Written by London Swaminathan
swami_48@yahoo.com
Date: 20 December 2018
GMT Time uploaded in London – 11-15 am
Post No. 5806

Pictures shown here are taken from various sources including google, Wikipedia, Facebook friends and newspapers. This is a non- commercial blog.

வீடு கட்ட செங்கற்கள் தேவை. இந்தப் பிரபஞ்சத்தை உருவாக்க மூலகங்கள் தேவை. நாம் இது வரை கண்டறிந்த மூலகங்கள் 118. அவற்றில் ப்ளுட்டோனியம், தோரியம் முதலிய கதிரியக்க மூலகங்களின் கதைகளை சொன்னேன். இன்று நோபல் பரிசு பெற்ற பெண்மணி மேரி க்யூரியையும், நமக்கு ரேடியம் (Radium) டயல் (Dial) கொண்ட ஒளிவீசும் கடிகரங்களை செய்து கொடுத்த  அழகிகளையும் கொன்ற ரேடியத்தின் கதையைச் சொல்வேன்.

1898-ம் ஆண்டில், மேரி க்யூரியும் மற்றொரு விஞ்ஞானியும் கணவருமான பியர் க்யூரியும் (Marie Curie, Pierre Curie) ரேடியத்தைக் கண்டுபிடித்தனர்.

உலகில் முதலில்  நோபல்  பரிசு பெற்ற  பெண்மணி–மேரி க்யூரி

உலகில் இரு முறை நோபல்  பரிசு பெற்ற  பெண்மணி– மேரி க்யூரி

உலகில கணவருடன் நோபல்  பரிசு பெற்ற  பெண்மணி—   மேரி க்யூரி

ரேடியம், கதிரியக்கம் உள்ள வெள்ளி நிற உலோகம். யுரேனியமும், தோரியமும் இயற்கையில்  தேய்ந்து  போகும் போது ரேடியம் உருவாகிறது. பூமியே ஒரு கதிரியக்கம் உள்ள கிரஹம்தான். அதற்குக் காரணம் இந்த ரேடியமும்தான்.

அந்தக் காலத்தில் ரேடியத்தின் ஒளிவீசும் தன்மையக்   கண்டோர் இதை கடிகாரத்தின் நேரம் காட்டும் டயலில் பூசினர். அது இரவில் ஒளி வீசி மணியைக் காட்டியது. இதன் ஆபத்தை அறியாதோர் புற்று நோயில் இறந்தனர். இளம் பெண்களே பெரும்பாலும் இந்தக் கடிகாரத் தொழிலில் ஈடுபட்டனர். அவர்களுக்கு ஒரு கெட்ட பழக்கம் உண்டு. கடிகார டயலில் ரேடிய உப்புக் கலவையைப் பூசுகையில் நல்ல கூர்மையாக வர்ணம் பூசுவதற்காக அவ்வப்பொழுது தூரிகையை– பிரஷை–நாக்கில் தடவிகொண்டு வர்ணம் பூசினர். அவர்கள் அனைவரும் பிற்காலத்தில் புற்று நோய் முதலிய நோய்களால் இறந்தனர்.

1900-முதல் 1930 வரை மருத்துவ உலகில் ஒரே பரபரப்பு. ரேடியம் தான் சகல நோக நிவாரணி என்று பிரச்சாரம். பல வகைப் புதிய கருவிகள் மார்க்கெட்டுக்கு வந்தன. உண்மையில் புற்று நோயைக் குணப்படுத்தவும் ரேடியம் ஊசிகள் பயன்படுதப்பட்டன. ஆனால  அதைச் செய்தோருக்குப்  புற்று நோய் வந்து இறந்தனர்!

ரேடியம் வாங்கக் காசு பணம் இல்லையா? இதோ எங்கள் பிளாஸ்கை (Flask) வாங்குங்கள்; அதில் இரவு முழுதும் தண்ணீரை ஊற்றி வைத்து அதைக் காலையில் பருகுங்கள்! அடடா என்ன சுகம், என்ன சுகம்! என்றெல்லாம் விளம்பரம்! அப்படிக் குடித்து வந்த சில ஆண்டுகளில் அவர்கள் அனைவரும் மேல் உலகம் சென்றனர். மூட்டு வலியா, மணக்  கோளாறா? இதோ ரேடியம் சிகிச்சை என்றெல்லாம்   போலி மருத்துவர்களின்  விளம்பரங்கள் வேறு!

இவ்வாறு தண்ணீர் குடித்து வந்த ஒரு தொழிலதிபர், அமெரிக்காவில் நாலே  ஆண்டுகளில் இறந்தவுடன், அது பெரிய செய்தியாகி ரேடிய சிகிச்சைகளுக்கு முற்றுப் புள்ளி வைத்தனர்.

ஒளி வீசிய பெண்கள்!

ரேடியம் தொழிற்சாலைகளில் வேலை செய்ததால், புற்று நோய் கண்ட பெண்மணிகள் ‘யு.எஸ். ரேடியம்’ என்ற கம்பெனி மீது வழக்குப் போட்டனர். அவர்களை உலகம் ரேடியம் பெண்கள் Radium Girls என்று அழைத்தன. ஆனால், அந்தக் கம்பெனியும், ( இந்தியாவின் போபால் விஷ வாயு வழக்கு போல), அந்த வழக்கையே தடுக்க பல விஷமத்தனங்களை செய்தது. இறுதியில் கோர்ட்டுக்கு வெளியே ஆளுக்கு 10,000 டாலர் கொடுத்து வழக்கையே இல்லாமற் செய்தனர். ஏமாந்து பணம் வாங்கிய அழகிகள் அனைவரும் சில ஆண்டுகளுக்குள் புற்று நோயால் செத்து மடிந்தனர்.

பெரிய    கம்பெனிகளுக்குத் தெரியும்; வழக்கைத் தாக்காட்டினால்,வழக்குப் போட்டவர்கள் அனைவரும் சில ஆண்டுகளில் செத்துப் போய் வழக்கே பிசுபிசுத்துவிடும் என்று.

ரேடியம் பெண்மணிகளின் முகம், கை, தலை முடியெல்லாம் இரவு நேரத்தில் ஒளியை உமிழ்ந்தன. அந்த அளவுக்கு அவர்களுடைய உடம்பில் கதிரியக்கம் ஏறி விட்டது!

இப்படிப் பல நூறு மனிதர்களின் உயிரைப் பலி வாங்கிய ரேடியம் 1930-க்குப் பின்னர் பாதுகாப்போடு பயன்படுத்தப் பட்டு வருகிறது. இன்றும் ஒளி வீசும் ரேடியம் பெயிண்டுகள், கடிகார டயல்கள் உண்டு. ஆனாலவை எல்லாம் ஆபத்தானவை அல்ல. அதைச் செய்வோரும் பாதுகாப்பு அறையில் செய்வர்   .அதை அணிவோருக்கும் கதிரியக்கம் வராதபடி கண்ணாடிப் பெட்டிக்குள் இருக்கும். மருத்துவத் துறை, பெயிண்ட் துறை ஒளிரும் பொருள்களைச் (Luminous)  செய்யும் துறைகளில் ரேடியம் பயன்படுத்தப் படுகிறது.

