WRITTEN BY LONDON SWAMINATHAN

Post No. 8836

Date uploaded in London – –21 OCTOBER 2020   

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

சோறு கண்ட இடம் சுவர்க்கம் — என்ற பழமொழி எல்லோரும் அறிந்த மொழி. மேலும் 7 சோற்றுப் பழமொழிகளைக் கண்டுபிடியுங்கள் . ஒருமுறை வந்த சொல் மீண்டும் கட்டத்தில் இராது. விடைகள் கீழே உளது.

ANSWERS

1.சோறு சிந்தினால் பொறுக்கலாம் , மானம் சிந்தினால் பொறுக்கலாமா

2.சோ ற் றி லே இருக்கும் கல் எடுக்க மாட்டாதவன் சேற்றில் கிடக்கும் எருமையைத் தூக்குவானா

3.சோறும் துணியும் தவிர மற்றத்துக்கெல்லாம் குறைவில்லை.

4.சோற்றால் அடித்த பிண்டம்

5.சோற்றுக்குக் கேடு பூமிக்கு பாரம்

6.சோற்றுக்கும் கறுப்புண்டு , சொல்லுக்கும் பழுது உண்டு

7.சோற்றுக்குத் தாளம் போடுகிறான்

TAGS– சோறு ,சுவர்க்கம் , பழமொழி

–subham–

WRITTEN BY LONDON SWAMINATHAN

Post No. 8835

Date uploaded in London – –21 OCTOBER 2020   

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

HARRY POTTER AND JURASSIC PARK AND KAMBAN

கம்பன் சொல்ல வந்த விஷயம் தாடகை வதம் ; சின்னக் குழந்தைகளும் அதை விரும்பிக் கேட்கும். பேய், பூதம், பிசாசு கதைகள் என்றால் லட்சக் கணக்கில் விற்கும். இங்கிலாந்தில் பெண்மணி ஜே கே ரோலிங்  (HARRY POTTER BY J K ROWLING ) நம் ஊரில் உள்ள எல்லா  பேய், பூத , பிசாசு, அரக்கிக் கதைகளை எல்லாம் அழகாக ஆங்கிலத்தில் HARRY POTTER ஹாரிபாட்டர் கதை என்று எழுதி உலகின் மிகப்பெரிய, மிகப் பணக்கார எழுத்தாளர் பட்டியலில் இடம் பெற்றுவிட்டாள்; ஹனுமானின் வீர தீரச் செயல்களை எல்லாம் SUPERMAN, BATMAN  சூப்பர்மேன், பேட்மேன் என்று எழுதி பணமும் ஸம்பாதித்து விட்டனர் பலர்; நிற்க .

குழந்தைகளுக்குக் கதை சொல்லும் போது குரலை ஏற்றி இறக்கி, முகத்தை பல கோரமான வடிவங்களில் காட்டினால் அதன் மனதில் கதை அப்படியே பதிந்துவிடும்; கம்பனும் அவன் யாத்த ராமாயண பால

 காண்டத்தில் தாடகை என்னும் அரக்கியை அப்படித்தான் நமக்கு இண்ட்ரட்யூஸ் INTRODUCE செய்கிறான். ஆனால் சிறு குழந்தை கதைக்கு மேலாகப் போய் இரண்டு விஷயங்களைச் சொல்கிறான்

1.பாவங்கள் அதிகம் செய்தலால் ஒருவர் அரக்கி போல ஆவர்

2.பேராசை வந்தால் அவர்கள் தாடகை போல எல்லாவற்றையும் கபளீகரம் செய்து அழிவினை அடைவர்

யார்   கையால் அழிவினை அடைவர் ? ராம நாமம் சொல்வோர் கையால் அல்லது அவர்களுடைய சீடர்களால் .

பாடலின் மெஸ்ஸேஜ் MESSAGE   இதோ பாடலிலேயே இருக்கிறது –

உளப் பரும் பிணிப்பு  அறா உலோபம் ஒன்றுமே

அளப்பருங்  குணங்களை அழிக்குமாறு போல்

கிளப்ப அருங் கொடுமையை  அரக்கி கேடு இலா

வளப்பரு மருதவைப்பு  அழித்து மாற்றினாள்

பொருள்

உள்ளத்திலே லோபம் எனப்படும் பேராசை எனும் தீய குணம் ஒன்று இருந்தால் போதும் . அது அளவிட முடியாத நற்குணங்கள் அத்தனையையும் அழித்துவிடும் . அது போல மாறாத வளம் ஊட்டும் இம் மருத நிலத்தை அழித்து பாலை நிலம் ஆக்கிவிட்டாள் தாடகை என்கிறார் விசுவாமித்திரர் .

இது எப்போது நடந்தது ?

