லபிஸ் லசூலி Lapis lazuli நீலக்கல் (Wikipedia)

Written by London swaminathan

Date: 22 FEBRUARY 2017

Time uploaded in London:- 16-59

Post No. 3660

Pictures are taken from various sources; thanks.

contact; swami_48@yahoo.com

எகிப்தில் இந்தியாவின் தாக்கம், துவக்க காலத்திலிருந்தே இருந்து வந்துள்ளது. இதற்கு மறுக்க முடியாத ஆதாரமாக விளங்குவது நீலப் பாறை (லபிஸ் லசூலி) ஆகும். எகிப்தியர்களுக்கு மிகவும் பிடித்தது நீலம். தங்கள் நாட்டின் நதிக்கே நீலம் என்ற சம்ஸ்கிருதப் பெயரைச் சூட்டி மகிழ்ந்தனர். நீல ( niila= Nile) என்பதை ஆங்கிலத்தில் எழுதி அதை நைல் என்று திரித்துவிட்டனர். ஆயினும் முழுப் பூசனிக்காயை சோற்றில் மறைக்க முடியுமா? இன்றும் ஆங்கிலத்திலும் ப்ளூ நைல்(BLUE NILE) நதி என்றே சொல்லுவர்.

நீலம் என்ற விலைமதிப்புமிக்க Sapphire-க்கு அடுத்த படியாக உபயோகத்தில் உள்ளது லபிஸ் லசூலி (LAPIS LAZULI) எனப்படும் நீலப் பாறை ஆகும். இதை பவளம் போல வெழுமூன வழு வழு என்று பாலிஷ் செய்தால் சலவைக்கல் போல வழுவழுப்பாகிவிடும்.

எகிப்தியர்களுக்கு இந்தக் கல் மீது ஒரு அலாதிப் பிரியம்; இதை பாரதத்திலிருந்து இறக்குமதி செய்து, மன்னர் கிரீடம் முதல் பொம்மைகள் வரை எல்லாவற்றுக்கும் பயன்படுத்தினர். இதை சிந்து வெளி மக்களும் பயன் படுத்தியதை எனது ஆராய்சிகட்டுரையில் ஏற்கனவே எழுதியுள்ளேன்.

இந்தக் கல் கிடைக்கும் இடங்கள் இப்பொழுது ஆப்கனிஸ்தான் நாட்டிலும் பாகிஸ்தான் நாட்டிலும் உள்ளன. ஆனால் 5000 ஆண்டுகளுக்கு முன்னர் எகிப்தியர் இதைப் பெற்றபோது இவ்விரு இடங்களும் அப்போது உலகிலேயே பெரிய நாடான பாரதத்துக்குள் இருந்தன. சந்திரகுப்த மௌர்யன் ஆட்சிக் காலத்தில்கூட — 2400 ஆண்டுகளுக்குமுன் – இவை பாரதப் பேராசின் ஒரு பகுதியே!

லபிஸ் லசூலி (Lapis lazuli)  கிடைக்கும் இடங்கள்:

படக்க்ஷான் (Badkshan) – ஆப்கனிஸ்தான்

குவெட்டா (Quetta) – பாகிஸ்தான்

எகிப்து நாடு,  இவ்விரு இடங்களிலிருந்து தொலைவில் இருந்தாலும், இந்திய வணிகர்கள் இதை ஈரான் வழியாக கொண்டு சென்றனர்.

எகிப்திய மன்னர்கள் தங்கள் பெயரை எழுத சதுரக் கட்டதைப் ( SEREKH) பயன்படுத்தினர். இதை செரிக் என்பர். இது சார்க்க (Saarka) என்ற சம்ஸ்கிருதச் சொல்லின் திரிபாக இருக்கலாம். “சூரியன் தொடர்புடைய” (Sa+ Arka) என்று பொருள்; மன்னர் தன்னை ஹோரஸ் (சோரஸ்= சூர்ய= சோலார்; Horus=Sorus=Solar= Suurya) என்ற சூரியக் கடவுளின் பிரதிநிதியாகக் கருதினார். மேலும் இது தென்மேற்கு ஆசியாவில் (South West Asia) உருவானதாக எகிப்தியவியலாளர் (Egyptologists)  கூறுவர்.

இந்துக்கள்தான் வட்டம், சதுரம் போன்ற வடிவங்களை வைத்து சொற்களை உருவாக்கினர் பூஜ்ய (வட்டம்) என்றால் புனிதத்துக்குரிய என்று பொருள். சதுரம் என்றால் புத்திசாலி என்று பொருள்; யார்கொலோ சதுரர்? என்று மாணிக்கவாசகர் சிவபெருமானைக் கிண்டல் செய்கிறார். சதுரா என்று கடவுளை பஜனைப் பாடல்களில் புகழ்வர். சதுரத்திலிருந்து உருவான சாதுர்யம், சாதுர்யமான என்ற சொற்களை நாம் இன்றும் பயன்படுத்துகிறோம். எவ்வகையில் பார்த்தாலும் இது இந்துக்கள் உருவாக்கியதே.

Goddess Hathor (Hindu name Savitr)

மேலும் தென்மேற்கு ஆசிய கட்டிடக்கலை அம்சங்களும் எகிப்தில் காணப்படுகின்றன. பிரமிடுகள் கட்டுவதற்கு முன் மஸ்தபா (Mastaba)  என்பப்படும் செங்கல் சமாதிகளி ல்தான் எல்லோரையும் புதைத்தனர். இவை கி.மு.3500 முதல் சுமேரியாவில் (Mesopotamia)  காணப்படுகின்றன. பின்னர்தான் கருங்கல் கட்டிட பிரமிடுகள் தோன்றின.

தெற்கே உதித்த நாகரீகம்

எகிப்திய நாகரீகம் மேல் எகிப்து எனப்படும் தெற்கு எகிப்தில் தோன்றியது. பின்னர்தான் நைல் நதி சங்கமம் ஆகும் கடற்பகுதிவரை — வட பகுதி வரை பரவியது. இதை கீழ் எகிப்து என்பர். தெற்கில் முதல் முதலில் எல்-படாரி el-Badari, எல்-அம்ரா el-Amra, நகாதா Naqada என்ற மூன்று விதமான தோற்றுவாய்களைக் காணலாம். எப்போதாவது எகிப்துக்கு ஆபத்து வந்தாலோ, கலாசாரம்  கீழ்நோக்கிச் சென்றாலோ உடனே- பழைய கலாசாரம் தஞ்சம் புகுந்த இடம் தென்பகுதிதான்.

தமிழுக்குத் தென் பாண்டி நாடு எப்படிக் காவலனாக இருந்ததோ அது போல எகிப்திய பண்பாட்டுக்கு தென் எகிப்து காவலனாக இருந்தது. ஆயினும் தொடக்க காலத்திலேயே எகிப்துக்குள் வெளிநாட்டினர் குடியேறினர். அதனால்தான் இந்த நாட்டுகே மிஸ்ர (கலப்பட) தேசம் என்று பெயர் என்பதை முதல் கட்டுரையிலேயே விளக்கினேன்.

