The famous American orator, Robert Ingersoll, was the owner of a
remarkable and celebrated Library of atheistical books.
An interviewer once asked Ingersoll what the Library had cost him.
Thinking it over a moment, Ingersoll replied,
It certainly cost me the Governorship of Illinois and possibly the
Presidency of the United States.
Xxx
New Year- New Word!
On New Years eve, a negro in Harlem added a new word to the language. He
stood on a street corner and shouted,
Hallalouyear!
Xxxx
Status quo
What is status quo, daddy?
Son, said his father gravely,
That is just the name of the mess we are in.
Xxxx
News Paper’s Dog Hunt!!
Booth Tarkington, while stopping at a little Indiana town, lost one of
his dogs.
Have you a newspaper in town ? He asked of the landlord.
Right across the way, there, back of the shoemaker’s, the landlord told
him.
The Daily News, best little paper of its size in town.
The editor, the printer, printers devil were all busy doing justice to
Mr Tarkington with an ‘in our midst ‘paragraph when the novelist arrived.
“I have just lost a dog, Tarkington explained, after introducing
himself, and I would like to have you insert this ad for me. Fifty dollars
reward for the return of the pointer dog answering to the name of Rex.
Disappeared from the yard of the Mansion House Monday night.
Why, we were just going to the press, Sir, the editor said, but we will
be only too glad to hold the edition for your ad.
Mr Tarkington returned to the hotel. After a few minutes, he decided,
however, that it might be well to add,
‘No questions asked’, to his ad and returned to the Daily news office.
The place was deserted, save for the skinny little freckle faced devil,
who sat perched on a high stool, gazing, is wistfully out of the window.
Where is every everybody? Tarkington .
“Gawn to hunt the dawg”, replied the boy, asked without removing his gaze
from the distant places.
பாக்யா
1-2-2019 இதழில் அறிவியல் துளிகள் தொடரில் வெளியாகியுள்ள எட்டாம் ஆண்டு நாற்பத்தி எட்டாம்
கட்டுரை : அத்தியாயம் 412
.﷽﷽﷽﷽﷽﷽﷽﷽﷽﷽﷽﷽﷽﷽﷽﷽﷽﷽﷽அறிவியல் துளிகள் – 412
ஜகதீஷ் சந்திர
போஸை ஊக்குவித்த நிவேதிதா தேவி!
ச.நாகராஜன்
மிகச் சிறந்த இந்திய
விஞ்ஞானியான ஜகதீஷ் சந்திர போஸ் (30-11-1858 – 23-11-1937) தனது கண்டுபிடிப்பை உலகிற்கு
நிரூபிப்பதற்குள் பட்ட கஷ்டங்கள் கொஞ்சநஞ்சமல்ல.
இந்தியர்களுக்கு
ஒன்றும் தெரியாது என்பதை நிரூபிக்கத் துடித்த பிரிட்டிஷார் அவரை அங்கீகரிக்கவே இல்லை
என்பது ஒரு புறமிருக்க அவரை அவமானப்படுத்தினர்; தொல்லை கொடுத்தனர்.
இதிலிருந்தெல்லாம் அவர் மீண்டு வர உத்வேகமூட்டியவர் சகோதரி நிவேதிதை என்பது பலருக்கும் தெரியாது.
மார்கரெட் எலிஜபத் நோபிள் 1867ஆம் ஆண்டு அக்டோபர் மாதம் 28ஆம்
தேதியன்று வட அயர்லாந்தில் ஒரு ஸ்காட் குடும்பத்தில் பிறந்தார். அவரது பத்து வயதிலேயே
தந்தையை இழந்தார். படிப்பை முடித்த பின்னர் ஆசிரியையாக உத்யோகம் பார்க்க ஆரம்பித்தார்.
1895ஆம் ஆண்டில் அவரது 28ஆம் வயதில் ஸ்வாமி விவேகானந்தரை அவர் சந்தித்தார்; அதிலிருந்து
அவர் வாழ்க்கைப் போக்கே மாறிப் போனது. 1898ஆம் ஆண்டு ஜனவரியில் அவர் இந்தியா வந்தார்.
அவருக்கு நிவேதிதை என்ற புதிய பெயரை ஸ்வாமி விவேகானந்தர் சூட்டினார்.
இந்தியருக்கு புதிய உத்வேகம் ஊட்ட வேண்டிய அவசியத்தை உணர்ந்த
அவர் பாரதியார், அரவிந்தர் உள்ளிட்ட பலருக்கும் உத்வேகம் ஊட்டினார்.
ஜகதீஷ் சந்திர போஸ் ஒரு சிறந்த விஞ்ஞானி என்பதை அவர் ஆரம்பத்திலேயே
நன்கு உணர்ந்து கொண்டார்.
ஆயிரத்தி எண்ணூற்றுத் தொண்ணூறுகளிலேயே ஜகதீஷ் சந்திர போஸ் ரேடியோ
டிரான்ஸ்மிஷன் பற்றிய அரிய கண்டுபிடிப்பைக் கண்டார். அத்துடன் தாவரங்கள் வலியை உணரும்
சக்தி கொண்டவை என்று அவர் கூறிய போது யாரும் அவரை நம்பத் தயாராக இல்லை.
ஆனால் நிவேதிதை அவரிடமிருந்த அபாரமான அறிவியல் அறிவை நன்கு கண்டு
கொண்டு அவரை ஊக்குவித்ததோடு, அவருக்கு பண உதவியும் தங்க இடமும் கூடத் தந்தார்.
1899ஆம் ஆண்டில் பாரிஸில் விவேகானந்தரும் நிவேதிதையும் இருந்த
போது ஜகதீஷ் சந்திர போஸ் அவர்களைச் சந்தித்தார்.
போஸும் அவரது மனைவி அபலாவும் விம்பிள்டனில் இருந்த நிவேதிதையின்
வீட்டில் 1900ஆம் ஆண்டு தங்கி இருந்தனர்; திடீரென்று அங்கு போஸ் நோய்வாய்ப்படவே நிவேதிதையின்
தாயார் மேரி நோபிள் தான் அவருக்குத் தேவையான உதவிகளை ஒரு மாத காலம் அவர் நோயிலிருந்து
குணமடையும் வரை செய்தார்.
இங்கிலாந்தில் இந்தியர்களை மதிக்காத ஒரு பெரும் ராட்சஸ பிரிட்டிஷ்
அரசாங்கத்துடன் மோத வேண்டி இருப்பதை உணர்ந்த போஸ் மிகவும் மனம் நொந்து போனார். ரவீந்திர
நாத் தாகூர் அவரை மிகவும் போற்றினார்.
லண்டனிலிருந்து 1900ஆம் ஆண்டு லண்டனிலிருந்து தனது மன வேதனையை
ரவீந்திர நாத் தாகூருக்கு ஒரு கடிதம் மூலமாகத் தெரிவித்தார்,இப்படி : “ நீங்கள் நான்
எதிர்கொள்ள வேண்டிய கஷ்டங்களை அறிய மாட்டீர்கள். உங்களால் கற்பனையே செய்ய முடியாது. ‘தாவர உணர்வு’ பற்றிய எனது கட்டுரையை
சென்ற மே மாதம் ராயல் சொஸைடியில் வெளியிடப்படுவதை வாலர் மற்றும் சாண்டர்ஸன் ஆகிய இருவரும்
தடுத்து நிறுத்தினர். ஆனால் வாலர் அதைத் தனது பெயரில் நவம்பர் மாதம் வெளியிட்டுக் கொண்டார்.
எனக்கு இத்தன நாள் வரை அது தெரியாமலேயே இருந்தது. நான் மிகவும் நொந்து போயிருக்கிறேன்.
பாரதபூமியின் தூசியைத் தொட்டு வாழ்க்கையின் உற்சாகத்தை மீண்டும் பெற இப்போது இந்தியா
வர விரும்புகிறேன்.”
இப்படி மனம் நொந்திருந்த போஸின் மன நிலையை நன்கு அறிந்து கொண்டு நிவேதிதை,
ஆய்வு லாபரட்டரியை அமைக்க அவருக்கு உதவி செய்தார். பிரபல வயலின் மேதை ஓல் புல் -இன்
மனைவியும் விவேகானந்தரின் சிஷ்யையுமான சாரா சாப்மன் புல் தந்த நன்கொடை மூலம் இந்த ஆய்வுக்
கூடம் அமைக்கப்பட்டது. நிவேதிதா போஸை விட ஒன்பது
வயது சிறியவர். என்றாலும் கூட 1911இல் அவர் இறக்கும் வரை
போஸுக்கு உதவத் தவறவில்லை.
மிகப் பெரிய விஞ்ஞானியாக இருந்த போதிலும் கூட ஸயின்ஸ் ஃபிக்
ஷன் எனப்படும் அறிவியல் புனைகதைகளை எழுதுவதிலும் அவருக்கு ஆர்வம் இருந்தது. வங்காள
மொழியில் அவர் எழுதிய ‘போலடாக் தூஃபான்’ என்ற
அவரது பிரபலமான கதை எப்படி ஒரு பாட்டிலில் வைக்கப்பட்டிருந்த தலைக்குத் தடவிக்
கொள்ளும் எண்ணெய் ஒரு சூறாவளியைத் தடுத்து நிறுத்தியது என்பதை சுவைபடச் சொல்கிறது.
