அத்வைத ஸார விளக்கம் – கட்டுரை எண் 9 (Post No.4630)

Date: 18 JANUARY 2018

 

Time uploaded in London- 5-41 am

 

Written  by S NAGARAJAN

 

Post No. 4630

Pictures shown here are taken from various sources such as Facebook friends, Books, Google and newspapers; thanks. Pictures may not be related to the story. They are only representational.

 

 

அத்வைத ஸார விளக்கம் – கட்டுரை எண் 9

முந்தைய கட்டுரைகள்: முதல் கட்டுரை எண் 4388- வெளியான தேதி: 12-11-17

இரண்டாம் கட்டுரை எண் 4406 -வெளியான தேதி : 18-11-17

மூன்றாம் கட்டுரை எண் 4445 – வெளியான தேதி : 30-11-17

நான்காம் கட்டுரை எண்  4472  – வெளியான தேதி :    9-12-17

ஐந்தாம் கட்டுரை எண் 4511 – வெளியான தேதி : 18-12-17

ஆறாம் கட்டுரை எண் 4546 – வெளியான தேதி : 26-12-2017

ஏழாம் கட்டுரை எண் 4574 – வெளியான தேதி : 2-1-2018

எட்டாம் கட்டுரை எண் 4597 – வெளியான தேதி : 9-1-2018

 

பரிச்சேதம், வஸ்துக்கள், சத்துக்கு ஆனந்தத்துவம் ஆகியவற்றின் விளக்கம்!

ச.நாகராஜன்

 

 

இனி பரிச்சேதம், வஸ்துக்கள், சத்துக்கு ஆனந்தத்துவம் பற்றித் தெரிந்து கொள்வோம்

*

ஐயா, பரிச்சேதம் என்றால் என்ன?

வரம்பு அல்லது பிரிவு அல்லது பாகம் எனலாம்.

தேச, கால, வஸ்து பரிச்சேதம் மூன்றும் இயற்கையில் தேகத்திற்கே தவிர பரிபூரனணாகிய பிரதியேகாத்மாவுக்கு பரிச்சேத திரயம் (திரயம் என்றால் மூன்று என்று பொருள்) இல்லை.

ஆகவே, தேசத்தினாலாவது,

காலத்தினாலாவது,

வஸ்துவினாலாவது

பிரிக்க அல்லது பாதிக்கப்படாதது எதுவோ அதுவே பிரம்மம்.

ஆத்மா சர்வ வஸ்துக்களுக்கும் ஆத்மாவாக இருக்கின்றபடியால் பரிச்சேதம் இல்லை.

 

வஸ்துக்கள் என்றீர்களே, அவைகள் எவை?

ஸஜாதீய பேதம்,

விஜாதீய பேதம்,

சுவகத பேதம் என்று இப்படி மூன்று வகை வஸ்துக்கள் உண்டு.

 

அவைகளின் விவரம் என்ன?

 

ஒரு மரத்திற்கு மற்றொரு மரம் ஸஜாதீய பேதம் ஆகும்.

மரத்திற்கு கல் என்பது விஜாதீய பேதம் ஆகும்.

ஒரு மரத்திற்கு அதன் இலை, பூ, காய், கனி முதலியன சுவகத பேதம் ஆகும்.

இந்த மூன்று வித பேதங்களும் ஆத்மாவுக்கு இல்லை.

ஆகவே ஆத்மாவுக்கு வஸ்து பரிச்சேதம் இல்லை.

 

அது எப்படி?  ஒரே சைதன்னியமானது பிரம்ம சைதன்னியமாயும், ஈஸ்வர சைதன்னியமாயும், ஜீவ சைதன்னியமாயும் இருக்கும் போது ஸஜாதீய பேதம் இருக்கிறதல்லவா?

மேலும் ஆத்ம ஸ்வரூபம் பிரம்மம் என்றும், அநாத்ம ஸ்வரூபம் பிரபஞ்சம் என்றும் இரண்டு விதமாக இருக்கும் போது விஜாதீய பேதம் இருக்கிறதல்லவா?

அன்றியும், பிரம்மத்திற்கு சத், சித், ஆனந்தம் என்று  மூன்று இருக்கின்றபடியால் சுவகத பேதமும் இருக்கிறதல்லவா?

இப்படி மூன்று வித பேதங்களும் இருக்கும் போது, பேதங்களே இல்லை என்று எப்படிச் சொல்கிறீர்கள்?

ஆகாயம் ஒன்றானாலும், உபாதி பேதத்தினால், மேக ஆகாயம் (மேகாசம்), மட ஆகாயம் (மடாகாசம்), கட ஆகாயம் (கடாகாசம்)  என்ற பேதங்களைக் காண்பதைப் போல, சைதன்னியம் ஒன்றானாலும் மாயோபாதியினால் பிரம்மம் என்றும், ஈஸ்வரன் என்றும், அவித்தியோபாதியினால் கூடஸ்தன் என்றும் ஜீவன் என்றும் சொல்கிறோம்.

ஸஜாதீய பேதம் தோற்றமே தான்.

மேலும் கயிறன்றி அதில் பாம்பு என்கின்ற தோற்றம் எப்படி இல்லையோ அப்படி ஆத்மாவன்றி அநாத்மா இல்லை. ஆகவே விஜாதீய பேதம் இல்லை.

அதிஷ்டானத்தைத் தவிர ஆரோபிதம் என்பதெல்லாம் மித்தையே.

அதாவது பொய்யே. (மித்தை என்றால் பொய்)

ஆத்மா சாக்ஷி கூடஸ்தன்.

பாரமார்த்திகன்.

பிராக்ஞன்.

பிரம்மம்.

சச்சிதானந்த நித்தியன்.

ஏகன்.

பூரணன்.

ஆகவே சுவசுத பேதமில்லை.

அப்படியானால் ஆத்மா சத் ரூபன்,  சித் ரூபன், ஆனந்த ரூபன் என்று ஏன் அடிக்கடி சொல்ல வேண்டும்? ஒரே உபதேசம் போதாதா?

ஆத்ம ஸ்வரூபமான சத்துவத்தை ஜகத்திலும்,

சித்துவத்தை ஜடங்களாகிய புத்தி ஆதிகளிலும்

ஆனந்தத்துவத்தை புத்திர, பாரி (மனைவி) ஆதிகளிலும்

அப்படியே, ஜகத் ஸ்வபாவமாயுள்ள அசத்துவத்தையும், புத்தி ஆதிகளிலுள்ள ஜடத்துவத்தையும், புத்திரபாரியாதிகளிலுள்ள துக்கத்துவத்தையும்,

சச்சிதானந்த ஸ்வரூபமான ஆத்மாவினிடத்திலும் பரஸ்பரம் விபரீதமாக  ஆரோபிக்கிறபடியால் இந்த பிராந்தி நிவர்த்தியின் பொருட்டு சொல்லப்பட்டது.

 

நல்லது, சத் தானாகவே விளங்குகிறதா? அல்லது மற்றொன்றினால்  விளங்குகிறதா?

சத்தே சித்தாகும்.

சத்தே சித்து. சித்தே சத்து.

அது தானாகவே விளங்குகிறது.

 

தானாக விளங்குகின்ற சத்துக்கு ஆனந்தத்துவம் எப்படி ஐயா?

சத்துக்கு இரண்டாவது வஸ்து இல்லை.

ஆகவே ஆனந்தத்துவம் பூரணமாக இருக்கிறது.

ஆகவே ஒன்றான சத்துக்கு இரண்டாவது இல்லாததினால் அத்வைதத்துவமும் உண்டாம்.

அதனால் பூரணத்துவமும் சித்தம்.

இப்படிப்பட்ட பரிபூரணானந்த ஆத்மாவுக்கு துக்கம் ஆகந்துகம்.

அந்த துக்கம் சரீரத்தினாலும்,

சரீரம் கருமத்தினாலும்,

கருமம் இராக, துவேஷாதிகளினாலும்,

ராகாதிகள் அபிமானத்தினாலும் வந்தது என்று அறிக!

அப்படி அறிந்து அந்த அஞ்ஞானத்தை ஞானத்தினால் நிவர்த்தியாக்க வேண்டும்.

அந்த ஞானமே விசாரத்தினால் உண்டாகிறதென்றும்,

ஆத்மா சச்சிதானந்த ஸ்வரூபம் என்றும்,

தேகாதி பிரபஞ்சம்  அந்த ஜட துக்க ரூபமானதென்றும்,

இந்த பிரபஞ்சமானது அத்தியாரோப்பியமென்றும்

விசாரித்து, தத்துவம் பத வாக்கியார்த்தத்தினால்  உண்டாகும் ஞானத்தினால்,

“நானே பிரம்மம்” என்னும் தன்னுடைய பரோக்ஷ ஞானானுபவத்தினால்

சாக்ஷாத்காரமாகிய அபரோக்ஷ ஞானம் எதுவோ  அதை அடைகின்றவனே

பரம குரு எனவும் பரமஹம்ஸர் என்றும்  சொல்லப்படுகிறான்.

ஆகவே அனைவரும் ஆத்ம தத்துவத்தைக் கேட்டு, மனனம் செய்து,

தியானித்து, சாக்ஷாத்காரம் செய்து கொண்டு,

நித்திய சுத்த புத்த முக்த சத்திய பரமானந்த அத்துவய பிரம்மஸ்வரூபமாய் இருக்க முயற்சி செய்ய வேண்டும்.