அடுத்த கட்டுரையில் ஒவ்வொரு வம்ச (Dynasty wise) அரசு பற்றிய சுவையான விஷயங்களைக் காண்போம்.

எனது பழைய ஆரய்ச்சிக் கட்டுரை:–

Indus Valley to Egypt: Lapis lazuli Export! | Tamil and Vedas

Indus Valley to Egypt: Lapis lazuli Export!

6 Sep 2014 – Afghanistan and Pakistan, parts of ancient Bharat were the main sources for this stone, says the archaeologists. The contact between Egypt and the Hindu kings of Turkey and Syria is well documented. … Egypt and Sumer had jewellery made up of lapis lazuli blue stones from 2500 BCE……………..

–Subham–

நரகக் காட்சிகள்

Written by London swaminathan

Date: 22 FEBRUARY 2017

Time uploaded in London:- 9-02  am

Post No. 3659

Pictures are taken from various sources; thanks.

contact; swami_48@yahoo.com

புறநானூற்றில் பாபம்

ஆன்முலை அறுத்த அறனிலோர்க்கும்

மாண் இழை மகளிர் கருச் சிதைத்தோர்க்கும்

பார்ப்பார்த் தப்பிய கொடுமையோர்க்கும்

வழுவாய் மருங்கில் கழுவாயும் உள என

நிலம் புடை பெயர்வது ஆயினும், ஒருவன்

செய்தி கொன்றோர்க்கு உய்தி இல் என

அறம் பாடின்றே — ஆயிழை கணவ!

—புறநானூறு 34, ஆலத்துர்ர் கிழார் பாடியது

இது வால்மீகி சொன்ன விஷயம் (4-34-12); தமிழில் ஆலத்தூர் கிழார் தந்துள்ளார்.

இதன் பொருள்:

ஆராய்ந்து எடுத்த அணிகளை அணிந்த மஹாராணியின் கணவனான சோழன் ((குளமுற்றத்துத் துஞ்சிய)) கிள்ளிவளவனே!

பசுவில் பாலைப் பெறாதபடி அதைக் கொன்று தின்பது பாவம்;

பெண்கணிளின் கருவை அழித்தல் பாவம்;

அந்தணர்களுக்குத் தீங்கு செய்வது பாவம்;

இதற்கெல்லாம் கூட பரிகாரம் உண்டு; நீ தப்பிக்கலாம்;

ஆனால் பெரிய பூகம்பமே ஏற்பட்டு உன் சோழ நாடே அழிந்தாலும்

ஒருவன் செய்த உதவியை மறந்து அவனுக்குத் தீங்கு செய்தால் அதற்குப் பரிகாரமே இல்லை; கட்டாயம் நரகத்தில் விழுவாய் என்று தர்ம சாஸ்திரங்கள் சொல்லுகின்றன (புறம்.34)

வள்ளுவனும் இதையே சொன்னான்:

எந்நன்றி கொன்றார்க்கும் உய்வுண்டாம் உய்வில்லை

செய்நன்றி கொன்ற மகற்கு ( திருக்குறள் 110)

பிராமணர்களுக்குத் தீங்கு செய்யாதே ; உன் முன்னோர்கள் யாரும் செய்ததில்லை என்று சோழன் நலங்கிள்ளி தம்பி மாவளத்தானை தாமப்பல் கண்ணனாரும் (புறம்.43) எச்சரிக்கிறார்.

நரகக் காட்சிகள்

பாவமும் அஜீர்ணமும்

ஒரு பாவத்தின் பலன், பசுவின் பால் போல உடனே கிடைக்காது; ஒருவன் வாழ்க்கையிலேயே அது தெரியும்; அப்படியில்லாவிடில் அது அவனுடைய பிள்ளைகள், பேரக்குழந்தைகளிடம் காணப்படும்; அதிகம் சாப்பிட்டவனின் வயிற்றில் உணவு அஜீரணமாகாமல் உட்கார்ந்துகொண்டு, எப்படித் தொல்லை கொடுக்குமோ அப்படி அதன் விளைவுகள் கட்டாயமாகத் தெரியும் (மஹாபாரதம் 1-75-2)

நா தர்மஸ் சரிதோ ராஜன் சத்ய: பலதி கௌர் இவ

புத்ரேஷு வா நப்த்ர்ஷு வா ந சேத் ஆத்மனி பஸ்யதி

பலதி ஏவ த்ருவம் பாபம் குருபுக்தம் இவோதரே

திருக்குறளில் பாபம்

திருவள்ளுவர் பாப, புண்ணியத்துக்காக ஒரு அதிகாரமே (வினைத் தூய்மை) ஒதுக்கிவிட்டார். அதிலிருந்து சில குறள்கள்:

ஈன்றாள் பசி காண்பான் ஆயினும் செய்யற்க

சான்றோர் பழிக்கும் வினை (குறள் 656)

அம்மாவே பசிக்கொடுமையில் வாடினாலும் பணம் சேர்க்க பாபத் தொழில்களைச் செய்யாதே

அழக்கொண்ட எல்லாம் அழப்போம் இழப்பினும்

பிற்பயன் நற்பாலவை (659)

பிறரை அழவைத்து பிடுங்கிய பணம் எல்லாம், உன்னை அழ அழச் செய்துவிட்டு ஓடிப்போகும். உனக்கு பொருளே நஷ்டமானாலும், புண்ணியம் செய்தால் அது பிற்காலத்தில் பலன் தரும்

இடுக்கட் படினும் இளிவந்த செய்யார்

நடுக்கற்ற காட்சியவர் (654)

தனக்குத் துன்பமே வந்தாலும், அறிவுள்ளவர்கள், பாப காரியங்களைச் செய்யமாட்டார்கள்

எற்றென்று இரங்குவ செய்யற்க  செய்வானேல்

மற்றன்ன செய்யாமை நன்று (655)

ஐயோ, இப்படிச் செய்துவிட்டேனே என்று பின்னர் வருத்தப்படும் செயல்களைச் செய்யாதே; அப்படியே செய்துவிட்டாலும் மீண்டும் அதே பாபத்தைச் செய்யாதே

கடிந்த கடிந்தொரார் செய்தார்க்கு அவைதாம்

முடிந்தாலும் பீழை தரும் (658)

பெரியோர்கள், செய்யக்கூடாது என்று ஒதுக்கிய செயல்களைச் செய்யக்கூடாது; அப்படியே செய்தாலும் அது முடிவு பெறாது; முடிந்தாலும் துன்பத்தையே தரும்.

சுவர்க்கக் காட்சிகள்

பகவத் கீதையில் பாபம்

பகவத் கீதையில் பாபம் பற்றி பல இடங்களில் கண்ணன் கூறுகிறார். வால்மீகி ராமாயணத்திலும் வால்மீகி பேசுகிறார். அவற்றைத் தனியாகக் காண்போம்.

