சிந்து சமவெளியின் “கொம்பன்” யார்? (Post No.9484)

PASUPATI IN IRELAND- CERUNNOS

WRITTEN BY LONDON SWAMINATHAN

Post No. 9484

Date uploaded in London – –12  APRIL  2021     

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

சிந்து சமவெளி நாகரீகம் என்றும் சரஸ்வதி நதிக்கரை நாகரீகம் என்றும் அழைக்கப்படும் நாகரீகம் தொடர்பான அகழ்வாய்வுகளில் அவர்கள் பின்பற்றிய சமயம் (மதம்) தொடர்பான பல முத்திரைகள் கிடைத்துள்ளன. இவைகள் அனைத்தும் இந்து மதம் தொடர்பான முத்திரைகளே என்று பெரும்பாலான் ஆராய்ச்சியாளர்கள் கருதுகின்றனர். பாகிஸ்தானிலுள்ள மொகஞ்சதாரோ, ஹரப்பா ஆகிய நகரங்களில் கிடைத்த முத்திரைகளில் மிகவும் முக்கியமானது “பசுபதி” முத்திரையாகும்.

“பசுபதி” முத்திரையில் ஒரு கடவுள் ஆசனத்தில் அமர்ந்துள்ளார். அவரைச் சுற்றி யானை, புலி, காண்டா மிருகம், எருமை ஆகிய நிற்கின்றன.

அவரது தலையில் கொம்பு போன்ற மகுடம் உள்ளது. இந்து மத யஜூர்வேதத்தில் சிவபெருமானை பிராணிகளின் தலைவன் (பசு பதி) என்று ரிஷிகள் வருணிக்கின்றனர்.  ஆகையால் இந்த முத்திரையிலுள்ள கடவுள் சிவன் அல்லது சிவபெருமானின் மூல வடிவம் (Proto Siva) என்று ஆராய்ச்சியாளர்கள் கருத்து வெளியிட்டனர்.

பழைய நாகரீகங்களில் கடவுளோ அல்லது மக்கள் தலைவர்களோ இப்படி ‘கொம்புள்ள கிரீடங்கள்’ அணிவதைக் காண்கிறோம்.  காளை மாடு அல்லது எருமை மாட்டின் கொம்பு தாங்கிய தலைக் கவசங்களையோ மகுடங்களையோ அணிவது வழக்கம்.  பல பழங்குடி இனத்தலைவர்கள் இதை இன்றும் பின்பற்றுகின்றனர்.  தமிழ் இலக்கியமும் சம்ஸ்க்ருத இலக்கியமும் மன்னர்களோ மக்களில் சிறந்தோரையோ ஏறு (BULL காளை) என்று போற்றுகின்றனர்.

மன்னர் ஏறு (பதிற் 38/10) குட்டுவர் ஏறு (பதிற் 90-26) புலவர் ஏறு (பத்துப்பாட்டு 1-2, 6-8) பரதவர் போர் ஏறு (பத்துப்பாட்டு 6-44) புயல் ஏறு (ஆற்றல் மிக்க மழை) உறுமின் ஏறு (ஆற்றல் மிக்க இடி) என்று சங்கப் புலவர்கள் பாடுகின்றனர். முதலில் மனிதனுக்கு மட்டும் பயன்படுத்திய “ஏறு” பின்னர் மிகப்பெரிய மழை, இடி போன்றவற்றுக்கும் பயன்படுத்தப்படுகிறது.  இன்றும் கூட ஆங்கிலத்தில் ‘GIANT’ ‘MONSTER’ போன்ற சொற்களை இப்படி பலவாறாகப் பயன்படுத்துகிறோம். சம்ஸ்க்ருதத்தில் “இந்திரனை” BULL காளை என்று வேதங்கள் போற்றுகின்றன. இதை இன்றும் கூட மன்னர்களுக்கும் மனிதர்களுக்கும் மிருகங்களுக்கும் கூட பயன்படுத்துகிறோம். ராஜேந்திரன் மகேந்திரன் கஜேந்திரன் (யானைகளில் தலைமை யானை) மச்சேந்திரன் மிருகேந்திரன் (சிங்கம்) புவனேந்திரன் என்று பல ‘இந்திரன்’களைப் பார்க்கிறோம்.

