Written by London Swaminathan

Post No. 15,601

Date uploaded in London –10 April 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx 

திருப்புகழில் அருணகிரிநாதர் சொல்லும் அரிய செய்திகள் Part 71

திருப்புகழில் அருணகிரி நாதர் சொல் அழகும், பொருள் வளமும்- Part 71

உலகை அழிக்கும் வடவைத் தீ!

வடவாலும் வாராகர மேழுங் குடித்து … வடவாக்கினியையும்*,

நிலைத்த சமுத்திரங்கள் ஏழையும் குடித்து,

மாசூரொடு போரம் பறுத்து … பெரிய சூரனோடு செய்த போரிலே

அவன் செலுத்திய அம்புகளை அறுத்தெறிந்து,

வாணாசன மேலுந் துணித்த கதிர்வேலா … பாணங்கள் தங்கும்

இடமான வில்லையும் கூடவே வெட்டித் தள்ளிய ஒளி வேலனே,

வானாடர சாளும் படிக்கு வாவாவென வாவென் றழைத்து …

தேவலோகத்தை அரசாளும்படிக்கு வாருங்கள், வாருங்கள், வாருங்கள்

என்று அழைத்து,

வானோர்பரிதாபந் தவிர்த்த பெருமாளே. … தேவர்களின்

பரிதபிக்கத்தக்க துக்கநிலையை நீக்கிய பெருமாளே.

* பிரளய காலத்தில் உலகம் அழியுமுன் வடக்கிலுள்ள கடலுக்கடியிலிருந்து வரும் நெருப்பு அலையை ‘வடவாக்கினி’ என்பர்.

இதையே சம்க்ருதத்தில் படவா என்று சொல்லி, பெண்குதிரை வடிவிலுள்ள தீ என்றும் செப்புவர். விளக்கம் கீழே உள்ளது

அற்புதத்த திருப்புகழ் தேன்!

அற்புதத் திருப்புகழ் தேன் ஊற ஓதி … மிக அற்புதமாக

அமைந்துள்ள திருப்புகழ்ப் பாக்களை தேன் ஊறிய இனிமையுடன் பாடி,

எத்திசைப் புறத்தினும் ஏடு ஏவு ராஜதத்தினை பணித்ததும் …

எல்லா திசைகளிலும் நான் எழுதி அனுப்பும் கடிதமோ பாடலோ

ராஜமரியாதையுடன் போற்றப்படத்தக்க மேன்மையை எனக்கு அருளிச் செய்ததும்,

இடர் ஆழி ஏறாத மா மலத்ரய குணத்ரய … துன்பக்

கடலினின்றும் கரை ஏற முடியாத பெரிய மும்மலங்களாகிய ஆணவம், கன்மம், மாயை ஆகிய மூன்றும், சத்துவம், இராசதம், தாமதம் என்ற மூவகைக் குணங்களும்,

நானா விகார புற்புதம் பிறப்பு அற … பலவிதமான கலக்கங்கள்

(காமம், குரோதம், லோபம், மோகம், மதம், மாற்சரியம், டும்பு, அசூயை

எனப்பட்ட துர்க் குணங்கள்) கூடியதும், நீர்க்குமிழிபோல் தோன்றி

மறைவதுமான பிறப்பும் நீங்கும்படியாக

ஏது ஏமமாய் எனக்கு அநுக்ரகித்ததும் மறவேனே … இன்பம்

தரும் வகையில் எனக்கு வரமாகத் தந்து அருளியதும் நான் ஒருபோதும் மறக்க மாட்டேன்.

மா நாகம் நாண் வலுப்புறத் துவக்கி … வாசுகி என்னும் பெரிய

பாம்பாகிய கயிற்றை பலமாகக் கட்டியுள்ள

ஒர் மா மேரு பூதரத் தனுப் பிடித்து … ஒப்பற்ற பெரிய மேரு

மலையாகிய வில்லைப் பிடித்து,

ஒரு மால் ஆய வாளியைத் தொடுத்து … சிறந்த திருமாலாகிய

அம்பைச் செலுத்தி,

துவார பாலகர் யார்?

அரக்கரில் ஒரு மூவர் மாளாது பாதகம் புரத்ரயத்தவர்

தூளாகவே … அங்கிருந்த அசுரர்களில், மூன்று பேர்* மட்டும் இறந்து போகாமல், பாபச் செயலில் ஈடுபட்டிருந்த திரிபுரத்து அசுரர்கள் பொடியாய் விழ,

நுதல் சிரித்த வித்தகர் வாழ்வே … முன்பு புன்முறுவல் செய்து

எரித்த, பேரறிஞராகிய சிவபெருமான் பெற்ற செல்வமே,

* வித்யுன்மாலி, தாரகாட்சன், கமலாட்சன் என்ற மூன்று அசுரர்கள் பொன், வெள்ளி, இரும்பு இவைகளால் ஆகிய திரிபுரங்கள் என்ற பறக்கும் பட்டணங்களைக் கொண்டு அனைவரின் மேலே விழுந்துத் துன்புறுத்தினர். ஆதலால் சிவபெருமான் அவர்களை எரித்தபோது, சிவ வழிபாட்டால் மாளாது பிழைத்த மூவரில், இருவர் கோயில் காவலாளர் ஆனார்கள். மற்றவர் முழவு முழக்கும் பேற்றினை அடைந்தார்— சுந்தரர் தேவாரம்.

***

அருணகிரிநாதர் குறிப்பிடும்

வடமுகாக்கினி என்றால் என்ன ?

சம்ஸ்கிருதத்தில் பல அழகான ஸ்லோகங்கள் உள்ளன. அவைகளில் மூன்று பாக்களில் எந்தெந்த ஐந்து விசயங்களை நினைவிற் கொள்ளவேண்டும் என்று சொல்லப்பட்டுள்ளன. அவைகளில் ஜீரண சக்திக்கான ஐந்து பேர்கள் விநோதமாகவுள்ளன. அதில் ஒன்று சனிக் கிரகம். அட, ஜீரண சக்திக்கு அஷ்ட சூர்ணம் சாப்பிடு, த்ரிபலா சூர்ணம் சாப்பிடு என்று சொல்லாமல் கீழ்கண்ட ஐந்து பேரை நினை என்று சொல்லுகிறது அந்த செய்யுள்:

அகஸ்திம் கும்பகர்ணம் ச சனிம்  ச வடவானலம்

ஆஹாரபரிபாகார்த்தம் ஸ்மராமி ச வ்ருகோதரம்

அகஸ்தியர், கும்பகர்ணன், சனி, வடவைத் தீ, பீமன் (வ்ருகோதரன்) ஆகிய ஐந்து பேரை நினைத்தால் ஜீரணம் எளிதாகும் என்கிறது இந்தப் பா!

அகஸ்தியர்: இல்வலன் என்ற அசுரன் எல்லோரையும் கொல்லப் பயன்படுத்தும் தந்திரத்தை அகஸ்தியரிடமும் பயன்படுத்த முயன்றபோது அவர் “வாதாபி ஜீர்ணோ பவ” என்று சொல்லி வயிற்றைத் தடவவே, இல்வலனின் சகோதரனான வாதாபி ஜீர்ணமாகி விடுகிறான் என்பது புராணக் கதை. அகஸ்தியர் கடலைக் குடித்தார், அகஸ்தியர் கமண்டலத்திலிருந்து காவிரி வந்தது, அகஸ்தியர் விந்தியமலையை கர்வபங்கம் செய்தார், அகஸ்தியரை மக்கட் தொகைப் பெருக்கத்தால் சிவபெருமான் தெற்கே அனுப்பிவைத்தார் என்பன எல்லாம் விஞ்ஞான பூர்வ அல்லது வரலாற்று ரீதியிலான விஷயங்கள்- வெறும் புராணக் கதைகள் அல்ல என்பதை முந்தைய ஆராய்ச்சிக் கட்டுரைகளில் விளக்கிவிட்டேன்.

கும்பகர்ணன்:- ராவணனின் தம்பியான கும்பகர்ணன் ஆறு மாதம் சாப்பிட்டுவிட்டு ஆறுமாதம் நிம்மதியாகத் தூங்குவான். அவனுக்கு ஒரு உடற்  பிரச்சனையும் ஏற்படவில்லை. நல்ல ஜீரண சக்த்திக்கு நிம்மதியான உறக்கம் தேவை!

வடவைத்தீ: கடலுக்கடியில் சீறும் எரிமலைகளால் சுனாமி போன்ற ஆபத்துகளும், பெரும் தீயும் உண்டாகி பேரழிவை உண்டாக்குவதை நாம் அறிவோம். ஆந்திரத்தில் ஏற்பட்ட புயலில் மர்மத் தீ உண்டானது பற்றியும் பல ஆயிரம் பேர் உயிரிழந்தது பற்றியும் ஏற்கனவே எழுதியுள்ளேன்.

கடலுக்கடியில் எப்போதும் இருக்கும் வடவாக்கினிக்கும் ஜீரண சக்திக்கும் என்ன தொடர்பு ? புரியவில்லையே என்று யோசித்துப் பார்த்தேன்; பின்னர் ஒரு முடிவுக்கு வந்தேன்; எப்படி பூமிக்கடியிலுள்ள தீ, இந்த உலகினை  நிலைநிறுத்திகிறதோ அல்லது அழிக்கிறதோ அதே போல நமது அடிவயிற்றில் ஜடராக்கினி உள்ளது ; இதை நாலு விதமாக ஆயுர்வேதம் பிரிக்கிறது; இந்த ஜடராக்கினி நன்றாக இருந்தால் ஜீரணம் நன்றாக இருக்கும் .