எண்ணெயானது புறப்பரப்பு விசையை (Surface tension)
மாற்றி நீரைத் தக்க வைத்துக் கொள்கிறது என்பது தான் கதையின் அடிப்படையான கரு. ‘நிருத்தேஷர்
கஹானி’ என்ற அவரது நாவல் தான் முதன் முதலாக வங்க மொழியில் எழுதப்பட்ட ஸயின்ஸ் ஃபிக்ஷன்
நாவல்!
இந்திய துணைக்கண்டத்திலிருந்து விஞ்ஞானக் கண்டுபிடிப்பிற்காக
முதன் முதலாக ஒரு பேடண்டைப் பெற்றவர் அவரே. பிரபல விஞ்ஞானிகளான டெஸ்லா, மார்கோனி, போபாவ்
ஆகியோர்களுக்குச் சமமாக இந்த சாதனையை அவர் நிகழ்த்திக் காட்டினார். எவ்வளவோ பேர் தடுத்தும்
கூட அவர் முன்னேற்றத்தைத் தடுத்து நிறுத்த முடியவில்லை. 1920இல் ராயல் சொஸைடிக்குத்
தேர்ந்தெடுக்கப்பட்டு அதில் அறிவியலில் கௌரவிக்கப்பட்ட முதல் இந்தியர் என்ற பெருமையையும்
பெற்றார்.
தாவரங்களுக்கு உணர்ச்சி உண்டு என்பதைக் காட்ட க்ரஸ்கோகிராப் (Crescograph) என்ற கருவியை அவர் வடிவமைத்தார். தாவரத்தின்
வளர்ச்சியை மிக நுட்பமாக, நுணுக்கமாக இது காட்டும். அதாவது ஒரு லட்சத்தில் ஒரு பங்கு
என்ற அளவிற்கு மிக நுண்ணிய அளவில் தாவரத்தின் வளர்ச்சியை இது காட்டியதால் உலகமே வியந்து
அவரை ஆச்சரியத்துடன் பார்த்தது. அவரது கருவி
தாவரம் அசையும் போது அதுவும் அசைந்து துல்லியமாக தாவர இயக்கத்தைக் காட்டியது.
எதையும் நேரில் பார்க்க ஆசைப்படும் பெர்னார்ட் ஷா ஒரு முறை அவரது
சோதனையைப் பார்க்க வந்தார். ப்ரோமைட் கரைசலில் முட்டைகோஸ் இலையைப் போடும் போது அந்த
விஷக் கரைசலில் அது துடிதுடிக்க ஆரம்பித்ததைப் பார்த்த பெர்னார்ட் ஷா அந்த பயங்கரத்தைப்
பார்க்க முடியாமல் வேதனைப் பட்டார்; சோதனையை எண்ணி ஆச்சரியப்பட்டார்.
போஸின் வாழ்க்கை இந்திய இளைஞர்களுக்கு உத்வேகம் தரும் ஒரு உன்னத வாழ்க்கை. அவரது பெருமைக்குத் தக்க அளவில் அவரை இந்திய நாடு இன்னும் அதிக அளவில் போற்றவில்லை என்பது வருந்தத் தக்க ஒன்றாகும்.
அறிவியல் அறிஞர் வாழ்வில் ..
காட்டு வளத்தைக் காக்கும் சுற்றுப்புறச் சூழல் ஆர்வலரான ஜேன்
குட் ஆல் பிரிட்டனைச் சேர்ந்த ஒரு பெண்மணி.(Jane Goodall – பிறப்பு :3-4-1934 – இப்போது வயது 84). சிம்பன்ஸிகளைப் பற்றி முழுதுமாக
ஆராய்ந்து இவர் சேகரித்திருக்கும் தகவல்கள் அனைவரையும் வியக்க வைக்கும். 1957ஆம் ஆண்டு ஆப்பிரிக்காவிற்குச் சென்ற அவர்
ஆராய்ச்சியாளராகச் சென்றார்;திரும்பி வந்த போது காடுகளையும் விலங்குகளையும் பாதுகாக்க
வேண்டும் என்ற சுற்றுப்புறச் சூழ்நிலை ஆர்வலராக வந்தார். மனிதனுக்கு மட்டுமே கருவிகளை
உபயோகப்படுத்தத் தெரியும் என்பது தவறான கருத்து என்பதை அவர் ஆணித்தரமாகச் சொல்கிறார்.
ஒரு முறை ஒரு சிம்பன்ஸியை அவர் பார்த்துக்
கொண்டிருந்த போது அது ஒரு மரக்கொப்பை உடைத்து அதை வைத்து இலைகளை ஒவ்வொன்றாக சீவி எடுத்துக்
கொண்டிருந்தது. ஆக சிம்பன்ஸிகளுக்கும் கருவியைச் செய்து உபயோகப்படுத்தத் தெரியும் என்பதை
அவர் கண்டார்.மேலும் மேலும் ஆராய்ந்து சிம்பன்ஸிகளைப் பற்றிய வியக்க வைக்கும் சுவாரசியமான
அனைத்து விவரங்களையும் உலகிற்கு எடுத்துரைத்தார். சிம்பன்ஸிகளுக்காக ஒரு நிறுவனத்தையே
தான் நிறுவியதோடு அவற்றைப் பராமரிக்க வேண்டிய அவசியத்தையும் வலியுறுத்தி வருகிறார்.
இதற்காகத் தொடர் சுற்றுப் பயணம் செய்யும் அவர்
வருடத்திற்கு 300 நாட்கள் பயணத்தில் இருப்பதாகவும் கடந்த 20 ஆண்டுகளில் மூன்று நாட்கள்
தொடர்ந்து ஒரே படுக்கையில் தான் படுத்ததில்லை என்றும் சொல்கிறார். In the Shadow
of Man என்ற அவரது நூல் உலகளாவிய அளவில் பேசப்படும் ஒரு சிறந்த நூலாகி விட்டது. இந்த
முதிய வயதிலும் அவர் வனப் பாதுகாப்பில் காட்டும் ஆர்வம் அனைவருக்கும் உத்வேகம் ஊட்டும்
ஒன்று!
மூளையைப் பற்றி அறிவியல் விஞ்ஞானிகள் ஆராய ஆராய அவர்களுக்கு வியப்பு தான் மேலோங்குகிறது. நூறு பில்லியன் (ஒரு பில்லியன் என்றால் நூறு கோடி) இணைப்புகள் உள்ளன என்று கூறி அவை எப்படி ஒன்றுடன் ஒன்று தகவல்களைப் பரிமாறிக் கொள்கின்றன என்பது பிரமிக்க வைக்கும் ஒரு விஷயம் என்று அவர்கள் கூறுகின்றனர்.இந்த மூளை ஆற்றலை மேம்படுத்த வழிகள் உண்டா என்ற கேள்விக்கு உண்டு என்றே அறிவியல் பதிலைத் தருகிறது.சில வழிகளை இங்குக் காண்போம்:முதலாவது எளிய வழி : மூளை ஆற்றலை மேம்படுத்துவது எப்படி என்பது சம்பந்தமான ஏராளமான புத்தகங்கள் வெளியாகியுள்ளன; கட்டுரைகளும் ஆயிரக் கணக்கில் படிக்க உள்ளன. பணம் கொடுத்து வாங்க முடிந்தோர் இவற்றை வாங்கிப் படித்து முன்னேறலாம்; இல்லை என்றாலும் கவலை இல்லை; அவ்வப்பொழுது நூலகங்கள் சென்று இந்தப் புத்தகங்களைப் படிக்கலாம்; அல்லது இணையதளத்தில் உள்ள ஏராளமான வலைத் தளங்களில் பல ஆக்கபூர்வமான யோசனைகளைப் படிக்கலாம்; அவற்றைக் கடைப்பிடிக்கலாம்.
இரண்டாவது வழி: ஸ்பீட் ரீடிங். வேகமாகப் படிப்பது, குறிப்புகளை உடனுக்குடன் எடுப்பது என்ற அணுகுமுறை உங்களுக்கு இரட்டிப்பு மடங்கு அறிவைத் தரும். மூன்றாவது வழி : இது யோகா வழி. யோகம் கூறும் சுவாசப் பயிற்சியைக் கற்றுக் கொண்டால் மூளை ஆற்றல் மேம்படும். எப்படி? ஆழ்ந்து சுவாசிப்பதால் இரத்தத்தில் ஆக்ஸிஜன் அதிகமாகிறது; அதுவே மூளைக்கு அதிக ஆக்ஸிஜனைத் தருகிறது.மூக்கினால் ஆழ்ந்து சுவாசித்தால் உங்களின் உதரவிதானம் நன்கு விரிவு படுவதை நீங்களே உணர முடியும். அதன் மூலம் அதிகமாக சுவாசக் காற்று உங்கள் நுரையீரலைச் சென்றடைவதையும் நீங்கள் அறிய முடியும். பலமுறை இப்படி ஆழ்ந்து சுவாசிப்பதால் மனத்தில் ஏற்பட்டுள்ள இறுக்கம் போய் ஒரு ஓய்வு உணர்வு உங்களுக்கு ஏற்படும். இந்த அருமையான உணர்வு உங்கள் மூளையைத் திறனுடன் சிந்திக்க வைக்கும். நல்ல சிந்திக்கும் ஆற்றலே முன்னேற்றத்திற்கு வழி அல்லவா! அதைப் பெற முடியும்! அடுத்து நான்காவது வழி யோகா கூறும் தியான முறை : கண்களை மூடிக் கொண்டு உங்கள் சுவாசத்தைக் கவனிப்பது நல்ல ஒரு வழி முறை. தசைகளை இறுக்கி விட்டு அதை தளர்ச்சி அடையச் செய்வதும் ஒரு நல்ல வழிமுறை. மனம் அங்கும் இங்கும் அலை பாய்ந்தால் மீண்டும் அதை உங்கள் சுவாசத்தை நோக்கிக் கவனிக்க வையுங்கள்.கவன சக்தியும், ஒருமுகக் குவிப்பும் அதிகமாக இதுவே நல்ல வழிமுறை! ஐந்து முதல் பத்து நிமிடங்கள் தினமும் இதைச் செய்தால் மனம் தெளிவாகும். பல பிரச்சினைகளுக்கு அறிவார்ந்த தெளிவான முடிவுகளைக் காண முடியும்.
