All posts by Tamil and Vedas

ஹென்றி ஃபோர்டின் வெற்றிக்குக் காரணம் (Post No.5486)

WRITTEN BY S NAGARAJAN

Date: 29 September 2018

 

Time uploaded in London – 6-11 AM (British Summer Time)

 

Post No. 5486

 

Pictures shown here are taken from various sources including google, Wikipedia, Facebook friends and newspapers. This is a non- commercial blog.

ஹென்றி ஃபோர்டின் வெற்றிக்குக் காரணம் மறுபிறப்பு நம்பிக்கையே!

ச.நாகராஜன்

1

எவ்வளவு செலவானாலும் பரவாயில்லை; இந்தியாவில் மதமாற்றத்தில் தீவிரமாக ஈடுபடவேண்டும் என்று கிறிஸ்தவ பாதிரிகள் மும்முரமாக ஈடுபட்டு கோடிக் கணக்கில் டாலர்களைத் திரட்டுவதற்கான காரணம் அவர்களின் முதலுக்கே மோசம் வந்ததால் தான்!

 

மேலை நாடுகளில் இன்று ஏராளமானோர் மறுபிறப்பு நம்பிக்கை கொண்டு மறுபிறப்பு கொள்கை பற்றி அறிய மிகுந்த ஆவல் கொண்டு ஹிந்து மதத்தின் பக்கம் பார்வையைத் திருப்பியுள்ளனர்.

 

இது அடிப்படையையே ஆட்டம் காண வைப்பதால் ஹிந்து மதத்தின் மீது  ஒரு மோசமான வெறுப்பை கிறிஸ்தவ பாதிரிகள் கொண்டுள்ளனர்.

 

ஆனால் மறுபிறப்பு நம்பிக்கையை நூறாண்டுகளுக்கு முன்பேயே  மேலை நாட்டில் பல பிரபலங்கள் உட்பட ஏராளமானோர் கொண்டிருந்தனர் என்பதை ஆதாரபூர்வமாக  வரலாறு நிரூபிக்கிறது.

மறுபிறப்பு நம்பிக்கையே தனது வெற்றிக்குக் காரணம் என்று அழகுறச் சொன்னவர் ஹென்றி போர்ட். மோட்டார் மன்னன் என்ற பெயரால் செல்லமாக அழைக்கப்படும் போர்ட் வாழ்க்கை சுவை தரும் ஒன்று.

 

 

2

 

ஹென்றி போர்ட் (பிறப்பு 30-7-1863 மறைவு 7-4-1947) தனது 26ஆம் வயது முதலே மறுபிறப்பில் நம்பிக்கை கொண்டிருந்தார் என்பதை அவரே San Francisco Examiner என்ற பத்திரிகைக்கு 1928ஆம் ஆண்டு ஆகஸ்ட் 28ஆம் தேதி அளித்த பேட்டியில் குறிப்பிடுகிறார் இப்படி:

 

I adopted the theory of Reincarnation when I was twenty six. Religion offered nothing to the point. Even work could not give me complete satisfaction. Work is futile if we cannot utilise the experience we collect in one life in the next. When I discovered Reincarnation it was as if I had found a universal plan I realised that there was a chance to work out my ideas. Time was no longer limited. I was no longer a slave to the hands of the clock. Genius is experience. Some seem to think that it is a gift or talent, but it is the fruit of long experience in many lives. Some are older souls than others, and so they know more. The discovery of Reincarnation put my mind at ease. If you preserve a record of this conversation, write it so that it puts men’s minds at ease. I would like to communicate to others the calmness that the long view of life gives to us.

 

 

“26ஆம் வயதில் மறுபிறப்பு பற்றிய நம்பிக்கையைக் கொள்ள ஆரம்பித்தேன். மதம் ஒன்றும் தர முன்வரவில்லை. வேலை கூட பூரண திருப்தியைத் தரவில்லை. ஒரு பிறப்பில் நாம் பெற்ற அனுபவத்தை இன்னொரு பிறவியில் நாம் பயன்படுத்த முடியவில்லை எனில் அது மிக மோசம். மறுபிறப்பு பற்றி நான் கண்டுபிடித்த போது ஒரு பிரபஞ்ச திட்டத்தை கண்டுகொண்டது போல இருந்தது. எனது கருத்துக்களை நிறைவேற்ற ஒரு வாய்ப்பு உள்ளது என்பதை உணர்ந்தேன். காலம் என்பது இனி ஒரு எல்லைக்குட்பட்டதாக இல்லை. கடிகாரத்தின் முள்களுக்கு நான் இனி அடிமை இல்லை. மேதைத் தனம் என்பது அனுபவம். சிலர் அதை ஒரு பரிசு என்றோ அல்லது ஒரு திறமை என்றோ நினைக்கின்றனர். ஆனால் உண்மையில் அது பல ஜென்மங்களில் ஏற்பட்ட அனுபவங்களின் விளைவே. சிலர்  மற்ற ஆன்மாக்களை விட முதியவர்கள். ஆகவே அவர்களுக்கு அதிகம் தெரியும். மறுபிறப்பைக் கண்டுபிடித்ததிலிருந்து எனது மனம் தெளிவாக இருக்கிறது. இந்த உரையாடலை நீங்கள் பாதுகாத்தீர்கள் என்றால் இது மனித மனங்களை தெளிவாக இருக்கச் செய்கிறது என்று எழுதுங்கள். நான் மற்றவர்களுக்குச் சொல்ல விரும்புவது வாழ்க்கை பற்றிய நீண்ட நோக்கு நமக்குத் தரும் அமைதியைப் பற்றியே”

போர்ட் கூறியதில் ஒரு சிறிய பகுதியையே மேலே நாம் படித்தோம்.

 

இன்னும் ஏராளமாக அவர் மறுபிறப்பு பற்றிக் கூறியிருக்கிறார்.

மனித வாழ்வில் ஒரு ஆறுதலையும் அர்த்தத்தையும் தரும் மறுபிறப்பு நம்பிக்கையே தன் வெற்றிக்குக் காரணம் என்று அவர் கூறியிருப்பது பொருள் பொதிந்த ஒன்று.

 

3

அமெரிக்காவின் 25வது ஜனாதிபதியான வில்லியம் மக் கென்லி (William McKinley) (பிறப்பு : 29-1-1843 சுடப்பட்டு மரணமடைந்த தேதி 14-9-1901) 1901ஆம் ஆண்டு செப்டம்பர் 5ஆம் தேதி 50000 பேர் அடங்கிய ஒரு கூட்டத்தில் பங்கு கொண்டார். அவரைக் கொலை செய்ய முயன்ற ஜொல்காஸ் (Czolcosz) அது முடியாமல் போகவே மறுநாள் அவர் டெம்பிள் ஆஃப் மியூசிக் மைதானத்தில் ஒரு நிகழ்ச்சியில் பங்கு கொள்ள வந்த போது அவர் அருகில் வந்து அவரது அடிவயிற்றில் இரு முறை சுட்டான். மரண காயமடைந்த மக்கென்லி செப்டம்பர் 14ஆம் தேதி மரணம்டைந்தார்.

அவரது இறுதிச் ச்டங்கில் கலந்து கொள்ள வந்தார் போர்ட். அப்போது அவரது நண்பரான ஆலிவர் பார்தெல் (Oliver Barthel) என்பவர் அவரிடம் ஆர்லாண்டோ ஸ்மித் (Orlando Smith)  எழுதிய “A Short view of the Great Questions and Eternalism : A Theory of Infinite Justica”  என்ற புத்தகத்தை அளித்தார். இரு தொகுதிகள் அடங்கிய அந்த நூல் மறுபிறப்பு பற்றி நன்கு விளக்கும் ஒரு நூல். அதை நன்கு ஊன்றிப் படித்தார் போர்ட். அவரது மறுபிறப்பு பற்றிய நம்பிக்கை இன்னும் ஆழமானது. இதை போர்டின் வாழ்க்கை வரலாறை எழுதிய வின்செண்ட் கர்சியோ (Vincent Curcio) ‘ஹென்றி போர்ட்’ என்ற நூலில் எழுதியுள்ளார்.

 

4

இது போல ஏராளமான மேலை நாட்டு அறிஞர்களும், விஞ்ஞானிகளும், தொழிலதிபர்களும், சாமானியர்களும் மறுபிறப்பு பற்றிய நம்பிக்கை கொண்டிருந்ததை நாம் பார்க்கலாம்.

நாளுக்கு நாள் ஏராளமானோர் அறிவுக்கு இணக்கமான, அறிவியலால் நிரூபிக்கப்பட்ட இந்த நம்பிக்கையைக் கொள்வதில் ஆச்சரியம் இல்லை!

 

இது கிறிஸ்தவ மதத்தின் ஆணி வேர் கொள்கையான, ‘பிறப்பு ஒன்றே; பின்னர் மீளாத் துயில் தான்’ என்பதை ஆட்டம் காணச் செய்வதால் பாதிரிகள் என்ன செய்வதென்று தெரியாமல் விழிப்பதிலும் ஆச்சரியம் இல்லை!!