 

ஐயா! நன்றி. நன்றி. நன்றி. அருமையான அத்வைத சாரத்தை இவ்வளவு நல்ல முறையில் விளக்கியதற்கு மீண்டும் நன்றி.

நன்றி.

***

அத்வைத சார விளக்கம் முற்றிற்று.

***

அன்பர்கள் நிதானமாக, ஒவ்வொரு விஷயமாகப் படித்து, அதை ஆழ்ந்து சிந்தித்து, பல துணை நூல்களையும் படித்து அத்வைத ஆனந்தம் சித்திக்க இறைவனைப் பிரார்த்திக்கிறோம்

***

முடிவுரை:

ஒரு சுவாரசியமான புத்தகம்.

சுமார் நூற்றியிருபது ஆண்டுகளுக்கு முன்னர் 1898ஆம் ஆண்டு அச்சிடப்பட்ட புத்தகம்.

கோயமுத்தூரைச் சேர்ந்த திரு எஸ்.பி.நரசிம்மலு நாயுடு அவர்கள் எழுதிய  ‘ஹிந்து பைபில்’ என்ற புத்தகம் எனக்குக் கிடைத்தது.

அதில் உபநிடதக் கருத்துக்கள், அத்வைத, த்வைத சார விளக்கம் உள்ளிட்டவை விளக்கப்பட்டுள்ளன.

அதில் இருந்த அத்வைத சார சங்க்ரஹ விளக்கத்தையே சற்று தமிழ் நடையை எளிதாக்கி, சில பிழைகளைத் திருத்தி, இறைவன் அருளால் ஒரு தொடராக அளிக்க முடிந்தது.

இந்தப் புத்தகத்தை வரவேற்று அந்தக் கால பத்திரிகைகள் – சுதேசமித்திரன் உள்ளிட்ட பத்திரிகைகள் – நல்ல மதிப்புரையைத் தந்துள்ளன.

நமது நன்றியை திரு எஸ்.பி.நரசிம்மலு நாயுடு அவர்களுக்குக் காணிக்கை ஆக்குகிறோம்.

புத்தகம் மக்கி மறைந்து போகும் நிலையில் அதன் ஒரு சிறு பகுதியை அளிக்க முடிந்தது மிகுந்த மகிழ்ச்சியைத் தருகிறது.

இந்தத் தொடரை படித்த அன்பர்களுக்கு எனது நன்றி.

அன்பர்களின் கருத்துக்களை வரவேற்கிறோம்.

அன்பன் ச.நாகராஜன்

***

 

 

Leave a comment
by Tamil and Vedas on January 18, 2018  •  Permalink
Posted in சமயம். தமிழ்
Tagged

Posted by Tamil and Vedas on January 18, 2018

https://tamilandvedas.com/2018/01/18/%e0%ae%85%e0%ae%a4%e0%af%8d%e0%ae%b5%e0%af%88%e0%ae%a4-%e0%ae%b8%e0%ae%be%e0%ae%b0-%e0%ae%b5%e0%ae%bf%e0%ae%b3%e0%ae%95%e0%af%8d%e0%ae%95%e0%ae%ae%e0%af%8d-%e0%ae%95%e0%ae%9f%e0%af%8d%e0%ae%9f/

பாரதி போற்றி ஆயிரம் – 29 (Post No.4629)

Date: 18 JANUARY 2018

 

Time uploaded in London- 5-33 am

 

Compiled  by S NAGARAJAN

 

Post No. 4629

Pictures shown here are taken from various sources such as Facebook friends, Books, Google and newspapers; thanks. Pictures may not be related to the story. They are only representational.

 

பாரதி போற்றி ஆயிரம் – 29

  பாடல்கள் 165 முதல் 168

 

கவிதை இயற்றியோர்: பல்வேறு கவிஞர்கள்

தொகுப்பு : ச.நாகராஜன்

கண்ணதாசன் பாடல்கள்

 பாரதியைக் கண்டேன் (தொடர்ச்சி)

 

வாழ்பவர்க்குச் சோறுத ராதவன்!

    மாண்ட வர்க்குமண்டபம் கட்டுவோ

ஆள்ப வர்க்குத் துதிபல பாடுவோன்

     அச்ச மென்பதன் அரும்பெறல் மைந்தனாம்!

சூழ்சு டற்புவி தனைஇவன் முன்னையர்

     துளைத்த காதையைச் சொல்வத லாலொரு

வாளெடுக்கும் திறனுமில் லாதவன்

    வம்பெ தற்கென ஒதுங்கியே செத்தவன்!

 

 

அன் றிலங்கையை ஆயிர மாயிரம்

     ஆனை தானைகள் வென்றதைச் சொல்லுவான்!

இன்றி லங்கையில் ஆதர வற்றவன்

     இன்ன வன் துணைத் தம்பிய ரல்லரோ?

இன்னும் இந்தத் திசைகல் எட்டினும்

     இழிந்தி ருப்பவன்! தமிழர் திருமகன்,

வென்றி கொண்ட வீரனின் பிள்ளையாம்!

      வீணர் சொன்ன பொய்மைக் கதையடா!

 

 

இருவர் சேர்ந்தங் கொருவரை மற்றவர்

       ஏற்றிப் பாடும் “பரஸ்பர முகஸ்துதி”

தரும மானது தமிழரின் நாட்டினில்!

       தம்பி நீஇவர் தலைகவிழ்ந் தாரெனப்

பொருமிச் சாவதும் போர்செயச் செல்வதும்

      பொருத்த மற்றதுன் பெற்றவர் உற்றவர்

கரும மட்டும் கணக்கினி லேற்றுவாய்

      கண்கள் மூடுமுன் கவலைகள் மாற்றுவாய்!

 

 

யான்:

 

சோர்ந்து கூறும் சொற்களோ பாரதி?

      தூய தேன் தமிழ்ப் பாவினம் பற்பல

ஆய்ந்து வைத்தவன், அன்னையின் நாட்டினர்

       அடிமை தீர்த்திடும் போர்முர சானவன்

வேய்ந்த கூரையாய் வெள்ளொளிக் கைகளால்

        வீர நாட்டினைக் காக்கத் துடித்தவன்

தேர்ந்த பாவலன் செந்தமிழ்ச் சாரதி

       சிந்தை நொந்தியோ செப்படா பாரதி!

 

            (கவிதையின் இறுதிப் பகுதி அடுத்து வெளிவரும்)

 

கவிஞர் கண்ணதாசன்: கவியரசு கண்ணதாசன் 5000க்கும் மேற்பட்ட திரைப்படப் பாடல்களையும், 5000க்கும் மேற்பட்ட இதர பாடல்களையும் புனைந்தவர். தமிழ்நாட்டில் சிறுகூடல்பட்டியில் பிறந்தார். தோற்றம்: 24-6-1927 மறைவு: 17-10-1981. இதழ் ஆசிரியர். பல காவியங்களைப் புனைந்தவர். நாவல் ஆசிரியர். பல சிறந்த நூல்களை எழுதியவர். பல விருதுகளை வென்றவர்.சிறந்த பேச்சாளர்.

 

குறிப்பு : இந்தப் பகுதிக்கு பாரதி பற்றி எழுதப்பட்ட பாடல்களை ஸ்கேன் செய்தோ, போட்டோ எடுத்தோ அனுப்பி உதவலாம். கவிஞரின் பெயர், அவரைப் பற்றிய 50 வார்த்தைகளுக்கு மிகாமல் உள்ள குறிப்பு, பாடல் வெளியிடப்பட்ட இதழ் அல்லது நூல் பற்றிய குறிப்பு ஆகியவற்றையும் அனுப்ப வேண்டுகிறோம். 

***

 

Leave a comment
by Tamil and Vedas on January 18, 2018  •  Permalink
Posted in கம்பனும் பாரதியும்
Tagged

Posted by Tamil and Vedas on January 18, 2018

https://tamilandvedas.com/2018/01/18/%e0%ae%aa%e0%ae%be%e0%ae%b0%e0%ae%a4%e0%ae%bf-%e0%ae%aa%e0%af%8b%e0%ae%b1%e0%af%8d%e0%ae%b1%e0%ae%bf-%e0%ae%86%e0%ae%af%e0%ae%bf%e0%ae%b0%e0%ae%ae%e0%af%8d-29-post-no-4629/

The Man Who ‘Discovered’ Yosemite! (Post No.4628)

Picture of Yosemite in U S A

Compiled by London Swaminathan 

 

Date: 17 JANUARY 2018

 

Time uploaded in London  8-12 am

 

 

 

Post No. 4628

Pictures shown here are taken from various sources such as Facebook friends, Books, Google and newspapers; thanks.

 

 

 

WARNING: PLEASE SHARE MY ARTICLES; BUT DON’T SHARE IT WITHOUT AUTHOR’S NAME AND THE BLOG NAME. BE HONEST; OTHERS WILL BE HONEST WITH YOU.

 

 

Travel Anecdotes

 

YOSEMITE

One day in Yosemite valley, a traveller was told that there was an old man in the office of the hotel who in 1851 had been one of the company that had discovered the Yosemite. Eagerly he seized the opportunity of finding out what it was like to be the first of civilised men to behold one of natures most marvellous works. It must have been wonderful, he said, to have the valley burst suddenly upon you.

 

The old man spat over the edge of the veranda and looked reflective for a moment.

Well, he said, I will tell ye. If I ‘d ha’ knowed it was going to be so famous I ‘d ha’ looked at it.