அடுத்து ஐந்தாவது வழி : எப்படி உட்கார்கிறோம் என்பதும் முக்கியம் தான்! உடலின் நிலை உங்களின் மூளை ஆற்றலை – சிந்திக்கும் திறனை நிர்ணயிக்கிறது. உதாரணத்திற்கு உங்களை நீங்களே ஒரு சிறிய சோதனை செய்து பார்த்துக் கொள்ளலாம். கடினமான ஒரு கணக்கை எடுத்துக் கொண்டு கூரையையும், ஜன்னலின் வழியாக வெளிப்புறங்களையும் பார்த்துக் கொண்டு, படுத்துக் கொண்டு செய்து பாருங்கள்; அந்தக் கணக்கு முடியாது; ஆனால் அதே சமயம் நேராக நிமிர்ந்து உட்கார்ந்து கண்களைக் கூர்மையாக அதன் மீது பதித்துக் கொண்டு கணக்கை ஆரம்பியுங்கள். எளிதில் முடிந்து விடும். இப்படி உடல் நிலைப்பாடு எதிலும் முக்கிய அங்கம் வகிக்கிறது. ஆம், பாடி லாங்க்வேஜ் முக்கியமே! அடுத்து ஆறாவது வழி: Phosphotidyl Serine (PS) மீது கவனம் செலுத்துங்கள். இந்தத் துணை மருந்து கற்கும் ஆற்றலை அதிகப்படுத்துவதாக மருத்துவ சோதனைகளும் ஆய்வுகளும் தெரிவிக்கின்றன். நினைவாற்றல் குறைப்பாடுகளையும் இது நீக்குகிறது. பக்க விளைவுகள் ஏதும் ஏற்படாது. ஆகவே இதைப் பயன்படுத்தலாம்.அடுத்து ஏழாவது வழி: வல்லாரையைச் சிறிதளவு அன்றாடம் சாப்பிடலாம். இந்த அரிய மூலிகை மூளை ஆற்றலை மேம்படுத்துகிறது; நினைவாற்றலை அதிகரிக்க வைக்கிறது. இது எந்த ஆயுர்வேத மருந்துக் கடைகளிலும் கிடைக்கும். பிரம்மி என்று சம்ஸ்கிருதப் பெயரைக் கொண்ட இது பிரம்மி டானிக்காகவும் மாத்திரைகளாகவும் கிடைக்கிறது. வல்லாரை சூட்டைக் கிளப்பும். ஆகவே ஒரு ஆயுர்வேத மருத்துவரை அணுகி எப்படி எப்போது எந்த அளவில் சாப்பிடலாம் என்பதைக் கலந்து ஆலோசித்து இந்த அரிய மூலிகையைப் பயன்படுத்துங்கள். அடுத்து எட்டாவது வழி: சிந்தனை ஆற்றலை மேம்படுத்தும் நல்ல பழக்க வழக்கங்களை ஏற்படுத்திக் கொள்ளுங்கள். ரூபிக் க்யூப் (Rubik’s Cube) போன்ற சில பிரச்சினை தீர்க்கும் விளையாட்டுக்களை சில வாரங்கள் பழகிப் பாருங்கள். எதையும் ஒரு புதிய அணுகுமுறையுடன் பார்க்க இந்த சிந்தனை பழக்கங்கள் வழி வகுக்கும். பழக்கத்திற்கு உள்ள அபார பலத்தின் காரணமாக நாளடைவில் பிரச்சினைகளைத் தீர்க்கும் உங்கள் அணுகுமுறையே நல்ல முறையில் மாறி விடும். அடுத்து ஒன்பதாவது வழி :டெட் டைம் அல்லது வேஸ்ட் டைம் எனப்படும் (Dead Time and Waste time) பயன்படுத்தாத நேரம் பற்றிக் கவனியுங்கள். காரில் அல்லது பஸ்ஸில் செய்யும் போது நீங்கள் சும்மா உட்கார்ந்திருப்பீர்கள். மணிக்கணக்காக டாக்டரின் டிஸ்பென்ஸரியில், அரசு அலுவலங்களில், வங்கியில் இன்னும் இது போன்ற இதர இடங்களில் ஒன்றுமே செய்யாமல் சும்மா இருக்கும் நேரங்களைக் கணக்கில் எடுங்கள். குறைந்த பட்சம் ஒரு வருடத்தில் 200 மணி நேரம் இப்படிச் செலவிடப்படுவதை நீங்கள் அறிவீர்கள். இதை எப்படிப் பயன்படுத்துவது என்பதைத் திட்டமிடுங்கள். புத்தகம் படிப்பது அல்லது புத்தகத்தை ஆடியோ டேப்பில் கேட்பது என்பதிலிருந்து நூற்றுக்கணக்கான பயனுள்ள வழிகளை நீங்களே தொகுக்கலாம்; அதைப் பயன்படுத்தலாம்.
அடுத்து பத்தாவது வழி: புதிதாக ஒரு மொழியைக் கற்பது. இது வயதாகும் போது ஏற்படும் மூளை ஆற்றல் குறைபாட்டை நீக்க வல்லது. புதிய பரிமாணங்களை அறிய இது வழி வகுக்கிறது. இது ஒரு நல்ல மூளைப் பயிற்சி. தமிழில் முகம் இல்லை என்று சம்ஸ்கிருதம் அறிந்தோர் சொன்னால் அதைச் சொல்ல உனக்கு வாய் இல்லை என்று நீங்கள் கூற முடியும். (இந்த இரு மொழிகளை அறிந்தால் தானே இப்படிச் சொல்ல முடியும்) ஆங்கிலத்தில் afraid. ஸ்பெயின் மொழியிலோ fear! அடுத்து பதினொன்றாவது வழி எழுதுவது. எதையும் எழுதிப் பார்ப்பது பல வழிகளில் உங்கள் மனதை மேம்படுத்துகிறது. எது முக்கியம் என்பதை இது புலப்படுத்துவதோடு மட்டுமின்றி மீண்டும் நினைவிற்குக் கொண்டுவருவதை எளிதாக்கவும் எழுதும் முறை பயன்படுகிறது. படைப்பாற்றல் திறனையும் இது ஊக்குவிக்கிறது. டயரி எழுதுவது, நல்ல பல விஷயங்களைக் குறிப்புகளாக எழுதி வைத்துக் கொள்வது, கவிதை எழுதல் அல்லது பிடித்தமான கவிஞர்களின் கவிதைகளைத் தொகுத்தல் என்று இப்படிச் சொல்லிக் கொண்டே போகலாம்.செலவே இல்லாத எளிய இந்த வழிமுறைகளைக் கடைப்பிடிக்க ஆரம்பியுங்கள்; ஒரு சில மாதங்கள் சென்ற பிறகு உங்களை நீங்களே மதிப்பீடு செய்யுங்கள். எப்படி மூளைத் திறனைக் கூட்டியுள்ளீர்கள் என்பது உங்களுக்கே தெரியவரும். உங்களுடன் பழகும் இதர நண்பர், உறவினர், குடும்பத்தினர் உங்களின் ஆற்றல் திறனை வியப்பது ஒரு போனஸும் கூட!*****
இதுகாறும் நீங்கள் படித்து வந்த இந்தத் தொடரில்
சொல்லப்பட்டவை கடுகளவே. சொல்லாதது மலையளவு. இருநூறு வருட சரித்திரத்தைக் கொண்ட அமெரிக்கா
வாழ் மக்கள் தங்களது பழமையை எப்படியெல்லாம் போற்றிப் பாதுகாக்கிறார்கள் என்பதைப் பார்த்தால்
வியந்து போவோம். நாம் அதி நவீன ஆடைகளை அணிந்து வலம் வந்த போது இடையை மர இலைகளால் மறைத்து
நீலச் சாயம் பூசிக் கொண்டு திரிந்தவர்கள் இப்போது நமது சரித்திரத்தை நாமே ஏளனம் செய்யும்
ஒரு கல்வித் திட்டத்தை உருவாக்கி அவர்கள் நோக்கத்தில் ஓரளவு வெற்றியும் பெற்று விட்டனர்.