அழகான கானகம் வழியே சென்றனர். பின்னர் பசுமையான கங்கைச் சமவெளி நிலங்களைக் கண்டனர்  ஒரு பெரிய பரப்பு மட்டும் மரமும் இன்றி பசுமைப் பயிரும் இன்றி வறண்ட பாலையாகக் காட்சி தந்தது; ராமன் ஏன்? என்று  விசுவாமித்ரரிடம் வினவ அவர் இவ்வாறு விடையிறுத்தார் .

பின்னர் தாடகையை வதம் செய்ததை நாம் அறிவோம் ஆக தாடகை என்பது நம் மனதிலுள்ள பேராசை. அதை அழிப்பது ராமன். அதை அழிக்க உதவுவது ராம நாமம் என்பதே கம்பன் சொல்லாமல் சொல்லும் விஷயம் . இதற்குப் பின்னர் கதை இன்னும் சுவாரஸ்யமாகப் போகிறது

தாடகையை ‘எரியும் கருப்புமலை’ — எரிமலை – என்று கம்பன் வருணிக்கவே அவள் எங்கே? என்று ராமன் கேட்கிறான். உடனே கம்பன் JURASSIC PARK ‘ஜுராஸிக் பார்க்’ சினிமா எடுத்த டைரக்டர் ஆகிவிடுகிறான் . உலகம் முழுதும் டைனோசர் என்னும் அழிந்துபோன ராட்சதப் பிராணிகள் பற்றிய படம்  (JURASSIC PARK BY STEVEN SPIELBERG) எடுத்தவர் ஸ்டீவன் ஸ்பீல்பர்க் . அவர் டைனோசர் பற்றி நமக்கு எப்படி திகில் ஊட்டுகிறார் ? காட்டில் சின்னப் பையன்களுடன் போன குழு,  ‘தும்’ ‘தும்’ என்ற பிரம்மாண்டமான சப்தத்தைக் கேட்கிறது . உடனே ஒருவரை ஒருவர் வினாக்குறி முகத்தில் தோன்ற பார்க்கின்றனர். அப்போது ராட்சத டைனோஸரஸ் புகுந்து எல்லாவற்றையும் அழிக்கிறது . அந்த டைனோஸரஸ் வருவதற்கு முன்னர் தண்ணீரில் அலைகள் எழும்புவதை பார்த்து நாமும் ஏதோ நிகழப்போவதை அறிகிறோம். . இதை ஸ்டிவன் ஸ்பீல்பர்க் , கம்பனிடமிருந்து  ‘காப்பி’ COPY அடித்தாரோ என்று தோன்றுகிறது. தாடகையை மனிதர்களை உண்ணும் கனிபல் CANNIBAL என்று  விஷ்வாமித்ரன் வருணிக்க அவள் எங்கே என்று கேட்கிறான். அதற்கு விசுவாமித்திரர் பதில் சொல்லி முடிப்பதற்குள், ஜுராசிக் பார்க் டைனோசர் வந்தது போல, ‘மைவரை நெருப்பு எரிய வந்தாள் அரக்கி’. அவள் வந்த பொது ஏற்பட்ட குழிகளை கடல் வந்து நிரம்பியதாம். மலைகள் இடம்பெயரும் வண்ணம் பூமி அதிர்ச்சி உண்டாகியதாம். எம தர்மனோ பாதாளத்துக்குள் போய் ஒளிந்து கொண்டானாம். இதை நீங்களே கம்ப ராமாயண பால காண்டத்தில் தாடகை வதைப் படலத்தில் படித்து அறிக.

tags- தாடகை, வதை, ராம நாமம், பேராசை

–SUBHAM–

WRITTEN BY KATTUKKUTY

Post No. 8834

Date uploaded in London – – 21 OCTOBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

சித்த மருத்துவ ரகசியங்கள், பரிபாஷை குறித்து விளக்குவீர்களா ?- 2

Broadcast and telecast at Facebook.com/ gnanamayam on 19-10-20

First part was posted yesterday 20-10-20

சர்வ சக்தி வாய்ந்த சத்திய சித்தர்கள்

மேற்கண்ட வெறி பிடித்த மனிதர்களிடமிருந்து உலகைக் காப்பாற்ற

தாங்கள் கண்டுபிடித்த உண்மைகளைப் பாடல்களாகப் புனைந்து

பரிபாஷைகளில் மறைத்து எழுதினார்கள் சித்தர்கள்!!!