***

 

Leave a comment
by Tamil and Vedas on September 29, 2018  •  Permalink
Posted in அறிவியல், தமிழ் பண்பாடு
Tagged , ,

Posted by Tamil and Vedas on September 29, 2018

https://tamilandvedas.com/2018/09/29/%e0%ae%b9%e0%af%86%e0%ae%a9%e0%af%8d%e0%ae%b1%e0%ae%bf-%e0%ae%83%e0%ae%aa%e0%af%8b%e0%ae%b0%e0%af%8d%e0%ae%9f%e0%ae%bf%e0%ae%a9%e0%af%8d-%e0%ae%b5%e0%af%86%e0%ae%b1%e0%af%8d%e0%ae%b1%e0%ae%bf%e0%ae%95/

Krishna’s Friend died in ‘Wheel’ Accident! (Post No.5485)

Written by London Swaminathan
swami_48@yahoo.com
Date: 28 September 2018

 

Time uploaded in London – 13-30 (British Summer Time)

 

Post No. 5485

 

Pictures shown here are taken from various sources including google, Wikipedia, Facebook friends and newspapers. This is a non- commercial blog.

 

Krishna’s Friend died in ‘Wheel’ Accident! (Post No.5485)

 

Strange stories about Lord Krishna are available in Tamil literature which are not found in Sanskrit scriptures. I have already given the story about Dadhipandan who got Moksha (liberation) for him and his pot. Now there is another story told by Perialvar, a Vaishnavite saint, who lived 1400 years ago.

 

There was a cowherd by name Srimalikan who was great friend of Lord Krishna. He told Krishna that he would carry his Sudarsana wheel so that he could feel a bit relaxed. But Krishna told him that it would be dangerous, because it may cut his head off. But he was always nagging Krishna to leave the wheel with him. At last Krishna yielded to his demand and gave him the Wheel. As soon as he received the wheel it cut his head. We can guess that he would have reached heaven because it was the holy wheel and it happened in front of the Lord.

 

But there are some morals in the story:

Tamil poet Thiruvalluvar in the Tamil Veda Tirukkural says,

Consider the aim, the obstacle and the greatness of the ultimate gain and then resort to action- Kural 676

 

Curiosity Killed the Cat

We are reminded of the saying ‘Curiosity Killed the Cat’.

Be Johnson used the following in his drama ‘Every Man in His Humour’ and Shakespeare acted in it:

“Helter skelter, hang sorrow, care will kill a cat, up-tails all, and a pox on the hangman”.

 

Later Shakespeare also used this in his drama Much ado about Nothing:

What, courage man! what though care killed a cat, thou hast mettle enough in thee to kill care

-Much Ado about Nothing.

 

Thus, we learn that unnecessary curiosity is not good. Moreover, if great people like Lord Krishna say something, we must listen to them.

 

–subham–

 

 

 

Leave a comment
by Tamil and Vedas on September 28, 2018  •  Permalink
Posted in Religion
Tagged , , ,

Posted by Tamil and Vedas on September 28, 2018

https://tamilandvedas.com/2018/09/28/krishnas-friend-died-in-wheel-accident-post-no-5485/

சக்கராயுதம் சீமாலிகன் தலையை அறுத்த கதை (Post No.5484)

written by London Swaminathan
swami_48@yahoo.com
Date: 28 September 2018

 

Time uploaded in London – 8-51 am (British Summer Time)

 

Post No. 5484

 

Pictures shown here are taken from various sources including google, Wikipedia, Facebook friends and newspapers. This is a non- commercial blog.

 

சக்கராயுதம் சீமாலிகன் தலையை அறுத்த கதை (Post No.5484)

 

“சீமாலிகவனோடு தோழமை கொள்ளவும் வல்லாய்

சாமாறவனை நீ எண்ணிச் சக்கரத்தால் தலை கொண்டாய்”

 

என்று பெரியாழ்வார் பாடியதற்கு வியாக்கியானக்காரர்கள் ஒரு கதையைச் சொல்லுவதை தமிழ் பேரறிஞர் மு. இராகவையங்கார் எடுத்துக் காட்டியுள்ளார். இது வட நாட்டு ஸம்ஸ்க்ருத நூல்களில் இல்லை என்றும் குறிப்பிட்டுள்ளார்.

கதை இதுதான்:-

 

சீமாலிகன் என்பவன் ஒரு இடையன் . கண்ணனின் நண்பன். கண்ணன் சக்கர ஆயுதத்தைக் கொண்டு போகும் போதெல்லாம் ‘அண்ணலே, என்னிடம் கொடுங்கள் நான் கொண்டு வருகிறேன்’ என்று நச்சரிப்பான். கிருஷ்ண பரமாத்மா சொன்னார்,

 

‘வேண்டாமப்பா! உனக்கேன் ஏன் சிரமம். மேலும் அது உன் தலையை

அறுத்துவிடும்’ — என்று சொல்லிப் பார்த்தார். அவன் கேட்டபாடில்லை.

 

 

அண்ணலும் அவன் நச்சரிப்பு தாளாமல் சக்கர ஆயுதத்தை அவன் கையில் கொடுத்தார். அவன் தலை அறுந்தது.

 

வேண்டாத விஷயங்களுக்கு ஆசைப்படக் கூடாது என்பதும், பெரியோர் சொன்னால் அதைக் கேட்க வேண்டும் என்பதும் நீதி.

 

ஆயினும் கண்ணனின் சக்கர ஆயுதத்தால் கொல்லப்ப்ட்டவனுக்கு முக்தி உண்டு. அதுவும் கண்ணனுக்கு உதவுவதற்காகச் செய்த செயல்தானே!

அதிக உற்சாகம் ஆளைக் கொல்லும்!

curiosity killed the cat என்று ஆங்கிலத்தில் சொல்லுவார்கள். இதை ஷேக்ஸ்பியர்

What, courage man! what though care killed a cat, thou hast mettle enough in thee to kill care

-Much Ado about Nothing.

என்று சொன்னார். அவருக்கும் முன்பாக பென் ஜான்ஸன் (Ben Johnson)

..Helter skelter, hang sorrow, care will kill a cat, up-tails all, and a pox on the hangman (Every Man in His Humour)

என்று எழுதி இருந்தார். அந்த நாடகத்தில் ஷேக்ஸ்பியர் நடித்தார்.

 

–subham–

Leave a comment
by Tamil and Vedas on September 28, 2018  •  Permalink
Posted in சமயம். தமிழ்
Tagged , ,

Posted by Tamil and Vedas on September 28, 2018

https://tamilandvedas.com/2018/09/28/%e0%ae%9a%e0%ae%95%e0%af%8d%e0%ae%95%e0%ae%b0%e0%ae%be%e0%ae%af%e0%af%81%e0%ae%a4%e0%ae%ae%e0%af%8d-%e0%ae%9a%e0%af%80%e0%ae%ae%e0%ae%be%e0%ae%b2%e0%ae%bf%e0%ae%95%e0%ae%a9%e0%af%8d-%e0%ae%a4%e0%ae%b2/

SIMILARITIES BETWEEN CAMBODIAN PCHUM BEN AND MALAYA PAKSHA (Post No.5483)

RESEARCH ARTICLE WRITTEN by London Swaminathan
swami_48@yahoo.com
Date: 28 September 2018

 

Time uploaded in London – 7-46 AM (British Summer Time)

 

Post No. 5483

 

Pictures shown here are taken from Deccan Chronicle.

 

MALAYA PAKSHA IN CAMBODIA

My research shows that the Cambodian Ancestor Festival Pchum Ben is nothing but the Hindu ancestor ritual Malaya Paksha. The following points will prove my point.

 

What is Pchum Ben?

It is a period to pay food offerings to the dead ancestors. It is the period to remember and venerate them. It is a public holiday in Cambodia.

 

What is Malaya Paksha?

It is a period to remeber and pay oblations to ancestor sand get their blessings. Hindus do it in the month of Bhadrapatha (Purattasi in Tamil)

Now let us look at the similarities:

 

1.A fortnight period is common among Hindus and Cambodian Buddhists. Malaya Paksha means Malaya fortnight. It starts on a full moon day and finishes on a new moon day. That new moon is called Mahalaya Amavasya. A very important day for orthodox Hindus.

2.It is celebrated in the month of Bhadrapatha and the Cambodians call it Potrbotr (bhadrapatha). Potrbotr is the corrupted form of the Sanskrit month.

 

3.Hindus offer rice balls (Pindam) to the dead. Cambodians also offer rice balls. Pindam is even used in 2000 year old Tamil Sangam literature

4.Hindus always mention seven generations of ancestors. Cambodians also say they offer food for seven generations during this period. Te word seven generation is found in the Vedic literature and Tamil Veda Tirukkural.

 

5.Cambodians believe that the Gates of Hell are opened and then the Ghosts come to earth, particularly to their relatives. But Hindus never use ghosts for the dead. They elevate them to divine status and call them Pitrus. But the similarity is their visit to earth during this period. It is always easy to see a Prime Minister or President when he visits our town and present a memo. In the same way Hindus and Buddhists believe the dead ancestors visit earth during this fortnight. So it is easy to get their blessings.