இதில் அவர்களின் மகத்தான வெற்றி என்னவெனில் அவர்கள் இந்த தேசத்தை விட்டுச் சென்று விட்டாலும்
கூட அவர்களின் நோக்கத்தை நிறைவேற்ற ஒரு கூலிப் பட்டாளத்தை , ஐந்தாம் படையை இங்கு நிரந்தரமாக
இருக்கும்படி செய்து விட்டது தான்!
ஆக முதலில் நாம் போரிட வேண்டியது நமது ஐந்தாம் படையுடன்
தான். அடுத்து நம்மைச் சிறுமைப் படுத்தும் வெளிப் பகையுடன்! இதைப் படிக்கும் அன்பர்கள்,
தமக்குத் தெரிந்தவர்கள், நண்பர்கள், உறவினர்கள், குடும்பத்தார் ஆகிய அனைவரிடமும் இது
பற்றி விவாதித்து ஒரு விழிப்புணர்ச்சி ஊட்டும் படி சிரம் தாழ்ந்து கேட்டுக் கொள்கிறேன்
அன்பன் ச.நாகராஜன்
3. நமது தேசத்தின் குழந்தைகளிடம் பொய் சொல்லப்படுகிறது. கள்ளம் கபடமற்ற இளம் மனங்களிடம்
வெறுப்பூட்டி, முன்னோர்கள், நமதுபண்பாடு மற்றும் தேசத்தைப் போற்றாமல் இகழ்வதற்கான பயிற்சி
தரப்படுகிறது. பரஸ்பரம் சந்தேகம் கொள்ளும்படி விதைகள் அவர்கள் மனதில் விதைக்கப்படுகின்றன.ஜாதி,
பூகோள எல்லைகள், மதம், பால் மற்றும் இதர சமூக பண்பாட்டு அடிப்படைகள் ஆகியவை ஒருவருக்கொருவர்
விரோதமான அடையாளங்களைக் கொண்டிருப்பது போலக் காட்டப்பட்டு (தவறாகப்) பயன்படுத்தப்படுகிறது.
நமது குழந்தைகளின் மனங்கள் போர்க்களமாக்கப்பட்டு அங்கு உள்ளேயிருந்து போரிடும் நமது எதிரிகள், எதிர்ப்பே இல்லாத ஒரு வெற்றியைப்
பெற்று, இந்த கொடுமையான ஒரு முன்னணி இருப்பதை அறியாமலேயே நம்மை அழிக்கின்றனர்.
இந்த போரானது
பொய்களின் வழியே செய்யப்படுகிறது. இந்தப் பொய்கள் மாணவர்களுக்குக் கட்டாயமாக உள்ள வரலாற்றுப்
பாடத் திட்டங்கள் வழியே செய்யப்படுகிறது. மிக உயரிய கல்வித் தரமும் நேர்மையும் கொண்டிருக்கப்பட
வேண்டிய என் சி ஈ ஆர் டி வரலாற்றுப் பாட புத்தகங்கள் ஒவ்வொரு வருடமும் பல லட்சம் குழந்தைகளால்
படிக்கப்பட்டு உள்ளேற்றிக் கொள்ளப்படுகின்றன.
ஆனால் இங்கோ ‘வரலாற்றில் நிபுணரானவர்’
(தான் நினைத்த) கொள்கைபரப்பும் ஒருவராக மிக அமைதியான முறையில் மாற்றப்பட்டிருக்கிறார்.
நமது வரலாற்றை எடுத்துக் கொண்டு இந்த கொள்கை பரப்புநர் வெட்கமற்ற முறையில் அதை த்வம்சம்
செய்கிறார். உண்மைகளுக்குப் பதிலாக, ஒரு நாவலை உருவாக்கும் சகல விதமான உத்திகளுடன்
தனது கொள்கையைப் பரப்பும் ஒன்றை இந்திய அரசால்
அங்கீகரிக்கப்பட்ட மிகவும் அதிகாரபூர்வமான வரலாறு என்று குழந்தைகளிடம் தருகிறார்.இந்த
என் சி ஈ ஆர் டி வரலாற்றுப் பாட புத்தகங்களின் பிரதானமான உத்தி பொய்யைச் சொல்வது தான்,
அதுவும் பெரிய பொய்களை! உண்மையின் அடிப்படையிலான வரலாற்று நிகழ்வுகளைக் கற்பிப்பதற்குப்
பதிலாக, இந்தக் கொள்கை பரப்புநர் நமது வரலாற்றை கேள்விச் செய்திகளாலும் புனையப்பட்ட சொல்லப்போனால் பொய்களாலும் சித்தரித்து உருவாக்க
முயல்கிறார்.
ஆறாம் வகுப்பிலிருந்து பன்னிரெண்டாம்
வகுப்பு முடிய உள்ள பாடங்களில் உள்ள அனைத்து விஷயங்களையும் அலசிப் பார்ப்போமானால் வரலாறு
பற்றி இந்த புத்தகங்களில் கொடுக்கப்படும் கூற்றுக்கள்
ஒரு பக்கம் சார்ந்தவையாகவே உள்ளன; எவற்றில் என்று பார்த்தால் இந்தியாவின் புராதன பாரம்பரியம்,
மதம், பண்பாடு, சமூகத் தலைவர்கள், சாஸ்திர இதிஹாஸ நூல்கள், ஏன் அதன் மொழியிலும் கூடத்
தான்!
இந்தியாவின் கல்வி முறை முற்றிலுமாக
வஞ்சிக்கப்பட்டிருக்கிறது. மிகவும் திட்டமிட்ட முறையில் உருவாக்கப்பட்டுள்ள இந்த பெரிய
விவரணம் கொண்ட வரலாறு அற ரீதியாகவும் உண்மையின் அடிப்படையிலும் பார்க்கப்போனால் பிழையானது.
இந்த தந்திரத்தை அமுல்படுத்த அதி நவீன கொள்கை பரப்பும் உத்திகள்
கடைப்பிடிக்கப்பட்டுள்ளன.
இந்த திரித்துத் தரப்படும் சித்திரம்
ஒரு தற்செயல் விபத்தோ அல்லது தெரியாமல் செய்யப்பட்ட ஒன்றோ அல்ல. ஒவ்வொரு பொய்யும்,
ஒவ்வொரு திரித்தலும், ஒவ்வொரு ஊகமும், ஒவ்வொரு முடிவும் திட்டமிட்ட ஒரு குறிக்கோளுடனேயே
செய்யப்பட்டுள்ளது. இது தங்களது உளத்தில் ஒரு தவறான விவரணத்தை நமது மாணவர்களிடையே உட்கொள்ளுமாறு அமைக்கப்பட்டிருக்கிறது.
இது நுட்பமாகவும் மிகவும் ஏமாற்று வேலை நிபுணர்களால் செய்யப்பட்டுள்ள போதிலும் மிகத்
தெளிவாக இருக்கிறது. இது இந்திய சமூகம், பண்பாடு மற்றும் மதத்தை பாகுபாடு, கொடுமை,
ஏகாதிபத்தியம், சமமில்லாத தன்மை, வெற்று நம்பிக்கையில் ஊறிய ஒன்றாகச் சித்தரிக்கிறது.
வரலாற்று ரீதியாக சமூகம் மற்றும் பண்பாடுகளால் எதிரெதிர் உள்ளவையாக இந்தியாவை பிளவுபட்ட
தேசமாகவும் ஒரு செயற்கையான பரப்பாகவும் இது காண்பிக்கிறது.
’ப்ரெய்ன் வாஷ்ட் ரிபப்ளிக்’ என்ற
புத்தகம் ஜனநாயக ஸ்தாபனங்கள் இந்தியர்களின் சிந்தனா போக்கை மாற்றிவிடும் மிகத் தவறான
முறையை வெளிச்சப்படுத்திக் காட்டுகிறது. இந்த நூல் எப்படி இந்த கல்வித் திட்ட திரிப்பு
வேலை நமது பல்வேறு அமைப்புகளிடம் மொழிவாரியாக, பிரதேச வாரியாக, ஜாதி வாரியாக குழப்பங்களை
உருவாக்கும் விதைகளை விதைக்கிறது என்பதை வெளிச்சப்படுத்திக் காட்டுகிறது.
வரலாற்றின் பெயரால் என்னென்ன பொய்கள்
பரப்பப்படுகின்றன என்பதை அறிந்து கொள்ள நமது தேச மக்கள் எல்லா உரிமையும் பெற்றவர்கள்.
– இந்த உண்மைகளை அனைவரின் முன்னாலும் கொண்டு வருவது இந்திய வரலாற்றில் உள்ள திரித்துக்
கூறப்பட்டுள்ள விஷயங்களை அழிப்பதற்கு உதவும் என நம்பப்படுகிறது. இந்த திரித்துக் கூறல்கள்
இன்னும் அதிக சேதத்தை தவிர்ப்பதற்கு உடனடியாக முடிவெடுக்கும் நிலைமையில் உள்ளோர் இதைத்
தடுத்து உரிய சரியான நடவடிக்கைகளை எடுக்க இதுவே சரியான தருணம்.