அவர்கள் நினைத்திருந்தால் சொல்லாமலேயே சென்றிருக்கலாம். தங்கள் சக்தியை வைத்து உலகத்தைத் தன் காலடியில் வைத்து ஆட்டியிருக்கலாம், தங்க மழையில் குளித்திருக்கலாம், ஆனால் எந்த வியாதியையும் தீர்க்கும் நவபாஷாண சிலையை செய்து பழனியில் நிறுவினார் போகர்!!! உலகப்புகழ் பெற்ற தஞ்சைக் கோவிலைக் கட்டினார் கருவூரார்.வெளி நாட்டிற்கு சென்று

வியாதியை அவர்களுக்கு தீர்க்க யாக்கோபு என்று மதம் மாறி

மீண்டும் வந்து மதுரையில் அருகில் உள்ள அழகர்மலையில்

மறைந்தார் ராம தேவர்.நவக்கிரகங்களையே மாற்றி 12 வருடமாக மழையே இல்லாத திருவண்ணாமலையில் மழையைப் பெய்ய வைத்தார் இடைக்காடர் என்னும் சித்தர்……

தனக்குத் தெரிந்த வித்தைகளை ஜோதிடம் , வைத்தியம் என்று எழுதாத சித்தர்களே கிடையாது. பரி பாஷையில் வைத்து, உண்மையிலேயே தேடுபவர்களுக்கு கிடைக்கும், என ஆசீர்வதித்து மறைந்தனர்

பரி பாஷை என்றால் என்ன???

சின்ன வயசுலே எங்க அம்மாவை பெத்த அம்மா பாட்டி கை முறுக்கு செயது கொண்டு வருவாள் , ரொம்ப ரொம்ம சுவையாய் இருக்கும்.

நாங்க தெரியாமல் எடுத்து தின்னாமல் இருக்க ஒரு நாளைக்கு ஒரு இடமாக ஒளித்து வைப்பாள் அம்மா. நாங்கள் பாட்டியிடம் கெஞ்ச

பாட்டு அம்மாவிடம்கேட்பாள். கமு கறு க்க் க்கு க எ கங் ககே கயி

கரு க்க் க்கு?.. அம்மா சொல்லுவாள் கதூ க க் க்கி கல் கஇ கரு க க்

க்கு…..முறுக்கு எங்க இருக்கு …….தூக்கில் இருக்கு எல்லாம் கனா

பாஷை தான் அது. இது தெரியாமல் நாங்கள முழித்த காலம் அது.

அது போல, சித்த வைத்தியத்தில் சில தொழில் நுணுக்க சொற்களை அந்த பொருளின் பெயரை வேரொரு பெயரினால் குறிப்பிட்டு மற்றவர்களுக்கு தெரியாமல் சொல்லப்படும் முறைக்கே “பரிபாஷை “ எனப் படும்.

எல்லா மருந்துகளையும் வசன நடையில் எழுதாமல் சுருக்கமாக பாடல்களாக எழுதி எதுகை மோனைகளுக்காக சில இடங்களை திருத்தியும், மாற்றியும், மறைத்தும் பாடியுள்ளனர்.

உதாரணமாக “முசு” என்றால் குரங்கைக் குறிக்கும். ஒரு பாடலில்

“இரு குரங்கின் கையையும்சேர்த்து” என்றால், முசு முசுக்கை பச்சிலையும் சேர்த்து எனப் பொருள் கொள்ள வேண்டும்.

இரண்டாவதாக,

ஒருசில மருந்து சரக்குகளின் கூட்டு எண்ணிக்கையின் பெயர்களும்

(அதாவது தொகுப்பு எண்ணிக்கையின் பெயர்களும் இதில்

அடங்கும்.) பரிபாஷையாக வரும்.

மூன்றாவதாக

வழங்கு சொல்வேறு பாடு

 உதாரணமாக மணிலாக் கொட்டை, சில இடங்களில் மணிலாக் கொட்டை எனவே வழங்கப்படும். இது நிலத்தில் விளைவதினால் நிலக் கடலை எனவும், வேரிலிருந்து வருவதினால், வேர்க்கடலை என்றும் பல இடங்களில் ஒரே பொருள்

அழைக்கப் படுகிறது.

கொல்லுதல் அல்லது மடித்தல்

உலோக, ரச, கார,சாரங்களுக்கு இயற்கையாய் அமைந்த கெட்ட பண்புகளைப் போக்குவதற்கு எதிர் தன்மையுள்ள மருந்துகளால் “கொல்லுதல்” அல்லது “மடித்தல்”

உதாரணம்- தாளகத்தின் விஷத்தன்மையை கொல்ல கண்டங்கத்திரி

வெடியுப்பின் விஷத்தை கொடி வேலி வேரும்,

காரீயத்தை மனோசிலை வேரும் “மடிக்கும்” அல்லது “கொல்லும்”

சுருக்கு கொடுத்தல்

பாஷாணங்களை அகலில் வைத்து எரித்து பழுக்க வைத்து உருக்கிய பின் அததற்குரிய பால் நெய் சாறுகளில் ஊற்ற, அப்போது “சுருக்”

“சுருக்”. சப்தத்துடன் கெட்டியாகும். இதை சுருக்குக் கொடுத்தல் என்பார்கள்

சாரணையேற்றல்

நெருப்பில் உருக்கி, புகைந்து ஓடுகின்ற ரசத்தை முறைப்படி கட்டியாக்கி ஓடாமல் இருக்கச் செய்வது “சாரணையேற்றல்” எனப்படும்.