 

6.Hindu priests recite mantras in Sanskrit during the ceremony. Buddhist priests recite Pali Suttas (Suktas). Pali is nothing but colloquial Sanskrit. Buddha used this spoken form to attract laymen.Dharma is changed to dhamma, sukta to sutta in Pali.

 

7.Cambodian Buddists also believe in Hindu Yama, god of death, and talk about Yama loka during this festival

 

8.Cambodians never miss a visit to pagoda during this period to offer food to Bikshus or someone there. Orthodox Hindus never miss the ceremony during this Paksha

 

The similarities between the Hindus and Buddhists of Cambodia is confirmed by another factor. Cambodians celebrate two festivals without a miss. Both are holidays. The other one is April 14 which is a New Year Day for the whole of South East Asia and India. From Kathmand to Kandy, several communities in the Northern Hemisphere celebrate this day.

 

All these point out to the Hindu influence in S E Asia and they are Buddhacised in course of time.

 

Other Buddhist countries like Sri Lanka also offer rice balls (Pindam)to ancestors during such festivals but at different period in a year.

Hindus consider two New Moon days ( Ashada and Pausa) important to ancestor

worship in addition to this Mahalaya New Moon Day in Bhadrapada which corresponds to September/October every year.

 

–subham–

1 Comment
by Tamil and Vedas on September 28, 2018  •  Permalink
Posted in Religion, Uncategorized
Tagged ,

Posted by Tamil and Vedas on September 28, 2018

https://tamilandvedas.com/2018/09/28/similarities-between-cambodian-pchum-ben-and-malaya-paksha-post-no-5483/

கம்போடியாவில் மாளய பக்ஷம் (Post No.5482)

RESEARCH ARTICLE WRITTEN by London Swaminathan
swami_48@yahoo.com
Date: 28 September 2018

 

Time uploaded in London – 6-48 AM (British Summer Time)

 

Post No. 5482

 

Pictures shown here are taken from various sources including google, Wikipedia, Facebook friends and newspapers. This is a non- commercial blog.

 

 

இறந்துபோன முன்னோர்களுக்கு நன்றிக்கடன் செலுத்தும் விழா அல்லது புனிதச் சடங்கு புரட்டாஸி மாதத்தில் பௌர்ணமியில் துவங்கி அமாவாஸை முடிய நடைபெறும். அந்த அமாவாஸையை, மஹாளய (மாளய) அமாவாசை என்றும் அதற்கு முந்தைய 15 நாட்களை (பக்ஷம்), மாளய பக்ஷம் என்றும் இந்துக்கள் அழைப்பர்.

 

இதை கம்போடிய பௌத்தர்களும் கொண்டாடுகிறார்கள். இதன் ஒற்றுமையைக் காண்போம்

 

  1. இந்துக்கள் மாளய பக்ஷம் நடத்தும் காலத்தில் (செப்டம்பர், அக்டோபர், புரட்டாசி மாதம்) கம்போடியர்களும் முன்னோர்களுக்கு கடன் செலுத்துவர்.

 

2.இந்துக்களைப் போலவே சோற்றுப் (RICE BALLS) பிண்டங்களை இறந்தோருக்கு அளிப்பர்.

 

3.இந்துக்களைப் போலவே 15 நாள் (பக்ஷம் FORTNIGHT) கொண்டாடுவர்.

 

4.இந்துக்கள் மந்திரம் சொல்லிச் செய்வர். கம்போடியாவில் புத்த பிஷுக்கள் பாலி மொழி (PALI SUTTAS) சுத்தங்களை (சூக்தம்) சொல்லுவர்.

 

  1. இந்துக்கள் மாளய பஷம் என்பர்; கம்போடிய பௌத்தர்கள் ‘சம் பென்’ PCHUM BEN என்பர்.

 

  1. இந்துக்கள், முன்னோர்களை ‘பித்ருக்கள்’ என்று மரியாதையுடன் அழைப்பர். கம்போடியாவில் பாமர மக்களை நம்ப வைப்பதற்காக இறந்தோரின் ‘ஆவிகள்/பேய்கள்’ என்பர்.

 

  1. இந்துக்கள், இறந்தோர்கள் யமலோகத்தில் இருப்பார்கள் என்று சொல்லுவது போல கம்போடியர்களும் யம தர்மனை நினைவு கூறுகின்றனர்.

 

 

  1. ஒரே வேற்றுமை- கம்போடியர்கள், இறந்தோர் நரகத்தின் வாயில் திறந்தவுடன் ஆவிகளாக வெளியே வருவதாகச் சொல்லுவர். ஆனால் இந்துக்கள், அவர்களுடைய முன்னோர்கள் பரம மங்களகரமான ஆசிகளை வழங்குவதற்காக மேலுலகத்திலிருந்து பூவுலகிற்கு வருவதாக நம்புகின்றனர்.

 

ஒரு அதிகாரியோ, அமைச்சரோ நம்முடைய ஊருக்கு வரும்போது நாம் எளிதில் சிரமம் இன்றி மனு கொடுப்பது போல, நம் முன்னோர்கள், பூவுலகிற்கு வருகையில் நாம் எளிதில் ஆஸிகள் பெறும் காலம் இது.

 

  1. மநு தர்ம சாஸ்திரம் முதல் தமிழ் வேதமான திருக்குறள் வரை ஏழு தலைமுறை (எழுமை) பற்றிப் பேசும். இந்துக்களைப் போலவே கம்போடியர்களும் ஏழு தலைமுறைக்கு படைப்பு படைப்பதாக நம்புகின்றனர்.

 

10.இந்துக்கள், வெப்ப மண்டல நாடான இந்தியாவில் பிறந்து இந்தியாவில் வளர்ந்ததால் எல்லாவற்றிலும் அரிசி (பிண்டம்), எள், தண்ணீரைப் பயன்படுத்துவர். கம்போடியர்கள் ஊதுவத்திகளையும் மெழுகு திரிகளையும் பயன்படுத்துகின்றனர்.

11.கம்போடிய மாதமான போத்ர்பாத்ரில் (POTRBOTR) இதை அனுஷ்டிப்பதாகச் சொல்லுகிறார்கள். இது பாத்ரபத என்னும் ஸம்ஸ்க்ருத மாதப் பெயர். இதை தமிழர்கள் புரட்டாசி ஆக்கிவிட்டனர். கம்போடியர் போத்ர் போத்ர் ஆக்கிவிட்டனர்.

 

 

இந்தியாவில் பெரும்பாலோர்- காத்மாண்டு முதல் கண்டி வரை– ஏப்ரல் 14 புத்தாண்டு கொண்டாடுவது போல தென்கிழக்காசிய நாடுகள் அனைத்தும் கொண்டாடும். கம்போடியர்களுக்கு ஏப்ரல் 14ம் இந்த மாளய பக்ஷமும் தேசிய விடுமுறை. அவர்கள் வாழ்க்கையில் முக்கியமான பண்டிகை மாளய பக்ஷம். யாரும் புத்தமத கோவிலுக்குப் போகாமல் இருக்க மாட்டார்கள்.

 

இது போல இலங்கைப் பௌத்தர்களும் முன்னோர்களுக்கு படைப்பு படைக்கின்றனர். அவர்கள் எல்லோரும் இறந்துபோன முன்னோரை ‘பேய்’ என்று நினைக்கின்றனர். இந்துக்கள் மட்டும் இறந்தோரை தெய்வ நிலைக்கு உயர்த்தி நம்மை என்றும் ஆசிர்வதிக்கக் காத்திருப்பதாக நம்புகின்றனர்.

 

படங்கள் இன்றைய டெக்கான் க்ரானிக்கிள் DECCAN CHRONICLE பத்திரிக்கையில் இருந்து எடுக்கப்பட்டவை; நன்றி

 

–சுபம்–

1 Comment
by Tamil and Vedas on September 28, 2018  •  Permalink
Posted in சமயம். தமிழ்
Tagged , ,

Posted by Tamil and Vedas on September 28, 2018

https://tamilandvedas.com/2018/09/28/%e0%ae%95%e0%ae%ae%e0%af%8d%e0%ae%aa%e0%af%8b%e0%ae%9f%e0%ae%bf%e0%ae%af%e0%ae%be%e0%ae%b5%e0%ae%bf%e0%ae%b2%e0%af%8d-%e0%ae%ae%e0%ae%be%e0%ae%b3%e0%ae%af-%e0%ae%aa%e0%ae%95%e0%af%8d%e0%ae%b7%e0%ae%ae/

விண்வெளி ஆயுதங்கள் – 2 (Post No.5481)

WRITTEN BY S NAGARAJAN

Date: 28 September 2018

 

Time uploaded in London – 5-35 AM (British Summer Time)

 

Post No. 5481

 

Pictures shown here are taken from various sources including google, Wikipedia, Facebook friends and newspapers. This is a non- commercial blog.