பொதுவாகப், பெண்களைக் கொல்லுதல் பாபம்; புறமுதுகு காட்டுபவனைக் கொல்வது பாவம்; செய்நன்றி மறப்பது பாவம் என்ற கருத்துக்கள் இமயம் முதல் குமரி வரை உள்ளன.

from my earlier post of 5 March 2016:—

பஞ்ச மாபாதகம்

அக்னிதோ கரதஸ்சைவ சஸ்த்ரபாணி: தனாபஹ:

க்ஷேத்ரதாராபர்ஹதா ச பஞ்சைதே ஆததாயின:

அக்னிதா- மற்றவன் சொத்துக்கு தீ வைப்பவன்

கரத-மற்றவர்களுக்கு விஷம் வைப்பவன்

சஸ்த்ரபாணி- ஆயுதமில்லாதவனைக் கொல்பவன்

தனாபஹ:- மற்றவன் பணத்தைத் திருடுபவன்

க்ஷேத்ரதராபஹர்தா- மற்றவன் மனைவியை அபஹரிப்பவன்

மனுவும் (11-54) இது பற்றிக் கூறுகிறார்:-

பிரமஹத்யா சுராபானம் அஸ்தேயம் குர்வங்கனாகம:

மஹந்தி பாதகான்யாஹுஸ்த சம்சர்கி ச பஞ்சம:

பிரம்மஹத்ய- பிராமணனைக் கொல்லுதல்

சுராபானம்- மது பானம் அருந்தல்

ஸ்தேயம்- திருடல்

குர்வங்க நாகம:- குருவின் மனையிடம் தவறாக நடத்தல்

சம்சர்கி- மெற்கண்ட நாலு பேருடன் சஹவாசம்

பஞ்ச கர்ம சண்டாளர்கள்

(செய்கையினால் சண்டாளன் நிலையை அடைபவன்)

நாஸ்திக: பிசுனஸ்சைவ க்ருதக்னோ தீர்கதோஷ:

சத்வார:கர்மசண்டாளா ஜன்மஸ்சாபி பஞ்சம:

நாஸ்திக: – கடவுள் நம்பிக்கையற்றவன்

பிசுன: – பிசிநாரி/கெட்டவன்

க்ருதக்ன: – நன்றிகெட்டவன்

தீர்க தோஷக: -பாபி (பாவாத்மா)

ஜன்மத: – பிறப்பினால் சண்டாளன்

–subham–

Written by London swaminathan

Date: 21 FEBRUARY 2017

Time uploaded in London:- 19-56

Post No. 3657

Pictures are taken from various sources; thanks.

contact; swami_48@yahoo.com

எகிப்தில் ஆரம்பகால மன்னர்கள் (பழைய ராஜ்யம் Old Kingdom) இறந்தபோது அவர்களுடன் நூற்றுக்கணக்கான அடியாட்கள், காமக்கிழத்தியர் (Concubines), குள்ளர்களும் (Dwarves) புதைக்கப்பட்டதாகத் தெரிகிறது.இவர்கள் தானாக உயிர்த் தியாகம் செய்தார்களா அல்லது பலவந்தமாக நரபலி கொடுக்கப்பட்டதா என்பதே கேள்வி.

வால்மீகி ராமாயணத்தில் ராமன் சரயு ஆற்றில் விழுந்து உயிர்த் தியாகம் (ஜல சமாதி) செய்தபோது அவரோடு ஏராளமான பொது மக்களும் தாமாக முன்வந்து  உயிர்த் தியாகம் செய்த செய்தி உள்ளது.

திருஞான சம்பந்தர் திருமண நாளன்று  மனைவியுடன் அக்கினியில் புகுந்தபோது அவர் ஏராளமானோரை அழைத்துச் சென்றார். இது போல மன்னர்களும், புனிதர்களும் இறக்கும்போது அவர்களுடன் சென்றால் சுவர்க்கத்துக்குள் எளிதாகப் போக முடியும்; இது சொர்க்கத்துக்கு ஒரு சுருக்குவழிப்பாதை (Short cut route) என்பது மக்களின் நம்பிக்கை. கோப்பெருஞ்சோழன் வடக்கிருந்து உயிர் துறந்தபோது பிசிராந்தையார் முதலியோரும் உண்ணாவிரதம் இருந்து உயிர் துறந்ததும் இந்தக் காரணத்தால்தான். வடக்கிருத்தல் என்பது ஒரு புனித நோன்பு.

மஹா பத்தினியான சித்துர் ராணி பத்மினி , அலாவுதீன் கில்ஜியின் கரங்கள் தன் மீது பட்டுவிடக்கூடாதென்பதற்காக தீக்குளித்தபோது அவளுடன் நூற்றுக்கணக்கான ராஜபுத்திர வீராங்கனைகள் தீக்குள் பாய்ந்து உயிர் நீத்ததற்கும் இதுவே காரணம். போரில் இறப்பவர்களுக்கு வீர சுவர்க்கம் கிர்டைக்கும் என்பது பகவத்கீதையிலும் புறநானூற்றிலும் தெள்ளத் தெளிவாகக் கூறப்பட்டுள்ளது. போருக்கு முன்பாக தன்னைத்தானே பலிகொடுத்து வீரத்தைத் தூண்டிவிடும் வீரர்களின் சிலைகள் தமிழ்நாடு முழுதும் உள்ளன. இது  மஹாபாரத காலத்தில் துவங்கியது மஹாபாரதத்தில் வரையப்பட்டுள்ளது.

எகிப்தில் நடந்தது என்ன?

எகிப்திலும் தாமாக முன்வது இறந்தனரா என்பதே கேள்வி

பிளிண்டர்ஸ் பெற்றி Flinders Petrie என்பவர்தான் முதல் முதலில் எகிப்தில் பெரிய ஆராய்ச்சிகளைச் செய்தவர். அவர் ABYDOS அபிதோஸ் நகரில் 1900ஆம் ஆண்டில் அகழ்வாராய்ச்சி நடத்தினார். முதல் அரச வம்சத்தைச் சேர்ந்த தஜெர் (Djer of First Dynasty) என்ற மன்னரின் புதைகுழிக்குப் பக்கத்தில் 317 துணைப் புதைகுழிகள் இருந்தன. இது தவிர நைல் நதி ஓரமாக ஏராளமான கல்லறைகள் இருந்தன.

முதல் அரச வம்சம் தொடர்பான சில விஷயங்கள் சின்னச் சின்ன கல்வெட்டு வில்லைகளாகக் கிடைத்தன. அதில் முக்கிய தர்பார் நிகழ்ச்சிகளும் சமயம் தொடர்பான சடங்குகளும் வரையப்பட்டுள்ளன.