 

Xxxx

 

GRETA GARBO

A tourist journeyed by camel to see the great pyramids. He was swept away by the beauty of the desert night and the work a day world seemed to fade away from his remembrance. After absorbing all the glamour of the experience and desiring to preserve every detail of the dream like world in which he found himself, he remounted his steed, at the same time asking his Arab guide,

What is the name of my camel?

Greta Garbo, replied the guide.

 

Greta Garbo was a famous actress and she said,”I never said, ‘I want to be alone.’ I only said, ‘I want to be left alone.’ There is all the difference.”

Garbo also means Dustman

 

Xxx

 

TO HELL WITH YALE!

 

There’s the story of a Harvard man who spent some days in Egypt, and enjoyed during that time the services of a French speaking native guide and courier.

As they parted the guide requested

Sire teach me words of English with which I may attract your country men.

The Harvard man did so.

Some time later he returned to Egypt, looked up his guide, and said,

How did you make out with the English I taught you?

“Sire, said the guide, “some there were who smiled and came with me, others there were who were angered and turned away”.

The phrase he had been taught was

“To Hell with Yale!”

 

(Harvard and Yale are two different universities in Harvard and Yale)

Xxx

 

How to go to Canada?

 

 

In the days of underground Railway many Southern Negroes conceived of Canada, the ultimate objective of most runaway slaves, as a kind of free paradise. Old Uncle Jake had the notion that he would like to get there. He asked a friend how one might get to Canada, and was told that if he were to travel far enough all the way up the length of Missisipi he could get there.

 

The old Negro had no geographic sense, but he had a considerable desire for liberty. Sneaking off early one morning, he took his battered row boat and headed upstream, rowing as vigorously and intently as he could. The current was swift and the old man, working feverishly without looking to the right or left, barely held his own and, by the end of the day, actually lost some six or twelve feet of distance. At this time he was aroused from his intense concentration by an acquaintance who hailed him from the shore,

What you doin’ out there in that boat, Jake?

Fo’de Lord’s sake, exclaimed Jake.

Who on earth knows me way up here in Canada!

 

xxx

 

To Boston!

The poet John Godfrey Saxe, had his bag packed for a trip when a friend encountered him and asked,

Where are you going?

To Boston, Deo volente

What route is that?, his acquaintance asked.

By way of Providence, of course, replies Saxe.

(Deo volente means God willing , or if nothing prevents it)

 

xxx

 

Names are Misleading!

Texas is a big state. Easterners go far into the Middle West as Chicago have a lot to learn about it. An instance is the Chicago firm that sent a wire to its travelling representative in El Paso, saying that as long as he was in Texas anyway, he might as well clear up a little affair in Texarkana.

The salesman wired back, “Be cheaper, send a man from Chicago. Closer than I am.”

Astonished, his home office checked with the map and sent out a man from Chicago.

(Distance between Texarkana and Chicago-  792 miles; distance between Texarkana and El Paso- 813 miles)

xxxxxxxxxxxxxx SUBHAM xxxxxxxxxxxxxx

 

1 Comment
by Tamil and Vedas on January 17, 2018  •  Permalink
Posted in Quotations
Tagged , ,

Posted by Tamil and Vedas on January 17, 2018

https://tamilandvedas.com/2018/01/17/the-man-who-discovered-yosemite-post-no-4628/

சந்யாசியும் பெண்மணியும்- சாணக்கியன் (Post No.4627)

தமிழ் வாழ்க! தமிழை வளர்க்க நீங்கள் என்ன செய்யலாம்? மற்றவர்கள் எழுதியதை, அதை எழுதியவர் பெயரையும் அது வெளியான பிளாக் அல்லது பத்திரிக்கையின் பெயரையும் நீக்காமல் வெளியிடலாம்; இதனால் தமிழ் ஆர்வலர் பெருகுவர்; அதிகம் எழுதுவர்; ஸரஸ்வதி தேவியின்  பரிபூரண கடாக்ஷம் உங்கள் மீதும் குடும்பத்தின் மீதும் பொழியும்; தமிழ் வாழும்!)

Written by London Swaminathan 

 

Date: 17 JANUARY 2018

 

Time uploaded in London  6-58 am

 

 

 

Post No. 4627

Pictures shown here are taken from various sources such as Facebook friends, Books, Google and newspapers; thanks.

 

 

 

WARNING: PLEASE SHARE MY ARTICLES; BUT DON’T SHARE IT WITHOUT AUTHOR’S NAME AND THE BLOG NAME. BE HONEST; OTHERS WILL BE HONEST WITH YOU.

 

ஏக ஏவ பதார்தஸ்து த்ரிதா பவதி தீக்ஷிதஹ

குணபஹ காமினீ மாம்ஸம் யோகிபிஹி காமிபிஹி ஸ்வபிஹி

 

–சாணக்கிய நீதி, அத்யாயம் 14, ஸ்லோகம் 16

பொருள்

ஒரே பொருளோ, மனிதரோ பார்வையாளரின் மனப்போக்கிற்குத் தக மூன்றாகத் தோன்றும். ஒரு பெண்ணுடைய உடலானது யோகிகளுக்கு வெறும் உயிரற்ற சடலமாகவும், காதல்வயப்பட்ட ஆணுக்கு பேரழகியாகவும், நாய்களுக்கு வெறும் மாமிஸமாகவும் தோன்றும்.

சாணக்கியன் சொல்லுவது சரியானதுதான் என்பதற்கு மேலும் சில உதாரணங்களைச் சொல்லலாம்

 

ஒரு அழகான இளம் பெண், அவளுடைய சஹோதரனுடன் பஸ்ஸில் அருகருகே உட்கார்ர்ந்து இருந்தால், அவன் என்ன நினைப்பான். ‘அட, நமக்கு எவ்வளவு அழகான சஹோதரி வாய்த்திருக்கிறாள்; இவள் நல்லபடி கல்யாணமாகி, நல்லபடி வாழ வேண்டும்’ என்று கடவுளைப் பிரார்த்திப்பான். சஹோதர வாஞ்சையுடன் இருப்பான்.

 

அதே அழகி, ஒரு இளைஞன் அருகில் உட்கார்ந்து இருந்தால், அந்த இளைஞன் என்ன நினைப்பான்; ‘அடடா, என்ன அழகு! இந்தப் பெண் நமக்கு மனைவியாக இருந்தால் எப்படி இருக்கும்!’ என்று காம உணர்வுடன், காதல் நோக்கில் அவளைப் பார்ப்பான்.

 

அவன் அருகில் ஒரு சிறு குழந்தை உட்காந்து இருந்தால், அது மற்ற ஒரு பெண்ணையும் தாய் போலக் கருதி, கட்டிக் கொள்ளும். அங்கே தாய்- மகன் என்ற பாச உணர்வு (Supreme love and affection)  மட்டுமே இருக்கும். உலகிலேயே மிக உன்னதமான உணர்ச்சி அது.

 

இப்போது நமக்குள் ஒரு கேள்வியை எழுப்பிப் பார்க்கலாம். அருகிலுள்ள பெண்ணின் உடல்தான் இந்த உணர்வுகளுக்குக் காரணமா? அல்லது அவளை நாம் பார்த்தவிதமும் மனதின் போக்கும்தான் காரணமா?

 

மனதின் போக்குதான் இதற்குக் காரணம் என்பர் சான்றோர்கள். மேலும் எது இன்பம் என்பதை விளக்கவும் அவர்கள் ஒரு அளவுகோல் (Scale or Touch stone) வைத்துள்ளனர். எது ஒன்று எல்லோருக்கும் எப்போதும் நிரந்தர இன்பம் தருமோ அதுவே இன்பம் என்பர்.

இதனால்தான் “கண்டேன் கண்டேன் கண்ணுக்கினியன கண்டேன்” என்றும் “சேரவாரும் ஜகத்தீரே” என்றும் “யான்பெற்ற இனம் பெறுக இவ்வையகம்” என்றும் சான்றோர்கள் ஆடிப்பாடி கூத்தாடுகின்றனர்.

 

நிரந்தர இன்பம் இது என்று நாங்கள் சொல்லியும், காட்டியும் பின்னர் நீங்கள் அடியார் திருக் கூட்டத்தில் சேராதது ஏன் என்றும் வினவுகின்றனர்.

 

இன்னும்சில யோகியர் வேறு ஒரு எடுத்துக்காட்டை நம்முன் வைப்பர். ஒரு நாய்க்கு எலும்புத் துண்டு ஒன்று கிடைத்ததாம். அது கூரான முனைகளை உடையது. அதை வாயில் போட்டு மென்றவுடன் ரத்தம் வரவே அதற்கு பெரு மகிழ்ச்சி. முன்னைவிட எலும்பை பலமாகக் கடித்துக் குதறத் துவங்கியது. அது நினைத்தது—‘எலும்பிலிருந்து ரத்தம் வருகிறது’ என்று; ஆனால் உண்மையில் எலும்பின் கூரான முனைகள் அதன் வாயைக் கிழிக்க, கிழிக்க ரத்தம் மேலும் மேலும் வெளி ஏறியது. இன்பத்தின் காரணம் என்ன என்பதை அது தவறாகப் புரிந்து கொண்டது.

 

சாணக்கியன் இரண்டே வரிகளில் சொன்னதை சமயச் சான்றோர்கள் மணிக் கண்ணக்கில் உபந்யாசங்களில் விளக்குவர்!!!