 

 

டைரக்டர் திரு கே.பாக்யராஜ் அவர்களை ஆசிரியராகக் கொண்டு வெளிவரும் வார இதழ் பாக்யா. அதில் 28-9-2018 தேதியிட்ட இதழில் அறிவியல் துளிகள் தொடரில் வெளியாகியுள்ள (எட்டாம் ஆண்டு தாம்) கட்டுரை

விண்வெளி ஆயுதங்கள் – 2

ச.நாகராஜன்

 

 

விண்வெளியில் உள்ள அபாயகரமான ஆயுதங்களில் சிலவற்றைப் பார்த்தோம். மேலும் சில:

 

கண்டம் விட்டுக் கண்டம் பாயும் ஏவுகணைகள்

 

என்சைக்ளோபீடியா பிரிட்டானிகா தரும் தகவலின் படி கண்டம் விட்டுக் கண்டம் பாயும் ஏவுகணைகள் (Intercontinental Ballistic Missiles) தரையிலிருந்து ஏவி விடப்படுபவை. 3500 மைல்களுக்கும் அப்பால் பறந்து குறித்த இலக்கைத் தாக்கக் கூடியவை. முதலில் சோவியத் யூனியன் 1958இல் இதை வானில் செலுத்தியது. உடனே 1959இல் அமெரிக்கா தனது பங்கிற்கு ஒன்றை வானில் செலுத்தியது. இந்தியா, இஸ்ரேல், சீனா ஆகிய நாடுகளும் இந்த வகை ஏவுகணைகளை செய்து வருகின்றன. இது கணிணி மூலமாகவோ அல்லது சாடலைட் மூலமாகவே ஏவப்படக்கூடியது. ஒரு குறிப்பிட்ட நகரைத் தாக்கித் தரைமட்டமாக்க வேண்டுமா, இது தயாராக இருந்து அந்தப் பணியைச் செய்து விடும். இவை அணுகுண்டுகளை மட்டுமல்ல, அபாயகரமான கெமிக்கல் மற்றும் உயிரியல் ஆயுதங்களையும் கூட ஏந்திச் செல்லக் கூடியவை. 1991இல் ஏற்பட்ட உடன்படிக்கையின் படி அமெரிக்காவும் ரஷியாவும் இந்த வகை ஏவுகணைகளைக் குறைத்துக் கொள்வது என்று பரஸ்பரம் ஒப்புக்கொண்டன.

 

அமெரிக்க விமானப்படையின் எக்ஸ் – 37 பி கலம்

அமெரிக்காவின் இந்த விண்கல ஆயுதம் பற்றி சரியான தகவல் வெளிவரவில்லை. இது ஒரு விமானப்படை ஆயுதம் என்ற அளவில் மட்டும் விவரம் அறியப்படுகிறது.

 

நாஸா அமைக்கின்ற விண்கலம் போலக் காணப்படும் இது ரொபாட்டினால் இயக்கப்படும் ஒன்றாகும். ஒரு வருடத்திற்கும் மேலாக இது விண்ணில் நிலை கொண்டிருக்கும் வடிவமைப்பைக் கொண்டது. 2015ஆம் ஆண்டு வெளியான ஒரு தொழில்நுட்பத் தகவல் ஏடு இது பற்றிச் சில தகவல்களைத் தந்துள்ளது. இது விண்ணிலிருந்தவாறே குண்டு மழை பெய்யும் வல்லமை கொண்டது. எதிரி விண்கலங்களைத் தாக்கி அழிக்கக் கூடியது. ஆனால் அமெரிக்க இராணுவம் இதையெல்லாம் மறுத்து, இந்த விண்கலம் எதிர்கால தொழில்நுட்பங்களுக்கான ஒரு சோதனைக் கலம் தான் என்று கூறி வருகிறது.

 

 

சாடலைட்டுகளை அழிக்கும் அமைப்புகள்

Anti- Satellite Systems எனப்படும் இவற்றில் ஒன்றை 1985ஆம் ஆண்டு அமெரிக்கா தனது F-15A ஜெட் விமானம் ஒன்றிலிருந்து ஏவிப் பார்த்தது. ஆனால் இதில் உள்ள சாதனங்கள் சரிவர இயங்காததால் இது அழிக்கப்பட்டது. சோல்விண்ட் பி 78 -1 என்ற இந்த விண்ணிலிருந்து ஏவப்படும் சிறிய கலம் சோதனைக் காலத்தில் 250 துண்டுகளை விண்ணில் சிதற அடித்தது. அமெரிக்க காங்கிரஸ் இந்தச் சோதனையை நிறுத்தச் சொல்லி உத்தரவிடவே இந்தத் திட்டம் 1987இல் நிறுத்தப்பட்டது.

 

இதை உருவாக்குவதில் அமெரிக்காவின் நோக்கம் என்னவெனில் எந்த வித உடன்படிக்கையையும் மீறாமல் ஆனால் அதே சமயம் எதிரி சாடலைட்டுகளை எப்படி அழிப்பது என்பதை சோதனை செய்து பார்ப்பது தான். இது பற்றி ஏராளமான சோதனைகள் நடந்து வருகின்றன.

எதிரி சாடலைட்டுகளை அழிக்கும் அமைப்புகள் பற்றி சோவியத் யூனியன், சீனா, இந்தியா ஆகிய நாடுகளும் ஆராய்ந்து அவற்றை உருவாக்கி வருகின்றன. சீனா 2007ஆம் ஆண்டு ஏவிய ஒரு கலம் விண்வெளியில் பெரிய விண்வெளிக் குப்பையை உருவாக்கி விட்டது. 2013இல் விண்வெளிக் குப்பை கூளங்களில் ஒன்று ஒரு ரஷிய விண்கலத்தின் மீது மோத ரஷிய விண்கலம் சுக்கு நூறாகி உடைந்தது.

 

 

விண்கல்லை ஆயுதமாக்கிப் பயன்படுத்துவது

 

விஞ்ஞானிகள் அனைவரும் விண்ணில் உலவும் விண்கற்கள் அபாயகரமான நாசத்தை விளைவிப்பவை என்பதை அறிவர். ஆறு மைல் அகலமுள்ள விண்கல் ஒன்று 660 லட்சம் ஆண்டுகளுக்கு முன்னர் பூமியிலிருந்த அனைத்து டைனோஸர்களையும் அழித்து ஒழித்ததை அனைவரும் அறிவோம். இந்த விண்கற்களால் மனித குலம் படும் பாட்டை மெடார் (1979), டீப் இம்பாக்ட் (1998) ஆர்மெகடான் (1998) ஆகிய ஹாலிவுட் படங்கள் சித்தரிக்கின்றன. சின்னச் சின்ன விண்கல் கூட பேரழிவை ஏற்படுத்தும். பயங்கர வேகத்தில் பறப்பவை இவை. இவற்றில் சிறிதான ஒன்று ரஷிய நகரான செல்யாபின்ஸ்க் மீது 2013ஆம் ஆண்டு பிப்ரவரி மாதம் படவே ஆயிரக்கணக்கான ஜன்னல்கள் துண்டு துண்டாய்ச் சிதறின. 1200 பேர்கள் பறந்து வந்த கண்ணாடித் துண்டுகளால் காயமடைந்தனர். இந்தக் கல் சுமார் 66 அடி அகலம் கொண்ட ஒரு சிறிய துண்டு தான்.

 

நாஸா பூமிக்கு அருகில் பறக்கும் ஒரு விண்கல்லைச் சோதனைக்காக எடுத்துக் கொண்டு ஆய்வது என்று திட்டமிட்டது. இப்போது திட்டத்தைச் சிறிது மாற்றியுள்ளது. இன்னும் இரு ஆண்டுகளில் இந்தத் திட்டம் சரியாக உருவாகலாம்.

 

ஆனால் விஞ்ஞானிகளில் பலரும் விண்கற்கள் பல ஆண்டுகளுக்கு ஒரு முறை தான் பூமிக்கு அருகில் பறந்து வரும் என்பதைச் சுட்டிக் காட்டுகின்றனர். ஆகவே இதைப் பெரிய அபாயகரமான ஆயுதமாகப் பயன்படுத்த வாய்ப்பில்லை என்கின்றனர்.

 

இருந்தாலும் 1997இல் வெளியான ஸ்டார்ஷிப் ட்டரூப்பர்ஸ் என்ற ஹாலிவுட் படம், அயல்கிரகவாசிகள் போனஸ் அயர்ஸை அழித்துத் துடைத்து விடுவதைக் காண்பிக்கிறது. இதை நினைத்தாலே நடுக்கம் ஏற்படுகிறது, விண்கற்கள் செவ்வாய் கிரகத்தின் மீதும் கூட மோதி நாசகரமான விளைவுகளை ஏற்படுத்தி உள்ளன.

 

 

நமக்குத் தெரிந்த அளவில் உள்ளவை மேலே நாம் பார்த்த இந்த விண்வெளி ஆயுதங்களே. தெரியாமல் ரகசியமாக உருவாகி வருபவை எத்தனையோ!

 

தரை, கப்பல், விமானம் ஆகிய முப்படைகளை நினைத்து நடுங்கும் மனித நெஞ்சம் இனிமேல் விண்வெளிப் படை பற்றியும் நினைத்து பயப்பட வேண்டும். காலத்தின் கட்டாயம் இது!!

 

 

Paul Dirac

அறிவியல் அறிஞர் வாழ்வில் .. ..