சீக்கியர்கள் (பஞ்ஜாப்) தங்களின் பெயருக்குப் பின்னால் “சிங்” (சிங்கம்) என்று சேர்த்துக் கொண்டனர். ரோமானிய மன்னர்களும் “சீசர்” (கேசரி – சிசர்) என்றும் அழைத்துக் கொண்டனர்.

ஆகவே தலைமைப் பதவியிலுள்ளவர்கள் ஆதிகாலத்தில் அதற்கு அடையாளமாக காளையின் கொம்பை அணிவது வழக்கம்.

“கொம்பு“ என்றால் யானையின் தந்தம். “கொம்பன்“ என்றால் தந்தமுள்ள ‘பெரிய தலைமை யானை’ என்ற பொருளும் தமிழில் வழங்குகிறது.  இதனால்தானோ என்னவோ தமிழில் “நீ என்ன பெரிய கொம்பனா?“ என்ற சொற்றொடர் வழங்குகிறது போலும். யாரேனும் சிறப்பான கௌரவத்தையோ மரியாதையையோ எதிர்பார்த்து நின்றால் அவரது கர்வத்தைக் குறிக்க இந்த மரபுச் சொற்றொடர் பயன்படுத்தப் படுகிறது.

புகழ் பெற்ற சம்ஸ்கிருதக் கவிஞன் காளிதாசன் கூட “கொம்பு“ “கொம்பு சீவல்“ பற்றிக் கூறுகிறான்.  “கொம்பு“ என்றால் கர்வம் என்றும் சாதாரண கொம்பு என்றும் பொருள் உண்டு.  ரகு வம்ச மகாகாவியத்தில் காண்டா மிருகங்களை தசரதன் வேட்டையாடுவதை காளிதாசன் பாடுகிறான் (9-62). கருணையின் பொருட்டு காண்டா மிருகங்களைக் கொல்லாது அதன் கொம்புகளை மட்டும் சீவினானாம் தசரதன். அதாவது மன்னர்களைக் கொல்லாமல் அவர்களுடைய கர்வத்தை மட்டும் வெட்டி வீழ்த்தினான் என்பது காளிதாசன் கவிதையின் உட்பொருள்.

காளிதாசன் ரகுவம்சத்தில் “வீர்ய ச்ருங்கன்” (11-72) என்று கூறுகிறான். மகாபாரதத்திலும் ச்ருங்கவான் (9-52) ச்ருங்கி (1-40) என்ற சொற்கள் பயன்படுத்தப்படுகின்றன.

காளிதாசனுக்கு முன்னர் வாழ்ந்த வால்மீகியும் தனது ராமாயணத்தில் ‘அரசர்களுள் ஏறு’ ‘மனிதர்களில் ஏறு’ சொற்களைப் (BULL Among Kings, BULL Among Men) பயன்படுத்துகிறார். சிந்து சமவெளி முத்திரைகளில் அடிக்கடி காணப்படும் காளை/ BULL முத்திரை இப்படிப்பட்ட “ஏறு” (தலைவன், சிறந்தவன்) என்பதை குறிப்பதாக இருக்கலாம். மிருகங்களின் தலைவனான சிங்கத்தைக் குறிக்கவும் இதை பயன்படுத்தலாம். மனிதர்களில் சிறந்த ராஜாக்களைக் குறிக்கவும் (ராஜேந்திரன்) இதைப் பயன்படுத்தலாம். ஆனால் இரண்டையும் வேறுபடுத்த ஏதேனும் ஒரு குறியீடு (DIACRITICAL MARK) அவசியம்.

INDUS-SARASVATI VALLEY PAUPATI- PROTO SIVA

விஷ்ணு சஹஸ்ரநாமத்தில் கொம்பன்

மகாபாரதத்தின் ஒரு பகுதியாகக் கருதப்படும் விஷ்ணு சஹஸ்ரநாமம் மிகப்பழமையான சஹஸ்ரநாமம் (சஹஸ்ரநாமம் = ஆயிரம் பெயர்கள்) ஆகும். இதைப் பின்பற்றியே பிற்காலத்தில் எல்லாக் கடவுள் சஹஸ்ரநாமங்கள் தோன்றின என்றால் தவறில்லை. இதில் வேதகாலக் கடவுளரும் சிவன், முருகன், கணபதி ஆகிய கடவுளரைக் குறிக்கும் சொற்களும் இருப்பதே இதை வேறுபடுத்திக் காட்டும்.