இரசாயன குணங்கள்

ரேடியத்தின் குறியீடு – Ra ஆர் ஏ

அணு எண் -88

கொதி நிலை—1400 C

உருகு நிலை—700 C

ரேடிய ஆராய்ச்சியில் இறங்கிய மேரி க்யூரியும் ரேடிய அதிசயம், பற்றி விளம்பியுள்ளார்

“இந்த ஆராய்ச்சியில் ஈடுபட்ட நாங்கள்  அனைவரும் சோதனைச் சாலைக்குள் நுழைந்து இரவில் இருட்டில் எங்கள் குடுவைகளை நோக்குவோம். அப்பொழுது அவை நீல நிற ஒளியைக் கசிந்து இருப்பது எங்களுக்கு அதிசயமாக இருக்கும். அதை நாங்கள் இரவு நேர தேவதைகள் போலக் காண்போம். அது எங்களுக்கு மகிழ்ச்சியைத் தந்தது”.

இந்த இரவு நேர தேவதைதான் பின்னர் அனைவரையும் சொர்க்க லோகத்துக்கு அழைத்துச் சென்றுவிட்டது!

TAGS– மேரி க்யூரி, ரேடியம்,நோபல்  பரிசு, ஒளி வீசிய பெண்கள்!

–subham–

Written by London Swaminathan

swami_48@yahoo.com
Date: 19 December 2018
GMT Time uploaded in London – 18-57
Post No. 5802

Pictures shown here are taken from various sources including google, Wikipedia, Facebook friends and newspapers. This is a non- commercial blog.

FIND AT LEAST 18 WORDS. TIPS AND ANSWERS ARE GIVEN BELOW

1		2		3		4
5
6					7
P8					10	9
			11
12				12a
						13
14
						15

ACROSS

1. HOLY CITY WHERE BRINDAVAN- PLAYING FILED OF KRISHNA IS SITUATED

5. – NORMALLY IT GOES WITH CONFLUENCE OF THREE SACRED RIVERS- GANGA, YAMUNA AND SARASWATI

6. – SECOND NOTE IN Hindustani music; in Sanskrit it means ‘between’

9. -CLEAN, PURU, 

10. – GARLAND

12. FAVOURITE WIFE OF MOON AMONG 27 STARS

13. – PREFIX MEANING A LOT

14. – ONE OF THE FIVE PANDAVA BROTHERS; WELL VERSED IN ASTROLOGY

15. – CONSORT OF SHIVA

DOWN

1. – Mythology about Fish Avatar of Vishnu

8. – Mythology in Sanskrit

2.– one of the good Rakshasis who helped Sita

3. – one name of Vishnu meaning above Indra

4. –  meaning infinite,unbound

7.– elixir that came from sea after churning

11. – one of the Vedic goddesses

12a. – Blue colour, also name of Girls

13. – meaning atom; in Sanskrit a prefix for after, together, similar

M1	A	T2	H	U3	R	A4
A		R		P		M
T5	R	I	V	E	N	I
S		J		N		T
Y		A		D		A
A6	N	T	A	R	A7
P8		A	L	A	M10	A9
U			I11		R
R12	O	H	I	12a	I
A				I	T	A13
N14	A	K	U	L	A	N
A				A	M	U15

ACROSS

1.MATHURA- HOLY CITY WHERE BRINDAVAN- PLAYING FILED OF KRISHNA IS SITUATED

5.TRIVENI- NORMALLY IT GOES WITH CONFLUENCE OF THREE SACRED RIVERS- GANGA, YAMUNA AND SARASWATI

6.ANTARA- SECOND NOTE IN Hindustani music; in Sanskrit it means ‘between’

9.AMALA-CLEAN, PURU, 

10.MALA- GARLAND

12.ROHINI- FAVOURITE WIFE OF MOON AMONG 27 STARS

13.ATI- PREFIX MEANING A LOT

14.NAKULA- ONE OF THE FIVE PANDAVA BROTHERS; WELL VERSED IN ASTROLOGY

15.UMA- CONSORT OF SHIVA

DOWN

1.MATSYA PURANA- Mythology about Fish Avatar of Vishnu

8.PURANA- Mythology in Sanskrit

2.TRI JATA – one of the good Rakshasis who helped Sita

3.UPENDRA- one name of Vishnu meaning above Indra

4.AMITA-  meaning infinite,unbound

7.AMRITAM – elixir that came from sea after churning

11.ILA – one of the Vedic goddesses

12a.NILA- Blue colour, also name of Girls

13.ANU- meaning atom; in Sanskrit a prefix for after, together, similar

ACROSS

1.MATHURA

5.TRIVENI

6.ANTARA

9.AMALA

10.MALA

12.ROHINI

13.ATI

14.NAKULA

15.UMA

DOWN

1.MATSYA PURANA

8.PURANA

2.TRI JATA

3.UPENDRA

4.AMITA

6.ANTARA

7.AMRITAM

11.ILA

12.NILA

13.ANU

—subham–

Written by London Swaminathan
swami_48@yahoo.com
Date: 18 December 2018
GMT Time uploaded in London – 11-59 am
Post No. 5797

Pictures shown here are taken from various sources including google, Wikipedia, Facebook friends and newspapers. This is a non- commercial blog.

Find at least ten words in the cross word square:-

ACROSS

1. When Krishna showed this to Arjuna, all his doubts were

cleared.

5. A rishi who asked Dasaraja for the hand of Satyavati in marriage, but was refused

6.Author of Gatha Sapta Sati, a Prakrit anthology

7.Goddess in Vedas seen as antithesis or compliment to Aditi

8. One of the Four great Upanishadic teachings

10. Swan; used with great saints

DOWN

1. A great Rishi who recognised Viswamitra as a Brahma Rishi.

2. A seer whose hymns are in Rk Veda; name ofSiva as well;also name of a Rishi with two powerful horses in Mahabharata

3. Greatest grammarian; first grammarian in the world.

4. a seer who used his mental power to do fire sacrifice

9. That which is good

1			2
									3
						4			5
6
8
		9			10

Answers:-

1.VISVARUPA- When Krishna showed this to Arjuna, all his doubts were

cleared.

5.ASITA- A rishi who asked Dasaraja for the hand of Satyavati in marriage, but was refused

6.HALA-Author of Gatha Sapta Sati, a Prakrit anthology

7.DITI-   Goddess in Vedas seen as antithesis or compliment to Aditi

8.TATVAMASI- One of the Four great Upanishadic teachings

10.HAMSA- Swan; used with great saints

1.VASHISTA- A great Rishi who recognised Viswamitra as a Brahma Rishi.

2.VAMADEVa- A seerwhose hymns are in  Rk Veda; name ofSiva as well;also name of a Rishi with two powerful horses in Mahabharata

3.PANINI- Greatest grammarian; first grammarian in the world.

4.TRITA- a seer who used his mental power to do fire sacrifice

9.SAT- That which is good

V1	I	S	V2	A	R	U	P	A
A			A						P3
S			M		A	T4	I	S	A5
H6	A	L	A			R			N
I			D7	I	T	I			I
S			E			T			N
T8	A	T	V	A	M	A	S	I	I
A		A
		S9			H10	A	M	S	A

Across

1.VISVARUPA,5.ASITA,6.HALA,7.DITI,8.TATVAMASI,10.HAMSA

Down

1.VASHISTA,2.VAMADEV,3.PANINI,4.TRITA,9.SAT

–SUBHAM–

Compiled by London Swaminathan


swami_48@yahoo.com



Date: 14 December 2018


GMT Time uploaded in London – 12-32

Post No. 5781

Pictures shown here are taken from various sources including google, Wikipedia, Facebook friends and newspapers. This is a non- commercial blog.

FIND AT LEAST 16 WORDS THAT YOU COME ACROSS IN HINDU RELIGION AND HISTORY.