 

பெல்ஜியத்தைச் சேர்ந்த தொழிலதிபர் எர்னஸ்ட் சால்வே இயற்பியல் கொள்கைகளை விவாதிப்பதற்காக மாநாடு அமைப்பு ஒன்றை நிறுவினார். 1927இல் நடைபெற்ற ஐந்தாம் மாநாடானது, க்வாண்டம் தியரி பற்றி  விவாதிக்கப்பட்டதாலும், ஐன்ஸ்டீன் உள்ளிட்ட ஏராளமான மேதைகள் பங்கு பெற்றதாலும்  உலக பிரசித்தி பெற்ற மாநாடாகக் கருதப் படுகிறது..

 

இதில் கலந்து கொள்ள வந்த பிரிட்டனைச் சேர்ந்த பால் டிராக் சிறந்த இயற்பியல் விஞ்ஞானி. பெரிய நாத்திகவாதி.  கடவுள் இருக்கிறாரா இல்லையா என்பது பற்றிய சூடான சர்ச்சை ஒன்று ஆரம்பிக்க உரத்த குரலில் வாத பிரதிவாதங்கள் கிளம்பின.

பால் டிராக் கடவுள் நம்பிக்கையை எதிர்த்துப் பேசி தூள் கிளப்பினார்.

 

 

அதே மாநாட்டில் கலந்து கொள்ள வந்த பிரபல மேதையும், பின்னால் நோபல் பரிசு பெற்றவருமான இயற்பியல் விஞ்ஞானி உல்ப்கேங் பாலி விவாதத்தில் கலந்து கொள்ளாமல் அமைதியாக ஒரு மேஜையருகில் அமர்ந்திருந்தார். ஒரு வார்த்தை கூடப் பேசாமல் இருந்த அவரை நோக்கிக் கூட்டத்தினர், “இதில் உங்கள் கருத்து என்ன? விவாதத்தைக் கேட்டீர்களா? என்று கேட்டனர்.

அதற்கு பாலி, “ எனக்குப் புரிந்த மட்டில் நான் இப்போது அறிந்து கொண்டது கடவுள் இல்லவே இல்லை; பால் டிராக் தான் அவரால் நியமிக்கப்பட்ட தீர்க்கதரிசி என்பதைத் தான்” (“As I understand it: there is no God and Dirac is his prophet”) என்றார்.

அனைவரும் விழுந்து விழுந்து சிரித்தனர்.

 

 

மிக சூடான விவாதத்தையும் கூட ஒன்றுமில்லாமல் செய்ததோடு அனைவரின் மனமும் நோகாமல் நகைச்சுவை ததும்ப தன் கருத்தை எடுத்துக் கூறிய பாலியை அனைவரும் பாராட்டினர்; இன்றும் அனைவராலும் மேற்கோள் காட்டப்படும் சம்பவமாக இது பிரபலமாகி விட்டது!

***

 

Leave a comment
by Tamil and Vedas on September 28, 2018  •  Permalink
Posted in அறிவியல்
Tagged

Posted by Tamil and Vedas on September 28, 2018

https://tamilandvedas.com/2018/09/28/%e0%ae%b5%e0%ae%bf%e0%ae%a3%e0%af%8d%e0%ae%b5%e0%af%86%e0%ae%b3%e0%ae%bf-%e0%ae%86%e0%ae%af%e0%af%81%e0%ae%a4%e0%ae%99%e0%af%8d%e0%ae%95%e0%ae%b3%e0%af%8d-2-post-no-5481/

350 Herbs in Charaka Samhita, 85 Plants in Matsya Purana (Post No.5480)

Compiled by London Swaminathan
swami_48@yahoo.com
Date: 27 September 2018

 

Time uploaded in London – 18-37 (British Summer Time)

 

Post No. 5480

 

Pictures shown here are taken from various sources including google, Wikipedia, Facebook friends and newspapers. This is a non- commercial blog.

Hindu mythologies, known an Puranas, are encyclopedia of Hindu beliefs, thoughts, history and geography. Charaka Samhita, a medical treatise, has listed 350 herbs. Matsya Purana gave a list of 85 plants. Aruna Goel has given it in her book on environment. Another person has written about the usefulness of Neem tree. The towpage attachment will give you the full details:-

  

 

  

 

Useful Neem Tree

 

 

–subham–

Leave a comment
by Tamil and Vedas on September 27, 2018  •  Permalink
Posted in Culture, Medicine, Sanskrit Literature
Tagged ,

Posted by Tamil and Vedas on September 27, 2018

https://tamilandvedas.com/2018/09/27/350-herbs-in-charaka-samhita-85-plants-in-matsya-purana-post-no-5480/

STRANGE AND RARE STORIES OF LORD KRISHNA (Post No.5479)

 

Written by London Swaminathan
swami_48@yahoo.com
Date: 27 September 2018

 

Time uploaded in London – 13-29 (British Summer Time)

 

Post No. 5479

 

Pictures shown here are taken from various sources including google, Wikipedia, Facebook friends and newspapers. This is a non- commercial blog.

 

Tamil is a divine language. Probably it has more divine writings than any other language in the world except Sanskrit. Tamil Nadu is a land of the divinities. There are more Hindu temples in Tamil Nadu than any other state in India. Under Tamil Nadu Government control alone there are over 30,000 temples. One third of the 100,000 temples of the country are in Tamil Nadu. When north India suffered attack after attack from the time of Darius, South India was peaceful until fighting Pandya brothers invited Muslim invaders into Madurai in the 12th century. Until then Chozas, Pandyas and Chera Kings vied with one another in building bigger and bigger temples. Temples in Madurai, Thanjavur, Tiruvannamalai, Chidambaram and Rameswaram were touching the sky even before Americans contemplated sky scrappers.

Stranger is the Tamil literature which describes unknown stories of Lord Krishna and Lord Rama. Neither Valmiki nor Vyasa or Sukar touched those incidents which the Sangam literature described. Later the Alvars, Tamil Vaidhnavite saints gave more stories about Lord Krishna.

 

The oldest part of Sangam Tamil literature, Pura Nanuru, which is 2000 year old, has two Rama anecdotes that are not found in Valmiki Ramayana. Kamban who adapted Valmiki in Tamil also differed from Valmiki in various places. The reason being Kamban talked about three different Ramayanas that existed in his time. Unfortunately we lost two Ramayanas and Valmiki alone survived. So we may guess that Kamban and other Tamil saints borrowed some stories or anecdotes from those two extinct Ramayanas.The incidents mentioned in the hymns of Alvars (Vaishnavite Tamil saints) also serve as missing links.

 

The strangest story is about one devotee called Dhadipandan (Yogurt/ curd potter). Krishna, known as Kannan in Tamil was stealing butter and curd from every house of the Yadava community. He also belonged to that Yadava community. Neighbors started complaining about his mischief, pranks and thefts. Yasoda, his foster mother, was furious. She was chasing him from house to house. But the clever and cunning Krishna always found a way out. Once he was about to be caught. Then Krishna begged to a cowherd to hide him. He also obliged. But when she was too close, he begged the man to hide him under a pot. So the man also cupped him with a big pot. He sat over the pot as if he was doing some work. Yasoda was fooled one more time.

When Krishna came to know that the chaser had gone he asked the man to let him out. Clverer than Krishna, the man asked him a promise from Krishna. He did not demand money. But knowing that Krishna was an Avatar (incarnation of God) he asked him to give him liberation- Moksha from the cycle of Birth and Deaths.

 

Krishna said, ‘Granted’.

But that fellow still did not release Krishna.

Now Krishna started begging,

Hey Man, I gave you what you wanted. Please get me out. That fellow became cleverer and cleverer. “Look this pot only helped me to get liberation. I must be grateful to this pot. So give Moksha to the pot as well”. Krishna had to yield to get his release. Just to get normal release Krishna had to give ‘real release’ for TWO and one among them is a solid mud pot!

 

This story which is not found in Bhagavatha (Life Story of Lord Krishna) or the Maha Bharata (The Great War of India/Bharat) is sung by several saints.

 

This is not the only story. The Bhagavatha Purana ( Biography of Krishna) is dated around Gupta period. But even before that 2000 year old Tamil literature mentioned the boyish pranks of Krishna on the banks of holy river Yamuna. The river is mentioned with the Tamil name THOZUNAI, which is the corrupted form of Dohna in Sanskrit(Akam.59). If the date of Bhagavatha Purana is correct, then Tamils can be prouder to have mentioned the pranks of Krishna on the banks of River Jamuna/Yamuna. Later lierature like the Tamil epic Silappadikaram also mentioned this.

There are a few more stories in Tamil ( I will give them separately)

 

–subham–

Leave a comment
by Tamil and Vedas on September 27, 2018  •  Permalink
Posted in Culture, Religion, Tamil Literature
Tagged ,

Posted by Tamil and Vedas on September 27, 2018

https://tamilandvedas.com/2018/09/27/strange-and-rare-stories-of-lord-krishna-post-no-5479/

அவ்வையாரின் ஆத்திச் சூடி பொன்மொழிகள் (Post No.5478)

COMPILED by London Swaminathan
swami_48@yahoo.com
Date: 27 September 2018

 

Time uploaded in London – 7-27 am (British Summer Time)

 

Post No. 5478

 

Pictures shown here are taken from various sources including google, Wikipedia, Facebook friends and newspapers. This is a non- commercial blog.

