Written by London Swaminathan
swami_48@yahoo.com
Date: 2 October 2018

Time uploaded in London – 8-40 am (British Summer Time)

Post No. 5498

Pictures shown here are taken from various sources including google, Wikipedia, Facebook friends and newspapers. This is a non- commercial blog.

இன்கா (INCA CIVILIZATION) என்றால் என்ன?

தென் அமெரிக்காவின் பெரு நாட்டில் குஸ்கோ (CUSCO) என்னும் நகரில் இருந்து 5000 கிலோமீட்டர் தூரம் வரை இருந்த பகுதிகளை ஆண்ட நாகரீகம் இன்கா நாகரீகம் என்று அழைக்கப்படும். சுமார் எட்டு லட்சம் சதுரமைல் பரப்பை 1400 முதல் 1600 வரை ஆண்டனர். ஸ்பெயின் நாட்டிலிருந்து வந்த படையெடுப்பாளர்கள் இந்த நாகரீகத்தை முற்றிலும் அழித்து தங்கம் முதலிய செல்வங்களை வெளி நாட்டுக்குக் கொண்டு சென்றனர்

புதிதாக என்ன கண்டு பிடித்தார்கள்?

இன்கா நாகரீக மக்கள் கயிற்றில் முடிச்சுகளைப் போட்டு கணக்கு எழுதினர். முடிச்சுகள் மூலம் வேறு பல விஷயங்களையும் பதிவு செய்தனர். இது பற்றிய புதிய கண்டு பிடிப்புகள் புகழ்பெற்ற விஞ்ஞான சஞ்சிகை நியூ ஸைன்டிஸ்டில் (NEW SCIENTIST) வெளியாகியுள்ளது. அதை படித்தவுடன் எனக்கு நினைவுக்கு வந்த திரு மந்திரப் பாடல்

தன்னை அறிந்திடும் தத்துவ ஞானிகள்

முன்னை வினையின் முடிச்சை அவிழ்ப்பர்கள்

பின்னை வினையைப் பிடித்துப் பிசைவர்கள்

சென்னியில் வைத்த சிவன் அருளாலன்றே

— திருமந்திரத்தில் திருமூலர்

பொருள்:

தன்னை உணர்ந்து அறிந்தவர்கள் தத்துவ ஞானிகள். இந்த மெய்ஞானிகள், பூர்வ ஜன்ம தீவினைப் பயனை தவிர்ப்பர். இனி வரும் வினைகளையும் தகர்த்து விடுவர்; அதாவது வினைக்கான கர்மங்களைச் செய்ய மாட்டார்கள். இவை அனைத்தும் சிவன் அருளாலே கிட்டுவதாகும். அதாவது இறைவன் அருள் இருந்தால் விதியை வெல்லலாம்.

ஆயிரம் ஆண்டுகளுக்கு முன்னரே ‘முடிச்சு’ என்னும் மொழி பற்றித் திருமூலரும் பாடியுள்ளார்!!!

காஞ்சி பரமாசார்ய சுவாமிகள்  75 ஆண்டுகளுக்கு முன்னர் நிகழ்த்திய சொற்பொழிவிலேயே இன்கா நாகரீகம் பற்றிச் சொல்லிவிட்டு ‘இனன்’ என்பது சூரியனின் பெயர் என்று சுட்டிக் காட்டினார். இன்கா நாகரீகத்தின் தங்க சூரிய  கோவில் மிகவும் பிரஸித்தம்.

மேலும் இந்துக்களின் டெஸிமல்  / தஸாம்ச (DECIMAL SYSTEM) முறை கணக்கீட்டை இன்கா பயன்படுத்தியது முடிச்சு ஆராய்ச்சியில் தெரியவந்துள்ளது.

இன்காவுக்கு முன்னர் மத்திய அமெரிக்க நாடுகளிலும், தென் அமெரிக்க நாடுகளிலும் 2000 ஆண்டுகளுக்குக் கொடி கட்டிப் பறந்த அஸ்டெக் (ஆஸ்தீக), ஒல்மெக் (ஒளியன்= நாகர்), மாயன் (மயன்=சிற்பி) ஆகியனவும் இந்து நாகரீகங்களே என்று ஆதாரங்ளுடன் நான் கட்டுரை எழுதியுள்ளேன். எனது எட்டு ஆண்டுக் கட்டுரைகளைப் படித்து இன்புறுக.