நமது தேசத்தின் பிழையுள்ள ஒரு
வடிவத்தை வழங்க சுயநலம் கொண்ட தனி நபர்களும்
நிறுவனங்களும் இருக்கின்றன. இன்றைய வரலாற்று புத்தகங்களில் திரித்துக் கூறப்பட்டுள்ளவை நம் கண்களைக் கவரும் ஒன்றல்ல, ஆனால் நயவஞ்சகமானது.
****
மேலே கண்ட தமிழாக்கத்தின் ஆங்கில
மூலம் கீழே தரப்படுகிறது :
3. The children of
our country are being lied to. Millions of impressionable young minds are being
trained to hate, loathe and despise upon their ancestors, culture and country.
Seeds of mutual suspicion are being sown in their minds. Caste, geography, religion,
gender and all other social and cultural markers are being used to cast our
children into mutually antagonistic identities. Our children’s mind space is
the battleground where the enemy, from within, is staging an uncontested
victory, and destroying us without us even realising the existence of this
belligerent front.
This war is being fought through lies. These lies are being
presented as history through textbooks that are compulsory for students. The
NCERT history textbooks, read and internalised by millions of children every
year, are supposed to be the product of the highest academic quality and
honesty. But in this case, the ‘expert historian’ has been quietly replaced by
a propagandist. The propagandist unashamedly plays havoc with our history. Instead
of facts, he uses all the propaganda techniques in creating a fiction, which he
then passes on to our children as the ‘authoritative’ history sanctioned by the
Indian State. The principal technique used in these NCERT history textbooks is
to lie and lie big. Instead of teaching historical assertions based on facts,
this propagandist tries to create a picture of our past based on hearsay,
conjectures and obviously, outright lies.
The scrutiny of the entire content, from Class 6th
to Class 12lh, shows that the version of history being presented
in these books is tilted heavily against one side: of India’s ancient heritage,
religion, culture, social leaders, scriptures and even its language.
The education system of India has been thoroughly compromised. It
is being systematically used to create a historical grand narrative which is
ethically and factually incorrect. Sophisticated propaganda techniques are
employed to create this artifice.
The distorted portrayal is neither an accident nor an aberration. Every
lie, distortion, speculation, and conjecture that is employed in manufacturing
the Indian history has a well-designed objective. It builds a false
narrative for the gullible students to absorb and imbibe in their psyche. The
message, though subtle and executed by masters of deception, is yet very clear.
It depicts an Indian society, culture and religion drenched in misogyny,
discrimination, cruelty, imperialism, inequality and superstition. India is
shown as a disjointed and artificial entity consisting of historically
antagonistic social and cultural entities.
The book “Brainwashed Republic” exposes the blatant manner iin
which democratic institutions are being used to subvert the thought process of
Indians. It exposes how this academic subversion sows the seeds of social
unrest among various groups on the basis of linguistic, regional and caste
identities.
Our fellow citizens have every right to know what lies are being
peddled in the name of history. We hope that bringing these facts in public
domain will help in eradicating these distortions from Indian history. It is
high time that the decision makers take preventive and corrective measures to
avoid the damage that this subversion can lead to.
There are individuals and institutions that have a vested interest
in presenting a biased version of history to the students of our country. The
distortions in the present history books are not spectacular, but insidious.
(Courtesy : “Brainwashed
Republic”, by Neeraj Atri and Munieswer A Sagar– Abhishek Publications, New
Delhi.)
நன்றி:
ட்ரூத் ஆங்கில வார இதழ் – தொகுதி -86- இதழ் 35 ; 28-12-2018 இதழ்
குறிப்பு
: அருமையான கட்டுரைத் தொடர் இத்துடன் முடிவடைகிறது. என்ற போதிலும் இதன் முற்பகுதியை
நான் தரவில்லை. ஆகவே அதையும் கூடிய விரைவில் தர விழைகிறேன். தமிழாக்கம் – ச.நா.
சில நாட்களுக்கு முன்னர் (இதை எழுதும் தேதி 20-1-2019) மின்னஞ்சலில்
ஒரு தகவல் வந்தது. அச்சன்கோவிலில் ஒரு பிரிட்டிஷ் அதிகாரி வேலை பார்த்த சமயத்தில் நிகழ்ந்ததாகக்
கூறப்படும் அந்தச் சம்பவத்தில் ஐயப்பன் பிரிட்டிஷ்காரருக்கு தரிசனம் கொடுத்தாராம்!
எனக்கு வியப்பு மேலிட்டது.
ஏனெனில் ஸ்வாமிஜி கிருஷ்ணா ஆயக்குடியைச் சேர்ந்தவர். ஸ்வாமிஜி
கிருஷ்ணாஆஃப் ஆய்க்குடி என்று அறியப்படுபவர். எங்களது குரு. மஹாகணபதியுடன் பிரத்யக்ஷமாகப்
பேசக் கூடிய பெரும் தபஸ்வி. மகான்.சித்தர். அருளாளர்.
அவர் தான் அச்சன்கோவிலை ஸ்தாபித்தவர்.
ஆக பிரிட்டிஷ்காரர் எப்படி இங்கு வந்தார்?
காயத்ரி மந்திரத்தை ஒரு யுனிவர்ஸிடி புரபஸர் ஆராய்ந்து அதன்
அபார மஹிமையைக் கண்டதாக ஒரு செய்தி மின்னஞ்சலில் பரப்பப்பட (இன்னும் இது பரப்பட்டுக்
கொண்டே தான் இருக்கிறது) இதை கிழி கிழி என்று கிழித்து நாத்திகவாதிகள் தங்கள் வலைத்தளங்களில்
கட்டுரைகளை வெளியிட்டார்கள்; வெளியிட்டும் வருகிறார்கள். முதலில் மின்னஞ்சல் தகவலில் கூறப்படும் யுனிவர்ஸிடியே
கிடையாது. அடுத்து அவர்கள் குறிப்பிடும் புரபஸரின் பெயர் எங்கும் எந்த யுனிவர்ஸிடியிலும்
கிடையாது.
ஆக அதிக உற்சாகத்தினாலோ அல்லது தனக்குத் தானே வினை வைத்துக்
கொள்வது போலவோ செய்யப்படும் இப்படிப்பட்ட செயல்கள் நமக்குத் தீங்கு தான் பயக்குமே தவிர
நன்மை தராது.
இந்த நிலையில் அச்சன்கோவில் பிரிட்டிஷ் அதிகாரியைப் பற்றிச்
சற்று வியப்புடன் தான் படித்தேன். அது கூறப்படும் கதையின் பாணி, இன்னும் கூட என்னை
அதை உண்மை என நம்பச் சொல்கிறது!
சரி விஷயத்திற்கு வருவோம்.
இடம் தென்காசி.
தென்காசி கோவிலில் ஒரு கல்வெட்டு உண்டு. அது இது தான்:
யாராகிலும் இந்த தென்காசிமேவு திருவாலயத்து
வாராததொரு குற்றம் வந்தக்கால் அப்போது அங்கு வந்து
நேராகவே அதைத் திருத்திப் புரப்பார்களை
பாரோரறியப் பணிந்தேன் பராந்தக பாண்டியனே
கோவிலைக் கட்டிய மன்னன் பராந்தக பாண்டியன், “எதிர்காலத்தில்
எப்போதாவது ஒரு சமயம் இந்த ஆலயத்திற்கு தீங்கு வந்தது எனில், அப்போது அதை நேராக்கிச்
சரி செய்பவர்களுக்கு இப்போதே பராந்தக பாண்டியனான நான் பணிகிறேன்” என்கிறார்.
என்ன அற்புதமான உயர்ந்த மனம் அந்த மன்னனுக்கு.
பல நூற்றாண்டுகள் கழிந்த பின்னர் ஆயிரத்திதொள்ளாயிரத்து அறுபதுகளில்
கோவிலுக்கு ஒரு தீங்கு வந்தது.
கோபுரத்திலேயே விரிசல்.
திருப்பணி வேலை தொடங்கியது.ஸ்வாமிஜி கிருஷ்ணா ஆசி கூற திருப்பணி செவ்வனே நடைபெற்றது.
கோவில் கும்பாபிஷேகத்தன்று அவர் தென்காசிக்கு கோவில் கும்பாபிஷேகத்திற்கென வருகை புரிந்தார்.
எங்கள் குடும்பம் ஸ்வாமிஜியுடன் நெருக்கமான குடும்பம். நான்
அப்போது என் இளமைப்பருவத்தில் இருந்தேன்.
அங்கு காலையில் டிராவலர்ஸ் பங்களாவின் வெளி முற்றத்தில் நாற்காலிகளில்
அமர்ந்து ஒரு சின்ன பக்தி அரட்டை.
நடுவில் கம்பீரமாக கேரள அரசின் டிரான்ஸ்போர்ட் டைரக்டர் திரு
மாதவன் நாயர் அமரிந்திருந்தார். (இவரது பதவியின் பெயர் எனக்குச் சரியாகத் தெரியாது
என்றாலும் உயர் அதிகாரியாக அப்போது இருந்தார்- முக்கியமாக போக்குவரத்துத் திட்டங்களை
முடிவு செய்யும் உயர் பதவியில்!)
என்னைப் பார்த்து ஸ்வாமிஜியை எப்படித் தெரியும் என்றார். ஆஹா! இப்படிப்பட்ட கேள்விக்குத் தானே நான் காத்திருந்தேன்.