வைப்புச்சரக்கு

இயற்கையாக உள்ள உலோகத்தையும் வேறொன்றையும் சேர்த்து

புதிய உலோகமாக்குவது வைப்புச் சரக்காகும்

செம்பு 66 பங்கும், துத்தம் 34 பங்கும் சேர்ந்த புதிய வைப்புச்சரக்கு புதிய உலோகமான “பித்தளை”ஆகும்.

தொகைப் பெயர்

ஒரே தன்மையான, அல்லது ஒரே காரியத்திற்கு பயன்படக்கூடிய கூட்டுச் சரக்குகள் தொகையளவில் பெயர் சூட்டப் பட்டுள்ளன.

திரி கடுகு- சுக்கு, மிளகு, திப்பிலி

திரி பலை – கடுக்காய், தான்றிக்காய், நெல்லிக் காய்,

திரி மஞ்சள் – மஞ்சள், மரமஞ்சள், கஸ்தூரி, மஞ்சள்

பஞ்ச கவ்யம் – பசுவின் பால், தயிர், வெண்ணெய், நீர்,சாணம்

பஞ்ச சூதம் – ரசம், லிங்கம், ரச செந்தூரம், வீரம், பூரம்

பஞ்ச மித்ரன்- தேன், நெய், வெல்லம், குன்றிமணி, வெண்காரம்

வெருகடி- ஐவிரல் அளவு

திரிகடி – மூன்று விரல் அளவு

மேலும் இதை விளக்கிக் கொண்டே போகலாம்

சித்த வைத்தியத்தினால் உண்டாகும் நன்மைகள்

1)நீண்ட ஆயுள்

2)வியாதியே வராமல் தடுப்பது

3)நினைவாற்றல் பெருகுவது

4)நுண்ணறிவு

5)இளமை

6)உடல் பொலிவு,அழகு

7)நிறம்

8)எடுப்பான குரல்

9)திறமை

நேரம்கருதி முடிக்கிறேன்!!! நன்றி, வணக்கம்!!!

TAGS-   ரகஸியம், பரம ரகஸியம், Part 2 

WRITTEN BY S NAGARAJAN                     

Post No. 8833

Date uploaded in London – – –21 OCTOBER 2020   

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

Broadcast and telecast at Faceboo.com/ gnanamayam on 19-10-20

First part was posted yesterday 20-10-20

பாரதியார் பாடல்களில் ஆரிய என்ற சொல், தேவாரம், சங்க இலக்கியம் போல நல்ல பொருளிலேயே பயன்படுத்தப்பட்டுள்ளதா? – 2

ச.நாகராஜன்

ஆரிய என்ற சொல் பாரதியாரின் தேசீய கீதங்களில் 24 இடங்களில் வருகிறது.

  ஜய வந்தே மாதரம் பாடல்:

ஆரிய பூமியில் நாரிய ரும் நர
சூரிய ரும்சொலும் வீரிய வாசகம் (வந்தே)

எங்கள் நாடு பாடல்:

உன்னத ஆரிய நாடெங்கள் நாடே
ஓதுவம் இஃதை எமக்கில்லை ஈடே.

பாரத மாதா பாடல்:

முன்னை இலங்கை அரக்கர் அழிய
முடித்தவில் யாருடை வில்? – எங்கள்
அன்னை பயங்கரி பாரத தேவி நல்
ஆரிய ராணியின் வில்.

சித்த மயமிவ் உலகம் உறுதி நம்
சித்தத்தில் ஓங்கி விட்டால் – துன்பம்
அத்தனை யும்வெல்ல லாமென்று சொன்னசொல்
ஆரிய ராணியின் சொல்.

காண்டிவம் ஏந்தி உலகினை வென்றது
கல்லொத்த தோள்எவர் தோள்? – எம்மை
ஆண்டருள் செய்பவள் பெற்று வளர்ப்பவள்
ஆரிய தேவியின் தோள்.

இங்கெல்லாம் ஆரிய தேவி என பாரத தேவியைக் குறிப்பிடுகிறார் பாரதியார்.

அடுத்து எது ஆரிய நாடு என்பதைத் தெள்ளத் தெளிவாக பாரத தேவியின் திருத் தசாங்கத்தில் குறிப்பிடுகிறார். பாரத நாட்டின் எல்லையையும் வகுத்துக் கூறும் அருமையான பாடல் இது.