இரண்டு வில்லைகளில் பயங்கரக் காட்சிகள் உள்ளன. உயிருடனுள்ள ஒரு கைதியின் நெஞ்சில் ஒருவன் கத்தியைப் பாய்ச்சுகிறான். அவனது ரத்தத்தைப் பிடிப்பதற்காக அருகிலேயே ஒரு கிண்னம் வைக்கப்பட்டுள்ளது. இதன் சரியான பொருள் தெரியவில்லை. ஆனால் போர்க்கைதிகள், குற்றவாளிகளை சமயச் சடங்குகளில் பலி கொடுப்பது தெரியவந்த்துள்ளது.

ஆனால் ஒவ்வொரு மன்னர் இறந்தபோதும் ஏராளமானோர் பலிகொடுக்கப்பதற்கான ஆதாரஙள் எதுவும் இல்லை. ஆரம்ப கால கிசா பிரமிடுக்குப் பக்கத்தில் வரிசை வரிசையாக கல்லறைகள் இருந்தபோதும் அவை எல்லாம் அரசாங்க திகாரிகள் இறந்தபின்னர் புதைப்பதற்காக ஒதுக்கப்பட்டவையே. இது அவர்களுக்குக் கிடைத்த ஒரு சலுகை!

முதல் அரசவம்ச (First Dynasty) கால கல்லறைகளில் ஒரு முக்கிய வேறுபாடு காணப்படுகிறது. இறந்தவரின் பெயரும் அவர் பதவியும் பொறிக்கப்பட்டுள்ளன. அவர்கள் உயர் அதிகாரிகள் இல்லை. அரசரின் சேவகர்கள், காமக் கிழ்த்தியர், குள்ளர்கள் ஆகியோரின் கல்லறைகளாகும்.

இந்தியாவிலும் அரண்மனைகளில் குள்ளர்களை வேலைக்கு வைக்கவேண்டும் என்று நீதி சாத்திரம் கூறுகிறது. இந்தியாவிலும் அரசனின் அந்தப்புரத்தில் இதுபோல கள்ளக் காதலிகள் இருப்பர்.

அவர்களுடைய சடலம் உள்ள நிலை, எந்தக் காலத்தில் புதைக்கப்பட்டனர் என்பதை ஆராய முடியாதவாறு கல்லறைத் திருடர்கள் அவைகளைத் தோண்டி நிர்மூலம் செய்துவிட்டதால் முறையான ஆராய்ச்சிக்கு வழி இல்லாமல் போய்விட்டது.

சீனா, மெசபொடோமியா, பழைய நூபியா(Old Nubia) ஆகிய நாடுகளின் கல்லறைகளில் சடலமோ, எலும்புக்கூடோ உடகார்ந்திருக்கும் நிலையைப் பார்த்து அது உயிருடன் புதைக்கப்பட்ட ஆசாமி என்பதை அறிந்தோம். சில இடங்களில் ஒரே கல்லறையில் நூற்றுக்கணக்கானோர் புதைக்கப்பட தையும் பார்த்திருக்கிறோம். ஆனால் எகிப்தில் அப்படி இல்லாமல் இற   ந்தோருக்கு மரியாதை கொடுத்திருப்பதைக் காண முடிகிறது. தனித்தனி கல்லறைகளில் சடலங்கள் புதைக்கப் பட்டன. தலையைச் சீவி பலி கொடுக்கப்பட்டதற்கான தடயங்களும் கிடைக்கவில்லை. ஆனால் ஒரு புரியாத விசித்திரப் புதிர் மட்டும் இருக்கிறது! ஆஹா (Aha) என்ற மன்னரின் (பாரோவின்) கல்லறைக்கு அருகில் புதைக்கப்பட்ட எல்லோருடைய வயதும், 25-க்கும் குறைவு! அரசன் மறைவை அடுத்து அவர்களும் இறந்தது அல்லது இறக்கவைக்கப்பட்டது தெரிகிறது

நரபலி தடயங்கள்

முதல் அரச வம்சத்தின் இரண்டு அரசர்களின் (பாரோக்கள்) கல்லறைகளில் நரபலிக்கான நல்ல தடயம் கிடைத்தன. இவர்கள் கொலை செய்யப்பட்டனரா அல்லது மன்னரின் மீதுள்ள அபிமானத்தால் தற்கொலை செய்துகொண்டார்களா என்று சொல்ல முடியாது. சமர்கேட் Semerkhet (சமரகேது), கா (Qaa) (இந்துமதத்தில் கா என்றால் பிரம்மா என்று பொருள்) ஆகிய இருவரின் கல்லறைகளுக்கு அருகிலுள்ள சில கல்லறைகள் ஒரே நேரத்தில் மூடப்படுள்ளன. அவர்களாக உயிர்த் தியாகம் செய்திருக்கலாம். 1989ல் ஜப்பானிய மன்னர் ஹிரோஹிடோ இறந்தவுடன் அவருடைய பழைய நன்றியுள்ள ஒரு சேவகன் தற்கொலை செய்துகொண்டான்; காரணம்- மன்னருக்கு மேலுலகத்திலும் சேவை செய்ய!

எகிப்திலும் மக்களின் சமய நம்பிக்கை காரணமாக இறந்திருக்கலாமே! நமது நாட்டிலேயே ராமாயண, புறநானூற்றுச் சான்றுகள் உளவே!

-சுபம்–

Written by S NAGARAJAN

Date: 21 February 2017

Time uploaded in London:-  5-50 am

Post No.3655

Pictures are taken from different sources; thanks.

contact: swami_48@yahoo.com

பாக்யா 17-2-2017 இதழில் அறிவியல் துளிகள் தொடரில் வெளியாகியுள்ள கட்டுரை

தகவல் கொள்கையின் தந்தை க்ளாட் ஷனான்!

ச.நாகராஜன்

“அறிவே சக்தி. தகவலானது நம்மை விடுவித்து சுதந்திரம் அளிப்பதாகும். கல்வியோ முன்னேற்றத்தைத் தருவது! இது ஒவ்வொரு சமூகத்திற்கும், ஒவ்வொரு குடும்பத்திற்கும் பொருந்தும்” – கோபி அன்னான்

இன்று ஓரிடத்திலிருந்து இன்னொரு இடத்திற்கு மின்னல் வேகத்தில் தகவல்கள் பரிமாறப்படுவதற்கான காரணம் க்ளாட் ஷனான் (Claude Shannon  தோற்றம் 30-4-1916 மறைவு: 24-2-2001) என்ற அமெரிக்க கணித மேதையே. பூல்ஜியன் அல்ஜிப்ராவிற்கும் டெலிபோன் ஸ்விட்ச் சர்க்யூட்டிற்கும் இடையே உள்ள ஒற்றுமையைக் கண்ட அவர் தகவல் கொள்கை எனப்படும் இன்ஃபர்மேஷன் தியரியைக் கண்டு பிடித்தார்.

பெல் லாபரட்டரியில் 1946ஆம் ஆண்டு சேர்ந்த அவர் பல ஆண்டுகள் அதில் பணி புரிந்து தொலைத்தொடர்பு பற்றிய தொழில் நுணுக்கத்தை நன்கு அறிந்து கொண்டார். கணிதத்திலும் விஞ்ஞானத் தொழில்நுட்பத்திலும் அபார மேதையாக இருந்த காரணத்தினால் ஒரு செய்தியை அதன் வலிமையும் ஆழமும் குறையாமல் குறைந்த வார்த்தைகளிலேயே சிறப்பாக அனுப்ப முடியும் என்ற கொள்கையை வகுத்தார்.