 

-சுபம்,சுபம்–

1 Comment
by Tamil and Vedas on January 17, 2018  •  Permalink
Posted in சமயம். தமிழ், பெண்கள்
Tagged

Posted by Tamil and Vedas on January 17, 2018

https://tamilandvedas.com/2018/01/17/%e0%ae%9a%e0%ae%a8%e0%af%8d%e0%ae%af%e0%ae%be%e0%ae%9a%e0%ae%bf%e0%ae%af%e0%af%81%e0%ae%ae%e0%af%8d-%e0%ae%aa%e0%af%86%e0%ae%a3%e0%af%8d%e0%ae%ae%e0%ae%a3%e0%ae%bf%e0%ae%af%e0%af%81%e0%ae%ae%e0%af%8d/

ஆரோக்கியம் மேம்பட அர்த்தமுள்ள சில குறிப்புகள்! (Post No.4626)

Date: 17 JANUARY 2018

 

Time uploaded in London- 6-30 am

 

Written  by S NAGARAJAN

 

Post No. 4626

Pictures shown here are taken from various sources such as Facebook friends, Books, Google and newspapers; thanks. Pictures may not be related to the story. They are only representational.

 

 

ஆரோக்கிய மேம்பாடு

 

2018 ஜனவரி ஹெல்த்கேர் இதழில் வெளியாகியுள்ள கட்டுரை.

ஹெல்த்கேர் ஆண்டு சந்தா ரு 120/ முகவ்ரி: ஆசிரியர், ஹெல்த்கேர்,10, வையாபுரி நகர், திருநெல்வேலி டவுன்,627006

 

புத்தாண்டு 2018இல் உடல் ஆரோக்கியம் மேம்பட அர்த்தமுள்ள சில குறிப்புகள்!

ச.நாகராஜன்

1

2018ஆம் ஆண்டு பிறந்து விட்டது.போனதெல்லாம் போகட்டும், புதிதாக நல்ல பழக்க வழக்கங்களை மேற்கொள்வோம் என்று உறுதி பூணுவது இயல்பு.

 

முதலில் உடல் ஆரோக்கியத்தை மேம்படுத்தச் செய்ய வேண்டிய வழிமுறைகளை அறிந்து கொண்டு அவற்றை முழுமனதுடன் கடைப்பிடிப்போம்.

 

உடல் வலுவானால் மனம் வலுவடையும்.

மனம் வலுவடைந்தால் சிந்தனை சீரடையும்.

சிந்தனை சீரடைந்தால் சிறப்பான யோசனைகள் பிறக்கும்.

சிறப்பான யோசனைகள் பிறந்தால் சிறப்பான செயல்முறைகள் பிறக்கும்.

 

சிறப்பான செயல்முறைகள் பிறந்தால் செல்வம் கொழிக்கும்.

செல்வம் கொழித்தால் சமுதாயம் உயரும்.

சமுதாயம் உயர்ந்தால் வாழ்க்கையின் அர்த்தம் புரியும்.

ஆகவே உடல் நல மேம்பாட்டிற்கான ஆலோசனைகளைத் தெரிந்து கொண்டு அவற்றைக் கடைப்பிடிப்போம்.

 

2

காலையில் எழுந்தவுடன் நீட்சிப் பயிற்சிகளைச் (Stretching Exercises) செய்யுங்கள். அது ரத்த ஓட்டத்தைச் சீராக்கும். ஜீரணத்தை அதிகரிக்கும். முதுகு வலியைப் போக்கும்.

நிச்சயமாக நல்ல காலை உணவை உண்ணுங்கள். எந்தக் காரணம் கொண்டும் அதைத் தவிர்க்காதீர்கள். உயர்ந்த நார்ச்சத்துள்ள உணவு வகைகள், பழச்சாறு, குறைந்த கொழுப்புச் சத்து உள்ள பால் நலம்.

பல் துலக்கல் ஒரு கலை. பலருக்கும் அது சரிவரத் தெரிவதில்லை. நல்ல முறையில் பல் துலக்கி, கொப்பளியுங்கள். பென்சிலை எப்படிப் பிடிப்பீர்களோ அப்படியே தான் பிரஷைப் பிடிக்க வேண்டும். இரண்டு நிமிடமாவது பற்களைத் துலக்க வேண்டும். பல் நலனைப் பற்றிய சந்தேகம் எழுந்தால் ஒரு பல் மருத்துவரைக் கலந்தாலோசியுங்கள்.

மனம் ஆற்றல் பெற இப்போதைய நடைமுறையான ‘நியூரோபிக்ஸை’ செய்யுங்கள். இது மூளை சர்க்ட்யூட்டுகளை வலுவூட்டிப் பாதுகாக்கும்

பிரார்த்தனையை மறக்காதீர்கள். அறிவியல் ஆமோதிக்கும் ஒரு வழிமுறை தான் பிரார்த்தனை.

 

உள்ளிப்பூண்டு, வெங்காயம் முதலியவை நல்ல சத்தைக் கொண்டிருப்பதால் அதை உணவில் சேருங்கள்.

சிகரட் புகைப்பதை விட்டு விடுங்கள்.

 

 

கால்சியம் அளவு சரியாக எடுத்துக் கொள்ளப்படுகிறதா எனச் சரிபாருங்கள். முப்பது வயதிற்குப் பின்னர் எலும்பின் அடர்த்தி குறைய ஆரம்பிக்கிறது என்பதை நினைவில் கொள்ளுங்கள். 200 மில்லிகிராம் அன்றாடம் தேவை. அதுவும் மக்னீஷியத்துடன் எடுத்துக் கொள்ள வேண்டும்.

சூடான, காரமுள்ள உணவு வகைகள் எண்டார்பின்களை தூண்டி விட்டு ஒரு நல்ல உணர்வை ஏற்படுத்தும்.

 

தக்காளி ஒரு சூப்பர் ஸ்டார். கான்ஸரை எதிர்கொள்ளும் சக்தி வாய்ந்த லிகோபென்னை அது கொண்டுள்ளது. விடமின் சி உள்ளது. சமைக்கப்பட்ட தக்காளியும் அதே சத்தைக் கொண்டிருக்கும் என்பது சுவையான செய்தி. தக்காளி ஆஸ்த்மாவைக் குறைக்கும். நுரையீரல் நோய்களைப் போக்கும்.

குறைந்த இரத்த சுகர் அளவு இருக்கக் கூடாது. ஆகவே சீரான, குறைந்த அளவு உணவை எடுத்துக் கொள்ளுங்கள். மூலிகை தேநீர் நன்கு உதவும்.

 

ஒரு நாளைக்கு 90 எம்ஜி அளவு விடமின் சி தேவை. இதைப் பெற ஐந்து முறை ப்ரஷ் ஜூஸ் (Fresh Juice) சாப்பிட வேண்டும்.

விடமின் ஏ நோய் எதிர்ப்புச் சக்தியை உருவாக்கும். பால்வகை உணவுகள், மாங்காய், மிளகாய் உள்ளிட்ட போன்றவற்றில் விடமின் ஏ உள்ளது.

உடல்பயிற்சியின் போது எனர்ஜி பானங்கள் வேண்டாம். சுத்த நீரைப் பருகினால் போதும்.

 

பரபரப்பு வேண்டாம். அடிப்படை விஷயங்களில கவனம் செலுத்துங்கள். பரபரப்பை விட்டு விட்டு நிதானமாக வேலை செய்யுங்கள்.

சிரிக்க மறக்காதீர்கள். தினசரி மனம் விட்டுச் சிரிப்பது உடல் நோய்களையும் மன நோய்களையும் போக்கும்.

உலகில் இன்று டைப்2 டயபடீஸ் கொண்டுள்ளவர்கள் அதிகம். மாரடைப்பு அபாயம் இதனால் உண்டு. ஆகவே உங்கள் குளுகோஸ் அளவுகளை அவ்வப்பொழுது சரி பார்த்துக் கொள்ள மறக்காதீர்கள்.

 

டயட்டில் இருக்கிறேன் என்று சொல்லாதீர்கள். மாறாக சீரான உணவுப் பழக்கங்களை நீண்ட காலத் திட்டத்தின் அடிப்படையில் மேற்கொள்ளுங்கள்.

 

மது பானம் வேண்டாம்.

உப்பை உணவில் அதிகம் சேர்க்காதீர்கள். தினசரி நாம் சேர்க்க வேண்டிய உப்பின் அளவு 5-6கிராம் மட்டுமே.

1.5 லிட்டர் நீரை தினமும் அருந்த மறக்காதீர்கள்

இறுக்கமான உடை வேண்டாம். சாதாரணமாக உங்கள் நரையீரலின் கீழ்ப்பகுதிகளும் உதரவிதானமும் மேலும் கீழும் அசையும். இறுக்க உடை உங்கள் நுரையீரலின் மேல் பாகத்தில் மட்டுமே சுவாசிப்பதை ஏற்படுத்தும். இது தோள்களில் டென்ஷனை ஏற்படுத்தும். சுவாசிப்பதையும் கஷ்டமாக்கும்.

அதிகச் சுமையுள்ள ஹாண்ட் பேக்கைத் தோளில் சுமக்காதீர்கள.

மார்புப் பகுதியை  முன்னே வையுங்கள். தோள்களைப் பின்னே கொண்டு செல்லுங்கள். நேராக நில்லுங்கள். நன்றாக நடை பயிலக் கற்றுக் கொள்ளுங்கள். சரியான உடல் இருக்கை நிலையைக் கைக்கொள்ளுங்கள். அந்தப் பழக்கம் வாழ் நாள் முழுவதும் நீடிக்கும்.