1		2		3		4				5
6											7
8					9						10
		11					12		13

ACROSS

1.LEGENDARY KING ASSOCIATED WITH VETALA STORIES

6.KINGDOM OF MONKEYS IN RAMAYANA

7.PRANAVA MANTRA

 8.METALPOT WITH WHICH PUJAS DONE

 10.HOLY MOUNTAIN OF HINDUS, PARTICULARLY SAIVITES

11.HORSE SACRIFICE IN THE VEDAS.

DOWN

1.GODDESS OFWORD, SPEECH

 2.SONSOF RAMA

 3.CONTOL ELEPHANT WITH IT

 4.VEDIC FIRE GOD

 5.GOD OF DEATH

9.SIVA,

8.DESIRE

10.DANCING FORM OF PARVATI

 12.UNITY

 13.ONE OF THE SEVEN RISHIS WHO COMES FIRST

XXX

ANSWERS

V	I	K	R	A	M	A	D	I	T	Y	A
A		U		N		G				A
K	I	S	H	K	I	N	D	A		M	O
		A		U		I				A
K	A	L	A	S	H	S	A	L	I	A	K
A		A		A	A		T		R		A
M		V			R		K		T		L
A		A	S	V	A	M	E	D	A		I

ACROSS

1.VIKRAM (1a)ADITYA, 6.KISHKINDA, 7.OM, 8.KALASH, 10.KAILASH

11.ASVAMEDA

DOWN

1.VAK, 2.KUSA LAVA, 3.ANKUSA, 4.AGNI, 5.YAMA, 9.HARA, 8.KAMA

10.KALI, 12.EKTA, 13.ATRI.

tags- cross word, 14-12-18

–SUBHAM–

Written by S Nagarajan

Date: 13 DECEMBER 2018


GMT Time uploaded in London –6- 49 am

Post No. 5774

Pictures shown here are taken from various sources including google, Wikipedia, Facebook friends and newspapers. This is a non- commercial blog.

பாரதி இயல்

பாரதியும் வானசாத்திரமும்! – 3

ச.நாகராஜன்

இனி பாஞ்சாலி சபதம் மற்றும் குயில் பாட்டு ஆகிய கவிதைச் சிகரங்களில் பாரதி கூறிய வானவியல் பற்றிய பாடல்களைக் காண்போம்:

பாஞ்சாலி சபதம்

‘பாரடியோ!வானத்திற் புதுமை யெல்லாம்,

பண்மொழீ!கணந்தோறும் மாறி மாறி
ஓரடிமற் றோரடியோ டொத்த லின்றி

உவகையுற நவநவமாய் தொன்றுங் காட்சி
யாரடிஇங் கிவைபோலப் புவியின் மீதே

எண்ணரிய பொருள் கொடுத்தும் இயற்ற வல்லார்?
சீரடியால் பழவதே முனிவர் போற்றுஞ்

செழுஞ்சோதி நவப்பையெலாம் சேரக் காண்பாய். 148

‘கணந்தோறும் வியப்புக்கள் புதிய தோன்றும்;

கணந்தோறும் வெவ்வேறு கனவு தோன்றும்;
கணந்தோறும் நவநவமாங் களிப்புத் தோன்றும்;

கருதிடவும் சொல்லிடவும் எளிதோ?ஆங்கே,
கணந்தோறும் ஒருபுதிய வண்ணங் காட்டிக்

காளிபரா சக்தி அவள் களிக்குங் கோலம்
கணந்தோறும் அவள் பிறப்பாள் என்று மேலோர்

கருதுவதன் விளக்கத்தை இங்குக் காண்பாய். 149

‘அடிவானத் தேஅங்கு பரிதிக் கோளம்

அளப்பரிய விரைவினொடு சுழலக் காண்பாய்
இடிவானத் தொளிமின்னல் பத்துக் கோடி

எடுத்தவற்றை ஒன்றுபட உருக்கி வார்த்து,
முடிவான வட்டத்தைக் காளி ஆங்கே

மொய்குழலாய்,சுழற்றுவதன் மொய்ம்பு காணாய்!
வடிவான தொன்றாகத் தகடி ரண்டு

வட்டமுறச் சுழலுவதை வளைந்து காண்பாய். 150

அமைதியடு பார்த்திடுவாய் மின்னே!பின்னே

அசைவுறுமோர் மின்செய்த வட்டு;முன்னே
சமையுமொரு பச்சைநிற வட்டங் காண்பாய்.

தரணியிலிங் கிதுபோலோர் பசுமை உண்டோ?
இமைகுவிய மின்வட்டின் வயிரக் கால்கள்

எண்ணில்லா திடையிடையே எழுதல் காண்பாய்;
உமை கவிதை செய்கின்றாள்,எழுந்து நின்றே

உரைத்திடுவோம்,”பல்லாண்டு வாழ்க!”என்றே. 151

வேறு

‘பார்;சுடர்ப்பிரிதியைச் சூழவே படர்முகில்
எத்தனை தீப்பட் டெரிவன?ஓகோ!
என்னடி!இந்த வன்னத் தியல்புகள்!
எத்தனை வடிவம்!எத்தனை கலவை!
தீயின் குழம்புகள்!-செழும்பொன் காய்ச்சி
விட்ட ஓடைகள்!-வெம்மை தோன்றாமே
எரிந்திடுந் தங்கத் தீவுகள்!-பாரடி!
நீலப் பொய்கைகள்!-அடடா,நீல
வன்ன மொன்றில் எத்தனை வகையடி!
எத்தனை செம்மை!பசுமையுங் கருமையும்,
எத்தனை!-கரிய பெரும்பெரும் பூதம்!
நீலப் பொய்கையின் மிதந்திடுந் தங்கத்
தோணிகள் சுடரொளிப் பொற்கரை யிட்ட
கருஞ்சிக ரங்கள்!-காணடி,ஆங்கு
தங்கத் திமிங்கிலம் தாம்பல மிதக்கும்
இருட்கடல்!-ஆஹா!எங்கு நோக்கிடினும்
ஒளித்திரள்!ஒளித்திரள்!வன்னக் களஞ்சியம்!’ 152

*

பாஞ்சாலி சபதம் காவியத்தில் பாட்டு 148-7,8அடிகளுக்கு பாரதியின் விளக்கம்:-

சீரடியார் பழவேத முனிவர் போற்றுஞ் செழுஞ் சோதி – சீர்களும் அடிகளும் இயைந்த மந்திரங்களால் முன்னைய வேத ரிஷிகள் போற்றிய ஞாயிறு

இங்கு சூர்யாஸ்தமய வர்ணனை கூறப்படுகிறது. இப்பாடல்களின் கருத்து நன்கு விளங்கும் பொருட்டு நமது ‘கர்மயோகிப்’ பத்திரிகையிலே இவ்விஷயத்தைப் பற்றி எழுதியுள்ள உபந்யாஸமொன்றை இங்கு தருகின்றோம்.