 

அக்டோபர் 2018 காலண்டர்

விளம்பி-புரட்டாசி/ஐப்பசி

அவ்வையாரின் ஆத்திச் சூடி பொன்மொழிகள்

பண்டிகை நாட்கள்:- அக்டோபர் 2 காந்தி ஜயந்தி ,  8 மஹாளய அமாவாசை,9  நவராத்ரி ஆரம்பம், 18 ஸரஸ்வதி பூஜை,  19 விஜய தஸமி/ துர்கா பூஜை

 

அமாவாஸை- அக்டோபர் 8; பௌர்ணமி- 24;

ஏகாதஸி விரத நாட்கள்-அக்டோபர்  5, 20; முஹூர்த்த நாட்கள்- அக்டோபர் 9, 28, 31

 

அக்டோபர் 1 திங்கட் கிழமை

அறம் செய விரும்பு

1.DESIRE TO DO VIRTUE / DESIRE TO DO CHARITY.

 

அக்டோபர் 2 செவ்வய்க் கிழமை

ஆறுவது சினம்

2.ANGER SHOULD BE SUBDUED.

 

அக்டோபர் 3 புதன் கிழமை

இயல்வது கரவேல்

3.DO NOT CONCEAL YOUR MEANS/ DO NOT REFUSE HELP WHERE IT IS PRACTICABLE.

 

அக்டோபர் 4 வியாழக் கிழமை

ஈவது விலக்கேல்

4.DO NOT PREVENT GIVING ALMS.

 

அக்டோபர் 5 வெள்ளிக் கிழமை

உடையது விளம்பேல்

5.DO NOT BOAST OF YOUR POSSESSIONS/ DO NOT SPEAK IN PRAISE OF YOUR GREATNESS.

 

அக்டோபர் 6 சனிக் கிழமை

ஊக்கமது கைவிடேல்

6.DO NOT LOSE YOUR COURAGE/ CEASE NOT TO PERSEVERE

 

அக்டோபர் 7 ஞாயிற்றுக் கிழமை

எண் எழுத்து இகழேல்

7.DO NOT DESPISE NUMBERS AND LETTERS/ DO NOT NEGLECT THE STUDY OF ARITHMETIC AND GRAMMAR

 

அக்டோபர் 8 திங்கட் கிழமை

ஏற்பது இகழ்ச்சி

8.BEGGING IS DISGRACEFUL

அக்டோபர் 9 செவ்வய்க் கிழமை

ஐயமிட்டு உண்

9.GIVE ALMS AND THEN EAT

 

அக்டோபர் 10 புதன் கிழமை

ஒப்புரவு ஒழுகு

10.CONDUCT YOURSELF CONSISTENTLY/ FOLLOW ESTABLISHED CUSTOMS

 

 

அக்டோபர் 11 வியாழக் கிழமை

ஓதுவது ஒழியேல்

11.CEASE NOT TO LEARN/ DO NOT NEGLECT THE STUDY OF THE VEDAS

 

அக்டோபர் 12 வெள்ளிக் கிழமை

ஔவியம் பேசேல்

12.DO NOT SPEAK ENVIOUSLY

 

அக்டோபர் 13 சனிக் கிழமை

கண்டு ஒன்று சொல்லேல்

13.DO NOT SAY ONE THING AFTER SEEING ANOTHER/ DO NOT SAY ONE THING TO A MAN’S FACE AND ANOTHER BEHIND HIS BACK

 

அக்டோபர் 14 ஞாயிற்றுக் கிழமை

ஙப் போல் வளை

14.BE UNITED TO YOUR RELATIVES LIKE THE LETTER OR BEND LIKE ‘NGA’

THERE ARE FOUR DIFFERENT READINGS FOR THIS SAYING.

LIKE THE SHAPE OF THE LETTER ’ ங ‘ SURROUND AND PROTECT YOUR RELATIVES.

DRAW UP YOUR FORCES ENCOMPASSING THE ENEMY IN THE FORM OF LETTER ‘ ங ‘

 

STAND LIKE THE LETTER ங ‘ ‘ AND FIGHT I.E. AS THE CONSONANT ‘ ங ‘ TAKES AN INTERMEDIATE POSITION IN WORDS TAKE A STAND BETWEEN THE VAN AND REAR OF YOUR ARMY AND FIGHT.

 

BUILD THE ENTRANCE OF THE FORT IN WINDINGS LIKE THE LETTER ங ‘ ‘

 

 

அக்டோபர் 15 திங்கட் கிழமை

சனி நீராடு

15.BATHE ON SATURDAY (WITH OIL)’ BATHE THE BODY IN SPRING WATER, FIRST BATHING THE DEFILED MIND IN TRUTH.

 

அக்டோபர் 16 செவ்வய்க் கிழமை

ஞயம்பட உரை

16.SPEAK SO AS TO GIVE PLEASURE

 

அக்டோபர் 17 புதன் கிழமை

இடம்பட வீடு இடேல்

17.DO NOT BUILD TOO LARGE A HOUSE

 

அக்டோபர் 18 வியாழக் கிழமை

இணக்கம் அறிந்து இணங்கு

18.BE FRIENDLY ON EXPERIENCING FRIENDSHIP

 

அக்டோபர் 19 வெள்ளிக் கிழமை

தந்தை தாய் பேண்

19.PROTECT YOUR FATHER AND MOTHER

 

அக்டோபர் 20 சனிக் கிழமை

நன்றி மறவேல்

20.FORGET NOT A BENEFIT

 

அக்டோபர் 21 ஞாயிற்றுக் கிழமை

பருவத்தே பயிர் செய்

21.SOW IN DUE SEASON

அக்டோபர் 22 திங்கட் கிழமை

மன்று பறித்து உண்ணேல்

22.DO NOT LIVE BY LAND WRESTED FROM YOUR NEIGHBOUR/ DO NOT GAIN A LIVELIHOOD BY MEANS OF BRIBES TAKEN IN A COURT OF JUSTICE

 

அக்டோபர் 23 செவ்வய்க் கிழமை

இயல்பு அலாதன செயேல்

23.DO NO IMPROPER ACTION/ DO NOT WANDER ABOUT DELUDED BY THE SENSES

 

அக்டோபர் 24 புதன் கிழமை

அரவம் ஆட்டேல்

24.DO NOT PLAY WITH A SNAKE/  DO NOT SPEAK VAINLY

 

அக்டோபர் 25 வியாழக் கிழமை

இலவம் பஞ்சில் துயில்

25.SLEEP ON A MATTRESS OF SILK COTTON

அக்டோபர் 26 வெள்ளிக் கிழமை

வஞ்சகம் பேசேல்

26.DO NOT SPEAK DECEITFULLY

 

அக்டோபர் 27 சனிக் கிழமை

அழகு அலாதன செயேல்

27.DO NO DISGRACEFUL ACTION

 

அக்டோபர் 28 ஞாயிற்றுக் கிழமை

இளமையில் கல்

28.LEARN FROM CHILDHOOD

 

அக்டோபர் 29 திங்கட் கிழமை

காப்பது விரதம்

29.FORGET NOT YOUR DUTY (CHARITABLE ACTIONS ARE INTENDED)

 

அக்டோபர் 30 செவ்வய்க் கிழமை

அனந்தல் ஆடேல்

30.DO NOT SLEEP TOO LONG

அக்டோபர் 31 புதன் கிழமை

கடிவது மற

31.AVOID UNKIND WORDS

 

—SUBHAM–

Leave a comment
by Tamil and Vedas on September 27, 2018  •  Permalink
Posted in சமயம், சமயம். தமிழ், பொன்மொழிகள்
Tagged , ,

Posted by Tamil and Vedas on September 27, 2018

https://tamilandvedas.com/2018/09/27/%e0%ae%85%e0%ae%b5%e0%af%8d%e0%ae%b5%e0%af%88%e0%ae%af%e0%ae%be%e0%ae%b0%e0%ae%bf%e0%ae%a9%e0%af%8d-%e0%ae%86%e0%ae%a4%e0%af%8d%e0%ae%a4%e0%ae%bf%e0%ae%9a%e0%af%8d-%e0%ae%9a%e0%af%82%e0%ae%9f%e0%ae%bf/

எம்.ஜி.ஆர் பாடல்கள் : “நான் ஆணையிட்டால்!” (Post No.5477)

WRITTEN BY S NAGARAJAN

Date: 27 September 2018

 

Time uploaded in London – 6-01 AM (British Summer Time)

 

Post No. 5477

 

Pictures shown here are taken from various sources including google, Wikipedia, Facebook friends and newspapers. This is a non- commercial blog.

 

 

எம்ஜிஆர் நூற்றாண்டு. மக்களை உயிராக நேசித்தவரை – மக்களால் உயிராக நேசிக்கப்பட்டவரை மறக்க முடியுமா? நூற்றாண்டு சிறப்புக் கட்டுரை!