பதினைந்தாம் நூற்றாண்டில் அமெரிக்காவின் மிகப் பெரிய சாம்ராஜ்யம்- ஈக்வடார் நாடு முதல் சிலி நாடு வரை பரந்த, தொழிநுட்ப அறிவுமிக்க நாகரீகம்– இன்கா என்பதில் இரு வேறு கருத்துக்கு இடமே இல்லை. மச்சு பிச்சு என்னும் வான்முகட்டைத் தொடும் அரண்மனையையும், நாடு முழுதும் நல்ல நவீன சாலைகளையும், இடையிடையே புல்லினால் ஆன, வலுவான பாலங்களையும்  அமைத்தவர்கள் இன்காக்கள் என்பதிலும் ஐயப்பாடு எழாது. ஆனால் அதிசயத்திலும் அதிசயம் அவர்களுக்கு எழுதத் தெரியாது!!!!

உண்மைதானா????

எழுதிய காகிதங்கள் எதையும் அவர்கள் விட்டுச் செல்லவில்லை என்பது உண்மையே. ஆயினும் அவர்கள் வித விதமான முடிச்சுகள் உள்ள வண்ண, வண்ண கயிறுகளை விட்டுச் சென்றுள்ளனர். இதை கீ பூ (KHIPU) என்று அழைப்பர். இதில் சீன அபெக்கஸ் (ABACUS) (கணக்கீட்டுப் பலகை) போல கணக்கு வழக்குகளை எழுதியது முன்னரே தெரியும். ஒருவேளை இந்த கயிற்று முடிச்சுகள் பழங்கால கதைகளையும் சொல்லுமோ என்ற சம்சயம் ஆராய்ச்சியாளர் இடையே எழுந்தது. அதை மேலும்  ஆராய, ஆராய இவை வெறும் முடிச்சுகள் அல்ல– கதை சொல்லும் முடிச்சுகள்– பாடல் பாடும் முடிச்சுகள்– என்பது தெரிய வந்தது. அதனால்தான் நியூ ஸைண்டிஸ்ட் போன்ற புகழ் மிகு அறிவியல் வார இதழும் கூட 5 பக்கக் கட்டுரையை படங்கள் சஹிதம் வெளியிட்டது..

நூற்றாண்டுக் கணக்கில் முடிச்சு ஆராய்ச்சி நடந்தபோதும் ஐரோப்பியர்கள் சொன்ன அசிங்கமான முடிவுகளே இதுவரை நிலவின. ஆனால் இப்பொழுது ரோஸட்டா (ROSETTA STONE) கற்பலகை போல நமக்கு புதிய கருவிகள் கிடைத்துவிட்டது.

(ரோஸட்டா பலகை என்றால் என்ன? இது லண்டனில் பிரிட்டிஷ் மியூஸியத்தில் இருக்கிறது. இதைக் கண்டுபிடிப்பதற்கு முன்னால், எகிப்து நாட்டின் சித்திர எழுத்துக்கள் பற்றி நிறைய பேர் ஆராய்ச்சி என்ற முறையில் உளறிக்கொட்டி கிளறி மூடினர். அதாவது நாம் சிந்து- ஸரஸ்வதி சமவெளி நாகரீக எழுத்துக்கள் பற்றி இப்பொழுது பிதற்றுவது போல குதறி வந்தனர். மூன்று மொழி லிபிகளில் ஒரே விஷயத்தை எழுதிய ரோஸட்டா கல்வெட்டு கிடைத்த பின்னர் எகிப்து பற்றிய எல்லா உளறல்களையும் பிதற்றல்களையும் இந்து மஹா சமுத்திரத்தில் தூக்கிப் போட்டனர்).