உடலில் உள்ள நாலு அக்கினி / தீ

Jataragni is the primary “digestive fire” in Ayurveda, located in the abdomen and small intestine, responsible for breaking down food, absorbing nutrients, and metabolizing tissue. As the central metabolic force (or “fire of the belly”), its strength determines health or disease, requiring care for proper digestion.

Functions: It controls hunger, digestion, and assimilation, turning food into energy.

Health Impact: A strong jataragni ensures vitality and immunity, while a weak one (mandagni) leads to the accumulation of toxins.

Types: Ayurveda classifies digestion strength into four types based on the doshas: Samagni (balanced), Vishamagni (variable), Tikshanagni (sharp/intense), and Mandagni (slow).

சமாக்கினி  – சரி சமமமனது ;

விஷமாக்கினி – மாறுபடக் கூ டிய தீ ;

தீக்ஷனாக்கினி – தீவிரமானது;

மந்தாக்கினி – மந்தமானது ;

இவைகளில் மந்தமான மந்தாக்கினி அஜீரணத்தை உண்டாக்கும் என்கிறது ஆயுர்வேத சாஸ்திரம் ;

பூமிக்கடியில் — நடுப்பாகத்தில் பல்லாயிரக்கணக்கான டிகிரி வெப்பமுள்ள இரும்புக் குழம்பு கொதித்துக் கொண்டிருக்கிறது ; அதன் விளைவு பற்றி இன்னும் விஞ்ஞானிகள்  கூட  அறியவில்லை ஏனெனில் பூமியின் நடுப்பாகத்தை அடைய 4000 மைல்கள் போக வேண்டும். மனிதன் இதுவரை தோண்டியதோ நூறு மைல் கூட இல்லை ! அதற்கு மேல் தோண்ட முடியவில்லை ; ஆக அங்குள்ள அக்கினிதான் பூமிக்கும் “ஜீரண சக்தியைத்” தருகிறதோ என்னவோ தெரியாது !

பீமன்/வ்ருகோதரன்: பீமனின் அசுரப் பசி உலகிற்கே தெரிந்ததுதான். பகாசுரனுக்காக பல வண்டிகளில்  வைக்கப்பட்டிருந்த உணவை ஒரே நேரத்தில் சாப்பிட்டவன் அவன். ஒரு அஜீரணக் கோளாறு அவனுக்கு ஏற்பட்டதில்லை.

சனி: இந்தப் பட்டியலில் மிகவும் புரிந்துகொள்ள கடினமானது சனிக் கிரகம் தான். அதற்கும் ஜீரணத்துக்கும் என்ன தொடர்பு என்று வியப்போம். சனிக் கிரஹம், உடலுறுப்புகளில் பாதத்துக்கும் பெருங்குடலுக்கும் அதிபதி. உலோகங்களில் இரும்புக்கு அதிபதி. இரும்புச் சத்து ரத்தத்தில் குறைந்தால் எல்லா உறுப்புகளும் ஜீரண சக்தியும் பாதிக்கப்படும். ஹீமோக்ளோபின் என்ற இரத்தச் சிவப்பணுக்களுக்கு இரும்பு தேவை என்பதை எனது நண்பர் கல்யாண குருக்கள் சுட்டிக்காட்டினார். மேலும் சனிக் கிரஹமே ஆயுள்காரகன். ஒருவன் இறப்பதும், இருப்பதும் சனியின் வேலையே.ஆக சனிக்கும் ஜீரணத்துகுமுள்ள தொடர்பு சரியே!

வடமுகாக்கினி

.கடலில் ஒளிந்திருந்த கனல் எழுந்து வந்தாற் போல்

உடலில் ஒளிந்த சிவம் ஒளி செய்வது எக்காலம்?—பத்திரகிரியார் பாடல்

ஊழித் தீ அல்லது மடங்கல் என்று சங்கத் தமிழ் நூல்கள் கூறுவது வடமுகாக்னி என்னும் வடவைத் தீயைத்தான். இதைப் பற்றி பல புராணக் கதைகள் உண்டு.

இதோ அபிதான சிந்தாமணி தரும் விளக்கம்

1.வடவை என்பது கடலின் வடக்குப் பக்கத்தில் இருக்கும் ஊழித் தீ. பகன் என்பவன் தான் செய்த தவ அக்கினியை, பிதுர்கள் (இறந்தவர்கள்)  கட்டளைப்படி கடலில் விட, அது பெட்டைக் குதிரை உருக்கொண்டு தங்கியது.

2.சூரிய மண்டலத்தை தேவர் சாணை பிடிக்கையில் தெறித்த தீப் பொறிகளை விச்வகர்மன் சேர்த்துக் கடல் நீரை அடக்க கடலில் விட்டனன் என்பது விரத சூடாமணி தரும் தகவல்.

பதிற்றுப்பத்து விளக்க உரையில் கிடைக்கும் தகவல் இதோ:

“ கடலில் ஊற்று முதலியவற்றால் மிகுகின்ற நீர் கரை கடந்து உலகை அழிக்காதபடி, அதனை உறிந்து வற்றச் செய்வதொரு தீ பெண் குதிரையின் தலை வடிவில் கடலின் கண் உள்ளதென்று கூறுவர். படபாமுகாக்னி என்பது பெண் குதிரைத் தலை வடிவமாக உள்ள தீ என்று பொருள்படும் வட சொல்லாகும். அத் தீ உலகையே அழிக்கும் ஆற்றல் உள்ளதாகையால் அதனை ‘மடங்கல்’ எனக் குறிப்பிடுவர்.”

பல வடஇந்தியர்கள் பெயருக்குப் பின்னால் ‘படபாக்னி’ என்பதை ஜாதிப் பெயர் போல வைத்திருப்பதும் குறிப்பிடத்த்க்கது.

இதை ஏன் “குதிரை முகம்” கொண்ட தீ என்று வருணிக்கின்றனர் என்பது புரியவில்லை. வான நூல் நிபுணர்கள் அறிந்தது ஒரே குதிரை முகம் கொண்ட ‘நெபுலா’ தான். நெபுலா என்பது வானத்தில் தூசியும் வாயுவும் மிதக்கும் ஒரு இடமாகும். ஒரு நட்சத்திரம் பிறக்கும் இடம் இது. ஒரு நட்சத்திரம் இறந்த பின்னரும் இப்படி தூசி, வாயுவைக் கக்கும். திருவாதிரை, மிருகசீர்ஷம் விண்மீன்கள் உடைய ‘ஒரையன்’ தொகுதியில் குதிரை முகம் கொண்ட ‘நெபுலா’ இருக்கிறது. இதை பைனாகுலர், டெலஸ்கோப்பு கொண்டு பார்க்கலாம். ஆனால் இதற்கும் குதிரை முகத் தீக்கும் எந்தத் தொடர்பும் இருப்பதாகத் தெரியவில்லை.

ஊழித் தீ என்பது வடக்கில் இருக்கும் என்றும், கடலுக்கு அடியில் ஒளிந்து கொண்டிருக்கும் என்றும் யுக முடிவில் அது வெளியே வந்து எல்லாவற்றையும் அழித்துவிடும் என்றும் வடமொழி தமிழ் மொழி இலக்கியங்கள் கூறும்.

கபிலர், அரிசில் கிழார் போன்ற புலவர்கள் பதிற்றுப் பத்து என்னும் சங்க நூலில் சேர மன்னர்களின் சீற்றம் ஊழித் தீ போன்றது என்றும் சுவடே இல்லாமல் எதிரியை நிர்மூலமாக்கிவிடும் என்றும் பாடுகின்றனர்.

வடவைத் தீ என்பது நார்வே, ஸ்வீடன், பின்லாந்து ஆகிய வட துருவப் பகுதியில் தோன்றும் ஆரோரா போரியாலிஸ் (Auroora Borealis) என்ற ஒளியோ என்று பலர் கருதினர். ஆனால் இது வடவைத் தீ அல்ல.

ஹவாய் போன்ற தீவுகளிலும் பின்லாந்து போன்ற நாடுகளிலும் கடலில் இருந்து எரிமலைத் தீக்குழம்பு (lava from sub marine volcanoes) வந்த வண்ணம் இருக்கும். இது கோடிக் கணக்காண ஆண்டுகளாகத் தொடர்ந்து நடைபெறுகிறது. அங்கே கடலில் எப்போதும் தீக் குழம்பைப் பார்க்கலாம். இது உலகை அழித்தது இல்லை என்பதால் இதையும் வடவை தீ இல்லை என்றே சொல்லவேண்டும். பின்னர் வேறு எதைத் தான் நம் முன்னோர்கள் வடவைத் தீ என்று சொன்னார்கள்? இதற்கு விஞ்ஞான விளக்கம் என்ன என்பது இதுவரை புரியாத புதிராகவே நீடிக்கிறது.