இதில் கொம்பு பற்றியும் பல நாமங்கள் உள்ளன. விஷ்ணுவைப் போற்றும் ஆயிரம் நாமங்களில் மஹா ச்ருங்காய (536), ச்ருங்கினே (797) —-நைக ச்ருங்காய (763, ) சதுர் தர்ம்ஷ்ட்ராய (நான்கு பற்கள்/கொம்பு உடையவர்) என்றெல்லாம் வருகின்றன. “பெரிய கொம்பன்”, ஒரு கொம்பு மட்டும் இல்லாமல் பல கொம்புகள் உடையவன் என்றும் இதன் பொருள். விஷ்ணு சஹஸ்ரநாமத்திற்கு முதல், முதலில் உரை எழுதிய ஆதிசங்கரர் தனது உரையில் சத்வாரி ச்ருங்காஹா – (ரிக் வேதம் 4-58-3), (தைத்ரிய ஆரண்யகம் 1-10-17) என்று  குறிப்பிடுவதை எடுத்துக் காட்டுகிறார். இதைப் பார்க்கையில் “பசுபதி” முத்திரை சிவனா விஷ்ணுவா அல்லது இவர்களுக்கு முந்திய மூலக் கடவுளா என்ற வினா எழுகிறது.

சிந்து சமவெளி முத்திரையிலுள்ள பசுபதி போலவே ஐரிஷ் (அயர்லாந்து) கடவுளின் உருவமும் உள்ளது. அக்கடவுளின் பெயரும் கொம்பன்”தான் (CERNUNNOS)  பெயர் மருவி இன்று CERUNNO என்று அழைக்கப்படுகிறார். இது ஹாலந்தில் ஒரு புதை குழியில் (GUNDESTRUP CAULDRON) கண்டெடுக்கப்பட்ட உலோகத்தாலான பெரிய அண்டாவில் பொறிக்கப்பட்டு உள்ளது. சுமார் கி.மு. மூன்றாம் நூற்றாண்டைச் சேர்ந்தது சிந்து சமவெளி “பசுபதி” முத்திரை கி.மு. 1800–க்கும் முந்தியது.

சிந்து சமவெளியின் பசுபதி முத்திரையில் உள்ள நான்கு மிருகங்களும் நான்கு வர்ணத்தையோ நான்கு இன மக்களையோ குறிக்கலாம். யானை பிராமணர்களையும், புலி க்ஷத்ரியர்களையும், காண்டாமிருகம் வைஸ்யர்களையும், எருமை சூத்திரர்களையும் குறித்திருக்கலாம். பசுபதி ஆசனத்தின் கிழேயுள்ள ஆடு ஐந்தாம் வருணத்தையோ அல்லது வெளிநாட்டினரையோ குறித்திருக்கலாம். பைபிலில் (DANIEL 7) நான்கு மிருகங்கள் கனவில் வந்ததை விளக்குகையில் நான்கு நாட்டு அல்லது நான்கு இன மக்கள் என்றே வியாக்கியானம் செய்கின்றனர்.  கீழே ஆடு இருப்பதால் இந்த பசுபதியை அக்கினி தேவனாகவும்  கருதலாம்.

பசுபதி முத்திரையில் நான்கு மிருகங்கள் உள்ளன யானை, எருது, காண்டாமிருகம், புலி உள்ளன. இவை இந்திரன், யமன், வருணன், வாயு/ மித்திரன் ஆகியவற்றை குறிப்பனவா?

PAUPATI IN BAHRAIN/DILMUN

இந்திரன் – இந்திரன் வாகனம்

யமன் – எருமை வாகனம்

வருணன்- கொம்பு (சுறா அல்லது காண்டா மிருகம் )

புலி –  சாஸ்தா அல்லது தேவி

கீழேயுள்ள மான் அல்லது ஆடு- அக்கினி தேவன்

வேதத்தில் குறிப்பிடப்படும்   ஏக ச்ருங்கியும்  சிந்து வெளி ஒற்றைக் கொம்பு மிருக முத்திரையும் ஒன்றா என்றும் ஆராய்வது அவசியம். தமிழில் ‘கோண் மா’ என்ற சொல் எருமையை யோ அல்லது காண் டா மிருகத்தையோ குறிக்கும்..