தேனார் மொழிக்கிள்ளாய் தேவியெனக் கானந்த
மானாள் பொன் னாட்டை அறிவிப்பாய்! – வானாடு
பேரிமய வெற்புமுதல் பெண்குமரி ஈறாகும்
ஆரியநா டென்றே அறி.

தாயின் மணிக்கொடி பாரீர் என்று பாடிய கவிஞர் அனைவரும் அணிவகுத்து நிற்கும் காட்சியை ஆரியக் காட்சி என்கிறார்.

அணியணி யாயவர் நிற்கும் – இந்த
ஆரியக் காட்சியோர் ஆனந்தம் அன்றோ?

ஆரியம் என்பதை வடமொழி என்று குறிப்பிட்டு பாரதியார் சொல்லும் இடமும் உண்டு.

தமிழ்த்தாய் பாடலில்,

முன்று குலத்தமிழ் மன்னர் – என்னை
மூண்டநல் லன்போடு நித்தம் வளர்த்தார்,
ஆன்ற மொழிகளி னுள்ளே – உயர்
ஆரியத் திற்கு நிகரென வாழ்ந்தேன்

 என்று இங்கு ஆரியத்தை வடமொழி என்ற பொருளில் குறிப்பிடுகிறார்.

தமிழச் சாதி பாடலில் பாரதத்தை ஆரிய நாடு என்று அறிவிக்கிறார்.

மற்றவை தழுவி வாழ்வீ ராயின்,
அச்சமொன்று இல்லை! ஆரிய நாட்டின்
அறிவும் பெருமையும் – … …

வாழிய செந்தமிழ்! பாடலில் ஆரியன் என இறைவனைக் குறிப்பிடுகிறார்.

ஆரியர் வாழ்வினை ஆதரிப் போனே!

ஆரிய! நீயும்நின் அறம்மறந் தாயோ?

வீர சிகாமணி! ஆரியர் கோனே!

பஞ்சமும் நோயும்நின் மெய்யடி யார்க்கோ?
பாரினில் மேன்மைகள் வேறினி யார்க்கோ?
தஞ்ச மடைந்தபின் கை விடலோமோ?
தாயுந்தன் குழந்தையைத் தள்ளிடப் போமோ?
ஆரிய! நீயும்நின் அறம்மறந் தாயோ?
வீர சிகாமணி! ஆரியர் கோனே!

சத்ரபதி சிவாஜி பாட்டில் ஆரியன் என்பதற்கு ஒரு DEFENITION தருகிறார் இப்படி:

தாய்நாட்டு
அன்பிலா திருப்போன் ஆரிய னல்லன்.
மாட்சிதீர் மிலேச்சர் மனப்படி யாளும்

ஆட்சியி லடங்குவோன் ஆரிய னல்லன்.
ஆரியத் தன்மை அற்றிடுஞ் சிறியர்

ஆரியர் இருமின்! ஆண்கள்இங்கு இருமின்!

அடுத்து ஆரிய நீதி என்பது அறநூல்கள் காட்டும் வழி செல்வதேயாம் என்பதை இப்படிக் கூறுகிறார்:

தம்மொடு பிறந்த சகோதரராயினும்
வெம்மையோ டொறுத்தல் வீரர்தஞ் செயலாம்.
ஆரிய நீதிநீ அறிகிலை போலும்!

குரு கோவிந்தர் பாட்டில் ஆரியர் ஒரே ஜாதி அதாவது இந்த பாரத நாட்டில் வாழும் அனைவரும் ஆரிய ஜாதி என்றும் இதைப் பிளவு படுத்தி ஜாதிகள் பல பேசும் அனைவரும் மாய்க என்றும் கூறுகிறார்.

ஹிந்து இனம் ஒரே இனம் என்பது அவரது அடிப்படைக் கொள்கையாக அமைவதை இங்கு காண்கிறோம். பாடல் இது தான்:

சீடர்காள்! குலத்தினும் செயலினும் அனைத்தினும்
இக்கணந் தொட்டுநீர் யாவிரும் ஒன்றே
பிரிவுகள் துடைப்பீர்! பிரிதலே சாதல்
ஆரியர் சாதியுள் ஆயிரஞ் சாதி
வகுப்பவர் வகுத்து மாய்க, நீர் அனைவிரும்

லாஜபதியின் பிரலாபம் என்ற பாடலில் வரும் வரிகள் இவை:

ஆரியர்தம் தர்மநிலை ஆதரிப்பான் வீட்டுமனார்
நாரியர்தங் காதல் துறந்திருந்த நன்னாடு.

ஆரியர் பாழாகாது அருமறையின் உண்மைதந்த
சீரியர் மெய்ஞ்ஞான தயாநந்தர் திருநாடு.