—subham—

Tags- வடமுகாக்கினி ,அருணகிரிநாதர், அரிய செய்திகள், Part 71, துவார பாலகர் யார்? ஜீரண சக்தி, வடவைத் தீ, “குதிரை முகம்” கொண்ட தீ

Written by London Swaminathan

Post No. 15,599

Date uploaded in London –9 April 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

https://www.pustaka.co.in/home/author/london-swaminathan

xxxx 

KU words (Tamil Version )

குல தெய்வம்

ஒவ்வொரு குடும்பத்தினரும் பரம்பரை பரம்பரையாக வழிபடும் தெய்வம் ; பொதுவாக மூதாதையர் பிறந்த ஊரிலுள்ள தெய்வம் அந்தக் குடும்பத்தினரின் குலதெய்வமாக இருக்கும்; குடும்பத்தில் பிள்ளைகள், பேரப்பிள்ளைகள் பெயரிலும் இதைக் காணலாம் . அந்தக் குடும்பத்தினர் உலகின் எந்தப் பகுதியில் வசித்தாலும் ஆண்டுக்கு ஒரு முறையோ அல்லது கல்யாணம் கார்த்திகை போன்றவைகளுக்கு முன்பாகவோ குலதெய்வத்தை வழிபடுவதற்கு வருவார்கள் ; சிறப்பான பூஜை  அபிஷேக ஆராதனைகளையும்  அப்போது செய்வார்கள்.

***

குமரிலபட்டர்

இந்து மத தத்துவங்களில் மீமாம்சகப் பிரிவு அறிஞர்களில் ஒருவர்; அவரை ஆதி சங்கரர்  , சந்திக்கச் சென்றபொழுது , அவர் உமிக்குவியலுக்கு தீ மூட்டி அதன் நடுவில் அமர்ந்து இறந்து கொண்டிருந்தார்;  புத்த மத குரு ஒருவரிடம் பொய் சொன்ன தவற்றுக்காக, பிராயசித்தமாகப் பிராணத் தியாகம் செய்த மாபெரும் இந்து அவர். தனது இறுதிக்காலம் வந்துவிட்டதால் மண்டனமிஸ்ரரைச் சந்தித்து அத்வைத தத்துவத்தை விவாதிக்கும்படியும் அனுப்பி வைத்தார் ; மீமாம்சகப் பிரிவு, வேதங்களின் கர்ம காண்டத்தில் நம்பிக்கை உடைய பிரிவு.

***

கும்பகர்ணன்

ராவணனின் சகோதரர்களில் ஒருவன்; உருவத்தில் மிகப்பெரியவன் ; ஒரு முனிவரின் சாபத்தால், ஒரு வருடத்தில் ஆறுமாதம் உறங்கு வதையே தொழிலாகக் கொண்டவன்; அவனை எழுப்புவதற்கு யானைகளும் பிரம்மாண்ட டமாரங்களும் தேவைப்பட்டன. சாப்பாட்டில் கடோத்கஜன் போல சாப்பிடுவான் ; இவனது வருணனை ராமாயணத்தில் வருகிறது ; இவனுடைய கதை மற்றும் வேதத்தில் வரும் , கட்டை விரல் அளவு மட்டுமேயுள்ள வாலகில்ய முனிவர்களின் கதை , விரலான் கதை ஆகியவற்றை அடிப்படையாக வைத்து ஆங்கிலத்தில் ஜோனதன் ஸ்விப்ட் என்பவர் கல்லிவர்ஸ் டிராவல்ஸ் கதையை எழுதினார் .

***

குமாரசம்பவம்

குமார சம்பவம், சம்ஸ்க்ருத மொழியி லுள்ள மஹா காவியங்களில் ஒன்று; இந்த நூலினை செய்யுள் வடிவில் உலகப் புகழ்பெற்ற கவிஞன் காளிதாசன் இயற்றினான். முருகப்பெருமானின் அவதாரத்தை எழுத வந்த காளிதாசன் இதை முடிக்கும் முன்பாகவே இறந்துவிட்டார்; இப்போதுள்ள காவியத்தில் முதல் எட்டு சர்க்கங்கள் மட்டுமே காளிதாசரின் படைப்பு ; பிற்காலத்தில் யாரோ ஒரு புலவர் ஒன்பது சர்க்கங்களை சேர்த்துவிட்டார் ; முதலிலுள்ள எட்டு சர்க்கங்களில் கூட, எட் டாவது சர்க்கத்தில் அதிகமாக காம   விஷயங்கள் இருப்பதால் பெரும்பாலோர் அதைக் கற்பிப்பதில்லை; முதலாவது சர்க்கத்தில் வரும் இமயமலை வருணனையை சங்கப்புலவர்கள் தமிழில் வடித்துள்ளனர் ; காளிதாசன் சங்க காலத்துக்கு முன்னர் வாழ்ந்த புலவர் ஆவார்.

***

கும்மி  –  கோலாட்டம்  பகுதியைக் காண்க  .

***

குறவஞ்சி

ஒரு குறத்தி, பெண்ணின் தாயாரிடமோ அல்லது  காதலியிடமோ வருங்கால கணவன் பற்றி குறி / ஜோதிடம் / ஆருடம் சொல்லும் சம்பவம் குறவஞ்சியில் இடம் பெறும்; இது சிற்றிலக்கிய வகைகளில் ஒன்று ; திரிகூட ராஜப்ப கவிராயர் இயற்றிய  திருக்குற்றாலக் குறவஞ்சி என்னும் பாடல் நூல் மிகவும் சுவையானது; இதில் குற்றால மலையின் அழகு, மலையின் வளம் முதலியன பாடப்பட்டுள்ளது; நடன அரங்குகளில் ஆடுவோர் குற வஞ்சி நடனத்தைக் கடைசியில் சேர்ப்பது உண்டு ; இதில் வெறும்காதல் சுவை மட்டுமில்லாமல் பக்திக் சுவையும் இருக்கும். திரைப்படத்தில் குறவஞ்சி : 1960 ஆம் ஆண்டு வெளிவந்த தமிழ்த் திரைப்படமாகும். மு. கருணாநிதி திரைக்கதை வசனம் எழுத ஏ. காசிலிங்கம் இயக்கத்தில் வெளிவந்த குறவஞ்சி திரைப்படத்தில் சிவாஜி கணேசன், வி. ஆர். ராஜகோபால் மற்றும் பலரும் நடித்திருந்தனர்.

***

குசன் , லவன்

ராம பிரானின் இரண்டு புதல்வர்களை வடக்கில் குச லவன் என்றும் தெற்கில் லவ குசன் என்றும் சொல்லுவார்கள்  ; சீதா தேவி, வால்மீகி முனிவரின் ஆஸ்ரமத்தில் இருந்தபோது இந்த இரட்டைக் குழந்தைகள் பிறந்தனர். இருவரும் ராம பிரானைச் சந்தித்தபோது அவர் மகிழ்ச்சியுடன் அரவணைத்து ஏற்றுக்கொள்கிறார் லவ குசன் பெயரில் திரைப்படங்களும் பாடல்களும் வந்துள்ளன. பிற்காலத்தில் எழுதப்பட்ட ஒரு நூலில் உண்மையான குசனை வனவிலங்கு விழுங்கியதாகவும் பின்னர் வால்மீகி  முனிவர் குச என்னும் புல்லைவைத்து உருவாக்கிய புதல்வனே குசன் என்றும் கற்பனைக்கதைகளைச் சேர்த்து மக்களைக் குழப்பியுள்ளனர்.

***

கும்பாபிஷேகம்/ குடமுழுக்கு

கும்பாபிஷேகம் என்பது 12 ஆண்டுகளுக்கு ஒரு முறை கோவிலைப்  புதுப்பித்து மீண்டும் மந்திர சக்தியை ஏற்றும் சடங்கு ஆகும். கட்டடங்கள் காலப்போக்கில் சிதிலமடைவதால் இந்துக்கள் இந்தச் சடங்கினைக் கண்டுபிடித்து வைத்துள்ளனர் .

இந்தச் சடங்கினை பேட்டரி ரீசார்ஜ்ஜிங்குடன் ஒப்பிடலாம் ; கட்டிடம் மட்டும் புதுப்பிதல்ல இது; உள்ளேயுள்ள விக்கிரகங்களுக்கும்  சக்தியை ஏற்றும் நிகழ்ச்சி இது

 கோவிலின் எல்லாப் பகுதிகளிலும் திருப்பணி செய்வார்கள்; தேவையானால் மூல விக்கிரகங்களை பாலாலயம் என்ற பெயரில் தனியாக வழிபாட்டுக்கு வைத்துவிட்டு 40 நாட்களுக்கு யாக சாலை பூஜைகளை முடித்துவிட்டு மந்திர உரு ஏற்றப்பட்ட புனித நீரை கோபுரத்தின் மீதுள்ள கலசங்களில் அபிஷேகம் செய்வார்கள்; இதைக் காண்பது புண்யம் என்பதால் பக்தர்கள் ஆயிரக்கணக்கில் அல்லது லட்சக்கணக்கில் கூடுவார்கள் . மடங்களுக்கும் இப்படிச் செய்வதுண்டு  மூலஸ்தானத்தில் விக்கிரகங்கள் அல்லது சிலைகளை வைக்கும் இடத்தில் அஷ்ட பந்தனம் என்னும் மருந்துக்கலவையை இட்டு தங்கம் மற்றும் இரத்தின கற்களால் அந்த இடத்தை நிரப்பி, சிலைகளை மீண்டும் பிரதிஷ்டை செய்வார்கள் . அப்போதும் வேத மந்திரங்கள் உச்சரிக்கப்படும்; தமிழில் குடமுழுக்கு என்ற சொல்லைக்  கல்வெட்டுகள் உபயோகித்துள்ளன .

