WRITTEN BY S NAGARAJAN

Post No. 15,944

Date uploaded in London – 4 July 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx 

July 1 National Doctors’ day  மருத்துவர் தினம் 

1-7-2026 மாலைமலர் இதழில் வெளியாகியுள்ள பொன்மொழிகள்! 

புகழ் பெற்ற மருத்துவப் பொன்மொழிகள்!

ச. நாகராஜன் 

மக்களிடம் டாக்டர்களின் முதல் கடமை எப்படி வியாதிக்கு உள்ளாகாமல் இருப்பது என்பதை போதிப்பது தான். டாக்டர் என்ற வார்த்தை லத்தீன் மொழியிலிருந்து பிறந்தது. இதன் அர்த்தம் போதிப்பவர் என்பது தான்!

–          பிரபல அமெரிக்க டாக்டரான ஆண்ட்ரூ வெய்ல்

 ஒரு மருத்துவராக ஒருவருடைய வேலை என்னவெனில் நல்ல உறுதிமொழியை அளிப்பது தான். அதை விட முக்கியம் தான் கொடுத்த உறுதிமொழியை அவர் காப்பாற்றுவது தான்.

–          ஐரிஷ் பெண்மணியான டாக்டர் பிக்ஸி மக்கென்னா. டி.வி.

நிகழ்ச்சிகளில் பிரபலமானவர். டாகுமெண்டரி தயாரிப்பாளர் 

 எவ்வளவு வயதாகியிருந்தாலும் சரி, எவ்வளவு எடையைக் கொண்டிருந்தாலும் சரி, இப்பொழுதும் கூட நீங்கள் உங்கள் உடல்நலத்தைக் கட்டுப்படுத்தலாம்.

–          அமெரிக்க நியூரோ சர்ஜன் ஹார்வி குஷிங். மூளை அறுவை சிகிச்சையில் பெயர் பெற்றவர்.

 உடல்நலம் பாதிக்கப்பட்டிருக்கும் போது அறிவு சரியாக வெளிப்படாது, பலத்தால் சண்டை போட முடியாது, நுண்ணறிவைப் பயன்படுத்த முடியாது, கலை உருவாகாது, பணம் பயனற்ற ஒன்றாக இருக்கும்.

–          கிரேக்க மருத்துவரான ஹிரோபிலிஸ். பண்டைய நாட்களில் கிரேக்கத்தில் பிரபலமான மருத்துவர்.

 மருத்துவத்தில் இறுதி நிலையாக நாம் அடைய வேண்டியது மன நல மருத்துவம் தான். ஏராளமானோர் தனிமையில் வாடுகிறார்கள். ஒதுக்கி வைக்கப்பட்டிருக்கிறார்கள்.ஆதரவின்றி இருக்கிறார்கள். மீள முடியாமல் சமாளிக்கவும் முடியாமல் தவிக்கிறார்கள்.

–          பிரிட்டிஷ் டி.வி. டாக்டர் கிறிஸ்டியன் ஜெஸன் மனநல மருத்துவம் பற்றி எடுத்துரைத்து அனைவரது கவனத்தையும் பெற்றவர்.

 வியாதியைப் பரிசோதிக்கும் போது நாம் உடற்கூறியல், உடலியல் மற்றும் உயிரியல் பற்றி நல்ல அறிவைப் பெறுகிறோம். நோயாளியைப் பரிசோதிக்கும் போது வாழ்க்கையைப் பற்றிய அறிவைப் பெறுகிறோம்.

                               – ஆலிவர் சாக்ஸ் நியூரோ சர்ஜன்

ஒரு டாக்டராகட்டும் அல்லது எந்த மனிதராகட்டும் அவரது முதல் குறிக்கோள் நோயாளியின் மரணத்தைத் தள்ளிப் போடுவதாக மட்டும் இருக்கக் கூடாது, ஆனால் அவரது வாழ்க்கைத் தரத்தை மேம்படுத்துவதாக இருக்க வேண்டும்.

–          அமெரிக்க டாக்டரான பாட்ச் ஆடம்ஸ் (இவரது பெயரிலேயே இந்த வசனம் ராபின்ஸ் வில்லியம்ஸ் வாயிலாக திரைப்படத்தில் இடம் பெற்றிருக்கிறது)

நல்ல டாக்டர் குறைந்த மருந்துகளையே அளிப்பார்.

                – பெஞ்சமின் ஃப்ராங்க்ளின் 

எங்கே மருத்துவம் விரும்பப்படுகிறதோ அங்கே மனித குலத்தின் மீதான அன்பும் இருக்கிறது.

                       – ஹிப்போக்ரேடஸ் 

ஒரு நல்ல மருத்துவர் வியாதியைக் குணப்படுத்துவார். ஆனால் ஆகப்பெரிய மருத்துவரோ வியாதியுள்ள நோயாளியைக் குணப்படுத்துவார்.

                         – வில்லியம் ஆஸ்லர் 

ஒருவர் உயிரைக் காப்பாற்றினால் நீங்கள் ஒரு ஹீரோ. நூறு பேர்களைக் காப்பாற்றினால் நீங்கள் ஒரு நர்ஸ்

                       – யாரோ 

மருத்துவ உலகின் இதயம் நர்ஸ்களே

                        – டோனா வில்க் கார்டில்லோ 

நன்கு உற்று கவனிப்பது, பகுத்தறிவால் ஆராய்வது, மனிதத்தன்மையைப் புரிந்து கொள்வது, தைரியம் – இவையே ஒரு நல்ல மருத்துவரை உருவாக்கும்.

                          – மார்டின் ஹெச். பிஷர் 

மருத்துவத்தின் நோக்கம் வியாதியைக் குணப்படுத்தி நீடித்த வாழ்வைத் தருவது தான். ஆனால் மருத்துவத்தின் இறுதி லட்சியம் ஒரு மருத்துவரின் தேவையை இல்லாமல் செய்வது தான்!

                  –  வில்லியம் ஜே. மாயோ 

மருத்துவ உலகில் ஒரு டாக்டருக்குக் கிடைக்கும் சிறந்த பரிசு நோயாளியின் நன்றியும் அவரது புன்சிரிப்பும் தான் \

                         – யாரோ 

பச்யேம சரத சதம் – (சூரியனை நூறாண்டு கண்டு வணங்குவோம்)

ஜீவேம சரத சதம் – (நூறாண்டு வாழ்வோம்)

நந்தாம சரத சதம் – (நூறாண்டு உற்றார் உறவினருடன் கூடிக் குலவுவோம்)

மோதாம சரத சதம் – (நூறாண்டு மகிழ்வோம்)

பவாம சரத சதம் – (நூறாண்டு கீர்த்தியுடன் விளங்குவோம்)

ச்ருணவாம சரத சதம் – (நூறாண்டு இனியதைக் கேட்போம்)

ப்ரப்ரவாம சரத சதம் – (நூறாண்டு இனியதையே பேசுவோம்)

அஜீதாஸ்யாம சரத சதம் – (நூறாண்டும் தீமைகளால் ஜபிக்கப்படாதவர்களாகவே வாழ்வோம்)

ஜ்யோக்ஸ சூர்யம் த்ருசே – இப்படியாக நூறாண்டு காலம் சூரியனைப் பார்த்து அனுபவிக்க ஆசைப்படுகிறோம்.

–          தினந்தோறும் கூறப்படும் வேதத்தில் உள்ள சூரிய துதி

 ***