இங்கெல்லாம் ஆரிய நாடு என்றால் பாரதம் ஆரிய தேவி என்றால் அன்னை பாரத தேவி என்ற பொருளையே காண்கிறோம்.

தெய்வப் பாடல்களில் 3 இடங்களில் வரும் ஆரிய என்ற சொல்லும் சுயசரிதையிலும் ஞானப்பாடல்களிலும் கண்ணன் பாட்டிலும் குயில் பாட்டிலும் வரும் ஆரியர் என்ற சொல்லும் பண்பாடுள்ளவர் என்ற பொருளில் வருகிறது. அதே போல பாஞ்சாலி சபதத்தில் வரும் 7 இடங்களிலும் இதே பொருளே அமைகிறது.

ஆக பாரதியார் அப்படியே அடி வழுவாது இந்த பாரத நாட்டை ஆரியர் நாடு என்றும் பண்பாளரை ஆரியர் என்றும் அறநூல்கள் வழி நடப்பவரை ஆரியர் என்றும் கூறி இருக்கிறார்.

ஆரியம் என்ற சொல்லை வடமொழி என்ற பொருளிலும் பயன்படுத்தியுள்ளார்.

ஆரியன் என்பதை ஹிந்துக்கள் வழிபடும் இறைவன் என்ற பொருளிலும் பயன்படுத்தியுள்ளார்.

தேவாரம், பண்டைய இலக்கியம் கூறியதற்கு ஒரு படி மேலே போய், காலத்தால் பின்னால் தோன்றியதால் தெளிவாக ஹிந்து தத்துவத்தை அடிப்படையாகக் கொண்ட பாரத நாட்டை ஆரிய நாடு என்று அறிவிப்பதோடு தேசபக்தி இல்லாதோர் ஆரியர் அல்லர் என்றும் ஆரிய இனம் ஒரே இனம் என்றும் இதில் இன, ஜாதி போன்ற வேறுபாடுகளை வகுப்பவர் மாய்ந்து ஒழிக என்றும் கூறுகிறார்.

சுருக்கமாகச் சொல்லப் போனால் ஆரியன் திராவிடன் என்ற பொய்யான வாதங்கள் எல்லாம் அவர் பாடல்களால் பொடிப் பொடியாகிப் போகிறது. சங்க இலக்கியமும் தேவாரமும் சுட்டிக் காட்டும் நல்ல பொருளே அவர் பாடல்களிலும் அழுத்தமாக நிலைபெறுகிறது. வாழ்க பாரதி நாமம்!

***

tags- ஆரியன், திராவிடன், பாரதியார்

பாரதியார் பாடல்களில் ஆரிய என்ற சொல்- 1 (Post No.8830)

WRITTEN BY S NAGARAJAN                     

Post No. 8830

Date uploaded in London – – –20 OCTOBER 2020   

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

லண்டனிலிருந்து 19-10-2020 அன்று இந்திய நேரம் மாலை 6.30 மணிக்கு ஞானமயம்/GNANA MAYAM  நிகழ்ச்சி ஒளிபரப்பட்டது. அதில் கேள்வி – பதில் நிகழ்ச்சியில் இடம் பெற்ற கேள்வியும் பதிலும் கீழே தரப்பட்டுள்ளது.

FACEBOOK.COM/GNANAMAYAM

பாரதியார் பாடல்களில் ஆரிய என்ற சொல், தேவாரம், சங்க இலக்கியம் போல நல்ல பொருளிலேயே பயன்படுத்தப்பட்டுள்ளதா? – 1

ச.நாகராஜன்

அன்பார்ந்த தமிழ் நெஞ்சங்களே சந்தானம் நாகராஜன் வணக்கம். இன்று நமக்கு  முன் வந்துள்ள கேள்வி – பாரதியார் பாடல்களில் ஆரிய என்ற சொல், தேவாரம், சங்க இலக்கியம் போல நல்ல பொருளிலேயே பயன்படுத்தப்பட்டுள்ளதா?

இதற்கான பதில், ஆம், பாரதியார் பாடல்களில் ஆரிய என்ற சொல் அற்புதமாக நல்ல பொருளிலேயே பயன்படுத்தப்படுகிறது.

இதைச் சற்று விரிவாகப் பார்ப்போம்.

நல்ல பொருளிலேயே பயன்படுத்தப்பட்டுள்ளதா என்ற கேள்வி எழும் போதே ஆரிய என்ற சொல்லைத் தவறான பொருளில் பயன்படுத்துவோரும் உள்ளனர் என்பது மறைமுகமாகத் தெரிகிறது.