இந்த முடிச்சு ஆராய்ச்சி ஒருவேளை இந்தியாவின் மிகப் பழமையான ஸிந்து-ஸரஸ்வதி நாகரீக ரஹஸியங்களை- முடிச்சு அவிழ்க்க- உதவும். முடிச்சவுக்கிகள் வாழ்க!!!

மேலும் காண்போம்……..

1530 ஆம் ஆண்டை ஒட்டி மஹா கிராதகனான ஸ்பானிய மனிதன் பிரான்ஸிஸ்கோ பிசாரோ (FRANSISCO  PIAZARO) இன்காக்களை எதிர்கொண்டான். பிரம்மாண்டமான கற்சிலைகளையும், கொட்டிக் கிடக்கும் தங்கக் குவியலையும் பார்த்து வாயைப் பிளந்தான் அந்தக் கொள்ளைக்காரன். அவர்களும் இந்துக்களைப் போலவே இளிச்சவாயர்கள். ஸ்பானிய கும்பலை நம்பி மோஸம் போனார்கள். ஆட்சியைப் பிடித்தான் வெள்ளைக்கார கொள்ளைக் காரன். சரி, நாகரீகமற்ற இந்த ‘ஜந்து’க்களுக்கு கொஞ்சம் கிறிஸ்தவ மதம் மூலம் நாகரீகம் புகட்டுவோம் என்று எண்ணி ஸ்பானிய முறைகளை அமல்படுத்த முன்வந்தபோது ஸ்பெயின் நாட்டை விட அற்புதமான வரி வசூல் முறை, சாலை அமைப்பு, தகவல் தொடர்பு முறை இருந்ததைக் கண்டான். வியந்து மூக்கில் விரலை வைத்தான்.

இப்பொழுது பெரு நாட்டில் உள்ள குஸ்கோ என்ற ஒரு தலை நகரில் இருந்து பல லட்சம் சதுரமைல் பரப்பை நிர்வகித்தனர் இன்காக்கள்.

பல மாகாண நிர்வாக சபைகள் அனைத்தும் ஒரு மஹா இணைப்பில் அடங்கும் பெடெரல் முறை அங்கே இருந்தது. ஸ்பெயின் ஜனத்தொகையை விடக் கூடுதலான ஒரு கோடிப் பேரை சுண்டுவிரல் அசைவில் ஆண்டனர் இன்கா மன்னர்கள்!

பணம் ,காசு, நாணயங்கள் இல்லாத மார்க்கெட் பொருளாதாரம். மத்திய நிர்வாகத்தின் கீழ் அனைவருக்கும் உணவு விநியோகம். உழைப்பின் பலன் கிடைக்க அவரவர்களுக்கு நில புலன்களும் இருந்தன. இது ஒரு சோஸலிஸ சமுதாயமா அல்லது எதேச்சாதிகார முடியாட்சியா என்று ஆரய்ச்சியாளர்கள் இன்னும் வாதப் பிரதிவாதங்களில் மண்டையை உடைத்துக் கொண்டு இருக்கிறார்கள். ஆயினும் இன்கா அமைப்பு அற்புத அமைப்பு, கன கச்சித அமைப்பு என்பததை அனைவரும் ஏற்பர்.

இதுபற்றி கருத்து தெரிவித்த ஹார்வர்ட் பல்கலைக் கழக மானுடவியல் வல்லுனர் கார்ரி உர்டன் (GARY URTON) செப்பினார்:

நிர்வாக முறையில் இவர்கள் சிறப்பின் காரணம் மக்கத்தொகை கணக்கெடுப்பு, வரி/  கப்பம் கட்டுதல், ஸ்டோர்ஹவுஸ்/ கிடங்கு பொருள்  அட்டவணை, கையிருப்புக் கணக்குகள் ஆகிய அனைத்தையும் கீபூ என்னும் கயிறு முடிச்சு முறையில் குறித்து வைத்தனர். இதற்காக ஒரு தனி ஜாதி அங்கே இருந்தது. அவர்கள் இதில் விசேஷ பயிற்சி பெற்றனர்.

கீபூ எப்படி இருக்கும்?