க்ரிப்டோகிராஃபி எனப்படும் மறைமுக இயலில் அவருக்கு ஆர்வம் ஏற்பட அதிலும் தன் திறமையைக் காட்டினார்.

மசாசூசெட்ஸ் இன்ஸ்டிடியூட் ஆஃப் டெக்னாலஜி இருக்கும் இடத்திலிருந்து சில  மைல் தூரத்தில் தான் அவரது பெரிய வீடு இருக்கிறது.

வீடு முழுவதும் பியானோக்கள் ஐந்து, இதர இசைக் கருவிகள் முப்பது என்ற அளவில் ஏராளமாக நிரம்பியிருந்தன. செஸ் விளையாட்டை விளையாட இயந்திரங்களை அவர் தயார் செய்தார். சதுரங்கக் காய்களை நகர்த்த மூன்று விரல்கள் கொண்ட மெஷின் ஒன்று காயை லபக்கென்று பிடித்து நினைத்த படி அடுத்த கட்டத்திற்கு நகர்த்தும். பீப் என்ற ஒலியோடு விமரிசனங்களை வேறு கூறும்! 600 அடி உயரத்திலிருந்து தன் குழந்தைகளை மாடியிலிருந்து தரையில் இறக்குவதற்காக ஒரு விசேஷ நாற்காலியை அவர் வடிவமைத்திருந்தார். அந்தக் குழந்தைகள் பெரியவ்ர்களாகும் வரை அந்த நாற்காலியில் தான் அவர்கள் கீழே இறங்குவர். மிகத் திறமையுடன் நேரத்தைக் கணக்கிட்டு கையால், பந்துகளை மேலே தூக்கிப் போட்டு விளையாடும் விளையாட்டான ஜக்லிங்கில் அவருக்கு ஆர்வம் அதிகம். இதை விளையாடிக் கொண்டே தானே வடிவமைத்த ஒரு சைக்கிளில் வேக்மாக அவர் செல்வார். இந்த விளையாட்டை விளையாடுவதற்கான வசதியுடன் கூட அந்த சைக்கிள் ஒரு சக்கரம் சற்று தள்ளி இருக்கும்படி அவரால் வடிவமைக்கப்பட்டிருந்தது.

அவர்து வீட்டில் பொம்மைகளுக்கான ஒரு தனி அறையில் ஜக்ளிங் செய்வதற்கான ஒரு விசேஷ இயந்திரம் இரும்புக் குண்டுகளை தூக்கித் தூக்கிப் போட்டு விளையாடும். அவர் வடிவமைப்பில் மூன்று கோமாளிகள் 11 ரிங்குகளையும் 7 பந்துகள் உள்ளிட்டவற்றை மறைவாக வைக்கப்பட்டிருக்கும் கடிகாரம் மற்றும் இரும்பு ராடுகள் கொண்ட ஒரு இயந்திர அமைப்பு மூலம் மேலே தூக்கிப் போட்டு விளையாடுவர். இது அவரது பிரம்மாண்டமான படைப்புகளில் சிறப்பான ஒன்று!

அவரைத் தேடி ஏராள்மான விருதுகள் தாமே வந்தன.

லாஜிக் மெஷின் என்ற ஒரு அமைப்பை வடிவமைத்து எப்படி தகவல்களை சிறப்பாக அனுப்ப முடியும் என்பதை அவர் நேரில் காட்டிய போது அனைவரும் அசந்து போயினர்.

ஒரு தகவலைக் கூட மற்ற பொருள்களை அளப்பது போல அடர்த்தி அல்லது பொருள் திணிவு போன்ற அடிப்படையில் அளக்க முடியும் என்று அவர் கூறினார். இதை வரவேற்ற உளவியல் வல்லுநர்களும், மொழி இயல் வல்லுநர்களும் இந்தக் கொள்கையை மேம்படுத்தி தகவல் துறையில் ஒரு புரட்சியை ஏற்படுத்தினர்.

அட்லாண்டிக் பெருங்கடல் வழியே ஒரு தகவல் அனுப்பப்பட வேண்டும் என்று வைத்துக் கொள்வோம். நெடுந் தொலைவு பயணம் செய்யும் போது தகவல் போகப் போகத் தேய்ந்து விடும். மறு முனையில் பெறும் இடத்தில் இருப்பவருக்கு ஒன்றும் புரியாது, ஒலியைக் கூட்டி செய்தியை எளிதில் அனுப்பி விடலாமே என்ற தீர்வு மனதில் தோன்றும். ஆனால் ஒலியை அதிகப்படுத்தினால் இரைச்சல் தான் அதிகமாகும். ஆகவே ஷனான் மாற்று வழியாக தகவலை பைனரியாக அதாவது 0, 1 என்று மாற்றி அனுப்ப வழி வகை செய்தார்.  இதனால் தகவல் சிந்தாமல் சிதையாமல் எவ்வளவு தூரம் ஆனாலும் அப்படியே போய்ச் சேர்ந்தது.

இது உலகில் ஒரு ம்கத்தான மாற்றத்தை ஏற்படுத்தியது,

ஆங்கில மொழியில் ஒரு தக்வலை அனுப்பும் போது அனாவசியமான வார்த்தைகள் நிறைய இருக்கிறது என்பதைச் சுட்டிக் காட்டிய அவர் அதையும் குறைக்கலாம் என்று ஆலோசனை தந்தார்.

இன்று இண்டர்நெட் இணைப்பு உள்ளவர்கள் இருந்த இடத்திலிருந்தே கம்ப்யூட்ட்ரில் ஒரு தட்டு தட்டியவுடன், படமும் செய்திகளும் மள மளவென்று கொட்டுகிறது என்றால் அதற்கான காரணம் ஷனான் தான்! உலகில் இன்று தக்வல் பரிமாற்றத்தில் ஏற்பட்ட மாபெரும் புரட்சி செய்தவர் பிறந்து நூறு ஆண்டுகள் முடிந்து விட்டன. அவர் நினைவைப் போற்றுவோம்!

  அறிவியல் அறிஞர் வாழ்வில் .. .

.

பிரபல விஞ்ஞானியான ஐன்ஸ்டீன் தலையை சரியாக வாரி விட்டுக் கொள்ள மாட்டார். சாக்ஸும் அணிய மாட்டார். அமெரிக்க ஜனாதிபதி அழைத்த போது ஒய்ட் ஹவுஸ் சென்ற போதும் கூட அவர் சாக்ஸைப் போட்டுக் கொள்ளவில்லை. ஷு இருக்கும் போது அதிகப்படியாக சாக்ஸ் எதற்கு என்பது அவரது கேள்வி.