ஆம், உண்மை தான். இதற்கான மூலத்தை மாக்ஸ்முல்லர் என்ற ஜெர்மானியரிடமிருந்து ஆரம்பிக்க வேண்டும். 1823ஆம் ஆண்டு பிறந்த மாக்ஸ்முல்லருக்கு மிகுந்த வறிய நிலை இருந்தது. அவரது 22ஆம் வயதில் அவரது தாயாருக்கு 1845ஆம் ஆண்டு ஏப்ரல் 10 ஆம் தேதியிட்ட கடிதம் ஒன்றில் அவர் எழுதினார் – ஒரு கப் சாக்லட்டிற்கு இரண்டு ஃப்ராங்க் கொடுக்க வேண்டியிருக்கிறது, இனி ஒரு போதும் இதைச் சாப்பிடக்கூடாது என்று நினைத்தேன். இரண்டு ஃபிராங்கிற்கு வக்கில்லாத நிலை.

அந்தக் கால கட்டத்தில் இந்தியாவை மொத்தமாக கபளீகரம் செய்ய நினைத்த மெக்காலேயை இரண்டாம் முறையாக 1855இல் அவர் சந்தித்தார்.  இந்தியரை மதமாற்றும் மெக்காலேயின்எண்ணத்தை அவர் புரிந்து கொண்டார். பிழைக்கும் வழியும் அவருக்குப் புரிந்து விட்டது. அந்த எண்ணத்திற்கு இணங்க சரியானபடி தாளம் போட்டார். வேதம் ஒரு குப்பை என்பது நிரூபணமாகி விடும் என்று தன் தாயாருக்கு எழுதினார். மற்றவருக்கு கிடைக்காத பெரிய தொகையான ஒரு தாளுக்கு 4 பவுண்ட் என்று அவருக்கு நிர்ணயிக்கப்பட்டது. அங்கு தான் வந்தது வினை.

ஆரியர் என்பது ஒரு தனி இனம், அது இந்தியாவில் புகுந்தது என்ற விஷ வித்தை அவர் ஊன்றினார். பின்னால் 1859இல் மெக்காலே இறந்தவுடன் அவர் பயம் போனது. வேதத்தைப் புகழ ஆரம்பித்தார். இந்தியாவின் அட்மைரர் ஆக மாற ஆரம்பித்தார். ஆனால் அவர் செய்ய வேண்டிய டாமேஜ் அனைத்தையும் செய்து விட்டார். அவர் வைத்த வித்து நச்சு மரமாக மாறி ஆரியன் என்பதற்கு ஏராளமான அர்த்தங்கள் தரப்பட்டன; அதையொட்டி இந்தியாவைப் பிளப்பதற்கான சதி ஆரிய வாதத்தால் அரங்கேற்றப்பட்டது. 1896இல் விவேகானந்தர் அவரை அவர் இல்லத்தில் சந்தித்த போது அவருக்கு வயது 73. அதன் பின்னர் நான்கு ஆண்டுகள் மட்டுமே அவர் உயிர் வாழ்ந்தார். அப்போது அவர் இந்தியாவை வெகுவாகப் புகழ்ந்தார்.

ஆரியம், திராவிடம் என்ற தவறான கொள்கைகள் பிறந்தது இதன் அடிப்படையில் தான்.

 மெக்காலேயின் இந்தியப் பண்பாட்டை ஒழித்துக் கட்டும் இந்தத் திட்டம் முழுதுமாக அவன் எண்ணப்படி நிறைவேறவில்லை என்றாலும் அந்த விஷமரத்தின் கனிகளைச் சாப்பிட்டவர்கள் அந்த ஆரிய வாதத்தால் ஆதாயம் தேட முயன்று ஓரளவு வெற்றியும் பெற்றனர்.

இந்தப் பின்னணியில் ஆரிய என்பதற்கான அர்த்தத்தை நம் இலக்கியங்களில் பார்ப்போம்.

சங்க இலக்கியத்தில் பத்துப்பாட்டு எட்டுத் தொகை மற்றும் பதினெண்கீழ்க்கணக்கு ஆகிய நூல்களிலும் தொல்காப்பியத்திலும் ஆரிய என்ற சொல் இல்லை.

சிலப்பதிகாரத்தில் ஆரிய என்ற சொல்லை 15 இடங்களில் காண முடிகிறது. ஆரியமன்னர்ஈர்_ஐஞ்ஞூற்றுவர்க்கு – வஞ்சி 25/162

அடும்தேர்தானைஆரியஅரசர் – வஞ்சி 26/211

ஆரியஅரசர்அமர்க்களத்துஅறிய – வஞ்சி 26/217

ஆரியமன்னர்அழகுறஅமைத்த – வஞ்சி 27/22

இப்படி வருகின்ற இடங்களில் ஆரிய மன்னர் என்று குறிப்பிடப்படுவது வட நாட்டில் ஆண்டுவந்த மன்னரைக் குறிக்கும் சொல்லாக வருகிறது.