எங்கள் அனுபவங்களை விலாவாரியாக விவரித்தேன். பின்னர் அவரிடம்
ஒரு கேள்வி கேட்டேன் – “உங்களுக்கு எப்படி ஸ்வாமிஜியைத் தெரியும்?” என்று.
அவர் சாதாரணமாக பேசவே மாட்டாராம்.ரிஸர்வ்ட் டைப். உயர் அதிகாரிக்கே
உரித்தான கம்பீரம் ; ஒரு மிடுக்கு; ஒரு அதிகார தோரணை.
ஆனால் எனது கேள்விக்கு மிகவும் சந்தோஷத்துடன் பதில் கூறலானார்.
அச்சன்கோவில் என்பது மலையில் உள்ள ஐயப்ப ஸ்தலம். பரசுராமரால்
ஸ்தாபிக்கப்பட்ட சிலை கால வெள்ளத்தில் பூமிக்கு அடியில் புதையுண்டு போனது.
ஸ்வாமிஜி கிருஷ்ணாவின் கனவில் ஒரு நாள் அந்த சிலையை ஸ்தாபிதம்
செய்ய வேண்டுமென்ற ஆதேசம் வந்தது. அவர் கனவு தானே என்று அதற்கு முக்கியத்துவம் கொடுக்கவில்லை.
ஆனால் மீண்டும் மீண்டும் அதே கனவு வரவே, இதில் ஒரு முக்கிய விஷயம் இருக்கிறது என்பதை
உணர்ந்து, பல ஆட்களுடன் ஆள் உயரம் வளர்ந்திருந்த கோரைப் புற்களை வெட்டியவாறே காட்டில்
வழி செய்து கொண்டு கனவில் குறிப்பிட்ட இடத்திற்குச் சென்று அங்கு தோண்டச் சொன்னார்.
(பதினெட்டு அடி ஆழம் என நினைக்கிறேன்) பூமியில் புதையுண்டு கிடந்த ஐயப்பன் சிலை வெளியில்
எடுக்கப்பட்டு அச்சன்கோவிலில் ஸ்தாபிக்கப்பட்டது.
வருடம் தோறும் புஷ்பாஞ்சலி ஸ்வாமிஜியால் மிக பிரம்மாண்டமான அளவில்
நடத்தப்பட்டு வந்தது; அவர் மறைவிற்குப் பிறகு இன்றும் அது மிக மிக பிரம்மாண்டமான அளவில்
நடத்தப்பட்டு வருகிறது.ஐயப்ப பக்தர்கள் செல்லும் ஒரு முக்கிய ஸ்தலமாக இன்று விளங்குகிறது.
ஆரம்பத்தில் அங்கு செல்ல சரியான பாதை இல்லை. மண் பாதை; கரடுமுரடான பாதை.
அதற்குச் சரியான படி சாலை அமைக்க வேண்டுமென ஸ்வாமிஜி விரும்பியபோது
அந்தக் கோரிக்கை மாதவன் நாயரின் கைக்கு வந்தது.
அவரோ கடுமையான ஆள். இந்த கடவுள்,ஸ்தலம் இதிலெல்லாம் அவ்வளவாக
நம்பிக்கை இல்லாதவர். ஸ்வாமிஜி என்றால் அவ்வளவு தான் – அந்தச் சொல்லே கட்டோடு பிடிக்காது.
என்றாலும் கோரிக்கையை இன்ஸ்பெக்ஷன் செய்து முடிவு செய்து நிர்ணயிக்க
வேண்டிய பொறுப்பில் இருந்ததால் அந்தப் பாதையில் ஒரு முறை வர ஒப்புக் கொண்டார்.
அவர் ஸ்வாமிஜியுடன் ஒரு ஜீப்பில் செல்லும் போது கிண்டலாக ஸ்வாமிஜியிடம்,
“இதுவோ காடு; இங்கு எதற்கு ஒரு பாதை? நீங்கள் தான் அற்புதங்கள் செய்பவர் ஆயிற்றே. ஒரு
புலியைக் கொண்டு வாருங்களேன், இங்கு! இதன் முக்கியத்துவத்தை நான் நம்புகிறேன்” என்றார்.
இதைக் கூறிமுடித்தவுடன் அடுத்த வளைவில் கரடுமுரடான மண்சாலையை
முழுதுமாக மறித்து ஒரு பெரிய புலி நின்று கொண்டிருந்தது.
பயந்து போன மாதவன் நாயர் அலறியவாறே ஸ்வாமிஜியிடம் புலியைப் பார்த்து
விட்டேன், அதைப் போகச் சொல்லுங்கள் என்றார்.
புலியும் போனது.
கொஞ்ச தூரம் சென்றவுடன் மாதவன் நாயர், “ இது ஏதோ தற்செயலாக
-அகஸ்மாத்தாக நடந்த ஒரு சம்பவம். காட்டில் புலிகள் இருப்பது சகஜம் தானே!
இன்னொரு முறை புலி வருமா என்ன?” என்று ஸ்வாமிஜியிடம் கூற அடுத்த
வளைவில் சாலையை மறித்து ஒரு புதிய புலி நின்றது.
அந்தக் கணத்தில் அவர் மனம் மாறினார்.
“நான் அன்றிலிருந்து இன்று வரை ஸ்வாமிஜியின் அத்யந்த பக்தன்”
என்று முடித்தார் மாதவன் நாயர்.
(அச்சன்கோவிலுக்குச் செல்லும் பாக்கியம் பின்னால் ஒரு சமயம் எங்கள் குடும்பத்தினருக்குக் கிடைத்தது.
புஷ்பாஞ்சலியில் பங்கு கொண்டோம். அடடா, என்ன அற்புதமான ஸ்தலம்.
போகும் தார் பாதையோ வெகு ஜோர்.
மாதவன் நாயரை நினைத்துக் கொண்டேன் அப்போது.)
தென்காசி கும்பாபிஷேகம் வெகு சிறப்பாக நடைபெற்றது.
பராந்தக பாண்டியனின் ஆசை வெகு காலம் கழித்து நிறைவெற்றப்பட்ட
ஒரு பெரும் திருவிழாவில் பங்கு கொண்டது முதல் மகிழ்ச்சி.
அதில் ஸ்வாமிஜியின் மஹிமையைத் தெரிந்து கொண்டது இரட்டிப்பு மகிழ்ச்சி.
ஆக இது தான் உண்மை என
நான் நினைத்துக் கொண்டிருக்க, மின்னஞ்சல் தகவல் வந்த போது நான் வியப்படைந்தது சரி தானே!
ஸ்வாமிஜியின் மஹிமை சொல்லில் அடங்காதது. ஏராளமான அற்புதங்களை
நேருக்கு நேர் நாளுக்கு நாள் அனுபவித்து வந்ததால் அந்தக் காலத்தில் எங்கள் வீட்டில்
எப்போதும் ஸ்வாமிஜி பற்றிய பேச்சாகவே தான் இருக்கும்!
அது ஒரு அற்புதமான பொற்காலம்! மீண்டும் வருமா?
(போலித் தகவல்களை மின்னஞ்சலில் அனுப்பக் கூடாது; அப்படி ஒரு
தகவலை அனுப்பினால் ஸோர்ஸ் – ஆதாரமும் தெரியப்படுத்தப்பட வேண்டும். இது எனது வேண்டுகோள்!)
நிதி சம்பந்தமாக நமக்கு உடனடியாக மனக்கணக்காக
ஒரு வரும்படியைக் கணக்கிட ஒரு எளிய சூத்திரம் உண்டு.
அது தான் சூத்திரம் 72.The Rule of 72 என்று இதை ஆங்கிலத்தில் கூறுவர்.
சூத்திரம் 72 என்பது மனதினால் போடக்கூடிய ஒரு எளிய வழியாகும்.
எடுத்துக்காட்டாக ஒரு கணக்கு:
6 சதவிகிதம் வட்டி தரப்படுகிறது.அப்படியானால் நான் போட்ட பணம் எப்போது இரு மடங்காகும்.
இங்கே தான் சூத்திரம் 72 நமக்கு உதவுகிறது
இரு மடங்காகும் வருடங்கள் = 72 / வட்டி
விகிதம்
இங்கு 6 % வட்டி விகிதம் என்பதால் 72 / 6 = 12 வருடங்கள்.
இதே வட்டிவிகிதம் 12 சதவிகிதம் என்றால் விடை இதோ : 72 / 12 = 6 வருடங்கள்!
சரி எனக்கு நான் போட்ட பணம் பத்து வருடங்களில்
இரட்டிப்பாக ஆக வேண்டும்.
அப்போது இந்த சூத்திரம் உதவுமா? உதவும்.
72 / 10 = 7.2 % அதாவது 7.2 % என வட்டி
விகிதம் தரப்பட்டால் பத்து வருடங்களில் போட்ட பணம் இரட்டிப்பாகும்!
தேசத்தின் GDP (Gross Domestic Product) பற்றி ஒரு உத்தேச மதிப்பீடு போட வேண்டும்.
தேசத்தின் வளர்ச்சி விகிதம் 4 % ஆக இருந்தால் தேசத்தின் GDPஎப்போது இரு
மடங்காக உயரும்.