ஸூர்யாஸ்தமயம்

உலகத்தில் எங்கு பார்த்தாலும் நிறைந்து கிடக்கும் லாவண்யங்களைத் தமிழர்கள் கவனிப்பது கிடையாது. சனிக்கிழமை சாயங்காலந்தோறும் குளக்கரைகளிற் போய்க் கருடன் பார்ப்பதெற்கென்றால் நம்மவர்கள் கூட்டம் கூட்டமாக ஓடுகிறார்கள். சூர்யாஸ்தமய காலத்தில் வானத்திலே தோன்றும் அதிசியங்களைப் பார்க்க ஒருவன் கூடப் போவதில்லை. அப்போது வானத்திலே இந்திரஜால மஹேந்திர ஜாலங்களெல்லாம் நடக்கின்றன. இந்த க்ஷணம் இருந்த தோற்றம் அடுத்த க்ஷணம் இருப்பதில்லை. உலகத்திலுள்ள திரவிய முழுவதையும் செலவிட்டு வர்ணக் காட்சிகள் ஏற்படுத்திப் பார்ப்போமானாலும் அது சூர்யாஸ்தமய காலத்தில் வானத்திலே நாம் பொருட்செலவில்லாமல் பார்க்கக்கூடிய காட்சிகளிலே கோடியிலொரு பங்கு கூடக் காணாது. வாணவேடிக்கைகள் பார்க்க ஒரு செல்வன் பதினாயிரக்கணக்கான திரவியம் செலவிடுகிறான். அவ்னது செல்வத்தினாலன்றோ இந்தக் காட்சி சுலபமாகிறதென்று அதையே பார்த்து ஆயிரம் ஏழைகள் பெருமூச்செறிகிறார்கள். ஸஹோதரா! ஸூர்யாஸ்தமயத்தின் விநோதங்களைச் சென்று பார். ஸூர்யனைப் பார்த்தால் கண்ணுக்குக் கெடுதி என்ற குருடர் நம்பிக்கையைப்  பொருட்டாக்காதே. ஸூர்யனைப் பார்ப்பது பாவமென்று சொல்லும் மூடர் சாஸ்திரத்தைக் கண் கொண்டு பார்க்காதே.

    நமது நாட்டில் வேத காலத்து ரிஷிகள் பிரகிருதியின் சௌந்தர்யங்களைக் கண்டு மோஹித்துப் பரமானந்தமெய்தியவர்களாய்ப் பல அதிசியமான பாடல்கள் பாடியிருக்கிறார்கள். பிரகிருதியின் அழகைக் கண்டு பரவசமெய்திக் காளிதாஸன் முதலிய பெருங்கவிகள் அற்புதக் கவிதைகள் செய்திருக்கின்றனர். இக்காலத்திலே தான் இந்த துரதிர்ஷ்ட நிலை கொண்ட நாட்டில் வானம் பார்த்தறியாத குருடர்களெல்லோரும் கவிகளென்று சொல்லி வெளி வருகிறார்கள்.

    ஸூர்யாஸ்தமயத்தின் அற்புத சௌந்தர்யங்களை எழுதிப் பிறர் மனதில் படும்படி செய்வது சாத்தியமில்லை. (நேரிலே கொண்டு காட்டினாலும் பலருக்கு ஆரம்பத்திலே கண் கூசுவது தான் அர்த்தமாகுமேயல்லாமல் விஷயம் தெரியாது.) ஸஹோதரா! நீயாகவே போய்ப் பல தினம் அடுத்துப் பார்க்க வேண்டும். பிறகு தான் உனக்கு அந்தத் தெய்வக் காட்சி சிறிது சிறிதாக விளங்கும். ஸூர்யோதயத்திலேயும் ஸூர்யாஸ்தமயத்திலும் வானத்தில் நடக்கும் இந்திரஜாலக் காட்சியில் க்ஷணந்தோறும் புதிய புதிய விநோதங்கள் மாத்திரமேயன்றி இன்னுமொரு விசேஷமுண்டு. நேற்று இருந்தது போல இன்றைக்கு இராது. இன்று இருப்பது போல நாளை இராது. தினந்தோறும் வெவ்வேறு வியப்புக்கள். வெவ்வேறு உலகங்கள். வெவ்வேறு மஹிமைகள். வெவ்வேறு கனவுகள். வெவ்வேறு ஆனந்தங்கள். வெவ்வேறு அநிர்வசனீயங்கள்.

    சில தினங்களின் முன்பு ஓர் மாலைப்பொழுதில் நான் கண்ட அதிசியங்களை ஒருவாறு இங்குக் குறிப்பிடுகிறேன். அடிவானத்தில் ஸூர்ய கோளம் தகதகவென்று சுழன்று கொண்டிருந்தது. இருபது கோடி மின்னல்களை எடுத்து ஒரு சக்கரமாக வார்த்துச் சுழற்றுவது போலிருந்தது. ஆரம்பத்திலே தான் கண்கூசும். சிறிது நேரம் உற்று நோக்கிக் கொண்டிருந்தால், பிறகு கண் கூச்சம் தீர்ந்து போய் விடும். இரண்டு வட்டத் தகடுகள்  ஒன்றின் மேலொன்று சுழலும். கீழே இருப்பது சுத்தமான மின்வட்டம். மேலே இருப்பது மரகத வட்டம். பச்சை வர்ணம்! அற்புதமான பசுமை.

     பச்சைத் தகடு பின்புறத்திலிருக்கு மின் தகட்டை முழுவதும் மறைத்துக் கொண்டிருக்கும். ஆயினும் இடையிடையே பின்னுள்ள வட்டத்தின் வயிரக் கிரணங்கள் கண்மீது பாயும்.

    பார்! ஸுர்யனைச் சுற்றி மேகங்களெல்லாம் தீப்பட்டெரிவது போலத் தோன்றுகிறது! ஆஹா! என்ன வர்ணங்கள்! எத்தனை வித வடிவங்கள்! எத்தனை ஆயிர விதமான கலப்புக்கள்! அக்கினிக் குழம்பு! தங்கம் காய்ச்சியிட்ட ஓடைகள்! எரிகின்ற தங்கத் தீவுகள்!

    நீல ஏரிகள்! கரும் பூதங்கள்! எத்தனை வகை நீலம்! எத்தனை விதச் செம்மை! எத்தனை வகைப் பசுமை! எத்தனை விதக் கருமை! நீல ஏரியின் மீது மிதக்கும் தங்கத் தோணிகள்! எரிகின்ற தங்க ஜரிகைக்கரைப் போட்ட கரிய சிகரங்கள்! தங்கத் திமிங்கலங்கள்! மிதக்கும் செங்கடல்! எங்கு பார்த்தாலும் ஒளித்திரள், வர்ணக் களஞ்சியம்.போ, போ, என்னால் அதை வர்ணிக்க முடியாது.

*

குயில் பாட்டு

வான நடுவிலே மாட்சியுற ஞாயிறுதான் 
மோனவொளி சூழ்ந்திடவும் மொய்ம்பிற் கொலுவிருந்தான், 

மேலைக் கதையுரைக்க வெள்கிக் குலையுமனம், 
காரைக் கதிரழகின் கற்பனைகள் பாடுகிறேன். … 30 

தங்க முருக்கித் தழல் கறைத்துத் தேனாக்கி 
எங்கும் பரப்பியதோர் இங்கிதமோ? வான்வெளியைச் 
சோதி கவர்ந்து சுடர்மயமாம் விந்தையினை 
ஓதிப் புகழ்வார் உவமையொன்று காண்பாரோ? 
கண்ணையினி தென்றுரைப்பார்; கண்ணுக்குக் கண்ணாகி … 35 

விண்ணை அளக்கும்மொளி மேம்படுமோர் இன்பமன்றோ? 
மூலத் தனிப்பொருளை மோனத்தே சிந்தை செய்யும் 
மேலவரும் அஃதோர் விரியுமொளி என்பாரேல் 
நல்லொளிக்கு வேறுபொருள் ஞாலமிசை யொப் புளதோ? 
புல்லை நகையுறுத்திப் பூவை வியப்பாக்கி … 40 

மண்ணைத் தெளிவாக்கி, நீரில் மலர்ச்சி தந்து 
விண்ணை வெளியாக்கி விந்தைசெயுஞ் சோதியினைக் 
காலைப் பொழுதினிலே கண்விழித்து நான்தொழுதேன். 