ஒரு பென்ஸில் அளவு கனமுள்ள கயிறும் அதிலிருந்து தொங்கும் பல சிறிய கயிறுகளும் இருக்கும். இதை அவர்கள் எப்படிப் பயன்படுத்தினர் என்பதை ஸ்பானிய ஆட்கள் எழுதி வைத்தனர். அதற்குக் காரணம் காதல் திருமணம்!

ஒரு இன்கா இளவரசியும் ஸ்பானிய படை எடுப்பாளனும் திருமணம் புரிந்ததால் அவர்களின் வரி விதிப்பு வசூல்,  இதுவரை வந்தது எவ்வளவு, யார் எவ்வளவு பாக்கி வைத்துள்ளனர் என்பதெல்லாம் ஸ்பானிய மொழியிலும் எழுதப்பட்டது.

இதற்கு மேல் இப்போது நடந்த ஆராய்ச்சியில் தெரிய வந்த அதிசயங்க ளை அடுத்த கட்டுரையில் காண்போம்.

தொடரும்………….

-சுபம்–

Written by London Swaminathan
swami_48@yahoo.com
Date: 1 October 2018

Time uploaded in London – 8-38 am (British Summer Time)

Post No. 5494

Pictures shown here are taken from various sources including google, Wikipedia, Facebook friends and newspapers. This is a non- commercial blog.

பைத்தியத்துக்கும் லிதியம்; பாட்டரிக்கும் லிதியம்! (Post No.5494)

மூலக அட்டவணையில் 118 மூலகங்கள் (118 elements in Periodic Table) உள்ளன. நம் எல்லோருக்கும் தெரிந்த மூலகம் தங்கம் இரும்பு, வெள்ளி, ஆக்ஸிஜன், ஹைட்ரஜன்.

இதற்கு முன் நெப்போலியனைக் கொன்ற ஆர்ஸெனிக், ஈயத்தைத் தங்கமாக்கும் என்று நம்பவைத்த பாதரஸம், செலீனியம், தால்லியம் குறித்து சுவையான விஷயங்களைப் பகிர்ந்தேன். மூலக அட்டவணயில் மேலும் ஒரு மூலகத்தை இன்று காண்போம்.

லிதியம் (Lithium)என்னும் உலோகம் மூன்று இடங்களில் மிகவும் பயன்படுகிறது.

மன நோய் உள்ளவர்களுக்கான மருந்தில்;

ஹைட்ரஜன் குண்டுகளில் (Hydrogen Bombs);

நாம் உபயோகிக்கும் கைக் கடிகாரம் முதலிய கருவிகளில் பாட்டரிகளாக (Lithium Battery).

லிதியம் பற்றிய சுவையான விஷயங்களை முதலில் சொல்கிறேன்.

ஸ்வீடன் நாட்டின் ஸ்டாக்ஹோம் நகரில் 1817ல் இதை ஒரு விஞ்ஞானி johan August Arfvedson கண்டு பிடித்தார்.

லிதியம் கார்பனேட் (Lithium Carbonate) என்னும் உப்பு மன நோயாளிகளுக்கு மிகவும் சொற்ப அளவில் கொடுக்கப்படுகிறது. இதைக் கண்டுபிடித்த கதை சுவையான கதை.

ஒரு காலத்தில் கீல்வாத நோய்க்கு இதை மருந்தாகப் பயன்படுத்தினர். இப்பொழுது மனநோய் மருந்துகளில் பயன்படுகிறது. யூரிக் அமிலம் (Uric Acid) உடலில் அதிகமாகும் போது மூட்டு வலியை உண்டாக்கும் நோய் வருகிறது. ஆஸ்திரேலிய டாக்டர் ஜான் கேட் (John Cade) என்பவருக்கு திடீறென்று ஒரு ஐடியா தோன்றியது மன நோயும் ஒரு மனிதனின் ரத்தத்திலுள்ள அதிக இரசாயனப் பொருள்களால்தான் உண்டாக வேண்டும் என்று நம்பினார். கடுமையான மன நோயுள்ளவர்களின் சிறு நீரை கினி பிக்  (Ginea Pigs) எனப்படும் பிராணிகளுக்குக் கொடுத்தார். அவை இறந்துவிட்டன. பிறகு லிதியம் உப்பு கலந்த கரைசலை அவைகளுக்குக் கொடுத்தபோது அவை மந்த (lethargic) கதியில் செயல்பட்டன. ஆனால் பின்னர் நல்ல நிலைக்கு வந்து துள்ளி ஓடின. இதையே லிதியம் கார்பனேட் என்ற உப்பாக மன நோயாளிகளுக்குக் கொடுத்தபோது பலன் கிடைத்தது.