****

குசத்வீபம்

இந்துக்கள் அபாரமான பூகோள அறிவு படைத்தவர்கள்! ஓரிடத்தில் முக்கியமாகவுள்ள தாவரம் அல்லது பறவை அல்லது விலங்கினை வைத்து அந்த இடத்துக்குப் பெயரிட்டனர்.  ஆசிய ஆப்ரிக்க நிலப்பரப்பினை புராணங்கள் ஏழு கண்டங்களாகப் பிரித்தனர்; தமிழ் இந்துக்கள் குறிஞ்சி, முல்லை நெய்தல் ,மருதம், பாலை என்று பிரித்தனர்; புராணத்திலுள்ள ஏழு கண்டங்களில் ஒன்று குசத்வீபம்.  புராண புவியியலின்படி, இது குச புற்கள் (Kusha grass) அதிகமாகக் காணப்படும் பகுதியாகும்.

விஷ்ணு புராணத்தின்படி, வபுஷ்மான்/ஜ்யோதிஷ்மான் குசத்வீபத்தை ஆட்சி செய்தார்.

சப்தத்வீபங்கள்: இது ஜம்புத்வீபம், பிலக்ஷத்வீபம், சால்மலத்வீபம், கிரௌஞ்சத்வீபம், சாகத்வீபம், புஷ்கரத்வீபம் ஆகியவற்றுடன் சேர்த்து ஏழாவது கண்டமாகக் கருதப்படுகிறது. இந்த இடங்கள் புராண ரீதியானவை மற்றும் பூமியின் தற்போதைய புவியியல் வரைபடத்துடன் நேரடியாக ஒப்பிட முடியாதவை. GEOGRAPHY OF THE PURANAS புராண பூகோளம் என்ற பெயரில் பல நூல்கள் ஆங்கிலத்தில் உள்ளன. எவரும் ஒரே பெயரைச் சொலவதில்லை! பாரத நாட்டுக்கு மட்டும் ஜம்புத்வீபம்/ நாவலந்தீவு  என்பது சங்க இலக்கியத்திலும் புராணங்களிலும் உள்ளது .

****

குண்டலினி

குண்டலினி என்பது மனித முதுகெலும்பின் அடிப்பகுதியில் (மூலாதார சக்கரம்) உறங்கும் நிலையில் இருக்கும் ஒரு சக்தி ஆகும்.  சரியான யோகப் பயிற்சிகள், தியானம் மற்றும் மூச்சுப்பயிற்சி (வாசி யோகம்) மூலம், இந்த ஆற்றல் எழுப்பப்பட்டு முதுகுத்தண்டின் வழியாக மேலேறி, தலை உச்சியில் உள்ள சஹஸ்ரார சக்கரத்தை அடையும்போது ஞானம் ஏற்படும்.

திருப்புகழ், திருமந்திரம், விநாயகர் அகவல் , பாம்பாட்டிச் சித்தர் பாடல்கள் முதலியவற்றில் குண்டலினி வருகிறது; தற்காலத்தில்  இது பற்றி எழுதுவோர் எவரும் அந்தச் சக்தியை அடைந்தவர் அல்ல; இந்த சக்தியை எழுப்புவோர் சில அற்புத சக்திகளைப் பெறுவதால் பாதியில் தவறான செயல்களைச் செய்து சிறைக்குப் போய்விடுகிறார்கள்  . மீதிப்பேர் பைத்தியம் பிடித்து அலைகிறார்கள்; ஆகையால் இதை நல்ல குருநாதர் இல்லாமல் துவங்கக்கூடாது!

பாம்பு பற்றி இந்துமதத்தில், தல புராணங்களில் கதைகள் உள்ளன. நல்லதற்கும் பாம்பு; கெட்டதற்கும் பாம்பு உவமை வரும்; குண்டலினி சக்தியை எழுப்புவதைக் கூட பாம்பை சுருண்ட நிலையில் இருந்து எழுப்புவது என்ற உவமை மூலம் விளக்குவார்கள். அந்த பாம்பினை எழுப்பிவிட்டாலோ பத்து ‘பாபா’ அளவுக்கு அற்புதங்கள் செய்து காட்டலாம்.

மூலாதாரத்தில் தொடங்கி, சுழுமுனை நாடி வழியாக, மணிபூரகம், அநாகதம், விசுத்தி, ஆக்ஞா போன்ற சக்கரங்களைக் கடந்து சஹஸ்ராரத்தை அடைகிறது.

சஹஸ்ராரம் (Sahasrara) என்பது மனித உடலின் ஏழாவது மற்றும் மிக உயர்ந்த சக்கரமாகும், இது தலை உச்சியில் அமைந்துள்ளது (Crown Chakra). ஆயிரம் இதழ்கள் கொண்ட தாமரையாகக் குறிக்கப்படும் இது, பிரபஞ்ச சக்தியுடன் ஆன்மா இணையும் இடம், பேரானந்தம், ஞானம் மற்றும் உச்சக்கட்ட ஆன்மீக உணர்தலை உணர்த்துகிறது.

குண்டலினி என்னும் மகத்தான சக்தியை எழுப்பி தலையில் உள்ள சக்கரத்துக்கு கொண்டு சென்றால் அமுதம் சுரக்கும். அதை அனுபவிக்கும் நிலை எல்லையில்லாத ஆனந்தம் அளிக்கும்.

to be continued………………………….

Tags—குல தேவதை, குண்டலினி, லவ குசன், HINDU DICTIONARY IN ENGLISH AND TAMIL 49; இந்து மத கலைச்சொல் அகராதி-49, 

Written by London Swaminathan

Post No. 15,597

Date uploaded in London –9 April 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx

திருப்புகழில் அருணகிரிநாதர் சொல்லும் அரிய செய்திகள் Part 70

திருப்புகழில் அருணகிரி நாதர் சொல் அழகும், பொருள் வளமும்- Part 70

***

ஐராவதம் யானைக்கு 4 தந்தங்கள்

கொம்பு நாலு உடைய வெண் கம்ப(ம்) மால் கிரி வரும்

கொண்டல் … தந்தங்கள் நான்கினைக் கொண்டதும்* வெண்ணிறமான தூண் போன்ற கால்களை உடையதும், பெரிய மலை போன்றதுமான ஐராவதத்தின் மீது வரும் மேகவாகனன்,

புலோமசையள் சங்க்ரம பார கும்ப(ம்) மால் வரை பொருந்து

இந்த்ர பூபதி தரும் கொண்டல் ஆனையை மணம் செயும்

வீரா … இந்திராணியுடைய மிக்கெழுந்தது போன்றதும், கனத்த குடம்

போன்றதும், மலை போன்றதுமான மார்பகங்களை அணையும் இந்திரன் பெற்று வளர்த்த, மேகத்தை வாகனமாகக் கொண்டு செல்லும், தேவயானையைத் திருமணம் செய்துகொண்ட வீரனே,

அம்புராசியும் நெடும் குன்றும் மா மரமும் அன்று அஞ்ச

வானவர் உறும் சிறை மீள … கடலும், பெரிய கிரெளஞ்ச மலையும்,

மாமரமாய் நின்ற சூரனும் அன்று அஞ்சி நடுங்கவும், தேவர்கள்

அடைபட்டிருந்த சிறையினின்றும் வெளியேறவும்,

அங்க நான் மறை சொ(ல்)லும் பங்கயாசனம் இருந்து அம் கை

வேலு உற விடும் பெருமாளே. … அங்கங்களைக் கொண்ட நாலு

வேதங்களாலும் போற்றப்படுகின்ற பத்மாசனத்தில் வீற்றிருந்து, அழகிய கையில் ஏந்திய வேலாயுதத்தைப் பொருந்திச் செலுத்திய பெருமாளே.

* ஐராவதம் என்னும் யானைக்கு நான்கு தந்தங்கள்.

***

வள்ளிமலையில் வளரும் தாவரங்கள்

தாதகீ சண்பகம் பூகம் ஆர் கந்த மந்தாரம் வாசந்தி சந்தன(ம்)

நீடு சாம வேதண்டம் … தாதகி, சண்பகம், கமுகு, சரக் கொன்றை,

நறுமணமுள்ள மந்தாரம், குருக்கத்தி, சந்தனம் இவைகள் நிறைந்து விளங்கும் கரிய நிறத்தை உடைய வள்ளி மலையில்,

வெம் கோப கோதண்டம் சந்தானம் மாது எங்கள் பைம் புனம்

மேவும் … கொடிய கோபத்தை உடைய, வில்லை ஏந்திய, வேடர்கள் வம்சத்தில் வளர்ந்த பெண்ணாகிய வள்ளி எங்களுக்கு உகந்தவளாய் பசுமையான தினைப் புனத்தில் வாசம் செய்யும்

தீதிலா வஞ்சி அம் சீத பாதம் படும் சேகரா … குற்றமே

இல்லாத வஞ்சிக் கொடி போன்ற வள்ளியின் அழகிய குளிர்ந்த

திருவடிகள் படுகின்ற தலையை உடையவனே,

தண்டை அம் கழல் பேணி தேவி பாகம் பொருந்து ஆதி

நாதன் தொழும் தேசிகா உம்பர் தம் பெருமாளே. … பார்வதி

தேவியின் ஒரு பாகத்தில் பொருந்தி உள்ள பழம்பொருளான

சிவபெருமான் உனது தண்டையும் அழகிய கழலும் அணிந்த திருவடியை

விரும்பித் தொழுத குரு மூர்த்தியே, தேவர்களுடைய பெருமாளே.