மிருகங்களால் சூழப்பட்ட கடவுள் உருவம் முதலில் சிந்து/சரஸ்வதி நதிக்கரையில் கிடைத்தது. பின்னர் ஹாலந்தில் அதைப் போன்ற ஐரிஷ் கடவுள் சிலை கிடைத்தது. நான் செய்த ஆராய்சசியில் அதே போல மத்திய கிழக்கு — பஹ் ரைன்  தீவிலும் கிடைத்துள்ளது. ஐரிஷ்  என்பது ஆரிய மொழிகளின் நஃபிரிவு என்பர் . மத் தியக் கிளக்கோ இந்திய கலாச்சாரத்திலிருந்து மிகவும் வேறுபட்டது மூன்று வெவ்வேறு இடங்களில் இதுபோல கிடைத்திருப்பதா ல்  சிந்துவெளி மக்கள் யார் என்று கேள்வி எ ழுகிறது ; எழுத்தைப் படிக்கும்போதுதான் உண்மை புலப்படும் .

–சுபம்–

TAGS -PASUPATI SEAL, INDUS VALLEY, BAHRAIN, DILMUN, IRISH, CERUNNOS, பஹ்ரைன்,  சிந்துவெளி,  பசுபதி , அயர்லாந்து

சிந்து வெளி: தமிழர்கள் அறிவைச் சோதிக்க இதோ ஒரு பரீட்சை(Post.9443)

WRITTEN BY LONDON SWAMINATHAN

Post No. 9443

Date uploaded in London – –31 MARCH  2021     

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

சிந்து நதி தீர -ஸரஸ்வதி நதிக்கரை நாகரீகம் பற்றி நாளுக்கு நாள் உளறல்கள் அதிகம் ஆகிக்கொண்டே வருகின்றன. ஸம்ஸ்ருதமும் தமிழும் தெரிந்த ஐராவதம் மஹாதேவன் முதல் அஸ்கோ பர்போலா வரை அத் தனை பேரும் திணறிப் போய் நமது வாழ்நாளில் இந்தப் புதிரை விடுவிக்கமுடியாது  என்று சொல்லிவிட்டனர். ஒருவேளை ரோசட்டா கல்வெட்டு (Rosetta Stone)  மாதிரி மும்மொழிக் கல்வெட்டு கிடைத்தால் புதிர் தீரும்; இதை முதல் முதலில் அகழ்வாராய்ச்சி செய்த மார்ஷல் ,மக்கே , மார்ட்டிமர் வீலர் ஆகிய மூவரும் தவறான கருத்துக்களை வெளியிட்டு ஆராய்ச்சியாளர்களை திசை திருப்பிவிட்டனர்.

“போதாக்குறைக்கு பொன்னியும் வந்தாளாம்”- என்ற பழ மொழிக் கேற்ப சோவியத்- பின்னிஷ் “அறிஞர்கள்” இது திராவிட மொழிபோல ஒட்டு மொழி (agglutinative language) அமைப்புடைய மொழி என்று உளறிவைத்தனர். இப்படி எல்லா அரைவேக்காடுகளும் உளறி 60 ஆண்டுகள் ஆகிவிட்டன. சிந்துவெளி அகழ்வாராய்ச்சி நடந்து ஒரு நூற்றாண்டு ஆகிவிட்டது பிரம்மமாண்டமான (Ultra-modern, super-fast computers) கம்பியூட்டர்களில் 4000 முத்திரைகளில் உள்ள எழுத்துக்களைக் கொடுத்த பின்னரும் பேந்தப் பேந்த முழித்துக் கொண்டு இருக்கிறோம். முதல் மூவர் உளறலுக்குப் பின்னர் சரஸ்வதி நதி பற்றிய விஞ்ஞானத்  தகவல் வெளியாகின. மேலும் பல இடங்களில்– அதாவது கங்கைக் கரைவரை இந்த நாகரிக சுவடுகள் பல்லாயிரம் சதுர மைல்களுக்குக்  காணப்பட்டன. இவை எல்லாம் சர்ச்சசையை உண்டாக்கி மேலும் குழப்பிவிட்டன.