72 / 4 = 12 வருடங்கள் . 12 வருடங்களில் தேசத்தின் GDPஇரு மடங்காக
உயரும்.
இந்த வளர்ச்சி 4 % -லிருந்து 8 ஆக உயர்ந்தால் ஒன்பது வருடங்களிலேயே தேசத்தின் வளர்ச்சி
இரு மடங்காகும். இது 4 %-லிருந்து 2 ஆகக் குறைந்தால் பதினெட்டு வருடங்கள் ஆகும் – தேசத்தின்
வளர்ச்சி இரு மடங்காக!
விலைவாசி ஏறிக் கொண்டே இருக்கிறது. நம் கையில் உள்ள பணத்தின் மதிப்பு என்னவாகும்?
இருக்கவே இருக்கிறது சூத்திரம் 72!
2 %லிருந்து 3 % ஆக விலைவாசி ஏறி விட்டது என்றால் 36 வருடங்களில் பாதியாக ஆகப்
போகும் உங்கள் பணம், 24 வருடங்களிலேயே அந்த இழப்பை எட்டி விடும்!
கல்லூரியில் உங்கள் பையனோ அல்லது பெண்ணோ படிக்கும் போது பணம் கட்ட வேண்டி இருக்கிறது.
வருடத்திற்கு 5 % என்ற விகிதத்தில் இது அதிகரிக்கிறது என்று உங்களுக்குத் தெரிய வருகிறது.
அப்போது 72 / 5 = 14.4 . அதாவது 14.4 வருடங்களில் கல்லூரிக் கட்டணம் இரு மடங்காகி
விடும்!
ஒரு தேசத்தின் வளர்ச்சி திட்டத்தில் அங்கு பெருகி வரும் ஜனத்தொகையினால் என்ன ஏற்படும்
என்று கண்டுபிடிக்கக் கூட இந்த சூத்திரம் உதவும்.
சாதாரணமாக 2 % என்ற அளவில் உயரும் ஜனத்தொகை 3 % என்று ஆகி விட்டால் 36 வருடங்களில்
நீங்கள் நிறைவேற்ற வேண்டிய திட்டங்களை 24 வருடங்களிலேயே நிறைவேற்ற வேண்டி வரும்.
இப்படி சொல்லிக் கொண்டே போகலாம்.
எல்லாம் ஒரு மனக்கணக்கு தான்! உங்கள் குடும்பத்தில், நண்பர்கள் வட்டாரத்தில் இதைச்
சற்று அமுல் படுத்திப் பாருங்கள். நீங்கள்
ஒரு ‘Financial Wizard’ என்று பெயர் வாங்கி விட முடியும்!
இதைப் பற்றி இன்னும் சிக்கலான கணித விஷயங்கள் உண்டு. அதை கணித மேதைகளுக்கு விட்டு விடுவோம். இதன் பயனை நாம் அனுபவிப்போம்!
365 நாளும் நாளுக்கு 100 பாடல்கள் வீதம் படிக்க வேண்டிய 36500 பாடல்கள்
பற்றிய கட்டுரை ஏற்கனவே வெளியாகியுள்ளது. 1324 திருப்புகழ் பாடல்களில் ஒரு ஆரம்பமாக
100 திருப்புகழ் பாடல்கள் கீழே தரப்பட்டுள்ளது. இந்த பட்டியல் எந்த வித விசேஷ அடிப்படையிலும்
தேர்ந்தெடுக்கப்பட்டது அல்ல. முத்தில் எல்லா முத்தும் நல்லது தான். ஒரு ஆரம்பத்திற்காகத்
தரப்பட்டுள்ள பட்டியல் தான் இது. கீழே குறிப்பில் ஏற்கனவே திருப்புகழ் பற்றி வெளியாகியுள்ள
இரு கட்டுரைகளின் விவரங்கள் தரப்பட்டுள்ளன. படித்து உயர்வோம்; திருப்புகழ் போற்றுவோம்.
இணைய தளத்தில் அனைத்து திருப்புகழ் பாடல்களையும் விளக்கத்துடன் படித்து
மகிழலாம். டவுன்லோடும் செய்து கொள்ளலாம்.
100 திருப்புகழ் பாடல் பட்டியல்
ச.நாகராஜன்
எண்
முதல்
அடி
1
கைத்தல
2
உம்பர்
3
பக்கரை
4
நினது
5
முத்தைத்
தரு
6
உனைத்தினம்
7
சந்ததம்
8
மன்றலங்
9
இயலிசை
10
நிதிக்கு
11
சங்கைதான்
12
விறல்மாரனைந்து
13
தண்டையணி
14
நாதவிந்து
15
அபகார
16
சிவனார்
17
தமரு
18
திமிர
19
அவனிதனிலே
20
உலக
21
கலகவாள்
22
அறமிலா
23
அகலவினையுட்
24
ஆறுமுகம்
25
ஒருபொழுது
26
குழலடவி
(சிலேடை)
27
திடமிலி
28
மலரணி
29
முருகுசெறி
(அகத்தியர் பூஜை)
30
வ்சன
31
வ்ரதா
32
விதமிசைந்தினி
(காசியின் மீறிய் பழநி)
33
காமிய
34
சேலுமயிலுந்
35
நாவேறு
36
பாதிமதிநதி
37
வாதமொடு
38
குமரகுரு
39
புமியத
40
நினைத்த
41
இருமலு
42
சினத்தவர்
43
வேத
44
பத்தியால்
45
காலனிட
46
அல்லில்
47
திருமக
48
உடுக்க
49
எதிரிலாத
50
அதிருங்
61
வாதினை
52
அகரமுமாகி
53
காரண
54
சீலமுள
55
சீர்சிறக்கு
மேனி
56
ஈனமிகுத்துள
57
க்னகதம்பத்தை
58
அற்றை
59
முட்டு
60
நாடித்தேடி
61
இரவுபகற்
62
இருவர்மயலோ
63
அமுத
64
சிரத்தா
65
எழுகடல்
66
காவியுடுத்து
67
கனகசபை
68
இருவினை
69
செங்கலச
70
வேழமுண்ட
71
சிகர
72
மருமல்லியார்
73
கலகலெனச்சில
74
உரத்துறை
75
இறையத்தனையோ
76
வங்கார
77
நீதானெத்தனையாலும்
78
சொற்பிழை
79
பஞ்சுசேர்
80
அம்புராசியிற்
81
அஞ்சன
வேல்விழி
82
என்னால்
83
மதியால்
வித்தகனாகி
84
வண்டுபோற்
சாரத்
85
இருவினைப்
பிறவிக் கடல்
86
ப்ரவு
87
ஓதுவித்த
88
இத்தரணி
89
கருப்பத்தூறி
90
கோடான
மேரு
91
துள்ளுமத
92
தேனியல்சொற்
93
நாரியர்க
94
நாளுமிகுத்த
95
நித்தமு
96
நீலங்கொள்
97
பிறவியலையாற்றினிற்
98
மனைமக்கள்
99
இசைந்த
100
கும்பகோண
****
தமிழ் அண்ட் வேதாஸ் இணைய தளத்தில் ஏற்கனவே வெளிவந்துள்ள திருப்புகழ்
பற்றிய இரு கட்டுரைகளின் விவரம்: –
உனக்கு அறிவு இருக்கிறதா என்று ஒருவரைக் கேட்டால் விளைவு விபரீதம்
தான்.
ஆனால் உங்களுக்கு அற்புதங்களை உண்டு பண்ணும் ஆறாவது அறிவு இருக்கிறதா
என்று கேட்டால் அவர் யோசிப்பார்.
பண்டைத் தமிழ் நூலான தொல்காப்பியம், ‘புல்லும் மரமும் ஓர் அறிவினவே,
நந்தும் முரளும் ஈர் அறிவினவே, சிதலும் எறும்பும் மூ அறிவினவே, நண்டும் தும்பியும்
நான்கு அறிவினவே, மாவும் மக்களும் ஐ அறிவினவே, மக்கள் தாமே ஆறு அறிவு உயிரே’ என்று
ஆறு அறிவு பற்றி விளக்குகிறது. தொடுகின்ற உணர்வு இருந்தால் ஓர் அறிவு, அத்துடன் சுவையும்
அறிந்தால் ஈர் அறிவு, அவற்றுடம் முகரும் அறிவும் இருந்தால் மூன்று அறிவு, அவற்றுடன்
பார்வையும் இருந்தால் நான்கு அறிவு, அவற்றுடன் கேட்கும் திறனும் இருந்தால் ஐந்து அறிவு,
இவற்றுடன் சிந்திக்கும் ஆற்றலும் இருந்தால் ஆறறிவு. மனிதனின் இந்த ஆறாவது அறிவு விளக்கமாக
விஞ்ஞானிகளால் ஆராயப்பட்டு வருகிறது.
மனிதனுக்கு மொத்தம் பல்வகை அறிவு உண்டு என்று விஞ்ஞானிகளில்
ஒரு சாரார் இன்று கூறுகின்றனர். (அறிவியல் துளிகள் தொடரில் 109ஆம் அத்தியாயத்தில் பல்வகை
அறிவு : ஒன்பது வகை அறிவால் நுண்ணறிவை அதிகரிக்கலாம் என்ற தலைப்பில் அறிவின் வகைகள்
விளக்கப்பட்டுள்ளது)
ஆறாவது அறிவு என்பதை உள்ளுணர்வால் ஏற்படும் அமானுஷ்ய அறிவு என்று
சில உளவியலாளர்கள் கருதுகின்றனர்.