 

இன்னும் இது போன்ற நிரூபிக்கப்பட்ட நல்ல ஆரோக்கிய மேம்பாட்டுக் குறிப்புகளைச் சேர்ப்பதைப் பழக்கமாகக் கொண்டு அதை அப்படியே அமுல் படுத்துங்கள்.

 

பிறகென்ன, ஹெல்தி, ஹாப்பி லைஃப் தான்!

ஹாப்பி 2018!

மேலும் பற்பல ஆரோக்கிய ஆண்டுகளைப் பார்க்க வாழ்த்துக்கள்!

****

 

 

 

Leave a comment
by Tamil and Vedas on January 17, 2018  •  Permalink
Posted in அறிவியல், தமி்ழ், Health
Tagged ,

Posted by Tamil and Vedas on January 17, 2018

https://tamilandvedas.com/2018/01/17/%e0%ae%86%e0%ae%b0%e0%af%8b%e0%ae%95%e0%af%8d%e0%ae%95%e0%ae%bf%e0%ae%af%e0%ae%ae%e0%af%8d-%e0%ae%ae%e0%af%87%e0%ae%ae%e0%af%8d%e0%ae%aa%e0%ae%9f-%e0%ae%85%e0%ae%b0%e0%af%8d%e0%ae%a4%e0%af%8d%e0%ae%a4/

பாரதி போற்றி ஆயிரம் – 28 (Post No.4625)

Date: 17 JANUARY 2018

 

Time uploaded in London- 6-17 am

 

Compiled  by S NAGARAJAN

 

Post No. 4625

Pictures shown here are taken from various sources such as Facebook friends, Books, Google and newspapers; thanks. Pictures may not be related to the story. They are only representational.

 

  பாடல்கள் 160 முதல் 164

 

கவிதை இயற்றியோர்: பல்வேறு கவிஞர்கள்

தொகுப்பு : ச.நாகராஜன்

கண்ணதாசன் பாடல்கள்

 பாரதியைக் கண்டேன்

 

வானவெளி வீதியிலே

     பாரதியைக் கண்டேன்

வைத்தவிழி வாங்காமல்

     வார்த்தபடி நின்றேன்

மோனவெளி வீதியிலே

     மூச்சடங்கி நின்றான்,

மூன்றுதமிழ் ஆய்ந்தகவி!

     முன்நடந்து சென்றேன்

 

கூனலிளம் வெண்ணிலவின்

     குளிர்முகத்து நடுவே

குத்துகிற மீசையையும்

     கூர்விழியும் கண்டேன்,

தேனமுதப் பாவலனின்

     சிந்தையிடை ஏதோ

தீராத துன்பநிலை

     சிந்துவதைக் கண்டேன்

 

(வேறு)

நான்:-

 

ஏடா பாரதி! என்னடா சுகமா?

    என்ன சிந்தனை? எதிலே நாட்டம்?

பாரதி:-

வாடா தம்பி! வாழ்க நீ பாண்டியா!

   வாட்ட முகத்தின் நாட்டம் கேட்டியோ?

பாடா இயற்கை பாடுதல் கேட்டுப்

   பாடிப் பாடிநான் படைத்தவை பற்பல!

வாடா மலர்களை வழங்கினேன்; எனினும்

   வாடி வாடிநான் மறைந்ததை அறிவாய்!

 

இன்று மண்டபம் எழிலுறக் கட்டுவர்

   இருபதாயிரம் பேர்கள் திரட்டுவர்

கொன்று போட்டுஎன் பிணத்தினி லேறுவர்

   கொட்டு முரசெனப் பாடல்கள் பாடுவர்

அன்று சோற்றுக் காதார வானவர்

    ஆரு மில்லை! அடாஇவர் உன்னையும்

தின்று தீர்த்தபின், தேமது ரத்தமிழ்

    செய்த வன்எனத் திருவிழாக் கூட்டுவார்!

 

இந்த மூடரின் ஏற்ற முரைத்தயான்

    ஏர்பி டித்தொரு நிலத்தை உழுதனோ?

மந்த புத்தியில் மன்னவர் நந்தமிழ்

    மாந்தர்! தம்பி! நீ இவர்களை நம்பியே

சொந்த வாழ்வினைத் துறந்தொரு காரியம்

    துளியும் செய்ய வேண்டுவ தில்லைகாண்!

எந்த நாளிலும் தமிழன் என்பவன்

    இளித்த வாயனாய் இருப்பதே புண்ணியம்!

              (நீண்ட கவிதை தொடரும்)

கவிஞர் கண்ணதாசன்: கவியரசு கண்ணதாசன் 5000க்கும் மேற்பட்ட திரைப்படப் பாடல்களையும், 5000க்கும் மேற்பட்ட இதர பாடல்களையும் புனைந்தவர். தமிழ்நாட்டில் சிறுகூடல்பட்டியில் பிறந்தார். தோற்றம்: 24-6-1927 மறைவு: 17-10-1981. இதழ் ஆசிரியர். பல காவியங்களைப் புனைந்தவர். நாவல் ஆசிரியர். பல சிறந்த நூல்களை எழுதியவர். பல விருதுகளை வென்றவர்.சிறந்த பேச்சாளர்.

 

குறிப்பு : இந்தப் பகுதிக்கு பாரதி பற்றி எழுதப்பட்ட பாடல்களை ஸ்கேன் செய்தோ, போட்டோ எடுத்தோ அனுப்பி உதவலாம். கவிஞரின் பெயர், அவரைப் பற்றிய 50 வார்த்தைகளுக்கு மிகாமல் உள்ள குறிப்பு, பாடல் வெளியிடப்பட்ட இதழ் அல்லது நூல் பற்றிய குறிப்பு ஆகியவற்றையும் அனுப்ப வேண்டுகிறோம். 

***

 

 

Leave a comment
by Tamil and Vedas on January 17, 2018  •  Permalink
Posted in கம்பனும் பாரதியும்
Tagged

Posted by Tamil and Vedas on January 17, 2018

https://tamilandvedas.com/2018/01/17/%e0%ae%aa%e0%ae%be%e0%ae%b0%e0%ae%a4%e0%ae%bf-%e0%ae%aa%e0%af%8b%e0%ae%b1%e0%af%8d%e0%ae%b1%e0%ae%bf-%e0%ae%86%e0%ae%af%e0%ae%bf%e0%ae%b0%e0%ae%ae%e0%af%8d-28-post-no-4625/

WOMAN AND YOGI- CHANAKYA (Post No.4624)

Written by London Swaminathan 

 

Date: 16 JANUARY 2018

 

Time uploaded in London  8-50 am

 

 

 

Post No. 4624

Pictures shown here are taken from various sources such as Facebook friends, Books, Google and newspapers; thanks.

 

 

 

WARNING: PLEASE SHARE MY ARTICLES; BUT DON’T SHARE IT WITHOUT AUTHOR’S NAME AND THE BLOG NAME. BE HONEST; OTHERS WILL BE HONEST WITH YOU.

 

 

The same object appears in three different forms as it is viewed. The female body appears corpse to Yogins (saints), a charming figure to the love-stricken and just flesh to dogs- says Chanakya in his Niti sastra.

 

eka eva padaarthastu tridhaa bhavati diikshitah

kunapaha kaaminii maamsam yoogibhih kaamibhihsvabhih

–chanakya niti, chapter 14, sloka 16

 

 

My comments

Chankaya has explained it beautifully well; let us explore it further.

 

If a young and beautiful lady sits with her brother, he gets some affectionate thoughts. Oh, how lucky I am to get such a lovely girl as my sister; she should be married in a good family and live happily.

 

If a youth sits with her or nearby her in the bus, he gets amorous feelings; Oh, how much happy I would be if I get this girl as my wife.

 

If a very little baby sits next to her, it even hugs that girl as if it hugs its own mother; it gets the feeling of bond between a mother and a baby- the supreme form of love; each expecting nothing from the other except love and protection.

 

Now where is pleasure coming from? is it from the beautiful skin of that youthful young girl? or is it from the mind of the person sitting next to that beautiful girl?

 

Saints say that the flesh of a person or the skin of a person is not the source of permanent pleasure. If it is the source of permanent pleasure it should do that with the brother, youth, child, saint and others for ever. It is not permanent. So the saints say, “ when I can show you that which gives you permanent pleasure, bliss, Ananda to everyone, why do you still go to other sources?”

 

Chanakya said it in two lines; saints give long lectures to illustrate this point.

 

Saints give another example as well; a dog chews the bone of another animal and the sharp ends of the bone pricks dog’s mouth and makes the blood to ooze out; the dog finds it very tasty and thinks that the blood comes from the bone and bites it more vigorously. Is it a wise dog or a foolish one?

 

But saints never advise all to become saints in the first place. They say, Go and Enjoy temporary pleasure in the family life, but remember and realise that it is not permanent!

 

–Subham–

Leave a comment
by Tamil and Vedas on January 16, 2018  •  Permalink
Posted in Religion, Science & Religion, science and religion, woman, Women
Tagged ,

Posted by Tamil and Vedas on January 16, 2018

https://tamilandvedas.com/2018/01/16/woman-and-yogi-chanakya-post-no-4624/

சுவத்துக் கீரையை வழித்துப் போடடி……… பழமொழிக் கதை (Post No.4623)

Written by London Swaminathan 

 

Date: 16 JANUARY 2018

 

Time uploaded in London  7-54 am

 

 

 

Post No. 4623

Pictures shown here are taken from various sources such as Facebook friends, Books, Google and newspapers; thanks.