ஐந்தாண்டுகளுக்கு மன நோயாளி என்று அடைத்து வைக்கப்பட்ட ஒரு நோயாளிக்குக் கொடுத்தபோது அந்தப் பைத்தியத்தின் ஆட்ட பாட்டங்கள் எல்லாம் ஓய்ந்து போயின. இரண்டே மாதங்களில் சாதாரண ஆஸ்பத்திரிக்கு மாற்றப்பட்டார். பின்னர் வீடு திரும்பி ஒரு வேலையில் சேர்ந்தார். அது முதல் உலகம் முழுதும் லிதியம் மருந்து உபயோகத்தில் வந்தது.

ஆனால் எந்த ஒரு மருந்துக்கும் பக்க விளைவுகள் உண்டு. மக்களை மந்த கதியில் இயங்க வைக்கும் . மேலூம் ஆளுக்கு ஏற்ற, நோய்க்கு ஏற்ற அளவு இதை உடலில் ஏற்ற வேண்டும். மன நோய் மருத்துவர்களைக் கலந்தாலோசித்தே இதைப் பயன்படுத்தலாம்.

ஹைட்ரஜன் குண்டு

இதைவிட சுவையான விஷயம் ஹை ட் ரஜன் குண்டுகளில் லிதியம் ஹைட்ரைட் (Lithium Hydride) பயன்படுவதாகும். அணுகுண்டுகளை விட பல்லாயிரம் மடங்கு வலிமை வாய்ந்தது ஹைட்ரஜன் குண்டு. அணு குண்டு என்பது அணுவைப் பிளப்பதால்(fission) ஏற்படும் ஆற்றல். ஹை ட் ரஜன் குண்டு என்பது அணுவை இணைப்பதால் (fusion) உண்டாகும் ஆற்றல். நாம் தினமும் பார்க்கும் சூரியனில் ஒவ்வொரு வினாடியும் பல்லாயிரம் கோடி ஹைட்ரஜன்  அணுக்கள் இணைந்து ஹீலியம் உண்டாகும் போது கிடைக்கும் ஆற்றலே சூரிய சக்தி.

செயற்கை முறையில் ஹை ட்ரஜன்  அணுக்களை இணைக்க ஹை ட்ரஜன்  குண்டுகளில் லிதியம் ஐஸடோப் (Isotope) பயன்படுகிறது.

கீழேயுள்ள பாரா (paragraph) வை இரசாயன மாணவர்கள் மட்டும் படிக்கவும்:-

ஹைட்ரஜன் குண்டுகளில் லிதியம்-6 ஐஸடோப் பயன்படுகிறது ஹைட் ரஜனின் மற்ற ஒரு ஐஸடோப் டெடூரியம் (Deuterium) . மேற்கண்ட இரண்டும் சேர்ந்து டெடூரியம் ஹைட்ரைட்

ஆகிறது. இது பயங்கரமான சக்தியை வெளிப்படுத்த வல்லது.

எப்போது?

இதை ஒரு அணுகுண்டைச் சுற்றிவைத்துவிட்டால், அதை வெடிக்கும்போது அணுகுண்டில் பயன்படுத்தப்படும் யுரேனியம்-235 ஐஸடோப் பிரம்மாண்டமான வெப்பத்தை வெளிப்படுத்தும். உடனே அதை லிதியம்-6 உள்ளே வாங்கி ஹைட் ர ஜநை  ஹீலியம் என்னும் மூலகமாக மாற்றி மேலும் நியூட்ரான்களை வெளிவிடும் . அவை வெளிக்கூ ட்டில் வைக்கப்பட்ட யுரேனியம்-235ஐத் தாக்கி ப்லூடோனியம்-239 (Uranium, Plutonium)  ஆக மாற்றும் — இப்போது மூன்றாவது வெடிப்பு நிகழும் இவ்வாறு நடக்கையில் கோடி கோடி டன் வெடி மருந்தை ஒரே நேரத்தில் வெடித்தால் என்ன சக்தி கிடைக்குமோ அவ்வளவு சக்தி கிட்டும்.