சிலருக்குத் தன்னை யாரோ பார்ப்பது போல உள்ளுணர்வு கூறும். குறிப்பாக
பெண்களுக்கு இந்த உள்ளுணர்வு அதிகம். அவர்கள் சற்று கவனித்துச் சுற்றுப்புறத்தை ஆராய்ந்தால்
அவர்கள் உள்ளுணர்வு கூறியது சரியே என்பது தெரிய வரும்.
இப்படி ஒரு ஆறாவது அறிவு உண்டா என டீன் ராடின் என்ற பிரபல உளவியலாளரை
ஒரு பெண்மணி கேட்டார். அவர் ஒரு பத்திரிகை ஆசிரியர்.
அந்தப் பெண்மணியின் இடது கையில் விரல்கள் இரண்டுடன் தோலின் தடையை
(Skin Resistance) குறிக்கும் சென்ஸர்களையும் இன்னொரு விரலில் ரத்த ஓட்டத்தைக் குறிக்கும்
சென்ஸரையும் அவர் இணைத்தார். கையில் ஒரு பம்பைக் கொடுத்து ரெடி என்று தோன்றும் போது
இதை அமுக்குங்கள். கம்ப்யூட்டர் ஒரு படத்தை மூன்று விநாடிகள் காண்பிக்கும். அதைப் பார்த்த
பின் அடுத்த படம் பார்க்க ரெடி என்றால் மீண்டும் பம்பை அமுக்குங்கள். அடுத்த படம் வரும்
என்றார் டீன் ராடின். பின்னர் அவர் அடுத்த அறைக்குச் சென்று விட்டார். நாற்பது படங்களைக்
கம்ப்யூட்டர் காண்பித்தது.
சோதனை முடிந்த பின்னர்
பத்திரிகைப் பெண்மணி ராடின் இருந்த அறைக்கு வந்தார். அவர் சோதனை முடிவைக் காண்பிக்கும்
ஒரு வரைபடத்தைக் காண்பித்தார். எப்போதெல்லாம் ஒரு அமைதியான ஏரி போன்ற காட்சிகளை அவர்
பார்த்தாரோ அப்போதெல்லாம் தோலில் படபடப்பு இல்லை, ரத்த ஓட்டம் சீராக இருந்தது. எப்போதெல்லாம்
அவர் பயமுறுத்தும் ஒரு காட்சியைப் பார்த்தாரோ அப்போதெல்லாம் அவர் ரத்த ஓட்டம் சீராக
இல்லை. தோலின் எரிச்சல் மிக அதிகமாக இருந்தது. வெறும் படத்திற்கே இப்படியா என்று ஆச்சரியப்பட்டார்
அந்தப் பெண்மணி.
இந்த சோதனையின் அடுத்த கட்டமாக பல நூறு மைல்களுக்கு அப்பால் உள்ளவருக்கு எண்ண சக்தியை ஒருவர் அனுப்ப, அதை இன்னொருவர் பெறுவதும் இதே போல துல்லியமாகக் குறிக்கப்பட்டது.
எப்போதெல்லாம் அனுப்புபவர் (sender)
ஒரு எண்ணத்தை அனுப்புகிறாரோ அதே நேரத்தில் பெறுபவர் (Receiver) அதைப் பெறுவதை அவர் உடலில் ஏற்படும்
மாற்றங்கள் காண்பிக்கிறது.
மனதிற்கும் உடலுக்குமான தொடர்பை (Mind- Body Connection) அறியாமல்
விடப்போவதில்லை என்று கங்கணம் கட்டிக் கொண்டு ஏராளமான விஞ்ஞானிகள் இந்த ஆராய்ச்சியில்
ஈடுபட்டுள்ளனர்.
டீன்
ராடின் எழுதிய புத்தகங்கள் 14 மொழிகளில் மொழி பெயர்க்கப்பட்டு லட்சத்திற்கும் மேற்பட்டோர்
படித்து அதில் உள்ள சம்பவங்களை எண்ணி வியக்கின்றனர். அவரது சூப்பர் நார்மல், ரியல்
மாஜிக், கான்ஸியஸ் யுனிவர்ஸ் (Super Normal, Real Magic, Conscious Universe) உள்ளிட்டவை
குறிப்பிடத்தகுந்த புத்தகங்களாகும்.
இதே போல
நடக்கப் போவதை முன்னாலேயே கனவில் கண்டு அதை நடந்ததைப் பார்த்து வியப்போரின் தகவல்களும்
ஆராய்ச்சிக்காக விஞ்ஞானிகள் திரட்டி வருகின்றனர். இன்னும் தற்செயல் ஒற்றுமைச் சம்பவங்களாகக்
கருதப்படும் அதிசய ஒற்றுமைகளும் தொகுக்கப்பட்டு வருகின்றன.
மனதிற்கும்
உடலுக்குமான தொடர்பை முற்றிலுமாக விஞ்ஞானிகள் அறியும் போது புதியதொரு உலகம் தோன்றும்
என்று அறிஞர்கள் நம்புகின்றனர்.
அறிவியல் அறிஞர் வாழ்வில் .. ..
இரண்டாம் உலக மகா யுத்தத்தில்
ஜெர்மனியில் உள்ள தொழில் நகரமான ஹாம்பர்க் (Hamburg) மீது பிரிட்டனும்
அமெரிக்காவும் இணைந்து நடத்திய விமானத் தாக்குதல் கோரமான ஒன்று. போர் தளவாடங்களை ஜெர்மானிய
ராணுவத்திற்குத் தயார் செய்து கொடுத்து வந்த அந்த நகரத்தின் மீது இடைவிடாது ஏழு நாட்கள்
குண்டுமாரி பொழியப்பட்டது. 1943ஆம் ஆண்டு ஜூலை மாதம் 24 ஆம் தேதி இரவு துவங்கப்பட்ட
அது ஆகஸ்ட் 3ஆம் தேதி வரை நீடித்தது. அந்த தாக்குதலுக்கு ஆபரேஷன் கொமொரா
(Operation Gomorrah) என்ற பெயர் தரப்பட்டது. குண்டுமழையில் 42600 மக்கள் மடிந்தனர்.
37000 பேர் காயமடைந்தனர். பத்து லட்சம் பேர் நகரை விட்டு ஓடினர். 9000 டன் குண்டு போடப்பட்டது.
ஆனால் நேசநாடுகளின் விமானத்திற்குப் பலத்த சேதம் ஏற்படாமல் பெரும்
வெற்றியை அடைந்ததற்கு ஒரு பெண்மணியே காரணம். அவர் பெயர் ஜோன் குரன் (Joan Curran).அவர் மிகவும்
கஷ்டப்பட்டு கண்டுபிடித்த ராடார் ரெஃப்ளக்டர் பிரிட்டன் விமானங்களைப் பாதுகாத்தது.
இந்த ரெஃப்ளக்டர்கள் ராடாரை ஒரு விமானம் எங்கிருக்கிறது
என்பதை தெரிந்து கொள்ள முடியாதபடி செய்து விடும். ஆகவே ஜெர்மனி தனது ராடார் மூலம் எதிரி
விமானம் எங்கு இருக்கிறது என்பதை அறிய முடியவில்லை.
மொத்தம் 3000க்கும் மேற்பட்ட விமானங்கள் இதில் ஈடுபடுத்தப்பட்டன.
ஒரு நாளில் 791 விமானங்கள் பறந்ததில் 12 விமானங்கள்
மட்டுமே சேதம் அடைந்தன. விண்டோ (Window) என்ற சங்கேத
மொழியில் அழைக்கப்பட்ட ஒரு உத்தியை ஜோன் குரன் அறிமுகப்படுத்தினார். ராடார் ரெப்ளக்டர்களை
பல்வேறு விதமாகத் தயாரித்து சோதனை செய்து பார்த்த அவர் இறுதியில் 1 முதல் 2 செண்டிமீட்டர் அகலமும் 25 செண்டிமீட்டர் நீளமும்
உள்ள அலுமினியப் பூச்சிலான பேப்பர் தகடுகளை
தயாரித்து குண்டு போடும் விமானங்களான பாம்பர்களுக்கு அளித்தார்.
அந்த பாம்பர்கள் இந்த ரெப்ளக்டர்களை வானிலிருந்து தூவி விடவே
ராடாருக்கு விமானம் இருக்கும் இடம் தெரியவில்லை!
ஜெர்மனியின் நாகசாகி என்று வர்ணிக்கப்படும் கோரமான இந்த போரில்
பிரிட்டன் வெற்றி பெற்றது ஜோன் குரனாலேயே தான் என்றாலும் திரை மறைவில் அவர் இருந்ததால்
அவர் பெயர் பிரபலமாகவில்லை என்பது வருந்தத் தக்கது. இந்த போர் முடிந்து 75 ஆண்டுகள்
ஆனதன் நினைவாக இப்போது 2018இல் தான் அவரது பெயர் பிரபலமாகியுள்ளது!