தாதகி =ஆத்தி, ஆத்திமரம்; வாசந்தி= குருக்கத்தி

***

மெளனம் என்னும் கூண்டு !

மவுன பஞ்சர மனோலய சுகம் தருவாயே … மெளனம் என்னும்

கூண்டில் இருப்பதால் சித்திக்கும் மன ஒடுக்கம் என்னும் சுக நிலையைத் தருவாயாக.

பரவும் ஆயிரம் முகம் கொடு திசா முக தலம் படர் பகீரதி

விதம் பெற ஆடல் பயில் பணா வனம் உகந்த குண மாசுண

கணம் … பரந்து செல்லும் ஆயிரக் கணக்கான கிளைகளாய் திசைகள் நோக்கும் இடமெல்லாம படர்ந்து செல்லும் கங்கை, வித விதமான ஆட்டங்களை ஆடி, பயிலும் படங்களை உடையதும், காட்டு வாழ்க்கையில் மகிழும் குணத்தை உடையதும் ஆகிய பாம்பின் கூட்டம்,

பனி நிலா உமிழும் அம்புலி தாளி குரவு கூவிளம் அரும்பு

இதழி தாதகி நெடும் குடில வேணியில் அணிந்தவர் … குளிர்ந்த

ஒளிக் கிரணங்களை வீசும் சந்திரன், அருகம் புல், குராமலர், வில்வம், பூ அரும்புகள், கொன்றை, ஆத்தி (இவைகளைத் தமது) நீண்டு வளைந்துள்ள சடையில் அணிந்த சிவபெருமானின்

ஆகம் குழைய ஆதரவுடன் தழுவு நாயகி தரும் குமரனே

அமரர் தம் பெருமாளே. … உடலம் குழையும்படி அன்புடனே

தழுவிய பார்வதி நாயகி பெற்றருளிய குமரனே, தேவர்களின் பெருமாளே.

**

ஆயிரம் மா முகம் கங்கை ; அப்பர் பாடலை ஒப்பிடுவோம் ;

ஆறாம் திருமுறை , பாடல்

மயல் ஆகும் தன்  அடியார்க்கு  அருளும் தோன்றும் ;

மாசு இலாப் புன்சடை மேல் மதியம் தோன்றும்;

இயல்பு ஆக இடு பிச்சை ஏற்றல் தோன்றும் ;

இருங்கடல் நஞ்சு உண்டு  இருண்ட கண்டம் தோன்றும் ;

கயல் பாய கடுங்கலுழிக் கங்கை நங்கை

ஆயிரம் ஆம் முகத்தினொடு வானில் -தோன்றும்

புயல் பாய்ச சட்டை விரித்த பொற்புத் தோன்றும்

பொழில் திகழும் பூவணத்து  எம் புனிதனார்க்கே

***

பல்வகைத் திருத்தாண்டகத்திலும்  இது போன்ற குறிப்பு வருகிறது

நேர்ந்து ஒருத்தி ஒருபாகத்து அடங்கக்  கண்டு

நிலை தளர ஆயிரமாமுகத்தினோடு

பாய்ந்து ஒருத்தி படர்சடைமேல் பயிலக்கண்டு

பட அரவும் பனிமதியும்  வைத்த செல்வர்

தாம் திருத்தித் தம் மனத் தை  ஒருக்காத் தொண்டர்

தனித்து ஒரு தண்டு ஊன்றி மெய் தளரா முன்னம் பூந்துருத்தி என்பீராகில்

பொல் லால்புலால்  துருத்தி போக்கல் ஆமே –பாடல் 909

***

முருகன் சேவிங்ஸ் டெபாசிட் Savings Deposit or Provident Fund

மக்களோடு வான் நாடர் திக்கில் முனிவோர் சூழ மத்த மயில்

மீது ஏறி வருவோனே … மக்களும், விண்ணோர்களும், பல

திசைகளிலும் உள்ள முனிவர்களும் சூழ்ந்து வர, களிப்பு மிகுந்த மயில் மீது ஏறி நகர்வலம் வருவோனே,

வைத்த நிதி போல் நாடி நித்தம் அடியார் வாழ … சேமித்து வைத்த நிதியைப் போல விரும்பி தினந்தோறும் வந்து தொழும் அடியார்கள் வாழும்படி,

வைத்த படி மாறாத பெருமாளே. … அவர்கள் மேல் வைத்த கருணைத் திறம் நீங்காத பெருமாளே.

வைத்த மாநிதி/ பிராவிடண்ட் பண்ட்

நான் சென்ற ஆண்டு எழுதிய கட்டுரையிலிருந்து :

நம்மாழ்வார் பாசுரங்களில் உள்ள தமிழ்ச் சொற்களைக் கொஞ்சம் சுவைப்போம்.

3410    வைத்த மா நிதியாம் மதுசூதனையே அலற்றி

கொத்து அலர் பொழில் சூழ் குருகூர்ச் சடகோபன் சொன்ன

பத்து நூற்றுள் இப் பத்து அவன் சேர் திருக்கோளூர்க்கே

சித்தம் வைத்து உரைப்பார் திகழ் பொன் உலகு ஆள்வாரே

    சேமித்து வைத்த சேமநிதிபோன்ற மதுசூதனையேபற்றி பூங்கொத்துக்கள் மலர்கின்ற சோலைகள் சூழ்ந்த திருக்குருகூரில் அவதரித்த ஸ்ரீசடகோபராலே அலற்றி அருளிச்செய்யப்பட்ட பத்து நூற்றுள் இந்தப் பத்துப் பாசுரங்களையும் அவன் சேர்ந்திருக்கின்ற திருக்கோளூரிலேயே சித்தத்தை வைத்து உரைப்பவர்கள் விளங்குகின்ற பரமபதத்தை ஆள்வார்கள் என்றபடி.

***

அருள்மிகு வைத்தமாநிதிப்பெருமாள் திருக்கோவில்

திருக்கோளூர், தூத்துக்குடி மாவட்டம்- த்திலுள்ளது . இது மதுர கவி ஆழ்வார் பிறந்த திருத்தலம் . குபேரன் தன் செல்வத்தை வைத்த இடம் அல்லது இன்வெஸ்ட் INVEST – முதலீடு  செய்த இடமென்று சொல்லலாம்.

இந்தக் கட்டுரை இன்வெஸ்ட்மென்ட் – முதலீடு பற்றியது. வைத்த மாநிதி என்ற பெயர் மறக்க முடியாதது. நான் மதுரை தினமணிப் பத்திரிகையில் (1971-1986) சீனியர் சப் எடிட்டராகப் பணியாற்றியபோது ஒருநாள் தினமணி ஆசிரியர் ஏ என் சிவராமன் (ANS) சப் எடிட்டர் உள்ள மேஜைகள் அருகே வந்து “ஏய், வைத்த மாநி என்றால் ஆங்கிலத்தில் என்ன தெரியுமா ? ப்ராவிடென்ட் பண்ட் PROVIDENT FUND ( PF) என்று சொல்லிவிட்டுப் போய்விட்டார். எங்கள் சப் எடிட்டர் குரூப்பில் ஒருவர் மட்டுமே அய்யங்கார் ;  ஏனையோர் அய்யர், பிள்ளை, கோனார் (யாதவர்) ஜாதிகளை சேர்ந்தோர். அன்று அந்த அய்யங்கார் ‘ட்யூட்டி’யில் இல்லை என்று எண்ணுகிறேன். ஆகையால் திரு ஏ என் எஸ் சொன்னதன் பொருளை பாராட்டவோ மேலே விவாதிக்கவோ யாரும் இல்லை; அவரும் அதைச் சொல்லிவிட்டு அவர் உடகார்ந்துள்ள இடத்துக்குச் சென்றுவிட்டார். இப்போது நம்மாழ்வார் பாசுரத்தைப் படிக்கும்போது அவர் சொன்னதன் ஆழ்ந்த பொருள் விளங்குகிறது!

  அவர் திருநெல்வேலி மாவட்ட ஆம்பூரைச் சேர்ந்தவர்;ஆகையால் அவருக்கு வைத்தமாநிதி திடீரென்று நினைவுக்கு வைத்தது போலும் .