எம்.ஜி.ஆர் பாடல்கள் : “நான் ஆணையிட்டால்!”

 

ச.நாகராஜன்

1

எம் ஜி ஆர் நூற்றாண்டு. மக்கள் திலகத்தை மறக்க முடியுமா? அவர் பாடல்களைத் தான் பாடாமல், கேட்காமல் இருக்க முடியுமா?

எம் ஜி ஆர் பாடல்கள் என்றாலே ஒரு தனிச் சொற்றொடராக விளங்குகிறது. அவருக்கென எழுதப்பட்ட பாடல்கள் என அர்த்தமாகிறது.

நான் ஆணையிட்டால், அது நடந்து விட்டால்?

அது நடந்து விட்டால் ! ஏழைகள் வேதனைப் பட மாட்டார்.

மூன்றெழுத்தில் என் மூச்சிருக்கும்.

எம் ஜி ஆர் என்ற மூன்றெழுத்திலா?

அது முடிந்து விட்டால் என் பேச்சிருக்கும்.

கடமை. அது கடமை.

தூங்காதே தம்பி தூங்காதே

திருடாதே பாப்பா திருடாதே

அதோ அந்தப் பறவை போல வாழ வேண்டும்!

 

இப்படி அற்புதமான பாடல்களை இன்றும் கேட்டு மகிழும்படி அளித்தவர் எம் ஜி ஆர். பல்லவி அவருக்குப் பிடித்திருந்தால் தான் கவிஞர் மேலே போகலாம்!

சில வரிகளைத் தனக்குப் பிடிக்கும் வரை மாற்றச் சொல்வார். ஏனெனில் அவை மக்களைச் சென்று சேர வேண்டுமே! அது எம் ஜி ஆர் பாடலாயிற்றே!

பட்டுக்கோட்டை கல்யாணசுந்தரம், வாலி, கவிஞர் கண்ணதாசன் ஆகியோர் எழுதிய எம்ஜிஆர் வரிகள் அவரை என்றும் வாழ வைத்திருப்பதோடு பாடல்களைப் படைத்த அவர்களையும் வாழ வைத்துள்ளது.

கணீரென டி.எம்.சௌந்தரராஜன் தன் குரலில் பாடிய பாடல்கள் இன்றும் எங்கும் ஒலிக்கின்றன. பானுமதி, சரோஜா தேவி, ஜெயலலிதா என கதாநாயகிகள் தலையை அசைத்து, புன்முறுவல் பூத்து, உடல் அபிநயம் காட்டி, நடித்து மக்களை மகிழ்வித்தது ஒரு புறம் இருக்க பாடல்களின் அர்த்தம் இன்றும் பேசப்படக்கூடிய அளவில் இருப்பது தான் அவற்றின் சிறப்பு.

நாடோடி மன்னன் படத்திற்காக பட்டுக்கோட்டை கல்யாணசுந்தரம் எழுதிய பாடல் தூங்காதே தம்பி தூங்காதே.

தூங்காதே தம்பி  தூங்காதே-நீயும்
சோம்பேறி என்ற பெயர் வாங்காதே! (தூங்)

நீ-தாங்கிய உடையும் ஆயுதமும்-பல
சரித்திரக் கதை சொல்லும் சிறைக்கதவும்,
சக்தியிருந்தால் உன்னைக்கண்டு சிரிக்கும்
சத்திரந்தான் உனக்கு இடம் கொடுக்கும் (தூங்)

நல்ல பொழுதையெல்லாம் தூங்கிக் கெடுத்தவர்கள்
நாட்டைக் கெடுத்ததுடன் தானுங்கெட்டார்; சிலர்
அல்லும் பகலும்  தெருக்கல்லா யிருந்துவிட்டு
அதிர்ஷடமில்லையென்று  அலட்டிக் கொண்டார்
விழித்துக் கொண்டோரெல்லாம் பிழைத்துக்கொண்டார்-உன்போல்
குறட்டை விட்டோரெல்லாம்  கோட்டைவிட்டார்! (தூங்)

போர்ப் படைதனில் தூங்கியவன் வெற்றியிழந்தான்-உயர்
பள்ளியில் தூங்கியவன் கல்வியழந்தான்!
கடைதனில் தூங்கியவன் முதல் இழந்தான்-கொண்ட
கடமையில் தூங்கியவன் புகழ் இழந்தான்-இன்னும்
பொறுப்புள்ள மனிதரின் தூக்கத்தினால்-பல
பொன்னான வேலையெல்லாம்  தூங்குதப்பா! (தூங்)
[நாடோடி மன்னன்,1958]

 

பல நல்ல கருத்துக்களைத் தரும் இந்தப் பாடலுக்குப் பின்னர் பட்டுக்கோட்டை கல்யாணசுந்தரம் திருடாதே படத்திற்காக எழுதிய எம் ஜி ஆர் பாடல் திருடாதே பாப்பா திருடாதே!

 

திருடாதே! பாப்பா திருடாதே!
வறுமை நிலைக்குப் பயந்துவிடாதே
திறமை இருக்கு மறந்துவிடாதே

சிந்தித்துப் பார்த்து செய்கையை மாத்து-தவறு

சிறிசா இருக்கையில் திருத்திக்கோ
தெரிஞ்சும் தெரியாமே நடந்திருந்தா-அது

திரும்பவும் வராமே பார்த்துக்கோ (திரு)

திட்டம் போட்டுத் திருடுற கூட்டம்

திருடிக்கொண்டே இருக்குது-அதைச்
சட்டம் போட்டுத் தடுக்கிற கூட்டம்

தடுத்துக் கொண்டே இருக்குது
திருடராய் பார்த்துத் திருந்தாவிட்டால்

திருட்டை ஒழிக்க முடியாது (திரு)

கொடுக்கிற காலம் நெருங்குவதால்-இனி

எடுக்கிற அவசியம் இருக்காது
இருக்கிறதெல்லாம் பொதுவாய்ப் போனால்

பதுக்கிற வேலையும் இருக்காது

ஒதுக்கிற வேலையும் இருக்காது
உழைக்கிற நோக்கம் உறுதியாயிட்டா

கெடுக்கிற நோக்கம் வளராது-மனம்

கீழும் மேலும் புரளாது! (திரு)

[திருடாதே,1961]

கொடுக்கிற காலம் நெருங்குவதால் இனி எடுக்கிற அவசியம் இருக்காது! எம் ஜி ஆர் அரசுப் பொறுப்பை ஏற்கக் கட்டியம் கூறிய பாடலோ இது.

மலம் நிறைந்த பாதாளச் சாக்கடை போல நாற்றம் பிடித்த கும்பலிலிருந்து தப்பி வெளி வந்தவர்கள் தமிழக சரித்திரத்தில் பலர். சிவாஜி கணேசன், கண்ணதாசன், எம்.ஜி.ஆர் என்று இந்த நீண்ட பட்டியலைத் தொகுக்கலாம். கொள்ளையடிக்கும் கும்பலிலிருந்து வெளி வந்த எம்.ஜி.ஆர் மக்களுக்காக எதைக் கொடுக்கலாம் என்று நினைத்தாரே தவிர அவர்களிடமிருந்து எதையெதை எடுக்கலாம் என்று ஒரு போதும் நினைத்ததில்லை; கள்ளப் பணத்தால் சொத்தும் சேர்த்ததில்லை.

 

அடுத்து அவரது உள்ளக்கிடக்கையை நன்கு தெரிவித்த பாடல் கவிஞர் வாலி எழுதியது.

நான் ஆணையிட்டால். எம் ஜி ஆர் ஆணையிட்டால் என்னென்ன நடக்கும்? பார்ப்போம்:

 

நான் ஆணையிட்டால் …
அது நடந்து விட்டால் …

நான் ஆணையிட்டால் அது நடந்து விட்டால்
இங்கு ஏழைகள் வேதனைப் பட மாட்டார்
உயிர் உள்ளவரை ஒரு துன்பமில்லை
அவர் கண்ணீர்க் கடலிலே விழமாட்டார்
நான் ஆணையிட்டால் அது நடந்து விட்டால்
இங்கு ஏழைகள் வேதனைப் பட மாட்டார்
உயிர் உள்ளவரை ஒரு துன்பமில்லை
அவர் கண்ணீர்க் கடலிலே விழமாட்டார்

ஒரு தவறு செய்தால் அதைத் தெரிந்து செய்தால்
அவன் தேவன் என்றாலும் விட மாட்டேன்
உடல் உழைக்கச் சொல்வேன் அதில் பிழைக்கச் சொல்வேன்
அவர் உரிமைப் பொருள்களைத் தொட மாட்டேன்

நான் ஆணையிட்டால் அது நடந்து விட்டால்
இங்கு ஏழைகள் வேதனைப் பட மாட்டார்
உயிர் உள்ளவரை ஒரு துன்பமில்லை
அவர் கண்ணீர்க் கடலிலே விழமாட்டார்