இது ஹைட்ரஜன் குண்டு

லிதியம் பாட்டரி

மூலகம் என்பது திட, திரவ, வாயு நிலையில் உள்ளன. லிதியம் ஒரு உலோகம் (alkali metal) – திட நிலையில் இருந்தாலும் இரும்பு போல கனமாக இல்லாமல் மிக லேசான , எடை குறைந்த நிலையில் உள்ளது ஆகையால் இதைக் கலந்து உருவாக்கும் கலப்பு உலோகங்களும் (alloys) லேஸாக இருக்கும். இதை அலுமினியத்தோடு கலந்து விமானம் கட்டுகிறார்கள். ஆனால் எடை குறைந்தாலும் வலு அதிகம்.

காமெரா, கால்குலேட்டர், கை கடிகாரங்களில் மூன்று வோல்ட் (3 volt lithium batteries)  லிதியம் பாட்டரிகளைப் பயன்படுத்துவதன் காரணமும் இந்த எடைக் குறைவுதான். செயற்கை இருதயக் கருவிகளிலும் இவை பத்து ஆண்டு வரை இயங்குகின்றன.

லிதியத்துடன் ஒரு இரும்பு உப்பைச் சேர்த்து பொம்

மைகள், ஸ்டீரியோ, காஸெட், சி டி ப்ளேயர்களையும் இயக்குகிறார்கள்.

வானவியலில் லிதியம்

இந்த பிரபஞ்சம் மாபெரும் (Big Bang)  வெடிப்பிற்குப் பின்னர் உருவானது அப்பொழுது ஹைட்ரஜன், ஹீலியத்துடன் லிதியமும் உருவானது. அதாவது முதல் மூவர் – மூன்று முதல் ஆழ்வார்கள்–என்றும் சொல்லலாம. ஆகையால் சூரியனுக்கும் தம்பியான — ஜூனியர் ஆன– பழுப்புக் குள்ளன், சிவப்புக் குள்ள நட்சத்திரம் (Brown and Red Dwarfs) , ஆரஞ்சு வண்ண நட்சத்திரங்களை (Orange Stars) இதன் அளவை வைத்து இனம் காணுகிறார்கள்.

ஒவ்வொருவர் உடலிலிலும் 7 மில்லி கிராம் லிதியம் இருக்கிறது. பல வெப்ப நீரூற்றுகளில் இருக்கிறது. அமெரிக்கா, ரஷ்யா,  சீனா, ஜிம்பாப்வேயில் அதிகம் கிடைக்கிறது. கண்ணாடித் தொழிற்சாலைகளிலும் லிதியம் பயன்படுகிறது ஹைட்ரஜன் வாயுவைச் சேமித்து வைக்க லிதியம் ஹை ட்ரைட் பயன்படுகிறது

மனிதனுடைய சிறு நீரில் லிதியம் இருக்கிறது. திராட்சை, புகையிலை, பால், கடல் பாசியில் இருக்கிறது. ஒரு லிட்டர் ரத்ததில் பத்து மில்லி கிராம் லிதியம் இருந்தால் அது விஷம். 15 மில்லி இருந்தால் கெடுதி; 20 மில்லி இருந்தால் நாக்கு குளறும்; மரணமும் சம்பவிக்கும்.

லிதியத்தின் அணு எண் 3,

உருகு நிலை 181 டிகிரி சி;

கொதி நிலை 1347 டிகிரி சி.

வாழ்க லிதியம்; வளர்க லிதியம் பாட்டரி; தணிக பைத்தியம்.