நான் முகனே! … 75 

பண்டே யுலகு படைத்தனைநீ என்கின்றார். 
நீரைப் படைத்து நிலத்தைத் திரட்டி வைத்தாய் 
நீரைப் பழைய நெருப்பிற் குளிர்வித்தாய். 
காற்றைமுன்னே ஊதினாய் காணரிய வானவெளி 
தோற்றுவித்தாய், நின்றன், தொழில்வலிமை யாரறிவார்? … 80 

உள்ளந்தான் கவ்வ ஒருசிறிதுங் கூடாத 
கொள்ளைப் பெரியவுருக் கொண்ட பலகோடி 
வட்ட வுருளைகள் போல் வானத்தில் அண்டங்கள் 
எட்ட நிரப்பியவை எப்போதும் ஓட்டுகின்றாய்; 
எல்லா மசைவில் இருப்பதற்கே சக்திகளைப் … 85 

பொல்லாப் பிரமா, புகுத்திவிட்டாய் அம்மாவோ! 
காலம் படைத்தாய் கடப்பதிலாத் திக்கமைத்தாய்; 
ஞாலம் பலவினிலும் நாடோ றுந் தாம்பிறந்து 
தோன்றி மறையும் தொடர்பாப் பல அனந்தம்! 

*

இதுவரை கூறிய பாடல் பகுதிகளால் பாரதியார் வானக் காட்சிகள் மீது கொண்ட மோகத்தைப் பார்க்கிறோம்.

வானக் காட்சிகளைத் தமிழர் கவனிப்பது கிடையாது என்று அவர் அங்கலாய்க்கிறார்.

சந்திரன், சூரியன், நட்சத்திரங்கள், தாரகைக் கூட்டம், அண்டங்கள் உள்ளிட்ட அனைத்தையும் அவர் வியப்புடன் பார்க்கிறார்; அதன் உண்மை தெளிகிறார்; நமக்குப் புலப்படுத்துகிறார்.

இன்னும் வசன கவிதையிலும் உரை நடைப் பகுதிகளிலும் அவர் ஞாயிறு, நட்சத்திரம், நிலா ஆகியவை பற்றிக் கூறியவை ஏராளம் உள்ளன.

அவற்றையும் சேர்த்துப் படித்தால் வானவியல் கவிஞன் பாரதி என்று ஒரு புதிய பரிமாணத்தை மஹாகவி பாரதியாரில் நாம் காண முடியும்.

பாரதியைக் கற்றால் வானவியலையும் கற்றது போலத் தான் என்று கூறி இந்தக் குறுந்தொடரை முடிக்கிறேன்.

வாழ்க பாரதி நாமம்; வாழ்க அறிவியல்!

****

Written by S Nagarajan

Date: 12 DECEMBER 2018


GMT Time uploaded in London –4- 59 am

Post No. 5769

Pictures shown here are taken from various sources including google, Wikipedia, Facebook friends and newspapers. This is a non- commercial blog.

பாரதி இயல்

பாரதியும் வானசாத்திரமும்! – 2

ச.நாகராஜன்

பாரதியார் வானவியல் பற்றிக் கூறிய பாடல்களில் முக்கிய வரிகள்/ பகுதிகள் இங்கு தொடர்கின்றன.

பாரதியாருக்கு அறிவியல் பூர்வமான வானவியலில் மிக அதிகமாக ஆர்வம் உண்டு.

சூரியன், சந்திரன், நட்சத்திரம், அண்டம் இவற்றை எல்லாம் கவிதைப் பொருளாக உள்ள அனைத்திற்கும் பாரதியார் பயன்படுத்தி உள்ளார்.

சுட்டும் விழிச்சுடர் தான் சூரிய சந்திரரோ என்பன போன்ற உவமைகள் ஏராளம் உள்ளன.

ஒவ்வொரு வானக் காட்சியிலும் அவர் இறைவனின் மஹாசக்தியை எண்ணி வியக்கிறார்.

தமிழர்கள் வானவியலில் அதிக ஆர்வம் காட்டவில்லையே என்ற பச்சாதாபமும் அவருக்கு உண்டு.

முன்னாளில் வான சாஸ்திரத்தில் இந்தியா தலை சிறந்து விளங்கியதை அவர் நினைவு கூர்கிறார்.

இன்று அவர் இருந்தால் இந்திய விண்வெளி ஆய்வுக் கழகமான இஸ்ரோ விண்ணில் ஏவும் ஏவுகணைகளைப் பார்த்து சந்தோஷப்படுவார்.

சந்திர மண்டலத்தியல் கண்டு தெளிவோம் என்ற அவரது கனவை இந்தியா கூடிய விரைவில் நிறைவேற்றும்.

கட்டுரைத் தொடரின் இரண்டாம் பகுதியை இங்கு தொடர்கிறோம்:

கண்ணன் என் தாய்

விந்தைவிந்தை யாக எனக்கே – பல 

விதவிதத் தோற்றங்கள் காட்டுவிப் பாள்; 
சந்திரனென் றொரு பொம்மை – அதில் 

தண்ணமுதம் போலஒளி பரந்தொழுகும்; 
மந்தை மந்தையா மேகம் – பல 

வண்ணமுறும் பொம்மையது மழைபொழியும்; 
முந்தஒரு சூரியனுண்டு – அதன் 

முகத் தொளி கூறுதற்கொர் மொழியிலை யே. 

வானத்து மீன்க ளுண்டு – சிறு 

மணிகளைப் போல்மின்னி நிறைந்திருக்கும்

கண்ணன் எனது சற்குரு

சந்திரன் சோதி யுடையதாம்; – அது 

சத்திய நித்திய வஸ்துவாம்; – அதைச் 
சிந்திக்கும் போதினில் வந்துதான் – நினைச் 

சேர்ந்து தழுவி அருள்செயும் -; 

”ஆதித் தனிக்பொரு ளாகுமோர்; – கடல் 

ஆருங் குமிழி உயிர்களாம்; – அந்தச் 
சோதி யறிவென்னும் ஞாயிறு – தன்னைச் 

சூழ்ந்த கதிர்கள் உயிர்களாம்; – இங்கு 
மீதிப் பொருள்கள் எவையுமே – அதன் 

மேனியில் தோன்றிடும் வண்ணங்கள்;-

கண்ணம்மா – என் காதலி – 1 
(காட்சி வியப்பு) 

செஞ்சுருட்டி – ஏகதாளம் 
ரசங்கள் : சிருங்காரம், அற்புதம்

சுட்டும் விழிச்சுடர் தான், – கண்ணம்மா! 

சூரிய சந்திர ரோ? 
வட்டக் கரிய விழி, – கண்ணம்மா! 