 

 

 

WARNING: PLEASE SHARE MY ARTICLES; BUT DON’T SHARE IT WITHOUT AUTHOR’S NAME AND THE BLOG NAME. BE HONEST; OTHERS WILL BE HONEST WITH YOU.

 

 

சுவத்துக் கீரையை வழித்துப் போடடி, சுரணை கெட்ட வெள்ளாட்டி – தமிழ்ப் பழமொழிக் கதை

 

((இதை ஷேர் SHARE செய்யலாம்; ஆனால் எழுதியவர் பெயரையோ, பிளாக் BLOG பெயரையோ நீக்கக் கூடாது; அப்படி நீக்கினால் நீங்கள் தமிழை அழித்த பாவத்துக்கு உள்ளாவீர்கள்))

 

1886 ஆம் ஆண்டு நடேச சாஸ்திரி என்னும் பெரியார் திராவிட பூர்வ காலக் கதைகள் என்ற புத்தகத்தில் 49 கதைகளை அக்காலத் தமிழில், அக்கால வழக்கப்படி ஜாதி, மதப் பெயர்களுடன், தான் கேட்டவாறு வெளியிட்டுள்ளார். அதிலிருந்து ஒரு பழமொழிக்கதையை புதுத் தமிழில் புதுக்கி வரைவேன்.

 

இதை ‘மூன்று செவிடன் கதை’ என்றும் வழங்குவர்.

 

ஒரு ஊரில் ஒரு மஹா செவிடன் இருந்தான். அவன் மனைவி, அவனைவிடச் செவிடு; அணுகுண்டு வெடித்தாலும் காதில் விழாது! இவர்கள் வீட்டில் ஒரு வழக்கம் உண்டு; திங்கள் என்றால் கீரை மசியல், செவ்வாய் என்றால் வாழைக்காய் கறி, புதன் என்றால் கத்தரிக்காய் பொடித்துவல், வியாழன் என்றால் பூசணிக்காய் கூட்டு … என்று. இருவருக்கும் அவ்வளவு ஞாபக சக்தி. நாள் தவறாமல் அதற்குரிய கறி, கூட்டு!

 

ஒரு நாள் நமது செவிட்டுக் கதா நாயகன் சாப்பிட அமர்ந்தான். அன்றும் கீரை மசியல்; அதற்கு முதல் நாளும் கீரை மசியல்! சூரியன் கிழக்கே உதிக்கத் தவறினாலும் சமையல் ‘மெனு’ MENU மாறாத வீட்டில் பூகம்பம்! வந்ததே கோபம்; ஏனடி! இன்றும் கீரை மசியல்? உனக்கு ஸ்மரணை தப்பிவிட்டதா? என்று பல சுடு சொற்களைப் பெய்து

வசை மாரி பொழிந்தனன்; அவளும் கணவன் சொற்களைக் குறிப்பாலும், உதட்டசைவாலும் ஊகித்து விளக்கம் கொடுத்தாள்; அடி அசடே! என்னை எதிர்த்துவேறு பேசக் கற்றுக் கொண்டு விட்டாயா என்று மேலும் சீறினான். வீட்டை வீட்டு வெளியேறினன்; அப்படிச் செல்லும் முன், நமது கதாநாயகன் இலையில் பரிமாறப்பட்ட கீரையை எடுத்து சுவரில் எறிந்தனன்.

முதல் காட்சி முடிந்தது;

இரண்டாவது காட்சி எங்கு தெரியுமா? ஊர் மன்றத்தில்! அவன் கோபக் கனலோடு ஒரு ஆல மரத்தடியில் உட்காந்தனன்; அங்கே இவ்விருவரையும் விட மஹா மஹா செவிடு ஒன்று வந்தது; வாலறுந்த ஒர் கன்றுக் குட்டியுடன் வந்த அந்த இடையன், “ஐயா, என் மாடு தொலைந்துவிட்டது;கன்று மட்டும்தான் இருக்கிறது; இதைப் பார்த்துக்கொள்ளுங்கள். மாட்டைப் போய்த் தேடிக் கண்டு பிடிக்கிறேன்” என்று செப்பினன். அவன் நுவன்றது நமது கதாநாயகனுக்கு வேறு எண்ணத்தை உண்டாக்கியது; காதில் விழாததால் வந்த குறை அது. கன்றுக் குட்டியின் வாலை அறுத்து விட்டதாகக் குற்றஞ்சாட்டி, காம்பன்சேஷன் COMPENSATION (நஷ்ட ஈடு) கேட்கிறான் என்று அவன் நினைத்தான். ஆகவே அவன் சொன்னான்:

சீ, சீ; எனக்கும் இந்தக் கன்னுக்குட்டிக்கும் சம்பந்தமே இல்லை; நான் எப்படி வாலை அறுக்க முடியும்? என்று அவன்

 

அவன் கைகளை ஆட்டி வாதாடியதை இடையன் செவிடன் தவறாகப் புரிந்தனன்; ஓஹோ மாடு இந்தப் பக்கம் போனதாகச் சொல்கிறாயா: நான் மட்டும் மாட்டைக் கண்டுபிடித்தால் உனக்கு இந்தக் கன்றுக் குட்டியையே பரிசாக அளிப்பேன் என்று சொல்லிவிட்டுப் புறப்பட்டனன். நமது கதா நாயகனோ பயந்து உளறத் துவங்கினன்; ஐயஹோ! ஊர்ப் பஞ்சாயத்துத் தலவரை அழைத்து பஞ்சயத்துச் செய்யப் போகிறாயா? Please! ப்ளீஸ் வேண்டாம் என்று கெஞ்சினான்.

 

இதை எல்லாம் ஒரு மஹா போக்கிரி பார்த்துக் கொண்டே இருந்தான். அவனுக்கு விஷயம் புரிந்து விட்டது; இரண்டும் செவிடு; ஒன்று சொல்லுவது மற்றொன்றுக்கு விளங்காமல் பயந்து நடுங்குகிறது. நாம் இதில் நல்ல ஆதாயம் அடையலாம் என்று நினைத்து. இரண்டு பேரிடமும் போய் ஒருவனைத் தனியாக அழித்துச் சென்று உரத்த குரலில் டமாரம் அடித்தான்.

 

இதோ பார்! நீ கன்றுக் குட்டியின் வாலை அறுத்ததாகக் குற்றஞ்சாட்டி ஊர்ப் பஞ்சாயத்தைக் கூட்ட அந்த மாடு மேய்க்கும் இடையன் முயல்கிறான்; நீ ஓடி விடு; நான் அவனை சமாளிப்பேன் என்றான்.

 

அடுத்தபடியாக அந்த இடையனிடம் சென்று, நீ கவலைப் படாதே; முதலில் போய் மாட்டைத் தேடிக் கண்டுபிடி; அவன் கன்று போதாது; கூடுதல் பணமும் வேண்டும் என்கிறான். நீ போய்த் திரும்பி வருவதற்குள் நான் அவனை சமாதானம் செய்து வைக்கிறேன் என்று சொல்லி அவனையும் ஒட்டினான்.

 

இருவரையும் வெவ்வேறு திசையில் ஓட்டிய பின்னர் அந்தக் கன்றுக்குட்டியுடன் கம்பி நீட்டினான்.

காட்சி மூன்று:

 

அவன் விட்டிற்குத் திரும்பி வருவதற்குள் அவன் மனைவி சுவற்றில் வழிந்த கீரையை எல்லாம் சுத்தப் படுத்திவிட்டு, மிகுந்த உணவைச் சாப்பிட்டு விட்டு, சட்டி முதலிய பாத்திரங்களை அலம்பிவிட்டு, “என் பிராண நாதா! எங்கே போனீர்? நாளை முதல் நாள்தோறும் MENU ‘மெனு’வை மாற்றாமல் சமைப்பேன்; இது ஸத்யம்” என்று புலம்பிக் கொண்டிருந்தாள். பசியுடன் வீடு திரும்பிய கதா நாயகன் சாப்பிடும் பலகையில் அமர்ந்து சாப்பாடு போடு என்றனன்; இவளதைக் குறிப்பால் உணர்ந்து ஜாடையாகச் சொன்னாள் –எல்லாம் காலி என்று; அலம்பிவைத்த பாத்திரங்களையும் கவிழ்த்துக் காட்டினள்;

 

அவன் சொன்னான்,

அது கிடக்கட்டும் ஒரு புறம்; சுவற்றுக் கீரையை வழித்துப் போடடி என் சுரணை கெட்ட வெளாட்டி என்று.

 

இடதுதான் இப்பழமொழி உருவான மூன்று செவிடன் கதை!

