாக்கப்படும் ஆற்றல் அல்லது எரிசக்தியையே புதுப்பிக்கப்படக் கூடிய எரிசக்தி அல்லது ஆற்றல் என்று கூறுகிறோம்.

காற்றினாலும், சூரிய ஒளியாலும் ஹைட்ரோ – ஜெனரேடட் மின்சக்தியாலும் ஒரு நாடு திறம்பட இயங்க முடியும் என்ற இந்த நிகழ்வைத் தொடர்ந்து சோலார் பவர் என்ற நிறுவனத்தின் தலைமை அதிகாரியான ஜேம்ஸ் வாட்ஸன், “இப்போது மிகவும் அதிசயக்கத்தக்க ஒன்றாகப் பார்க்கப்படும் இந்த நிகழ்வு எதிர்காலத்தில், மிகவும் சாதாரணமான அன்றாட நிகழ்வு ஆகி விடும்” என்கிறார்.

நமது நாட்டிலும் தூத்துக்குடி உள்ளிட்ட இடங்களில் காற்றின் சக்தியைப் பயன்படுத்தி பல்வேறு தொழில்களைச் செய்வதைப் பார்க்க முடிகிறது.

ஆனால் இந்த விஞ்ஞான முன்னேற்றத்தை மிகச் சரியாகப் பயன்படுத்தினால் ஏராளமான சூரிய ஒளியை, நாடு முழுவதும் வருடத்தில் நீண்ட நாட்கள் கொண்டிருக்கும் இந்தியா, மிகச் சிறந்த புதுப்பிக்கப்படக் கூடிய ஆற்றலைப் பயன்படுத்தும் வல்லரசாக, உயரும்.

புதுப்பிக்கப்படக் கூடிய ஆற்றலால் நமக்குக் கிடைக்கும் ஆதாயங்கள் ஏராளம் உள்ளன.

• பூமியை வெப்பமயமாக்கும் நச்சுப் புகை வெளியேற்றம் முற்றிலுமாகக் குறையும் அல்லது பெரிய அளவில் குறைந்து விடும்.
• உலக மக்களின் ஆரோக்கியம் மிகப் பெரிய அளவில் மேம்படும். நிலக்கரி மற்றும் இயற்கை வாயு தொழிலகங்களினால் காற்றிலும் நீரிலும் ஏற்படும் மாசின் அளவு குறையும். சுற்றுப்புறச் சூழலில் ஏற்படும் மாசினால் சுவாசக் கோளாறுகளும், மூளை சம்பந்தமான வியாதிகளும், மாரடைப்பும், கான்ஸரும் ஏற்படுகின்றன. இப்படி புதுப்பிக்கப்படக் கூடிய ஆற்றலின் பயன்பாடு இளவயதில் இறப்பு ஏற்படுவதைத் தவிர்க்கும். தொழிலகங்களில் மிக அரிதான வேலை மணி நேர இழப்பையும் தவிர்க்கும்.

இவற்றை உணர்ந்து புதுப்பிக்கப்படக் கூடிய

ஆற்றலைப் பெரிதளவு பயன்படுத்துவோம்; பூமியை வெப்பமயமாக்கும் அபாயத்திலிருந்து காப்போம்!

***