மணிமேகலையில் ஒரே ஒரு இடத்திலும் சீவக சிந்தாமணியில் ஒரே ஒரு இடத்திலும் வரும் ஆரிய என்ற சொல்லும் நல்ல பொருளிலேயே வருகிறது.

அடுத்து கம்பராமாயணத்தை எடுத்துக் கொள்வோம். இதில் 240566 சொற்கள் உள்ளன. இவற்றில் 8 இடங்களில் ஆரிய என்ற சொல் வருகிறது.  

ஆடுஇயல்பாணிக்குஒக்கும்ஆரியஅமிழ்தபாடல் – கிட்:10 32/3 தேர்முன்நடந்தேஆரியநூலும்தெரிவுற்றீர் – கிட்:17 14/4

ஆரியற்கு என்ற சொல் 3 இடங்களில் வருகிறது.

அளவு_இல்சேனைஅவிதரஆரியற்குஇளையவீரன்சுடுசரம்ஏவினான்.

ஆரியற்கு இளைய வீரன் இலக்குவன்.

அடுத்து ஆரியன் என்ற சொல் 35 இடங்களில் வருகிறது. ஆரியன் என்பது இராமனையே குறிக்கிறது.

எடுத்துக்காட்டாக ஒரு நான்கு இடங்களைப் பார்ப்போம்:

ஆரியன் இளவலை நோக்கி ஐய நீ – அயோ:5 45/1

ஆரியன் அனைய கூற அன்னது தன்னை நோக்கி – ஆரண்:11 59/1

ஆரியன் தேவியை அரக்கன் நல் மலர் – ஆரண்:13 56/3

அத்தா இது கேள் என ஆரியன் கூறுவான்  –

அடுத்து சம்பந்தர் முதல் மூன்று திருமுறைகளில் உள்ள .பதிகங்கள் 385 பாடல்களின் எண்ணிக்கை 4169 மொத்த அடிகள் 16501.

சொற்கள் மொத்தம்  108252

இவற்றில் ஒரே ஒரு இடத்தில் மட்டும் ஆரியத்தொடு என்ற வார்த்தை வருகிறது!

சந்துசேனனும் இந்துசேனனும் தருமசேனனும் கருமைசேர் 


கந்துசேனனும் கனகசேனனும் முதலாகிய பெயர்கொளா 


மந்தி போல் திரிந்து ஆரியத்தொடு செந்தமிழ்ப் பயன் அறிகிலா 


அந்தகர்க்கு எளியேன் அலேன் திருவாலவாய் அரன் நிற்கவே.

இங்கு ஆரியம் என்பது வடமொழியைக் குறிக்கிறது. 

அப்பர் தேவாரத்தில் (4,5,6 திருமுறையில்) 312 பதிகங்கள் உள்ளன. 3066 பாடல்கள் உள்ளன. 12256 அடிகள் உள்ளன. 83730 சொற்கள் உள்ளன.

ஒரே ஒரு இடத்தில் மட்டும் ஆரியம் என்ற சொல்லும் ஒரு இடத்தில் ஆரியன் என்ற சொல்லும் ஒரு இடத்தில் ஆரியனை என்ற சொல்லும் வருகிறது.

ஆரியம் தமிழோடு இசை ஆனவன் – தேவா-அப்:1246/1

இங்கு ஆரியம் வடமொழியைக் குறிக்கிறது.

ஆரியன் கண்டாய் தமிழன் கண்டாய் அண்ணாமலை உறையும் அண்ணல் கண்டாய் – தேவா-அப்:2321/3

செந்தமிழோடு ஆரியனை சீரியானை திரு மார்பில் புரி வெண் நூல் திகழ பூண்ட – தேவா-அப்:2552/3

இங்கு ஆரியன் சிவனைக் குறிக்கிறது.

சுந்தரர் தேவாரத்தில் ஒரு சொல் கூட ஆரிய என்று இல்லை.

மாணிக்க வாசகர் அருளிய திருவாசகத்தில் 51 அதிகாரங்களில் 3438 அடிகள் உள்ளன. 21798 சொற்கள் உள்ளன.

அவற்றில் இரண்டே இரண்டு சொற்கள் சிவபிரானைக் குறிக்கும் படியாக ஆரியன், ஆரியனே என்று வருவதைக் காண்கிறோம்.

அந்தம்_இல் ஆரியன் ஆய் அமர்ந்தருளியும் – திருவா:2/22

பாசம் ஆம் பற்று அறுத்து பாரிக்கும் ஆரியனே.

ஓரளவு இப்படி சங்க இலக்கியத்தையும் பக்தி இலக்கியத்தையும் பார்த்து விட்டோம்.

இந்தப் பின்னணியில் பாரதியாருக்கு வருவோம்.

                          ***         அடுத்த கட்டுரையுடன் முடியும்

tags- பாரதியார் பாடல், ஆரிய , சொல்