 

தமிழில் 20, 000 பழமொழிகள் உள. இவற்றின் பின்னால் உள்ள பல கதைகளைப் பல்வேறு பழைய– நூறாண்டுக்கும் முந்தைய—- நூல்களில் இருந்து நுவன்றேன்; மேலும் பல விளம்புவேன்

-சுபம், சுபம்—

 

TAGS:  சுவற்றுக், சுவத்து, கீரை, வெள்ளாட்டி, பழமொழிக் கதை, மூன்று செவிடன்

Leave a comment
by Tamil and Vedas on January 16, 2018  •  Permalink
Posted in தமிழ், தமிழ் பண்பாடு, தமி்ழ்
Tagged , , , , ,

Posted by Tamil and Vedas on January 16, 2018

https://tamilandvedas.com/2018/01/16/%e0%ae%9a%e0%af%81%e0%ae%b5%e0%ae%a4%e0%af%8d%e0%ae%a4%e0%af%81%e0%ae%95%e0%af%8d-%e0%ae%95%e0%af%80%e0%ae%b0%e0%af%88%e0%ae%af%e0%af%88-%e0%ae%b5%e0%ae%b4%e0%ae%bf%e0%ae%a4%e0%af%8d%e0%ae%a4%e0%af%81/

கண்ணதாசனின் நல்- எண்ணதாசன் நான்! (Post No.4622)

Date: 16 JANUARY 2018

 

Time uploaded in London- 5–59 am

 

Written  by S NAGARAJAN

 

Post No. 4622

Pictures shown here are taken from various sources such as Facebook friends, Books, Google and newspapers; thanks. Pictures may not be related to the story. They are only representational.

 

 

இணையிலா இந்து மதம்!

கண்ணதாசனின் நல்- எண்ணதாசன் நான்!

 

ச.நாகராஜன்

 

1

சென்ற நூற்றாண்டின் பெருமை தரும் கவிஞர்களுள் ஒருவர் கண்ணதாசன்.

 

அவருடைய நல்லெண்ணதாசன் நான்.

நல் – எண்ணதாசன் நான்!

 

அவர் வாழ்க்கையில் அனைத்தையும் கண்டவர்.

கடவுள் இல்லை என்ற கயவர் கழகத்திலும் இருந்தார்.

கடவுள் அனுபவத்தைத் தானே நேரிலும் உணர்ந்தார்.

இதை நான் சொல்லவில்லை.

 

அவரே சொல்கிறார் இப்படி ‘சுய சரிதம்’ என்னும் கவிதையில்!

இந்தக் குட்டிச் சுய சரிதம் ஏழு கண்ணிகள் கொண்டது.

கண்ணதாசனின் நல்லெண்ணதாசர்கள் அனைவரும் படிக்க வேண்டிய ஒன்று:

 

இதோ கவிதை:

ஆசை வெட்கம் அச்சம் துன்பம்

பாசம் பற்று பதவி உதவிக்

காதல் கடமை கவனம் மறதி

ஈதல் பெறுதல் ஏற்றம் இறக்கம்

எத்தனை எத்தனை படிகளில் ஏறி

இத்தனை வயதை எய்தி விட்டேன் நான்.

 

இது முதல் கண்ணி. இதை அவர் 1978இல் கல்கியில் ‘கண்ணதாசன் பக்கத்’தில் ஒரு வாரம் எழுதினார். அப்போது அவருக்கு வயது 48 தான்!

 

 

மேலே பார்ப்போம்:

கடவுளை ஒருநால் கல்லென் றவனும்

கல்லை ஒரு நாள் கடவுளென் றவனும்

உண்டென் றதனை இல்லையென் றவனும்

இல்லையென் றதனை உண்டென் றவனும்

உயர்பெரும் தரணியில் ஒருவன் ஒருவனே

நானே என்பதை நன்றாய் அறிவேன்.

 

 

எப்படிப்பட்ட ஒரு சுய விமரிசனம் பாருங்கள்.

சத்திய விமரிசனம்! சத்திய சோதனையில் விளைந்ததோ!

 

அவர் பட்ட இன்ப துன்பங்களைப் பற்றிச் சொல்கிறார் மூன்றாவது கண்ணியில், இப்படி:

 

ஆற்றிலும் குளித்தேன் சேற்றிலும் குளித்தேன்

காற்றில் பறந்தேன் கல்லிலும் நடந்தேன்

ஊற்றுப் புனலில் ஒளியினைக் கண்டேன்

மாற்றுப் பொன்னிலும் மாசினைப் பார்த்தேன்.

பார்த்தது கோடி பட்டது கோடி

சேர்த்தது என்ன? சிறந்த அனுபவம்!

 

இந்த அனுபவம் உதிர்த்த மொழிகள் ஆயிரம். அவை நல்லெண்ணத்தில் தோன்றியவை.

அதனால் தான் அந்த நல்லெண்ணதாசன் ஆகி விட்டேன் நான்!

 

கடைசிக் கண்ணியில் அவர் கூறுகிறார்:

காலம் வருமுன் காலனும் வருமுன்

காணும் உறவினர் கதறியே அழுமுன்

ஆலம் விழுதாய் ஆயிரம் விழுதுகள்

எழுதி எழுதி என்னையான் ரசிப்பேன்

யானே யானாய் எனக்குள் அடங்கினேன்

வானும் மண்ணும்என் வாழ்வைஎன் செய்யும்?

 

 

ஆலம் விழுதாய் ஆயிரம் விழுதுகள் எழுதி எழுதிக் குவித்தார் இல்லையா! அவை அற்புதமானவை. அதனால் தான் அவரது நல்லெண்ணதாசன் நான்.

அவரது நல் எண்ணங்களைப் பரப்பும் தாசர்கள் கோடி கோடியாகப் பெருக வேண்டும்!]

2

அவரது அற்புதமான எழுத்துக்களில் அவர் ‘ நான் ஏன் ஒரு ஹிந்து’ என்பதை விளக்குகிறார்.

அது அனைத்து ஹிந்து மக்களும் படிக்க வேண்டிய ஒன்று.

அதை அப்படியே தருகிறேன்.

அதைப் படிக்கும் போது நீங்களும் கண்ணதாசனின் நல்லெண்ணதாசன் ஆகி விடுவீர்கள் – இதுவரை ஆகாமல் இருந்தால்.

கீழே இருப்பது அவரது சொற்கள்!

 

 

3

நான் ஒரு ஹிந்து

கவிஞர் கண்ணதாசன்

நான் ஒரு ஹிந்து.

 

ஹிந்து என்பதில் நான் பெருமைப்படுகிறேன்.

 

நான் எல்லா மதத்தினரையும் மனமார நேசிக்கிறேன். ஆனால் ஹிந்துவாகவே வாழ விரும்புகிறேன்.

 

 

நான் கடவுளை நம்புகிறேன். அவனைக் காட்டியவனைப் போற்றுகிறேன். அந்தக் கடவுளைக் கல்லிலும் கருத்திலும் கண்டு வணங்குகிறேன்.

 

ஆன்மா இறைவனோடு ஒன்றி விடும் போது அமைதி ஹிருதயத்தை ஆட்சி செய்கிறது.

 

நாணயம் சத்தியம், தர்மம் இவற்றின் மீது நம்பிக்கை பிறக்கிறது.

 

நேரான வாழ்க்கையை ஹிருதயம் அவாவுகிறது.

 

பாவங்களைக் கண்டு அஞ்சுகிறது.

 

குறிப்பாக, ஒரு ஹிந்துவுக்குத் தன் அமைப்பின் மூலம் கிடைக்கும் நிம்மதி வேறு யாருக்கும் கிடைப்பதில்லை.

 

கடைசி நாத்திகனையும் அது ஆத்திகன் என்றே அரவணைத்துக் கொள்கிறது.

 

 

‘என்னைத் திட்டுகிறவன் தான் அடிக்கடி என்னை நினைத்துக் கொள்கிறான். எனவே அவன் தான் முதல் பக்தன்” என்பது இறைவனின் வாக்கு.

 

ஹிந்து மதத்தைப் போல் சகிப்புத் தன்மை வாய்ந்த மதம் உலகில் வேறு எங்கும் இல்லை.

நீ பிள்ளையாரை உடைக்கலாம். பெருமாள் நாமத்தை அழிக்கலாம்.மதச் சின்னங்களைக் கேலி செய்யலாம். எதை செய்தாலும் ஹிந்து சகித்துக் கொள்ளுகிறான்.

 

 

ஏதோ பரம்பரையாகவே பகுத்தறிவாளனாகப் பிறப்பது போல் எண்ணி கொண்டு பாத்திரத்தை நிரப்புவதற்காகவே சாத்திரத்தைக் கேலி செய்யும் பகுத்தறிவுத் தந்தைகள் இஸ்லாத்தின் மீதோ, கிறிஸ்தவத்தின் மீதோ கை வைக்கட்டும் பார்க்கலாம்?

 

கடந்த நாற்பது வருடங்களில் ஒரு நாளாவது அதற்கான துணிவு ஏற்பட்டதாகத் தெரியவில்லையே!

 

பாவப்பட்ட ஹிந்து மதத்தை மட்டுமே தாக்கித் தாக்கி அதை நம்புகிற அப்பாவிகளிடம் ரேட்டு வாங்கிச் சொத்து சேர்க்கும் ‘பெரிய’ மனிதர்களைத் தான் நான் பார்த்திருக்கிறேன்.

 

அவர்கள் பேசும் நாத்திக வாதம் அவர்கள் ‘குடும்பம் நடத்தும் வியாபாரம்’ என்பதை அறியாமல் வாழ்க்கையையே இழந்து நிற்கும் பல பேரை நான் அறிவேன்.

 

பருவ காலத்தில் சருமத்தின் அழகு மினுமினுப்பதைப் போல, ஆரம்ப காலத்தில் இந்த நாத்திக வாதம் மிகவும் கவர்ச்சிகரமாகவே இருந்தது.

 

 

நடிகையின் ‘மேக்-அப்பை’க் கண்டு ஏமாறுகிற சராசரி மனிதனைப் போல், அன்று இந்த வார்த்தை கேட்டு ஏமாந்தவர்களில் நானும் ஒருவன்.