வானக் கருமை கொல்லோ? 
பட்டுக் கருநீலப் – புடவை 

பதித்த நல் வயிரம் 
நட்ட நடு நிசியில் – தெரியும் 

நக்ஷத் திரங்க ளடீ! …

கண்ணம்மா – என் காதலி – 2 
(பின் வந்து நின்று கண் மறைத்தல்) 

நாதநாமக்கிரியை – ஆதிதாளம் 
சிருங்கார ரசம்

மாலைப் பொழுதிலொரு மேடை மிசையே 

வானையும் கடலையும் நோக்கி யிருந்தேன்; 
மூலைக் கடலினையவ் வான வளையம் 

முத்தமிட் டேதழுவி முகிழ்த்தல் கண்டேன்; 

கண்ணம்மா – என் காதலி – 6
வான மழை நீ யெனக்கு, வண்ணமயில் நானுனக்கு; 

 
வெண்ணிலவு நீ யெனக்கு, மேவு கடல் நானுனக்கு; 

கவிதைத் தலைவி

வான சாத்திரம்,மகமது வீழ்ச்சி,


சின்னப் பையல் சேவகத் திறமை;


எனவரு நிகழ்ச்சி யாவே 

நிலாவும் வான்மீனும் காற்றும்

நிலாவையும் வானத்து மீனையும் காற்றையும்
நேர்பட வைத்தாங்கே
குலாவும் அமுதக் குழம்பைக் குடித்தொரு
கோலவெறி படைத்தோம்;

தாரகை யென்ற மணித்திரள் யாவையும்
சார்ந்திடப் போமனமே,
சரச் சுவையதி லுறி வருமதில்
இன்புறு வாய்மனமே!

சீர விருஞ்சுடர் மீனொடு வானத்துத்
திங்களையுஞ் சமைத்தே
ஓரழ காக விழுங்கிடும் உள்ளத்தை

ஒப்பதொர் செல்வமுண்டா’

சாதாரண வருஷத்து தூம கேது

எண்ணில் பல கோடி யோசனை யெல்லை

எண்ணிலா மென்மை யியன்றதோர் வாயுவால்

புனைந்த நின்னொடு வால் போவதென்கிறார்;

பாரத நாட்டில் பரவிய எம்மனோர்

நூற்கணம் மறந்துபன் னூறாண் டாயின;

உனதியல் அன்னியர் உரைத்திடக் கேட்டே

தெரிந்தனம்; எம்முளே தெளிந்தவர் ஈங்கிலர்

சுய சரிதை

கணிதம் பன்னிரண் டாண்டு பயில்வர்,பின்
கார்கொள் வானிலோர் மீனிலை தேர்ந்திலார்;

உலகத்தை நோக்கி வினவுதல்

வானகமே,இளவெயிலே,மரச்செறிவே நீங்க ளெல்லாம்
கானலின் நீரோ?-வெறுங் காட்சிப் பிழைதானோ?

ஆத்ம ஜெயம்

அட
மண்ணில் தெரியுது வானம்,அதுநம்
வசப்பட லாகாதோ?

கிளிப்பாட்டு

ஞாயிற்றை யெண்ணி யென்றும் நடுமை நிலை பயின்று, 
ஆயிர மாண் டுலகில் – கிளியே! – அழிவின்றி வாழ்வோமடீ! 

சூரிய தரிசனம் 
ராகம் – பூபாளம் 

சுருதி யின்கண் முனிவரும் பின்னே 
      தூமொ ழிப்புல வோர்பலர் தாமும் 
பெரிது நின்றன் பெருமையென் றேத்தும் 
      பெற்றி கண்டுனை வாழ்த்திட வந்தேன்; 
பரிதியே! பொருள் யாவிற்கும் முதலே! 
      பானுவே! பொன்செய் பேரொளித் திரளே! 
கருதி நின்னை வணங்கிட வந்தேன்; 
      கதிர்கொள் வாண்முகம் காட்டுதி சற்றே. 

வேதம் பாடிய சோதியைக் கண்டு 
      வேள்விப் பாடல்கள் பாடுதற் குற்றேன்; 
நாத வார்கட லின்னொலி யோடு 
      நற்ற மிழ்ச்சொல் இசையையுஞ் சேர்ப்பேன்; 
காத மாயிரம் ஓர்கணத் துள்ளே 
      கடுகியோடும் கதிரினம் பாடி 
ஆத வா! நினை வாழ்த்திட வந்தேன் 
      அணிகொள் வாண்முகம் காட்டுதி சற்றே. 


 ஞாயிறு வணக்கம் 

கடலின்மீது கதிர்களை வீசிக் 
      கடுகி வான்மிசை ஏறுதி யையா! 
படரும் வானொளி யின்பத்தைக் கண்டு 
      பாட்டுப்பாடி மகிழ்வன புட்கள். 
உடல் பரந்த கடலுந் தன்னுள்ளே 
      ஒவ்வொரு நுண்டுளி யும்வழி யாகச் 
சுடரும் நின்றன் வடிவையுட் கொண்டே 
      சுருதி பாடிப் புகழ்கின்ற திங்கே. 

என்ற னுள்ளங் கடலினைப் போலே 
      எந்த நேரமும் நின்னடிக் கீழே 
நின்று தன்னகத் தொவ்வோர் அணுவும் 
      நின்றன் ஜோதி நிறைந்தது வாகி 
நன்று வாழ்ந்திட செய்குவை யையா! 
      ஞாயிற் றின்கண் ஒளிதருந் தேவா! 
மன்று வானிடைக் கொண்டுல கெல்லாம் 
      வாழ நோக்கிடும் வள்ளிய தேவா! 

காதல் கொண்டனை போலும் மண்மீதே, 
      கண்பிறழ் வின்றி நோக்குகின் றாயே! 
மாதர்ப் பூமியும் நின்மிசைக் காதல் 
      மண்டினாள், இதில் ஐயமொன் றில்லை; 
சோதி கண்டு முகத்தில் இவட்கே 
      தோன்று கின்ற புதுநகை யென்னே! 
ஆதித் தாய்தந்தை நீவிர் உமக்கே 
      ஆயி ரந்தரம் அஞ்சலி செய்வேன். 


வெண்ணிலாவே 

எல்லை யில்லாதோர் வானக் கடலிடை 
      வெண்ணிலாவே! – விழிக் 
கின்ப மளிப்பதோர் தீவென் றிலகுவை 
      வெண்ணிலாவே! 
சொல்லையும் கள்ளையும் நெஞ்சையுஞ் சேர்த்திங்கு 
      வெண்ணிலாவே! – நின்றன் 
சோதி மயக்கும் வகையது தானென்சொல் 
      வெண்ணிலாவே! 
நல்ல ஒளியின் வகைபல கண்டிலன் 
      வெண்ணிலாவே! – இந்த 
நனவை மறந்திடச் செய்வது கண்டிலன் 
      வெண்ணிலாவே! 
கொல்லும் அமிழ்தை நிகர்த்திடுங் கள்ளொன்று 
      வெண்ணிலாவே! – வந்து 
கூடியிருக்குது நின்னொளி யோடிங்கு 
      வெண்ணிலாவே! 

மாதர் முகத்தை நினக்கிணை கூறுவர் 
      வெண்ணிலாவே! – அஃது 
வயதிற் கவலையின் நோவிற் கெடுவது 
      வெண்ணிலாவே! 
காத லொருத்தி இளைய பிராயத்தள் 
      வெண்ணிலாவே! – அந்தக் 
காமன்றன் வில்லை யிணைத்த புருவத்தள் 
      வெண்ணிலாவே! 
மீதெழும் அன்பின் விலைபுன் னகையினள் 
      வெண்ணிலாவே! – முத்தம் 
வேண்டிமுன் காட்டு முகத்தின் எழிலிங்கு 
      வெண்ணிலாவே! 
சாதல் அழிதல் இலாது நிரந்தரம் 
      வெண்ணிலாவே! – நின் 
தண்முகந் தன்னில் விளங்குவ தென்னைகொல்? 
      வெண்ணிலாவே! 