இப்போது பிராவிடண்ட் பண்டு என்பதை ‘வருங்காலச் சேமிப்பு நிதி’ என்கிறார்கள். அதில் ஊழியர் எவ்வளவு பணம் போடுகிறாரோ அந்த அளவுக்கு முதலாளியும் போட வேண்டும்;  முதலாளி கூடுதலாகவும் போட்டு தொழிலாளிக்கு உதவ முடியும். அதை ஒரு தொழிலாளி வீடு கட்டவோ, வீட்டில் நடக்கும் கல்யாணம் முதலியவற்றுக்கோ பாதியில் எடுத்துக்கொள்ளவும் வழி உண்டு. இதை கடவுள் பெயருக்கு வைத்து  எண்ணி எண்ணி வியப்படைகிறேன். நீங்கள் எந்தளவுக்கு பக்தி செலுத்துகிறீர்களோ அந்த அளவுக்குப் பெருமாளும் உங்கள் மீது முதலீடு செய்வார் அதாவது அருள் மழை பொழிவார்; எப்படி பி எப் -பில் முதலாளி கூடுதலாக உங்கள் பெயரில் பணம் போட முடியுமோ அது போல இறைவனும் உங்கள் பெயரில் அதிகம் அருள் மழை பொழிய- கருணை காட்ட -வாய்ப்பும் உண்டு. அதனால்தான்  மாணிக்க வாசகர் போன்ற மகான்கள் அவனருளாலே அவன் தாள் வணங்கி என்று பாடினார்கள் போலும்!இன்னும் கொஞ்சம் யோசித்துப்பார்ப்போம்; தொழிலாளி சம்பளத்தில் எவ்வளவு பணம் போடுகிறாரோ அந்த அளவுக்கு முதலாளி உங்கள் பி.எப் பில்  பணம் போட்டாக வேண்டும் இது போலத்தான் இறைவனும்! சத்தியம் என்னும் விதிக்கு கட்டுப்பட்டவர். ராவணன் ஆனாலும் பஸ்மாசுரன் ஆனாலும் அவரவர் வேண்டுதலுக்கு ஏற்ற விகிதாசாரப்படி இறைவன் வரம் கொடுத்தே ஆக வேண்டும். எப்போது முதலாளி

 நாம் செலுத்தும் பங்கினை விட நமது பெயரில் கூடுதல் பணம் போடுவார்? அவர்கள் கம்பெனி மீது நமக்கு நல்ல எண்ணமும் நல்ல ஈடு பாடும் இருந்தால் மனம் மகிழ்ந்து கூடுதல் பணத்தை நமது அக்கவுண்டில் செலுத்துவார். அதே போல நாமும் இறைவனிடத்தில் அவரது கம்பெனி/ கோவிலில் அதிக ஈடுபாடு காட்டினால் முதலீடு பெருகும். இந்த முதலீட்டுக்கு வட்டியும் கிடைக்கும். அந்த வட்டி, குட்டியும் போடும் என்பதை நினைவிற்கொண்டு வைத்த மாநிதியை வணங்குவோம்.

வைத்த மாநிதி- ஆழ்ந்த பொருள் உள்ள நாமம் !

–subham—

Tags- இன்வெஸ்ட்மென்ட், சேவிங்ஸ் , நம்மாழ்வாரும் அருணகிரிநாதரும்,  அரிய செய்திகள் ,Part ௭௦, ஐராவதம் , 4 தந்தங்கள், வைத்த மாநிதி

WRITTEN BY S NAGARAJAN

Post No. 15,596

Date uploaded in London – 9 April 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx

ராமாயணத்தில் வரங்கள் (49) ஶ்ரீ ராமருக்கு பரத்வாஜர்  வரம் அளித்தது!

ச. நாகராஜன்

யுத்தகாண்டத்தில் ‘பரத்வாஜ ஆசிரமத்தை அடைவது’ என்ற 127வது ஸர்க்கத்தில் ஶ்ரீ ராமருக்கு பரத்வாஜ மஹரிஷி வரம் அளிப்பது பற்றிய செய்தி காணப்படுகிறது. பரத்வாஜரை தரிசித்த ஶ்ரீ ராமர் அவர் தவத்தின் மூலமாக அயோத்யா நிலைமை பற்றி அறிய விரும்புகிறார்.

பரத்வாஜர், பரதன் பாதுகைகளை வைத்து பூஜை செய்வதையும் அதுவரை நடந்துள்ள அனைத்தையும் தான் அறிந்ததையும் ராமருக்கு எடுத்துக் கூறுகிறார்.

பின்னர் ரிஷி கூறுகிறார்:

அஹமப்யன்ன தே தத்தி வரம் சஸ்த்ரப்ருதாம் வர |

   யுத்தகாண்டம், 127ம் அத்தியாயம், ஸ்லோக எண் 18

சஸ்த்ரப்ருதாம் வர – சஸ்திரதாரிகளும் சிறந்தவரே!                     அத்ர – இப்பொழுது                                           அஹம் பி – நானும்                                                  தே – உனக்கு                                                    வரம் – வரமொன்றை                                                    தத்தி – அளிக்கிறேன்

இதைக் கேட்ட ராமர் மிகவும் மகிழ்ச்சி அடைந்து தான் விரும்பியதைக் கேட்கிறார்.

அகாலே பலினோ வ்ருக்ஷா: சர்வே சாபி மதுஸ்த்ரவா: |              பலான்யம்ருதகல்பானி பஹூனி விவிதானி ||                        பவந்து மார்கோ பகவன்னயோத்யாம் ப்ரதிகச்சத: ||

   யுத்தகாண்டம், 127ம் அத்தியாயம், ஸ்லோக எண் 21

பகவான் – பகவானே                                                 அயோத்யாம் – அயோத்திக்கு                                        ப்ரதிகச்சத: – திரும்பிச் செல்லும் எனது                              மார்கே – வழியில்                                                     வ்ருக்ஷா: – மரங்கள்                                                   சர்வ ச – எல்லாமும்                                            அகாலே அபி – காலமில்லாத காலத்திலும்                      பலின: – பழங்கள் செறிந்தனவும்                               மதுஸ்த்ரவா – தேனைப் பெருக்குவனவாவுமானவைகளாய்              விவிதானி – பல்வகை                                             பஹூனி – கணக்கற்ற                                       அம்ருதகல்பானி – அமிர்தத்திற்கொப்பான                               பலானி ச – பழங்களும்                                             பவந்து – இருக்க வேண்டும்.

“அயோத்திக்குத் திரும்பிச் செல்லும் எனது வழியில் காலமில்லாத காலத்திலும் கூட மரங்கள் அனைத்தும் பழங்கள் செறிந்தனவாகவும், தேனைப் பெருக்குபவையாகவும் அமிர்தத்திற்கு ஒப்பான பழங்களுடன் இருக்க வேண்டும்” என்று ராமர் வேண்ட, “ததா இதி” அப்படியே ஆகட்டும் என பரத்வாஜ மஹரிஷி வரத்தைத் தந்து அருள்கிறார்.

இப்படி ராமர் பரத்வாஜ மஹரிஷியிடம் பெற்ற இந்த வரம் இங்கு குறிப்பிடப்படுகிறது.

**

image of Kumbakarna

Written by London Swaminathan

Post No. 15,595

Date uploaded in London –8 April 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx 

KU words (Tamil Version will be posted tomorrow)

Kula devata

Kuladevatā (कुलदेवता) refers to the “tutelar family deity”. The family goes to the temple of Kula devata every year or before a wedding etc to do special pooja/ritual worship. They vsit the temple even if they mirate to another town or country. The picture or an idol of the goddess /god is kept in the house. At least one of the children or grandchildren is named after the Kula devata. Some families may have more than one Kula Devata.

Kuladevatā (कुलदेवता).—a tutelary deity; the guardian deity of a family; तामर्चिताभ्यः कुलदेवताभ्यः कुलप्रतिष्ठां प्रणमय्य माता (tāmarcitābhyaḥ kuladevatābhyaḥ kulapratiṣṭhāṃ praṇamayya mātā) Kumārasambhava 7.27

***

Kumarilabhatta

Kumārilabhaṭṭa (कुमारिलभट्ट).—[masculine] [Name] of a philosophical teacher.

Great Mimamsaka and senior contemporary of Adi Sankara. He is believed to have self-immolated himself in expiation of the sine of not revealing  his true identity to his Buddhist guru . during his last days Sankara met him to discuss the doctrine of Advaita.

***

Kumbhakarna

Kumbhakarna  is Ravana’s giant brother known for immense strength and insatiable hunger. Cursed to sleep for six months, he awakens to battle, symbolizing formidable power and valiant struggle against Rama’s forces Kumbhakarna was slain by the enraged Raghava, demonstrating Rama’s might in battle.

Often depicted as a fierce warrior and a key antagonist, Kumbhakarna is characterized by his long sleep due to a curse, from which he awakens to fight battles launched against Rama.

 ****

Kumarasambhava

One of the Maha Kavyas in Sanskrit language

Kumarasambhava is the second Mahakavya of Kalidasa, the earlier one being the Raghuvamsa. It is even considered as the last among all the works of Kalidasa. The reason for it is that the work, as it is available today, contains eight cantos and is incomplete. Later, about nine cantos were added by some unknown author in order to complete to complete the story  of the birth of Lord Subrahmanya and the accomplishment of his very purpose, viz. the killing of Tarakasura. But the well-known commentators like Mallinatha and Arunagirinatha have commented only up to eight cantos thereby substantiating the theory that the work could not be completed since Kalidasa died even befoe completing it.

 It is very  interesting to note that the theme of this work is the ‘Birth of Kumara’ or Lord Muruga . The story of Kumara is, in fact, found in the Ramayana itself where Sage Viswamitra narrates this story to Rama and Lakshmana, in the  Balakanda.

It has been called “the greatest long poem in classical Sanskrit.  Some manuscripts contain up to seventeen sargas, but only the first eight are commonly ascribed to be the work of Kālidāsa himself. The eighth sarga, a vivid description of long lovemaking between Śiva and Pārvatī, was sometimes omitted by medieval scribes due to its erotic content.

***

Kummi – see Kolattam above

***

Kuravanji

Kutrala Kuravanji Dance

A gypsy telling the heroine her fortune with reference to her lover.