இதற்கிடையில் பல ‘கால் வேக்காடுகள்’ கீழடியைப் பார் , யாழ்ப்பாணத்தைப் பார் தமிழன் தான் உலகத்தையே கண்டு பிடித்தான் என்று ‘பிளாக்கு’களில் முழங்கி வருகின்றனர். இந்தப் பயல்கள் யாரும் சிந்துவெளி பற்றிய வரலாற்றையோ உலக மொழிகள் வளர்ந்த வரலாற்றையோ சத்தியமாகப் படித்தது இல்லை என்பது கட்டுரையின் முதல் பாரா விலேயே தெரிந்து விடுகிறது; ஆகவே தமிழர்கள் தாங்களே மார்க் போட்டு — மதிப்பெண்கள் கொடுத்து — இதற்கும் நமக்கும் சம்பந்தம் உண்டா என்று தெரிந்து கொள்ளலாம்.

ஒவ்வொரு படத்தையும் உற்று நோக்குங்கள் . தமிழர் தொடர்புடையது என்று உங்கள் மனச் சாட்சி சொல்லுமானால் பத்து மார்க் போட்டுக் கொள்ளுங்கள். கொஞ்சம் சம்சயம்/ஐயப்பா டு /சந்தேகம் இருந்தால் 5 மார்க் ; இதற்கும் தமிழனுக்கும் ஸ்நானப் பிராப்தி கூட கிடையாது என்றால் பூஜ்யம் மார்க் !

பின்னர் கூட்டிக்கழித்து  டோட்டல் Total போடுங்கள் . 50 மார்க்குக்கு மேல் தமிழர்கள் நாகரிகம் என்று வந்தால் கொஞ்சசம் சிந்துவெளி புஸ்தகங்களைப் படித்துவிட்டு திருப்பியும் பாருங்கள். தமிழில்  சிந்துவெளி நாகரிகம் பற்றி நானும் இந்த பிளாக்கில் நிறைய கட்டுரைகளை வெளியி ட்டு  உள்ளேன். ஆனால் நான் எல்லோருக்கும் ரெக்கமண்ட் ( I recommend the book DECIPHERING THE INDUS SCRIPT by Asko Parpola)  செய்வது அஸ்க்கோ பர்போலா எழுதிய ‘டிசைப்பரிங் தி இண்டஸ் ஸ்க்ரிப்ட்’ என்ற புஸ்தகம்தான்.

பழங்காலத் தமிழர்கள் சிந்து என்ற நதியை குறிப்பிடவே இல்லை. ஆனால் கங்கை, இமயம் பற்றி நிறையக் குறிப்பிட்டுள்ளனர். சங்க இலக்கியத்தில் சோழர்கள் தங்களுடைய மூதாதையர் வரிசையில் சிபிச் சக்ரவர்த்தி, மாந்தாதா ஆகியோரைக் குறிப்பிடுகின்றனர். அந்த ஒரு சில குறிப்புகள் தான் இவர்களுக்கு வடமேற்கு இந்தியா பற்றி கொஞ்சம தெரியும் என்று காட்டுகின்றன . இது வரலாற்றுக் குறிப்பு அல்ல; புராணக் குறிப்பு.

இதோ படம் ஒன்று ; இது ஏன் ஒரு கொம்போடு Unicorn இருக்கிறது. இதன் முன் இருப்பது ரிக்வேதம் குறிப்பிடும் சோம பான வடிகட்டி என்பது பெரும்பாலோர் கருத்து. நீங்கள் தமிழர்களுடையது என்று நினைத்தால் 10 மார்க் கொடுங்கள் .

இதோ படம் 2: ஒரு பெண்மணி புலியுடன் பேசுகிறாள் . யார் இவள் ? நம்ம ஊர் கருப்பாயி, மாரியாத்தா , மூக்காயி , பேச்சி ?

படம் 3:- இதோ ஒருவர் யானைமீது  நிற்கிறார். இவரை இந்திரன் என்றும், பரதன் என்றும் சிலர் கூறுவர். நீங்கள் என்ன சொல்கிறீர்கள் ? கரிகாலன், நெடுஞ்செழியன்?