ஒரு முறை பரட்டைத் தலை போன்று படியாமல் இருந்த அவர் தலைமுடியைக் கண்ட ஒரு பெண் குழந்தை ஓடிப் போய் தன் தாயைக் கட்டிக் கொண்டது.

இதைப் பார்த்த ஐன்ஸ்டீன், “மற்றவர் எல்லாம் மரியாதை நிமித்தம் ஒரு விதமாக என்னைப் பார்க்கும் போது இந்தக் குழந்தை தான் நான் உண்மையில் எப்படி இருக்கிறேன் என்று எனக்குக் காட்டியுள்ளது” என்று வேடிக்கையாக்க் கூறினார்.

உடையைப் பற்றி அவர் அவ்வளவாகக் கவலைப்பட்டதே கிடையாது.

“மோசமான உடைகளையும் அசிங்கமான நாற்காலி மேஜைகளையும் கண்டு வெட்கப்படும் நாம் நம்முடைய அசிங்கமான கருத்துக்களையும் மோசமான தத்துவங்களையும் கண்டு அல்லவா வெட்கப்பட வேண்டும்” என்றார்.  இந்த அவரது கூற்றை மேற்கோள் காட்டாதவரே இல்லை எனலாம்!

***

Written by London swaminathan

Date: 20 FEBRUARY 2017

Time uploaded in London:- 20-54

Post No. 3654

Pictures are taken from various sources; thanks.

contact; swami_48@yahoo.com

எகிப்தில் பழைய அரச வம்சம் (Old Kingdom) முடிந்தவுடன், கி.மு.2200 வாக்கில் பெரும் மாறுதல்கள் நிகழ்ந்தன; கடவுள் என்று கருதப்பட்ட மன்னனின் அதிகாரங்கள் குறைந்து மனிதன் என்ற நிலையை நோக்கி இறங்கிக் கொண்டிருந்தார். மன்னரின் கால்களை முத்தமிடுவது கிடைத்தற்கரிய பாக்கியமாக கருதப்பட்ட நிலை மாறி, மன்னரைக் கவிழ்க்கும் முயற்சிகள் பெருகின. இதை நேரில் கண்ட ஒரு புலவர் நமக்காக எழுதிவைத்துச்  சென்றுள்ளார். சுமார் 4000 ஆண்டுகளுக்கு பின்னர் படித்தாலும் அதிலுள்ள கவிநயம் ரசிக்கத்தக்கதாக உள்ளது. இதே போல காளிதாசனும் ரகுவம்சத்தில் தோன்றிய கடைசி சில அ ரசர்கள் பற்றிப் புலம்பியுள்ளார். காஷ்மீரின் சரித்திரத்தை ராஜதரங்கிணி என்ற நூலாக எழுதிய கல்ஹணரும் இதே போல காஷ்மீரில் இந்து சாம்ராஜ்யம் எப்படி சரிந்தது என்று கவி பாடியுள்ளார். கவிஞர்கள் என்றுமே உண்மை விளம்பிகள்!

இந்தக் கவிஞரின் பெயர் இபுவேர் (Ipuwer) அல்லது அய்புவேர. அவருடைய கவிதை சிதைந்த நிலையிலேயே கிடைத்துள்ளது. ஆதிகால எகிப்திய இலக்கியத்தில் சிறந்த ஒரு பகுதி என்று கருதப்படுகிறது. இபுவேர் சொல்கிறார்:

“அரசன் கிழவன் ஆகிவிட்டான்; அரண்மனைக்குள் பாதுகாப்பாக உள்ளான். அவனுக்குத் தெரியுமா மக்கள் படும்பாடு! அவனைச் சுற்றியுள்ள அதிகாரிகள், அவனுக்கு இதுபற்றித் தெரியாமல் மறைத்துவிட்டனர். எகிப்தைப் பீடித்துள்ள நோய்கள் இரண்டு; அதிகமான வெளிநாட்டினர் தங்கு தடையின்றி உள்ளே வந்துவிட்டனர். அத்தோடு பழைய சமூக நிலை தலை  கீழாக மாறிவிட்டது

இதைப் பற்றித்தான் எல்லோரும் புகார் செய்கின்றனர். வேலைக்காரிகள், மஹாராணிகளின் இடத்தைப் பிடித்துவிடுகிறார்கள்; அதிகாரிகள் சட்டவிரோத ஆட்களின் கட்டளைகளுக்கு அடிபணிய வேண்டியுள்ளது. இளவரசர்களின் குழந்தைகளை சுவரில் மோதி கொல்கின்றனர்”.

கடவுள்- அரசன் தொடர்பு மாறியவுடன் அரசன்–மக்கள் தொடர்பும் மாறிவிட்டது நாலாவது (Fourth Dynasty) அரச வம்ச மன்னன் ஒருவன், தனக்கு வேண்டிய ஒரு அதிகாரியை தனது காலை முத்தமிட அனுமதித்தான். அதை அந்த அதிகாரி பெரிய பாக்கியமாகக் கருதினார். இவையெல்லாம் பிறகாலத்தில் நினைத்தும் பார்க்கமுடியாதவை

எகிப்தியர்களே இதற்கு முந்தைய ஆயிரம் ஆண்டுகளைப் பொற்காலம் (Golden Age) என்று வருணித்தனர். ரே (Re) என்னும் கடவுளே அக்காலத்தில் ஆண்டதாகக் கருதினர். ஆனால் இபுவேர் என்ற கவிஞர் சொல்கிறார்:

“ரே- வுக்கு வயதாகிவிட்டது! அவருடைய எலும்புகள் வெள்ளி ஆகிவிட்டன; சதை தங்கம் ஆகிவிட்டது; அவருடைய தாடி நீலநிறக் கற்களாகிவிட்டன.”

கஷ்டகாலத்திலும் கூட கவிஞரின் கற்பனைக்கு யாரும் தடை போட முடியவில்லை. அவர் வருணித்த பொருள்கள் எல்லாம் வெளிநாடுகளில் இருந்து எகிப்துக்குள் வந்தவை.

இபுவேர் கி.மு.2000ல் வாழ்ந்தவர் என்றும் அவர் வருணிப்பது அதற்கு 200 ஆண்டுகளுக்கு முன் நிகழ்ந்தவை என்றும் கருதப்படுகிறது. ஆனால் அவரது கவிதையை தவிர வேறு எந்தக் குறிப்பும் கிடைக்கவில்லை.

காளிதாசன் புலம்பல்

உலகப் புகழ்பெற காளிதாசனும் ரகு வம்சத்தை துவக்கத்தில் புகழ்கிறான்; பிற்காலத்தில் அது க்ஷீண திசையை அடந்தபோது இகழ்கிறான். மக்களை மதிக்காத மன்னன் ஜன்னல் வழியே கால்களை நீட்டித் தெரியும்படி வைத்து மக்களை அவமானப் படுத்துகிறான்.