வைத்தியத்தில் உதவும் லிதியம்; பைத்தியத்தில் உதவும் லிதியம் வாழ்க .

–சுபம்–

Written by London Swaminathan
swami_48@yahoo.com
Date: 30 September 2018

Time uploaded in London – 16-54 (British Summer Time)

Post No. 5492

Pictures shown here are taken from various sources including google, Wikipedia, Facebook friends and newspapers. This is a non- commercial blog.

திருவள்ளுவரின் மனைவி பெயர் வாசுகி என்றும் அவருடைய பதிவ்ரதா தர்மத்தினால் கிணற்று நீர்க்குவளை கூட அந்தரத்தில் நின்றது என்றும் பல கதைகளைப் படித்திருக்கிறோம். ஆனால் அவருடைய இயற்பெயர் வாசுகி  என்றும் சிறப்புப்பெயர் பெயர் மாதானுபங்கி என்றும் ஆதாரத்துடன் நிரூபிக்கிறார் தமிழ் பேரறிஞர் மு. இராகவையங்கார்.

ஏறத்தாழ ஐந்து, ஆறு நூற்றாண்டுகளில்  எல்லா பெண்கள் பெயரும் ஸம்ஸ்க்ருதத்திலேயே இருந்தன.

காரைக்கால் அம்மையாரின் பெயர்- புனிதவதி

அப்பர் பெருமானின் சஹோதரி பெயர்- திலகவதி

வள்ளுவர் மனைவியின் பெயர்- வாசுகி

இப்போழுது அவர் பெயர் வாசுகி ஒன்று மட்டும் அல்ல மாதானுபங்கி என்றும்  அறிகிறோம்.

கீழேயுள்ள இணைப்பில் விவரம் காண்க:–

–subham–

WRITTEN BY S NAGARAJAN

Date: 30 September 2018

Time uploaded in London – 7-58 AM (British Summer Time)

Post No. 5490

Pictures shown here are taken from various sources including google, Wikipedia, Facebook friends and newspapers. This is a non- commercial blog.

கிருஷ்ண தியானம் ஏன்? தியானத்தின் மகிமையை இந்தியாவில் உணர்ந்த எழுத்தாளர் ஈ.எம்.பார்ஸ்டர்!

ச.நாகராஜன்

1

பிரபல ஆங்கில நாவலாசிரியரான ஈ எம் ஃபார்ஸ்டர் (E.M.Forster பிறப்பு 1-1-1879 மறைவு 7-6-1970) இரு முறை இந்தியாவுக்கு வந்துள்ளார். 1914ஆம் ஆண்டு அவர் எகிப்து, ஜெர்மனி, இந்தியா உள்ளிட்ட நாடுகளுக்கு வந்தார். பின்னர் ஆயிரத்தி தொள்ளாயிரத்து இருபதுகளில் மீண்டும் ஒரு முறை இந்தியா வந்தார். இந்த முறை அவர் தேவாஸ் மஹாராஜாவான மூன்றாம் துகோஜிராவின் அந்தரங்கச் செயலாளராகப் பணியாற்றினார். 1924இல் அவர் எழுதிய எ பாஸேஜ் டு இந்தியா (A Passage to India) என்ற நாவல் பெரும் புகழைப் பெற்றது. இந்த நாவலை எழுத அவர் ஒன்பது வருடங்கள் எடுத்துக் கொண்டார். 16 வெவ்வேறு வருடங்களில் அவர் நோபல் பரிசுக்காக பரிந்துரை செய்யப்பட்டார்.

2

ஸ்ரீ சத்ய சாயி பாபா கிருஷ்ண ஜென்மாஷ்டமி தினத்தில் 12-8-1963 அன்று பிரசாந்தி நிலையத்தில் நிகழ்த்திய உரையில் அவரைப் பற்றிய சம்பவம் ஒன்றைக் குறிப்பிட்டுள்ளார்.