படம் 4: இதோ ஒரு சாமி ; இதை கண்டுபிடித்தவுடனேயே இதை ப்ரோட்டோ சிவன் – அதாவது ‘பசுபதி’ என்று யஜுர்வேதம் குறிப்பிடும் சிவனுக்கு முன்னோடி Proto Shiva இவர் என்று வெள்ளைக்காரர்கள் உளறிவிட்டனர். அனால் இதே போல மத்திய கிழக்கில் பஹ்ரைன் தீவில் மிருகங்கள் சூழ்ந்த உருவமும். கெல்டிக் கடவுளரில்  ஒருவரும் இப்படி உள்ளனர். பிறகாலத்தில் தத்தாத்ரேயர் , செயின்ட் பிரான்சிஸ் ஆப் அஸிஸி (Saint Francis of Assisi) போன்றோர் உருவங்களும் இப்படி உள்ளன. இது தமிழர் உடையதா ?

இதோ படம் 5; இதைப் பார்த்தவுடன் நமக்கு கோவிலில் உள்ள சப்த மாதர் என்பதுதான் நினைவுக்கு வரும். ஆனால் சங்க இலக்கியத்தில் ஏழு கன்னியர் இல்லை. மற்ற இந்து தெய்வங்கள் உள . நீங்கள் தமிழர் நாகரீக காட்சி என்று நினைத்தால் பத்து மார்க் போடுங்கள் . இந்தக் காட்சியை நர பலி என்றும் மேல்நாட்டார் வருணிக்கின்றனர்

படம் 6: இவள் ஒரு நடன மாது. இந்து சிற்ப சாஸ்திர புஸ்தகங்களில் தேவி சிலைகளை வருணிக்கும் ‘த்ரிபங்க’ போஸ் Tribhanga Pose கொடுக்கிறாள். அதாவது மதுரை மீனாட்சி போல மூன்று வளைவு கொடுத்து உடலைக் காட்டுவது பெண்கள் நிலை. ஆண்கள் நேராக நிமிர்ந்து நிற்பார்கள். இவள் முகத்தை, உதட்டைப் பார்த்தால் ஆப்பிரிக்க நீக்ரோ போல உளது ; தமிழச்சிதான் என்று உங்கள் மனச் சாட்சி சொன்னால் போடுங்கள் 10 மார்க்.

படம் 7; இதை பேய் (Devil, Ghost)  பூதம் என்று வருணிக்கின்றனர். யார் இந்த உருவங்கள்?

படம் 8. உடலில் பாதி புலி உருவம் யார் இவள்? தமிழசசியோ?

படம் 9: இவரை யோகி என்றும் மன்னர் என்றும் புரோகிதர் என்றும் வருணிப்பர். பூவாடை– பூக்கள் பொறித்த பொன்னாடை அணிந்து பிராமணர்கள் போல left தோளில் ஆடையை விட்டுள்ளார். ஆனால் இவருடையய முக க்ஷவரம் (Shaving style) இவரை மத்திய கிழக்கு பேர்வழி என்று காட்டுவதாக அறிஞர்கள் பகர்வர்.

படம் 10: உலக மஹா அதிசயம்! ஏராளமான காளைகள் உருவம் பொறி த்த முத்திரைகள் உள்ளன . குதிரையோ பசுவோ ஒரு முத்திரையிலும் இல்லை! ஏன் ? ஏன் ?ஏன் ? காளை என்பது பசு இல்லாமல் வந்திருக்க முடியாதே!

இன்னும் சுவஸ்திகா, கூட்டு மிருகங்கள் என்று ஏராளமான புதிர்கள் உள்ளன. சாம்பிளுக்காக பத்து படம் கொடுத்தேன் .

இந்த முத்திரைகள் பற்றி அறிஞர்களிடையே கருத்து ஒற்றுமை இல்லை. ஆளாளுக்கு ஆள் ஒரு விளக்கம் சொல்லுவர். நீங்களும் கொஞ்சம் சிந்தித்து மார்க் போட்டு இது தமிழன் நாகரீகமா என்று சொல்லுங்கள். நான் கொடுத்த மதிப்பெண்களை பின்னொரு கட்டுரையில் மொழிவேன்.

tags – சிந்து வெளி, தமிழர்கள்,  பரீட்சை, புலிப் பெண் , பசுபதி, யோகி, சோம பானம்