ரகுவம்சத்தில் 19-ஆவது சர்கத்தில் அக்னிவர்ணன் என்ற மன்னன் பற்றிக் காளிதாசன் கூறுவதாவது:-

அழகான ஸ்த்ரீக்களுடன் வசிக்கும் அக்காமுகனது வீட்டில் எப்போதும் மிருதங்க ஒலி கேட்டது. முதல் நாள் கொண்டாட்டத்தை விஞ்சும் அளவுக்கு இரண்டாம் நாள் கொண்டாட்டம் இருக்கும். அந்தப் புரத்தை விட்டு அவன் நகரவில்லை.  ஜனங்களைக் காண விரும்பவில்லை.

மந்திரிகள் கெஞ்சியதால் ஒரு முறை மக்களுக்கு தரிசனம் தந்தான். எப்படி என்றால் ஜன்னல் வழியே கால்களை மட்டும் நீட்டினான. அப்பாதத்தையே வணங்கி மக்கள் பேறுபெற்றதாக எண்ணி மகிழ்ந்தனர். மதுவிலும் மாதுவிடத்திலும் காலம் கழித்தான். அவனே மிருதங்கம் வாசித்து ஆடல் அழகிகளை ஆடச்செய்தான். வேலைக்கரிகளிடம் காதல் கொண்டான்.. இறுதியில் நோய்வாய்ப்படு இறந்தவுடன் அவன் மனைவி அரசாண்டாள்.

எகிப்திய கவிஞர் புலம்பல் போலவே காளிதாசனும் புலம்பியது குறிப்பிடத்தக்கது.

இதே போல இலங்கையில் நடந்த தீய செயல்களை மஹாவம்சமும் காஷ்மீரில் நடந்த தீய செயல்களை கல்ஹணரின் ராஜதரங்கிணியும் விளக்கமாகத் தந்துள்ளன.

—சுபம்–

Written by S NAGARAJAN

Date: 20 February 2017

Time uploaded in London:-  5-48 am

Post No.3652

Pictures are taken from different sources; thanks.

contact: swami_48@yahoo.com

10-2-2017 பாக்யா இதழில் அறிவியல் துளிகள் தொடரில் வெளியாகியுள்ள கட்டுரை

கடவுள் நம்பிக்கை வளர்கிறதா, தேய்கிறதா?

ச.நாகராஜன்

“கொஞ்சமாக இருக்கும் தத்துவ அறிவு நம்மை நாத்திகத்தின் பக்கம் திருப்புவது உண்மை தான்! ஆனால் ஆழ்ந்த தத்துவ அறிவு நம்மை  மதத்தின் பக்கம் திருப்பும்” சர் பிரான்ஸிஸ் பேகன்

நாளுக்கு நாள் வளர்ந்து வரும் விஞ்ஞான உலகில் கடவுள் நம்பிக்கை வளர்கிறதா, தேய்கிறதா?

இது பற்றி அடிக்கடி பிரம்மாண்டமான மாநாடுகள் நடப்பது வ்ழக்க்மாகி வ்ருகிறது. உல்கெங்கிலுமிருந்து வரும் விஞ்ஞானிகளும் ஆன்மீகவாதிகளும் காரசாரமாக விவாதித்து கலைவது வழக்கம்.

மிக பிரம்மாண்டமான் ஆய்வு ஒன்றை நடத்த ஆக்ஸ்போர்ட் பல்க்லைக் கழகம் தீர்மானித்தது. இதற்கென ஒதுக்கப்பட்ட தொகை பிரிட்டிஷ் பவுண்டில் 19 லட்சம். (ஒரு பவுண்டின் மதிப்பு 85 இந்திய ரூபாய்)

உலகெங்கிலுமுள்ள 20 நாடுகளில் உள்ள 53 பல்கலைக் கழகங்கள் இந்த ஆய்வில் மூன்று ஆண்டுகள் ஈடுபட்டன. தத்துவம், உளவியல், மானுடவியல் உள்ளிட்ட விஞ்ஞானத்தின் பல்வேறு துறைகளில் உள்ளோர் இதில் ஈடுபட்டனர்.

தெய்வீகத்தில் நம்பிக்கை இருக்கிறதா, மறுபிறப்பில் நம்பிக்கை உண்டா போன்ற கேள்விகளுக்கு விடை காணுவதே ஆய்வின் நோக்கம். ஆக்ஸ்போர்ட் ஆய்வாளர்கள் ஐந்து வயதுக்கு கீழே உள்ள குழந்தைகளிடம் கேட்ட போது அவர்களுக்கு சூப்பர் ஹ்யூமன் செயல்களை நம்புவது சுலபமாக இருப்பதைக் கண்டனர்.

சீனாவில் நடந்த ஆய்வோ பல்வேறு கலாசாரம் கொண்டவர்களும் கூட ஆன்மா என்று ஒன்று இருக்கிறது என்பதையும் மனிதர்களுக்கு  மறுபிறப்பு என்பது உண்டு என்பதையும்  நம்புவதைத் தெரிவித்தது.

ஆய்வின் இணை டைரக்டரான பேராசிரியர் ரோஜர் ட்ரிக் (Roger Trigg) தங்களது ஆய்வு ஆன்மீகம் என்பது ஞாயிற்றுக்கிழமைகளில் கோல்ஃப் விளையாடுவதற்கு பதிலாக சர்ச்சுக்கு செல்லும் சமாசாரம் இல்லை என்பதைத் தெரிவிக்கிறது என்று கூறுகிறார்.

வெவ்வேறு சமூகங்களிலும் கூட கடவுள் நம்பிக்கை பொதுவாக நிலவுவதை தங்கள் ஆய்வு அதிகாரபூர்வமாக அறிந்து விட்டது என்று அவர் மேலும் கூறுகிறார். இதனால்  மதத்தை நசுக்குவது என்பது முடியாத காரியம் என்பது ஆய்வின்  முத்தாய்ப்பான முடிவு.

இந்த ஆய்வுத் திட்டத்தின் மானுடவியல் மற்றும் மனம் பற்றிய பிரிவின் டைரக்டரான டாக்டர் ஜஸ்டின் பாரட்,“உலகெங்குமுள்ள வெவ்வேறு சமூகங்கள் இணக்கமாக இணைய மத நம்பிக்கை உதவுகிறது” என்று கூறுகிறார்.

ஆனால் பெரும் நகரங்களில் இந்தக் கடவுள் நம்பிக்கை சற்று குறைவாகத் தான் இருக்கிறது என்கிறார் அவர்.

இன்னொரு ஆய்வு 51 சதவிகிதம் பேர் கடவுள் உண்டு என்று திடமாகக் கூறுவதையும் 17 பேர் தங்களுக்கு பதில் சொல்ல முடியவில்லை என்று கூறுவதையும் 18 சதவிகிதம் பேர் நிச்ச்யம் கடவுள் இல்லை என்று கூறுவதையும் தெரிவிக்கிறது.

கடவுள் உண்டு என்பதை இந்தோனேஷிய மக்களில் 93 சதவிகிதம் பேரும் துருக்கியில் 91 சதவிகிதம் பேரும் நம்புகின்றனர்.