A genre of tamil literature. It involves fortune telling. A female kuraththi goes round the town to attract customers. Sometimes mother of a girl calls her to ask about the future (wedding) of her daughter.Kutrala Kuravanji byTrikuda Rasappa Kavirayar is a famous work in Tamil Nadu. In dance shows this Kuvavanji dance comes at the end.

***

Kusa , Lava

Lava and Kusa are sons of Rama, representing the continuation of his lineage and the legacy of his reign. They were born when Sita was living in Valmiki Ashram.

Kusa- A son of Rāma, born in Vālmikī’s āśrama and brought up by the sage. Father of Atithi.¹ Ruled over Kosala kingdom from its capital Kuśasthalī .

Kuśa (कुश) is the name of a person created out of kuśa grass by sage Vālmīki, according to in the Kathāsaritsāgara, chapter 51. It is a strange story saying that the real Kuda was devoured by an animal in the forest and Valmiki created the second Kusa with the Kusa grass. In botany, the kusa grass is Poa cynosuroides.

***

Kumbhabishekam

Sanctifying ceremony  connected with the building, renovation or reconstruction of a temple and the installation of a deity.

Kumbhabhishekam) is , derived from kumbha (pot) and abhishekam (pouring). It involves sprinkling consecrated holy water from pots over the temple’s kalashas (spires) to rejuvenate the deity’s power, usually performed once every 12 years.

In Siva temples, it refers to a ritual that completes the transference of Śiva as deity manifest in the image. Accordingly, a series of rituals that animate, consecrate and install the image in the sanctum of the temple takes place.

They circumambulate the temple as a procession, accompanied by colourful umbrellas and fly-whisks, amidst auspicious sounds made by musical instruments and pronouncements. Before the Kumbabishekam , Yaga Salas/Fire pits are constructed and fire ceremonies are performed. It is a 40 day ceremony in big temples.

Madurai Meenakshi Temple Kumbabishekam, 1963.

***

Kusha-dvipa (Kuśadvīpa) is one of the seven cosmic continents (Dvīpas) in Hindu cosmology, often described in Puranic literature, including the Matsya-purana. It is characterized as a land filled with Kusha grass, surrounded by a sea of clarified butter (ghee), and inhabited by people who worship Vishnu in the form of Brahma.

Geography: It is named after the immense Kusa grass clump and is surrounded by the Ghṛtodam (ocean of ghee). It features seven prominent mountains (e.g., Vidruma, Hemasaila) and seven holy rivers (e.g., Dhutapapa, Siva).

Society: The inhabitants are divided into four classes: Damins, Susmins, Snehas, and Madahas.

Kings and Regions: The continent was ruled by Jyotisman, who had seven sons, giving rise to seven regions: Udbhid, Venumat, Svairatha, Randhana, Dhruti, Prabhakara, and Kapila.

Cultural Significance: It is described as a land of great beauty where the air is purified by the sacred grass, and the inhabitants are devoted to spiritual practices.

According to the Brahma Purana study on WisdomLib, it is the fourth continent in the Saptadvipa system, and its regions are often linked to interpretations of African and adjacent territories in some ancient geographic studies.

****

Kundalini

Kundalini is a form of dormant, primal energy located at the base of the spine, often described in Hinduism as a coiled serpent. Known as “Kundalini Shakti” or divine feminine energy, it represents creative potential that can be awakened through spiritual practices to travel up the spine, resulting in enhanced awareness, spiritual growth, and personal transformation.

Kuṇḍalinī (कुण्डलिनी) is explained in terms of kuṇḍalinīyoga by Lakṣmaṇadeśika in his 11th-century Śaradātilaka 25.64-65.—“(64) One should think of this kuṇḍalī, the chief queen of the great serpent awake in the root [cakra], as moving in the suṣumṇā, as quickly piercing through the group of ādhāras like a blazing lightning [bolt], as worshipping [her] husband with streams of divine nectar flowing from the lunar disc located in the etheric lotus, [and] as returning to [her] house.

Kuṇḍalini (कुण्डलिनि).— Tamil saint Pāmbāṭṭi Siddha, one of the most celebrated Tamil siddhas who largely deals with this Kuṇḍalini-yoga, refers the serpent to the Kuṇḍalini power, which passes one’s subtle body through six cakras. The serpent or Kuṇḍalini is also sometimes defined as ‘base fire’ (mūla kanal) in many of the Siddha’s songs.

Kuṇḍalinī (कुण्डलिनी).—How importance kuṇḍalinī is in the path or liberation is explained in Haṭhayoga Pradīpaka in the chapter samādhi. “When kuṇḍalinī is awakened through various means, one enters into the state of samādhi automatically. The one, who knows the path abandons all actions when his prāṇa enters into suṣumna (technically speaking it is through citriṇi-nāḍi, which is the inner most nāḍi in suṣumna. He is liberated when kuṇḍalinī enters into sahasrāra.”

Awakening Process: When awakened, this energy flows upward through the nadi channels and chakras, often feeling like liquid fire, electricity, or intense energy moving up the spine. It is a very risky procedure and those who do it without the guidance from a real enlightened soul, become mad.

to be continued………………………….

Tags—Kula devata, Kundalini, HINDU DICTIONARY IN ENGLISH AND TAMIL 48; இந்து மத கலைச்சொல் அகராதி-48

Written by London Swaminathan

Post No. 15,592

Date uploaded in London –8 April 2026

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

xxxx 

திருப்புகழில் அருணகிரிநாதர் சொல்லும் அரிய செய்திகள் Part 69

திருப்புகழில் அருணகிரி நாதர் சொல் அழகும், பொருள் வளமும்- Part 69

****

மகர முகர திமிர உததி உதரம் அது பீற … மகர மீன்கள்

உலாவுவதும், பேரொலி செய்வதும், இருண்டதுமான கடல் தனது வயிற்றின் உட்பாகம் கிழிய,

அயரும் அமரர் சரண நிகள(ம்) முறிய எறியும் அயில் வீரா …சோர்வடைந்த தேவர்களின் காலில் இருந்த விலங்குகள் உடைபடச் செலுத்திய வேல் வீரனே.

அறிவும் உரமும் அறமு(ம்) நிறமும் அழகும் உடைய

பெருமாளே. … ஞானமும், வலிமையும், தரும நெறியும், ஒளியும்,அழகும் உடைய பெருமாளே.

***

கோபியர் கதை

இது அகநானுற்றிலும் உள்ளதால் 2000 ஆண்டுகளுக்கு முன்னரே தமிழர்கள் நன்கு அறிந்த கதை ஆகும் .

குருந்தி லேறுங் கொண்டலின் வடிவினன் மருகோனே …

குருந்த* மரத்தில் ஏறியவனும் மேகவண்ணனுமான திருமாலின்

மருமகனே,குரங்குலாவுங் குன்றுறை குறமகள் மணவாளா … குரங்குகள் உலாவும் குன்றாகிய வள்ளிமலையில் வாசம் செய்யும் குறமகள் வள்ளியின் மணவாளனே,

திருந்த வேதந் தண்டமிழ் தெரிதரு புலவோனே … திருத்தமான

முறையில் வேதத்தை இன்பமான தமிழ்மொழியில் தேவாரமாக உலகோர் அறியத் தந்தருளிய (சம்பந்தப்) புலவனே,

சிவந்த காலுந் தண்டையும் அழகிய பெருமாளே. … செம்மை

வாய்ந்த திருவடியும் அதில் திகழும் தண்டையும் அழகு பொலிய விளங்கும் பெருமாளே.

* கோபியரின் சேலைகளைக் கவர்ந்து ஒளிக்க, கண்ணன் யமுனைக் கரையில் குருந்த மரத்தின் மீது ஏறினான்.

***

அகத்தியரின் தமிழ் டீச்சர் முருகன்

பட அரவில் சிறந்த இடம் இது எனத் துயின்ற பசு முகிலுக்கு

உகந்த மருகோனே … படம் கொண்ட (ஆதிசேஷன் என்னும்)

பாம்பாகிய படுக்கையை மிகத் தக்க இடம் இது என்று கொண்டு அதில் பள்ளி கொண்ட கரிய மேகம் போன்ற திருமாலுக்குப் பிரியமான மருகனே,

குட முனி கற்க அன்று தமிழ் செவியில் பகர்ந்த குமர குறத்தி

நம்பு(ம்) பெருமாளே. … அகத்திய முனிவர் கற்க*, அன்று தமிழ்

ஞானத்தை அவர் காதில் சொல்லி ஊட்டிய குமரனே, குறத்தியாகிய வள்ளி நம்பித் தொழும் பெருமாளே.

* அகத்தியர் சிவபெருமானை வணங்கி தமிழ் ஞானம் வேண்ட, அவர் முனிவரைத் திருத்தணிகை முருகனை அணுகுமாறு பணித்தார். அங்ஙனமே அகத்தியர் முருக வேளைப் பூஜித்துத் தமிழ் ஞானம் பெற்றார்.

***

எருமை மாட்டில்பவனி  வரும் எமன் ‘தர்மராஜன்’ !

பிராமணர்கள் தினமும் மூன்று வேளை செய்யும் சந்தியா வந்தனத்தில்  யமனைப் புகழும் வேத மந்திரத்தைச் சொல்கிறார்கள். அதில் யமனுக்கு வரும் பல பெயர்களில் ஒன்று தர்மன் ராஜன்!