அவரின் உரை அவரது சொற்களிலேயே கிழே தரப்படுகிறது:

“ஸ்ரீ கிருஷ்ணருடைய உருவத்திலும் திருநாமத்திலும் சிந்தனையை நிறுத்திக் கொள்வது மனோவிருத்தியின் அலைகளை அமைதியாக வைத்துக் கொள்ள உதவுகிறது. ஈ.எம். ஃபார்ஸ்டர் என்ற எழுத்தாளர் இந்தியாவிற்கு வந்ததும் சிலகாலம் ராஜ்கோட்டிலுள்ள தாகூருடன் தங்கியிருந்தார். தாகூர் அவர்கள் ராதாஸ்வாமியின் திரு உருவத்தின் முன்பு தியானத்திலாழ்ந்திருப்பதை முதலில் பார்த்த போது அவர் ஆச்சரியப்பட்டார். என்னவென்றே, எதற்கென்றே அவருக்கு முதலில் புரியவில்லை. இட்டு நிரப்ப வேண்டும்படி தாகூருக்குக் குறைபாடு ஏதும் கிடையாது. பிரார்த்தனையால் அவர் பெறப் போவது யாதாக இருக்கக் கூடும்? ஒரு நாள் அவரே தாகூரையே வினவினார் “ கிருஷ்ணன்” பிரேமை, சௌந்தரியம், ஆனந்தம் இவை வடிவெடுத்தது போன்றவன். எனவே அவனை தியானிக்கும் போது தமது உள்ளம் அன்பினாலும், அழகாலும், மகிழ்ச்சியாலும் நிரம்பி விடுவதை நான் உணர்கிறேன் என்று பதிலிறுத்தார் தாகூர்.

புலன்கள், அறிவு, உணர்ச்சிகள் இவை யாவும் புனிதமானதும், அழகு வாய்ந்ததுமான ஒன்றைப் பற்றிக் கொண்டு இருந்தால் அவை தூயதாகவும், கலக்கமற்றதாகவும் செய்யப்படுகின்றன. உடனே இந்த தியானத்தின் முதல் படியை முயன்று பார்க்க பார்ஸ்டரும் முயன்றார். முதலில் அது அவருக்கு சிரமமாக இருந்தாலும் அப்பொழுது அவருக்குண்டான மனச்சாந்தி அவருக்கு மிகவும் இன்பகரமான உணர்ச்சியை அளித்திருந்தமையால் மேலும் மேலும் தொடர்ந்து தியானத்தைப் பயில ஊக்கமுள்ளவரானார். தியானம் நல்லதாகவும், பயன் தருவதாகவும் அவர் கண்டு கொண்டார்.

3

ஸ்ரீ சத்ய சாயி பாபாவின் உரை ஆங்கிலத்தில் Sathya Sai Speaks மூன்றாம் தொகுதியில் தரப்பட்டுள்ளது.

Concentration on the Name and Form of Krishna tends to calm the waves of Vritti. When E.M.kForster came to India, he was for some time with Thakore of Rajkot and when he found the Thakore engaged in Dhyanam before the image of Radha- Syam, he wondered at first, what it was all for! The Thakore had no wants to fulfill; what could be pray for? One day he asked the Thakore, “Why?” . He replied that Krishna was for him the embodiment of Prema, Soundarya and Anandam, and so, when he meditated on the Form he was filled with Love, Beauty and Joy. The senses, intellect and emotions, all get purified and clarified by dwelling on the Pure  and the Splendid. Forster was induced to try the first steps and though he found it rather difficult at first, the thrill engendered by the strange calm egged him on to persist. He found Dhyanam good and useful.

4

ஸ்ரீ கிருஷ்ண தியானத்தின் பெருமையை ஸ்ரீ சத்ய சாயி பாபா விளக்கியதோடு கோபியரின் ப்ரேமையைப் பற்றி இந்த உரையில் விரிவாக விளக்கி அருளியுள்ளார்.

***

ஆதாரம் : Sathya Sai Speaks Volume 3 (The Love of Gopis)

தமிழ் மொழிபெயர்ப்பு அவதார மொழி அமுதம் பாகம் 3 இல் உள்ளபடி தரப்பட்டுள்ளது.

புத்தக வெளியீடு : பிரசாந்தி நிலையம், ஆந்திர பிரதேசம்