 

அந்தக் கவர்ச்சி எனக்குக் குறுகிய காலக் கவர்ச்சியாகவே இருந்தது இறைவனின் கருணையே.

 

என்னை அடிமை கொண்ட கண்ணனும் ராமனும் இன்று சந்திர மண்டலத்துக்குப் பயணம் போகும் அமெரிக்காவையே அடிமை கொண்டு, ஆன்மீக வெறியில் திளைக்க வைத்திருக்கிறார்கள்.

 

 

அமெரிக்காவை விடவா ஈரோடு பகுத்தறிவில் முன்னேறி விட்டது!

 

வேண்டுமானால் ‘பணத்தறிவில்’ முன்னேறி விட்டது என்று சொல்லலாம்.

 

உலகத்தில் நாத்திகம் பேசியவன் தோற்றதாக வரலாறு உண்டே தவிர வென்றதாக இல்லை.

 

இதை உலகமெங்கும் இறைவன் நிரூபித்துக் கொண்டிருக்கிறான்.

 

இந்த நாலரைக் கோடி மக்களில் நீங்கள் சலித்து எடுத்தாலும் நாலாயிரம் நாத்திகர்களைக் கூடக் காண முடியாது.

 

 

பழைய நாத்திகர்களை எல்லாம் நான் பழனியிலும் திருப்பதியிலும் சந்தித்துக் கொண்டிருக்கிறேன்.

சித்தம் பொய் சொன்னாலும் வேதம் பொய் சொல்வதில்லை. சித்தாந்தம் தவறக்கூடும்; வேதாந்தம் தவறாது.

 

வேதாந்தம் பரசுராமர் காலத்திலும் ஒன்று தான், ஆதி சங்கரர் காலத்திலும் ஒன்று தான், நமது காலத்திலும் ஒன்று தான்.

 

நமது மூதாதையர்கள் மாபெரும் மேதைகள். தெய்வ நம்பிக்கையின் மீதே சகல நியாயங்களையும் நிர்மாணம் செய்தார்கள்.

 

 

மனிதர்களின் எழுத்துக்களும் கருத்துக்களும் தோற்றுப் போன இடத்தில் தெய்வ நியாயமே தீபம் போல் எரிகிறது.

 

வெள்ளைக்காரனை நாம் விரட்டியது பாதி தூரம் தான். மீதி தூரம் அவனை விரட்டியது தெய்வமே.

 

அன்று பாரதப் போரை முன்னின்று நடத்திய கண்ணன், நமது பாரதப் போரையும் மறைந்து நின்று நடத்தினான்.

 

 

தேர்தல் வைப்பதும் வைக்காததும் ஒருவர் கையிலேயே இருந்த போது அவர் தேர்தலை நடத்துவானேன்? தோற்றும் போய் ஒதுங்குவானேன்?

 

மனிதன் வெளியில் நின்று விளையாடுகிறான். தெய்வம் மறைந்து நின்று விளையாடுகிறது! தெய்வத்தை நம்புகிறவன் தோற்றாலும் ஜெயிக்கிறான். நம்பாதவன் ஜெயித்தாலும் தோற்கிறான்.

 

 

இயக்கத்தின் கர்த்தா இறைவன். கருவி மனிதன்.

 

என் வீடு, என் வாசல், என் தோட்டம், எனக்கு வரும் கூட்டம், எனக்கு வரும் ஓட்டு, நான் அமரும் பதவி என்றெல்லாம் சிந்திப்பவனும் பேசுபவனும் மடையர்கள்!

 

நீ ஏறுகிறாய் என்றால் ‘இறைவன் ஏற்றி விட்டுப் பார்க்கிறான்’ என்று பொருள். இறங்குகிறாய் என்றால் ‘சிந்திக்க வைக்கிறான்’ என்று பொருள்.

 

உனது பெருமை கடவுளின் மகிமை. உனது சிறுமை கடவுள் உனக்குத் தரும் அடக்கம்.

 

 

நோக்கம் உன்னுடையது. ஆக்கம் அவனுடையது.

 

பகவான் சொன்னபடி, ‘மனிதன் மரத்திலிருந்து விழும் இலை. அது தண்ணீரில் விழுந்தால் கொஞ்ச நாட்கள் மிதக்கும். மாலையில் கட்டப்பட்டால் சாமியின் கழுத்துக்குப் போகும். அதிலும் சிக்காமல் இருந்தால் காற்றடிக்கும் திசையெல்லாம் அலையும். நெருப்பில் விழுந்தால் சாம்பலாகும்.’

 

‘எதிலே விழுவது’ என்பது இலையின் விருப்பத்தைப் பொறுத்ததல்ல.

 

 

ராதையின் கற்புக்குக் கண்ணனே சாட்சி. சீதையின் கற்புக்கு அக்கினியே சாட்சி. மானிட ஜாதி முழுமைக்கும் இறைவனே சாட்சி. சாட்சி இல்லாதவன் வழக்கு வெற்றி பெற்றதாக வரலாறே இல்லை

4

படித்து முடித்து விட்டீர்களா?

இந்த நல்- எண்ணங்களுக்கு கர்த்தா கண்ணதாசன். கண்ணதாசனின் நல்லெண்ண தாசன் நான்.

நீங்களும் தான் என்பது எனக்குப் புரிகிறது.

அடுத்த கட்டுரை: கண்ணதாசனின் சம்ஸ்கிருதக் கவிதை!

விரைவில் மலரும்.

 

***

 

Leave a comment
by Tamil and Vedas on January 16, 2018  •  Permalink
Posted in தமிழ், தமிழ் பண்பாடு, தமி்ழ்
Tagged ,

Posted by Tamil and Vedas on January 16, 2018

https://tamilandvedas.com/2018/01/16/%e0%ae%95%e0%ae%a3%e0%af%8d%e0%ae%a3%e0%ae%a4%e0%ae%be%e0%ae%9a%e0%ae%a9%e0%ae%bf%e0%ae%a9%e0%af%8d-%e0%ae%a8%e0%ae%b2%e0%af%8d-%e0%ae%8e%e0%ae%a3%e0%af%8d%e0%ae%a3%e0%ae%a4%e0%ae%be%e0%ae%9a/

பாரதி போற்றி ஆயிரம் – 27 (Post No.4621)

Date: 16 JANUARY 2018

 

Time uploaded in London- 5-45 am

 

Compiled  by S NAGARAJAN

 

Post No. 4621

Pictures shown here are taken from various sources such as Facebook friends, Books, Google and newspapers; thanks. Pictures may not be related to the story. They are only representational.

 

  பாடல்கள் 157 முதல் 159

 

கவிதை இயற்றியோர்: பல்வேறு கவிஞர்கள்

தொகுப்பு : ச.நாகராஜன்

பாரதிதாசன் பாடல்கள்

 சமத்துவ உள்ளம்

 

யானும் கோசும் பேசியிருந்தோம்

என்றார் பாரதியார் என்னிடத்தில்

வெளியிற் சென்று வீடு வந்தவர்

மேலுடை கழற்றவும் இல்லை, மேலும்

ஐயர் கண்களில் அழகு குறைந்ததால்

 

அங்கு நடந்ததைக் கேட்டேன் ஐயரை,

எல்லாரும் சமமா இல்லையா என்றார்

என்ன நடந்த தென்றேன். ஐயர்

ஒன்றுமில்லை உட்கார் என்றார்

உட்கார்ந்திட்டோம் ஐயரும் நானும்

யானும் கோசும் பேசியிருக்கையில்

எவனோ கோசின் காலில் விழுந்தான்,

 

“நீரும் இவ்விதம் ஊரார் வணங்கச்

சீரும் சிறப்பும் தேடலாமே”

என்று சொன்னார் கோசு என்னிடத்தில்

மரியாதை எனல் உண்டு

பெரியார் சிறியார் இல்லை என்றாரே!

 

***

குறிப்பு : இங்கு கவிஞர் பாரதிதாசன் கோசு என்று குறிப்பிடுவது அரவிந்த கோஷ் என்ற பெயருடைய மஹரிஷி அரவிந்தரை!

 

கவிஞரைப் பற்றிய குறிப்பு ஏற்கனவே வெளியாகியுள்ளது.

 

குறிப்பு : இந்தப் பகுதிக்கு பாரதி பற்றி எழுதப்பட்ட பாடல்களை ஸ்கேன் செய்தோ, போட்டோ எடுத்தோ அனுப்பி உதவலாம். கவிஞரின் பெயர், அவரைப் பற்றிய 50 வார்த்தைகளுக்கு மிகாமல் உள்ள குறிப்பு, பாடல் வெளியிடப்பட்ட இதழ் அல்லது நூல் பற்றிய குறிப்பு ஆகியவற்றையும் அனுப்ப வேண்டுகிறோம். 

***

 

 

Leave a comment
by Tamil and Vedas on January 16, 2018  •  Permalink
Posted in கம்பனும் பாரதியும்
Tagged

Posted by Tamil and Vedas on January 16, 2018

https://tamilandvedas.com/2018/01/16/%e0%ae%aa%e0%ae%be%e0%ae%b0%e0%ae%a4%e0%ae%bf-%e0%ae%aa%e0%af%8b%e0%ae%b1%e0%af%8d%e0%ae%b1%e0%ae%bf-%e0%ae%86%e0%ae%af%e0%ae%bf%e0%ae%b0%e0%ae%ae%e0%af%8d-27-post-no-4621/

« Older Posts
Newer Posts »