பல க்டவுளர் உண்டு என்பது இந்தியர்களின் அசைக்க முடியாத நம்பிக்கை.பிரான்ஸ், ஸ்வீடன்,  பெல்ஜியம், பிரிட்டன், ஜப்பான் ஜெர்மனி ஆகிய நாடுகளில் கடவுள் நம்பிக்கை சற்று குறைந்து வருகிறது.இந்த நாடுகளில் 33 சதவிகிதம் பேர் கடவுளை நம்ப மறுக்கின்றனர்.

பிரபல விஞ்ஞானியான ஐன்ஸ்டீன், ‘மர்மமான ஒன்றைப் பற்றி அனுபவம் பெறுவதே வாழ்க்கையின் அழகிய விஷயமாகத் திகழ்கிறது’ (The most beautiful thing we can experience is the Mysterious) என்கிறார். வாழ்ந்து வரும் விஞ்ஞானியான் ஸ்டீபன் ஹாகிங் கடவுளே இல்லை என்கிறார். டார்வினோ இது பற்றி உறுதியாகத் தன்னால் எதையும் சொல்ல  முடியவில்லை என்கிறார்.

வாழ்ந்து வரும் பிரபல விஞ்ஞானியான ஃப்ரான்ஸிஸ் காலின்ஸ் கடவுளை கதீட்ரலிலும் காண்லாம்; லாபரட்டரியிலும் காணலாம் என்று  முத்தாய்ப்பாகச் சொல்கிறார்.

இது ஒருபுறமிருக்க விஞ்ஞானக் கண்டுபிடிப்புகள் அதிகமாக அதிகமாக விஞ்ஞானிகளே பல விஷயங்களையும் பற்றி ஆச்சரியபப்ட ஆரம்பிக்கின்றனர்.

உடலைப் பற்றிய ஆய்வு முக்கியமான ஒன்று. மனித உடலானது வலிமை வாய்ந்த அதிர்வுடன் கூடிய ஒரு டிரில்லியன் (டிரில்லியன் என்பது ஒன்றுக்கு பின்னால் 12 பூஜ்யங்கள் கொண்ட மிகப் பெரிய எண்ணிக்கை) அணுக்களால் ஆகியுள்ளது.

இந்தத் தொகை அதிக ஜனத்தொகை கொண்ட இந்தியா போன்ற ஒரு லட்சம் நாடுகளின் ஜனத்தொகை ஆகும்! அல்லது உலக ஜனத்தொகை முழுவதும் எடுத்துக் கொண்டால் அது போல 15000 மடங்கு அதாவது பதினைந்தாயிரம் உலகங்களின் ஜனத்தொகையாகும்.

அதாவது ஒரு மனித உடலில் மட்டும் உள்ள அணுக்களைப் பற்றியே நாம் சொல்கிறோம். உலகிலுள்ள 700 கோடி மக்களின் அணுக்களைப் பற்றிச் சிறிது எண்ணிப் பார்த்தால் தலையைச் சுற்ற வைக்கும் பிரம்மாண்டமான எண் வருகிறது!

உடலில் தான் எத்தனை பிரிவுகள், எத்தனை இயக்கங்கள்! இன்னும் மூளை, மனம், பிரக்ஞை அல்லது உணர்வு போன்றவை பற்றியெல்லாம் நாம் அறிவது மிக மிகக் கொஞ்சமே! இவற்றைப் பற்றி முழுதும் தெரிந்து கொள்ள இன்னும் எத்தனை ஆண்டுகள் ஆகுமோ! விஞ்ஞானிகள் பிரமிக்கின்றன்ர்!

கடைசியில் ஒரு ஜோக்கைப் பார்க்க்லாம்:

கடவுள் இனி தேவை இல்லை என்று தீர்மானித்த விஞ்ஞானிகளின் குழு கடவுளை வரவழைத்துத் தங்கள்  முடிவைத் தீர்க்கமாக்த் தெரிவித்தனர்.

“கடவுளே! இனி நாங்களே எல்லாவற்றையும் படைத்து விடுவோம். நீங்கள் தேவையில்லை” என்றனர் அவர்கள்.

கடவுள் ஆச்சரியத்துடன், “அப்படியா”! என்றார்.

“ஆமாம், இதோ இந்த மண்ணை எடுத்துக் கொண்டு எங்கள் படைப்பைப் படைத்துக் காண்பிக்கிறோம் பாருங்கள்” என்ற விஞ்ஞானிகள் ஒரு பிடி மண்ணை எடுத்தனர்.

“ஒரு நிமிடம்” என்ற கடவுள், “இந்த மண் வேண்டாம்! நீங்கள் படைத்த மண்ணை எடுத்துக் கொண்டு உங்கள் வேலையைத் தொடங்குங்கள்” என்றார். ஆக ஐன்ஸ்டீன் சொன்னது போல நமக்குத் தெரியாத ஒரு மர்மத்தில் அழகிய அனுபவம் மிளிர்வது உண்மையே!

அறிவியல் அறிஞர் வாழ்வில் .. ..

எட்வர்ட் ஃப்ராங்க்லேண்ட் (Edward Frankland தோற்றம் 18-1-1925 ம்றைவு  9-8-1899) பிரிட்டனைச் சேர்ந்த இரசாயன இயல் விஞ்ஞானி. மருத்துவராக விரும்பியவர் ஆறு ஆண்டுகள் படிப்பை முடித்த போது ஒரு நண்பர் இரசாயன இயலைப் படிக்கத் தூண்டினார்.  28ஆம் வயதில் பெரிய விற்பன்னராக ஆனார். காலராவினால் மக்கள் ஆயிரக்கணக்கில் இங்கிலாந்தில் இறந்த போது மிகத் தீவிரமான் ஆராய்ச்சியால் தண்ணீர் தான் இந்த் வியாதிக்குக் காரணம் என்பதைக் கூறினார். லண்டனில் மட்டும் 20000 பேர் மரணம்டைந்தனர். கழிவுநீரும் சுத்த நீரும் கலப்பதால் வியாதிகள் உருவாவதால் சுத்தமான நீரை விநியோகிக்க வேண்டும் என்றார் அவர். முதன் முதலாக சுத்த நீர் வேண்டும் என்பதைச் சொல்லியதோடு அது ஏன் வேண்டும் என்பதையும் அவர் நிரூபித்தார்.

ஏழைகளின் வியாதி என்று பெயரிடப்பட்ட காலராவை ஒழிக்க அவரது ஆய்வு பெரிதும் உதவியது. விக்டோரியா மஹாராணியார் அவரது அறிவுரையை ஏற்று முதலில் லண்டனில் பருகும் நீரை விநியோகிக்க உத்தரவிட்டார். உலகில் இப்போது குழாய் வழியே நல்ல நீர் கிடைக்கிறது என்றால் அதற்குக் காரணம் ப்ராங்க்லேண்டே தான்!

****