சிலர் ஆசைக்கும் தேவைக்கும் வாழ்வுக்கும் வசதிக்கும்
ஊரார் கால் பிடிப்பார்
ஒரு மானமில்லை அதில் ஈனமில்லை
அவர் எப்போதும் வால் பிடிப்பார்
எதிர் காலம் வரும் என் கடமை வரும்
இந்தக் கூட்டத்தின் ஆட்டத்தை ஒழிப்பேன்
பொது நீதியிலே புதுப் பாதையிலே
வரும் நல்லோர் முகத்திலே விழிப்பேன்
வரும் நல்லோர் முகத்திலே விழிப்பேன்

நான் ஆணையிட்டால் அது நடந்து விட்டால்
இங்கு ஏழைகள் வேதனைப் பட மாட்டார்
உயிர் உள்ளவரை ஒரு துன்பமில்லை
அவர் கண்ணீர்க் கடலிலே விழமாட்டார்

இங்கு ஊமைகள் தூங்கவும் உண்மைகள் தூங்கவும்
நானா பார்த்திருப்பேன்
ஒரு கடவுள் உண்டு அவன் கொள்கை உண்டு
அதை எப்போதும் காத்திருப்பேன்
முன்பு ஏசு வந்தார் பின்பு காந்தி வந்தார்
இந்த மானிடர் திருந்திட பிறந்தார்
இவர் திருந்தவில்லை மனம் வருந்தவில்லை
அந்த மேலோர் சொன்னதை மறந்தார்
அந்த மேலோர் சொன்னதை மறந்தார்

நான் ஆணையிட்டால் அது நடந்து விட்டால்
இங்கு ஏழைகள் வேதனைப் பட மாட்டார்
உயிர் உள்ளவரை ஒரு துன்பமில்லை
அவர் கண்ணீர்க் கடலிலே விழமாட்டார்

ஆஹாஹா ஆஹாஹா ஆ…
ஆஹாஹா ஆஹாஹா ஆ…

பாடல் வரிகளுடன் எம்ஜிஆர் ஒன்றி விட்டார்; அல்லது எம்ஜிஆருடன் பாடல் வரிகள் ஒன்றி விட்டன.

1964இல் வெளியான தெய்வத்தாய் படம் அவரது மூச்சு எங்கிருக்கும் என்பதைச் சுட்டிக் காட்டியது. கவிஞர் வாலி எழுதிய பாடல் இது:

மூன்றெழுத்தில் என் மூச்சிருக்கும்..

அது முடிந்த பின்னாலும் பேச்சிருக்கும்..

உள்ளம் என்றொரு ஊர் இருக்கும்..

அந்த ஊருக்குள் எனக்கோரு பேர் இருக்கும்..

கடமை அது கடமை..
கடமை அது கடமை..

அந்த மூன்றெழுத்தில் என் மூச்சிருக்கும்..
அது முடிந்த பின்னாலும் பேச்சிருக்கும்..

உள்ளம் என்றொரு ஊர் இருக்கும்..

அந்த ஊருக்குள் எனக்கோர் பேர் இருக்கும்..

பதவி வரும்போது பணிவு வர வேண்டும்..

துணிவும் வரவேண்டும் தோழா..

பாதை தவறாமல் பண்பு குறையாமல்..
பழகி வரவேண்டும் தோழா..

பதவி வரும்போது பணிவு வர வேண்டும்..
துணிவும் வரவேண்டும் தோழா..

பாதை தவறாமல் பண்பு குறையாமல்.
பழகி வரவேண்டும் தோழா..

அன்பே உன் அன்னை..
அறிவே உன் தந்தை..
உலகே உன் கோவில்..
ஒன்றே உன் தேவன்..

மூன்றெழுத்தில் என் மூச்சிருக்கும்..
அது முடிந்த பின்னாலும் பேச்சிருக்கும்..

உள்ளம் என்றொரு ஊர் இருக்கும்..
அந்த ஊருக்குள் எனக்கோர் பேர் இருக்கும்..

கடமை அது கடமை..
கடமை அது கடமை..

வாழை மலர் போல பூமி முகம் பார்க்கும்..
கோழை குணம் மாற்றுத் தோழா..

நாளை உயிர் போகும் இன்றுப் போனாலும்..
கொள்கை நிறைவேற்றுத் தோழா..

வாழை மலர் போல பூமி முகம் பார்க்கும்..
கோழை குணம் மாற்றுத் தோழா..
நாளை உயிர் போகும் இன்றுப் போனாலும்..
கொள்கை நிறைவேற்றுத் தோழா..

அன்பே உன் அன்னை..
அறிவே உன் தந்தை..
உலகே உன் கோவில்..
ஒன்றே உன் வேதம்..

மூன்றெழுத்தில் என் மூச்சிருக்கும்..
அது முடிந்த பின்னாலும் பேச்சிருக்கும்..

உள்ளம் என்றொரு ஊர் இருக்கும்..
அந்த ஊருக்குள் எனக்கோர் பேர் இருக்கும்..

கடமை அது கடமை..
கடமை அது கடமை..

 

இப்படி, தான் ஆட்சிக்கு வந்தால் என்னென்ன நடக்கும் என்பதைப் பட்டியலிட்டுப் பாடிய எம்ஜிஆர் உலகம் முழுவதையும் அணைத்த பாடலை1965இல் வெளியான படமான ‘ஆயிரத்தில் ஒருவன்’ படத்திற்காக கண்ணதாசன் அளித்தார்..

அற்புதமான அந்தப் பாடல் – அதோ அந்தப் பறவை போல வாழ வேண்டும்.

 

அதோ அந்த பறவை போல வாழ வேண்டும்
இதோ இந்த அலைகள் போல ஆட வேண்டும்
ஒரே வானிலே ஒரே மண்ணிலே
ஒரே கீதம் உரிமை கீதம் பாடுவோம்

காற்று நம்மை அடிமை என்று விலகவில்லையே
கடல் நீரும் அடிமை என்று சுடுவதில்லையே
காலம் நம்மை விட்டு விட்டு நடப்பதில்லையே
காதல் பாசம் தாய்மை நம்மை மறப்பதில்லையே — (ஒரே வானிலே)

தோன்றும் போது தாயில்லாமல் தோன்றவில்லையே
சொல்லிலாமல் மொழியில்லாமல் பேசவில்லையே
வாழும்போது பசியிலாமல் வாழவில்லையே
போகும் போது வேறு பாதை போகவில்லையே — (ஒரே வானிலே)

கோடி மக்கள் சேர்ந்து வாழ வேண்டும் விடுதலை
கோவில் போல நாடு காண வேண்டும் விடுதலை
அச்சமின்றி ஆடிப்பாட வேண்டும் விடுதலை
அடிமை வாழும் பூமி எங்கும் வேண்டும் விடுதலை — (ஒரே வானிலே)

 

எம்ஜிஆரை மேடைக்கு மேடை கண்ணதாசன் கடுமையாக விமரிசித்தவர். ஒரு நாள் முதல் அமைச்சராக இருந்த எம்ஜிஆரிடமிருந்து அவரை உடனடியாக வந்து பார்க்குமாறு அழைப்பு வந்தது. கண்ணதாசன் அவரைச் சந்தித்த போது அரசவைக் கவிஞராக அவர் நியமிக்கப்பட்டிருப்பதைக் கூறிய எம் ஜி ஆர், ‘சரி’ என்று ஏற்றுக் கொள்ளுங்கள் என்றார். கண்ணதாசன் நெகிழ்ந்து உருகிப் போனார்.

 

பொன் மனம் கொண்ட எம்ஜிஆரின் உடலும் தங்க மயம் தானே!

 

அதில் லயித்த கண்ணதாசன் அவரை கதாநாய்கி வர்ணிப்பது போலத் தன் உள்ளத்தில் பட்டதை அப்படியே சொல்லி விட்டார் 15-8-1963 அன்று வெளியான நீதிக்குப் பின் பாசம் படத்தில்:

“தேக்கு மரம் உடலைத் தந்தது

சின்ன யானை நடையைத் தந்தது

பூக்கள் எல்லாம் சிரிப்பை தந்தது

பொன்னல்லவோ நிறத்தை தந்தது” (மானல்லவோ கண்கள் தந்தது பாடல்)

தங்க நிற உடலுக்கு மட்டுமல்ல இந்த உவமை; தங்கமான மனதிற்கும் சேர்த்து உவமையாக வந்தது பொன்!

எம்.ஜி.ஆர் என்ற. மூன்றெழுத்து தமிழக மக்களில் உள்ளங்களில் என்றென்றும் நிரந்தரமாக இருக்கும்.

 

****

Leave a comment
by Tamil and Vedas on September 27, 2018  •  Permalink
Posted in சினிமா, தமிழ் பண்பாடு
Tagged ,

Posted by Tamil and Vedas on September 27, 2018

https://tamilandvedas.com/2018/09/27/%e0%ae%8e%e0%ae%ae%e0%af%8d-%e0%ae%9c%e0%ae%bf-%e0%ae%86%e0%ae%b0%e0%af%8d-%e0%ae%aa%e0%ae%be%e0%ae%9f%e0%ae%b2%e0%af%8d%e0%ae%95%e0%ae%b3%e0%af%8d-%e0%ae%a8%e0%ae%be%e0%ae%a9%e0%af%8d/

« Older Posts
Newer Posts »