நின்னொளி யாகிய பாற்கடல் மீதிங்கு 
      வெண்ணிலாவே! – நன்கு 
நீயும் அமுதும் எழுந்திடல் கண்டனன் 
      வெண்ணிலாவே! 
மன்னு பொருள்க ளனைத்திலும் நிற்பவன் 
      வெண்ணிலாவே! – அந்த 
மாயன் அப் பாற்கடல் மீதுறல் கண்டனன் 
      வெண்ணிலாவே! 
துன்னிய நீல நிறத்தள் பராசக்தி 
      வெண்ணிலாவே! – இங்கு 
தோன்றும் உலகவ ளேயென்று கூறுவர் 
      வெண்ணிலாவே! 
பின்னிய மேகச் சடைமிசைக் கங்கையும் 
      வெண்ணிலாவே! – நல்ல 
பெட்புற நீயும் விளங்குதல் கண்டனன் 
      வெண்ணிலாவே! 

காதலர் நெஞ்சை வெதுப்புவை நீயென்பர் 
      வெண்ணிலாவே! – நினைக் 
காதல் செய்வார் நெஞ்சிற் கின்னமு தாகுவை 
      வெண்ணிலாவே! 
சீத மணிநெடு வானக் குளத்திடை 
      வெண்ணிலாவே! – நீ 
தேசு மிகுந்தவெண் தாமரை போன்றனை 
      வெண்ணிலாவே! 
மோத வருங்கரு மேகத் திரளினை 
      வெண்ணிலாவே! – நீ 
முத்தி ணொளிதந் தழகுறச் செய்குவை 
      வெண்ணிலாவே! 
தீது புரிந்திட வந்திடும் தீயர்க்கும் 
      வெண்ணிலாவே! – நலஞ் 
செய்தொளி நல்குவர் மேலவ ராமன்றோ? 
      வெண்ணிலாவே! 

மெல்லிய மேகத் திரைக்குள் மறைந்திடும் 
      வெண்ணிலாவே! – உன்றன் 
மேனி யழகு மிகைபடக் காணுது 
      வெண்ணிலாவே! 
நல்லிய லார்யவ னத்தியர் மேனியை 
      வெண்ணிலாவே! – மூடு 
நற்றிரை மேனி நயமிகக் காட்டிடும் 
      வெண்ணிலாவே! 
சொல்லிய வார்த்தையில் நாணுற்றனை போலும் 
      வெண்ணிலாவே! – நின் 
சோதி வதனம் முழுதும் மறைத்தனை 
      வெண்ணிலாவே! 
புல்லியன் செய்த பிழைபொறுத் தேயருள் 
      வெண்ணிலாவே! – இருள் 
போகிடச் செய்து நினதெழில் காட்டுதி 
      வெண்ணிலாவே! 

இன்னும் பாஞ்சாலி சபதம், குயில் பாட்டு ஆகியவற்றில் அவன் கண்ட வானக் காட்சிகளை அடுத்துப் பார்த்து இந்தத் தொடரை முடிப்போம்!

***

அடுத்த கட்டுரையுடன் இந்தக் குறுந்தொடர் முடியும்

Written by London Swaminathan


swami_48@yahoo.com


Date: 10 December 2018


GMT Time uploaded in London – 16-39

Post No. 5762

Pictures shown here are taken from various sources including google, Wikipedia, Facebook friends and newspapers. This is a non- commercial blog.

கட்டத்திலுள்ள ஆறு சொற்களைக் கண்டு பிடியுங்கள். இதோ உதவும் குறிப்புகள்; முயன்று பாருங்கள்; முடியாவிட்டால் விடை கீழே தரப்பட்டுள்ளது. அதைக் கண்டு மகிழுங்கள்.

குறுக்கே

1.பாம்பின் தலையில் இருக்குமாம்; இரவில் ஒளி வீசுமாம்

4.நகரைக் காக்க தமிழ் நாட்டில் ஊருக்கு ஊர் இப்பட குழு அமைத்தனர்.

5.மரத்தை அறுக்க உதவும்

கீழே

1. வாய் பேசாதோர் நால்வர் வந்தனர்

2. உஜ்ஜைனி நகரில் 12 ஜோதிர்லிங்கத்தின் ஒரு பெயர்

3. வரதட்சிணைக்கு ஸம்ஸ்க்ருதச் சொல்; கன்யா என்று சொல்லுடன் சேர்ந்து வரும்.

Picture shows Kanwarias in Ujjain

Answers

குறுக்கே

1. நாக மணி

4. ஊர் காவல்

5. ரம்பம்

கீழே

1.நாலு ஊமை

2.மஹா காலம்

3.சுல்கம்

நா	க	ம	ணி	*
லு	*	ஹா	*	சு
ஊ	ர்	கா	வ	ல்
மை	*	ல	*	க
*	ர	ம்	ப	ம்

tags- குறுக்கெழுத்துப் போட்டி, 10-12-18

–subham–

Written by S Nagarajan

Date: 10 DECEMBER 2018


GMT Time uploaded in London –6- 27 am

Post No. 5760

Pictures shown here are taken from various sources including google, Wikipedia, Facebook friends and newspapers. This is a non- commercial blog

நாட்டு நடப்பு! கேலிச் சித்திரம்!! நையாண்டிக் கட்டுரை தான் இது!

குரு க்ஷேத்திரப் போர் அல்ல! தமிழ் க்ஷேத்திரப் போர்!

ச.நாகராஜன்

குரு க்ஷேத்திரமும் உண்மை இல்லை; அந்தக் கண்ணனும் உண்மை இல்லை; அவன் கூறிய பகவத் கீதையும் பாதை காட்டும்  நூல் இல்லை; விரட்டு பார்ப்பனனை!

ஒருவழியாக விரட்டியாகி விட்டது பார்ப்பனனை!

அவன் என்ன செய்வான்? அவனை வரவேற்க 200 நாடுகள் துடித்தன! கூப்பிட்ட இடமெல்லாம் சென்றான். வெற்றிக் கொடி நாட்டினான்;

தொழில்நுட்பத்தின் உச்சியில் ஏறினான்; அந்த நிறுவனங்கள் கொடுத்த பதவியின் உச்சாணிக் கொப்பில் ஏறி அமர்ந்தான்.

அவன் ஒரு விரலை அமுக்கினால் போதும்; விரட்டியவர்களின் ஊழல் பட்டியல் உலகெங்கும் தெரியும்; அவன் தொழில்நுட்பம் அப்படிப்பட்டது.

டாட்டா கலெக் ஷன்!

ஆனால் அவன் அப்படிச் செய்யவில்லை; செய்யவும் மாட்டான் – அவன் வந்த வழி அப்படி!

அப்படியானால் விரட்டி அடிக்கப்பட்ட மண் அவனது சொந்த பூமி தானே! அரக்கரின் பிடியில் அகப்பட்டுத் தவிக்கும் அவனது இதர சகோதரர்களை அவன் காப்பாற்ற மாட்டானா; காப்பாற்றத்தான் மனமில்லையா!

இல்லை; தன் சொந்த மண் மட்டுமல்ல; உலகனைத்தும் தன் பூமி என்றவன் அவன்!

பாவிகள் தன் தலையில் ஏற்றிக் கொள்ளும் பாவச் சுமையைக் கண்டு அவன் திடுக்கிட்டான்!

அட 50 எடைப் பாரம் தாங்க முடியாத தன் தலையில் 5000 எடைப்பாரம் ஏற்றிக் கொள்வதோடு தன் கும்பல் ஒவ்வொருவன் தலையிலும் 5000 எடைப்பாரம் ஏற்றுகிறானே! பாவச்சுமையைத் தாங்கிக் கொள்ள முடியுமா என்று நினைத்தான்.