கடை நாளே எருமையில் ஏறித் தருமனும் வாவுற்று … இறுதி

நாள் வர, எருமைக் கடா வாகனத்தில் ஏறி யமதர்மனும் வீட்டு வாசற்படி தாண்டி வந்து,

இறுகிய பாசக் கயிறாலே எனை வளையாமல் … அழுத்திக் கட்டிய பாசக் கயிற்றால் என்னை வளைத்து இழுக்காமல்,

துணை நினைவேனுக்கு இயல் இசை பாடத் தரவேணும் … உன்னையே துணையாக நினைக்கின்ற எனக்கு, இயற்றமிழ் இசைத்தமிழ்ப் பாடல்களைப் பாட வல்ல வரத்தைத் தந்தருள வேண்டும்.

***

முருகனுக்கும் மூன்று கண்கள்!

பகைஞர் படை வீட்டில் முதிய கனல் ஊட்டு பகரும் நுதல்நாட்ட குமரேசா -பகைவர்களாகிய அசுரர்களின் பாசறையில் முற்றியநெருப்பை ஊட்டுவித்த ஒளி விடுவதான நெற்றிக் கண்ணைக்*கொண்ட குமரேசனே

மறைகள் கூட்டி உரை செய் தமிழ் பாட்டை அடைவு கேட்ட முருகோனே -அருமையான வேத மொழிகளைச்சேர்த்து உரைக்கப்பட்ட (சங்கத்) தமிழ்ப் பாடலை(திருமுருகாற்றுப்படையை) முற்ற முழுவதும் கேட்ட முருகனே

கடலில் ஈட்ட அவுணர் தமை ஓட்டி அமரர் சிறை மீட்ட பெருமாளே.-அலை வீசும் கடலில் கூட்டமாய் இருந்த அசுரர்களை

விரட்டி ஓடும்படிச் செய்து, தேவர்களைச் சிறையினின்றும் மீள்வித்த

பெருமாளே.

* முருகன் சிவனது அம்சமே ஆதலால், சிவனைப் போன்று அக்னி உள்ள நெற்றிக் கண் முருகனுக்கும் உண்டு.

என்னுடைய கருத்து

முருகப்பெருமான் அக்கினி தேவனின் அம்சம் ; சிவனின் ஆறு தீப்பொறிகளில் தோன்றியவன்; அப்படிப் பார்த்தால் அக்கினியால் எரித்ததாகவும் சொல்லலாம்.

***

கடலின் மீது ராமனுக்கு கோபம்

வளையும் அலை கடல் சுவற விடு பகழி வரதன் இரு

மருதினொடு பொருது அருளும் அபிராமன் … வளைந்ததாக

உள்ள அலை கடல் வற்றிப் போகும்படி செலுத்திய அம்பைக்

கொண்டவனும்*, அடியார்களுக்கு வரங்களைத் தருபவனுமான திருமால், இரண்டு மருத மரங்களைத் தகர்த்து (கண்ணனாக) அருள் பாலித்த அழகன்,

வரி அரவின் மிசை துயிலும் வரத ஜய மகள் கொழுநன்

மருக … கோடுகளை உடைய (ஆதிசேஷன் என்னும்) பாம்பின் மேல் துயில்கின்ற வரதன், விஜயலக்ஷ்மியின் கணவனாகிய திருமாலின் மருகனே,

* கடற்கரையில் வருண மந்திரம் ஜெபித்தும் சமுத்திரராஜன் வந்து வழி விடாததால் ராமர் கோபித்துக் கடல் மீது பாணம் விட்டார்.

***

முயலகனை மிதித்த கதை!

உடலு(ம்) முயலகன் முதுகு நெறுநெறு என எழு திமிர(ம்)

உரகர் பில(ம்) முடிய ஒரு பதம் ஓடி உருவ முது ககன முகடு

இடிய மதி முடி பெயர … கோபத்துடன் வந்த முயலகன்* என்னும்

பூதத்தின முதுகு நெறு நெறு என்று முறிய, இருள் பரந்த நாக லோகமும் பாதாள முழுதும் ஒப்பற்ற அடி ஓடி உருவவும், பழமையான ஆகாயத்தின் உச்சி இடியவும், சந்திரனின் முடி நகரவும்,

உயர அகில புவனம் அதிர வீசி கடக(ம்) கர தலம் இலக

நடனம் இடும் இறைவர் மகிழ் கருத அரிய விதமோடு

அழகுடன் ஆடும் கலப கக மயில் கடவி … (நடனத்தின் போது)

உயரும் போது, சகல உலகங்களும் அதிர்ச்சி உறவும், வீசி கங்கணம்

அணிந்த கைகள் விளங்க நடனம் செய்யும் சிவபெருமான் மகிழும்படியான அழகுடன், எண்ணுதற்கரிய வகையில் எழிலுடன் ஆடுகின்ற தோகைப் பட்சியாகிய மயிலை நடத்தி,

நிருதர் கஜ ரத துரக கடகமுடன் அமர் பொருத

பெருமாளே. … அசுரர்களின் (நாற்படைகளான) யானை, தேர்,

குதிரை, காலாட்படைளுடன் போர் புரிந்த பெருமாளே.

* தாருக வனத்து முனிவர்கள் சிவனை வெறுத்து வேள்வி செய்தனர். பலி ஏற்க சிவன் அங்கு சென்றபோது, முனிவர்களின் மங்கையர் அவர் அழகைக் கண்டு மோகம் கொண்டனர். முனிவர்கள் கோபம் கொண்டு சிவனைக் கொல்ல

ஒரு கொடிய வேள்வியை ஆற்றினர். வேள்வியில் ஒரு புலி எழுந்தது. புலியைக் கொன்று அதன் தோலை உடுத்திக் கொண்டார். வேள்வியிலிருந்து பின் மழு, மான், அரவம், பூதங்கள், வெண்டலை, துடி, முயலகன் என்ற பூதம், தீ இவைகள் ஒன்றன் பின் ஒன்றாகத் தோன்றின. சிவன் முயலகனைத் தள்ளி மிதித்து நடனம் ஆடினார் .. சிவபுராணம்.

***

உடலும் மாமரமும் – நல்ல உருவகம்!

உடல் பற்றிப் பாடும்போது ஒவ்வொரு பாடலிலும் உடலை பல சொற்களால் வருணிக்கிறார்  இங்கே ஆதபத்தி (குடை) , மாமரம் என்கிறார்!

எழுபிறவி நீர்நிலத்தில் … ஏழு பிறவிகள் என்னும் நீர் கொண்ட

நிலத்திலே,

இருவினைகள் வேர்பிடித்து … நல்வினை, தீவினை என்ற வேர்களில் ஊன்றிக்கொண்டு,

இடர்முளைகளே முளைத்து வளர் … துன்பம் என்ற முளைகள்

முளைக்க வளர்ந்து,

மாயை எனும் உலவையே பணைத்து … பொய்த் தோற்ற

உணர்ச்சிகள் என்ற கிளைகள் செழிப்புற்றுப் பெருத்து,

விரககுழையே குழைத்து … காமம் என்ற தளிர்கள் துளிர்விட்டு,

இருளிலைகளே தழைத்து மிகநீளும் … அஞ்ஞானம் என்ற

இலைகள் செழிப்புடன் தழைத்து மிகப் பெரிதாகி,

இழவுநனையேபிடித்து … கேடு என்னும் பூ மொட்டுக்கள்

அரும்புவிட்டு,

மரணபழமே பழுத்து … இறப்பு என்னும் பழம் பழுத்து,

இடியுமுடல் மாமரத்தின் … கடைசியில் முறிந்து அழிந்து போகின்ற உடல் என்னும் மாமரத்தின்

அருநீழல் இசையில்விழ … அருமையான நிழல் அதன் பண்பிழந்து வீழ்ந்து போக,

ஆதபத்தி* யழியுமுன மேயெனக்கு … (உடல் என்னும் நிழல் தரும்

மாமரக்) குடை அழிந்து போகும் முன்னரே

இனியதொரு போதகத்தை யருள்வாயே … இனிமைதரும் ஒப்பற்ற

உபதேச மொழியை அருள்வாயாக.

***

காளீய நர்த்தன கதை !

தட மகுட நாக ரத்ந பட(ம்) நெளிய ஆடு பத்ம சரண யுக

மாயனுக்கு மருகோனே … விசாலமான மகுடங்களைக் கொண்ட, நாக ரத்தினம் உள்ள (காளிங்கன் என்னும் பாம்பின்) படம் நெகிழ்வு உற நடனமாடிய தாமரை அன்ன இரண்டு திருவடிகளை உடைய

திருமாலுக்கு மருகோனே,

சரவணமிலே உதித்த குமர முருகேச சக்ர சயிலம் வலமாய்

நடத்து மயில் வீரா … சரவணப் பொய்கையில் அவதரித்த குமரனே,

முருகேசனே, சக்ரவாள கிரியை வலம் வரும்படிச் செலுத்திய மயில் வீரனே,

—subham—

Tags- திருப்புகழில் ,அருணகிரிநாதர் , அரிய செய்திகள் ,Part 69, காளியன், கோபியர், ராமர் கோபம், உடல், ஆதபத்தி, மாமரம் , உருவகம் முயலகன் அகத்தியர், தமிழ் ஆசிரியர்