இந்தப் பாவச் சுமையால் மொத்தக் கூட்டமும் அழியும் நிலையில் இதரர்கள் தாமே வலுவாய்ப் பிழைத்து விடுவார்கள்; தர்ம சக்கரம் விளைவிக்கும் கர்ம சக்கரம் இது என்று அவன் உணர்ந்தான்;

பாவச் சுமை விழும் நாள் நோக்கிக் காத்திருந்தான்; பார்த்திருந்தான்!

****

தாடி வைத்த தலைவர் சமூக நீதி கேட்டார் என்பது போய் அந்தக் கெட்ட பயல் ஒரு கன்னடன்; அவன் தமிழைக் காட்டிமிராண்டி மொழி என்று சொன்னான் என்று ஒருவன் கூச்சலிட, ஐயையோ! தமிழா!! அப்படிச் சொல்லாதே அவர் வைக்கம் வீரர் என்றான் ஆட்சித் தமிழன்.

அட போடா! நீயா தமிழன்! நான் தானடா தமிழன்! வைக்கம் போராட்டத்தை நடத்தியது காங்கிரஸ்; அதில் கலந்து கொண்ட பலரில் அவனும் ஒருவன்; அவன் ஒரு கன்னடன்! நீ வீட்டில் பேசுவது தெலுங்கு; நீ ஒரு தெலுங்கன்; உன்னிடம் கணக்குக் கேட்டவன் ஒரு மலையாளி! ஆக கன்னடர், தெலுங்கர்,மலையாளி கூட்டத்தை ஆள விட மாட்டோம்; நான் சங்கத் தமிழ் கூறும் பாணனடா! நான் தான் தமிழன் என்றான் புதிதாக வந்தவன்.

அட நாம் திராவிடர்; ஒரு தாய் வயிற்றுப் பிள்ளையடா என்றான் ஆட்சித் தமிழன்.

‘அட போடா! இந்த திராவிட வாதத்தை மலையாளம், கன்னடம், தெலுங்கு தேசத்தில் என்றாவது வைத்திருக்கிறாயா! அங்கு போய் திராவிடம் பேசு. முதலில் எங்களிடம் அடித்த சொத்தைத் திருப்பிக் கொடு; உன் சேனல்கள் உட்பட’ என்றான் சங்கத் தமிழன்.

ஐயையோ! திராவிடம், அதன் முன்னேற்றம், அதன் மறுமலர்ச்சி, அதன் அனைத்திந்திய வடிவம் அனைத்திற்கும் உலை வைக்கிறானே இந்த ஆதித் தமிழன் என்று கொந்தளிப்போர் கொந்தளிக்க சங்கத் தமிழனோ நடிகர் சங்கத் தெலுங்கர் வெளியேற வேண்டும்; வீட்டில் தெலுங்கு பேசும் தெலுங்கர் வெளியேற வேண்டும்;உண்மைத் தமிழருக்குத் தான் இங்கு இடம் என்றான்!

அட, இவனை விரட்ட நம் சேனல்களை முடுக்கி விடு என்றான் ஆட்சித் தமிழன்.

அந்தக் காலம் மலையேறிப் போச்சு; இப்போது சோஷியல் மீடியா என்று நாளைக்கு ஒரு புது வீடியோ மீடியா! நம் சேனலை எவன் பார்க்கிறான்; எல்லாம் போச்சு என்று சேனல் கூலிகள் அலற, புது யுக்தி வகுக்க நினைத்தான் ஆட்சித் தமிழன்.

‘சரி, பாதிரிகளிடம் பணம் வாங்கு; தீவிரவாதிகளை இறக்கி விடு; அவனை ஒழித்துக் கட்டு’ என்றான் ஆட்சித் தமிழன்.

ஐயையோ! அவன் முந்திக் கொண்டு அவர்களின் ஆதரவை நாடி விட்டானே என்றனர் சேனல் கூலிகள்.

சரி! சரி! போர், போர், அகநானூறே அள்ளி வா! புற நானூறே பொங்கி வா என்றான் ஆட்சித் தமிழன்.

“அண்ணே! அந்தக் காலமெல்லாம் போச்சு. இப்ப புறநானூறும் அகநானூறும் அவனுடையது என்கிறான். அவன் தான் தங்கத் தமிழனாம்! சங்கத் தமிழனாம்.

நாம் பிழைக்க வந்த நாதாரிகளாம்; நம் வீட்டில் பேசும் மொழியை எல்லாம் பிட்டுப் பிட்டு வைக்கிறான்; நம் சரித்திரத்தின் ஆதிக்கே போய் அலசுகிறான் அவன்!”

‘அப்படியானால்?’

‘குரு க்ஷேத்திரப் போர் உண்மை இல்லை என்றோமே; இப்போது தமிழ் க்ஷேத்திரப் போர் நிஜமாகவே வந்து விட்டது; நாம் ஒழிந்தோம்’ என்றனர் கொள்ளையடித்து வயிறு வளர்த்த கூலிகள்

நடக்கப்போவது என்ன என்பது நாளை தெரியும்!

*

இது தான் இன்றைய தமிழகத்தின் நிலை. சோஷியல் மீடியா என்ற ஊடகங்களில் ஒரு மணிக்கு ஒரு வீடியோ! ஒவ்வொரு நாளும் ஒரு புதிய ஊடகத்தின் பிறப்பு!

அதில் நடக்கும் அடிதடிகள்! அடடா!! பார்க்கக் கண்கொள்ளாக் காட்சி!

தன் வினை தன்னைச் சுடும்!

எதை எதையெல்லாம் வைத்து பிரிவினை விதைகளை வித்திட்டு மரமாக்கி கனிகளை அனுபவித்தார்களோ அதே விதைகள் இன்னொரு மரத்தை உருவாக்கி முதல் மரத்தைப் பட்டுப் போகச் செய்ய முனைகிறது.

கட்டபொம்மு நாயக்கர்! தெலுங்கு பேசும் செட்டியார்; தமிழ் பேசும் செட்டியார்! நாயுடு; ரெட்டி, இன்னும் இன்ன பிற!

சாதி வேண்டாம் என்று சொல்லி ஆளவந்தவர்கள் சாதியின் பேரைச் சொல்லிச் சொல்லி அழிய ஆரம்பித்து விட்டனர்.

தலித் ஆட்சிக்கு வரக் கூடாதா – ஒரு சேனலன் (சேனலை நெறிப்படுத்துபவர் சேனலன்) கேட்க தெலுங்குத் தமிழர் மலர்ச்சி போய், கோபமடைந்து, ‘அட போ! பேட்டி முடிந்தது’ என்று சொல்கிறார்.

இலவசமாக மணிக்கு ஒரு கூத்து!

முற்றிலும் இலவசம்!

பார்ப்பனன் காட்சியில் இல்லாத- பார்ப்பன சூழ்ச்சியற்ற- இலவசம்!

குரு க்ஷேத்திரம் பார்க்கவில்லையே, என்று உலகோரே வருத்தப்பட வேண்டாம்; இதோ தமிழ் க்ஷேத்திரப் போர் ஆரம்பித்து விட்டது!

இது ஒரு புதுமையான போர்!

என்ன புதுமை?

இது அறத்திற்கும் மறத்திற்குமான போர் அல்ல;

மறத்திற்கும் மறத்திற்குமான போர்!

அடடா! போர் எனில் இது போர்!

ரிஸல்ட்?!

காலத்தின் கையில்!!!

tags-தமிழ் க்ஷேத்திரப் போர்

****